اصبح يوم جديد ...كان ناعس على كرشو في سابع نومة وحال فمو شوي حتى بدات كتسلل شوية شمش من شرجم وضربت فعينيه حتى حلهم شوي لتحت.. شوي هزهم باقين مسدودين حاى ضربت فيهم شمش بان لونهم الاخضر الفاتح عطا شعا بشمش بقا شوي وهو يضور بخفة تقلب وجا كالس عينيه مغوبشين وحاجب مهزوز ولاخور محدور من اثر نعاس...مسح على وجهو وناص مشا دخل لدوش دوز على لحيتو بطوندوز وحك سنانو عاد غسل وجهو مزيان بالماء الفاتر وخرج لبس سروال سيرفيت فلكري عندو القعدة بحال سروال قندريسي ولكن هو ديال سبور لاصق مع رجلين ..وتقاشر ولفوق لبس تيشرت ديال سروالو فلكري ومكتوب بالاسود قاد شعرو ورش ديدورون ولبس كلاكيط فرجلو وخرج لبيت عندها كانت ديك ساعة سبعة صباح حل لباب بشويي طل عليها لقاها ناعسة مسطحة باقي مغاتقدرش تنعس على جنبها حالا فمها دخل كيتسلت حتى وقف عند راسها كيشوووف فيها لحضة عينيه فيهم بريق من نوع خاص فور مكيركز فيها قلبو كيبقى يضرب وخا كان قاسي عليها فايام السجن وخا كان كيعرضها لانواع الذل والتعذيب كان ممكن ومعول انه يعذبها باكثر من ذلك كان ناوي يحتاقرها ويذلها بتريبل باش ذلها كان موجد ليها اكثر انواع العذاب الاليم الي ميتحملو راجل فمبالك هاد الكيان الضعيف الي قدامو والي خلاتو يضعاف حتو هو ويتراجع على فكرة الانتقام ليس لعمو فقط بل انتقام ليه حتى حيث عشقها بكل جنون هيا عينيه هي البنت الي كان كيحلم بيها طول حياتو وفي الاخير يسمع عليها انها قتلت عمو وهضرة واقاويل تقالت عليها فالفيلاج كيف ديما المجتمع ديما ضالم المراة وهو طبعو رجولي قاصح بزاف الى بغا كيبغي مرة وحدة وبجنون والو غار غيرتو مجنونة حتى انه من كترت العصبية ديال لغيرة ممكن انه يقتل على محبوبتو وهادشي الي وقع ليه فاش الكلام تقال عليها ثار ولا مجنون ورسخ فعقلو فكرة الانتقام بطريقتو هو ولكن فور مشافها تلاشت فكرة الانتقام شيئا فشيئا حتى ولى كيقلب ويبحث باش يكدب الفكرة وتبقى محبوبتو فعينو كيف بغاها وهادشي بدا كيبان ليه تدريجيا حتى نسا الفكرة اللولة وبدا فتطبيق الفكرة الاخيرة ...هبط بشوي باس ليها راسها وقبل شفتيها بحنان كيستنشق ويتحسس نعومتهم وخرج مشا لكوزينة دار كبسولة لقهوة كحلة فماشين الاكسبريسو شعل كارو ديالو وتقاد مع شرجم كيشوف فقطرات الندى الي هابطة ...شرب القهوة وكمل لكارو وهي دخل لخدامة بان ليها وهي تمشي بدات كتزرب
غيث : تم خارج ...وجدي لفطور الي وصيتك عليه وتاكدي من كل حاجة تكون طرية وطبيعية ...نص ساعة ودخليه ليها وتاكدي انها بدات كتفطر...قال هاد الجمل ومشا لبس صبادري وخرج دار رياضة صباحية جرا ما يقارب ساعة ونصف فديك الغابة بتيشرت وخا كان البرررد ونقيطات الما كيهبطو ولجو ممطر معلن على بداية شهر ثلوج فديك المنطقة ،،كمل ورجع لفيلا دخل نيشان حيد حوايجو كلهم ودخل دوش وخرج لبس حوايج الخروج سروال دجين بلومارين وقميجة فنفس اللون حل ليها صدايف لقداميين حيث مزيرة عليه وفوقها تجاكيط فالاسود رش بارفانو الخاص وساعتو رجع شعرو لور كيف العادة وتقاد ومشا لبيت طل من بعيد مبغاش يزعجها حتى تنسى شوية ورجع سد لباب مشا هز لكونطاكت وهز تيليفون لقا ميساج من عند مهدي فيه نمرة الطبيبة نفسية والاسم ديالها اسمها مريم العماري خدا نمرة ديريكت دوز الاتصال ليها جاوباتو فيساع حيث ديجا داوي معاها مهدي ديك ساعة وعطاها نمرة غيث ...
مريم : الو وي مسيو غيث...
غيث : نص ساعة هكاك غانكون عندك ..
مريم : وي مسيو غيث لغيت كاع مواعيد اليوم كنتسناك...
غيث : مزيان...قطع الاتصال مشا لعند لخدامة عاود وصاها على ليالي تنتابه ليها وخرج ركب وكسيرا باقصى مايمكن من سرعة موقف حتى لعيادة ديال طبيبة نفسية
نفس االوقت الي عطاها هو الي وصل فيه بلاصة وطلع نيشان لعندها لقاها فاستقبالو هي بنفسها كانت سيدة فثلاثينيات من عمرها شقراء ناعمة البشرة ونضرة عينيها خضرين بخلاصة رائعة الجمال وغير شوفة فيها كيتفتح قلبك والابتسامة مكتفارقهاش وهادشي الي مخلي ناس توافد عليها بكثرة نضرا لعفويتها وطريقتها فالهضرة مع مرضاها،، خدا منها المهدي موعد باسم غيث وشرح ليها الحالة وحيث اسم غيث ولا معروف فافران فتكلفت بنفسها تلغي لمواعيد وتستقبلو وتخصص ليه نهار كامل ...كيف دخل سلمت عليه وسدت الباب خلات لاسيسطنت حالة فمها فيه ...
مريم : مرحبا بسيادة المدير نورتينا...
غيث : حذر راسو وطلعو كنوع من تحية بلى ميضحك حيث من طبعو قليل الابتسامة وغير مع ناس معدودة او شبه منعدمة ...ندخلو فالموضوع اكيد عرفتي علاش جيت وشرح ليك صاحبي كلشي اشنو فنضرك ؟
مريم : احم واخا تعاود ليا نتا بنفسك نسمع منك حيث صاحبك حكا غير ملخص وميمكنش ليا نشخص عاد نعطيك تقرير ...حكا ليها كلشي حتى من لحضات الحرجة وحتى اش وقع ليه بلى حشمة بلى حيا تا تزنگت طبيبة 😂...غير كمل بقات كتكتب وهي تحط ستيلو وتقادت معاه ...اش غانقوليك هي الحادثة تنشرات فجهة افران كلها ومكاينش الي مسمعش بالحادث ...وهي حالة منقولوش صعيبة وانما كتبغي "الوقت" وكناكد عليها هي خاص تبغي تجي راسها وتحكي راسها المريض الننفسي عندنا مكنجيبوهش حنا كيجي راسو باش كيسهل عليه العلاج وحتى فطريقة كلامنا معاه كنحببوه فانه يهضر ويسلمنا همومو يعني هضر معاها وخليها هي تجي من تلقاء نفسها ،، غيث : مبقاتش كثيق نهائيا فحتى حد
مريم : هادي ردت فعل طبيعية من انسانة عاشت محاولة اغتصاب رجال كتجيهم ممكن تنسى ولكن النساء الى تعرضو لهاد الحالة كتكون صعيبة كيبقى سؤال واش حاول يغتاصبها او اغتاصبها ؟اي بمعنى اخر بداريجة واش دخل عليها..
غيث : خنزر حتى ولا عينيه كيخلعو وزير على قبضة ايديه حتى تخلعت طبيبة منو ...كيفاش ؟؟
مريم : مم بمعنى و
غيث : خبط فالمكتب حتى قفزت ...نطقي
مريم : بمعنى يكون كيف كيقولو ضيعها فشرفها...يعني شيز نوت فيرجن ..طارت لسما ونزلت بسباب صرخة خرجت من اعماقو حتى وقف ودفع لكرسي برجليه حتى تشتت ...س سي المرواني تهدن هادشي باقي ممتاكدينش منو وعلى حسب هضرتك كيبان ليا مغايكون الاحتمال الاخير حيث ردات فعلها نوعا ما طبيعيين كالم طوا...ولات كتقفقف من المنضر ديالو ثار كيف المجنون...
غيث : ضور وجهو ناحيتها بعينيه كيف الجمر...غادي تمشي معايا حتى تشوفيها وتهضري معاها بنفسك
مريم : وخا اسي غيث عطيني لعنوان وانا بعد ساعة نتبعك بطوموبيل ديالي...ولكن خاص تكون باغا هي..
غيث : غاتجي معايا بصفتك صديقة غانعرفك عليها على هاد الاساس وديك ساعة ديري خدمتك ...مغانتسناكش ساعة سدي العيادة ويلاه معايا...
مريم : ولكن ...حمر فيها وهي تقفز وقفت حيدت طابلية ولبست تجاكيط فوق حوايجها وهزت صاكها ولوازمها وتبعاتو كتجري وصات سكريتيرة ترد لبال وخرجت معاه غير ركب كسيرا باقصى سرعة نيشان لفيلا...خرج من سيارة شعل كارو كماه شوي حتى حس براسو بدا يتهدن وضار ناحية طبيبة...
غيث : هي دابا مريضة دارت عملية استئصال كلية كيف شرحت ليك قبيلة ولكن حاولي معاها ...اشارت ليه بالايجاب مشا سبقها وتبعاتو دخل سول عليها الخدامة قالت ليه عاد شربت دواها ومتكية خلا طبيبة فصالون ومشا نيشان حتى لثلاجة صغيرة الي فبيتو هز كاس خوا فيه شراب سكل عليه دقة وحدة حتى غمض عينيه وخرج مشا ليها حط ايديه على لبواني وهو يحط جبهتو على لباب عض فسنانو كيتمنى يكون العكس وميكونش الي فبالو تخربق كان من ديما كيتمناها ليه كاي رجل شرقي تكون طاهرة وهو اول واحد يديفيرجيها وخا عقليتو امريكية ولكن هي بذات تمناها يقيسها هو يقرب ليها هو كلشي فيها يكون ليه هو كان ممكن يضغط على راسو ويصبر ولكن الى ثبت ان عمو فعلا حاول او فعلا اغتاصب فهنا غايكون الفرق من جهة محبوبتو ومن جهة عمو ...حاول ينفض هاد الافكار ويرجع بزز منو عادي..حل لبواني من بعد ما دق دخل ولقاها كالسة كتلعب فصباعها هزت راسها وهي تكحز بلور...
غيث : شش كالم جيت غير بغيتك الى قدرتي تستقبلي واحد الشخص..
ليالي : ؟؟؟
غيث : صديقة ديالي بغات تعرف عليك..
ليالي : دارت فيه واحد تخنزيرة كن كانت قرطاس كن قتلاتو...قادت نضراتها بسرعة..احم في نعاس ...
غيث : حشومة عليك هي جات بغات تعرف عليك منبغيهاش تقلق بليز شوفيها ومن بعد متبقايش تشوفيها..
ليالي : الى مبغيتيهاش تقلق سير عندها نتا ومغتقلقش اش غادي دير بيا انا قوليها عيانة مقادراش نوض...
غيث : حبس ضحكة..ههه واخا انا نقوليها تجي عندك هي...مخلاهاش تهضر خرج وقاليها دخل عندها ودخل هو وياها حتى لعندها غير شافتها وهي تحل فمها فيها...كنقدم ليك مريم صديقة خاصة...
ليالي : كيفاش خاصة..هححم متشرفين سمحي ليا منقدرش نوض مريضة...بضحكة صفرا..سلمت عليها متشرفين كتباني زوينة بزاف وخا المرض ...خههه شكرا ☺️...جا غيث وكلس حداها قرب حتى لودنها...شفتي شحال زوينة ومصوابة اححح شوفي لفم كيف داير..
ليالي : كتهضر وسنانها لاصقين مع بعضياتهم...نوض من حدايا اعنيبة سير بوسها فشي قنت وخليني نعس...
مريم : متفهميش غلط انا الي اصريت عليه نشوفك حيث حكا ليا عليك وعلى جمالك وعفويتك وخجلك وحكا ليا حتى كيفاش كتصرفي الى حشمتي وكيفاش كدخلي وتخرجي فالهضرة...هههه
ليالي : هادشي كلو قالو...
مريم : وقالو وهو ناسي راسو عينيه كيفاش كيلمعو ملي كيكون كيهضر عليك لفرحة كتبان من عينيه وكيهضر باريحية...
ليالي : مبقيتش كنثيق فاي مخلوق كان ...اكثر شخص وقف معايا صدق خاين وكداب اكثر شخص ثقت فيه خدلني ...بغيتيني نثيق فهذا هههه
مريم : دائما الاشخاص الي كياديونا هما فالاخير الي ككونو صادقين لا فمشاعرهم ولا حتى فكلامهم وفافعالهم...انا مغنضغطش عليك ولكن حاجة حاولي تعطيه فرصة والا !! الى فات حتى مشا من بين ايديك هاد نوع معمرك بقيتي تلقايه وخصوصا بمواصفاتو صدقيني انا ومكرهتوش...هزت فيها ليالي عينيها وهي تخنزر فيها...وخا شكرا على نصيحة...
مريم : كيف قلتي مكثيقش ولكن نتا حاول تخليها ترجع ثيق وفيك اكثر انا قلت ليها مزال غارجع عندك ولكن وحاول متخبيش عليها موضوع انك ولد خو الشخص الي ..
غيث : عارف..تقدري تفضلي نوصلك...ابتاسمت ليه وسبقاتو خرج وركبو وصلها حتى لعيادة ورجع ديريكت لفيلا...دخل بدل حوايجو بقا غير بسروال كيف العادة دار كاسكيط مقلوبة على راسو دار ايدو فجيبو ولايد لاخرى هز بيها تيليفون وخرج كيبقشش فتيليفونو خاشي فيه راسو كيف خرج من البيت تم غادي حتى تصاطح مع شي حد وسمع انين هز راسو بهلع لقاها شادة جنبها وكتنين...غيث : فااك ...لباس ؟؟ بقات شادة جنبها ...واش لباس النم هضري 😡
ليالي : ماما ...بشوية مالك كتغوت خلعتيني ونتا فين عقلك الي جاي وخاشي راسك فداك ش ..شافت فيه ثاني عريان وهي تلف ش شق شقف قف..
ليالي : ولكن غايجي واحد نهار وتولي بحالهم وتفكرو فيا نفس الفكرة...
غيث : تت ابدا كن غاندير بحالهم منديرش هاد المعماعة كلها ولو كان تعرفي اسبابي غاتعذريني ليالي علاش مبغيتيش تفهمي بالي كنبغيك وكنعشقك لدرجة الجنون هاا
ليالي : كيفاش ؟؟
غيث : زاد قرب ليها اكثر حتى مبقا كيفصلهم والو وهو يجرها من رسها وتبت عليه خصرها وطار عليها بقبلة حنونة ودافية كتحمل كل مكيحس بيه مرورا ليها حتى غمضت عينيها وترخات والمفاجئة انها حتى هيا تجاوبات معاه حتى كالاها مع الحايط كيبوس فيها ويجر فشفايفها وايدو لاخرى كتتنزل وطلع من ضهرها حتى لتحت شوية هزها وشفايفهم ملاصقين بقا مضارب خشا لسانو كيلعب فلسانها حتى فصل لقبلة وشاف فيها مستغرب حيث حس بدموعها دخلو لفمو واستطعمهم ...وات هاپن...بعداتو عليها وهي تم راجعة كتعكز مع الحايط لبيت
ليالي : اهئ اهئ منقدرش منقدرش ...شاف مطولا وهو يمشي لعندها ...بشوي اجي عندي شش متخافيش هزها بين دراعو حتى حطها فوق الفراش وغطاها وهي كتبكي ...
غيث : ششش ماوقع والو دابا ..ماشي مشكيل انا معاك حتى تقدري راسك ...مغانبزز عليك والو...جاست كالم داون بب نعسي دابا من بعد..باسها فراسها وخرج اما هيا دورت وجهها كتبكي بكل ما اوتيت حتى غفات عينيها ومشات ...
دازت يومين وحالة ليالي الجسدية في تحسن وغيث مكيخليش من جهدو فالاعتناء بيها حاطها فعينيه ومحاولش ابدا يقرب ليها ولا يقيصها كلشي كيجي حتى لعندها اكلها شربها لافات تدواش كتعاونها الخدامة الي فالفيلا ....اليوم قرر باش يخرجها من البيت وتكلس فجردة تنفس شوية وتشم هواء الحرية الي مداقتهاش من نهار تشدت ...كيف العادة فاق فصباح دار روتينياتو اليومية دوش ولبس وتعطير الخ ....لبس غير حوايج سبور حيث غايبقا فدار لبس جاكيط على شكل جيلي كحلة ديال سورفيت لفوق من تيشرت بيض ومشا ديريكت لعندها البيت حل لباب من بعد مادق ودخل لقاها كالسة كتشوف فشرجم من ناموسية ...لابسة بيجامة فالازرق موبرى دافية طويلة حد ركبة مع كولون ديالها تاهو ودايرة ضفيرة فجنب كتلعب بايديها وكتشوف وتخمم حتى دخل وحنحن وهي دور ناحيتو شافت فيه ورجعت شافت فشرجم ...
غيث : مترضيهاش فوجهي بليييز...شافت فيه مطولا وهي تحرك ليه راسها بالايجاب...وقفها بشوي عاونها تلبس لمونطو ومشا جاب كاشكول طويل ضورو ليها على عنقها وهو يحبس شوي كيشوف ليها فعينيها...عينيك زوينين...black eyes
ليالي : احم...صافي كملتي...
غيث : ههههه حك فراسو ...وخا يلاه مد ليها دراعو ...غمزها...يلاه ...بقات كتشوف ليه فدراعو وفيه ...ويلاه دغيا علاش غتعكزي غير ثيقي بيا مغندير ليك والو هههههههه...نفخت وهي تخشي ايديها فدراعو وحيث طويل عليها بزاف وهي قصيرة كتبان هي الي لاصقة فيه هههه...بقا غادي معاها شوي بشوي حتى وصلت لطابلة فجردة تحت لباش كانت كليسة مقادة زوينة فيها مخيدات وفراش بلدي وسطها طابلة عامرة بالفطور كلو طبيعي مئة بالمئة بتوصيات منو هو شخصيا ....كان فيه قهوة معطرة بلدية (طايبة مطبوخة على خاطرها على نار مهيلة مع العطور )وحليب طري مع اجبان وانواع زيتو وزيت زيتون ولاداند مدخن ونقانق مقلية مع البيض على شكل اومليط ومطيشة مقطعة مع خيار ومرتديلا صنع منزلي وبيض مسلوق كلشي وجدوه على حسابها طبيعي وعصير ليمون وعصير برتقال كانت طابلة كتفتح شهية وتخليك تبتاسم لااراديا وهادشي الي وقع مع ليالي ...شافتها عينيها تحلو وهي تنطق...
ليالي : بدون شعور ..هننممم الله 😍
غيث : قلبو رفرف حيث شاف الفرحة فعينيها غير من حاجة بسيطة...عجبك ؟؟
ليالي : وااو شكرا بزاف...شدها وقربها بشوي عاونها حتى گلست وقاد ليها جنابها مزيان حتى طمان عليها وباس جبينها بقبلة حنينة ورجع هو تقابل معاها وكلس كان داير كاسكيط قلبها لور وتقاد معاها...جات الخدامة وكبت ليها عصير ليمون ( الحامض ) كيف طلبت وكبت ليها لحليب دافي مع معيلقة ديال لعسل ومنسم بفليو...عاد مشات كبت لغيث قهوة كحلة مقطرة بدون سكر جبد كارو بغا يكمي...وهو يحبس شاف فيها لقاها مغوبشة وكتشوف فيه...حط لكارو وهز ايديه على شكل استسلام...اوكاي اوكاي دونت وووري..خدا كاس ديال لقهوة شرب منو وحطو وهو يهز طبسيل حط ليها من لبيض مسلوق ومن مرتديلا وداند مدخن وشوي من زيتون وفرماج احمر ودهن ليها خبيز بشوية جبن وحط فوقو عسيلة وحطهم ليها قدامها داكشي الي كيعجبها وكالكل بالضبط حتى حلت فمها...
ليالي : باش عرفتيني كناكل هادشي!!!
غيث : الي كيبغي كيعرف كلشي على حبيبتو حتى ادق تفاصيل...ليالي : وشكون قاليك هادشي !! غيث : غمزها علاش عزيز عليك تبحثي فطري فطري اه غاتكملي هادشي كلو الي حطيت ليك عاد شربي دواك اوكي بب...بدات فطورها كتاكل شوي بشوي كياكلو فجو هادي كانت كتاكل وهو كيشرب فقهوة وحاضيها بكل حالاتها كيعشقها واحد شوي ونسات راسها امكن نطقتها بعفوية او نسات وفكرت بصوت مسموع وهي تنطق جملة خلات كلشي يتقلب ...ليالي : عرفتي واحد المرة فطرت انا وليزيد بحال هاد الفطو فط فطوور...نسات راسها ولكن كان فات لفوت هزت راسها باش تنقد الموقف باي طريقة كانت ..حتى بان ليها كاس تهز تالسما وتلطخ مع الحايط شافت قدامها بركان ثاير وعينيه حمرين وايديه مكرزين وعروقهم زادو تنفخو ....بدات كترجع بلور...
غيث : عاد وعا براسو غيرتو خلاتو يشوف ضلمة معقلش اشنو دار قبل قليل ( كن غا خليتيه يكمي الموصيبة ) بدا صدرو كيطلع ويهبط كينهج حتى بدا كيتهدن هز ايديه دوزها على شعرو بعضبية ونفخ...ااااىف فااااكك قل***بقا حتى تهدن بانت ليه مكمشة وهو يمشي قرب ليها غير حط ايدو وهي تقفز
ليالي : هيييييي ماما 😭
غيث : ششش كالم كالم مغندير ليك والو سمحي ليا...
بعد مني بعااااد حشومة عليك اهئ اهئ خليييني بدات كدفع فيه وتركل
ليالي : هااااعععع بعد مني بعد اهئ شي نهار غاتقتلني...ولا قتلني دابا وهنيني 😭😭جرها بزز منها وخشاها فيه وهي كضرب فيه بايديها هو محاس بوالو غاهي الي كتوعت ..بقات ضرب وهو خاشي راسو وسط شعرها وكيهمس ليها...
غيث : هادشي مناش خايفة...كيقيس فحناكها ويهضر...اولا انا كنعرفك من قبل متعرفيني نتي..
ليالي : كيفاش !!؟؟
غيث : هادي من بعد ونقوليك...ثانيا انا كندير الي فجهدي باش نخليك ثيقي فيا غير مسالة الغيرة الي منقدرش نسيطر على راسي خصوصا الى كان الامر متعلق بيك... ثيقي بيا ...قولي فيا الي بغيتي الا انني نشوفك مع شي واحد من غيري بربي نهاركم ميطلع فيه شمش وهاد المسالة مفروغ منها ومتناقشينيش فيها حيث هذا طبعي ....ثالثا مزلتي غاتعرفيني. مزيان وشكون انا غير خلي كلشي بوقتو نتي مريضة دابا وحاجة كيف قلت ليك خلي ثقتك فيا وكلشي غاتعرفيه ورابعا شعور متبادل غير نتي مبغيتيش وباغا تفششي عليا وهادشي بان ليا فاش تباوسنا شحال من مرة ،، نعاودوها باش تاكدي ؟؟غمزها...
غيث : شاف فيها وتشتت بالضحك....ههههههههههه عاد كنتي كتركلي 😂😂😂😂 اوففف... غانبوس مك نبوسك غابلاتي فطري فطري الحب احححح ...بقا كيضحك عليها وخلاها ومشا بعد شوية حتى كما كارو ودوز اتصال لمهدي باش يجي عندو ...دازت ساعة حتى فطرت مزيان وشربت دواها وداها رجعها كلست هاد المرة فصالون وجا كلس حداها دار نضاراتو وحط رجليه عالطابلة وكحز حداها كيبقشش فطابليت ومرة يهضر فتيليفون حتى دخل مهدي سلم عليه وجا سلم عليها حتى هي اول مرة كيشوفها ....قرب حدا غيث ..وهمس ليه ...
مهدي : واتيتيزة اصحيبي طحتي وعرفتي فين طحتي...
غيث : الله ينعل موك هديك خط احمر واش عزيز عليك نشبع مك معيور هاا!!
غيث : جرو من دراعو ...شش لهضرة ماشي هنا از** تانهضرو من بعد ...
مهدي : واخا وخا مهم غاندير اجتماع مجلس الادارة فالشوكة وكيخص تحضر ضروري تسني شي وراق مهمين ...
كانو كيهضرو وليالي بانت ليها الايباد ipad air ديال غيث عجبها شكلها وهي تهزها كتقلب فيها وتستكشف دخلت لاكوي ديالها كتقلب فيها وبالصدفة جا ميساج من عند سينتيا فالواتساب مع كتقلب معرفتش كيفاش حتى كليكات عليه وكان اوديو منها طلق ديريكت...وحيث ليالي كانت من الاوائل فاللغة الانجليزية فليسي كانت كتقنها مزيان ...
سينتيا : هيللو بيبي اشتقت لك واشتقت الى ليالينا الحمراء وعنفك اثناء الممارسة اووو ههه لا اعرف لماذا لم ترد على اتصالاتي اعلم انك مشغول جدا اذا سمعت رسالتي اتصل بي فور اي لوف يو ماي مانستر i love you my monster in the sex hahahaha اهذيك هذه الاغنية ...تعني كل ماعشناه على السرير ههههههه كليكات عالاغنية وهي تسمع
اغنية ديسباسيتو وهي تشعل البولة الحمرا فعينيها ...هزت طابليت وناضت بكل عصبية كتنفخ حتى وصلت لعندهم شافها مهدي وهو ينغز غيث ضار لعندها...
غيث : زين عييتي نديك لبيت...حطت ليه طابليت على صدرو بجهد...غانمشي راسي شكرا اه بغيت نعس متفيقنيش عيانة عطيني تيساع شوية 😡😡😡خلاتو كيشوف ومشات هز طابليت لقا نيشان الميساج سمعو هو ومهدي وهو يخرج عينيه ...
شييت شيييت شييت ....وات هيل ايز فاكين ذيس ...فاكيو سينتيا...بالعصبية مشا هز تيليفون دوز اتصال نيشان ل LA لوس انجلوس ...بقا كيتسنى حتى جاوبت نيشان كيف طلع ليها رقم ديالو...
سينتيا : بااايبي ميس يو سو ماتش ....
غيث : ز***تمك انا فاكيو الكلبة ياك قلت لوالدين مك متعيطيش حتى ندوي معاك انا هااا دوي سخن على لكلبة مك راس يا لق***
مهدي : والو كنشوف غير فهادشي الي وصلتي ليه اصحيبي ...نقولو سينتيا وعندها لحل جوج كلمات تق* ايه وهديك الي دخلت دابا وعاد كتحاول تكسبها اش غادير معاها دابا اصاحبي غادي تعاود ماااان لول
غيث : فرع لمي كر** تانتا ..
مهدي : بعدا حاجة زوينة هي ردة الفعل ديالها ديال دابا "غيرة " هادي مزيانة..تت غيث رخف عالبنت شوية هي باقي صغيرة ديها على قد عقلها ومتنساش دازت من مشاكل وهموم كثيرة وعاد كنتي كتكرفص عليها بالبيان اساط لذلك حاول ما امكن تصيطر على عصبيتك وصبر ليها بزز منك لا بغيتي تكسبها ...
غيث : كيحك فلحيتو بعصبية ...شي نهار غاتقتلني كتقاد من هنا وتعواج من لهيه ...اففف اففففف افففف ...بقا كينفخ بعصبية ...
مهدي : واحد نهارنيات كنت قلت ليك اصحيبي الى طولتي مع هاد زيتونة را مي والدة فيا غاسمن لمخزز...
غيث : شاف فيه بعصبية ولعافية خارجة منو ...ومن بعد 😡
مهدي : نمشي عند مي تسمن ليا ساموعيكم ..🚶🏻♀️🚶🏻♀️🚶🏻♀️..خرج مهدي فلت بجلدو وخلا غيث كيدور فصالون كيمشي ويجي ومرة مرة يدوز على راسو حتى حيد لكاسكيط رماها بزعفة ورجع بايديه ..ويرجع يخشيهم فجيابو حتى داز شوية لوقت حس بيها غاتكون تهدنت وهو يمشي نيشان لعندها لبيت حل لباب ودخل نيشان بلى ميدق كيف دخل لقاها مضاربة مع الماريو كتجبد لفوق بغات تجبد شي حاجة كتعنكش دار رجل على رجل مطوية وربع ايديه تكا عالباب حاضيها وهو يطلق غوباشتو وابتاسم لا اراديا كيشوف فيها كتجابد وكتنفخ وتبرغم وتصوط وتعاير بكلام عير مفهوم .. شوية وهي تجبد مزيان حتى ضرتها الفتحة وهي تغوت بشوي ...رجع عقد حواجبو بغا يمشي عندها ..عاودت رخات ايديها تا رتاحت وهي ترجع تاني بدات تجابد ...مشا حتى لعندها قرب ليها بشوية حتى لصق كرشو مع ضهرها وهي تقفز بغات ضور شدها من كتافها وهبط ايديه خشاهم وضورهم على كرشها بغات تبدا تنتر ليه ومخنزرة وهو يخشي وجهو فعنقها وهضر بصوت الى كنتي حجرة دوبي...
غيث : شش كالما كالما...ينعل بو هذا الي قلقك وخلاك تعصبي...
ليالي : طلق مني باقي متزادش هذ الي يقلقني ..
غيث : لهلا يزيدو الي قلق لحب نفرتت مو...
ليالي : وطلق مني...
غيث : نتفاهمو بعدا...
ليالي : مكاين مفاهمة مزلت مفهمتش علاش باغيني ونتا مع وحدة اخرى ولااا ههههه وحش فل فل 😐وانا مالي طلق مني بدات تاني وهو يضغط بايديه على كرشها....گلسي لموك ...هديك كاااانت واحد لايام غا صديقة فقط لتلبية شهوات لا بالنسبة ليا لا بالنسبة ليها يعني غا مدوزين لوقت وفضيت معاها وهداكشي الي سمعتي كان بيناتنا ولكن مكاينش حب والعلاقة الي مفيهاش حب فكلا طرفين را غير نزوة عابرة الحب العمر راك نتي الي فلقليب خاص غاتشوفي من حالي وحال هاد المسكين...
ليالي : باستغراب شكون هو ؟؟
غيث : احم ماشي دابا من بعد ونعرفكم على بعضياتكم ثيقي بيا غايعجبك حلو بحال لعسل اححح غاحني العمر دغيا باش دوقيه ...
ليالي : فينما كنبدا نثيق فيك كتوقع شي حاجة كلشي كيرجع من جديد اول حاجة كتخلعني كلشي فيك كيخلعني عصبيتك غواتك حتى لهضرة لخاسرة كتجرحني بهضرتك كيفاش بغيتيني ندير ...
غيث : غادي ثيقي بيا كوني اكيدة وخا يكون الي يكون نتي ...ضورها ناحيتو وقربها ليه ضور ايدو على خصرها ولايد لاخرى شدها ليها وحطها على قلبو...نتي هنا دخلتي اكثر من عام هذا وهاد القصة غادي نحكيها ليك بكل تفاصيلها ...هز ايدها وحط صبعها على راسو ..وعششتي هنا كلك ساكنة فيا نعطي عمري وحياتي فمقابل تكوني بيخير ...لهضرة لخاسرة دليل على عصبيتي وغيرتي عليك اليالي اول مرة كنبغي فحياتي اول مرة كنعشق شي حد لدرجة الجنون شي حاجة مقدسة بالنسبة ليا نتي.. هادشي مكنعرفش نعبر على معنديش مع هادشي ديال رومانتيك بات بيليڤ مي ..هادشي كامل عندي مترجم فعصبيتي الى سمعت شي حد قاسك او قرب ليك او فكر فيك وهذاك زا*** منبغيش سميتو تجبديها ولا هاد لمرة منضمنش ليك اش ممكن ندير الله يرضي عليك خليني مكالمي وغاتعيشي فنعيم ومتخليهش جحيم وانا كنحاول مافجهدي منخليكش تهربي مني ...اوكاي دييل ؟؟ شافت فيه وبعدت منو بلباقة ولكن كان حاكمها...وخا طلقني خليني نبدل حوايجي ..غيث : حتى ناخذ بوسة...هننن لا ...ااااا ..منطلقش تفكي راسك ...شافت فيه ببراءة وعفاك ...طلق منها وباس راسها ...اوكي ..اش بغيتي تجبدي من قبيلة ونتي تعنكشي تم...
ليالي : اهء اهء تتت والو بدات كدفع فيه من صدرو ولا هو تحرك...وناااري وضروني ايدي وتحرك.. وشي حاجة خاصة تما نتا مالك ياناري 😣...شدها من ايديها وقفها قابلها معاه...
غيث : واخا الي بغيتي ...كيهضر وكيقرب ومركز ليها فعينيها ...ماشي مشكيل انا غانخرج نبدل ونتي خرجي لصالون كلسي حدايا...
ليالي : لا خليني مبغيتش نخرج سيرفحالك سير هضر مع هديك...
غيث : وهااا لق*** دابا شتييي شتي نتي ممزياناش
ليالي : كن تحشم 😡
غيث : ياك هضرت ليك عليها مابقا بيني وبينها والو... انا ديال وحدة صافي،، اسمها ليالي وغاديري معانا حل وشوفي من حالنا دابا قليب واحد ديتيه نتي ...ونتي لحب ونتي الكبيدة ونتي لعمر ونتي نننن ...هز ايديه ونتي هادشي علاش كتقلبي ...قرب ليها قدام عينيها الويز شافتها وخرجت عينيها....وتزنكت تا بغات طرطق...
غيث : هههههههههههههههههههههههه واووفف هاني خارج ريلاكس هههههههههههههه ضار لناحية لباب وخرج كيتشتت بالضحك ...ايييياياي ..سد الباب ومشا خلاها بغات تشتت ماعرفت تبكي ولا تفقص ...هزت اولويز ودخلت لدوش كتهرنن الي لقاتها قدامها تقبسها حتى كتوعت عاد كدخل سوق راسها...دوشت غير جنازتها اما شعرها مقاستوش وخرجت لبست دوبييس دارت لفوطة صحية ولبست بيجامة جديدة سخونة وجمعت شعرها كعكة مهملة حست بجوع رهيب وهي تخرج بان ليها داخل لبيت حطت ودنها عالباب سمعت صوت تدواش ومشات لكوزينة الي كاينة في ريدشوصي ديال لفيلا طلبت من لخدامة دير ليها شي حاجة لعشا قادت ليها سباكيتي بالاصوص طومات وطون وفرماج احمر محكوك فوق منها قادت طبسيلها وحطاتو فوق لبلاطو وحطت حداه كاس كبير دارت فيه ثلج وخوات فيه كوكا كولا وحطاتو مع طبسيل وهي تديه راسها لبيتها يلاه دخلت وهو يدخل وراها لاوي عليه فوطة وصدرو كيقطر منو لما وشعرو مخربق ...
غيث : اححح زين بدلتي ياكما فيك لحريق صافا....
ليالي : مفي والو را قلت ليك ماشي انا ..وسير لبس الماسخ مالك مالك هكا... كتهضر وحناكها مطرطقين بسخونية هههه..بدا كيقرب وهي تبعد ...وسير ازبل تفووو ...
واقف قدام المراية لابس كومبلي فالكري وقميجة كحلة وكرافاط كري مقاد حالتو ولحيتو زادت كبرت حيث اهملها واهمل راسو ..كلس من لخدمة لدواعي صحية مرقتا على حساب ايدو ..كيشوف فراسو وفالحالة الي وصل ليها لدابا.. ايدو مضمدة ولاويها فباندة طبية ملوية على كتافو ...دخل عليه خوه علي كيهضر معاه وهو مهناش حتى قرب ليه وحط ايديه على كتفو حتى قفز...
علي : امالك من قبيلة وانا كنهضر معاك اخويا ...
ليزيد : مسمعتكش ...تت اففف حك عينيه بصباعو بحال كيدلك...عيييت اخويا عيييت هادشي فوق طاقتي مبغيتش نخطب مبغيتهاش وهادي الي خاطباها ليا عاجبها هاد الوضع وعارفاني مباغيهاش...كيفاش قبلت مفهمتش ..
علي : اش عندك مدير لوليدة صعيبة بزاف والى قلقتيها تخاف تمرض وتجرا ليها شي حاجة انا عييت معاها وحتى نتا مدافعتيش على حبك اخويا مدويتيش استسلمتي دغيا ماشي ليزيد الي كنعرف...
ليزيد : اما ماشي لخا...ترررن صوت الهاتف...الو وي ...كنت عيان شوية عاد شعلتو ياك لباس ...كيفااااش !!! بففف ومعرفتيش فينهيا ....لمرررررضضض وعلاش سمحتو ليه يديها ؟؟؟ اااه واخا...قطع وهو يهز تيليفون تالسما وخبطو حتى خرج ليه لباتري وتشتت...تفووووو...😡😡
علي : مالك اش واقع...
ليزيد : قول لوليدة تلغي هادشي حتى لمن بعد ونمشيو قوليها مريض ضراتو ايدو خرج عندها وسد لباب من وراك....
علي : ولكن ...ليزيد : هضرررررت هضررررت متعصبنيش اعلي...
علي : واخا اخويا...بففف ..ضار خرج وبقا هو كيشووف فلمرايا ...بربي لا بقات فيك اسي المدير...الى مندمتك على هادشي مسميتيش ليزيد ....
من بعد ماكلات وشربت دواها ..هزت لبلاطو وتمت غاديا بشوي حتى خرجت ومشات لكوزينة فطريقها بان ليها غيث شاد طابليت كيبقشش فيها وهي دوز دات طبسيل حطاتو لقات لخدامة كتوجد فصلاد سيزار لغيث ...تسناتها حتى كملتها وخداتها منها بغات تاخدها ليه هي ...مبغاتش لخدامة تخليها بحجة مزال مريضة ولكن اصرت عليها ودارتها فبلاطو وحداها كاس ديال ما سيدي علي وطلعتها ليه كيف دخلت لصالون تفاجئت عاد خلاتو كيبقشش فطابليت ودابا ناعس حاط راسو على لفوطوي ومغمض عينيه وحال فمو ومشتت فوق داك لفوطوي هاد لمرة لابس تيشرت وشورط قصير حطت لبلاطو بشوي وهي توقف ربعت ايديها سرحت عينيها فيه كتشوف فديك العضامة كلها كتبغيها هي كتقارن راسها وهو وكتحلل فيه كيفاش بغاها وامتا؟؟.. مزال غامض بالنسبة ليها وخا هي احساسها اتجاهو مزال مفسراتوش ولكن كتقول بينها وبين نفسها انها كتحس بالقشعريرة فور مكيقيسها وخا عذبها ولات كتحس بالامان وبالي معاها سند قوي وكتقارن بينو وبين ليزيد ولقات انها فعلا عمرها بغات ليزيد وانما شخص واحد الي خلا قلبها يدق هو هاد الكيان الضخم الي قدامها...
غيث : حال عين وساد لاخرى...زين تزعطتي فيا...غاهني راسك انا كنبغي وحدة اسمها ليالي شغانبغي فيك نتي...
ليالي : شلاا 😒...اييي اففف لوات ايديها تحت كرشها وتبدل فيها لون...
ليالي : تزنكت ..والو غامصران اهئ اهئ اييي اوفففف بدات كتعراق حيث جاتها كريز ديال وجع ليغگل حتى صفار وجهها وهي تشد ليه فدراعو...ديني لطواليت عفاك بغيت نتقيا...اوععع..هزها بين دراعو بزربة داها لاقرب طواليت غير دخلت مشات لاشاص كترض كاع داكشي الي كالت وهو شاد ليها راسها حتى كملت على خاطرها وناضت غسلت وجهها وهي كتبكي...شادة تحت كرشها شافها شادة تم عاد فهمها ومبغاش يحرجها عاونها حتى دخلت لبيت تكات وغطاها وهو يدور لجيهة لاخرى تخشا حداها...
ليالي : اممممنن ماش منن تغوبات معرفت متقول ديما محشمها وزاد دابا قريب ليها ولا قلبها كيترعد وحشمت ملقات غير تخشي راسها تحت لغطا...سرح ايديه لتحت كرشها وهو يبدا يدلك ليها بشوووووي بكل حنية حتى ترخات ونسات راسها حيث شيء طبيعي فاش كيجيك الوجع غير كيزكا فشي بوزيسيون كتستحلاي وكيجيك نعاس زهيب...حس بيها تهدنت وهو يزيد قربها ليه وهبط لودنيها...
غيث : خليني مدير ليك مساج باش ترتاحي وعطيني ودنيك باش نقوليك بالتفصيل شكون انا وتعرفي حياتي كلها وتعرفيني مزيان...
سكتي وخليني نريحك ...بعدت ليه ايديه ...
ليالي : واش تصطيتي فين غادير ليا مساج..
غيث : غاتسكتي ولا نسكتك ...حمر فيها...رصاي لارض...استسلمت ليه وحتى هو محكرش اكتفى بمساج خفيف حتى حس بيها ارتاحت نسبيا عاد بدا كيهضر...
غيث : ليالي ..قلتي بغيتي تعرفيني شكون انا ...
ليالي : عرات راسها وناضت گلست وتقادت معاه...
غيث : مبقاش فيك لحريق...
ليالي : شوية ...خليك مني انا كنسمعك...
غيث : كحز شوية وفتح دراعو ...اجي عندي...
ليالي : فين!! لا لا غا هضر انا كنشوفك غير...معطاهاش فرصة تكمل ..اجي لمك هنا ...وجرها لعندو بزربة تكاها على صدرو كتكحز ولكن حكمها وتاهي تقول طالبة عليها خلاتو خشاها وصقلت ...احم ..
غيث : انا غيث عندي 33 سنة الوحيد الي عند واليديا ريفي ابا عن جد ولكن الام ديالي من نواحي بن جرير..
ليالي : هممم يعني عايش فالمغرب الي شافك يقول كاوري هننن ونتا مناوج رحماني ريفي عننن
غيث : هههههه سكتي لمك خليني نكمل...غانبدا ليك من عام فاش فقدت اعز ناس عندي ....في عام 2004 كنت انا في فترة امتحانات كنت كنقرا خارج الحسيمة في مدينة بعيدة فالجنوب فاكادير وكانو بقاو لينا شي امتحانات مشيت حتى لاكادير دوزتهم نهار الي قبل من نهار غانجي فيه وقع اكبر زلزال فالمغرب من بعد زلزال اكادير الي وقع فسنة 1960 كنت كنوجد باش نجي نشوف دار ونرجع حيث ديك ساعة بدات السيزن ديال ربيع وكان عندي العام الاخير حتى جاني اتصال بالماساة الي وقعت فمدينتي الام وبلي خسرت دارنا كلهم يومين وهما تحت الانقاض حتى لقاوهم جثث هامدة ...بقيت حتى سمحو ليا نشوفهم ونودعهم لاخر مرة وانا قلببي كيتقطع عليهم غمضت عيني وبركت على نفسي وصبرت دازت الجنازة والعزا درناه غير فقاعة لعائلات ضحايا حيث اغلبهم ديورهم تهدمو حتى لغد ليه كنتفاجئ بشخص اول مرة كنشوفو كيسول عليا جا لعندي نيشان كنت كالس عند شي ناس من لعائلة بينما رجعو بناو ديور الي تهدمو ...ملي تلاقيت بيه عرفني عليه على انني ولد خوه وهو عمي منكدبش عليك عمرني سمعت الوليد كيهضر عليه. الوليد كيقول هو وحيد مو وباه كيفي ولكن هاد خوه عمري سمعت عليه وفاش هضرت معاه قاليا بالي كانو عندو مشاكيل مع جدي وتبرا منو حيث مبغاش ليه شي حاجة مبغاش يقوليا اشنو هي بقا واقف معايا وسكن فالحسيمة معايا مؤقتا خدا بارطما تم شراها مبغيتش نسكن معاه ولكن اصر عليا ..دازت الايام وبقيت انا حتى قربو الامتحانات ديال سيزن لاخرى عاد مشيت دوزتهم ورجعت لحسيمة حتى خديت لاليصونص باكبر نقطة فاكادير رغم ضروف الي دزت منها ...وعاوني حتى حققت حلمي والي هو نمشي نقرا على العلوم السجنية ف يو اس اي وتما خديت فيها الماستر ودكتوراه ودرت سطاج فاكبر سجن فامريكا واخطر سجن سجن غوانتنامو ...غاتقولي كيفاش حتى دخلتي ليه ..دخلت ليه بتوصيات من احد اصدقاء ديالي تعرفت عليهم فامريكا حتى سمحو ليا ندخل ليه باش ندير البحث ديالي بقيت فيه مايقارب العام وزيادة حيث كان هو الاطروحة ديال مناقشة دكتوراه ديالي ..وملي تخرجت خدمت فاحد سجون فامريكا بمنصب كبير فالادارة ..
دازت سنين حتى جاتني دعوة باش نتسلم الوسام شخصيا من الملك ديال لمغرب وطبعا لبيت دعوة وتم تعرض عليا منصب ديال مدير سجن بتيفلت ونقري فتكوين ديال ليكارديان براتب كبير بزاف حيث عندي سلم ديال دكتور ...وفاش كنت فامريكا عرفت بالي عمي تزوج واحد سيدة عرفها من بعد مرتو الي ماتت قرر يتزوج ويبني حياتو بعد ماعاوني خيرو منساهش وخا عرفتو فمدة قلية ...مشيت مرات معدودة بزاف كنشوفو ونزجع قررت نبقا فامريكا وتم فين غانعيش حيث مبقا عندي حتى حد هنا فالمغرب ..و...بغا يكمل هضرتو حتى حس بشي حاجة كتهز وتحط هبط راسو كلقاها غارقك فدمعها وكتنخصص...مالك !!
ليالي : بدون شعور تخشات فيه حكت وجهها على صدرو كتهضر وتنخصص...ح ح حت حتى نتا مبقاتش عندك عائلة بحالي اهئ اهئ يعني بجوجنا يتيمين...جرها باس ليها راسها..
غيث : وينوو على العمر ...نتي ميتيماش طالما انا معاك ونتي معايا حيدي منك هاد الكلمة وخا؟؟..حركت راسها بالايجاب ..هز صبعو ومسح ليها دموعها وباس راسها ورجع كيهضر...
غيث : ودابا مبغيتيش تعرفي كيفاش عرفتك وبغيتك عام هذا ؟!!!
ليالي : اهئ اهئ اه اه قول ...
غيث : ايوى سمعي الالة انا بغيتك فاش كنتي خارجة من واحد الجمعية نسيت اشنو اسمها ولكن الموقع والبلاصة فين شفتك عارفها وعاقل عليها مزيان كنتي خارجة انا كنت جيت من امريكا على قبل دعوة حيث تسلمتها في فاس فواحد العيد وطني كان ..واستغليت الفرصة وجيت نشوف واحد سيد من عندكم فين كنتي عايشة وفاش كنت راجع بنتي ليا معقلتش على راسي حتى فرانيت بطوموبيل بجهد ...ولكن مرديتيش لبال بقيت حاضيك غاديا كتجري وطاحت ليك شي حاجة فالارض ومشيتي خرجت من طوموبيل ومشيت حتى لعندها وهزيتها كانت...
مشيت حتى لعندها وهزيتها كانت صورتك صغيرة هزيتها وشفتك بعدتي وخديتها درتها في بزطامي ورجعت ركبت مشيت نيشان لمطار فاس حطيت سيارة فلبارك وعيطت لاجونص حيث كنت كاريها باش يجيو ليها وهزيت باليزتي ودخلت كانت عندي طيارة نيشان ل لوس انجلوس...
ليالي : هننمممم عاد تفكرت تصاوري واحد المرة كنت كنقاد في لاكارط ناسيونال على حساب كان عندي الباك داك لعام وكيخصنا لاكارط باش ندوز الامتحان بففف اضطريت نزيد نتصور حيث كانت ناقصة صورة بففف وفينهيا صورتي باقا عندك....
غيث : طبعا كنت كنصبح ونمسي عليها حتى بغيتك وعمري منسيتك حيث كنتي ديما فبالي بصورتك... غاتجيك عجب ولكن نتي كنتي البنت الي كنحلم بيها جمال فشكل صورة مختلفة كنت مواعد راسي نسالي اشغالي فامريكا ونجي على قبلك ولكن ضروف كانت اقوى مني حتى ...مهم كنتي معايا فينما مشيت وخا تعرفت على سينتيا عا...احم
ليالي : كمل 😒
غيث : شغانكمل من بعد...
ليالي : كمل متحبسش..
غيث : ااااه راسي خليني نعس ومن بعد نكمل ليك اي بروميس بليز مكنحسش براسي مزيان...
ليالي : مالك !!! كتهضر معاه وهو مهناش بدا كيجر فلغطا ولعروقات كتكب منو...اويلي مالك ...
غيث : اممم ام سو تايرد اننن..
ليالي : اويلي عاد كنتي بخاطرك...مالك قربت ليه حطت ايديها على جبهتو لقاتو طايب وراسو عرقان...غيث مالك اش واقع كتحرك فيه ..غيث فيق مالك...مجاوبهاش عرات عليه الغطا وهي تلمح ايدو الي مضروبة والي كل مرة تبغي تسولو عليها وكتوقع شي حاجة بانت ليها لفاصمة ولات كلها دمايات وقفت مخلوعة ووجها صفر ماعرفت باش تبلات مشات كتجري لصالون اول حاجة طاحت ليها فبالها هزت تيليفون ولكن لسوء الحض لقاتو بالكود غوتت بحر جهدها لخدامة الي جات كتجري...
ليالي : مكاينش الفيكس هنا...جاوبتها بالنفي ...ناااري ...هزت تيليفون تاني وهي دير لكود من تخميناتها ماعرفتش تاريخ ميلادو طاح ليها فبالها عيد ميلادها دارتو وبصدفة تحل وهي من دهشة غوتت بالفرحة مشات نيشان ليزابيل لقات مهدي دوزت نيشان الاتصال ليه...
مهدي : افين...هاا مالك اختي ...اوكي انا غانجيب طبيب دابا جاي عندك نص ساعة مشا كيجري لكلينيك جاب معاه طبيب ومشا كيجري لفيلا لقاها كدور وتهرنن وتمشي وتجي ماعرفت باش تبلات حتى دخل عليها هو وطبيب الي خيط ليه ايدو فلول سد عليه البيت وخرجو بجوج بزز باش خرجت لمهدي داها لصالون...
ليالي : اش واقع ليه فايدو ديما كنبغي نسولو..
مهدي : فاش كنتي فلكلينيك تعصب وهو يضربها مع زاج حتى تشتت وتشلخت ليه لايد كاملة...
مهدي : دابا لبكا مينفع بوالو دعي معاه وصافي و ثيقي بيا غيث كيبغيك بجنون عمري شفتو فهاد الحالة ديما عندو نيشان مكيعقل على تاحد تامن سينتيا وخا كان معاها ولكن غير مصاحبين لتدواز الوقت ا وتلبية رغبات فقط وكانو متافقين مع بعضياتهم بالي لحب فعلاقتهم ممنوع غيث بغا شخص واحد هو ونتي والى مشا من بين ايدك عمرك تلقاي بحالو غاتقولي ذاك تكرفيص وذل الي عيشك فيه ولكن ثيقي بيا مزال غايولي لباس وتعطيه فرصة وغاتعرفي كلشي نصيحة مني واياك تفرطي فيه وخا كنضن هو عمرو يفرط فيك قيسيه فعينيه ومتقيسيهش فليالي...بقا كيهضر معاها وهي كتبكي حتى خرج عندهم طبيب ..وقفو بجوج..
طبيب : هو دابا ولا مزيان ولكن الايد ديالو التاهبات بزاف ومتهلاش فيها حتى تحلو لخيوط راني عاودت خيطتها وتبتها ليه بفاصمة وكل يومين يدير سوان ضروري ويعقمها وميحركهاش والا غانوليو فحاجة خايبة مبغيتش نذكرها...دابا ضربت ليه ابرة باش طيح لحرارة مغايفيق حتى لغدا شي حد يبقا معاه الى ضرباتو لفيقة عطيوه يشرب ....استاذن دكتور عطا لمهدي ورقة دوا ومشا حتى هو باش يجيب دوا وانا دخلت عندو لقيتو عريان من لفوق ومغطي سديت لباب وخرجت حتى جا مهدي جاب دوا وطمان عليه وعاود وصاني وخرج مشا...
دخلت لعندو وحطيت دوا عند راسو حتى يفيق ومشيت كلست حداه كنشوف فيه كيفاش ديك الكسدة كلها وداك البركان كيثور فاش كيسمع شي حاجة كتعصبو او كتير غيرتو ودابا هاهو مجبد قدامي هيبتو وصرامتو وغوباشتو ووسامتو وجاذبيتو حتى وهو ناعس كتير الانتباه ..علاش غير كيقرب ليا كنولي نقفقف علاش كيهضر كيحشمني فكلشي علاش غير كيقيصني كرشي كتهز تالسما وتقلب ولا يعنقني كتشدني سخانة من صبع رجلي وملي كيحط فمو على فمي احححح ...بدات كتقيص فشفايفها وتعض فيهم بطريقة مثيرة وتبتاسم تدريجيا ...بقات كتخمم وتقارن وخرجت باستنتاج واحد وهو انها عمرها مغاتكون سعيدة الا الى كانت بجنبو هو الي قدر يحرك فيها الي ميتحرك وهو الي عرف ليها بكلى حالاتها وخا لغز العذاب الي عذبها مزال ممفهومش بالنسبة ليها وكتقول بينها وبين نفسها يمكن حيث سمع الاقاويل الي تقالت وخا هكاك مصبرش وبقا كيبغيها ...لكن يكفي انه دار الويل على قبلها وبغاها قبل متعرفو وقبل منها وعشقها وتحدا كلشي على قبلها وبغاها بعيوبها ومتخلاش عليها وخا مزال ماعرفش انها بريئة وبحالها بحال اي بنت دافعت على شرفها في مجتمع كيبرئ لمغتصب وكيدين ضحية ...عطات وعد لراسها انها تعطيه فرصة وتعاود ليه كلشي قبل ميعرف راسو براسو فضلت تحكي ليه بنفسها وغايكون اول واحد غايعزف اش كان كيدير ليها واجل مها والي معارفاش انه عمو من دمو ولحمو على حد علمنا وعلم غيث ... غير يولي لباس...ناضت من لكرسي ومشات كلست حداه حيدت لبانطوفة وهزت رجليها مددتهم فوق ناموسية بتردد كتهبط ناحيتو بحال خايفة يحصلها حتى حطت راسها وتخشات حداها ومع لعيا ديال لوجع الي مشا بالخلعة ...محستش براسها حتى حطاتو على صدرو وغفات حتى صبح الصباح...
ضرب شعا ودخل حتى ضرب فعينيه حلهم نيشان فسقف كانو مجبدين بالعيا وسخانة هز ايدو دوزها على شعرو وهو يحس بشي حاجة مخشية فيه ضور وجهو عاقد غوباشتو بنعاس حتى ابتاسم وعينيه مزال مسدودين شوي ..مبغاش يتحرك خلا الوحة الي قدامو على خاطرها كيتمعن فيها هز ايدو دوزها على شعرها وهبط مع ناضهرها مرورا بحناكها حتى وصل لشفايفها كيتلمس فيهم بصبعو لمسات خفاف حتى بدات كتحرك فمها وتعوج منخرها جابت ليه ضحك وهي تحل عينيها بشوي...
غيث : صباح الحب ..ابتاسم...
ليالي : ناضت قافزة كتشوف فيه ...
غيث : مالك ههههه عاد كنتي مزيانة ومنخششة فيا...
ليالي : دلات شنيفاتها وبدات كتغبن بحال شي بنية صغير دغيا دموعها هبطو كيجريو ...سمح ليا اهئ اهئ انا سباب خليتي. راسك حتى التاهب جرحك وداويتيني انا اهئ 😭😭😭
غيث : تقاد فلكلسة..اجي عندي..قربها ليه وعنقها...ششش عمرك تبكي قدامي ...قلت ليك شحال من مرة نعطي حياتي على قبلك ...
ليالي : الله ينجيك اهئ اهئ سمح ليا ...رجعت عنقاتو هيا وتمخششت فيه خلاتو مصدوم...من لهضرة الي سمع...عمرك تخليني عمرك مديرش بحالهم وطمع فيا حتى نتا...خليني ثايقة فيك ومتخدلنيش كيفهم...هز ليها راسها شاف فيها وهو يهزها حطها فوق منو...
ليالي : عنداك ايدك... غيث : شش خليك من ايدي...وعاودي اش قلتي نفهم منك انك حتى نتي ....
ليالي : حدرت راسها وهبطت خبات وجهها فيه...
غيث : باركة لمك من تنخشيش را غانصدق خاشك ف ف ف ...هز ليها راسها...شوفي فيا ...وقولي كنبغيك...
ليالي : تزنكت لا 😳...
غيث : قولي ...برك ليها على دراعها حتى غوتت...اييي اححح
غيث : ناري مك سكتي اش قلتي...قوولي..
ليالي : اي قصحتيني 😭...هضريييي...كن اهئ كنبغيييك ااااا اهئ ضريتي امممم ...جرها نيشان تلاح على فمها بقبلة مجهدة خشا فمها وسط فمو كيلعب فيه كيف بغا حتى انه مقنعش وخشا لسانو كيلعب فيه ومغمض عينيه مستمتع كيتسمع غير صوت انفاسهم لغير منتضم وهو يخشي ايديه تحت لبيجامة طلع لصدرها كيبرك عليه ويتنهد ويعجن حتى قرصها وهي تغوت بعداتو عليها...وهي تخشي وجها فصدرو حيث حشمت ...ضحك عليها وهو يدور ايديه عليها وهي مشبحة فوق منو حل رجليه حتى خشا رجليها وسطهم ودورهم طواهم عليهم ..وحاط لحيتو على شعرها كيبوس ويهضر...
تزوجي بيا ؟؟ هزت فيه راسها وعينيها خرجو من دهشة وصدمة تخالط عليها كلشي...كيفاش
غيث : كيف كتسمعي...ليالي مبقيتش قادر نصبر بغيت فكل دقيقة نقيصك وتكون حلال ونكون مرتاح وملقاش صد بغيت كل دقيقة نبوسك وكل دقيقة نعنقك وقت الي بغيت ونشم ريحتك وقت الي بغيت نعضك وفينما بغيت وفينما جاتني لحالة نشدك نمحن موك مزيان .. وقت الي بغيت ونشدك نخشيك ون***
ليالي : الله يمسخك تفوو...
غيث : غانطير ليك لسان الي كيقول تفو...بغيتك تكوني قدام عينيا مبغيت تفرقني عليك تاحاجة..فينما كنت تكوني معايا ..
ليالي : وعلاش كنتي كتكرهني وناا باغي هاذشي كلو ..ونتا كتعرفني من قبل منعرفك انا علاش كنتي كتهيني كل متاحت ليك لفرصة ومكرهتيش تزيد اكثر علاش حيث سمعتي عليا الهضرة الي فالاصل انا مضلومة وكلشي من اهئ اهئ اهئ علاش كلكم حكمتو عليا ...بدات كضرب فيه حتى شد ليها ايديها...
غيث : ششش.زكاي وخليني نفهمك خاصك تعرفي مزيان انا كاي ..رجل شرقي كتجيني لغيرة وراك جربتي غير شوية من جنون الغيرة الي كيجيني انا كاي رجل كيسمع شي حاجة على حبيبتو وكيجعر...حطي راسك بلاصتي فاش تسمعيني تعديت على شي بنت واغتاصبتها ...( بدات كتزير)..وجاو ناس وقالو ليك را هي الي مشات معاه بخاطرها وكانو على علاقة مغاديش دخليك راسك لوطوماتيكيا وغانبان فنضرك غدار وكداب وممزيانش غير حطي راسك فبلاصتي ...انا حاولت ندخل هادشي وغيرتي عماتني وتقدري تقولي مرضيتش من ناحيتك هادشي ولكن قلبي مبقاش قدر يعذبك اكثر من هكا ثيقيني فنما نبغي نزيد نعذبك كنتقهر من جيهتك وكنحس براسي ضلمتك اكثر واكثر ...فالاخير دخل شك لراسي انك مستحيل تكوني هكا وجهك ملائكي وخاصة فاش كنبغي نقرب ليك كلقا صد من جيهة بداعي الخوف من شي حاجة وكترفضي تقربي ليك ...وديك طبيبة الي جبت على قبل انها تساعدك اما هي ما صديقة مكنعرفها غير مهدي لي نصحني بيها وجبتها على هاد الاساس مزال خاصك تمشي عندها باش تفرغي الي فلداخل ديالك وتهضري باش دافعي على راسك ومتبقايش ساكتة وترجعي تعيشي حياتك طبيعية ..ومكرهتش تعاودي ليا انا كلشي ثيقي بيا انا معاك وعمري نتخلى عليك ...انا شخص عدواني فطبعو هكا طبعي داير،، عندي صرامة وغيرتي عمية وكنبغي بكل مافيا ..لقاها حادرة راسها ودايرة وجهها بين ايديها وكطلع وتنزل
شد وجهها بين ايديه وطلعو حيد ليها ايديها على وجهها...وهي تنفاجر...
ليالي : انا ماشي هكاااا انا مدرت وااااالو هو هو اهئ اهئ هو الي من الي تزوج بماما كيحاول يتعدا عليا ويتحرش بيا عييت منصدو ونعايرو وندير حدود بيني وبينو ولكن والو الي فيه فيه قهرني عذبني مكنتش كنقول لماما والو باش متصدمش فيه وكن غير قلت ليها مكناش نوصلو لهادي كلووووو كلوووووووو... هو اهئ هو الي حاول يتكرفص عليا ودافعت على راسي وقتلتو ..هزت ايديها بجوج كتوريه ...بهادو بهاااااادو قتلتو هههههههه بهادو اما كان غايدي ليا اعز مكنملك هادشي حيث دافعت على راسي تسميت خايبة وممزياناش ولكن والله حتى دافعت على راسي دافعت داااااافععععت اااااااااا اهئ اهئ 😭😭😭 ومات ميمتي قدام عينيا الصدمة الي كنت خايفا طيح فيها طاحت فيها مضوبلة ودات ليها عمرها علاش اربي علااااااش 😭😭...جرها لعندو وخشاها فيه كيطبطب على شعرها وهي كضرب بكل قوتها خلاها على خاطرها كضرب وتقمش وتغوت حتى بدات كترخا...وهو يعلي ليها وجها وحط جبهتو على جبهتها ..
غيث : سمحي ليا عمري عذبتك سمحي ليا ..
ليالي : اهئ اهئ هو الي شيطان دمر ليا حياتي هوو ونو سباب تا خلاتني ماما اهئ كنكرهوووووووو
غيث : عاود رجعها لصدرو ودور عليها ايدو ..ششش كالم بب كالم مزيان الي هضرتي تنفسي ومزيان باش تسهلي على راسك فالقضية انا معاك ...زير على ايديه حتى عض فسنانو كيغزز فيهم وعينيه ولاو بحال جمر...حس بيها تكالمات طل عليها لقاها مشات فسابع نومة ومرة مرة كتجيها ديك شهقة قادها بشوييي فبلاصتها حتى شد فيها نعاس غطاها وباسها فحنكها وناض هو بشوي خرج من البيت مشا نيشان لبيتو دوش بما بارد وخرج نشف راسو ولبس حوايجو ..سروال دجين اسود وتيشرت ابيض وكويرة كحلة سدها بسنسلة حتى لفوق لاصقة عليه ..وكاط كحل رجع شعرو هز تيليفون وهبط لاكاف ديال لفيلا لبي ليگات كحلين وركب فموطور ديالو كبييير من نوع Ducati اسود ..كان وصا عليه وجاه جديد ...دار لكاسك وخرج منير شد طريق الرابطة بين فاس وافران العادية باقصى سرعة مكيشوفش قدامو وكيسب ويلعن...
غيث : فااااااااك فااااااكيووو اااااااعععععع زاد ورك عالفيتاس حتى ولا لموطور غادي وكيطير شوي حتى كيبان ليه شي حد جاي وصوت لكلاكسون ديال رموك كبير محبسش...
غيث : شييييييت شييتتت فااك ...كيفراني وينقص من سرعة حتى مبقا بيناتهم والو وتسمع طوووووووووووووووط ....لااااااااااا
كيفراني وينقص حتى تسمع كلاكصون مجهد مول رموك مبقاش حبس من لكلاكصون هذاك جاي ولا خور غادي وكيزيكزاكي فقد صيطرة على لموطور حتى قرب يخبطو وبقدرة الله غيث انحارف وخرج عالطريق محبس حتى وصل لواحد لهضبة ديال رملة محطوطة تم على بونت وكان غايضيع حياتو لولا لطف الله سكت الموطور وبقا واحد المدة كينهج ..حتى استرجع نفسو الي مبقاش منتاضم عاد هبط من الموطور بالكاسك تكا ايديه عليه مدة وهو يهز راسو كيشوف كيبان مخنز من لكاسك ...ضرب حجرة برجليه تا طارت لجيهة لوخرا ...كان خارج ومعارفش فين غادي عمات ليه البصيرة ...رجع ركب عاود خدم الموطور وقلب ضورة شد طريق رجعة لفيلا...دخل حط لموطور وطلع لعندها لبيت لقاها باقا ناعسا بدل حوايجو لبس شورط وتيشرت بغا يطرطق عليه ...بالعصب تنفخو ليه عروق ايديه وعينيه بقاو حمرين هز لفون دوز الاتصال لمحامي...غيث : غاطير تنزل تجيب تقرير ديالها من سبيطار وتقرير ديال محمد المرواني تقرير ديال تشريح ديالو طير نزل خدم دماغك بغيتها فاقرب وقت تاخد حريتها...
المحامي : كون هاني ولكن يقدر دوز مدة فسجن و...
غيث : ويلعن اصل دينمكم انا لاش دايركم بجوج لاش يحرق جد مكم ماسوقيييييش الحبس مسوقيش شوف كيف دير ...يلاه بغا يجاوبو وهو يقطع عليه لاح تيليفون تلتخ فوق الفوطوي ...مشا نيشان لقرعة ديال ويسكي هزها وتكا عليها شرب نص فيها وهز كارو كما جوج سيجارات كيمشي ويجي ويسب من تحت صمطة حتى برد وتلاح على لفوطوي حط راسو وتجبد حط رجليه فوق طابلة مسرحهم ودار اديه تحت راسو ...حل فمو رجع نفخ كيخمم فعمو الي تصدم فيه مكانش متوقع الوقاحة توصل بيه يتحرش بفتاة ولا وشكون حب حياتو تمنى كن كان عمو حي كن قتلو لا محالة وبلى ميرف ليه جفن ...بقا كيخمم وهو حتى حس بشي حاجة تخشات فيه وحطت راسها على صدرو...ضار شافها ..
ليالي : حتى نتا غاتخليني ياك مثيقتينيش 😢..
غيث : جرها خشاها فيه اكثر...غانخلط مك مع شي حايط..انا مخليتكش من قبل بقا غير نخليك دابا من بعد ماعرفت اش وقع ليك وكلشي الي قالوه عليك كدوب...مال مك مالك...
تخشات فيه ...وينووو يخليلي لحشومي انا..واخا الي بغيتي المهم تكوني بخاطرك...
ليالي : بشرط...
غيث : الي هو ...مبغيتش عرس ولا والو مبغيت حتى حاجة غير عقد كافي مبغيت حتى حاجة عفاك مبغيت نوجد لوالو ...
غيث : واخا الي بغيتي ..اجي عندي ..نوضها وكلسها فوق حجرو دغيا ..قد كف ايدي ههههه
ليالي : نتا الي ايديك كبار ..
غيث : كيلعب بخصلات شعرها اما هي دم غاخرج من وجهها حيث تقابل معاها مكيهضر مكيتكلم فقط كيشوف فيها كاع الغضب الي كان فيه تلاشى فور ماسمع موافقتها وبهاد سهولة بلى ميتسنى وقت تفكر فيه يمكن من خوفها لا تخسرو ويمكن لقات سند القوي الي معاها او يمكن حيث معندها حد من غيرو وهو الي فالاخير وقف معاها وعاونها ودافع على الحب ديالو من زمان وهو الي ربح فمقابل اليزيد من اول فرصة وخا وقف معاها ولكن فاخر لمطاف تخلى عليها وحكم عليها كيف محكم عليها المجتمع مبقاتش كتقدر تحس بالامان والثقة حتى جا هاد الانسان وخلاها تحس بامان مضوبل وبسعادة وسط الحزن والهم وفتح ليها دارو وحضنو احتواها فيهم بدون اي مقابل فقط عشقو ليها وهيامو بيها وجنونو بيها...جرها تكاها عليه كيدوز ايديه على ضهرها من لفوق وتحت وكيهضر...غيث : ليالي ...
ليالي : هممم
غيث : نتي الحب...
ليالي : هههه
غيث : نتي الفن ونتي العمر ونتي القلب ونتي الفؤاد ونتي سيكس ...هااح ونشدك هححح..
ليالي : كتضارب باش تنوض من فوقو ...حيد الممسوخ حيد بعد مني انا الي ممزياناش حيد...
غيث : هههههههههههههههههه اجي لمك هنا معندك فين تمشي ولفيني هكا كيعجبني نتغزل فلحب نتاعي ونشرشم ليها لحناك بسخونية هههههههههه وااااو وتشوفي وجهك ههههههه اجي رصاي لمك خنزر فيها وهي تكلس...هدي هيا بلاصتك الوسط فين كاين لمعلم گلسي
ليالي : وااعععععع واسكت واش واش مكتحشمش حشومة عليك را ممولفاش هاد الهضرة ههنننن 😣...غيث : كنحماق عليك فاش كتولي هكا كنتصطى على هاد الحناك الي كيوليو بحال ستراوبري (الفريز ) اححح كنموت على هاد العينين" بلاك ايز " ملي كيخرجو كنتصطى على هاد.. قرب فمو خدا بيه فمها جر ليها شفايفها ودوز لسانو عليهم احح لعسل كيخرج ..غدا نديرو لعقد مبقيتش صابر...
ليالي : وصااافي سكت ...زاد عنقها ...تكاي خلينا معنقين بعضياتنا واحد شوي وخا مكنشبعش منك ...باش نخرجو نتغداو برا ونتعشاو مبغيتيش تخرجي تفوجي...غانمشيو من بعد لفاس تما باش تفوجي مزيان...وخا
ليالي : اه اه 😍😍
بقاو معانقين فجو حميمي كان سكات سيد الموقف مكرهوش يوقف زمن وتوقف اللحضة ويبقاو هكاك لا هم ولا غم ولا صداع ولا غضب ولا وااالو فقط غير سكيييينة وراحة البال وفكرهم فيه غير غيث كيفكر فليالي وليالي مسيطر عليها غيث يعني بمعنى اصح يفكرو غير فعشقهم وحبهم ...كيتصنطو لدقات قلبهم ..شوي وهي تنوض من فوق منو ...
غيث : صافي سخييتي..
ليالي : اهء نوض لبس باش نخرجو ويلاه منتعطلوش ...كتشوف فيه ببراءة...
غيث : احح شوفاتك تيبورشوني،،يلاه نوضي...ناضت صبقاتو مشات لبيت حلت الماريو بقات قدامو شي ربع ساعة وهي محتارة اش تلبس فلاخر استقرت على تريكو صوفي مزغب طويل فلغوز بيبي ولبست معاه سليم كولون فالاسود مشطت شعرها خلاتو مطلوق على راحتو وجمعاتو من لقدام بباندة فلون التريكو ...بالنسبة الحوايج ولوازم نسائية كلها لقاتها موجودة لحوايج جداد مستفينهم ليها فالماريو كلشي تقداه ليها ،، مخصصها من حتى حاجة وكلشي بمساعدة صديق ديالو خبير الموضة فيو اس اي بالضبط .. عطاه مواصفاتها بدقة ورسليه صورتها وصاه وتقدا ليه خلصو بكارط فيزا كلشي باغ انترنيت ورسلهم ليه حتى من مكياج الي مقربتش ليه هي اصلا ..ولوازم الاستحمام وليبرودوي كلشي لقاتو موجود مفكراتش تسولو حيث كانت مريضة وعرفات بلي هو الي جاب ليها كلشي ومخصصها من والو وهادشي زاد كبرو فعينيها اكثر ،،كنبقاو فالاخير نشاء وعشقنا وهوسنا الموضة والملابس واي حاجة كتعلق بالفاشن...هزت مونطو فالاسود قصير لبساتو ولبست بوط فلون التريكو وخرجت كتجري حناكها مزنكين حيث كانت كتلبس بزربة ودور وتقلب فرحانة ،،وصلت ودخلت عليه لبيت بالفرحة بحال شي بنية صغيورة ولكن لسوء حضها زفت هههههع لقاتو عاد خارج من دوش عريان كيلوي عليه فالفوطة وهي ...
ليالي : امممم ممكم مامااااااااا ...هز راسو خرج عينيه يصحابها وقعت ليها شي حاجة وهو يمشي يجري لعندها ...
غيث : هيييي شييت وات مالك اش واقع ضراتك شي حاجة ؟؟
هو غير طلقت زواكة وفرتحت جاه لفوغيغ مبقاش قدر يسكت حتى سخف وكلس لارض كيضرب اخماس فاسداس هههه مسح عينيه من دموع ومشا نيشان لبس بوكسر وقميجة بلومارين وسروال دجين وفوق منها فيست فلون لقميجة رجع شعرو لمخربق لور وقادو رش بورفيوم ديالو خفيفة وفنفس لوقت مثيرة وفيها نوع من الجادبية وصرامة ودقة وبركان من العطر نضرا لعصبيتو ..هذي كانت شخصيتو الي تصايبت ليه بيها ريحة ديالو ( كن عطيتهم اوصافي يخرج ليا تيمور قاهر سراق زيت 😂)لبس صباط موكاسان ديال دان بلومارين وقف تقاد مع المراية حل صدافي القميجة حتى بان صدرو شوي شعيرات طالعين لفوق قاد لحالة وهز لكونطاكت وتيليفونو دار فيه لكيت وخرج لقاها واقفة شافتو وهي تقلب ضورة
غيث : جاي وكيضحك...هههههههه مالك اجي اجي اه اجي لهنا دوري شوفي فيا هداكشي خاصك تولفي غاتولي تشوفيه صباح وعشية وفي اي ساعة جاءت الحااالة...
ليالي : اشمن حالة ؟
غيث : والو تالديك ساعة وتعرفي هههههه مهم اجي لهنا جرها خدا كاشكول ضورو ليها على عنقها وجرها بيه حتى قربت ليه وحط فمو على فمها بقجو ليها حتى ضرها ...خرجو وركبو فطوموبيل اول مرة غاتخرج لحرية من بعد مدة وهي داخل قضبان السجن...حلت لباب ودخلت ركبت وضار هو لجيهة لاخرى
ليالي : وغاصايبها...،،صايبها ليها وبغا يرجع وهو يقرب حتى قرب وهو يطير عليها ببوسة بقج ليها لفم تاني حتى تزدح راسها مع الكوسان...
ليالي : اي راسي مالك مالك اححح تتحك فراسها...
غيث : سمحي ليا ولكن فاش كنشوف شهد مكنصبرش دوز لسانو على شفايفو ...اححح..قاد سانتيغ ديالو وخدم طوموبيل ورك عالفيتاس وفنفس لوقت كيطلع رجليه بشوي على لومبرياج حتى قلع بسرعة خرج من لبيست ديال طريق لفيلا وزاد...
اتاجهو ديريكت لواحد ريسطو راقي فافران الي بدات كتعلن بداية ثلوج المنهمرة بدات دنيا كتغطا بالباس الابيض... مدينة ساحرة بكل للكلمة من معنى انقى مدينة واكثرها راحة وبهجة ....وصلو ودخلو لقاو لحجز ديالهم شد بايديها شبك صباعهم ودخلو استقبلهم نادل المسؤول بترحاب والابتسامة ...وناس حاضينهم وخاصة ان ليالي قصيورة وغيث طويل بزاف ومگلضم كيبان حداها ضخم...هههه
#ليالي..
دخلنا نيشان لريسطو كان كيبان راقي بزاف من برا ودافي من لداخل ،، فيه فوطويات وكاينين حتى ليطابل... وراه سيرفور بلاصتنا الي حجزها باغ فون عاود قبط ايدي شبكهم مع ايديه ضار جيهتي غمزني وشير ليا براسو بمعنى يلاه ...كلسنا خدينا فوطويات وجابو لينا لموني ...
غيث : اشنو تبغي تاكلي...
ليالي : هممم بديت كنقرا وندور فراسي ..
غيث : ههههه نسهل عليك ونختار ليك على ذوقي بغمزة...
ليالي : واخا...هو عارفها اش غاتبغي وعارف اش كيعجبها لذالك سهل عليها الاختيار فمقابل انه ياخد ليها على دوقو وداكشي الي كان اختار اكلة رئيسية وفنفس الوقت خفيفة مع ليصلاد ولعصير اما هو خدا صودا فقط مبغاش يشرب قدامها وحتى ديسير.. تغذاو فجو حميمي كتاكل ممسوقاش لنضراتو العاشقة الي مختارقينها ،، كيعشقها بكل تفاصيلها وبكل مافيها،، كملو لغدا وناض هو مشا لطواليت ويخرج يكمي شوية وخلاها مزال كتاكل فديسير حتى وقف عليها شخص نساتو او يمكن نساه ليها لحب ...حتى گلس ..
ليزيد : ليالي ...
هزت راسها وهي تفاجئ حتى طاحت ليها لمعيلقة من ايديها وبدات كتقفقف...ششش شنو عفاك سير قبل ميشوفك عفاك..سير بعد مني غادير مشكيل كبير...انتابهت لايدو...سير غادي يعاود يضربك تاني...
ليالي : ولاا اهئ واسير مكيدير ليا والو ...حط ايدو على ايديها وهي كترعد وضور بجنابها...
ليزيد : عمرني منسيتك اليالي عمرني...وعند كلمتي غير تخرجي وتحرري غادي نتزوجو. مغانخليكش عمري نسيتك...حيدت ايديها نترتها بجهد وهي تنطق
ليالي : كداااااب نتا كداب نتا غاتخطب وكتقوليا نتزوجو سير فحالك غاتخرج عليا نساني كنت كنصحابك غاتوقف معايا حيت نتا الي بقيتي واقف معايا ولكن نتا فاقرب فرصة خليتيني وخطبتي مزلت باقي عاد دخلت لحبس اهئ اهئ حتى نتا صدقتي بحالهم اذن تانتا متيقتينيش سير فحااالك...
ليزيذ : برك على ايديه وزير على سنانو..اناااا مخطبتش مغانخطبش مبغيتهاش لوليدة الي بغاتها ماشي انا انا وحدة الي فقلبي هي نتي كنبغييييييك واش فهمتي كنموت عليك ...
ليالي : سييير فحالك غادي تنوض موصيبة هنا سير قبل ميشوفك عفاك...
ليزيد : كتبغيه...
ليالي : سيييير واناااري واش مالك ليزيد الله يخليك الى فعلا كتبغيني سير. را غاتخرج عليا واااععععع غايجي ونووووض...
ليزيد : لهاد درجة اثر فيك وخا ماشي مشكيل غانمشي دابا ولكن ضروري خاصني نتلاقا بيك عفاك،...، مناسيكش ومعمرني نساك ولهضرة لي سمعتي فوق طاقتي جيت بين البينات...
ليالي : الله يسهل عليك غا سير مامقلقاش مكتابيناش لبعضياتنا بليييز سير عرفتي اشنو انا غانوض...ناضت كتجري مشات جيهة طواليطات دخلت نيشان لافابو غسلت وجهها وكلها كترعد وايديها كيقفقفو كتنفس بجهد خافت من انه يشوفها بقات حتى تنفست شوية ورجع ليها اللون الي تخطف وهي تمشي كانت بوحدها فطواليط يلاه بغات تحل لباب سمعت دقان وهو يتحل ودخل سد عليها الباب..
قصة ليالي الغيث الجزء الخامس
محتوى القصة
التنقل بين الأجزاء