قصتي مع الشبح ديال جارتنا الجزء الثاني

منعستش ديك ليلة تنتسنى فلغد ليه باش نمشي عند هاديك شولفى لي فداك السيد وفالصباح خديت موطور ديال واحد العشير ومشيت هزية ختنى وبقينا غادين تنقلبو على هاد السيد حتى لقيناه ولقينا بنادم واقف بصف وصلاتنا نوبة دخلنا عند هاديك لمرة البنت وهيا تلوحلها 100 درهم فحجرها خداتها وبقات تتشوف فيا واحد خمسة دقايق وقالتلي برك هنا بركة وهيا تنوض دخلة لواحد البيت وجابت معا قصعة وواحد زيف ديال حياتي وقالتلي دفل فداك الزيف وداكشي لي درت خداتو وهيا تقلب عليه القصعة واحد وهيا تبدا تزغزت وهيا القصرية بدات تتشقق وهيا تسكت وبقات تتحرك فراسها ورجعات لبنت مية درهم لي عطيناها وقالت ليا معندي مندير لك هادشي كتر من القدرة ديالي أولدي بديت نطلب فيها غير تقولي شنو واقع شنو هادشي لي تيوقع ليا قالتلي بلي انا درت شي حاجا لشي ميت خلاتو يديرني فراسو غير قالتها ليا وانا نتفكر ديك جارتنا الميتة لي كنت كفت على تصويرتها ومعا لخلعة عاودت لشيبانية كلشي وهيا البنت لي جايا معايا تبدا تضحك وهيا تضور فيها الشوافة وخرجاتها قالتلي بلي انا صعيب نتفك من هاد الروح لي تابعاني حيت نتا لي ستحضرتيها ملي كفتي عليها فطواليط ودابا غتبقى تابعاك حتى يرفع لله روحها لعندو يوم القيامة صافي انا ديك ساعة وليت صفر بحال شي حامضة صافي حصلت فيها هاد المرة ندمت على نهار لي عرفت فيه شناهوا تكفات خرجت لقيت لبنت باقة تتضحك نوضة الموطور وتمينا غادين وانا فواحد الحالة خايف ومرعوب انا اصلا مكنتش تنأمن بهاد لعجب و وصلنا رجعت لسيد الموطور وتميت غادي معا البنت نوصلها لدارهم وهيا توقفني وقالتلي بلي إلى كانت مكتابة شي حاجة راه مكتابة بلاما نخاف وراه ابنت الطحبة محاس بلمزود غير لي محشيلو فكرو دخلت لدارهم وحتانا وصلت لدار دخلت بركت معا الدار وتنخمم وخى نقولها ليهم مغيتيقوش ويبداو يضحكو عودتاني مشات الواليدة لكوزينة

تنشوف فتلفزة وهيا تقطع الصورة وتيبان لي البيت كامل حمر وشي حاجا تتهزني لسقف وفهاد للحضة تتدخل الواليدة وهاد المرة شافة كلشي بقات شحال وهيا تتشوف فيا معلق وتنغوت المنضر غريب بزاف وبدات تتغوت وتجري برا وخلاتني بوحدي فلبيت واول مرت تيبانلي شبح ديال ديك الجارت دابا تأكدت بلي هيا مبقاش عندي الجهد باش نهدر الواليدة جابت شي جيران ودخلو لدار وانا نطيح اول مرت نسخف فحياتي وبقيت فاقد لإحساس واحد نص ساعة حتى ؟؟!