قصتي مع الخليجية الجزء 15 و الأخير

صافي رجعت للدار دخلت لقيت لواليدة موجدة لعشا تعشيت معاهم و دخلت لبيتي لقيت ميساج من رؤى صدمني قالتلي فيه "كريم خاصنا نساليو هاد العلاقة" 

انا : علاش ا رؤى اش واقع

رؤى : صافي طلعتيلي فراسي مابقيتش كانحملك صافي خاصنا نساليو هاد المهزلة و بالنسبة للخدمة راك غاتبقا خدام ماغانجريش عليك 

انا : اهاا واخا ا لالهم رؤى لي بغيتي صافي الله يعاون 

واخا ماقلتهاش من قلبي ولاكن صافي خاصني نتقبل الواقع واخا عارف بلي هادشي ماشي لخاطرها بقوة لغدايد نعست فقت لغد ليه كان عندنا اجتماع باش نسنيو واحد الكونطرا فقت و تفرركست مزيان باش نخلي لالهم رؤى تبقا حالة فمها صافي مشيت للشريكة دخلت لقيتهم علاين يبداو جتيماع بقينا جالسين حتا جات رؤى انا حنيت راسي و بقيت كانشوف فيها بنص عينينة لقيتها غاكاتشوف فيا ، بدينا لاجتماع ديالنا جا دور ديالي باش نهدر بديت كانهدر بواحد طلاقة فلانجليزية خليتهم كاملين حالين فمهم فيا حتا من رؤى بقات متعجبة سالا جتيماع و سينينا على لكونطرا ملي كنت خارج عيطلي المدير د الشركة لي مضينا معاهم الكونطرا بقا كيهدر معايا واحد شوية و هو يعيط لرؤى جات و قاليها "كانتمنا منك ا رؤى تحافضي على هاد الشاب راه قادر يزيد بالشريكة للقدام غاينفعك بزاف" قالتليه رؤى ضروري راه كريم ماشي غير جيت و عطيتو هاد البوسط فالشريكة ضحكو مع بعضهم و مشا بحالو داك خونا بقينا غا انا و رؤى عيني فعينيها حد ماكيهدر مع لاخور ولاكن غا من نظرات ديالها باينة فيها بحال ايلا اخر مرة غاتشوفني بداو دموع كيقطرو من عينيها و هي تدور و مشات بحالها بزربة قبل مانعيق بيها بلي كاتبكي ولاكن للاسف انا شفت كولشي ، داك لعشية كانت عندي خاوية بقيت غا فالدار جالس واحد شوية و هو يدخل الواليد جا بكري ماشي عادتو حنيت ليه على راس قلتلو مالك ا لواليد جيتي ليوم بكري قالي علاش مافراسكش قلتلو لا قالي راه رؤى صافي غاترجع بحالها للكويت من صباح و حنا كانجمعو معاها فلباليزات انا وحق ررب حتى فرفرت خرجت كانجري من دار قالي لواليد فين ماشي قلتلو من بعد ملي نرجع و نقولك خرجت كانطير مشيت للفيلا لقيت فيها غا لميناج قلتلها فين هي رؤى قالت لي قبيلا مشاو للمطار راه غاتكون تما انا عيطت لنورة قلتلها واش فراسك شي حاجا قالت لي لا قلت لها صافي قالتلي ستنا انا جايا نمشي معاك انا ماخصنيش نضيع الوقت مي نورة عندها طومو ديالها غاتوصل دغيا ماكاملاش 5 دقايق كانت معايا ركبت و نطالقتا ب اقصى سرعة للمطار دخلنا اصلا كان لمطار خاوي ديك لعشية شحال وحنا كانجريو حتا شفنا واحد لبلاكة مكتوب فيها Kuwait Airways قلت ليها راهو الشباك د طيارات د لكويت مشينا سولنا واحد لبنت كانت تما قلت ليها اخر طيارة د لكويت ايمتا خارجة قالتلي اخر طيارة خرجات 15 دقيقة هادي ناري صافي تما طاحو ليا لما فرركابي و نورة حتى هي مصدومة لكقاش اغلى صديقة مشات بلا ماتقوليها حتى بسلامة سولاتني داك لبنت واش نتا هو كريم قلت ليها اه قالتلي هاك هاد البرة خلاتها ليك واحد لبنت شديتها ف يدي فتحتها و بديت كانقراها و انا كلي كانترعد .

كريم او كيمو كيما كيعجبني نقوليك ملي غاتكون فيدك هاد الرسالة غانكون انا فالكويت دابا سبب د رجوع ديالي لبلادي هو لاب ديالي لي كايعيش اخر ايامو و بغيت نكون معاه و تاني سبب هو انه قبل مايموت طلب مني واحد الطلب لي هو انني نتزوج بولد عمي وانا مانقدرش نقول لا لحقاش هادي اخر ايامو و بغيت نحقق ليه الطلب ديالو ، عزيزي كريم انا ودعت المغرب من بعد 4 سنين ديال المعيشة فيه بلاد اكثر من رائع ماعمري ماغادي نعاود نرجع و يمكن نهار لي غادي نرجع فيه غاتكون نتا مزوج و عندك اولاد غاتكون بنيتي حياتك و انا كانبغيك و غانبقا ديما كانبغيك ملي طلبت منك اننا نتفارقو بغيت نخليك تكررهني ولاكن رابط ديالنا قوي بزاف و ماتخليتيش عليا بسهولة ، كريم تهلا فراسك بزاف و تهلا فالواليدين و فنورة كاتبقا نتا هو اول حب فحياتي و اخر حب فحياتي كانبغيك. 

صافي ملي قريت هاد رسالة فشلت دموع نزلولي من عيني جات نورة مساحتلي دموعي و جراتني لطوموبيل ركبنا طريق كاملة و انا مصرفق ماعارف تاقلوة من لي واقع صافي حتى رؤى الحب د حياتي تخلات عليا ، وصلاتني حتى للدار و قالتلي مادير والو فراسك ا كريم باستني و خرجت بحالي دخلت للدار شافني لواليد فديك الحالة عرف بلي كاين شي حاجا جا قالي مالك ا ولدي عاودت ليه كلشي من اول مرة حتا لليوم بقيت فالواليد ولاكن ماعندي ماندير دخلت للفيس باش نسيفط ليها ميساج والو ديزاكتيفات لكونط و مسحات الواتس صافي ماغايكون حتى اتصال بيننا وصلات 10 ضربتها بنعسة ما فقت غير على دق فالباب يلاه غانتوضد جا لخوادري و قالي شي حد بغاني خوكم عاظ فايق و مبهلل بالنعاس ملي هبطت لقيت واخد الاجل لابس كوستيم قالي واش نتا هو كريم قلت ليه اه قالي انا محامي د رؤى ممكن تتفضل معايا للبيرو بغيت نهدر معاك قلت ليه ستنا نلبس عليا و نجي طلعت بدلت عليا و مشطت شعري و غسلت وجهيو هبطت لعندو ركبت معاه فواحد طومو طريق كاملة و حنا ساكتين حتا وصلنا للبيرو نزلنا قالي تفضل جلست فالكرسي و هو يقولي 

المحامي : لانسة رؤى قبل ماترجع بحالها كتبات كل لاملاك ديالها و الشريكة و الفيلا فسميتك 

انا : (تصدمت) ككييفااش 

المحامي : اه كيما كاتسمع كل لاملاك د لالة رؤى هاهوما فسميتك و تقدر تتصرف فيهوم كيما بغيتي 

انا : (وحق ررب مازال مصدوم) و دابا اشنو المعمول

المحامي : هاك سيني هنا و بالصحة 

انا : (شديت ستيلو طاح ليا 3 د لمرات) ولاكن شنو جاني من هادشي كامل 

المحامي : تما عندك الشريكة و الفيلا و حتى الطوموبيل فسميتك و 350 مليون سنتيم ديالك 

صافي سينيت و قالي بالصحة انا دابا راه محامي ديالك وقتاش ما حتاجيتي شي حاجا عيطلي انا رهن لاشارة ، سلمت عليه و خرجت من البيرو غانطيييييير بالفرحة ناااري على خبار فهاد صباح مشيت للدار جمعت الواليدين و الخوت و عاودت ليهم كلشي ماتيقونيش وريتهم لكونطرا لواليدة زغرتات و فرحنا كاملين دابا كلشي رجع ديالي لفيلا و طوموبيل و الشركة و 350 مليون سنتيم وااو ههه عيطت لنورة عاودت ليها كلشي تاهيا مسكينة فرحات معايا قلت ليها اشبانليك نعرضك ليوم للعشا قالتلي واخا صافي خليت لواليد غايعيط لشي كاميو يجمع داك رحيل باش ننتاقلو و حنا اصلا عندنا غا داكشي قديم ههههه اش غانديرو بيهم مي هانية ملي نوصلو لتماك نعزلو ، صافي وصلات وقيتة لعشا موالين دار مقاتلين مع رحيل درب كامل عرف القصة تا من سعد جا كيهنأني مسكين ثلت ادليه الله يبارك فيك اخويا ولاكن ماغانساكش هه مشينا انا و نورة تعشينا و بدينا كانهدرو نورة جات زاز هاد ليلة كسيوة حمرة غزالة واتاتها بقينا كانهدرو و قتارحت عليها تدخل معايا شريكة فواحد المشروع كانفكر نديرو و وافقات بلا ماتفكر اما بالنسبة للموظفين كلشي عرف قصتي مع رؤى و كيفاش رجعت بوكو حبة بين نهار وليلة ، اما بالنسبة لنورة فهي صديقة ومستحيل نفكر انني نرتبط بيها واخا خي قريبة مني بزاف ولاكن كايبقا عقلي و قلبي ديما مع رؤى ، حتى لواحد نهار فالصباح جا ساعي البريد للدار و عطاني واحد لبرية جاتني من عند رؤى فتحتها و لقيت فيها 

" حبيبي كريم بغيت نهنأك انك رجعتي رجل اعمال موهيم و رجع كولشي كيضرب ليك لحساب بالصحة الفيلا و الشريكة و الطومو و ديك شوية د لفلوس لي خليت ليك كانتمنا انك تكمل حياتك عادي ، اما انا عرسي من بعد اسبوع و كانمنا انك تلقا بنت ناس لي تبغيك و تهلا فيك كانبغيك و غانبقا ديما كانبغيك ، رؤى" 

قريت ديك رسالة و بتاسمت و تفكرت اجمل لايام لي دازت مع رؤى و شديت ديك رسالة و قطعتها باش مانعاودش نتفكرها ، ايوا هادي هي قصتي مع رؤى الخليجية كريم ولد الجاردينيي لي ماكان عندو حتى باش يتعشى دابا رجع كيلعب بالملايين ويلا ماخفت نكدب الملايير .

النهاية