قصتي مع جارتنا

فواحد الصيف كنت يالاه ساليت القراية الدار دارو بلان باش يزوجو الخوادري الكبير وحيت العائلة بعيدة شوية فمراكش قررو باش يديرو العرس تما باش العائلة يقدرو حضرو كاملين ومنها نقربو ليهم موهيم هي هاديك أنا مكنتش باغي نمشي حيت ماعنديش مع بنادم ديال ابعائلة بزاف ومكنحملش داك الهراج ولكن حيت عرس الخوادري بززو عليا باش نمشي معاهم واخا انا كنت داير بروغرام اخر، ماعلينا حددو النهار لي غنسافرو فيه لمراكش باش نعرسو تما ومشينا وصلنا قادو كولشي داز العرس على خير النهار التاني دويت مع الواليدة بلي مامرتاحش للجو ديال تما وخصني نرجع لكازا خديت السوارت ديال دار جا دوا معايا الواليد قال ليا بلي غيبقاو تما شي شهر ونص تقريبا حيت الكونجي ديالو كيجيه فديك الفترة فكل عام وطلب مني نقاد شي حاجة فالدار لخرى ومنها نرد البال قلت ليه واخا شديت الطريق رجعت فحالاتي وصلت مع شي 11 ديال ليل لقيت عرس فالعمارة بنادم طالع هابط سلكت راسي من وسط الزحام ودخلت للدار دازت شي ساعتين تقريبا تفرتكات جوقة وكولشي مشى فحالاتو مريح كنفكر فشي بلان ندوز بيه ديك المدة لي الدار خاوية فيها، ماعلينا الغد ليه فقت مع ديك 12 خرجت نجيب الفطور صافي هي هاديك تميت راجع تلاقيت مع واحد ختنا فدروج تكون عندها ديك 22 تال 23 عام تقريبا وحيت انا حافظ جيران كاملين بقيت كنحمر فيها مزيان قلت ليها السلام ردات عليا عليكم سلام وطلعت فحالاتي ..

.. وراسي ضارني كنقول شكون هاد ختنا عندمن جات حيت مولف كل صيف كايجيو شي دريات للعمارة، الغد ليه صونا عليا واحد العشير باش نتلاقاو ومشيت تلاقيت معاه وقلت ليه يجي معايا باش نديرو عشاء مجموعين فالدار خاوية وفعلا داكشي لي كان تعشينا وخرجت معاه قدام الباب كنا داوين شوية ختنا فالله جاية طالعة مع دروج لقات باب العمارة مسدود سولاتني خويا نت ساكن هنا ؟ أه علاش ؟ الله يحفظك واش عندك ساروت حل ليا كنفكر نقول ليها لا ونجبد معاها الهضرة وتفكرت خونا لي معايا. قلت ليها أه عندي جبدت ساروت حليت ليها الباب قالت ليا شكرا وطلعات، مشيت مع خونا تال واحد القنت ورجعت فحالاتي وانا راجع هزيت عيني بانت ليا ختنا كاطل من شرجم فالطروازيام وتفكرت بلي ديك الدار ماليها باعوها شي شهر قبل مايسافرو الدار لمراكش ماعلينا غادي قاصد الباب باش نطلع حليت الباب يالاه بغيت نسدو قال ليا واحد خونا خليه محلول الله يحفظك. كنقول شكون هاد خونا عمرني شفتو هنا تكون عندو ديك 39 تال 42 عام ومعاه واحد المرا كبيرة تكون عندها ديك 48 وبان ليا محن مع واحد الفاليز (باليزا) قلت على وجه ديك المرا أجي نعاونو وهزيت الفاليز سولتو اشمن إيطاج قال ليا طروازيام هزيت الفاليز وطلعت سبقتهم وصلتها لطروازيام وانا نتلاقى مع ختنا فالله جاية جيهتي داكشي سبورتيف قالت ليا سمح لينا شقيناك معانا قلت ليها هانية وانا عينيا سارحين مع الهضاب الصدرية ديالها...

.. مع الهضاب الصدرية ديالها هي كادوي وانا سارح ضرت لقيت خونا وصل عندي صافي حطيت الفاليز جا بدى كيشكر فيا وانا حادر عينيا ومها كذلك بقات كادعي معايا صافي هي هاديك هوما دخلو وانا هبطت فحالاتي وراسي مخربق وكنقول داك خونا واش خوها ولا باها ولا شنو مشيت نعست الغد ليه ضرباتني الفيقة مع ديك 11 جيت كنطل من شرجم وعينيا مسدودين بنعاس وانا نقشعها هبطات من واحد طوموبيل هي وخونا كانو كايجريو حيت كانو لابسين سبورتيف رجعت كملت نعاسي وصلات لعشية طلعت لسطح كان واحد البارفيكس تما كنتريني فيه مرة مرة واقف تما وكنخربق فتلفون هزيت عيني بانت ليا ختنا فالله كتنشر فالحوايج هي مشافتنيش كانت لابسة واحد الميني شورط وتيشورت درت راسي ماشفتهاش وبقيت جاري معاها بنص عين شوية مشيت لواحد القنت كنطل قلت لاتقول هاد خونا حاضيني ودرت راسي مشفتهاش ضرت لقيتها كتشوف جيهتي ضحكت وقلت ليها سلام من بعيد بقيت واقف كنقول نمشي نوقف عليها واخا ناخد غير نمرة بقيت شي 5 دقايق وانا عاطيها بالظهر وكنفكر نمشي ولا منمشيش قلت صافي نمشي عندها وسبحان الله يالاه ضرت تلفوني بدى يصوني يالاه جبدتو هزيت عيني بان ليا خونا فالله طالع للسطح عند ختنا ضورت وجهي جاوبت لقيت الواليدة لي معيطة بقيت داوي معاها شي قسمين وكنتساهم غير يهبطو وكنقول مع راسي كون وقفت عليها ولقاني خونا فين غانوليو..

..فين غانوليو، قطعت مع الواليدة بانو ليا باقين كينشرو ومعطليت قلت نهبط تميت غادي هابط فجروج تلاقيت سانديك عطاني شي وراق كنا كنتناقشو شوية ختنا هابطة مع خونا قال لينا سلام وهبطو وبقيت داوي مع خونا سانديك شوية مع هو زهواني شوية بالضحك قال ليا هادي ديالك غير إيلا مبغيتيش قلت ليه كتسطى عليا وبدى يضحك درت راسي معارفهمش وبديت كنقلقل فيه قلت ليه شكون هادو قال ليا هادو سكنو جداد بلاصة فلان فلاني لي كان فوق منكم فطروازيام قلت ليه واش داك خونا باها واخا كنت شاك وهو يصدمني قال ليا راجلها ويالاه تزوجو ماتيقتش آو هو كبر منها بضوبل ديال عمرها تقريبا قال ليا اللعاقة لي كادير داكشي حيت هو أستاد فشي قنت ولا ماعرت ليه، طيح ليا لمورال ولد الحرام ملي قال ليا راجلها شوية قال ليا شتك معجبكش الحال ياكما ؟ ياكما عينك فيها أمسخوط ؟ الله يهديك أسمحمد السيدة براجلها، بدى يضحك شديت الوراق وهبطت للدار وجدت واحد الكاسكروط وخرجت تقهويت مع واحد العشير ورجعت هزيت عينيا بانو ليا ريدوات هابطين الغد ليه ختنا مابقى بان ليها أثر شي 5 ايام تقريبا وهوما مكاينينش النهار السادس خارج كي العادة نجيب الفطور حتى وقفات واحد طوموبيل kia صغيرة حدانا مارديتش لبال غادي طالع حليت لباب ضرت لقيت ختنا جاية ورايا تميت غادي متمزكتش ليها بانت ليا مزروبة خويت ليها طريق قالت ليا سلام سمح ليا..

قالت ليا سلام سمح ليا وطلعات وطلعت فحالاتي فطرت وريحت كنتفرج شوية كنسمع شي حد كيصوني نضت حليت الباب نشوف شكون لقيتها هي كنقول فخاطري هادي مالها، سولتها قالت ليا الله يحفظك بغيتك تركب ليا البولة ديال الضو قلت ليها واخا لبست صندالة وتبعتها هي سابقاني فدروج وداكشي كيتهز قدامي هههه كنقول الله يسلك هاد نهار على خير دخلت كنتسنى وحادر راسي جابت ليا لبولا قالت ليا ركبها ليا فطواليط جبت كرسي وطلعت ركبتها شوية جبدات معايا الهضرة قالت ليا سمح ليا ديرونجيتك حيت راجلي مسافر ومكنعرف حتى حد فهاد العمارة قلت ليها هانية ماشي مشكل حتاجيتي أي حاجة أنا غير فدار وهبطت فحالاتي الغد ليه تاني كنت خارج جاي راجع لقيتها واقفة قدام الباب كتسنى شي حد يحل ليها حيت معندهاش ساروت ومعاها شي جوج براهش هازين ليها بوطة قلت ليهم غا سيرو انا نطلعها طلعت ليها بوطة قالت ليا واش تعرف تركبها ليا قلت ليها واخا وركبتها ساليت قالت ليا جلس تشرب شي كاس ديال أتاي قلت ليها الله يبارك فيك غادي مزروب شوية سولاتني على سميتي قلت ليها فلان ونتي قالت ليا فلانة وبالضحك قلت ليها زعما ماتعطينيش نمرتك بدات كضحك باش منحرجش راسي قلت ليها غاكنضحك معاك وهي تجبد تلفونها قالت ليا قول نمرتك انا نصوني لك عطيتها نمرة وهبطت فحالاتي جالس كنتفرج شوية صونات ليا قالت ..

..هانمرتي قيدها عندك ويلا حتاجيتك ولا خصاتني شي حاجة غادة نعيط ليك، واخا مرحبا. قطعات ودخلت نمرة وصلات لعشية خرجت جبت ضويرة من براا ورجعت تعشيت وتلاحيت نعس جالس مكونكطي فواتساب طلعت نمرتها بانت ليا أون لاين قلت نسيفط ليها ميصاج ونشد معاها ستون وقلت تاني بلا ماندصرها خليها ايلا بغاتني غادوي معايا هي صافي هي هاديك دازت شي نص ساعة وهي تسيفط ليا ميصاج فيه: سير تنعس قلت ليها باقي سهران قالت ليا مع المادام زعما قلت ليها لا غا مجانيش نعاس موهيم بقينا داوين وتعرفت عليها بانت ليا من داك نوع المطلوق سولتها فين راجلك ؟ مكاينش خدام مديبلاصي مع واحد شركة لطنجة..واش ديما؟..لا غير شهرين..اه وديك ساعة بقاي عند الواليدة تايرجع..لا لا كنبغي نرتاح بوحدي راك عارف..اه..ونت عايش بوحدك ؟..لا غير دار مسافرين..اه مزيان..وي..عرفتي مخلوعة ممولفاش نبات بوحدي ههه..نجي نونسك ؟..هههه كون تحشم..غير كنضحك..ضحكك باسل ههه..متفهميهاش فشكل..لا عادي والله راك مونسني نيت دخلتي ليا لخاطري خود راحتك..الله يحفظك..ايوا قول شي حاجة..انا غادي نعس تال صباح..ياك وتخليني بوحدي..وقلت لك نجي نونسك مبغيتيش..وصراحة ماشي مبغيتش..وشنو..غير مخلوعة شوية وباقة يالاه عرفتك..مناش خايفة..لايوقع شي مشكل ونولي فشي صداع..بحالاش هاد صداع..صافي نسى...

..صافي نسى..أوك بونوي..تقلقتي؟..علاش غنتقلق بالعكس غير بغيت نعس فايق بكري..واخا تصبح على خير..الغد ليه ضرباتني الفيقة مع ديك جوج تغديت وخرجت مشيت للدار لخرى باش نجيب شي فلوس ديال الكراء وصاني عليهم الواليد رجعت مع ديك 6 يالاه طالع مع دروج تلاقيت مع مها هابطة قالت ليا السلام السلام وهبطات هزيت عيني بانت ليا ختنا كتشوف فيا من الفوق طلعت دخلت للدار دوشت ووجدت لعشا ديالي ومريح كنتفرج شعلت كونكسيون لقيت ميصاج ديالها..قول غير سلام..مشفتكش يالاه دخلت..داوية على كبيلة فدروج..وراه كانت ماماك هابطة..اه ماعليش فين شادها..غير هنا..كاين شي عشا نجي نتعشى..مرحبا ولكن نتي لي درية غاتكوني موجداه وخصك تعرضي عليا..طلع عندي تعشى والله مرحبا بيك..شكرا بصحتك..معاك بصح طلع..مجاتش..علاش مجاتش اش فيها..جيران راك عارفة..اه بصح. قطعت معاها للهضرة حتى ضربات ديك 12:30 وهي تسيفط ليا ميصاج: مالك ساكت..والو غير كنتفرج فواحد الفيلم..فيلم ديالاش نجي نتفرج معاك..ههه أجي مرحبا..أجي نتا لي دري أنا غير درية..حشومة..علاش حشومة..وراجلك..صافي غتبدى تاني لاهما سكت..ومالك تقلقتي..والو..وصافي ماقصدت والو أبنادم..ولاش كتقوليا راجلك..قلت زعما لايجي على غفلة..لا والله غير أجي طلع عندي ونسني..أوك حلي الباب باش نجي ندخل نيشان أنا قسمين نكون عندك..

..قسمين نكون عندك..صافي هي هاديك طلعت لقيت لباب شبه محلول دفعتو ودخلت لقيتها واقفة حدا لباب سداتو وشعلات الضو، ختنا لابسة شورط وتيشورت قلبي بدى يضرب ماعرفت مانقول قالت ليا زيد دخل مالك حشمان قلت ليها لا غير مامولفش نمشي عند بنادم باش منبينش ليها صافي هي هاديك مشات تشعل تلفازة شو زهر دينمو كيداير سينيال مكاينش جاب ليا الله بحالا دارتها بلعاني قلت ليها انا غنصايبها ضاربت معاها حتى عييت مبغاتش وطفيتها وبقات كتشوف فيا قالت ليا: هي أش؟..كيفاش..اش غانديرو دابا..معرفتش..قالت ليا اجي لصالون نضت وانا متردد قلت ليها غانمشي فحالاتي..علاش مالك؟ مقلقاك شي حاجة؟..لا غير ممرتاحش وصاف..وصافي اجي نجلسو هنا وغادي ترتاح را غير حيت ماولفتيش. شدات يدي وجراتني وجلسنا فواحد الفوطوي شوية بدات كتعاود ليا على شي مشاكل وقعو ليها وبلي تزوجات بداك خونا حيت كانت مقودة عليهم..الخ دازت شي نص ساعة بقينا كانديو ونجيبو فالهضرة شوية شدات ليا يدي كتلعب بيها شوية تاني تكات عليا راسها. قلت صاف هادي معولة على خزيت وحسيت براسي غانولي مقودها، بدات كادير شي بلانات يعني كولني بالعربية ماعرفت ماندير قلت ليها بغيت نشرب قالت ليا تسنى نجيب لك ناضت وانا واحد راس كيقول ليا هبط تقاود لدار وواحد راس كيقول ليا كربلها شوية رجعات جابت الماء شربت وهي تجلس فوقي..

..جلسات فوقي حكماتني وانا ماعرفت ماندير حتى من الهضرة تقطعات فيا قلت ليها ماجيتش على هادشي قالت ليا غا بالضحك مالك نت ماشي راجل..لا راجل..كتبان ليا بحال شي دري صغير بهضرتك، عقت بيها بغاتني نكربلها بأي طريقة ماحسيتش حتى لقيت راسي مزنطط تلفت شديتها خبطتها ساليت طلع ليا دم ضربات ديك 2:30 هبطت فحالاتي دوشت ونعست فقت فصباح فطرت وجالس كنتفرج تال ديك العشية عيطات ليا فتلفون..ألو..لاباس عليك..مالك ياك لاباس..والو باس بغيت غير نسول ياكما مريض..لا..وموهيم خصاتك اي حاجة فلوس لي خصاتك قولها ليا متخممش..الله يبارك فيك..مالك محاملش دوي معايا؟..لا غير عيان شوية..أه قول ليا نديرو شي خرجة؟..ممساليش..اه واخا، قطعت معاها الهضرة شي يومين النهار 3 جات عندي لدار مع ديك 12 دليل على غفلة خفت يشوفها شي حد حليت ليها ودخلات..مالك..والو مقدرتش نعس بوحدي..وغير علميني فتلفون لاش هاد شوهة كون شافك شي حد..كون علمتك ماغديش تبغيني نجي..علاش ماغنبغيش..صافي راني عارفاك طلع لك دم من لبارح ماعلينا را جبت معايا لعشا..صافي هي هاديك تعشينا جالسين كنتفرجو وصلات ديك 1 قالت ماغديش نعسو، شديتها تاني خبطتها الغد ليه كنت غادي خارج وانا نتلاقى مع سانديك وهو يقول ليا شنو زعما متعرضش علينا نزهاو معاكم..كيفاش اسمحمد..ختنا لي كنتي مطلعها لدار لبارح مع 12..

...ختنا لي كنتي مطلعها لدار لبارح مع 12..شكون..شوف نت..مفهمتكش اش باغي تقصد..اش بغيت نقصد لك را مرت راجل هاديك..اه..وجمع راسك أولدي هادشي مايبغيه لا الله لا عبدو..واخا. مشيت فحالاتي لواحد القهوة جالس كنفكر فهاد خونا فمو كبير باش غنفاريها معاه قبل مايصدق موصلها لواليد، شوية رجعت فحالاتي الغد ليه كنت طالع للسطح غا بالصدفة بان ليا شاد مع ختنا الهضرة درت راسي معيط ليا شي حد وهبطت فحالاتي دازت واحد نص ساعة تقريبا وهي تعيط ليا فتلفون..ألو..وي..لاباس عليك..حمدلله..تقدر طلع عندي دابا ؟..لاش..بغيتك تصايب ليا شوفو باغة ندوش..ممساليش دابا..عافاك ضروري والله معولة عليك..واخا انا طالع..طلعت ركبت ليها الحجر للشوفو يالاه بغيت نهبط وهي تجبد معايا الهضرة على سانديك..مالو..كيبان ليا عينو فيا ولا ماعرت..علاش اش قاليك..والو غير كل مرة شافني فسطح كيجي عندي كيبدى يجبد معايا لهضرة بزز. صافي هبطت فحالاتي وانا نتلاقى معاه..شنو مبغاش يهديك الله أفلان..علاش اسمحمد..زعما دوينا معاك السيدة را براجلها..السيدة عيطات ليا نصايب ليها شوفو وصايبتو ليها شنو بغيتي اخر نقوليها لا..انا لي سانديك ماشي نت..وسير عندها لاش كتقول ليا هادشي انا ؟..أولدي الله يهديك دير عقلك هادشي غير لمصلاحتك..اودي مكاين ماحسن ايلا ديتيها فراسك شوية. هبطت فحالاتي فالليل وهي تعيط ليا..

يتبع