قصتي مع الإسقاط النجمي وابتلائي بالجنية بدات واحد نهار كنت مكونيكطي مع واحد العشير من صحاب الميطال بحكم حتى انا دوزت فداك الهيت موهيم هضرت معاه ودار معايا باش نتلاقاو باش يدخلني معاهم فلكليكة ديالهم (صحاب ميطال، ساطانيك، إيمو، بانك، موهاوك، سواغ..الخ) تلاقيت معاه ومشيت معاه عرفني على الكليكة من بعد ماتعآشرت مع ديك الكليكة ديال صحآب ستيلآت وطولت معآهم واحد المدة تعرفت عليهم مزيان كاين لي عندو اساليب استحضآر وتسخير الجن ودآك تخربيق ديآل كتآب شمس المعآرف وهآد تخربيق كآيعطيوه الدق ومهووسين بيه لواحد درجة لإ تصور موهيم أول البلآنات ليآ معآهم تلآقينآ فوآحد البيت كآين فواحد المنطقة بحال الغآبة وداك البيت مهجور كيريح فيه واحد السآرح مرة مرة كايشعل العافية تما باش سسخن فوقت البرد بحكم البيت جا وسط المنطقة، ملي دوا معآيآ اول مرة ضبرت عليه ب20 درهم كيحسآبليه جآيب صآحبتي نورك عليهآ قآل ليآ رتآح مع رآسك إلى دوا معآك شي حد انآ سآرح لهيه عيط ليآ...موهيم جآت الكليكة تقدآو الشمع الحمر والكحل ومرايا وشي تخربيق عطرية ولآ مآعرت معقلتش بالضبط تقدمات واحد الدرية هي فرنسية الأصل لي كانت عشيرتي من بعد رسمات واحد النجمة بطباشير وفكل راس ديال نجمة دارت شمعة بحال لعبة ديال ويجآ وهرسآت ديك المرايآ طروفآ ..
وكل طرف مع شمعة وكتبات شي كلمات بحال تعويدات فالحيط نظرا لكحولية البيت عن أثار دخان العآفية لي كان كيشعهآ السآرح باش يسخن موهيم عمرات الحيط كامل بالكتبة من بعد طلبات منا نجلسو على شكل دائرة ونديرو ديك نجمة وسطنا وفعلآ داكشي لي درنا وطلبات منا نغمضو عينينآ ونفكرو فشي حاجة كتحقق السعآدة لكل واحد فينآ (مزال مادريت البلآن) وطلبات منا التركيز. طبعآ داكشي لي درنا شوية بدات كتقرى شي تخربيق من واحد الكتاب جابتو معآهإ من فرنسا انا أول مرة كانت ليا معآهم مقدرتش نركز صبرت 10 دقآيق مقدرتش نصبر حليت عيني تخلعت صرآحة حيت أجسادهم ولات كارمة تقول خرجآت منهوم الروح وهآديك ختنا بآقة كتهضر وصوتهآ غآدي وكيغلآض تزريت من المنظر وآحد خونا كنحرك فيه والو كنعيط ليه والو قلت اش غآندير نوض نتقود فحآلآتي مع كنت غنخرج طاحت واحد الحجرة بحالآ شير بيهآ شي واحد فوق سقف هنا زدت تخلعت ..
شوية كنحس بشي حآجة كتشد ليآ فيدي وكتجرني لبلآصتي شعري وقف وقلبي كيضرب ف 100 عرفت القضية قوادت وبلي كآع داكشي بصح داكشي كيجرني لبلآصتي وكنسمع شي اصوات غريبة حتى ركابي فشلو بالخلعة نفعني غير شوية ديال القرآن حتى سلكت راسي خرجت ضربتهآ بواحد درديGة نوضت العجآجة طلعت الفوق جالس كنتسنى يساليو حيت هوما غآرقين فنعآس ولآ مآعرت موهيم من قوة الخلعة وقف عليآ داك السآرح قفزت من بلآصتي قآل ليآ مالك قلت ليه والو سولتو على داك البيت واش مسكون ولا شي لعبة قآل ليآ كانت شي مرا كتمارس فيه الشعودة وداكشي ديال تاشوافت إلى آخره سولتو ملي كتدخل ليه وكشعل العآفية واش مكتحس بوالو قآل ليآ هآدشي راه قديم حتى ديك شوافة معرفتهآش غير الواليد لي عآود ليآ عليهآ وداك البيت مهجور هآدي سنين وقآل ليآ بلي ديك الكليكة ديجآ كانو كايجيو ليه بقينا داوين شوية بانو ليا دراري جايين تفآرقت مع داك السارح حتى وصلو عليآ وهي تجي ديك فرنسية كتغوت عليآ علآش خرجتي را كنتي غآتقتلنا كاملين ملي مقآدش على هإدشي لاش خشيتي راسك من لول..
وقآلت ليآ بلي هآد البلآن غآيخرج ليآ على حيآتي قلت ليهآ انا هآدي اول مرة غنشوف هآدشي وتخلعت داكشي علاش خرجت قالت بلي ديك ساعة كانت دايرة اتصآل مع جن والجن إلى درتي معآه إتصآل وتخلعتي يقدر يسكنك ديك سآعة ولآ يضربك شي دقة مقودة قلت ليهآ ماكنتش عآرف هآدشي وماقلتي ليآ والو من البدية....موهيم فرتكنا جقلة الغد ليه تلآقينا تاني بقآت كتشرح ليآ داكشي ودارت معآيا باش نمشي غير انا وياهآ وغآتعلمني كولشي ولكن هآد المرة لدارهم فبيتهآ ومشينا جبدات داك الكتاب قلبتو صرآحة ماقشبلت تالعبة داكشي غآمض شي حروف وكلمات عمرني شفت بحال داك العجب سولتهآ قآلت ليا اعطاتو ليهآ شي عشيرتهآ ف #ستراسبورغ قبل ماتجي للمغرب وبلي داك الكتاب فيه طرق السحر وتعويدات....إلخ موهيم ريحنا بجوج رسمات تاني ديك دائرة هآد المرة دائرة كبيرة ورسماتهآ بالشمع ونعساتني وسط ديك النجمة وطلبات مني نغمض عيني وقآلت ليآ بقى تفكر فيآ ونعآود دوك الكلمات لي غآدى تقول نعآودهوم فخآطري وداكشي لي درت وهي كتبقى تقرا وانا كنعآود من وراهآ مدة 15 دقيقة حسيت براسي تقيل عليا وروح خرجات مني كنبغي نوض مكنقدرش وليت كنشوف كولشي شاعل الضو فكل بلآصة وكتبان ليا واحد الخليقة آية من الجمال فرحت كنمشي عندهآ كتبعد كنقرب منهآ كتقول ليآ تبعني بقيت تابعهآ والو مقدرتش نوصل ليهآ عييت وانا نوقف واحد شوية شي حاجة كتقيسني وكنحس بواحد الشعور فشكل بحال الإحساس بالنشوة ديال الجنس (هآدي من أجل توضيح فقط حيت صعيب نوصف) وانا كنترخى وشي هضرة كتقآل ليآ فودني بصوت خآفت قمة السعآدة كنضور كنلقى ديك الجنية واقفة قدامي من قوة الجمال ديالهآ فرحت شوية بديت كنتخنق شي حاجة كادخلني انا كنجر وهي كتجر وشعري وقف وقلبي كيضرب ف100 وبديت كنغوت شوية تضربت بواحد تصرفيقة تلاآحيت من فوق ديك الدائرة حليت عيني لقيت ديك درية كتشوف فيآ ومخلوعة كنقوليهآ شنو وقع كتقول ليآ بقى فبلآصتك...
..فبلآصتك بقآت كتقرى فداك الكتاب وصوتهآ فشكل معرفتش المشكل فيآ ولآ فيهآ شوية بديت كنترخى وبديت كنرتاح نعست على ظهري دآك شمع كامل طفى قآلت ليآ نوض نمشيو خرجنآ جمعآت داكشي تمينا غآدين قآلت واقيلة نت مسكون حيت نت مرفوض من دون دراري كاملين حنا راه ديما كنزهآو بهآد ستون وعمر شي واحد وقع ليه هكا وانا كنستحضر داك الجن ديما وداك نهار ملي تخلعتي يمكن تسكنتي. سولاتني باش حسيت ملي كنت مغمض عيني قلت ليهآ داكشي سيكسي إلى آخره قآلت ليآ تواصلتي مع جنية ويمكن هي لي سكناتك هنا تزريت ديال بصح ضربني الضو ملي قآلتهآ ليآ مشيت فحآلآتي مكاين غير القرآن القرآن ولكن الغريب مكنقدش نقرآ كيولي يبان ليآ داكشي ضبابة والحروف كيتحركو وكنبقى نتفكر داكشي لي شفت أثناء الإنفصآل وصورة ديك درية لي شفت مبغآتش تحيد ليآ من راسي مكنقدرش نقرى ومكنركزش كندخل لطواليط قسما بالله كيطفى عليآ الضو ديما وصلآت 1:30 ديال ليل دخلت لطواليط (حاشاكم لآتقولو مامربيش) موهيم دخلت بقيت كنشوف وجهي فالمرايا شوية تخلعت غير بوحدي عوتاني قلبي بدى يضرب بديت كنقرب وجهي لمرايا كيبان ليا وجهي كيتحرك من قوة الخلعة خرجت بلآ منطفي الضو مشيت لبلآصتي باش نعس والرعب ديال بصح قآتلني كنحآول نسى مقدرتش مزال كنفكر فيهآ واحد شوية بديت كنحس بشي حاجة طالعة مع رجلي تفكرت هآد الجملة (الجن إلى تخلعتي منو يقدر يسكنك ولآ يضربك شي دقة مقودة يخسرك) حاولت منتخلعش وبديت كنقفقف بالخلعة داكشي غآدي طالع كيشد ليآ فيدي بحالآ تكات عليآ شي درية وبديت كنحلم غير بوحدي بحالآ كنمارس معآهآ الجنس وانا مزال منعست داكشي لآ إرادي كنبغي نوض والو لحمي تقيل عليآ الواليدة بحالآ حسات بيا نآضت شعلآت الضو مع شعلات البولة تفركعآت البولة خفت على الواليدة هنا عرفت راسي مقودهآ ديآل بصح..
..شعلآت البولة لخرى سولاتني الواليدة مالك كتقفقف قلت ليهآ غير مريض بسخانة وانا ميت بالخلعة ماقدرتش نعس الغد ليه تلآقيت مع الكليكة وعآودت ليهم البلآن قآلو ليآ بلي داكشي عآدي هنا رتاحيت شوية حيت واحد الصديق قآال ليا بلي حتى هو وقع ليه نفس البلآن ملي استعمل نفس الكتاب لي عند ديك درية موهيم رتاحيت شوية ملي قال ليآ ديك الهضرة كانت عندي حصة ديال التربية الإسلآمية مشيت نقرا عآدي الأستاذة بدات كتقرا واحد السورة قرآنية شوية بديت كنتعصب غير بوحدي دماغي حبس وشعري وقف وقلبي كيضرب بلآ منحس خبطت الطاولة أستاذة حبسات القراية وجرات عليآ كيحساب ليهآ كنتبرهش مشيت فحالآتي وانا مخلوع راسي كيقول ليا تسكنت ديال بصح مشيت لدار فليل مع ديك 10 ديال ليل دخلت ندوش طالق عليآ الما عوتاني لحمي بدا يتبورش زغب ديال لحمي وقف بحالا كتلمس ليا شي درية (هآدي بين قوسين باش تفهمو) داكشي بدا يبان ليا فشكل وشي افلآم كيبانو ليآ فدماغي قمة السعآدة شوية طفى عليا الضو تقطع تخلعت غير بوحدي حليت الباب بزربة وخرجت نص عريان تخنقت بالخلعة..
تخنقت بالخلعة قصدت الشرجم نيشان شوية رجع الضو ولسوء الحظ الدار مكينينش يعني غنبات بوحدي شعلت الضواو ديال الدار كاملة وشعلت تلفآزة ودرت رسوم متحركة باش نسى ولكن ماقدرتش بالي كيمشي بعيد نضت قلت نجرب الإسقآط النجمي وديجا عندي الطريقة مكتوبة فورقة كان عطاهآ ليآ واحد الصديق معآنا قلت هآدي هي الفرصة باش نجرب والدار خاوية درت دائرة بالشمع ودرت الطريقة كيفما مكتوبة فالورقة (بلا مانذكرهآ) كتبت داكشي فيدي وديك الآية فالوسط طفيت ضو وريحت وسط الدائرة وانا مضوي بداك الشمع ريحت على شكل وضعية اليوغآ بقيت كنردد دوك الكلمات لمدة طويلة شوية شعري بدى يوقف تاني نفس الشعور لي كنت كنحس بيه من قبل شي حاجة كتقرب مني وكتسوط ليآ ف فمي شوية حسيت بالروح كتخرج مني وبديت كنسرح فالخيال وعآوتاني وقفات قدامي ديك الدرية كتمد ليآ يديهآ كنقيسهآ كنحس براسي طحت من كاطريام (كيف كيوقع لك ملي كتكون ناعس) شوية بقيت كندوي معآهآ وهي غير كاضحك ليآ فوجهي بحالا كنحلم..
شوية شدات ليا فيدي جراتني لواحد البلآصة منقدرش نوصفهآ شي حآجة بزاف بحالآ كنتخيل بقيت غآدي معآهآ شوية بدات كتهضر معآيا بواحد لغة مامفهوماش وانا ساكت مفآهم والو شوية بدات كتقيس ليا وجهي كنحس بالضو جلساتني وتكات عليا وانا فقمة السعآدة داكشي لآ إراديا ماحسيتش براسي حتى فيقوني الدآر لغد ليه ولقآوني وسط داك الشمع الواليدة بدات كتغوت كيحساب ليها سحار ولأ شي لعبة من داك القبيل حيت هادشي حتى واحد ماكيعرف عليه شي حاجة خآصة ديك الفترة يالآه بدى كيطيح هآد البلآن على دمآغ هآد الجينيراسيون موهيم تقلقو مني الدار مشيت عند الكليكة عآودت ليهم البلآن قآلو ليآ راك غآدي فالطريق الصحيح وبديتي كتعلم ملي شرحت ليهم البلآن قآلو ليآ بلي هإديك جنية لي كنا دايرين معآهآ إتصآل واستحضرناهآ نهآر لول وبلي باغة تمارس معآيآ الجنس زعزعوني بهآد الهضرة آو كيفآش نعس مع جنية وباش زدت تخلعت واحد الأخ قآل ليآ بلي مآخصنيش نبقى نتعرى ملي نكون ناعس وبلي خصني ندوش بنهآر عكس ليل لآحقآش هي كتبقى ديما قريبة مني وهآديك هي الوقيتة لي كتستغلهآ هي باش يكون عندهآ اتصآل معآك واخآ نت مباغيش وواخا ماديرش الإسقآط يعني تكون غير نآعس غآتجي زدت تخلعت نقز واحد الصديق قآل ليا بلي شي صآحبو ضرباتو جنية على نفس البلآن حيت كانت مزعوطة فلحمو ملي كان كيدوش وهآدشي من بعد تجريبتو فهآد اللعب، هنأ صآفي قودتهآ قلت نسولهآ تلآقيت معآهآ...
عآودت ليهآ الفيلم كامل قآلت ليآ نفس الهضرة بلي هآديك جنية تزعطات فيآ وبلي غتبقى تجي عندي كل ليلة باش نمارس معآهآ الجنس وبلي إيلآ حاولت ندير شي تصرف ضدهآ تقدر تشللني بمرة كيف طرا لداك خونا لي عآودو ليآ عليه وقلت ليهآ دابا شنو المعمول شنو ندير قآالت ليا الحل هو نعآودو نستحضروهآ فين استحضرناهآ نهآر لول ومشينا ديك ساعة جابت الكتاب لي فيه أسرار الجن تجمعنآ كاملين ومشينا عآوتاني لداك البيت لي فالغآبة جبنا اللوازم الشمع وداك تخربيق وهآد المرة رسمات دائرة كبيرة ووسطهآ نجمة ديال المآسونية وحيدآت ليا تيشورت وليت عريان من الفوق نعساتنا وسط الدائرة كتبات ليا شي لعيبات فيدي بجوج والدراري مريحين ومغمضين عينيهم وطلبات مني نغمض عيني ونعآود من ورآهآ وهي كانت جالسة كتقرى داكشي وقبل ماتبدى جابت مرايا كبيرة حطاتهآ فوق صدري وبدات كتقرا وكنعآود من وراهآ لحمي بدى كيتجبد وشعري تشوك وقلبي كيضرب ف المية كنحس بلحمي لصق فلآرض شوية لا إرآديا بديت كنغوت وكنقول شي هضرة مامفهوماش وصوتي تبدل شي حاجة كتجرني لآرض وانا كنقآوم واحد لحظة وانا نتخنق بحالآ شآنقني شي حد لحمي جمد مبقيتش قإدر نتحرك كنشوف غير الظلام حاجة وحدة طاحت ليآ فدماغي كنقول هذآ هو الموت غآيديني بديت كنشهد طحت كومة غيبت...
..طحت كومة غيبت 15 دقيقة على ماقآلو ليآ دراري موهيم ملي فقت لقيت الدراري ضآيرين بيا سولت شنو وقع كولهوم كيقولو ليآ ماوقع والو صدروني سولت هآديك الGاورية قالت ليآ استحضرت الجنية ودويت معآهآ قلت ليهآ واش انا مسكون قالت ليا لآ شوية بدات كادخل وتخرج فالهضرة صدراتني مبغآتش تقول ليآ نقز واحد خونا نطق بواحد الآية وقآل » بسم الله الرحمان الرحيم« تخلعت بلآ مانشعر ضربتو بتصرفيقة وشنقت عليه فآكونا دراري وفرتكنا جقلة كنت غآدي فطريق عيطات ليآ ديك الGآورية تسنيتهآ مشينا لواحد القنت قآلت ليآ غنقولك صرآحة ومتقلقش مني وكنواعدك بلي غنوقف معآك حتى ترجع كيف كنتي نهآر لول قلت ليهآ شنو قآلت ليآ كبيلة ملي درت لك داك البلان هو باش عرفتك مسكون بديك جنية حيت لو أنك ماغيبتيش مكنتيش غتكون مسكون ولكن الضغط ديالهآ عليك خلآك تفقد الوعي وماستحملتيش الأمر ولكن متخآفش غآدي نوقف معآك صآفي حقدت ملي قآلت ليآ البلآن نضت خليتهآ ومشيت بقيت كنستغرب من البلآن لي وقع ليآ وهآد خونا ضربتو ومدار ليآ والو هنا جميع الإيحآءآت كادل على أني مسكون بديك الجنية مشيت لدار حاولت باش نعس بآش تجي عآوتاني وهآد المرة مغآديش نخآف باش نواجههآ مشيت نعست طفيت الضو بقيت نصف عآري والو مجاتش نضت طلقت الشوفو باش ندوش والو نفس الأمر مجاتش رجعت نعست في سلام الغد ليه...
قصتي مع الاسقاط النجمي
محتوى القصة
قصتي مع الإسقاط النجمي وابتلائي بالجنية بدات واحد نهار كنت مكونيكطي مع واحد العشير من صحاب الميطال بحكم حتى انا دوزت فداك الهيت موهيم هضرت معاه ودار معايا باش نتلاقاو باش يدخلني معاهم فلكليكة ديالهم (صحاب ميطال، ساطانيك، إيمو، بانك، موهاوك، سواغ..الخ) تلاقيت معاه ومشيت معاه عرفني على الكليكة من بعد ماتعآشرت مع ديك الكليكة ديال صحآب ستيلآت وطولت معآهم واحد المدة تعرفت عليهم مزيان كاين لي عندو اساليب استحضآر وتسخير الجن ودآك تخربيق ديآل كتآب شمس المعآرف وهآد تخربيق كآيعطيوه الدق ومهووسين بيه لواحد درجة لإ تصور موهيم أول البلآنات ليآ معآهم تلآقينآ فوآحد البيت كآين فواحد المنطقة بحال الغآبة وداك البيت مهجور كيريح فيه واحد السآرح مرة مرة كايشعل العافية تما باش سسخن فوقت البرد بحكم البيت جا وسط المنطقة، ملي دوا معآيآ اول مرة ضبرت عليه ب20 درهم كيحسآبليه جآيب صآحبتي نورك عليهآ قآل ليآ رتآح مع رآسك إلى دوا معآك شي حد انآ سآرح لهيه عيط ليآ...موهيم جآت الكليكة تقدآو الشمع الحمر والكحل ومرايا وشي تخربيق عطرية ولآ مآعرت معقلتش بالضبط تقدمات واحد الدرية هي فرنسية الأصل لي كانت عشيرتي من بعد رسمات واحد النجمة بطباشير وفكل راس ديال نجمة دارت شمعة بحال لعبة ديال ويجآ وهرسآت ديك المرايآ طروفآ ..
يتبع
التنقل بين الأجزاء