قصتي مع الاسقاط النجمي الجزء الرابع

...شديت الطريق عند الGاورية دزت لواحد سناك خديت العشآ ومشيت دخلت لقيتهآ شآدة داك الكتاب جالسين كنتعشآو سولآتني فين كنت قلت ليهآ عند الواليدة...شوية بقآت كتشوف فيآ قلت ليهآ مالك قالت ليآ البارح ماحسيتي بوالو قلت ليهآ لآ علآش قالت ليآ غير تفكر قلت ليهآ ماعقلتش قالت ليا فين نعستي قلت ليهآ خليتك فبيتك ومشيت نعس فصآلون حيت مجانيش نعآس..بدات كضحك قآالت ليآ سمعتك كتغوت فنعآس ضرباتني الفيقة وجيت نعست حداك ساعة ندمتيني قلت ليهآ علآش ندمتك قالت ليإآ كنتي كتحلم شآد شي وحدة وصدقتي شادني انا..درت راسي كنضحك وانا حقدت على راسي كيفآش انا نعست مع وحدة مريضة بسرطان ماحملتش راسي وانا آخر وحدة نفكر نقيسهآ هي ديك ختنا...دخلات ليآ الشك خفت لآ نكون تعآديت منهآ واكثريا داك المرض مقود بزاف الله يحفظ..موهيم تعشينا نضت باش نعس فصالون وهي فالبيت..عوتاني شي حاجة كتقرب مني وكتقيسني فعنقي بديت كنسرح فخيالي عوتاني ديك درية ديال ديما جاية جيهتي صآفي هاهي وصلات تكات عليا دازت واحد 10 دقايق واحد لحظة بحالآ وعيت قلت نحل عيني مع حليتهم شعري تشوك وقلبي بدى يضرب شفت مرا لابسة البيض تهزيت من بلاصة وتخبطت لصقت فلارض كنبغي نوض مكنقدرش كنبغي نذكر الله ونغوت والو لساني كيتقال كنتركل بوحدي داكشي بدا يشنقني تخنقت وطحت كومة ضرباتني الفيقة مع 2 ديال ليل لقيت لخرى حدايا شادة كاس ديال الما فيديهآ اعطاتني نشرب بقيت جالس شوية قالت ليا خصك داوا من هآدشي لآ يقتلك شي نهآر انا خايفة علك ووو..وانا ساكت من الصدمة شوية قالت ليا رتاح انا غنمشي نعس طفآت الضو ومشات دازت واحد 15 دقيقة وهي ترجع لقآتني باقي فآيق قالت ليا مجانيش نعآس جات تخشات معايا شوية بدات كتلآح عليآ (الGور مكيحشموش) بينت ليهآ بلي مباغيش وانا اصلآ منعسش مع وحدة.مريضة قالت مالك قلت ليهآ تال مرة خرى شوية قالت ليا بغيت نصآرحك بشي حاجة ولكن حتى ترتاح قلت ليهآ غير دوي ماشي مشكل شوية قالت ليآ انا مريضة بسرطان وخبيت علك حيت خفتك تخليني كيفما خلآوني والديإإ ولكن مقدرتش نبقى مخبية علك ونت لي عندي...ونت وقفتي معآيآ هآدشي خلآني نولي نبغيك ودابا نت لي عندي ودابا ملي قربت لك بنتي ليآ محاملنيش ولكن هانية من حقك متقربش لوحدة مريضة باقود الأمراض موهيم تصبح على خير..ومشات تنعس بقيت حتى داني نعآس الغد ليه فيقآتني...

تغدينا شعلت تلفلون لقيت 10 دليزابيل ديال ختنا لي كنت خديت نمرتها ودارت معايا باش تعطيني البلان...خرجت عيطت ليها قالت ليا نتلاقاو فقهوة فلانية قلت ليها واخا رجعت عند ختنا قلت ليها انطلع عند الواليدة ونرجع فليل قالت ليا واخا صافي خرجت مشيت تلاقيت مع ختنا فالقهوة جالسين كنهضرو شوية قالت ليا را خونا فاش رجعت بان ليا بحالا عاق بك عرفتي البلان ولكن متخافش راه قلت ليه غادي نجيبو..وقالت ليا بلي جاب واحد سنسلة وقفل قالينا باش غادي يحكمك..وراه اعطاني 800 درهم باش نعاونو...وراتها ليا..موهيم اعطاتني البلان كامل شوية قالت ليا سير غبر راسك من هنا را قاني علك مزيان على ود داكشي لي فك..قلت ليها صافي سيري حتى نعيط لك...مشات ومشيت فحالاتي عند الواليدة مريح كنفكر اش غندير شوية وانا نعيط ليه..سلام سلام..قال ليا فين غبرتي..غير هنا مع الواليدة مريضة شوية..مايكون عندها باس...الله يحفظك..ايوا راني محضر واحد زدحة عندي فدار بعد غدا وخصك تحضر اساط ضروري..صافي كون هاني امتى بعدا..بعد غدا وجد ليا راسك را كاين تيتيز وغنوضوها زهو بالبيان...صافي حيد حتى نتقاشعو..قطعت عيطت لخونا الغليظ قلت ليه نتقاشعو غدا عندي لك واحد البلان..قال ليا صافي نتقاشعو فالبلاصة فلانية..تعشيت مع الواليدة وتلاحيت نعس..انا فبيتي عوتاني نفس البلان ديال ديما ختنا جاية كتلمس ليا هاهيا عوتاني تكات عليا شوية ولات كتبان ليا وحدة خرا لابسة البيض ووجها مكيبانش بالشعر غادي كنهرب منها وهي تابعاني غادي كنجري وهي تشدني من شعري كتجرني عندها حليت عيني بانت ليا قدامي بصح شعري تشوك قلبي بدا يضرب بديت كنغوت وكنشكش وكنتركل الواليدة سمعاتني كنغوت فاقت مخلوعة وكتجري..مالك مالك بدات كتقرى القرآن زدت جهلت مشات تجيب الما صافي بردت سولاتتي ومخلوعة ياكما مسكون..لا غير كنت كنحلم بشي واحد بغى يقتلني وانا نغوت..شوف اخر مرة غنهضر معاك غدا رجلي برجلك عند الفقيه نعرف مالك حتى الداى خويتيها..واخا الواليدة..مشات تنعس..تكيت مجانيش نعاس شوية تفكرت الكاورية نسيتها..شوية وهي تعيط..الو مالك نسيتيني ولا شنو..سمحي ليا را الواليدة شداتني يكما كاين باس ؟ ..واش تقدر تجي ضروري باغاك مقدرش نعس..

..ولله معرفت منقدرش نخلي الواليدة..واش عندك شي مشكل...اه معرفتش مالي مقدراش نتحرك من بلاصتي (كتهضر بزز) مخنوقة باغة ناخد دوا ولكن تشللت مقدراش نتحرك..صافي واخا قطعي انا جاي..خرجت سديت الراب ومشيت عندها حليت الباب دخلت لقيتها مشيرة عوتاني كنفيق فيها والو تقول ماتت بقى ليا غير نبكي هبطت كنجري عند سانديك والو ماكينش لي يرحمك هزيتها خرجت شديت طاكسي ديتها ليرجونص...دخلوها شوية لحق عليا سانديك دخل عند طبيب قاليه درية فخطر تقدر تموت فاي لحظة وخص واليديها يحضرو ضروري سانديك عيط لواليديها قاليهم البلان باها شد طيارة ديك ساعة..شوية عيطات ليا الواليدة بدات كتغوت...وا الواليدة راني مع واحد الصديقة فسبيطار...اشمن سبيطار انا جاية..لا غير خليك انا نجي ونعاود لك كولشي..قطعت شوية خرج طبيب قالينا دخلو عندها..دخلنا قاليها سانديك را عيطنا لباباك على حساب العملية معجبهاش الحال بدات كتبكي جا طبيب قالينا خرجوها حيت مغنديرش فيها يدي الى محضروش واليديها صافي ديناها هاد المرة لدار سانديك باش يتكلف بيها هو..صافي الحمل خفاف عليا دابا خصني نسالي هاد الحبس بمرة..كانت ساعة 4:30 قرب يادن الفجر دزت من واحد سيكتور مارديتش البال بلي فيه جامع شوية بدا كيأدن غادي حتى ترفعت بوحدي جيت على راسي شدني الضو حتى سالا الآدان عاد طلق مني داكشي..نضت شديت الطريق وكنسوس الغبرة مشيت للدار الخرا جبدت عليها بنعسة حتال ديك 2 دوشت وتغديت عيطت للواليدة سولت فيها وشديت طريق عند سانديك قلت نشوف ختنا كيف بقات..لقيتها بيخير..بقيت معاها حتى لديك 4:30 خرجت عيطت لداك دري الغليظ..الو سيمو..اهلا خويا فينك..انا غندوز عندك شوف إيلا كانت زايدة عندك شي عدة (مضاية) حضرها ليا معاك ملي تكون جاي..اه موجودة انا نحضرها دابا ونجيبها لك للبلاصة فلانية...قطعت وتحركت للبلاصة المحددة شوية هاهوا جاي..

هاهوا جاي ومعاه 6 دراري ومعاهم داك خونا لي كلا العصى..داك نهار مريحين كنهضرو..قلت ليهم خونا غادي نحضرو ليكم وحتى انا باغي نفركعو ومن بعد تكلفو بيه..عاودت ليهم البلان زادو حقدو عليه قالو ليا نمشيو ليه دابا قلت ليهم لا انا غنعطيكوم البلان وطبقوه بالحرف..صافي واخا شنو البلان..جبدت تلفون عيطت للدرية جات عرفتها عليهم وعرفتهوم عليها...البلان لي غنديرو..انا والدرية غنكونو مع خونا فالدار فلانية..شوية غاتخرج عندكوم الدرية فالبلاصة فلانية بحالا باغين تكريسيوها ولكن نتوما تخباو باش خونا ميعيقش بلي الفيلم مخدوم وهي غادى تعيط لخونا غتقوليه را واحد خونا (لي هو سيمو الغليظ) واقف عليا مخلانيش ندوز بغى يشدني صحة..وخونا راه ملي غتعيط ليه غادي يجي مع هي ديجا قالت ليا بلي كيبغيها..وغانوض انا غنجي معاه غنكون وراه غادي نغدرو من لور ونتوما غاتخرجو وغنفركعوه وغنمشي فحالي ماشفتكوم ماشفتوني..صافي البلان واضح ؟؟ صافي سير عالله ..اعطيتهم الوقت المحدد..خونا جبد واحد 27 قال ليا هاهي الأمانة كانت مغلفة ببلاستيكة خديتها ضربتها فالشكارة جريت معايا درية وفرتكنا جوقة مشينا وحنا غادين وهي تقول ليا خايفة لا يعيق بيا ولا تصدقو قاتلينو..قلت ليها وانا لي كان قاني عليا يقتلني ؟ وهي تسكت..قلت ليها واش نعول عليك..قالت ليا اه صافي كون هاني..مشيت رجعت عند الكاورية لقيتها شوية رجع فيها الضو بقيت معاها شوية وتحركت للدار فطريقي تلاقيت مع ختنا لي كانت لاقاتني بداك خونا نهار لول السحار..سلام سلام..باقي عايش ؟..حتى يقتلني لي خلقني..مالك على هاد الهضرة..خليني نمشي راني زربان.. .هانية..هي غنتشاوفو غدا ؟..لاش ؟ كاينة زدحة عند خونا..اه حتى نشوف..غير جي عافاك عمرني طلبتك..ان شاء الله..مشيت للدار حطيت شكارة..

ريحت شوية وخرجت دزت لواحد سناك خديت العشا وطلعت عند الواليدة لدار الخرى تعشيت معاها وقلت ليها الواليدة غنسافر واحد اليومين وعندي يالاه 1000 درهم الى قدرتي تسلفيني شي حاجة زادتني 500 درهم سلمت عليها ومشيت قلت ليها بايت فالدار الخرى باش نفيق بكري..صافي مشيت طلعت للدار كانت 12 تقريبا دخلت ندوش تعريت بقيت غير بشورط كنتسنى ضورت شوفو كنتسنى الما يسخن قلت نتجنب المرايا منشوفش فيها ولكن مقدرتش واقف كنشوف وجهي فالمرايا وكنتفكر البلان ديالخونا حتى سهيت المرايا بدات كتجرني شوية بديت كنشوف درية خرى آية فالجمال واقفة ورايا لابسة دوبياس وحاطة يدها على كتفي كندور مكنلقى والو شوية بديت كنتيق بلي ديك درية حقيقية مبقيتش كندور ورايا شوية بدات كتعرى وانا سرحت بديت كنتلف شوية تعرات كاملة ماستحملتش حسيت بتروريشة واحد شوية حدرت راسي باش نحيد شورط حليت صدفة هزيت عيني فالمرايا لقيت مرا لابسة البيض شعرها هابط على وجها تخلعت ولكن هاد المرة ماحيدتش عيني بقيت كنشوف شوية هزات شعرها معندهاش عينين ولكن الفيزاج ديالها بحال الملامح ديال داك السحار بدات كتقرب مني حطات يدها على كتفي قلت راني غير كنتخيل ضرت نشوف لقيتها قدامي باش ضرت باش تهزيت تخبطت تنشرت فلارض شي 15 دقيقة وانا مغيب واحد لحظة حليت عيني لقيت راسي كيسيل دمايات والروبيني مطلوق فيضان فالطوليط سديت الما خديت واحد بلاصتيكة درتها لراسي باش ميوصلش الما لجرحة جالس كندوش بديت كنحس بالفيبرور حقدت شي سطولا كانو تما كاع فركعتهوم وكنغوت حتى من ديك المرايا قسمتها درت بناقص كاع من ديك تدويشة خارج كنقلب على بيطادين مالقيتوش زدت حقدت ضربت طاكية شوية الواليدة كتعيط الو مزال منعستي..يالاه دوشت وغنعس..راه عوتاني نفس الحلمة..شي وحدين بغاو يقتلوك هازين فرادى الله يرضي عليك دير بناقص من ديك تسافيرة را قلبي مارتاحش من جيهتك حاسة غتوقع لك شي حاجة..لا الواليدة متخافيش غنمشي وغنجي على خير غير دعي معايا..الله يرضي عليك اولدي ويلعد علك ولاد الحرام قطعات تلاحيت نعس..والو ماقدرتش نعس خديت تلفون كنت مبلي بأفلام القتيل والتقتيل ديال داعش وقطع الرؤوس وافلام الرعب بقيت كنتفرج حتى ضربات 3 عاد نعست الغد ليه فقت لقيت خونا مصوني عليا خرجت خديت واحد المرايا ركبتها لا تجي الواليدة تلقى دار مريبة ركبتها تغديت لبست هزيت شكارة..

جبدت ديك المضاية غلفت ليها القبضة بسكوتش شوية عيطت لخونا...الو لقيتك معيط ليا..اه وفينك مالك مكتجاوبش..يالاه فقت..وجد ليا راسك را القضية زاهية التيتيز والشقوفة والطروفة والقراعي..معاش..مع 6 تكون عندي..صافي كون هاني..عنداك تخوي بيا..واش ضروؤري نجي..وايلي اساط اش كتقول هادشي كامل علا قبلك..صافي واخا نردها لك فساعة الخير..قطعت شوية عيطات ليا الكاورية..الو جي عندي باغاك..قطعت وضربت ديك مضاية تحت سروال وشديت الطريق..مشيت شفتها بقيت معاها شوية عيطات ليا الدرية لخرى..الو شوف انا غادى نمشي دابا نتلاقاو عند خونا وعلم دراري يوجدو ريوسهم..قطعات بقيت مع ختنا حتى ضربات ديك 5:30 وخرجت عيطت لخونا الغليظ درت معاه يعلم دراري قال ليا صافي كون هاني قطعت شوية خونا السحار بدا يعيط..الو فينك اصاحبي..انا حداك هبط حل..هبط حل ليا وطلعت لقيت العدد تزاد..تزادو 3 دري وجوج دريات..موهيم تميت داخل بداو يعبرو فيا بشي شوفات ماشي تال لهيه موهيم سلمت عليهم وريحت جالسين مقصرين شوية مد ليا داك خونا كاس قلت ليه غا بصحتك وهو يمرض بدا يعرعر قال لخونا حنا باغين نزهاو نت جايب لينا واحد مريض بقيت ساكت مادويتش..شوية سبني وقفت كنت باغي نخلطو وهو يوقف جبد واحد الموس ضورت يدي بغيت نجبدها نضرب دينمو نقسمو ساعة قلت صبر حتى نخرجو جراتني الدرية وريحت نقز خونا السحار وهو يقوليه صبر مزال الحال..شوية قالينا تسناو انا جاي..جبدت واحد طريفة عدلتها وتكيفتها وخونا كيطلع وكيهبط فيا شوية بغى يطلعها عليا متمزكتش ليه شوية خونا وهو يشد واحد ختنا فالقنت شوية قالت ليا ديك درية اشنو دابا نمشي ولا بلاتي..قلت ليها بلاتي شوية رجع خونا السحار جايب واحد الكانيطات كولهم مسدودين إلا هاديك لي اعطاني مع مدها ليا قلت ليه يالاه مكيف وهو يمرض نقز قال ليا مالك غاتندمنا قلت ليه نمشي نتقود حسن تميت نايض وهو يوقف شدني قال ليا ريح ريح شوية دوا مع دوك جوج دريات ناضو مشاو بقينا ب5 شوية ناضو كاملين ناضت معاهم حتى الدرية لي معايا بقيت غير انا وواحد ختنا جديدة شوية وهي تجبد تلفونها قالت ليا كتب ليا نمرتك شوية بقات كاتدي وكتجيب فالهضرة كتعاود قصة حياتها تفارقت مع صاحبي ووو..شوية بدات كتلوح ليا ف بوكات وانا فهمت البلان طاير قلت ليها غا نوضي تقاودي ونوضي سيفطي ليا داك الزامل لي محرشك ..

يتبع