دازت يومين و ابطالنا على نفس الحال يومين دازت كيف السنين الطويلة ,,مرات على سندس غا في التخمام و رعاية جاد و كوثر وريان كون ماكانت محاسن كن هربات
,,في جهة اخرى انيس كان ملهي في توجاد الخطة و اعطاء النصائح للجنديين و رسم خريطة باش يمشيو المصنع بدون اضرار و داكشي بمساعدة مرشدين ديال الغابة و الحراس ديالها ليوم عندهم العملية ناضو كاملين مع شروق الشمس لابسين لباسهم عبارة عن لبسة ديال العسكر وواقي ديال الرصاص مع بدرودكان طالع كحل بسباب الغيس حاملين السلاح في يديهم و محفاطات واقفين دايرين الصف قدام انيس لي بدورو كان لابس سروال ديال العسكر مع بيل اكس كحل و جيلي مضاض ديال الرصاص مع تجاكيط ديال العسك هاز محفظة في ظهرو معلق فيها و سلاحو حداه امير نفس اللبسة و المرشيدين حاملين خريطة ;ليوم هو اليوم الموعود من هنا (شير بيديه لوراه)عشرين كولوميتر كين المصنع ,,عارف بلي خايفين و مرعوبين,وبالخصوص لاول مرة ايدير شي مهمة ايكون هادشي صعيب ,,ولكن يلا سمعتو كلامي و تبعتوه ,,و درتو داكشي لي شرحت ليكم بالضبط ايدوز كلشي مزيان,,وغنريبو على الزامل بوهوم داك المصنع و سي خوليو ايولي من خبر كان,,هادي هي خدمتنا ,,,نمحيو بحال هاد ولاد القحاب من الخريطة ,لي يهددو استقرار بلادنا,,مهما الحكومة ختارتنا باش نقومو بهاد المهمة الا وهي دايرة فينا ,,عارفانا رجال ماشي رعاوين ,,,لا غابة لا سبوعة لا والو ماكيخلعونا,,,,عطينا القسم ,,باش نحميو بلادنا وحنا قدو ,,خاصنا نقومو بواجبنا واخا يكلفنا هادشي حياتنا وهادا هو المضمون فينا ,,حنا هنا باش نتبتو بلي المغرب والد غي الرجالة ,,والرجالة ديال بصح ماشي زوامل,,بحال داك خوليو اكنعفسو عليه ,,وانا تايق فيكوم ,,تايق بالرجالة لي دربت ,,عارف بلي معانا حتى العيالات ولكن المرا لي غتضحي بنفسها على قبال بلادها فهي راها بمتابة مائة راجل ,,هادشي لي غنقول ليكوم ,,حظ موفق لينا و ربي يكون معانا نشاء الله
امير بغوت;استقاااااااااام
كلشي ضرب رجليه و دار تحية
امير;كلشي يتحرك القدام
انيس هز سلاحو من الارض عبارة عن كلاشينكوف مع مكبرة للقنص وفيه كاتم صوت دار كاسكيط ديال دار حركة براسو المرشدين باش يتحركو وبداو غادين كيتمشاو الطريق كلها ماء و انهار ولاو كلهم مسرسطين ماء و غيس بحكم ديك الطريق امنة من وحوش الغابة ,,كلد دقيقة كتمر كيقربو من مكان المصنع
**عند سندس لي لابسة شورط ديال بيما كحل مع اكس زرق جامعة شعرها كوب شوفال باركين في طاولة كيتعشاو بحكم عندهم الليل ريان فق رجليها كتوكله و جاد في جنبها الليمني و محاسين مقابلة معاها في جنبها كوثر لي هادي يومين هي تعبانة مكتقدش تحرك حتى شدات في كرشها وغوتات;ايييييي
محاسن بخوف دارت عندها;مالكي ابنتي ؟
كوثر رجعات راسها لر وقابطة كرشها;الوجع من الصباح وهو شادني كيزورني و يرجع (عضات في فمه)ممم ولكن هادي ساعتين بدا كتجهد
محاسن ;تهدني ,,تهدني سيري ديري اماء يسخن و جيبي شي فوطات نقيين و مقص و معقم (شافت سندس باقا واقفة مدهوشة وهي تغوت)وااتحركيييي ماشي وقت الفراجة دابا البنت كتولد
سندس مشات الكزينة كتجري كتقلب علا البريكة مابغاتش تشعل ليها غا بزز ,,بدات كتهز في الماعن وتحط بالتلفة عاد عمرات كاسرونة كبيرة فيها الماء ومشات كتجري في اتجاه الغرفة ديالها دخلات للطواليط جبدات علبة الاسعافات و فوطات ونزلات كتجري ثاني لقات كوثر متكية في الزربية و مفرقة رجليها و كتبكي و توجع ومحاسن باركة علا ركابيها شادة ليها يديها و كتصبر فيها تفكرات الماء حطات داكشي فوق الطابلة ومشات في اتجاه الكوزينة بالخلعة مسات الكاسورنة هكاك سخونة حتا حرقاتها عاد شدات زيف و خرجات كتجري بيها حطاتها في الارض ;شنوو ندييير
محاسن;لوحي فيها المقص و خوي فيه المعقم دغيا
سندس دارت داكشي شافت فيها وكتشوف في كوثر لي كتوجع;شنوو
كوثر كتبكي;اهئ اهءهي الله ياخد ممممم فيك الحق هئ اهءه ولد الحرام اهئ مممممممممم خورني اهئ اهئ
محاسن شادة في يديها;زحمي و خلي الهضرة من بعد
سندس;وسربييي راه الراس بان زحميي
كوثروجهها ولا حمر و كلها عرقانة;اهئ اهئ مابقيتش صابرة اهئ اهئ عيت (وبدات كتغمض عينيها
محاسن كتصرفق فيها;كوثر ماشي وقت النعاس دابا فيقي معانا
سندس هزات راسها بخوف بانت ليها بدات كتغيب و الراس ديال البيبي باقي واحل ناضت بالزربة و هي تهز يديها حتا للسماء و طرشاتها حتا حلات عينيها;ماشي وقت باش تغيبي راه التربية راسها واحل زحمي ودييك ساعة نعسييي
كوثر بتعب;اهئ اهئ انا مممممممممممممممم
مشات سندس كتجي بين رجليها;سربي مابقا والووو
كوثر;اهئ اهئ عيت
سندس;واسربييي راه اتخنقي التربية غتيموووووت فيقي معانا
**عند الشباب لي باقين قاطعين الطريق وسط الادغال و الاشجار والعصافير و الطيور من كل انواع و القرودة فوق الشجر حتى وقف امير شاف فيه انيس;مالك وقفتي ؟
امير ;ماعرفتش ولكن بففف حاس (حرك راسو)يله نتحركو
انيس حط يديه على كتفو;قول مالك شووف وجههك كيف تخطف منه اللون (جبد قرعة من جنبو)هاك شرب
امير متانع;لا مافياش حسيت بقلبي تزير خفت تكون وقعات لكوثر شي حاجة صافي زيد زيد
انيس;ماتديرش في بالك كوثر ماغيسرا ليها والو وزيدون راه سندس معاها ماتخافش
حرك براسو باه و كملو الطريق
****
سندس كتصرفق في كوثر;كوثر كوثر فيييقي (قاصت النبض ديالها لقاتو ضعيف بلا ماتحس حتى هزاتها بين يديها بديك الخلعة محاسن لاحت على الولاد لي كيتغواتو لفوطات لواتهم فيهم وهزاتهم بجوج وتابعاها كتجري,,,سندس وصلات حدا لوطو لقات راسها ناسية السوارت ;حمييييييد حمييييييييييد
جا عندها واحد من الحراس كجري نعام الالة سندس;حل لي هاد لوطو دغيييييا
حل ليها واحد لوطو عبارة عن ميرسيديس حطات كوثر لور جات محاسن ركبات حداها هازة التربيات كتسكت فيها اما هي ركبات القدام و عفطات عفطه وحدة في اتجاه اقرب كلينيييك دايرة سباق ماوقفات لا في اشارة ديال الضوؤ ولا والو محاسن مسكينة ولات اكتشهد ,,و سندس كتمسح وجهها لي ولا كله دم مجلخ ماوقفات حتى لباب كلينيك نزلات كتجري حلات على كوثر الباب هزاتها ثاني و تمات داخلة بيها حفيانة كتجري ;فييييييييييييينكم
شافوهوم المرضين و تمو جاين كيجري بالباياص حطو فيه كوثر وجاو جوج ممرضات خداو من عندهوم الولاد و تمو غادين كيتجاراو بيهوم و سندس شادة في يدي كوثر و كتجري معاهم حتى وصلو الغرفة العمليات وهو يحبسها واحد الطبيب;ممنوع عليك تدخلي اانسة
سندس طلقات من يدي كوثر و شنقات عليه;شوف اولد القحبة نقوول ليك هاديك لي دخلتي راها ختييي اتزيد تقولي ممنوع تدخلي اندخل الزامل بوك فهاد الباب فهمتيييييي ؟
محاسن;سندس راه ماخصكش دخلي معاها ممنوع خليه يدير خدمتو
زادت زيرات عليه حتى تقج;كنحلف ليك بربي الكعبة وتسرا ليها شي حاجة واخا غي صغيرة بربي حتى نعلق الزامل بوووك فهمتي (طوعاتو)ياله دخل دابا
الطبيب مسكين دخل كيقفقف لغرفة العمليات ,,وسندس بقات غادة جاية فداك الكولوار حفيانة غا بشورط قصير بيما و اكس لي ولا كله مطبع بالدم ,,كتمشي وتجي و تمسح في وجهها بغضب محاسن مسكينة تخلعات بركات في واحد الكرسي وتركنات كتشوف فيها بصدمة وهي غادة جاية مرة كتضرب يديها مع شي حيط مرة تطوع شي كرسي و تسب حيت تعطلو حتى بان ليها الطبيب خارج عرقان وهي تمشي عندو كتجري شنقات عليه:;شنوووو كاين دويييييي؟مالها علاش غيبات ؟
الطبيب;كحك كح راه السيدة ماعندها والوو ,,
طلقات منه و مسحات شعرها;وعلاش غيبااات
الطبيب;هداك غي التعب و طاح ليها الطونسيو بسباب الارهاق و عاد كانو البقايا فيها عاد حيدناهم ليها و نقيناها شوية ونقلوها الغرفة عادية,,الولادة ديالها كانت مزيانة ,,,ماعندها حتى شي ضرر الحمد لله
سندس بركات في كرسي و شدات راسها بين يديها;اوووف الحمد الله
محاسن بابتسامة;ههه ليوم عمرني نساه ههه
سندس هزات فيها راسها;هه اخر يامي وليت قابلة هه
محاسن:هههه (وراتها يديها)شوفي شبعات في اعضان ههه
سندس;ههههههههه وانا حالتي ؟اوديييييييي
محاسن;انا انعيط لشي حد من الحراس يجيب ليكوم ماتلبسو
سندس;ويجيب معاه حتا الدراري مايمكنش يبقاو بوحدهم في الدار
محاسن ناضت;واخا
يا اخي في السلاح يا اخي في الكفاح
ضع يدك في يدي ,,افتخر و انشد
نحن ظباط الغد دائما نفتدي بالدماء للوطن
,,,,نفتدي بالدماء للوطن
نحن جند الحمى نحن اسود العرين
نحن رمز الفداء,,والعماد الحصين
ان دعانا الوطن لعوادي الزمن
اقتحمنا الخطووب و امتطينا المحن
,,فداء للوطن ,,,,فداء للوطن
**سنعيش صقورا طائرين ونموت أسودا شاميخين
***عند ابطالنا لي وصلو اخيرا مكان ديال المصنع,,,بعد ساعتين تقريبا ديال الطريق ماعياوش من المشي و متأثروش بالمناخ لي تقلب فجأة و الامطار الغزيرة لي كتهطل عليهوم واقفين واحد واحد بشموخ و كبرياء كيف الجبال لي مكتهدمش ,,,واقفين واحد واحد حاملين سلاح في يديهم و رجولة و شجاعة في قلوبهم ,,واقفين بهبة و عيون مترصدة عامرة عزيمة و حزم كيشوفو في رئيسهم انيس كيتسناو تعاليمو النهائية ,,انيس لي كان بدورو واقف داير يديه وراه و كيشوف فيهم واحد واحد ,,وحدة وحدة ,,كانت نظراتو كلها افتخار ,,كيفاش لا وهو درب رجال وعيالات بمائة راجل ,,تبعوه لابعد نقطة في العالم بمجرد كلمة منه مستعدين يرميو راسهم للعافية ,,,لفت وجههو جهة ديال المصنع لي كان كيبعد عليهوم فقط ببضع اميال و رجع انظارو ليهوم,,نظراتو هاد المرة كانت كلها حزم و جدية ;دابا وصلنا المصنع كيف كتشوفو ,,,نجينا من تهديد الحيونات المفترسة ولكن (نعت بيديه لجهة ديال المصنع)الحيوانات ديال بصح كينين تم للداخل ,,حنا مهمتنا ,,نقتلو الحيوان لي جهل و نمحيوه ,,مهمتنا نظفو العالم من وسخ هاد الكائنات ,,ماغنعاودش نقول ليكوم شنو تديرو ,,,حيت سبق و شرحت ووزعت عليكوم مهامهكم,,,,حنا سبوعة ,,وسبوعة حرين ,,كنعيشو بكبرياء ونموتو بشجاعة شهداء ,,هادي خدمتنا ,,بغيت نقول ليكوم حاجة وحدة انا كنفتاخر بيكوم كلكلم,,كنفتاخر بوجودي معاكم دربتكم وخرجتو رجال هادا هو المضمون فيكوم (دار تحية )
الكل شاف فيه و بادلو نفس التحية
هز راسو للسماء كانو طيور النسر كيحومو فوق منهم اكيد عرفو بلي هاد المنطقة غايسيل فيها الدم و غتخلف جثث عرفو بلي غتقوم حرب عما قريب بتاسم وقطرات ديال الامطار كيلامسو وجههو وعاود شاف فيهوم نزل الماسك ديالو ونظرات حرارية ,,تحت الاشعة البنفسجية ,,كتمسح ليك تشوف الشخص غا منخلال حرارة الجسم ديالو واخا يكون مخبي ,دارو المثل ونزلو ماسكاتهم و دارو نظاراتهم قادو سلاحهم في يديهم ,,انيس شاف في امير لي كان واقف جنبو و عاود شاف فيهم هز يديه للسماء و زير عليها على شكل قبضة معلنا عن بداية تحركهم ,,كلشي بدا كيهرول و يشد مكانو هالي تخبا وسط الربيع هالي ورا الصخرات و الشي لاخر بقاو واقفين ورا انيس حرك صبعو ليهوم وبداو كيجريو في اتجاه المصنع حاوطوه من كل مكان بقا انيس وامير وبضع الجنود تلفت عندهم حرك ليهوم راسهم وبداو كيجريو نحو المصنع و اسلحتهم في وضعية تأهب
****عند الفتيات
حولو كوثر لغرفة خاصة ,,كانت يله فاقت ,,دخلات عندها سندس لي كانت بدلات ديك الحالة ,,كانت لابسة كولون سبور نايك زرق واكس غري و سندالة ديال الصبع شعرها لفوق شفنجة هازة ريان في يديها و حداها محاسن لبدورها بدلات لبسات سروال التوب كحل عريض و قميجة نص كم صفر ساتان خاشياها في السروال و شعرها جامعاه شفنجة محكمة شادة في يديها جاد ,,لهم دخلو لقاوها مبدلة لابسة بيجامة بكولون سخونة حازمين ليها كرشها شافت فيهم بتعب;القابلة؟
محاسن بركات جنبها كتلمس في شعرها;على سلامتك ابنتي ,,خرجات ومبروك الزيادة تبارك الله ولادك كيحمقو ,,
كوثر;الله يسلمك ,,ف
قاطعاتها سندس;هاهوما شوية ويجيبوهم ,,
كوثر;كنت كنصحاب راسي عندي ابنت ساعة كنت حاملة بتوام (بحزن)تخايلي حاملة وماعارفاش بشحال حاملة ههه (هزات راسها للسقف)ثاني مرة ماغيكونش في جنبي
سندس قادات ريان في حضنها لي نعس وحطات يديها على شعرها كتلمسو;شش ماتقوليش هاكا ,,هو مادارش هادشي لخاطرو جاتو مهمة كان عليه يمشي (بابتسامة)واش انا ماكافياكش ها؟
محاسن;مسكينة هزاتك بين يديها كتجري بيك (بابتسامة)شوية كانت اتقتل الطبيب حبسوها غا بزز باش ماتدخلش معاك الغرفة العمليات
كوثر شافت في سندس بعينين مدمعين وهي تقاطعها سندس;شوفي لاكنتي اتبداي تدمعي لي هنا ,,والله حتى نخرج ,,عارفاني ماعنديش مع الدراما الميكسيكية جمعي راسك
كوثر;هه ماكيجيش معاك تخراج العينين عارفاك حنينة
قاطهم دقان في الباب دخلو جوج ممرضات واحدة هازة البنت ملفينها ملفينها بلحاف غوز و لاخرا حاملة الولد لافينو بلحاف ازرق سندس شافتهم و بتاسمات;ههه هاهوما جابو الخنافيس ههههه
ناضت محاسن في اتجاههم خدات من عندها الولد كتبتاسم;ههه اياي ياي ياي بسم الله (كتشوف فيه كان مغمض عينيه و كيلعب بلسانو)هه اش هادشي كنشوف اش ههه (باستو في راسو)الله على رويحة
كوثر حلات يديها;هه اري نشوف
مشات اللمرضة مدات ليها البنت حطاتها جنبها في السرير عاد مشات محاسن حاملة الولد في يديها ,,كوثر بعيون دامعة خشات صبعها في راحة يدي بنتها;بنتي الحبيبة ها ماماك ههه (شافت في سندس)زوينة ياك؟
سندس بابتسامة;هههه اه ويني على حباب عمتهم ههههه
جاد ناض فوق الفوتوي ومشا تخشا حداهم كيشوف في الدراري و مخرج عينيه هز راسو في سندس;ماما انا كنت قد هاكا؟
سندس حركات راسها باه;ههه حتى نت كنتي قد هكا ههه
حط صبعو في راحة يد البنت لي تمسكات فيه وبدا كيضحك;ههه صغيرة هههه (شاف في سندس)نبوسها؟
سندس حركات ليه راسها باه بابتسامة تحنا عندها وباسها من فمها خلا كلشي مخرج عينيه و كيشوفو في بعضياتهم هز راسو فيهم و رد شعرو لور ;زوينة
كوثر;واقيلة شفت ولدك شلقم لي بنتي قدامي ولا اكنتخايل
سندس حركات راسها باه بصدمة و كتشوف في جاد كيلعب في يدين البنت
محاسن كتراري بالدري وتضحك;الدري طاح وهو صغير ,,,هههه طالع لباه فهادي طريكة وحدة هه
خدات من عندها الولد ناضت سندس حطات ريان فوق الفوتوي و قاداتو لايطيح ورجعات بركات فوق الكرسي كتشوف في كوثر كترضع ولدها;باش كتحسي دابا
كوثر بابتسامة;هه كيفاش انكون اكيد مزيان هه
سمعو الدقان تلفتو كان سي مصطفى شافها كترضع عتادر وخرج شافت كوثر في سندس;قلتيها لعمي ؟
سندس حركات راسها باه;عيطت ليه غا دابا قبل مندخل عندك,,ما عبير حتى الغدا متقلة مابغيتش نبرزطها (ناضت)انا نمشي نشوفو ونرجع(شافت في جاد)تمشي معيا؟
حرك راسو بلا هو ماسك في يد البنت;اخليني
سندس شافت في وكوثر;هه بنتك طيحات لي الولد هههه
كوثر;ههه عارفة راسي والدة الزين
سندس ;ماولدي جاي يطلبك هه ههه رضعي و سكتي (وخرجات)
***عند ابطالنا الشجعان
انيس وصل حدا المصنع مخبي بين الربيع باش مايبانش ,بحكم النظارات لي عامل كيبان ليه كلشي خضر و اجسام محاوطة المصنع ,,عرفهم حراس لفت وجههو جهة ديال امير حرك ليه راسو ,,لي بدورو عطا الاشارة القناصة باش يبداو و بلمحة بصر بان ليك الاجسام المحيطة بالمصنع كيطيحو واحد واحد حيد انيس النظارات على عينيه خشاهم في جيبو و ناض تبعو امير و الجنود لاخرين كيجريو في اتجاه باب المصنع لي عندو باب واحد كبير(خلاتها ماما لي عندو غي باب واحد الله يسدو عليه ه المهم خليوني نرجع)وقفو مخبين ورا في جنب الحيط هز راسو انيس بانت ليه صوب نحوها هرسها حرك راسو الجنود لي مقابلين معاه دخلو المصنع في وضعية تأهب تلفت وراه;امير تحرك
دخل هو اللولاني و تبعو امير و البقية دخلو المصنع كلشي تفرق
***الحراس ديال المصنع لي مراقبين الكاميرات شافو من انيس هز راسو و صوب في الكاميرا و شافوهم من دخلو و تفرتكو ناضو بسرعة هزو واحد لاباري;لبوس عدنا دخلاء وبعدد كبييييير
الشخص الغوات;كيفاااااااااااش ,,منيييين جاو ؟شكوووون ؟قتلوووهوم ماتخليو تاحد عايش فهمتيييييي
الحارس ;امرك البوس
تلفت عند صاحبو;عطي الدراري الاشارة باش يتكلفو و كلف شي وحدين باش يحميو غرفة البوس
صاحبو هز هاتف لاسلكي وبدا كيتكلم فيه
**نرجعو عند انيس لي كان غادي كيستكشف المكان حتى سمع صوت الخطوات بجهد من واحد الممر تخبا ورا واحد الحيط و عطا الاشارة لرجالو باش يتخباو و بقا كيطل بنص عين حتى بان ليه شي عشرين حارس هازين السلاح و كيتجاراو دار ابتسامة جانبية و صوب السلاح في اتجاههم ,,وفجأة تحول السكون الا ضجيج ناتج عن صوت الرصاص لي كيتشاير بين الطرفين انيس و رجالو كانو دارسين الخطة ومخبين مزيان ماخلاوش الحراس منين يتحركو نصبو عليهم كيف الاسود الجائعة خرج انيس من ورا الحيط من بعد ما خلا الحراس جثث هامدة شاف في الممر الطويل;مسيو خوليو تنسى هاني جايك ,,,مابقاش بزااف و غنتلاقاو ههه
***عند سندس
خرجات كان سي مصطفى بارك في الكرسي شافها ناض وهو مبتاسم عنقها;كيف دايرة ابنتي؟
بعدات عليه ;الحمد الله هاد الساعة كيف عامل نت ؟
برك في كرسي ;الحمد الله واخا خوات علي الدار ,,كنحس براسي وحيد ,,ونتوما كل واحد عايش حياتو ,,
حركات راسها بايجاب;الحمد الله (بابتسامة)ولدات توام ,,
مصطفى;قالها لي امير ,,كانت حاملة بتوام ,,ولكن مابغاش يقولها ليها باش ماتخلعش ,,ساعة الحمد الله كلشي داز مزيان
سندس;اه الحمد الله
شاف فيها;كيف دايرة نتي مع انيس؟
تنهدات;مزيان ,,(وحنات راسها)
مسك ليها يديها;مالكي بنتي لي ماشي هي هاديك واش ماكيتعاملش معاك مزيان ولا,,,,
هزات فيه راسها عينيها مغرغرين ;لا ولكن (بعد صمت)راك شفتي ماكينش هو وامير ,,عندهم مهمة في استراليا ,,,دابا ربعيام معندي عليه حتى خبار ,,,(حطات راسها على كتفو)عيت ابابا والله ,,ماعرفتش شحال قدني نصبر ,,,فينما نقول اتقاد (سكتات)ولكن الحمد الله ,,
حط يديه على حناكها;شوفي في (شافت فيه)نتوما كاملين ختاريتو ديك الطريق بخاطركم ,,ودرتو لي فراسكم واخا انا كنت معارض ولكن من شفت ,,شنو كتديرو وافقت ,,واخا صعيبة و فيها خطورة ولكن نتوما كتضحيو بنفسكم فسبيلنا ,,وهادشي جعلني فخور بيكوم كاملين لا نتي لا امير لا انيس لا سليم وحتى كوثر ,,,عارف هادشي صعيب عليك ولكن (هز راسو للسقف)ديري امالك في الله عمرو ايخيبك ,,انيس و امير رجالة و عارفين شنو كيديرو ,,يلا ماتاصلوش اكيد عندهم اسبابهم و استراليا راه الريزو ميت ,,نشاء الله يدوز كلشي بيخير
سندس تخشات في صدرو;نشاء الله
عنقها;نتي ماشي بوحدك انا ديما في جنبك ,,
حركات راسها باه و هي في حضنو بتاسم و بعدها;يله ندخلو نشوفو حفادي هههه
سندس بابتسامة;ههه اوك يله
لمس ليها حنيكاتها وباس ليها راسها وناضو في اتجاه الغرفة ديال كوثر,,دخلو كانت كوثر خاشية شادة البنت في يديها و محاسن الدري اما جاد نعس حدا ريان مشا في اتجاههم باس راس كوثر;مبروك عليك ابنتي
كوثر بابتسامة;الله يبارك فيك اعمي
حط يديه على البنت;تبارك الله كتحمق
مداتها ليه كوثر ,,شدها ;بسم الله ,,,بسم الله (بابتسامة)حبيبة جدوو هههه زوينة ههه (تحنا حدا ودنيها و ادن ليها باسها فوق راسها مدات ليه محاسن الدري حتى هو دار ليه المثل وبقا خاشيه كيلعب معاه حتى جاو الممرضات خداوهم باش يرضوهوم الحضانة و باش يخليو كوثر ترتاح قتاحات محاسن هي لي تبات معاها سندس وافقات حيت خاصها تقابل الدراري هز سي مصطفى جاد و هي ريان و مشاو خرجو)
****عند ابطالنا
تم انيس غادي في الكولوار هو اللول عاد تبعوه رجالو ,,,بان ليه جوج من الحراس جايين يله بغاو يتيرو فيه جوج رصاصات من الكلاشينكوف ديالو جابهم جثث في الارض تخطاهم وكمل طريقو ,,,وصل لنهاية الطريق كان باب مسدود عرف بلي البوس مخبي تم تلفت عند رجالو حرك راسو ليهوم بداو كيجريو وحاوطو لباب تقدم هو لاح الكلاشينكوف جبد جوج فرادا من السمطة ديال السروال و فرع لباب برجليه بداو الحراس ديال خوليو كيصوبو نحوهم و حتا رجال انيس كيصوبو نحوهم ولي حاميهوم انيس و امير لي في المقدمة ماكيزكلوش الهدف حتا تخباو كل واحد شد قنت هالي ورا شي حيط ,,هالي مخبي بشي عود هالي ورا صندوق لمهم كل واحد باش محمي ,,رجال انيس كانو هوما المسيطرين بحكم كل واحد شاد موقع مزيان و حتا انيس الهدف لي صوب عليه كيجيبو طايح ,,الرصاص كيتشاير من الطرفين و الرجال كتصاب من الطرفين منهم امير تصاب في رجليه ,,بقاو لمدة حتا سلا الرصاص لرجال خوليو و حتا انيس ورجالو بدورهم تقادا ليهم الرصاص ,,لفت انيس وجهه لرجالو عطا ليهم اشارة راسو و خرجو من مخباءهم حتا رجال البوس وخوليو حتا هو خرج من مخباءو كان مصاب في كتفو;هههه اخيرا تشرف بلقائك اسي الوحش
خوليو;هههه ديك لي قتلات الثعلب ,,,بغيت نتعرف عليها كيعاودو عليها جميييلة,,,لدرجة ردات جاك كيف الخاتم بصباعها و قتلاتو ههههه
انيس عض على قنانفو بغضب كرز على يديه حتى عروقهم خرجو شاف فيه بعينين حمرين كينهج و تقدم عندو بسرعة;ماتجبدهاش على فمك ازامل
خوليو;اااااوووو ضغطت على الوثر الحساس ديال الوحش
انيس عينيه تغمضو جا واحد من الحراس يله هز يدو بغا يضربو ماحس الا واحد كروشي جابتو طايح الارض جا الثاني ليه هز رجليه بغا يضربو شدو بيد من فخدو ويد الثانية من يديه و طوعو تخشا بين الصنادق رجالو حتى هما بداو في المضاربة انيس ماكيشوفش تاحد من غير خوليو اي واحد تقدم نحو اما كيطوعو ولا كيعطيه دقة ماكيعاودهاش معاه يله قرب ليه وهوما يوقفو قدامو جوج ديال الحراس واحد هاز سنسلة غليضة في يديه ولاخر موس
حرك راسو يمين و شمال طرطق عنقو جا مون الموس بغا يضربو ضرب ليه يديه برجليه يله بغا يكروشيه و هي تجيه السنسلة لراس ديريكت رجع جوج خطوات لور كان ايطيح كون ماشد فراسو جبهتو ولات كلها دم شاف فيه بغضب جا بغا ينزل عليه ثاني بالسلسلة شدها بيديه حتى داز منها الدم و كيزير عليها و كيحكهمها في القبضة ديالو كيلويها على يديه حتى قرب الحارس جهتو ضربو برجليه لكرشو حتى طوعو شد السلسلة بيديه و بدا كيلعب بيها بمهارة وجهو عامر دم و عينيه حمرين جا الحارس بغا يضربو بحركة سريعة خوا ليه انيس وجا وراه لوا عليه السلسلة في عنقو قجو بيها مات ليه بين يديه لاحو ولاح معاه السلسلة تم غادي في اتجاه خوليو لي تركن في الحيط كيشوف في انيس بخوف بدا كيغوت;هجموووو عليه قتلوووووووووووه
تم جاي واحد الحارس بغا يضربو حتى لقا راسو مقجوج و مرفوع
انيس كيحرك صبعو ومكرز على سنانو;تؤ تؤ ماشي هكاك
طاق طرطق ليه العنقرة ,,,تم غادي في اتجاه خوليو حتى حس بالضؤ ضربو لظهرو
*****سندس كانت خارجة من الكوزينة هازة جوج كيسان القهوة ليها ولباها وصلات حدا باب الكوزنة و هي تحس بالدوخة لاحت الكيسان من يديها و حتى تحرقات في رجليها ,,نزلات الارض شادة في صدرها;اش هادشي ؟
سي مصطفى سمع صووت تهراس مشا عندها كيجري لقاها باركة على ركابيها و شادة في قلبها وجهها حمر وعينيها خارجين ;مالكي
سندس ;كنحس اوووف ياربي قلبييي كيضرني
مصطفى شدها;اجي نديك السبيطار
شدات في يديه وحركات راسها بلا;ماكين لاش اوووف (عكزات عليه وناضت)ياربي السلامة
حس بالضؤ ضربو لظهرو و شي حاجة ختارقاتو حط يديه هز يديه ببطئ كان حارس خشا فيه موس في كتفو من لور بغا يزيد يغرق وهو يدور انيس شده من عنقو;ولد القحبة كتغفل من لور
عطاه كروشي و هزو من عنقو كيتركل وسط يديه حتى قتلو ,,,جا واحد الحارس بغا يغفلو من لور وهو يجيه موس العنق ديريكت هز راسو لقا امير لي رماه حتى هو كله دم لاح هداك من يديه ميت و مد يده لظهرو جبد لموووس الدم شلال نازل مع السترة ديالو لفت وجهه جهة ديال خوليو لي كان كارم في الحيط كيقلب على حراسو والو مابقا ليهوم اثر كيشوف انيس كيقرب ليه وججه كله دم كيبانو غي عينيه لي حمرين غا شوفة فيه تخلعك نزل الارض ;نعطيك لي بغيتي ,,قاع الثروة ديالي نعطيها ليك ,,نتازل ليك على العرش نخليك نت هو الكينغ ,,غا خليني نمشي عافاك
انيس كيحرك صبعو;تؤ تؤ مالقيتي معامن تلعب (شدو من شعرو وقفو)هدا لي كتشوف قدامك ,,فلوسك و فلوس عشرة منك ,,ماكيسواو والو قدام التروة لي عندي ,,(زير عليه وهو كارز على فمه بسباب الالم لي في ظهرو)جنيتي على راسك من جبدتي مراتيييي ,,هاديك الزامل لي قتلات القواد مراااتي ,,,(هز يديه لي كانت فيها الموس وحطها ليه في قرجوطتو)قلت ليك انا مغنتشرف حتى نقتلك وانا عند وعدي ترحم على روحك اسي خوليو
خوليو;ع
قبل مايكملها دبحو من قرجوطتو ولاحو الارض كيتركل و وكيخرخر بحال الحولي وهو مقابلو حتى مات لاح لموس و دفل عليه و دار جا عندو امير كيعرج و شاد في كرشو لي كتنزف;واش بيخير ؟
انيس دفل في الارض الدم و شاف فيه ;هه عادي ولفت اححح (شد في ظهرو)ولد القحبة غفلني لظهري
امير;هه حتى انا كرشي ههه
انيس شد فيه;زيد زيد خرات علينا اصاحب
جاو كيتجاراو الرجالة ديالهم في اتجاههم مشاو شدو امير اما انيس فمتانع خرجو من المصنع كانو القناصة مع الصيادة و المرشدين تم و الظلام كانت الوقيتة ديال الصبح يعني قداو نص نهار وليلة في المصنع قاعما حسوو بالوقت
نطق واحد الافريقي من المرشيدين;خاصنا نتحركو دغيا ,,راه الحيوانات غيشمو ريحة ديال الدم (وهز راسو للسماء)عاد نسور كثرو و هادشي خايب خايب بزااف لينا
انيس حرك راسو باه بتعب;يله
وقفو واحد المرشد;مسيو راك مصاب بزااف مغتقدش تكمل (شاف في امير)وحتى هو خاصكم الراحة
انيس;متخافش انا قاد (طاح الارض على ركابيه شاد راسو)احححح
جاو رجالو كتجاراو عندو تحنات عندو هاديك لي حطات عليه المانطة;شاف مالك
جبد واحد الافيقي من شكارتو واحد القرعة حلها ;حيد تجاكيط ديالك دغيا
انيس شاف فيه باستغراب وشاد في راسو;علاش
الافريقي;سربي راه معدناش وقت
انيس مد يديه بغا يحل تجاكيط ماقدش و هي تجري ديك القحبة ;انا نعاونك
حيداتها ليه و حيدات ليه جيلي بقا عريان من لفوق ظهرو كله دم جا داك الفريقي خشا يديه في القرعة جبد يديه عامرة بشي حاجة خضرا مطحونة وبدا كيعمرها ليه
مشا جهة ديال امير دار ليه المثل في كرشو ما الرصاصة مايقدوش يحيدوها ليه دابا من رجليه ماكينش الوقت
اووووووووووووووووووو
كلشي شاف في بعضياتهم
الافريقي ;سربيييو اجيو من هناااا الدياب تحركووووووووووو
بدا هو اللولاني تابعينو الرجالة كيتجاراو انيس شاد في امير لي كيعرج برجلو واخا هو خاص لي شد فيه ولكن الجنود فهاد الوقت كلشي بدا كيتجارا نزلو من واحد الدردوبة حتى وصلو الواحد النهر عامر غايس
الافريقي;عمرو راسكم بهاد التراب دغيا باش مايبقاوش يقتافيو ريحتكم
هادشي لي سرا كلشي بدا كيعمر راسو حتا ولاو كيبانو غا عينيهم انيس بقا ليه ظهرو حتا جات ديك الجندية;شاف مغتقدش ارا ندير ليك لظهرك يله بغا يقل لا ولكن هدا ماشي هو الوقت المناسب حرك راسو باه عمرات ليه ظهرو;شكرا
حركات راسها بيجاب;العفو انا درت غي الواجب ديالي
الافريقي ;خاصنا نتحركو راه باقي مافتناش منطقة الخطر خاصنا نوصلو المخيم في اقرب وقت تماك بعدا كينا الحماية و كيقربوش لديك جهة
حرك انيس راسو باه وشد في جنب امير بيدو ليمنية حيت كتفو ليسري ماكيقدش يحركو ;وبداو خارجين من داك النهر
خرجو من الغيس انيس شاد في امير من جنبو و التعب بدا كيبان عليه كيحس بالضؤ في ظهرو و عاد راسو كيألمو واخا هكاك كيقاوم وامير في جنبو شاد في جليه كيعرج ,,اما الجنود شي شاد شي وغادين بداو كيقربو من المخيم حتى سمعو التخرشيش في واحد جهة من الربيع كلشي وقف و الصيادة وجدو سلاحهم و كيتبعو صوت التخرشيش مرة كيمر لهاد جهة و مرة جهة اخرا ,,وهوما كيتلفتو متبعين الصوت,,,كلشي مصدوم و دقات قلبهم كتسارع مخشيين الوسط والصيادة محيطين بيهم باسلحتهم حتى نقزات شي حاجة من وسط داك الربيع بسرعة البرق ماجاو يصوبو عليه حتى مشا جهة اخرا و تخبا ثاني
صوت بنت(حيت كلشي مخبي بالغيس);شنووو هدشي ؟
صوت ولد;نمر انا بان لي واقيلة
افريقي;هدا فهد المنقط (كيتلفت و كيشوف بين الاغصان و كينهج)حضيو راه يقد ينزق من ايبلاصة (باقي ماكملش هضرتو حتى سمعو تاني صوت تخرشيش)
غررررر غرررررر غرررر
امير شاد في انيس بتعب;ليوم انوليو بوكاديوس ديال لفهد ههه
انيس بتعب;ششش
باقي ماكملش حتى شافو شي خيال نقز على واحد من الصيادة شدو من عنقو كلشي تدهش حتى من الصيادة لاحو السلاح و بداو كيعلقو انيس امير عينيه خرجو انيس تصدم ماعرف مايدير كيبان ليه السيد كيغوت ولاخر شادو من عنقو غارس فيه نيابو ماشعر غي طلق من امير و جبد موس من جيبو لوراني و شير عليه جابو ليه لكرشو ديريكت طلق من عنق الصياد و تم غادي جهة ديال انيس و كيزأر;غرررر غرررررر
نتوما عارفين لحيوان يلا تصاب كيولي جاعر كيشوف في انيس لي كتراجع بلور وكيشوف في امير لي بارك في الارض و كيشوف في لفهد لي كتمشى بشوية جبد انيس جنوية صغيرة من السمطة و بدا كيخلعو بيها لفهد هز يديه بجهد ضرب انيس بسرعة لجهة ديال صدرو تحل ليه يله انقز عليه باااق جا فوق انيس
****عند سندس
باركة فوق الفوتوي باها كيدير ليها بومادة على صباع رجليها لي تحرقو
حتى شدات في قلبها ثاني ;ايييييييييييييييي
ناض باها مفزوع :ملك ابنتي
كتنفس بجهد وجهها حمر ;قلبي (كارزة عليه )انييييييس
*******
جا الصياد لي هو مول الطلقة كتجارا عند انيس لي ولا كله دم جاو الصيادة كيتجاراو جهتهم لاحو لفهد لي كان ميت وبداو نزلو عند انيس غايب عن الوعي
المرشد جبد موس حل بيها السترة ديال انيس كان صدرو كله دم تلات حلات قد السخط منقوشات فيه حط يديه على عنقو كان باقي كيتنفس عطا الاشارة الرجال باش يهزوه نيت جاو خمسة ديال جنود,,شاف فيهم الافريقي وهو كيقاد يد انيس;خصكم تهزوه ولكن ماتحركوووهش
الجنود حركو راسهوم باه جاو حدا واحد حدا راسو وجوج في وسطو و الرابع بين رجليه حسبو واحد جوج ثلاثة وهزوه دقة وحدة بحال يلا هازين تابوت وهو مرخي مغيب و الدم نازل اما الخامس مشا عند امير لي باقا الصدمة فيه شدو و دار ليه يديه في كتافو و بقاو غادين ثاني
وصلو لمخيم بعد مشقة شافوهم الطاقم الطبي لي داو معاهم جاو كيتجاراو عندهم حاملين حمالات خضرا الشتاء خيط من سماء نزلو انيس من كتافهم ببطئ لي كان باقي غايب عن الوجود حطوه فوق الحمالة و دخلو كيتجاراو بيه لداخل لمخيم اما امير فكان باقي قاد يتمشا شدو فيه و دخلوه نفس الخيمة لي كانت من لداخل خيمة كبيرة فيها شي عشرة الاسرة ارضية دخلو حتا الدراري و البنات لي تصابو كيعالجو فيهوم امير كيشركو ليه السروال و كيشوف في انيس لي حيطين بيه الاطبة;شنو عندو ؟
شاف فيه طبيب;عندو اصابة فراسو ,,واصابة في كتفو و اصابة في صدرو وهي الخطيرة بحكم غارقة بزاااف ,,والمشكل تاني هو سم ديال اضافر لفهد ,,وعاد جرحة لي فظهرو تعفنات ,,والمصيبة هوما المعدات اللازمة ماكيناش و عاد منقدوش نحركوه
امير كيتعسر حيت كيحيدو ليه الرصاصة من رجليه;شنووو لمعمول دابا ؟اتبقاو تفرجو اييييي (عض في قنانفو)حتى يموووت
الطبيب باسف;حنا انديرو لي علينا ولكن
امير لاح هاديك لي كتخيط ليه رجليه وناض كيعرج شد الطبيب من الكول ديال الميكا لي داير بسباب الشتاء ;شووف نقول ليك ,,,كنحلف ليك بربي و ماينوض منها حتى نشد الزامل بوك من هاد القصيصات لي فرحان بيهم ونخرج ديللمك السبوعة ياكلوك فهمتييييييييييييي
الطبيب كيحرك راسو باه طلقو ورجع كيعرج بلاصتو نطق واحد كيخيطو ليه يديه;شاف كنظن خاصنا نعلمو السلطات باش يجيبو لينا الدعم حيت مايمكنش لينا نطيرو فهاد الجو وع
امير هاز بيل كيخيطو ليه كرشو حرك راسو باه و دار كيشوف جهة ديال انيس لي كيخيطو ليه صدرو وتلفت عندو;قول لانور يتاصل بالمقر و يسيفطو دعم و شرح ليهوم الوضع كامل
الجندي بعد ماعقم وحزمو ليه كتفو حرك راسو باه وخرج اما امير فكان تعبان بزااف و حيت دقو ليه برا مهدئ تكا فوق النامسية وبقا كيشوف جهة ديال انيس لي الاطبة دايرين بيه حتى غفات عينيه
الطبيب الاول;شنوو انديرو دابا ,,,واخا غندقو ليه لبرا مضادة للالتهاب غيحبس السم من الانتشار غي مدة ويعاوض يزيد ينتاشر
الطبيب الثاني;لمهم هو مايزيدش ينتاشر شحال كينا من برااا
مشات للمرضه تشوف ;عشرين اسيدي
تنهد الطبيب;مزيان غتقدنا لمدة عشريام بينما جابو الدعم
الطبيب الاول;ولكن من غايفيق ؟
الطبيب ;ماعدنا مانديرو واخا يفيق راه ممنوع عليه يتحرك وماخاصناش نعطيوه مهدأت بزاااف غيقصح الجرح و مغنقدوش نعالجوها من بعد
حرك الطبيب راسو باه ودق ليه برا مضادة للالتهاب وشاف في الممرضه ;نتي بقاي هنا من يفيق قوليها لي
شات كتعرج جهتو وكتشوفو كان صدرو و كرشو كلها مضمدة بالفاصمة و راسو حتا هو بقات كتحقق فيه تسرحات فا الارض بشوية بسباب رجليها وبركات حداه كتلمس في شعرو;ماعرفتش شنو درتي لي ,ثلث ثنين باش دخلت الاكاديمي ,,كنشوفك كل نهار كتسكر و كتنعس في لبيرو مكنقدش نقرب ليك,,ولكن (بابتسامة حزينة)دابا كلشي غيتبدل ,,انا غنبقا معاك حتى تبرااا و من غتشوفني جنبك غتفتح لي قلبك وديك ساعة (كتلمس في شفايفو)صوفيا للانيس و انيس لصوفيا
قربات حداه حيت كيدوي بصوت غير مسموع;سند ,,سندس ,,سندس
هزات وجهها كتشوف فيه;شكوون سندس ؟
انيس كيهترت;سندس سندس
حطات يديها على حناكو;انا صوفيا ,,حبيبتك,,ماكينة تاشي وحدة سميتها سندس ,,صوفيا ,,قول صوفيا
انيس كيتهرت;سندس ,,سندس سندس
***سندس شادة كاس ديال لماء فيديها لي كيترعدو و في جنبها سي مصطفى;شوية ابنتي؟
كتنفس بسرعة ;شوية (ناضت )انطلع لبيت نعيط لعمي حس
قاطعها حسن بصوتو;ماكين لاش هانا
دارت في اتجاهه كان وجهه صفر وعينيه فالتين كان باين عليه باكي وقفات كتشوف فيه بصدمة وهو كيقرب ليها ببطئ قلبها تزادو دقاته وهي كتشوف في ملاميحو ماعرفات باش تبلات تبنجات ماجا يوصل عندها حتى كانت طريحة في الارض مغيبة مشا حسن و مصطفى كيتجاراو عندها هزها باها بين يديه وهي مغيبة حطها فوق الفوتوي اما حسن فكيتاصل بالطبيب قطع ومشا في تجاههم برك في جنبها وكيلمس في شعرها:شنو هاد المصيبة تسلطات علينا
مصطفى ماداهاش فيه كان الخوف ديالو مسيطر عليه كيضرب في وجهها برفق باش تفيق ساعة والو مغيبة حتى دخل راجل لابس غا حوايج دار بمحفاطو كيجري ناض حسن عندو;سي تهامي سمح لينا حيت عيطت عليك فهاد الوقت ول
شا في اتجهها فحص ليها الضغط و كرشها وصدرها بسماطة دق ليها برا في يديها ,,وناض وهو كيحيد السماعات من ودنيه مع ابتسامة:ماكين لاش تخلعو هه مبروك عليك اسي الادريسي جايك حفيد ,,المدام حاملة
مصطفى بفرحة كلمس في شعرها;هههه غايتزاد عندي حفيد ؟
حسن ماعرف يفرح ولا يبكي برك فوق الفوتوي و شاد في راسو
الطبيب;اه حاملة وفقدات الوعي ديالها بسبب التعب و الارهاق وقلة الاغدية و عاد اكيد تعرضات لشي صدمة (كيكتب في ورقة)انا انوصف ليها شي فيتامينات ايساعدوها و عاد خاصها الراحة وتا شي حاجة متقلقها حيت الجنين باقي ماشد بلاصتو اي حاجة تقدر لاقدر الله يدير ليها اجهاض ,,انا دقيت ليها برا اتطلع ليها الضغط شوية وتفيق ,,(بدا كيجمع في ماعنو)نصحكم تديوها عند طبيبة اختصاصيه باش تبع معاها (هز محفاظتو)خليت ليكوم الراحة
حرك ليه حسن براسو بايجاب ;شكرا مرا خرا
الطبيب ;العفو هادي خدمتي (بتاسم ليه وزاد)
اما حسن برك في الفوتوي كيشوف في سندس ناعسة و سي مصتفى كلمس في شعرها وكيبتاسم حتى بدات كتفيق ;فقتي ابنتي (بابتسامة)
شدات في راسها وبدات كتنوض حلات عينيها في حسن لي كيشوف فيها بلا هواها حيدات يد باها وناضت عندو;عمي حسن انيس مالووووووو قووول ليا
حسن حادر راسو الصمت
شدات لي فكتافو;انا حاسة بلي سرات ليه شي حاجة شنووو عندو (عينيها مغرغرين)قوووول ليا (بالغوااات)هضضرررررررر مالك ساااااااكت
هز فيها راسو و عينيه حمرين;انيس مصاب ,,وكيقولو بلي وضعو خطيير,,,,
رجعات سندس بلور بصدمة وهي كتشوف فيه بعينين مغرغرين وجهها بدا كيحمااار ;لااااااااااااا انيييييييييييييييييس (غوتات بحر جهدها)انييييييييييييييس
ناض عندها سي حسن بالزربة;رااه ماشي شي حاجة صعيبة ,,راه غنصيفطو ليهم اطبة ومعدات من المغرب حيت هوما ماغيقدوش يجيو بسباب الجو ,,من هنا ثلاثة السوايع ايتحركو ,,و (بابتسامة حزينة)من هنا سيمانة يكون عندك صحة سلام
حيدات ليه يديها بالزعاف كانت واحد الطبلة حداها هزاتها بيديها حتى تشرشخات;ماتقووولش لي لاباس (هزات واحد الكرسي)انا حاسة بيه حاسة بيييه
باها مشا كيجري عندها;سندس بنتي ماديريش هكا ,,,ماخاصكش تقلقي راسك ونتي حاملة راه غتضري الجنين وباقي ماخاد تا بلاصتو
هي بقات شادة الكرسي هازاه بصدمة و كتشوف فيه كتردد في راسها حاملة ,,جنين ,,,حاملة ,,جنين لاحت الكرسي و حطات يديها على كرشها و بدون شعور بداو دموعها نازلين ;انا حاملة؟ياك؟
باها قرب ليها و عينيه مدمعين;اه ابنتي والطبيب قاليك خاصك الراحة
سندس بالغوات;ماااشي سوووقي ,,, تصرف ديير لي كان ,,لمهم نمشيي واخا تعرف نرجع الخدمة ماشي سوقي
حسن;مانقدش مابقاتش عندي الصلاحية باش نرجعك انيس هو لي متحكم دابا وعاد واخا ترجعي خاص اجراأت و داكشي ,,غاياخد الوقت
سندس;عمي حسن (مشات عندو)ماتجيش تلعبها معيا ,,انا عارفاك اش كتسوا اي حاجة مكتصعاب عليييك ,,يلا بغيتي تديني ,,انمشي
حسن;كين حل واحد ولكن يلا حصلتي متعرفيني منعرفك
سندس;شنو هو ؟
حسن تنهد;هو انك تمشي متخفية بصيفتك جندية ,,لي غترافق الطاقم الطبي و تحميه ,,هدا هو الحل الوحيد ,,ولكن يلا طرات ليك شي حاجة تم ماشي سووقي ,,راه ديك البلاصة كلها سبوعة نمورة ,,
مصطفى شدها من دراعها;سندس بركي الارض شوفي
قاطعاتو;انمشي
حسن;من هنا كينين اجراأت ,,انا اندير اتصلات باش يزيدو سميتك ,,في اللائحة لي غيرافقو الطاقم الطبي ,,(مشا في اتجاهها)كون ماكنت عارف انيس محتاج ليك مغنصيفطكش مابغيتش ندير نفس الغلط ,,ولكن (تنهد)ديما القدر كيلعب لعبتو وهانا كنخالف وعدي لولدي ثاني وغنصيفطك الخطر ,,انا مايمكنش لي نمثشي معاك ,,خاصني نراقب الامور هنا ونشرف عليها (حط يديه على حناكها)كوني قوية كيف عاهدتك ,,دابا مابقيتيش بوحدك كينا روح فكرشك فكري فيها قبل متهوري و ديري شي حاجة انيس متحتاج وليك وعاد نتي اتعززي من الحماية ديالهم و يمكن تساعديهم كثر,,حظي راسك وحفيدي و بقاي مع انيس ,,جيو سالمين كاملين
حركات راسها باه وعينيها دامعين ;ماتخافش انكون قد المسوؤلية
حسن بابتسامة;سيري وجدي راسك وجمعي حوايجك وهزي حوايج لبرد تم لجو بارد وزيدي حتا حوايج انيس اكيد ايحتاجهم من هنا ساعة ونص نلقاك حدا المقر
سندس شافت فيه;كون كانت ماما في نفس الحالة ,,ونت املها باش تعيش؟واش
قاطعها;نتي ماعندك باش تفيديه خلي الاطباء يتكلفو
شافت فيه;بابا ,,انا فين كنت ؟في الصين ياك,,,كنعرف شي حوايج قاعما يخطرو على بالك ,,تيق بيا ,,حيت مغتقدش تحبسني باش نمشي فعفاك حتارم قراري اووك ,,وبقا مع الدراري بينما جيت عافاك رد لبال ليهم واخا؟(بتاسمات وطلعات الغرفة ديالها كتجري مشات ديريك لماريو جبدات ساك كبير وبدات كتجمع في حوايج سخان ديالها و ديال انيس وقاع اللوازم لي غتحتاج نزلات تحت النامسية جبدات ساك حلاتو جبدات منه الفردي ديالها و سيف كبير بحال الساموراي مشات جهة ديال كواثفوز حلاتو جبدات باسبور ديالها و لاكارط خشات داكشي في الساك وسداتو بعدما تأكدات بلي جمعات قاع داكشي لي بغات اما لفردي حطاتو جنب جبدات سروال طايهوت خزي لبساتو و بيل غري سخون لكول طالع و كويرة كحلة مع برودكان كحل جمعات شعرها كوب شوفال هزات فرديها دارتو لور هزات كاسكيط كحلة دارتها في شعرها وهزات ساكها و خرجات حطاتو جنب ومشات في اتجاه الغرفة ديال جاد كان ناعس هو وريان بتاسمات و براكت في جنب النامسية باست ليه راسو وراس ريان وغطاتهم وخرجات بلا ماتنطق بكلمة هزات ساكها ونزلات ,,كان باها بارك في الفوتوي كيشوف فيها كيد تصيفات مشات في اتجاهه;ماتخافش علي ابابا هاد المرة ,انخدم عقلي مغنخليش شي حاجة تسيطر علي وتخليني نتهور (شدات ليه في يديه)تيق بي غنرجع صحة سلام والله دعي معايا
هز راسو فيها بابتسامة ;عارف اش والد الله يعاونك ,ويحميك ,,,سيري ورجعي نتي وخوك وراجلك بيخير وعلى خير
حركات راسها باه وباست ليه يديه وناضت هزات ساكها وخرجات في اتجاه فيراري لي عطاها انيس لاحت الساك لور و ركبات هزات راسها كان باها واقف كيشوف فيها تنهدات ورجعات راسها لور كترجع مارشاريالي بسرعة دوررات لوطو و زادت;صبر احبيبي مابقا والو قاوم على قبلي انا جاية
***وبسرعة لبرق كانت وصلات الاكاديمي فرانات لوطو في باركينغ
كان حسن وواحد الدري واقفين خرجات ومشات عندهوم ;السلام
حسن;سندس هدا سهيل ,,ولد عم انيس,,,هو لي غتكلف بحمايتك وغبقا في جنبك (شاف في سهيل)ولدي سهيل هادي سندس مرات انيس , راك عارف
سهيل بجد;ماتخافش اعمي خيرك سابق وانيس خويا ,,مراتو راها بحال ختي جيداء ,,انديرها في عيني حتى يرجعو كاملين صحة سلام
حسن ربت على كتافو;هدا هو المضمون فيك , ,,,غا عيطت ليك خليتي مراتك وولدك لي يله تزاد وجيتي واخا عطلة
سهيل;كيف قلت ليك خيرك سابق ,,وراك ماشي براني و الدم عمرو كيرجع ماء و انيس راه خويا واخ امتطلبهاش مني ونسمع لخبار نمشي بلا متقولها
حسن بابتسامة;كنشكرك رد لبال ليها (وشاف دي سندس)ديري عقلك ,,وبردي اعصابك ,,راك حاملة
سندس;ماتخافش اصلا ماغاداش باش نتضارب كون هاني
حسن;عارف لي كاين الله يا ودي
سندس;واعمييي
حسن;هاهو ساكت يله تحركو دخلو (شاف في سندس)ماتهزيش راسك حتى تركبي في هيليكوبتر
سهيل;ماتخافش انا لي مكلف بي البعثة وهي تحت حمايتي
حسن ;شكرا يله خاصكم تحركو
حركات سندس راسها بايجاب مشات في اتجاه سيارة تهز ساكها حتا حيدو ليها سهيل;راك حاملة ماخاصكش تهزي تقل,,
حركات راسها بايجاب;شكرا
هو سبقها;العفو
سلمات على حسن وتعانقو بقا كيوصي فيها شحال عاد طلقها تبعات سهيل للساحة فين كينة هيليكوبتر كبيييييرة واقفين حداها جنود كيتسناوه يجيو ما الاطبة والمعدات فراهم سبقو;حدري راسك
نزلات سندس الكاسكيط و نزلات راسها جا واحد لجندي دار ليه تحية وخدا من عندو ساك طلع هو للولاني وتبعاتو هي حادرة راسها مهزاتوش ركبو في هيليكوبتر وكلشي شد بلاصتو هي بركات حدا سهيل بقات حادرة راسها حتى حسات بهيلوكوبتر كتقلع شاف فيها;دابا حنا في امان صافي
هزات راسها وحيدات لكاسكيط;اووف اخيرا
شافت فيه لي كان مصدوم من عينيها;شكرا
هو بصدمة حرك راسو بايجاب;العفو ,,,واش هادوك عينيك؟
هي حركات راسها باه;اه ديالي
بابتسامة;اول مرة نشوفهوم جاتني عجب,,(بعد صمت)عاود لي عمي على قصتك نتي وانيس في الحقيقة استغربت حيت بحال هادشي مابقاش
سندس شافت فيه باستغراب;كيفاااش
هو شاف قدامو;عرفت بلي نتي كنتي متدربة ,,كنت سامع بيك ,,كلشي كيجبد سيرتك ,,بلي كينة شي عقيد قوية وزوينة ودكية ,,مسحات خلية ارهابية في ربعة السوايع وقدات تطيح جاك لي كان كلشي كتخلع منه وهي لي قتلاتو كلشي كان كيدوي عليك ,,ولكن عمرني عرفت بلي هاديك هي مرات انيس وبلي هي نتي ,,حيت كيف سمعت بلي استاقلتي ختافيتي من بعد عياو يقلبو مالقاو عليك حتى شي خبار و عاد انيس عمرو جبد سيرتك حتى ليوم عاد عرفت في الحقيقة صعيبة عليك ولكن كنهنيك ,,حيت ماكينه حتى شي مرا تقدر تدير بحالك والله انيس محضوظ بيك
سندس تنهدات;انا لي محضوظة بيه
سهيل بابتسامة;بالعكس ,,عمرني شفت شي مرا شجاعة ,,غادة حتى لغابة ديال استراليا على قبال راجلها
سندس;كون اكيد كون كنت ففي بلاصتو كون دارها ,,(تنهدات)عمي ماقالش لي شنو سرا ليه واش عارف شي حاجة؟
سهيل ماشافش فيها;لا ,,انا لي عرفت بلي انيس مصاب وخاصو عناية صافي
زيرات على يديها بغضب ;تهدني كلشي ايكون على مايرام,,متخليش غضبك يسيطر عليك وبالخصوص في الوضع بحال هدا
حطات يديها على كرشها كتلمس فيها وكتشوف القدام وسهات دار شاف فيها لقاها ساهية و كتلمس كرشها بتاسم و رجع راسو لور ونعس ما سندس فبقات كتخمم في حملها لي جا فجأة و وضع انيس كيف ايكون داير حسن ماعطاهاش راسك الخيط و حتا سهيل و عاد ماخاسهاش تحرك من بلاصتها باش ماتلفتش الانظار ليها على الاقل حتى يوصلو تم ,,رجعات راسها لوور وهي كتخمم وتدعي فخاطرها ويديها في كرشها حتى غفات,,
****
انيس بدا كيحل عينيه بعد مدة كان الليل عندهم مضوين غي بفتيلات ديال الشمع في الخيمة ضهرو ضارو و راسو غينفاجر ماصدرو مانعاودش عليه ماقادش يتنفس براحة كلما طلع النفس كيضربو الضؤ;احححح
ناضت صوفيا لي كانت ناعسة حداه مفزوعة لقاتو فايق;ااانن شاف انيس واش نت بيخير باش كتحس
انيس بألم عاض على قنانفو ;فين امير
صوفيا;ماخاصكش تهضر اشاف امير راه ناعس (وقفات)انا انمشي نعيط على الطبيب دابا
مشات صوفيا كتعرج اما هو رجع راسو لور حاس بداتو كلها فاشلة وعاطياه لحريق لفت وجهو جهة ديال امير لقاه ناعس ,,حتا دخل عندو الطبيب و الممرضات كيتجاراو فحصوه ;سي انيس مانخبيش عليك ,,الحالة ديالك مكتبشرش بالخير ,,حنا عطيناك براوات ,,باش يوقفو انتشار ديال السم و خيطنا لي الجروح ,,علمنا ,,المقر بالوضع وهوما قالو لينا بلي ايسيفطو لينا معدات اللازمة حييت مايمكنش لينا نحملوك ونطيرو وعاد الجو ماكيسمحش ,,راه قالو لينا بلي رسلو بعثة وهادي ربعة السوايع باش شدو الطريق ,,ماخصكش تكلم ولا تحرك حتا يجيو ونشوفو شنو نديرو ,,حيت ماخاصناش نعطيوك مهدئ حيت انغامرو ديك ساعة ماعليك غي تصبر
انيس عاض في قنانفو والعرق دايز معاه حرك راسو باه
الطبيب ;ماعليك غا تصبر هاد الساعات بينما جاو واحد ساعة نجي ندق ليك برا ثاني ديال الالتهاب (شاف في صوفيا)بقاي معاه لا سرا شي تطور في الحالة ديالو علميني
هي;واخا
انيس حرك راسو بلا;ما
قاطعاتو ;ششث خليك ماتدويش ماسمعتيش الطبيب شنو قال ؟
عض في قنانفو و زير على عينيه بسباب الالم و سكت
بعد طناش ساعة وهما محلقين فوق السماء ,,واخيرا وصلو للاراضي الاستراليا كان عندهم منتصف النهار تقريبا ,,طلات سندس حداها ,,غي الشجر و الانهار صغار كيبانو ,,
شاف فيها سهيل;بقات عشرة الدقايق و نوصلو ,,خاصك تدرقي ماتخلي تاحد يشوفك ,,حتا يفيق انيس ,,نتي هنا في حمايتي ولكن تم انيس لي مكلف ,,يعني تحت حمايتو وحيت هو في وضع ماشي تالهيه خاصك تبقاي مدرقة وجهك حتى يتعالج و يرجع يحكم
سندس تنهدات حركات راسها باه جمعات شعرها شفنجة دارت كاسكيط ديالها و ناضت في اتجاه ساكها حلاتو جبدات شال لواتو على عنقها و درقات بيه نيفها و فمها مابقا كيبان والو سدات الكويرة و جبدات ليغات دارتهم بحكم البرد و رجعات عندو طلعها من لتحت لفوق;كتباني بحال لقتالة ههه
عند انيس لي مانعس ماداقو بسباب الالم لي فيه وممنوع يشرب مهدأت ,,وجههو حمر ماطيشة وسخون بسباب السم الحرارة طالعة ليه كله عرقان ,,,في جنبو امير ماسك ليه يديه ,,وفي جنب اخر العاهرة لمسخة كتحط عليه فوطات في راسو ,,حيت مايمكن يعطيوه والو حتى يعرفو شنو عندو و يشخصو حالتو بالتدقيق
امير;صبر اصاحبي مابقا والو
انيس مزير على يد امير;ممممممم (حرك راسو باه)مممممممممممم (عض على قنانفو حتى سال الدم)
دخل لؤي كيجري ;شاف سمعت صوت الهيليكوبتر كنظن بلي هوما
امير حرك راسو باه و عاود شاف في انيس;هانتا هاهوما جاو ,,,زيد صبر شوية انا انمشي نشوف اش كاين
انيس حرك راسو باه وطلق منه
امير شاف في صوفيا;بقاي معاه بنما جاو الاطبة
صوفيا حطات عليه كمادة;امرك شاف
حرك راسو باه و ناض كيعرج في اتجاه الخارج ,,اما هي دارت ابتسامة جانبية وهي كتشوف في انيس لي مغمض عينيه و كيتألم بصمت واخا مكرهه يغوت اعلى صووتو مي مايقدش يلا بين ضعفو هو لي رئيسهم ,,كيفاش ايتعاملو لاخرين ,,ماخاصوش يضعاف ,,ماخاصوش ,,خاصو يقاوم ,,يقاوم ,,على قبال حبو و سندس ,,هو واعدها بلي غيرجع خاصو يوفي بوعدو ماخاصوه يخلف فيه,,هادهي باش كيصبر راسو فهاد الوقت ,,
بدات لهيليكوبتر كتنزل في المكان المخصص ليها و بالضبط وسط المخيم كانو واقفين قاع الجنود كيتسناو الباب يتحل ومن بينهم امير ,,اما الداخل فكانت سندس واقفة على احر من الجمر قلبها كيضرب وانفاسها كتصارع يله تحل لباب بغات تحرك وهو يشدها سهيل,;تسناي ,,سندس ماخاصكش تسرعي ,,حيت هكا غتكشفي
سندس هافت فيه ;ولك
قاطعها;عارف ,,ولكن سمعي هضرتي ,,برا ماشي هو هنا ,,انا عاهدت عمي باش نحميك ,,وخليني نتكلف ,,حتى يبرا انيس وديك ساعة نتوما حرين ولكن دابا نتي تحت حمايتي ,,ماخاص تاحد يعرف هويتك الحقيقية حتى من خوك ,,خلي حتى يخرجو هادو هوما للولين عاد نتبعوهوم باش ماتبانيش
سندس تنهدات;واخا
تحلات باب الهيلوكوبتر ,,نزلو الاطبة هوما اللولين كيتجاراو موراهوم الجنود حاملين المعدات اللازمة كول ربعة محامين على ساك كحل كبييييير وثقيل بقاو غا هوما شاف فيها;جات نوبتنا
حركات راسها باه نزلات كاسكيط ديالها مزيان و قادات شالها حتى غبر وجهها فيه نزل هو اللول وهي تابعاه حانية راسها نزلات ووقفات الوسط,,,جنب سهيل جاو الجنود عطاو ليه تحية ,,هزات راسها بشوية بلا متعيق كتكتاشف الوضع الدنيا كلها ماء و خيمات صغار كيلعبو بسباب الرياح كلشي مسرسط بالشتاء دورات وجهها جهة اخرا وشادة في الشال باش مايطيرش بيديها ليمنية لفت نظرها امير لي واقف كيشوف جهتهم كان داير الغبص على رجليه نطق سهيل بشوية;حاولي تحكمي في راسك يمكن هادشي لي غتشوفي من هنا شوية يصدمك
شافت فيه يله بغات تدوي وهو ترمق امير جاي في اتجاههم كيعرج كيحقق فيهوم وفي الخصوص هي
سهيل;تحكمي في راسك كيف قلت ماخاص تاحد يعرفك حاليا
سندس حركات راسها باه وحناتو الارض باش ماتشوفه في امير
امير وقف ;سهيل ؟(كيشوف في جهة ديال سندس وكيحقق فيها )مرحبا
سهيل مد ليه يديه ;شكرا خويا امير
امير هاف في سندس;ش
قاطعو سهيل بسرعة;هادي الملازم سمران العلوي ,,,لمكلفة برافقة الطاقم الطبي و بحماية انيس هاد لمدة غتبقا ملازماه حتى يصح
امير;ولكن علاش هادشي و زيدون انيس مامحتاج حتى حماية ,,وعلاش مثلتمة ؟
سهيل;انا اخويا اكنفد الاوامر,,هادشي جاي من الفوق ,,انا علي نفد ,,,خليك دابا خاصنا نمشيو
امير حرك راسو بصدمة و كيدقق في وجه سندس كيحاول يشوف شي حاجة منه مي والو كانت متخفية مزيان زاد سهيل و تبعاتو هي ,,اما امير بقا كيحقق في المشية ديالها ;لا مايمكنش ,,اووف يقد يكون غي تشابه و صافي ,,سندس ماعندها ماتدير هنا و زيدون تاحد ماوصل ليها خبار انيس اووف
سندس تنهدات وهي واقفة قدام الخيمة ديال انيس شد فيها سهيل;هوفي نقول ليك ,,لداخل ,,نتي ماشي سندس فهمتي ,,نتي سمران ,,الملازم سمران العلوي ,,,احاسيسك ,,خليهوم من طرف ,,,عارف هادشي ايكون صعيب عليك ,,ولكن انيس محتاجك جنبو ,,وهادشي لاش غامرت بخدمتي وجبتك,,يلا عرفوك ,,نتي سندس ,,والله لاضربتي الضربة مزااك هنا ,,غيرجعوك ,,وانا انمشي فيها,,لا فاق انيس و عرفك هو لي محكم تاحد ماغيقد يحاسبو ,,ولكن انا لا نتمنى تفهميني
حركات راسها باه و مزيرة على يديها حل هو اللولاني ليزار و دخل هي بقات واقفة لمدة كتحاول تضبط نفسها وتحكم فيها ,,,خدات نفس طويل ,,و زيرات على يديها ودخلات تبعاتو
انيس دايرين بيه الاطبة من كل جيه هالي كيقيس ليه الضغط هالي كيهز من الدم ديالو باش يفحصو وهو غي كينين حس بقلبه تزمط عليه ونفسو ضياقت ودقات قلبه كيتسارعو على غير العادة ,,و العرق عاد مازاد كينزل شلال ,,بدا كيدور في عينيه كيقلب بحال يلا كيقلب على سبب هاد التغير فجأة ,,حتى كيلمح خيال داخل ماكيبانش ليه بسباب السم لي لاعب ماكيقدش يشوف البعد ,,ولكن هادا ماكيعنيش بلي قلبه ماشاكش ,
**اما سندس
من عتبات داخل المخيم قلبها تزمط عليها وبالخصوص من شا,فت انيس في ديك الحالة راسو مضمد و صدرو عريان كله ملوي بضامادات و العرق بزااف و عينيه حمرين و دابلين و انين لي كيصدر بسباب الالم ,,قلبها بغا سكت من الصدمة,,,عينيها نزلو دموعهم بلا سابق اندار وهي كتشوف فيه كيرمقها بعينيه ,,مقداته تبقا تصبر مزال ,,تمات غادة في اتجاهه حتى حسات بيد شداتها من مرفقها و زيرات عليها;تهدنيييي ,,,عرفتي هادو كاملين لي كاينين هنا ,,كلهم من طرف القاعدة ,,اي تحرك منك اتخرجي علينا ,,صبري ,,راه الدكاتير كيديرو خدمتهم ,,تهدني
سندس زيرات على يديها و عينيها شلال ماكيبانوش بسباب الكاسكيط وشال,,كتشوف فيه كيتعدب و كيعاني وماقادش تدير ليه والو ,,ماقاداش تساعدو ولا حتى توقف بجنبو وتصبرو,,من غير تبقا تشوف فيه كيدبل قدامها وهي كتراقبة اه ياربي شمن عقاب هدا حتى من بكاها خاصها تبكي بصمت ,,,ماردات لبال لا صوفيا لا غيرها ,,لي كتشوف هو انيس لي كيتعدب قدامها وكيعاني صافي
دخل الطبيب عندهم;مسيو الادريسي ,,ماعندي مانخبي عليك ,,الحالة ديالك غادا وكتدهور ,,والسم ,,واخا حبسو الانتشار ديالو ,,ولكن هادشي غابقا مؤقت ,,وماعدنا حتى علاج مناسب الحالة ديالك وحتى لا عطيناك مهدئ غنغامرو بحياتك ,,ماعدنا غير نستناو يتقاد الجو و,نطلبو الله و صافي
انيس بألم وتعب;ممم انبقا مممم (عض على قنانفو )مممم
سندس مابقاتش قادة تصبر صافي حيدات يديها من قبضة سهيل وتمشات نحو بسرعة دفعات الطبيب لي كان واقف عليه جاص صووفيا تنطق حتى لقات راسها مليوحة الارض بسباب الدفعة لي عطاتها وقفات حداه وهو كيشوف فيها بصدمة ,,تنهدات وزيرات على يديها وبسرعة غرسات يديها في عنقه ما جا يشوف حتى كان اغمى عليه صوفيا شافتو غيب و غمض عينيه ناضت بسرعة شدات سندس من يديها;شنووو درتي ليه قتلتيه هااا؟
حيدات ليها يديها من دراعها بلا متكلم لواتها ليها ورا ظهرها و نزلاتها الارض وعفطات على ظهرها;تمدي يدي علي هاد المرة (زادت وركات على ظهرها بالكاط)نقطعها ليك فهمتي
الطبيب بابتسامة;حركة في وقتها عندك اسعادة الملازم ,,,
لاحت سندس ديك صووفيا الارض;سمران ,,سمران العلوي ,,كنظن دابا مابقيتوش محتاجين المهدئ باش ينعس هاد الدقة اتخلليه مغيب واحد خمسة السوايع تقريبا عاد ايبدا يربجع الوعي ديالو ,,كنظن بلي درتو لي عليكوم,,انا لي غنتكلف من هنا
الطبيب;ولك
سندس هزات يديها بمعنى سطوب;كيف سمعتي انا لي غنتكلف منهنا ,,يلا بقينا نتسناو حتا يتقاد الجو ديك ساعة انكونو دفناه تحت الارض ,,انا عندي دراية بهاد نوع ديال السم ,,سمعت بلي فهد منقط لي هاجمو ,,انا غنتكلف
سهيل;ولك
سندس هزات راسها فيه;دوينااا (تلفتات جهة ديال صوفيا)ونتي اتهزي تخرجي من هنا ولا غندفن الزامل بوك هنا ختاري
صوفيا ماعاوداته الهضرة اصلا يديها باقا كتضرها وعاد نبرة صوتها باينة شي حد ماكيلعبش واكيد عندها مرتبة طالعة ناضت كتعرج شادة كتفها بسباب الالم لي سبباتو ليها سندس وخرجات
سندس شافت في سهيل;بغيت مرشد
سهيل;لاش ؟
سندس;خاصني نمشي لاقرب نهر ,يكون عدب و مسخ ,,واحد العشبة كتنوض فيه ,,خاصني نجيبها
سهيل;واش
قاطعاتو;تيق بيا ,,بغيت مرشد ودابا معديه بزاف ديال الوقت خمسة السوايع غيرجع الوعي ديالو والالم ايكون مضاعف ,,ماغيقدش يصبر
سهيل;راه هادي غابة ,,عامرة سبوعة بركي الارض واش ختخاطري براسك و بالجنين باش تجيبي العشبة ,,انا نقول ليهوم يجيبوها ليك
سندس حركات راسها بلا;ماغيعرفوش كيف هي ,,كيف قلت ليك كتنوض غا فقعر النهر و صغيرة تقد متبانش ليهوم خاصني نمشي ضروري انا
سهيل تنهد;واخا ولكن انمشي معاك انا عاهدت عمي باش نحميك ونتي امانة عندي
حركات راسها باه ;دير ليبغيتي عشرة دقايق نلقاكم واجدين انا نمشي نجيب غا هي حاجة كتخصني من ساكي ونجي
سهيل حرك راسو باه وخرج تنهدات ودارت جهة ديال انيس بدات كتقرب منه بشوية وهو غايب على الوعي حنات وجهها ونزلات شال على وجهها كان وجهها حمر و عينيها باكيين وحمرين باستو من فمه بوسة خفيفة ;صبر احبيبي مزال ,,انا انمشي نجيب ليك ,,,باش نعالجك ,,صبر (نزلات باستو من راسو مسحات دموعها هزات شال قداتو تاني وخرجات مشات الخيمة لي دخلو ليها ساكها فيه حلاتو حيدات سروال لي لابسة جبدات كولون بيما كحل لبساتو حيدات الكويرة و تطريكو جبدات اكس كحل سميطات هزات السيف ديالها كان فيه سمطة ركباتو ودارتو في ظهرها لبسات فوقو تجاكيط كحلة سبور بالقب سبرديلة بيما كحلة طالعة سبور فردي ديالها و جنوية صغيرة دارتهوم جنب لبسات ليكات ودارت كاسكيط لي جات بيها مع شال اخر عريض درقات بيه وجهها و سدات ساك و دارت الكود فيه وخرجات لفت نظرها امير لي دخل الخيمة لي فيها انيس تنهدات و سرعات في مشيتها في اتجاه سهيل لي كان حتا هو مبدل ولابس سروال سرفيط كحل سخون و قبية كحلة بالقب و كاسكيط مع سبرديلة ,,وحداه المرشد افريقي الجنسية و معاهم جندي اخر ;سندس (شافت في المرشد وتكلمات بالانجليزية)يمكن سهيل قال ليك هنو بغيت
المرشد;اه ,,كين واحد النهر ,,كيبعد من هنا بخمسة كيلوميتر ,,ولكن هاديك المنطقة متحكمة فيها واحد القبيلة ساكنة هنا وعاد عامرة باللفاعي
سندس ;مزيان ,,,نيت كنت باغا لفعة
الافريقي;وال
قاطعاتو;ماعدناش الوقت نتحركو
سهيل;واش اس (بعض صمت)سمران عارفة هادشي لي غتديري ؟
خداه و لاخر هز كلاشينكوف والمرشد بدورو خدا واحد مابغاش يتكرر نفس الامر وحلو ليهم الباب لي كان مصنوع قصب و خرجو الادغال
صوفيا كتشوف في سندس ;شكون هاديك؟
نطق واحد الجندي;الملازم سمران العلوي هي لي متكلفة بحماية الشاف انيس و مكلفة بمرافقة الطاقم الطبي
صوفيا تحت سنانها;بغيت ليك مشيا بلا رجعة
تمو غادين وسط الادغال والاشجار كان سقيل غي صوت الطيور لي كتغرد و صوت القرودة ,,بقاو غادين لمدة تقريبا نص ساعة بدون توقف ,,حتا سمعات صوت نقيق ديال الضفادع وها تدير ابتسامة جانيبة عرفات بلي قربو يوصلو للنهر ,,دخلو بين الاغصان و العشب طويل اخضر و باقي فيه ندا ديال الامطار حتى لقاو راسهوم قدام نهر كبير و لونو بني باين معكر و مسخ غامن لونو و الضفادع و الجران وحتى الدبان فيه
المرشد ;هدا هو النهر المسخ لي كين فهاد المنطقة
سندس حركات راسها باه ;مزيان (هرسات غصن من واحد الشجرة قصيرة كان طولو نص متر و تمات غادة في اتجاهه لاحت الشال والكاسكيط من على وجهها كانت عاطيا لسهيل والمرشد ولاجندي بالظهر حطات العود على طولو في النهر دخل ولكن قاست بيه القاع فعرفات انه ماغرقش بزااف لاحت لعود وتبعاتو لفردي حطاتو جنب جبدات موس صغير وحطات رجليها زادت خطوهة كان لماء واصل ليها لصدرها خدات نفس طويل و غطسات بقات مدة وعاود طلعات زادت جوج خطوات ثاني وغطسات بقات شي ساعة وهي كيتغطس و تطلع تاخد نفس وتعاود تغطس سهيل و المرشد و الجندي باركين مراقبينها وهي ماعياتش تطلع تنفس وتنزل حتى غطسات تاني وبقات معطلة
سهيل مابقاش بان ليها الاثر وقف بالخلعة يله تم غادي لجهتها حتى طلعات هازا في يديها مجموعة من الطحالب حمراء اللون وكتبتاسم ;ههه لقيتهم
خرجات لجهتهم شاداهم في يديها وتضحك عينيها كيبريو ولونهوم لي تألق مع الشمس لقليلة ,,,كلشي تدهش فيها الجندي وقف من الصدمة هو والمرشد اما سهيل تسمقل مسكين ,,وقفات حداه;لقيتهم
سهيل فاق من القلبة تلف لقا المرشد و الجندي حالين فمهم ماعجبوش الحال ,,بالخصوص هي مرت ولد عمو بحال خوه ,,وعاد هي امانة عندو حيد القبية عليه ومدها ليها;هاكي لبسي ,,راه غيضربك البرد ,,,نسيتي بلي راكي حاملة
سندس خداتها من عندو بلا ماتزيد الهضرة لبساتها جبدات واحد القرعة دارت فيها دوك الاعشاب و قرعة اخرا عمرات فيها لماء النهر مد ليها سهيل الشال دارو جمعات شعرها لي تخربق بسباب الماء وركبات الكاسكيط;خاصني لفعة
سهيل;لاش باغاها
سندس;باغا سمها ,,لاش انبغينا نتصور معاها مثلا
سهيل بصدمة;السم ,,واش ناوية تصفيها ليه
سندس تنهدات وهي كتقاد في السمطة ديال سيف لي ماكيبانش ;شوف الفاهم ,,الي قاري السيونس ,,انيس مالو
سهيل;مسمم
سندس;مزيان ,,هداك السم ,,ماشي نشط بحكم حبسوه من النشاط ديالو ,,خاص سم قوا منه ,,يعني اما سم اللفعة ولا العقرب ,,من انجرحو ونقطرهم ليه ,,كينين جوج حالات ايسراو ,,الحالة الاولى اما سم الافاعي ايقضي على سم نمر و ديك ساعة انبقاو مضاربين غا مع سم الافاعي و كين ليه الحل ,,اما اينشطو وحتا هو ليه الحل يعني فكلتا الحالتين انيس ايتعالج
سهيل;بلاتي بلاتي كيفاش مافهمت والو
سندس جبدات القرعة لي فيها الطحالب الحمراء;هاد الطحالب فيه واحد المواد منها الفيكواثرين,,,ولامينارين,,ولغانيت ,,وفيوكودان,,كيساعدو الجسم وكيعطيوه مناعة ,,ويلا طبختيهوم مع الملح الحر ,,والماء ديالهوم ديال النهر و قشور الليمون والعسل ,,كتصايب منهوم ,,خلطة كتدهنها للحم كيمسو السموم النشطة ,,فهمتي دابا ,,يعني انا ضروري خاصني سم اما ديال عقرب ولا ديال الافعى ,,
سهيل;ثنتي باش عرفتي هادشي
بابتسامة;ههه سنين وسنين ديال التدرب ,,مهم راه معدناش الوقت بزااف حيت خاصني نوصل قبل مايفيق حيت لا فاق غنظطر ندير ليه سم ,,و الخلطة وديك الساعة اتسمعو غوات انيس حتا لبرا ,,حيت الالم ديالهوم فضييييييع بزاااف
مشاو كيقلبو بين الاغصان على شي لفعة ,,وهي حلفت لا لقاوها هادي هي نهار بغيتك اوجهي قمشوك المشاش والو وتقول شي ساعة ونص وهوما يقلبو فينما بان ليهوم شي غصن مليوح كيصحابوه لفعة يمشيو يجريو حتى كيقربو عاد كيبان ليهوم راه غي عود تعصبو و الجو تبدل بسرعة ولا حار ,,الشمس حرقاتهم ووجهم حمار ,,والو حتى بانت الجندي لفعة رقيقة و قصيرة فيها البني والصفر كتحرك بسرعة ;هاهي هاهي (نعت في اتجاهها )
مشاو كيزربو لناحيتها لقاوها نيت لفعة دارو بيها بثلاثة وهي غا سمعات صوت الحركة وقفات و هزات راسها و مخرجة نيابيها في وضعية لقتال
سهيل;اش انديرو دابا؟
المرشد هاز عود;خليوها علي من صغري وانا كنصيد الافاعي
بدا كيقرب لعود ناحيتها وهي باغا تضربو حتا هزها من كرشها بيه وهي دغية تلوات على العود ;هاهي دابا شنو نديرو
سندس جبدات قرعة صغيرة مغلفاها بواحد بلاستيك;شدها من راسها و حل ليها فمها
المهندس حرك راسو باه و هو كيقرب يديه بشوية و حاضي معاها هي لي كتخرج نيابها و لسانياه حتى حكمها من راسها وخرجو نيابها قربات سندس و حطات نيابها فديك بلاستيك وكرزات عليهم وبعد دقيقة بدا كينزل داكلشي صفر بحال مح ديال البيض بقاو شي خمسة دقايق و داكشي نازل حتى سالاو ولاحوها كتركل سدات القرعة بغطا باش ماتخواش بابتسامة;ههه احنا سالينا يله نمشيو
حركو راسهوم باه تمو غادين وهوما يخرجو ليهوم ثلاثة الاشخاص كحلين وعريانين مدرقين غا طرمتهم و لمعلم بالربيع و القصب مصبغين وجههم مخططينو و خاشين عظم في نيفهم و معلقين على اعنقاهم سلاسل من انياب الحيوانات ,,هازين رمح و مصوبينو في اتجاههم
تقدم لمرشد الافريقي لعندهم انكتبها ليكم بالايفريقية (عمو غوغل الله يحفظو);اونس جو تويريس(سلام حنا غي توريست جينا نكتاشفو الغابة
عزي١;اونس هيت فيت ديت نيو سو جيدانك نيو(مابان لينا )(كيشوف في الجندي و سهيل لي موجهين ليهوم السلاح)
المرشد,نزلو سلاحكم ادراري
سهيل باقي على نفس الوضع;حتا ينزلوه هوما اللولين
الافريقي دار عند دوك القرويين;سيت جو جيوير اف,لاات اونس براات(نزلو سلاحكوم خليونا نتكلمو)
حط عليه الرمح على عنقو;اونس براات نيو ميت فرييمديلانج نيو,جو برانغ هول نا ونس لاند وم ديت تي فيرسبيري ,اونس سال ديت لاات gآبور نيو,(كرز على عنقو حتى تجرح شوية),اونس ماك جو دوود (حنا مكنهضروه مع الدخلاء,نت جبتيهوم الارض ديالنا باش يتغلوها ويدمروها,ماغنسمحوش بهادشي يسرا ,,غنقتلوكوم هنا
سهيل;تا قول لينا من الصباح اش كتخبرو
لمرشد و عينيه فالتين بصووت باح;قالو لينا بلي حنا كنستغلو في ارضهم و غندمروها وهوما ماغيخليوناش (كيبلع ريقو والعرق نازل منه)ايقتلونا
سهيل قاد الزناد ووجهو ليهوم بابتسامة;هه ايخلعونا بدوك العصي ملسقين فيهم حديدات ,,,قبل مايفكرو فيها ايكونو حلقو في السماء
لمرشد;لااا وياك ,,يلا ضغطتي الزناد ,,ايتسمع الصوت ,,غنوليو في قبيلة ,,وهوما ما"عارفيناش هنا,,من غتدير هوكا ايعرفو بلي شي دخيل هنا ,,وغايهجمو على المخيم كامل ,,تاحد ماغيبقا حي
الجندي حابس البولة;وشنو انديرو
الافريقي;مابغاوش يتفاهمو,,
سهيل كيتعد ووجهو عرقان كيشوف في الضخامة ديال هادوك مايمكنش يهزموهوم باليد وعاد هوما مسلحين بالرماح ;يعني
سندس دفعات سهيل حيدات الكاسكيط و شال لاحت تجاكيط ديال سهيل و تجاكيط ديالها بقات غا باكس كحل وشي حاجة معلقة في ظهرها دارت يديها ورا ظهرها وشدات في الغبدة و هي تجبد سيف قد السخط ديا الساموراي كيبري ;يعني انصفيوها ليهوم بلا قرطاس ههه
سهيل والجندي حلو فمهوم وهوما كيشوفو فيها واقفة قدامهم شادة سيف رقيق و طويل كيبري مع اشعة الشمس ,,وكتلعب بيه بي مهارة ;هي القرودة ديالنا بغاو يتدوقو طعم لموت بسيفي ههههه
الجندي مخرج عينيه وكيشوف في كتافها العراض وكيفاش كتحرك سيف ماحس الا لبولة نازلة منه
هاداك لي هاد الافريقي طوعو ووجه ليها الرمح; جو ويل إييرس دودgان (بغيتي تموتي نتي اللولة)
سندس كتلعب بسيف;شوف القرد الهضرة ماعنديش معاها لاعندك شي حاجة وريها لي
ما جا يهز الرمح حتا بسرعة البرق دوزات سيفها عليه ما جا يوصل عندها حتى الرمح تقسم على جوج ماجا يستدرك شنو وقع ,,كانت سندس حركات رجليها بخفة و سيف دايراه جنبها شاداه بجوج يدين ,,يله ايشوف جهتها حتا نحراتو بيه بان ليك العزي تلاح في الارض على طولتو الراس في جيه والجسد في جيه كلشي تصعق من هول المنظر هافت ف دوك جوج بعينين حمرين ووجها مجلخ دم وحتى دراعها ;نوبتكم جاية
جاو توجهو عندها بجوج كيجريو جهتها وموجهين ليها الرمح صاعرين ,,جا اللول دوز الرمح تحنات بلور داز فوق وجهها نادت دورات السيف جهة خرا و مشات كتجري نحو العزي لي كان قريب ليها وصلات حدا جا بغا يضربها بيه نزلات على ركابيها زالقة وبسرعة دورات السيف جهة اخرها و حلات ليه كرشو مع الوقفة مع خشاتو ليه في الظهر خرجاتو وشافت في الثالث لي موجه ليها الرمح وكيرجع بلور بتاسمات ووجهها ماكيبانش بسباب الدم مشات كتجري عفطات علا شجرة تهزات لفوق ما جايقهبل شنو سرا كانت فوق منو ضربات سالطو فوقو نزلات الارض على ركابيها كتنهج كان هو نزل على ركابيه وعنقو محلول كيخرخر تلاح على وجههو عينيه محلولين و فمو وعنقو و نيفو كلهم دم ناضت معكزة على سيف وشافت الدراري كانو كلهم حالين فمهم و عينيهم خارجين بحال يلا كانو كيتفرجو فشي فيلم مسحات وجهها بغضب ودفلات;القرودة لاخرين فيهوم الهضرة (عفطات على الثالث وهزات الغشا ديال سيفها خشاتو فيه و علقاتو تاني لبسات تجاكيط و تجاكيط ديال سهيل ,,لي ولاو عامرين دم بسباب الواد لي دارت دار كاسكيطتها ودارت شال لي حتى هو مجلخ دم ماداتهاش فيه خشات يديها في جيابها طمنات بلي الطحالب و سم ماسرا ليهم والو ,,ودارت عندهم;انبقاو هنا
سهيل ;ها
سندس بالغوات;وااااااش تبقاو تفرجو في زيدو تقودو تحركو ونتوما حالين كركم كنشطحو القرودة هنا ,,راه القرودة لي كانو هاهوما مشبحين قدامكم زيدو
تخلعو المرشد مازادش الهضرة زاد هو اللولاني و تبعو الجندي لي سروالو فازك بالبول عاد سهيل لي باقي ماستوعبش هادهي لي سرا تلفتات فيهم;را خاصنا نجريو ,,ماغايدوزش بزاف ديال الوقت باش القرودة لاخرين ,,يكتاشفو بلي هاد الزوامل ميتين و غبداو يقلبو عليهوم
سدات جيوبة بإحكام ;تحركو
بدات كتجري هي اللولة و في جنبها سهيل و لبوال و المرشد موراهم هوما لي كنعت ليها منين تدور وهي كتجري متبعاه تعليماتو حتى دخلو المخيم
***انيس لي كان بدا كيحل عينيه بعد ساعات طويلة من النوم ,كان في جنبو امير بارك حداه و الطبيب واقف كيقيس ليه النبض اما صوفيا العاهرة مابقاتش عتباتها عندو ;ممم شنوو احححح سرا
امير;فقدتي الوعي ديالك هي خمسة السوايع تقريبا
انيس بألم;و (تدكر داك الخيال و من قرب ليه غي شاف فيه وهو يغيب)(بسباب السم فمقدش يركز )شك
الطبيب ;سي انيس خاصك الراحة الملازم هو لي ضربك لعنقك وبسباب الدقة غبتي ,,ومزيان ليك قدرنا نربحو شوية ديال الوقت ,,ونيت ماتبقاش تحس بالام ,,حيت كيف ما سبقت و قلت ليك مايمكنش نعطيوك مهدأت
انيس مغمض عينيه بسباب الالم لي تزاد تدكر نهار ضرباتو سندس لعنقو نهار العملية ديال جاك حل عينيه بصدمة;مممم سن د
امير;هش اصاحبي هش ماخاصكش تدوي
انيس;مممممممممم
***
حلو ليهوم لباب و تمو داخلين كلشي واقف كيشوف فيهم كانو فحال هادوك لي جاو من الحرب و بالخصوص سندس لي كانو حواايجها كلهم دم ماداتها في تاحد مشات ديريكت الخيمة ديالها
جا واحد من الشباب عطا السلام لسهيل;شاف ,,راه شاف انيس فاق
حرك راسو باه وهو كيشوف في سندس غادة كتعنكر ,,اما المرشد مادواش مشا ديريكت الخيمة لي عطاهم ,,اما البوال فكان بحال الزومبي وجهة صفر مخطوف منه اللون شاد كلاهنكوف وغادي بشوية كيتمشا وكل ماكيدور في مخو هو هدا العزي من نحراتو وطاح راسو في جيه و جسدو في جيه
,,اما سندس دخلات الخيمة ديالها حيدات شالها و كاسكيط بالزعاف لاحتهم الارض لاحت تجاكيط طوعاتها هي وتجاكيط ديال سهيل حيدات سيف حطاتو مشات جة ديال واحد لبانيو غطسات يديها بجوج كتغسل يديها من الدم و كتحكهم بالزربة بدات كتخوي لماء على وجهها غسلاتو لبانيو ولا لونو حمر جبدات فوطة صغيرة مسحات بيها و مشات جهة ديال ساكها دارت لكود حلاتو جبدات دو بياس كحلين حيدات حوايجها لبساتهم جبدات سرول سورفيط حمر نايك مع صدرية كحلة لبسات فوقها بيل نص كم مهلهل بيض وتجاكيط ديال سورفيط حمرا خلاتها محلولة جبدات شال كحل ديال صوف لواتو على عنقها مع كاسكيط بيضة خشات سيفها ولفردي ودوك الحوايج لي حطات دارتهوم من بعد ماخدات القراعي حطاتهم سدات الكود ديال ساك و خرجات من الخيمة لفتات وجهها بان ليها سهيل واقف كان مبدل لابس سروال بارا كحل مع بيل كم كحل كاسكيط خزية و بورودكان دار يديها على الشال وتمشات جهتو;سهيل
شاف فيها;نعام الاساسان
سندس ;سمحلي على قبيلة و
قاطعها بابتسامة;دابا عرفت علاش عمي حسن سيفطك هنا,,نتي ثاني اقوى واحد في المخيم من بعد انيس ,,هه ماكين لاش هنو بغيتي؟
سندس;فاق؟
سهيل بحزن;اه
سندس كرزات علا يديها;كنت بغيت نوصل قبل من الوقت و
حط يديه علا كتافها;نتي درتي كثر من جهدك ,,درتي داكشي لي مقديناش حنا الرجالة نديروه كيف قلت ليك انيس محضوض حيت كينا في حياتو ,,,ماكيناش شي مرا تقدر تواجه هادشي شفت حتا شفت في النساء وعمرني هفت شي مرا قوية بحال ,,انيس ايصبر الالم هو قوي ,,ونتي اتعالجيه
سندس حركات راسها باه;بغيت الليمون و العسل ومن الافضل يكون حر,,و بغيت الملحة الحية ,,و هي وعاء كبير و حجرة ,,خاصني نصايب ليه اكخلطة دغيا
سهيل حرك راسو باه;اوك سيري نتي الخيمة ديالك حتا نعيط ليك ,,ماخاصكش تبقاي تدورو وبالخصوص من بعد داكشي لي سرا قاع الاعين اتولي عليك ,,دخلي دابا انا انجيب هادشي ونجيبو ليك ,,ونيت بينما خرجت امير من الغرفة باش تبقاي معاه بوحدك
سندس بابتسامة ;مزيان انا نتسناك
تمات غادة وهي ترمق صوفيا كتطلع فيها وتنزل دار ليها بيديها هاودني منك و زادت بغرور ,,اما صوفيا لاحت واحد الحجرة بزعاف;انا نوريك القحبة ,,,انا غنربيك مزيااان اتسناي علي
دخلات الخيمة ديالها بركات في النامسية الارضية و ربعات رجليها كتفيبري ركبتها جبدات القراعي ستفاتهم قدامها ,كتشوف فيهوم وعقلها في جهة اخرا
***
هل ادا بحت بالدي في خاطري من اشتياق ,,تنطفي ناري ولا يؤدي لهيب
هل ادا صحت الهوى من اضلعي,ظل الصمت منك يأتي ام تجيب
,,,, يا حبيبي
كل شيء بعد عينيك انتحار للأمان ,,كل ما حولي غريب
كم كبير مظلم داك الفراغ,,بين ضلعي والفؤاد
لو حبيبي فيه تغفو من جديد,,كنت أحيي من رمادي,
كان جلدي شف عن روحي قليلا,,مثل نور من ندى
او عريشا من ورد صار جسمي ,,فاح في كل المدى
كان موج من بريق يحتويني,,تم يغفو في عروقي
كان قلبي صار في صدري شفيفا,,مثل شمس في شروق
,,,,يا حبيبي
كيف أحيي دون عينيك الغوالي ,,يا إلها من جمال
كل حلو منك جزء كل سحر,,فيك بعض واحتمال
كل شيء فيك ارض من قصيد,,أو بلاد من خيال
أنت نثر صيغ من ماس وتبر,,أنت شعر من محال
أنت ماقالت قوافينا صريحا,,أو مجازا لا يقال
***كانت ساهية كتفكر و كتشوف في نقطة وحدة يديها تحت دقنها وكتخمم اكيد فيه هو لي شاغل تفكيرها ليل ونهار ,,انيس لي حداها ومتقدش تلمسو ولا تقرب منه ,,خاصها تبقا مخبية متخفية حتى على عيونو ,,شنو هاد العقاب ياربي لي عاقبهم ,,انيس كيتعدب قدام عينيها وهي لي تقدر تعالجو ولكن بتخبية ,,(هزات يديها كانت دايرة ساعة كحلة مائية ):مالوتعطل هدا؟
قاطعهاصوتو لي كان برا;سندس
سندس ناضت بسرعة;سهيل دخل
هز الغطا ودخل حط قدامها وعاء كبير ديال الطين وفيه داكشي لي طلبات;هاهو داكشي لي طلبتي ,,العسل لي خدا وقت حيت مشاو جابوه من الشهد
سندس حركات رراسها باه بركات في الارض مربعة رجليها فرغات الوعاء في الارض جبدات زيف مسحاتو مزيان ونظفاتو حلات قرعة ديال الطحالب الحمراء خواتهوم مع العسل جبدات موس وبدات كتقشر في الليمون كتلوح في الوعاء غي قشورو ,لملحة شدات زيف خشات فيه لملحة لي كانت باقا صاينة ولواتها مزيان وشدات حجرة بقات كتضرب فيها حتى تفرتت داكشي ولا غبرا حلات الزيف وخواتو في الوعاء شدات لحجرة وبدات كتخلط بيها في الوعاء و كتمعس الطحالب وكتخلطهم مع العسل وقشور الليمون و الملحة ,,حتا ولا داكشي معلك بلون بني قاتم حلات القرعة ديال الماء دنهر وفرغاتو و كتحرك بشوية حتا ولا خليط
هزات راسها في سهيل لي كان مراقبها دقة دقة;كلشي واجد خاصني اندخل اللخيمة ديال انيس
سهيل;والسم ؟
سندس;كين شي سم كيتدار مع العلاج ؟غنديرو ليه هو اللول عاد اندهن ليه الدواء باش يمص السم
سهيل حرك راسو باه;اوك انا انتكلف باش نخوي ليك الخيمة ,,من هنا خمسة دقايق تبعيني
سهيل;دخلي راه صدرت امير قلت ليه سير رتاح انا غنراقبو
حركات راسها هز ليها الخامية و دخلات كان انيس حاط يديه ليمنية على صدرو اما ليسرية مايقدش يحركها وجهه عرقان حمر و مغمض عينيه كيتألم بصمت و عاض على قنانفو ,,فجأة جات رياح حاملة عطر ديجا حافظو ومتغلغل ليه في داخلو وقلبه بدا كيدق فجأة تاني و انفاسو كتسارع حل عينيه بسرعة في جهة ديال الباب كان نفس الخيال كيبان ليه غا هو غادي و كيقرب و حد ماهو كيقرب و الرؤية كتبان شوية بشوية ,,شخص ملثم وعامل كاسكيط وجهه مدرق ولكن الريحة ,,مايمكنش يكون غالط فيها ,,مايمكنش ,,كيشوف فيها باغي يتأكد ,,باغي يعرف ,,باغي يمحي شكوكو ,,تقدم نحو سهيل وقف في جانبها و شاف فيه;هادي الملازم سمران العلوي لي قلت ليك عليها هي عندها دراية بحالتك وغتقد تعاونك
انيس كيتألم;ممم و
سندس شافت جهة ديال سهيل قربات حدا ودنيه و همسات;بغيت مينوط
سهيل شاف فيها بصدمة و قرب لودنيها;لاش ؟
سندس شافت جهة ديال انيس لي مخرج عينيه فيهم و عاود هضرات بهمس;باش نحكم ليه يديه راه غيتألم
حرك راسو باه ;انا راجع دابا
مشا وخلاهم بزوج كانت كتشوف في وفحالتو لي وصل ليها ,,ماكرهاتش تعنقو و تواسيه ماكرهاتش تدفن راسها في صدرو ونيفها في عنقو تستنشق ريحتو ,,تبكي في حضنو ولكن (تنهدات)ديما القدر كيلعب لعبته وكيبغي يبعدهم على بعضهم كتشوف ليه في عينيه لي مختارقينها ,,كيحقق فيها باغي يكتاشفها حل فمو بشوية;شكككون ننتي ؟
ماتقدش تجاوبو ماتقدش تدوي نخلاتو حطات داكشي من يديها و مشات جهة ديال نامسية ارضية قريبة ليه جراااتها حتى قربات تلاصق مع سريرو هزات داكشي من الارض و حطاتهم فيها هادشي كامل تحت انظارو مراقبها فجم حراكاتها تلفتات بان ليها سهيل داخل مشات في اتجاهه ;ارا
عطاها المينوط و مشات جهة ديال انيس;شنو
حطات يديها جهة ديال فمها;شششث
سكت بلا هواه خدات يديه الليمينية ركبات فيها المينوط ولصقاتو في واحد الحديدة دارت جهة ديال سهيل حركات ليه براسها خرج حنا راسو وزاد شاف فيها انيس بتعب;شكون نننتي
مادواتش معاه ومهزاتش راسها فيه خدات مقص و حطاتها على لفاصمة لي داير في صدرو قطعاتها ليه كانو ثلاثة الحلات وحدة ثمانية الغرزات الوسطانية عشرة ولي حداها كبيرة تكون شي خمسطاش عينيها دمعو عضات على قنانفها بغضب حتا الدم سال منهم لاحت ليزار لي دايرين لي في الارض كان لابس شورط يله بغات تحط يديها وهو يمنعها;حبسييييي ممم
مدواتش معاه حطات يديها وجراتو عيا يقاوم فيها مع العيا والتعب ورابطاه و زيد السم عيا حيداتو ليه خلاتو غي بكالسو هزات راسها فيه كان مغمض عينيه و مدور راسو بحال يلا ماراضيش تنهدات و مشات جهة ديال النامسية هزات قرعة ديال السم ومشات في اتجاهه هو كان باقي مغمض عينيه و كيتألم وبالخصوص من تعرا صدرو والبرد زاد الالم هزات موس ديال الفتيح و مشات جهتو شافت فيه و شافت في يديه بسرعة حلات ليه جرحة صغيرة في يديه ;اممممم
حل عينيه ;مممممم
مسحات ليه الدم بفاصمة و هزات قرعة ديال السم حيدات الغطا وبلاستيكة لي دايرة ليها خواتها في ديك الجرحة لي دارت ليه شاف فيها;ممم شنو ممممم درتي ممممم
وسرعان ماتحول الانين ديالو للغوات كيتهز و يتحط و كيغوت ربي لي خلقه وجهه حمر و لماء هكاك في لحمه كامل عرقان و فمه ولا بيض و الكشاكش بداو كيخرجو ليه من فمه حيدات وعينيه بداو كيتغمضو حيدات الشال على وجهها وحزماتو جهة ديال دراعو باش مايوصلش السم القلب حزمات ليه دراعو مزياان هزات وعاء كان فيه العسل دارتها بلاصة ديال الجرح لي دارت ليه وبدا كتمص وتدفل ,,تمص وتدفل وهو كيتهز و يتحط في النامسية و كيغوت ربي لي خلقو كشاكشو خارجين و عينيه فالتين ,,,,حسات بلي خرجات السم لي فيه ,,هزات عينيها فيه ومشدات فاصمة مسحات ليه الكشاكش لي في فمه ,,حطات يديها على الكالسو نزلاتو ليه كان هو شبه غايب على الوعي ,,خلاتو سولو هزات داك الوعاء غطسات يديها فيه و بدات كتدهن ليه لحمه بدات من صدرو وبدات غادة لكرشو دوراتو جهة ليمنية دارت ليه ظهرو و دراعو عاود رداتو على ظهرو دارت ليه يديه و فخادو طلاتها ليه كامل كله حتا من وجهه من غير عينيه ,,كله ولا ملون بالبني ,,حطات الوعاء من بعد مادهنات ليه لحمو كان هو مغمض عينيه ,,شدات يديه الليسرية وبدات كتحركها ليه وتماصيها ,ليه ,,كان هو غايب على الوعي ,,وبسرعة غرسات يديها في جهة ديال كرشو وهو يتهز و عينيه خرجو
شارابوفا الجزء 30
محتوى القصة
التنقل بين الأجزاء