مذكرة أريج الجزء الثامن

بدينا كنوجدو للعرس او كنشريو اثات دار حينتاش امير بغا يسكن غير هو او مرتوا بحدهم من ورا داكشي لي طرا المهم صراحة حسيت بحالا انا لي كنوجد لعرسي او خصوصا لمياء كانت كدير برأي ديالي فكلشي ولكن لي متفهمش ليا هو حتى لبسة العرس قيساتها عليا او هي مختالفة عليا تماما هي طويلة عليا او رقيقة انا عامرة عليها شي شوية لمهم مهتميتش بالامر قادينا حتى دار او قبل العرس بنهار مشيت ليها انا وياها داك ديكور لي عزلنا اولا لي عزلت انا هههه جا واعر مكرهتش منخرجش من ديك دار او هي بدات كتبكي 

انا:ختي لمياء مالك كتبكي خاسك تكوني اسعد بنت غدا عرسك 

لمياء:اه عارفه غير دموع الفرحة 

صراحة مقنعاتنيش حينتاش مكنآمنش بشي حاجة سميتها دموع الفرحة كنعرف لي فرحان كيضحك او مكتكونش قاداه دنيا.

رجعت انا وياها لدار حتى العشرة ديال ليل تعشينا او نعسنا 

☆☆☆اصبحنا و اصبح الملك لله ☆☆☆

فقنا على دجيج او على امير جا كيفيق ف لمياء انا فقت او هي مزال مافاقت بقينا كنهروا فيها بجوج ولكن لا حياة لمن تنادي كانت ناعسه على كرشها هه كي شي بيبي 

اوغارقة فنعاس

انا:لمياء فيقي راه كيتسناو فينا نمشيو عند لكوافورا راه جات او نرجعو دغيا مابقاش لوقت بزاف غير ساعة ونص.

لمياء :لا رد 

انا دورتها بغيت نخوي عليها لما ههه ولكن تصدمت كان وجهها زرق او لكشكوشة خارجة من فمها 

امير مكنش كيشوف فيها ديك ساعة كان هاز ورقة كيقرا فيها او عاطيني بظهر .

انا:امير شوف لمياء ناري اش دارت مالها تصطات واقيلة ماتت

امير:(شاف فيا او عينيه حمرين ) دارتها بصح كيحساب ليا غير مضحك معايا بهاد الورقة لي كاتبة (او بدا كيبكي بحال دري صغير لي كتخليه ماماه او تمشي او حتى انا 

جاتني هيستيريا ديال لبكى بقينا كنبكيو بجوج او خصوصا هو بزاف اول مره كنشوف ولد كيبكي وسبب بنت كيبغيها كان فبالي الحب مكينش او لا نادر ولكن دابا رأيي تبدل تماما 

انا:امير غادا نمشي نعيط على دار نقول ليهم يحبسوا هادشي قبل مايجيو ناس

امير:لا هاد العرس خاصو يكمل واخا الثمن يكون حياتي

انا:امير لمياء ماتت انا حاسة بيك ولكن ميمكنش 

امير : لا رد...او عطاني واحد الورقة او تصدمة صدمة العمر لمياء حددات ليا مصير حياتي قبل ماتموت علاش ما خداتش رأيي علاششش 

الرسالة لي فالورقة كان مكتوب فيها.

*حبيبي امير .ختي اريج سمحوا ليا بزاف او فهموني او ديروا بكلامي باش نتهنى عارفا كاتقراو هد رسالة او نتوما كتبكيو على قبلي حينتاش انا دابا وحدة ميتةاو كون منتاحرش كنت غادا نموت او كانت ايامي معدودة او قررت انا نقتل راسي براسي كنت فرحانة بزاف حينتاش و اخيرا غادا نكون مع راجل لي بغاه قلبي او من ورا مطرا هادشي او تغتصبت او تخاد مني شرافي مكنتش كنفكر فالشرف او فالعدرية كنت كنفر ف امير واش غيبقى يبغيني او واش غيتقبلني او تفاجأت بلي بغاني واخا داز هادشي كامل او فرحت خصوصا ملي حدد اقرب موعد للعرس ولكن فرحتي مكملاتش حينتاش كتاشفت بلي انا; مريضة او باش بأخيب مرض ممكن يجيك فدنيا سيدا مابقيت فاهمة والو مشيت عند ختي للحبس او سولتها قالت ليا بلي هي صيفطات ليا هاداك خاص ليا انا باش يغتاصبني او غيكون حتا هو مات حينتاش كانو داكين ليه برا محمولة بفيروس سيدا او هو براصو معارفش و هادشي كامل بغات تخلي حتى موتي عداب ليا; و انا قررت ننهي حياتي حينتاش منقدرش نتزوج ب امير او نخليه يموت معايا او منقدرش نشوفو كيتعظب و انا ففراش الموت او عندي طلب واحد منكم بزوج متوقفوش هذ العرس; كملوه عارفين كيفاش تكملوه بلى عروسة غيطرا تغيير صغير هو اريج لي غادا تزوج ب امير ماشي لمياء كنتمنى تحققو ليا امنيتي امير اريج البنت لوحيدة لي تقدر تنسيك فيا انا متاكدة .اريج سمحي لي و قبلي طلبي عافاك سمحوا ليا بزاف كنبغيكم الوداااع .*....(يتبع>