شارابوفا الجزء 21

حط لبيل جنب و مشا حداها تكا و رجليه في الارض ;مالكي ؟

سندس مغمضة عينيها;والو

قرب حداها;بنتي لي ماشي نورمال من الصباح و نتي فشكل واش كعيتي حيت درت فيك قبيلة ؟

حلات عينيها و ناضت ;لا ,انا انوض نلبس

هزات ساكها حطاتو فوق النامسية و بدات كتجبد فيه ناض هو حداها و شد ليها يديها ;سندس ياك تفاهمنا ماتتبقاي تخبي علي تا حاجة

هزات فيه عينيها كانو مدمعين ;خايفة

شاف فيها و ناض حداها برك حط يديه على خدودها و كيمرر صبعو الكبير تحت عينيها;مناش؟

سندس حطات يديها عليه;عليك,,,(تنهدات)

انيس باس ليها راسها وبعد عليها دار ابتسامة جانبية;خايفة علي؟ماعندك مناش تخافي ,,,انا قاد على راسي انا لي خايف عليك (حيد يديه على وجهها و حطو على كرشها)وعلى هاد الفنكوش ماكرهتش ماتمشيش و تبقاي هنا تسناينا (تنهد)ولكن عارفك راسك قاصح ,,هادشي علاش ماعندك مناش تخافي,,

سندس بعيون دامعة;ولكن نت مكتعرفش جاك قدي را و

قاطعها حط يديه على فمها;شششش ,,ماغيسرا والو ,,اليوم انشدو جاك و غنتهناو منه (دار ابتسامة)وغدا وجدي لي راسك

سندس هزات راسها;كيفاش ؟

انيس;غدا انجيب الوليد باش نخطبك صافي مابقيتش قاد نصبر ,,مابغيت فين يجي العيد الكبير حتى تكوني فدارك

سندس بصدمة;وايلي بقات ليه عشرين يوم

انيس;ماشي سوقي العيد كبير بغيتك تدوزيه فدارك مع راجلك هدا هو كلامي اللخر (باسها في فمها بوسة خفيفة يله بغا ينوض و هي تجرو سندس عاود باستو بوسة طويلة و هو نساجم معاها بقاو شي عشرة دقايق هكاك عاد بعد عليها و كيضحك)ههههه حبيبة كتقلبي على شي جوا منجل فهاد العشية صبري غا حتى اليل و نبرع مراتي هههه اجي ياكما جاك الوحم علي حيت شفتك هاد ليام غا كتمخشي في و ممممم

حطات يدها على فمه;سكت نت عقلك غا في ,,,,يخخ (حيدات يديها)نوض خليني نبدل علي ولكن في الحقيقة ريحتك عاد زيانت ههه (مع غمزة)ههه

شيرات عليه ببيل;تفووووو

انيس;هههههه لبسي ههه

هزات كولون كحل ايلاستيك و لبسات صدرية كحلة و جيلي مضاد للرصاص و لبسات فوقو بيل اكس مهلهل و قبية فيها البيض و الحمر هزات شعرها كوب شوفال و ايرماكس كحلة هزات لفردي ديالها دارتو في ضهرها و موس خشاتو لتحت في سبرديلتها دارت سمطة حطات فيها الرصاص يله اتوقف حتى لقاتو وراها و النفس ديالو تيضرب في عنقها حاوطها من اللور و زير عليها;احح مراتي سوبر وومن ههه

سندس ضرباتو ليدو ;لاواه الزمر حيد علي

انيس زاد زيرها;في خبارك كتباني خطيرة من كنتي كتوجدي نحلف عليك حتى كتباني بحال رئيسة ديال العصابة

سندس ;هه دابا لاكانت انا رئيسة العصابة و نت بوليسي كتقلب علي هه اش غدير تشدني زعما

خشا راسو في عنقها;ههه لاكنتي نتي رئيسة العصابة انستقل من الشرطة و غنظم العصابتك ههه افكار عندك يا لطيف (باسها في عنقها)هه احح على رويحة عندك

سندس;كدااااب انا مدرت تا ريحة

انيس عاود باسها ;واش تكوني تشمي فحالي ؟ههه كتعجبني ريحة ديال لحمك

حيدات ليه يديه و بعدات عليه;نت بان لي سخن عليك راسك

انيس كيضحك هز بيل كحل و لبسو فوق جيلي;هههه لالا ماتخافيش ماشي دابا (هز لفردي دارو لور في السمطة و جنوي دارو في الجنب لاح ليها الماسك);عنداك تنسايه

سندس شداتو ;مافهمتش لاش ؟

انيس;مم باش حتى لا سرا شي مشكيل و قد يهرب شي حد كوميم مايكونش تعرف على كمامرنا فهمتي دابا (مشا عندها شد ليها القبية و طلع ليها السنسلة)هاد الصدر عاجبك معري

نزلاتها شوية;واراه السهد ,لابس بيل و جيلي و اكس و قبية اااو

انيس خنزر فيها;ماتحيديهاش اوووك؟(باسها في حنكها )يله نزلو ايكونو واجدين دابا

سندس;ممم واخا (هزات تيلي ديالها و دارت ليزيات و نزلو)

هدا هو جهدي صبرو معايا راه الخدمة و شقا عيييت

***عند عبير

ليباركة في لبيرو ديال المدير;استاد عافاك غا شوف شي قسم اخر

المدير;سمحيلي ابنتي عبير هانتي تشوفي قاع الاقسام عامرين ,,يعني ماعندك حتى شي حل اخر

عبير;بفففففف اوك سمحلي حيت ديرونجيتك

المدير;ماكين مشكيل ابنتي (خرجات )

المدير دوز نمرة;استاد كمال ,,,صافي راه قلتها ليها ,,هه واخا ايوا عنداك نهار العرس تنساني ههه واخا هه نخليك دابا نهارك مبروك

مشات عبير في اتجاه القسم و حاقدة على الوضعية كتنكر لابسة شورت بيض قصير بيض و بيل كحل كم جاها متوتز و بالغين كحلة و ساك طويل كحل دايرة هاد المرة عكر حممر جاها خطيير مع وجهها و فتح ليها لون بشرتها نضاضر كحلين و ليزيات كيف ديما غادة و كتسوط و الانظار كلها عليها كانت معطلة بخمسة دقايق

***في القسم

كمال بارك كيشرح و هاز فوتر كحل كيشرح بيه و يشوف في الساعة و كيحسب في خاطرو ;ثلاثة ,جوج,,,

دق دق ;دار ابتسامة جانبية ومشا في اتجاه لباب (كان لابس سروال باج و سمطة مارو مع بيل زرق مغلوق مgفدو و سباط مارو شعر رادو لور ويلي ويلي تلفت مهم )مهم مشا حل لباب و هو يحل فمه كيطلع فيها من تحت لفوق ليركز نظراته في فمها حيدات نظاظرها و شافت فيه;سمحلي على تاخير

هو كيتمتم;لا اه كنقصد تفضلي مرحبا

هي شافت فيه بصدمة مافهمات فيه والو كيدخل و يخرج في الهضرة شافت تاعيات و تنهدات مشات بلاصتها يله اتحط طرمتها وهي تجيها ورقة لقلقولتها تلفتات وهي تلقاه داك دري دارت ليه براسها ش كاين

دار ليها حركة بيديه زعما شوفي اش مكتوب شافت فيه و هي تبدا تحل في الورقة يله سرحاتها و هي تخطف ليها من يديها هزات راسها لقاتو كمال كيشوف فيها و ساعر;اش هادشي ؟

عبير;راك كتشوف فيها ,,ورقة ,,شنو اتكون (مدات ليه يديها)اراها

كمال;هدا قسم ماشي ركن التعارف ,,عندو حرمة و قوانين لي بغا يتراسل يخرج برا

عبير;مم يله اراها

كمال;هاد الورقة اتبقا عندي مغتخديهاش وهدا اخر اندار فهمتي (تلفت في هداك و خنزر فيه و زاد شاف في الورقة وهو يزيد يعقدهم كان مكتوب فيها;هاي انا الياس ممكن نكونو اصدقاء يلا كان جوابك اه فانا عارضك الغدا )كمشها مزيان و كيتغدد لاحها في الطارو و بدا كيصوط كيشوف في عبير و كيشوف في الياس ماكرهش يتلاح عليه بدا كيلعن في الشيطان و يمسح راسو حتى بدا كيبرد عاد كمل ليهوم الشرح

***** عند امير و كوثر

امير;فين بااااغا توصليييييي ,ها ,,,؟

كوثر;اي طلق يدي ,,وعتيني شوف نت فين باغي توصل انا عيت منك و من تحكمك و تكبرك ,,ديك كوثر لي كانت غي تابعاك مابقاتش صافي سالينا سير الله يسهل عليك و حتى انا كدلك

زاد زير ليها على دراعها;داك النهار هو لي عمرو يكون لي نتي ديالي و غتبقاي ديما ديالي و لا شفتك مع شي حد عرفي هداك هو النهار اللخر ليكوم بجوج دخلي هاد الهضرة لدماغك بان لي خاصو شو دقة تفلاشيه

كوثر نترات يديها;شكون غتكون نت في ملك الله ,,ها ,ترميني وتلوحني حتى لوقت لي يقولها ليك راسك عاد نبان ليك ,لا اسيدي صافي داك الوقت سالا ,,و كيف قلت ليك خلينا خوت حسن ماكين لاش نخسرو بعضنا

امير;كووووووووثر ماتسعريش ديلمي ,,,غنصدق مفوت فيك شي دقة نتي عارفة هادشي ماكينش ,كون مابغيتكش النهار اللول مغنقربش ليك و مغنطلبش منك الزواج ,,نتي عارفة لخدمة مبرزط دابا كتشوفيني حتى النعاس مكنشوفوش و باش نتي توقفي معايا نتي و تعاونيني شوفي اش كتقولي

كوثر;ديما معاوناك ,فينما كتقول لي شي حاجة واش عمري قلت ليك لا؟كلنا مبرزطين مع الخدمة كلنا مشغولين ولكن دير لي وقت حتى ,,ماشي تخليني هكا ماعارفة راسي من رجلي ,,,مال انيس ياك هو قاع الشاف و عندو مسؤوولية كبر منك ,واخا هكاك عاطي لسندس وقت و ديما معاها ماكيفارقهاش

امير;هانتي قلتيها هو شاف و لا ماكانش كيفارق سندس حيت عارفها اش كتسوا خاص ديما يكون حاطها تحت عينيه ,راك شفتي لبارح اش سرا شوية كانت اتموت و ديك القحبة راه مغيبة في السبيطار انيس لاماكنش كيتفارق معاها حيت خايف لايخليها و تدير شي مصيبة ثاني بقا ليه اشوية و يلوح حوايجو كينعس جوج سوايع ماكيكملهمش هي من جهة و الخدمة من جهة هادشي لاش انا واقف معاه ومامخليهش حيت عارف صعيب تكون عندك مسؤءلية فحال هكا دبا فهمتي

هي حنات راسها ,,تنهد و حط صبعو على فكها و هزو ليها;شوفي في اكوثر ,,انا عمري ماتفليت عليك ولا كدبت عليك,وباش بينت ليك حسن نيتي كونت بعيد عليك واخا كنت نبغيك و هكاك خبيت داكشي في قلبي حيت عارف خدمتي كيف دايرة ولكن من جيتي الاكاديمي قلت ممكن تفهمني حيت عرفات شنو كاين هادشي لي خلاني نزيد خطوة لقدام ,انا كن ماكنتش باغيك مغنطلبش منك لا زواج لا والو ,ولكن انا كنبغيك ديريها في بالك ,عارف راسي هاد ليام هملتك و مابقيتش نديها فيك ,ولكن هادشي ماكيعنيش بلي انا ماكنفكرش فيك ولا ناسيك بالعكس ديما في بالي و كنت داير غي نساليو هاد الحريرة نجي عند خوك احمد نخطبك

كوثر شافت فيه بصدمة;شنوووو

امير بابتسامة;هه ومالكي باغيانا نبقاو هكا بحال الزوافرية صافي جهدي تقادا راه شي نهار غنغتاصبك راه شاد عليك راسي غا بزز

كوثر حنات راسها و هضرات بشوية :ماكتحشمش

امير;ههه كدبت ديك النهار في الدار ضاربة لي مايو معري و ديك الفورمة ,,خليتي نهرب و قاع السور ديال القرأن عرضتهوم باش مانتلاحش عليك ههههه

كوثر;سير فحال

امير;ههه هانتي ها قيدي هادشي نهار نشدك انفدي فيك القديم و جديد اتسناي (شدها من يديها)يله زيدي قدامي هدا هو الوقت

كوثر;انا وقت ياك قلتي لي حتى نساليو المهمة فين غادي بي

امير شاف فيها;وعلى حنا فين غادين راه الخمسة لاروب هادي (ضحك)هههه ولكن عجبني تفكيرك هي حتى نتي طالبة عليها ,يلا بغيتي نقضيو الغراض من دابا قاليك خير البر عاجله هههه

كوثر تزنكات و مركات و نزلات راسها

هو جرها;هههه زيدي زيدي

نزلو انيس و سندس لتحت لقاو كلشي مجموع و لابسين لباس ديالهوم و دايرير طاغيات فوق راسهوم و ملثمين بحال نينجا و هازين سلاحهوم عبارة عن بنادق روسية الصنع كلاشينكوف اتماتي ا ك سبعة و ربعين كيطلقو عشرة الرصاصات في الثانية كيحملو ربعين رصاصة ,,المهم واقفين واحد ورا واحد كيف ديول الجيش وقف عليهوم انيس و سندس الكل ;انتباه (دارو تحية )

حتى انيس بادلهوم التحية بكل افتخار وهو كيشوفهوم واقفين شموخ و كيبرياء و كيشوفو فيه كيتسناو اواميرو دار يديه وراه;مزيان من كلشي مجموع بغيت نقول ليكوم بلي انا كنفتاخر بيكوم و بلي انا فرحان حيت جندت احسن الشباب لي معندهومش معنى الخوف و الهروب بالعكس يضحيو بريوسهوم على قبال استقرار البلاد و باغين يهزو راية بلادهوم الفوق ,و قادرين يوقفو في وجه اي تهديد ,,انا كنعتز بيكوم و كنفتاخر بيكوم ,,ليوم حنا غادين وماعرفينش اش غيسرا ,ولكن كيف ماكان الحال ضروري ننجحو فهاد المهمة العدو ديالنا محتال و ماكر كيف الثعلب و لا بغينا نربحو خاصنا نخدمو عقلنا و نحلو ودنينا اي حركة منا خاطئة غيخلسوها ناس ابرياء لهادشي خاص اي كلمة نقولها ليكوم تنفدوها مفهووووووم

الكل;ويييييي شاف

مد ليه امير كلاشينكوف هو و سندس

انيس;يله (كيصفق )كلشي يطلع عندكوم جوج دقايق انتحركووو يله يله (شاف في سندس)نتي اطلعي معايا واخا

سندس ;اووووك

كلشي ركب في السيارات كبيرة ديال العسكر مغطية و سندس ركبات مع انيس في كاط كاط كحلة و امير و كوثر في رونج كحلة و زادو في اتجاه ميناء طنجة

وصلو حبابنا الميناء طنجة و بالضبط في ميناء طنجة المتوسط الاول وقفو لوطو ديالهوم كانو ثمانية ديال لوطو كبار كحلين بداو كينزلو بجوج بجوج بحال العسكر و هازين سلاحهوم في يديهوم ليمنية ووقفو انيس وقف لوطو ديالو لي جات في المقدمة ونزل منها تبعاتو سندس وقف كيشوف فيهوم هاز سلاحو ;بقات ليهوم ساعتين و نص بغيت كلشي يمشي لبلاصتو يله تحركو كلشي بدا كيجري و سلاحو قدامي في وضعية تأهب و كيشدو المواقع ديالهوم كلشي تفرق سندس نزلات الماسك على وجهها و تمات غادة حتى حسات بشي يد شداتها دارت لقاتو انيس ;مالك ؟

هز ليها الماسك شوية وصلو ليها النيف و دار ليها وججها بين يديه و طبع قبلة في فمها كيلتاهم شفتاها بكل حنان و حب و كيخلي ريقو في فمها بسباب لسانو بقا هكاك لي مدة عشرة دقايق عاد بعد عليها مسح ليها فمها من الجنب و نزل ليها الماسك;رضي لبال راسك

شدات ليه يديه بجوج و باست ليه كفه بقا كيشوف فيها حيت اول مرة دارتها هزات عينيها فيه واخا الماسك مغطي وججها ولكن مامنعش انيس يشوف نظرة الخوف من عينيها مع الشمس كان عندهوم لون اخر وحدة اخضر فاتح ولاخرا ازرق فاتح مع ماء العين لي كاسيهوم بسباب الدمعة لي حابساها ,,بتاسمات ;كنبغيك ,

نزلات ليه الماسك على وجهه و عطاتو الكلانشينكوف لي حطو بين فخادو دارتو ليه في يديه ;تهلا في راسك

هزات سلاحها و عطاتي بالظهر دموعها نازلين شلال حتى حسات براسها محاوطة من ريحتو عرفاتو كان محاوطها من اللور ;ماتخافيش ماغايسرا لي والوو

هزات راسها للسماء باش تكتم خوفها خدات نفس عميييق و عاود نزلاتو دارت عندو بابتسامة;هه شكون قاليك خايفة انا عارفة بيمن متزوجة ,,راجلي راجل ولا قال الكلمة كايوفي بيها ,لا قال ماغيسرا ولا هي ماغيسرا والو

باس ليها راسها;حتى انا عارف بيمن مزوج ,,كنبغيك,

سندس ;حتى انا ,,يله سير خليتي الدراري بوحدهوم ,,وحتى انا خاصني نمشي لبلاصتي

انيس;واخا يله سيري

طلق من يديها بشوية ماسخاش يطلق منها بحال يلا اخر مرة ايشوفها حيد صبعانو منها ببطيء و وقف كيشوف فيها غادة عاطياه بالظهر موقفة ظهرها و كتافها باينين و خطاويها سراع و متقونين كتمشي بالعبار هازا كلاشينكوف خشات سمطة في كتافها الليمني بتاسم بدون شعور حك راسو و شاف وراه بانو ليه رجالو واقفين بعيد كتسناوه عاود دار لجهتها بانت ليه بعدات خشا السمطة في كتفو و زاد عند رجالو

اما سندس فمشات في اتجاه فرقة الاحتياط لي باقين في لوطو مانزلوش خاص يبقاو مخبين ركبات في لوطو عبارة عن هامر كحلة فيمي هزات الماسك ديالها خلاتو على شكل قبعة حطات الكلانشينكوف جنب حطات راسها على الفولون كتخمم حتى سمعات صوت تنخصيص دارت اللور لقات كوثر كتخصص مارداتش ليها لبال من ركبات تنهدات و هضرات بصوت خافت;اجي حدايا

حلات كوثر لوطو و ركبات حدا سندس تحت نظراتها لي كيشوفو فيها بحزن هي كثر منها عالم بيها غي الله ;مالك علاش كتبكي ؟

كوثر كتنخصص;اهئ اهئ خايفة ,,,علاش حطونا حنا هنا اهئ اهئ و هوما تم اهئ اهئ اهئ مانقدش نعيش بلا امير اهئ لا سرات ليه ثي حاجة نحماق ولا نتبعو اهئ اهئ

سندس شافت قدامها شحال عاد تلفتات عندها;مسحي دموعك ,,ماغيسرا ليهوم والو و زيدون لا بانت لينا القضية حامضة غنتدخلو

كوثر;اهئ اهئ ولكن انيس قالينا حتى يعطينا الاوامر عاد نتدخلو

سندس;مم حتى لديك الساعة و حن الله دابا مسحي دموعك امير ماغيسرا ليه والو

كوثر شافت فيها;نتي ماخيفاش على انيس؟

جاوباتها بعد صمت;لااا ,,دايرة تيقتي فيه ,(جبدات لا سلكي من بوشيط معلقاها في سمطة و حطاتو فوق الكابو خدماتو بدا كيتمسع الهضرة ديال انيس كيهضر مع رجالو و ديال خوان حتى هو ديال قاع الفرقة قاع لي كيهضز فداك لا سلكي كيسمعوه هوما و متبعين معاهوم و كيتصنطو كوثر كتنخصص و كتشوف في لاسلكي متبعة الاخبار و سندس تكات على الكرسي و غمضات عينيها وودنيها خدامين كسجلو )

***عند انيس(واقف مخبي ورا واحد الباب شاد لا سلكي في يديه)فرقة ا واش كلشي مزيان ؟

خوان;الفرقة الف حول كلشي مزيان شاف

انيس;الفرقة باء حول واش كلشي مزيان

امير;كلشي مزيان حول

انيس;الفرقة جيم كلشي مزيان ؟

لؤي;الفرقة جيم كلشي مزيان الشاف حول

انيس;الفرقة دال واش كلشي مزيان

عسكري;فرقة دال كلشي مزيان الشاف

انيس (بعد صمت);الفرقة هاء واش كلشي مزيان

سندس;وي شاف كلشي مزيان

دار عند رجالو ;نتوما يله كلو جوج فيكوم يشد قنت

الكل دارو تحية و مشاو كيجريو ;بقا غي انيس واقف حدا لبوابة الرئيسية كيراقب الوضع و كيتسنى

من بعد مدة دخلات سيارة ميرسيديس كحلة ووراها جوج كاط كاط وقفو في جهة و تبعاتها سيارة ميرسيديس غري و جوج اودي كحلة تقابلات معاها

انيس في لا سلكي;حبابنا و صلو من نعطي الاشارة كلشي يتحرك

دخلو وراهوم جوج شاحنات كبار وحدة تابعة اخرى,,,انيس واقف كيشوف و كيتسنى الوقت المناسب فاش ايهاجم ,,تسمع صوت الباخزة كيصفر اكيد الباطو ديالهوم لي غايحملو فيه السلعة غيدخل باش يترسا

تحلو السيارات اللورانيين لي من نوع كاط كاط و اودي و نزلو منهوم بزااف ديال الرجال عشرين تقريبا حاطو بدوك السيارات على شكل دائرة ,عاد تحل باب الميرسيديس الغري نزلو منهوم جوج سبابط كيبريو كحلين وحدين من جهة و وحدين من جهة اخرا تسد الباب عاد بانو الوجوه كانو جوج رجال كبار في السن واحد عندو ملامح ديال الشينوا بيض و لابس كوستوم و لاخر عزي شعرو مشعكك و عندو اللحية توجهو الوسط بين الرجال عاد خرج كلاوس من السيارة ديال ميرسيديس حل لباب لوراني بانت بالغين باج هي اللولة و طرف ديال سروال دجين عاد بان الوجه كان جاك لابس سورال دجين و تريكو باج و مونطو طويل غري و بالغين باج نزل بكل شموخ و غرور وتكبر داير اتبتسامة جانبية و هاز حاجب توجه الوسط و تقابل مع الرجال

الشنيوي ;مسيو جاك واش كلشي واجد

جاك مادواش كتافا يهز يديه و عطا الاشارة لربعة من رجالو مشا كيجريوو نحو الشاحنات للور و حلوهوم كل شاحنة نزلو منها عشرة ديال الرجال ضخام و مسلحين و عاد نزلو ستة اخرين باينة عليهوم حمالة نطق جاك بكل غرور;ديما واجد ههههههه

انيس من شاف دوك رجال عينيه خرجو نطق بكلمة;لا مايمكنش

امير ;اش كاين ؟

انيس;هادشي لي مادرناش ليه الحساب ولد القحبة غفلنا داير الاحتياط

سندس;انيس مافهمتش

انيس تنهد;والو نتي بلا ماتخافي كلشي هو هداك

امير;مهمني ف ماني ر مافهمت م مالو و (هضر بالغوس كتعني فهمني راني مافهمت والو)

انيس;مواد ق مايد ج مشرين ع ماجل ر مسلح (القواد جايب معاه ءشرين راجل مسلح)

سندس غوتات ;عشريييييين

انيس تصدم;هادي واش كتعرف الغوسية ؟

سندس;انا انتدخل

انيس;بركي الارض يلا كانت شي حاجة غنقولوها ليك يلا ماعطيتش الاوامر ماتحركييييش فهمتييييييييييييي

سندس;بلا متغوت فهمناك

انيس تنهد و شاف قدامو كانو بداو الرجالة كيهزو الكراطن و غادين بيهوم جهة ديال لباطو لي واقف منزلين لي واحد العود وواقفين فيه ربعة واحد في المقدة ديال العوود وواحد فوق العود ولاخر في المأخرة وواحد داخل لباطو مشا هداك ليهاز الكارطونة عطاها هداك لي فمقدمة لي بدورو عطاها هداك لي في الوسط و ليبدورو عطاها لهدا حتى دخلوها للباطو ,,جاك داير يد في جيبو و كيتفرج فهادوك لي كيحملو و لاخرين كيتفرجو في الباطو كيتشارجا هادشي كامل تحت انظار انيس لي مراقب كلشي خلاهوم حتى شارجاو الكارطونة العاشرة وهو يهز لاسلكي;تحركو

و في رمشة عينين كلشي بدا كيجري الوسطة و دارو برجال جاك و بهادوك في الباطو كلشي خرج السلاح من جيابو شي وججهو شي كلشي تخربق انيس تقدم الوسط و وجه سلاح لجاك لي بدورو جبد سلاحو ووجهو ليه;لبوليس تواحد مايتحرك المكان كله محاصر

الشينوي هاز سلاحو;اش هادشي واقع اجاك ؟

جاك موجه سلاحو للانيس;ماعرفتش اكيد شي خائن كاين

انيس موجه سلاحو لجاك;ههه اخيرا طحتي اسي جاك هههه فرصة سعيدة هادي نزل سلاحك ماكين عندك حتا شي مفر

انيس دور راسو لجهة اخرى غمز واحد من رجالو و بدا اطلاق النار

(الدريات هدا جهدي عليكوم ووالله حتى الغدا)

بدا اطلاق النار من الطرفين و لاخرين محاوطين جاك باش يحميوه و كيضربو في اتجاه انيس و رجالو لي بدورو ماممخليش من جهدو ,كلشي مخبي ورا السيارات ولا ورا الحيوط و كيتيريو و انيس و امير متكين على الحيط بظهرهوم و يدورو و ضربرو في جهة جاك لي مخبي ورا واحد السيارة هو وربعة ديال الرجال ديالو السيارات كلهم تفركعو و تنقشو بسباب الرصاص,,شي كيضرب شي و الزصاص كيتشاير تضربو الرجال من الطرفين ,جاك فقد النص ديال رجالو و شينوي و العزي ماتو على يد انيس لي تيرا فيهوم بجوج للراس و بسبابهم تضرب في رجليه ,,,اما انيس تقريبا رجالو كلهم تضربو بقاو شي عشرة و حتى هما مصابين انيس في رجليه و امير كتفو خوان ضراعو الينا حتا هي ضراعها كلشي مضروب

انيس متكي على الحيط جبد بيل لي كان لابس شركو و حزمو على ركبتو لي كتنزف جبد الزصاص من امجنب و بدا كيعمر في السلاح و كيهضر بصوت عالي;جاك غا استسلم ماعندك فين تهرب الساط كلشي محاط

جاك مخبي و را الميرسيدي ديالو لي ولات كلها مشرشمة مافيه حتى اصابة بسباب رجالو لي كيتلاقاو الرصاص في بلاستو ,ضرب جهة ديال الحيط فين متكي انيس;هههه مالقيتي معامن تلعب ههههه مالي ماشفتش قاع رجالك و دعو هههه احنا انبقاو هنا لاعبين القط والفار هههه قاليك الفار لي عندو شي باب الله يسدو عليه (ضرب جهة ديال الحيط ثاني بالرصاص)

امير جا كيكحز على الحيط بشوية و شاد كتفو حتى وصل عند انيس;ولد القحبة عرف بلي فقدنا تقريبا رجالنا كاملين بقينا غا عشرة و راك كتشوف كلشي تصاب و الرصاص مابقاش بزااف غنخسرو ا انيس

انيس كيعمر في المسدس;واش بغيتيني ندير ؟

امير;نت عارف اش غدير ا انيس خاص سندس تدخل ,,شحال قدك اتحبسها ,,؟

انيس كيهضر تحت سنانو طل على جاك و عاود شاف فيه;واش نت لاباس نعرض حياتها و حياة الجنين في خطر ,؟ي

قاطعو ;ماتخافش سندس قادة تحمي راسها ,,,انيس هي املنا الوحيد دابا هي و الفرقة ديالها ,,شوف حالتنا هو النص ديال رجالو باقين و السلاح عندهوم كثييير يعني حنا مهزومين مهزومين بلا فايدة خاصنا نخليوها تدخل

انيس صاوب الرصاص في جهة لوطو كيضرب فيها اصاب واحد من رجال جاك ;اوووك هضر نت معاها

******

عند سندس لي واقفة حدا لوطو و كتسمع صوت الرصاص و الصراخ

الشخص;الفرقة الف كلنا تصابينا الشاف بقا عدادنا قليل

ؤي;الفرقة دال الرصاص تقادا الشاف حول خاصنا لارصاص

خوان;انيس دير شي حل اي كلشي تصاب

سندس كتسمع و كتمشي و تجي بغضب و خوف حيت طول لمدة ماسمعاتش صوت انيس في لا سلكي عرفاتو مابغاش يهضر باش مايخلعهاش شاف في كوثر لي كبتكي;دابا علاش هدا كيقلب سمعتي ؟مابقا عندهوم لا رصاص لا زبي و كلشي مصاب علاش مخلينا هنا

كوثر كتبكي;اهئ اهئ اتكون وقعات ليهوم شي حاجة اهئ اهئ قاعما سمعت صوت امير اهئ عندك يكون تصاب ؟اهئ اهئ

امير;الفرقة هاء حول الفرقة هاء حول

سندس و كوثر مشاو جهة ديال الجهاز بسرعة خداتو كوثر كتبكي;اهئ اهئ امير الحمد الله واش هدا نت ؟اهئ اهئ

سندس;امير واش انيس لاباس ؟

امير بعد صمت;انا و انيس لاباس ماتخافوش ,,سندس تحركو دابا مابقاش عدنا الوقت بزاف و رجالنا مصابين و الرصاص سالا لينا

سندس;واخا احنا انكونو عندك في الحين

امير;اووك احنا نتسناوكوم ماعدناش الوقت بزاااف

سندس ا;صافي خمسة دقايق نكونو عندكوم بالكثيير

امير;حاولو تسرعو كثر

قطعات سندس الخط و توجهات جهة لوطو لاخرين كتصفق;يله كلشي يتحرك دابا ,خاصنا نتدخلو دابا

تحلو السيارات و نزلو منها شي عشرين واحد هازين سلاح

سندس;الدراري ديالنا كلهم مصابين خاصنا نتدخلو في اقرب وقت مابغيت تاشي غلط كل ربعة ايحاصرو باب مابغيت تاحد يفلث هزو معاكم الصنادق ديال السلاح الرصاص و السلاح خاصنا بالكثير

مشاو الرجال كيجريو حلو صنادق ديال السيارات كانو بزااف السيكان ديال الاسلحة و الرصاص مشات سندس حلات واحد الساك هزات منه الرصاص بالكثرة عمرات جييوبة ديال السمطة و جيبة ديال السروال لاحت القبية بقات غا باكس مشات جهة اخرا هزات سيف دارتو اللور ضهرها حيت فيه سمطة الدراري كل جوج هزو ساك ;يله سربيو عندنا جوج دقايق خاصنا نكونو تم

نزلات الماسك على وجهها و شافت في كوثر ;جا دورنا

حنات كوثر راسها و نزلات المساك حتى هو و بداو كيجريو في اتجاه موقع المهمة

****عند انيس

امير قطع الخط;هاهما جايين خمسة دقايق ايوصلو

انيس;الرصاص مابقاش عدنا بزاااف

امير;يله تجمع الدراري و تجي خمسة دقايق راه وقت قياسي

انيس كيطل على جاك جاتو ضربة حدا الحيط شوية و يتصاب في راسو كون مادارش بازلربة;خاص كل عشرة ثواني نضربوهوم برصاصة نلهيوهيم بينما جاو فهمتي

امير ;اوووك صافي

******

وصلو الموقع بعد جوج دقايق ديال الجري سندس حركات يديها في الهوا كلشي نتاشر دارو خمسة الفرق كل وحدة متوكنة من ربعة الا الفرقة ديال سندس متكونة من كوثر و ربعة اخرين هزات لاسلكي;الفرقة هاء حنا في الموقعه الدعم جاي عندكوم حامل لارصاص و السلاح

امير ;واخا

انيس كينهج;حدي راسك

سندس بتاسمات ;ماتخافش

(نخليوها هي تحكي)

قطعات الخط مع انيس و امير شافت قدامها كلشي مشرشم والخاوي ديال الرصاص مليوح في الارض و بندام ميت مجزارة ولات الدمايات لمن بغاهم شافت في كوثر;هدا هو الوقت عطي الاشارة للدراري باش يتحرككو

كوثر هزات لا سلكي ;الدراري يله بداو

جبدات جوج فرادا و بدات كتضرب بان ليها واحد باغي يطلق عليها من ورا الكاميو ضرباتو هزات يديها الفوق جهة الفوق كاميو ضربات فوقو واحد تلاح دورات وجهها;نتوما شدو جناب جهة ديال الحيط و انا غنتكلف بالمقدمة

الدراري;اووك شاف

و كل واحد شد قنت وجوج غادين بلورانية حادين لايجي شي هجوم مان الخلف

كوثر بان ليها واحد كيطل جهة ديال لوطو تيرات جهتو ماصابتوش تخبا تلفتات سندس كان يله بغا يطل فرعات ليه راسو و غادين فينما تحرك شي حد ماكيتتزgلش

****عند جاك

كلاوس;بوس رجالنا بداو كيطيحو واحد واحد اكيد جابو الدعم

جاك ضرب يديه مع لوطو;ولاد القحاب كون عارف بلي دوك الرصاصات للخرين كانو غي تمويه باش منهربوش بينما جاو الدعم

كلاوس ;البوس خاصنا ضروري تهرب (جاي يطل جاتو رصاصة لكتفو)ايييي (شد كتفو)البوس هادو وحدين خراين و مجهدين

جاك هز سلاح من حداه و بدا كيضرب

سندس هزا سلاحها لقدام كتيري بان ليها خيال جنبها تيرات فيه و غادا المقدمة حتا وصلات جهة ديال انيس و امير فين مخبين لفتات وجهها بان ليها واحد كيطل جهة ديالهوم تيرات فيه اصابتو لكتفو دورات وجهها بان ليها انيس واقف و امير حداه كيطلو حنات راسها لتحت بان ليها انيس كينزف وشاد في رجليه و محيد الماسك عرقان و حداه امير شاد كتفو حتا هو ;كوثر تحرجي جهة ديال الدراري (شافت فدوك لي معاها )سيرو عاونو انيس و امير

كوثر; ونتي

شافت قدامها بكره ;انا عندي خطة اخرى سيري دغية و عيطي على الاسعافات دغية راه كينزفو ,

كوثر شافت في الدراري;امصاب بالكتف ولاخر في الرجل ولكن كينزفو بزااف ,,انا غنبقا معاك خاصنا نكملو حنا

سندس;اووك الدراري نتوما سيرو عندهوم

هوما ;اووك شاف

بقات سندس و كوثر;سندس دابا شنو المعمول ؟

سندس بابتسامة جانبية;جا وقت الحساب ههه

هزات سلاحها وبدات كتيري جهة ديال لوطو بجهالة و كتقدم عندهوم ماخلاتش ليهوم الفرصة فين كيتحركو و كوثر كتيري في جناب باش مايتصابوش و كيخطيو القدام

***

كلاوس شاد كرشو كهضرب بتعب;بوس هرب انا انلاهيهوم عليك ,مابقاش لي بزااااف في العمر ,,على الاقل انشري ليك بضع ثواني

جاك;كل

قاطعو و كيحاول ينوض;كان عندي الشرف حيت خدمت معاك (هز سلاحو ووقف تلفت عند جاك)هرررررررب

جاك شاف فيه و نزل لتحت راجع بلورانيا اما كلاوس هز جوج فرادا وجهو في اتجاه سندس وكوثر

جاك شاف فيه و نزل لتحت راجع بلورانيا اما كلاوس هز جوج فرادا وجهو في اتجاه سندس وكوثر

سندس شافت شي حاجة تحركات تحت لوطو عرفات القضية فيها ان دارت حركة براسها لكوثر باش تخبا و تخباو جهة ديال الحيط لي حدا انيس من جهة اخرا مقابلة معاه و مع لوطو كتشوف لور بان ليها جاك كيتحرك هزات راسها تيرات جيهتو جاتو في رجليه بان ليها كلاوس هاز سلاحو و كيشوف القدام كله دم مالقا تاحد كلشي مخبي كيقلب بعينيه سندس كتشوف في جاك لي بدا كيكحز بلور وشاد رجلو لي تضرب فيها شافت في انيس بتاسمات ليه دار ليها حركة بيديه تسناي خرجات مشقلبة من الحيط كلاوس كيضرب في الرصاص جهتهابجهالة و كيغوت بسباب الالم لي صابر ليه فمه دم و كتفو و كرشوو كينزفو ,,,و هي كتشقلب في الارض جاتها رصاصة لكتفها اصابة طفيفة هزات راسها تيرات فيه ديريكت الراس ماعطلاتوش هزات راسها بان ليها خيال جاك غادي و كيبعد دارت فردي واحد ورا ظهرها و لاخر بقات شاداه و ناضت

انيس خرج مخلوع كيعرج ووجهو شاحب;فين غادة

سندس كتشوف في جاك;انا راجعة (دارت عندك كوثر)يله

انيس شدها بغضب;فين غادة ؟

طلقات منه و شافت فيه;,بغيتيني نخليه يرهب طلق مني حدو مصاب في رجليه ماغيقدش يبعد

انيس ;بركي الارض احنا انمشيو

سندس طلقات يديها;شوف رجليك اكيد تمس ليك شي عرق واش قاد تحرك بيها ؟لا ايوا هني الوقت

انيس;شوفي كتفك نتي واش باغا تمرضيني ؟

طلقات منه وشافت القدام بان ليها جاك غادي و كيبعد و شافت في انيس لي مابغاش يطلقها هزات راسها للسماء شافت فيه حطات سلاحها لاخر و را ضهرها هزات لماسك شوية على وجهها و قربات منه حطات يديها على وجهه ونزلات عندو باستو في فمه بوسة خفيفة و بعدات;سمحلي

هو مافهم والو رجعات يديها اللور بخفة و خشاتها ليه في عنقو وو دورات صباعها في جهة ديال واحد العرق حيت هو قاصح شد في عنقو و بدا كيطيح الارض و كيشوف فيها;اش درتي

سندس تلفتات جهتو;غادي تنعس واحد جوج دقايق و تفيق انكون جيت ديك الساعة

شافت في امير ;حديه

دارت عند كوثر;يله

امير;حديو ريوسكوم

سندس بتاسمات ليه و جبدات سلاحها و بدات كتجري بسرعة جهة ديال جاك باش تشدو و كوثر وراها حيت سندس كانت سرع منها خطاويها كبار و بالزربة لي كيخلي جسمها كيتهز بحال يلا كتنقز ماشي كتجري بدات كتقرب ليه ولات كتفصل بيناتهوم مسافة قليلة دار في اتجاه ديالها و هو شاد رجليه و كيجري بدا كيتيري في اتجاه ديالها تخبعات ورا واحد الشجرة حيت دخلو في المجال الغابوي جات في عود ديال الشجرة طلات عليه لقاتو غادي خرجات و تيرات في اتجاهو هو جا يتخبا ورا واحد الشجرة كانت ضردوبة تكركب معاها بسرعة ماوقف حتى وصل للربيع فرح حيت قدر ينفد طلات سندس مابانش ليها و بدات كتجري كتقلب عليه لحقات عليها كوثر كتنهج ;فينو

سندس ;ولد القحبة ماعرفتش فين زاد نتي سيري قلبي تحت لهضبة لي من لهيه وانا لهضبة لي هنا

كوثر;واخا

*تفرو بجوج و كل وحدة تضرضبات من هضبة سندس كتنزل من الهضبة كتجري بقدام رجليها مكتحطش صباعها الارض باش تحكم في التوازن ديالها و ماتكركبش وصلات الارض بان ليها غي الربيع طالع ماغايبانش و الظالم بدا كيطيح الرؤية اتبدا تطيح

****

انيس بعد دقيقة بدا كيفيق;شنو وقع

امير تنهد;سندس لي ضرباتك باش تغيب

انيس دفعو ووقف بغضب;شنووو ونت ماوقفتيهاش ,,,بغيت انعرف واش كتجيك واش ماشي ختك هاااا؟ كيفاش خليتيها تمشي بوحدها الله

امير;هي وصاتني باش نبقا معاك الدراري مشاو كيفرغو الشحن لي الباطو و الكاميووات و راه كلشي مات من اتجاههو بقا غي جاك و كان مصاب في رجليه و زيدون معاها كوثر ماتخافش

دفعو بغضب;كنحلف ليك بالله وتسرا ليها شي حاجة حتا نقتلك

هز السلاح من الارض و كيعرج تم غادي وقفو امير;فين غادي شوف حالتك

دفعو;لا كانت حياتها ماكيهمكش فأنا لا هاديك مراتي ولي فكرشها ولدي ماغنبقاش نتفرج سير روح تح,,, من حدايا

وتم غادي تابع الطريق امير شاف تاعيا و تبعو ****

سندس كتجري وسط الربيع و كتشوف هنا و هنا والو كيبان غا الربيع خضر و جاي يولي برتقالي بسباب اشعة الشمس لي بدات كتغرب غمضات عينيها بغضب حتى سمعات الحس وراها تلفتات بسرعة البرق موجهة سلاح لديك جهة دارت لقاتو جاك كان وراها ناوي يتيري فيها بدارت ابتسامة سخرية;باغي تغدرني تؤ تؤ ماعرفتيش معامن

هو تشوكا من سمع الصوت السلاح كيترعد في يديه ;شكون نتي؟(كيحقق في عينيها لي كيبانو في الماسك عاين زرقة و عين خضرا)وووو

حيدات الماسك على راسها بخفة و ضحكات وهي موجة السلاح لجهتو;سوربرايز ههه *

هو تصدم بقا كيشوف فيها ;سندس ؟

سندس ;هههه بشحمها ولحمها سندس سندس سندس

يديه كيترعدو ;لا مايمكنش كيفاش ؟(عاود هز السلاح و كيشوف فيها بكره)نتي يا القحبة مولات هادشي ,,,مع البوليس القحبة ياك؟ههه عمرني شفت شي حد كيجي لموتو برجليه

سندس موجهة ليه السلاح لراسو و كتقرب و كتضحك بسخرية;ههههههه ممم كيف غادير ,,,ساعتك سالات امسيو اكرم ههه ولا اه نسيت جاك

سندس موجهة ليه السلاح لراسو و كتقرب و تضحك بسخرية;هههه مم كيف غدير ,,ساعتك سالات امسيو اكرم ههه اه دزل قصدت جاك

جاك زير على السلاح و كيشوف فيها;كلشي كان كدوب النهار ديال افران كانت من الخطة ديالك ياك ؟

سندس ;لا ماكنتش عارفة ديك ساعة كنت باقا متدربة كون كانت عارفة كون قتلتك تم مي كيف شحال هادي كيف دابا غتموت غتموت

جاك;كتعرفي تمثلي قدرتي ديريها بي

سندس;ههه حتى نت مابيكش في الثمثيل ,,,غي انا دكية عليك شوية و صافي هه

جاك;دكية ولكن ماشي قوية ,,,,

سندس;اووووووه مسيو جاك باغي يطيحني في فخ لالالا هههههه

جاك لاح سلاحو الارض ;مانتي دكية و قوية نخدمو ليدين حسن

سندس شافت فيه و نزلات عينيها لرجليه لي كتنزف ;بديك الحالة؟

جاك بابتسامة ;متقوليش لي خفتي ؟ههههههههه

سندس ;ممم واخا (لاحت سلاحها الارض و لاحت سيف من على ظهرها و الفردي لاخر لاحت السمطة لي فيها رصاص حطات يديها على جيلي مضاد للرصاص لاحتو بقات غي باكس ميني )هانا يله ارى ماعندك

جاك طلعها من تحت حتا لفوق جسدها كيف منحوت و الكرش والو و الصدر واقف و كتاف عراض صفر;فصصص هاد الفورمة كلها كانت مخبية ورا الكساوي ههه ضعت اننا ضعت هههه

سندس دارت وضعية القتال;هانتا اتشوف هاد الفورمة اش غدير فيك؟

مسح نيفو و دار وضعية القتال حرك راسو يمين و شمال حتى تظرطق ليه تسمعات طق طق و بدا كيقرب لجهتها و كيعرج برجليه و مكالي يله ايعطيها كروشي خوات ليه بالخف و خشات ركبتها في كرشو تحنا و هي تهز ليه وجهو بكروشي حتى طوش الدم من فمه وقف كيعرج و يمسح في فمه شاف فيها كيضحك;اوووه ماعليكش ها ؟

قرب جهتها كيعرج هز رجليه بغا يضربها كالات بيديها جات تضربو برجليها شدها ليها و غفلها بكروشي لوجه بعدات عليه كتمسح في فمها هزات راسها فيه بكره عينيها ولاو حمرين طرطقات عنقها عاود مسحات فمها ومشات عندو كتجري مدات يديها بغات تضربو خوا مدات ليد اخرا كالاها بيديه بغات تضربو و هو يركلها برجليه لكرشها باش يبعدها حتى تطوعات و جات طايحة فوق الربيع توعتات في كرشها مقداتش تنوض ضربات يديها في الربيع بسباب الالم وبدات كتنوض بزز و يد شادا بيها كرشها هزات فيه راسها حمر و عروقها خرجو و واحد العرق خضر ولا يبان في جبهتها بارز ولات تخلع ناضت ;ليوم جنيتي على راسك (حطات صباعها على كرشها في بلاصة ديال الالم كتحاول تكتمو هادي هي الطريقة لي كيديرو صحاب النينجا باش يكتمو الامهم لمدة قليلة كيحطو صبعانهوم في بطنهوم و كيركزوه في بلاصة وحدة لمدة قليلة وهادشي لي دارت خشات يديها في جهة ديال المعدة و لوات صبعانها حتى بخات الدم من فمها هو تخلع وركعات بسباب الالم ناضت كتشوف فيه لي ولا مصدوم فيها ;جنيتي على راسك ليوم (دمها سايل بالدم مسحاتو بجهالاة حتى ولات دراعها خط ديا ل الدم )

قربات ليه بسرعة ديال البرق ماجا يهز يديه حتى جاتو كروشي الوجه دفعها شرشمات ليه النيف ولا سالي بالدم حرك راسو بسرعة باش يولي شوف حيت داخ ماجا يشوف فين هي حتى غفلاتو بيديها لي خشات في كرشو طلعات يديه حتى الكرشو و طلقات صباعها و غرساتهوم تحت ضلعتو ولات يديها فيها حتى غوت;اااااااه (و طاح الارض فمو دايز بالدم و نيفو ولا كيحس مابقاش قاد ينوض هز راسو ولا راكع على يديه و رجليه في الربيع جات عندو شداتو من شعرو );نوض الزامل ,ياك نت هو الكينغ يله نوض (كرزات على شعرو و كيتنوضو هو مرخي بين يديها غا وقفاتو شوية وهي تعطيه كروشي لوجه فرعات ليه الجبهة;هادي اولد القحبة على الدقات لي كليت من عندك (عطاتو كروشي اخرى)وهادي بسبابك تخاصمت مع راجلي ما مرة ماجوش (زادتو كروشي الوجه و شادة ليه في شعرو )وهادي حيت اولد القحبة ضربتيه لرجلو (زادتو طلعات كروشي الكرش)وهادي الزامل كنتي باغي طيح لي ولدي (ضرباتو بكروشي الوجه ثاني )وهادي على قبل دوك الناس لي قتلتي

رجعات يديها حتى رجعاتها و خشات ليه كروشي في جهة ديال الضلعة بدا كيغوت حر من جهدو ;ااااااااااااااااااه (وجهو ولا كله دم مابقا باين فيه والو تلاح فوق الربيع كيحبو مشات في اتجاهه ضرباتو لكرشو حتا دار )نوض اراجل نوض (زاد الالم في كرشها و هي تبخ الدم تاني حيت الوقيتة سالات تلاحت حداه كترد الدم هو بان ليه السلاح قدامو شاف فيها نازلة الارض كتبوع الدم و شادة في كرشها بدا كيحبو جهة ديال السلاح و غا بشوية و كيشوف فيها هي لي راكعة في الارض كتبخ الدم بدا كيتسلت غا بشوية حتى شدو هي هزات راسها فيه كتقلب بان ليها حاط يديه على السلاح ناضت كتجري عندو و صابرة الام ماجات توصل باش طوعو ليه من يديه ساعة حكمو ;بعديييي (بدا كيحاول ينوض و كيشوف فيها )

مسحات فمها و صدرها لي دم ;غدار

وقف غا بزز ماقادش يشوف;هههه اش كتعرفي على جاك ؟مسمين علي الثعلب هه دماج الزوينة كنت باقي باغي نزيد نستمتع معاك مي شوفي حالتي كيف ولات دابا جا وقت الوداع (و كيشوف فيها)

سندس وقفات كتخمم نزلات عينيها لتحت تفكرات بلي خاشية موس في رجليها تكركبات بسرعة و جبدات الموس من رجليها و هزاتو

جاك كيضحك ;هههه مووس؟اوووه مايكونش سرع من نالرصاص ههه

سندس في الارض ركبة حاطاها في الارض و رجل ثانياها ;دابا نشوفو

جات تحرك بغات تقلب ثاني و هو يضرب الرصاص جهتها و هي نيشات بالموس جهتو

***عند انيس و امير

عيا مايقلبو في ديك الغابة غادي وكيعرج برجلو السراول لصق بسباب الدم لي خرج و جههو صفر و فمو بيض و نشف وكله عرقان و هكاك ماستسلمش كيعكز بالعود ديال الشجر و كيزيد يقلب و يغوت و امير وراه شاد كتفو صدرو كيتهز و يتحط عينيه حمرين ولا كينهج ;انيس والو ساعتين وحنا كنقلبو عليها مالقيناش ليهم الاثر حتى من كوثر والو

انيس شاد في شجرة ;لا مايمكنش ماغنرتاح حتى نلقاها

امير;شوف حالتك كيف ولات راه نزفتي بزاااف

انيس;واخا نموووت ماغنمشي حتى نلقاها

يله اينطق امير وهو يتسمع صوت الرصاص

انيس شد في صدرو و نزل الارض قلبو ضرو;ايييي

امير جا كيجري في اتجاههو;انييس مالك اصاحبي (حط يديه في وجهو)انيس مالك

دفعو بصعوبة و ناض ;سندس سندس لا مايمكنش سندس (تم كيعكز على الشجر و غادي في اتجاه مصدر الصوت و شاد في قلبو و هتف باسم سندس سندس سندس)

جاك تلاح في الربيع حال عينيه كيخرخر لموس جا ليه في عنقو ديريكت حرك ثنا رجليه و حلها جوج المرات بسباب سكرات الموت و ترخا حال عينيه ,,,,في جهة اخرى سندس مليوحة في الربييع على كرشها و ضهرها كله عامر دم و كينزف و كتبخ الدم من فمها و نيفها سايل شبه غايبة عن الوعي كتحل عينيها غا بزز و فمها حالاه كينزل منه الدم بحال لاستيك عينيها ولاو حمرين حركات صبعانها فوق التراب كتدخل النفس بصعوبة كتشوف في صبعانها لي ملطخين بالتراب و كتحاول تمسك الارض مزيان ضهرها تغطى و دمها دار داية في الارض حركات رجليها بصوعوبة جمعاتهوم تطلقو المرة الاولة عاود كمشات في الارض بيديها و بدات كتمجمع رجليها تاني حتى تتناو ليها و بدات كتحاول تنوض نص ديال شعرها تلطخ بالدم ناضت على ركابيها بصعوبة كتلهت دورات وجهها جيهة ديال جاك بان ليها منشور و الموس مخشي فيه بتاسمات بتعب و الدم سايل ;المو وو س اسرع من الرصاص (توعتات في ظهرها)حتى الرصاص كح كح (بخات الدم )كان سرع كح كح (بخات تاني الدم)

جمعات ركابيها لي ولاو فاشلين عليها كيترعدو كيمشيو و يجيو بالزربة حطات يديها على ركبتها و يد في الارض و بدات كتحاول تنوض يله اتنوض و هو يشدها الضؤ من ضهرها و كرشها دقة وحدة غوتات ربي لي خلقها ;اييييييييي كح كح (بخات الدم )كرزات على ركبتها بسباب الالم و بدات كتحاول تنوض مغمضة عينيها و راخية فمها لي كيسيل حتى وقفات مايلة وجهها على الارض بدات كتجر في رجليها بصوعوبة و ماحيلتها لظهرها ولا كرشها كتشوف قدامها الرؤية بدات كتضبب ليها كيبان ليها الاشجار منهوم ربعة و الارض نص طالع نص بدات كتجر في رجليها وسط داك الربيع غادة في اتجاه المعاكس كانت غطيح كون ماشداتش في شجرة وقفات عليها كتستاراح و لاسقات ضهرها عليها حتى تطبعات بالدم ديك الشجرة خدات نفس تاني واخا كلما كتنفس كتحس بالضؤ كيضربها شوية بدات كتحس برجليها كيلعبو طلات قدامها ولا كيبان غي الظلام طاح الليل و عاد عينيها بدات الرؤية كتحجب ليها حطات يديها على الشجرة باش باعدات راسها عليها و تلاحت على شجرة اخرى ستاراحات شوية و هي غادة بصوعوبة وقفات على واحد اشجرة كتستاراح حالتها ولات حالة نزلات الارض رجليها فشلو عليها طاحت على طولتها تكات على الشجرة و رجليها ناشراهوم و يديها وسط رجليها فاشلين شبه واعية حتى كيتغمدو عينيها حتى كترخا و تعاود دور راسها تاني تفيق

******عند انيس

انيس لي وصل ديك الضرضوبة مع طاح الظلام ماشافهاش جا مكركب الارض حتى الارض و تضرب في يديه تبعو امير نازل على ديك الضرضوبة حتى وصل عندو لقاه طايح في الارض مد ليه يديه كيحاول ينودو;انيس واش مزيان؟

انيس شاف فيه بتعب ;اه

امير شاف قدامو كيبان غي الظلام و القمرة مضوية كيبان الربيع بنفسجي و الاشجار كيبانو كيف الطيف ;كيفاش غنلقاوهم ماكيبان والو

انيس كنهج بدا كيقلب في جيابو بجهالة لاح السلاح و جبد بيل ضربو و هو يخدم امير ماقدش يدير يدو في جيابو بدا كتمشى و كيعرج برجليه حتى بانت ليه شي حاجة كتبري الدم و قف ليه في الراكابي بدا كيجر في رجليه بسرعة في اتجاه الضؤ حتى قرب و سلط عليه الضو كان موس لي مخشي في جاك شاف فيه امير;هاد الموس ديال سندس هي لي خشاتو فيه

انيس تقدم ناحيتو و مس عنقو;مات ولكن فين هي ؟

امير;ماعرفتش

تم غادي تاني و هو يتعكل فشي حاجة طاح

تم غادي تاني و هو يتعكل فشي حاجة طاح ,ناض و سلط لبيل عليك كان جيلي ديال سندس شدو بين يديه و دور راسو عند امير بخوف;هادا ديال سندس ا امير ديال سندس

امير جا حداه;يقد يكون ديال كوثر

انيس قربو لنيفو و شمو ;ديال سندس هدا انا متأكد انا كنعرف ريحتها

لاحو وبدا كيتمشى وسط داك الربيع و كيقلب بجهالة فحال كيحصد نسا رجليه ولا شي حاجة لفت وجههو لواحد جهة كيقلب و شاف جيهة اخرى وهو يدور يديه جهة اللولة بسرعة تركزات على رقعة الدم لي كاينة صافي الدم هرب ليه حس برجليه فشلو عليه عينيه خرجو بقا واقف مصدوم حتى جا حداه امير ;مالك ؟

انيس ;لا رد

امير دار فين شاف انيس و هو يتصعق من هول المنظر داية ديال الدم مرسومة برد ليه لما في الركابي عندو جوج احتمالات كوثر و سندس

انيس بدا كيقرب للداية و مركز لبيل ديالو عليه قلبو كيضرب بالجهد و امير معاه لا يقل عليه حتى وصلو انيس تلفت عند امير بعيون دامعة;هاد الدم ديال سندس ياك؟قول ليا ماشي ديالها

امير ;ماعرفتش (بعد صمت)كوثر

انيس;هدا ديال سندس انا مأكد (حرك بيل ديالو جا على الصمطة لي كانت محزمة بيها سندس مشا كيجري ليها هزها و شدها بين يديه)ديال سندس هدا (لاحو الارض )ديال سندس

امير ;ماعرفنة ديالمن حتى كوثر دايرة فحالها

يله ايدوي انيس و هو يتمسع صوت تخرشيش وراهوم انيس هز السلاح و لاصقو مع لبيل و دار ركز الضؤ في مصدر الصوت;انييييس ,,,امير

امير;كوثر؟

كوثر كتنهج ;سمع صوت الرصاص في هاد الجهة و جيت كنجري فين هي سندس

انيس شدها من يديها ;كيييفاش ,,(غوت)فين هي سندس هضريييييي فين هي سندس واش هاد الدم ديالها ياكككك

امير ;ياك كنتو بجوج فين هي ؟

كوثر;كنا تابعين جاك شوية وهو يتلف علينا ,,,قالت لي سندس نتفارقو باش نقلبو عليه انا مشيت من جهة اخرى وهي من هاد الجهة ساعتين ونا نقلب و تلفت وسط الغابة حتى سمعت صوت الرصاص من هاد جهة و جيت كنجري (بعد صمت)فين هي سندس؟

انيس شد فراسو ;مايمكنش لا مايمكنش علاش هي علاش لا مايمكنش

امير نزل عندو;انيس تهدن من ماكيناش هنا يعني باقا عايشة احنا انعيطو للدورية يقلبو عليها ماغتكونش بعدات

انيس ماداهاش فيه ;علاش هي علاش لا مايمكنش لا سندووووووووووووووووووووووووووووس (غوت حتى عروقو خرجو و الدموع في عينيه)

*****

سندس بدات كتحل عينيها بعد مدة كتحرك راسها بصعوبة شافت في الارض لي تعتمات وبسباب الدم هزات راسها اللور كترجع النفس ديالها بدات كتحس بالتعب و فمها نشف من الريق غي الدم لي سايل منه خيط بخيط بحال السباوات و الوجع عاد ماكيزيد عليها ردات بدات كتحس بشي حاجة نازلة منها ثافت بين رجليها;لا مايمكنش يا ربي ياربي وقف معايا

سمعات صوت طوموبيلات بسرعة عرفات راسها قريبة للشاريع كرزات على الشجرة و هي تغوت;اييييييييي

ناضت بشوية و شادة في كرشها وقفات بصعوبة طلات على كرشها و خشات صبعها في بوطها حتى زوكات تاني و بدات كتبخ الدم بشرارة كثر من الاول ولا فمها دايز بحال الروبيني عينيها ولا كيف جغمة دم ماكيبانوش عكزات على الحيط و بدات كتحاول تحرك واحد رجل فشلات عليها مابقاتش قادة تحرك بيها حطات يديها عليها و بدات كتجر في فخدها و كتعكز على الشجر حتى و الدم فيضان من فمها و الالم عاد ماكيزيد عليها ديك الحركة لي دارت في بوطها خلا الدم لي لتحت يتحبس ولكن الدم كيوصل حتى القلب و يتوقف شي لي كيخليه يتدخ لبرا و تبوع الدم الهواء مابقاش كيدخل ليها بزاف بدات كتخنق حطات يديها على الارض و بدات كتحاول تطلع فواحد الهضبة و الدم تابعها داير خط كتحاول تسلق بزز رجليها بداو كيموتو عليها وهو طالعة بدا كيحرقها الضؤ ديال طوموبيلات لي دايزين بسرعة حتى خرجات للشاريع بانت ليها سيارة جاية من بعيد خرجات كتحبو في اتجاهه و السيارة جاية موركة حيت لوتوروت الطير لي كتدي للدالية وهي خارجة كتحبو ولوطو كتقرب ليها بغات توقف غلبها الضؤ ديال لوطو ليتسلط عليها السيد لي سايق تفزع ماعرف باش تبلى تسمعات فففففففففف بغط

***

راكع في الارض حاس بروحو اتخرج كنهج صدرو كيتهز و يتخبط بسرعة عينيه خرجو و العروقة ديال عينيه خرجو حمرين كيبانو امير نزل عنده هو وكوثر مخلوعين;انيس مالك

انيس كيحاول يتنفس;مافهمتش صدري ضارني

امير;كوثر عيطي للاسعافات

قاطعو انيس;لا خاصنا نقلبو على سندس (شد فيه بغا ينوض و هو يفشلو عليه رجليه)

امير شدو;برك اصاحبي شوف حالتك كيف دايرة

كوثر جات قربات ليهوم;راه قلت ليهوم فين كاينين قاليك نص ساعة و يجيو

امير شاد انيس لي بدا كيعيا ;اوك اوك

******

ففففف بغط (تسمع صوت الفران فرانات لوطو حدا رجلين سندس بيناتهوم بضع سانتيمات صافي حطات يديها على الكابو باش توقف ,مول لوطو بقا بارك بالصدمة في لوطو كيشوف قدامو ماعرف باش تبلى كتبان ليه وحدة قدامو عامرة دم وجهها ماكيبانش و شعرها مشعكك كتبان فحال زومبي ولا شي جن تخلع بقا شي جوج دقايق في الصدمة عاد خدم ليه عقلو و خرج كيجري في اتجاهها شدها من يديها لي فاش لين عليها ;انسة واش نتي بيخير ؟

هزات فيه عينيها بتعب ;انيييس

وغيبات وسط ضراعو نزل معاها الارض شاد راسها في صدرو حط يديه على عنقها لقاها باقا عايشة ولكن نبضةا قليل ;اهيا ربي شني انعمل ؟

هزها بسرعة بين يديه و حطها اللور في لوطو بدا كيقلب على تيلي ديالو دوز واحد النمرة :الو خاي محمد ,وجد غرفة دعمليات دابا ,,,حالة مستعجلة ,,المريطة عندها نزيف حاد و مصابة و الدم بدا كيخرج ليها مكبد و زورق عندها حتى نقص في الاوكسيجين (دار عندها)تكون في العشرينات اه يله انا ماجي في الطريق واشني ا,نعمل ؟لا لا سايانا الاسعافات تقد تموت ماكاينشي الوقت ,ولا شني صرد لي الاسعافات في نوص طريق واخ يرحم باباك

قطع معاه و دار عندها مرخية و الدم بدا كيخرج ليها مكبد بزااف هادا هدا كيعني بداية الجفاف و الاكسيجين مابقاش يعني المريضة كتحتاضر ,,,بقا سايق بسرعة و كيشوف فيها لا يتزادها الحال ولا تجيها شي شوك حتى بانت ليه سيارة الاسعاف واقفة كتصاناهوم وقف حداهوم و خرج كيجري حل لباب لوراني ديال لوطو ;اجيو ونتوما كتفرجو فيها

جاو المسعيفين كيجريو جارين لباياص حملها بين يديها و حطها في الباياص دارو ليها هادي ديال العنق و بداو كيجريو بيها نحو الاسعافات وهو وراها ركبوها و ركب معاهوم لاح لافيست و لكرافاط و غفد علا القميجة و مشا في اتجاهها هز بيل كيقلب ليها ;ارو لي المورفين و ديرو ليها سماطات ديال القلب ,

المسعفة;دكتور راه المريطة واخا عملنا ليها الماسك ديال لوكسيجين ماكتدخلوشي شني نعملو

هو قررب ليها حط يديه على عنقها كيتحث فيه;الدم تكبد ليها لداخل اري لي شفرة

المسعفة ;ولكن

شاف فيها ;قلت ليك اري لي شفرة واش انبقا نعاود نفس الهضرة؟

مدات لي شفرة لي كيفتحو فيها حط يديه على الحنجرة ديالها كيتحصص فيها و كيحسب حتى وصل وصل فين بغا لوسط و بدا كيلعب بصباعو تم حتى تبرزات القرجوطة ليه شد في الشفرة كيترعد حيت ميليمتر زايد ولا ناقص يقد يقتلها تنهد و حطها على قرجوتها و فتحها ليه تقريبا سنتيميتي شد لفتحة بين يديه;عطيني المصاصة

عطاتو و احد لعيبة طويلية بحال لاباي غي دخلها ليها و ركب ليها واحد اللعيبة فيها بدا كيبان ليك الدم كيخرج من قرجوتها و كيطلع في ديك المصاصة حمممرررررر وجاي الموف لمدة عشرة ثواني وهي تهز سندس و حلات عينيها شهقات وعاودات ترخات تاني طبيب بتاسم;الحمد الله قدرات تنفس دابا

حيد ليها لاباي و رد ليها الماسك على عنقها;شحال باقي الوقت باش نوصلو

المسعفة;خمسة الدقايق ادكتور

هو;عاودي عيطي قولي ليهوم حالة مستعجلة المريطة مصابة على مستوى البطن و الظهر عاد عندها نزيف داخلي و خاصنا الدم كيف نوصلو بغيت اكياس ديال الدم يكونو واجدين

المسعفة ;غا نديرو ليها تحليل باش نعرفو زمرة الدم ديالها و نعطيوها ليها

دكتور تنهد;واخا

غادين في الطريق موركين حتى وصلو الكلينيك حل لباب لوراني بسرعة و نزل هو اللوولاني نزلوها هي و معاها السيروم و لوكسيجين و السماطات ديال القلب تمو داخلين بيها كيجريو قاع الناس لي شافوها تخلعو وقف ليه واحد لابس طابلية باينة فيه طبيب;بدر شني كاين ؟

شاف فيه كيجري بسندس;حالة مستعجلة امحمد وجدتي لي الغرفة

محمد تابعو كيجري ;اه راه واجدة سير نت بدل عليك و تباعني الغرفة انا انتكلف بينما جيتي

بدر ;اوك شبر هادي (مد ليها ساشية ديال السيروم)المريطة عندها جفاف ديال الدم نزفات بزااف وجدو ليها اكياس الدم هوما اللوولين

محمد;واخا سير نت

طلق منها و مشا كيجري لغرفة باش يبدل و يعقم راسو اما محمد دخل بسندس الغرفة ديال العمليات

****في غرفة العمليات

طيط طيط طيط طيط (صوت دقات القلب)

متكين سندس على كرشها مغطين ليها راسها بيبوني و ملبسين ليها واحد تويشية دايرة بحال طابلية ديال بلاستيك محلولة من جهة الظهر خاشين ليها تيو في فمها واقف محمد داير لتام على وججه و ليكات و نظارات كبار في عينيه على شكل مكبرة هاز شفرة و حطها على ظهر سندس لي مغلف ببلاستيكا باج مرسومة بفيتر زرق يله ايحط الشفرة دخل بدر هاز يديه لفوق عريانين و داير لتام جاو الممرضات بالزربة عندو لبسوه واحد لبدلة ديال بلاستيك بحال القلع زرقة وليكات دار نظاظر على عينيه و توجه ناحية سندس;شنو عندها

محمد;العايلة عندها اصابة خطيرة في ظهرها بالرصاص و من بدينا نقلو ليها الدم نزفات من تحت من درنا ليها تصوير الاشعاعي لقيناها حاملة في شهرها الثاني ,ماعرفتش كيفاش حتى الجنين باقي عايش كانت عندها اصابة في كرشها وحدة جهة ديال المعدة لي خلاها تنزف من فهما و حدة جهة ديال السرة ديالها شي زاد في تختر الدم في الجسد ديالها ,,عمرني في حياتي ماشفت بحال هاد الحالة ,و لي زايد العملية خطورة ان الرصاصة ماتابتاش في الجسد ديالها حد ماهي كتحرك و الرصاصة كتعمق اخر تصويرة اشعاعية درنا ليها كانت الرصاصة ختارقات الجهاز التناسلي و استقرات حدا ورا الرئة يعني حركة بسيطة انفقوها هي و الجنين

بدر ;بدا العملية

حط محمد الشفرة على الخط لي راسمين و فتح متبع الخط الازرق;لقاط

خدا بدر لقاط وحطو على جهة ديال الفتحة ووسعها بيه مد يديه ;قاطع

عطاوه واحد لعيبة بحال نتاف و بدا كيغرسو ليها في الفتحة و كيغرق والو بدا كيعرق بدات الممرضة تمسح ليه العرق

ططط ططط ططط

محمد;بدر المريضة دخلات في صدمة

ترش عليهوم الدم في وججهم;وركي على كيس ديال الدم دغيا

مشات الممرضة كتورك على الكيس ديال الدم

محمد بدا كيحط الفاصمات في جهة ديال الفتحة بداو كيشربو الدم لي كيخرج منه حتى نشفووه;مشفاط

عطاوه واحد اللعيبة حطها على الفتحة خدمها بدات كتدور و كتنقي الدم لي في الجناب

محمد;بدر مغنقدوش نحيدو ليها القرطاسة دابا ,غنغامرو بحياتها و حياة الجنين

بدر ;شنو الحل راه حتى يلا بقات فيها اي حركة منها الرصاصة غتزيد تغرق شنو المعمول

محمد ;نت عارف شنو خاصنا نديرو على الاقل بينما شبر الجنين الموطع ديالو مايمكنش لينا نغامرو بحتى عملية ياخرا ,,نت شفتي دابا جاها نزيف كون ماوقفناهش في الوقت المناسب كنا انفقدوها

بدر;ولكن مايمكنش لينا ندخلوها في غيبوبة بلا شوارها ولا شوار والي امرها ,اكيد العايلة عندها شي حد يسقسي فيها

محمد;بدر العايلة دابا عندها شهرين يعني شرين ياخرا مادات ماجابت يلا كانت اتنقد حياتهوم بجوج ,,,خاص ولا بد ندخلوها في غيبوبة ,والعايلة كون عندها شي حد ماغيسراشي فيها هاكدا و لا تصوب علم الله شكون هادوك لي كانو باغين يشبروها ولا يتعداو عليها شوف غا وجهها كيف عامل كله ضرابي و عندها كسر في الانف ,,,خاصك تقرر ابدر يا اما نعسوها شهرين و نسبة العملية اتنجح بستين في المائة ولا نغامرو بصفر فاصلة صفر صفر واحد في المائة ختار

بدر تنهد و هو كيشوف فيها بقا مدة و عاود شاف فيه ;اووك دير لي بغيتيني انا انخليك تكلف بهاد العملية انا خارج نشم ريحة الهواء

محمد ;اووك سير انا انكمل و نجي

***بعض ساعة

توجه محمد المكتب ديالو لقا بدر كيهضر في تيلي شافو هو يقطع بتاسم;اكيد حورية مقلقة منك

بدر دار تيلي في جيبي;اه كون عوال نخرجها ليوم و قلت لها توجد راسها حتى من العواول داتهوم عند العزيزة باش ينعسو ,,,وهنا تشوف شني سرا

محمد برك في المكتب ديالو;مقلتيليشي كيفاش تلاقيتها

بدر ;شني غنقول ليك انا خرجت من الكلينيك كنت ماجي لدار حتى شوفت شي حاجة خرجات ليه في الطريق والله مانكدب حتى خوفت مع كولها ملطخة و شعرها طالع كنصحابها غي شي زومبي ولا شي تجن شوية و نزطم فيها كون الله ماوقف و رضات الوليدين فرانيت على رجليها

محمد;وشكون زعما يكون عمل فيها ديك الحالة ؟

بدر ;هادشي لي لقيتيني كنفكر فيه ,شني كانت تعمل في الغابة ديال الدالية نتينا عارف شكون تيكون تما غي الحراقة ولا النصابة ,,

محمد;انا لي حيرني هوما دوك الضرابي لي فكرشها (جبد واحد الملف وهز تصورية ديال كرشها)هانتا شوف و رد علي الخبار ,,يلا قلت ليك دوك الضرابي لي فكرشها هوما لي نقدو حياة الجنين ماغتيقنيشي

بدر شد تصويرة و بقا كيدقق فيها و عاود حطها;يعني العايلة فايتة مدربة هاد الضرابي لي فيها كانو كيعملوهوم الصينيين القدام في العلاج كيستخدمو اما الإبر ولا صباعهوم ,كيكونو حافظين نقط الضعف ولا القوة ديال الجسم مثل المعدة ,تحت الضلعة ولا لعنق الظهر ,السلسول ,وحتى السرة ,,وهاد الضربة ليلفوق(شير لي جهة ديال المعدة)اكيد دقة جاتها في الكرش و توعتات و حولات تركيز الالم في المعدة يعني كان بإمكانها تحملو ماشي بحال الم المخاض,,,و الدقة ديال السرة لي زرقة كيف كتعرف يلا مسيتي السرة ديالك ودخلتي فيها صبعك كتحبسك البولة و كتحس بالحريق في الفرج ديالك حيت السرة عندها علاقة بيه,,كان عندها نزيف و كان الجنين ايطيح ليها و هاد الطريقة دارت باش تحبس النزيف و تحكم في دورة الدموية ديال الجسم ديالها لبضع دقائق ,, ولكن ديك الحركة لي دارت خلا الدم كيتتختر في الدم و كيحبس الهواء يدخل الجسم ديالها شي لي زاد في تختر الدم و يتلون ويولي زرق

محمد كيحك في راسو;ممم يعني هادشي كامل دارتو باش تحمي الجنين ياك

بدر ;بالضبط

هز واحد تصوية اخرا اشعاعية ديال القفص الصدري;شوف الرصاصة فين تمركزات تاني

بدر;الرصاصة جاتها في جهة ديال العمود الفقري و بسباب الحركة ديالها خلاها تزيد تغرق و تحرك

محمد;يعني الفكرة ديال ندخلوها غيبوبة كانت مزيانة ليها و الجنين

بدر;اه ولكن حنا ماعارفين عليها والو انا القيتها في الشارع ,يعني شكون هي وهادشي لي فهمت العايلة متدربة را حركة منها تقد تشلك (شد فراسو )انا حرت كيبان لي نعلمو البوليس يلا كانت مع شي مافيا ولا شي حاجة

محمد ;احنا علمنا البوليس شنو ايتغير ,بدر نتينا عارف حياتها و حياة ابنها في خطر ,على الاقل خلينا حتى نديرو ليها العملية و نعرفو شنو وراها تقد تكون مظلومة ولا شي حاجة فحال هايداك

بدر ;دير لي بغيتي ,,,,

محمد;الكلينيك مشاركين فيه بزوج بينا يعني رأيك راه مهم

بدر;راه قلت ليك دير لي بان ليك صافي (ناض)انا انمشي للدار نرتاح عيت ليوم

محمد;اووك سلم لي على حورية و الحاجة و بوس لي العواول

بدر غادي;مبلغ مبلغ

*****في الغابة

الدنيا مقربلة كلشي كجري هنا ولهيه كلشي داير بيل و كيقلب عليها حتا من خوان لي واخا داير باندا في كتفو كيقلب عليها ,,امير بارك في سيارة الاسعاف كيخيطو ليه دراعو و كيشوف في انيس لي شاد جيلي ديال سندس كيمشي و يجي كيعرج برجليه مشرك سروال من جهة و لاوي على رجليه الفاصمة ;انيس رتاح را قالت ليك السيدة خاصك الراحة راه مشا منك الدم بزاف

شاف فيه بعيون حمرين كيخلع و عروق ديال عنقو برزو ;الله ينعل الزامل بوك على الزامل بوها ,بغيت انعرف شنو كاتجيك واش ماشي ختك ها(قرب حداه كيعرج)اش كتجيك سندوووووووس ,,,يلا ماكتهمكش نت دخلك سوق كرك و هني الوقت (شنق عليه)كنحلف ليك بالقسم ,,,,,(عض في سنانو و طلقو)ماتستاهلش نحط فيك يدي الراجل لي يتدرق قدام مرا ويسيفطها هي ويبقا هو يتفرج ماشي راجل

امير كيغوت;راه هي لي بغات gتمشي واش نت عارفني نقد نحبسها و عاد انا كنت مضروب في كتفي م

قاطعو;الزب وهي ماكاتنش مضروبة في كتفها هاااااااااا؟كيييف واخا يبقا في غا عرق واحد مانخليييييهاش تمشي ولا على الاقل نمشي معااااها نت مسيفطها مع كوثر كتخاف حتى من خيالها ,,,دويييي واش نت دابا راجل لي مسيفط ختو وخطيبتو في بلاصتو هضر

امير;انيييس حدك تم ,,,ختي و خطيبتي اه ولكن الخدمة خدمة انا كندير خدمتي ,,ولا كانت تضحية هي

قاطعو;وعلاش مضحيتيش بكرك نت ها ؟ياك دابا كتهضرعلى التضحية و الواجب و القلاوي ضحي بكرك ,,لاش مسيفطها هي ,,باغي تطلع غراد على ظهرها حيت نت لي دخلتيها والله لاكانت ليك ,,غنقول ليك جوج كلمات من ليوم ماتبقاش تعرفني ولا تقرب ساحتي نسا الزامل بويا وحتى سندس مانلقاكش قريب منها ولا حداها

امير;ماتنساش هاديك راه ختي

انيس;عاودها الكرك كون كانت ختك ماتسيفطهاش الموت برجليها دابا ماعرفينها فين كاينة و نت بارك حاط قزيبتك كتخيط في يديك حتى من خطيبتك ماعطاتهاش النفس تبرك تفرج ,,ويلا كانت ختك فراها مراتي ديرها في مخك (شاف فيه بكره و زاد كيعرج برجليه و كيقلب )

جا عندو واحد;الشاف ماكينش ليها الاثر شطبنا الغابة كثر من مرة والو حتى من الحفاري والو عاد دابا الليل و الرؤية صعيبة

انيس شنق عليه ;واخا تعرف تمشي على رجليك كتحبو غتعاود تقلبو عليها فين هوما الكلاب

هو مخنوق;كح كح راه عيطنا ليهوم قالو لينا غايجيبوهوم خاصنا نتسناو حتى يطلع الفجر ويبدا يبان الضؤ

خوان وقف حداه كيلهث;انيس والو تقول بلعاتها الارض

انيس كغوت;فيييين اتكووون مشااااات فييييييييييييين

******

سندس متكية فيا غرفة ديال الانعاش دايرين ليها تيو في فمها و مغمضة عينيها فاصمة على نيفها ووججها منفوخ ماكيبانوش مالاميحها دايرين لي سماطات في صدرها و حتى كرشها دايرين ليها سماطة مبرونشيا مع واحد الشاشة كيبان فيها الجنين داير ,ملسقين ليها واحد الالة في سبابة ديال صباعها و مدخليه ليها السيرو في يديها الغرفة كيتسمع فيها غي صوت دقات القلب طيط طيط طيط طيط

تاحد ما نعس في الغابة ولا داقو كلشي على اعصابو انيس والو مارتاحش رغم رجلو و الضربة لي في يديه رغم التعب و الالم ولكن الم لي في قلبه كثر كيفاش ايهنيه خاطرو و لا يقدر يرمش ليه جفن و هو ماعرفش مصير ماحبوبته و ام ولدو فينها و اكثررية من شاف الدم مطلس في الارض بغا يتسطى بقا غي غادي جاي فديك الغابة و كيتسنى اول ضؤ ديال النهار باش يكملو البحت ديالهوم ,,وها هو جا الصباح المشرق ,,,كلشي بدا تاني كيبحث و هاد المرة بمساعدة الكلاب ,,شمو ليهوم جيلي ديالها و بداو الكلاب كيشمو وصلو البقعة لي كانو حداها و بداو كيدورو فيها تم انيس تأكد بلي داك الدم نزل منها قلبه كان غايسكت و بقاو الكلاب غادين و هوما تابعينهم وصلو جهة ديال الشجرة لقاو الدم مطبع في العوود و بقاو تابعين الشجر و كل شجرة كيلقاو فيها اما طبعة ولا بصمة يديها مجلخة بالدم وصلو الشجرة الاخيرة لي كانت ناعسة فيها تم تسعقو بدوك الدمايات لي لقاو في العوود والا الارض انيس سكت ليه القلب و لا اكيسرط في ريقو نفسو كتطلع و تنزل ماميمكنش داك الدم كله داز منها ,حيدو الكلاب من تم و بداو طالعين مع الهضبة لي حتى هي ماسلماتش من خط ديال الدم ديالها وصوولا للشاريع و بالخصوص في وقفات لوطو ديال بدر كانت بقعة ديال الدم تم كبيرة بقاو واقفين الكلاب تم و كينبحو

الشخص;الشاف ,الاثر ديالها تحبس هنا ,,اكيد شي حد دخل فيها بلوطو ديالها و داك الدم لي نزفات اكيد ات

قبل مايكملها شنق عليه انيس ;سندس ماسرا ليها والو ,فههمتي تعاااااود تقول هاد الكلمة ندفن قحبة ديال مك هنا

الرئيس حط عليه يديه بعد ما سمع الخبار جا كيجري ;ولدي انيس رجوع الله ,

قاطعو ;اش كتخربقو نتوما ,سندس ماسرا ليها والو فهمتو اتعاودو تقلبو عليها اكيد اتكون فشي بلاصة هنا انا حاس بهادشي سندس مابعيداش من هنا ,,,,عاودوووووو قلبو عليها

امير واقف بعيد كيتفرج و كيبكي من شاف دوك الدمايات فقد الامل انها تكون باقا عايشة وحداه كوثر كنتخصص :اهيء اهئ امير (شنقات عليه )قولي سندس ماسرا ليها والو اهئ واش هاد الدم كله ديالها اهئ اهئ قول ليا ماشي ديالها عافا اهئ اهئ علاش ديما هي لي كتجي فيها الدقة اهئ اهئ علاش انا متضربتش في بلاصتها اهئ اهئ

امير عنقها و كيبكي و كيشوف في انيس لي منوض القربالة وكيعرعر دموعو محجرين في عينيه و دمه فاير و كشاكشو خارجين كيسب و يعاير مامتيقش بلي سندس اتكون سارية ليها شي حاجة لي كيبغي يشدو كيطوعو يزدحو حتى من باه ماعقلش عليه بدا اكيعرعر باه مالقا مايدير ليه غمز واحد الفرملي وراه لي بدورو فهم اش بغا يقصد مشا كيجري جهة ديال الاسعافات هز برا و تم راجع كيجري عندهوم غمز تاني شي دراري يشدوه لي قرب ليه كيخشي ليه وجهو في الارض ولا كيعطيه كروشي كيتلفو على القبلة حتى تحاماو عليه سبعة دقة وحدة وهوكاك ماتبتوه غا بزز بحال الحولي نهار العيد كيتركل و يغوت صدرو كتهز و العصبات في عنقو بزرو بيضين و عينيه حمرين جا الممرض بجرا قبل مايفلت ليهم ثاني و دق ليه مهدئ في رقبتو باش مفعولها يخدم دغيا بقا كيتركل ليهم شوية حيت البنية ديال انيس ضخمة عاد مجهد و صحيح بقاو شحال حاكمينو عاد ترخا ليهوم و غيب نطق الرئيس;هزيه دابا خاصنا نشدو الطريق الرباط قبل مايفيق

نطق خوان;الشاف ولكن سندس ؟

الرئيس كيغوت;فين هي سندس بانت ليكوم يله جبدوها لي ,,,,اكيد خرجات الشاريع ودخلات فيها شي لوطو راه الليل و الخلا لوطو كيجيو موركين شكون ايشوفها فداك الظلام

امير سمع داكشي طلق من كوثر وجا عندو كيجري عينيه حمرين ماعقل لاعلى رئيس لا والو ;كلشي منك ,,ختي سرا ليها داكشي بسبابك ,,نت لي لحتيها الفم السبع ,,و دابا باغي تحبس البحث عليها؟بعد هادشي كامل لي دارتو على قبلك

قاطعو الرئيس من بعد ماحيد ليه يديه;مادارتوش على قبلي ,,صحح هضرتك دارتو على قبل بلادها و وطنها وشكون نهار اللول دخلها وشكون قنعني باش قبلتها انا حزين عليها كثر منكوم كاملين ,,ابرز عضو عندي مشا وووو حفيدي لي طوول عمري كنحلم بيه مات وولدي لي غنفقد شوف حالتو ولا كيف المسطي انا راه اب قبل من نكون رئيس انا ماقلتش غنحبسو البحث ,,غايبقاو يقلبو ليل ونهار كانت في السماء يجبدوها ولا كانت تحت الارض يطلعوها على الاقل نعرفو غي شنو سرا ليها باش نهناو ,,,دابا كلشي عيان و على اعصابو ماغنديش عليك ,,,انا غنهضر مع الرجال يقلبو جميع المستشفايات و الديروة لي قراب و قاع الاماكن يفتشوهوم مايخليو حتى ركن ,,ماغنستسلم حتى نلقاها راه مراة ولدي واقيلة هاديك وعمر دم كيولي ماء انا قلت نمشيو الرباط باش نفكرو و خاص هادا يتربط قبل مايدير شي منتيف فهمتي يله خمسة دقايق كلشي يتجمع (شاف في الدراري)وهدا هزوه و ربطوه مزيان لا فاق زيدو حقنة ثاني حتى نوصلو وفكرو اش غنديرو

امير;انا gنبقا غا سيرو نتوما

كوثر كتمسح في دموعها;حتى انا منقدش نمشي يلا معرفت ختي فين هي

خوان شاد في كتفو;وحتا انا

الينا شافت فيه;حتى انا غنبقا

لؤي شاد جنبو;كيف ماكان الحال سندس صديقتي ماغنرتاح حتى نلقاها

الرئيس تنهد ;اوك ديرو لي بغيتو سيرو الاوطيل رتاحو بعدا ليوم باش غدا انسيفط ليكوم رجال من هنا هوما لي غيساعدوكوم

هزو انيس داروه في السيارة ديال العسكر و حدا راسو باه و الفرملي و ركبو لاخرين لي راجعين الرباط في السيارات اما خوان وكوثر و لؤي و ايلنا و امير تفرقو فجوج لوطو ومشاو في اتجاه لوطيل لي كانو باركين فيه

دازت كثر من شهر و لا اخبار على سندس كلشي مرون و كلشي مقربل بالعربية فقدو الامل انها عايشة مخلاو فين قلبو عليها تقول بلعاتها الارض و صافي حتى من الأب ديالها ضطرو يعاودو ليه الحقيقة شي لي صدمو و خلاه ناعس قاعد في الفراش ماكيدوي ماكيتكلم غا كيشوف و صافي كيجيبو ليه الماكلة كيردوها كيف هي دخلات عندو عبير حاملة في يديها بلاطو ديال الاكل شافتو كيف العادة بارك ساهي قدامو كيشوف طاحت دمعة من عينيها مسحاتها دغية و دارت ابتسامة خفيفة على شفايفها كتخبي حزنها بركات حداه و حطات بلاطو في الجنب غمسات المعلقة في سوب وحطاتها حدا فمه لي متانع يفتحو شافت فيه بحزن;بابا عافاك كول ماتحرقش قلبنا عليك كثر مامحروق

هو كيشوف قدامو ;الصمت

حطات يديها على خدو و كتبكي;اهئ اهئ بابا عافاك كول غي شوية لا كانت عزيزة عليك اهئ اهئ ,واش بغيتي سندس تقلق منك ها ؟اهئ يلا عرفات بلي مكتاكلش غتقلق علينا و تصدق مريبا علينا هاد الدار كاملة كول على قبلها لا جات تلقاك صحيح واش تبغي سندس تشوفك فهاد الحالة باراكة غي لي داز عليها ماتزيد عليها ابابا كول غي على قبلها

طاحت دمعة من عينيه و حل فمه ببطئ بيض و ريقو لاصق في شفايفو بسباب عدم الاكل مسحات دموعها بفرحة و خشات ليه الملعلقة ببطئ دوز السوب غا بزز و كياخد وقتو في الاكل ا,شرب عشرة المعالق بالحساب و دور وجهو الجهة اخرا متانع مسحات ليه فمه و باست ليه راسو و هزات بلاطو ثاني من بعد ماغطاتو وخرجات سدات عليه الباب نزلات

وهيبة بوجه شاحب و عيون داخلين باهثين ;كلا شي حاجة؟

حطات لبلاطو فوق الميدة ;غي شوية وصافي (شدات راسها)ماعرفت فين كان مخبي لينا هاد المصايب

كوثر باركة في جهة اخرى;انيس مسكين باقين رابطينو في السبيطار لي كيدخل ليه الماكلة كيعطيه قتلة ولاو كولوحو ليه الماكلة امن تحت الباب حابسينو في غرفة منعزلة تشوفي حالتو يبقى فيك ,,,عاطيها غا البكا و الغوات و التهراس تاحد ماكيقد يقرب ليه ,,

وهيبة;حتى من امير ماعرفنا فين شدها ,,,من النهار نعس بابا في السبيطار مابقينا شفناه ,,,كنعيط ليه تيلي ديالو طافي حتى دارو خواها

كوثر;حتا انا ماعندي ليه حتى خبار ,,,كون غي عرفنا شي حاجة على سندس ,,,انا منظنش تكون عايشة

دارو عندها بجوج بغضب;شنو كتخربقي نتي,,

كوثر عينيها مغرغرين;نتوما عارفين سندس كثر من في نظركبوم كون كانت حية ماغتجيش ولا تبان اهئ اهئ هي كتموت على انيس وعارفة يلا غبرات غيحماق ديك النهار هي بين لموت والحياة و جات على قبلو اهئ اهئ عارفة اش غايسرا فيه اهئ شوفو دابا كثر من شهر ماعدنا عليها حتى شي خبار ماخلينا فين قلبنا عليها حتى من لحدود ديال اسبانيا و الباطووات قلبنا فيهوم بلا فايدة

عبير و وهيبة بداو كيتغبنو من سمعوها و كل وحدة طلقات دموعها ينزلو حيت عارفين سندس ماشي من داك نوع لي كيستسلم دارو كنازة ثاني في الدار بلا ميت ,,,

محمد خارج من الغرفة ديال سندس من بعد مابدوز ليلة كاملة معاها كيقرا عليها القصص هادي هي عادتو من النهار دخلات في غيبوبة ولا هو لي مكلف بالحالة ديالها و بالصغيرة و الكبيرة ,,كيدوز معاها جل وقتو ماكيفارقهاش لا ليل لا نهار ,,كيقرى عليها القصص و الشعر و الروايات ويبقا يعاود ليها عليه و على مشاكيلو حتى كيديه النعاس بالقرب منها و في الصباح عاد كيخرج ماكيخلي تاراجل يدخل عليها وبالأخص من تفش وجهها و نقاو ليها شعرها وبانو ملاميحها كيف دايرين ولا كلشي كيهضر على جمالها سماو عليها غي الاميرة النائمة ,,خرج من الغرفة ديالها و تاجه المكتب ديالو لقا بدر بارك ,,,

بدر ;عوتاني العشير بايت عندها ؟

محمد كيطرطق في عنقو لي تعنز ليه;كنت كنقرا ليها شي قصص و خداتني عيني

بدر ;سمع نقول ليك ,,محمد نت صاحبي و كثر نت راك خاي و عزيز علي مانبغيش لي المضرة ,,ماتعلقشي راسك فيها حتى تصدق مصدوم من بعد ,,ماتعرف العايلة مزوجة وعندها الراجل ,,داك العايل ستيتو منين ايكون جاي

محمد تنهد;نقولو السيدة مزوجة يله وريني الاب ديال هاد العايل فاينو و فاين هاد الفاميلية من النهار دخلات الكلينيك واش جا شي حد سقسا فيها؟لا ,,انا عارف راسي بلي وليت متعلق بيها و نقد نقول كنبغيها ولكن انا ماشي حرايمي ,,اكيد من اتفيق و عرفتها مزوجة وعندها الراجل غنخليها واخا انا مأكد بلي مامزوجاش ماعندها لا خاتم ولا والو ايكون غي شي صحايب ديالها خدام في المافيا ولا شي لعيبة نتينا عارف البنات ديال الداخيل ولا ديال اوروب كيديرو علاقة مع البزنازة و في اللخر كيلوحوهوم في الغابة ولا في البحر شحال من وحد جبرناها مليوحة حدا اشقار ولا في الدالية ولا غابة امريكا كيلوحوهوم من بعد ماكيساليو منهوم,

بدر تنهد;انا غي قلت ليك ,,يلا كانت السيدة مزوجة خليها عليك

محمد شد فراسو;عافاك بدل هاد الموضوع راسي بدا كيحرقني عطيني عافاك شي باسطية نسكت بيها هاد الحريق اوووف

*******

في مكان اخر في غرفة كلها بالبيض كتوسطها سرير لي كله مدقدق الفراش في جهة و النامسية في جهة الحديد كله مفلعس و بلاطو مقلوب ديال الاكل مصنوع من بلاستيك حتى من الفورشيط والمعلقة

بارك انيس في واحد القنت لابس سروال ديال توب زرق حفيان و عريان من لفوق ,,الوجه شاحب و الهالات السوودة تحت عينيه و ربة اللحية طوالات و الشعر حتى هو ولا داير فحال اهل الكهف عينيه حمرين صدر كيتهز و كيتحط و كيسوط اكيد من بعد مافش قلبه ثاني في ديك الغرفة لي قربلها كيف العادة سمع لباب كيتحل ناض بسرعة البرق جاهل ناوي يقربلها ثاني حتى سكتاتو الممرضة بهمس و كتشوف في جنابها;غي انا

انيس قرب عندها بسرعة;قديتي الغرض ؟

هي ;ششش (مدات ليه واحد بلاستيكة)هاكا لبس هادو عندك خمسة دقايق تكون واجد ,,حدهوم دابا كيتغداو سربي ماعدناش بزاف ديال الوقت

خدا من عندها و دخل للدوش لي كله مقربل و محيدين ليه المراية و اي حاجة ماضية لبس عليه بالزربة بعد جوج دقايق خرج لابس سورفيط غري بالقب و كاسكيط جاتو لاسقة مع مفورمي

الممرضة سهات فيه للحظة وهو كتدقق في ديك الفورمة لي رغم تبهديلة باقي زوين فيقها من سباتها غي صووتو لي كيزعزع;غنبقاو هنا ؟

هي بصدمة;ا ااا اه اه يله نتحركو قبل مايجيو

خرجات هي اللولة كتطل يمين و شمال دارت ليه حركة بيديها زيد سبقاتو و تبعها هو حاني راسو ماكيبانش وجههو بسباب القب و الكاسكيط هي كتوريه الطريق و هو لاحقها مخلي بيناتهوم مسافة باش مايعيقوش حتى وصلو لباب ديال الحديد مكتوب فيه مخرج الامان

الممرضة;هاد الباب يخرج ديريك لورا الكلينيك هادا هو حدي معاك

هو ;واخا

الممرضة ;كنتمنى متنساش اعلاش تافقنا

شاف فيها بحدة ;عطيتك النص و اكيد ماغنساش

شد البواني و حل لباب و دخل نزل مع واحد الدروج كيجري حتى وصل لواحد الباب حله حرقاتو الشعا ديال الشمس درق وجهه بيديه و غمض عينيه و خرج لقا راسو في حديقة ديال المشفى خرج بخطوات سريعة حتى فات البوابة ديالو شير على طاكسي و ركب سد الباب;هانا جاي اسندس غنلقاك واخا تكوني تحت الارض

عبير خارجة من سوبر مارشي لابسة سروال سورفيط و اكس كحل وجهها صفر و عينيها داخلين شعرها دار كارية تقريبا كتدخل التقدية لوطو ديال سندس لي خلات حتى جراتها شي يد من دراعها ;هيه ث(تصدمات)كمال؟

كمال;اه كمال ,,علاش غبرتي حتى المدرسة مابقيتيش جيتي ليها و طافية تيلي مالكي؟

نترات يديهاو تحنات تهز تقديا;مامسالياش ليك دابا عندي بزاف ديال شغال

عاود شدها من دراعها بغضب;علاش كتعاملي معايا هكا شنو درت ليك هااا؟لاش كتجاهليني ؟

عبير بغضب;اش بيني و بينك اخويا باش نتجاهلك ولا لا ؟طلق مني و سير الله يرحم ليك الواليدين ها لي في كافيني ,ماناقصاش ماشاكيل

كمال;انا مشاكيل؟؟دابا؟

عبير بتعب;كمال الله يرحم ليك الوليدين والله مافي لي تغاوت ,,راسي غاينفاجر مالقيت لمن نعطي الراس ,,(هزات فيه راسها و عينيها دامعين)ماحيلتي للدار ماحيلتي الختي لي ماعرت فين سرطاتها الارض اهئ اهئ واش ميتة ولا حية ماحيلتي لواليد اهئ اهئ لي شاد الركنة دابا ولا خويا لي غبر اهئ اهئ

هو تصدم ماعرف مايدير كيشوف فيها كتبكي و كتنخصص حل دراعو ببطئ و جرها لعندو ;ششث صافي كلشي غايتحل ششش هانا معاك

هي شادا في دراعو;اهئ اهئ كيفاش غايتحل كيفاش اهئ اهئ ؟كلشي مرون اكمال كلشي

زير عليها;هانا معاك ماغنخليكش بوحدك شششث (بعدها عليه و بدا كيمسح ليها دموعها بحنان)

عبير;سمح سمح لي (كتمسح في دموعها)ماعرفتش اش سرالي سمح لي عافاك (تمات بغات تدور وهو يشدها)

كمال;علاش كديري هكا خليني نعاونك ؟مايمكنش تبقاي هزا هادشي بوحدك

عبير;ماعندكش فاش تعاوني انا براسي حرت ,

دورها عندو;على الاقل خليني انكون معاك ,,و في جنبك صعيب عليك هادشي حتى انا دزت منه من فقدت عائلتي و عارف معنى تبقى بوحدك لا حنين لا رحيم

هزات راسها فيه;واش نت يتيم

طلق منها و خشا ليها بلاستيكات في لوطو ديالها بالزربة و سد لوطو وجا عندها ;هاد الهضرة ماشي هنا اش بان ليك نمشي شي كافي

عبير;ماكين لاش انا اصلا تعطلت و ما

قاطعها ;ماغانخدش منك بزاف ديال الوقت و الكافي غي هنا غنرجعك حتى لوطو ديالك اش بان ليك؟

عبير شاف فيه و شافت في لوطو سداتها اطوماتيك ;اووك يله مي ماغتنتعطلوش

كمال بابتسامة ;كنواعدك يله طوموبيل ديالي مبلاسية غي هنا

عبير ;اووك يله

عبير ;اووك يله

****في المقهى

كمال شاد كاس ديال القهوى في يديه;يله عاودي لي شنو لي مقلقك

عبير حطات كاس ديال القهوى و شافت جهة ديال الشاريع حيت كافي جات في شاريع;اش غنقول ليك؟

كمال;لي بغيتي بداي عتابريني صديقك حكي لي عجبك

تنهدات و دارت عندو ;اش غنقول ليك بلي الوليد لاحني في الخيرية؟ومن كملت تمنطاش العام لقيت راسي في الزنقة ؟

كمال تصدم ;كيفاش؟

شدات في الطاس ديال القهوى وبدات كترعد في يديها و كتشوف فيه بعينين دامعين ;اه (عاودات ليه شنو سرا من كانت صغيرة و كيفاش دخلات الخيرية و القرايتها و منين خرجات منها شنو سرا ليها و الحي لي عاشت فيه عاودات ليه على لقاءها بسندس وبلي هي لي سكناتها معاها و خدمة ديال سندس لي بسبابها دابا ماعرفوها واش حية ولا ميتة و راجلها لي في سبيطار و امير لي غابر و سي مصطفى لي شاد الفراش كتبكي و تعاود و كمال كيسمع ليها و كيتألم لداكشي لي داز عليها )هادشي لي كاين دابا كلشي كتعدب ,,حرت ماعرفت ماندير دماغي كنحس بيه باغي ينفاجر ,,قاع التحرميات لي عندي في الكترونيات مافادوني بوالو عيت من نقلب والو فشلت

كمال شد ليها في يديها;انا ديما غنكون في جنبك عمرني نخليك ,,هادي غا سحابة و غتدوز ,,و سندس على ماعودتي بلي قوية اكيد اتكون عايشة و في شي بلاصة ,تقدر تكون سرات ليها شي حاجة ومخلاتهاش ترجع

عبير;نت مكتعرفش سندس ,,,ماكتعرفش شناهي الخوف اي حاجة غتواجهها ماغتطتارش البعد و هي عارفة انيس كيموت عليها السيد حماق ولاو كيدقو ليه البراوات باش يتهدن كان غيقتل شحال من ممريض ولاو يخافو يوصلو ليه

كمال;تقد تكون فقدات الجنين و خافت ترجع ,,تقد تكون فقدات الدكرة ,,تقد تكون باقا كتعالج ,,,,كينين بزااف ديال الحوايج من غير الموت

عبير شافت فيه بصدمة ;كيفاش ؟

كمال بابتسامة ;عمركوم تفقدو الامل ,,سندس ختك اكيد كاينة فشي بلاصة في لاكرة الارضية نشاء الله اترجع ليكوم غي نتي خاصك تكوني قوية وانا معاك

عبير بابتسامة ;شكرا ,,ماعرفتيش شحال ريحتيني بهضرتك

شد ليها في يديها;ونتي ماعرفتيش شحال فرحتيني من شاركتيني همومك و عطيتيني وقتك

مدات ليه يديها ;اصدقاء

بقا كيشوف في يديها بصدمة و بحزن مسح على راسو و رسم ابتسامة خفيفة و مد يديه ;علاش لا ؟

*******

انيس نازل من الكار لابس سروال ديال دجين و بيل كحل لاصق فورمتو ولات فحال الوحش داير كاسكيط كحلة و جبد تيلي من جيبو ;فينك انا في المحطة ديال الكيران اوك

بعد دقيقة وقفات قدامو كاط كاط في الكحل تحل لباب نزل منها امير لابس سروال ديال سورفيط و بيل نص كم وجه صفر و عينيه داخلين والهالة السوداء تحت عينيه دايرين دوارة و اللحية كبيرة و مشعكة دايرة كاسكيط على راسو مشا في اتجاه انيس بغا يعنقو بعد عليه انيس ;احم السلام

انيس بجد;وعليكوم السلام فين وصلتو في البحث

امير ;يله نحيدو بعدا من هنا و ديك الساعة نهضرو

سبق امير لوطو و تبعو انيس ركب حداه و زادو

في احد الشقق الراقية في مدينة طنجة و بالضبط في شارع فاس ,,

بارك انيس و امير و لؤي و شي جوج اشخاص تم في الصالة كبيرة دايرين على واحد الطبلة دايرة كلها وراق

انيس هاز واحد الورقة و كيشوف فيها;هادشي ماكيوصل لوالو

لؤي;ماخلينا فين قلبنا عليها تقول بلعاتها الارض والو ,,لدرجة سيفطا دراري الاسبانيا يقلبو عليها لايكون شي حراق داها والو

الشخص;الحاجة المزيانة ان كون كانت ميتة كون لقينا الجثة ديالها شي لي كيأكد بلي ماميتاش

امير كيحك في راسو ;وفين اتقول ,,ماخلينا حتى قنت

انيس;انعاودو نقلبو ,,بغيتكوم تفتشو جميع الديورة جمييع المستشفايات والكلينيكات كلشي

امير شاف في انيس;كلينيك؟اش داها لتم ؟

انيس;ولا لقاها شي حد وداها لشي كلينيك مافكرتوش فهادشي واش ضروري انا نبدا نقول ليكوم (هز ورقة و ناض)

امير شاف فيه;فين غادي ؟

انيس;نقلب في الكينيك و بالخصوص في المناطق لي قريبة من الميناء اكيد ايكون شي راس ديال الخيط لي غيدلنا عليها

امير;نت يله جيتي برك غي ترتاح

خنزر فيه انيس;انا ماجيتش باش نرتاح

امير ناض ;بلاتي نمشي معاك ماكين تم حتى شي طرنسبور

لؤي;وحنا انقلبو فالكلينيك لي هنا في طنجة و تطوان

انيس;اووك

كلشي ناض و خرجو

****

محمد خارج من الغرفة ديال سندس كيف ديما هاز كتاب في يديه و توجه المكتب ديالو لقا بدر بارك كيشرب في قهوة و كيتسناه ;نت شفتك وليتي مستعمرني في المكتب ديالي

بدر;كنت كانساينك المريطة شفتها باقا مافاقتشي و بقات للعملية خمسطاش اليوم خاص المريطة تفيق مايمكنش لينا نعملو ليها العملية و هي في غيبوبة

محمد برك في الكرسي بتعب;عارف عارف

بدر;نتينا كنتي عارف بخطورة تدخل العايلة في غيبوبة يلا مافاقتشي شني اتعمل ديك الساعة الجنين ماغبقاش قاد يستحمل واخا الاعضاء الحيوية ديالها مستقرة ولكن العايل غيعيا خاص ضروري تحرك و تدخل ليه الاغدية المتوازنة العايل مسكين عايش غا بالسيروم و البراوات ديال الفيتامين

محمد شد في راسو ;عارف اووف انا كل ليلة كندوزها معاها نقرا عليها القصص و نهضر معاها باش تجاوب مع العالم الخارجي,,,ولكن هي فحال يلا مابغاتشي تعيش وبغات تبقى وسط داك العالم ديالها في غيبوبة ماكتجاوبشي مع العلاج رغم جروحها لتاءمات بشكل رهيب و بسرعة ولكن دماغها ماباغيش يخدم اوفف حرت و الوقت بدا ينفد منا ,,دابا دخلات في الشهر الرابع و الجنين مستقر خاصها تفيق

بدر ;باقا خمسطاش اليوم اكيد باقي امل

محمد ;كنتمنى

انيس واقف قدام الكلينيك لي فيه سندس قلبه كيضرب و نفسه كتطلع و تنزل بسرعة يديه كيترعدو و رجليه ماقدش يوقف بيهوم كيشوف في الباب ديال الكلينيك بنادم داخل و خارج و هو ساهي ,حط امير عليه يديه ;مالك؟

انيس ;ماعرفتش كنحس براسي مرون

امير;هداك غي العيا ,,راه خمسة ديال الكيلنيكات قلبنا فيهوم هدا هو السادس اكيد حسيتي بالعيا ,,,يله ندخلو

انيس شاف فيه و حرك راسو باه و عاود تلفت في جهة ديال الباب ماعرفش هاد الاحساس لي راودو فجأة تنهد و حط رجليه الليمنيه في المدخل تحل لباب اطوماتيك و دخلو مشاو الغرفة الاستقبال لقاو درية لي باركة تم

امير;انيسة ممكن نسولك ؟

هي ;وي شني عندك اخاي

انيس ;واحد البنت شهرين هادي وهي مختافية مصابة بالرصاص و كان عندها نزيف حاد و حاملة ,,

امير;راها طويلة و بيضة و شهبة ,,عندها واحد وعشرين

جبد انيس تيلي ديالو و جبد تصويرة ديالها ;هاهي

هي شافتها بقات كتحقق فيها شحااااااال وهي تنطق;سمحلي ولكن شكون نتوما ؟

امير جبد البادج ديالو;معاك النقيب امير الدحماني

هي تفافات تفكرات تهديدات ديال محمد من قاليها اي واحد جا سول فيها قولو ليه ماعدناش ;انا انا لا ماكيناش عدنا هاد العايلة

انيس بجد;وباه نتي ماعرفتيهاش ونتي قاعمة قلبتي في التسجيلات قاع ويلا ماشي نتي لي كانتي من جابوها غا شوفي وكان

هي ;اا لا كون كانت كون عرفتها

انيس بمكر;غا شوفي وكان ,,قلبي نتي اش خاسرة

بدات كتقلب بالزربة و هزات راسها فيهوم ;لا سيدي ماكيناش

انيس;ممم واخا الله يعاونك اختي

خرج انيس و امير ;انيس حتا هنا ماكيناش

انيس هز حاجبو:ديك القحبة اكيد مخبية شي حاجة ماشفتيهاش كيفاش بدات كتقفقف منين وريتها تصويرة ؟

امير;اه عندك الحق اكيد اتكون عارفة شي حاجة ,,و حنا ماعدناش لوطوغيزاسيون باش نفتشو الكلينيك

انيس;يلا ماكانتش حنا انيدرو راسنا

امير ;كيفاش

انيس مد ليها يديه ;ارا سوارت ديال لوطو و جوج دقايق تبعني لبرا

مد ليه سوارت ديال لوطو;اش غادير

انيس;خاصني ندخل لهاد كلينيك بأي طريقة (تم غادي )تسالني لوطو نرجعو الرباط نشري ليك وحدة

امير;انييييس

ركب انيس في لوطو ;احساسي كيقول لي بلي نتي هنا و ديك القحبة كتكدب علي ماغنمشي حتى نعرف شنو مخبية ,,تسناي احبيبة مابقا قد مافات (ديمارا لوطو وزاد ,,خرج برا و دور لوطو في اتجاه الشارع زاد في السرعة ,زاد شي عشرة ميترو من الكلينيك و دور لفولون في جهة واحد التمثال كبيير راسمين فيه اسم الكلينيك و دخل فيه ,,الطوموبيل تضغطات كلها من القدام و الدخان خارج منها ,,و الفرشي دار على لوطو كاملة بحال الرغوة باش تحميها دغية تجمعات جقلة على لوطو وحاطو بيها ,,,امير شاف الناس كيجريو برا الكلينيك و كيتغاوتو عرف شي مصيبة بدا كيدردك خرج برا لفت وجههو الجهة الليسرية بانو ليه الناس مجوقين مشا كيجري في اتجاه الجقلة وبدا كيدفع الناس حتى كيتصدم بلوطو داخلة في الثمثال مدقدقة و الرغوة دايرة بيها مغطية الزاج و كلشي تم كيجري شد الباب ديال لوطو حلو لقاه مفصل بان ليه انيس متكي على الفولون و جهة ديال حاجبه كتنزف مشا شدو من دراعو بسرعة ;انيييييس (دار شاف هادوك لي مجوقين)ولاد القحاب كتفرجو ,,,سيرو جيبو شي باياص دغية السيد كيموت

حط دراع انيس على عنقو و تم كيخرج فيه من لوطو حل انيس عينيه بتعب و فمه دايز بالدم مع ابتسامة;ياك قلت ليك غاندخل لداك كلينيك ؟كحكح هانا اندخل

امير جارو;سكتنا شوف حالتك كيف دايرة ؟

انيس;ماتخافش خوك سبع,,,

بدا كتمشى و مكالي بامير و كيعرج و حاجبو كيدوز بالدم و فمه حتى بانو ليهوم ثلاثة لابسين طابلية بايضة و جارين الباياس و كيجريو

امير;علا السلامة خاصنا نزغرتو ياك

الاول;سمح لي يله قالوها لينا جينا كنجريو

برك انيس في الباياص و تكاوه دارو ليه يديه بزوج على كرشو و واحد اللعيبة في عنقو و تمو غادين بيه كيجريو وامير وراهوم دخلو من الباب ثاني وصلو حدا هاديك في اتسقبال انيس دور وجه الجهة اخرى و امير نزل راسو مادات ماجابت دخلوه لغرفة ديال المعاينة بغا يتبعو امير و هوما يحبسوه;سمح لي ولك ممنوع تدخل

انيس ;غمزو انا مزيان ,,سير نت قدي الغرض

امير;واخا انا اندير واحد المكالمة ونرجع عندك

انيس ;واخا (وتكا)

دزت ثلث ايام و انيس ناعس في داك الكلينيك كان عندو هرس في رجليه الليسرية مطلعين ليه الgبس حتى الفخدو و دابا راه داير عكاز و كيتسركل في ارجاء ديال الكلينيك حتى وقف عليه امير ;شنو كاين ؟

انيس;واللو ثلاثة ديال ايام وانا نسول و ندور حتى حد مابغا يعطيني راس ديال الخيط ,,

امير;هي هادشي لي درنا كلشي مشا في زيرو ؟

انيس;كين واحد الجناح معزول على هنا فا في جهة اخرى ديال المستشفى ممنوع شي حد يدخل ليه ولا يقرب من غير الطبيب لي هو المدير ديال الكلينيك و مانع اي حد يقرب لديك جهة و خصوصا لا كان راجل ماعرفتش علاش

امير;ونت باش عرفتيها

انيس;سمعت واحد جوج كهضرو لبارح و طلقت ودني ,,عرفت بلي واحد فيهوم كان بغا يدخل لداك الجناح و حبسوه و داك لي معاه قاليه بلي ممنوع يدخل شي حد تم وبلي مدير ديال الكلينيك هو وشريكو لي مكلفين بديك الجهة و ماكيحيدوش من تم

امير;زعما تقد سندس تكون تم؟

انيس تكا على واحد الحيط ;ماعرفتش ,,ولكن لي مأكد منه بلي هي كاينة هنا في المستشفى ولا كانت ,,المهم جات لهنا لي شاف تصوريتها كيبدا يتفافا و يقفقف علي

امير;وشنو انديرو لا كانو حابسين ماندخلوش وخصوصا الرجالة كيفاش انقدرو ,,نلبسو الجلالب و نتنقبو حتى حنا؟

انيس بابتسامة;ههه فكرة زوينة هههههه ,,,مع انا وياك فحال العجولة نبانو بحال الارهاب بفف ولكن تفاهمت مع واحد خاينة قالي في العشية نقد نزل لبلوك لتحت

امير;اها وكيفاش

انيس;ليوم كينة حفلة سنوية في الكلينيك محتافلين بعيد ميلاد الخامس عشر ديال الكلينيك ايكون كلشي مشغول غيسلتني لبلوك ,,واخا طلب ولد القحبة عشرة ديال المليون ماتهمش

امير;تكون حتى مائة

انيس;المهم سير نت و تخبى الواليد راه منوض القربالة من مالقانيش اكيد غايراقبك مابغيتوش يعرفني هنا

امير حط يديه على كتف انيس;انا داير حسابي اصلا كنخرج متنكر ماكينش لي عرفني

انيس;واخا يله سير نت العشية نبغيك تكون هنا

امير;واخا (مد ليه واحد بلاستيك)هاك هادو بعدا بدل ديك الحالة

انيس;ارا ارا درتي املزيان كنحس بهاد اللبسة بحال المختن تفووو

امير;ههه سير سير

انيس;يله الله يعاون العشية

امير;نشاء الله نلقاوها

انيس بجد;غنلقاوها

عبير باركة في الصالة حاطة يديها على خدها و كتخمم حداها كوثر شادة تيلي ديالها

تحل لباب دخلات وهيبة هازة ساكها وجه صفر شافت فيها عبير;كيف دوزتي الامتحان شفت الاسئلة لي حطو ليكوم

وهيبة لاحت ساكها و بركات فوق السداري;مزيان

عبير;اووك انا انوض نوجد ليك شي حاجة تاكليها

وهيبة غمضات عينيها;لا مافياش بابا كلا شي حاجة؟

كوثر;طلعات ليه عبير لفطور كلا غي شوية خاصنا نديوه السبيطار

عبير;قلتها ليه متانع حتى من امير و الدراري ماعدنا عليهوم تاخبا تيلي ديالهوم طافي اكيد بدلو النمرة باش مانشدهمش

كوثر;حتى انا سمعت في الاكاديمي راه هرب من السبيطار الرئيس باغي يتسطى ماخلا فين قلب عليه تقولي بلعاتو الارض

عبير;هدا الرئيس خاص لي فرgع ليه كرو رابط السيد حبس البحث من بعد يوماين لاش كيقلب؟(ناضت)انا انمشي نشوف الوليد لا بقيت كنخمم غنصدق داير شي كريثة

طلعات مع الدروج كتسوط و كتنهد وصلات الغرفة ديال سي مصطفى خدات نفس عميق و حلات الباب مع ابتسامة صفرا ;كيف ولا البطل ديالنا؟

سي مصطفى متكي على النامسية بوجه شاحب و عينين مفيكسية قدامو ماتلفتش عندها ,,تقدمات عندو و بركات في جنب النامسية شدات ليه يديه لي ولات ضعيفة و مكمشة كترعد بدات كتلعب في العروقة و العصبات لي بانو فيهوم بسباب الضعف ;تالين اتبقى فهاد الحالة؟

هو ;الصمت

عبير نزلات دمعة من عينيها;تالين اتبقا ساد عليك و ماكتدويش واش في نظرك هدا هو الحل ,,بابا حنا ماحتاجين ليك كثر من قبل ,,بغيناك تكون في جنبنا و حادينا ,واش هكا اترجع سندس للدار ؟

هو ;الصمت

عبير ;بابا وقف هضر دير شي حاجة فرغ داكشي لي كتحس بيه ماتبقاش مخبي داكشي في خاطرك بكيييي ,,عارفاك تصدمتي من سمعتي الخبار ,,ولكن ابابا سندس دارت هادشي على قبلك و قبلنا وعلى قبل جميع الاطفال عرفتي شحال من واحد عتقات ؟الملايين ديال البنادم ,,العالم كله فخور بيها لدرجة رقاوها واش نت مفخورش ببنتك ؟ضحات براسها باش تحمينا ,,كلشي كيقول عليه بلي هي مرة بمائة راجل ,,(ضحكة مخلطة بدمعة)هه كلشي كيخاف منها حتى انا نهار شفتها خلعاتني هه ,,كون شافتك ناعس هكا كن دابا تعصبات و كتفرgع شي ساك لا ضربات شي حد ناشراه في السبيطار هه ,,نوض و حارب ,وقف كيف نهار اللول عرفتك بيه (مسحات دمعة)قلتي لي بلي نت هو الاب ديالي و لي غتحميني (نعسات على يديه و كتبكي)اهئ اهئ ودابا حنا محتاجين الحماية ديالك بقينا احنا بنات بوحدنا اهئ اهئ نوض حمينا توحشتك ابابا و توحشت نلعبو انا وياك الشطرنج (ناضت)والله حتى نخليك تربحني غانوض ,,ياك قلتي لي خاصني نكمل القراية ولا خرجت اتجبد لي ودني ايوا نوض هانا خرجت منها نوض جبد لي ودني و ضربني اهئ اهئ(تنهدات مسحات عينيها باست ليه يديه و غطاتو و ناضت خرجات )

غا سدات الباب نزلات دمعة من عين سي مصطفى و تبعوها دموع كيرمش عينيه بسرعة و يديه كيترعدو و كيحرك صبعانو بدا كيحاول يحل فمه لي القشور دارو طبقة فيه و ريق ملصق كيتحل;س س س س سنننننددددس بببببنننننتييي

يتبع...