مذكرة أريج الجزء 11

امير*ولكن من ليوم عندنا دار وحدا هي دارنا ونزيدك حيدي فكرة طلاق من بالك واخا ومتخافيش ماغادينش نمشيو حتال طنجة حنتاش انا بعت ديك دار وشريت دار هنا وحتى خدمتي حولتها هنا بغيت ننسى كاع داكشي لي دوزت فديك لمدينة و نبدا معاك صفحة جديدة و نعطي فرصة لعلاقتنا و مكنتسناكش تقولي لي اه ولا لا حينتاش نتي مرتي و عندي الحق فيك مفاهمين* 

اريج*هههه وليتي حاس بشفقة منجيهتي من ورا مغتصبتيني و قتلتي ليا ولدي غير شكرا ممحتاجاش شفقة ديالك انا كنت كنبغيك وحسيت ببزاف ديال الاحاسيس من نهار شفتك ولكن دابا كنكرهك وعمرك تحيلم نكونو ب زوج* 

امير* راني قلت ليك قبل ممحتاش لرئي ديالك انا قررت و هد لهدرة مغاديش نعاودها مرلة اخرا اوطي حبيبية* 

اريج*انا دابا عيانا مقاداش نبقا ندي او نجيب معاك فالهدرة* 

امير* لارد* 

اريج بقات ساكتة وحتى امير كان الصمت طاغي عليهم بزوج اريج محساتش براسها حتى نعسات او تكات على كتف امير لي وقف لوطو او بقا شحااال وهو كيشوف فيها و مضارب عقلوا مع قلبوا قلبوا كيقول ليه بلي بديتي كتبغيها و عقلوا كيقليه اشمن حب هدا وكيفاش قدرتي دغيا تنسى لمياء وصلو لدار مع ديك 9 ديال ليل امير هز اريج بين ايديه وطلعها لدار دخلها لبيت نعاس ومشى كيدوش فديك لحظة اريج فاقت او بقات كدور فدار و عرفات بلي امير كيدوش دخلات لكوزينة لقات تشيبس هزاتها ومشات شعلات تلفازة وبقات كتقلب فالاداعات حتى لقات فيلم ديال رعب وهي خوافة ولكن مالقات حتى شي حاجة تحمر لوجه وفينما تكون شي لقطة فيها رعب كت غمض عينيها شوية حسان بايد تحطات ليها على كتفها وهي تلوح تشيبس مي ايديها و غوتات واحد لغوتة امير مقدرش يحبس ضحكة 

امير*هههههه دابا غير قولي ليا مني كتخافي اش داك تفرجي فهد شي* 

اريج*ماشي سوقك * 

ومشات طلعات للبيت و شدات تيليفون بقات مجمعة مع صحاباتها ديال ليسي لي منهار شدات لباك وهي غابرة عليهم او خاصة صحبتها زينب لي لقاتها مصيفطا ليها بزاف ديال لميسجات بقات شحال وهي كتعاود ليها اش طرا وستغربات لداكشي كامل لي طرا ليها وطلباتها باش تجي تشوفها وصاحبتها وافقات باش تزورها غدا وغير سالات الهدرة مع صحبتها هزات راسها لقات امير يله داخل للبيت . 

اريج*تقدر تقول ليا اشنوا جاي دير هنا * 

امير *جاي لبيتي * 

اريج*او محشمتيش * 

امير* علاش غادا نحشم * 

اريج *جاي داخل عليا للبيت او باغي تنعس فيه وانا كاينة وزايدها داخل نيشان مكتعرفش تدق* 

امير*وعلاش بغيتيني نحشم راك مرتي واقيلة* 

اريج*مرتك فلوراق وهادشي مغيطولش مهم تقدر تخرج راه بانلي بيت نعاس اخر تمشي ليه نتا او لا نمشي انا * 

امير*ههه تقدري تمشي نتي* 

اريج خنزرات فيه وهزات حوايجها ديال نعاس وهزات تيليفونها او خرجات مشات للبين لاخر دوشات ولبسات حويج نعاس ولكن طار عليها نعاس مع لخلعة ديال لفيلم او مسكينة ممولفاش تنعس بوحدها ديما حداها راوية ولكن داب ماكاين حتى واحد مشات عند امير و تخشات حداه بشوية باش ميحسش و كانت ناوية تفيق بكري او ترجع لبلاستها وبعدات عليه باش ميحسش بيها ولكن هي معامن امير كان باقي منعسش كان كيفكر فيها وباقي مافاهمش كيفاش دغيا نساتوا فلمياء و تفكر الوصية ديالها و بتسم حينتاش حتى لمياء هادشي لي كانت باغا قبل متموت ومكين لاش يبقا يفكر وقرر يسمع لقلبوا ويخليها تسمح ليه وهو من ناحية الحب عارفها كتبغيه قبل متموت لمياء حينتاك كان سمعها داوية مع راسها ههه مع هي مكتفكرش فخاطرها هه المه مني جات هو كان مزال فايق جرها عندوا او عنقها . 

امير*توحشتيني دغيا* 

اريج*لا متوحشتكش او طلق مني راني غير ممولفاش ننعس بوحدي ولفت راوية * وا ناضت بغا ترجع للبيتها 

امير *امم ويلا قلت ليك رجعي حدايا اولا غادي نمشي من دار ونخليك تباتي فيها بوحدك اش بان ليك ترجعي اولالا * 

اريج*متقدرش و انا مراجعاش* 

امير *راسك قاصح امم اوكي* 

امير ناض بحويج نعاس وهز سوارت ديال لوطوا او نزل وهي عند بالها كيضحك حتى كتسمعوا كسيرا وهي تشدها لقفقافة مشات كتجري لتيليفون وعيطات ليه. 

اريج*غادي ترجع دابا* 

امير*توحشتيني تاني * 

اريج*دابا غادي تجي او لا لا * 

امير * اونتي غادا ديري اش قلت ليك اولا لا * 

اريج*اوف منك صافي واخا 10 دقايق متكونش هنا بلاما تحلم* 

امير *اوكي حبيبة* 

امير مكملاتش حتى 5 دقايق كان لداخل وهي ستسلمات او نعسات حداه نعسوا معانقين وهي صراحة مكرهاتش عمرها تفرق عليه حينتاش ولات كتبغيه كتر من لقياس 

اريج*امير* 

امير*وي حبيبة ياكمة مجاكش نعاس نجيب ليك سكاتة هههه * 

اريج*مكنضحكش صحبتي غادا تجي عندي غدا توحشتها واش ممكن * 

امير*هبيلة قلت ليك هادي دارنا ب2 * 

اريج *شكرا * 

ونعسوا الابطال ديالنا ....يتبع