قصتي مع الاسقاط النجمي الجزء الثاني

وصلنا لواحد البلآصة صونات عليه فتلفون جاوبهآ قآليهآ نتلآقآو فالبلآصة فلآنية من بعد نص سآعة موهيم مشينا سبقناه الدرية بدات كتصبرني كتقول ليآ أنا مسكونة قبل منك ولكن انا كنستحضر الجن كيقضي ليآ مصآليحي وبلي شي واحد كان عندهآ معآه حسآب سيفطات ليه جن صفآتهآ ليه فلحظة بقآت كتعآود ليآ شوية هآهوا خونا جاي وصل عندنا سلم عليآ هو ماشي شخص عآدي (طويل ورقيق بزاف شعرو طويل بحال ديال العيآلآت وجهو كامل عظوما عينيه خارجين واشم لحمو كامل برموز وكلمات غريبة) (هآدشي كامل حيت هو مسيحي وأكبر مستحضري ومسخري الجن والشيآطين الضعف الجسدي لي فيه سبابو هو داكشي لي ساكن فيه) وقآلت ليآ درية بلي ساكنو أكثر من جن، موهيم سلم عليآ بقى كيشوف فيآ شوية قآل ليآ نوع الجن لي تأثري منو هو الجن العآشق وأخطر الأنواع على حساب مآقآل وقآل ليآ متخآفش أنا غنعآونك ولكن صبر عليآ واحد اليومين حيت مشغول دابا ورآه غير حيت جيتي مع درية على وجهآ غنعآونك..موهيم دار معآيآ من بعد يومين نتلإقآو...

من بعد يومين صآفي مشيت فحالآتي فطريقي تصآدفت مع ديك الGآورية مادويتش معآهآ تبعآتني قآلت ليآ نهضر معآك وسير ديك سآعة قلت ليهآ اش عندك.متقولي ليآ بنادم لحتيني فحفرة وعطيتيني بالظهر قآلت ليآ لآ خفت عليك وووو وراه الدراري قآلو ليآ بلي مشيتي مع ختنآ عند خونآ بآش يشوف معآك..قلت ليهآ قآد برآسي تميت غآدي تبعآتني قآلت ليآ را غيقتلوك هدآك را استغلآلي كون مكانش بآغي مصلآحتو فيك والله مايعبرك ولآ يعطيك وقت...قلت ليهآ اشمن مصلحة عندو فيآ ورآه صآحبتك لي داتني عندو قآلت ليآ رآه خرج لشحال من واحد على حياتو وهآديك ماشي صآحبتي غير كنعرفهآ وهي لي كتجيب ليه بنادم...قلت ليهآ فوتيني عليك وضربي على هآد الكمارة..مشيت فحآلي ولكن ديك الكلمة ديآل غآيقتلوك بقآت كآضور ليآ فرآسي...ليل تاني الرعب والمعآنآة موهيم وصل الموعد المحدد تلآقيت مع ختنا بآش نمشيو عند خونا..مشينا تلآقينآ معآه دخلنا لواحد الدار معزولة شوية موهيم دخلنا ب3 قآل ليآ ريحو واحد قسمين ونرجع ناض شوية ناضت ختنا تبعآتو...دازت قسمين هآهوا رجع جايب الماطريال (الشمع إلى آخره) سد شراجم مضويين بالضو ديآل الشمع رسم لعيبآت قآل ليآ ريح بلآ ماتغمض عينيك بلآ والو ريح وشوف فعيني شوية بدى كيهضر بوحدو شوية جبد واحد الكتآب جبد منو واحد الورقة مكتوب فيهآ شي عجب ومكتوبة بالصمغ والدم (الصمغ ديك المادة لي كتكون فالودن) حطهآ الوسط بيني وبينو بدى يقرا يقرآ شوية بديت كنجاوبو بواحد اللغة لآ يعلمهآ إلآ السحرة ومسخري الجن موهيم غيبت كيف العآدة من بعد هضر معآيآ قآل ليآ بلي مسكون وداكشي باش مسكون يقدر يقتلني في حالة تقربت من القرآن ولآ حاولت ندير شي حاجة ضدو ومعمرو مآغيخرج مني إلآ فواحد الحآلة قلت ليه شنو هي قآل ليآ خصك دبح شي واحد وتجيب ليآ راسو...صدمني قلت ليه خليني نموت حسن مانقتل بنادم قآل ليآ را حيآتك هآدي خصك تكافح على ودهآ وبلي شي صآحبو وقع ليه نفس البلآن وقتل شي واحد باش يلبي الطلب ديال داك الجن بآش يخرج منو...موهيم بقى عليآ بهآد الهضرة حتى قنعني ولكن انا كنقول آشمن حياة هآدي غنشريهآ بحيآة ناس خرين...خرجت قصدت واحد الكوان بعيد بقيت مريح بوحدي كنفكر فهآد الحريرة ودموع الندم كتسيل بحر من عيني...

...جالس بوحدي كنفكر آش غندير ريحت حتى وصلات ديك 6 ديآل لعشية تحركت فحالآتي مشيت لدار جالس كنخمم كنقول إلى كاع كنت غنقتل شي واحد شكون هذآ لي غنقتلو أول من طاح ليآ فدماغي هو ديك الGاورية عيطت ليهآ قلت ليهآ خصني نشوفك ضروري قآلت ليآ دوز عندي انا غير فالدار (عآيشة بوحدهآ) بدلت حوايجي ومشيت وديجا عندي واحد الموس صغير للأوقآت الحرجة نظرا لوجود ولآد العآهرات فكل مكان من هآد البقعة (سمحو ليآ تعصبت) موهيم مشيت عندهآ حلآت ليآ دخلت ريحنا كنهضرو شوية سولآتني على خونا عآودت ليهآ البلآن بلي خونا طلب مني راس مقطوع (صحاب الميطاهيد كيعرفو هآد لعيبة فآش شي واحد كيبغي يتزعم شي كليكة خصو يقطع راس ديآل واحد خر هآدشي فالدول الغربية وديجآ وقعآت هنآ فالمغرب) موهيم عآودت ليهآ الفيلم قآلت ليآ وشنو غآدير دابآ قلت ليهآ مآعرت قآلت ليآ غآتقتل شي واحد بقيت سآكت واحد الراس كيقول ليآ نوض دوز عليهآ (الشيطان وقت الضيق) شوية قآلت ليآ خونا راه بغى يستغلك هو بآغيك تجيب ليه راس بآش يقدر يستحضر الشيآطين وبآش زآدت صدمآتني قآلت ليآ هو من عبدة الشيآطين قآلت ليآ شنو درتي معآه قلت ليهآ والو قآلت ليآ داكشي لي قآلك كدوب بغى يديرك قنطرة بآش يوصل لمصلآحتو قآلت ليآ سير نتلآقآو غدا ونمشيو عندو...مشيت فحالآتي جا ليل كنت فالدار لخرى خاوية ساكن فيهآ بوحدي قلت بآش ميعيقوش بيآ الدار موهيم وصل ليل ريحت نتكى شوية داني نعآس واحد لحظة حليت عيني فسقف كنشوف شي حاجة بيضآ من قوة الخلعة طحت من فوق سداري وبلآ مانشعر بديت كنغوت نضت كنجري نشعل ضو زلGت كنشوف داكشي جاي قآصدني شي حاجة قرصآتني فرجلي شدني الضو شي حاجة شآنقة عليآ مقآدرش نتنفس حتى حليت عيني فصبآح لقيت راسي مشير وسط الصآلون .. دازت 15 دقيقة تقريبآ صونأت عليآ الواليدة جاوبتهآ...ألو ولدي كيف داير لآبآس عليك قلت ليهآ لآبآس الحمدلله شوية قآلت ليآ حلمت واحد الحلمة مقدرتش نعس ليل كامل وانا خآيفة حسيت بك وقعآت لك شي حاجة قلت ليهآ لإ بيخير آلواليدة متشطنيش بآلك رآني بيخير (الأم كتحس رغم البعد سبحآن رب الخلق لي ماتت ليه الله يرحمهآ فهآد نهآر) غسلت وجهي فطرت وتغديت ريحت كنتفرج شوية عيطات ليآ ختنا لخرى لي داتني عند داك المسيحي السحار داك راس الحمار جاوبتهآ قآلت ليآ نتشآوفو فالبلآصى فلآنية لبست ومشيت عندهآ للبلآصة ..

....عيطات ليآ ختنا لخرى باش نتلآقى معآهآ فالبلآصة فلآنية وأنا ديجآ داير مع الGآورية عيطت ليهآ قلت ليهآ غنتلآقى مع لخرى مآعرت شنو بغآت قآلت ليإ سير تلآقى معآهآ وغآنخلط عليك لعندهآ...وفعلآ داكشي لي كان مشيت تلآقيت مع ختنا..كنهضرو شوية قآلت ليآ اش درتي فالبلآن..قلت ليهآ هدشي عآدي فنظرك نقتل واحد ونقطع ليه راسو بآش نجيبو لهآدآك ويداويني..قآلت ليآ را حياتك هآديك وراه سيفطني عندك هو قآل ليآ بآش نقولك تسربي حيت هو ديجا دار موعد مع داك الجن وخصك تسربي ووو ...كادخل وكتخرج فالهضرة...قلت ليهآ وفين غنلقى هذا لي غنقطع ليه راسو..قآلت ليآ نمشيو لواحد الدرب كاينة واحد درية كتمشي مع أي واحد (عآهرة) قآلت ليآ كاتفسد إلى آخره ورآه هي اصلآ تستآهل تموت وو ونت كتجآهد وراك معدور ونعآونك كاع نعطيك سوارت ديآل لوكال حتى تقضي الغرض ونجي نعآونك..شوية جات الGاورية نوضآتهآ معآهآ قآلت ليهآ بآغين تستغلوه بآش يجيب ليكم راس ديآل بنادم موهيم بقآت كتعطيهآ فالعصير ختنا الخرى سكتات قآلت ليهآ بغيت غير نعآونو ووو...قآلت ليهآ لو كان الراس ينفع نقطع راسي أنأ لي غرقتو فهآدش ونداويه ...جريت معآيآ الخرى ومشينا بانت ليآ كرمات بالعصب وصلتهآ لدار ومشيت فحالآتي فالطريق عيطات ليآ نمرة بريفي بقآت كتصوني المرة الخآمسة لي غآيصوني جآوبت...دوا معآيآ واحد خونا معرفتوش فلول حيت معندوش نمرتي..(ديك العآهرة اعطاتهآ ليه) قآل ليآ غنقولك جوج كلمات نت كتعرفني مزيان اش كنسوى واش نقدر ندير بلآ منقرب ليك قلت ليه شنو بغيتي من لخر قآل ليآ غآتجيب داكشي لي قلت لك بالخآطر ولآ والله حتى غآنصفيهآ لك نت وديك ختنآ لي عمرات لك راسك غدا سير شوفهآ وغآتعرف بلي مكنضحكش معآك...فطعت عليه ومشيت فحالآتي عوتاني الليل عشت فالرعب ديال ديما حتى من الدار ولآت كتبآن ليآ مسكونة الضو كيطيح بوحدو كنسمع شي حاجة تهرسآت فكوزينة كانوض مكنلقى والو كنتخيل خليت الباب محلول كنوض كنلقآه مسدود...العداب ديال بصح كيوصل ليل كنتقهر عكس النهآر كنتمنى غير يطوال النهآر...الغد ليه ورا الغدا عيطت لديك مكتجاوبش شي عشرة المرات والو مكتجاوبش قلت نمشي عندهآ لدار لبست وخرجت ..

وتحركت عندهآ للدار كندق وكنصوني والو حتى واحد ماكيجآوب سولت العسآس قلت ليه فلآنة قآل ليآ موحال واش كاينة قلت ليه كانت معآيآ غير البآرح مشى بق كايدق حتى عيآ والو بان ليآ حل واحد هو نطلع من لآكاب قلت ليه جيب ليآ سلوم أنا نطلع قآل ليآ ميمكنش حتى يحضر سانديك مشيت كنقلب على السانديك حتى لقيتو عآودت ليه البلآن بلي ختنآ كانت معآيآ وكانت مريضة ودابا را كنعيط وكندق عليهآ مكتجاوبش بآش يعآوني قال ليآ واش نفرعو البآب قلت ليه جيب ليآ سلوم انا نطلع من شرجم...موهيم قنعتو سيفط العسآس يجيب السلوم جابو طلعت دفعت زاجة برجلي ودخلت لقيت ختنا منشورة وسط الدار وعريانة والدار كاملة مقربلة وداك الكتاب مرمي فجهة وهي فجهة قلبتهآ مآعرفتهآ ميتة ولآ حية من قوة الخلعة الحاجة الوحيدة لي رديت ليهآ البال أنه وجهآ زرG ومكمش ويديهآ ورجليهآ كارمين بحال شي واحد كارم بالعصب موهيم جمعت داك الكتاب ضربتو تحت السروال هو وواحد الحجرة راهآ باقة عندي لحد الآن من بعد ونصورهآ ليكم إلآ بغيتو موهيم جمعت داكشي لآ يلقآوه ويصحبوهآ سحارة عيطت لخونا قلت ليه عيط لومبيلونص قآل ليآ هزهآ وهبط نديوهآ فطوموبيلتي...وفعلآ داكشي لي كان لبستهآ واحد سورفيط هزيتهآ هبطتهإ ودينآهآ ليرجونص...بقينا كنتسناو شحال شوية سانديك قآال ليآ نمشي نقضي غرض ونجي...بقيت بوحدي شوية خرج واحد طبيب قآل ليآ واش ختك ولآ اش كتجيك قلت ليه صآحبتي قلت ليه اشنو عندهآ قآال ليآ راهآ دابآ شوية ولكن خصني نشوف والي أمرهآ قلت ليه مكينينش هنا قآال ليآ ولي الأمر ضروري يحضر سولني واش نقدر نضمنهآ...شفت تا عييت قلت ليه انا نضمنهآ شوية قآال ليآ اجي معآيآ مشيت معآه لواحد القنت...قآال ليآ را ختنا تصآبت بصدمة وماشي أي صدمة قآال ليآ واش كتمارس شي حاجة بحال السحر او شيء من داك القبيل قلت ليه لآ.. شوية قآل ليآ بلي ديجا عندهآ مرض سرطان على مستوى الدمآغ...تصدمت..قآال ليآ خص يحضرو والديهآ راهآ مسألة حياة او موت فغيآب والديهآ خصك تكون الأب والأم والصديق حيت هآد المرض اكثر حاجة كتأثر فيه هي الوحدة والعزلة ويمكن يوقع ليهآ نزيف دماغي وتموت فأي لحظة وأنت قلتي ليآ بلي غآدي تضمنهآ...مشى...بقيت مصدوم وحق رب ماتيقتش ...

...بقيت مسمر تما حتى جا خونا سانديك قلت ليه شنو كاين قآل ليآ راه فراسي بلي هي ديجا مريضة بسرطان قلت ليه انا مفراسي والو قآال ليآ هي مكتقولش لبنادم بآش مايبعدوش منهآ...موهيم خفآف عليآ الحمل شوية، قلت ليه را الطبيب قآل خص يحضرو والديهآ ضروري قآل ليآ كون هآني انا غنعيط ليهم...رتاحيت من هآد الناحية...جا الطبيب عآود ليه نفس الهضرة وعآود سولو قآليه نفس سؤال واش كتمارس شي حآجة بحال السحر أو من هدا القبيل...قآليه السانديك لآ علآش...جاوبو قآليه را ختنا تصآبت بصدمة يعني مضروبة بجن وقآليه غدا خصكوم تخرجوهآ من هنآ...مشينا قآل ليآ السانديك اجي معآيآ لدارهآ..مشينا دخلنا بقى كيقلب بغى يتأكد أنا ديجا جمعت داكشي يعني كنت متأكد أنه ماغيلقى والو ولكن المنظر المقود هو فآش لقى راس ديال مشة فبيتهآ...هنا طاحت من عيني حيت مكانت كتخبي عليآ والو وعمرني كنت نصحابهآ هكآ...سانديك زاد شك فيآ قآل ليآ نت مول هآدشي را درية درويشة ومتقدرش دير هآدشي ووو قلت ليه راك شفتيني بعينيك مادخلت معآيآ والو بدى عليآ نت ونت ووو حلفت ليه بالله قلت ليه نجيب لك الدراري لي كتعمر معآهم وسولهوم بآش تأكد موهيم برأت راسي...قآل ليآ سير غدا جي نمشيو نشوفوهآ نجيبوهآ للدار مشيت فحالآتي عوتاني عيط ليآ خونا فتلفون قآل ليآ كيف جيتك قلت ليه فآش درت راسي معآرفش قآل ليآ نوبتك جاية شوية قآل ليآ راني كنسخر الجن وكيخدمو مصآليحي وإيلآ متيقتيش سول عليآ وغآتعرف شوية قلت ليه واخآ شنو المطلوب مني قال ليآ جيب ليآ داكشي لي قلت لك قلت ليه علآش انا بالضبط قآل ليآ حيت نت مسكون وديجا طمعتيني ودرتي معآيآ كلمة حتى استحضرت الجن وتافقت معآه ونضتي نت خويتي بيآ ....وبدى عليآ بالهضرة عمر شي واحد شمتني وكنصفيهآ لبنادم ووو سول عليآ وطاطاطا...قلت ليه صبر عليآ ومايكون غير خاطرك...موهيم صدرتو وصل ليل وقت الرعب عوتاني...

يتبع