مذكرة أريج الجزء 12

اصبحنا و اصبح الملك لله .

فاقت اريج هي لولا دوشات او مشات لكوزينة تصاوب لفطور قدات طبلة مزيان و نزل امير .

امير:امم حادكة

اريج:كنتي حاكرني 

امير:شوية 

اريج:اوى لعود لي تحكروا يعميك 

امير:لسانك طويل 

اريج:وي 

امير:انقطعوا ليك.

اريج:ههه كون ماكانتش صاحبتي جاية كون فطرتي فزنقة احبيبي 

امير:عاودي اش قلتي 

اريج؛اشنو قلت والو 

امير :ماشي موشكيل نفطر فزنقة احبيبة 😉

اريج حمارت نسات اش قالت محساتش قبل متجاوبوا تسمعوا دقات فلباب و اريج عرفاتها صحبتها ومشات كتجري باش تحل ليها لباب وغير حلاتوا وهي تنقز عليها بتعنيقا حتى طاحت زينب وتبعاتها اريج وامير كيف ديما مقدرش يحبس ضحكة 

زينب:دابا نتي باش جاية باش دايرة 

اريج:واميمتي راه توحشتك بزااف <

زينب:دابا نودي من فوقي عافاك 

اريج نادت و مزال امير كيضحك 

اريج:ونتا ماغاديش تسكت 

امير:بابتسامة شريرة .لا مابغيتش نسكت .

دخلات اريج وزينب و امير جلسوا باش يفطروا 

وحتى سلاو لفطور و اريج فرحانة وكضحك هي و زينب ناضت اريج تجمع طبلة و امير بغا زعما يعاونها وهي عاد تفكرات زينب كيفاش جات لدار وهي لبارح مصيفطاتش ليها لعنوان .

اريج:اجي منين جاك لعنوان 

زينب:طلبيني باش نقول ليك <>

اريج:اوكي حبيية قولي لي شكون عطاك لعنوان 

زينب:زيدي شي شوية فطليب 

اريج هزات كاس ديال لما 

اريج:دابا غادا تقولي اولا نزمزم ختي 

زينب؛واناري راجلك لي عطاه ليا .

اريج:ومنين جاتوا نمرتك 

امير؛ههه والو غير لبارح سمعتك و مني نعستي رسلت ليها لعنوان بتيليفونك الغبية <

اريج:اول مرا دير شي حاجة تحمر لوجه 

زينب:جايبا ليك خبر زوين >

اريج:قولي شحال مسمعت شي حاجة تفرحني او خنزرات ف امير لي تقرس ومعجبوش لحال 

زينب :امم واحد جوج قلوب تجمعوا تاني

اريج :شكون 

زينب:قلعي 

اريج: واقولي ولا نخليك تقولي بأسلوبي الخاص

زينب :ممم زوجان سابقان .

اريج:حلفي قولي والله 

زينب :والله 

اريج نادت كتنقز غير بوحدها و امير ما فاهم والو 

اريج :واو امير ماما و بابا غادين يرجعوا بزوج و اخيرا لقاو حل عافاك ديني عندهم فليلي عافاك 

امير: اممم مزيان خبر زوين واخا نحاول نديك.

اريج:شنوا تحاول عرفتي بلاش انا غادا نمشي دابا مع زينب 

امير:اديك شنيولة غير صبري و زينب خليها معاك حيت انا عندي شي خدمة حتى لعشية ونديك ولكن متحلميش تباتي 

اريج:واخا غير ديني بعدا اونشوفو

امير :اوكي غادي نجي مع 5 نلقاكم واجدين اولا بلاما تحلمي 

اريج:اوووف واخا 

خرج امير مشى لخدمتوا و اريج و زينب بقاو شحال وهوما داوين و ناظو لكوزينة يصاوبوا لغدا خدموا لموسيقة وبقاو كيشطحوا هبال لبنات راكم عارفين من بغد تغداو ومشات لبسات اريج حويجها وقادات راسها مزيان وجلسات هي و زينب يتفرجوا ف تلفازة دازت واحد نصف ساعة جا امير و عيط ليهم خرجوا عندوا و اريج غادا فرحانا ديما كانت كتمنى تشوف وليديها مجموعين وصلوا لزنقة لي فيها دار اريج كانت عامرة بناس ورجال الاطفاء ودخان ولعافية شاعلة فدار اريج تصدمات وبدات كتغوت وبغات تدخل لدار ومنعها امير غير بزز بقات كتغوت جاتها حالا هيستيريا زينب بقات كتبكي فصمت بقات فيها صحبتها ومشات كتسول ناس شكون كاين فدار قالوا ليها بلي كاملين كينين و الواضح ان مستحيل شي واحد يقدر يعيش حينتاش دار كاملة تحرقات اريج بقات كتغوت حتى سخفات داها امير لسبيطار فاقت لقات راسها فغرفة بيضة و امير جالس حداها دوا معاها امير ولكن لغريب فالامر انها مدواتش غير كتشوف فيه صافي ومكدير حتى رضت فعل امير عيط على طبيب .

امير :اريج فاقت ولكن مكدير حتى ردت فعل قولي مالها 

طبيب:مسيو امير مرتك تعرضات لصدمة قوية وهذا غير تأ تير ديالها وخاسك تحاول معاها باش تسترجع الاحاسيس والحزن لي فيها خاسها تبكي وتخرج داكشي لي حاسا بيه او للاسف تقدر تبقا هاكاك عمرها كامل

امير تخربق ملي سمع ديك لهدرة جات زينب او داو اريج لدار وهي بحال الآلة دازت 3 ايام و اريج مكدويش امير مابقاش صابر وتخلع على حبيبتوا بزاف و فاق فصباح فطروا وداها معاه و هي مسولاتوش ومدواتش داها لمقبارا دخلها وداها قدام تلاتة ديال القبور 

امير:شفتي ا اريج وليديك فين ولاو تحت طراب ها قبر راوية ختك وهدا ديال باك وهدا ديال مك عائلتك لي كتحماقي عليهم لي عتاناو بيك و كبروك

اريج:لا رد

امير:راوية فهميني عائلتك ماتت بكي خرجي لي فقلبك دوي 

اريج:لا رد 

جرها امير وداها لكوميسارية ودخ لواحد لغرفة وجاب لبوليسي مرت باها دايرين ليها لمينوط 

امير:شوفي شكون مرت باك عرفتي شكون خلاك يتيمة بلا اب وبلا ام هادي حرماتك حتى من ختك و مكرهاتش كون محرماتكش من حياتك حتى هي وهي مانادماش 

هنا اريج نفاجرات بلبكا وبقات كتغوت راوية ختي ماما بابا علاش خليتوني وهي تفكر اش قال امير مرت باك لي حرماتك من عائيلتك نادت كتغوت عليها وقجاتها>

...يتبع