الضابط و زوجته المراهقة الجزء 15

زاين: منين جا هادشي...؟

هز الفنيد لي وكلاتو نور...وبداكيشوف فيه حتى تفكر زاين النهار لي وقع ليه داكشي..

زاين: لا ميمكنش ...زعما تكون نور مولات الفعلة؟ ...والمسخوطة اش غتستافد الى شرباتني هادشي...حgلها جات لعندي...غتكون غير شي خطة من الخطط الفاشبة ديالها...

ناض دارو فجيبو..وهز الدواء لي غيعطيه لعماد..

زاين: واخا الالهم نور...غنشوف اش غندير معاك..

هزو هبط وكيشوف فنور شوفات ديال القتيلة..

ونور gاعما كاينا هنا...

زاين: هاك اعماد...

عماد: شكرا...

بقاو مجمعين حتا ناضو البنات وخلاو الدراري مجمعين..

عند نور لي طلعو لا صال ..

رميساء: اووه هادشي غزال..

جيداء: وانتي مناسيكش..

نور: واشنو بالزز منو...

جيداء: هههه واييه هكاك نبغيك..

رميساء: اجيو البنات ...منديروش شي خرجة بيناتنا حنا البنات...

نور: اه بالصح فكرة زوينة...

جيداء: ايه ختارو امتا وانا معاكم...

رميساء: غدا فالعشية ان شاء الله...

نور: اوكي..

جيداء : مشات...

نور: نشيبوهم شوية انا راه قنطت...

رميساء: ههههههه باقا متبتيش ..باقي محصلتي على اخر زبلة..نهلر يعرف..مشيتي كفتة..

نور: واغاسكتينا فمك لاحسو جرو...معندو مناش يعرف..

جيداء: علاياش كتهضرو..

رميساء: لهلا يوريك المسخوطة اش دارت...

جيداء: العااار لاما قولي...

نور: داك الحلوف جاب ليا فار للكوزينا..طلقو عليا وتم جاي كيمتل عليا البراءة..صدق متافق هو الحلوف ديالك.

جيداء: ههههه اويلي...

نور: والله غير حضي معاه ...مهم انا بغيت نتاقم و...

عاودات ليها كولشي..

جيداء: اويلي على المسخوطة..هههههه 3 الحبات...كيدرتي ليها...

نور: والله متكنت عارفا اش داكشي يسحابلي غير منوم ولحد الان مفهمتش كيفاش حتا وصل عندي داك ادواء..

رميساء: غتكوني نغالطتي مع شي حد...

نور: بقا فيا مسكين ههههههه

جيداء و رميساء: ههههه

رميساء: بلاتي واش لحتي داك الويل ...لايشوفو..

نور: متخافيش غبرتو فواحد المجر معندو فين يوصلو..

رميساء: وعنداك يلقاه لاش مخلياه عندك اصلا لوحي معندك مديري بيه..

جيداء: راه باينا كتقلب على شي ليلة اخرى ..

نور: ههههههههه بحال x

جيداء : واها ليقلنا...

رميساء: هههه واييه...اش بان ليكم ديرو شي طريح..جيداء كتعرفي تشطحيي..

جيداء: داخلا لصف الرقص الشرقي بالتخبية على عماد..

نور: هههههههه العاار...

رميساء: وهانتي لك على الدرية خرجتي ليها طاي طاي..

جيداء: ايوا اختي قولتا لو قالك نتعلم غي من اليوتيب..حمق هادا داكشي علاش كنحضر ل2 حصص..غنتزوجو ونحبس..

رميساء: شعلات الموسيقى ياله ورينا...

عند الدراري...

ياسر: تافقتي مع نور ايمتا غتبدا معاك الحصص..

عماد: درنا الاتنين فالعشية...

زاين: واش متقدرش تحيد ليها تشيطين تاهو بالحصص..

ياسر: ههههههه من نيتك...واخا تبقا غير نتا وياها..

عماد: اش درتو الحرب الباردة ديالكم..

ياسر: حرب؟

زاين: اييه ختك باغا تخرجني مت عين البرة ..ساعا معامن هي...هههه واش عرفتو اش دارت مطيحش ليكم على البال...

عماد: اودي غير قول..نور راه كنتسنا منها كولشي..

زاين جبد الدواء وحطو فوق الطبلة وهزو ياسر..

ياسر: ههههههههه وايلي..

عماد: خدا من عند ياسر...

عماد: هههههههه مسخوطة...اش دارت بيهم...

زاين: عطاتهم ليا فشي حاجة معرغتش فاش..فاش طلعت للبيت ورا الغدا بديت نسخن وحسيت بواحد الطاقة..بقيت شاك فراسي...جهلاتني البرهوشة وليت حالتي...

عماد حل الدواء: هههههههه وكلاتك 3 الصgع..

زاين: واااايلي..

ياسر: هههههههه واللهما عرفت هاد الافكار منين كيطيحو عليها منين كتجيب هادشي...

زاين: مفهمتش غايتها..من هادشي..عييت نخمم ووالو..

ياسر: باينا بغات تشعلك وتخليك هكاك...

زاين: لا لا سوفاتني منضنش هادي نيتها...

عماد: ايوا معليك غير تبين ليها بلي عقتي بيها وهي غتgر...

زاين: لا لا غنردها ليها....

ياسر: شوف دير لي بغيتي شغلك هاداك...بعد غير من الضرب...هاني علمتك..

زاين: نو مغنضربهاش غير تهمنا هضرة وحدة راه قلناها..

عماد: ايوا اش غدير...

زاين: باقي مفكرت...

ياسر: هههه لقاتك معندك عقل بحالك بحالها..

عماد: هههه شتهم غبرو ..فين مخشيين..

زاين: كنسمع الموسيقى..غيكونو مخشيين فلاصال محيحين..

ياسر: اشمن صال..

زاين: درت ليها صال هنا فالفيلا درب فيها حسن متبقا غادا جايا ليا فديك الصال..

ياسر: احسن مدرتي...

زاين: تبعوني نديرو ليهم الازعاج...

ناضو ألدراري تبعوه ..

ناضو الدراري طلعو عندهم...حلو الباب لقاوه مسدود من الداخل...

زاين: عرفتهم غيسدوه..

عماد: شتهم مخدمين الشرقي..

ياسر: هما مكيشطحوهش..اش عرفهم لشي شرقي..

عماد: غتكون غير سليعفانة ديالي..

زاين: هههه تبعوني ونشوفو اش واقع...

تبعوه الدراري مفاهمين والو...دخلو لبيتو..ووقفو كيشوفو فيه موجه الريموت للحيط..وتحل وبانو ليهم الدريات وحلو فامهم...

ياسر: اش هادشي ..

عماد: ههههههه نتا مريض...

زاين: مريض بحلالي ونتا مالك حسدتيني...

دارو ولقاو جيداء عاقدة التيشورت ديالها والبنات حتاهما هي كترقص وهما كيتبعو ليها كانت محترفة..

عماد مرضاش ...دار للدراري لي حالين فامهم وراه زوا زاين وعطا لياسر بركلة خلاهم مليوحين حداه كيضحكو..

عماد: حدرو عينيكم..الكلاب اش كتشوفو...

زاين: ههههه برد اصاحبي مالك...

ياسر: ههههه راه gاع عيالاتنا مخشيين تما...غير برد..

ناضو الدراري كيتفرجو وكل واحد حاضي مرتو..

زاين: بقا لبوك غير الشرقي ...هههه

ياسر: كيشتي ختك غير مطفراه...هههه

عماد: بنت الحرام قلت ليها لا فين تعلمات هادشي كامل..

زاين: هههه مالك راه مزيان لك اصاحبي..

ياسر داروه بيناتهم : مالك شفتيها كتشطح فالزنقة خليها دير لي بغات راه فالاخير هادشي باينة متعلمة ليه على قبلك..

عماد هز راسو كيفكر: بصراحة عندكم الصح...ههه علاش مفكرتش فيها من قبل...

زاين: الكية كيتنا حنا لي ميعرفو منين يجيو لشي شرقي شو كيف كيديرو....الاعاقة ..

ياسر: هههههههه حنا يهود حنا...

عند البنات ...رميساء: انا هاد شرقي مكنعرفش ليه غنوريكم الرقص السيكسي ديال بالصح..

نور: ياك البرهوشة فين تعلمتيه بلا بيا..

رميساء:غير ارتجال كنبقا نجرب قدام المراية واصلا كنشوفو فالانترنيت..

جيداء : ياله ورينا..

رميساء بدلات الموسيقى ودارت اغنية ciara- let s dance like we r making love قربات قدام المرايو وحطات كرشي جلسات عليه والبنات لور كيشوفو فيها من المراية ..جلست ومع بداية الموسيقى بدات كتحرك ايديها وفرقات رجليها موقفاهم على صباعها ..وغادا مع الريتم ديال الموسيقى..غير بدات الموسيقة تجهد لاحت الكورسي برجليها وكملات حركاتها..

عند الدراري..

ياسر حال فمو : هادشي كولو خارج منك ارميساء..مفخباريش..

عماد: ههههه شكون لي فخبارو ...راه gأع تصدمنا..

زاين: مساهلينش مع ريوسهم...

بقاو متبعينهم حتا بدات رميساء ترقص بطريقة مغرية بنظراتها وحركاتها الرشيقة ..حتا تلاحت فالارض كتدوز ايدها على جسمها و كترقص بايديها ورجليها..

ياسر تاهو مرضاش ..وهو يطير على الدراري حتا لاحهم ب2 فالارض....

ياسر: متشوفوش...

زاين: هههههه وراه غير ختي..

عماد: وتانا بحال ختي ..

ياسر: واخا هكاك...

عند البنات...

نور: اويلي سمعتو هادشي...

جيداء: الزلزااال...

رميساء: هههه تانا حسيت بالارض تخبطت...

نور: ماعلينا...ساليتو نوبتكم وخليوني نوريكم ..

بدلات نور الموسيقى..زاين غير شافها ناضت وهو يسرط ريقو...والدراري بداو يضحكو وهي باقي مبدات.

بدات الموسيقى ..ونور قربات لداك العمود لي تما وزاين بدا يطلب الله مديرش داكشي لي فبالو...

بدات الموسبق ونور كتدور على العمود وغادا مع الريتم حتا تهزات فيه..كتدور وهي معلقا فيه كتدير حركات رشيقة عليه كتدور رجليها عليه وكانها كرقص البالي وشعرها لي كيتطاير معاها ..كتقلب فيه حتا وصلات الفوق حتا بدات كتدور بحركات سريعة وكتفرق رجليها ودارت حركة حتا جا راسها التحت ورجلها الفوق زاين صعر ضار عند الدراري لقاهم حلو فامهم خنزر فيهم وهما يخرجو كيضحكو عليه قبل ميطير عليهم تاهو..

زاين: هههه تعلمات ليه ...معليكش كتسمعي الهضرة..

سد الحيط وخرج تبع الدراري فالصالة التحت كيضحكو..

عماد: مالكم حتا نتوما عندكم فاش تلاهاو...حسدتوني على والو ههه..

ياسر: هههه معمري نويت رميساء تكون كترقص بحال هكاك...

زاين: على نور نويتها فيها ...

ياسر: داير ليها العمود تما وكتقول لينا منويتيهاش فيها.

زاين: واللتا الديزاينر لي دارو انا مافخباربش gاع..

عماد: ههههه واهانتا..

بقاو الدراري مجمعين حتا هبطو عندهم البنات...

هبطو البنات جلسو معاهم شوية حتا ناضو جيداء و عماد سلمو عليهم ومشاو..وتبعوهم ياسر ورميساء..

زاين قرب لنور وهي هزات راسها فيه..وعنقاتو..

زاين: هههه نور ؟

نور: نعام..

زاين: هههه مالك؟

نور: والو ...

زاين: ايوا ودابا ؟

نور: شنو لي دابا..

زاين: اش غنديرو ياله 8 هادي...

نور: نلعبو ؟..

زاين: هههه نلعبو ؟ كتgولي فيها بوجهك حمر...

نور: ومالك ؟

زاين: اه فكرتيني ...بلاتي نوجد لجاكسون فين يبات...

نور: شتك درتيها بالصح...جاكسون موالفا نعسو معايا

زاين: لا الغزالة داكشي قبل متزوجي دابا انا لي خاصك تنعسي حدايا فهمتيها..

نور: ولكن..

زاين: مكاين ما ولكن..

مشا زاين خرج لجردة و كان واحد البيت تما ورا الفيلا ومخخص للكلب قادو ودار ليه فين ينعس وقاد ليه بلاصة الماكلة...

زاين مشا كيقلب ويعيط ليه...

نور من الفوق: اش بغيتيه هاهو معايا...

زاين: هبطيه واجي حتا نتي تشوفي دارو كيف دايرا ..

نور : ياله اجاكسون نشوفو هادا اش موجد لك..

هبطت ومشات للجردة عندو..

زاين: كيف جاك ...

نور: مسكين غينعس بوحدو هنا..

زاين: ياكما نعس انا هنا وهو ياخد راحتو فبلاصتي..

نور: لا غير ..

زاين: جاكسون اجي لهنا ...ها بيتك اصاحبي بيما جبت لك شي ساطة توانس معاها...

نور: ايوا جيبها فاقرب وقت ..

زاين: امرك حبيبتي..ياله ندخلو دابا...

مشاو دخلو...

نور: اش بغيتي للعشاء..

زاين: لي بغيتي اولا عرفتي غندوموندي شي حاجة من برا gاع..

نور: تشهيت السوشي..هانتا قوليهم يجيبو سوشي الطايب ولي ماطايبش و spring rolls وشي سوب معاهم وشي سالاد ...

زاين: شي حاجة اخرى...

نور: لا صافي...

زاين: هههه...ومشا كيعيط فالتيلي...

طلعات نور تدوش ...زاين تبعها ينفد الخطط ديالو..

زاين: هههه هانا غنوريك اللعب على اصولو امراتي الغزالة...

دخل زاين للدوش عندها ...دار الدقيق فالسوشوار..وحطو تما ...وخرج بالشوية لاتسمعو...خدا الملابس الداخلية ديالها ب2 دار فيهم بودرة كتجيب الحكة..وحطهم كيف كانو...و هبط حيت سمع الصونيت ..خدا داكشي وخلصو ومشا...دخل داكشي قادو فالطباسل و حطو فالطبلة...

نور خرجات من تحت الرشاشة لابسة البينوار...مشات حدا المراية كتغني بغات تنشف شعرها غير حدها شعلاتو وهو يخرج الدقيق ترش علبيها هي وشعرها ولات كولها بيضا هي مفهمت والو...وتعصبت..

نور: اويلي اش هادشي ...دقيق..زااااااااااااااين..

هبطات عندو هكاك...وقفت عليه وهو بدا يضحك..

زاين: ههههههههههه بالصحة..

نور: علاش درتي هكا..حراام عليك غنعاود ندوش من الاول تاني...

زاين: لا غير بقاي هكاك احسن..

نور: واللهلا بقات فك...

وطلعات ..عاودت دارت شومبوان وغسلات ...هاد المرة منشفاتوش بالسوشوار غير بفوطة وجمعاتو الفوق...خرجات لبرا نشافات راسها وحيدات البينوار ولبسات حوايجها ماعاقت بوالو وهبطات كتجري باش تعشا..لقات زاين جالس كيتسناها هبطات وجلسات حداه...كتاكل رابطة غوباشتها...زاين هز مورصو عمرو وازابي من الداخل ..

زاين: مقلقا مني ..ياله صافي انتصالحو...حلي فمك..

نور على نياتها حلاتو غير ندغاتها هي طلع معاها السخونة وفمها تبنج...وبدات تقلب على الماء..

زاين:ههههههههههه

نور: حرام عليك شحال حطيتي فيه ...واش باغي تقلتني...بانت لك فيا هاد الليلة...

زاين: صافي صافي..مبقيتش نعاود..

نور خنزرات كملت ماكلها حتا بدات كتعنكش فالgلسة ومامرتاحاش ..باغا تحك ولكن زاين قدامها وحتا سدرها كيحكها ...بقات كتكابر وكل شوية تسلت ايدها تحك شوية وتجمع ايدها...زاين لاحظ وحاول ميضحكش قدامها...نور صافي حد الصبر سالا..بدات كتخشي ايدها فسدرها وتحك وكتشطح بالتحت مبغاتش تقيس حيت جالسة فالطبلة...

زاين: نور اش كديري ...حشومة تحكي ونتي كتاكلي..

نور: معرفتش مالي ...لحمي كياكلني..

ناضت كتجري طلعات نيشان للحمام...حيدات حوايجها الفوقانيين وبدات تحك بجهالة ولات كلها حمرة ..حل عليها زاين وبدا يضحك...

زاين: ههههه جهلتي...

نور: عتقني ازاين معرفتش مالي ...كياكلني غير سدري وتحتي معرفتش علاش ياكما الحوايج..لا لا هادشي بزاف ..خرج خرج...

دفعاتو وهو ميت عليها بالضحك حيدات ما تبقى من داكشي لي لابسة و دخلات دوش ...وزاين برا كيسمع فيها كتغوت وتعاير غير مع راسها غسلات بالماء والصابون عاد بردات ليها..ولكن بقات حمرة..

خرجات بالبينوار كتبرgم...

زاين: سافا دابا ؟

نور: اه اففف عمرو وقع ليا هادشي...

زاين قرب ليها وحل عليها البينوار: اووه شو ضفارك كيمسورين قمشتي راسك او لهاد الدرجة..

نور: ماعرفت هادشي مناش...بغات ترجع تلبس داكشي لي كانت لابسة حيت نقي..

زاين: بدلي هادوك لبسي اخرين...

نور هزات راسها فيه....

نور: هي نتا مول الفعلة ....باينة..دابا غتقول ليا علاش من قبايلا و نتا حاط عليا اش كاين..

زاين: تستاهلي ..هادشي كولو ميسوا والو قدام داكشي لي درتي نتي..

نور بتوتر: ا..اش درت..

جبد زاين الدواء : هادا اش وصلو لمجر الدوايات انا مكنشربش هادشي..

نور: ب..بغيت..

زاين: اشنو هضري اشنو غايتك الى شربتيني هادشي ...وفالخير راه نتي لي كان ممكن تعري للخطر لمك مشرباني 3 اش بنت لك انا ...

نور: واللما درتها بالعاني..الصراحة الخطة الاساسية كانت نشربك منوم ..ون...

زاين: كملي..

نور: ونلعب لك فلحيتك..

زاين: كتقولي فيها..

نور: بغيت ناخد منوم من الارماسي ووالقيلا تغالطت مع شي حد وخديت الدواء وعطيتو لك بلا منعرف..مني شفتك هكاك بغيت نصلح خطئي ..

زاين: اهاه ..ايوا هاني رجعت لك الصرف..واستسلمي وخلينا هانيين بلا قوالب و حتا انا غنحبس..

نوربقات كتبلق فيه بعينيها..

زاين: ياله اعتادري مني..

نور: شناهو حتا تعتادر نتا لي بديتي يسحبلك معرفتش ديك الخطة ديال الفار لي متافق بيها عليا نتا وصاحبك..

زاين: اااااه هادشي علاش..

نور: اه ..اعتاذر نعتاذر اصلا انا مكاينش لاش نعتاذر نتا لي غالط فحقي..

زاين: حلفي بالله ..(كيطنز عليها)

نور عقدت غوباشتها فيه..ودارت مشات تخشات فبلاصتها...زاين ضحك فنفسو ومشا للدوش غسل ورجع حداها شعل tv كيتفرج وهي حداه شادا التيلي كتعاود للرميساء اش وقع...

زاين مل من tv طفاه وضار ليها...

زاين: اجي لهنا..

نور: ألا..

زاين: راه غنوض..

نور: مبغيتش ...مفياش..

زاين: ههه شنو لي مفيكش..

زاين: داكشي لي باغي نتا..

زاين: هههه غير اجي ماباغي والو ...ولكن عجبني تفكير ديالك..

نور حطات التيلي..وتخشات حداه هو ضار وعنقها وخشاها بين ايديه كيشم شعرها ..وهي شدات فايديه ونعسات...

اصبح الصباح...فاق زاين الاول..دوش ولبس وهبط وجد الفطور...و عطا لجاكسون ماكلتو..وطلع لعندها ...جلس حداها ...كيفيق فيها مبغاتش تنوض.

مشا للحمام وهز رغوة الحلاقة...و جلس حداها سرح ايدها ورش ليها الرغوة فايدها عمرها ليها.. خدا خصلة من شعرها وبدا يهرها تحت نيفها هي تهرات وهزات ايدها تحك وعمرات راسها ..عاود هرها وعمرات حالتها وزاين ميت عليها بالضحك هي حسات بشي حاجة كتدخل ليفهت ناضت لقاتو ميت بالضحك قدامها..

نور: اش هادشي تاني صبحنا عالله..😤😤.

زاين: ههههه بقا ليك غير غازوار ودوزي على داك الموسطاش.😂😂..

نور: بزاف عليك حتا يكون عندي موسطاش😤...

وناضت كتخبط للحمام..غسلات وجها وبدات كتقلب فوجها واش نيت فيها الموسطاش وسوسها وهزات الخيط كتدوزو على فمها ...شافها زاين تعطلت وهو يحل الباب بلا ميدق عليها....هي شاتو ودارت ايدها وراها..

زاين: اش داكشي فايدك..

نور: والوو.😨.

زاين قرب وجر ايدها من وراها ...واخا قاوماتو ولكن غلبها..

زاين: اش كديري بخيط..

شاف تحت نيفها حمر..

زاين: ههههههه اااه كتحيدي موسطاش...خودي طاندوز ديالي معندي مشكيل..😂😂.

نور: بعد مني خرج عليا..

زاين: موسطااااشة..

نور: براااااا..😭😭.

خرج زاين كيضحك..

ونور كملات شغلها وهبطات عندو فطرو وجمعات الماعن..وهو خرج يتسركل...و نور بقات فالفيلا كتطيب..رميساء وجيداء كانو كيهضرو حتا دارو مكالمة جماعية..

نور: اش درتو نخرجو هاد العشية..

رميساء: انا موافقة منضنش ياسر غيقول لا...

نور: حتى انا..

جيداء: انا معرفتش ...يقدر ميبغيش ليا مهم نتشاور معاه ونرد عليكم ..

نور: غير قنعيه ...او واش حنا منخرجوش غير بنات بيناتنا ..ضروري يبقاو يمشيو معانا...

رميساء: وي عندك الصح..

جيداء: فين بعدا...

نور: ممم معرفتش شوفو نتوما لي درتوها انا معاكم.رميساء: نمشيو للمدينة..و نتغداو فشي ريسطو ومن بعد نمشيو للبحر

نور: واخا هي خاصنا نخرجو بكري..

رميساء: واخا انا غنطيب لياسر ونتشاور معاه ونرد عليكم...

نور: بلا مطيبي خليه يجي يتغدا مع زاين يتوانسو ههه

رميساء: صاف مزيان..

جيداء : انا غنتشاور مع فار ادقيق ونرد عليكم..

نور: ياله تلاحو دابتاش وية عاودو هعيطو وردو عليا الخبار باش نعرفو فين نتلاقاو..

جيدء ورميساء: اووك..

قطعو البنات ودخل زاين...

نور: فين كنتي..

زاين: غير هنا كنجري..معامن كنتي كتهضري...

نور: غير مع ابنات بغينا نخرجو نتغداو برا...

زاين: تغداو برا ؟

نور: اه ...متقولش ليا لا...

زاين سكت شوية: واخا ولكن ..

نور: عارفا غنلبس مقاد و ندير عقلي ...

زاين: ايوا راه الخبار فراسك😜😜 ..

نور: اووك..راه ياسر غيجي يتغدا معاك..

زاين غادي : اووكاي..

عند رميساء...خرجات عند ياسر لي خدام فالبيسي فالجردة ومتكي فالزعلولة..

ياسر: حبيبة اش داكشي ...معرفاش طيبي تاني..هههه

رميساء جلسات بين رجليه وهو حيد البيسي وحطو فوق الطبلة ..وجرها عندو..

رميساء: يااسر (كتلحنها)

ياسر: عيون ياسر..

رميساء: الدريات بغاو يخرجو يتغداو ولسقوني نمشي مهعاهم(الله يمسخك ارميساء) قلت ليهم اا ووالو لسقوني...

ياسر: احياني علك كوراك نتي مولات الغكرة..وانا نبقا يوحدي..

رميساء: سيﻻ تغدا نتا وزاين ..عافاك متقولش لا..

ياسر: واخا غير هو كيما ديما تبان لك نور غتزبلها عيطي ليا اولا لراجلها مفيا لي يقلب عليكم فشي جوايه..

رميساء: متخافش غنديرو عقلنا...

ياسر: واخا..

رميساء باستو: شكرا حبيبي...

وناضت ...

عند جيداء كانت فبيتها وعيطات ليه ...

عماد: حبيبة بغيتي شي حاجة...

جيداء: عيطت ليك بغيت نقولك..غنخرج نتغدا مع البنات..

عماد: بغيتي تقول مع الجنيات...لا مخارجاش..(تفكر كلام الدراري البارح)...

جيداء: وعلاش حرام عليك غير غنتغداو ونذورو شوية ونرجعو..

عماد : لا هي لا سالينا..قطعي دابا راني ممساليش..

قطعات جيداء معصبة وعيطات للبنات ودارو اتصال جماعي..

رميساء: اش درتو...

نور: زاين وافق..

رميساء: تانا..

جيداء : انا مبغاش..😤😤

رمساء: لاا متقوليهاش..

نور: وعلاش ..😨.

جيداء : منعرف لوالديه تاهو..

رميساء: واش غنديرو دابا..

نورسكتات شوية: هادو راه بالحرام واش يخليوني ندير عقلي..

رميساء: هههه عارغاك غتلقاي لينا شي تخريجة غير طلقي..

جيداء: اش نديرو..

نور: شوفي نتي فدارك مدايرينش تلاقاو اليوم يعني معندو منين يعرف..

جيداء: فالصراحة عندك الصح ..تانا كنت غنقولها ..

نور: ايوا صافي ...سيفطي لينا العنوان ديال دارك..احنا غنجيو عندك..

جيداء: اوكي غنوجد راسي..

رميساء: انا واجدة انا جايا عندك..

نور: تانا..ياله تلاحو..لبسات نور حوايجها وطلقات شعرها وشوية الميكاب خفيف...وصلها الميساج وقرات العنوان..

نور: اووه بعيدة شوية...هههه صافي لقيتها..

حلات المجر ديال زاين وخدات الكونطات ديال الفيراري ....ودارتو فساكها وهزات البيرمي ديالها وهبطات لقات ياسر ورميساء كاينين ..سلمات عليهم..

ياسر: نوور بلا منوصيك..😒😒.

نور: هههه الله يستر كتخافو مني...😂😂

زاين: هههه وديري شي زبلة وتشوفي شكون كيخاف من لاخر.😒😒..

رميساء: واصافي صافي ياله راه تعطلنا..

نور: راني وجدت ليكم الغداء فوق الطبلة سيرو تغداو ...احنا مشينا..

الدراري: باااي..

ناضو الدراري مشاو للطبلة وجلسو كيتغداو...

ورميساء ونور تمو غاديين حتا خرجو للباب البراني..

نور كتهضر بشوية: تسناي فين غادة..

رميساء: اويلي على فين غادة..

نور: واش كيسحاب لك غنخرجو كعطة..

رميساء: غناخدو طاكسي..

نور: شحال قدنا..

رميساء: والحل..

نور: تبعيني .😈😈...

نور: تبعيني...

تبعتها رميساء مفاهما والو...

دخلو للباركينغ الداخل و ووقفت نور حدا الفيراري ..

رميساء: noway ...مبانت لك غير الفيراري..

نور: ههه حيت مغايلاحضش انه مكايناش حيت مكيهزهاش بزاف..

رميساء: هههه كتقلبي عليه والله..

نور كتركب: معندو ميدير ليا..دابا عندي كيفاش نتلفو..

رميساء ركبت: هههه مسخوطة...

دارت نور سيلونسيو باش ميسمعوهمش الدراري..وديمارات خرجت من الفيلا مشاو طايرين وصلو للبارطمة فين ساكنة جيداء.عيطو ليها وهبطت...

جيداء حلات فغمها: omg تاعمن هادي..

نور: ديال قباض روحي ...شفرتها ليه..يعني ماشي غير نتي لي مزبلاها...

جيداء: غير خلينا..نستمنعو دابت ومن بعد نخممو فهادشي..

رميساء: عرفتك عندك المؤهلات باش دخلي للمجموعة..

جيداء: هههه ومالكي بنادم كيعيش غير مرة وحدة فالدنيا...

نور: الله يرضي عليك قوليها لهادي فينما كنبغي ندير شي حاجة ..كتبقا تنق فوق راسي بحال الضمير..

رميساء: ايوتا اختي خوك كيخلعني..

نور: راه انا كيضربني وهانيا ماخايفاش..

جيداء: اويلي كيضربك...

نور: ايدو فالتة شوية ولكن هانيا..كيعجبني العنف..

رميساء: ههههههه وسخوطة هي لي كتبقا تقلب عليه ..

جيداء: اختي عماد عمرو حاول يضربني ولكن غير تخراج العينين فيه ...كيقضي الغراض...

نور: اودي على الطبيب النفساني اودي..

رميساء: وركبو جليونا نتحركو راه بنادم حاضينا..

ركبو البنات سايقة نور خلات غير العجاج وراها...مشاو نيشان كيتسركلو بالطرقان طالقين المزيكا على جهدها..كيشطحو والسطوب لي وقفو فيه كيخليو بنادم حاضيهم والشباب كيلوحو الهضرة ...

عند عماد..لي مشا عند جيداء للدارهم دق وحلات ليه مها..

امها: اهلا ولدي مرحبا دخل..

عماد: لا الوالدة بغيت جيداء..حبستها متخرج وبغيت نخرجها معايا..باش متقلقش..

امها: بنت الحرام راه خرجت ...قالت ليا خارجة معاك..(ناري على ام ههه)

عماد: واييلي..صافي عارف فين غنلقاها..

الام: واخا اولدي ...جبد لوالديها الودنين راه عييت منقرص...

عماد: ههههه واخا الوالدة..غير بقاي على خاطرك..

هبط عماد كيجري مشا ركب للوطو نيشان للفيلا زاين..

بعدما وصل هبط دخل عندهم للجردة كينهج..

زاين: امالك ههه

عماد: فين البنات...

ياسر وقف: مالهم اش واقع ؟

عماد: انا منعت جيداء تخرج ولكن دارت لي فراسها..

ياسر رجع جلس: ههههه صافي ..هادشي لي وقع..

زاين: ههههه قلناها لك..غير جلس اصاحبي ميديرو والو ..

عماد: واخا وعلاش كنعيط ليها مكتجاوبش..

زاين: حيت عارفا راسها اش دايرا..

ياسر: انا غنعيط عليهم...

جبد التيلي كيتاصل برميساء..

رميساء: ياسر كيتاصل..

نور: عنداك تجاوبيه كنصوغ غيسمعوها يحرموها علينا من دابا وحنا باقي مدرنا والو...

رميساء: واش ندير..

نور: خليه..

ياسر: مكتجتاوبش...

زاين: انا غنتاصل براس الحربة..

تاصل لقا البواط بوقال ههه ...

زاين: ههههههه طافياه...واللهتا كاينة شي حاجة...

ياسر: هههههه حنا كوانب والله العظيم..

عماد: شتكم كتضحكو...

زاين وياسر فدقة: حيت ولفنا هههههههه

عماد: دابا اش غنديرو..

زاين: برد نور راه واعداتني مغيديروش شي مصيبة..

ياسر: واخا هكاك راه فيها القوالب...

زاين: اشن نتبعوهم؟

عماد: اه..

ياسر: رميساء لي شاعلة التيلي يعني ممكن نتبعوهم بgps ...

زاين: اوكي..

عماد : ياله معايا فالوطو..

خرجو الدراري للبارنينغ..زاين حس بشي حاجة ناقصة ضار كيشوف ...حتا تحلو عينيه

وقف زاين كيشوف وعينيه محلولين..

ياسر: اسبحان الله مالك..

زاين دار عندهم كيضحك بقوة الفقصة: هههههه الفيراري..

ياسر : هزو الفيراري ....لاا ميمكنش..

عماد: طلق دغيا ...عنداك يدوزو من شي قنت يطيروهم هما والفيراري..

ياسر: لا منخافش..نور راجل ونص نخاف انا غير يخشيوها فشي قنت..

زاين: البرهوشة ملقات غير الفيراري كون هزات لوخرى واللهما نهضر..زيدو دغيا ..

ركبو الدراري وزاين خدم gps وتبعوهم ...

البنات محييحين فالطريق باقين غير كيتسركلو بيها ..

زاين: طلق راهم واقفين فالسطوب لي فشارع ****

عماد: صافي قربنا ...

ضارو الدراري مع الضورا...وبات ليهم الفيرتاري تحركت...

ياسر: تبعهم بلا متعيق...

زاين:عندو الصح بغيت غير نشوف هاد الخروج بوحدهم لي كيعجبهم كيف كيدوز..

عماد: واخا ...

بقاو غاديين الدراري ..وراهم ومع عماد عندو ميرسيديس اخر موضيل كحلة بجاج فومي مداو مجابو..

وصلو وهبطو قدام واحد الريسطو ...و دخلو الدراري بلاصاو بعيد عليهم بشوية ودخلو مسلتين وجلسو وراهم....

نور: الله هاد البلاصة زوينة...

جيداء: كيجيبني ليها فار الدقيق بزلف عزيز عليا هاد البلاصة...

عماد تحلو عينيه: قالت عليا فار الدقيق؟

ياسر وزاين: عوجين بالضحك حداه..

رميساء: بما انك كتجي هنا بالزاف قولي قتارحي شي حاجة زوينة هنا..

جيداء:اممم الحوت هنا خطير..

نور: كنموت على الحوت..

جيداء: اه كولوه راه مفيد ليكم نتوما ب2 لي مزوجات..

رميساء: علاش حنا زعما لي مزوجات...

جيداء: حيت كيقولو فيه بروتينات وفيتامينات كيعطيو الطاقة للعلاقة زعما...

نور: ههههه وانا نفهم...

جيداء: اش فهمتي..

نور: واحد المرة خرجت مع زاين ...خدينا الحوت بقيت هاك بالك..وبقا كيلوح ليا فالمعني على الحوت وانا كي البقرة حالا فمي مفهمتش...

زاين: هههههههههه مكلخة...

رميساء: ههههه شكرا على المعلومة..

جيداء: ايوا البنات عاودو ليا كيف داير الزواج...

ياسر: الله ياربي الله مالقاو علاياش يهضرو...

عماد: ههههه مناش خايف...

زاين: هادو راه معندهم مناش يحشمو كيعاودو لبعضهم عندهم عادي ..ماشي بحالنا حنا..

نور : ايوا اش غنقول لك..الزواج اختي كولو حلوة وعسل..غير سربي راسك وتزوجو ...

عماد: سيري اختي نور الله يرحم والديك على هاد الكلمة...

جيداء: بالصح..حي عماد كن جات عليه من غدا راه انا لي باقا ماواجدة...

رميساء: وتي غير زعمي..راه نور كانت بحالك..مسكين خويا كان محروم...

زاين هنا بدا يعرق والدراري كيضحكو..

نور: بلا متجبدي داك الموضوع هنا حتا نكونو بيناتنا هنا بلاصة عامرة..

جيداء: هههه اوكي مهم فهمت اش بفات توصل ليا..

نور: المهم دابا نتي متقل عليك غير هم النهار الاول ولكن راه كيدوز عادي بلا متهزي الهم...

جيداء: اوكي..بان ليا غتعاونوني بزاف...

رميساء: عولي علينا...

جبداء: شكرا ههه..

نور: عرفتو البنات...

الدراري مسالاو البنات هاد الموضوع حتا بداو يعرقو وينشفو ...

نور: واحد 2 كمامر من قبايلا وهما يشوفو لهنا..

ألدراري خنزرو وبداو يقلبو...

نور: منين دخلنا وهما حاضيين خرا عصبوني..جالسين ورانا مضورو....

باقي مكملات هضرتها ضارو البنات كيشوفو..

نور: السخانة ...درتو ضورا ديال الطوبيس...

جيداء: ههههههه

رميساء: يخخ شافونا ..عنداك يزعمو ويجيو..

نور: لي مزغرتا عليه مو يجي لهنا..و اللها نبدا نخلط هنايا...

جيداء: هههههه اوا بالسيف اختي..تاوحدة فيكم مباينا فيها مزوجة..

رميساء: هههه زربو علينا...

نور: مكبوتين هههه

زاين: الى بقات فك اودي انور ..منتسماش نوريك مكبوتين كيف دايرا...

نور: المهم خليونا نطلبو شي حاجة...

عيطو للنادل وخداو الطلب ديالهم ..اما الدراري خداو غير مشروبات...

رميساء: ممم بنين...

نور: تانا عجبني..

جيداء: اويلي شتهم جايين...

زاين بغا ينوض..وشدوه الدراري..

ياسر: وغير صبر الى بسلو غنوضو ليهم..راه نور قادا بشغالها ..

داك الشخص وقف عليهم كيهضر ..معاهم..

....: سلام بنات..

نور ولبنات مجاوبوش..وغير نور لي كتشوف فيه..

....: واش ممكن نجلس معاكم..

نور بقات كتشوف فيه والبنات ضربو الطم بامر من نور..

حتا هضرات معاه نور ولكن بالكورية: سير جلس مع مك الخنزير...

هنا ياسر بدا يضحك وألدراري مفاهمينش..

.....: i can 't understand u can u speak english ? (مفهمتكش واش ممكن تهضري بالانجليزية؟)

نور بالكويية: كنهضر بالخرى اراس طبل غتضرgها ولا نوض نخشي فخويا شي راس...

.....: i really can 't understand u what language r u speaking ..(انا حقا مكنفهمكش اش من لغة كتهضري ؟)

نور ضارت عند البنات وقالت ليهم بالكورية: ولصقة هادا...

رميساء لي فهماتها ضحكات حيت مع جينيونغ كتشد معاه شي كلمات..و جيداء غير ضحكات باش متعيقش..

داك الشخص...بقا كيسبيكي مبغاش يفهم راسو ..نور عيات متهخضر معاه بالكورية باش ميلقا كيفاش يتعامل معاها..ويقنط ويمشي واكن هو والو..

زاين غير حاضيها حاقد...

وياسر كيضحك على اش كتقول..حتا بدا طنبشرح للدراري اش كتقول وبداو يضحكو..

نور تعصبات وهي تغرgع عليه...

ناضت ليه نور وتفرgت...

نور: بلا بلا بلا بلا ...او مكتسكتش ندوز لك من جيه تخرج ليا من جيه لاخر..اش باغي من الاخر...

....: كتهضري الدارجة ؟ وهلاش من قبايلا كنهضر معاك ودايرا راسك مكتفهميش..

نور: القباحة اخويا...

.....: ههه واخا مهم ممكن نجلس معاكم...

نور: اسمع اخويا من الاخر انا وهادي مزوجات...وهادي مخطوبة ...يعني معندك حتى chance ..

.....: غير شوفو وكان ...نتوما مزوجين مستحيل

جيداء: ياكما بغييهم يجبدو ليك لاكت ..

نور: معرفت واقيلا...

رميساء: سير اخويا الله يرحم الوالدين...مبغينا حد يجلس معانا...

....: واخا على خاطركم...سمحولي...

ومشا...

نور: يخخخ لسقة...انا نخلي زاين كااامل و نديها فهاد النعيوة...

زاين عجبو الحال بدا يضحك...

رميساء: ههههه بالزعطة مال ياسر حgرتيه ...

جيداء: سكتو سكتو ..gاعما تهضرو على رجالكم قدام حبيبي انا...

الدراري كيسمعو وهما ميتين عليهم بالضحك والدريات مدابزين شكون لي راجلها زوين...

جيداء: بلاتي..بحال الى سمعت ضحكة عماد..

هنا الدراري ضربو الطم وبداو يتخباو...

نور: غير كيتخايل لك ..

رميساء: هههه غير دايرا بالك معاه ..متخافيش معندو مناش يعرفك خارجة..

جيداء: ايه...راه عندي ماما كتموت عليه كتر مني..كتجي منو وتدور فيا انا عزيز عليها....

رميساء: ههههههههه عالام...

نور: باراكت علينا ياله نمشيو ...

خلصو البنات وناضو ...مشاو للوطو والدراري كدلك ...انطالقات نور تاني سايقين محييحين وكيتحتو فين يمشيو تاني...وألدراري وراهم...كانت سايق نور بان ليها واحد الدري متوتز الشعر والفورمة كان محني كيقلب فاللور ديال اللوطو...ونور دارت واحد التصفيرة ديال التلواط خلات كولشي ضاير كيشوف وهادشي دارتو وهي سايقة..الدري سمع التصفيرة وناض كيشوف شكون دارها حيت باينة ليه...اما الدراري غيتسطاو بالضحك على نور وعلى زاين لي ولا حمر كيتحلف...

البنات تاهما كيضربو فنور بالضحك...

جيداء: ههههههههه شفتي وجهو مسكين...

رميساء: معرفك منين خرجتي ليه....وصلات بيك للتلواط اصاحبتي...نتي بزاف والله هههههه

نور: هههههههه غير هما لي يعرفو يتلوطو...

جيداء وقفي غير نا نشمو الهواء....

هبطو البنات فانفا بلايس كيتمشاو فالبلاصة لي فجنب البحر ...كانو جايبين معهم تالزريعة وجلسو تما على الحتة والدراري كانو وراهم مخبيين...

وفينما يدوز شي اجنبي كيتلوطو عليه ..اما المغاربة ممعاهم لعب يلسقو فيهم لسقة العما فالظلمة ...

زاين كيبغي يطير عليهم وألدراري كيشدوه لايفضحهم ..

جيداء: هههههه ناري المسخوطة طيرتيني...

رميساء: ههههه كتخيل زاين كيسمعك دابا...ناري نهارك مطلع فيه شمس..

نور: دكرنا السمن والعسل ...لاش جابدا زاين دابا تي خلينا ناشطين ...

زاين ضربها ليها بواحد التخنزيرة ديال القتيلة: واخا لمك غبلاتي حتا الليل...

نور gمزت: اوكك حسيت بالتبوريشة طالعة معايا..

جيداء:

رميساء: واقيلا غير حيت تحرك البرد ...ياله نتحركو..

مشاو البنات ركبو فاللوطو..والدراري..وراهم..

قررو يرجعو قبل ميظلم الحال...باش ميزيدوش يغرقو ريوسهم وهما راجعين كانو مزكين كيهضرو ويضحكو..حتا تلفتات جيداء....

جيداء تلفتات ولقات هداك لي كان فالريسطو تبعهم ومعاه 2 صحابو..

جيداء بلا متعيق قالت: البنات غنقول ليكم شي حاجة وطديرو حتا ردة فعل...دوك الكماطر ديال الريسطو ..فالوطو لي حدانا واقيلا تابعينا...

نور: شنو زعما غنسلخ البشر ...اللله شحال مدربت فشي حد..

رميساء: باراكة من الطيران ...دابا تجيبيها فعظامك وهاحنا فلوطو مغنخرجوش منها حتا نوصلو لديورنا والى تبعونا نيت راه الدراري غيتفاهمو معاهم..

نور: اه باش عمرهم يخليونا مزال نعتبوها...

جيداء: تحركي دابا راه الضو الخضر...

نور تحركات بلوطو..وهادوك بقاو وراهم..البنات تأكدو بلي راهم تابعينهم...

نور: لا لا هادو شتهم تابعينا نيت..

جيداء: ناري البنات انا بديت نخاف..

نور: متخافيش معاك مرة ونص...

كسيرات ور وهادوط دايرين فيها مطورين حتا هما كسيراو الدراري اللور مفاهمين والو...

ياسر: هادو مالهم..ياكما شافونا...

عماد: لا منضنش جأج فيمي معندهم كيفاش يشوفونا..

زاين: عفط تبعهم لايتوضرو...

بقاو البنات غاديين وهادوك وراهم ..والدراري كيضوبلو باش يوصلو ليهم..

رميساء: نااري مك دوختيني غير بالشوية... بقاو سايقين غير فاتت نور وهادوك لي تابعينهم وهو يطلع ضو حمر حصلو الدراري..

اما الخرين كملو فالطريق...دازو من طريق خاويا شوية

زاين: ميييييرد

ياسر: يقدرو يكونو عاقو...

ساقت نور شوية وهما يجيو دوك الدراري قدامهم ..وقفوهم ..

نور: ههههه اليوم نركل بوهم الكلب....بقاو هنا متخرجوش..

حيدات السمطة وهبطات بطريقة انتوية وشعرها ضرب فيه البرد..ودارت ملامح الخوف على وجها هبط عندها واحد...

نور: سمح لي علاش وقفتينا...

....: حيت بغيناكم تمشيو معانا...

نور: سمحلي فين غنمشيو معاكم..

....: هههه بلاصة غتعجبكم..

نور: انا قلت لصاحبك حنا راه مزوجات ....واش مكيفهمش...

.....: عارفكم كتكدبو..وبصراحة عجبونا ومبغيناش نفلتوكم...

نور: تفلتونا ؟ ههههه من نيتك..سير ابابا راه الق***عطاهم الله *وتمت غادة*ههه بقيتي ليا غير نتا

هو مرضاش بطريقة الهضرة ديالها وجرها من دراعها..

.....: ايوا اش بان ليك انا عجبتيني نتي وغتمشيو معانا بالزز ولا بالخاطر ياله ختاري..

نور تعصبت نترات يديه منها...والبنات كيتفرجو من لوطو..

نور: جمع معاgلك عندك..و حنا مغادين معاكم فين لا بالزز ولا بالخاطر ياله اش بان لك...

.....: وقبيحة راسك و لكن تسنطيح معندو باش ينفعك..

جر ليها ايدها وهي تلوي ليه ايدو حتا دار وهي دفعو برجلها حتا طاح على نيفو رعف...شافوه الدراري هكاك و خرجو عندو..جا واحد هزو ولاخر بغا يجرها ..هزات رجلها عطاتو لكرش وطلا ليه على الظهر ...لاخر تم جاي وهي تعطيه بونيا لوجه حتا دار ...ولاخر جاي من جيهة اخر شقلبات فالارض على تايدها وعطاتو برجليها ب2 لوجهو حتا طاح فالارض ...وهي فصراع مع هاد الفاشلون...البنات فالوطو كيعضو فصباعهم بتالخلعة وصاحبتهم بين ايدين هاد 3...اما الدراري ياله تسرحات ليهم الطريق كسيراو بالجهد من التجاه لي دازو منو..نور خداما كتغيز ليهم...تركل هادا وتخبط هادا اصلا مفيديهمش غير مسنطحين...

دايزين دراي كيقلبو بعينيهم حنت كتبان ليهم الفيراري واقفا وقدامها لوطو اخرى والدراري اخرين شي طايح شي كياكل الهصا من عند نور...

ياسر وزاين غير قشعوهم حيدو الطة باقي gاعمة وقف ..غير وقف وهبطو كيجريو لعندهم..البنات الدخل تصدمو منين شافوهم وخاصة معصبين مناوين على خير..زاين وياسر كل واحد شاد واحد منهم كيخلط فيه وعماد شانق على هاداك لي طايح..نور شافت خدمتخها سالت مشا عند البنات والخلعة شاداها..

نور: ناري قشعونا..اش نديرو دابا نهربو محدهم ملاهيين ؟

رميساء: بتش ياله نزيدو نغيسوها...

جيداء : لي عطا االله عطاه..واصلا مدرنا والو هما لي بعونا حنا غير دافعنا على ريوسنا...

نور: وي يالصح هادشي ماشي هو همي همي هو الفيراري لي شافرا...

رميساء: غير سكني دابا ..اصلامعندو ميدير ليك...

سالاو الدراري مطلقوهم حنا خلاوهم كاو عيط زاين لصحابو فالجدمة يجيو يجمعوهم...وناضو باتجاه البنات خرجو من لوطو و وقفو ورا نور ..

ياسر: بطبيعة الحال رئيسة العصابة هي لي غتهضر..

زاين: ياله طلقينا مالك مع هادو...

نور: تبعونا وتبسلو علينا وعطيتهم علاش كيضورو..عافك ازاين واللهما درنما شي حاجة..من غير الفيراري لي هزيت..

زاين: متأكدة ؟

نور دخلها الشك وهزات عينيها كتشوف فالسماء كتراجع اش دارت اليوم وداز على راسها gاع داك التلواط والتبسبيس والهضرة على زاين..

نور: أ..ألا مد..مدرت والو...

ياسر: زيدو قدامي نتوما راه إسلت عليكم ايدي...

عماد: جيداء خرجي من تم مخبية؟ اش قلت لك انا ؟

جيداء: وراه غير خرجنا كن متعرضو لينا هادوك كوراني وصلت دابا لدار راه غير تغدينا وتمشينا شوية ...

عماد: زيدي قدامي وكان صافي دقتي حلاوة الضسارة دابا...

زاين: صافي دي خطيبتك ...مطرا والو..تحنا غنمشيو ..

عماد : واخا ...ياله تهلاو ...و نتي انور هاهي لبقات فك...

نور: هههههه وتاسييير...

ياسر: ياله طلعو..

رميساء: اوكي

نور: ارا انا نسو...

باقي مكملت خنزر فيها زاين : اش قلتي؟

نور: والو ...

ركبات لور حدا رميساء والدراري لقدام كسيراو نيشان للفيلا..

دخلو بالوطو بلاصاوها فالباركينغ وهبطو دخلو البنات قدام والدراري وراهم..

دخلو البنات للفيلا ..وتبعوهم الدراري...

زاين: معامن تشاورتي دتا هزيتو لوطو😤😤؟

نور: غير مبغتش نبقاومكرفصين فتاكسيات ...و كون قلتها لك مكيش غتخليني...

زاين: وباش عرفتيها كون قلتيها نعطيك رينج ..

نور: حلف.😍😍..

زاين: واش كتفلا معاك...

ياسر: زاين مضسرهاش😒 ..

نور: ونتا مالك انا ورأجلي ونتا اش دخل حمارك لاسبوع الفرس...

ياسر: راه دابا نجي نقاد لوالديك دوك الضلوع.😤😤.

نور: ختي دي راجلك وسيرو لفيلتكم راجلك دار لي الطيارة...

رميساء: هههه حبيبة مشينا ؟

ياسر: زيدي زيدي نتوما راه وضتو ليا الشيب...زاين تهلا...

زاين: الله يعاون ...

مشاو خرجو...

نور قربات لزاين تعلقات فيه...بايديها..

نور: بالصح تعطيني لوطو الى قلتها لك.😍😍..

زاين ياله بغا يبوسها وهو يتفكر ألتلواط ديال قبايلا وهو يجمعها معاها بشحطة لمسعودة..حتا قفزت..

نور: اااي ...وهادي علاش.😳😳.

زاين: بغيت نعطيها لك.😤😤..

وتم غادي باش يطلع..

نور: اويلي هادا مالو...

تبعاتو طلعات للبيت ..جبدات بيجامة حطاتها فوق الناموسية وزاين تاهو كان متكي وشعل بيسي عندو فيه شي خدمة...دخلات دوشات وسالات جرجات لبسات حوايجها ...وهبطات توجد ما ياكلو....ناض زاين وخلا البيسي شاعل دخل تاهو يدوش ..سالا وخرج لبس الشورط وتكا على كرشو كمل شغلو فالبيسي نور خلات الماكلة طيب و طلعات طل على زاين..حلات الباب لقات هكاك متكي على كرشو ...مشات نشان لمسعودتو وبدات تضرب وطبل فيها...

نور: وخووووخة عندك..😂😂

زاين فشلاتو بالضحك...

زاين: هههههههههه اشناهي 😂😂😂؟

نور: ههه خوخة..*كتضرب ليه فيها* قاسحة هههههه

زاين: هههه رصاي لمك راك كتجبديني..

نور: واغا قول ليا شي بلاصة مكنجبدكش فيها..داير بحال الفيوز القديم فينما نمسك تشعل...

زاين سد البيسي جرها دارها تحتو...

زاين: عاودي اش قلتي😒😒

نور: مقولت والو 😳..

زاين: دابا هادشي لي درتيه كيتسما النحرش الجنسي ..

نور: يا راجلي نتحرش بيك وتحرش بيا عادي...

زاين: ها تحرشي براجلك هادشي كيف قلتي..وزعما دابا لاشفتيني كنتلوط على شي وحدة اش غديري..

نور: غاديا نوريك التلواط بشحال كيطلع..😒😒

زاين: هااا قلتيها بوحدك..وداك التلواط لي كتي كتلوطي على الرجال والدراري فانفا بلايس اش نقولو عليه..

نور بحال الى عطاها تصرفيقة..

نور: وباش عرفتي هادشي..

زاين: ماشي شغلك متجاوبيش سؤالي بسؤال ..

نور: غير كنا كنلعبو انا والبنات اصلا كنا كديروها غير للاجانب لي مكيفهموناش ...اما المغاربة عاطينهم شبر التساع..

زايبن: واخا هكاك هي هي ...خاصني تانا نوريك التلواط على الرجال بشحال كيطلع..

نور كتبحلس عليه وكتدوز صبعها على سدرو وكتشوف فصبعها..

نور: اش غدير ..غتضربني..

زاين: هههه هبطي طفي على داكشي لي دايرا فوق البوطة وطلعي نوريك اش غنديير ...

ناضت نور كتضحك ...حلات الباب...

زاين: ااه شوفي عندك 2 دقايق تعطلي ...نهبط لوالديك تما فالكوزينة...معندي مشكيل..

هبطات نور كتجري ...طفات على داكشي وطلعات عندو لقاتو متكي على ظهرو شاد التيلي...غير دخلات حطو..

زاين: اجي لهنا..

نور قربات ونطرها فوقو...بدا كيهز ليها شعرها من فوق وجها..وكيبوس ونور عاجبها الحال بقاو هكاك حتا قاطعاتو ..

نور: وباراكة خلينا حتا نتعشاو..

زاين: لا دابا..

نور: وراه فيا الجوع..

زاين: حتا نشبع انا.😜😜..

جرها تحتو وبقاو على القبل ...ونور حاوطات ايديها عليه وهو كيتلمس جسدها...قلع حوايجها وقادها ودخلو فالمعقول ...خدام وكل شوية يعطيها شحطا كعقاب وهي مخلياه يدير لي بغا اصلا عاجبها الحال..مكلقها غير ورا 3 الاهداف ...خلاها فاشلة بغات غير تنعس سمحات فشي عشاء ...خشاها فيه ونعسو..

اصبح الصبااح....فاق زاين بانت ليه نور غارقة فالنعاس ..قاد ليها الغطا و ناض لبس حوايج السبور ..وهبط خرج معاه جاكسون ومشا يجري جنب البحر...وتلاقا مع ياسر...تما تاهو كيجري...

زاين: صباح الخير..

ياسر: صباح الخير...حتا نتا خارج تريض..

زاين: شحال مخرجت ..

ياسر: ممم ضروري ميتخربق لك شوية روتين ديال قبل الزواج..

زاين: وايييه...اوى فين وصلتي فمشروعك؟

ياسر: كنخطط منقدموش لشركة لي خدام فيها...هو باش غنبدا الشركة ديالي..

زاين : احسن مدرتي...غير صبر واحد الشهر على ما تنفد الوصية ...وديك تلساعة بدا تاسس شركتك و الوالد و الدراري غيعاونوك..

ياسر: اه ان شاء الله هادا هو المخطط ديالي...

زاين: ان شاء الله..اه بعدا نسيناهم سيمانة مبقينا مشينا لفيلا...

ياسر: هضرت مع خالتي ليلى البارح وعمي علي..غسلوني هههههه غبرنا عليهم..😂😂.

زاين: هههههه غسكت اصلا الوادة محلفا علينا حيت شرينا الفيلات بعاد...

ياسر: هههههه

زاين: واحد لالة سمية لباس عليها ..طاح ليا فبالي ندي نور ونمشيو نطلو عليهم ..ونحاول نهضر مع لالة سمية معرفتي ترطاب شوية ...

ياسر: معند هادشي باش ينفعك...نور ياله بدات كتنسا هاد الموضوع وسمعتيها داك النهار ..انا جاني من الاحسن لها منين قررات تفقد الامل من جيهتها ..صافي هي كتقبل الوضع دابا واخا تعطلات...مهم بما اننا معارفينش ردة الفعل ديال الوالدة من الاحسن منديرو والو باش مندموش من بعد...

زاين: هادشي لي بان لك 😕😕؟

ياسر: اه ...صافي نتا خدمتك دابا هي تنسي نور فهادشي وعاونها تزيد القدام ومتبقاش تفكر فالماضي .

آاين: عارف متحتاجش تقول ليا...ياله نلعبو شي ماتش ؟

ياسر: مرحبا..

بداو يلعبو الكورة...و كيهضرو فنفس الوقت..سالاو ورجعو ب2 وكل واحد دخل لفيلتو...دخل ياسر لقا رميساء فايقا كتوجد الفطور ...مشا ليها بشوية ..عنقها من لور وباسها فعنقها..

رميساء: مالك مفيقتيني نجري معاك.😤😤.

ياسر: كنتي ناعسة وكتباني غارقة فالنعاس مبغيتش نفيقك...

رميساء: ممم ...

ياسر دورها عندو وقابلها معاه...

ياسر: مخديتش جرعة اليوم..😋😋.

رميساء: سير دوش بعد مني الصباح هادا..

ياسر: لا وتgوولي....

جرها لعندو اكتر وبدا يلتاهم شفايفها وهي بطبيعة الحال كتجاوب معاه هو ميقدرش يخلي ايديه مرصيين بقا كيتسارا بايدو عليه حتا دخل ايدو فالسليب ديالها..

هي حاولات توقفو ولكن مقدرتش فمها مشغول...

حتى حس بشي حاجة وجبد ايدو...

ياسر: واااااع اش هادشي😨😨...

***يتبع***

الضابط و زوجته المراهقة الجزء 15

محتوى القصة

التنقل بين الأجزاء