قصة مذكرة أريج

شحال توحشتك احبيبي من نهار تزوجنا مفرحت بيك ديما بعيد عليا مقدرتش نبدل كلشي .

انا اريج 21عام دابا ربة بيت لي مازال متبناش هه نعاود ليكم من لول انا ساكنة فمدينة الدار البيضاء كانت حياتي بحال كاع لبنات المنفاتحات لبس شوية لقراية الاصدقاء مي مكينش ولد لمرة لي يحط عليا ايدو كنت واخا نجلس بين 20 ولد من لي كنعرف حتا واحد ميقدر يخل الحياء اولا يزعم عليا ديك ساعة كنت فلباك كانت عندي 18عام او الحمد لله نجحت ب 15 او بديت نخطط اشنو غادا ندير او كنرسم فاحلام لي حتا حاجة مغدا دار هه.

عيط ليا بابا او قترح عليا باش نجيو عندو انا او ختي ندوزو العطلة.

انا :الو بابا لباس عليك توحشتك بزاف مناويش تجي تشوف بناتك اولا نسيتينا 

بابا:وعليكم سلام ملاكي زربتي عليا العفريتة 

انا:والوحش 

بابا:اش بينا اوبين شي وحوش 

انا :وازعما توحشتك 

بابا:شوفي اش بان ليكم تجيو عندي نتي او ختك راوية 

انا:واخا ولكن راك عارف نتشاور مع زوجتك السابقة(نسيت مقلتش ليكم بابا او ماما مطلقين او هو مزوج او عند ولاد اخرين مي فطنجة)

بابا:واخا ابنتي يله بسلامة او سلمي على ختك.

دابا خسني نقنع رشيدة لي هي ماما ههه باش تخلينا نمشيو .

انا.ماما حبيبة منبع الحنان 

ماما:وي حبوبتي

انا:وحد طليبة كبيرة 

ماما:لفلوس ههه

انا:ولا خاب ظني فيك يا اماه ولكن شي حاجة كثر من لفلوس

ماما:الله يسمعنا خبار الخير

انا:ماما عاافاك راه دوا معايا زوجك السابق او قال لينا نمشيو عندو انا وختي فهاد العطلة 

ماما:واش باغين تخرجو ليا لعقل 

انا : وماما راه توحشنا بابا عافاك

ماما:ابنتي راني خايفة عليكم من مرت باكم مكتحن متمحن قلبها قصح من لحجر خفتها ديرليكم شي حاجة راه مكتحملنيش او باينة حتا نتوما الله يستر

انا:واماما الى كانت مكتابا لينا شي حاجة راه مكتابة هنا او لا لهيه بحال بحال

ماما:هاداك باكم منقدرش نحبسكم عليه او الله يحفظكم ابنياتي .

المهم مني بغات او هيا ممرتاحاش واخا هاكا حاسا بيها مزيرة او قالت اه غير بزز الله يسمح لينا من الوليدين دويت مع راوية او فرحات بزاف هي صغر مني ب 3سنين او دوينا مع بابا او قال لينا بلي بعد 3ايام غادي يصيفط لينا لفلوس او فليوم رابع نشدو طريق .داكشي لي طرا.

كنجمع فحوايجي او كنشوف فماما مسكينة تزير عليا قلبي حسيت بحالا مغداش نرجع لهاد دار من بعد منمشي او دكشي لي غادي يطرا...يتبع