قصة الرجل العاهر

مولفين كنقراوا قصص العهر وليني العهر منسوب غي لعيالات حيث للأسف الشديد ديما المرأة العيب تبعها 😏😏😏 المهم منطولش عليكم هاد المرة القصة مغايرة العهر حتى عند الرجال😵 القصة فوق الشواية كنقول فوق الشواية🔥 عنوان القصة الرجل العاهر... للكاتبة كوثر السمراء

سلام عليكم قصتي شوية مفشكلة مغديش نجي ونبد أنا يتيم أنا مقطوع من شجرة ولكن غنقوليكم حاجة وحدة لغلبو الزمان راه غلبو ولي معندوش الزهر معندوش حتى فخليان دار بوه... غادي نحكي ليكم على قصة موحال سبق ليكم سمعتوا بحالها بلى منطول عليكم أنا سميتي أمين شاب عادي مغنقولش وسيم لأن زين فالقلب فعمري 30 عام طويل ملامحي سوداء وبشرتي سمراء غادي نرجع بيكوم ملي كانت فعمري 12 لعام كنت عايش فوق بخير وخا بريريكة شتى و صهد علينا ولكن حامدين الشاكرين كنت عايش أنا و الواليد و الوالدة معنديش خوتي والواليد مكان مخصصنة من تاحجة الحمد الله ونعم الرجل الله ارحم فهاد النهار كان بناي نهار غيموت كنت فالمدراسة وكالعب ممسواقش حتى جات خالتي كانت مزال صغيرة ش18عام وكانت كيقولوا خارجة الطريق ولكن الوقت صعيب ولخطاوك ولديك ضربك الله ماعلينا جات هدرات مع الأستاد وهي كتبكي أنا مفهمت والو حتى عيط ليا اﻻستاد اﻻستاد:امين أجي اولدي تميت جاي اﻻستاد: لا رجع جمع أدواتك رجعت جمعتهم وتمى عرفت القضية فيها إن أنا:هانا أستاد ياك لاباس اﻻستاد :سير مع خالتك بغاتك ماماك ونوصيك كون راجل أنا:واخة أستاد شداتني خالتي عنقاتني وتمينا غادين انا وياها وهي كتبكي محبسوش دموعها صراحة بقات فييا مكنحملش نشوف دموع المراة كما بغات تكون أنا:خالتي مالك سمية(خالتي):اش غنقوليييك اميمتي واقلة اتولي بحالنة انا وماماك انا:علاش مالكم نتوما خلعتيني سمية:باباك اولدي طاح من 3eme طاج ملي كان كيدير ضالة لواحد الدار وداوه الخدامة لي معاه السبيطار ودبا مزال معرفنا حالتو انا:كفاش لا اسمية كتفلاي بابا لا بابا شوفي قولي اي حاجة إلى هادشي عنقاتني وسط الطريق وانا وليت فواحد الحالة هسترية وهي كتسكتني وكتبكي وانا ممتيقش ميمكنش لبابا سندي وغطاية إمشي ويخليني نتلاوح كنت خايف بزاف غادين وأنا كنتمنى منوصلش نموت قبل منسمع شي خبر ميعجبنيش

وصلنى الدار وكلشي بان ليا من لباب فهمت كلشي بلى منحتاج ليقول ليا وسط البراكة وخى صغيرة سبحان الله توسعات لهاد الكارثة لوقعات مات الأب الحنون مات السند مات لكان بيا خلاني يتيم لا رحمة ولاشفقة كولشي كيبكي وأنا غي مصدوم ناس كيهدرو وانا غي هايم دخلت فين كانو حاطينو ومغسل ومكفن كان كيسايني غير نودعوا او باﻻحرى كيتسناو سيارة الموتى حتى حد مفكر فيا نشوفو جات خالتي وحدا أخرى جراتني حيت زعمة مزال صغير نترتها وطرت عليه بقيت كنبكي حتى جاو رجال من احومى هزوني بزز وخرجوه الوليدة كتبكي وكلشي كبكي معرفت واش عليه ولا كلا كبكي على هموا داوه دفنوه جاو مهم دازت فترة دلعزوا وأنا منعازل كنبات كلى مرة فين مبغيتش نرجع الدار ونتفكر ملي كان كيدخل يديه عامرين وهو نهار كولو بجوع كيكسيني ويسبطني وهو حوايجو كاملين مقطعين يجلس زعمى إحفضني وهو شاد كتاب مقلوب حيت مقاريش ولكن كان بغى احارب معايا و يوصلني كان دكشي كيضحكني اما دبا لا تخيلوا حتى الوالدة معنقتها تا داز اسبوع مبغيتش نشوفها لابسة البيض مسكينة جيت دخلت ولقيتها هايمة وحق الله مجاش معاها حيت باقة كالوردة صغيرة وزوينة بزاف وشاردة كتفكر كغانعيشو ولا فيا ولا فراسها تيتمات ملي كانت صغيرة فواليديها ولا دبا تيتمات فزمانها وغطى راسها كدخلت انا: الواليدة(ناضت كتجري عندي) الوالدة: الله اولدي الله فين كنتي خلعتيني بغيتي تخليني نت وباك فدقة الله اولدي بقينا بوحدنا لاحنين لا رحيم الله اوليدي الزمان غيلاوطنا غيبقى حيط يدينا لحيط ويد تمدنا ليد هاد الهضرة ضمراتني كتر ما انا مضمر عنقتهى وبقينا كنتبكاو جات خالتي سمية حتى هي عنقاتني وبقات تتبكي منقوليكمش ضمرت بزاف فراق الواليد مكنتش ضارب ليه حساب سمية: جلس ا امين داركم توحشاتك انا :الوالدة كمات الواليد الواليدة:باباك راك عارفو فاش خدام اولدي كان كدير الضالة لوحد الدار وطاح داوه السبيطار ولكن مول الامانة دى امانتواا مشى وخلانى اوليدي مشى الحامنة من الشتا والجوع انا: صافي الواليدة عافاك انا معاك والله متخافي الواليدة:انا مخايفة غي عليك اتبقى بوحدك اوليدي انا: ماتقوليش هاكة نشاء الله انعيشوا بيخير ربي معانى مكينساش عبادوا بقينا هاكاك انا والواليدة وجات سكنات معنى سمية ولكن بحالا مساكناش لان نهار معانة و سيمانة مسافرة طبيعة العمل ديالها مسكينة..