شارابوفا الجزء 22

دازت سيمانة و سندس ناعسة على كرشها ظهرها مكتحركش و انيس قليل فين يدخل عندها حيت مانعين عليها الزيارة بسباب صحتها و انيس رغم شوقو ولكن خوفا عليها و على صحة الجنين قرر يدير بنصيحة الطبيب حيت اخر مرة دخل عندها و تكلم معاها غا نطقات باسميتو و بدات تبخ الدم كون متدخلوش الاطبة في وقت المناسب كانو ايديرو ليها عملية اخرى ,,اما محمد فهاد مابقاش بان ماشي حيت جراو عليها مي راه انيس طيح ليه جوج سنات القداميين و هرسو من يديه الليمنية و ظهرو ماقادش ينود بيه هههه ,,دابا امير و انيس باركين في مطعم ديال الكلينيك ;خاصنا نعلمو بلي لقيناها اانيس

انيس كيحك في راسو;مابغيت تاحد يعرف ,,ماكرهتش غا تخرج من هنا نمشيو انا وياها شي بلاصة و نعيشو بوحدنا وولدنا معانا بعاد من هاد الخدمة و هاد المشاكيل اوووف (تنهد)ولكن هي ماغتبغيش ياك(تلفت عند امير)

امير;ماعرفتش ولكن انا كنظن بلي عندك الحق خاصكوم تبعدو شوية من هنا على الاقل غا بينما برات حيت يلا رجعات الرباط اكيد اترجع الخدمة راك شفتيها المرة الاولة (تنهد بحزن)ولكن الوليد ,,,

انيس;كيف بقا؟

امير هز راسو;ماعرفتش انا من شفتو في السبيطار قالي الطبيب جاتو صدمة زدت مابقيتش قاد نشوف في وجهه (نزل راسو)من جهة كان هو و من جهة سندس ديك الساعة كان كل همي نلقا سندس و نشوف كيف نخرجك من السبيطار زدت و بدلت نمرة عرفت عبير اتشقمني مابقيتش سولت عليهوم لي عرفت من الطبيب انه خرجاتو عبير و كوثر مابقا لا كيهضر لا والو من تم ماعندي تاخبار عليهوم

انيس;مشكيييلة هادي (سكت)كوثر صدقات بنت الناس ماتفرطش فيها رغم داكشي لي درتي و ضحيتي بيا صدقات مرا

امير بحزن;ماعرفتش كيفاش نشوف ليها في عينيها بفف نسا هاد السوجي دابا اش غدير

انيس ناض;انا انمشي نشوف سندس بدر قالي بلي دابا يمكن لي نشوفها و نت هضر مع الدار و قوليهوم لقيتها ماتخليهومش مشطونين

امير;ولكن

قاطعو;من حقه يعرف بنته فين كاينة ,,غا ماتخلعهمش و صافي عرف كيفاش تصرف (ضرب في كتفه)تكلم مع باك

امير ;ونت ماغتدويش معا با

قاطعو;مامستعدش دابا داكشي لي دار في و فمراتي وولدي ماقادش نسامحه فينما بانت ليه شي قضية مخلوضة و فيها الموت كيسيفطها غا خرجات من السبيطار و برات سيفطها لجاك و كان عارفها حاملة و محنش فيها ولا قال هداك راه حفيدي تقدر تأدا و حبس البحت عليها و حبسني انا في السبيطار الحماق باش منقلبش عليها هادشي لي دار منقدش نسمح ليه بسهولة (تلفت و عطاه بظهرو)مانت باك كان ضحية لكدوبنا كاملين خاصك تعيط ليه (زاد وخلا امير كيفكر من بعده شاف حتى عيا و جبد تيلي ديالو اول نمرة بانت ليه هي كوثر يعيط ليها بقا كيشوف في النمرة و تصويرة لي داير في ريبيرطوار ديالها بشوق و ندم و حسرة حتى كان غايورك عليها و هو يحبس نزل كيقلب حتى بانت ليه النمرة ديال عبير بعد ترددات كثيرة دوز ابيل ليها)

***عند عبير

باركة هي و كمال في كافي

كمال;ودابا شنو غديري ها هو العام ضاع ليك

عبير جغمات من الطاس و هزات راسها فيه;اش غندير ؟حتى العام جاي و يحن الله اصلا ماكانتش راشقة لي على القراية دابا

كمال غوبش;كيفاش؟واش باغا تجهليني ولا شنو ؟اتكملي قرايتك ولا ن

ترن ترن

عبير جبدات تيلي شافت في نيم باستغراب

كمال رج عينيه;جاوبي

عبير هزات راسها;ماعرفش اول مرة اتصوني لي

كمال عقدهوم و بداو رجليه كيفيبريو;غا جاوبي شوفي شكون ؟

عبير;اوك (فتحات الخط)الو

امير ;احم عبير

عبير;وي خويا شكون ؟(سكتات و هي توقف بفرحة)امييييير ياك؟

كمال وقف بغضب

امير;احم وي امير صافا عليك

عبير;(بعد صمت)كنعديو ونت اش خبارك ؟غبرتي شحال عيطت ليك و كنلقا تيلي ديالك طافي خلعتينا عليك اصاحبي

كمال ضرب يديه مع الطبلة و كيشوف فيها هي مامسوقاش

امير;مم كنت مشغول بغيت نقول ليك بلي راه لقينا سندس

عبير;شنووووووووووو (طلعات فوق الكرسي بفرحة )عاود عاود ههههههه

كمال تلفت بانت ليه القهوة كاملة كتفرج فيهوم و هي مقلشة كتضحاك كعا و هو كيشوفها كتضحاك يله كانت عاقداهم مكالمة من هادا وخالاها طايرة لدرجة طلعات فوق الكراسا

امير;اه وهاشي لاش عيطت ليك

عبير;هههه (كتحك في راسها )خبار واعرة هههههههه وااااااااااااااااااااع هههههههه انا جاية فين نتوما

امير;ماكين لاش بقاي مع الوليد دابا و طمنيه هي دابا عيانة شوية اتولي لاباس و نجيو كاملين

جمعات الضحكة و نزلات فوق الكرسي;كيفااش؟شنو كاين اامير ماتخلعنيش

امير;ماكين والو راااه (بعد صمت)قلت ليك ماكين والو ,,هي دابا مزيانة و انيس هاهو معاها غا عيانة شوية و صافي اتولي بيخير نجيو كاملين

عبيربحزن;اووك

امير;كيف داير الوليد

عبير;دابا مزيان ولا كيقد يتحرك و يبرك الهضرة لي باقي ماكيدويش

امير;ووو كو

قاطعاتو;باركة معانا في الدار مافارقاتناش مسكينة كتمشي الخدمة و تجي عدنا

امير;احم انا منبعد و نعيط ليك انيس معرت لاش بغاني

عبير;اوك تهلى في راسك

امير;واخا

قطعات وهزات راسها في كمال لي ولا وجهه حمر بحال المطيشة وعرقان شافت فيه باستغراب;مالك ؟

كمال;معامن كنتي كتهضرييييي ؟

عبير شافت فيه باستغراب و هي تفكر هضرة امير بلي لقا سندس وهي تبدا تضحك;وااااع لقاوها ههههههههه

كمال خرج عينيه;شكون؟

بدات تغوت;وووا لقاو سندس ههههههه واععع ههههه امير خوادري يله عيط لي و قالي لقاوها هههههههههههه

كمال بارتياح ;هدا خو سندس لي تاصل بيك

عبير;ههههه واييييه والقاوهااااااااااااااا

كمال بابتسامة رجع فيه اللون;مبروووك ياك قلتك ليك غايلقاوها

مشات كتجري عندو شداتو من كتفه و بدات كتنقز عليه ;هههههه وايييه الحمد الله هههه والقاوها لقاو سندس

وقف الغارصون;مدموزيل عافاك هضري بشوية راه صدعتي الناس

طلقات من كمال و مشات شدات ليه فكتافو مع ابتسامة;ههه والقاو ختيييي فهمتي لقاو ختيي ههههههههههه

الغارصون تصدم ماعرف باش تبلى بقا اكيشوف فيها ,,اما كمال وجهه لا يبشر بالخير تعصب و هو كيشوف فيها حاطة دراعها على كتف الغارصون و كتضحك ماشعرش حتى جرها من يديها حل جبد بزطامو جبد منها زرقالاف لاحها فوق الطبلة هز ليها شكارتها و تم جارها برة القهوة و هي كتشوف فيه باستغراب مافهمة والو ,,

وصلو حدا لوطو و هي تنتر دراعها منه;املك مجرجرني هاكا ياك لاباس.؟

كمال دار عندها;شوفي نتي لي باركة تنقزي و تعانقي لي

عبير مسحات على راسها;عادي اش فيها ؟

كمال خرج عينيه;اش فيها ؟لا مافيها والو غا السيد بان ليه الصدر و حوالو عينيه,,,مافيها والو هاااااا

عبير ;وت مالك نعنقو ولا نبوسو قاع اش دخل حمارتك باش دابا جاي تفرgع علي كندخل فيك انا منكنشوفك كتسلم على شي وحدة ولا معانق معاها و كل واحد يديها فكرو شوية

كمال شدها من يديها;اش كتخوري فين شفتيني معانق مع شي وحدة

عبير:نهار السبت مكنتيش معانق نت واحد خيتي حدا البحر؟دويت معاك تكلمت معاك؟لاش دابا جاي تفرع لي مخي باغي دير فيها سي السيد

كمال كيفكر;نهار السبت نهار السبت (تفكر)ااااه هههه هاديك الالة راه خوادرية وجات من المانيا و خرجتها ههه (شاف فيها)متقوليش لي جاتك الغيرة منها

هي بتلعثم ;غيرة ؟اشمن غيرة ؟وعلاش تجيني الغيرة؟لاش غنغير عليك اصلا ,,,اش بيني و بينك باش نغير عليك ,,ههه قاليك جاتني الغيرة

كمال;وحد جوج,,,,في جوج ثواني قلتيها ستة المرات ههههه

عبير ;واش غتبقى تحسب ليه نقولها حتى عشرين بببببف زيد خليني نمشي فحالي

كمال ;ههه اوك (ووهو دار كونطاك و حل ليها لباب)هه ولكن انا جاتني الغيرة من شفتك معنقة داك خاينة

عبير ركبات في لوطو و هو سد الباب و تم غادي جهتو ضحكات في خاطرها;ههه صدقات ختو هههه

كمال شاف فيها بابتسامة و هي تخنزر فيه و لفتات وجهها جهة ديال الزاج و ربعات يديها حتى هو مادواهاش كسيرا لوطو و زادو وهي باقا في نفس الوضعية كتدكر تجرجيرة و وجهه لي كان باين عليه الغضب كتبدا تبسم و كتجمع الضحكة بحال هبلة و هو مقابلها كيضحك عليها وصلها حدا دارهوم هزات شكارتها ;شكرا

هو بابتسامة ;ههه مابيناتناش ههه سلمي على الحاج غيولي شوية و نجي نشوفو انا والخوادرية هههههه

عبير باستفهام;مافهمتش؟

كمال;ماعندك شنو تفهمي بغينا نشوفو السيد راه زيارة المريض واجب اولا؟(مع غمزة)

عبير تلونات;احم مرحبا (هزات شكارتها و نزلات سدات لباب وتمات غادة حتى قربات لباب دارهوم و عاود تلفتات جهتو لقاتو باقي واقف و كيطل عليها دار ليها بيديه باي باي و كيضحك دورات وجهها بالزربة و حلات باب الدار و ردخاتو هو بقا كيضحك في لوطو;مسطية(دار نضاضرو في عينيه و كسيرا)

عبير حلات لباب ديال الدار و دخلات لقات سي مصطفى بارك في الصالون و ساهي ولا كيوقف و يتحرك ولكن الهضرة والو ماكيدويش غا كيشوف بيعينيه و ساكت دخلات بعجاجتها ;وااااااااااااااااااااااع وافيييييينكم وااااااااااااااااااااااااع

كوثر و وهيبة نازلات من الفوق كيتجاراو مخلوعات;اش كاين مالكي ؟

عبير ;واااااااااازغر تو الخراوات زغرتوووو ههههه والقاو سندس ههههه واراه لقاوها

سي مصطفى دار عندها بصدمة

اما كوثر و وهيبة نزلو كيتجاراو و فرحانات ;هههه شن ووو واش بصح ولا شي كدبة تاني

عبير ;هههه واحق اللله مانكدب واللله حتى لقاوها عيط لي امير وهو لي قالها لي

كوثر ;ههه الحمد الله (بحزن)امير لي عيط ليك؟

عبير بابتسامة;ههه وي و قالي بلي هي مزيانة و غي جيو كاملين هه وحتى انيس معاها ههه لقاوها هههه (شافت في سي مصطفى لي كيشوف فيها و عينيه مغرغرين تقدمات ناحيتو بابتسامة بركات حداه و هزات يديه باستها )هه يله الوليد ورينا شي ضحكة ها هي سندس جات دابا ماكين غا تغوبيشة و تقليقة تاني ههههه و لي دوا يرعف هههه

سي مصطفى شاف فيها بابتسامة مخلطة مع دمعة نازلة من عينيه ;ههه هاديك الوليد ضحك دابا قبل ماتجي تهجرو لينا هههه

سي مصطفى;بببببببغيييييييت نشوووووووفااااااااا ببببببننننتيييي بيييييت نشوووفا

عبير بصدمة;ههه دويتي (شافت في كوثر ووهيبة )هه واش سمعتو ؟ههه اخيرا دوااااااا (دورات راسها لعندو بعيون دامعة و تلاحت عليه)اهئ اهئ الحمد الله الحمد الله اهئ

هو هز يديه كيترعدو حطهوم ورا ظهرها معنقها و جات وهيبة تلاحت عليه كتبكي حاوطها بيد اخرى هز راسو بانت ليه كوثر كتشوف فيهوم وكتبتاسم و تمسح في دموعها;اااااجييييي ابنننننتيييي حتتتتتا نتييييييي

جات عندهوم و تخشات حتا هي كانت لقطة مؤثرة لقطة لي فرحات عبير و كوثر و وهيبة و فرحاتني حتى انا معاهوم و اكيد حتى نتوما لقطة كتعبر على الامان و الاستقرار و الفرحة كثر من شهرين وهوما معدبين وجا الفرج غا بمكالمة وحدة قلبات عليهوم الموازين وخلات كلشي ناشط هادا هو طبع البشر من كتبتاسم ليه الدنيا في لحظة كينسا قاع عدابو و معاناتو بحال يلا قاعمة دوزهم بحال يلا يله تزاد غي ليوم ,,,تباعدات وهيبة شوية و شاف في كوثر ;ماقالش ليك فين هوما ؟

عبير;لا قالي غي لقاوها وهي دابا مزيان و معاها انيس باينة هو لي لقاها ولكن ماتخموش نجبدهوم واخا يكونو تحت الارض هههه

كوثر;عارفاك خطيرة هههه

وهيبة ;نودو دابا سايبولينا شي شهيوة ناكلوها راه شهرين و ختكوم كاتعاني حتى من عيد الكبير ماعقلناش عليه

كوثر;مضروبة على كرشها

عبير;وابغيت اللحم اعيباد الله بغيت اللحم واعيت بشعرية و روز بغيت نغمص

الكل;ههههههههههه

***عند انيس

دخل الغرفة ديال سندس بلباس ديال المستشفى لقا الممرضة يله خرجات من بعدما داوات ليها الجرحة تمشى لناحيتها وهي مغمضة عويناتها جر كرسي حداها و برك دار يديه على فخادو و كيشوف فيها و يتنهد و بين تنهيدة و تنهيدة كيخرج وحدة كبييرة و سخونة كيعبر بيها عن الامو و احزانو كيشوف في حبيبتو لي باغاها من قلبه ملقات على سرير من الماء بوجه صفر و تحت عينيها اسود ضعافت ولات عايشة غا بالسيروم و البراوات حيت باقي مامسموحش ليها الاكل هز راسو السقف و دور راسو جهة ديال الباب و عاود دورو جهة ديال السيروم عاد نزل عينيه جهة ديال كرشها هز يديه و حطها على كرشها و كيلمس فيه بصبعانو;علاش ؟علاش ؟علاش درتي في راسك هكا و فينا ؟(هز راسو و شاف فيها وهي ناعسة بسباب لبرا)كون دابا (سكت)مابغيتش حتى نفكر فداك الموضوع,,كون مت ,,مافكتيش في؟ (نزلات دمعة من عينيه )مافكرتيش شنو ايسرا لي من بعدك؟ ها؟ردوني حمق و سدو علي بحال المسعور كيعطيوني البراوات ,,(مسح عينيه)شهرين ,,شهرييين وانا كنتعدب قلبي شاعلة فيه العافية ماعرف عليك والو ,,(سكت),,من شفت داك الدم كان ايسكت لي القلب ماعرفتك حية ولا (تنهد),,شحال من مرة بغيت نتاحر و حبسوني ,,مابغيتش نعيش بلا بيك نتي هي حياتي و كلشي نتي روحي والهواء لي نتنفس بيه ونتي؟باغا تحرميني منك؟باغا تحرميني من الحاجة الوحيدة لي عايش على قبلها؟كنتي اتفكري في ديك الساعة علاااش درتي هكا اسندس علاش؟علاش ديما كتخليني نتعدب شنو كتستافدي ؟واش في كل مرة باغا تختابري مقدار حبي ليك ولا شنو؟كنأكد ليك بلي هاد المرة ربحتي الرهان ,,جوج المرات وانا كنشوفك بين الحياة و الموت,,,شهرين اسندس شهرين و نتي في الغيبوبة كون فقدتك ؟ماقلتيش انخلي ورايا واحد يموت لا مكنتش انا ,,(تنهد)رحميني ,الله و كيرحم علاش نتي لا,,نشوفك ومانقدش نمسك ولا نتكلم معاك واش هدا ماشي عقاب ؟مانقدش حتى نخشيك في حضني و نعنقك و نشبعك منك,,وااش هادا ماشي عقاب ؟يلا بغيت نشوفك حتى تكوني ناعسة باش متأدايش(تنهد)واش هدا ماشي عقاب؟محروم من صووتك (شد يديها )من لمسة يديك من ابتسامتك من غضبك محروم من ريحتك ,,من حضنك (شاف فيها)من شوفة في عينيك ,,واش هدا ماشي عقاب؟تهديت وهدا الله علنت استسلامي و هزيت سلاحي ,,موتي ايكون على يديك حيت نتي اسندس كتقتليني بهداشي ؟بغيت تنفهم حاجة وحدة ,,,واش باغا تموتي ؟واش كتنتاحري بديك الطريقة ولاشنو ؟علاش مخليتينيش نمشي انا ,,؟انا قاد بيه واش مكتيقيش في وقوتي ولاشنو؟(هز راسو الفوق و تنهد و نزل شاف فيها)باراكة من العقاب حيت كنحلف ليك بالله حتى مابقيتش عارف شحال غنستحمل مزال تقادا صبري وااللله ,,عيييت وليت باغي غي نرتاح ,,باغي غي نعس بلا منخمم في غدا ,,باغي نتنفس هواء نقي بلا هموم ,,رحميني و رحمي هاد القلب لي كيدق ليك رحمي هاد الشخص لي مابقاش عارف طعم الحياة ,,رحمينييي اسندس (هز يديها باسها نزل عندها شوية باس فمها بوسة خفيفة و باس راسها قاد ليها الغطا و ناض وقف شاف فيها شحااال عاد تحرك خرج لقا امير واقف حدا الباب)كيف بقات

انيس بتعب;ناعسة نت مابغيتيش تدخل تشوفها؟

امير;عيطت للعبير راه قلت ليها لقيناها

انيس;واش مغتدخلش تشوفها ؟

امير;قالت لي الوليد ولا شوية دابا ايفرح لا سمع بلي لقيناها

انيس;علاش كتبدل الهضرة واش مغتدخلش تشوف ختك

امير طلع النفس;ماقادش نشوفها ,,,انا السباب باش وصلات لهاد الحالة كان علي نحبسها منخليهاش سيفطتها الموت بيدي وانا عارفها حاملة و مصابة في كتفها,,خفت على راسي و مخفتش عليها ,,باقي الحد الان حشمان منك عارفك كتدوي معايا افوق قلبك مابقيتيش كتعتابرني كيف كنت من قبل ,,عاد انقد نشوف ليها في عينيها بلا حشمة بلا حياء باش من وجه انقابلها بيه

انيس حط يديه على كتافو;نت ديما صاحبي و غتبقا صاحبي ,,عارف راسي في لحظة غضب قلت ليك كلام خايب ولكن خوفي عليها مخلاني نعقل على تاحد

قاطعو امير;كان عندك الصح انا مصدقتش راجل ,,خفت على راسي و خليتها مشات ضحيت بيها و بكوثر وانا بقيت ,,,انا مانستحقش نشوف ليهوم في عينيهم مزال ماقادش اانيس ماقادش ,,كوثر واخا درت فيها هكاك مخلية دارهوم و باركة معاهوم كتمشي الخدمة و ترجع ,,,حرت والله

انيس;لا كوثر ولا سندس ماكيحملوك مسؤولية هاد الامر سندس ختك راسها قاصح واخا تعيا تحبس فيها فهي غدير غي لي قال ليها مخها كون غيباتك فحالي و زادت و زيدون داكشي قضاء و قدر كان مكتاب لجاك يموت علي يدين سندس و كان مكتاب ليها تصاب في المهمة راك شفتي شحال حبستها و كلشي و في الاخير دارت لي فراسها وجات ,,نت غلطتي اه منكدبوش ماكانش عليك تخليها تمشي ,,(سكت)ولكن دابا كلشي تصلح نسا الماضي و عيش اكيد راك تعلمتتي الدرس دابا

امير عنقو ;سمح لي اخويا سمح لي ,,

انيس بابتسامة بادلو لعناق;هانية راك عشيري (بعد منه)اش قالت ليك عبير؟

امير;قالت لي بلي الوليد دابا ولا كيوقف الهضرة لي ماكيتكلش

الغد ليه انيس واقف حدا الغرفة ديال سندس كيتسنى في بدر يكمل ليها الفحوصات خرج بدر;امدرا

بدر بابتسامة;مدام سندس كتحسن و حتى الجرح بدا كيبرا اللحم ديالها دغية كيتجمع ,,راه كتسول فيك

انيس باستغراب;تكلمات؟

بدر ;هه اه دابا يمكن ليها تكلم ولكن ماخاصهاش تجهد على راسها

انيس;امتى نقد نخرجها ؟

بدر;كنصحك خليها تكمل هاد السيمانة هنا حيت باقا مخاصهاش تحرك واخا بدات الجرحة كتبرى ولكن ماخصناش نغامرو من الاحسن خليها تكمل هاد السيمانة

انيس;اوك شكرا

يله ايتحرك وهو يسمع سميتو تلفت لقا عبير و كوثر شاف فيهوم باستغراب;اش كديرو هنا ؟وشكون قال ليكوم بلي حنا هنا؟

عبير;عيط لي امير وانا تبعت اشارة ديال المكالمة و وجيت ,,(بعد صمت)فين هي سندس؟شنو عندها؟امير ماقال لي والو؟

كوثر;واش كينا هي في هاد الغرفة؟

انيس ينهد;سندس تصابت في العملية و شهرين و هي غيبوبة و غي عشريام تقريبا باش فاقت و دارت عملية خطيرة و دابا ماخاصها لا تنود لا تكلم

عبير و كوثر شهقو بالصدمة

هز راسو بان ليه امير جاي ;ها هو امير هو يفهمكوم انا خاصني ندخل عندها

عبير و الدموع بعينيها ;بغيت نشوفها

انيس;دابا مايمكنش خاصها الراحة ماخاصهاش تجهد على راسها باقا حياتها في خطر (وزاد)

كوثر تلفتات بان ليها امير جاي جيهتهم مستغرب لابس شورت ديال بارا باج و بيل بيض لاسق عليه و سندالة ديال الصبع يديه في جيابو و كيتعنgر وقف حداهم عينيه ماحيدوش من على كوثر كانو نظراتو شوق و ندم و حنين و هي كتبدالو بنظرات مليئة بالعتاب بقاو كيتأملو في بعضياتهوم لمدة حتى قاطعاتهوم عبير و خرجاتهم من قوقعتهم;امير ؟

دار عندها ;اااا كيفاش جيتو لهنا (بغضب)شكون جابكم ؟

عبير كتحك في راسها ;جينا بلوطو ديال سندس لي خلات في دار انيس

امير ;يله نحيدو من هنا و نهضرو (شاف في كوثر تنهد و عاود دار)

***

عند انيس لي دخل الغرفة ديال سندس لقاها متكية كتشوف في السقف سمعات الباب تحل و شافت فيه ,,بتاسم ليها بدورو وهو كيقرب من سندس و كيشوف ليها في عويناتها لي كترمش فيهوم بسرعة بسباب الضؤ لي ضرها في عينيها قرب حداها و جر كرسي و دار لي يديها وسط يديه و كيلمس فيهوم هز راسو فيها لقاها حابسة الدموع في عينيها ناض حداها و برك في جنب النامسية;دابا لاش كتبكي ؟

هزات يديها ببطئ كترعد حطاتها على وجهو

ناض حداها و برك في جنب النامسية;دابا لاش كتبكي ؟

هزات يديها ببطئ كترعد حطاتها على وجهو شد يديها باسها و ردها على حنكو ;توحشتك

هي بتعب;ح ح ححتى ااااناااااا تتتتوححححشششثتك

حط يديه على حنكها;اللله شحال توحشت صوتك

هي بتعب;كنبغييييييييييك

حط يديه على وجهها و قرب ليها;كنمووووت عليك ,,,,نوضي خلاص مابقيتش قاد نصبر ,,بغيت نرجعووو لدارنا,,واش ماتوحشتيش دارنا

بتاسمات ليه و حركات راسها باه

انيس بابتسامة;ويه براي دغية ,,

سندس;ببببغيت نخخخرج م

قاطعها;باقي خاصك الراحة,,,,,,(باس ليها يديها)مابقاش بزاااف صبري احبيبة

سندس هزات عينيها فيه ;قرب شوية

هز حاجبو فيها و دار ابتسامة جانبية و قرب منها حتى ولا نفسو كتضرب في نفسها;ممم هانا

هي;قققققرب ممممزااال

زاد قرب منها هي هزات ليد ليمنية حطاتها في حنكو حيت ليسرية ممنوع تحركها حيت ايتفتح الخيط و بدات كتشوف ليه بعينيه بكل حب ;تتتتوحشتك

بتاسم ليها و حط شفايفو على شفايفها و دخلو في قبلة حميمية فرنسية كيلتاهم في شفايفها بكل حب كل شفة كيعطيها حقها بشوية بلا مايخليها تجهد على راسها ولا تحرك ,,مغمضين عينيهوم و غاطسين في عالمهم كيرويو عطشهم و شوقهوم لبعضياتهم لمدة عاد بعد عليها و باس راسها ;كنبغيك

سندس تنهدات حتى ضرها ظهرها غمدات عينيها بالم و كمشاتهم هو حس بيها ,,,تكلم بخوف;سندس واش لباس ؟نعيط للطبيب ؟

سندس حركات راسها بنفي مع ابتسامة;للللبا

قاطعها بصبعو حطو في فمها;شششش ماتبقايش تكلمي بزاااف خاصك تعطي لراسك الراحة (باسها بوسة خفيفة)خاصك ترتاحي دابا انا انمشي و نرجع عندك الحبيبة (باس ليها راسها و ناض يله ايتحرك وهي تشدو من يديه)خخخخللللييييك معععااااااايييا

بتاسم و عاود رجع برك باس ليها يديها ;انا نقد نقول لا الاميرة ديالي؟(حط يديه على كرشها)حبيب باباه مامعدبكش ياك

حركات راسها بلا

انيس;ههه هي سمع الهضرة و بقا متبت (تنهد)بغيت غي امتى نشوفو و نشدو بيدي (دار عندها )باقي مامتيقش بلي نتي دابا هنايا و بلي لقيتك ,كنت شوية انحمااااق

سندس بتعب;س س سمممممح للللل

قاطعها;ماشي وقت الهضرة دابا رتاحي

بقا كيلعب ليها في شعرها و مرة مرة كيبوس ليها يديها حتى غفات ,,حس بيها نعسات قاد ليها الغطا و قاد ليها يديها باس ليها راسها و خرج

***عند امير

امير ;هادشي لي كاين دابا ماخاصها لا تاكل لا تكلم لا تحرك حتى يبرا ليها الجرح

عبير كتبكي;اهئ اهي مسكينة حياتها كلها عداب امتى اترتاح اهئ اهئ

كوثر ;اهئ اهئ كون غي مشيت انا في بلاصتها اهئ ديما هي لي كتاكل الدق في بلاصتي اهئ اهئ

امير تنهد بحزن;دبا هي كتحسن مابقاش ليها بزااف و تخرج من هنا ,,(سكت)كيف بقا الوليد (كيشوف في عبير)

عبير كتمسح دموعها;الحمد الله من سمع بلي لقيتو سندس عاد رجعات فيه الروح و تكلم مسكين كان خاصو غي حافز باش يرجع ,بغا يجي معانا و حبستو,,ودابا خليت معاه وهيبة تقابلو ,,,(تنهدات )دازت علينا هاد الشهرين ,,مابقيناش عارفين طعم الحياة من جهة سندس و من جهة الوليد لي شد الفراش من جهة نت غبرتي من جهة وهيبة ولات غا سادة على راسها (تلفتات لكوثر بابتسامة)كون ما كانت كوثر ووقفات معايا مسكينة كون ماعرفت مندير

كوثر حطات يديها فوق يدين عبير;ماتقوليش هكاك ,,سندس راه كثر من ختي وانا مدينة ليها بحياتي ,,,ماكنتش معاها في الوقت لي حتاجتني فيه على الاقل نكون مع الناس لي قراب ليها

هزات راسها لقات امير كيشوف فيها بنظرات مامفهومينش حنات راسها و عاود هزاتو لقاتو باقي كيشوف فيها رتابكات من نظراتو لفتات وجهها بان ليها انيس جاي جهتهم كيعرج برجلو لي داير ليها الغبص

عبير تلفتات ;انيس ؟؟

انيس جر كرسي وبرك مادواش

امير;كيف بقات ؟

هز راسو و عود نزلو :مزيان ,,دابا ولات تقد تهضر شوية ,,الطبيب قالي من هنا سيمانة نقد نخرجها (شاف في عبير)كيفاش جيتو ؟

عبير;راه شهرين باش هزينا لوطو ديال سندس من دارك ,,ماكانش عدنا باش نتحركو و نت عارف الوليد كان في الكلينيك وَخاص لي بقا غادي و جاي هزيناها و بيها باش جينا

انيس;كيف بقا ؟

كوثر;مزيان دابا تحسنات حالتو ولا كيهضر و يتحرك ,,لاشاف سندس ايقد يرجع كيف كان

انيس تنهد;نشاء الله

شاف في امير لي ماحيدش عينيه من كوثر ,,تلفت عند كوثر لقاها قالبة وجهها عليه ,,دار ابتسامة جانبية,,وعاود شاف في عبير;انا اندوي مع الفرمليات يوجدو ليكوم شي غرفة ,,,اكيييد عيتو مع الطريق

كوثر;لا ماكين لاش احنا نشوفو شي اوطيل نبركو فيه

خنزر فيها امير;اتبتي الارض لا؟

كوثر دورات وجهها

عبير;علاه يخليونا نبركو هنا واخا حنا ماشي مراض

امير مع ابتسامة;هداك الجناح انيس شدو كامل ماشفتيش تاحد ماكين ماكيدور تم من غيرنا حنا؟

عبير كتحك في راسها ;والله مارديت البال ههههه

دازت سيمانة و سندس بدات كتحسن حالتها ولات كتهضر مزيان وسمحو ليها تولي تشرب لا سوب و السوائل ولكن الحركة ممنوع تم ممنوع ,,انيس عمرو فارقها كيبقا معاها حتى تنعس و كيخرج كيدخل غي هو مامخلي تاحد يدخل عندها حفاظا على صحتها امير ديما كيحاول يتكلم مع كوثر ولا يستفرد بيها كتنخلو ماتسرطاتش ليها كيفاش شهرين ماعمرو تكلم معاها ولا سول فيها ,,قاع الافكار الخايبة دارت في عقلها و بزااف الممبررات دارت ليه في الاخير لقاتو هو لي مابغاش يتاصل بيها حتى من خبرهم بلي لقا سندس ماعيطش ليها و مسولش فيها شي لي خالاها تهز في قلبها من جهتو ,,لي عايشة لا في وممسوقة قاع شنو طاري هي لالة عبير ديما كمال كيعيط ليها و يسول فيها كيعجبها من كيدير هكاك و هي كتبدا تعفر عليه و تعصبو ههه ,,دابا كلهم واقفين قدام غرفة ديال سندس كيتسناو بدر يخرج كلشي واقف على اعصابو وهاهو خرج بدر مع ابتسامة;اش كاين ؟

بدر;ههه يمكن ليكوم تخرجوها دابا ,ولكن انبقا نقولها ونعاود ,,,يلا خليتكوم خرجتوها هدا ماكيعنيش بلي برات ,,ماخاصهاش تنوض و لا تحرك ماخاصهاش تجهد على راسها ,,ننصحكم غي بالسوائل ماتعطيوهاش الحاجة القاصحة

انيس;اندير ليها ممرضة تبقا مقابلاها

عبير;ماكين لاش انا انقابلها حتى تصح ,,,اش كندير انا ؟

كوثر;اه اصلا حنا في الاكاديمي قراونا على التمريض ,,ماكين لاش تجيب شي وحدة احنا معاها

انيس;لا ضرورري نجيب شي ممرضة مغتعرفوش فحالها

بدر;سي انيس عندو الحق المهم انا راه وجدت ليها وراق ديال الخروج خاصك تسيني فيهوم

امير;انا نسيني فيهوم (شاف في امير )انا راجع

انيس حرك ليه راسو باه و دخلو مجموعين لقااوها متكية في بلاصتها و دايرين ليها في يديها ليسرية بانضة و لاوينها على عنقها باش ماتحركهاش ماشطين ليها شعرها مسرحينو و لابسة كسوة ديال المستشفى مزوقة شافت في البنات بابتسامة كبيرة ;جيتووو

مشاو عندها كوثر و عبير

عبير بركات في طرف النامسية;وا ساطة توحشانك هههه (نزلات عينيها لكشرشها)واااااع صحايبي بدا كيكبر

كوثر ضرباتها;هه تي اش كتقولي حيدي قالاك صحيبك هداااك راه تيتيز ديالي

سندس;ههه شفتكم كتفصلو و تخيطو وولدي باقي متزاد ابسعو منه ولدي يلا مكانت ملكة الجمال مايشوفش فيها

عبير هزات ;مالنا حنا ماعجبناكش شوفي لاطاي و الزين شوفي الخالة لي حدا الفم

كوثر;شوفي الشعر ,,شوفي العينين خضرين

انيس مسكين حشم في بلاصتهم و هما ماحشمو هزات فيه سندس عينيها لقاتو مخرج عينيه و حابس الضحكة شاف فيها غمزها ;احم يلا صاليتو من تلواط زيدو تقلعو قدامي

كوثر و عبير تلفتو وهوما يتصدمو نساو انيس شافو في بعضياتهوم و وهما يبداو يضحكو حتى سندس بدات تضحك حتى حسات بالالم شافها انيس جا كيجري عندها بخوف ;حبيبة كتضرك شي حاجة واش نعيط للطبيب ؟

شافت فيه بابتسامة;هه لا غا حيت ضحكت ضرني ظهري شوية و صافي ,,قالو لي بلي انخرج اليوم بصح؟

انيس ;هاهما ايدخلو دابا يعطيوك مهدئ باش تنعسي,,و متحسيش بالطريق

سندس;ماك

قاطعها;راك سمعتي الطبيب ممنوع الحركة و ماخاصكش تجهدي على صحتك ,,دابا شوية اتوصل هيليكوبتر و انمشيو

حركات راسها باه

انيس ;عبير عيطي على الممرضة قولي ليها بلي واجدين

عبير;واخا

مشات عبير جابت الممرضة دقات ليها برا في ضراعها بقاو مجمعين معاها شوية حتى غفات دخلو ربعة ممرضين جارين باياص هزوها بشوية و تمو غادين بيها برا حدهم هوما كيقربو و صوت الفرفارة ديال الهيليكوبتر كيتسمع حتى خرجو لواحد الساحة في الكلينيك كان امير واقف معاه طاقم طبي اخر شافوهوم و تمو كيجريو نحو سندس شدو البياص من عند اللممرضين و تمو غادين بيه جهة هيليكوبتر طلعهوها هي الاولة دارو ليها السيروم و حزموها باش متحركش من تقلع عاد طلعو لاخرين خلاو السيارات يتكلفو بيهوم رجال انيس ,,شدو بلايصهم انيس شاد في باياص ديال سندس لي مربوطة و امير مقابل مع كوثر لي شادة الحتيت مع عبير مامسوقاش ليها و هاهي الهيليكوبتر قلعات نحو مدينة الرباط

بعد ساعة و نص و هوما في الجو واخيرا هبطات الهيليكوبتر في ساحة كبيرة و بالضبط في قصر سي انيس نزل انيس هو الاول و تبعو امير عاد الفتيات عاد تبعوهوم الطاقم الطبي منزلين سندس فبياص ,,وقفات الخدامة حدا انيس

الخدامة;مرحبا بيك اسي انيس ,,راه البيت واجد كيف ماقلتي لي

انيس حرك راسو باه و دار ليها حركة بيديه زاعما سيري وعينيه ماحيدوش من سندس لي جارينها كيجريو بيها نحو القصر للداخل تبعوهوم كاملين ,,دخلوها السانسور و طلعو بيها نحو بيتهوم دخلوها و قادوها في الفراش و غطاوها

الطبييب;سي انيس كلشي مزيان هاهي الممرضة حنان اتبقا معاها

انيس;شكرا

الطبيب;العفو نتمنى ليها الشيفاء العاجل

حرك ليه انيس راسو باه و خرجو الطاقم الطبي بقاو غي هوما مع الممرضة ;مسيو الايدريسي خاصني نصايب لمدام لاسوب باش تاخد دواها

انيس;نتي غا قابليها و صافي انا انقول ليهوم يوجدو ليها سوب (شاف في سندس لي باقا ناعسة و مغمضة عويناتها شاف جهة ديال الشرجم كانت الشمس عاطية عاود شاف في وجهها و تم غادي جهة ديال البالكو نزل الريدووات باش الشمس ماتعنكشهاش في نعاسها و تاخد راحتها ;ايكونو وجدو الغدا نزلو تغداو

عبير حطات يديها على كرشها;ههه والله حتى جبتيها لاسقة

امير بابتسامة جانبية;تاكلي ماتشبعي

عبير;خويا الا كرشي مامعاهاش اللعب ,,حتى لا طلعت عند ربي و سولها اتقول ليه هاد السيدة الله يعمرها دار كانت مهلية فيا

كوثر;ههههه زيدي زيدي

خرجو بثلاثة شاف انيس في الممرضة;سيري حتا نتي نزلي تغداي و قولي الخدامات يوجدو سوب

الممرضة;اووك مسيو الايدريسي

خرجات الممرضة مشا انيس برك في جنب النامسية لي بدلها و جاب وحدة جديدة من الماء و كبييرة خصيصا ليها باش مايطيبوش جنابها والضربة ماتوعتهاش ,,تكا حداها و حاط رجليه في الارض و بدا كيلمس في شعرها الدهبي ;اخيرا رجعتي لدارك (تنهد و باس ليها راسها ناض بشوية و دخل للدوش دوش بلا مايقيس رجليه الماء حيت باقي داير الكبص و تقابل مع المرايا لاوي غا فوطة جبد غازوار بدا كيغازي اللحية و يقاد فيها غسل وجهو ودار ليه معقم و خرج كينشف راسو تلفت ليها لقاها باقا ناعسة تبسم و حل الماريو لي مرتب كثر من حياتي جبد من كالسو خضر فيه كتبة بالكحل و شورت نايك بالزرق و بيل اكس نايك بالكحل سندالة نايك ديال الصبع جا ويلي ويلي خلا شعرو لي طوال شووية مخربق جا احم اللهم اني صائمة ههه دور رش ريحتو لي من نوع بوس دوريجين لفت وجهو لقاها باقا ناعسة مشا حداها قاد ليها الغطا و دار ليها مخدة من الجنب حط عليها يديها الليسرية باش ماتوعتهاش و خرج نزل لتحت

لقاهوم كياكلو جر كرسي و برك;عائشة

جات الخدامة كتجري ;نعام اسي انيس

انيس;صايبي لي شي سندويش بداند

عائشة;واخا اسي انيس شي حاجة اخرى

انيس;مم صايبتي لا سوب؟

عائشة;راه جليل كيصايب فيها اسيدي شوية تكون موجودة

انيس;ممم واخا سيري

الممرضة مسحات فمها و ناضت;شكرا انا انمشي نشوف مدام واش فاقت

انيس;واخا (شاف في امير)قلتيها لباك بلي جبناها

عبير ;عيطت لوهيبة لبارح قلت ليها غنجيو ليوم

انيس;خاصني نهضر معاه ,,

امير;مابانش ليك اتصرع

انيس شاف فيه بحدة;بالعكس كيف ما كان راه باها و ضروري ايجي يشوفها ,,خاصني نصلح هادشي و حتى نت اتمشي معايا

امير;انا غا

خنزر فيه;اميييير بجوووووووجنا انمشيو ونتغداو و غنزيدو عندوووو سالات الهضرة

قاطعاتهم الخدامة هازة بلاطو فيه سندويش و عصير و كاس ديال الماء حطات ليه داكشي و ستاءدنات

عبير تيلي ديالها بدا كيصوني جبداتو من جيبها لقاتو كمال بتاسمات هزات راسها لقات كلشي كيشوف فيها و منهم كوثر لي مطرطقة عينيها بلعات ريقها و دارت ضحكة صفرا;ههه غا وحد الصديق ههه مايمشيش بالكوم بعيد

كوثر;وشكون سولك ابوحدك كتقفقفي جاوبي راه السيد مسكين ايخرج ليه العقل هههه

امير;بحال يلا نتي مطفراه

نزلات راسها في طبسيلها بحال قاعمة سمعاتو هو تنهد و ضرب بالفورشيط فوق الطبلة;بصحة (شاف في انيس )انا انتسناك برا (عاود شافيها لقاها حانية راسها وزاد)

انيس شاف فيها و كمل ماكلاتو مابغاش يتدخل

اما لالا عبير فضرباتها بدرديكة فتحات الخط بسرعة كتنهج و قلبها كيضرب;اوااافين

كمال كيضحك;هههههههه فين اساط توحشناك غبرتي غبرة وحدة اعشري

عوجات فمها ;تعاشرك لفعة نشاء الله نت تحرك و هي تسوط

كمال;ههههههههه نمووت ونحيا و نعرف منين كتجيبي هاد الهضورر

عبير;من مخييي

كمال;هههه المخ عندك مشارجي ,,زعما ماتكونش عندي فيه شي بلاصة

عبير;سمحلي ميموار بلان

كمال;هههههه نفورماطيوها الالة ماكينش مشكيل ,,مزيانة قاع نشد بلاصة غا بوحدي و نطلق لفيروسات ديالي اي دوسي يدخل نعطي لباباه ههه

عبير;ماتخفاش دماغي مسوكيريزي نخاف امن طلق فيروس يمحيك

كمال;هه اهاه الالة,,ياك ,,ايوا شنو كتعاودي جيتي؟

عبير;يب يله وصلنا شي ساعة تقريبا

كمال;هي نشوفك في العشية شحال مشفتك بللللز ماتقوليش لا

عبير;خليها حتى الغدا اصلا يله وصلنا و حاسة براسي عيانة ديك هيليكوبتر جابت لي تبويعة لحد الان كنحس بواحد الدجاجة كتبقبق في مسارني و غتخرج مطحونة من فمي

كمال;ههههههههه واللله حتى علام هههه اوكي الالة نخليوك ترتاحي ليوم غدا نتلاقاو نخرجو نتغداو برا

عبير كتحك راسها و كتبتاسم;مشات يله غدا نتقاشعو

كمال;هههه نتقاشعو غدا هه

عبير;تلاح (وقطعات عليه وبدات تنكر)قالييك عشيري بغيت تعاشرك عيشة الحمدوشية تولي غادي و تجدب بحال البوهالي ,,هاد الزين و هاد الفورمة كلها تقول عليها عشيري بغيتك شي تهريسة فعظيم الطيو تولي ماتبرك ماتوقف

انيس بارك هو وامير في الصالة ديال دار سندس مقابل معاهم سي مصطفى قالب وجهه ,,بقا شي يشوف شي شكون يهضر و هو قاع ماكيشوف فيهوم قاع ثاني رجل على الصداري و مربع يديه متكي على المخدة فيقاتهم وهيبة من حطات السينية ديال اتاي مصحوبة ببعض الحلويات و كرواسة هز انيس فيها;شكرا

بتاسمات و خرجات تخليهوم بوحدهوم

انيس غمز امير زعما زعم ,,امير شاف فيه و تنهد عاد دور وجهه عاند باه لي كان باين فيه كاعي;احم الوليد كيف بقيتي ؟

سي مصطفى;(الصمت)

انيس تنهد و قاد البركة حط يديه على ركابيه و قوس ظهرو كيشوف في سي مصطفى بجد;عمي مصطفى حنا عارفين راسنا غلطنا بحقك باش خبينا عليك امر ديال الخدمة و امر الزواج ولكن تيقني كان نيتنا حسنة

امير;واالله الوليد مابغينا نجرحوك ولا نقصو منك ولكن كانت لي الضرورة احكام

سي مصطفى دار عندهم بوجه حمر ;نيتكوم حسنة؟معيشيني في الكدوب و كتشوفو لي في وجهي و تنافقوني ,,,كنت كنقول انا لي ربيت و ديما مفتاخر بولادي ساعة كلشي كدوب ولدي لي كبرت و ربيت و هو الراجل لي كنت معول عليه يحظي غيبتي ساعة هااااا كادب علي خدام في المخابرات و موهمني بلي نت مدير دشركة و البنت لي ضحيت بكلشي باش تكبر و مسايس معاها و دايرها في عيني قبل ماتطلب الحاجة كنوفرها ليها مفششها كثر من القياس كنت نقول تموسوني في عيني و متمسوني فيها ساعة حتا هي صدقات كادبة و كنقووول فين كاتغبر هاد الشهورة ساعة البنت صدقات خدامة خدمة اخرى وكادبة علي و مزوجة و حاملة من الفوق (شاف في انيس)ونت لي فتحت ليك داري و أمنتك و درت ليك بلاصة بيناتنا و اعتابرتك بحال ولادي داخل علي بالغدر راديني ضحكة بيناتكوم (باستهزاء)باغي تطلب يديها رديتوني قرد تشطحو في كيف بغيتو

امير;الوليد

قاطعو بتحدير;ماتبقاش تقول لي الوليد انا مكنولدش الكدابة و الخداعة

انيس طلع النفس شحال و خرجها كرز على يديه كيحاول يضبط راسو و مايتسرعش هز راسو فيه ;سمعني اعمي سندس ماعندها حتى دنب انا لي تزوجت بيها بلا ماتعرف و دوك الشهورة لي نت كنتي كتقول غابرة فراه كانت بين الموت والحياة ماكتحرك ماكتململ (سي مصطفى شاف فيه بصدمة)كنظن بلي ماعودوش لي كلشي ,,سندس تصابت في واحد العملية و شهرين وهي مكتحركش ,,ولا خباو عليك امر الخدمة فراهم ماداروش شي غلط لي اتاخد منه موقف هكا ,,شكون فحالك عندك ولاد لي كيفتاخر بيهوم العالم كامل كلشي كيتمنى يكون عندو ولاد فحالك ,,و سندس راها بطلة واش كتعرف شنو دارت ؟ضحات براسها باش تعيش نت وغيرك و غير غيرك في سلام باش المغرب يبقى في الامان باش لا خرجتي تخرج هاني و تنعس هاني هادي هي خدمتنا باش نخليوكوم تعيشو بالسلام فخاصنا نضحيو براسنا ,,يلا نت كتشوف بلي كدبو عليك ,,فأنا كنشوف حاجة اخرى هوما خباو عليك باش مايخلعوكش وتبقى مشطون عليهوم و بيها حماوك ,,سندس ماليها حتى دنب في هاد المعماعة كاملة هي كدير واجبها لي كون كنتي نت في بلاصتها مغترددش باش تديرو او لا؟

يتبع...