انا باقا ممتيقاش هادشي و لغريب فالامر امير وافق هدي وصيت حبيبتو لبست حويجها وانا قلبي محروق على زهري وعلى اهم يوم بنسبة للبنت هو هدا وانا مفرحاناش فيه انتزوج بواحد قلبوا مع بنت اخرا او ميته من لفوق خرجت انا و امير و كلشي مصدومة وحتى واحد مقدر يدوي قدام ناس تكاتبنا او داز لعرس كيفما بغات لمياء لفرق هو ماشي هي لعروسه ملي سالا لعرس ومشاو ناس عاد بداو كينزلوا على راسي الاسئلة ديال العائلة امير عاود ليهم كلشي و مع لمياء مقطوعه من شجرة حتى حد ما تاتر بزاف بموتها غير انا و امير لي مسكتناش من لبكى من ورى لعرس دازت لجنازة ملي سالا كولشي جا عندي امير وقال ليا بلي غنمشي لدارنا بغيت نقول دار ديالو هو و لمياء جمعت لحويج او مشينى وراني بيتي فين كاين انا خديت لبيت لي كان مفروض يكون بيتهم و هو خدا بيت ضياف قاديت لحويج او وصل ليل نعست او هو معرفتوش فين كاين تسنيت حتى عيا والو حينتاش اصلا مني جابني خرج ومزال مجاش داني نعاس وصلات 3 ديال ليل سمعت لباب كيتحل طرت كنجري نشوف شكون تخلعت كنخاف نبقى بوحدي فدار او خصوصا فليل كان امير ماشي فلوعي ديالو سكران. وعينيه حمرين كيدخل ويخرج فالهدرة بغيت نعاونو باش يدخل دخلتوا لبيتو او نشيت لبيتي باقا متكيتش جا تبعني وعينيه حمرين وكيعاود سميت لمياء على فمو حاولت نهدنواولكن طرا ليا لي متتمناهش شي بنت بسرعة تحول للوحش وعينيه حمرين شدني بزز وانا ربي لي خلقني غتاصبني بكل وحشية طلبت فيه حتى عيت ولكن لا حياة لمن تنادي حتى سالا على خاطرو او نعس وانا نعاس ماجاني جلست فالارض وكنبكي على زهري وتفكرت ماما او اش غنقول ليها هي ماعارفا والو ولحريق وشدني وجع خطير بقيت كنبكي حتى نعست فالارض فقت وهو مازال ناعس شفت فيه شوفات لكره واخا مكانش فوعيو ماخاصوش يدير هاكا انا شنو غنربح من هادشي كامل علاش المياء علاش حشومة عليك مشيت بزز دوشت وانا محاملاش راسي لبست ببجامة بيضة و جمعت شعري كعكة و شفت عنقي فلمرايا لي كامل زرق بالوحشية ديالو زدت كرهت راسي سمعت دقان مشيت نحل لباب وتفاجأت ملي لقيتها قدام لباب مي لحنينة شحال توحشتها شوفي شنو طرا لي بلابيك بغين نعنقها ولكن حسيت بتصرفيقة حارة نزلات على حنكي حسيت براسي ترفعت
ماما:تصطيتي اش درتي تزوجتي بلا خباري هادي هي معزتي عندك وزيداها بزواج وصية فقط كون غير كنتو تبغيو بعدياتكم دابا غادا تجمعي حوايجك او تزيدي معايا لدار ولا نساي بلي عندك مك.تزادتني صدمة على صدمة هادشي جاني متابع جلست لرد وكنفكر شنو طرا لبارح وبلاما نجاوبها مشيت للبيت لبست جلابة وخليت شعري مطلوق متسوقتش لحالتي او بديت كنجمع فحوايجي ميمكنش نخسر ميمتي هو كان مزال ناعس وشوية بدا كيفيق او كيف ديما كيقول لمياء مادويتش معاه ناد شافني كنجمع لحويج.
امير:علاش كتجمعي فلحوايج.
انا:ماشي مشكيل واخا خسرت شرافي ولكن غنرجع منين جيت.
امير:كيفاااش
انا:كيف سمعتي
امير:لا نتي كتكدبي عليا ميمكنش نقرب لشي بنت من غير لمياء
انا:لمياء لمياء خرجت ليا على حياتي ندمت على نهار لي جيت فيه هنا .
حسيت بتصرفيقة جاتني لنفس لحنك.
امير:اخر مره نسمعك قلتي عليها شي حاجة.
انا:بسلامة
هزيت حوايجي او خرجت او خليت قلبي فدار وليت كنبغيه و كنتفكر شنو طرا كنكرهوا مطلبش مني حتى سماحة وخا هادشي كامل لي درت انا ضعيفة شخصية مشيت انا وماما عند ختي لي غير صونات عليها ماما خرجات و ملامحها كاملين حزن مشينا للمحطة لقطار قطعنا و بقينا كنتسناو شي شوية بعد نصف ساعة ركبنا و نطالق لقطار وانا قلبي كيضرب كنت كنتمنى حاجة هي نموت تو نتهنى من دنيا معنديش علامن نحط راس من نهاري وانا كنتمنى لي يبغيني وينويني لحلال و يعودني على حنان الاب لي محرومه وعلى حنان الاخ لي فقدتوا كسيدا مات بين ايدي دازوا جوج دمعات من عيني طريق كاملا وانا نبكي على حياتي لمرونة رجعنا لدار وقلبي زاد تزير عليا وكنشوف كيفاش مشيت وكيف رجعت من لبنت ناشطة لفرحانة طموحة للبنت للمحطة ليائسة دوزت شهر غير فدار منا مزوجة منا مطلقة او ماما يحسابليها بلي كان زواج غير على ورق مقدرتش نقول ليها شنو طرا وقررت نعيش حياتي عادي واخا عارفا مكينش لي يقبل بوحدا بحالي قررت نعيش وحيدة ونخلي كولشي للوقت او للقدر ولكن كيف ديما قلت يله ولفت على لحزن ولغمه تزادني حزن لمن لمفروض نفرح كنا كنتغداو ساليت وندت محسيتش براسي حتى غيبت ملي حليت عيني لقيت طبيبة جاية عندي و الابتسامه على وجهها .
مذكرة أريج الجزء التاسع
محتوى القصة
التنقل بين الأجزاء