قصتي مع الاسقاط النجمي الجزء الخامس

ليا شي حاجة كحلة فسناني قربت باش نشوف مزيان ملقيت والو حادر راسي كنغسل بالما هزيت راسي كنشوف عوتاني ختنا معنقاني من لور كنشوفها فالمرايا كنضور مكنلقاهاش كنشوفها كتبوسني فعنقي بحالا كنوفرج فشي فيديو ديال بورنو وانا هو ناكح المنكوحة بقيت ساهي حيت ملي كتغلب الغريزة الجنسية على الجسد العقل والوعي كيتشلل وكيولي بنادم عبد للغريزة هادي فطرية فاي بشري..موهيم عجبني البلان بقيت كنشوف ساهي شوية بديت كنشوف راسي كنمارس معاها فالوهم وانا واقف فبلاصتي وكنسمع صوت الصراخ فودني على شكل روفران كيتردد شوية تلفون بدا يصوني فقت تاني والغريب هو فاش وعيت شعر تشوك وقلبي بدا يضرب على حسب التفسير ديالي كنفسر هاد تشوك الشعر والخوف من بعد لحظة الوعي هو كرفض من طرف الجن يعني قمعت ديك جنية والبلان ديال سنان هو خطة استدراجي تجاه المرآة..موهيم خرجت لقيت الغليظ هو لي معيط..عيطت ليه قال ليا را جمعت دراري داكشي لي قلتي ليا اعطيتو الوقت والبلاصة لي غنتلاقاو فيها والبلان غيكونو تما قبل الوقت ولكن غيتفرقو كل واحد فقنت ديك لحظة لي غايجيو ليا هادوك غاتجبو نتوما وانا غنجيب الكلب مغيزعموش يقربو غنعطلهم حتى تخرجو نتوما صافي فهمتو البلان وقطعت معاه يله حطيت تلفون تلاحيت نعس شوية شدني الشلل مكنقرش نتحرك هزيت عيني بانت ليا مرا لابسة البيض جاية قصداني هادي اخر حاجة غنعقل عليها قبل ماضربني الفيقة مع 6 نضت دوشت فطرت طلعت جبت الكلب ورجعت ريحت حتى ضربات ديك 3 لبست جبدت المضاية ضربتها تحت سروال وعيطت لختنا انا غادى عندو عاد نتلاقاو باش ملي نوصل عندك نقولك اش غيدير صافي عيطت للغليظ قال ليا صافي 6 تلقانا واجدين فعلا داكشي لي كان ضربات 6 تحركت شوية هاهي ختنا جات ضورتها لواحد القنت باش خونا ميضربش على الكلب قالت ليا راه نص ساعة نجي نوقف عليكم وغيخرجو دراري فدقة غنفركعو وغانخوي..صافي عيطت للغليظ قلت ليه نص ساعة خرجو صافي ضربات 6:30 قالت ليا ختنا هاهوا جاي بلا ماضور دير راسك مشفتيهش...

ضورت يدي حطيتها فوق المضاية معول مع غيقيسني غادي نشرو فلارض..شوية هاهول قرب سولتها واش هاز شي حاجة قالت ليا لا هاهوا كيتسلت رجعت يدي بقيت جاري معاه بنص عين هاهوا مع غيحط عليا يدو غنضرب الكلب برجلي غيبدا ينبح خونا نقز بغى يعلق وانا نتبعو رفعتو من لور طحت انا وياه تلاح عليه الكلب وقفت قلت لخونا وقف جريت الكلب بالسمطة عيطت لختنا قربات جبدت معاها بجوج تصرفيقات قلت ليها سيري فحالك باش خونا مايعيقش صافي مشات وخونا واقف مزري من الكلب كندوي معاه شوية كنسمع ديك..واهيا واهيا دوك خوتنا لي دار معاهم جايين كيجريو بان ضورت عيني مبانش ليا الغليظ وانا نضرب الكلب علقنا وخوتنا تابعيني كل واحد وسنو هاز علقت مع الدورة غنتلاقى مع سيمو الغليظ هاز مقدة وجايب معاه كليكة فيها غير الأوباش قال ليا مالك قلت ليها را خوتنا تابعيني وهوما 6 وحنا 10. 4 مشاو يضورو ليهم من جنة لخرى وحنا 6 غادين عندهم خونا غير شافنا وهو يتنكرى مافهم والو وصلو حتى واحد مازعم يهضر وكان معتنا واحد خونا هاز قرعة ديال ما قاطع قاليهم لي بغى يشوط وجهو يقرب حل ليها الغلاقة وهوما يعلقو وحنا نتبعوهوم والكلب غادي تابع داك خونا السحار مع الضورة غيتلاقاو مع الخرين غيوقفو ولاو كيبردو كان معانا واحد خونا قتال ديال بصح شد واحد خونا فيهم كان عندو معاه شي حساب كرفصو بالبيان لخرين تزراو حيت اصلا هوما كيعرفوه قبيح وحباس ديال بصح نقز واحد قالينا دراري نتفاهمو شكون سباب هاد الصداع كامل وانا نقوليه مادام انك خاشي كرك هنا إلا ونت كتقلب على لي يقسمو لك..سولتهم قلت ليهم واش كتعرفوني كولهم قالو لا الا واحد خونا قال ليا فايت شفتك..ماعلينا قلت ليهم مكتعرفونيش لاش تبعتوني..قالو ليا حكرتي على دري..(لي كان مع سحار) قلت ليهم بيني وبينو هو مقادش على صداع لاش كيهضر وانا ماعندي معاه حتى عداوة كنا فواحد زدحة بغاو يضوروني خرجنا فركعتو. سولتهم واش كتعرفو داك خونا سحار قالو ليا لا كنعرفو غير هدا لي ضربتيه ..قلت ليهم انا قلت ليكم هادشي باش تعرفو الفيلم ماشي مزري منكم وحتى دابا الى بغيتو الحرب مرحبا..نقز واحد خونا قال ليا مسامحة اخويا وسمح لينا جاب ليا داك خونا عشير سحار عنقني طلب مني سماحة قلت ليه هانية بقى داوي معايا شوية مشاو بقينا حنا والغليظ شاد داك سحار بيد والكلب بيد..

...مشاو بقينا حنا والغليظ شاد داك سحار قال ليا اش غنديرو مع هاد خونا..جيت عند داك السحار قلت ليه هدا جهدك ؟ مزال غاديكلاري.. جاوبني.. شكون قالك غنديكلاري ..نت بكرك قلتيها ليا فتلفون..دابا بصحتك تحاميتو غير دير لي عجبك..ماتحاميناش سيمو طلق منو هانا غير انا وياك دابا دير اش باغي دير باغي دبحني اولد الق..هاك دبحني جبدت ديك المضاية اعطيتو واحد تصرفيقة بالقبضة للراس..تحاميتو تحاميتو واخا عقل عليا..نقز الغليظ قاليه مزال داوي شدو نفخو مزيان فاكيتو قلت ليه سيمو ريح هاد الهيكل العظمي مايهز حتى كيلو..شوف سمع هاد الحزاق كامل هاد المطايفات وهاد المضايات هادشي كامل دوزتو واحد الوقت ودايا غنتاقى فيك وجه الله واخا نت ولد الق..من فعايلك ودابا ضور تقود وماضورش وهاد الوجوه نساهم وايلا فكرتي ديكلاري ولا يزمل لك الضمير ضدي مرة خرى غتجيبها غير فكرك حيت الى انا مشيت غايفركعوك هادو..صافي مشى تم غادي وهو يعيط ليه داك خونا الحباس قاليه اجي وهو يرجع قاليه كيفاش زعما مادوقش النعمة وهو بجبد معاه واحد تصرفيقة قاليه يالاه شريه خونا بدا يشوف فيا وهو يدير ليا ديك لعيبة ديال (Y) ومشى بقيت مع دراري حتى ضربات ديك 9:30 تحركت فحالاتي دزت لعند واحد مول دجاج خديت معايا القس ديال الكلب ومشيت للدار طلعت وكلت الكلب جبدت ديك المضاية خشيتها فواحد المخدة شعلت شوفو دخلت ندوش كانت ساعة 11 كنتسنى الما يسخن كنفكر فالبلان ديال خونا طاح عليا ضايم مكنحملش الحكرة شوية سخن الما طلقت الما كنتسنى جنية والو محسيت بوالو شوية درت واحد صابون ديال ريحة بديت كنحكو شوية بان ليا كيتحرك فلحمي بالضبط فكتفي بحالا كيحك ليا شي واحد شوية شللت زدت الصابون هاد المرة وقف صافي قلت راني غير كنتخايل شللت خارج كنمسح بالفوطة شوية كنسمع الهضرة بالنبرة ديال صوت الكاورية بحالا كتبكي والصوت غادي وكيترفع وكيتعاود حسيت براسي كندوخ شوية الكلب بدا كينبح بجهد وانا مزال فالطوايط..

خرجت شعلت الضو بان ليا الكلب جاهل قربت ليه وهو يعضني ولد الق.. غا مشدش فيا وانا نزل عليه بواحد جوج تصرفيقات وهو يريح..كان مخلوع دخلت لكاع البيوت مالقيت والو دخلت للكوزينة كنقلب ملقيت والو ضرت باش نطفي الضو كنسمع تخرشيش ضرت وانا نشوف مشة كحلة واقفة نقزت من بلاصتي خرجت بزربة تخلعت دخلت للمخدة خديت مضاية ورجعت كنقوليها تصب تصب والو مكتحركش جامدة فبلاصتها شوية بدات كتقول ديك مياو مياو والصوت فيه نوع من الغضب الكلب سمعها تم جاي كيجري دخل ليها وصل حداها وهو يتلف مبقاتش ديك زعامة وانا الكلب مدريسيه مكيرحمش المشاش شوية تم راجع لبلاصتو تخلع دخلت لطواليط نجيب كراطة باش نشير على مها من بعيد رجعت مالقيتهاش قلبت كاع البيوت والو وكل مرة كنطل لكوزينة والو مالقيتهاش صافي مشيت نريح شوية عيطات ليا الدرية دوينا شوية وقطعات تلاحيت باش نعس والكلب كان حدايا والغريب هاد المرة هو بوجود الكلب معايا ماحسيت بوالو نعست واحد شوية الكلب بدا كينبح بجهد وجاعر شعلت الضو مالقيت والو كنقوليه مالك والو كينبح بحالا كيشوف شي حاجة انا مكنشوف والو كنجرو والو مبغاش يسكت بقيت معاه حتى سكت شوية وهو يتلاح على واحد صندالة فرسها شوية برد رجعت نعس شوية بديت كنسمع فودني..علاش كتبعدني عليك علاش علاش..شوية ضرباتني الفيقة لقيت الكلب واقف عليا بحالا بغى يفرسني وبين وبينو شبر تخلعت نضت ضربت ليه سمطة لا يغدرني شوية رجعت نعس دازت واحد قسمين بديت كنسمع الكلب بحالا كيبكي ومخلوع شعلت الضو لقيتو كيتركل والكشكوشة خارجة من فمو حليت ليه سمطة كنوقفو والو تشلل بديت كنضرب فيه والو بان ليا حل واحد هو يتقرقب جبت حبة دوبتها ليه وضربت ليه الكمامة وضربت ليه السمطة وسديت عليه فبيت ونعست فصباح لقيتو مشلل كنقرب ليه كيبدا ينبح شديتو ديتو لخونا قلت ليه شوف مالو عند شي طبيب قلت ليه واقيلة كلا شي حاجة قال ليا صافي باش ماكان غنعيط ليك..شوية عيطات ليا الكاورية مشيت شفتها قالت ليا غندير عملية وبغيت نلاقيك بواحد درية كانت مسكونة ودابا تشافات تقدر تفيدك باش ترجع كيف كنتي قلت ليها واخا قالت ليا غدا غندير معاها باش نلاقيك بيها قلت ليها واخا بقيت معاها شوية مشيت عند خونا سولتو على الكلب قال ليا الكلب خصو يموت..نت اش كتقول عرفتي شحال باش طالع داك الكلب ..

ولا لا اش كتخربق..واصاحبي الكلب ديتو عند الطبيب قال ليا الكلب تقاس ولا جاهل ويلا بقى معاك عول على الموت يمشي الكلب المهم هو صحتك الكلب مبقى كيعرف لا مولاه لا والو..دابا شنو الحل الكلب مانقدرش نفرط فيه را عرفتي شحال خسرت عليه وفلخر نقتلو..شوف الطبيب مكدبش عليا وفنظري هدا هو الحل لا يولي غادرك ولا يولي عاض لك شي واحد وتوحل معاه..مشيت ديتو معايا للدار قلت نشوف ايلا بقى على هاد الحال غنقتلو ديتو للدار وصل ليل بقيت غير حاضيه شوية بان ليا تسطى شي حركات غريبة كيشوف شي حاجة مكتبانش ليا شوية ناض بدا ينبح بقيت جاري معاه واحد لحظة بحالا تصرفق بدا يبكي غير بوحدو جيت بغبت نقرب ليه بان ليا جاهل مبقاش كيعرفني قلت خصني نقتلو الكلب تبدل عيطت لخونا درت معاه صباح..الو شوف الكلب تبدل بزاف داكشي لي قالك طبيب هو لي كاين..هي نقتلوه؟..صافي دوز عندي صباح..نجيب موس ولا نجيب سبيب..جيب سبيب انا ديجا عندي مضاية غنجروه لواحد سيكتور بعيد مع اىوقت فلاني..صافي واخا..قطعت نضت لحت ليه باكل حتى سهى ضربت ليه الكمامة والسمطة وتلاحيت نعس في بيت خر بعيد على الكلب..شوية كنحس بشي حاجة جات تلاحت عليا بجهد كنحس بشي جسد ناعم ديال شي درية مع كنعس عريان بشورط قصير موهيم واحد شوية سهيت بديت كنتخيل ديك جنية فصفة درية اخرى بملامح وجسد جداب والإحساس حقيقي كنبغي نحل عيني مكنقدرش والو تعميت والوعي استسلم امام الغريزة الجنسية شوية بدات كتبتاسم قالت ليا رتاح شوية بدات كتبوسني شوية (مشهد +18) كل ماعقلت عليه هو فلخر ملي سالينا قالت ليا مرة جاية غاتكون حسن من هاد المرة شوية طحت كومة بنعاس حتى فقت لقيت بحر من الحيوانات المنوية والغريب هو انني فقت فرحان وكنصدق راسي بلي نعست مع ديك الجنية..دخلت دوشت وفطرت طليت على الكلب لقيتو مسمر فلارض لبست جبدت ديك المضاية ضربتها تحت سروال كالعادة عيطت لخونا..الو فينك باش نديو الكلب..انا غادي ندوز ناخد واحد ميترو سبيب ماضي ونتلاقاو فالبلاصة فلانية من دابا ساعة..واخا سير..قطعت جريت الكلب وخرجت تلاقيت مع خونا جايب سبيب مشينا لواحد منطقة بحال شي حقل بعيد على بنادم جالس كنتمعن فالكلب...

شحال ربيتو وخسرت عليه وفلخر غنقتلو قال ليا خونا طلقنا باش نتحركو لا يلقانا شي حد جبدت ديك المضاية ضورت ليه راسو ولكن مقدرتش مربي عليه الكبدة نقز خونا ضور ليه سبيب على عنقو باش مع يجر سبيب راسو غايتقسم ولكن الكلب بدى كيغوت بواحد الصوت مأثر كيبكي شوية جهل بدا يعض فراسو قال ليا خونا شتي اش قلت لك هدا يزيد معاك نهار والله حتى ياكلك..اش غنديرو دابا..شوف الكلب كيفما كان راه روح ومغنقدرش نقتلو الحل الوحيد لي بان ليا هو نضرب ليه الكمامة ونطلقو قال ليا سير..فعلا داكشي لي درت ولكن الكلب مبغاش يبعد كان خصني نضربو تبعتو بالحجر انا وخونا حتى بعد ورجعنا فحالنا فالطريق صونات عليا الكاورية..الو فينك واش غتجي..اه غنجي نتي فالدار ؟..اه ومعايا الدرية لي قلت لك جي راني كنتسناك..واخا انا جاي. مشيت مع خونا فرتكنا الجوقة وشديت الطريق عند ختنا..هاني وصلت دخلت سلمت عليهم..مريحين كنهضرو شوية عرفاتني عليها الكاورية شوية الدرية كتعاود قصتها بلي كانت كتلعب لعبة الويجا فالطواليط وكانت كادير الاسقاط النجمي هو الآخر فالطواليط..سولتها علاش طواليط بالضبط ؟ طواليط من البلايص لي مكيخواوش من جنون..وكيفاش تسكنتي ؟ كنت كنلعب الويجا وكنت ديجا كنفهم فطقوس استحضار الجن واستحضرت الجن فالمرة لولى وفديك لحظة تسكنت حيت ملي كنت كنتواصل معاه تخلعت وانساحبت هنا فين تضربت..(نشرح ليكم هادي بين قوسين فاش كتواصل مع جن من بعدما كتستحضرو كيولي عندك خيار واحد هو تبقى فحوار مع داك الجن حيت من خلال شهادات البعض كيقولو بلي الجن كيقتارح يسكن فالجسد ديالك وفنفس الوقت يقضي لك مصالحك في حالة كان من الفصيلة الشريرة كيشرط علك تبعد على كتاب الله وفي حالة درتي العكس كينتاقم منك موهيم واخا تصدم من هول المنظر ولكن ماتنساحبش حيت ديك لحظة ديال الخوف هي لي كيستغلها الجن وكيقيسك وبالتالي كيسكنك)..وملي درت الاسقاط النجمي واحد المرة مقدرتش نرجع للجسد ديالي حيت تصادفت مع ارواح شريرة ملي كنبغي نرجع للجسد ديالي كنلقاه ديجا مسكون بجن..وكيفاش حتى رجعتي..اش غنقولك ربي كبير كان معايا وكيفاش تشافيتي..درت الرقية الشرعية..نقزات الكاورية..صافي نمشيو باش ديرها اش بان لك..لا بلاش انا بيخير هكا اصلا ولفت هادشي كيجيني عادي..نقزات درية الخرى..واخا كيجيك عادي الى مشى حتى طول فيك غير موت حسن ليك..

..نقزات الكاورية: اش بان لك ؟..نفكر ونرد عليك..نقزات الدرية: لمصلاحتك هادشي بغيت لك غير الخير نوهيم ايلا بغيتي راه نمشي معاك عند واحد الفقيه مزيان هو لي دزت منو..لهلا يخطيك اختي موهيم غدا نتشاوفو ب3 ونشوفو اش غنديرو..صافي مشيت فحالاتي فالطريق تلاقيت مع خونا السحار كان جاي مع واحد خونا وكانت معاه الدرية لي كانت عاوناتني كيهبط وكيطلع فيا وصلت حداهم بان ليا ضور يدو بحالا غيجبد شي حاجة فديك لحظة ضورت يدي جبدت مضاية وخشيتها فجهة الخرى كتحدير ليه تم غادي مادواش جات عندي الدرية قالت ليا راه بغى يتصالح معاك قلت ليها يمشي يتقود بدات كاطلب فيا قلت ليها لا ومشيت فحالاتي مريح كنفكر فهاد البلان ديال الرقية والفقيه وكنقول انا ايلا درتها غنرجع عادي للحياة الحامضة والوجوه الحامضة هادشي زوين واخا كايآديني هانية ولكن كيريحني وولفت شوية عيطت للواليدة سولت فيها وتلاحيت نعس..شوية تاني نفس الاحساس ديال ديما هاهي جات تكات عليا حطات راسها على سدري..شوية كنسمع ديك..علاش باغي تخليني وكنشوفها كتهضر معايا..علاش باغي تخليني ؟ انا كنبغيك علاش مكتبغينيش ؟ واعدني بلي ماغتخلينيش انا كنت مصدر اسعادك هدشي باش كتجازيني..دوزتي معايا احسن الليالي..شوية معرفتش كيفاش حتى دخلت معاها فالحوار فالوهم..لا ماغديش نخليك كنواعدك..شوية قالت ليا عنقني شوية (مشهد +18) فقت مع ديك 2 عاوتاني الحالة مخسرة دخلت دوشت تغديت..شوية عيطات ليا الكاورية..الو مالك باقي ناعس..يالاه فقت..ايوا امدرا فكرتي ؟..منكدبش عليك مامرتاحش لداكشي وهادي لي ساكناني ولفتها كنحس براسي كنبغيها وواعدتها بلي مغنخليهاش وهي اصلا ماكتآدينيش ومباغيش نرجع لديك الحياة الحامضة واخا نعرف نبقى مسكون حياتي كاملة..واش نت بعقلك..وي اشنو عطاتني هاد دنيا ملي كنت عادي ؟ والو دابا كنشوف راسي هكا حسن وبيخير..شوف بلا متعصبني غاديرها هي غاديرها..نخليك هاد الساعة..شوف نقولك..قطعت عليها..طلعت عند الواليدة بقيت عندها تال ليل تعشيت ورجعت فحالاتي...

دوزت واحد اليومين غير الدار والنكح لا خروج لا دروج لا عشران لا والو وصل ليل شوية الكاورية كتعيط..الو..والله حتى حرام عليك انا باغة لك الخير مادوزناش القليل باش تعامل معايا هكا وايلا كنتي كتبغيها حتى انا كنبغيك وباغة مصلاحتك..دابا شنو بغيتي..دوز عندي غدا نشوفو داك الفقيه اش غيقولك ومن بعد ضبر راسك ونساني كاع بمرة..واخا. قطعت الغد ليه مشينا ب3 ديك درية هضرات مع الفقيه مشينا دخلنا لدارو بقى كيدير ليا لونكيط كيفاش حتى وليت هكا اعطيتو البلان كامل شوية قال ليا هادشي الى فات فيك اكثر من نص عام صافي غير دفن راسك سولتو علاش قال ليا اقود جنون هم فصيلة الجن العاشق صعيب يتحيدو من بنادم كدبت عليه قلت ليه يالاه شهرين قال ليا واش كتنعس معاها قلت ليه اه علاش بقى كيشوف فيا وبقى ساكت شوية قال ليا الرقية ماساهلاش ضروري يحضر شي والي امرك لا تموت ليا هنا قلت ليه معنديش قال ليا ضروري شي حد من العائلة وجي عندب فالنهار فلاني فرتكنا جوقة مشيت جالس كنفكر فهاد الحريرة متقدرش نقولها للواليدة غتخاف صافي تلاحيت نعس شوية تاني نفس الاحساس الجنية على صفة درية هاهي جاية شوية شنقات عليا حتى كشكشت بقيت كنتركل بحال شي حولي مدبوح شوية كنسمع ديك ايلا حاولتي غادي تموت بغيت نوقف والو فشلت عروقي فشلو بالخلعة بديت كنحبو بحال شي دري صغير رجعت نعس ليل كامل وانا كنترعد والسخانة طحت كاو صبحت عيان دوشت كنفكر فديك جنية وداكشي لي وقع ليا فليل شديت الطريق عند الواليدة قلت ليها الواليدة كنحلم شي حلمات مكنشوفش نعاس قالت ليا نديك عند الفقيه يشوفك غدا لي هو الموعد لي حددو معايا الفقيه قلت ليها واخا جا ليل بت عند الواليدة دخلت لواحد البيت وسديتو باش الواليدة متعيقش بيا وانا ناعس حتى شدني الضو كنتركل عوتاني وكنغوت فصمت شوية طلق مني داكشي شوية رجعت نعس شوية خرجات ليا مرا لابسة البيض كنشوفها كتجرني من رجلي دخلني الوسواس عشت الرعب شوية خرجات ليا ديك درية جاية عريانة شوية قربات كيبان ليا وجهها مخسر شوية هزيت عيني بانت ليا ديك المشة عشت اقود ليلة ديال الرعب حتى ضربات 4:30 عاد نعس فالصباح..

فيقاتني الواليدة دوشت وفطرنا قالت ليا وجد راسك باش نمشيو عند الفقيه وانا فحيرة بين حياة كلها متعة ورعب وحياة عادية حامضة كنفكر ملي غادي نرجع شخص عادي داك الانسان الحاقد الدي يدعونه بالمريض، كدبت على الواليدة قلت ليها نسيت تلفون فدار لخرى نمشي نجيبو ومن بعد نمشيو قالت ليا سير ومتعطلش..مشيت يالاه وصلت لباب ديال الدار لقيت الكلب واقف تما تخلعت آو شنو كيدير هنا وانا جريت عليه عييت منضرب فيه والو مبغاش يتحرك طلعت للدار وسديت الباب خليتو برا جالس كنفكر شوية بدا يدخلني الوسواس كاع دوك المشاهد لي عشت بداو كيضورو فراسي بسرعة وقلبي كيضرب شوية راسي بدا كيصوني بحالا شي واحد خشى ليا شي مسمار فراسي ماستحملتش الصوت كنجري باش نخرج قلت لايكون داكشي فدار ماجيت فين نوصل للباب حتى ترفعت تخبطت فلارض غيبت بديت كنشوف الجنية كتهددني بالموت ايلا حاولت نآديها ضرباتني الفيقة مع 4 ديال لعشية لقيت الواليدة معيطة ليا عيطت ليها..الو..مالك واش باغي تسطيني..الواليدة را يالاه لقيت تلفون..فينك داب..انا فدار انا جاي..صافي مشى الحال الفقيه ممساليش دابا تال صباح ونمشيو..واخا الواليدة..قطعت مربح كنفكر شويو تفكرت الكلب هبطت باش نشوف مالقيتوش لقيت غير دفال الكشكوشة لي خارجة من فمو عيطت لخونا قلت ليه بلي الكلب رجع ماتيقنيش مشيت عند الكاورية ديك لحظة ومشينا عند الفقيه باش نسولو وصلنا عندو قال ليا قلت لك جي صباح ماشي عشية..سي الفقيه بغيت غير نسولك..سولتو على الكلب وعاودت ليه البلان..صدمني قال ليا غايكون مسكون حيت كون تضرب كون مات..قلت ليه راه جريت عليه ولقيتو قدام الدار قال ليا خوي ديك الدار حسن ليك..زاد خلعني صافي مشينا قالت ليا الكاورية نمشي معاك للدار ديتها معايا ملي رجعنا لقيت الكلب قدام الباب فلول كدبت راسي ولكن حتى هي شافتو دزنا من جنب وطلعنا للدار قالت ليا داكشي لي قال الفقيه صحيح خصك تخوي الدار عيطت لخونا..الو واصاحبي الكلب قدام دار ونت كتكدبني..واش نت مريض الكلب جرينا عليه فبلاصة بعيدة كيفاش غيرجع..واصاحبي جي شوف بعينك..نت مريض هانا جاي نشوف..جالس كنتسنى حتى جا خونا صونا عليا قال ليا هبطت والغريب مالقيتش الكلب..قال ليا فيناهوا الكلب قلت ليه كان هنا وحلفت ليه بالله متيقنيش جبت ليه الدرية متيقهاش قال ليا سير داوي راسك راك مريض ومشى..

بقيت مصدوم وكنفكر والو مافهمت تالعبة قالت ليا لخرى نبات معاك قلت ليها غنطلع عند الواليدة بلعاني مشيت وصلتها ورجعت مع ديك 7 شاد طريق وصلت لقيت تاني الكلب قدام الباب عيطت لخونا فالبلاصة وعيني فالكلب شوية داز واحد رموك من حدايا كلاكصونا ولد الق..قفزني من بلاصتي طيحت تلفون خديت تلفون ضرت مالقيتش الكلب قلت يمكن كنتخيل وصافي طلعت جالس كنفكر قلت زعما يمكن انا ولخرى لي كنشوفوه بوحدنا حيت عند علاقة مع جنون عييت مانفكر متوصلت لحتى نتيجة قلت صافي نسى تعشيت مع ديك 8 جبدت واحد البربوقة دوبتها باش نزهى ونسى هاد الحزاق بمرة..جالس كنشوف فالضو شوية كيبان ليا كيطفى وكيشعل جاتني عادي شوية كنسمع الكلب كينبح برا طليت بان ليا تخلعت سديت شراجم سديت الباب بكاع القفولة حيدت حوايجي تلاحيت نعس شوية ختنا جاية عريانة مع كنت مرفوع ديك ساعة حال فمي شديتها وركت عليها وانا غير كنتخيل صافي ساليت حليت عيني حسيت بشي حاجة ناعسة حدايا ضرت لقيت ايزار بيض وسطو شي حاجة نقزت من بلاصتي وقلبي كيضرب نضت كنجري دخلت فواحد الفاز ديال الورد تعكلت تنشرت فلارض تفدعت من رجلي بان ليا الحيط كيضور وكنسمع الهضرة فطواليط والمشة فكوزينة والكلب كينبح فزنقة وشي واحد فداك ليزار والما مطلوق وشعري تشوك وراسي كيضرني رعفت غيبت شي 5 دقايق حليت عيني بان ليا داك ليزار واقف عليا وداكشي لي فيه مكيبانش بديت كنغوت شوية خنقني داكشي كنتركل فالدم بديت كنشوف الموت طحت كاو ضرباتني الفيقة مع 2:30 سخيت نضت حاقد حسيت براسي تسطيت دخلت لطواليط وكنغوت وا خرجي ابنت الق..الله ينعل طيط نشد طيط بقيت كنخبط فسطولا ضربت دينمها المرايا شققتها شوية طفى عليا الضو تهزيت بنص راصي تضرب فالماكينة ديال صابون طحت كومة فقت فصباح لقيت وجهي عامر دم وناعس فطواليط والبولة تحرقاات لقيت شقوفة ديال زاج حدا راسي جمعت داكشي غسلت وفكرت مريح كنفكر شوية الواليدة كتعيط..

يتبع