مذكرة أريج الجزء الثاني

توادعنا مع ماماتي لحبيبة بدموع غنتوحشها بزاف او مشينا لمحطة القطار او بقينا نص ساعة تقريبا ماما عيطات فيها شي 10لمرات مسكينة وصلنا ولكن مشينا عند خت بابا برضاعة او بنت خالتو فنفس الوقت ههه داكشي مخربق ههه المهم حنا كنقولو ليها عمتي او هادي تاني مره شفتها حينتاش جيت قبل غير مره حتا ولادها مكنعرفهمش كاملين .نشاط مع ولادها او عندها بنت وحدة قربات طير او تزوج ههه المهم انا او راوية تفهمنا معاهم دازت شي 4يام. كنا كنوجدو لغدا انا او راوية قالك نشوفو بنات لمدينة اش غيديرو حكرونا هه او انا كنت كنحماق على طياب اما ختي كتصوب غير شلايض او كتصرعهم .المهم فرقنا لخدمة بيناتنا او بدينا نصوبو فلغدا او سمعت شي حد جا او كيسلمو عليه مي مشفتش شكون بقيت مقابلا غير داكشي لي قدامي حينتاش بحالا كندوز امتحان فطبخ وصلات الوحدة قدقد بدينا كنقادو فطبلة زوقناها مزيان عمتي بقات غير كتشوف او تجمعو كاملين على طبلة الى انا مشيت نجيب لما من لكوزينة مع دورة لقيت وحد لولد واقف ورايا 

انا:باسم الله الرحمان الرحيم منين خرجتي

هو:كيفاش نتي لي منين خرجتي ماشي انا

انا:اهاه انشوفو شكون خرج انا اولا نتا عمتي وا عمتي شكون هاد خينة لي هنا كتعرفيه 

هو :سميتي امير ماشي خينة 

انا:ويتك ويتك امير الامراء وسمية عندك 

عمتي: ههه مالك هه نسيت معرفتكمش غلى بعدياتكم اريج هدا ولدي لكبير امير يوتنو فلعسكر او يله شد هاد سيمانة كونجي او غيدوزها معانا 

انا:امم مزيان متشرفين

هو:ميمتي معرفتيناش 

عمتي :بنت خالك ابراهيم اولدي 

هو:اهاه مزيان

محملتوش حاس براسو او بينا فيه لعياقة او لفوحان هاز نيوفو لسما سابعة اوف مهم مشيت جلست معاهم فوق طبلة او تقول ديك لقمة مابغات دوز كيحنزز فيا بحالا هربت ليه من لحدود بففف من بعد مشا لبيتو او سد عليه هناني. او انا ملي كنتغدا ضروري نعس ههه مضروبة على نعاس هو احسن حاجة فدنية فقت مع 5 لبست حويجي او بغيت نخرج حدا لبحر كيحمقني هو لقيتو قدام لباب كيصوب فشي حاجة فلموطور مكرهتش شي دورة ولكن مع هاد خينة مستحيل دزت من حداه او مدويتش مشيت لبحر بقيت كنتمشى حتا عيت او جلست فالارض ونا نسمع صوت وحد لبنت كتغوت شداتني لخلعة بقيت متبعا داك صوت حتى وصلت حدا وحد شجيرات او قربت ليهم باش نشوف شنو كاين تخلعت من داكشي لي شفت قلبي شوية او يسكت معرفت مندير بانت ليا وحد لبنت مليوحة فالارض او حويجها مقطعين او وجهها كاع مضروب او عامرا دم وجهها مكيبانش مزيان او حداها جوج رجال قدهم قداش او هي كطلب فيهم باش ميقربوش ليها معرفتش واش نهرب وانا مزال كنفكر ديك لموصيبة ديال ختي بدات كتصوني ليا ناري او سمعو تيليفوني كيصوني او بداو كيقلبوا منين جاي صوت دغيا وقفو حدايا باقا حتا مطفيت زمر ديال تيليفون ميمتي على حصلة حصلت...يتبع