شارابوفا الجزء 25

**عند سندس

حلات عويناتها على صوت الامطار الغزيرة لي كتصب بدات كتحك فيهوم و كتشوف في البالكو تعجبات غاقبايلة كانت الحرارة و الصهد لاحت الغطا جنب و ناضت هكاك غا بدوبياس كحلين كتمشى نحوو بعدات الخوامي شوية ومسكاتهوم بطرف صباعها و بدات كتشوف في الشتاء كتصب على الجردة ديال الاوطيل كانت مجهدة بزااف تقول فصل الشتاء و السماء مضببة كان قريب يطلع النهار حسات بالبرد داخل معاها ردات الريدووات و سدات البالكو و رجعات طار منها النعاس لبسات كسوة برتقالية طويلة جاتها زوينة مع فورتمها و لبسات البوليرو ديالها على البرد و دارت الشال على راسها حيت الضربة ماخاصها يدخلها البرد اتولي تجيها الشقيقة ,,هزات ساكها ثاني من بعد ما جمعات حوايجها و غادرات الغرفة نزلات المطعم خدات كاس ديال الحليب بشوكو و كريب و تقابلات مع الزاج ديال المطعم و تشاهد قطرات المطر نازلين معاه ,جات في بالها حفلة رأس السنة من كانو كيرقصو هو وياها في الحفل و كيفاش توترات من قربه ليها و هربات برا بغات تاخد نفسها حتى لقاتو وراها ,,مقداتش تدور عندو كان قلبها كيضرب بسرعة و انفاسها كيتصاعدو اول مرة خفق قلبها بديك الطريقة زيرات على صدرها كتحاول تهدن حتى دورها عندو و كانت باقا مغمضة عينيها همس ليها بشوية ;حلي عنينيك

حلات عينيها ببطئ كانت اول مرة اتشوف عينيه و تيه فيهوم بقاو كيتبادلو النظرات لمدة عاد دخلو فقبلة حميمية و المطر بدا كيتساقط عليهوم كانت اول مرة غتجاوب معاه ,,خرجات من تفكيرها على صوت كاس تهرس دارت لقات النادل طاح ليه بلاطو هزات كاسها شربات منه ثاني و قادات شالها زيرات و ناضت كان النهار بدا يطلع واخا الجو مغمم مشات الاستقبال و خلصاتهوم و طلبات منهم يعيطو ليها على طاكسي و ماكينة حتى شي خمسة دقايق قالو ليها بلي وصل شكراتهم و خرجاات كان الطاكسي واقف قدام باب اوطيل جا البواب بسرعة هاز مظلة وغطاها حتى ركبات في الطاكسي و سد ,

الشيفور بالهندية;فين بغيتي تمشي امادام

سندس بالنجليزية;مافهمتش واخا تهضر من بالنجليزية

حرك راسو باه وتكلم بالانجليزية واخا معكلة هه;فين باغا تمشي امدام

سندس;محطة القطار

شاف فيها من المرايا;نتي ماشي من هنا ؟واش من لندن

حركات راسها بلا مع ابتسامة;انا من المغرب

شاف فيها باستغراب;المغرب؟عمرني سمعت بيه

سندس;هي دولة عربية

الشيفور;بحال ظبي و السعودية ياك

سندس ;ماشي تماما ولكن تقريبا

الشيفور ;عجابتك الهند ياك

سندس;ههه مادرتش فيها ,انا جيت غي البارح و مغادراها اليوم,,غي دزت من طريقها و صافي

الشيفور;كينين بزااف ديال الحوايج ايعجبوك هنا (شير لواحد اللعيبة كانو واقفين في الفروج)مثلا ديك الكلية هي لي قرا فيها غاندي كتعتابر من اكبر الجاميعات في الهند

سندس تلفتات جهتها ;ممم زوينة

الشيفور ;غتضيعي عليك فرصة انك جيتي حتى لهنا ومكاتشفتيش الهند و الحضارة ديالها

دورات راسها الزاج كانو شي ناس راكبين في العربة و الشتاء كتطيح و عاود دارت جهتو;عندي شي شغال مهمة هادي علاش ولكن ضروري انرجع ليها حيت من غنكون حليت شي امور ,,

مد ليها كارت فيزيت ديالو;هاكي امدام ,,,من تكوني راجعة تاصلي بي وتما بغيتي تلقايني ,

خداتها من عندو كانت كارت فيزيت بيضة و فيها غا سميتو مكتوبة بالهندية و الرقم ديالو شكراتو و دارتها في الساك وقف لوطو;احنا وصلنا امدام المحطة

بتاسمات ليه و جبدات الفلوس خلصاتو و زادتو من فوقهوم شي بركة فرح و شكرها بغات تنزل وهو يهز المظلة بالزربة حلها و خرج حل ليها الباب و غطاها حتى لباب المحطة ودعها و رجع ,,بقات متبعاه بالعين حتى مشا مدات يديها للمطر بقات كتلعب بيه بصبعانها لي شوية مجروحين لمدة عاد دخلات المحطة كان الزحام داخت في الاول و اللائحات مكتوبين بالهندية مافهمات تاوزة و لي دازت من حداه كيبقى حال فمو فيها لا رجالة لا عيالات بطبيعة ديال الحال كانو كولهوم زرقات ,,بان ليها واحد الشرطي واقف و مشات في اتجاهو وقف بقا مدهوش حتى هو مسكين ماعرف باش تبلى دوات معاه بالانجليزية;سمح لي نسولك ؟

هو تصدم ;هاء (دور وجههو و عيط لواحد صاحبو هضر معاه بالهندية)ماعرفتاش اش قالت هضر معاها نت عندك مع الانجليزية

صاحبو حرك راسو باه و ثاه فيها;فاش يمكن لي نساعدك امدام؟

تنفسات ;بغيت المكان لي كيقطعو فيه التداكير للصين

هو ;واخا اجي معايا

تبعاتو وهو غادي قدامها كتشوف في هاد الكم الهائل ديال بندام تخرج الزنقة تقول كلشي خارج دخلات المحطة تقول كلشي مسافر بقات كتسائل شحال كيولدو ديال الولاد و فين كيعيشوهوم حيت هاد العدد مايقدوهومش هاد الديورة واقيلة كينعس شي فوق شي ,,فيقها من تفكيرها الشرطي;مدام هنا في كيقطعو تدكيرة

سندس;واش كتهضر انجليزي ؟ماكنعرفش الهندية

بتاسم;ليها اكيد اتكون كتعرف دخلي لهاد المكتب غتلقاي للمكلفة

سندس ;شكرا

حنا راسو;العفو كندير اخدمتي (وزاد)

ضحكات سندس لعفوية ديال هاد الناس لبواب غطاها باش ترجب في الطاكسي و الشوفور بغا يدورها و غطاها حتى دخلات المحطة و لبوليسي جا معاها حتى المكتب كون كنا في المغرب مايتحرك الا بالفلوس و لا يبدا يسب عاجبو راسو تلقاه غي شاوش و يحل فمه ,,دخلات البيرو من بعد ماستأدنات لقات بنت في العشرينات لابسة ساري بالبرتقالي و مطرز بالاصفر فتح ليها لون بشرتها و شعرها طويل كحل و ظافرها جنب كتبان بسيطة ,,بتاسمات ليها و طلبات منها تجلس

الموضفة بالنجليزية;اكيد نتي ماشي من الهند ؟

سندس حركات راسها بلا ;بغيت نقطع تدكيرة للصين من فضلك

الموضفة ;واخا عطيني جواز السفر ديالك

سندس حركات راسها بالايجاب و مداتو ليها

الموضفة;نتي عربية ؟

سندس ;اه

الموضفة;مابايناش فيك ,,كانشوف شي اداعات ديال ظبي و السعودية ماعندهمش نفس ملاميحك ,,في الاول عتاقدت بلي نتي من بريطانيا هو لي كيجيو الهند بزااف

سندس;ههه حنا في المغرب عدنا بزااف ديال الانواع كين لي بحالي و كين لي حروفو كحلين ,,حنا خليط بين اوربا ا والعرب هههه

دخلات الكود ديال باسبور في بيسي ;نتاظري واحد دقيقة

سندس حركات راسها باه بقات كتحقق في البيرو كان صغير كيتوسطو مكتب صغير و جوج كراسى و كيمبيوتر مكتبي رجعات المضفة بعد دقائق حاملة الباسبور مطبوع ;خاصك تعطيني ****

سندس حلات الساك من جهة اخرى في مصرفة فلوس جبدات المبلغ لي قالت ليها و مداتو ليها

دخلات ديك البنت واحد الكود و خرجات ورقة من لفاكس عبارة عن تيكي

مداتو ليها ;القطار ايخرج من هنا ساعة ,,كل ستة سوايع كيدوز واحد وهادي خمسة السوايع باش خرج القطار خاصك تنتاظري ساعة

سندس;واخا تنعتي لي فين نمشي (بابتسامة)ماعرفتش هنا ومع الزحام تلفت

الموضفة خدمات تيلي وهضرات بالهندية قطعات الخط وهو يدخل واحد الشاب بلباس ديال البوليس باللون الزيتي شافت فيه الموضفة;رافقها السكة رقم ستة و بقا معاها حتى تركب هي ماشي من الهند و تقد تعرض لشي تضايقات (شافت في كرشها )راها حاملة ساعدها

الشاب ;واخا (دار جهة ديال سندس )تبعيني

هزات سندس الساك و شكرات الموضفة و تبعات الشرطي حتى السكة كلشي كيشوف فيها و مراقبها و هي غادة في جبنو وصلو السكة كانو شي ناص قلال لي كينتاظرو القطار و اكثرية دو ملاميح صينية بركات في كرسي الانتظار;نجيب ليك قرعة ديال الماء ؟ولا شي عصير؟

جاوباتو سندس;شكرا واخا تجيب لي غي قرعة ديال الماء

بغات تحل ساكها باش تعطيه و هو يطير البوليسي مالقاتوش بعد دقائق جا حامل معاه قرعة ديال الماء باردة و كانيط ديال العصير مدهوم ليها;شكرا (بغات تحل الساك وهو يمنعها)ماكين لاش عتابريه هدية من هنا هه واخا نسولك؟

سندس ;اه

الشرطي;يعني بنت فحالك وحاملة اش كدير بوحدها بلا تاشي حد مايكون معاها

شافت في السكة وعاود تلفتات ليه;بلعكس انا ماشي بوحدي (حطات يديها على كرشها)معايا البطل ديالي ههه

الشرطي ;واش هادوك عينيك ؟

سندس ضحكات;هههه اه

الشرطي;اول مرة كنشوف فحالهوم مالاحظتيش كلشي كان كيراقبك

سندس;هه لاحظتها ولكن ماكنعطيش بحال هاد الامور اهمية

الشرطي;حتى مراتي حاملة دابا اتكون في شهرها الثامن ,,كنت كنتمنى نكون معاها ولكن

سندس;شنو تفارقتو؟

الشرطي;هه لا هي في البنجاب وانا حولوني نخدم هنا ,,مايمكنش لي نعيشو انا وياها في المدينة وعاد هي مكتعرف والو عليها ,,مخليها مع الواليدين دياولي وانا كل عطلة كنمشي نزورها ,,اخر مرة شفتها في عيد كارفا شوت

سندس باستغراب;كارفا شوت ؟

الشرطي;ههه اكيد مغتكونيش تعرفيه ,,هادا عيد كنديروه كل عام ,,كتصوم فيه المرا نهار كامل حتى يبان القمر ,,باش القدير يطول من عمر راجلها و يعطية صحة مزيانة

سندس;هههه غريبة اول مرة نسمع بيها

الشرطي;هه علاش نتوما مكديروهاش ,

سندس;حنا كنصومو في رمضان و قاع لا صمنا كنصومو لله حيت الاعمار بيديه ,,كندعيو مع الشخص لي كنبغيو عادي ولكن ماشي نصومو على قبله

الشرطي;نتي مسلمة ؟

سندس;ههه اه

الشرطي;ههه عاد فهمت ,,انا هندوسي ,,

سندس;هه متشرفين ايوا كمل شنو كتديرو في هاد النها ر

الشرطي;واخا مسلمة باغا تعرفي؟كنعرف لمسلمين كيكونو متشدين

سندس;هه الاسلام دين التعايش ,,ماخاصنيش نأمن بديانتكم ولكن هادشي ماكيعنيش بلي منتكلمش معاك و زيدون الله سبحانه خلقنا باش نتعارفو ,,انا نعرف حضارتك و نت حضارتي وهكا غادة القضية ,,

الشرطي;اول مرة نسمع شي مسلمة قالتها ,,حنا عدنا المسلمين و الهندوس ديما في صراع

سندس;هداك ماشي اسلام ,,هدوك كيشوهو صورتو الرسول صلى وعليه و سلم كان جارو يهودي كول نهار كيلوح ليه الزبل قدام دارو و الرسول كهزو و يبعدو وحد نهار مالاحوش ليه الرسول استغرب من الامر و مشا سقسى عليه لقاه مريض ومشا عندو زارو,, يعني الرسول لي اعظم خلق الله كان متسامح و كيتعايش ,مع الناس,,,عادي ماشي كيمشي يهز سيفو و يتحارب ,,كلمة الاسلام مشتقة من السلم و السلام ماشي الحرب

الشرطي;هممم مكنتش عارف هاد القضية

سندس ;وهانت عرفتيها سير بحث مزيان عليه و غتفهمو ,,خلي عليك شي متشددين ولا لي قرا جوج صورات من القرèان كيبدا يتفلسف سير صحيح البخاري ومسلم كاينين ترجمات بزااف وتقد تلقاه حتى بالهندية غيشرحو ليك على سنة الرسول و فعالو

الشرطي;شوقتيني ,,غنبحت عليه اكيد

سندس;هه مزيان ,,ايوا كمل لي على كارفا شوت ههه

الشرطي;هه مم كيف قلت ليك هاد العيد كيديروه العيالات على قبال رجالاتهوم باش القدير يطول ليهوم في العمر ,,كيوجدو في الليل الد شهيوات و كيختمو بالحليب و الروز بالسمن خاص ام الزوج ديالك لي تعطيك دوقي منهوم و في الصباح ,,كتلقاي كادو من اهل العريس فيه ساري ومجوهرات ,,للحفل ,,كيدوزو داك النهار في توجاد الحفل و كيبداو يرسمو في الارض بالوان و يزوقو الدنيا كاملة و في العشية كيمشيو المعبد و حاملين الصينية فيها القربان و كيمشيو يدعيو و كيخليو الصينية تماك هدية الالاه كيرجعو للمنزل و كيتزينو مزيان كيكون حفل في المنزل و تيجيو قاع الناس لي قراب في الاخير كيحملو صينية فيها الحلويات و ماء و غربال و ملون احمر من كيبان القمر ,,كيوقفو قدام رجالهم و كيقابلو الغربال مع القمر و كيحطوه قدام وجه رجالهوم و كينزلو ياخدو براكاتهوم ,,من بعد كتدور الصينية عليه ثلاثة المرات عاد كيعيها الماء و الحلوى باش تكسر صيامها و كادو

سندس بصدمة;هادشي كامل ونتوما اش كديرو ؟

الشرطي;مكنديرو والو حنا كنحضرو حتا الاخير كنكسرو ليها الصيام و صافي حيت داكشي من طباع المرأة كتقدس راجلها

سندس;نتوما مكتصوموش شي نهار علا قبال عيالاتكوم

الشرطي;وعلاش غنصومو على قبلاهوم ,,خاصها تحمد القدير ليل ونهار على قبال راجلها ,,لمرا يلا متزوجاتش كتسمى عانس و المجتمع كلشي كينبدها ,,كينين لي عطاو لرجالاتهوم الاف دولارات في المهر باش يتزوجو بيهوم ,,حنى عائلتنا ماطلبناش بزااف خديت في المهر خمسية دولار

سندس حلات فمها وغوتات ;كيفااااااش ؟واش نتوما لي كتاخدو المهر ماشي كتعطيوه المرا ؟

الشرطي;اه حيت حنا هوما الرجالة ,,هوما لي خاصهوم يعطيونا كينين العيالات بزااااف و الرجالة قلال

سندس;الحمد لله على نعمة الاسلام هاي هاي

الشرطي;ملك

سندس;ههه والو سير بحث فداكشي لي قلت ليك و ديك الساعة غتفهم مالي هههه (هضرات بالعربية)ولاد القحاب كيتخلصو في الصداق ,,نتوما لي غوليو تفركو رجليكوم و تحملو ههه

الشرطي;قلتي شي حاجة ؟

سندس;ههه والو

تسمعات صفارة ديال القطار

الشرطي;القطار ديالك وصل

سندس وقفات ;شكرا بزااف و سمح لي حيت خديت من وقتك وخليتك واقف معايا

الشرطي مد يديه;العفو فرصة سعيدة باش تلاقيتك ااا

سندس;سندس سميتي سندس

الشرطي كيقلدها;ساااندوس

سندس;ههه لا سندس

كيعوج فمه;سندس هه صعيبة ههه انا روشان

سندس متشرفين رروشان

الشرطي;يله خاصك تطلعي باش تاخدي بلاصتك

سندس حركات راسها بايجاب ;شكرا مرة اخرى وتمات غادة طلعات في القطار تلفتات عندو لقاتو باقي واقف ;ضروري نشوفوك مرة اخرى اسندس

حركات راسها باه وغوتات حيت صوت القطار مرتافع;اكيييييد شكراااااااا بسلامة

دار ليها بيديه باي و حتى هي ودعاتو بيديها عاد دخلات القطار كان بدا كيتحرك شدات بلاصة حيت كانت مقطعة في الدرجة الاولى وبركات بدا القطار كيخرج من المحطة و غادي شاد الطريق كانت الطريق كلها طبيعة و اشجار و الويدان بحال ماكينش حس المدينة كتشوف الدريات كيسقيو في النهر بلباسهم التقليدي و البهايم كيدورو و الابقار ضخمة ا الخضورية و الازهار تحلفي على الهند بلي اغنى بلاد حلات الكرسي وهو يولي على شكل سرير توسدات ساكها و غفات حيت الطريق باقا طويلة

***عند كوثر لي وصلات الاكاديمي دازت من حدا مكتب سندس وقفات لمدة كتشوف فيه الجنرال سندس الدحماني الادريسي ,,بقات واقفة كتشوف في السمية نزال عينيها في الجواا ليعندها تنهدات و كملتا الطريق وصلات حدا مكتب الرئيس شافها الحارس عطاها التحية;بغيت نشوف الرئيس

الحارس;انا نقولها ليه (دخل عطا الحسن التحية)سعداة الرئيس ,,الشاف كوثر بغات تشوفك

حسن;قوليها تدخل

الحراس;حاضر (عطاه تحية وخرج قاليها دخلي)

دخلات عطاتو تحية

حسن;بركي ,,فاش بغيتيني

كوثر بركات ;في الحقيقة ماشي انا لي بغيتك انا جيت نعطيك غي هادي (مدات ليه الجوا)

شدها باستغراب;شنو هادي؟

كوثر وقفات;سندس لي صيفطاتها ليك و قالت ليك كتعتادر (دارت تحية و خرجات)

شد الجوا في يديه بقا كيشوف فيه شحال عاد حلو جبد منه جوج وراق ورقة طويلة و ورقة صغيرة حلها و بدا يققرا فيها وجهه ولا حمر و كيغلي شد الثانية الصغيرة قراها ;لااا مايمكنش واش حماقت هادي ؟هز دوك جوج وراق وخرج

****انيس كان بارك في المكتب معاه واحد الشخص لابس كوستيم و هاز محفظة

انيس;كلشي واجد؟

المحامي حل المحفظة و مد ليه شي وراق;هانت امسيو الاديريسي كلشي كاين وجميع حقوقها مضمونين خاصك غي تسيني نت فهاد الورقة و تعطيها ليها تسيني و الاجراأت الاخيرة انا لي غنتكلف بيها

خدا من عندو الوراق كيشوف فيهوم;مزيان

المحامي;خاصك تمضي فيهوم اسي االاديريسي

شاف فيه و بقا كيشوف فيه الوراق جات في بالو نهار سينا على ورقة ديال الزواج وبدا كينقز و يعنق في امير بحلا يلا رابح كنز و دابا ها هو كيمضي على وراق خرابو غمض عينيه كيحاول مايضعافش ولا يتأثر شد ستيلو في يديه ومضى بالزربة

المحامي;دابا بقات غي المدام ديالك تسيني و غنكملو الاجراأت بلا متحضرو الجلسة بجوج حيت هدا طلاق تفاقي

انيس مد ليه الوراق;هاك ديهوم ليها,,وبلا متكثر معاها الهضرة فهمتي ؟

ابغات تسيني هي هديك ,,مابغاتش خليني انا نتكلف

المحامي;واخا اسي الاديريسي

انيس;يل

قاطعهوم صوت الباب تفرع هز انيس وجهه كاعي وهو يلقاه باه;اش ك

قاطعو الرئيس بالوراق لي جاو ليه في وجهو;شووووووف

المحامي;انا انمشي اسي انيس (شاف في الرئيس و خرج)

انيس شد الوراق باستغراب;شنوووو هادوووو ؟

الرئيس;كينهج زعما ماعرفش قرا و شووف مراتك اش دارت

انيس;سندس(حل الورقة الكبيييرة قراها كانت استقالة من العمل هز راسو فيه)وانا مالي ,,لا بغات تستقل ,,و ياك الجنيرال ممنوع عليه الاستقالة ؟

الرئيس;بحال يلا مكتعرفهاش قرا الورقة اخرى كانت دارسة كلشي

انيس شدها كانت مكتوبة بالخط عريض;عارفة الجنيرال ماكيستاقل ولكن انا باقا مستالمتش المهام كجنرال يعني انا باقا عقيد فالاستقالة ديالي مقبولة

الرئيس;شفتيييي ,,,

انيس ناد ;ونا اش بغيتيني ندير ليك السيدة بغات تخرج من الخدمة ,,نقول ليها لا؟هي كتعرف مصلاحتها كثر مني

الرئيس;فرحان دابا ها؟جاتك من الجنة و الناس نقول ليك واحد الحاجة الرؤساء ماغيقبلوش الاستقالة ديالها حيت واخا مستالمتش المهام ديالها الا و الترقية خرجات ,,غا قوليها تحيد الحماق ديالها وترجع,,,,اندير بحال يلا مقريتش هاد الرسالة قوليها بغات عطلة تاخد عطلة شهر شهرين عام ولكن باش تخرج بمرة لا

انيس ;حيد خليني نخرج (دفع الرئيس و زاد)دابا هي سمعات كلامي (دار ابتسامة جانبية و هو يجمعها من تفكر سينا على الوراق وعطاهم المحامي اكيد ايكون دابا غادي في الطريق)ناري شنووو درت (جبد تيلي كيصوني )جاوب اولد القحبة جاااااوب الله ينعل ديل مك (خرج كيجري لوطو ديالو ركب و كسيرا للدار امير)

**في القصر

عبير شادة بيسي كتخربق ووهيبة باركة حداها

وهيبة;دابا شنو فين هي؟

عبير;ختك غادة تسلم على بريسلي

وهيبة;كفاش؟*µµ

عبير;شفتي هاد الرسالة لي جات مكتوب فيها سندس قطعات تدكرة اللصين فهمتي دابا

وهيبة;سعداتها

امير نازل في الدروج;اش كتوشوشي نتوما ؟

عبير محات المساج;والو غا باغا تعلم كيفاش تهاكي؟

وهيبة;اه اه وخطيرة فهدشي

الخدامة;سي امير ,,واحد السيد قال بلي محامي باغي يشوف مداام سندس

امير ;محامي؟ خليه يدخل

المحامي دخل;السلام انا عمر داهمي محامي ديال عائلة الادريسي

عبير ناضت;اكيد مسيفطك على قبال وراق الطلاق ياك ؟

المحامي اه حل المحفظة;فين هي مدام الادريسي نعطيهوم ليها حيت مسيو الادريسي سينا بقا غي الامضاء ديالها

وهيبة;او زعما واش سينا؟صافي ؟

امير;الانسة سندس الدحماني ماشي الادريسي ,,المهم ماكيناش مسافرة

عبير;ارا لي دوك الوراق نمضي عليهوم

المحامي ;واش نتي مدام (شاف في امير)الانسة سندس

قاطعاتو;لا ولكن دارت لي وكالة باش نوب عليها

امير;امتى دارتها ليك ؟

المحامي;جيبي الوثيقة ديال الوكالة لي دارت ليك نشوفها

عبير;واخا (طلعات الغرفة ديالها )

انيس دخل كيجري شاف المحامي كاين و هو يتصعق شاف فيه بغضب;علااااش مكتجاوبش في تيلي

المحامي كيقفقف;سمممحلي ماسمعتووش

نزلات عبير و مدات ليه الوكالة;هاك هاهي الوكالة لي دارت لي سندس باش نوب عليها

انيس بصدمة;كيفاااش؟فين هي سندس ؟

وهيبة;ماسوقش ,,يلا طلقتيها ماتوريهاش دار باها ,,دابا الش جاي خلي المحامي يتكلف

عبير ;ماتدخليش نتي (شافت فيه )ماكيناش سندس ,,,مشات

انيس ;واش كتضحكو علي ولا شنووو سندوووووس سندووووووس (طلع كيجري )سندووووس (كيقلب بحال شي حق )سندس (مالقاهاش نزل كيجري لعندهوم)فين هي ؟فيين مشاااات؟

عبير ببرود;سافرات ,,,خوااات ,,خلات ليك البلاد و مايجي منها

انيس ;اش كتقووووولو لا مايمكنش سندس ماديرهاش ,,,سندس مايمكنش تمشي

عبير;علاش ماتديرهاش هااا؟واش ماشفتووش حالتها كيف ولااات ها؟مابقاااته فييييكوم؟كل واحد باغيها من جيه

امير عبير صافي

عبيير ;اشمن صافي لا خليني ندويييي,,,,منجيتي و سمعتيها لي عمرها سمعااااتو سولتي كيييف خليييتيهاا,,, انا انقووول ليييك ,,كااااانت اتمووووووت ,,هي و الدري طاحت على هنا (شيرات لقلقولتها)كانت اتفقد البصر,,,يومين و هي في الانعاش بين الحياة و المووووت ,,سولتي فيييييها ,,,؟لاااااا مصيفط لينا المحامي باش تطلق منها ,,يلا نت ماببغيتيهاش مرة فهي مابغاتكش الف مرة كارهة الدنيا و حياتها ,,,بسبابكوم ولات في دييك الحالة ,,,ماتجيييش دابا تقووول فينها ماعندكش الحق

انيس كغوت;ماعنديييييش الحق ,,؟عندييي مرااااتي ولي في كرشها ولدييييي فهمتي ولدييي ماتخليينيش نغلط فيك

امير ;انيس

عبييير خطفات المحامي الوراق;كااااااانت مراااااتك فهمتييييي ,,,كااااانت ,,و سندس ماكييييناش ومغتلقاااااهاش و تاحد ماغيلقااااهااا ,,,مراتك وولدك ,,علاش مكنتيش معاها في الوقت لي محتاجة فيك ,,ولا مراتك وولدك غ ابالفم ,,من كانت كتفقد السيطرة على راسها ,,كنتييي معاها ,,؟عاونتيها ,,,لااااا؟خليها عليييك و بسع منها ,,لبنت الي فيها يكفيها,,,وااااش مكفاكمش هادشي لي دازت منه باغييين تقتلوها عاد ترتاحو

انيس;عبييييير

عبيير;ماتغوتش علي الله يرحم باااك,,,شاف انييس الادريسي في الخدمة ,,,هنا لااااا ,,دابا البكا مورا الميت خسارة ,,سندس ماكيناش و نت طلقتيها سدات مدااام ياك هدشي لي باغي لاش كتغوت دااابا

امير;انيس من الاول وانا معاك ولكن باش نشوف ختي كتموت قدامي ونبقى ساكت لا ,,,كون معتقناهاش في الدقيقة للخرا كون دابا راه كنترحمو عليها,,باركة عليها ,,الطبيب قالينا خاصها الراحة يلا بقات في المشاكيل غتموووت صافي سينيتي على الورقة خلي عبير تكلف و مريضنا معندو باس

انيس ضرب يديه مع الحيط;كيييفاش معندوووو باس,,,شككوووووون عطاكوم الحق تدييرو هادشي شكككككون

عبيير;لييي عطاك الحق تزوج بيها و تقوول ليها ديك الهضرة (هزات يديها)وتسيني على هاد الوراق عطانا الحق نديرو هكا و كلثر ,,,سندس مرييييييضة فهمتي مرييييييضة بزاااااااااف يلا بقاااات هناااا غتمووووووت دخلوها لكركوم دااااابا

كلشي تصدم انيس شد في الحيط بصدمة ;كي كيفاش مريضة (دمعو عينيه)شنووو عندها؟

امير دار عند عبير ;كيفااااش ؟

عبير حيدات الكاسكيط;ديك الحالة لي كتجيها مرض نفسي ,(تنهدات) في الطب كيسميوه انفصام الشخصية ,,سندس عندها جوج شخصيات ديك العادية لي كتكون قدامكوم و الشخصية لي كتخرج من كتكون كاعية ,,,نتوما مالاحظتوش هادشي ,,سندس مكتحكمش في راسها ماكتشعرش بداكشي ,,,كتموت في الداخل كل نهار ,,,(شافت في انيس)نت براسك مقديتيش تفهمها ,جاي كتقول ليها عييت منك عييت من مشاكيلك ,,,ها ؟فخبارك هي عياات من الحياة كاملة و الدنيا ولات طالبة الموووت ,؟ياك باغي ترتاح هاهي خلاتك ترتاح و تموعش مع راسك ,,بسع منها و سير عند دوك مليون وحدة لي غيردوك امير و سلطان نت قاع و خلي السيدة عليك,مابقات باغاك لا نت لا مليون واحد فحالك ,,,بغات غي الهناء و راحة ديال البال ,,خليها عليييك ,,

امير;علاش مقلتيش لينا هادشي علاش؟

عبير;شنووو غيتغير يلا قلت ليييك ؟غتقد تعالجها؟(شافت في انيس لي مكالي على الحيط علاين يسخف)غتقد تغيرها لا ؟نحب نطمنك بلي واخا معاك مقاتش تسيطر على راسها ,,ولات خايفة شي نهار تولي مأدية شي واحد فيكوم ,,ولات خايفة عليكوم من راسها ,,عمرك سولتيها باش كتحس من كتكون كاعية ها؟نقوول ليك انا مكتحس بواااالووو, ,, حيت مكتكونش هيييي ,,عمرك فهمتيها ؟نت باغي اتحكم فيها ماتخدمميش ماتديريش ماديريش باغي تملكها هاهي هربات زاادت واشد في البولة تسعين دابا (تمات غادة وهي ترجع تشوف فيه)نعطيك نصيحة بلا ماتحاول تقلب عليها ,,حيت مغتلقاهاش ,,,وانا بنفسي تكلفت بالامر ,,بلا ماضيع الحجرة على والووو اوك اه ونزيدك انا انسيني على هاد الوراق و غنكلف المحامي ديالنا يكمل الاجراأت ,,المحامي ديالك مابقى عندو مايدير (وزادت خلات كلشي مدهوش فركعات ليهوم القنبولة و زادت)

انيس بقا واقف مصدوم كيشوف قدامو ;انفصام الشخصية ,,سندس مريييضة ,,ماكتقدش تحكم في راسها ,,كانت اتفقد البصر,,واش عمرك سولتيها ولا فهميها,,,هاهي هربااات و خلاتكوم

هدشي لي كيدور في بالو شد في عنقو كيدوز يديه عليه كيحاول يتنفس وجهه ولا حمر و عينيه خرجو ,,امير شافو في ديك الحالة مشا عندو كجري ;انيس (شدو من يديه )اجي

انيس حيد يديه ;بسع مني (كنهج)مشات صافي مشات هي خلاتني ,,مشات انا انا (وهو يغيب)

***عند سندس

ليحلات عينيها على صوت القطار توقف كان ظلام الحال شدات راسها و حاولات تنوض لقات بنادم كلشي تكمش مافهمات والو شوية و هوما يبانو ليها طلعين ثلاثة في التران هازين سيوفة تدهشات كانو وصلو لحدود الهندية ايخرجو منها

كلشي تكمش في بلاصتو

جا واحد هاز سيف كيهضر بالهندية;جبدووو لي عندكوم يله كل واحد يجبد لي عندو

سندس فهمات القضية حامضة شدات الساك لاحتو تحت السرير خلات غي ساك الصغير لي دايراه جنب فيه شي فلوس و صافي

بدا كيجيو وياخدو من عند الناس لي عندو شي حاجة كيكشطوه و هي باركة شادة في كرشها مابغاتش تحرك وكتحاول تكتم غضبها قربو وصلو لعندها خداو من عندها الساك الصغير لي دايرة جنب حلوه كان مبلغ مهم خداوه واحد غمز لاخر عليها و هو ينوضها شدها من شعرها هي كتهضر بالانجليزية;شنو بغيتو؟

لاخر شاف في صاحبو و هو يدوي بالانجليزية;اوووووه لمدام بريطانيا تشرفنا ههه جا الوقت لي غانتاقمو لخوتنا لي ماتو على يديكوم

سندس مزيرة على يديها;انا ماشي بريطانية انا من المغرب طلق ياك خديتو لي بغيتو

هو دوز السيف وجهها ;اووووه بدلنا القرار ديالنا حتى نتي انديوك معانا هههه

نطق واحد الراجل شارف كان لابس لباس ديال الصين التقليدي;بعد منها واش مشفتيهاش حاملة ؟

دارو بثلاثة جهتو;اوووووه الشارف هضر (تتم واحد غادي جهتو )ترحم علت راسك الشارف (يله ايمد يديه باش يخشي فيه السيف وهو يعطيه دقة الكرش جابو مغيب دوك جوج شافو فيه بصدمة طلقو سندس وهوما يمشيو في اتجاهوو)شنو درتي ليه ها؟

الشارف ناض;يلا مابغيتوش تبعو صاحبك نزلووو

سندس وقفات كتشوف فيه باستغراب و شادة في الكرسي

لاخر غمز صاحبو و هوما يهزو السيوفة جا اللول بغا يضربو خوا ليه بخفة و عطاه الصدر وعتو و خلاه يرجع الور شاد في صدرو كيتوجع بسباب الدقة ,,جا صاحبو تاني صلاه بيديه بخفة و ضربو العصبة ديال لعنقو جابو ناعس ناض هداك لي ضربو في اللول كيحاول يتوقد وبغا يغفلو من اللور سندس حيدات لبوليرو و تمات غادة في اتجاههم

الشارف شاف جهتها ,و هضر بالانجليزية;رجعيي

سندس ;ورااااك

دار وهو يشد السيف ديال لاخر كان غيخشيه ليه في كرشو لاخر بغا يستغل الوضع و يغفلو و هي تضربو سندس جهة ديال السنسول بيديها شد فيه يله ايدور عندها وهي تعطيه بخفة جهة ديال العنق حتى خرجو عينيه و تلاح هزات السيف من الارض كتلعب بيه بسهولة و كتشوف فيه بعينين حمرين وعرقها خارج كتنهج هزاتو اتخشيه فيه و هي تجيها دقة بخفة جهة ديال العنق غفات

***حلات عينيها وشدات في عنقها بالم كانت متكية على الشرجم ديال الطران لقات قدامها الشارف بارك وشاد شي كاس سخون;شنو سرا؟

مد ليها الكاس;هاكي شربي هادا غيحاول يرخيك (شف في كرشها )متخافيش هدو عشوب طبيعية قلت ليهوم يصايبوهوم ليك

خداتو من عندو;شكرا؟

الشارف;حتى نتي مدربة على الفنون القتالية؟

سندس تفكرات دوك الثلاثة دورات وجهها مالقات والو

جاوبها ببرود;جاو الشرطة ديال المحطة وخداوهوم كنتي مغيبة ,,(شاف دراعها لي كله مجروح)

سندس;كيفاش حتى جيت لهنا ؟ماعقلتش

الشارف;الغضب هو داء فحال شي فيروس لا دخل الجسم ديالك كيبقى يتغدا على الاعضاء السليمة و كيكبر كل ثانية حتى كيسمم الجسد كامل و كيقتل مولاه

سندس شافت فيه و تنهدات;هادشي لاش بعدت ,,انا مكنقدش نسيطر على نفسي من كنغضب (شافت الضرابي)هادشي كامل درتو انا ,,مكنتحكمش في راسي

الشارف;العزيمة العزيمة هي كلشي,,شكون علمك الفنون القتالية ,,من حركتك باينة متدربة مزيان ,,و لي دربك معلم كبيير ,,هاد الحركات معروفة في قرية وحدة في الصين ,هي هوانغلينغ هوما لي معروفين بفونون القتال و بالخصوص هاد الحركة الووشو (الووشو هي حركة صينية قديمة كتميز على تركيز الطاقة الروحية و تدفق الدم و الحرارة في الجسد كتسمى الانشي كيخليك تسيطر على جسد الاخر غي بلمسة منك)و هاد الطريقة ماكيتميز بيها غي اصحاب القصر و قليل لي من الاعيان لي كيعرفوها و غي لي مدربين على يد المعلمين ,,

دس ;انا اصلا غادة قرية هوانغلينغ المدرب ديالي لي صيفطني لتم

حط يديه على دقنو وكيلمس لحيتو;مم يعني نتي مدربة على يد عائلة لين

سندس (سكتات)

الشارف;في القديم كانت عائلة لين هي الحاكمة في هاد القرى كاملة كان الجد الاكبر هوانيوغ لين كيعتابر من اكبر المقاتلين كان هو الايد اليمنى ديال الامبراطور ,تاحد ماكيقد يهزمو ولا يتجرأ ويهجم على القرية ,,قد يجمع بين الفنون القتالية الصينية و الغربية ولا غير قابل للهزم وبدا كيعلم اولادو و شي وحدين من اهل القرية الفنون القتالية وهكاك توارثاث من الجيل الجيل رغم دابا مابقاوش كيعطيو الناس اهمية لهادشي ,,ولكن عائلة لين بقات عندها هبة في القرية و توارت الفنون القتالية جاري بين الاجيال باش مايموتش الثرات ,,حتى لهادي شي ربعين عام ,,كان المعلم هنج مان لين في فراش الموت و عندو جوج احفاد يان لين و هوان لين ,,خاص واحد فيهوم لي شد الحكم و يكمل المسؤولية و القتال هو لي غيحكم بين الخوت ,,تقاتلو و ربح يان لين كانت عندو مهارات قتالية عظيمة في رمشة عين قدا هزم خوه ,,تعين هو الحاكم ولكن باش يولي حاكم خاصو يتمم الطقوس خاصو يتزوج ببنت عمه ,حتى هي مقاتلة ,,ولكن هو كان كيبغي واحد الفلاحة ,,قالها ليهوم ومابغاوش وهدوه يقتلوها ,,ولكن هو رفض ودار لي فراسو وهربو ماخلاو فين قلبو عليهوم ووالو ,,حتى مات الجد عاد بان

سندس (عارفة القصة بقات غي ساكتة)مم وعلاش كانو كيقلبو عليه

الشارف;لي خالف اوامر العشيرة خاصو لموت ,,ومن مات الجد تسقط الحكم عليه وولا هو الحاكم حيت كان هو المختار ولكن هو رفض خلى خوه هو لي متكلف و زاد واخا هكاك خوه كيحكم تحت اوامر يان لين ,,ودابا سمعت بلي حتى هوان لين ففراش الموت و لسؤ الحظ ماوالدش الولد عندو غي بنت وحدة ,,خدامة طبيبة ديال الاعشاب

سندس;ممم ونت باش تعلمتي هاد الحركات

الشارف;انا عاءلتي كتنحادر من سلالة الفرسان يعني حنا من الاعوان ,,اكيد تدربنا على يد سلالة لين و دابا انا كنت في مهمة نوصل واحد الرسالة وراجع القرية ,,ونتي شكون دربك ؟

سندس شافت في الطريق و ناضت ;خاصني نمشي المقطورة ديالي عييت شكرا على كلشي و شكرا على الكاس ديال الاعشاب كان عندو تأتير كبير

بتاسم ليها;نتي متدربة ديال يان لين

شافت فيه و سكتات حط الكاس;نفس النظرة ديال التكبر و نفس الشجاعة ,,اكيد اتكوني تدربتي على يد يان لين

(تحنات ليه و رجعات لبلاصتها لبسات لبوليرو ديالها تحنات تحت النامسية جبدات ساكها حطاتو جنبها و رجعات غفات نعسات كان الصباح قرب يطلع=

***انيس حل عينيه لقا راسو ناعس في الفوطوي و الطبيب حداه

شد في راسو و بدا كيحاول ينوض شاف في الطبيب;شنو كيدير هدا هنا؟

اامير;غيبتي قبيلة و عيطت عليه

الطبيب ;على سلامتك اسي انيس ,,كان عندك انخفاض في الضغط وهادشي راجع لقلة التغدية و النعاس و القلق خاصكت تعطي الراسك الراحة و تاكل مزيان ولا هدشي غيأثر على اقلب ديالي لا حفظ الله تولي تجيك دبحة صدرية ,,انا كتبت ليك شي مهدئات يساعديك على النوم و شي فيتامينات ,,خليت ليك الراحة

امير ;شكرا

الطبيب;العفو

امير برك حدا انيس;شوية دابا ؟

انيس شد في راسو;كيفاش بغيتيني نكون مزيان وانا ماعرف عليها وااالو ؟

امير حط يديه عليه;سندس خاصها الوقت ,,داكشي لي داز علليها صعيب ,,ماتقد تا وحدة تحمله ,,خلي ليها شوية ديال الوقت ,,,,وكنظن حتى نت خاصك تفكر و تعيد قراراتك

انيس تقاد في البركة;واش مسمعتيهاش؟كيفاش اتقد تعيش بوحدها ؟انحماق انا والله,,,انا عارف راسي غلطت معاها ولكن بفف لحضة غضب ,,قلت يلا درت هكا وهددتها بالطلاق تقد تتراجع و الصباح من عرفت بلي استقلات من الخدمة فرحت و كونت جاي نصالحها بببف (شد في راسو)كلشي ضاع دابا كلشي ضاع

امير;ماعندك مادير دابا الامور خرجات من يدينا الكورة عند سندس

انيس;اش من كورة ولا تيران هضر مع ديك خيتي قوليها تورينا فين هي ولا كنحلف ليك حتى غنتصرف بطريقتي و غتقول بزز منها

قاطعاتهوم عبير نازلة من الدروج;واخا تقطعني طراف طراف مغنقولش ليك ,,و باش نهنيك انا براسي ماعارفاش فين زادت ,,,اه عاونتها باش هربات من الكلينيك شي لاخر كيرجع ليها

انيس بغا ينوض وهو يدرو راسو ;واااش حمااااقتي ها؟مخلياها مسافرة بووحدها ؟ياك قلتي مريييضة علاااااش عاونتيييها ؟

عبير,;حيت المرض لي فيها مامحتاجش لي و لا ليك,,محتاجة تبقى بوحدها بعيدة من المشاكل و الصداع و الخدمة ,,بعييدة على قاع هاد الاجواء محاتجة تبقى بوحدها و تراجع قراراتها خاصها تعالج نفسها فهم اانيس سندس خاصها تبعد

انس;شحاال غتبقى راها حاملة ,,حاملة ,,

عبير;ماغتخافش على الولد كثر منها ,,ونت عارف شنو دارت باش تحميه ,,و حيت كانت غتأديه ,,قررات تعالج خاصكم تفرحو ليها ماشي دير منضبة و قرار ديال الطلاق انا ماسينيتش فيه انخلي الامر هكاك و الورقة غتبقى عندي حتى ترجع هي ديك الساعة اتكون قررات شنو الدير ,,واخا متستاهلش ترجع ليك الراجل لي مايوقفش مع مراتو في وقت الشدة و يفهمها ,,ماكين لاش يبقى معاها ,,الزواج ماشي كادووات ومفجأة و حب و داكشي ,,لا نت مكنتيش معاها في اكثر وقت محتاجة ليك ,,حيد علي كنتي مقابلها وهي مريضة ,,كون كنتي في بلاصتها غدير معاك كثر وراه عربنات ليه ضحات براسها بسبابك,,ولكن عمرك قدرتي تعرف شنو عندها الداخل ديالها ,,شحال وهي معاك معرفتيش بلي هي عندها انفصام الشخصية و بلي مريضة نفسانيا ,,هادشي علاش خليها عليك دابا ,,نطمنك هي مزيانة و في امان بلا متخاف ,,نهار لي غتحس براسها مزيان غتجي و ديك الساعة نتمنى تلقاك حتى نت تبدلتي ولا غتحسرها في مرة (عطاتو بالظهر)خمم مع راسك و فكر مزيان يلا كنتي باغي مصلاحتها ,,انا غنمشي للدار نشوف بابا

حلات عينيها على يدين كيلمسو وجهها ;سندس حبيبة نوضي وانوضي النعاسة

ناضت قافزة دورات وجهها لقات الشارف كيشوف فيها باستغراب دورات وجهها كتقلب على انيس عاد استدركات في كاينة تنهدات وشافت فيه و هاد المرة هضرات باليابانية ;سمحلي

هو شاف فيها ;كتهضري اليابانية ؟المهم فيقتك حيت التران دخل لمقاطعة وويوان و غيدوز على قرية هوانغليغ من هنا عشرة الدقائق يلا كنتي موجهة ليها خاصك تنزلي

سندس;واش ماكيمشيش حتى المحطة

الشارف;ههههه لا كتسحبي السنسلة و كيوقف التران ههه حتى انا غادي القرية تفضلي معايا

سندس;شكرا (هزات ساكها و ناضت)

الشارف;شفتك قاعما كليتي هادي يومين

سندس;ماعنديش الشهية (حطات يديها على كرشها)ماعرفتش هادشي لي كندير فيه صحيح ولا غالط ,,خليت كلشي ورايا وجيت ,,كل دقيقة كنفكر شنو كيديرو (شافت فيه)ولكن انا درت هادشي لصاليحهوم

(جر السنسلة تسمعات الصفارة ديال تران ووقف نزلو كانت قرية صغيرة كلها ربييع و ديورة مبنيين من خشب نزل الشارف ومد يديه ليها نزلات غمضات عينيها واستنشقات الهواء كان نقييي و رطب و الاربيع كيلعب و ااصوات الطيور العيالات لابسين لباس تقليدي و كينقيو الارض و الدراري كيجريو من جهة الجهة بتاسمات )

الشارف شاف فيها;واش باقا كتعتاقدي بلي خديتي القرار الخطاء

سندس شافت فيه و عاود دورات راسها في الطبيعة بابتسامة غمضات عينيها و بدات كتدخل النفس شحااال و تخرجها ;ههه لا

الشارف ;ههه يله نمشي القصر لين راه فين هو (شير ليها لواحد تلة)

سندس هزات عينيها وشافتو كيبان صغير من بعيد حركات راسها باه

سبقها داير يديه ورا ظهرو وهي تابعاه لي دازو من حداه كيوقف و كيديرو التحية الشارف لا صغير لا كبير و هو بدورو كيتحنى لليهوم ,,كلشي عندهوم بالاحترام عيالات و رجالة كلشي خارج كيخدم والارض هي المورد الاساسي ,,كتمشى و الربيع خضر واصل الكرشها حلات صبيعاتها و خلاتهم يلامسوهوم حسات بواحد الاحساس جديد ,,,احساس بالراحة و الهدؤ صوت العصافير و الرياح حلات عينيها و الابتسامة مافارقاتهاش كتشوف الطيرو كيحومو في السماء و كيزقزقو دورات وججها لواحد البركة كانو الضفاضع و الجراد كينزقو ضحكات حتى غمضات عينيها و شافت فيه الشارف لي كيبتاسم ليها;هههه هادشي زوين

الشارف ;وصلنا القصر

هزات عينيها كانت بوابة كبيييرة مصنوعة من الخشب و كصر كيبر و عالي حتى هو من الخشب و فيه دروج كيطلعو ليه تدهشات من البناء ديالو و حلات فمها طلعو في الدروج و هي باقا في الصدمة وصلات واحد البوابة كبيرة تحلات و دخلات كانت ساحة كبيير ديال التداريب و غوات المتدربين لابسين شونغاي (الزي التقليدي ديال الصين )كيتدربو بالسيوفة ,دورات وجهها كانو شي مجموعة كيتدربو على الكراتاي ,,وصلو لواحد البوابة لقاو شي نساء و رجال غادين و جاين لي شاف الشارف كيعطيه تحية ,,مشاو من واحد الممر كله خشب كيتمسع صدع ديال اقدامهوم وصلو لواحد الغرفة كان واقف فيها شاب لابس شونغاي بالازرق و داير سيف في جنبو تحنى احتراما للشارف و حليه الباب دخلو الغرفة كانت كلها من خشب و مامفرشاش كان واحد الراجل كبير في العمر و باينة فيه مريض مربع و كياكل تحنا ليه الشارف و حتى سندس تحنات ليه اشار ليهوم يبركو و هوما يبركو في الارض على ركابيهوم و يديهوم في فخادهوم حانين راسهوم احتراما ليه

الشارف;سيد هون لين هاد الامرأة لقيتها في الطريق و كانت قاصدة بلدة سيادتكوم

سندس دورات وجهها و حلات الساك جبدات البرا و مداتها ليه باحترام;سمحي لي نقدم هاد الرسالة

جبدها و قراها وهو يشوف فيها;ممم نتي المتدربة ديال الاخ ديالي يان لين ,,جيتي هنا باش تدربي على كيفية السيطرة على غضبك ,,جاتنا رسالة منه بلي نتي جاية ,,كان عليك توصلي ثلثيام قبل

سندس حنات راسها ;سمحلي ولكن كانت علي ناخد شي احتياطات قبل مانجي هنا

ناض ;كيح كح قاليك اكيد قاليك على الشرط

سندس;اه انا مستاعدة نتكلف بالقصر و التداريب بينما تعالجت

يون لين;امم هادشي غيساعدك حتى نتي ,,و غيخليك تسيطري على نفسك وانا انساعدك

سندس ;كنشكرك

يون لين ;هونغ

دخل داك الشاب و حنى راسو;نعام اسيدي

يون لين;دي المدربة لبيت ديالها و جيبو ليها تاكل و كلف شي وحدة تسهر على راحتها من اليوم هي لي غتكلف بالتداريب ديالكوم (شاف فيها )ولكن اكيد خاصكت تبتي نفسك قدام المتدربين

سندس ناضت;اكيد عارفة وانا مستاعدة نتبت ليهوم بلي انا قد المسؤولية و دابا لا امكن حيت بغيت نحيد علي هاد الامر

هون لين ;جمع لي المتدربين في الساحة كاملين وراك عارف اش غدير

تحنى الشاب و خرج

هون لين ;تفضلي معانا للساحة ,,يشرفني نشوف الاخ ديالي شنو درب

سندس ;من بعدك

هون لين بتاسم و تبعو الشارف عاد خرجات سندس تنهدات و تبعاتهوم الساحة لقات كلشي مجموع و حاطين طابلة فيها طوبات ديال الحجر مستفين وحدة فوق وحدة

هون لين وقف داير يديه ورا ظهرو;هاد المرأة هي المتدربة ديال الاخ يان لين ,,تخرجات على يدو ,,و دربها على جميع الفنون القتال ,,لي كيعرف ,,و دابا هو سيفطها باش تكمل ليكوم التدريب لي مقديتش انا عليه بسباب صحتي لي غادا وكتدهور

كلشي بداو كيوشوشي بيناتهوم نطق واحد فيهوم ;حنا مايمكنش لينا نقبلو نتدربو على يد مرا شوف غا كرشها كيفاش اتقد تدربنا و هي بديك الحالة

سندس تقدمات نحوو;مال المرا ها؟ لمرا هي لي حملات بيك وولداتك وكبراتك حتى وليتي كتهضر دابا,,لمرا هي لي كتنقي الارض و تفلح باش تجيب ليك نت متاكل ,,شنو الفرق يلا دربكم راجل ولا مرا

نطق واحد اخر;تبتي لينا بلي نتي تدربتي على يد المعلم يان لين ونتي عارفة شنو هي الحاجة لي كيتميز بيها

سندس ;ههه واخا (توجهات نحو الطابلة ديال الحجر كانو ستة الطوبات مستفة واحدة فوق وحدة بشكل عمودي )ختار اي وحدة نهرس

نطق واحد;كلشي

يله هزات يديها وهو ينطق واحد اخر;لا الثالثة ,,يلا كنتي متدربة على يدو فأكيد اتعرفي كيفاش تهرسي الثالثة بلا متأثري على الحجر لاخرين

دارت ابتسامة جانبية و غمضات عينيها لمدة كتحاول تنفس هزات يديها الفوق و حطاتها فوق الطوبة السادسة بخفة ماسرا والو الحجر من غير الطوبة الثالثة لي تهرسات حلات عينيها و بتاسمات;كنظن بلي تبت نفسي كفاية اولا ؟

تحناو كلشي ليها حتى من هادوك لي كانو كيهضرو سدو فمهوم

شاف فيها هون لين ;مرحبا بيك معانا

سندس تحنات ليه;كنشكرك

هون لين;سيري رتاحي دابا و غدا في الصباح اجي عندي باش نبداو في العلاج ديالك

سندس ;شكرا مرة اخرى

شافت في الشاب سبقها و تبعاتو

****دازت مدة على ابطالنا ,,انيس مخلا فين قلب عليها تقول بلعاتها الارض والو ,,ماكينش ليها الاثر,,بغا يحماق ,,ماكينعس حتى يعنق شي حاجة من حوايجها و يبقى يتفرج في تصاورهوم كبر واحد التصويرة كانت هي وياه ناعسين و معنقها لصقها في الحيط ,,ماكتديه عينيه حتى كيبقى يحقق فيها ,,و النهار مغرق راسو بالخدمة ولا قاسي ماكيرحمش ,,,,

اما امير فعلاقتو هو وكوثر تطورات تصالحات معاه من بعد ديك الرسالة وقررات تعطيه فرصة دابا غادين مزيان وكيحاول يخليها فرحانة واخا الغيرة لي فيه عمرها تبدل ,,

عبير يا عبير محمقة كمال مسكين ديما كيبغي يدير فيها رومانسي كتعطيه علاش يدور وهو فاهمها اكيد خايفة يكون بحال باها ,,,مواعد نفسو انه يخليها تغير قرارها

سليم ديما داير حجة باش يتلقى بوهيبة ,,و كيدير راسو دايز من حدا دارهوم ولا تلاقا معاها في الشاريع ,و كيخلق فرص باش يتلاقاها ,,وو يقرب منها ساعة ديما كتصدو ,,اصلا ممسوقاش ليه ,,متبعة غي قرايتها دارت اداب انجليزي و ودابا هي في بداية الموسم الدراسي من المدرسة للدار

****سندس هاهي باركة وسط الطبيعة كرشها لفمها لابسة الشنغاي باللون البني باركة فوق واحد الحجرة و حاطة يديها على كرشها كتلمسها و كتشوف في النساء كيزرعو الارز ,هي لي مكلفة بالتدريبات دارت بلاصتها في القرية ولا كلشي, كيحتارمها و يقدرها ,,كل نهار كتبرك مع هون لين كيعطيها اعشاب و كيبقى يتكلم معاها و هي كتجاوبو شمحال من مرة هرسات عليه داك البيت كيتحاماو عليها غابزز باش امتأتديش

نفسها مؤوخرا ولات كتعصب يله كتبدا تهرس كتبدا تحكم في نفسها بدات كتحسن ولكن باقا متعالجاتش نهائيا سمعات الغوات بتاسمات حيت عرفات شكون دارت المصدر الصوت لقات مجموعة من الاطفال جايين كيتجاراو عندها كانو شي عشرة

الاطفال;المعلمة المعلمة

سندس بتاسمات ليهوم;مم شنووو باغين تاني ,,,ماتقولوش لي ضربتو شي حد را غنتقلق منكوم

نطق واحد الدري صغير و ماعندوش جوج سنينات حرك راسو لا;ههه لا بغينا تغني لينا عافاك ,,حنا سالينا التدريبات ديالنا و درنا قاع داكشي لي قلتي لينا عاافاك غني لينا

سندس ;هههه مم يله بركو

كلشي برك و ربعو رجليها بركو كيشوفو فيها

سندس ;ههه ممم (غمضات عينيها و بدات كتتنشق الهواء النقي ديال الطبيعة كانو في بداية فصل الشتاء ريحة ديال التراب و المطر طاغية جات في بالها صورة ديال انيس مغوبش حلات عينيها و شافت جهة ديال البركة وبدات كتغني ليهوم الاغنية ديال اديل هللو)

hello it's me (السلام هادي انا)

i was wondering if after all this years u'd like to meet to go over everthing(كنت كنتسائل واش من بعد قاع هاد السنين ,تبغي نتلاقو و نتخطاو كلشي)

they said time supposed to heal,yaeh ,(كيقولو من المفترض الوقت يداوي,,اه)

but i ain't done much healing (ولكن انا كاعما تداويت مزيان)

hello,can u hear me?(السلام,واش يمكن ليك تسمعني؟)

i am in california dreaming about who used to be(انا في كاليفورنيا كنحلم بكيفاش كنا)

when we wher younger and free(من كنا شباب و حرين)

i"ve forgotten how it felt before the world fell at our feet (نسيت كيفاش كنا نحسو قبل مايتهاوى العالم عند رجلينا)

there"s such defference between us,,and million miles(كين فرق بيناتنا ,,و مليون ديال الاميال)

hello from the other side(السلام من الجانب الاخر)

i must called a thousand times(كان علي نتاصل الاف دمرات)

to tell u i am sorry ,for everything that i've done(باش نقولك سمحلي على اي حاجة درتها)

but when i call u never seem to be home(ولكن فاش كنتاصل بك يمكن عمرك كنتي في الدار)

hello from the outside(السلام,من الخارج)

at least i can say that i've tried(غلى الاقل ممكن نقول اني حاولت)

to telt u i am sorry,for breaking ur heart(باش نقول ليك كنتأسف حيت حطمت ليك قلبك)

but it don't matter ,it clearly deosn't tear u apart any more(ولكن مابقاش مهم من الواضح هادشي مابقاش كيمزق فيك دابا)

**كان انيس بارك فوق الفوطوي حاط قدامو قرعة ديال شراب هز في يديه كاس و اليد اخرى شد بيها تيلي كتفرج في التصاور ديالهوم ,,الليل و صوت الامطار في الجردة و الرياح قوية ,,كيقلب بصبعو وحدة ورا وحدة و كيشوف فيهوم بعينين دامعين مليانين شوق وحنين مرة مرة كيطلق تنهيدة حاط الكاس على شفايفو لي فازكين و كيشرب و كيغمض عينيه بحرقة حطو فوق الطابلة و عاود شد تيلي في يديه;علاش ؟علاش مشيتي؟دابا ثلت شهور ماعندي عليك حتى شي خبار ,,بغيت انشوفك و نمسع صووتك ,,توحشتك ,,توحشت عينيك توحشت ريحتك ,,حني في راه قلبي كيتحرق ,,بلا بيك ,,كنموت كل نهار ونتي بعيدة ,,رجعي لي انا مستاعد ندير اي حاجة على قبالك ,,(حط يديه على التصويرة و كيلمس وجهها)كيف دايرة دابا ,,شنو كديري ؟واش حتى نتي فايقة كتفكري في ولا ناعسة؟اكيد كتلوحي الغطا الارض شكون لي كيغطيك دابا في هاد الشتاء ؟(هز راسو السقف و دموعو شلال وعاود نزلهوم هز قرعة ديال الشراب و خواها في الكاس و بدا كيشرب ثاني)

***سلات الاغنية من بعدما استرجعات قاع دكراياتها مع انيس ,,كانت كتغني عليه كتسقسيه في خاطرها واش نساها ولا باقي كيتفكرها ,شنو يكون كيدير دابا ,,واش كمل حياتو بلا بيها و عاشها كيف قال ولا توحشها ,,تنهدات و حلات عينيها كانت الشميسة ضاربة في داك الصباح حولات نظرها الاطفال لقاتهوم حالين فمهوم فيها و كيشوفو بتاسمات ليهوم;مالكوم ؟

بداو كيصفقو ;واااو ههه صوووتك زويين شنووو كنتي كتقولي مافهمناش؟

نطقات سندس وهي كتشوف في النساء كيزرعو داكشي عندهوم بنظام هازين محفظة كبيرة ديال النبتات الارز و كيغرسوهوم في الارض كل وحدة شادة صف ماكتعوجهوم مالو داكشي غادي مقاد ,,وعاود شافت فيهوم ;شفتكوم استراحيتو مافيه لكفاية يله للتداريب ,,

نطقات واحد البنت;بغيت نكون فحالك

سندس ;ههه كنصحك ماتكونيش فحالي (شدات في الشجرة باش تنوض حيت متقلة)يله زيدو قدامي

يله اتتزيد خطوة وهي تحس بوجعة في كرشها شدات فيها ;احح ايي

جا واحد الوليد شدها;معلمة مالك

شافت فيه وهي عاضة على فمها;مممم والو يله نمشيو

تمات غادة ثاني وهي تحس بدقة تاني وهاد المرة بالجهد;احححح اييي الله ياربي اش هادشي ؟اييييي (نزلات على ركابيها بقوة الالم وشادة كرشهاو وجهها ولا حمر )اييييي

مشاو الدراري كيجريو عند العيالات لي كيزرعو اوصلو عندهوم نعتو فيها و هوما يتمو جايين عندها كيتجراوا

لقاو سندس باركة في الارض على ركابيها و شادة في كرشها كتحاول تنفس ;هووف هووف هووف اييي هوووف هوووف

جات واحد المرا كبيرة شوية في السن دايرة طربوش على راسها ولابسة اللباس التقليدي الصيني;المعلمة شدي في هادا راه الالم المخاد

سندس شدات فيها;اححح ولكن امممممم باقي مم الحال اييي ممم

المرا;سيرو وجدو ليها الادوات و عقموهوم ووجدو

نطقات واحد المرا;المنزل ديالي هو اقرب ليكوم ماغتقدش توصل القصر وهي بهاد الحالة يله نديوها المنزل ديالي تولد فيه

الشارفة حركات راسها باه ;واخا

شدات سندس من دراعها و عاوناتها واحد المرا اخرى حتى وقفات و تمو غادين بيها لمنزل ديال المرا ,,سندس شادة في كرشها و كتألم;ايييي هوووو شي حاجة نازلة معايا اييييي داكشي سخووون

المرا;احنا قربنااااا صبرييي

سندس;اييييي مابقيييتش قادة نصبر اييي هادشي كيتجهد ,,الله ياربي ايييي

وصلوها البيت لي كان كله خشب فرشو ليها واحد اللحاف في الارض و حيدو ليها الشونغاي بقات كيف ولداتها مها و فرغو ليها جابت وحدة اناء فيه الماء طايب خاشية فيه المقص فوطة المرا الكبيرة بركات على ركابيها ;حلي رجليك و تعسريي راه الراس قريب يخرجي

سندس كتعسر ;اييي جبدي واحد الحاجة من اللبسة ديالي و عطيها لي ايييييييييي

امشات واحد المرا قلبات اللبسة ديالها لقات تيلي دارت ليها سندس بيديها اريه عطاتو ليها وهي كتنفس دارت جهة ديال فيديو ومداتو ليها;هاكي وقفي هنا باش مايبانوش لاخرين ايييييي و وبقاي شاداه هكاك ماتحركيش

المرا حركات راسها باه ووقفات شادة تيلي

الشارفة;سربييي راه الراس كيخرج زحمي

سندس عاضة في الفوطة كلها عرقانة ووجها حمر;ممممممممممم ممممممممممم (كتاخد نفس)ممممممممم

المرا;هاهو سنربي دفعي (كتضغط على كرشها)زحميييي

سندس بعدات الفوطة و حلات فمها كتنفس و العرق عاد مازايد يتصب معاها;ممممممممممم ايييييييييييييييي الله ياربي (بداو دموعها ينزلوو)ياربي اييييييييييييي (كتنفس )هوف هوف هوف

المرا;دفعي مابقاش بزاااف غادفعي

سندس كتحرك راسها وكتننهج;عيييت اوووف

المرا;غا سربي راه غتخنقيه

سندس خشات الفوطة في فمها و عضات فيها ثاني;مممممم ممممممممممم مممممممممم

واع واع واع وااع

هزات راسها بتعب لقات المرا شاداه صغير و بدمو كيتزبق و باقا لاصقة فيه المشيمة في بوطو شافت فيه بابتسامة باهثة

المرا هزات مقص من بعد ماعقماتو قطعات ليه الحبل السري ووبدات سندس تاني كتوجع

المرا;هادوك غي الخوات كيبقاو في الكرش

خرجو نيت داكشي فحال المصيرنات رقاق عقمو ليها ومسحو ليها داكشي و الدري داوه يغسلو ليه غطاوها مزيان حيت الجو بارد و جابوه ليها مغلفينو في لحاف غليض كيبكي مدات يديها بتعب لجهتو كيبكي و يتركل حطاتو جنبها مقداتش تهزو,,كان وجهو حمر بالغو ات و فيه شوية ديال الشعر مدهب و عويناتو مغمضين بقات اكتضحك; حبيب ماماه جاد ههه خرجتي صافي ؟

باستو في جبهتو و غمضات عينيها نعسات

**فاقت سندس على صوت الشتاء كتسب و غوات جاد لي كاسر الدنيا لقات راسها ملبسينها و حازمين ليها كرشها تلفتات ملقاتش جاد حداها دورات وجهها لقات المرا لي ولداتها هازاه و كتلاري بيه بتاسمات بتعب وهي بدورها بتاسمات ليها ;وللدك زوين (منقولش تبارك الله حيت هوما ماشي مسلمين)

سندس;ههه (مدات ليها يديها)اري نرضعو

المرا شافت في جهة اخرى كانت واحد البنت هازة جبانية من الطين و معلقة و عاود شافت في سندس;شربي بعدا هاد الحساء ايسخنك و يقويك ,,عاد رضعيه ,,الولادة ديالك كانت مزيانة وهادشي راجع للرياضة ديالك و الاغدية حتى من الولد جا الطبيب ديال القرية و فحصو كلشي عندو طبيعي

سندس تقادات في البركة و سدات الحزام ديال الشنغاي ;شكرا ماعرفتش كيفاش نرد ليك هاد الخير

المرا وهي شادة جاد;ماكين لاش نتي راك المعلمة ديال القرية ,,كلشي هنا خاصو يسهر على راحتك و حنا درنا غي الواجب ديالنا اتجاهك و راه تيليفون كاين حدا راسك كولي بعدا و قوي صحتك باش ترضعي ولدك راه فيه جوع من الصباح وهو يبكي

سندس ;واخا

خدات الزلافة من عند البنت من بعد ما شكراتها كانت حساء بالارز و الخضرة و طروفة ديال الدجاج بيضة و ريحة ديال الاعشاب عاطية ,,خداتها وبدات كتشرب منها حتى كملاتها و شربات الماء حيت شحفات حسات بداتها سخنات و العرق نازل منها مدات يديها لمرا عطات ليها جاد باقي عريان مغطينو غا بلحاف غليض و حازمين ليه راسو شداتو وضماتو لصدرها شحال و كتشم فيه كان باقي مغمض عينيه بدا كيفركل ليها باغي يبكي ووجهه البيض بدا يحمار بدات كتضحك حلات الفوق ديال شنغاي و جبدات صدرها لي تنفخ عصراتو شوية كيف قالت ليها المرا عاد خشاتو في فمه بدا كيرضع و يتركل و باغي يرجع راسو مرخي و صغير و هي كتقادو و تضحك مسطي من صغرو و كتلف ليه البزولة كيبقا يقلب عليها بفمو وكيفركل بيديه و هي كتقادو كترضعو بوشبعانة فيه غا ضحك سطاها حتى جبد عليه و نعس عاد حيدات ليه البزولة من فمه وهو باقي كيجبد بفمه كيحلم براسو باقي كيرضع هههه حطاتو جنب و ناضت الحمام قدات حاجتها حيت ولادتها كانت طبيعية ماتحتاج تحزق باش تخرج البنج لا والو ,,سالات ورجعات حداه كمشاتو مزيان على البرد و دارت عند المرا لي لقاتها باركة كتشوف فيها و تبتاسم;اش غتسميه ؟

سندس شافت في جاد ;انسميه جاد ,,ولكن خاصني شي امام مسلم

المرا بابتسامة;هنا كينين غي البوديين ,,القرية لي حدانا فيها المسليمين غدا في الصباح نصيفطو شي حد يجيب شي امام واخا يقدرو مايبغيوش يجيو

سندس باستغراب ;علاش؟

المرا;كاين حرب بين البوديين و المسلمين ,,,هوما كيقتلو ولادنا و كيعدوبوهوم و حنا كنقتلو ولادهوم و كنعدبوهوم يعني صعيب يقبل شي حد يجي القرية ولكن هونج عندو شي معارف تم غيتولى الامر

سندس;اه واخا (شافت في الشتى)الشتاء صبات مزيان اليوم

المرا شافت فيها;اه ,,المحاصيل ديال الارز غتكون وفيرة هاد الساعة ,,,كنا باغين نزرعو القطن ولكن خفناه يخسر مزيان لي فكرت نزرع الارز و البطاطا

سندس;اه مزيان القطن يلا عمر ما كيخسر

المرا;سمعت بلي جيتي هنا باش تعالجي ,,

سندس;اه و دابا غادا كنتحسن واخا ماشي شي تقدم كبيير مي ماشي كيف كنت

المرا;مزيان ,,خاصكت تحكمي في راسك على قبل ولدك ,,اجي فين هو باباه عمرك دويتي على عائلتك

سندس تنهدات و ضمات يديها لصدرها ناضت المرا هزات الغطا لاحتو عليها و رجعات بركات كتسنى جوابها;مم باباه في المغرب دابا ,,قولي تفارقنا ,,,هو لي طلب الفراق (تنهدات)وكان انسب قرار ,,باش نيت نبعد ,,كون بقيت تم نقد دابا منكونش عايشة ولا هاد الولد تزاد من اصلو

المرا;الواحد بعد المرات كيختار الطريق الصعيبة باش يعيش

سندس;في الاول كانت صعيبة علي,,يعني بلاد جديدة ناس جداد عاد كنت بوحدي ,,(بابتسامة)ولكن من حطيت رجلي في هاد القرية حسيت واحد الشعور جديد بحال يله تزاديت ,,ناس ظراف وعاملوني مزيان واخا في الاول كانو شي مشاكل حيت انا ماشي من هنا وعاد انا مرا ,,ولكن دابا كلشي تقاد بحال عايشة مع عائلتي وهادشي لي ساعدني باش نزيد القدام

المرا ;ن كنت كنلبسك كانت فيك واحد النضبة في ظهرك

سندس حطات يديها على كتفها;اه كنت خدامة في المخابرتا هادشي مغتفهميش ,,و طدربت في مهمة ,,بقيت شهرين غيبوبة ودابا بقا سيكاطريس ديالها

المرا عرات واحد البلاصة في كرشها كانت واشماها ;هادي ضربة ,,كنت مشيت الجبل ناخد شي اعشاب و كانو شي مسلمين تم ضربوني الكرشي بالسيف و لكن قديت نهرب ليهوم وبقات السيكاطريس ديالها و وشمتها

سندس ;وااو باش وشمتيها ؟

المرا;عدنا اللوازم اي وحدة هنا واشمة ,,بحلا هادي كتعني لا مفر من الموت فهو يلاحقك دائما

سندس;اه فهمتها مم نقد نوشم كتفي حتى انا

المرا;ههه براي بعدا و فكري (شافت في الولد)نعس مسكين ,,شفتو كيشبه ليك في لون الشعر و البياض ,,و العينين باقي ماحلهومش باش نعرفو

سندس شافت فيه و لمسات شعرو الدهبي بحنان;ههه شوية و صافي,,باقي مغنعرفوهش لمن كيشبه حتى يبدا يكبر شوية و تبان ملاميحو هزات تيلي من حداها و شافت في الفيديو بقات كتخربق فيه و تقاد شوية صورات جاد و هو ناعس وبدات كتخربق في تيلي

عند عبير لي عندهوم العشية بحكم فارق الوقت بين الصين و المغرب

باركة في الدار هي ووهيبة لي كتحفض و سي مصطفى شاد تيلي كيتفرج في اخبار البورصة حتى كيسمعو الدقان

وهيبة بغات تنوض و هي توقفها عبير;انا غنحل اكملي حفاضتك

ناضت حلات الباب غا شافت شكون وهي تسدو و تكات على الباب;اوييييلي هدا اش كيدير هنا

سي مصطفى ;شكون ابنتي ؟

عبير متكية على الباب;لا تاحد الوليد

تعاود صونا الباب

وهيبة ناضت;بلاتي نشوف شكون ؟(لقاتها متكية على الباب)امالكي ؟

عبير ;لا بلا متحلي احم باك

وهيبة دفعاتها ;حيدي نشوفو شكون هدا لي خالعك (حلات الباب وهي تلقى كمال حابس الضحكة لابس سروال ديال دجين كحل و قميجة بيضة وقرافاط زرقة مطلع شعرو لمارو لور هاز مشموم ديال الورد ومعاه وحدة هازا كارطونة لابسة كسوة طويلة حجابية و دايرة زيف تقريبا عندها نفس ملامح كمال

وهيبة شافت فيه وشاافت في عبير

نطقات البنت بابتسامة;واش غتخلينا واقفين حدا الباب؟

وهيبة عاد فاقت من القلبة;اه اه تفضلو

كمال ;هه شكرا (دخل لقا عبير واقفة ورا الباب كتاكل في ظفارها شافها وهو يغمزها خنزرات فيه و دوزات يديها على عنقها بمعنى اندبحك شافت ختو وراه و يهي تجمع الوقفة و تزنكات )

وهيبة ;تفضلو مرحبا

سي مصطفى ناض كان لابس سروال ديال سورفيط زرق و بيل بيض لاسق عليه;شكون اوهيبة

نطق كمال بابتسامة;ضيف الله واش مغتقبلوش بضيف الله اعمي ؟

سي مصطفى بابتسامة;لا مرحبا و الف مرحبا (شاف في وهيبة زعما فهمي راسك و شاف فيهوم بابتسامة)تفضلو معايا

,,بركو في صالون اخر بلدي كمال حط الورد و الكارطونة فوق الطبلة و بدا كيقاد في الكرافاط ترير و حشم و مصطفى كيشوف فيه

**في الكوزينة عبير غادة جاية

عبير;ولد الحرام والله حتى دارها حلف و نفدها

وهيبة كتصايب في القهوى;واش حماقتي بحال هداك كيتفلت ؟شوفيه كيف داير اختي ,,تيتيز و فورمة وباينة ولد عائلة واش باغا تخرجي على راسك تبقاي هكا

عبير شافت فيها;واختي شكيت عليك قلت بغيت نتزوج ؟بغيت نبقى غي هكا ؟

وهيبة;صايبي صايبي الحلوة في الطبسيل خليني نكمل القهوة

عبير شافت فيها و عضات علا قنانفها بابتسامة;اخليني نصايبها انا و ستفي نتي الحلوة

وهيبة;واخا كملي نتي

عبير;وهيبة عافاك نسيت تيلي ديالي في البيت ديالي سيريه جيبيه لي

وهيبة;ونتي محنية طلعي ليه

عبير;عافاك اختي مكتشوفيش في مخلوعة

وهيبة;واقيلة راه الدروج من هنا ماشي من لهيه باراكة من تبوهيل ديالك يخخ انا غادة ,,,راه كين العصير في الثلاجة حتا هو جبديه

عبير;كووووونييي هانيييااا انا غنتكلف بالقهوة والعصير اسيري نتي

وهيبة;اوووك

عبير;باغي تجي تخطب احبيبي كمال واخا ,,هي لي متعاودش ههه (بابتسامة شريرة)انا قابلة

****

في الصالون

سي مصطفى;عبيير وهيبة فين تعطلتو ؟

البنت ;بلا متعدبو راسكوم اعمي

سي مصطفى;ولو اول مرة غتجيو عندنا حشومة مرحبا بيك مرة اخرى

كمال مزنك;هه ربي يطول في عمرك اعمي

**دخلات وهيبة هازة صينية ديال الحلوة ووراها عبير هازة كيسان ديال القهوى

شافت كمال وهي تخنزر فيه هو يهز فيها حاجبو قلا ليها السم ختو و سي مصطفى حابسين الضحكة

بدات كتقدم القهوى بدات من سي مصطفى وهي دايرة حتى وصلات لعندك كمال بغا يهزها وهو يهضر بشوية;ياكما دايرا لي فيها السم

عبير من تحت سنانها;لاهلا يوريك شنو فيها ؟

كمال;هه نشربها السم كيكون من تحت يديك بحال السمينة على عسيلة

سي مصطفى ;اح احم

بعدات عبير عليه مزنكة و هو خدا كاس ديال القهوى كيضحك حطو فوق الطبلة وهي تكونات حدا سي مصطفى مقابلة معاه كتخنزر فيه غمز ختو وهي تقاد في البركة وشافت في سي مظطفى

البنت ;عمي احم حنا لي نطولوه نقصروه هدا خويا الصغير كنعتابرو بحال ولدي انا لي كبرتو من بعد موت ديال وليدينا ,,كبر تبارك الله وولا راجل ,,الحمد الله بدارو و بخدمتو بكلشي ليه نعم الولد و نعم الاخ

سي مصطفى;اله يرضي عليه هدا هو الراجل

البنت;ودابا كبر الواحد هو يدير ولادو وهو باقي صغار يكبرو معاه مشي حتى يشرف عاد يبدا يربي

سي مصطفى;ماقلتي عيب ابنتي الواحد هو لي ولد ولادو في الصغر ماشي في الكبر حد باقا الصحة ما لا مشات ماكيبقى لاخاطر باش تربي لا تكبر

البنت;وهداشي لي كاين لي ,,ليوم جينا طالبين راغبين في البنت ديالك عبير ,,لخويا كمال على سنة الله ورسوله ,منشكرش ليك خويا يديرها في عينيه ماغايخصها معاه حتى خير نشاء الله

سي مصطفى شاف فيه;انا اش غنقول ليك ابنتي مانعطيك مانقلع ليك البنت هاهي قدامك يلا كانت قابلة ماغنزيدهوم غي الخير ,,

الكل شافو في عبير كانت كتلعب في يديها و مزنكة غا الطرطق ,,نقر كمال;السكوت علامة الرضى

هزات فيه عبير راسها

كلشي شاف فيه و بدا يضحك;ههه

كمال;ياك هادشي لي كيقولو اولا؟ههه

وهيبة حابسة الضحكة كتشوف في عبير كتشوى خشات وجهها في بيل لي لابسة وكضحك

سي مصطفى;ولا عليه ,,من قبلات انا معندي منقول ليك اولدي ,,غي لوكان تهلا لي فيها ,,راها كثر من بنتي ,مانبغيش لي يقلقها ولا يخسر ليها خاطرها

كمال;ماتخافش اعمي الحاجة لي حلات فيها فمها توصلها ,,انا مغنخسر ليها والو ,,الله لا يحشمنا و صافي (شاف في ختو و في سي مصطفى وهز يديه)نقراو الفاتحة ؟

سي مصطفى;هههه وعلاش لا؟نقراو الفاتحة ههه

كلشي هز يديه يلا عبير لي حنات راسها مهزاتوش و كمال كيشوف فيها بنص عين كيقرا الفاتحة كيضحك و وهيبة كتفيبري كتهز و تحط سالاو;اميين

سي مصطفى;ايوا دابا نتشاركو الطعام قبلو علينا

البنت;ماكين لاش اعمي وسمح لينا على هاد الدخلة جينا وماعلامناكمش

سي مصطفى;هه ماكين مشكيل مرحبا بيكوم في اي وقت

هز كمال كاس ديال القهوة شافت فيه عبير وهي تحني راسها و كتضرب عليه بنص عين جغم منها و حطها هي شافت في وهيبة لي كتضحك و عاود حنات راسها

سي مصطفى;ايوا اولدي فاش خدام؟

كمال هز القهوة ثاني شرب منها;المعهد ديال التكنولوجيا ,,مشارك انا وسي مختار و كنقري فيه في نفس الوقت

سي مصطفى;اه سي المختار الله يعمرها دار صديق ديالي من ايام الجامعة

كمال;اه عمرو بخل علي مسكين ونهار حتاجيتو وقف معايا كنعتابرو فحال الوليد ديالي

ي مصطفى;الله يكمل عليك اولدي

كمال;ربي يخليك,,(بدا كيحمار ويبدل البركة و يحل الكرافاط)

سي مصطفى;مالك اولدي

كمال ;احم لا (بدا كيتنزك)واش ممكن تنعت لي الحمام فين جا عفاك

سي مصطفى;عبير نودي وريه الحمام عفى بنتي

كمال خنزر فيها عينيه ايخرجو من بلاصتهوم وججهو تنزك ناضت سبقاتو حانية راسها افاتهوم وهي تخرج عينيها تبعها شدها من دراعها;شنو درتي في القهوى؟

عبير;وااالو

وقفت ;دابا طلقينا فين هي الطواليط

عبير شيرات ليه بصبعها;رااااه هي

طلق منها و تم غادي بالزربة كجري دخل وهي مشات الكزينة هزات قرعة ديال الدواء خباتها;يله خطب دابا الطواليط اسي كامال هههههه

رجعات الصالون بركات بحال مادايرة والو رجع كمال عندهوم وجهه صفر شاف في عبير لقاها حابسة الضحكة و كتخنزر فيه

سي مصطفى;مالك اولدي واش عيان ؟

ختو;كمال واش كضرك شي حاجة؟

كمال حرك راسو بلا يله ايبرك وهو ينوض تاني كجري للطواليط

وهيبة شافت في عبير لقاتها غتحامر بالضحك عرفاتها هي مولات الفعلة حركات راسها يمين شمال و حنات راسها كضحك بصمت

سي مصطفى والبنت مافاهمين والو

رجع ثاني كمال كله عرقان ووجه صفر و عينيه فالتين فيه الموت

ختو;واش مريض ,,مالك اكمال

سي مصطفى;نعيطو على الطبيب واش كتضرك شي حاجة ؟

كمال بتعب;لا ماكين لاش ؟غييي (ناض تاني كجري للطواليط)

وهيبة صافي وجهها اينفاجر بالضحك سي مصطفى كيخنزر فيها باش تسكت عبير حنات راسها كيبانو غي كتافها كيتهزو

سي مصطفى;نودي ابنتي عبير شوفي الدري واش خاصاه شي حاجة

عبير هزات راسها فيه بصدمة;لا اخليني هنا

سي مصطفى;حشومة نودي

نادت كتاكل في ظفارها شافتها وهيبة و هي تبدا الضحك مشات لعندو تكات على باب الطواليط بقات كتسنط و كتضحك دقات عليه;راجلي كمال خاصك شي حاجة

هو كيتعصر;ديريها فين تجيك ,,,كلشي غنردو ليك اووو (سكت)غتخلسيه بالدوبل باااااغا تقتليني ؟

عبير كضحك ;اووه ههههه نجييب ليك الكامون ولا الزعتر راه مزيان ليك

كمال;تشفااااي تشفاااي (طلق الماء بقا شوية وهو يخرج كيمسح في وجهه بفوطة شاف فيها)جنيتي على راسك احبيبتي (ياله ايقرب ليها و هو يدخل الطواليط وسد الباب)الله ياخد فيك الحق

عبير حاطة رجليها على البا;باش تعلم احبيبي هه نخليك دابا اه يلا حتاجيتي شي حاجة انا في الخدمة ههه

رجعات تاني حاضرة راسها حشمانة زعما وهيبة شافت فيها غتسطا

سي مصطفى;مالو مسكين

عبير هزات كتافها;ماعرفتش يمكن كلا شي حاجة في الزنقة خايبة

وهيبة دورات وجهها وكتضحك

سي مصطفى خنزر فيها;اح

البنت;سمح لينا اعمي را

قاطعها:ماكين لاش ابنتي ,,عادي

كمال خرج ثاني صفر شاف في ختو;يله نمشيو

سي مصطفى;باقي الحال اولدي واش كتحس براسك مزيان

كمال ;شوية دابا كليت وقيلة سندويش ودابا ضرني سمح لي اعمي

سي مصطفى;ماكين لاش صحتك هي اللولة ,,مرة خرا نشاء الله

سلمو عليهوم

سي مصطفى,نودي وصليهوم الباب

وهيبة;اه نودي اعبير

عبير خنزرات فيها وناضت حلات ليهوم الباب توادعات مع ختو وهو وصل حدا الباب وهو يرجع;قيدي احبيبة دابا نخرج منك هادشي

عبير;يلا وصلتي لودنك عضها هههه

كمال;هاواحد لزيرو

عبير;باااااي وصدات عليه الباب ورجعات كتضحك

دخلات الصالون وهي تلقا وهيبة مسرحة بالضحك ;ههههههههه

سي مصطفى;ماحشمتوش السيد مريض ونتوما كتضحكو ؟

وهيبة;هههههههه واراه مافخبارك والوو هههههه لهلا يوريك شكون مرضو ههههه

عبير خنزرات فيها

سي مصطفى;مالك شنو كاين

ترن ترن

عبير جبدات تيلي حلاتها وهي تغوت;وااااااااااااااااااااااااع

سي مصطفى ووهيبة ناضو قافزين;مالك شنو كاين؟اش سرا هاضري؟

وهيبة;واش سندس سرات ليها شي حاجة هضري؟

عبير;وا التيتيز تيتيز ههههه سندس ولدااااات ههههههههه وليد

وهيبة خطفات ليها تيلي كانت تصويرة ديال جاد ناعس مكتوبة فيها هاي طاطا عبير هانا زيت نخلي دال عستك

وهيبة كتشوف في تصويرة;ههههه وينو وينو هههه ولدات هههه

سي مصطفى;اري نشووف (خدا تصويرة شافها عينيه بداو يدمعو)الحمد لله الحمد لله هه واخا مشديتوش بين يدي الحمد لله

عبير;ههه زوين شفتيه ههه

سي مصطفى;اه الحمد لله واش صيفطات غي هادي

عبير;اه غي هاد توف حتى النمرة ماطالعاش الحمد لله من كلشي مزيان

سي مصطفى;تكون غي بيخير هادشي لي بغيت (شاف في تصويرة)ههه ناعس

وهيبة تخمشات تشووف;هههه اه ناعس هههه وييينو هه حبيب خالتو هههه

****عند انيس بارك في صالة حاط قدامو قرعة ديال الشراب يله ايمد يديه باش يحلها وهو يجيه مساج ماعطاش الامر اهمية حل القرعة خواها في الكاس يله شرب الجغمة الاولى وهو يجيه مساج ثاني شاف جهة ديال تيلي كي كان حاطو فوق الطبلة شرب من الكاس و حطو فوق الطبلة وهز تيلي شعلو كانت تصويرة ديال سندس لي داير شاف فيها شحال وتنهد وهو يحل المساج كانت النمرة ماطالعاش استغرب و هو يحل المساج اللولاني كان فيديو شد تيلي وبقا كيحقق فيه كيتأكد واش بصح, كانت سندس من كانت كتولد الفييديو ماكانش فيه الصووت كانت مطلوقة فيه اغنية هادئة كتبان غي سندس من تحت ماشاداش وجهها والوجه ديال العيالات مدرقاهوم كتبان غي الضبابة بقا كتفرج حتى اللقطة لي خرج فيها جاد هازاه المرا مابيناش كيبان غي جاد كيبكي و يفركل و الاغنية مطلوقة حط يديه في فمه و دموعو شلال كيبكي ماعرف يبكي ولا يفرح كيشوف الولادة ديال ولدو قدامو من الاول حتى الاخير وجهه حمر سالا الفيديو و عاود خدمو تاني كيتفرج فيه ماسخاش كيتنخصص و عينيه مفيكسيهوم في تيلي كيشوف الولادة من الاول بغا يشوف سندس ماكيناش محيدة وجهها مبينة غا من كرشها لتحت صافي سالا لفيديو عاود حل المساج تاني كانت تصويرة ديال جاد ناعس مكتوبة فيه;هاه داد هانا زييت

بقا كيشوف فيها و كيبكي حاط يديه على فمه وكيوشوف فيه ناعس مغطي غا بلحاف و مغمض عينيه و حل فمه مخرج طرف من لسانو صغييير حط يديه على الشاشة كيلمس فيه و كيبكي;اهئ حبيب باباه جيتي اهئ جاد ,,اهئ سمحلي ابابا مكنتش معاك من خرجتي للدنيا سمحلي اهئ اهئ سمحلي من مكنتش معاكوم نت وماماك اهئ اهئ حبيب باباه ناعس (ضحك ضحكة مخلطة مع البكية)ههه حال فمك كنتي كترضع هه (تنهد)مابغاتش توريني وجهها اكيد اتكون تعدبات بوحدها اهئ اهئ علاش اسندس درتي هكا علاش بعدتي مني ودابا نتي وولدي بوحدكوم ماعرفتكم فين باراكة من ماتعاقبيني (كيمسح نيفو)كيشبه ليك بززااف عندو نفس شعرك وحتى من كتغمضي عويناتك وكتبقاي مخنزرة هه كشبه ليك بزاااف ,,توحشتك توحشتك (تنهد)رجعي لي راني محتاجك كثر شوفي ولدنا دابا تزاد خاص ضروري نكون في جنبكوم ,,(بتاسم)ههه انا وليت اب دابا جاااد ههه (بدا كيبكي ثاني)يارب؟ي ياربي اش هاد العقاب نشوف ولدي في تيلي فيييييينك اسندس فيييينك ؟

بقا كيعاود الفيديو الليل كامل و يشوف في التصويرة مرة يبكي مرة يضحك

دازت سيمانة و اليوم سندس غدير اسبوع لجاد لي حل ءويناتو اخيرا ,,عويناتو في اللون الازرق فحال العين لليمنية ديال سندس ملبساه سندس تريكو بيض و سروال ديالو و حتى هي لابسة واحد ديال الحفلات باللون الرمادي حداها الحاكم هوان و الشارف باركين في الكرسي وكيتفرجو في العروض لي كيقدمو من العاب نارية و ملابس ديال التينين كيديرو بيهوم عروضات كلشي فرحان بالمولود الجديد و الناس كيجيو عندها كيتحناو و كيحطو ليها هدايا داكشي من عاداتهوم جا عندها واحد الولد تحنى عندها ;معلمة راه الامام و الطبيب جاو كيتسناوك في الغرفة ديالك

سندس حنات راسها ليه بفهم و ناضت حاملة جاد لي كيفرك عاجبو الحال بهاد الهرج و الغوات و كيخرج لسانو ويدياتو كيلعب بيهوم في وجههو و كيحرك رويسو باقي مرخي ليه داير فحال شي مسطي ههه دخلات الغرفة لي قال ليها الدري لقات الامام و الطبيب باركين على ركابيهوم احتراما ليها حيت عندهوم المعلم هو الحاكم بادلاتهوم التحية و بركات فحالهوم على ركابيها و حاملة جاد في يديها ;اليوم اسبوع ولدي و بغيت ندير ليه داكشي على حساب الطقوس الاسلامية

الامام حاني راسو;اول مرة انشوف البوديين كيحتافلو بمراسيم ولادة طفل مسلم

سندس;يمكن هوما ماشي متخلفين حتى لهاد الدرجة كيف مسلم كيف بودي ولا غيرو كلنا سواسية امام الله و كل واحد غيتعلق من كراع رجليه

الامام مد يديه ;من فضلك

بتاسمات سندس و مداتو ليه شدو بين يديه و شاف فيه;جميل تبارك الله اش اتسميه

سندس;جاد ,,جاد الادريسي

الامام شاف في جاد;الله اكبر الله اكبر اشهد ان لا اله الا الله ,اشهد ان لا اله الا الله,اشهد ان محمدا رسول الله ,اشهد ان محمدا رسول الله,حي على الصلاة حي على الصلاة حي على الفلاح حي على الفلاح الله اكبر الله اكبر لا اله الا الله,,جاد الادريسي انت مسلم ,انت مسلم انت مسلم ,,دينك هو الاسلام دينك هو الاسلام دينك هو الاسلام ,,(حل واحد الكاعط كانت فيه ثمرة خدا طرف منها و بغجها بيديه و حطها ليه في فمه بقا كيلعب بيها بلسانو و حيدها ليه و مدو ليها حطات تيلي لي كانت شادة و مسحاط دمعة من عينيها و خداتو من عندو كاعي باغي يبقى يمص ههه (مسخوط هاد جاد هه)

الامام;خاص دابا تدبحي الاضحية باش يكملو المراسيم

سندس ;اه و نت لي غدبحها يلا قبلي حيت كيف كتعرف انا مرأه و هنا ماكين حتى شي مسلم

الامام;يحسن لي الشرف ندير هاد الخدمة

الطبيب ;نبداو ؟

سندس شافت في جاد و حطاتو الارض حيدات ليه السروال و الخروق ,,حيت الفيلاج بعيد على القرية يلا بغات شي حاجة خاص تسيفط عليها نهار عاد تجيها حيداتهم ليهوم وهو بدا كيبكي بحال يلا حاس اش غايديرو ليه ولاد الحرام سندس شاداها الخلعة كترعد ;واش ماغيتألمش ؟

الطبيب;شوية اكيد غايتألم ولكن من بعد ايجيه عادي انعطيك واحد الرشاشة تولي ديريها ليه وخا غتحرقو ولكن دغيا كتداوي عاد البول ديالو مزيان ماتخافيش كلشي ايدوز مزيان

سندس تنهدات واخا مداتو الامام ثاني و هو كيتركل ماحاملش يمشي عندهوم كيبكي و يقول مابكيت وججهو ولا حمر بحال سندس من كتكعا كون كان كبير كون ريب على بوهوم داك البيت ,,شدو من عندها الامام و دارو بين رجليه و فرك ليه رجيلات وهو كيبكي وسندس هازا كتصور و كتبكي كتنخصص عليه شد ليه الطبيب توتو و بق طير ليه جليدة وهاهو جاد كسر الدنيا ثاني بالغوات مسحها ليه و دار ليه الرشاشة حرقاتو واجيو تفرجو فيه مسكين بقا في والله بدلات ليه سندس الخروق وهو كيترك كيبكي و يشهق حتى كيتقطع فيه النفس وهو كيسكت فيه وتبي بقا فيها مالقات كي دير وهي تعطيه البزولة بدا كيتعفر عليها ماباغيهاش حيداتها ليه وبدا كيبكي ثاني وهي تردها ليه شدها وهو حاقد مخنزر يرضع ويبعد يبكي ويرجع يرضع ثاني حتى نعس باكي ,,غلفاتو في لحاف و خرجات تابعة الامام و الطبيب لقاتهوم موجدين حولي مقبلينو هي هازة جاد ناعس في يد و هازة تيلي كتصور بيد اخرى قبلو الحولي وهز الامام مكفد على رجليه و جلايلو كان هاز سيف ديال الساموراي ونزل عليه تدويزة وحدة معطلوش وبدا الحولي كيتركل و الناس دايرين عليه فرحانين عمرهوم شافو فحال هادشي هزو الحولي داوه يكملو داكشي هزات سندس من الساك الفلوس لي سرفات بالين الصيني عطات الامام و الطبيب حتى هو فرحو بالمبلغ لي عطاتهوم و بقاو كيداعاو معاها هي ووجاد خداو حقهوم من اللحم و داكشي لي مصيبين و مشاو فرحانين ناشطين اما سندس فرجعات للساحة فين كاين الاحتفال و بركات في الكرسي,,على اليمين ديالها هوان و اليسار ديالها الشارف و كتفرج في الحفلة لي قايمين على قبلها و فرحانة

***عند وهيبة خارجة من لافاك لابسة كولون كحل طالع مقطع من ركبة و بيل سميطات كحل و فوقو تجاكيط دجين و فوقو مونطو حيت البرد و كاط باج و تابعها واحد كيجري;وهيبة وهيبة تسناي

وهيبة دارت عندو;شنو اعماد دوينا راه قلت ليك غا حيد ديك الفكرة من بالك انا ماباغاش نرتابط لا معاك لا مع غيرك

عماد :عافاك عطيني غا رفصة مغتندميش

وهيبة;سمحلي منقدش (بغات تمشي وهو يشدها)

عماد;لا مغتمشيش علاش شنو لي معيبني انا ,قاع الدريات لي دلافاك كيموتو في وانا تابعك نتي

يله اتجاوبو تحطات عليه شي يد ;اتحيد يديك ولا نكردها ليك

وهيبة;سليم؟

عماد;شكون نت لي تدوي معايا بهاد الطريقة؟واش ماعرفتينيش ولد من انا بحركة من يدي نمحيك من على وجه الارض

سليم ;اه سمح لي ماعرفتكش شكون مانبقاش نعاود (حك شعرو الطويل وهو يزرب عليه بكروشي جابو طايح نزل عندو شنق عليه نوضو و زادو كروشي اخر نيفو ولا كله دم وقفو ثاني زادو كروشي اخر وهيبة كتحاول تفك )سليمم بصع من الدري غتقتلو تفرق عليه

سليم شانق عليه;خليني نوريييه كيفاش يحط عليك الزامل يديه (عطاه كروشي اخر و لاحو ناعس )هدا اندار ليك نلقاك كتحوم حداها و لا غا شفتي فيها نمحي الزامل بوك نت وباك و طاسيلتك كاملة فهمتي يله روووح تقود

ناض عماد كيمسح في نيفو و كيشوف فيه بخوف و مشا

دار عندها ساعر;كيفاش خليتيه يقرب ليك هضري

وهبية;انا ما(شافت فيه)و زيدون علاش انشرح ليك واش سوقك في ,,,سندس لي كانت جامعانا راه مشات

شدها من يديها;انا ماشي سوقي في سندس تمشي ولا تكعد ,,انا كندوي علييك نتييي كثر من ثلث شهر وانا تابعك مامخلي ماداير عليك ,مخلي خدمتي وكنراقبك ,,,حافضك معاش كتدخلي ومعاش كتخرجي شحال من مرة كيبغي يتعدا عليك شي حد كندفنو قبل مايوصل ليك ,,انا انا انا كنبغيييك فهمتي كنبغيييييييك

وهيبة تصمقلات

سليم;عارف هادشي جاك عجب وبالخصوص انا كبر منك و مكنتش كنبين ليك ولكن كنحلف ليك حتى كنبغيك من نهار شفتك مابغيتي تحيدي من بالي وليت يلا ماشفتك مكنرتاحش غا كنخمم فيك ,,كنكون بارك في الشركة ولا في المعسكر كتجي صورتك في بالي كنخلي كلشي و نجي عندك ,,كنختالق اعدار و حجج باش ندوي معاك ,,و نتلاقاك واش س

قاطعاتو;واش نتوما عائلة الادريسي ماعندكوم حتى شي حاجة من غيرنا ,,خوك طجج ختي وخالاها تخوي البلاد و نت بنت ليك في البلان واش سالاو صحاباتك و عشيقاتك ؟كتصحابني ماعقتش بييك؟كتدير راسك دايز من حدا لافاك بالصدفة ولا كتعيط لي زعما كتسول على بابا راه ماشي كنرضع صبعي,,

سليم;اااااه انا كنعتارف كنت متبع غي لبنااااات و كل نهار مع وحدة ولكن كنقسم ليك فمي بالله حتى من شفتك مابقيتش ديتها فتاوحدة ,,كنحلف ليك بالله حتى كنبغييييك تيقيني اوهيبة مكنكدبش عليك ,انا مستاعد نجي لداركم من دابا ونطلب يديك ,,شنو ندير باش نخليك تيقيني عطيني فرصة نتبت ليك ,,شهر ,,شهر واحد خليني نبين ليك ,,يلا مقديتش نقنعك كنحلف ليك عمرك باقا تشوفي وجهي كنواعدك شهر واحد

وهيبة شافت ليه في عويناتو الزورق لي كيبريو مع شميشة لي شارقة شوية تنهدات ;اووك شهر واحد ,,منفوتش نهار ,,,اه ديك البسالة ولا تحاول تقرب مني ولا شي حاجة ,,ماغنكملش معاك شهر

سليم بابتسامة ظاهرة ;ههه واخا هه مايكون غي خاطرك يله نوصلك دابا اجي واش فطرتي

حركات وجهها بلا تبسم ;اووك يله نفطرو حتا انا في الجوع

حركات راسها باه و مشات معاه جهة ديال لوطو عبارة عن كاط كاط سبور كحلة حل ليها لوطو و ركبات عاد ركب هو كيفرنس

***بعد مرور اربع سنوات

فهاد ربعة سنوات تغيرو بزاااف ديال الحوايج اولهوم زواج كوثر و امير لي من بعد عام ديال غياب سندس قررو يتزوجو ودابا عندهوم وليد نسخ طبق الاصل من امير ,,الشعر مارو و العينين خضرين سماوه ريان ودابا كوثر حاملة في شهرها الثامن عندها بنت ,,,عبير و كمال حتى هوما تزوجو بعد ماحمقات كمال و شيباتو مسكين ولا طالب معاها الشرع ماتزوجو تاشحافتو نهار العرس قربلوها والناس بداو يفكو فيهوم علاش يقول جيتي زوينة بحال هي كانت خايبة ايوا بقاو مني منك حتى قربلوها ههه خلاو كلشي يتفرج تم و يضحك على هبالهوم مانهار الدخلة علام هي تجري من هنا وهو يجري ملهيه هربانة ليه مادخل بيها حتى مسكين حماق ههه دابا هدا شهرها عندها بنية حتى هي ,,,اما سليم و وهيبة فولات كتبغيه من بعد داك شهر واخا جرجراتو مسكين اش كتعرفو على تريكة ديال الدحماني ,,خطبها من عند باها و قررو مايتزوجو حتى تكمل وهيبة القرايا وليوم الحنة ديالها كلشي داير بيها كوثر ووهيبة كرشهوم لفمهوم باركين حداها و كيفرحوها باش ماتحسش بفراق ختها و كيحاولو يفوجو عليها مادا يديها الحنة كتنقش لابسة تكشيطة خضرا بالصم و وججها مغطياه ,,عبير شادة بجغوط ديال ولد كوثر لي كيطير مع الطيور وكوثر حداها كتاكل و تخشي في فمها استقلات من الاكاديمي نهار لي عرفات راسها حاملة برايان ,,,عبير شادة ريان حتا جاها مساج في تيلي وهي تلوحو وناضت كتنقز للجردة فين كينين الرجالة مجمعين شافها كمال وهو ينوض عندها مخلوع صحابها غتولد ;شنو احبيبة مالكي شنو ساري دوي شدك الوجع هضري اووف

عبير كتنفس ;اوووف زيد زيد قدامي صربي

كمال;مالكي ؟

عبير;وااازيييييد تحرك دغيا ايخخ

ركبو في لوطو و كسيراو

***انيس بارك في الجردة ماتغير فيه والو فهاد المدة من غير ان الحزن ولا مخيم عليه ,,سندس كل سيمانة كتلووح تصويرة ديال جاد كيفرح و يحزن في نفس الوقت كيفاش وهو بعيد عليهوم وهي دايرة احتياطاتها باش مايعرفها فين هي ,,كتصيفط ليه غي ديال جاد بوحدهوم,خرجهوم كاملين وعلقهوم في البيت لي داير ليه في الفيلا ماكيخلي تاحد يدخل من غيرو فينما يتفكر سندس ولا هو يدخل ليه شحال من مرا بات فيه ,,شد بلاصة ديال باه ولا هو الرئيس دابا من بعد ماخدا باه تقاعد و سليم خدا بلاصة ديال انيس ولا هو الكولونيل و امير ولا هو الجنرال في بلاصة سندس

***

سندس يا سندس فهاد ربع سنين تعالجات وقدات تحكم في راسها وداكشي راجع لتدريباتها الليومية ,,و حتى الاومومة عاوناتها واخا تبغي تفقد السيطرة اكتشوف جاد كتبرد ,,كملات القرية التداريب و علماتهوم قاع فنون القتال ولات معروفة في القرية كلشي كيحتارمها و يقدرها ,,جاد طلع طبق الاصل من مه غا هو شعرو تبدل ولا مارو و النيف و الفيم غا انيس حتى الغيرة ديالو يا ويل يشوف شي حد في سندس نهارو كحل ,,كيموت عليها و ماكيحمل تاشي حد يقرب منها ولا يشوف فيها ههه طالع لباه فهادي ,عاودات ليه سندس على باباه و حاولات ما امكن تقرب ليه الصورة ,,و عاودات ليه الحقيقة كاملة علاش هربات ماقالتش ليه شنو قال انيس باش تخلي صورتو زوينة ,,قالت ليه جيت باش نتعالج وصافي ,,حتى هو قاليك باغي يتعلم فنون القتال ههه كيخلي سندس حتى كتبدا التداريب و كيلبس الشنغاي و كيجي عندها ويبدا حتى هو يضرب ويغوت زعما راني كنتدرب و كل نهار في الصباح ينود يجري هو ياها تشوفيهوم تقول صحاب ماشي ام وابنها

***دابا هاهوما نازلين من الطيارة شادة في ولدها في يديها ونزلين وقفات شحال كتضور في عينيها كتفكر نهار غادرات بلادها حاملة وكلها مضروبة و منكاسرة ,,ودابا رجعات ليه قوية وشادا في يد ولدها مشات سندس ورجعات سندس اخرى لابسة كسوة بلا كمام كحلة طويلة جاتها واعرة مع فورمتها للي زادت تقادات بسباب الاكل الصحي والهواء نقي و الرياضة كتبان الوشمة لي دارت في كتفها في بلاسه ديال الضربة كاتبة فيها (الحياة لا تقف عند نقطة واحدة تقدم الى الامام فهناك ضؤ ينتظرك)شعرها طوال ولا فايت المءوخرة ديالها و قوي بسباب الزيوت لي كظلو يدهنو ليها فيه هه شادة في يد جاد لي لابس بيل بيض نص كم و سروال ديال دجين غري و غاط شعرو المارو هازو الفوق رطب و داير نظوظرات ديال رايبان كحلين و مخنزر ماعجبو حال كيشوف لي داز كيبدا يشوف في سندس وججه ولا حمر وكارز على يديه بغضب شاف فيه سندس مستغربة ;مالك ؟

جاد ساعر;ياك قلت ليك متلبسيش هكا ؟من كنا في الصين كنتي ديما كتلبسي شنغاي علاش ماجيتيش بييه ,,؟

سندس;جاد هنا راه امشي الصين يلا لبستي الشنغاي يضربوك بالحجر ههه تهدن احبيبي

جاد;واااديري نظاظر العينيك شووفي لي داز كيشوف فيهوم بففففف (وربع يديه)

سندس تحنات عندو;واصافي بب (نزلات نظاظر)هاهوما نزلتهوم ههه يخلي لي المغيار ههه يله نمشيو (مدات ليه يديها)

جاد;اري الساك نهزو ليك

سندس;ههه هه بلا متعدب اببب راه خفيف ويله نحيدو من هنا راه كلشي نزل من الطيارة و مشا بقينا غي حنا

جاد تنهد;هاهو غادي(غادي و كيحك ودنيه بتكبر زعما)

خرجو من البوابة دارو اجراأت ديال السفر و تمو غادين حتى سمعات ;سندووووووس

دارت جهة ديال الصوت وهي تلقا عبير كتهز يديها وتنقز يديها عامرين حنا ولابسة قفطان بالغوز و الصفر و شعرها طوال دايراه كارية سندس بدات كتضحك شدات في جاد و تمات غادة عندها خرجات وبداو يتعانقو ;هههههه وااااع جيييتي هههههههه

سندس كتعنقها;هههههه باش عرفتيني كنت بغينت ندير ليكم مفاجأة ههههه شفتك مبوقلة هههههه

عبير;هههه مالك راه انا عبير و اجرك على الله من اللول كنت عارفاك فين كاينة هههه (حطات يديها على كرشها)هه هدا شهري توزجت دابا

سندس;صافي درتي عققلك ؟مبرووووك عليك هههه جات معاك الكريشة ههه توحشتك هه

جاد كجر كسوة ديال سندس و كيخنزر في كمال لي واقف كيشوف فيهوم شافتو عبير و هي تخرج عينيها وتلاحت عندو تعنق;هههه ولدك وليلي صدق تيتيز ههههه

هو كيبعد فيها و كيهضر باليابانية مااكيعرفش العربية بزااف;اووووع اش هاد الريييحة قووليها تبعد منييي

سندس;ههه هادي خالتك عبير ختييي راه عاودت ليك عليها وديك الريحة ديال الحنة هههه حتى انا مكنتش نحملها

عبير ناضت;هههه مالو اش كيقول ليك

سندس;ههه ماكيحملش الحنة اججي شفتك جاية بتكشيتق ياكما هاربة من العرس

عبير;وايييه اجي بعدا نركبو ونعاود ليك

تمو غادين و هو يوقف كمال مشات عندو عبير;كمال هادي هي سندس ختي لي كنت قلت ليك ,,سندس هدا كمال راجلي

سندس مدات يديها;السلام كمال متشرفين ههه

كمال بابتسامة ;الشرف لي على سلامتكوم هه(شاف في جاد لي حاقد على الوضعية)تبارك الله كبر الله يخليه ليك (مد يديه لعب في شعر جاد وهو يحيدها ليه)

سندس;هه ماكيحملش لي دير ليه هكاك ,,ماكيبغيش لي عتابرو صغير ههه

عبير;وااعندو لمن يشبه بعدا ,,جاب ليك في كلشي ههه حتى التخنزيرة الله يحضر السلامة ههه زيدي زيدي

جاد;اش قالت هادي ؟

سندس;ههه والو يله

جاد;راني فهمتها اش قالت ,,واخا مكنهضرش بالعربية راه كنفهمها مزيان قوليها تسد فمها وهي جاية هكاك كلها مزوقة واش بحال هكا داير المغرب باركة علي زوين زوين كون غا خليتينا تم بفف

سندس;واصافي بب ياك بغيتي تعرف على العائلة (تنهدات)وحتى باباك ويله

جاد;ببف اووك شدي في

سندس بتاسمات ومدات يديها;هه اوك مغياري

عبير;اش قال؟

سندس;زيدي زيدي قدامي

***في لوطو

سندس;وااا هادشي كامل سرا هاد ربع سنين ههه شكون يقول وهيبة حتى هي غتزوج ودير عقلها

عبير;اه هه شيبات سليم مسكين ربع سنين هو صابر كل عام كتقول ليه لعام لاخر ههه (شافت في جاد لي كلعب في تيلي مامسوقش ليهوم و داير ليزيات)ولدك طلع كيشبه ليك في كلشي

سندس شافت فيه;اه مي كيجيب لباه شوية و خصوصا(تنهدات)هه يوا كيف دايرة مع الحمالة باينة شهرك هدا

كمال نطق;شيباتني ناس كيتوحمو على الديسير و العصاير لبابوش وهي كتوحم البحر و الشواية مع الربعة ديال الصباح كنمشي نشوي على وعدي وسعدي

عبير,ياك مابقيتيش بنتي حبيبتي امتى تخرجي ؟

كمال كيسوق;ههه واراه مغتخرج حتى خرجاتها مني هههه الشتاء كتصب وانا كنصايب الفاخر ماشي العداب هدا ؟

سندس تلفتات جهة ديال الشرجم تفكرات نهار كانت باركة هي وانيس حدا لبحر وحاط يديه على كرشها;جاد حبيبي امتى اتخرج هههه انا بغيت منك بزززف ديال الولاد والبنات يبداو يحنقزو هنا ولهيه ونتي تالفة ماعرفة شكون تسكتي ههه سمعيته تحرك والله حتى تحرك

مسحات دمعة من عينيها بالخف وبقات مقابلة مع الطريق شافت في جاد هز راسو فيها باستفهام غمزاتو بتاسم ليها ونزل راسو ثاني لتيلي ورجعات كتشوف في الطريق كانو قربو للفيلا ديال امير فين كاينة حفلة ديال الحناء ,,,حلات الشرجم و غمضات عينيها ,,,حاسة بداتها سخنات و قلبها بدا كيضرب بجهد كتحاول تمتالك نفسها وتسيطر عليها ,,,شعرها كيرجع لور و انفاسها كتطلع و تنزل بسرعة ,,كيفاش غتقابل حبابها من بعد ربع سنين و كيفاش غتكون ردة فعلهم ,,كيفاش اتشوف انيس اكيد ايكون تم و دابا هوما مطلقين (في نظرها)كيفاش اتعاملو ؟تملكها الخوف لوهلة وهي كتشوف بلي دخلو مع الشارع ,,شافت القدام لقات عبير كتشوف فيها من المرايا بتاسمات ليها ,,دارت ليها عبير حركة بعينيها زعما كلشي غيدوز مزيان فهماتها و حنات راسها زعما فهمتك

******

عند الرجالة باركون في القسم اخر ديال الفيلا مقصرين مطلعينها على سليم لي فرحان و ناشط كان حسن و مصطفى و سليم و امير و انيس لي ساهي بحال يلا مامعاهمش بارك في فوتوي بحدو داير رجل على رجل لابس سروال ديال دجين و بيل نص كم بيض و سبديلة غري و فيها الزرق لحية مقادها و شعرو طوال رادو لور حاط صبعو على راسو و كيخمم هادي هي عادتو ولات قليل فين كيدوي ولا كيشارك في الحوار اصلا جايبينو ليوم غا بزز مكرهش يسد عليه ثاني في البيت ديال جاد و يبقى يشوف في التصاور ديالو كون ماكان يوم مهم لخوه سليم مايجيش ,,شاد كاس ديال الويسكي كيتفرج فيه و بالو فجهة اخرى بالو مع سندس و جاد ,,دابا اتكون عندو ربع سنين و خمس اشهر اكيد ولا كيدوي و يتكلم من تصاورو و فيديوواتو باينة فيه دكي ,,هز راسو لفوق و عاود حضرو حس بشي حاجة ثقلات على قلبه احساس مات هادي ربع سنين قلبه بدا كيضرب بجهد و انفاسو كتصارع مافهمش شنو سرا ليه حط الكاس من يديه و حطها في قلبه كيحاول يفهم يستدكر شنو معنى هاد الامور شنو معنى هادشي لي سرا ليه فجأة ,,دوز يديه على وجه بغضب مابغاش يحس مابغاش يرجع يعيش في وهم ثاني ,,,دوز يديه على عنقو بعدم ارتياح حس بالعرق نازل ليه من ضهرو والكليمة خدامة هز راسو لقا امير كيشوف فيه بحزن تنهد و هز كاس ديال الويسكي شربو كامل دقة وحدة

(دزل الدريات راه الخدمة كنجي كنضربها بنعسة ماكنفيق حتى لحداش ديال الليل )

وقفات حدا الباب ديال الفيلا وشادة جاد في يديها ماعرفات واش تدخل ولا ترجع احاسيسها مخربقة ,,ربع سنين ماشي مدة قليلة ,,ربع سنين تغيرو فيها بزااف ديال الامور حسات بيد جاد زيرات عليها حنات وجهها عندو و شافت فيه;مالكي؟يلا كنتي اتقلقي نرجعو ,,مابغيتش نشوفك معصبة ثاني 

سندس بتاسمات ليه;ههه لا مامقلقاش احبيبي غي(تنهدات)ندخلو؟

كانت عبير سبقاتها للداخل هي وكمال

جاد نزل نضاضرو وشاف فيها بعينيه الزرقين بحال لون البحر ولون عينيها الليمنية حرك راسو باه و رجع نضاضرو 

تنهدات و زيرات على يديه بحال يلا كتاخد منه القوة ,,حاصه براسها ضعيفة فهاد اللحظة ,,غا البارح مشات خلات كلشي مرون وراها ودابا رجعات كلشي تقاد وكلشي عايش حياتو ,,لي لحظة ندمات علاش رجعات كون غي دارت بالناقص ولكن مابغاتش تكون انانية كثر رجعات على قبل ولدها ودابا على قبلو غتدير هاد الخطوة هزات كسوتها الكحلة لي مجرجرة في الربيع و دارت خطوتها نحو داخل الفيلا و بالضبط فين كاينة حفلة ديال وهيبة 

***

كوثر كتاكل ;فين غبرتي ساعتين؟في غاطسة وقت الوحم راه داز قولي لي ثاني الشواية 

عبير ;هههه الشواية هي لي غتشوفي دابا خشي في وجهك و سكتي (تحنات عند وهيبة )عندي ليك مفاجأة 

وهيبة دارت عندها باستفهام وقلبها كيضرب بحال يلا كتقول ليها واش داكشي لي في بالي بصح تسمع شي صوت حنين من برا كلشي تلفت وكيشوفو في الدخلة ديال الباب وهيبة وقفات من الصدمة هي وكوثر ودموعهوم على طرف عينيهوم

**عايشة حالة حب معاك واخداني وصعب انها تتكرر ثاني وبعيشها لو انت بعيد او قدامي,,,(كانت سندس داخلة شادة ميكرو في يديها و عينيها سايلين دمعوع و ليد اخرى شادة فيها جاد ومركزة شوفة في ختها وهيبة)

واخيرا الايام رضيو علي اخير جيه يا حبيبي اليوم لي ارتاح من قسوة ايامي ,,,سيبني اسرح فيك شوية وانسى ضاعو مني نفسي عمري يعدي بي بعينيك دول حضني(بدات كتقدم بشوية خطوة خطوه كان جاد فك يديه منها و خرج ماحملش الوضع طلقات منو وكملات دخلات و باقا كتغني)وانا جنبك شايفة منك حاجة من ريحة ابويا حب الدنيا دي جواك ومعاك شيافة حنية اخويا 

ونت هنا معايا بدعي من جوايا تجمعني الايام بك ربنا يتقبل دعايا 

عايشة حالة حب معاك وخداني وصعب انها تتكرر ثاني وبعيشها لو انت بعيد او قدامي***

***كان جاد كيتركل في الجردة كيضرب الربيع برجليه ساخط ماحاملش الوضع 

*انيس بارك داير في الفوطوي مقابل مع الجردة ساهي في علامو سمع شي صوت هز قلبه و رفعو دور وجههو جهة ديال الدراري كيتأكد واش سمعو شي حاجة لقاهوم مشغولين عرف بلي غي كيتوهم دور وجهو جهة جردة بان ليه دري صغير لابس بيل بيض و سروال غري دجلين وغاط داير نضاضر كحلين رايبان نفس المشية نفس لون الشعر نفس البشرة حافض تفاصيلو من خلال التصاور هو والله حتى هو جمع الوقفة حتى طوع الطبلة و فيكسا وجههو جهة ديال الشرجم كلشي تلفت فين كيشوف غرغرو عينيه وهو كيشوف في ولدو كيتمشى ويضرب في الربيع كيرمقو بنظرات شوق و حنية نطق بكلمة وحدة لي ساكنة خيالو ليل ونهار ;جاااااااد(وضربها عندو بجرية خلا كلشي تابعو وخصوصا من سمعو سمية ديال جاد وقف عليه كينهج و صدرو كيتهز و كيشوف فيه هز جاد نضاضرو وكيحقق فيه على حساب الوصف لي عطاتو سندس هدا هو باباه بقاو كيشوفو في بعضياتهم لوهلة من الزمن انيس مامتيقش بلي ولدو هنا و قدامو كيحقق في تفاصيلو الصغيرة و الكبيرة كيشوف في لين شعرو لي دهبي مع اشعة الشمس و يدياتو كلشي فيه بدون سابق اندار تلاح عليه ;جااااد ولدي ولدي جاااااد (بعد عليه وباسو من حناكو و راسي و كيبكي)جااااد اهئ اهئ جيتي اهئ اهئ 

جاد شاف فيه و تكلم بالعربية معكلة ;نت بابا ياك؟

انيس حرك راسو كيبكي;اه اه اهئ اهئ انا باباك احبيبي باباك (وكيعنق فيه و يبوس و يبكي )

كلشي واقف كيشوفو فيهوم بصدمة كانت لحظة لقاء الاب و ابنو مؤثرة ,,تسمع صوت لي غيهز كيان انيس للمرة الثانية و غيسكت ليه القلب كان صوت حنين وعدب صوت كيتردد في قلبو قبل من مساميعو صوت دق قلبو ليه للوهلة الاولى صوت توحشو لمدة خمس سنوات تقريبا وقف وهو مصدوم كيشوف قدامو مامتيقش اش كيسمع شد جاد من يدو و تم غادي للمصدر الصوت غير ابه واش الحنة ولا كينين غي العيالات متبع قلبه وبس ,,قلبه كيخبري بلي هاد الصوت ديال حبيبتك لي مدة خمس سنين ونت موحشو ودابا كتغني دار جهة ديال دار كانت سندس عاطياه بالظهر وكتغني شعرها الدهبي فات المؤخرة و ظهرها بيض وعاري مشكل مع الكسوة الكحلة متناقضان جميلان الوشمة على كتافها الليسري فهمها بحكم هو كان كيتدرب على فنون القتال مامصدقش اش كيشوف واش هادي حبيبتو لي خلاتو ودابا راجعات مابغاش يخسر اللحظة مابغاش يحرم نفسو من سماع الاغنية لي كتغينها بكل حب غمض عينيه و انفاسو كتصارع بدا كيروي شوقو من خلال سماع صوتها ***

كل يوم بينك و بيني مش هيبقى يوم وعدي بكره بيجي وتلاقيني نفس احساس النهارده 

من هنا ورايح سنيني ناوية اعشهالك بحالها وانا اصعب سنيني في يوم تتعاش 

عايشة حالة حب معاك واخداني ومن الصعب تتكرر ثاني وبعيشها لو انت بعيد او قدامي 

واخيرا الايام رضيو علي واخيرا جيه يا حبيبي اليوم لي ارتاح من قسوة ايامي **

حسات بقلبها كيضرب وهي كتغني هاد جوج مقاطع واحد الريحة غيرات اجواء الصالون وعطراتها ريحة لي ساكنة قلبها و خيالها دورات وجهها وهي مغمضة عينيها لمصدر العطر و قلبها كيزدح سالات الغنية ونزلات لميكرو و بدات كتحل عينيها بشوية

حلات عينيها ببطئ و صدرها كيتهز و كيتحط صوت انفاسها كيتسمعو في الميكرو كان انيس شاد في يد جاد و كيشوف فيها بكل حب و عشق و شوق و عتاب كلشي تجمع فيه ديك اللحظة كيطلعها من لتحت و لفوق كيشوف شنو لي غير فيها هاد السنين شنو لي تبدل فيها لقا كلشي تبدل حتى من نظراتها تغيرو هادي سندس اخرى وجهها مضيء بحال الشمس و عينيها نصاحو والبراءة فيهوم خلاو قلبو يزيد يدق ليها كثر و كثر جسدها متناسق مع الكسوة جات باش تسرق الاضواء مرة اخرى جات باش تسرق قلبه للمرة الالف ,,مامتيقش بلي هادي لي واقفة هي لي خلاتو حمق ليل ونهار كيهتهت بسميتها ماكينعس حتى كيشوف تصاورهوم وكيراجع دكراياتهوم ,,ليل ونهار كيعيشهوم غي في الماضي ديالهوم,,ماحيدوش عينيهوم من بعضياتهوم كانت كتشوف فيه بحب و عشق و وله و شوق قاع احاسيس لي كانت دافنة هادي ربع سنين بانو ,,ماتغير فيه والو من غيير تزاد وسامة و نظراتو ولات حادة كثر ,,دقات قلبها كيتسابقو شكون فيهوم اتدق كثر شكون ايتسمع صووتها للعيان ,,,ربع سنين من الحرمان ,,كل نهار كل دقيقة كل ثانية صورتو ماحيداتش من خيالها ,,كتفكرو في ابسط الامور ,,في اكلها من كان كيوكلها ,,في نعاسها من كيحضنها في ضحكها في جاد من كيغير عليها ,,كلشي كيفكرها فيه ,,كلشي كيناادي باسمه ,,حبو ساكنها بغات تحيدو كان كبر وكبر منها دموعها على طرف عينها حجبو عليها النظر مثلها هو دموعو كانو كاسين عينيه ,,شنو غيقولو من بعد هاد الفراق ,,شنو ايديرو ,,كيفاش غيتصرفو ,؟كان هدا هو السؤال لي كيدور في بالهوم بجوج ,,كيشوفو في بعضياتهوم غير ابيهين الحفل لي توقف ولا الناس لي كيشوفو فيهوم ماكيسمعوش صوت الشهقات و البكاء ديال احبة ,,كانو في عالمهم الخاص بوحدهوم ,,كيشوفو غي بعضياتهوم بحال يلا كينين في غرفة مظلمة وفيها غي بزوج ,,فيقهوم من سباتهم غي يد جاد لي تسلات من يد انيس ومشا عند سندس كيحرك فيها نزلات عينيها فيه و هوما دامعين صوتها كان ضعيف كيبين على مدى ضعفها ديك اللحظة;نعام احبيبي

جاد;واش قلقك شي حد ؟يلا مابغيتيش نبقاو نمشيو 

نزلات عندو باستو مسحات دموعها في حضنو مبغاتش تبينهم ليه حيت اكيد ايتقلق وقفات ثاني وشدات فيه كتشوف في انيس رمات خطوة القدام في اتجاهه وهو ساكن باقي مامستوعبش شنو سرا في لحظة بان ولدو وبانت محبوبتو كيتحاور مع نفسو واش بصح هادشي ولا كيتخايل كيف ديما ماكرهش يقول ليهوم قرصوني ولا ضربوني نفيق من القلبة اكيد هادا حلم ,,حلم لي راودني كل ليلة ,,كل ليلة كنحلم كيفاش ايكون لقائنا عمرني تخايلتو ايكون بهاد الطريقة,,وقفات حداه و كتشوف في عينيه لي كانت باينة فيهوم الصدمة ,,وهو كيشوف عينيها لي توحش نظراتهوم كل وحدة في لون الليسرية بالاخضر و الليمنية بالازرق وهاد المرة فاتحين عكس كيف كانو كانت شوفتها مغايرة نظراتها غير تبدلات ,,كيشوف في يديها اللليمينة كتهز ببطئ و كترعد مامتيقش ايكون ليقائهوم جاف لهاد الدرجة باغي يحضنها باغي يعسرها في حضنو و يسبها ويعايرها يغوت عليها يضربها قاااع المهم يحيد منها وحشو كيشوف في راحة يديها لي كانت في اللون الوردي فاتح و كفها لي كان بيض مافيهش الضرابي كيف كان كيشوف في يديها و كيشوف فيها ,,بحال يلا كيقول ليها واش من نيتك؟من نيتك باغا تصافحيني ؟من نيتك مادا لي يديك ؟ماشعرش حتى هز يديه الليمنية كيترعدو حاس بيها تقيلة عليه ودخلها بشوية وسط كفها حس بتبوريشة من صبعو الصغير لراسو ,,قلبو خرج من بلاصتو ,,غمض عينيه و تنهد تنهيدة سخونة ,,كانت يديها باردة ورطبة بزاااااف عكس كيف كانت ,,بقا كيفكر واش لمستها كانت هكا حنينة ولا تزادت ,,ماكانوش يديها فهاد النعومة هكا وهاد الحنان ولا غي الشوق لي خلاه يتخايل ,,بدورها خلات يديها وسط يديه وصبيعاتها كيلعبي في كفه قلبها كيضرب بغات تعنقو ,,تبكي في حضنوو تقول ليه شحال توحشتك ,بغات تخرج قاع داكشي لي فيها في لحظة تفكرات انه طلقها,,تفكرات ان حضنه دابا محرم عليها ,,كانت يديه سخونة بزاااف و عرقانة ,,يديه زادو حراشو و عروقهوم زادو تنفخو سلات يديها ببطئ شي لي خلاه يفيق من سهوتو ويشوف فيها;لاباس؟

يتبع