طوم و جيري الجيل الثاني الجزء العاشر و الأخير

دوزات جودية نهارها فالمعهد عادي ورجعات بليل مع يوري ... تعشات وطلعات لببتها كتبات داكشي لي دارت النهار كولو و نخشات فبلاصتها كتطيب فالنعاس ..

اما عند الدراري رن الجرس وخرجو يجريو تاني ...

المهارات الجرى ديالهم كتطور و تدربو على الخفة والسرعة وزاين مقسح معاهم ..

زاين واقف عليهم بلبسة التدريب والصفارة والكرونو فعنقو ومgفض عليهم و كاسكيط فراسو و كيغوت مغوبش : ياااله تحركووووو ...

طارو لراس الساحة ورجعو لعندو ..

زاين : ياله تمشاو دابا وتنفسو ...

كلشي كيتمشى بالشوية وكينهجو خداو الماء وشربو ورجعو تستفو قدامو ..

زاين: مزيان .. كاين تقدم فالسرعة ديالكم ولكن باقي خاصكم الخدمة خاصكم تكونو خفاف وسريعي الحركة... غنزيد ليكم فصعوبة الجري ... وكاتشوف هنا هاد المسار كامل غايخصكم تجريو فيه ... هكا غنبداو ومن بعد غايولي هاد التمرين حدا البحر وفوق الرملة ..

كولشي كيشوف فداك المسار لي فيه العواقب روايض فالارض غيدوز منهم وغيطلعو فواحد السور ومن بعد شبكة عالية وغينقزوها وغيطيحو فالرملة ... حلو فامهم ... وفيقهم غوات زاين ..

زاين: يااااله .. اش كتسنااو .. البنات غاديين تنقاسمو ل5 المجموعات ... و الدراري حيت نتوما اكتر من البنات غتنقاسمو ل7 المجموعات .. ياله ..

دارو لي قال ووقفو المجموعات ..

زاين: مزيان .. البنات نتوما الاولين عندكم ..3 الدقايق .. 3.....2....1 ...

انطلقو المجموعة الاولى والكل كيتفرجو وزاين كيحسب ليهم وكيموتيفي فيهم ..المجموعة التانية فيها 2 بنات صحابات واقفة قدامهم ميرال وكتشوف ...

نغزات وحدة وقالت ليها ...

....: ماعرت البروف اش عاجبو فيها ..

.....: كتعصب والله دايرة فبها بريئة وهي كتضرب من التحت ..

....: مكرهتش نحيدوها من الطريق نتريو عليها شي يامات ندوخ فبهم داك البوقوس اختي محمقني داخلة نقرى هنا غير على قبلو ....

.....: نعاونك اختي ..

....: يخليك ليا .. تجي نوبتنا نباليو بيها ...

حبس زاين الكرونو كاينة لتوفقات فالتمرين وكلين لي لا .. اول مرة غايديرو تمرين زاين كيموتيفي كتار ما كيوبخ ..

زاين: رتاحو .. ياله جروب 2 ... وقفو وصفر زاين .. انطالقو كيجريو و ميرال كيف عادتها الجراية سبقاتهم والاخربنات وراها نقزات الحواجز ودازت فالروايض ودغيا وصلات عندها خشات الاخرى رجلها معاها .. وعفطات عليها بالعاني .. ميرال صبرات وجرات رجلها كملات واخا ضراتها خرجات من الروايض هي والاخرى وطلعو كبتسلقو السور لي دايرين فيه حجر خارج فين يظيرو رجليهم .. ميرال كتطلع وطلعات وراعا الخرى دفعاتها بمرفقها بلا متعيق للمدرب والبقية لي كيشوفو وطاحت ميرال للارض ..ناضت دغية وعاودت تسلقاتو ونقزات و مشات كتجري للشبكة كتيلق طلات التخرى عليها من الفوق وخلاتها حتةدى طلعان للفوق وهي ترهي رجل جابتها ليها فوجها ميرال توعتات ورخات تيديها من الشبكةوطاحت مع العلو طاحت على رجلها تفدعات و ضربات وجها مع الارض .. طار زاين عندها و تبعوه الدراري كيجريو ..

شدها زاين بين ايديه كيفيق فيها وهي عينيها مقلوبين وجود كيغوت باسمها نخلوع وجاد واقف مصدوم حداهم ..

هزها زاين بين ايديه ميجري بيخا وتبعوه الدراري وكولشي كيشوف .. دخلو لمستشفى المعسكر وحطها جات الممرضة كتقلب فيها وقدرات تفيقها وبدات كتقيس رجلها ..

المنرضة: هنا ..

ميرال؛ اي اااه ..

زاين: ياكما تهرست ..

المنرضة: لا ..غير تلوات ليها واحد 3 ايام ديال الراحة وتولي بيخير .. انا غندير ليك بوماضة وبقاي كل نهار جي عندي نماصيها ليك ..

جود: كيف درتي حتى طحتي .. ماكتشوفيش ..

ميرال: راه البنت زلقات ايدها وجات فيا ماوقع والو ..

زاين: صافي رجعو نتوما ماعندكم ماديرو هنا ..

جود: ولكن ..

زاين حمر فبه: هضارت 😡

خرجو الدراري وزاين طمن على ميرال و خلاها ترتاح ... و رجع ليهم ...

كمل معاهم التدريب ... وطلقهم يمسدشيو ودوك البنات فرحانات بالانجاز ديالهم وخاصة معاق بيهم حد ..

غير طلقهم زاين وطارو عند ميرال يطمنو عليها ..

جود: سافا ؟؟ دابا كتضرك ..

ميرال: لا الا الى وقفت عليها ..

جاد: نقزتيها المسخوطة داك العلو ماساهلش بالنسبة ليكم البنات

ميرال؛ ماشي بزاف ... المهم خديت واحد 3 ايام راحة😁😁

جود: هادي عندك فيها الحق يرتاحو اعصابي حتى انا شوية 😐😐

ميرال: ههههه ناااري عليك نتا .. *شدات فايدو وعنقاتها*

جاد : احم مهم انا غنمشي ندوش ..

جود: واخا انا تابعك ..

ميرال: واقلة تفكر جودية ..😟

جود: وايبه توحشتها تأنا ..

ميرال: يعلم الله بحالها تاهي ..

جود: باااينة غير الله يكير هاد 3 سنين دغيا .. مهم انا غادي ندوشش ونرجع عندك نديك نفطرو ..

ميرال: واخا احبيبة ..

باس راسها وخرج ..

دوشو وخرج جاد لبيفي وجود رحع عند ميرال هزعا وداها مهاه حطها فالطابلة مع جاد ومشاا جاب ليها فطورها .. وحطو فطرو ب3 كيتحتتو سالات وداهاىللمسكن وحلف عليها متخرجش .. بقات غير كتقرى كتاب والاخرين مشاو للحصة ...

بعد ساعتين .. ناضت ميرال كتعرج للحمام ... ودخلو دوك البنات للغرفة حيت معاها ..

البنت 1: بنت الكلب سول عليها و مداهاش فيا من الصباح وانا نتحلون ونتبحلس عليه 😡😡

البنت2: اختي باان ليا غير نسايه ... طيحتي البنت عطبتيها و شفتي العقيد العمراني كيفاش هزها وتبعوه ولادو باينة بيناتهن شي علاقة زعما من العائلة .. اختي انا مافادا على صداع وعلى مساكيل منين البنت بنت شي عائلة غنتكمش احسن ليا ..

البنت 1: لاواه الزمر مالك دغيا اختالقتي قصة .. هاديك مزال غنجري عليها ابلاتي نلقا لبها شي بلان نطيرها ... والى مابغيتيش تعاونيني ..بلاش ...

جات البنت الاخرى تجاوبها وهي تحل ميرال الباب وخرجات لبهم ..

ميرال: طيحتيني بالعاني ..

البنت1 بقات كتشوف مصدومة والاخرى بدات تمتم ..

البنت 2: لا .. اختي .. حنا غير .. مكناش كنهضرو

ميرال قاطعاتها: نتي مااهضرتش معاك .. جاوبي ..

البنت1: اه .. ياله قصدت نطيحك باش تهرسي و تضرقي كمارتك من هنا ساعة فلتي منها ..

ميرال: وعلاش الغزالة اش بيني وبينك تقريبا شهر وحنا مع بغضياتنا فهاد الغرفة عمري قرب ليك ؟

البنت1: لا ولكن البروف ديالنا ااه ..

ميرال: اااه قولي نتي من لي فانز ديال داك كازانوفا .. ههههه متخافيش الغزالة عندي بوركابي ديالي غاعما مسوقة لاليك لا لداك البروف ديالك .. انا هنا باش نقرى و ندرب ماشي لهاد التخربيق ديالك الغزالة ...اه نسيت وباقي تقربي ليا انا اي غنتري على مك من هنا ...*طلعات وهبطات فيها* كنوحلو غير مع صغار العقول بحالك ..

ياله غتطير عليها تنتفعا وهو يدخل جود وجاد ووقفو بيناتهم

جود: اش كاين الاخت ..

ابنت 1: اااه؟؟ ا..ا..

جاد: اش بينك وبينها حتا تديري ليها هاد البلان ..*بسخرية* حشومة ..

جود: هههه كيفما قالت ليك الانسة راه عندها صاحبها لي هو انا .. ها هو خبر اكسكولوزيف سيري نشريه .. وباقي ضوري من جيهتها نغاتبقايش ضوري هنا .. اه وداك البروف لن يتزوجكي ...

بقات كتطرطق فبلاصتها وجراتها الاخرى وخرجو لبرى وميرال وجاد كيضحكو دار عندها جود وقال ..

جود: انا بوركابي 😐😐

ميرال: هههه مالك غتخرج من الجماعة كولشي الدراري المغاربة بوركابيات 😁😁

جود: ههه اجي لهنا نبوسك ..

جاد: وراعيو لمشاعرنا اناس ...

ميرال: ههههه شد ايديك ماتبوسني مانبوسك غادي نعتاصمو... متقرب ليا منقرب ليك حتى يرجعو جاد وجودية لبعضياتهم ..

جود: هههه هضرتي ولا حزقتي

ميرال: تفوو على جنس ..

جاد: ههههههه زيدو تغداو زيدو ...

👑 👑 👑

دازو شهراين تمكنات جودية من اللغة ودابا بدات كتقرى فالمعهد ... سيفطات ليه الكتاب الاول قراه جاد فليلة وكل ليلة كيقراه ... فهاد المدة ماسمع صوتها غير شي 3 المرات حبت بعض نوبات كيتاصل كيلقاها غلبها النعاس مع العيا وكتصبح كتبكي فاش كتلقا اتصالو وهو كيبقى فيه الحال ... كلهم خداو على الوضع وبداو كيولفو ... نور مشات شهر جلسات مع بنتها حتى سجلو الالبوم ورجعات تاني للمغرب .. بما جاوقت يخرجوه للسوق ...

اليوم الخميس ... مشات جودية لفيديكس و حطات الطرد لي فيه الكتاب ديال الشهر التاني ومشات ركبات فالطوموبيل مع شيفور لي داروه ليها وحطها فالمعهد ورجع .. دخلات لابسة مزيان ومكبطة حبت دغية كيبرد الحال فكوريا ... سلمات على الكليكة ديال الصحاب لي دغية دارتهم 2 بنات و2 ولاد ... كتقضي معاهم معظم وقتها .. و تسجلات فلاصال كتريني و حتى البالي والرقص التعبيري الموهبة ديالها مانساتهاش .. كولشي غادي مزيان عندها... يوميا كتهضر فتيلي مع والديها ..

وحتى فسكايب وكتشوفهم ...

كملات نهارها ورجعات للفيلا .. تعشات وخلاتهم التحت وطلعات كتبات فكتاب جديد تاني ... وخدات سيلفي وسيفطاتو فميساج لبورطابل جاد وكتبات توحشتك وزادتها على عرام السيلفيات والميساجات لي ماقراهمش حيت تيليفونو معندوش وماشاعلش و كتبقى تسيفطهم ليه كلما تفكراتو ... وكتبقى تسيفط ليه ميساجات وكتكتب ليه اي حاجة فكراتها فيه ...

فهاذ الاتناء بقات كتفرج في فيديواتهم لي دارو فالصيف وهما خارجين وطالقة ديسباسيتو حتى وصلات 3 الصباح و ناضت تخشات فبلاصتها كتضور عينيها ...

فهاذ الاتناء زاين باقي فالمكتب ديالو كيوجد يخرج و جا عندو جاد ..

زاين:اش داكشي ..

جاد: جيت عندك بصفتي ولد ختم ماشي المتدرب ديالك ..

زاين: مالك ياك لاباس ..

جاد: مهضرتش مع جودية هادي 15 يوم و عيبت منصبر حتا الاحد ...

زاين: قالتها ليا البارح ولكن دابا عندهم ديك جوايه 3 الصباح غتكون ناعسة ..

جاد: عااافاك اخالي خليني نجرب حظي ... تقدر تكون باقا فايقة راه عارفها كتسهر مع الحفاظة ..

زاين: ياله زيد اتاصل ..هانا برا ... واخا مابغبناش نديرو الفرزيات ولكن تغبانها البارح بقا فودنيا ..

جاد: العز اخالي ..

مشا طار جلس فالمكتب ودور نمرتها .. جودية ياله غدور على جنبها وقفزها تيلي .. جاوبات بالزربة وقلبها كيضرب ...

جودية: ا...لو...

جاد: الله ينعل مك ...

جودية : جاااد 😭😭

جاد: توحشتك ازمر .. ونتي موحال واش مسوقة .. كنتسنى الاحد بفارغ الصبر باش نسمع صوتك ديك 5 د و باش متجاوبينيش ؟ ؟.. 2 سيمانات درتيها ... 😐

جودية كتبكي: عافاك متقولش هكاك .. راه العياء كيديرها ليا من 7 الصباح حتال 9 الليل وانا برا كندخل كنسهر شوية مع القريا وكنطيح الارض .. الاحد كنحاول نسهر ولكن كنلقا راسي نعست 😭😭

جاد: صافي احبيبة متقلقيش صحتك هي الاولى .. 😔

جودية: حمد الله مللي اتاصلتي عاد لقيتبني كنت كنتفرج فالفيديوات ديالنا ... تفركرت ايامنا فديك 3 اشهر ..😔

جاد: هههه فكرتيني احسن صيف دااز عندي .. حيت داز ونتي فجنبي كل ليلة وكل نهار ..

جودية: حتى انا .... قولي شنو احوالك و خويا وميرال ..

جاد: ههههه خوك غيموت غير بالغيرة والفقصة ..

جودية: ههههه واللهتا عرفت هادشي لي غيوقع ..

جاد: وايبه عندنا واحد البروف مزعوط فميرال و جود شاد راسو عليه غير بالزز .. ديما مخاصم معاها نعيا منهدن فبه ولا صاعر ..

جودية: راه بابا يهضر مع البروف و يقول ليه يبعد عليها ..

جاد: راه البروف مامعتارفش بهاد القضية .. غير حنا لي عقنا بيه من تصرفاتو .. خاصو يعتارف باش يلقى خالي منين يشدو ماشي غير يجي ويقول ليه تفرق منها .. مهم خليني من هادشي وعاودي ليا عليك كيف كيدوز نهارك واش كتاكلي مزيان .. واش عندكم البرد درتي صحابات ... شنو كديري فاوقات الفراغ ..

جودية: ههههه علاياش غنحاوب دابا ..

جاد: بقاي غير تهضري توحشت صوتك .. توحشت ايديك فتش كتلعبي فوجهي توحشت نبوس رجليك وتوحشت نجبد ليك ودنيك .. توحشت شخيرك فاش كتلواي فالغطا .. توحشت ضحكتك و غواتك لي كتقبي ليا بيه ودني .. توحشت النغير ديالك .. توحشت نبوسك ونعنقك .. توحشت نلعبو د فلور ايز لافا وتوحشت نشطحو على ديسباسيتو .. توحشت نلعبو قاشقاش فايكيا ... توحشت ريحتك فاش كنلقاها تخلطت بريحتي فيك ... توحشت نفيق ونلقاك حدايا ونبغي نوض وتشديني .. توحشت المقالب ديالك وقباحتك

جودية كتبكي: باراكة اجاد واللهتا قلبي طايب .. تانا توحشتك ومكرهتش طير هاد 3 سنين دغيا ... دازو شهور دابا بحال الى دازو سنين و بااااقي مزااال ..

جاد: صافي احبيبة معيطتش باش نبكيك .. عيطت باش نسمع صوتك و نعرف احوالك .. و نموتيفيك وتموتيفيني... قرايتك غادية مزيان ..

جوظية: اه كيفما واعدتكم نتا وماما وبابا ..

جاد؛ هكاك نبغيك احبيبة .. و باقية كتريني ..

جودية: ااه ..

جاد: مزيان ركزي ليا على السكواات ..السكوات تم السكوات ..

جودية: ههههه الله يمسخك ..

جاد: ههههه عاودي ليا ديك الضحيكة ..

جودية: اشنو بغيتيني نمتلها .. احي بعدا كيفتش حتا عيطتي ..

جاد: الشاف دار معايا المزيان ..

جودية: هههه وراه البارح غلبوني دموعي وبركت نبكي ليهم فتيلي 😂😂 داكشي علاش يمكن خلاك اما واللهلا شميتيه ..

جاد: اوى صافي احبيبة بقاي ديما تبوحطي ليا عليه .. باش يهلينا نهضرو ..

جودية: ولا عليك احبيبة .. 😂😂😂😂

جاد: اححححا هاد الليلة غنبات مرتاح ..

جودية: حتى انا .. تعشيتي ولا باقي ..

جاد: دابا ياله 7 كنتعشاو مع 8 ..

جودية: اااه ...

دخل زاين ... ياله انتوما باقيين ماياليتو ..

جودية: هذا باباا ..

جاد: ااه ..

زاين: اراها .. حبيبة ..

جودية: حبيبي بابا .. لاباس ..

زاين: حمد الله احبيبة نتي صافا .. كيف داز نهارك ..

جودية: داز عادي ولكن منين هضرت معاكم غدا غيدوز زوييين ..

زابن: احياني عليك حيت هضرتي مع بوراص ديالك ..

جودية: هههه ياكما حاgر عليهم راه نوصلها لماما ..

زاين: ههههه راه مقسح معاهم باش يخرجو رجال وقادرين على اامسؤولية ...

جودية: اااه .. واش كيديرز القباحة ..واش المعسكر مخلط .. شحال ديال البنات فيه ..ولش كيتخالطو فالتدريب ؟

زاين: ههههههه كتقلقليني لحسك ...

جودية: ههه راك عارف ابابا ..

زاين: متخافيش يلعب بديلو نعلق مو فحبل المشنقة ..

جاد: حسبت بيك كتهضر عليا 😐😐

جودية: ههههه يخليك ليا احبيبي ابابا ..

زاين: ياله نعسي ابنتي غتفيقي بكري ومتبقايش تصهري بزاف ..

جودية: واخا ابابا عطيه ليا نودعو ..

زاين: هاك ..

جاد: حبيبة ..

جوظية: تصبح على خير احبيبي و فايتيبنغ .. وكنبفيك وكنمووت عليك

جاد: حتى انا احببيبة و حاولي تسنايني فالاتصال ديال الاحد عافاك ..

جودية: هانتا بقا اتاصل بيا مع 12 عندكم النهار عندكم باش تجيني مع 9 الليل كنكون باقي منعست ..

جاد: صافي واخا 9 قدقد هزي نيلي ديالك وياوياك وماتجاوبيش واللهما نبقى نعيط ..

جودية: لا لا كنواعدك ..

جاد: تهلاي ليا فراسك وفصحتك و للسي مزيان على البرد ..

جودية: امرك سيدي ...

جاد: هههه كنبغيك ..

جودية: بابا حداك الممسوخ .. حتا انا 😘

جاد: ياله قطعي ..

جودية: باي .. وقطعات .. حط نيلي ووقف زاين قدامو كيضحك ..

زاين: مزبان دابا شكون بحالك نصف ساعة ديال الهضرة ..

جاظ: راك عارف اخالي ..

زاين: ماكاين باس اولدي زبدو صبرو مزال تانا توحشتها مخليا بلاصتها قداش .. ومها دور دور و تنوض بليل تعيط ليها وترجع تنعس .. مهم سير راك غبرتي اكتر من القياس ...

جاد: الله يعاون اخالي سلم عليهم ..

مشا خرج تاهو ورجع المسكن مالقاش جود عارفو فشي قنت مع ميرال .. وجلس فسريرو كيفكر ..

☆☆☆☆ عند جود جالي هو وميرال فواحد الدروج فياحة التدريب ...

هي جالسة وهو عادي جاي ..

جود: لا لا .. السيد زعاااااام ..

ميرال: جود راك عارفني مامضسراش عليا بنادم ... خليني غير مع ديك اللفعة لي تضل تلوح عليا الهضرة و ساكتة ليها غير على قبل خالي و منديرش شي مشكلة ..

جود: او .. واش فينما نضور نسمع ميرال وبروف ادم بيناتهم شي حاجة .. شكون لي كظلي معاه انا ولا هو .. علاش مخرجين اشاعة بحال هادي 😡

ميرال: علمي علمك ... اش غندير... نسكت ليهم فمهم .. خليهم لي بغا يقول شي حاجة يقولها .. المهم عندي هو نتا تيق فيا ..

جود: انا مكنهضرش عليك عاارفك مزيان ... ولكن بنادم ..مكنتيقش فبنادم ... واعيينا مانلمحو ليه وبنادم مابغاش يفهم راسو .. ولكن صافي الوالد لي غينفعني ..

ميرال؛ شنو غدير ..

جود: حتال غدا و غتشوفي ... زيدي دابا وقت العشاء ..

☆☆☆☆اصبح الصباح ..

عند جود والدراري بعد التدريب الصباحي ... تلا جود وراهم ..حتى دخلو ومشا للمكتب عند باه ..

زاين: زيد كنت باغينهضر معاك نيت ..

جود: اوالد ..تانا بغيتك فشي حاجة ..

زاين: مالك حتى نتا .. شتك غير مقندش هاد الايامات رخف شوية .. كنشوفك كيفاش كتضارب ...يسحاب ليك معايقش بيك .. كتخوي فبنادم سمك .. لقيتيها فرصة اش عندك...

جود: بروف آدم ..

زابن: بقاو ليك غير لي بروف ..

جود: معندي مشكل مع حتا شي بروف .. من غير هداك .. راك عارفو جون و غاع البنات كيضورو بيه .. ولكن هو مكاتبان ليه غير ميرال 😡

زاين جلس فوق المكتب ماشي الكرسي وربع ايديه كيضحك ؛ ههههههه ااه القضية فبها ميرال و نار الغييرة .. 😂😂

جود: راك الوالد وعارفني بلا منقولك..

زاين: فاهمك حيت دايقها تأنا.... ولا عليك غنتصرف... لي مهم هو تظبط اعصابك وتحكم فراسك ..

جود: راه هادشي لي داير صبرت شهراين على هادشي على قبلك وعلى قبل ميرال... وياله دابا تصرف ..

زاين: زيد قدامي فينما مشيتو دايرين ليا المشاكل .. انا غنهضر معاه وتا غبر من حدايا ...

جود: واخا .. قوليه مخطوبة .. ولا مجوجة غاع انا مسوقيش .. مهم مايبقاش يشوف فيها حتى الشوفة ..

زاين: زيد المصعور زيد ..

خرجو ب2 غاديين .. و فاتجاه جناح لي فيه لي زونفي .. بان ليهم البروف واقف فطريق ميرال كيهضر معاها وهي كتقواكلمة وكتبغي تمشي وكيشدها .. حتى شد ايدها فخطرة وباسها ... نطرات ايديها وجمعاتهم ..

ميرال: استاذ عافاك انا قلت ليك مرتابطة و بلا مشاكبل متبقاش تعرض ليا ولا غنظطر نشكيك😡

البروف آدم: نتي كتقولي هكا غير باش نبعد علبك .. ولكن عجبتيني ومكرهتش تكون شي حاجة بيناتنا ..

ميرال ياله جات تهضر و سمعات جود كيغوت بسميتها .. جرى لعندها وزاين طار دغيا قبل مايضرب ..

و شدو زاين وبعدو ..

زايم: ديها وسير من هنا 😡

جود خنزر مزيان فالبروف جرها من دراعها وداها ..

زاين: بروف آدم ..

البروف وقف برسمية وحدر عينيه: سيادة العقيد ..

زاين: شنو شفت .. نتا عارف بلي ممنوع يتقرب اي بروف من المتدربات ولو بأي شكل .. وعارفين كاينين تجاوزات و هادشي كيدوز حسي مسي ... وكنتي محظوظ ملي فلتها ليك العام لي فات .. ولكن بان لبا مغترباش ..

البروف: انا مانويت والو اسيادة العقيد ... غير ..

زاين قاطعو: شوف نقولك .. متصدعش ليا راسي بالترهات ديالك .. هاديك البنت راه ماشي غير بنت صاحبي راه بنتي و ربيتها مع بنتي لي من لحمي .. و مابغتش نشوفك مرة اخرى كتقرب لجيهتها ولا كدور بساحتها ... مفهووم .. اااه و الدرية اصلا مخطوبة بهداك لي شفتيه دابا جارها .. مبغيتش نعاود نسمع عليك قربتي لشي بنت من المتدربات ولا غنظطر ندير معاك شي إجراآت حنا فغنى عنها .. دازت المرة الاولى وها المرة التانية المرة التالتة غنطيرك من هنا .. آخر انذار ليك ...

البروف تزمط و بدا يرطب حيت خاف على خدمتو : كنعتاذر سيادة العقيد ... هاد الغلط مماغايتكررش ..

زاين: احسن ليك ..

ضرب فيه زاين ومشا ... ولاخر دور عينيه ومشا رجع لخدمتو ..

☆☆☆ عند جود لي جرها وعزلها فقنت خاوي ... خبطها حتى لصقت مع الحيط و برك يصعر ..

جود: لمك انا كنقولك الطريق لي يكون فيها نتي خويها .. نجي نلقاااه شاد فاييديييبيبك 😡😡 زاش لديلمك باغية تجهليني 😡😡

ميرال غلبتها البكية؛ راك فهمتي غلط .. انا راه .. 😢

جود ضار عندها وضرب فالحيط حتى خرج دم من قبضتو وغوت عليها فوجها وهي شادا وجها وكتبكي...

جود: واااش لمك كنشوووف فيه شتد ليك ايديك وكيبوس اعباااد الله ونتي كتقولي ليا منفهمش غلاااااط 😡😡 بااس ايدك اميرال باااسها 😡😡 اعباااد الله كنظل نوصي ونغوت😡😡😡

ميرال كتصنت ليه ومخبية وجها وكتبكي وتشهق بالجهد ...

شافتو ضرب فالحيط تاني و دار غادي ... حتى مشا 2 خطوات ورجع عندها دغية جرها عنقها عندو بجهد وهي كتبعدو وتضرب فسدرو يبعد وهو مطلقهاش خشا وجهو فعنقها و هو كيلعن فراسو حيت غوت عليها وبكاها ..

جود: متبكيش صافي سمحي ليا ...

ميرال كتبكي فسدرو وكتنخصص: عيبت منقمع فيه ولكن مكيفهمش ... عييت من هاد الموضوع عيييت 😭😭😭

جود: صافي احبيبة عرفت .. غنتهناو منو احبيبة ... متبكيش ...

ميرال: ش..شوف ايدك كيف دايرة 😢😢

جود: انا غنمشي نداويها سيري دوشي ونتلقاو فالبيفي ..

ميرال مسحات دموعها :واخا ..

باس راسها وطلب السماحة منها مشات و مشا تاهو ... داوا ايدو و مشا للمسكن دوش و خرج هو وجاد للبيفي لقاوها كتسناهم ... عاودو لجاد داكشي لي وقع حتى وصل وقت المحاضرة وناضو دخلو و جود حاضي و كيف ديما وضحك ضحكة النصر منين البروف مشافش حتا جيهتهم ... سالات المحاضرة وخرجو .. وجود ظاير ايديه على مؤخر راسو كيتكسل باريحية ..

جاد: هههههه هانتا تهنيتي ..

جود: كون ماحبسني الوالد كون شرشمتو قبايلة عندو زهر .. كنبات نحلم بالنهار لي يطيح بين ايديا ..

ميرال: واصافي دابا .. باله نتغداو فيا جوع راه تابعنا التدريب تاني ...

جود كيقرص حناكها: الكتيكيتة ديالي مقلقة .. ومعصبة ..

ميرال؛ حيد ايديك .. كل مرة كنزيد نتأكد بلي نتا صعيب و مكتحكمش فعصبيتك وهاد الغيرة لي زايدة على اللازم ..

جود: خايفة مني ..

ميرال: مقلتش هكاك .. انا بغيتك غير ترخف شوية راه كيوقع شي مشكل بيناتنا مكتخليش ليا الفرصة حتى فبن نهضر تأنا .. هاظشي راه ممكن يأتر فعلاقتنا ..

جود: كنواعدك هادشي مغيتعاودش .. واخا .. هاعو جاد شاهد ..

جاد: يدير معاك شي بلان جي عندي نيشان غير تصرفيقا للكمارة .. تقضي الغرض ...

ميرال: ورريني كيفاش

جود: هههههه ياك لمك ..

جاد : هب الاولى غفلو وعطاه حتى دار ..

جود شظ حنكو وشاف فيها مصدوم وفيه الضحكة وهو يكير عليه بداو يتعابزو بالضرب وهما كيضحكو ..

ميرال: ههههه صافي براكة المساخط .. فرجتو فبنا عباد الله 😂😂 وصاافي ناااري على لعب الدراري شحال خايب ...

جود: صافي هدنة ...

جاد طلقو ..

وهو يجبد معاه جود بتصرفيقة وعلق وتبعو جاد كيجري وميرال وراهم كتغوت وتضحك ...

تغداو و من بعد مشاو لاصال فين غيدربو على القتال .. دخلو وجلسو تما بيما تجمعو المتدربين ويجي العقيد يدوزها عليهم تاني ..

جالسين ب3 مجمعين حتى دخل زاين وناضو تجمعو عليه ..

زاين: الوووغ ... كلكم مجموعين ..

الكل: وي شااف ..

زاين: مزيان ... اليوم غنعلمكم كيفاش تهاجمو ..

جاد وجود تبسمو حتى بانت ضرسة العقل ...اصلا مدربين من قبل وعندهم شوية معرفة فهادشي يعني غيشرشمو البشر شاف فبم زاين وقال ..

زاين: تبعو الاوامر وتاخد ميصرف من عندو و لي عطا شي ضربة لشريكو خارج عن توجيهات غنقاد ليه ضلوعو مفهوووم ..

جاد وجود بداو يضورو عينيهم حيت العضرة موجهة ليهم .. القصة أُخذت من قصة بالدارجة..

زاين: اجيو نتوما ..

تقدمو جاد وجود لجنبو ..

زاين: ياله كلها يختار زميل والبنات تاهما ... ودابا زملاؤكم غيمتلو ليكم شنو غديرو وبعدو وركزو ..

دارو لي قال ..

جاد وجود عارفين اش غيديرو وقفو قدام بعضياتهم ..

زاين: جود فوضعية الهجوم و جاد تبت ..

دارو لي قالو ليه ..

زاين: ياله جود ...

هجم عليه بضربة موجهة لوجهو وشدو جاد من قبضتو ودور ليه دراعو و ضار معاها وشنق عليه من عنقو ...جود ضربو بمرفقو لكرشو عواج وضار ليه جود وضربو للظهرو طيحو للارض.. جايشنق عليه ويعطيه ضربة للوجه وهو طايح هز جاد رجلو وركلو لسدرو طيحو للارض وناض جلس عليه باش يضربو وشدو جود من عنقو قجو ولاخر تاهو شدو من عنقو قجو .. وهادشي كولو وقع بالزربة و المتدربين حالين فامهم فيهم وميرال غتموت بالضحك حيت زاين ضرب جبهتو وغمض عينيه مفقوص حتى غوت عليهم ..

زاين: وا الهجييييج واا تريكة نووور 😡😡 نوضو ..

ناضو وقفو قدامو ...

زاين: انا قلت ليكم .. غتبينو غير حركة وحدة لي هي الهجوم ونتوما دوزتو 17 درس فدقيقة ...

زاين: عاودو ... حركة الهجوم بوحدها ..

وقفو تاني بوضعية الهجوم وهجم جود وشدها جاد وحبسو ..

زاين: تبتو على هاد الوضعية ... ياله كولكم ..

طبقو الحركة ودار علبهم كيصلح لي دارها غلط ودازو للحركات التالية ... حتى دازت 3 السوايع ديال التدريب وطلقهم فحالهم ...

🎋 🎋 🎋

اليوم الاحد ... وصلات 12 الصباح ومشا جاد بالزربة للمكان المخصص لتيليفون .. وهو فرحان غيهضر معاها .. دوز نمرتها و غير صونا جاوبات ..

جاد: اححححح على الحب ..

جودية: هههههه وفبت بوعدي ولا لا ... توحشتك ابوراس ..

جاد: تانا توحشتك المصيبة .. اش كديري ... جودية كنكتب ليك ..

جاد: هههه الكتاب ديال الشهر لي فات مكنعس حتى كنقراه منو شي صفيحات .. كديري فيه ريحتك ..

جودية: هههه ااه .. مكرهتش تانا تبقى تكتب ليا ..

جاد: نتي تآمري احبيبة ..

جودية: وا قولي اش دارو دوك 2 ..

جاد: خالي تصرف .. وحل المشكل ...

جودية: هههه مزيااان قربتو تشدو عطلة منتصف الدورة ...

جاد: لا معندناش .. حنا كنشدو عطلة وسط العام صافي وشي ايام للاعياد ... جاد دابا حنا فشهر 12 .. غنشدو واحد 15 اليوم فشهر 1 ... ونتوما..

جودية: تفووو انا غنشد واحد الشهرين عطلة ديال الشتا من الاخر ديال شهر 1 حتال 3 😔😔

جاد: واااايلي ... غنتفاوتو متقوليهاااش .. جودية وغنرجع نقرى الاس 2 من شهر 3 حتال 9 و غنشد عطلة ديال شهراين تاني ..

جاد: لا واش هادشي لي كتقولي بالصح ولا طالقاها عليا ..

جوظية: واللهما كنكدب عليك ... ياك مكتبداو القراية حتال شهر 10 ..

جاد: لا 9 😔

جودية: النحس .. القدر مابغاش يلاقينا .. 😐😐

جاد: فاش غنكون عطلة غنجي عندك ...

جودية: اشمن تاريخ .. غتشدو العطلة .. نااري قلتي شهر واحد ..

جاد: ههههه وا غيير قوليها .. مغتقدريش حيت غتكوني كتوجدي لايكزام ...

جودية: فاخر الاس عندي مشروع خاصني نقدمو و خاصني نمشي لبوسان تما فبن كاينة الشركة لي غنخدم على مشروعها .. و واخا تجي عندي مغتشوفنيش .. راه الدار كنجي غي ننعس فيها حتا الماكلة وليت كناكل برا ..

جاد: هههه هاانية ..

جودية: بلا متصنع قدامي .. راه باينة فيك معصب ..

جاد: لا احبيبة .. غنشوف كيف ندير نجي عندك متخافيش ..

جودية: نتمنا انك تقدر تجي عندي ..

جاظ: بظلي هاد الموضوع حتال وقتو .. وقولي ليا اخبارك ..

جودية: نهار كولو كنفكر فبك اوجه المحكة .. شحال من مرة كنبدا نضحك وسط القاعة فاش كنتفكر شي حاجة وقعات بيناتنا ..

جاد: و زيري المدام لايصحابوك حمقة 😂😂😂

جودية: واللهما كنكدب عليك اي حاجة كنديرها كنتفكرك ..

جاد: نتي راك ديما فبالي .. ماشي غير كنتفكرك ..

سكتو ب2 وتنهدو ..

جاد: تعشيتي ..

جودية: ااه ..

جاد: مزيان انا ياله غنتغدا .. و5 د ديالي سالات ..

جودية: لاا متقولهاش ...

جاد: متخافيش فالعطلة الى مقدرتش نجي عندك يوميا السكايب ..

جوظية: اوكي ان شاء الله احبيبة ..

جاد: يالهةنعسي متبقايش سهرانة غدا قارية و تهلاي فراسك دابا نلصق خالي يخليني نتاصل بيك ويط السمانة ..

جودية: صافي تانا غنgر عليه ..

جاد: كنبغيك احبيبة بسلامة..

جودية: كنبغييك بااي ..

دازو الايام .. وجات عطلة الدورة الاولى لي جلسو فيها الدراري ورجعو لفيلاتهم ... لكن مقدروش يمشيو عند جودية حيت كانت فوقت التوجاد لمشروعها مبغاش يبرزطعا وعاد هي كانت كتنقل يعني مغتعطيهش وقتو كان حاسب ليها وقت الفراغ ديالها وكيتاصل بيها واخا يفيق بليل .. دوزووها خروج مع شهاب و سهى بطوموبيلاتهم كل مرة سباق و لاىكيخرجو من المدينة يدوزو الوقت ويرجعو حتى سلات عطلتهم ورجعو تاني .. للمعسكر .. بعد مدة قليلة من دخولهم رجعات جودية ..دخلات عليهم فجأة وهما جالسين فالصالة بالعشية ..

جودية: انييونغ ..

نور: جووودية 😍😍😍 ناضت قفزات عندها عنقاتعا ..

جودية؛ توحشتككم ..

نور: تأنا احبيبة .. *شبعاتها بوسان* توحشتك ...

جودية: ههههه بلاتي نبوس عمتي ..

رميساء: احبيبة عميتو اجي عندي ..

عنقاتها تاهي وباستهم ب2 ومشات جلسات معاهم ..

جودية: فين هما ... فين آسر ورغد و فين جورية توحشت ديك الخوينزة .. وخالي وبابا باقي مجاوش ..

نور: خودي غير النفس بعدا 😂😂😂 امالكي .. خالك وباباك باقي ماجاو من خداميهم .. رغد وآسر فالفيلا الاخرى و جورية غنطلع نهبطها ..اوكاي 😂

جودية: لا خليم انا نطلع عندها ..

ناضت عاودت باستهم و طلعات الخدامة الفاليز ديالها و سلمات عليهم تاهما .. دخلات لبيت ماماها .. و طلات فالسرير لقات ختها جالسة وسط سريرها وكتلعب بوحدها .. و تخرج اصوات خالقها غير مع راسها ..

جودية : اش داكشي ..

شافتها جورية وبداات تلعب بايديها و تضحك زعما هزيني ...

ضحكات جودية وتحنات هزاتها: وينو وينو على حبي ديالي توحشتي ختيتو ااه ..

جورية فرحانة وكتفنكش برجليها ..

جودية: ههههه تأنا فرحانة ..توحشتك غير نتي الخوينزة ديالي .. شبعات فيها بوسان وداتها هازاها لبيتها .. شعلات الضو لقات بيتها كيفما هو .. جبدات بيجامة بدلات و لبسات و حاضية مع ختها لي غير كتحبو وتنقل من هنا لهنا ..

سالات جودية ورجعات هزاتها ..

جودية: اجي لهنا نتي ..وليتي مشطونة مابقتيش ترصاي اااه .. اري بوسة ..

باستها جودية وختها شادا فيها و تضحك وتلعب بايديها ...حتى هلطت بيها فالدروج ولقات خالها ياله داخل وطارت عندو عنقاتو وتاهو بدورو لي كان متفاجأ بحضورها ..

ياسر: اهلااا ..اهلاا اش هاد المفاجأة ..

جودية: توحشتكم اخالي لاباس عليبك ..

ياسر: حمد الله .. كيف داز مشروعك .. انا متأكد غيكون دار بووم ..

جودية: بطبيعة الحال على ماشي تلميذتك اخالي ..

ياسر عنقها كيضحك: هههههه عااارف بنت ختي قدعا وقدوود وحنرتي ليا وجهي .. ولكن هاديىغير البدية بقاي غادية فنفس الريتم ..

جودية: متخافش اخالي ..

ياسر: اهلا الفنيكيشة .. باسها وخظاها من عند ختها ودخلو للصالة ..

رميساء: جيتي ..

ياسر: باقي شوية .. 😂😂

جودية: ههههه .

نور: لقيتيها فايقة ..

جودية: ااه .. كبرات ماشاء الله خليتها صغيورة ..

رميياء: بحالها بحال مها عاطياها غير لارضاعة والقص ..

نور: باسم الله الرحمن الرحيم ..

رميساء: هههههههههه والله ينعل طواسلك ..

ياسر: هههه نوضي قدامي راه عيان وجدي ليا مناكل ..

رميساء: سير راها الخدامات يوجدو ليك ..

ياسر: على انا مجوج بيك نتي ولا الخدامات ..

نور: تي نوضي تغعدي تبعي راجلك اويلي ..😂😂😂

رميساء: ههههه *تحلفات على نور* هاهي فمك ..

نور؛ سيري اختي الله يسهل عليك .. 😂😂

ناض ياسر وعطا جورية لختها وخرج هو ورميساء معانقين .. ناضت جودية وتخشات فماماها و وهي هازة جورية وسطهم ..

نور: هههه الحبيبات ديالولي نتوما ..

جودبة: والله اناما حتى توحشتكم و توحشت دارنا و بابا لي مشفتوش ..جاد و خويا وميرال و جدي وجدة وعمامي و الدراري والبنات ..

نور: غدا ونمشيو عندهم نشوفوهم انا صحاب المعسكر معندك كيف ديري احبيبة .. غير ديك السمانة باش مشاو من هنا ..

جودية: عاارفة .. بابا معاش كيجي ..

نور: 9 .. قرب يدخل ..

جودية: انا هاد الفنيكيشة ديالي هي لي توحشتها فهادشي كووولو ..

نور باستها فراسها وبقات كتلعب فشعرها وجودية كتلعب مع ختها .. حتى دخل آير وعنقاتو ختو وجلس معاعم وشوية دخل باها .. حطات جورية عند مها وناضت طارت عليه هزها كيبوس فيها ويعنق ...

زاين: واخيرا شفت الصغيرة ديلي توحشتك ..

جودية: تانا ابابا .. شحاا وانا نتسنا فيم تعطلتي ..

زاين: غير مع الطريق اش هاد المفاجئة .. ياك حتال اليماتة اجاية عاد غتجي ..

جودية؛ كدبت بغيت نديرها مفاجئة ..

زاين: احبيبة بابا ..

باس راسها ودخلو معانقين باس كولشي وجلس هاز بنتو الصغيرة كيلعب معاها .. وجودية مخشية فيه..

نور: نطلبهم يحطو العشاء ...

زاين: اه .. فيا الجووع ..

دازت ديك العطلة و جودية ديما عند سهى و شهاب لي مدوزة معاهم هاد العطلة واخا قاريين .. عيات فباها يديها عندهم تشوفهم ولكن مايقدرش لانه صارم فهادشي ... دازت عطلتها ورجعات فحالها ... دازو الايام تاني .. وديما كيتعايطو غير من الاحد لاحد ولفو الاوضاع .. وكل واحد مشغول فقرايتو .. حتى وصل شهر 6 .. وجلسو الدراري عطلة .. سهى نجحات .. الفريخات الصغار كبرو ...رئبال دار عام و4 اشهر و جورية دارت عام تاهي مفاهمين ومولفين بعضياتهم .. فاليداو الدراري كولشي لي موديل بمونسيون وحتى ميرال .. غيجلسو شهر ويرجعو يديرو سطاج شهر و غيرجعو يجلسو تاني ..

داز شهر ديال الراحة عادي سافرو غير فمدن الداخل مع بعضياتهم وديما كيتاصل بيها بالسكايب ... اما العائلة سافرو هاد المرة مجموعين من غير زاين وتريكتو وياسر تاهو...على قبل ولادهم و هلى نور ورميساء لي خدامين كيروجو لالبومهم لي تطرح..و زاين خدام وياسر تاهو ولكن ديما خارجين ب4 فالويكاند ....اما آسر ورغد سيفطوهم مع العائلة ...

اما الدراري كيدوزو نهار ديال السطاج وكيرجعو للفيلا يرتاحو .. خاربينها زدايرين ماةبغاو فالمجريمين كياخدو غير قضيا صغار وكيمشيو كمرافقين للبوليس لي كيمشيو بليا وكيديرو تمشيط للازقة .. باركين غير على الضرب وحاgرين الشماكرية .. زاين هزو ليه راسو للسماء عاجبو الحال حيت موgدين و بينو ليه بلي فالخدمة كيديرو عقلهم و كيحيدو الضحك تماما بحالو وهادشي تعلوه منو و ميرال معاهم ولكن مكتخرجش برا بليل ولكن كنخدم مع البوليس فقضية الاطفال المتشردين حيت كيحتاجو العنصر النسوي فهادشي ..

كل يوم هكا حتى سالا السطاج ديالهم و وجلسو تاني وجلسو والديهم معاهم كاملين .. كانو غيمشيو عند جودية ولكن عاوتاني وقت الامتحانات عندها و كتوجد ليهم .. ميمكنش ليهم يمشيو عندها وقررو يمشيو يدوزو هاد الشهر لي بقا فتركيا .. نبحرو وتزنغو و رجعو فحالهم .. جلسو شوية ورجعو للقراية تاني .. سهى اختارت مجال الاعمال باش تدخل للشركة مع شهاب وولاد عمامها .. وهادشي باصرار باها وجدها وهي ماعندها سوق فحال فحال بالنسبة ليها .. ودخلات للمعهد فين كيقرى شهاب لي بقا ليه غير هاد العام وغيتخرج .. رجعو الدراري تاهما للمعسكر و جات جودية تاهي دوزت شهراين ديال العطلة مع والديها ورجعات فحالها ...

هكا داز هاد العام .... والعام لي وراه ... والعام التالت ..لي تخرج فيه شهاب وخدم مع باه وجدو .. ريان و سمية خدامين كل واحد فخدمتو وولدهم كبر ولات عندو 3 سنين والزيادة .. عصام وانصاف حتا هما باقين في فيلتهم و مربين المشة ديالهم لي كبرت تاهي .. و انصاف تخرجات و باقا حايرة اشنو غدير .. سهى فاليدات هاد العامين لي قراتهم بقى عام وغتخرج ... نور وزاين و رميساء وياسر احوالهم هي هي ... آسر ورغد لي كبرو اكتر و دخلو فالمراهقة عاطينها غير للمناgرة والمخاصمة واعمارهم وصلات ل14 سنة..

اليوم الساحة لي مولفين يدربو فيها كولها عاامرة بعائلات المتدربين و المدربين والمسؤولين وزاين القا الخطاب ديالو وداز قدام المتدربين لي ولاو ظباط وظابطات واقفين بالبذلات ديالهم علق ليهم تلشارات ديالهم وهنأهم و شكرهم و شكروه بدورهم حيت ولفوه و كان عزيز عليهم واخا قبيح ولكن خلا طابعةزوين عليهم وكواشي واخدو كقدوة ليهم .. متدربه كلهم خرجو اقوياء و علمهم يخدمو الذكاء قبل كولشي ..

داز على ولادو تاهكا واقفين قدامو بفخر بيه وهو مفتاخر بيهم .. القاو عليه التحية و غمزهم وداز .. تفرقو المتدربين لعند عائلاتهم كيبوسو ايظيهم ويهنؤوهم ..

ياسر: مبروك عليكم الظباط ..

عماد: هههه خلات على المغرب😂😂

جيداء؛ حشومة تقول هكاك 😂😂 بالعكس حنا فاخورين بيكم الدراري ..

جود: دابا غير نجي نخطب هاد خيتي ..

ميرال خنزرات فيه وجمعات معاه ااركبة لواتها ..

ميرال: خيتي هي ختك ..

نور: هههههه واش اولدي باقي بغيتي تخطبها 😂😂

ميرتل: ياك اخالتي ..

نور: هههه اجي عنقيني .. نتي راك الفنون ديالي بالعكس ربيه ويربيك ... هكا كتمشى الامور😂😂

زاين: سوليني انا نقوليك 😂😂

بقاو ممعين بالضحك حتى سالا الحفل و رجعو لفيلا علي احتافلو بيهم وهنأوهم تما حتى سالا النهر و رجعو كل واحد فيهم تلاح فسريرهم مرتاحين ومهنيين ..

جاد متكي فسريرو حتى ناض حل الفاليز فيها غير الكتوبة لي كانت كتكتب ليه ضحك و بداىيجبد فيهم ويظوزهم واحد واحد قدامو وستفهم فالخزانة ديالو .. هز تيلي ديالو لي عمرو شعلو ... خشاه فالشارجور وشعلو .. وغير شعل هجمو عليه آلاف الميساج البورطابل غيسخف من كترة التصفار جاد بقا غير كيشوف مافهم والو .. (غمضو عينبكن غلى هادي كيف دار ليهاى3 سنين مشعلو 😂😂 راه كنت غنديرها فالعطلة الاولى راه غير التلفة 😒) هزو لقاهم تقريباغير ميساجات جودية .. بقا غير كيضحك .. عرارم السيلفيات ديالها .. جلس يقرى فيهم واحد واحد واخا كتار .. بقا هكاك لساعتين وهو كيقرى مرة ضاراها كرشها كتصور راسها مكومة فالسرير .. ولا فرحانة خارجة مع البنات ... ولا كتاكل ولا غتنعس... مريضة ولا كتبكي ولا كتضحك بزاف السيلفيات .. لاحظ التغيير ديالها من اول ميساج لأخر واحد .. حتى وصلو واحد ... حلو ديك الساعة .. طلع عندها قراهم وخرجو عينيها وناضت كتنقز فزق سريها بالفرحة

جودية: ناااري قرا ميساجاتي .. وااعياىبةعبييد الشرقي هي رجع دابا .. ناري شنو ندير نتاصل ..

عند جاد: ههههه العفريتة ديما مفكراني ااح على قلبي لي غيسكت غير من شوقي ليها .. خاصني نسكتو ليها حتى انا ..

وصلها ميساج: شكون نتي اختي لي مسيفطا هادشي كولو من ميساجات ..

جودية طارت بالفرحة منين شافت ميساج من عندو غير قراتو وجمعات الضحكة ..

جودية؛ اويلي اش هادشي...

جاد جالس كيضحك حتى وصلو ميساج: كيفاش شكون انا .. هاد نيم ديال راجلي ..

جاد قراه وقال: اااح على راجلي ... هههه بلاتي ..

جاها ميساج: نعام اختي راجلك .. هاد نيم ديال الستداك ديالي كنت معاه المعسكر وعطاني التيلي ديالو القديم بما صلحت ديالي...

جودية: اويلي بنت لي كتهضر معايا 😐😐 لا لا .. غيكون ولد الحرام شاد فيا مستحييل يديرها .. ولكن بلاتي انا غنطيحو ..

جاه ميساج: واش بالصح.. هانتي شوفي انا مزوجة بيه هادي 3 سنين .. وتزوجنا صغار وبطريقة زعما مباغتة .. مدبرناش ليها ...و دابا تلاقيت واحد الدري وبغبت نتفك من جاد .. ممكن تعطينيرشي دليل على انه مرتابط بيك باش ندعيه ونطلقو ..انا معندي مشكل تكونو مع بعضياتك نيت جيتي فوقتك ..

غير قرا جاد هادشي وخرجو عبنيه .. مافكرش دغيا اتاصل بيها وجاوباتو فالبلاصة كتضحك ..

جاد: اش هاد الق***وي قريت .. واش هادشي بالصح .. واللهتا نجي لديلمك ندبحك و نقطعك وندخل على مك للحبس .. 😡😡

جودية هو كيسب ويهدظ وهي عتسطا بالضحك وجاوباتو ..

جودية: جيتي تحرق دمي حرقتو ليك .. نوريك انا معاكن كتلعب .. 😂😂😂 قالك صحايبتو عارفتك ماديرهاش ..

جاد: دابا كنتي كالقاخا تسرح ابنت زاين 😐😐

جودية: ايه اولد ياسر ..

جاد؛ توحشتك المصيبة ..

جودية: هههه تأنا .. مابقا وااالو ونتلاقاو .. 😍

جاد: بالصح امتا غترجعي ..

جودية: انا كنوجد للمشروع لي غنقدمو باش نتخرج .. يعني شهر على الاكتر غنتلاقاو ..

جاد: تووف شهر كامل ..

جودية: مكاملش احبيبة .. راجلي دابا ولا الظابط جاد العمراني 😍😍

جاد: ايه امراتي الحبيبة ..

جودية: متشوقة نشوف كيف وليتي ..

جاد: هههه حتا انا واخا شفت تصاورك ولكن ماشي بحال قدامي ..

جودية: هههه قول ليا شعرك طوال ..

جاد: مابقيتش كنضرب الزيرو راه طوال شوية ..

جودية: متبقاش تقطعو كيعجبني نلعب فيه ..

جاد: نتي تآمري احبيبة ..

جودية: شنو كدير دابا ..

جاد: كنخوي بيتي .. وانتي ..

جودية: كنت كنراجع .. حتى سيفطت ليك الميساج وطلع ليا قريتيعم عرفتي قلبي بغا يسكت ..

جاد: وانا لي حليت التيلي لقيت ميساجات بالالاف عرفتي شحال وانا كنقرا ..

جوديى: ههههه راه قلت ليك شحال هادي فبنما كنتفكرك كندير سيلفي ونيسفط ليك ..

جاد: اححم على الحب ديالي ..

جودية: فين خويا و ميرال ..

جاد: ميرال فدارهم وخوك فبيتو ..

جودية: غتكون عيان وباغي تنعس ياك ..

جاد: عندنا 10 ..

جودية؛ حنا عندنا 7 العشية ..

جاد: اناةسمعت صوتك طار ليا العيا ..

جودية: وانا غير سمعتك لحت الدرس ..

جاد: لا احبيبة غنقطع وشدي حفاظتك توصل 9 نعسي ..

جودية: لا عافاك خليك ..

جاد: لا احبيبة غنبرزطك .. انا غنقطع و غنتاصل بيك غدا ديالكم ..

جودية: واخا احبيبة مسخيتش بيك ..

جتد: كون شتيني انا المصيبة .. نهار طيحي بين ايدي غنهنشرك تهنشيرة الكلاب 😍😍

جودية: هنااري 😂😂😂

جاد: ههههه ياله تصبحي على خير

قطعات جودية و ناض هو تلاح فبلاصتو كيضحك ..

دازت تقريبا شي 20 يوم ديما كيهضرو ..

حتال واحد النهار جالس جاد الفوق فبيتو متكي وزاين ونور ورميساء وجود وميرال جالسين التحت ..

جاه اتصال مع 5 العشية من جودية حل تيلي وجاوب

جاد: حبيبة .. اش مفيقك ..

جودية: واش نبقى انا منشورة هنايا شي خد يجي يديني ..

جاد: علاياش كتهضري احبيبة ..

سمع نداء ديال شي رحلة وبالعربية وهو يقفز ..

جاد: نتي فالمغرب 😱😱

جودية: هههه كنتسناكم ... وقطعات .. ناض كيلبس فسبادري ديالو دغية هز سوارت لوطو وهابط كينقز الدروج .. وكيغوت ..

ناضو كاملين خرجو من الصالة مخلوعبن ..

ياسر: تا مالك اصاحبي اش واقع ..

جاد شاد فماماه : وا مراتي .. مراتي جاات ..

جود: كيفاش اش كتقول..

جاظ غادي وكيهضر : ياله اتاصلت بيا .. انا غادي نجيبها ..

خرح وتبعو جود وميرال..

زاين؛ ههههه ديما كتغفل هاد المسخوطة 😂😂

نور: الله واخيييرا ولادنا تجمعو ..

ياسر: هي شي عراسية فاعلة تاركة ..

زاين: ههههه مرحبا ...

طاير جاد فالميرسيديس ديالو بلا عقل وفرحان و جود وميرال وراه تاهما فرحانين .. وصلو دغية .. وقفو بان لبهم جاد داخل كيجري .. و تبعوه تاهما .. بقاو كيقلبو و وااالو مالقاوهاش ..

جود: ياكما كنتي كتحلم بيها تاني اصاحبي ...

جاد:اشمنوكنحلم اصاحبي على انا كنت ناعس بعدا ...

ميرال: بلاتي المكلخين .. مدخلناش ديك الجهة راه تما فين كايكونو المسافرين باينة ماخرجاتش من تما ..

جاد: انا غنعيط علبها..

جاد: بايب فينك راه وصلنا ..

جودية: ندتيناوني نخرج اخر ساك و غنحرج عندكم ..

جاظ؛ كنتسناوك 😍😍

بقاو واقفين كيتساناو تحل الباب منين غيخرجو المسافرين .. واقفين لور حاضيين الخارجين ..

جاد: اووف فين هي ..

جود؛ هههه صبر اصاحبي بقات غير شوية وتبان ..

ميرال: واااو متقولوش ليا واش هي هاديك 😍

تلفتو الدراري كتبان ليهم جايا (بغيتو تعرفو كيف دايرة 😂) جايا بابهى حلة ليها شهرها طوال اكتر وطوالت شوية وبانت بالطالون لي لابسة كتمشي بخطوات متناسقة و بطيئة حيت كتقلب بعينيها لي مغطياهم بالنظاظر كحلين ... قشعاتهم ب3 لي تبدلو تماااما على كيف كانو ... هزات النظاظر فوق راسها بوجه صادم كتشوف فيهم واقفة .. بانو ليها جايين ب3... ميرال لي كانت مقطعة شعرها كااريي حد عنقها و لابسة كسيوة صيفية قصيرة والدراري بشورطات وتيشورتات وسط الفورمة لي بانت بالحديد و طوالو وزادو عمرو... ملاميحهم لي حراشو بلحية خفيفة فالوجه وشعرهم قصير واقف ... لاحت الفاليز وطارت عندو كتجري .. جاد لي كان متقدم عليهم .. استقبلها بايدين مفتوحين هزها لعندو شدها بايديه ب2 وخاشي وجهو فعنقها وكيشم ريحتها لي متبدلاتش .. معنقاها وكتبكي وكتنوح وقاجاه بايديها مهزاتش راسها .. هو غادي جاي ووجهو وسطها محركوش ايديه شادينها ومزيرها لعندو ... ميرال كتبكي وجود شادها وكيضحك ..

هبطات جودية لاارض وهي لاقية معنقاها ..

شد وجها باسو كامل .. حناكها راسها فمها كولشي ... ورجع عنقها وهي كتبمي وتنخصص ..

جاد شاد وجها وكيهضر : صافي احبيبة احنا تجمعنا تاني وهاد النرة تاحاجة مغتغرقنا مزال ..

جودية طلقاتهم وعنقاتو تاني : توحشتكم 😭😭😭😭😭

جود: وا تويمية وانا راه كنتسنا ..

شافت فيه جودية طلقات من جاد طارت على لاخر لي عنقها وهو كيبوس فحنكها و يدور ليها وهي كتضحك ..

جودية: توحشتك اخويا ...

جود: وانا اكتر التويمية ديالي ...

رجعات عنقاتو كتضحك .. شافت فالبكاية حداها .. وجراتها تاهي عنقاتها .. بالجهد وميرال تاهي وكيتباوسو ويرجعو يتعانقو ..

جرها جاد تاني عنقها وهي لاصقة فيه وكتضحك ..

جاد: توحشت gنسك ازمر ... عمري من فرقك مزال ..

جودية: حتى انا ... هتد 3 سنين دازت بحال 10 سنبن .. فراقكم عليا وراني شحال كنبغيكم وشحال نتوما مهمين فحياتي ...

جاد: هههه صافي براكة من البكاء طيبتي هاد العيون الخوضر لي كيحمقوني ..

جودية ضحكات هز ايديها باسهم ..

جود: وايلاه راه كيتسناونا ..

مشا جر فاليز ديالها و خرج هو و ميرال و جاد عنقها ومشاو خرجو برا ...

كل كوبل ركبو فميرسيديس ورجعو .. جاد مطلقش ايدها وكل شوية يشوف فيها ويبوسها ..

جودية: حاسة براسي غنطير بالفرحة .. صافي تهنيت من الغربة ودابا رجعت لراجلي وعائلتي ..

جاد: تا حاجة ما حلات ليا بلا بيك .. ودابا مكاين غير مراتي حبيبتي ..

جودية شدات ايدو باستها وعنقاتها لعندها .. طلقات المزبكة و طلعات ليها ديسباسيتو وشافت فيه كتضحك ..

جاد: كنتصنت ليها ديما ...

جودية: هههه حتى انا ... بقات كتمزك وتشطح معاها .. حيدات تجاكيط الدجين لي لابسة على الصهد وكتغني وجاد كيضحك .. حتى ضرب على كرشها لقاها لابسة لبس مبينها و هو يقول ..

جاد: بلانتي نتي اش هادشي لابسة ..

جودية حدرات راسها كتشوف وقالت ..

جودية: هههه وايلاه جيت غنبداو من دابا ..

جاد: تي قولي ليا درتييي ما بغيتي .. مالقيتي حكاام ..

جودية:ديييسباااسيتو ...

جاد قلب وجهو كيضحك وهي كتغني ورااشقة ليها .. حتى وصلو لفيلا وهبطو ووراهم الكوبل لاخر .. تم النسخ من قصة بالدارجة..

دخلات جودية لقاتهم جالسين فالجردة وتلاحت عليهم تبوس وتعنق فيهم واحد واحد ..

زاين: على سلامتكتك احبيبة .. متقضريش تعلمينا باش نجيبوك ..

جودية: هههه عزيز عليا نفاجأكم ..

تخشات فمها: توحشتك اصاحبتي ..

نور: تأنا توحشت عشيرتي ..

ياسر: هههه والله ما عندي مايتسالك حمرتي ليا الوجه ... مامشيتي حتا ديتي المركز الاول .. الشركة كتسناك ..

جاد: وا بلااااتي مختخدمش دابا ..

رميساء: هههههه هاا راجلها هضر ..

جودية: وامتى غنخدم ..

جاد: حتى نديرو العرس و نستاقرو فدارنا ... من بعد مدة هاد غتخدمي بما ترسمت حتا انا ..

جودية: دابا غنبقا مشومرة حتى ترسم نتا ..

جود: وا متنسايش على حسب المدينة عاوتاني ..

نور ورميساء: اويلي 😱😱

نور دارت عند زاين: زاااين عاافاك مشاتةليا هادي من بالي .. متبعدهومش علينا ..

زاين: ههههه ولادكم غيبقاو معاكم غير هنيوني ..

رميساء: ناري طارت مني .. عاد مصدقت تجمعو ورجعو لينا ..

جودية: الفنيكيشة ديال ختيتو اجي لهنا ..

جات عندها .. جورية كتمشى بخطوات صغار .. هزاتها للعندها ملبسينها كسيوة صغيرة موف و صنيديلة بيضاء و دايرين ليها gرينات بشعرها لي طوال بوريدات بيضين ..

جودية: بوسيني ..

جورية باستها كتضحك وكتهضر بهضرة ملعتة نصها ما مفهومش ..

جاد: ههههه العفيربتة .. باس حنكها ..

جودية: كبرتي الخوينزة ديالي ..

جاد مد ايدو ورى جودية وهي تمات عليها وبقاو كيلعبو مع جورية ...

حتى دخلو بقية العائلة و تجمعو كولشي كيهنؤو جودية و بقاو مجمعين حتى تعشاو مع بعضياتهم و رجعو تفرقو .. بقاو غير هما صحاب الفيلا ... غمز جاد جودية تبعو ..

ناض قال تصبحو على خير .. وناضت تاهي وهي تشدها نور

جاد: عمتي 😐😐

نور: مكاين لا عمتي لاخالتي ... حتى ديرو العرس ..

جودية: اويلي اماما .. (كتهضر وتندغ الهضرة )راك عارفة حنا ماشي اول مرة ..

نور: وتقوولي ابنيتي بنتو ليا فالبلان هاد الساعة ..

جاد: مصدقتييش اعمتي 😐

نور: قول لي بغيتي ..

رجع جاد جلس وقال: اذا اليوم مغنعسو حتى نحددو نهار العرس ..

رميساء: هههه وتال غدا ... زربان باااقي الوقت ..

جاد ضرب فالطابلة حتى قفزو لي كانو كيكمعو : واا لااا .. داااابا غتنحددو ..

ياسر: هادا مالو تاني ..

زاين: هههه اش كاين 😂😂

نور: بغانا نحددو نهار العرس دابا ..

زاين: مقال عايب ... من هنا لشهر مزيان ؟؟

جاد: لا سمانة ..

نور ورميساء: اويلي 😱😱

جود: هههه الgااااا ...

نور؛ عرس كاااامل نوجد ليه انا فسمانة مالك اولدي تنونختي ...

جاد: وا نتي اعمتي لي حيدتي ليا مرتي وشحال وانا صابر ... مفيا لي يصبر شهر .. غنصبر سمانة واللهما نفوتها .. وهو ينوض ..

نور: صافب هاهي مرتك .. غير خلي العرس من هنا لشهر و اا زيد مزال ..

جاد: لا .. غتبقى هنا .. والعرس من هنا لسماتة ..

مشا وخلا جود والرجال غيموتو بالضحك ونور ورميساء غيموتو بالفقصة ..

رميساء: صافي حكيتي عليه وشدي دابا 😡

نور مصدومة: ولد الحرااام 😐😐

رميساء: عرس كاامل اعباد الله .. فسمانة كيف غنديرو ..

نور : ولد الحرااام 😐😐

رميياء: يا ويلي تي فيقي معيا ..

زاين: هههههه تقاسو ليها الفيزيبلات ..

ياسر: واللهتا عبر على والديكم .. نتوما لي قلبتو عليه .. 😂😂

جودية؛ احم ..تصبحو على خير .. ناضت كتسلت دغيا لبيتها كتنقز بالفرحة ..

جود: ونتوما كتوجدو لعرسهم ديرو بحسابنا انا و ميرال ...

نور: هزات عينيها فيه بصدمة : اشنو قلتي حتا نتا خطبيتيها بعدا ..

ناض وقال: على ما فراسكش الخطبة بعد غدا ...

مشا دخل تاهو وخلاها كتكشكش بالفقصة ورميساء كتبرد فيها ..

زابن: ههههتت شفت هادشي زربان 😂😂😂😂

ياسر: راه 3 سنين ديال العذاب 😂😂

نور؛ ولاد الحرااام بغاو يفقصوني ... بغاو يطيحو ليا النقطة ..

رميياء: اودي نتي لي جبدتي هادشي ..

زاين: تحدو ليكم مع هاد 2 😂😂😂 ما فيها باس تقدو توجدو ..

نور: كيف غانديرو كيفاش ..

☆ ☆ ☆ ☆ ☆ ☆

اصبح الصباح .. فايقين مجموعينةالعائلات ب2 فالجردة كيفطرو تحت الشميسة الصباحية .. حتى قال جود ...

جود: هاد النهار غير ديال شي تبحيرة ..

جودية: عندك الحق ..

جاد: نفكرو ونهبطو ليه ... نعيكو على الدراري تاهما يجيو ..

نور: علمتي ميرال بغدا اش ماين اولد الحرام ولا باقي ..

جود: ظاهر ليا باقي متسرطات لييك الوالدة 😂😂😂

هانا غنجيبها و نقولها ليها وانتي علمي صاحبتك لي هي نسيبتي ..

نور: وانت المصيبة ..

جاد: هههه مالي انا .. مخاطبهاش .. كيفاش هاد الزواج المجخلط حتى درنا شهر العسل عاد نجي نخطبها ..

جودية: مابغيت لا خطبة لا والو .. بغيت غير العرس

نور: بحالك بحالو الله يقطعكم ..

جودسة: ماما .. كابغيتش داكشي البلدي ..

نور: واش بغيتي ..

جودية: بحال داكشي لي درنا فعرس ختي انصاف ..

نور: والى درناليكم عرس نتي وميرال غنشوفو رايها تاهي .. حتى ترجعو فالعشية من البحر و تلقاوني رجعت من عند جيداء ونتافقو ..

جودية: واخا ...

كملو فطورهم وناضو يوجدو للبحر .. لبسو وخرجو ..جاد وجودية و جود ..

جاد : احنا غاديين ..

جود: واخت عبطو معاكم للدراري يلحفو عليكم انا غنجيب ديك خايتي ..

جودية:سميتها ميرال 😂😂 واللهتا غنقولها ليها ..

جاد شدها من ودنها: زيدي نتي قدامي وسكتي ..

ركب جود لوطو ديالو .. وخرج .. وجاد شنق على حبيبتو وهما هازين فايديهم و كيتحتتو ..

جودية: عقلتي 3 سنين هادي كنا غاديبن هنا و هادي هي اول بلاصة لعبنا فبها د فلور ايز لافا ...

جاد: هههه فكرتيني فداك النهار .. بقات فبك ..

جودية : عافاك بلاش ..

جاد: د فلوور ايز لافا 😌😌

لاحت داكشي لي هازا و طارت كتقلب فين تشعبق وهو ميت بالضحك ...

وصلو للبحر وهوما ضاحكين جلسو فلي رولاكس تما تحت الباراسولات .. و هي تبدا تقلع .. وقشعها جاد ..

جاد: اش كديري المدام ..

جودية: مالك .. غنعوم بحوايجي ...

جاد: وقفي نشوف ..

كلنت لابسة شورط دجين قصير وتيشورت حفيف من الفوق ..

جاد: ههههه تهبرتي ..

جودية: جمع راسك ..

جاد: ههههه وهي لا جمعتي عليا ..وشديتي الارض غتعومي هكا ولا داركم ..

جلسات جودية كننفخ وكتخنزر فيه ..

جاد: طرطقي .. حيد تيشورت ديالو .. داكشي تستف وعمر كتر من لي خلاتو و الوشام باقيين فبلايصهم .. كتشوف فيه وتغدد وقالت ..

جودية: تانتا لبس ..

جاد: هههه بدينا ..

جوظية ناضت جلست حظاه وهزات ايشورت متحاول تلبسو ليه وكتغدد ..

جودية: اما لبستو .. حتا ننا خاصك تلبسو ...باش نتعادلو ..

جاد: رصاالي لمك غنقلبك ... حيد تيشورت من ايدها وشد ليها ايديها لور ... وتقابل معاها ..

جاد؛ كولشي زيان وتبدل فيك بقاتةغير هاد القباحة لي معرفتش كيفاش نحيدها ليك ..

جودية: و ...اشنو لي زيان فيا ..

جاد: هههههه حتا نكونو ب2 ونقول ليك ..

جودية: طلق مني عقلك غير فداكشي ..

جاد: ههههه وا خليني نكمل هضرتي ..

جودية: ياله قوول ..

جاد: كتباني كبرتي ونضجتي كتر و طواليتي و زيانيتي ... اخر مرة شفتك كنتي عزية دابا بياضتي.. و شعرك طوال ... وزاد حبي ليك كبر .. و السكوات بانت عليك (ضربها للمؤخرة)

كانت كتصنت وكتبسم حتى قال الكلمة الاخيرة و زادها ليها بالشحطة وهي تنوض ليه بغات تنتف مالقات فين حيت شعرو قصير.. ودازت لعنقو كتقج وهو جرها من دراعها طيحها فوق سدرو كيضحك ولوا رجليه عليعاوهي باغية تفقص ..

جاد: ههههه صافي صافي ..

جودية: طلق نوربك انا تشحطني قدام بنادم .. 😡

جاد: اححح توحشت هاد التعصيبة والتقليقة 😍😍

جوظية: طلق مني و نوض عيط لخالي و انصاف ...

☆☆☆☆ عند عصام فوق سريرهم كيفيق فانصاف مبغاتش تنوض ...

عصام: وا نوضي احبيبة ..

انصاف: وا خليني اعصام ..

عصام: وا نفطر بوحدي راه 10 هادي ..

انصاف: غير فطر راسك انا باقي فيا النعاس ..

عصام: ماموالفاش ليك ..

انصاف: وا عصااام صافي هضرت معاك خليني نعس ..

عصام: لا لا نتي حالك مابقاش عاجبني ... مالك وليتي غير معصبة و كلمة جوج كتنوضي تغوتي .. عمرها كانت ليك .. وعمرك عليتي صوتك عليا ..

حيدات الغطا على وجها و دارت عندو بنظرة اسف .. وناضت جلست ..

انصاف: واش هادشي لي كتشوف فيا ..

عصام: اه .. وليتي عصبية و مابقيتيش كتهتمي بيا و وليتي تهزي صوتك عليا ...هتديى3 سنين وحنا مزوجين عمرك درتيه ..

انصاف قاباتها بكا: صافي مابقيتيش كتبغيني دابا ياااك ..

عصام: ويباااك تبكي ... صافي احبيبة انا لي غالط ..

انصاف: لا انا لي مكنهتمش بيك كيف قولتي وليت عصبية ... ونتا مبقيتيش كتبغيني 😭😭

عصام عنقها: بالعكس احبيبة كنبغيك وغنبقى ديما نبغيك غير متبكيش صافي ..

معنقها وهي كتشمشم فيه و حيدات منو شظات فمها وناضت كتجري لاحمام .. وتبعها شاد ليها شعرها وهي كترض ..

عصام: صافا؟؟

انصاف هزات راسها ليه و مسح ليها وجها بالماء ودوز الفوطة ورجع شادها جلسها فالفوتوي حدا الشرجم و فتحو ..

عصام: صافا دابا احبيبة ..

انصاف: صافا .. عنقاتو وتخشات فيه كتبكي ..

عصام: وعلاش كتبكي احبيبة ..

انصاف: معرفتش غير بغيت نبكي ..

عصام: صافي احبيبة مابفيتش نتقلق عليك ..

انصاف: سمح ليا حتا انا هنزرت فيك .. واللهما بقيت فاهمة فيا شي حاجة ..

عصام: صافي احبيبة ما وقع باس ..

جاه اتصال ..

عصام: نعام اجاد ..

جاد: اجيو راحنا فالبحر لي قدام الفيلا راه باقين غير نتوما ..

عصام: غير بصحتكم انصاف عيانة ..

انصاف: مالكم .. عصام: بغاونا نلحقو عليهم للبحر ..

انصاف: لا بغيت ..

عصام: راك مريضة و كدوخي ..

انصاف: لا غنمشيو ..

عصام: صافي واخا احنا جايين ...

انصاف ناضت كتقاب الماريو : تشهيت شي عومة ...

عصام: غتحميقيني نتي ... لبسي شي مايو مستور بلا منتصادع معاك تاني ..

انصاف رجعات تعلقات فيه: ههههه المغيار ديالي 😍

عصام؛ عاد كنتي كتبكي ..

انصاف: ههههه ودابا رشقات ليت ..

عصام: ياربي تصبرني 😑😑😑

ناضت انصاف كتجبد المايوات وتقلبىلي عدغتلبس حتى وقف علبها ...

عصام: مغتلبسي تاحاجة من هادشي شوفي شي مايو مستور ..

انصاف: واشنو هادشي لي عندي فين غنجيب لبك انا هاد المايو المستور 😂😂😂

تحنا عصام كيقلب و ملقاش ..

عصام: هادشي نهار شريناه قلت ليك تلبسيه فالبيسن وسط دارك اما البحر غتعومي بحوايجك ..

انصاف؛ هههه صافي غير بلا متعصب .. وجد راسك راه كيتسنتونا ..

وجدو لي خلصعم وبدلو وهبطو ركبو و توجهو لعندهم .. هبطو وعيطو ليهم و قالو ليهم اشمن جهة وجاو عندهم سلمو عليهم وكولها شد بلاصة كيهضرو ..

كانو لي كوبل ب2 وجلسو معاهم .. عاد جاو لي كوبل لاخرين شهاب وسهى وريان وسمية و معاهم الفنكوش رئبال ...

سلمو عليهم وجلسو ..

سمية: اح الله فكرتونا فداك الصيف ..

ريان: ههههه نعاودوها فالمستقبل ان شاء الله ياك ابابا ..

سهى: ناري كون غير كان شي جرف هنا ...

شهاب: ههههه حبيبة ديالي باغية تنتاحري ..

سهى: هههه لا ... بغيت غير نشوف داك الديكور ديال سليب ميرال طايف فوق الماء ..

الكل: 😂😂😂😂😂😂😂

شهاب؛ حبيبة ربطيهم بلا متشري لينا الصداع مع المخزن ... مابقاتش ميرال ديال شحال هادي 2 كلمات ترعفك ..

ميرال: هههه قول ليها .. كتقلب عليا ..

جودية: سكتونا سكوتونا .. فراساكم غنديرو العرس نهار السبت ..

انصاف: او بهاد الزربة باقي ختي نور ماوجدت والو دركتوها مسكينة ..

جود : تدرااك راسها الوالدة منخافوش عليها ..

جودية: ونزيدك غنتزوجو فيه انا و جاد وميرال وجود ..

ميرال ناضت وضربت فخاضها: اويل الشيطان 😱😱

جود: الحلاقم اختي ...

ميرال: واش عادشي لي قالت بالصح وانا كنقول مال السيد معول بخطبني غظا واش هاد الزربة .. *غادية جاية* ويلي ويلي ويلي عرسي السمانة الحايودة وانا مجايبة خبار وماموجدة واااالو ...(تلحت عليه قجاتو ) باغي تسكتو لديلمي (ضربات طااااان فراسها ليلة الدخلة وطلقاتو بعينيها خارجين) وشافت فالبنات خاريين بالضحك .. وقالت...

ميرال: ب.ب..بناات .. عند..نا اجتماااع طاااارئ وللغاااااية...

جود: ههههه ياسم الله عليك احبيبة عاد كنتي بعقلك .. راهىغير غنتزوجو ماشي غندوزك فحبل المشنقة 😂

ميرال: سكووووت نتا سكووووووت .. نوضو البنات نوضو عتقوو ..

ناضو تبعوها وناضت وراهم سهى كتنقز : تسناااوني ..تسناوني ...

شهاب: اويلي على 20 عام نايضة تنقز كيف البعلوكة 😐

جود: هههه دابا اشمن اجتماع غيديرو هادو 😂😂

ريان: معرفتييش 😂😂😂

عصام: مشتيهاش جارا المزوجات ذوات الخبرة 😂😂

جاد: داتهم دير ليهم الاستنطاق ... وتاخد دروس فقلة الحياء 😂😂😂

جود: هااكداك .. السيدة دغيا مشا عقلها لتما 😂

شهاب: واايلي .. فليفلة مشات معاهم ...سهى .. سهىىىىى ...رجعي لموووك لهنا .. سهىىى ..

ربان: وتا و اللهلا رجعت ليك .. تزوجها حتى نتا السبت و هنيونا 😂😂😂

شهاب ضربات ليه طااان و شاف فبها كيضحك ..

وتلاحو كلوهم كيخراو بالضحك ..

جاد: دابا مالكم كتموتو على الزحام ..

شهاب: هههههه صافي قوداتها تاهي ...سهىىىى وسمعي وتصلغاااي مزيااان ..

☆☆☆عند البناات .. جلسو بعاد فوق الصخر..

سهى : هاد وجه المحكة مالو فرع ليا راسي 😐

ميرال: خلينا منو وقولو ليا اش غنديير .. اوياي ولد الحرام غفلني .. جالسة ما بيا ماعليا قالك نوضي عرسنا السمانة جايا .. انا ماموجدة والو واصلا ماواجداش ليه ..

سهى: نتي مابيك غير الليلة 😂

سمية: مشاء الله عليك كطيري فكولشي ..

سهى: وعلى اشنو ..

انصاف: ماتخافيش كولشي كيدوز عادي ..مكاين كناش تخافي .. غير ترخاي هو كيدير كولشي ..

ميرال: وكيفاش نتصرف ..

جودسة: كوني على طبيعتك متصنعيش ... كولشي كيدوز مزيان .. اما التوجاد غنعاونوك متخافيش ..

سمية: احنا معاك ابتداءا من غدا ..

جودية: وا انا براسي راه 3 سنين ما دقت الحلوى 😂😂 حاسة بحال الى اول مرة ..

انصاف: غدا ان شاء الله نبداو معاكم .. الشوبينغ وداكشي ..

سهى: تانا بغيت نشري داكشي ... داك وجه المحكة امتى غيطلبني للزواج 😐

سمية: باقي الحال مالك زربانة ..

سهى: على هادو ماشي تاهما باقي الحال عليهم .. هادو تزوجو ف18 و هادو ف21 و انا شحال فعمري 20 و وجه المحكة فعمرو 22 .. خدام و انا عام وغنتخرج اشنو فيها ..

انصاف: وينو باغية تزوج 😂😂

سهى: ومالي ماعلياش الله ..

ميرال: شدي الارض البرهوشة ..

سهى: هي مك ..

ميرال: هي خالتك ..

سهى: هي طاطاك ..

ميراب: هي حناك ..

سهى: راه غنتف مك ..

ميرال: اجي ..

طارو على بعضياتعم وناضو الاخرين كيفكو ..

☆☆☆عند الدراري:

جود: دابا هادو مالهم تكمشو تما مابقاو رجعو ..

ريان : الموضوع ساخن 😂😂

جاد: تجمعو تما كيف الفقمات 😂😂

الدراري: 😂😂😂😂

جود دار صوت الفقمات: او او او 😂😂😂

عصام: اويلي مال هادو 😂😂

جاد: هاهما قلبوها صباط 😂😂

ريان: نوض عتق جيب فليفلة كوراه هي لي منوضاها ..

شهاب غادي وكينغر: شهماتني اما شهماااتني .. سهىى .

سمعاتو جاي وقفزت هربات و تبعها كيجري ويتحلف و الدراري خراو بالضحك ..

ناضو البنات راجعين عند الدراري حتا وصلو وانصاف حسات بالدوخة وشقمها عصام دغية وتكاها ..

عصام: شتيالكياران هانتي دختي تاني ..

سمية: علاش مالها؟؟

رجع شهاب جار سهى من ودنها وجلسها حداه ...

و عصام متكي انصاف وحاط راسها على سدرو كينش علبها : ماعرت يوماين هادي وهي كتدوخ وترد ... وعاد عاطياها ليا غير للبكا ودغية كتقلب و تولي تضحك ... ههه واللهما بقيت فاهم فيها شي حاجة ..

سمية : هههه واش بالصح هادشي كيطرى كل صبااح ..

عصام: اااه ..

المئات من القصص على قصة بالدارجة.. سمية قربات عند ختها وقالت ليها فودنيها : امتى اخر مرة جاتك الدورة ..

انصاف: تعطلات عليا شي شهرين ..

سمية: ايوى مبرووك .. ختي الحبيبة راه كتوحم 😍😍

عصام وانصاف خرجو عينيهم ..

اناةالدراري غير سمعو وبداو يزغرتو تزغريتة الهنود الحمر المعتاادة ..

والبنات كيضحكو ..

جودية : مبروووك عليكم اختي انصاف وخالي اخيرا غتولي بابي 😂😂

جود: درتيها الخوويل ..😉😉😂😂

عصام: بلاتي بلاتي .. واش هاظشي بالصح .. زعما كيفاش ... نتي حاملة ..

انصاف: واش عرفني .. بحالي بحالك 😯😯 امتى وقع زعما كيفاش معرفتش .. دابا انا حاملة زعما ...

سهى: شي متطوع يعطيهم الكمارة .. ولا يدير ليكم غوديماغي 😂😂😂

شهاب: هههههه اححح فنيكيش جديد فالعائلة ...

سمية: هههههه تغفلتو 😂😂😂

عصام ناض غادي جاي: لا ممتيقش *رجع جلس قظامها* غنولي اب .. زعما غيتزاظ عندننا ولد من هنا لشي شهورة 😍😍

انصاف: هههه هادشي لي بان ليا ...

هزها كيدور بيها وكيضحك .. ولوخرين كيشوفو فيهم ويضحكوو ..

انصاق: ههههه عصام دوختيني .. حطني ..

عصام: دابا نرجعو للفيلا نمشيو نشوفو شي طبيبة ..

سمية: من الاحسن تأكدو ..

انصاف: واخا بلاتي نلبس ..

جودية: شوفو منين تأكدو عيطو علينا و جيو عندنا الفيلا ماما غتحماق بالفرحة ..

عصام: متقولو ليهم والو حتى نتأكدو ...

الكل: واخا ...

ناضو مشاو وهو شاد فيها مطلقعاش ..

جودية: رئبالو الصغير اجي بوس طاتي ...

جا عندها هزاتو ..

ميرال: هههه واااو العش بدا يفرخ 😂😂

جود: ههههه..... ياله غيهضر وسدات ليه فمو ..

ميرال: صافي سكووت .. بلاش من دوك الكومونتس البايخة ديالك 😡

جاد: حفظاتك 😂😂😂

جودية: مالو الكتكوت مالو ...

رئبال: بيت زويا... نسيو ..اعند زويا .

ريان: بغا عشيرتو ...

جودية: فهمتو .. نمشيو نحيبوها ؟؟

رئبال كيسفق ويضحك: ااااه ...

جودية: ياله نمشيو ..

وقفات وتمات غادية بيه ..

جاد: تسناي تأنا بغيت نحيب واحد اللعيبة جاني الملل ..

جودية: ههه ياله ...

هزات رئبال حيت غلباتو رملة و خداه من عندها جاد كيهزو للسماء ويلعب معاه .. حتى وصلو ..

جاد: سيري جيبي جورية و انا غنجيب شي حاجة و نرجعو ..

جودية: واخا .. اجي عندي اداك العفريت ..

شد فيها ودخلو ... لقات نور مع رميساء ياله خارجين ..

نور: نسيتوشي حاجة ..

جودية: رئبالو بغى عشيرتو ..

نور: هاهي ديها هنيتيني منها .. حطاتها ومشات كتجري عند رئبال تعانقو ...

رميساء: ههههه كيقتلوني هاد 2 😂😂😂

تحتات عندهم باستهم ..

نور: هههه بدلي ليها وديري ليها سان سكرين ومتخليهاش تحت الشمس بزاف ..

جودية: واخا اماما ..

نور: ياله بسلامة ردو البال ..

خرجات هي ورميساء وطلعات .. جودية شادا فيهم ب2 لبيت حطاتهم فالسرير و مشات تجبد لجورية مايوها .. ودخل جاد ..

جاد: باقي ماساليتي ..

جودية: انلبسها و نمشيو ..

تكا جاد حداها و شاد فيهم كيهضر معاهم ويلعب معاهم ملاهيهم حتى لبسات جودية ختها .. هزاتها وجاد هز رئبال وخرجو .. و فالتحت هز جاد واحد الساك و مشاو ..

جودية: اش فيه داك الساك ..

جاد: ههههههه المتعة .. ولعب الدراري الصغار .. حتال البحر وتفهمي .. ياك اصاحبي ..

جورية : انهبط ..

جودية :هانتي الالا ..

حطاتها وبدا يتركل رئبال حتى هبطاتو و تشاد هو وجورية وتمو غاديين ..

جاد: 😂😂😂😂 هااااكاااك ..

جودية: شتي الحب منذ الطفولة كيف داير انا هلكتوني عصا و نتيف ..

جاد عنقها من عنثقها كيضحك : ههههه باقي مبغا يتنسى ليك داكشي 😂راه ديما كنقول ليك غير الحب والمعزة هاديك 😂😂

جودية: اممم .. رئبال ماتجرييوش ..

جاد: غير نديرو العرس .. نديرو شي بيبي ..

جودية: ههههه متلك زربان باقين صغار ..

جاد: بغيتهم يكبرو صحابي ومعانا .. تماما بحالنا مع واليدينا... خالي زاين والوالد قدوة ليا فالابوة.. ومن ديماكنحلم نربي ولادي كيفما رباونا ..

جودية: وا بصراحة مكاينش لي غيحبسنا ..دابا صافي سالينا القراية .. اجي بعدا ... فين غنسكنو ماتقولش ليا مع والدينا راه باقي كنحس بحال شحال هادي كنتلاقاو بالتخبية عليهم فاش ياله تزوجنا 😂😂

جاد: ههههه مالي حماقيت انا راه باغي نستفرد بيك .. ب2 وتاتنا الشيطان ..

ضرباتو لكرشو : مكاين شيطان قدك الشلاهبي.. 😂😂😂

جاد: هاي هاي على الشعيبية .. 😂😂

جودية: تحنا وصلنا اجيو نتوما لهنا ..

هزوهم ومشاو عند لوخرين ..

جود: اهلا .. اهلا .. اجي بوسي ..

مشات عندو جورية عنقاتو باستو ومشات رجعات شدات فرئبال وجلسو يلعبو ..

جود: ياك لمك 😂😂

سمية: مامساليينش ليك دابا 😂😂

سهى: اش داكشي جبتي معاك ..

جاد: شي حيوان فيكم ينوض يعاوني ..

ريان ناض : اش داكشي ...

جاد؛ تبعني ..

مشاو بعدو لواحد العقيبة صغيرة شوية بالرمل .. وجبد باش طوييبل و بدا يحلو و عاونو ريان ..

ربان: هههههه مسخووط ..

سهى من لهبه جايا كتجري : يااااي زلييقوووووو 😍..

شهاب: الله بشوف من حالي و يعطييك شي عقل 😐

سمية: ههههه اش كيديرو هااد الحماق ..

ميرال: نوضو نمشيو نشوفوهم ..

هزات جودية ختها و سمية ولدها ومشاو عندهم ..

لقاوهم سرحوه من الارض الفوق وصلونا لماء البحر وجبد جاد قرعة كبيرة ديال الصابون .. وهو يكوبها كاملة فوق الباش .. وهي تبان ليهم سهى طلعات للعقيبة وهي تلاح تزربعات هاااابطة كتغوت وهما غيخراو بالضحك و شهاب جلس الارض شاد راسو ..

سهى: وووووووووووو ... تخشات فالماء ..

جود: ياله اميرال ..

طلعو هو وياها و تكا على كرشو وهي تجلس فوق ظهرو هبطو هكاك ... طلعات جودية هازا جورية دارتعا وسط رجليها وهبطات كتزلق وختها عاجبها الحال كتضحك وتغوت حتى تخشات فالماء وكان وراها جاد تخشا معاهم .. كملو العشية كيتزلقو و حاميينها غير مع بعضياتهم و تغداو و بقاو كيتبحرو حتى وصلات 5 العشية وناضو طلعو لفيلا زاين ..

تفرقو ودوشو ... وبدلو دوشات جودية لختها وهبطاتها معاها.. وجلسو مجمعين فالجردة ..

سمية: دابا غذا خطبتكم اميرال..

ميرال: ناري علاش فكرتيني .. هاد راس الطبل شتو جمعني وطواني ما عرفتو باش بلاني ..

سهى: عرفتي اميرال تصلاحي تكوني شيخة ...

ميرال: واش لحمك كيهرك علاش اختي دابا هاد الهضرة .. 😐

سهى: على معرفتيش اش قلتي .. كلام ..ياسلام متلقايه غير فغني العيطة ياسلام .. هانتي سمعي " هاد راس طبل شتو جمعني وطواني ...معرفتو باش بلاني " ماشي الشعر بالقافية هذا ..

الكل: 😂😂😂😂😂😂

شهاب: مسخوطة الوالدين ..

ميرال: ناري يا ربي انا فين وهي فين ..

جود: هانية احبيبة .. فهاد اللحظة تلقايهم وجدو للخطوبة و العرس و حتى سبوع ولادنا ان شاء الله..

ميرال: غير الله يستر معةالله يحفظ وخلاص ..

جودية: ميرال اش بان ليك .. انا مابغيتش نديرو عرس بلدي ..

ميرال: شي حاجة خفيفة بااك ... تأنا هادشي لي بغيت .. لا حنا لازمر ..

جود:لا علاش الحناء زوينة ..

جاد: سكوت ...الحلاقم وقلة الدواء ..

جودية: ههههه اشنو نديروها ..

جاد: والله احبيبتي وديريها لابقيتي شفتيني حتا طيير ...

جودية: هههههه بلاش .. غنديرو عرس غربي .. و مكرهتش فالهواء الطلق ..

ميرال: نديروه غير هنا فالبحر ..

جودية: اياااه عندك الحق 😍😍😍

جاد: كيف درتو ليها 😂😂😂

جودية؛ مالك واللهتا كيديروه وغيطلع زويين .. وغنخربوها تما ..

ميرال: انا بعدا عجبني الحال .. و غنديرو نفس داكشي لي دارت انصاف ..

سمية: اوى صافي .. متبقاوش توصلو للبحر باش متسماروش .. حتال ورى العرس ..

جودية: ابتداءا من هاد اللحظة ما بقيناش مساليبن ليه اصلا ..

شهاب شاف فسهى لي كتشرب عصيرها وقال ..

هاب: وحنا .. الى تزوجنا ديري عقلك ...

سهى لاحت كولشي قدامها ..

ميرال : السخااانة ..

شافت فيه وقالت: اه اه ننزوجو .. *سدات فمها وقادت الحلسة ولاحت شعرها لور وقالت* احم احم .. زعما .. غير جي وتزوجي خاصك تخطبني و وتطلبها مني بطريقة رومانسية ونفكر عاد نشوفو ...

الكل: 😂😂😂😂😂😂😂

شهاب؛ هههههههه مطلعاها عليا وعلى راسك ... لمك شكون هادو طلب الزواج ..

سهى: جودية .. ااا.. بغيت نقول ... سمية ... زعما ميرال ... وايلي تاوجه المحكة فيكم ماطلبها للزواج بطريقة رومانسية 😐😐

شهاب؛ عائلة العمراني مكيطلبوش احبيبة .. كيدخلو كول وعرض 😂😂😂 راه حتى عمي زاين وعمي ياسر وزيد وزيد 😂😂😂

جودية فهاطرها: التريكة الناقصة ..

جاد: سمعتك احبيبة ..

ميرال: لا أمل فيهم احبيبة ...متقلقيش ..

شهاب: هي نعلموهم بلي العرس هاد السبت ..

سهى: والخطبى ونهبط حشمانة ونحني راسي ويقولو ليا السكوت علامة الرضى ؟ 😟

الكل: 😂😂😂😂😂😂

شهاب: نوضي نديروهم دابا 😂😂😂

ريان: هههههع اش هاد الزواج الملخبط وااهيا ناااري ..

سمية: نااري زربة خاااايبة درتو ليهم والله ..

سهى: سوكتي نتي شكون شكا عليك ..

سمية: ههه نستااااهل .. سيري ابنيتي يوماين وتبداي تشطحي بالخلعة بلاهوااك .. هانتي غاتشوفي ..

سهى سقلات وضربات الطم هزات عضيرها كتهبط بيه وكولشي بدا يضحك حتى دخلو اباؤهم وماواتهم ...

دخلو واليديهم وجلسو معاهم ..

نور: جيتو اكمامر الويل ..

جودية: ههههه ماما مالك حقدتي ..

نور: سولي راجلك 😡

جاد: وا صافي اعمتي الحبيبة ماديريش ليا شغل النسيبات 😂😂

رميساء: وا نتوما دركتونا هاد الدركة .. ماوجدنا داكشي ديال خطبة ديال غدا غير بالزز .. و عماد وجيداء تاهما بقاو غير كايشوفو .. عنداكم تكونو زابلينها وباغين تسترو القضية ..

جود: الله يسمح ليك اعمتي .. 😂😂

نور: مالك تسحابي ولدك بحال ولدي ..

رميساء: هههههه ياك اختي .. على مال ولدي اش دار ..

نور: شحال من عام وهو كيتحرش بالدرية باا خبارنا اتا نضنا لقينا الحرب الباردة دايزة غير بالريط ... و صدقنا مزوجينهم بلا هواهم ..

ياسر: هاد الساعة الحرب نايضة بيناتكم غير نتوما مالكم نايضة فيكم الزازا ..

نور: سكتنا حتى نتا .. دابا خاصني نشوف فين نديرو العرس ..

جودية: قررنا اماما هنا فالبحر ..

رميساء: فكرة زوينة ...

نور: امتى قررتو الكبيدة ..

زاين: مزيان البحر راه يجيكم ساهل فالتوجاد .. و يقدك الوقت ... البلاصة كاينة بقا غير تجيبو الديكور و داكشي ..

نور: زعما .. ونتوما اوجوه النحس اش قلتو ..

جود: هههه لي درتوه وبغاوه البنات احنا معاكم ... غير بلا متفرعو لينا الراس ..

زاين: هادوك ماعندهم غرص بلا متصدعي راسك معاهم ..

ياسر: وهوما كيوجدو للعرس ونتوما وجدتو فين غتسكنو ...

جود: كاينين شي فيلات خاويين حدا عصام غدا نضربو طلة تما ..

زاين: مزيان غير قراب هنا تيت ..

نور: اش باقية نتي كديري هنا نوضي تهزي سيري عند مك راه محتاجاك ..

ميرال: هاهي بحالك بحالها .. 😂😂 نغير هنا ونغير لهيه ..

ناضت وناض جود يوصلها ..

نور: ابللتي على مك حتا نتي ماقدرتيش تقولي ليه لا و باقي الحال عاجبك هاد الروينة ..

ميرال مشات حتال ودنيها: وبراسي غفلني اخالتي .. على ولدك كنقدر نقوليه لا .. راه هالكني خبيط و تجنديخ ..

نور: واهو بصراحة عندك الحق .. نخااف عليك ابنيتي منو ... ضربة موحال تنوضي لينا .. زاخا هكاك راك مدربة شوفي باه .. دقتي بدقتو واخا هلكني ولد الحرام فالصغر .. دابا مامفاكاش .. كوني حتا نتي بحالي .. اماىالصفريطة ديال بنتي غاسلة عليها ايدي فيهاةغير الفم نهار يهرسو ليها تجيني كتغبن ..

ميرال: هههههه واجاد لبه الدواء كيقتلها غير بالنفخة الزايدة ديالو اما لاخر الا مشا حتا ربطهم ايديه لي كيخدمو .. ضرباتو خايبين واخا كيكون كيضحك كينزل عليا كنتلف يوماين باش كترجع ليا الميموري ..

نور: هههه متخافيش انا كاينة .. هههه يالهةسيري فحالك دابا .. راه مك خليتها مضاربة بوحدها شبعات فبك وفجود سبان 😂😂😂

ميرال: عااارفة .. غتصبني .. ياله بسلامة ..

سبقها جود و تبعاتو كتجري شنقات عليه ..

نور: اوى ونتوما مغتنوضوش من قدامي ..

جودية: لا كنتسناو خالي ..

رميساء: ها خالك حداك..

جاد: خالها الصغير ..

نور: على غيجيو ...

عصام: كتهضرو علينا ..

جودية: اشنو اشنو

.انصاف: هههههه قلعي ...

جاد: وا باينة غير من وجاهكم 😂😂

نور: ممكن تفهمونا اولاد الكلاب ..

ياسر: حاشاك ..

زاين: من الصباح وانا صابر ليك غنمد ايدي غنشقلبك ..

عصام: شقلبها من بعد .. انا دابا اسعد واحد فالعالم ..

ريان : هههه درتوها ..

نور: اش كاين اولد ميمتي ..

مد ايدو ونوضها شاد ايديها ب2 وهي كتشوف فيه مستغربة ..

عصام: غتولي عمة تاني ..

نور: كيفاش 😍😍😍 انصاف حااملة 😍😍

عنقاتو ككتضحك و طلقاتو وعنقات انصاف ..

نور: وااو واخيييرا سمعتها ... فرحتووني ... مبروك عليك احبابي ...

انصاف: الله يبارك فيك اختي ...

ناضت سمية تاهي .. و جاد وكولشي يباركو ليهم ..

زاين: مبروك اصاحبي 😂 هانتا غتجرب فريع الراس ..

جاد: سبقونا احنا جايين فالطريق ...

جودية كتخبط فيه: سكتنا .. ناري على حمد الفرشة ..

زاين: نعول علييك ..

جودية: اويلي ابابا ...

ياسر: هههههههههه اللهما كرهنا الحفيد .. ولكن نفرحو بولد الخويا بعدا هو الاول 😂😂😂

ريان: انا بان ليا عائلتنا غتزيبد تكبر و غتخرج على السيطرة ..

زاين: خرجات على السيطرة منين دخلات ليها عمتك ..

نور: كولشي لصقوه فيا ...

جودية: والله اختي انصاف حتى فرحتوونا ..

رميياء: شحال عندك دابا ..

عصام: قال لينا عندها شهراين ...

نور عنقاتها تاني: اححح الحب ديااالي .. غيتزاد عندهم صغنوون ...

زابن: ما شاء الله الفرح كيجي فخطرة ..

يتسر: والى باقي شي حاجة gرو مزال .. ريان ياكما حتا نتا عندك شي حاجة ..

ريان: لا لا هاد الساعة باقي .. 😂😂

اتصال فتيلي ديال زاين..

نور:شكون ..

زاين؛ خويا سيف ..

سيف: الو .. زاين ..

زاين: مالكم اش عاد الصداع..

سيف: جيب المفروحة ديال مرتك والمصنgعة ظيال ختك وحرو تريكتكم واجي تعشاو عندنا ... راه نايضة صباط هنا 😂😂😂😂

دخلو لفيلا علي .. لقاو ضحى و رانيا سخفانات فقنت ومجموعين انصاف الام و ليلى كينشو و سعد و سيف جالسين كيشوفو و علي كيخاصم و سهى طالعة كتعربط عليهم فوق الطابلة و شهاب كيشوف و داير رجل على رجل و مخليها قايمة بالواجب..

ربان: ههههه اش وااقع ..

سعد: جابك الله اجي شوف خوك اش داير ..

ريان: انا مول الفكرة ... 😂😂

رانيا: ياك اولد الحراااام ... واش باغيين تسكوت ليا القلب ..

سهى: والله ماتخليونا نتزوجو حتى نهربو ليكم و نرجعو بولادنا ..

ناضت ضحى جبداتها وكارت عليها بعضى وهي كتغوت وتركل ...

والبقية كيفكو ولي ياله جاو غيحماقو بالضحك ..

سهى: وا عضي حتى تشبعي وا العرس غيدار هاد السبت بغيتو ولا كرهتو ..

علي: صافي ابنتي طلقيها ... هما اصلا غيتزوجو غيزوجو ااش معكسين ليهم ..

ضحى: اه .. ولكن ماشي بهاد الطريقة .. فين الخطبة وفين الحنة وضريب الصداق و فين وفين ..

سهى: وا ما بغيت والو من هادشي .. آاااااااي وبااااباااا عتاااق ..

سيف: هههههه انا ابنتي شفت فبنادم حتى عييت وماشفت بحالك .. لمن خرجتي بغيت غير نفهم .. فارعة لينا الراس باغية تزوجي ... كنعرف البنات هما لي كيخافو وكيكونو مهدنات ونتي منوضا فينا الزازا .. طارت الحشمة لوالديك ..

سعد: وا انت اكحل العفطة ... هضر .. دفعتيها هي فلبفلة ورجعتي لوور ..

شهاب: هههه واشنو عاارف فليفلة غتقضي الغرض لاش غنصدع راسي .. منوضينها على والو .. مالكم متاخدو الامور ببساطة .. هاحنا العزارا ب3 غنتزوجو فدقة ... وتهناو علبنا .. فبلاصة ما بوجد عرس واحد غيوجدو 3 فدقة ... الخطبة نديروها دابا ياك غير بيناتنا ...

علي: هاظشي لي كنقول من الصباح ..

سهى: وا قوليهم اجدي ... ماعرفتو عرسنا ولا عرسهم لي غيبقاو يتحلفو علينا هنا ..

بغات تشدها مها وتخبات ورى جدها ..

علي: هههه صافي هضرت .. انا بغيت نفرح بحفادي كاملين ... و نشوف ولادهم تاهما ..

سعد:😂😂 ياله نوضو وجدو ..

سيف: الله يخليها سلعة ..

نور: سلعتك اخويا ..

سيف: وكنقوول شي حاجة ناقصة قولي نتي هنا اللغعة ... علاش حتى سلعتي .. راه كولشي من ولادك ..

نور: مال ولادي .. كان غير جاد وجودية صدقنا فبوراس لاخر و ها فليفلة ديالك ..

سعد: وا كوولهم طلعو مساهلينش كل واحد بخبيزتو وتقول واش كاين شي واحد فيهم بعقلو ..

عصام: انا لي بعقلي ..😂😂

انصاف الام: اجي احبيبة جلسي .. نتي حاملة مخاصكش تعبي راسك ..

سمية: نتي عارفة اماما ..

انصاف: راه دزنا هنا هو الاول عاد رجعنا ..

ضحى: نوضو خرجو هلينا برى خلينا نقادو هاد الروينة ونشوفو هاد خطبة الغفلة .. الله يلقيها ليكم..

سيف: هههه ها شمس الضحى تعصبت (باللهجة الفاسية)

الكل: 😂😂😂😂😂

ناضو الرجال جلسو فالجردة مجمعين والنسا كيقادو لي خاصو يتقاد والبنات الفوق لبسو لسهى ولبسو معاها و تقادو وداكشي هبطو لقاوهم وجدو لي خاص (زعما زعما) دخلو الرجال وتجمعو فالصالة و جلسو حداهم النساء عاد البنات والدراري ..

هضرو بشكل رسمي ... سعد خطب من سيف ..

سعد: اوى اخويا اش قلتي ..

قصة متوفرة على 9isas modareb.. سبف: وا بصراحة كنت باغي نقول ديك الهضرة ديال .. باقين صغار وحتى يزيدو يكبرو و لكن خفت فليفة ديالي تنوض تقلب هاد الطبلة فوق راسنا داكشي علاش غنقول غير الله يربح .. وممنوع ترجع السلعة لماليها .. يعني الى ديتيها اولدي غتلصق فيك مدى الحياة ..

سهى: حاشاك ابا .. 😐

شهاب: ههههه متخافش اعمي .. نيت غنتزوجها نربيها هي وولادي 😂😂😂

زاين ضحك وشاف فنور لي تاهي كتضحك .. وغمزها حيت هاد الهضرة قالها تاهو من قبل ..

قراو الفاتحة وشافت رانيا فشهاب ..

رانيا: والخواتم فبن هما اعربس الغفلة ..

شهاب: فكرتيني .. شريتهم فاش مشبنا للهند هادي 3 سنين ..

سهى: اواااه 😍😍

شهاب: بلااي نجيبهم ..

طلع كيحري قلب عليهم وهبطهم .. للسوهم ليهم ودارو سلمو على العائلة وكولشي باركو ليهم .. وجلسو مجمعين وطالقين المزيكا ناشطين .. حتى كيبانو ليهم رئبال و جورية وسط الصالة كيشطحو مشادين ...

ريان: هههههه واحد ضبر على الساطة ..

زاين: جمع راسك ..

جود: نتا لي بارك تربط لينا فالدرية .. دايزين فالجواج هادو بعدا 😂😂

سمية: ااه .. راها من طرف عمو ...

نور: عندها واحد نونوس كتقول ليه لئبال... 😂😂

علي؛ ههههه الفريخات الصغاار ..ما شاء الاه عليهم ..

ضحى: هاد 2 بوحدهم لي خرجو مفاهمين اما هاد البراهش كاملين دوز الخرب وشي ماكان يحمل شي .. من غير رغد و آسر ..

رميساء: ااااي لهلا يوريك هاد 2 ..

ياسر: دايرين بحال 2 موحمات مرة يتصالحو مرة يقلبوها صباط ..

جاد: وا هكا كنا انا وجودية ..

زاين: لا ... كنتو كتسيفطوها كتبكي 😂😂 شافت الويل معاكم مسكينة ...

جودية: شفتي ابابا بعدا ..

رئبال شاد جورية زكبشطحو حتى طيحها وبدات تبكي ووقفها ربان حيت حداه ..

ريان: ياله بوسها وقول ليها سمحي ليا ..

شدها رئبال بايديه ب2 فحناكها وباسها في فمها وكولشي تلاح بالضحك ..

زاين: هاااكااك اولدي ...

ربان: معلم 😂😂😂😂

سمية: هههه اوياي شكون علمو هادي .. عمرو دارها 😂😂

نور: 😂😂😂 هادي تعلمها غير اليوم ماتقوليش ليا ..

جودية: اويلي ... ك..كيفاش اليوم .. كوراه شافها فالتلفازة ولا شي حاجة .. 😨

نور: مالك كترعدي.... نتي مولاتها ... ظلو معاكم نتي و جاد ..قبايلة ...

جاد كيشوف وكيضحك .. تبت علبهم التهمة ...

جودية: راه كنا كاملين ماشي غير انا وجاد ..

جاد: على مالك راه ....نيت ..

تلاحت جودية على فمو سداتو وبدات تحلف غير بعينيها ...

جود: ههههههههه بان عيبكم ...

جودية كتدخل وتخرج فالهضرة ..

جودية: كيفاش دابا اش كتخربقو ... دغيا لصقت فيا انا وعلاش غنعلموهم هادشي .. راه غير صغار و عقاهم بريئ ماشي بحالكم توما ...

سهى: التوما عند العطار .. 🐸

شهاب: والبصلة عند الخضار .. 🐸

جود: واللحم عند الجزاار 🐸

انصاف: ياه فكرتيني فاللحم بغيت الشواء 😍

الكل: 😂😂😂😂😂😂

ياسر: ياله تهز ...

عصام: مراتي تآمر ... ماشي تطلب بغيتي شي حاجة اخرى ..

انصاف: لا غير شوى ..

زاين: سعداتك...

نور: تي مالك ظريفة حتى فالوحم ...مالك ما توحمي النغاص ...

رميساء: ولا المزااح ..

ضحى: شي بلا ديال السوشي ...

رانيا: ولاا لي مكاغون اوشوكلا بالكلاص ديال الفريز ..

سمية: ولا شي اكلة عااامرة ... بحال بايلة ...

ربان: وااااا العيلاات هي كتوحم على شوا ونت ما اش دخلكم ... ولا نتوما دوزتوها على رجالكم كتقلبو غير على الغابرات فهاد نص الليل ...

زاين: نتا غير سكت جاك رئبال سااهل وواجد .. حنا لي علرفين اش وااقع ...

سمية: واللهيلا ...

جاد: ههههههه كتهضرو على الوحم تاني .. ولكن شفتكم كتهضرو غير على وحم الماكلة ...

جود و زاين وياسر ونور ورميياء بداو يضحكو تفكرو النهار كانو كياكلو الرفيسة و عاودو لبهم على ماواتهم وباش توحمو ...

جود: مسخووط ...

ياسر؛ مكتنساااوش باولدي داز عليها 4 سنين 😂😂😂

نور شافت فزاين: شتي دابا الشوهة فين وصلات 😐

سبف: منين نور هي المعنية بالمر خاااصكم تشرحو لينا ..

جاد جا يهضر وشيرات عليه بطالونها ..

نور: والله ياوليدي وتقول شي حاجة .. يا جودية لاكانت ليك بالله ..

جاد: على جودية يالله غتكون ليا...

نور: ماسوقيش واخا ماعرت اش تكون ضارب بيها ماشي غير العقد ...

جاد: عمي هزك الماء .. مراتي ونسيبتي هما الاولين 😂😂

سيف: والقضية خطييييرة ...

ضحى: وا تاديبها فسوق راسك .. وشوفليا هاد المصايب فين غيسكنو ..

زابن: غنجمعو والديهم فقنت واحد ..

عصام: كاينين فيلات حدانا .. خااويين .. واخا غتخربوها على البشر تما لحد الساعة الدنيا هانية ..

انصاف: بالعكس ... غيونسوني البنات ..

عصام: خلات عليا لا جاو هاد فليفلات حدايا اش داني نهضر ..

سهى: حشومة عليك ..

عصام: نتي غاسكتي ..

داخلين رغد وآسر مناgرين ...

رغد: وا بابا هضر معاااه 😡

يتسر: جيتو فين بقيتو غاطسبن ..

آسر: خالي .. مشبنا ب2 للكلوب نبقاو ب2 .. علاش تمشي عند صحاباتها وتخليني .. كون يسحاب كون عيطت لصحابي تانا و نتهناو اصلا لاش غادية معايا من الاول ..

رغد : مامشيتش معاك ... حنا مشينا مع الشيفور ب2 وصافي يعني نتا بوحدك وانا بوحدي ... منين مشينا وهو يدخل بيني وبين البنات وكيشوهتي معاهم ..

جود: نتا مالك كتدخل بين البنات .. 😂😂

آسر: مادخلتش .. قلت زعما ندوز معاهم الوقت كنت غير بوحدي ... البنات عجبهم الحال عادي هي لي ماعرت مالها ماحملاتش الببلان ولا ماعرت مال حيها ... شكون داخا فيبك صحاباتك احسن منك ..

رغد: مااامااا ... شوفي شنو ميقول عليا ..

رمبساء: راكم طالعين ف15 العام ... ديرو عقلكم ..

نور: الى مكتافقوش .. تفارقو ... متبقاوش تحاكو ..

رغد : كيف غاندير وهو ديما حدا جنابي 😡😡

آسر: على زييبنك .. انا غير ميالي ليك ..

زاين: اييه .. صافي هنيونا .. دوزو تجلسو وآخر مرة نشوفكم كتناgرو ...

ياسر: ولا غنجوجوكم 😂😂

الكل: 😂😂😂😂😂😂

داز داك الاسبوع فالتوجاد ... دوزو خطبة جود وميرال تاهي .. شراو الفيلات وفرشوهم .. البنات يوميا الشوبينغ كولشي معاونين ... و الدراري قدرو يشريو 3 الفيلات ملاقيين مع ديال عصام ...

اليوم هو اليوم المنتظر .. فاقو البنات بكري بعدما نعسو مجموعات فبيت جودية .. الدراري باتو محيحين فالبوات زعما حفل توديع العزوبية .. و نعسو فالصال في فيلا ياسر ..

جودية: نوضو تgعدو نتوما.. دوك الحلالف مكاينينش في الفيلا..

سهى ناضت من السرير قافزة: قلت ليكم نتوبعوهم متبغيتوش ..

ميرال: كتزيدو فيه كوراهم التحت ...

انصاف؛ الدراري بعقلهم .. غير كتظلموهم ..

جودية كتغوت: وااانوضو راه مابايتبنش في الفيلا يا قلالات النفس ..

ناضو كيحريو كيقلبو ووالو مالقاوهمش .. دازو على العائلة مجموعين فلجردة كيفطرو ووقفو عليهم هما بيجامات و الشعر مطلوق طالع للسماء..

نور: باسم الله الرحمن الرحيم .. سيري من قدامي راك خلعتي ختك ..

جودية: بقر علال فين باتو ..

ياسر: راه واحد الكسيدة واقعة في الفيلا عندي ..

طارو كيجريو للفيلا بديك الحالة خلاوهم كيضحكو .. و دخلو للفيلا الاخرى ... جراو نيشان دخلو للصالة ..

لقاو كل واحد شاد قنت و مبشلخين ...

وهي طير سهى وقفات فوق ظهر شهاب كتشتف عليه نييت و ميرال جلسات فوق ظهرو وكتضرب ليه فظهرو باش يفيق...وجودية نعسات فوق ظهرو تاهي و بدات تجبد ليه حنكو ووذنو ... اما انصاف الحنينة الرومانسية لقاتو ناعس على ظهرو وتخشات فيه ..حس بيها ودار عندها عنقها ولف ايديه عليها وهو مغمض عينيه .. شدات حناكو بايديها ب2 وباستو .. وتبسم وعينيه مغمضين ... وباس راسها ...

شهاب؛ غتنزلي ولاغنgرد مك ..

سهى: اليوم ..يوماك ياعريس ...😂😂

شهاب: هههه نتي لي مقودها ابنت العبد .. ودابا غتهبطي ولا لا راك فلعصتي ليا الضلوع ..

سهى: عول عليها من اليوم فصاعدا غتواي تفيق هكا ..

شهاب: الله ياربي الله ..

جود مد ايدو الاخرى من لور وقرصها فالمؤخرة حتى ناضت كتغوت وضرباتو ...

ميرال: اححح المسموم ..ناري على قرصة ...

حل عينيه ضرب طلة بانت ليه انصاف مخشية فعصام و جودية ناعسة على ظهر جاد وكتلعب فحنكو وكتفبق فيه وهو مرتاح وقال ..

جود: انا يهودي لمك تفيقني بالخبيط .. شوفي لالياتك ..

ميرال: اوى هادوك اسبدي ضاربين الكاغط حنا ياله غنضربوه ..

جود: هههه واخا ميعادنا الليلة ..

ميرال: هههه ماغاتخلعنيش متنساش انا راه ظابطة اسعادة الظابط ..

جرها لعندو وشدها من خصرها .. وشاف فبها شوفة قتالة و بضحكة جانبية وقال ..

جود: اهااه ...

جودية: الحب 💋 حبيبة💋حبي💋 حبيبي💋 ...

جاد كيتكسل: احححح على صباح الحب 😍😍

جودية: هههه مالكم نعستو هنا ..

جاد: جينا عيانين .. اري بوسة ..

جودية: موض غسل بعدا ياله فقنا ب2 باقين معمشين 😂😂

جاد: هههه هانية .. غير ولفي... هكا غنوليو كيف كنا اصلا هادير3 سنين ..

جودية: هههه اممم ..

ربان هز عينيه لقا كولشي كيترومانساو على الصباحةالا هو لي مجاتش مراتو ..

ربان: شنو دابا اما متجيش حبيبتي تخلي عشتي على الصباح ..

هبط سيف ودخل عليهم هكاك وقال..

سيف: هاي هاي هاي دايرين لينا دار الدعاارة هنايا .. حتا تزوجو وديري ما بغيتو اقلال الترابي ..

سهى قفزات ناضت على شهاب وهو كيضحك ومشات زعما تبوس باها وشظها من ودنها ..

سيف: تي فين عمرك جيتي تسلمي عليا فالصباح افليفلة ..

سهى: اححح وراه زعما قلنا اليوم غنتزوجو مابقتيش غتفيق على صداعي و قباحتي قلت نبوسك اليوم ..

ضحك سيف و جرها من ودنيها لسدرو وعنقها وتاهي تخشات فيه ...

سيف: وا قباحتك هي لي ديما مطلعة ليا المورال .. دابا شكون غيبقى يفرع ليا راسي كل صباح ...

سهى: افاك ابابا غنبدا نبكي واش جا ماسكتني ..

سيف: ههههه لا متبكيش ليا .. اليوم يومكم خاصو يدوز زوين وبكل لقطة فيه .. ياله نوضو تgعدو راه تابعكم شلا مايظار ...

دا بنتو معنقها وتبعوهم لي كوبل معانقين ..

دخلو للفيلا فطرو بعدما غسلو ... و من بعد تجمعو للبنات مشاو لبيوتي سانطر .. و الدراري لصالون رجالي يتهلاو فريوسهم تاهما ...

اما امهاتهم .. شي في الفيلا شي فالبحر كيوجدو ...

نايضة روينة كلها كيجري من جهة لا رجال لا عيالات ... رجعو البنات بعد 2 السوايع مع 11 ... طلعوهم يلبسو وتبعوهم امهاتهم ..

لقاو اللبسات واجدين ولي زاكسيسوار ... لبسوهم و لبسو لي غوب ديالهم وكل وحدة دارت البنادة دياله في فخضها والاكسيسوارات الصغيرة فايديهم و خلاخل فالرجلين حيت غيكومو حفيانين حيت غيتمشاو فالبحر .. و جلسو كل وحدا كتقاد ليها الكوافورة شعرها .. و دارو ميكاب خفيف وكيوت حافظ على ملامحهم الهادية ... و باش يبقاو فمفهوم عرس على شط البحر .. دارو ليهم التيجان ديالهم ... حتى وقفو وكل وحدة قدام امها لي غيكبكيو بالفرحة ..

شافو فيهم امهاتهم بحب .. ودموعىفعينيعم كل وحدة عنقات صغيرتها .. و البنات مخشيين فاحضان امهاتهم فرحانين وحزنانين فنفس الوقت ..

نور: ياله باراكة عليا غتخصرو الميكاب .. الدراري راهم فالحفل ... تعطلنا عليهم وباواتكم التحت كيتسناوكم ..

جودية: واش غنهبطو حتال البحر هما ...

رانيا: غيمشيو هازينكم 😂😂😂

نور: فكرة زونة 😍😍

رميساء: ههههه وطلقونا راه الناس جااو ... ةللدنيا عمرت والعدولات كيتسناو ..

خرجو كاملين العريسات القدام و امهاتهن وراهم .. بلي غوب ديالهم .. لقاو اباؤهم التحت كيتيناو ..

كل واحد فتح ايدو لبنتو و لدورهم عنقوهم ..

زاين: ما شاء الله على الاميرات ديالنا ..

عماد: جيتي كتحنقي احبيبة ..

ميرال: شكرا ابابا ..

سيف: فليفلة ديالي ... مبروك عليكم...

سهى: الله يبارك فيك احبيبي ابابا ..

نور: وايلاه راه كيتسناو ...

زاين: شفتكم حفيانات ..

جودية: مايمكنش لينا نلبسو الطلونات ابابا فالبحر ..

عماد: ولبسوهم حتى نوصلو للبحر وحيدوهم ..

جيداء: لا غتمشيو هازين بناتكم ..بين ايديكم ..

سبف شد ظهرو : اي لفتق لفتق لفتق ...

ضحى: ههههههه بنت قد الريشة مالك بوحاطي 😂😂

زاين : اجي لهنا افنيكيشتي ...

رميساء: هاكو لي بوكلي ديالكم ...

خظاوهم شدةعم فايديهم وكل وحدة هزها باباها بين ايديه وهبطو ... جودية معنقا باباها و حاطا راسها على كتفو ونور غادية معاهم ...

جورية: ربحتك زوينة ابابا ...

زاين: هههه هادي ابنتي هي لي جبتي ليا فاول عطلة رجعتي من كوريا ..

جودية: بالصح .. 3 سنبن باقية عندك ..

زاين: ههههه كنتزقرم عليها مكانديرها غير فالافراح و الاحدات لي كتكون زوينة بحال اليوم ..

جودية: غير بقا تستعملها براحتك .. وانا غنبقى ديما نشري ليك الروايح ..

زاين: هههه بالصح .. تواعديني ...

جودية: هههه كنواعدك يا احسن اب فالدنيا ..

نور: لحتوني للتوش ...

زاين: هههه نتي الكل فالكل ..

رمبساء: واحنا شنو نسواو .. بلا بيك العمر ..

نور: احح اقلبي ..

زاين: ههههه البرهوشة ..

نور: وابنتك غتزوج و كتقوليها برهوشة ..

زاين: نو احبيبة هي الفنيكيشة .. نتي لي برهوشة ..

نور: نتري كون مكنتي هاز الظرية يا حتا نعطبك علاش كتقلب .. حتى كنقول نسيتيها و رجعتي تفكرتيها ..

زاين: باقي كنتكفكر .. النهار لي جيتي وصلتي رميساء للفيلا ورجعتي ... من داك النهار وصورتك بين عينيا ..حتى عاودنا تلاقينا فاش عرضات عليك الوالدة .. و فاش جلسنا فطبلة وحدة و حاولت نقرا شخصيتك ... وبقيت حتى قريتك صفحة صفحة .. وديك الساعة وليتي مراتي البرهوشة ..

جودية: هههههه بلا متعصبها تاني ابابا 😂😂

نور: خليه غيخلص غير بلاتي .. انا لي عارفة كيفاش نردهم ليه

زاين: هههه لا احمباك متعصبيش ليا ...

جودية: غنتوحشكم ..

زاين: هانتي غير 10 د ديال الطريق بيناتنا .. يطلع ليك بوراس فالراس اجي عند باباك ...

نور: هههههه الاه يسعدكم احبيبة ديالي ..

وصلو للشط البحر .. وحطو بناتهم ... حلو البنات فامهم فالديكور لي مشافوهش ... كووولشي مزين بالابيض ستار طوااال معلقين كيضرب فيهم البرد .. طوابل كباار و وكراسا حتى هما فالابيض ... ورود بيضاء بعرشها الاخضر ... بحال لي بوكلي لي هازين ... كولشي الحضور لابسين الوان صيفية هادئة ... الشميسة ساطعة والجو مريح وغزااال هاز معاه ربحة البحر .. كل اب غادي بي بنتو شادا دراعو .. زاين وراه عماد عاد سيف .. غدين فالممشى وكولشي كيسفق تحت الحان موسيقى هادية .. فآخر السريموني كيتسنا اول عريس لي هو جاد و كيتينى وكيفرنس ومبهور فجمال مراتو .. وصل زاين وحيد ايدها من عندو وعطاها ليه وقال ليه ...

زاين: عطيتك طرف مني ... نشوفها شي نهار كتبكي بسبابك منرحمكش..

جاد: ههه هادي نور عيني .. نموت ومنبكيهاش ..

زاين: كنتيق فبك .. كنتمنا ليكم السعادة اولادي ...

سلمو عليه ب2 غمزهم وانساحب ...

وصل عماد ميرال لجود .. عطاها ليه وقال ليه ..

عماد: ها هي عوينة وحدة لي عندي .. عطبتها ليك .. تهلا ليا فيها وتهلاو فبعضكم ..

جود: متخافش بنتك فعيوني .. والله يقدرني على اسعادها ..

عماد: عارفك تقدر .. الله يسعدكن اولدي ..

سلمو عليه ومشا تاهو جلس ...

وصل سيف سهى لشهاب وتاهو عطاها ليه و قال ليه ..

سيف: هاااك اللحمد الله تفكيت من هاد البلية ..

سهى: ناري ابابا عاد كنتي كتقوليا الدار خوات بلا بيا 😐 الله يسمح لك 😐

سيف: هههههه شوف نتا تهلا ليا في فليفلة ديالي ... و متحرمهاش من اللعب عزيز عليها تلعب و دير ليها خاطرها ولي بغاتو قول ليها واخا ... ونتي تعلمي تفيقي بالشوية انا راه ظهري قسمتيه ليا شحال هادي ...

شهاب: تانتا كانت كدير ليك هكاك .. شنو دابا تزرفت .. ظهري مشا ..

سيف: يحسن عوانك مع هاد القضية اولدي عزيتي عليا 😂😂

سهى تحت سنانها: غتفوكو عليا هاد الجقلة ولا غنبدا نعرعر.... كولشي بنادم كيتفرج فبنا ..

شهاب: هههه

سيف: ههههه تهلاو فبعضياتكم ..

سلمو عليه ومشا جلس مع العائلة .. وكولشي جالسي كيتفرجو ... وقفو لي كوبل واحد ورى لاخر .. والعدول واقف فسيريموني وقدامو كتاب العقد جاد وجودية غير داز دامشي كرسميات حيت ضاربين العقد لبسها الخاتم ديالها تحت التسفيقات الحضور وتصفار ديال عصام وريان ... واصدقاؤهم ...

جات نوبة جود و ميرال قرا عليهم داك النشيط الوطني و حط الصداق فالعقد و سناو و لبسو بعضياتهم الخاتم وكذالك بالنسبة لكوبل لاخر .. و ناضو عائلتهم كيسلمو عليهم ويباركو ليهم .. و بدا فالحفل ...

رقصو ولعبو لعب .. تورخو ها اللحظات بتصاور و فيديوات ... كولشي ناشط فرحان ... غنات نور ورميساء وجين لي جا مع مراتو وولادو .. اغنية خاصة ليهم .. لي كانت هدية زفافهم ... تغداو مع الضيوف وكانو لحظات لا تنسى .. غربات الشمس عليهم تمى و اجواء اخرى ظهرات ... جو رومانسي لكولشي لي كوبل .. دارو رقصة اخيرة .. لي رقصو فيها العرسان مع الامهات دياله و العرايس مع اباؤهن .. وكل وحدة معنقة باها ... سالاو الرقص وتبادلو كل واحد خدا مراتو ورقصو ضاحكين فجو رومانسي .. حتى قرب الوقت لي غايغادرو فيه .. ودارو صف العريسات ب3 و كانو العزبات لي حاضرين وراهم و طوعوهم فخطرة .. وشقموهم بنات .... تعنقو معاهم .. و كل واحد جر مراتو .. خرجو للبرى الرمل لقاو سيارتهم ميرسيديسات ب3 واقفين مزينين وفالاخير كاتبين just married ووملصقين خيط عريض فيه حكاك خاويين ... وقفو كيبكيو و كيعنقو فعائلتهم ويعاودو ... كل وحدة كتوصي بنتها و ولدها .. تفارقو بدمووع الفراق و مواتهم كيرميو عليهم الورد وكل وحدة ركبات مع راجلها وديماراو ...كيبعدو ومكيتسمع غير الحكاك كيتجرو من ورى السبارات حتى غبرو ...

كل واحد جر مراتو ودخلو يكملو الحفل مع العائلة والاصدقاء ...

جودية شعلات ديسباسيتو تنهدت فرحانة وقالت: واخييرا 😍😍

جاد شاف فيها وقال: توحشتي الحلوة العفييريتة ... 😂😂

جودية: بزاااف عليك .. انا قصدت زعما واخيرا غنعيشو ب2 بلا ميكونو عراقيل ..

جاد: اممم انا بعدا توحشت غير الحلوى .. 😌

جودية: والى دقتيها يا وليدي يا اجاد دير ليا سيالة ..

جاد: ههههه واخا .. والى مادرتها قد فمك ما نتسماش جاد العمراني ..

جودية: احنا غنشوفو ..

عند جود و ميرال لي ضاربة الطم وكتلعب بصباعها وتلوي فاطراف كسوتها .. وجود كيطل على ايديها بطرف عينو وكيضحك ..و قال ..

جود: وااا الخلعة طلقي مني 😂😂😂

ميرال: غتزم فمك ولا غنطير عليك بشي عضة ... لي فيا مكفيني 😢

جود: يسحاب ليك غنقول ليك ديك الهضرة ديال .. متخافيش احبيبة مغايوقع والو ... وتgولي ... مكاين غير شرح ملح ... no mercy (لا رحمة) ... الى صبحتي حية ميقولها حد لحد ...

ميرال: رجعني عند با ... 😭😭😭 بغيت ماما ..

جود: ما بغيتيش طاطاك تاهي 😂😂😂 اودي على الظابطة لي مخلات شكون سلخت ...و تفوقات فشحال من امتحان جسدي .. خايفة ليا دا...

ميرال قاطعاتو: واش المضاربة هي داكشي ... وانت بارك كتخلع فيا اوجه الكلاكيطا خلاتها خالتي نور ..

جود: هههههه انا وجه الكلاكيطا .. ها هي فيك امراتي الحبيبة .. دابا غنهزلك ابلاتي ..

ميرال؛ خلينا نديرو اتفاقية ...

جود: هههههه باغية تجربي معايا .. لغة الاقناع .. راه لي قراك قراني ولبديها 😂😂

عند سهى و شهاب .. محييحين فلوطو .. هزات قرعة تشرب الماء خدات رشفة وقالت ..

سهى: ناري العرس دااز وااعر ... خريت بالضحك ..

شهاب شبع ضحك وقال:

شهاب : ولاباس منين مبيك والو رااشقة ليك ..

سهى كتشرب وتهضر : علاش مغتكونش راشقة ليا متلا ..

شاف فيها كيتبسم كيف الحمق وهي ترش الماء من فمها وبدات تكحب ..

شهاب ضحك وقال: هااا لي قلنا 😂😂😂😂

سهى: د..دابا حنا غاديين لدارنا ... ياله 8 ياله نمشيو لشي بلاصة ..

شهاب: مالي مبوقع ولاراضع حليب الحمارة ... اليوم نقلع لمك الضسارة ..

سهى: يسحاب ليك خايفة .. راه نتا لي خاصك تخاف ماشي انا ..

شهاب كيطنز : يالهوي ... وعلاش غنخاف متلا .. نتي راه جبهتك عرض من فاص الطوبيس ...

سهى : احنتا غتشوف ... ودورات وجها كتبرغم وتدعي الله ...

وصلو لفيلاتهم ودخلو بالسيارات لباركينغ ديالهم ... وهبطو دخلو كل كوبل لفيلتهم ...

💖💖طالعة جودية و جاد لبيتهم كيغنيو ديسباسيتو بحال 2 سكرانين ...

حتى دخلو ... لاحت الشوز ديالها و حيد الفيست ديالو وسبادري ديالو و جلسو ب2 فوق طرف السرير مادين رجليهم ..

جاد: انا ندوش عاد دوشي نتي .. حيت كتعطلي..

جودية: بحااال بحاال غير هو متعول على والو اليوم ... حلفت سير حتال غدا ..

القصة منشورة على 9esa.com.. جاد: هههه ومالي كنتشاور معاك ...

زيدي قدامي غندوشو ب2 ..

جودية: الاااااااءحح..

ناض وهو يجرها و بدات تتركل ليه دخل لحمام وبقات شادا ليه فطرف الباب بايديها ب2 وهو يهرها طلقات كتضحك وهو يدخلها وسد الباب كيضحك ضحكات شريرة....

💖💖عند جود وميرال لي مطلعها هازها على كتفو وهاز طالونها و هي كتغبن ليه ..و تضرب فظهرو

ميرال: احمبااك اجود احمباك حتى نتوالفو ..

جود: على حنا ياله غنتوالفو ماكفاتكش 3 سنين ديال العذاب والفقصة ..😂😂

ميرال باغية تفك باي طريقة : تصحاب راسك غتغلبني و اللهتا نجلد معاك متعرفها منين جاتك ..

جود: جربي حظك 😂😂😂

دخل للبيت وهو يحطها بشوية ووقفات قدامو بوضعية الهجوم ..

جود: شنو دابا ضروري من التسخينات ياك .. 😏

ميرال: تقرب ليا نشرشم خويا ..

جود : ههه تي ريحي .. عبان مافيا لي يعطيك شي سلخة تاني ..

ميرال: جرب ..

حيد لا فيست ...ورماها .. حيد القاميجة وهو كيشوف فيها و يدوز لسانو من حناكو الداخل ..

وهي تلفها بدوك الشوفات ولكن محافظة هلى وضعيتها..

جود: دابا ضروري ضروري تصعبيعا على رلسك ..

ميرال: العود لي تحgرو يعميك ..

حيد القاميجة وبقا بسروال و تحنا حيد السباط ..

ميرال: وعلاش كتقلع هادشي كولو ...

وهي ساهية غفلها .. شد دراعها دورو وهي تداركات الوضع ظارت مع ايدو نقزات فوق الطويبلة لي حداهم طلعات فوق ظهرو صدقات هي لي مدورا ليه دراعو .. هو ممكن يلوحها و لكن مابغاش يفرشخها و هو باغيها 🐸

جود: هههه دابا لمك قنزعتي ليا فوق ظهري كيف القردة .. فين باغية توصلي ..

ميرال: ماعرت .. ولكن غي..

جود: هبطها بجهالة وشقمها هازها ..

جود: غير اشنو .. واش من نيتك خايفة مني .. تيقي فيا مكاينش شي حاجة لي توتري عليها .. ياله دخلي ضربيها بشي تدويشة وحيدي العياء ..

هبطات و تنهدات ...

باس حناكها ب2 وهو كيضحك ..

مشات هزات اش بغات من الماريو ودخلات ... وهو مشا لحمام لي فالبيت لاخر .. السيد زربان ..

💖💖عند سهى و شهاب .. طالع هازها لين ايديه ..

شهاب: ههههههه فراسك ضربتي الطم لمدة 10 دقايق متواصلة .. كلا القط لسانك ..

سهى: لا .. عادي .. غير مكاين مايتقال .. بلا مايمشي بالك بعيد كوولشي تحت السيطرة

شهاب:ممم ... واخا ..

دخل للبيتهم .. وهو يطوعها فوق السرير وبقات جالسة وهو بعد حدا الماريو كيحيد حوايجو ..

جلسات وجمعات رجليها عندها ...وبقات كتشوف فيه وتبلاني ..

سهى فخاطرها: اويلي انا بقيت عليهم جوجنا جوجونا وغاعكا ضربت الحساب لهادشي .. شنو دابا سالا مشوار العزوبة ... هذا مالو ساقل .. ناري غلع حوايجو ..

شهاب: حبيبة ... وهو يدور بالجهالة ونقز فوق السرير وهي تنوض للقنت هزات عليه الطالون .. واقين ب2 فوق السرير هي فالقنت وهو قدامها ..

شهاب كيضحك ضحك شريير و عينيه كيبينو على انه غيدير شي فعل شيطاني ..

شهاب: ههههه اشنو دابا ... غاااع داك العذاب وديك الضيارة والقلاحة ديال هاد 3 سنين غتخلصبهم وبالفوائد من افوق ..

سهى: شوف اداك الجحمووم ... غادي تعطيني شبر التساع ولا غنتقب لمك داك راس بهادا 👡 ...

شهاب كينقز ويضرب فسدرو بحال الغوريلا و يقرب ليها وهي تبدا تغوت ..

سهى: وا مااامااا ... باااباا ..

هبطات كتجري من السرير كتفاوت معاه وهو وراها .. احتى حاصرها وانقض طيحها تحتو فوق السرير . وهي تسقل .. كيشوف فعينيها ووجها ووجهو ضاحك ..

شهاب: هههههه حصلتك .. ياك عاد قاتي انا لي غنخاف ..

سهى: انا راه فيا غير الفم .. ديما مكحلاها على راسي .. ديتي عليا زعما

شهاب: عارف حبيبة لسانها طويل .. متخافيش كولشي غنحدو لحبيبتي 😂😂

انقض على شفايفها كيقبلها وهي شادا فحناكو .. حتى هز راسو وقال ليها .. بلاتي ندوش ونرجع ليك ..

ناض دخل دوش طاير وخرج بالفوطة كينشف.. وخرج لقاها وجدات داكشي لي بغات تلبس و دخلات ...

دوشات تاهي ووقفات قدام المراية ..

سهى: حصلة ديال الكلاب ... ولكن واللهتا نقزدرها .. راه غير المرة الاولى لي واعرة ... غابيا ولا بيك اراس الطارو ... لبسات شوميز ديالها .. نشفات شعرها تعطرات ودارت ماكياج قليل ... وهي تحل الباب بالشوية و خرجات عينيها كتطل مبانش ليها وهي تخرج رايها وهي تسمع نبيح حدا ودنيها حتى خرق ليها جدارة الظن وهي تطيح تزربعت تما .. هزات عينيها لقات شهاب غيتسطى بالضحك .. ناضت وقفات قدامو بالنفخة نسات راسها .. حل عينيها المسدودين بافعل الضحك و هو يجمعها منين حقق فيها وشافها بطلة مغايرة على لي مولف يشوفها ... ديما بيجامات بنونوسات ولا تيشورتات عاديين .. اليوم طلة اخرى عطاتها مظهر ديال سيدة ناضجة مختلف على البنيتة لي مولفة تلعب حداه ..

سهى: مالك .. كنتي تقتلني نتا غاع ..

شهاب ساكت غير كيشوف فيها ... لاحظت بلي راها لابسة لبس مفضوح وهي تسد البينوار بحشمة ...

مد ايدو وجدبها لعندو ... شد ايدها وباس كفها و داز لحنها وشافةفيها وقال ..

شهاب: جيتي كتحمقي ..

سهى بخجل: بالصح ..

شهاب: ههه مولف تكدب ..

سهى مدلدات ايدها ياله ارى الكادو ..

شهاب: ههههه اشمن كادو ..

سهى: الراجل فليلة العرس كيعطي لمراتو كادو .. نتا ماجبتيش كادو مغتنعسش هنا ..

شهاب ضحك ومشا للماريو ... جبد بواطة حمرة ..

وجرها جلسها فطرف السرير وهو حداها ... خظا ايدها وجبد اكسيسوار كيتعمل فراحة اليد .. لبسو ليها وخدا ايدها باسها ..

فابلات ايدها مع عينيها وكتلعب لصباعها .. شتفت فيه كتضحك و قالت ..

سهى: ذوقك زوين العفرييت ..

شهاب: هههه شتي بعدا .. عجبك ..

سهى : حمقني .. 😍😍

شهاب مد ايدو لشعرها وقرب لعندها اكتر: وانا ... نتي لي حمقتيني ..

شافت فيه مبتاسمة و هو يغفلها طار عليها 😂😂

💖💖 عند جود وميرال ..

لي متكي فوق السرير بالبوكسر .. و مقابل مع باب الحمام ومدايرش الحس .. وكيحسب ليها فالتواني والدقائق ...

هي الداخل كتلبس .. وتبرغم ..

ميرال: غير الله يدوز هاد الليلة بيخير مع داك العجل .. اويلي غنخرج ليه هكا ... صافي مشيت فيها .. لا لا مشييت .. فيها .. مالو صقل .. *كتعيط* جود ... جووود ...

جود كيسمع فيها وكيضحك غير بالشوية ..

ميرال: غيكون هبط .. نخرج وندير ليه موتا حمار ... يطلع يلقاني غيبت ..

حلات الحمام .. هوووب لقاتو قدامها ...

ضربات الدورة باش ترجع و هو يشقمها ... هزها حطها فالسرير وتكا لاح عليها رجل لاش يتقلها... وكالا راسو بايديه كيشوففيها ويضحك وهي خارجين عينيها فالسقف والقلب شكات فيه واش باقي فبلاصتو ... لي شافهم من بعيد يقول غير شي سبع شد الفريسة ديالو من عنقها وكيتسناها تودع باش يشبع الكريشة ...

جود: الغزالة ديالي ...

ميرال كتشوف فالسقف و مكتحركش ..

جود: تكوانسيتي 😂😂😂

ميرال لا حركة ... دارت ليه بحال داك الحيوان لي فاش كيحس بالخطر كيدير راسو مات ..

جود: ههههه واخا انا عارف الكود ديالك ...

مد ايدو وجبد سنسلة ذهبية وحطها قدامها وهي تنطرها من ايدو .. كتشوف فيها .. وهو بدا يضحك ..

ميرال؛ ناري الستيل ديالي 😍😍😍 واكن هادشي كيف غندير ليه 😐😐

جود: خههههه زعما نتي بنت و خاصك تعرفي ..

ميرال: نوض عليا نشوف ..

جود: اري لهنا ...

ناض جلس على ركابيه و هي بغات تنوض ورجعها .. بايدو ... مد ايدو وقطع شوميز ديالها من سدرها كولها ... تفاجأت وخبات سدرها بايديها وكتشوف فيه كيلعب بلسانو وسط فمو بابتسامة جانبية ساحرة و نظرات حادة مخلية قلبها غيسكت و قالت ..

ميرال: وااش جهلتي .. 😳😳

جود ضحك وبعد ايدها على سدرها ..

جود: هههه غير حيدي .. لابسة ليا انا هادشي كبف غندير نحلو ..

مبغاتش وحيدهم ليها بالزز ... دارها تحتو و غلبها واستسلمات جبد العقد كان على شكل شوكر لاصق على العنق دارو ليها وجبد المرافق ديالو ولدا يضحك وهي كتشوف فيها مكنزة وحشمانة ... ودارو ليها كان اكسيسوار كيدار على السدر و كيتعلق فالكتاف وشد ايديها ب2 فوق راسها و تقابل معاها ...

جود: منين غنبداك دابا 👿👿

ميرال؛ ج ..جو.جوود ..

ضحك و تخشى فعنقها كيشم ريحة عطرها ...

(اووف سخفت من كوبل للاخر.. كأس الماء الله يرحم الولدين 🍹 تانكس ياله ندوز للموبل الموالي 😂😂 )

💖💖 عند 🐀و 🐈 لي عمرهم يتافقو واخا تزوجو .. خارجة جودية من الحمام كتسد فالبينوار و كتبرغم ..

جودية: باش نعلمك والله لا كانت ليك ...

جاد من الحمام: هاني خارج لمك والله لا بقات فيك .. انا تعضيني يا المصعورة .. غير وجدي ..

جودية: البعابع ...

مشات قدام المراية كتهضر مع راسها ..

جودية: والاهيلا ... باش نعلمو يقول ليا توحش غير الحلوى .. غبلاتي غندوز عليه الدكاكة هاد الليلة .. نلبس شي حاجة تخليه غير طيعرق فبلاصتو ..

مشات للماريو كتقلب على اكتر واحد مفضوح تاواحد مقتعها ..

جودية: ياااخ ... تاحاجة ما قنعاتني هاد الساعة .. غنعس هكا .. غير لالبينوار و نشوفو شكون غيغلب ..

طفات الضو و هي تخشا فبلاصتها و لاحت كل رجل فجهة و مبتاسمة

جودية: احح الله على راحة ..

خرج جاد كيمسح شعرو وشاف الضو مطفي وقال ..

جاد؛ هههه قضيتيها زعما ..

شعلو وهي تخنزر فيه ..

جودية: طفي بغيت نعس ..

جاد: You won 't sleep babe , cuz we have a lot of things to do 😉(مغتنعسيش ابيب حيت عندنا شلا مايدار😉)

جودية: In your wildest dreams honey 😊 (في احلامك الوردية عزيزي 😊) (الاحلام الوردية ماشي هي الترجمة الحرفية ديالها و لكن حنا كنقولو ليهم الاحلام الوردية وهما بحال تقولي الاحلام المتوحشة اولا الجامحة لي صعييب تحقق 🐸)

جاد كيقرب وكيهضر : I will show you what is the meaning of being wild girl ... I will make you scream and scream untill you lose your mind .. (طلع للسرير و مشا لودنيها نيشان وكمل كلامو بصوت منخفظ بطريقة رجولية خالاها ساقلة وغير كتصنت ) you better stop talking and relax , cuz I will fuck u hard babe 😉😉 (عذرا ، خلل في الترجمة 404 Error 🐸)

هز راسو شاف فيها وهو كيشم فريحتها وقالت ليه ..

جودية: خرجتي ليها طاي طاي ..اولد خالي 😐😐

جاد: هههه نو باايب خارج ليها من شحال هادي غير كنت كنحافظ على مشاعرك .. 😌😌

جودية: ودابا ..

جاد: مابقيتيش مراهقة ...

جرها من رجليها وهي تخبط مع السرير وهو يجبد رجليها عندو

جاد: اخخ توحشت هاد الرجليات .. 😍

جودية: حيد لهيه حلفت عليك لا قصتيهم..

جاد: ومالي كنتشاور .. باس فوق رجليها و بورشها هرباتها...

جودية: رجعنا تاني .. اي جاد كتهرني ... جااااد ..

جاد: هههه تي رصاي غنضربك ... ولكن كيبانو خاويين هكا ..

جودية: وشحال هادي واعدتيني تشري ليهم خلخال و ماوفيتيش بوعدك ..

جاد: ههههه وباش عرفتيني ما وفيتش .. ناض حل المجر وجبد صندوق متوسط و حطو قدامها ...

ناضت حلاتو لقات عرام الخلاخل الاشكال والانواع و حتى خواتم الرجلين ..

جودية: اواااه هادشي كولو ..

جاد: هههه كتعوبض لهاد 3 سنين لي فاتت .. ودابا بغيتك تلبسي هادو .. جبد 2 ..

جرها عوتاني وتلاحت اللور و هز رجيلاتها لبسهم ليها وكملها بالبوسان وبقا طالع من رجليها حتى وصل للوجها ..

جودية: نوض تgعد والله لااا .. قبل متكمل سكتها بقبلة وايدو شادا ايديها ب2 فوق راسها و اليد الاوخرى كتحل البينوار ...

اصبح الصبااح ....

شهاب وسهى ناعسين معنقين بعضياتهم ... تحركات بشوية تكسلات وهي تهز عينيها مغمضين ... حلاتهم نيشان فذقنو ولحيتو مدات ايديها وشدات فحنكو وهي تبوسو ... و رجعات تخشات فيه ...

عنقها بايديك ب2 حتى بجغها وهي تضربو لسدرو ..

سهى: مالك مالك ... قجني احسن ..

شهاب: هههه الصباح هذا احبيبة .. ناس كيقولو صباح الخير اراجلي الحبيب ..

سهى: انا بستك... مالك .. راه ننا لي قجرتي عليا .. وعاد البارح منساش ليك اش درتي 😡😡

شهاب كيعيبها كمش عينيه و حل فومو كيغوت: واااااامووووووووووك 😂😂😂😂

سهى خبات وجها بابديها كتهرنن وغيحماق بالضحك ..

شهاب: طيرتيني البارح .. كون مكانو الفيلات مباعدين و الدنيا خاوية هنا كون جمعتي علينا الجيران ..

سهى: بعد مني .. وجه الكاسرونة.. صدقتي مامزياانش .. بارك كتخلع فيا و تنقز

شهاب: ههههه وياك قلت ليك غنحيد ليك الضسارة ...

شهاب: ناري حيدتي شهاب وحطيتي اخر وخاصة فاش نقزتي عليا هنا فالسرير و كدير لحال شي قرض صافي قلبي طاح من بلاصتو ..

شهاب كيعيبها: والله وتقرب ليا حتى نتقب لمط راسك بعذا ...😂😂😂 وجهك صفااار ..

سهى: واللهتا حماقيتي بالله كنت غير انا ياعة نتا كتر مني ..

شهاب: ايوى احبيبة نتي غديريه وانا غنحيدو 😂😂😂 وانوضي ندوشو و نديرو شي فطور مطرطق ..

سهى: نو باايب .. غتصايبو و غتحيبو ليا هنا تفطر .. ياله نوض تحرك ياله ..

شهاب ضحك وقال: كامتي لي غتمشي ...

و ناض هزها ودخلها لاحمام يدوشو ... وهي كتنغر وتسب مسكتاتش ...

عند جودية وجاد ... لي فايقة وجالسة حداه فالسرير كتغدد ومربعة ايديها ... هزات المراية كتشوف فيها وتحك تحت فمها .. حيت قبل ماينعسو خدا فوتر اخضر مكيتمسحش و دار لبها خط تحت فمها ودار حداه نقط ... حيت قالت ليه الى خليتك دير ليا السيالة وهو مانساهاش

كتحك بصبعها وتسب فيه وهو ناااعس ماكاينش هنا ..

جودية: ولد الحرااام .. كيغانظير نعيش معاه تفووو .. عاد الخرى دار ليا فوجهي غنبقى بيه النهار كولو ...

حطات المراية و هي تشوف فيه ...

جودية: ناعس ولا علا بالو 😐😐

جبدات رجلها ضرباتو حتا تلوى طاح فالارض ..

جودية: ياله هاك ...

جاد ماعرف باش تبلى ...حل عينيه وهو ينوض طلع فالسرير بغات تهرب وشقمها ..

جاد: مال مك .. صبحنا عالله ..

جودية: اش غندير دابا انا فهاد الويل لي درتي ليا 😡

جاد: ههههههه جات معاك ماالك 😂😂😂

جودية: طلق مني .. اقيتيني لنت وغلبتيني كون كنت مدربة كون وريتك ..

جاد: انا مدرب حبيبتي وبقاي دافعي على راسك ..

جودية: منك نتا ... موحااال 😐😐

جاد: ههههههه مايبقاش فيك الحال .. كن هادي تعلمي ومتبقاييش تعاندي معايا ... انا موحشك ونتي منفخة عليا ..

جودية: وا نتا لي قلتي توحشتي غير الحلوى 😡

جاد: هههه انا موحشك كولك ...غير تهناي ليا احبيبة ..

جودية: وطلق مني خليني ندوش .. البنات غيكونو فاقو ولا لاقي ..

جاد؛ وانت مالك يفيقو ولا لا .. راه مع رجالهم ... مشاو احبيبة دوك الايام لي كنتو تشاركو فيهم فبيت كلها تديها فدارها ولا غنجمعو والديكم ب3 ... ياله نوضي تهزي جيبي لبا فطوري لهنا ..

جودية: وا بلاتي .. غير ندو...

جاد خرج فيها عينيها: فطوري هو الاول ياله تهزي ...

ناضت من حداه كتجري هبطت وهو تلاح فالسرير كيتكسل وكيضحك .. وقال: النهار الاول يموت المش 😌😌

عند جود وميرال ... لي باقية ناعسة وهو فاق .. كيلعب فشعرها و يبعدو على وجها ... باس حنكها وقال ..

جود: هههههه باقي مالغا يتقادا النعاس ..

ميرال مغمضة عينيها ومخشبة فالمخدة ..

ميرال: سير بعد مني ..

جود: وا صافي صافي ماوقع واالو ..

ميرال: بعد مني الحgااار ... 3 سنين ديال التدريب منفعنيش معاك .. عاارفاك مامعااك لعب ...

جود: رته غير حيت اول مرة .. ماغاتبقايش تحسي مرة اخرى .. ياله اجي ندوش لحبيبتي ..

ميرال: غير دوش نتا انا باقي فيا النعاس ..

جود: مابقا نعاس ..

حيد عليها الغطا وهزها مكمشة فيه .. ودخلو دوش ليها وخرجها نشفات راسها و لبسات وهي فبلاصتها .. لاحظ مشيتها العوجة وقال ...

جود: باقية مقسحة ..

ميرال: لا ..

جود: ههههه هزة نفسي ... انا ندير لحبيبة الفطور ونمشي نجيب ليك شي دواء .. ياله رتاحي هنا ..

تكات فالسرير .. وهبط يدير الفطور و هي بقات كتشوف وتضحك ..

طلعو ليها وفطرو ب2 ... حتى سالاو وناض هلط الماعن و قال ليها غيخرج شوية للفارماسي يجيب ليها الدواء ..

لي كوبل لاخرين فطرو تاهما بعدما دوشو ... بقاو البناتىفي فدالفيلات وخرجو الدراري .. تلاقو ب3 برا و غير شافو بعضياتهم وبداو يضحكو ..

جاد: امضرى قتلتو المش ..

شهاب: قتلتو ..😂😂

جود: من شحااال هادي عندي ميت انا 😂😂

جاد :حتى انا الله يرحمو 😂😂😂😂

شافو فبعضياتهم كيضحو وبداو يزغرتو تزغريت الهنود الحمر ...

جود:هههههه اجيو بعدا اش مخرجكم راه العائلة غيجيو يمكن ..

جاد : بغيت غير نجيب الدورة و نرجع ...

شهاب؛ انا غير بانتو ليا وخرجت ..

جود: اهه والله يعاون ..

جاد: اجي لهنا فين غادي ..

جود: غير الفارماسيان خاصاني شي حاجة ..

شهاب: هههههه ونااري المسخوط زبلها 😂😂

جود؛ ههههه مالي هبلت .. راه داكشي عندها كان صعيب ...

جاد: هههه وجاك على gانتك حتى نتا 😂

جود: نااري مانعاودش ليكم تعصبت البارح 😂😂

شهاب؛ زيد نمشيو معاك .. بان ليا الموضوع طويل ..

خرجات سهى من الفيلا و مشات عند جودية لي حداها .. دخلات لقاتها فالجردة كتحك فتحت فمها و كتعاير ..

سهى: اوييبلي اش هادشي 😂😂😂😂😂

جودية: الله يرحم باام متزبظيش عليا .. داك الحيوان غيبقى حتى نقتلو ..

سهى: ههههه على مالكم ..

جودية: والو حلفت عليه لا قرب ليا و تخاطرنا بالسيالة صدق دايرها بالصح ..

سهى: هههههه ناري نتوما ديما هكا الله يستر ..

جودية: اجي لهنا جلسي وقولي ليا اش درتي ..

سهى: اش غندير 😂😂😂 ولد الحرام طيرها مني البارح وحياتو كولها وهو داير عقلو واما المفروحة البارح كان العكس و لا بحال المسطي (عاودات ليها كولشي)

جودية: هههههه ناااري طيرتيني والله 😂😂😂

سهى: واحد خيتي مابانتش ..

جودية: نوضي نشوفوها ..

خرجو ب2 للفيلا ... ودخلو كيعيطو ما جاوباتش ..طلعو للفوق .. دقو وقالت دخلو ..

جودية: اوباي شتك باقية ناعسة ..

ميرال: مناعسة والو ..

سهى: هادي راه باينة دازت عليها 😂😂

ميرال: لهلا يوريكم ..

جلسو حداها ...

جودية: سافا ؟

ميرال: الزمر لي صافا ..

سهى: هههه علاش مالك ..

ميرال: والو .. دازت عليا البارح صبحت مافيا لي يتحرك اختي الحريق قتلني ... و جود زاد عليا بعصبيتو تاهو .. غير خليها على الله باينة غيعذبني بهاد العصبية ديالو ..

جودية: متقلقيش .. راك عارفة كيفاش تعاملي نعاه والدليل راك صبرتيىليه اكتر من 3 سنين .. و تاهو ماشي ديما معصب غير لا كانت شي حاجة ..

ميرال: عندك الحق .. ولكن اش داكشي فوجهك 😂

جودية: اويلي حريرتي حريرة البارح .. الحرب ناضت البارح ..

بقاو كيتعاودو حتى جا جود وترى عليهم ..

وكل وحدة رجعات لعند راجلها ...و بعد شوية جاو العائلات عندهم دوزو معاهم الصباح و باركو ليهم ..

حيت الصيف قررو يرجعو لجزر المالديف يكملو فيه الصيف ويدوزو شهر العسل ومشاو معاهم لي كوبل لاخرين ..

رجعو بعد شهرين .. ووصلهم قرار الترسيم .. لي زاين خلاهم فيه مجموعين قدامو... و معاه تحت الامرة ديالو ... جاد حلف على جودية لاخدمات دابا و هو وباه ديما مناgرين على هادي ... انصاف واعدها عصام بلي غيدير ليها كابيني ديالها تخدم فيها المشاريع ديالها حتى تولد و يكبر البيبي شوية ...

ناعسة جودية فالبيت و ناض جاد كيلبس حوايجو باش يمشي للخدمة .. لقاها نااعسة مكايناش هنا ..

جاد: ههههه شبعتي خميرة .. اويلي على لي عول عليها تنوض دير ليا الفطور و تقول ليا الله يسهل ليك .. ابلاتي ..

حل المجر ديالو جبد شي مييش ..

هبط هز البريكة من الكوزينة وخدا gاميلة .. دخل للبيت شعلهم و دارهم فيها و سدها وحطها حداها فالسرير و رجع لور ..

وبداو يطرطقو وناضت قافزة سادا ودنيها وكتغوت وكتلوى حتى طاحت من فوق السرير ...

جاد: هههههههههههههههههههه

سالاو و كشا طل عليها من الجهة التانية لقاها طايحة فالرض ودايرة ايدها على راسها ..

جاد: ياله نوضي على سلامتك 😂😂 هكا لواديك غتبقاي تفيقي لا ماوليتيش تنوضي ليا .. انا لواديم مجوج ببك باش نخرج نخليك كتشخري .. ياله تهزي ديري ليا الفطور ..

جودية ناضت تقابلت معاه : وا كوون خليتيني نخدم مع خالي كوراه كنفيقو ب2 .. و نخرجو ب2 و نرجعو ب2 😡😡

تم أخذ القصة من موقع قصة بالدارجة.. جاد: انا الالا كنتسناك تحملي .. ماغاديش تخدمي حتى تحملي و تولدي و تكبريه عاد نشوف ديك الساعة ..

جودية: جااد انا ماقلتش ليك لا تأنا باغية .. ولكن راه ممكن نخدم وانا حاملة راه نيت غنسي الوقت وماشي نبقى في الفيلا النهار كولو ..

جاد: وا يااك كتمشي عند عمتي ..

جودية: جاااد .. جاااادووو عافااااك ...

جاد: ناري غتبدا تشطح عليا تاني ..

جودية كتلعب بايديه: واا عافاااك حبيبتك انا ..

جاد: واخا الالا.. نشوفو .. وا زيدي ديري ليا الفكور راه تعطلت ..

جودية: يااااااي تلاحت عليه عنقاتو .. وهبطو ... دارت ليه الفطور .. و مشا خرج يهز لوطو وهي معاه ..

جودية: انا غنلبس وغنمشي عند هالي لللشركة ..

جاد: من الدقة الاولى معطلتينيش ...

جودية: و كفاية شهر وانا كنقنع فيك ..

جاظ: واخا الالا .. نىجع نلقاك فالدار هاودني منك .. بلسها وركب لوطو وخرج .. ودخلات كتنقز فرحانة ...

جود وميرال خرجو ب2 للخدمة .. و شهاب كيوصل سهى للمعهد و كيمشي للشركة .. و عصام و ريان تاهما على نفس الروتين ديالهم ...

بدلات جودية حوايجها .. و حلقات على لحالة .. و هبطات للشاريع و وقفات طاكسي .. حطها قدام الشركة هبطات كتنقز فرحانة .. طلعات للفوق فين كاين المكتب ديال مول الشي 😂😂 علمات سوكخيتيغ ...

و دخلات ..لقات ياسر وعصام ب2 فالمكتب..

جودية: انا جييييت 😍😍

ياسر: اهلا اهلا اهلا ..

عصام: ههههه على سلامتنا ..

جودية دخلات سلمات عليهم ب2...

ياسر: واش هاد المجية ..

جودية جلسات: واخيييرا داك العجل ديال ولدك وافق عليا نخدم ..

ياسر: هههههههه واعلى سلامتي منين طلقك ليا داك المصنgع ... بلاصتك واجدة كتسنى فيك ..

عصام؛ مرحبا بيك ...

داز شهر على خدمة جزدية فشركة خالها كانت متحمسة ليها ...

اليوم الاحد صابحين لي كوبل ناعسين ...

جودية بقات كتقلب فبلاصتها ناضت جلست .. حسات بفمها كيجري بالماء ناضت كتجري الحمام رضات ... سمعها جاد وناض تبعها .. شادها من اللور ... حتى سالات و غسلات وجها وخرجها جلسها فالسرير وهي حاطة راسها على كتفو ...

جاد: سافا احبيبة ؟ مالك ..

جودية؛ عيانة .. حاسة براسي كيدووور .. *هزات راسها كتشوف فيه ودايرة ايدها على فمها*

جاد: باسم الله عليك احبيبة اش عندك ..

جودية: منكونش .. زعما ماتكونش الكريشة عمرت ..

جااد: المريشة عمرت ؟؟!! زعما نتي حااملة 😍😍😍

جودية: يمكن هادشي لي بان ليا ..

جاد ناض كيغوت: اللللللللللللله ... واخيييييرااا احلامي كلها تحققت ..* رجع جلس قدامها .. وشاد ايديها * واش بالصح دابا انا غنولي بابا ..

جودية: ههههه صبر حتا نتأكدو مالك كتغوت ..

جاد: واش من نيتك احبيبة .. انا شوفي شحال وانا كنتسنى هاد اللحظة تقولي ليا مالي كنغوت 😍 مراتي الحبيبة ديالي غتجيب ليا بيبي و غنسكت .. *ناض عنقها* مامتيقش ..

جودية: اليوم نمشيو للكلينيك نتأكدو ..

جاد؛ داااابا دااابا نوضي ..

ناضت معاه لبست حوايجها وحتى هو .. ومشاو طايرين بالوطو للكلينيك ... دخل بيها زربان ومتحمس وهي كتضحك عليه .. دخلو لمركز التحليل .. خداو الظم وجلسو يتسناو النتيجة ..

جودية: وا تا جلس لارض دوختيني ..

جاد: ماقادش نصبر مزال ..

جودية: ههههت الله يستر ..

بعد ساعة .. خرجات المنرضة عطلتهم التحاليل ومشات ..

حلهم جاد دغية لقاها ايجابية .. طوع الورقة وهزها كيدور بيها فرحان ...

جودية: جااد حبس اوبلي دوختيني هههه ..

جاد: الحمد الله واخيرا ..

جودية: باله نمشيو نعلموهم ..

خرجها جاد معنقها .. ركبو اللوطو ...و نيشان لفيلا ياسر ...

لقاو ياسر ورميساء و رغد و آسر و نور و زابن جالسين و جورية كتجري وتلعب حداهم فالصالة حتى دخلو عليهم ..

نور: جودية .. مالكم احبيبة ..

جاد: جبت ليكم احسن خبر سمعتو فحياتي 😍

زابن: متقووولش ليا 😍😍

ياسر: هههههه ناري داروها ..

رمبساء: واش داكشي لي فبالي ..

جاد: اااه هههه غتوليو جدود قريبا ان شاء الله ..

كولشي وقف كيضحك ..

جودية نخشات فماناها معنقاها ..

نور: ههههه دغية دغية باقي الحال عليكم ..

زاين: بالعكس مزيان .. اجي عندي ...

مشات عند باها عنقها وسط ايدبه كيضحك ..

جاد معنقو باه وداز لمو حتى هي ..

رغد : مبروك عليكم اخويا ..

أسر: هههه البعالك غيبداو يتشايرو دابا 😂😂

رمبساء: فرحتوني احبيبة واخا غتردونا جدود وحنا باقي مكملنا 40 😂😂😂

نور: هانتي تشووفي ...

ياسر: نتوما هادشي لي هامكم .. اجي ابنتي مبروك عليكم ..

جودية: الله يبارك فيكم ..

مجموعين العائلة في فيلا ياسر .. وكولشي جا من علي حتال لي كوبل لاخرين ..

انصاف باركة حظا جوظية بكريشتها لي لانت حبت وصلات ل5 اشهر ..

انصاف: هههه مبروك احبيبة حمد الله ماشي غير انا ..

جودية: انا غنونسك 😂😂😂

ميرال: زربتي عليها اخويا ..

جاد: على نتوما كرهتو ..

جود: ههههه دابا حيت ياله ترسمنا منقدروش 😂😂 شتي المعيور دابا ..

جاد: هههه اححح الله حاس براسي كولشي لي كنت باغي نديرو درتو ..

سهى: هههههه باااز ليك المسخووطة .. واش عرفتي شنو هي الولادة ..

نور: سهى ..

جودية جمعات الضحكة وتفكرات اللقطة لي شافت فيها ماماها كتولد ..

نور شافت فبها هي و زاين ...

نوركتحاول تلطف الجو: هههه.. شنو هي الولادة .. انا ولدت 3 المرات و تاوخدة فيهم ماولدتها فالسبيطار والحمد الله ..

زاين: اه ابنتي .. ماعندك مناش تخافي كولنا فجنبك .. وتحسن كلينيك غتبعي فيه .. وراجلك معاك اش غيخوفك .. هادشي كولشي لي قدامك والدين ..

جاد هز ايدها باسها ..

جودية: عارفة ابابا .. الله يخليكم ليا كاملين ..

👣👣👣 بعد 6 اشهر ...

جودية جالسة هي وجاد فالجريدة .. مربعة رجليها حاطة قدامها السريال مع لي فخوي والحليب وكتاكل وجاد جالس حداها كيضحك عايها ..

جاد: وليتي كتباني كيف الكورة ..

جودية: واشتي ها لي مابغيناش .. اااي ...

جاد: ممالك ..

جودية: ركلني ..

جاد : وا داك العفيريت .. مغترصاش ااه ..

جودية: اشنو نسميوه ..

جود دخل هو وميرال: انا لي غنيمي ولد ختي ..

جاد: مالك نتا كنتي تصنع فيه .. اش دخل حمارتك ..

ميرال: ههههه كتفكرو للسمية ..

جودية: باقية حايرة..

جود: سمبوه على سميتي .. باش يطلع بحال خالو ..

جاد: حتى تولدو وسمبهةلي بغبتي .. انا ولدي بغبت نسميه سلطان ..

جودية: ههههه سلطان ... سمية زوينة ..

ميرال: حتى انا عجباتني .. سلطان كتبان عندو هيبة ووزنها تقيل ..

جودية: كنتخيلو كيخرج وهو كبير بوغوص وشهب و كيشبه لبابا ... و فينكت مشا يخلي ليا البنات كيسخفو وراه اااح متحمسة نشوفو قدامي ...

جاد: دابا من صباح ونتي تمدحي وتشكري فباك وبغيتيه يخرج كيشبه لبه انا معجبتكش ..

جودية : لا مقصدتش زعما غيير ..

جاد: غير اشنو ...

جودية: متقوليش غتقلق اجاد حنا غير كنهضرو 😟😟

دور وجهو وناض من حداها .. ودخل الفيلا ..

جودية: ظابا اشنو قلت ليه علاش يتقلق مني ..

جود: راك عارفاه ... غير سيري حزريه دغيا يرطاب ليك ..

جودية: ضبر راسو خليه ..

ميرال: تي نوضي .. دايراها قد راسك و كتننفخي من الفوق ..

جودية؛ جتى يرجع ..

جود ناض : نوضي عندو حشومة .. احنا خارجين دزنا غير نطلو علبكم ..

جودية: فين غادين فهاد الليل ..

ميرال: نسهرو فالكلوب ..

جودية: تانا بغيت نمشي

جود: شدي الارض هههه شوفي كرشك فين واصلة ..

جودية شافت فيه مقلقة .. ضحك عنقها وباس راسها ..

جود: نتي خاصك راحة ماشي تضوري باليل حتى تولدي وارى برع .. ياله دخلي فحالك متبقايش بوحدك هنا احنا مشينا ...

سامات علبهم ب2 و مشاو وهي دخلات للفيلا لقاتو متكي فالصالة و كيتفرج ..

دخلات جلسات حداه و هو مشافش فيها ..

جودية: دارا غتبقى مقلق مني ..

جاد؛ مامقلقش ..

جودية: راه انا لي خاصني نكون حساسة ماشي نتا .. قهرتيني بهاد الفgعة ديالك .. نقول كلمة تغضب عليها ... والله ما قصدت داكشي لي فهمتي .. *شدات حناكو* وصافي ...

جاد باس ايديها ب2 و تكاها على سدرو وهو كيلعب باطراف ايديها ...

جودية: جاد .. ماماةعيطات ليا اليوم ..

جاد: ايااه ..

جودية: بغاتني نجلس معاها حتى نولد ..

جاد: اشناهوا ..

جودية: جاد راه بديت كنتقل و الفيلا كبيرة كنبقا غير بوحدي النهار كولو .. اللهم نجلس مع ماما . وانت تجي بليل تبات معايا ..

جاد: وا هو بصراحة تأنا ما بغيتكش تبقاي بوحدك .. صافي واخا .. غدا ندوزك عندها ..

جودية: بخليك ليا ...

جاد: اشنو بغيتي للعشاء نديرو دابا لحبيبتي ..

جودية: لي درتيها حلوة من ايديك ..

جاد: ياله اجي ونسيتي ..

ناضو معانقين ودخلو للكوزينة ..

دازو 3 اشهر داها لدارهم ... بقات معاهم .. وهو كيجي بليل يتعشى ويبات معاهم والغد ليه كيرجع لفيلتو ويبدل ويمشي للخدمة ...

اليوم هو اليوم لي غنولد فيه ونيت التاريخ لي حدداتو ليها الطبيبة ... زاين عطاه كونجي باش يقابلها على خاطرو ...

ناضو بكري وماماها جمعات ليها داكشي لي خاصها ... و مشات مع جاد فالسيارة ... وزاين و نور ورميساء تاهما ... وقفو فالكلينيك ودخلات ..

حطوها في الغرفة بيما جاها الوجع .. ونور ورميساء ضايرين عليها وزاين وجاد وياسر واقفين عليها ..

نور: حبيبة كتحسي لشي حاجة ..

جودية: ظهري كيظرني و مرة مرة كنحس بشي تقلصات خفاف ..

رميساء: قريبة ..

جاد: اووف حاس براسي تنا لي غنولد ..

ياسر ضرب على كتفو : نوgض معانا اصاحبي ..

زاين: كواشي غيدوز مزيان ..

دازو سوايع لي بدات كتغوت فيهم من شدة الالم و جاد حداها متوتر على الآخر تجمعو العائلة كولشي ...

دخلوها لغرفة الولادة .. وجاد معاها ..

جودية: اااااي ... غنموووت ..

الطبيبة: راك غادية مزباان .. دغعي مزال ..

جاد: صبري اخبيبة راك قرييبة ...

بقات كتغوت وكتغوت حتى دفعاتو وخرج فخطرة .. تسمع بكاه هاد لاحت راسها لور كترتاح .. وجاد كيبوس راسها وشاد فايدها ...

☆☆☆ ناااعسة فغرفتها وكواشي مجموعبن حداها ونور جالسة حدا راسها كتدوز عليها ..

حتى حاات عبنيها ..

جودية: ماما ..

نور: يا عيووون ماما على سلامتك احبيبة ..

جودية: الله يسلمك ..

رميساء: ما شاء الله سلطان غزال كيحمق لحال والديه ..

جودية: بغيت نشوفو غير خرج و سخفت ..

نور: راه مع باه هو وزاين و ياسر و الدراري ..

ليلى: هههه كولشي جاني عجب ... زاين و نور ورميساء وياسر ولاو جدود 😂😂

سهى: وا هانتي تشوفي اجدة زربانين ..

ميرال: ومالك بحال دابا بحال من بعد كون مكانت خدامة كوراه حملت تأنا ..

سهى: انا بااااقي الحال .. 😌😌

ضحى: على النيتي نتي ديال ديري شي ولاد .. نتي باقية كتريطي وكتلعبي و محمقة شهاب الصgع والله ابنيتي حتى كيبقى فيا ..

سهى: خالتي هضري معاها غتبدا عليا تاني ..

رانيا: ولا واه تفرقي من مرات ولدي واخا هكاك راها بعقلها وكتسمع الهضرة وشهاب راه بخبيزتو تاهو 😂😂

دخلو الرجال وزاين هاز سلطان و كيضحك ..

ناضت جليات جودية وعطاه ليها...

جودية: باسم الله ... ههه اهلا اهلا الفنبكيش ديالي ..

جاد: ياله وريني الشهوبية فين كاينة ...

جودية: ماخرجش لماماه 😐😐

جود: غير تصخرتي اختي 😂😂

زاين: يشبه ماماه والا باباه المهم بصحيحتو ..

نور: اااه هاد الهضرة مكنتيش كتقولها هادي 3 سنين فحمالة جورية 😐😐

الكل: 😂😂😂😂😂😂

👣👣👣بعد 4 سنوات 👣👣👣

لي وقعو بزاف التغييرات ...

جودية 💝جاد كبر عندهم سلطان وولاا يمشي وويتكلم مشيب ماماه بقباحتو و باه لي مضسرو ديما فاقصينها .... رجعات لخدمتها ودارت بلاصتها بين خوالها ..

جود 💘 ميرال ولدو توينز 2 دراري شبهو باهم تاهما سماوهم زياد ويزيد وعندهم عام .. ياله كيتعلمو يتمشاو مع الكراسة والحيوط تاهما خرجو مشطونين و غير كيضحكو ..

سهى 💝 شهاب خدمو ب2 فشركة جدهم .. ولدو تاهما بنت وسماوها شوق عندها 6 اشهر .. سهى باقي مدارت عقلها و ديما محمقا شهاب ودوزت فترة الحمل غير كتفقص و تغدد فيه واخا هكاك صابر لحماقها ....

عصام 💘انصاف كانو ولدو ولد دابا فعمرو 4 سنين و 3 اشهر ... سماوه إياس شبه لماماه حنين وظريف وحشومي... بعدما وصل ولدها عامين لقات عصام وجد ليها الكابيني ديالها ودابا مشية و تصاميمها كيتطورو وكيبانو فالسوق ...

العميلة سمية 💝ريان .. رئبال وصل ل7 سنين وزادو عليه بنيتة عندها عامين دابا وسماوها جنة .. عزيزة على خوها و جورية تاهي لي باقيين صحاب و مكيتفارقوش ولاو يديرو الزبايل ب2 ...

اليوم عيد الفطر ... مجموعين كووولشي العائلة في فيلا علي ... جالسن فالصالة الكبيرة ياله تقدهم ...

جالس في الرأس شاد عكازو وحداه ليلى .. وفجنبو ولادو الكبار و عاد عيالاتهم وضايرين بهم ولادهم ولاد احفادهم كيلعبو حداهم ... الهراج والضحك والدار عامرة و غير بيناتهم ... كل وحدة مضاربة مع ولدها شي متافقين شي مخاصمين ..

وعلي ومراتو كيشوفو ويضحكو .. عائلتهم كبراات وشافو اولاد حفاادهم .. الفرحة ملية قلبهم والرضى والفخر باين فملامحهم ..

سيف: ههههه وسكتو علينا براهشكم راه غنطج ..

سهى: خرفتي ابابا ولا فيك النgير ..

شهاب: هههههههه شد ..

جودية: سلطان طلق جنة علاش ناتفها ..

سلطان: حدات ليا سكلاطي ..

جاد: ههههه ونتا راجل خاصك تعطيه ليها ..

سلطان: لاااءح عطاه ليا جدو .. هي كاات ديالها ..

جنة كتبكي ..

ربان: ياله اجي ابابا .. اجي واخاةعليك اجلاخة ..

سلطان: صافي صافي هاكي ياااح تفوو 😡😡

جاد: هههههه يخليلي الرويجل انا ..

جودية: متبقاش تقول ليه هكاك راه باقي صغير 😡

جاد؛ وانتي اش دخلك بيني وبين ولدي ..

جودية: غنبداو تاني ..

جاد:ههه لا مغنبداوش ...

جوظية: شد ايدك لهيه راه مجالسينش وسط دارنا ..

سلطان: طلق من ماما .. متتحسمش ..

جودية هزاتو عنقاتو: يخليلي لي يدافع على مامي انا ..

جاد: ياك اصامبوgة ..

سلطان: ههههههه .. تامبوgة هو نتا ..

جاد: ههه يااااك وهااكا ... بقا يهر فيه وهو كيطرطى وكيضحك ..

اما ميرال كتضارب معاهم يسكتو ومالغاوش ..

جود: مالو ..

ميرال: باغي يرضع .. ولاخر غيسمعو غيبدا يبكي تاهو .. اناىغنوض نرضعو ..

جود: اري هذا وياله نطلعو ...

هز واحد وطلعو ب2 .. دخلو للبيت .. وسدو علبهم .. جليات كترضع واحد ولاخر هازو باه كيلعب معاه ..

جود: راه خاصك تفطميهم .. راه بان ليا طولتي ..

ميرال: واش غندير ولفوها و انا براسي مكنصخاش نحيدها ليهم .. واصلا باقي الحال يالله عندهم عام راه كاين لي كيوصلو لعامين ...

جود: ونتي تعرفي .. ياك ابابا ... ممشا جلس حداها ولاخر كيرضع و مغوبش ..

جود: هههه طاالع ليه الدم ..

ميرال: هانتا تشووف 😂😂 احح الله ياوليدي مالك على هاد العضان ..

جود: ههههه ماعرفتش علاش كيدير هكا ..

ميرال: وغير هو لي كيديرها زياد لا ... يزيد بان ليا كيتعصب .. خاصنا نشوفو شي طبيب ..

جود: ان شاء الله .. شبهني فهادي 😂😂

ميرال: داكشي لي كنقول ... هاهو شبع على سلامتي ... سير عند باك الجلاخة خليليا الحنين ديالي انا ..

تبادلو ولادهم وبقاو كيضحكو تما ...

نهبطو عند العائلة .. لي حات الخدامة كتقول ليهم وجد لغداء ... تجمعو كاملين وديما الضحك و لي كومونطير غير كيتشايرو ... حتى قالت نور لزاين ..

نور: شفت الزعر gاعما كاين ..

زاين: كوراه خارج ..

نور: لا ... عاد بان ليا فشي قنت ... معقلتش فين ..

زاين: تلفو عليك العرارم 😂😂

نور: هههه واللهما كذبتي .. ولكن شفتو غيير هاز شوكتو هاد اليامات مامسروطاش ليه رغد يدور يدور و يجي يتخاصم ويتساب هو وياها .. كيخليها تبكي بالدموع ... فاقصني ...

زاين: مديريش فبالك .. راه هضرت معاه 😜

نور: ههههه شنو قضية ديك الغمزة..

واقف آسر ورغد حدا تلبيسين وهي مربعة ايديها وكتخبك برجليها ماحاملاش تشوف فيه ..

آسر: مهم جبتك هنا باش ..

رغظ: بااش تخرج ليا شي بلان نتخاصمو عليه تاني مافهمتش كيفاش كنا صحاب فالصغر 😡

آسر: نساي عليا داكشي .. واليوم غندير حد لهادشي .. كنين نجحنا فالباك وانا كنفكر مال علاقتنا دايرة هكا .. وكنبغي نصلحها كنلاقانا مطايفين حتى عاودت للواليد ووضح ليا شي امور .. انا وياك تزادينا فنهار واحد و كنعتابرك توأم ديال روحي .. نتي لي كتفهميني و كتوافقي مع شخصيتي .. واخا كنتخاصمو و كنتناgرو وكنبانو اعداء من برا ولكن قلبي .. قلبي كيدق فاش كتبكي قدامي و كندم علاش بكيتك .. وهادي ما كيدل غير على حاجة وحدة .. هي كنبغيك و تمنيت تكوني ماشي غير بنت عمتي بغيتك تكوني حبيبتي ..

رغد كتشوف فيه وقابها محزم وكيشطح ... طالت مدة سكوتها .. وهي قدامو مصدومة .. وقال..

آسر: ماشي مشكل .. توقعت .. اكيد كرهتك فيا .. مهم انا مندمتش حيت قلت ليك لي فقللي ورتاحيت .. وغنعطيك بالتساع .. قرب ليها وباس راسها وتم غادي .. وهو يسمع اسمو من فمها وقف ودار عندها وهي طير جرات لعندو تلاحت عليه حتى طاحو ب2 وهو شادها و كتقوليه: حتى انا حتى انا موااافقة 😍

عنقها تاهو وكيضحك وخاشي وجهو فعنقها ومغمض عينيه ...

حتى قاطعهم صوت جاد لي كان خارج تابع ولدو يرجعو : اش كديروو هنا يالقلاال الترابي ..

رغد : ناااري خوويا 😱😱 ...

☆☆☆النهاية☆☆☆

وهنا كتسالي القصة حياتهم غير عندنا حنا ... اما مشاكل و مغامرات عائلة العمراني باقية جارية و مشوالرهم بااقي طوييل ...ولكل بداية ...نهاية ...

طوم و جيري الجيل الثاني الجزء العاشر و الأخير

محتوى القصة

التنقل بين الأجزاء