تقدمات نحو بخطى ثقيلة وهو متزحزحش من بلاصتو بقا ساكن قربات حداه كتبكي;با(صلاي جمعها معاها بصلية كلشي تصعق و تصدم انيس عروقو خرجو ما نزلو لتحت شوفو واحد جاد ولا حمممر و عينيه خارجيين شدات حنكها بصدمة و عينيها دامعين وكتبكي)بابا ؟
شدها من دراعها و كينخض فيها و كيغوت;كيفاااش بابا؟فييين كنتي هادي ربع سنييين ؟ها؟ربع سنييين وحناااا في العداااب عمرك قديتي تهزي حتى تيليفووون ولا تسولي واش حيين ولا ميتين ربع سنيييين اسندس
كتبكي;اهئ اهئ ماقديتش ابابا سمح لي كنت مجبوورة ندير هاكا اهئ
شدها من دراعها و زير عليها كان غيدور فيها ولكن شوقو ليها كان كبر غمض عينيه وخشاها في حضنو;سمح لي ابابا اهئ مكنتش قاصدة كان خاصني نبقا بوحدي اهئ انا كنت مريضة اهئ وخاصني نتعالج كان علي نبعد عليكوم اهئ اانا
قاطعها مصطفى;شش صافي شش لهم دابا نتي معانا مابقا كيهم والو دابا شششث (شاف جهة ديال جاد لي ولا حمر )حبيب جدو؟
بعدات سندس عليه و كتمسح دموعها;جاد اجي عند جدو سلم عليه
جاد بالغوات باليابانية;لااااا هو ضربككك معندووش الحق يضربكككك
انيس فهمو ونزل فيه عينيه وهضر معاه باليابانية;ولكن هداك راه بابات ماماك اولدي خاصك تحتارمو
جاد حرك راسو بلا;انا مغندويش معاه ,,مايضربش لي ماما وميغوتش عليها
كلشي مافاهم والو سندس مسحات دموعها وهزات طرف من الكسوة و تقدمات جيهتو نزلات عندو وشدات وجههو بكل حب;حبيبي واش كتبغيني؟
بتاسمات;شفتي ماماك غلطات ,,واخا جدو يضربني نت ماخاصكش تقلق منه حيت هو كيبغيني كيف انا كنبغيك فهمتي دابا ؟ياك ماكتبغيش تقلقني
جاد حرك راسو بلا
سندس باستو في راسو ;ايوا جي معايا نسلمو على جدو يلا مابغيتينيش نتقلق
جاد تنهد و شد ليها في يديها ومشا جهتو وبقا واقف سي مصطفى تحنى عندو و عينيه مدمعين;الحمد لله الحمد لله الله حقق لي امنيتي كنت خايف نموت ومنشوفكومش مزاال (عنقو)الحمد لله حبيب جدو جاد اححح على ريحة
حسن تقدم نحيتو و برك حتى هو كيبكي ;جاد ؟
بعد من سي مصطفى وشاف في سندس ;هداك جدك بابات باباك
جاد بتاسم;كيشبه لبابا ياااااك
انيس مسح دموعو و كيبتاسم;اه احبيبي كيشبه لباباك
سندس شافت فيه ونزلات عينيها في جاد واش مغتبوسش جدوو؟
جاد حرك راسو باه ومشا عندو حسن حل دراعو و خشاه;اياي ياي شحال متشوق نشوفك اهئ اهئ كبرتي اولدي كبرتي ووليتي راجل اهئ اهئ حبيب جدووو
محاسن كتبكي ;حيد خليني نعنق حفيدي اهئ اهئ
جاد بعد من سي مصطفى وشاف في سندس بتاسمات ليه;هادي جداتك بابات باباك
جاد;ياي جداتي زوينة
سندس ضحكات ;هههه
محاسن شافت في سندس;شنو قال ؟
سندس;قال جداتي زوينة ههه
محاسن نزلات عندو و عنقاتو;نت لي زوين اوليدي نت لي زوين ,,,سمح لي اوليدي ارا نشوف هاد العوينات
نزل النظاظر حيت هو كيفم العربية
امير كيشوف في صدمة;كيشبه ليعينك ليمنية
سندس بابتسامة ;اه هههه
كوثر ;اهئ اهئ زوين تبارك الله
سليم كيضحك;شفت كلشي تعانق و تباكا الا انا (شاف في جاد وتكلم بايابانية;واش مغتبوسش عمو سليم ؟
جاد قحك في راسو;غا بشوية راكوم تلفتوني دابا انا شحال من واحد عمي وشحال من واحد خالي راكم بزااااف
الكل بدا كيضحك;هههههه
بركو كاملين في الصالة سليم معنق وهيبة و امير شاد ريان ولدو حداه كوثر ,عبير حدا راجلها ,,محاسن حدا حسن ,,سندس حدا مصطفى مقابلة مع انيس لي خاشي فيه جاد كيلعب بتيلي ماسوقش ليهوم
سليم;دابا خصر لينا نهار هكاك كانت حبيبي فرحانة بكيتوها
امير;باز اخويا باززز
سليم;واراه ربع سنين وانا نتسنى,,,نهار لي صافي عفا علي الله هنتوما تشوفو ,,واش انا ماشي مسخوط الواليدين هادويو
جاد فرحان;هههه ياي(خدا من عندها تيلي)نعام يمعلمي ,,شوية ولكن انا بغيت نبقى في الصين,,,ماتخافش انا راجل ,,واخا هاكا ماما (مد ليها تيلي)
سندس;نعم امعلمي,,,لا مكين حتى مشكيل,,,هادشي كامل بفضلك,,انا مدرت والو غي الواجب ديالي ,,نت راه حيدتي علي حمل بزااف ,,اكيد انجي نزوركم ههه واخا تهلى في صحتك ,,اكيد مع السلامة (قطعات عليه)
جاد حرك راسو باه طلق من سندس ومشا كيجري للداخل سندس وقفات مسمرة كتشوف فيه كيقرب ليها ;خاصنا نهضرو
بلعات ريقها;فاااش انهضرو؟
قرب حداها;في كلشي,,,فهاد المدة لي مشيتي فيها,,,في غيبتك,,في كيفاش مشيتي و خليتيني,,,في عمرك سولتي في,,,فحارماني منك ومن ولدي,,,خاصنا نهضروو في كلشيي ,
حنات راسها مابغاتش تشوف فيه ماباغاش تضعاف قدامو زيرات على يديها;انا عارفة كنت انانية معاااك ,,مشيت وديت جاد معايا بلا منقول ليك والو ,,كيف ماكان الحال كتبقى الاب ديالو (تنهدات )ولكن انا في ديك الحالة عدرني ,,كان علي ضروري نمشي ,,يلا بقيت كون جاد يمكن مايتزادش ,,(طاحت دمعة من عينيها)نت كان عندك الحق من قلتي لي ,,منستاهلش نكون ام,كيفاش قديت نخاطر بحياة ولدي مامرة ماجوج ,,,واخا انا مشي بيدي ,,مكنتش نقد نتحكم في راسي ,,ولكن كان علي نحاول ,,منخليش الامور تعقد كثر ,,هادشي علاش ختاريت نبعد ,,(شهقات )هاء؟نتعالج ,,,باش نستاحق منه كلمة ماما ,,نستاحق ,,يقولها لي ,,
انيس هز ليها وجهها بكل حب;تبدلتي
حنات راسها ثاني;كان علي ضروري نتبدل ,,يلا ماكانش على قبالي,,,فعلىىى قبال جاد ,,خاصني نكون ام مثالية ليه,,ماشي ديك سندس لي كانت
انيس حط يديه على حناكها و كيشوف فيها بكل حب كيمسح ليها دموعها;وانا؟
هزات عينيها فيه مغرغرين و بعدات عليه عطاتو بالظهر ;كل كلمة قلتيها ديك النهار كانت صحيحة ,,انا دخلت لحياتك رونتها,,جبت ليك غي المشاكل ,,و الصداع ,,عمرك شفتي معايا النهار الزوين ,,غي تابعني من سبيطار لسبيطار و الكوميساريات
مشا عندها كيجري دورها عندو;سندس انا
قاطعاتو;انا مامقلقاش منك بالعكس نت فتحتي لي عيني على بزاااف ديال الامور كنت غافلة عليهوم ,,منهم مكنت معتارفة بلي انا مريضة ,,مزيان من قلتي ديك الهضرة ,,(تنهدات و بتاسمات بحزن)كان قرارك ديال الطلاق في محله ,,تاحد مايقد يصبر على وحدة فحالي مريضة ,,انا مخديتش موقف خايب منك بالعكس,,(هزات عينيها فيه كانو عينيه مغرغرين)نت مليون وحدة حسن مني تستاهلك ,,,(نزلات عينيها)دابا كلشي سالا ,,(بعدات عليه)انا هنا على قبال جاد باش يتعرف على عائلتو وباباه,,,مابغيتش نزيد نبعدكوم على بعضياتكوم كثر,,وقتما بغيتي تشوفو ,,شوفو ,,بغيتي حتى تديه معاك يبات هانيا ,,مشاكيلنا نخليوها بعيدة عليه
انيس قرب عندها;ولكن حنا راه مطل
,,,,;سندس
دورات وجهها كانت محاسين;سمحولي ,,يلا قاطعتكوم
سندس مسحات دموعها ;لا ماكين حتى مشكيل مدام محاسن,,اصلا انا و انيس سالينا كلامنا
انيس;انا باقي ماساليتش هضرتي
سندس;انيس بلللز مابقا مايتقال مزااال ,,نهضرو من بعد اووك (شافت في محاسين)بغيتيني فشي حاجة
محاسين قربات منها;اااه (شافت في انيس لي ساخط و شافت فيها)انا جيت نعتادر منك على داك النهار ,,,مكنتش عارفة اش كنقول ,,وتسرعت في هضرتي كان علي نفهم هو اللول عاد ندوي ,,,جرحتك بهضرتي بزاااف (بدات كتبكي)اهئ اهيء اهئ سمحيلي
سندس شافت في انيس و عاود شافت فيها قربات ليها هزات ليها وجهها و بدات كتمسح دموعها;ششث ماعندكش علاش تطلبي مني السماحة ,,نتي ام وضروري اتخاف على ولدها,,اي وحدة في بلاصتك شافت هكاك اتدوي بديك الطريقة وكثر
محاسن;اهئ اهئ انا
قاطعاتها سندس;اش قلت ؟انا مامقلقاش منك ,,في اللول اه منكدبش ولكن من ولدت جاد ,,عاد عرفت بمعنى الامومة,,,كون حتى انا دار لي جاد هكاك اندير فحالك (حركات راسها بنفي مع ابتسامة)ماتبكيش على شي حاجة تافهة لي خاصها تطلب السماحه من الخرا هي انا ,,ماشي نتي
محاسن ;اهئ اهئ بسبابي تفارقتو و تباعدتو اهئ اهئ انا حرمتكم من بعضياتكوم اهئ
سندس بابتسامة حزينة شافت في انيس ;اصلا كنا بيك ولا بلا بيك انتفارقو ,,نتي كانتي ديك النقطة لي فاضت من الكاس(دارت عندها)ماشي نتي السباب ,,وزيدون هاد الموضوع تسد شحال هادي ,,مابقيتش باغا نجدبو مزال,
سندس شافت فيه ببرود;كدبت؟لي كيجمعنا دابا هو جاد ,,صافي ,,(تنهدات)مافي لي دوي دابا براكة غي يومين ديال الطريق و طناش للساعه في الطيارة و الصداع كبيلة حاسة براسي اينفاجر ,,,باغا غي نعس
محاسن;اه ابنتي اكيد اتكوني عيانة سيري رتاحي حتى لمنبعد وهضرو باقا ليام طويلة
محاسن;سمعني ,,البنت يله وصلات عيانة ,,,و غد العرس ديال خوك ,,خلي غي حتى يفوت العرس و شرح ليها ديك الساعة ,,ماشي غي جات تشقمها ,,خلي ليها شوية ديال الوقت الله يرضي على ولدي ,,راها باقا كتبغيك ,,باينة غا في عينيها ,,كيفاش كانت تشوفك ,,صبر ,,راك خمس سنين و نت صابر مافيها باس يلا زدتي نهار ولا يومين
انيس تنهد;عندك الحق ,,,حتى لمورا عرس سليم و ديك الساعة غتكون هضرة خرا انا داخل
دخل لقاها باركة حدا امير و جاد بيناتهوم
سندس وقفات وشافت في جاد;يله ابب نمشيو
امير;علاش واش مغتباتيش هنا ؟
سندس;نوو انمشي دار باغا عيت وعاد هدا ليوم بقا سهران كينعس بكري
عبير;حتى انا انمشي معاك
كمال ;غتبركي الارض لا كرشك سابقاك ونتي باغا تدوري
سندس;هه قاليك الصح من جيت وانا كنشوفك غاكترطاي فهاد الوقت خاصك تعطي لراسك الراحة ,,
انيس ناض ;يله نوصلك
سندس;ماكين لاش انشد طاكسي
جاد;لا مانمشيوش في طاكسي خلي بابا يوصلنا
انيس خنزر فيها;انا انسبقك
سندس;يله باي
كوثر:غدا جي بكري باش نمشيو الصالون
سندس;على حساب لا تعطلت نتلاقاو تم عندي شي شغال في الصباح (هزات ساكها و تبعات انيس)
جاد;ماما واش مغترجعيش نتي وبابا؟
حنات راسها فيه;اش هاد السؤال ؟علاقتي مع باباك نت بقا بعيد عليها
جاد;ولكن انا بغيت
خنزرات فيه;جااااد
جاد ;هاهو ساكت اوووف
انيس;مالك غوتي على الولد ؟
سندس;والو تدخل فشي حاجة بعيدة عليه وصافي (حلات لباب لوراني ركب جاد مغوبش تنهدات يله اتركب حداه وهو يحل انيس الباب القدامي شافت حتى عيات و ركبات القدام )
انيس;واخا ندي جاد معايا يبات
سندس (تنهدات)اووك واخا ماموالفاهش يبات بعيد علي ولكن من حقك
جاد ;ولكن ابابا انا وماما خاصنا نمشيو عند يان لين في الصباح
انيس خنزر ;شكووون هد يان لين
جاد;المدرب لي درب ماما خاصنا نمشيو عندو
انيس تنهد;اووك نجيبك في الصباح و سيرو ديك الساعة
شاف في سندس مدورة وجهها لجهة ديال الشرجم حالاه ومغمضة عينيها دايرة يديها على حناكها و سارحة شعرها طوال وكيرجع لور شاف جهة ديال الوشمة ;علاش وشمتي ؟
سندس شافت فيه;بقات سيكاطريس في و درتها
انيس;كان بامكانك ديري تجميل
سندس;انا مابغيتش نساها ,,كل ما كنشوفها ,,كنتفكر الماضي ,,قول فكرى وصافي
انيس تنهد;كيف دوزتي هاد خمس سنين
شافت فيه;كانت صعيبة في الاول (تلفتات عند جاد وبتاسمات)ولكن من ولدتو هه كان هو لي معمر علي
انيس طل من المرايا على جاد ;معلق بيك بزاااف قبيلة شفتو من ضربك بابا شنو دار
سندس;اه حيت هو حضر لي بعد المرات في فترات العلاج ,,كنت كناخد شي عشوب كنغيب على الوعي ,,وكيبقا المعلم كيسول ولا معرت ,,حتى كنلقى راسي كنريب ولا كنضرب ,,واحد النهار كان جاد تبعني و دخل البيت شافني فديك الحالة ,,مكنتش باغاه يعرفني مريضة حاولت نسيطر على نفسي حيت كان كيقرب لي وكيبكي مابغيتش نأديه كنقوليه بعد وهو كيقرب ,,كنت شوية (تنهدات)ولكن الحمد لله تحكمت في نفسي بسبابو تعالجت ,,ومن عاودت ليه,,ماكيحملش لي يقلقني ولا يعصبني ههه
انيس;علاش مقلتيش لي هادشي؟كان بامكاني ن
قاطعاتو;داكشي كان كيخصني انا,,كسندس ,,من كنت باقا مزوجة بييك,,كنت كنسيطر على راسي بزز ,,ولكن داكشي الداخل كلما حبستو كيتزاد يكبر ,,هي من كنتقلق كيخرج ماكنعرفش شنو كندير,,,عرفت العلاج ديالي ماشي نت ولا غيرك,,,علاجي هو نكتاشف نفسي ,,بنفسي ,,يعني انا وراسي خاصنا نتحاربو كان واحد فينا ايربح ,,خديت ريسك فهاد التسافيرة ,,,ممكن نتعالج ممكن لا ,,ولكن الحمد لله كلشي داز مزيان
انيس وقف لوطو حدا دار سندس;ولكن على
قاطعاتو;البكا ورا الميت خسارة اانيس دابا لي كيهمني هو ولدي صافي ,,نتمنى تفهمها (حلات لوطو ونزلات)شكرا
جاد نزل من لوطو;علاش ماتمشيش تباتي معانا اتبقاي بوحدك ,
سندس حركات راسها باه ;هههه انمشي حتى انا مكنقدش نعس بلا بيك
تلاح عليها باسها في حنكها;ههه كنبغيك
سندس ;ههههه اوسي يله رجع بلاصتك
جاد;اوك (ركب و سد الباب )
سندس مشات جهة ديال انيس;يلا مكانش هادشي يبرزطك اكيد واخا نمشي معاكم ,,حيت هو ماكينعسش يلا مكنتش حداه
انيس بشوية ;كون شفتي انا ؟
سندس;شنو قلتي؟
انيس;لا ماكين حتى مشكيل يله مشينا؟
سندس ;اوك
**وصلو الفيلا وانيس ماقاداه فرحة ,,قلبو كيفرفر ,,الطريق كاملة وهو مقابلها ,,نزلات من لوطو وهو يضرب فيها البرد ديال الجردة حلات عينيها وبقات كتدورهم في ارجائها تدكرات نهار كانو باركين في الجردة و منزل مانطة مخشيين فيها بزوج معنقها و كيضحكو ,,تدكرات نهار تلاحت في بيسين كتعوم بدو بياس وهو كان خارج اشافها و هو يحيد حوايجو في الجردة وتلاح تبعها و هي كتضحك عليه قالت ليه ياك كنتي غادي خارج خشاها في القنت ديال بيسين و باسها في عنقها ,,لي شافك راه يتلف على القبلة خلينا من شي خروج دابا و قلبوها بوسان ,,
سندس شافت فيه وضحكات;ههههه اه ماكنعرفش للطبخ المغربي بزااف ولكن الصيني كنعرف ليه هه
انيس;اوك ندخلو؟
سندس تنهدات وحركات راسها باه زيرات على يد جاد ودخلو كانت الفيلا هي هي ماتغير فيها والو ,,كل حاجة باقا في مكانها ,,نفس الديكورات نفس الاثاث نفس اللون ,,غا هي كانت باردة و فيها السكات ,,غير من كانو بزوج ,,كانت ديما عامرة و الصخب و صوت ضحكاتهوم و لا نكيرهوم ,,هاد المرة كان كيعمها السكون ,,بحال يلا كانت خالية ,,,طلعو مع الدروج و الدكرايات معاها ملاحقينها ,,,حتى الاخر مرة نزلات منهوم وشافت ياسمين كتبوس في انيس ,,
كسر تفكيرها انيس لي دوا مع جاد;تبغي تشوف بيتك ؟
جاد بفرحة;اه هههه
انيس مد ليه يديه ;اجي نوريه ليك
طلق من يد سندس وشد في انيس و تمو غادين و سندس وراهوم وصلات حدا الغرفة ديالهوم ووقفات لوهلة كتشوف لوهله كان لباب مردود ,,تدكرات قاع لياليهوم الحمراء وقاع اهاتهوم لي كانو في هاد الغرفة ,,مدات يديها بشوية لجهة ديال بواني وهي تكمشها و رجعاتها تنهدات وتلفات القدام وتمات غادة في الكولوار لقات باب ملون بالازرق عرافتو ديال جاد حلاتو ,,كان كله بالازرق وبالابيض و صور اجاد من الزيادة ديالو حتى الاخر صورة مزوقين الحائط ,,نامسية عريضة بالزرق فيها سوبر مان و جميع الالعاب ,,حتى من بيكالا فيها ,,و بليستيشن ,,و مكتب صغير بالازرق ,,جليسة بالمخاد داير حداهوم تران ,بحال يلا داخلة المعرض ديال الالعاب ,,شافت جهة ديال انيس لي شاد في جاد لي فرحان و كيضحك ,,نزلات دمعة من عينيها مسحاتها ,,دار انيس شاف فيها مبتاسم ;هه عجبو البيت
شافها جدا طلق من انيس وجا عندها;ماما شفتي البيت ديالي زوين هه بابا صايب لي بيتي زوييين
سندس نزلات عندو;عجبك؟
حرك ليها راسو باه ;ههه بزااااف
سندس;مغتقولش لبابا شكرا؟
جاد حرك راسو باه و مشا عند انيس ;نزل نقول ليك
انيس تحنى عندو وهو يبوسو من خدو;شكرا
ضحك حتى بانو ليه ضراس العقل شدو وهو يعنقو ورجع ليه البوسة;ههه انا لي كنشكرك هههه
سندس شافت في جاد;واش ماغاديش تدوش باش تعاويني نصايبو العشاء
جاد;اه اه
انيس;انا ندوش ليك؟
جاد حرك راسو بلا;انا كبير كندوش راسي
انيس;مم ايوا اجي البطل نخدم ليك الرشاشة
سندس حلات ساك وجبدات شمابو ديال جاد;هاك شامبو ديالو حيت عندو حساسية من شامبو لي فيه الصوديوم
انيس ;حتى انا كانت في من كنت صغير ,,غي يكبر تحيد منه اري لي (مد يديه )
عطاتو ليه سندس و دخل هو وجاد الحمام
بقات واقفة لمدة بركات في طرف النامسية ,,كتدكر من جاد كيقول ليها لا بغيت نبق معاك تدكرات النظرة ديال انيس كيف كانت حزينة ,,و دابا كيحاول ما امكن باش يولف عليه ,,ماعرفش بلي جاد صعيب يتطلق لشي حد ,,واخا شافتو كيهضر مع انيس وكيتحاور معاه اكيد حيت باباه ولكن باقي متطلق ليه ,,,حلات الساك وجبدات حويج جاد ديال النعاس عبارة عن كالسو بالزرق و شورت بالاسود و بيل ديالو ,,لونو المفضل بحال انيس ,,نزلات فوق النامسية ,,جبدات ليها هي دو بياس بالاسود و كولون و بيل نص كم مهلهل و اللوازم ديال الدوش ,,,كتسمع صوت ضحكاتهوم في الدوش ,,بتاسمات و ناضت خرجات نسات راسها وبقات غادة في اتجاه بيتهوم و رجعات دخلات الغرفة اخرى ودخلات للدوش ودخلات حويجها معاها دوشات بالخف و ريحات نفسها دارت كريم طبيعي مصنوع من تم بالخزامة و الياسمين ,كيوجدوه بيديهوم ,لبسات الدوبياس و الكولون و البيل المهلهل و جمعات شعرها شفنجة وخرجات طرفات الدوش و جمعات حويجها (ماكانتش مولفة ليها)و خرجات من الغرفة في اتجاه غرفة جاد ,,دخلات لقات جاد مبدل و حتى انيس لابس شورت و بيل سميطات ;ماما ماما بابا عندو عضلات بزااااف و كباااار
سندس;ههههه
جاد;ماما بغيت نكون صحيح بحال بابا و نغلب الاشرار بحالو
انيس ناض عندو ;باش عرفتيني كنغلب الاشرار
جاد دار عندو;ماما قالتها لي ,,,قالت لي بلي نت بطل كتغلب الاشرار وبغيت نكون فحالك ,,ماما اتدربني و غنولي صحيح وعندي عضلات فحالك شوف شوف شنو كندير (تفرش)شفتي ؟
انيس خرج عينيه بدهشة وهز راسو في سندس;تعلم يتفرش ؟
سندس ;راه فينما كنمشي للتداريب كنلقاه لبس شنغاي وتابعني كندور كنلقاه مخشي وسط المتدربين ,,كنعيا منجري عليه راسو قاصح قاليك باغي يولي صحيح
جاد;اه ابابا هوما ديما كيقولو لي بلي انا صغير ولكن انا انكبر وغنولي صحيح و غنمشي نغلبهوم
انيس;ههه
دخلو الكوزينة
دخلو الكوزينة حط جاد الارض ودار شاف في سندس لي ساهية ,,كانت كتفوح منها ريحة ديال الياسمين و الخزاما بقا كيطلع النفس شحال و كيخرجها شافت فيه;فين كين الروز ؟
انيس حل واحد البلاكار كان في تشوبينة مسدودة ;هاهو
سندس;كين دجاج و ليزيبينار ؟
انيس حل تلاجة جبدهوم ليها ;بغيتي شي حاجة اخرى
سندس;لا صافي انا انتكلف
انيس;اوك انا نصايب العصير
جاد شاف في سندس لقاها كتحل في بواطة ديال روز ومشا في اتجاه انيس كيتسلت جرو من شورط ديالو انيس ستغرب ونزل عندو ;بابا ماديرش فيه الحليب مكنحملوش
انيس ضحك حيت حتى سندس مكتحملش الحليب ,,نطقات سندس وهي كتدير الروز في الكاسرونة يغلى;سمعتك اش قلتي ,,يلا ماشربتيهش نسا التداريب
انيس ;ماماك عندها الحق يلا بغيتي تولي صحيح وتربي العضلات خاصك تشرب الحليب
جاد ربع يديه;واااع كيجيني خانز
انيس ;ههه (هزو و حطو فوق البوطاجي)اجي اجي ههه
حطات دارت سندس روز يغلى ودارت كسرونة اخرى فيها الماء دارت فيها الطوروفة ديال الدجاج يتسلقو دارت شوية ديال البزار و الملحة ,,مادارتش الزيت ,,شدات البصلة الطويلة بدات كتgرض فيها و تبكي
انيس كان طحن العصير كيف ما كتبغيه سندس بليمون و الفريز و دار واحد للجاد بالبنان و التفاح و الحليب ,,,و دار فيه حتى شكلاط باش يعجبو ,,تلفت لقاها كتمسح خننتها و دموعها ضحك ومشا حداها;اري نgرض ليك
سندس حركات راسها بلا وعينيها دايزين بالدموع ,,قرب حداها ;غي اري نغرض ليك و تكلفي نتي بحاجة اخرى(غمض عينيه وبدا كيشم ريحتها بلا ميعيق)
انيس كيمسح دموعو ;اه راهي (شافت فيه لقاتو حمر و عينيه دايزين )
سندس;ههههههههه شوف كيف وليتي ؟
انيس شاف فيها بنص عين ماقادش يحل عينيه;واراه حارة ههه حرقاتني ههه
جاد;انا مكتحرقنيش شفتي؟
انيس;نت راك صحيح اولدي ههه
هزات سندس قرعة ديال الصودا كمل تقطاع البصلة مدها ليها هزاتها ودارتها في المقلة مع شوية ديال زيت زيتون و الملحة و البزار كتقلي فيهوم هزات ليزيبيناغ كرداتهوم و لاحتهوم فيها كتشحر فيهوم ,خدات الروز دارتو في مقلة بوحدو دارت فيه شوية البزار و الملحة و خوات فيه صوص ديال صودا ولا كحل وواحد الريحة عاطية ريوكي دازو ههه انيس ربع يديه وبقا مقابلة ,,طفات على الدجاج و دارتو صفاتو ونزلاتو يله اتحط يديها;اوتش
جا كجري عندها انيس شد ليها صبعها;تحرقتي ؟
هزات عينيها فيه وحركات راسها بلا;غ غ غ
بقا كيشوف فيها كان باين عليها الثوثر من قربها ليه ووجها ولا حمر ,,ماكانتش هكا تبدلات بمرة ,ريحتها كلشي حتى من طباعها ,,
جاد;ماما واش كتضرك
انيس فاق من القلبة ,,نزلات يديها من وسط يديه;لا غي كان سخون شوية ماحرقنيش
انيس;قولي لي اش بغيتي ديري ليه؟
جاد;كتفرتو و تديرو فوق الروز
انيس;هه واخا شد الدجاج فرتو ولاحو ليها فوق المقلة لي فيها الروز تحت انظارها ,,طفات النار وجبدات تشوبينة ديال زاج كبيرة خوات فيها داكشي خلطاتو دارت معاه البلول ديال الدجاج لي بقا في الكاسرونة ,,انيس غمض عينيه;هادشي ريحتو زوينة
سندس خدات وراق موسى و الربيع و الزعتر حكاتهوم بيديها ولاحتهوم فوق الحساء انيس جبد الزلايف و المعالق و جبد العصير من الثلاجة وبداو كيحطو فوق الطبلة وجاد معاونهوم كانو كيبانو عائلة سعيدة ,,,بحال عمرهوم تفارقو ولا شي حاجة بركو كان جاد حدا سندس و انيس مقابل معاه ,,بدات سندس كتخوي سبقات جاد هو اللول عاد انيس وعاد هي انيس هز معلقة و داق بقا مغمض عينيه شحال عاد حلهوم فيها مع ابتسامة;بنييين
جاد كيلع برجلو;ماما كتطيب زوين
انيس شاف فيها بحب;في خبارك اول مرة اندوق طيابك
سندس رتابكات و نزلات راسها في الزلافة
جاد;انا بعدا ديما كتطيب لي
انيس;شفتي نت راك هو الملك ههه سعداتك
جاد;صافي انقول لماما تولي تطيب لينا بزووج
انيس شاف في سندس وتنهد;كول ابابا باش تنعس
جاد;انا بطل غنكمل ماكلاتي كاملة
سندس خربقات ليه شعرو;اه نت بطل ,,يله كمل ماكلاتك باش تنعس ونفيقو غدا بكري
جاد;اه باش نمشيو عند يان لين ياك؟
انيس وحلات ليه;كح كح
سندس ;دات ليه كاس ديال الماء ;هاك شرب
خدا من عندها الكاس وخنزر فيها شرب ودار عند جاد;احم شكون هاد يان لين ؟
سندس;المعلم ديالي ,,لي دربني من كنت صغيرة
عاد رجعات فيه الروح ;اه (وبدا كياكل )بنين بنين هادشي (وحابس الضحكة)
سندس حركات راسها وبدات كتاكل
سالاو العشاء لي كان مليئ بجو العائلي طاغية عليه هضرة ديال جاد لي ديما كيعلق على الكبيرة و الصغيرة ,,ناضت سندس تجمع الطبلة وناض انيس يعاونها حبساتو;غا سير نت طلع جاد ينعس ,,
فهمها بلي بغات تخليه هو ولدو ;اووك
جاد نقز;لا انا انتسناك حتى تجي ,,باش تغني لي
سندس;ولكن
قاطعها انيس ;غي سيري معاه انا انكتلف بهادشي
جاد;يله معايا حتى نت
انيس بتاسم وشاف في سندس بفرحة ;هه اها علاش لا
جاد;هزني بحال قبيلة فوق كتافك
انيس;هههه (هزو فوق كتافو)
جاد;ياي وليت طويل هههه
سندس;سبقوني انا ندي الماعن الكزينة ونتبعكم
انيس;اخلي داكشي ايجيو الخدامات غدا ويتكلفو
سندس حركات راسها بلا;غا سيرو سبقوني
جاد;ماتعطليش راه في النعاس
سندس;ههه لا انا جاية دابا
جاد;اووك
مشاو هوما سبقوها وهزات هي داكشي داتو الكوزينة و غسلات الماعن كتحاول تعطل باش تخلي جاد يولف على باباه وتخلي ليهوم الوقت بجوج ,,سلات وشلات يديها ,,مسحاتهوم ,,وطلعات ,,كتاخد النفس ديالها وكتحاول تقوي راسها وتبين بحال يلا ماواقع والو ,,حلات الغرفة لقات جاد مخشي في انيس و مغمض عينيه هضرات بشوية;نعس؟
انيس شاف فيها;عيا يتسنى فيك وهو يغفى
ناض جد كيحك عينيه ;لا منعستش انا كنت كنتسنى فيك
سندس;هههه
توجهات جهة لاخرى ديال النامسية و تكات حداه ,دار عندها و تخشى فيها ,,معنقها و خشي راسو في صدرها ,,هزات عينيها في انيس كان متكي مقابلهوم ,,عاود حدرات راسها في جاد بدات كتلمس ليه شعرو بحنان و كتغني ليه اغنيتو المفضلة بلغة اليبانية نحن ابطال نحن ابطال,,نهزم الاشرار ,,نتدرب بجد ,,و نضرب بقوة ,,نعم نحن الابطال ,,ندافع عن اراضينا ,ونحمي اهلنا ,,نجوب كل الاوطان ,,نحن ابطال (هه)
كتغني ليه و تلمس على شعرو بحنان وهو مخشي فيها بحال شي قرد حتى نعس وحل فمه هزات راسها لقات انيس داير يديه تحت راسو مقابلها;مولف ينعس على هاد الاغنية؟
طفاه وسد الباب خرج هي بقات ساهية كتشوف قدامها و جاد في حضنها ,,تفكرات من كانو في الكزينة ومعاونين و من كان كيشوف فيها في الميدة ,,تخربقات مابقاتش عارفة شنو دير ,,بغات تنود وهو يزير عليها جاد بيديه و زاد تخشا فيها رجعات راسها جهتو و حاوطاتو بجوج يدين ,,غمضات عينيها ونعسات
**اما انيس من خرج من الغرفة بقا واقف حداها شحال ماكرهش يرجع عندها ويضمها ليه ,,ريحتها بقا في نيفو لدابا ,,عينيها شعرها ,,من كانت كتضحك مع جاد ,,حط يديه في قلبه لقاه كيضزب بالزربة على غير المعتاد ,كان كيبغيها ودابا زاد حبو ليها بأضعاف ديال الاضعاف ولا غير منتهي ,,كان ديما كيحلم بهاد سندس لي قدامو ,,وهاهو دا شافها ولكن بعيدة عليه ,,ماقادش يوصل ليها,,مشا الغرفة ديالو برك فوق النامسية ,,,كيشوف في التصويرة لي معلق في الحيط ديالها,,كيقارن بين سندس القديمة وسندس الجديدة,,كلشي متغير فيها رغم انها نفس الشخص ,,نظراتها ,,طريقة كلامها مشيتها,,فورمتها لي زيانت ,,ريحتها ,,كلشي كلشي تغير ,,فيها ,,حتى من ابتسامتها ,,كان كيشوفها على شحال ودابا شافها كثر من مرة ,,قليل فين كانو كيبانو غمازاتها ,,وليوم شافهوم كثر من مرة ,,صدرو بدا كيتهز ويتحط و انفاسو كتسارع باغي يمشي لعندها ,,باغي يضمها,,يتحصس كل قنت فيها ,,يدوز فيها فمو و نيفو ,,كينوض ويبرك ,,بحال الحمق ماجاهش النعاس
,كيفاش ايجيه النعاس وهو بيناتهم غا حيط ,,خرج من الغرفة ومشا وقف حدا غرفة جاد,,,بقا واقف مدة متردد ولكن قلبه كان كيتوق لهاد شي حلها بشوية ,,لقاها ناعسة ضامة جاد في احضانها ,,كانو ملاميحها هاديين عكس شحال هادي كانت ديما هزا حاجب وحاطة اخر,,كان باين عليها الارتياح تقدم ناحيتها بشوية و عينيه كيفحصو جسدها ,,قرب حداها ونزل وجهه لعندها وكيدقق في وجها,,بيض مع وجنتين حمرين و فم حمر ,,زادت اغراء كثر ,,نزل بوجهه العنقها كيشم فيه ,ومغمض عينيه ,,كانت ريحة ديال الخزامة و الياسمين تريح القلب و باردة ,,بدا طالع بنيفو كيشم حتى وصل شعرها ,,ريحة ديال الفاني ,,هز خصلات منه زاد رطاب و طوال نزل حدا ودنيها نفسو كتضرب سخونة في شعرها ,حط صبيعاتو في وحناكها حس بتبوريشة عض على قنانفو بجهد كانو حنيكات ملسين ,,ورطبين بزااااف ,,زاد قرب ليها كثر وهي غاطة في النوم ,,,خرج لسانو كدوزو على شفايفها,,قلبه خرج ن بلاصتو ,,حط شفايفو فازكين علىى شفيفها بشوية بلا مايحركهم ,,حس براسو اول مرة ايلامس شفايفها ,,كانو عندهم طعم اخر بحال يلا اول مرة ايدوقهوم,,بدا كيحرك شفايفو بشوية عكس شفيفها,,,بكل حب و شوق ,,مغمض عينيه وسارح في علامو الخاص ,,مافاق غي بجاد تحرك و لاح رجليه على سندس بعد وهو كيلمس شفايفو وكيشوف فيهوم كيفاش ناعسين تنهد وهز راسو الفوق كيحاول يبرد ,,عاد نزل راسو ثاني شاف فيهوم قرب عندهوم وهز الغطا غطاهم باس راس جاد و قرب من سندس باس ليها راسها و بقا حاط شفايفو لمدة فوق راسها عاد بعد,,وزاد خرج وسد الباب ,,حلات سندس عينيها ,,,كانت فايقة حيت نعاسها خفيف حسات بقاع داكشي لي دار انيس ,,كانت كتحكم في راسها غا بزز ,,لمساتو دوبوها ,هزات يديها حطاتها على شفايفها وبدات كتلمس فيهوم ,,وتبتاسم ,,رجعات شعرها لور لاحتو ,,وشافت في جاد بابتسامة عنقاتو وتمخشات فيه ونعسات
اصبحنا و اصبح الملك لله
فاقت سندس على التنقاز فوق النامسية عرفات شكون بلا متحل عينيها;جاد
جاد كينقز;واانوضي نجريو راه طلع النهار هادي راه السبعة و خمسة الدقايق نوودي
سندس;عافاك اولدي غي نص ساعة و نوض
جاد كينقز;لاااا نوضي نوضي خاصك ديري الرياضة في الصباح باش تبقاي صحيحة و متمرضيش تاني
انيس دخل عليهوم لقاها كتهرو و كتضحك وهو كيتركل ليها وهي طالعة فوق منه بقا واقف حدا الباب ساهي فيها ,,كيفاش نايضة وراشقة ليها شعرها مليوح على وجهها بطريقة زوينة وضحكتها كتسمع منين ومنين ,,جاد شاف انيس ;ههههه بابا قوليها تطلقني ههههه عافاك هههه
سندس شافت انيس وهي تبعد عليه ناضت تقادات في البركة;احم صباح الخير
انيس شاف في سندس لقاها كترد شعرها لور عاود دار عند جاد;بغيتيني نمشي معاكوم؟
جاد حرك راسو باه;يلا مشيتي معانا ,,مغيبقاوش يشوفو الناس في ماما
انيس خرج عينيه;شكون كيشوف في ماماك ؟
جاد;كنكونو خارجين لي دازت من حداه كيبقا يشوف فيها البارح في المطار كلشي بقا حاضيها (تزير)وانا مكنحملش هكاك ,,حيت انا راجل ,,ماما ديالي بوحدي ,لي شافها نضربو
سندس;سير اجاد نزل انا تابعاك
جاد;اتمشي معانا ابابا؟
انيس حرك فكو يمين وشمال ودوز لسانو عللى قنانفو ;نمشي معاكوم علاش لا ؟يله معايا البيت نبدل بينما جات ماماك
جاد;اوك مشينا
انيس دور وجهو عند سندس شافيها وعاود دار عند جاد ضحك معاه و زاد
اما سندس بقات امبلقة عينيها هدا مالو ياك هوما تطلقو علاش كيتدخل فيها؟لوهلة فرحات ولكن سرعان ماتفكرات كلامو الجارح عضات على قنانفها و مشات لفاليز ديالها تجبد ماتلبس ,,جبدات كولون في الكحل فيه بانضة بالبيض و صدرية ديالو قصيرة بالكحل لبسات بيل اكس مهلهل قصير غري و سبرديلة غري جمعات شعرها كوب شوفال و نزلات لقات انيس لابس بيل سميطات ديال بولو جا لاصق عليه و شورت ديالو كحل حتى هو و سبرديلة ديال سبور طالعة بالبيض جا مقود احم هه ,,اما جاد كان لابس شورت كحل حتى هو و بيل سميطات كحل اديداس و سبرديلة سبور بيضة ,,,لبسو فحال فحال,,انيس طلعها ونزلها كلشي في بلاصتو كلشي مقاد ,;احم غادا هكا؟
سندس ;وكيف بغيتيني نمشي؟
انيس;لبسي غا تجاكيط بعدا
جاد شاف فيها;ماما علاش لابسة هكا شوفي كرشك كتبان هي وظرهك وحتى ديك الوشمة لبسي تجاكيط
سندس;جاد واش مابغيتيش تفطر باش نمشيو؟
انيس;راه كينين الخدامات قولي ليهوم اش يوجدو و هوما يوجدوه
جاد جا كجري شد في يد ماماه ومشاو الكزينة ,تحت نظرات ديال انيس لي مبتاسم برك في الفوتوي داير رجل على رجل و كيحك في لحيتو ,,عاجبو الحال و عاجبو تغيير سندس الجديد
سندس حلات تلاجة جبدات البيض;لا احبيبي انمشيو لدار جدو ,,ويلا معجباتكش ناخدو شي دار نسكنو فيها
جاد;ولكن اماما انا بغيت نبقى هنا ,,دار بابا زوينة وهو ظريف قالي ايولي يديني معاه المعسكر
سندس كتطرب البيض هزات فيه راسها;ولكن احبيبي انا منقدش نعيش هنا ,,وقتما توحشتي بابا عيط ليه يجي يشوفك
جاد;ولكن اماما
سندس قاطعاتو;جاد اش كنقول ليك ديما ,,الامور ديال الكبار متدخلش فيهوم,,داكشي كيبقا بيناتنا انا وباباك,,انا مامنعتكش عليه وقتما بغيتي تشوفو ,,نجيبك عندو ولا يجي هو يديك
جاد;انا عجبني البيت ديالي
سندس تنهدات;يلا كان على البيت نصايب ليك واحد كبر منه ,,دير فيه ما بغيتي ,,صايبو على دوقك كين شي حاجة خرا؟
جاد ;بغيت نزل (ربع يديه مخنزر)
سندس تنهدات ونزلاتو مشا كيجري خارج من الكزينة بقات واقفة لمدة ساهية عاد خوات شوية ديال الحليب في البيض و شوية ديال فرماج حمر حركاتو جبدات مطيشة غرداتها هي والخيار و دارت طوست يسخن جبداتو دات البيض هو اللول فوقو مطيشة والخيار دارت طبقة ديال فرماج حمر و سداتو صيبات سندويش اخر للانيس وليها حطاتهوم في طبسيل ,,حلات ثلاجة جبدات عصير ديال الليمون و قرعة ديال الزاج ديال الحليب ,,مشات للبريسا صايبات ليها قهوة كحلة قادات داكشي في بلاطو و خرجات هازاه تحت صدمة ديال الخدامة و الطباخ
الخدامة ا;شفتو لي شفت ,,؟خمس سنين وهي غابرة ودابا راجعة فحال يلا ماكين والو و بولدها
الخدامة ٢;واناري شحال زيانت ,,شفتوها كيف ولات اكيد دارت شي عملية ديال التجميل مافيهاش الشك ,,او السيدة عاد ماتقادات
الخدامة٣;مالها شارفة باش تدير تجميل؟السيدة اصلا كانت زوينة ,,,وزيدون راه يله اتكون عندها ديك خمسة وعشرين ستة وعشرين لاش غتدير تجميل
الخدامة جوج;لالا هادشي ماشي ديال الرياضة ,,اويلي وجهها ولا بيض و الشعر طوال ولافورمة ,,شفتي ولدها كيف داير بحال شي الماني هك كيدير بزين حتى العربية ماكيفهمهاش معرت باش كانت كتدوي معاه انا كنسمع غي خربش خربش خربش ماقفلت والو
***
عند سندس حطات داكشي فو الصالة منجي و ستفات الطباسل خوات للجاد كاس ديال الحليب و انيس كاس ديال ليمون وهو طاسا كانت فيها القهوة
جا انيس شاد جاد بركو فوق الطبلة وبداو كياكلو ;ممم هادشي زوين
سندس ببرود;هاد شي لي كيبغي جاد في الفطور
هز راسو فيها كان باين عليها مقلقة هزات طاس ديال القهوة و ناضت خرجات الجردة ,وبقات واقفة شادة الكاس في يديها وساهية في هضرة جاد ,,اكيد ولف باباه دابا كتخمم شي نهار يقول ليها بلي باغي يعيش مع باه ومابقاش باغيها ,,غي دابا وشنو قال ,هزات راسها للسماء كانت صافية كتنفس وكتحاول تبرد راسها ,,هي باقا في فترة نقاهة ,,ماخاسش يأثر فيها هادشي ,,هاد الوضع خاصها تولف عليه من بعد ,,كيف ايبغي يعيش معاها ايبغي يعيش حتى مع باه ,,حسات بشي حاجة شاداها من رجليها نزلات عينيها لقاتو جاد ;سير كمل فطورك
انيس عنقو;هههه البطل ديالي ماباغيش ماماه وباباه يتفارقو ههه ولدي انا كبير و كيفهم
جاد;اه انا كبير,,ياك قلتي لي اتديني المعسكر نشوفو ياك
انيس;اه انديك ههه نوريك باباك فين خدام
جاد;حتى ماما كانت خدامة معاك؟
انيس بانت ليه سندس داخلة;اه حتى ماما كانت دخدامة معايا ,,يله نوض البطل كمل كاسك باش نمشيو نجريو
جاد حرك راسو باه و ناض من فوقو برك في كرسي و كمل فطورو اما سندس حطات كاسها وطلعات الفوق البيت هزات تجاكيطة ديال كولون عبارة عن قبية سميطات بالكحل و نزلات ;مشينا
انيس طلعها من الفوق لتحت واخا لبسات القبية الا وقزيبتها بارزة و فخادها مقادين فرمتها معزولة تنهد وشاف في جاد;يله االبطل
ناد جاد مشا كيجري عند سندس شدها من يديها وتم جارها حتى لعند انيس شدو حتى هو ,,شافو في بعضياتهوم وسكتو تمو خارجين من الفيلا كيتمشاو في صمت غي عينيهوم لي كيتكلمو كل واحد فيهوم كيسرق الشوفة في لاخر ,,وصلو حدا لاكوط بحكم فيلا ديال انيس قريبة من لاكوط ,,عاد بداو كيجريو سندس في ليسر و انيس ليمن وجاد في الوسط ,,ماكينش لي ماداز مابقاش كيشوف في هاد الكوبل ,,اكيد بايننين مزوجين ,,البنات لي دازت ماكتحيدش عينيها من انيس والفورمة ديالو ,,و الدراري في سندس ضروري شي حد يتلفت ,,شي لي عصب انيس وهكاك تحكم في راسو مابغاش يأزم الامور كثر ماهي مأزمة ,,جراو واحد ساعة لاروب تقريبا ,,بشوية على حساب جاد وونزلو جهة ديال الرملة بدات سندس كتدير حركات كتجبد و جاد متبعها كيدير فحالها اما انيس واقف مخنزر كيشوف في بنادم حاضيها بقا ليه والو ويطير ديك اللحية من كثرة نتيف ,,جا من واراها وهو يوقف دار يديه في جيابو ومخنزر عاطي لمؤخرتها بالظهر ووجهو لدوك لي حاضينها تخلعو وناضو بعدو يكملو الحركات ديالهوم ,,بقا واقف وراها حتى سالات عاد تحركو تاني ولكن غي كيتمشاو جاد شاد فيهوم بجوج و كينقز فرحان اما انيس فعينيه مافارقوش وجه سندس لي ماكانش باين عليها مرتاحة رجعو الفيلا دخل جاد و انيس يدوشو وهي طلعات دوشات حتى هي
نزلات لابسة سروال ديال توب طاي هوت و عريض من تحت بالصفر جاها واعر و قاميجة ميني نازلة من كتاف بالكحل معقودة من جهة ديال البوط و سندالة كحلة شعرها جامعاه شفنجة ومخلية جوج زغيبات من جناب باقي فازك و دايرة نضاضر مارو كبار جات ويلي ويلي ويلي ههه
لقات انيس لابس سروال ديال سورفيط زرقة و بيل اكس بيض اما جاد كان لابس شورط دجين و قميجة نص كم و بالغين ,,
انيس كان كيلعب مع جاد غا هز راسو ماعرف باش تبلىى كتافها باينين و عنقها طويل بازر مع جمعات شعرها بان ,,السروال واخا عريض الا وبين فورمتها واعرة و خصوصا جهة ديال ليهونش تلف وحل فمه مسكين و ريحة ديال ديور عاطية سابقها هدا هو العداب الاليم ;جاد يله
طلعها انيس ونزلها;فين غادا هكا بالسلامة ؟
سندس حكات ودنيها;مم غادا للاكاديمي و من تم غادا المول ناخد شي قفطان و من تم غادة الصالون نلحق على الدريات
انيس;علاه لي غايمشي الاكاديمي كيمشي بهاد الحالة ؟لبسي سبوور
انيس حس بتبوريشة طلعات معاه من صباع رجليه وخصوصا من نفسها كانت كتضرب في عنقو نزل عينيه كان صدرها هكاك طالع باين تلف ماعرف مايدير من غير يحرك براسو اه ,,بتاسمات و بعدات عليه ;يله ابابا (شدات في جاد وعطاتو بالظهر ,,كانت تقريبا ظهرها كله باين و الوشمة هكاك بارزة على كتفها خرج عينيه من الصدمة وعاد عاق بالقالب تبعها وشدها من يديها;شوفي كيف خارجة ,,واش معندك لي يحكم عليك
تنهدات بنفاد صبر;انيس بللز غادي غي تعطلني لا كانت شي حاجة ,,خليها لمنبعد اووك؟
جاد كان داير ليزيات كيتمزااك مع راسو
انيس;سندوووووس ماتجعرينييييش في هاد الصباح خليني مكالمي
سندس ببرود;باااي
وزادت يله خطات جوج خطوات وهو يشدها من دراعها;اتطلعي تبدلي ديك القميجة ولا نقطعها ليك فوووق لحمك ختاري ,,,كنقسم ليك فمي بالله حتى نديرها
سندس نترات دراعها وتمات غادة حتى حسات بظهرها تجر وسمعات كغاااااط دار بصدمة لقات القاميجة كلها تشركات من الظهر ومع ماكانت لابسة السوتيام تعرات من القدام ;قلت ليك حايديها مابغيتيش ,,
سندس تمشات جهتو بغضب ;اش هاد القلا
قاطعها جاد;ماما ظهرك كله عريان ,,وحتى صدرك تقطعات ليك القميجة
غمضات عينيها بغضب و عضات قنانفها شافت فيه بحقد و اشارت ليه بصبعها ;عندك الزهر ,,كنحلف ليك حتى عندك الزهر ما ندمك على النهار لي تولدتي فيه
قرب ليها حدا ودنيها ;انا بغيتك تندميني ,,,(حط شفايفو على ودنيها و كيهمس)ندميني عافاااك ,,
بدا قلبها كيخبط و نفسها كتصاعد زيرات على يديها و هزات ركبتها وهي تعطيه لماعن عينيه خرجو ووجهو شد فيهوم ;اش درتي ؟ابنت اي
سندس ;قلتي لي ندميني
مشا كيجري للطواليط ,,جاد شاف فيها باستغراب ;مالو بابا ؟
خلاتو في الجردة و تمات داخلة و كتفرنس ضحكها من شدهوم و الجرية لي دار وهو مكوز دخلات البيت لاحت لي بقا في القميجة و حيدات السروال حلات الساك جبدات شورت ديال الدجين حد الركبة مقطع و بيل اكس بيض و سبرديلة بيضة يله تمات نازلة من الدروج حتى حسات راسها لسقات مع الحيط هزات راسها وهي تلقاه انيس كينهج ووجهو حمر كارز على معصمها;اش داكشي درتي؟ هاااا؟
سندس;نت لي جبدتي ,,وزيدون نت لي قلتي لي ندميني انا درت غي ليطلبتي
انيس زاد كرز عليها;باغا تقتليني ؟هااا؟
سندس;هانت عيش شنو سرا ليك ؟
انيس;سندس ماتختابريش صبرييي ,,مائة مرة كنقووولها ليييك راه غنفوت فيك شي دقة نخليك مكوانسية
سندس بابتسامة استهزاء;تخلعت احم لا عافاك ماتديرهاش
هز يديه بغا يضربها وهو يضربها في الحيط بجد حتى تشقق شوي وشاف فيها لقاها مغمضة عينيها عض على قنانفو وقرب ليها جهة ديال عنقها عضها بجهد حتى خلا سنانو مطراسين دفعاتو و شدات في عنقها ;مالك زمل عليك الضمييير؟
انيس كيتبنن في قنانفو ;حسبي هدا غا مجرد اندار ليك ,,المرة الجاية اتشوفي شي وجه عمرك شفتيه
سندس ;ماتخافش شفت قاع الوجوه ديالك ,,,كل واحد خيب من لاخر ,,كل واحد كيصدمك كثر,,(قربات ليه)كل واحد كيخلي اثر في قلبك كيجرح ,,,كل واحد كيسمم و يخليك تفقد رااسك ,,شحال باقي من وجه مابينتيش هاااا؟(كان كيشوف ليها في عنيها مصدوم شداتو من فكه و كتهضر بشوية)باقي باغي تزيد تصدمني فيك و تكرهني فيك ؟ممم (انيس تصمقل ولا كينهج بحال يلا بنجاتو ,,زادت قربات ليه)باقا شي حاجة باقي مضرتيهاش ولا ماقلتيهاش ؟ممم ,,,قووول حدني واقفة هنا ممم
انيس الصمت
شافت ليه في عينيه و ونزلاتهوم قربات ليه حتى صدرها تلاصق مع صدرو ولا كينهج حيدات يديها من فكه عوجات راسها شوية وعضاتو من عنقو بجججهد كثر من لي دار ليها هزات راسها فيه وكتمسح فمها كان ولد الحرام مغمض عينيه ومستمتع;هدا اخر اندار ليك ,,المرة الجاية مغنقولش ليك غنوريك شي وجه لي عمرك شفتيه ,,نووو انوريك شي حاجة عمرك شفتيههها ,,,غندمك بزااااااف ,,,ونت عارفني كيف دايرة مانحتاجش نهضر
حل عينيه فيها ببطئ ,,داير نصف ابتسامة;شنو غديري ,,غتعضيني بحال هادي؟مم ولا غتغتاصبيني مثلا؟ممم (كيهز حاجبو) دوي؟
سندس اشارت ليه بصبعها;بعد من طريقي ولا غندمك
انيس;ويلا مابغيتش شنوو اديري
سندس ;ويلا مابغيتيش (هزات رجليه و ضرباتو ثاني المعلم)غنحيدك بطريقتي اوك باي
انيس شدهم عواج;سنندس غندمك
سندس نازلة في الدروج;اووك ندمني نتلاقاو في العرس (شدات في جاد و زادت كتضحك حطات يديها على عنقها )ولد الكلبة ولا كيعض ههههه
جاد شاف فيها;مالكي اماما كتضحكي بوحدك؟
سندس;ههه والو ابب يله نمشيو تعطلنا
جاد ;وبابا؟
سندس,ههه مسكين عندو شي خدمة قاليك دابا يلحق علينا (تحت سنانها)يلا قد ههه
***
انيس بقا واقف في الدروج كيكمد فيهوم;بنت الحرام هادي هي المرة الثانية لي دارتها ,باغا تحرمني من ولادي بنت الكلبة ,,,باغا غا الزكير ,,انا نورييك احبيبتي يلا ما شديتك محنتك راه منتسماش انا انيس الادريسي ,,اتسناي علي ,,ليوم بي ولا بييك احححح انا نوريييك
***عند سندس حطها طاكسي قدام الاكاديمي بقات واقفة قدامو شحال تفكرات نهار لي جات ليه كانت باغا تهرب و شادة في كرشها كلها مضروبة بحال يلا دايز عليها تران ودابا جايا وحدة اخرى الحياة ديما هكا مرة تعطيك و مرة تاخد منك ,,خاصك غي تعرف تستاغل الفرص لي كيتقدمو ليك و تعرف كيفاش تخدمهم و الوقت وحتى المكان ,,هادشي لي دارت سندس ,من الفرصة دقات بابها ماتراجعاتش كانت عارفة خطورة الامر و ريسكات و مشات ,,وهاهي دابا قدام نفس الباب تاني بشخصية اخرى يمكن نقولو مرا اخرة ناضجة رغم صغر سنها ولكن الحياة علماتها بزااف الامور اهم منها ان الامومة نعمة ,,كتخلي الوحدة تبدل بلا هواها ويحن قلبها ,,كتفرح من تشوف ولادك فرحانين وتحزن لحزنهم ,,,,حسات بشي يد كتحرك فيها ;ماما مالكي
سندس;ههه والو يله ندخلو
جاد;هنا فين تعلمتي فنون القتال ؟
سندس داخلة ;اه احبيبي هنا في ماماك تعلمات
جاد كيدور في عينيه وكيشوف الناس كيتدربو والساحة كبيرة قد الخلا;واااااااو هادشي زوييين بزاااف
بتاسمات سندس و كملو طريقهوم جاد عينيه لمعو بالفرحة و البريق ضرب فيهوم ,,فينما داز كيلقا الناس كيتدربو وكل جناح مسمي على حساب الرياضة لي كيمارسو و للباس ديالو الخاص ,,بقا احال فمه بحال يلا داخل لديزني وصلو الغرفة كبيييرة دقات سندس ;دخل (كان الحوار باليابانية)
دخلات كان المدرب يان لين بارك في الارض وطالق البخور مربع رجليه و كيترخا داير اليوكا ,,تحنات سندس وجاد;السلام
حل عينيه;بركو
بركات سندس هي وجاد على ركابيهوم (هادو من تقاليد ديال الصينيين )ويديهوم فوق فخادهوم حانين راسهوم ;هدا هو جاد ؟
سندس حنات راسها;اه
يان لين ;عاود لي هوان لين عليك ,,رفعتي راسي في القرية ,,كلشي كيتكلم على المهارات ديالك و الشخصية ديالك ,,دابا تأكدت بلي تدريبي وتعليمي مامشاش هبائا منثورا
سندس;هادشي كله من فضلكم
يان لين;خديتي قرارك؟
سندس حنات راسها;اه
يان لين;شنو قررتي ؟
سندس;نت عارف بلي الفنون القتال كيجري لي في الدم مانقدش نستغنى عليه ,,من كنت في الصين عرفت بلو الفنون القتال هو هوايتي الحقيقية ,بحال الاكسيجين يلا مستنسقتوش نمووت,,,وهادشي لي خلاني ناخد هاد القرار ,,(سكتات)انا قابلة نتكلف بالاكاديمي و بالتدريب ,,(تنهدات)قابلة ناخد مكانك ونكمل على مسيرتك واخا مكين تاحد بحالك ,ولكن نشاء الله مانخيبكش
يان لين تقاد في البركة ;كنت عارف بلي اتاخدي القرار المناسب,دابا يلا مشيت غنكون مرتاح على الاكاديمي وعارفك قد المسؤءلية
سندس هزات راسها باستغراب;فين غتمشي؟
يان لين;باغي نمووت في الارض ديالي ,,مع اهلي ,,ويرميو الرماد ديالي في نهر الخلاص ,
سندس بعيون دامعة;ولكن,,
يان لين;قاطعها;ماكين ما ولكن ,,هدا قراري,,نتي عارفة هنا ماكينش مكان للضعفاء ,,مشاعرنا كنخليوهم براا
سندس مسحات دمعتها;;اه عارفة سمحلي
ناد ومشا لواحد المكتب ارضي جبد ورقة طويلة مدها ليها ,,خداتها و قراتها;ولكن ,,مايمكنش ,,
يان لين;انا كتبت الملكية ديال الاكاديمي للشخص لي يستاهلها ,,
سندس;ولكن نت عندك الابن ديالك هو الوارث الحقيقي ,,منقدش ,,ندرب الناس اه ولكن باش ناخد الملكية لا
يان لين بصرامة;من امتى كتجاحدي في قراراتي ؟الابن ديالي عندو ميولات اخرى,,بعيييد على هاد المجال ,,,هاد الاكاديمي ,,و القصر ديال الصين ايكونو تحت امرك من بعد مماتي ,حيت ماكينش لي غيكمل في الطريق و غيخلي الفنون القتال (شاف في جاد لي حاني راسو)ماتموتش من بعد و تبقى توارث بين جيل لجيل من غيرك ,,انا دربتك حيت عارف هاد الوقت غيجي ,,عطيتك قاع داكشي لي كنعرف ولقنتو ليك ,,قاع الاساليب و الفنون القتالية دربتك عليهوم ,,و دابا جا الوقت لي تدربي حتى نتي وتخلي هاد الفن مايموتش و يبقى حي ,,هدا هو القرار ديالي منعاودش مزال الهضرة
سندس بقيلة حيلة خدات الوقرة من عندو سينات عليها ومداتها ليه;انا غنبقى شهر هنا بينما قاديت شي امور وحتى نتي بينما قاديتي امورك ,,الشهر جاي اتبداي
سندس حنات راسها;واخا
يان لين;الابن ديالك حتى هو مولوع بفنون القتال
سندس دورات راسها لجاد لي حاني راسو (هادشي من تقاليد الصين من كيكونو الكبار كيهضرو الصغار كيبقاو صوميت لوميط)اه بزاااف وهادشي لاش قررت نبدا معاه في التداريب
جاد شاف في سندس بفرحة وحنا راسو ماكرهش يغوت
يان لين بتاسم;مزيان ,,ولكن
سندس حنات راسها;عارفة ,,خديت درسي ,,اكيد مغنعاودش نفس الغلاط مع ولدي ,,
يان لين;مزيان ,,مزيان
سندس تحنات;يلا مابقا عندك فاش نهضري واخا يمكن لي ننصارف؟
يان لين;يمكن لي تمشي ,,دابا من بعد ونكملو هضرتنا
سندس وجاد ناضو حناو راسهم وخرجو ,,
يان لين مع نفسو;كنت عارف بلي مغتخيبينيش ,,نتي هي الورث ديالي ,لي غنخلي من بعد (مسح دمعة من عينيه وتبسم)البكاء للضعفاء
** جاد كينقز;وااااا هه دابا نتي وليتي هي الحاكمة ؟
سندس بابتسامة;هههه اه
جاد;وغتبداي تدربيني حتى انا ومغتبقايش تجري علي؟
سندس ;اااه
جاد كنقز;هههههه وييييييييي
سندس ;يلا بديت معاك التدريب ماكيناش الضسارة وتحنقيز,,برا انا ماماك ,,تم انا هي المعلمة ديالك فهمتي؟
كمال ضرب على عنقو كان زرق بدا كيضحك;هههه وهادشي ديالاش ,,؟
امير و سليم شافو فين ;وايلي وايلي ,,
انيس بغضب;اتجمعو كركم ولا لا؟اصلا طالع لي الدم بلا ماتزيدو علي
امير;املك ؟
انيس;ماشي ختك كتصحابنا مطلقين ؟
امير;حيت من مشيتي كنتي قلتي ليها غتطلقو ,,نت عارف سندس مايمكنش تدوز ليك ديك الهضرة بجغمة ديال الماء
انيس تنهد;مابقيتش عارف مندير ,,انا مابقيتش قاد نصبر مزال ,,كيبان لي نشدها بزز منها ولا نخطفها ولا معرت لبارح وليوم شاد عليها راسي بزز بفف
سليم;اححح وامقصح العاود
كمال;ماشفتي نت ,,ربع سنين ونت تبكي هه
انيس;خليه حتى نوض نفرع مه فهاد النهار
سليم;لا لا فوت علي غا ليوم و دير لي بغيتي هه
امير;وشنو درتي
انيس;مخليها دابا مابغيت ندير والو حتى يفوت العرس وغنتفاهمو
سليم;ماتحكرش معاها ,,راك عارفها
انيس تنهد;عارف عارف
كمال;كيف دار معاك ولدك تبارك الله دكي
انيس بابتسامة;اكيد راه ولد انيس الادريسي وجرك على الله ههه
امير;والبارح صدمني من الوليد ضرب سندس خلعني من بدا يغوت ههه طالع لمو فهادي
انيس تنهد;هو متعلق بيها بزااف ,,لدرجة مكينعس يلا ماكانت معاه وماكياكل يلا من ماكلاتها ,,,اي حاجة خاصة تكون ولا مايديرهاش ,,ماكيبغيش لي قلقها ولا يعصبها
سليم;صعيبة عليك القصية
انيس باستفهام;اث كتقصد ؟
سليم بابتسامة;دابا يلا بغيتي تاكل الحلوة كيف غادير هههههه
انيس ضربو برجليه;نوض تقود علي ولا نعطب الزامل بوك نخليك غادي العرس كتعرج
سليم كيحك في ركبتو;احح هدا اصاحبي تاملك
امير;اجي واش تقبلك عادي؟حيت انا شفتو كراكطير ديالو صعيب انا ريان وتخلع منه هه كان باغي يلعب معاه شافو مخنزر وهو يشد الركنة ,,خاصني نبركو معاه ,,يله يتبت كيطير
كمال;ههه انا ربع سنين تقريبا باش عرفتك عمرني سمعت كتهضر ولا تضحك حتى ليوم
سليم;بسيف راه مسكين كان محروم ,,(شاف في سما)يحسن عوانك اختي سندس نهار يشدك ماكين لي غايرحمك ههه
انيس ضربو تاني ;تنود تقود من حدايا ولا لا ؟
سليم;احح تا مالك راه غي ضاحكين
انيس;را غنعطب مك و غنوريك ضاحكين كيف داير
امير;دابا قول لينا كيفاش تقبلك الدري
انيس بابتسامة;راه قلت ليك دكي ,,اصلا سندس معاودة عليه علي سو مكان حتى بليم في اللول (تنهد)كان منغالق لدرجة ماكانش باغي يجي معايا حتى قالت ليه سندس انمشي معاك عاد وافق مي من جينا للدار وهو يتطلق معايا عادي بالعكس ,,عقلو كبر منه دكي تبارك الله وعارف اش كيدير وكيفهمها طايرة
امير;ومن شبه امه فما ظلم
انيس خنزر فيه;لا راه نزل عليها الوحي باش حملات بيه ,,,,
كمال;ههه لبن اللبن متكامل الكلسيوم و الفيتامينات
انيس;هههه و البروتينات
ترن ترن جبد انيس تيلي (شاف النمرة وهو يوقف بالزربة)
سليم;لابريكاد تاصلات ههه
انيس عفط عليه و زاد
سليم;احح ولد الكلبة عفط علي
كمال;ونت اخويا فمك ماكيسكتش هههه كتقلب عليه هه
**
انيس بفرحة;الوو
سندس ببرد ;الوو ,,واش مسالي؟
انيس كيحرك راسو فحال يلا واقفة قدامو
سندس;اللوو؟
انيس فاق من القلبة;ها؟اه اه مسالي واش بغيتني
سندس;احم لا بغيت نقصد اه ,,انا بغيت نمشي نتقدا و باقا غادة تابعة الدريات الصالون و كيف تعرف مانقدش ندي معايا جاد بغيتك تجي ليه
انيس;اه واخا فينكوم نتوما ؟
سندس;حنا في***
انيس;اوك اوك انا جاي
سندس;واخا انا نتسناك بينما جيتي
انيس;واخا
سندس قطعات
انيس بفرحة;شفتي نت اولدي جاد والله راك طووب ههه الله يرضي عليك ههه (رجع عند دراري)انا راجع
سليم;الحكومة دوات هه
انيس حك راسو وهو ينزل عليه بكروشي للقلقولة طعرجو
امير;ههه ولقا هههه
كمال;هههههه من صباح وهو يقلب عليها
سليم كيحك في قلقولتو بالزربة كيبرد فيها;احححح توما سكتو سمكتووني
كمال;ههه ياكما فلاشا ليك الكابليات ديال الودن
سليم;فلاشا لي الكباليات ديال القلاوي
امير;ههه حالتك صعيبة العاود ههه
كمال;هههههههه
***انيس ركب في لوطو و ديمارا في اتجاه عين المكان فرحان وناشط كيدندن مع مخه حتى وصل
كانت واقفة حدا واحد الشجرة قدام الاكاديمي مدرقة من الشمس شافت لوطو ومشات عندو ;السلام
انيس;السلام طلعي
سندس;نو دي غي جاد انا غنشد طاكسي غادا المول
انيس تنهد و شاف فيها;شوفي راه وقيتة ديال الغدا ماكين حتى طاكسي ,,يله نوصلك بلا ماتقسحي راسك
سندس ;اووك شكرا (طلعات لوطو )يلا بان ليك شي بيسري في الطريق وقف عليه جاد باغي يشرب
انيس شد في عنقو;عضاتني واحد اللفعة ,,من كنت في الدار وجابت لي سخانة,,مكرهثته نشدها ونرجع ليها لعضة
سندس جمعات الضحكة
انيس ;ههه شفتك سكتي
سندس;احم شوف قدامك لا تصدق قالبنا
انيس;ههههه (شاف في جاد لقاه شاد تيلي كيلعب)ههه جاد جااااااااااد
جاد حيد ليزيات;عيطتي علي؟
انيس;ههه اه اش بغيتي نجيب ليك من بيسري
جاد;بغيت شي عصير بارد ديال ليمون
انيس;كين حداه واحد كيبيع غلاص مانجيبش ليك شي واحد
جاد;واخا جيب لي واحد ديال بيسطاج
انيس شاف في سندس;ههه كنتي كتوحمي عليه هه
سندس;نزل نزل شفتك ولات فيك الهضرة بزااف بففف
انيس;مانجيبش ليك شي واحد ديال بيسطاج ؟
سندس;ماتجيب لي مانجيب ليك نزل سربي راه ديجا معطلة
انيس;ههه اوك هاهو غادي
نزل من لوطو كيضحك خلاها كتفقص وتغدد شوية وهي تبدا تضحك;حمق (شوية وهي تجمع الضحكة)شفتك نسيتي راسك ,,ابدا يضحك ليك ويهضر معاك ونتي تحلي جمعي كرك شوية ,,
انيس ركب هاز معاه ساشية و كارطونة;رجووع الله ياكما تسوطاو ليك الفيزيبلات
سندس;حامض
حل الساشية جبد منها قرعة ديال لماء مغلاصية و قرعة ديال العصير باردة وحدة ديال الخوخ ووحدة ديال الليمون و حل الكارطونة كانو جوج غرارف ديال الغلاص ديال بيسطاج و فيه الشكلاط نوع لي كيعجب سندس وجاد عطا الواحد للجاد ومد ليها هي واحد;هاكي
سندس :مابغيتش
انيس هز كتافو;اووك ناكلو انا
سندس شافت فيه بصدمة;ياك ماعندكش مع الغلاص ؟
انيس ;لا دابا ولا عندي معاه ولا عزييييز علي
سندس تحت سنانها ;تاكل فيه جغديد (غوتات)وتحرك سربينا
انيس ببرود;اووك ميي بنييييين في الحقيقة مكنتش عارف هه
سندس دارت عندو كانت غتدور فيه وهي تسهى فيه كان كيبتاسم وكياكل الغلاص بطريقة زوينة و عمر جنب ديال فمه بدون شعور مدات يديها لعندو كتمسح ليه جنب فمه بقا هو اكيشوف فيها كانو واقفين في الفيروج ,,دار ابتسامة جانبية ومخليها تمسح ليه ,,سلات وهي تهز راسها فيه كانو عينيه كيبريو و البتسامة مرسومة في شفاهو عاد عاقت بشنو دارت وهي تغوبش;مايمشيش بالك بعييد ,,راه غي عمرتي راسك ,,ودرنا فيك خيير ,,دري صغر منك مكيديرش هكا يعمر فمه فحالك
انيس طل عليه كان فمه كله عامر و يديه مطلسين;هههههههههه ههههه
سندس;تحرك (جبدات كلينيك و بدات كتمسح ليه وهو ماد ليها يديه و ووجه و كيضحك معاها وحتى هي كتضحك انيس مقابلهم من المرايا و كيبتاسم كملات ليه وعطاتو قرعة ديال الما شرب و مسحات ليه جبان فمه و قادات ليه تشويكة بيديه حيت خسرها بالكاسك لي كان داير باستو في حنكو و رجعات )
انيس;مكنتيش فحال هكا
سندس شافت فيه ;كلشي كيتبدل مع الوقت حتى قلب بنادم كيتبدل
انيس بابتسامة;كلشي تبدل فيك الا قلبك ,,
سندس;وصلنا حطني هنا
انيس بابتسامة;ههه اوك هربي
خنزرات فيه;مكنهربش ونت عارفني
انيس;هربتي خمس سنيين ماشي يله اتهربي
سندس;ان
قاطعها;نزلي راك وصلتي
تنهدات ونزلات
تمات غادة وهو يطل عليها جاد من الشرجم ;ماما
دورات راسها ;مالك احبيبي
جاد;باي (ودار ليها اشارة بيديه )
بتاسمات ليه و دارت ليه قبلة في الهواء مع غمزة دورات وجهها الانيس كان كيشوف قدامو تنهدات و زادت في اتجاه المول اما انيس بقا مراقبها من المرايا حتى شافها دخلات ;غي الله يحفض لا ماشراتش شي مصيبة ثاني
جاد طلع عليه,;بابا دابا اش انديرو ؟ماما ماكيناش
انيس طل عليه من المرايا ;اش بغيتينا نديرو ههه
جاد كيفكر;ممم تديني نمشي نشوف المعسكر
انيس كيضحك;هه لي ضاربك ضاربك على المقاتلة ,,ولكن البطل ليوم منقدوش حيت عمك سليم عندو العرس ,,خاصنا نمشيو ونوقفو معاه
جاد عوج فمه;يااع ,,لا كان فحال هداك لي شفت البارح ابصحة ,,كلشي وجهه مخربق ماما لي زوينة فيهوم
انيس كيضحك;هههه ماكين ماحسن من ماماك البطل غي الله يهديها و صافي اجي عندي اجي
جاد;ولكن ابابا ماما قالت لي الصغار ماخاصهمش يبركو القدام
انيس;هه بعدا راه مقرياك؟ هه غي اجي دابا ماماك ماكيناش
جاد;لا غتقلق غاخليني هنا
انيس هز حاجبو;واش كتضربك ؟
جاد حرك راسو بلا;ماما عمرها ضرباتني ولا تقلقات علي,,حيت انا دكي وكنسمع الهضرة,,,وهي قالت لي ماخاصنيش نبرك القدام ,,حيت الكبار لي خاصهم يكونو تم حتى توصل عندي ربعطاش العام عاد يمكن لي نبرك تم
انيس دار ابتسامة جانبية;اه عندها الحق ,,(بشوية)واخا مكنتش معاها,,(تنهد)نتحركو؟
جاد حرك راسو باه ورجع برك ,,اما انيس ديمارا لوطو و زاد في اتجاه دارو كل تفكيرو مع سندس ,,من ديما كتفاجؤو ,,علاقتها بجاد ماشي كيف الام وولدها بالعكس ,,بحال الصحاب مفاهمين وحاطين نقط على الحروف ,,هي كتدير دورها كأم و صديقة و مربية ,,كتاخد الامور بالعقل قايمة بواجبها مزيان وهو بدورو كيسمع ليها و ماكيخالفش هضرتها ,,كل واحد فيهوم كيكمل الاخر ,,انيس حس بنقص من واحد الجهة رغم ان جاد تطلق معاه و دابا غادي معاه واخا ماكيناش سندس عكس البارح ,,ولكن حتى هو باغي يقوم بدورو يلعب دور الاب لي كيحمي ولي كنصح و لي كيعاقب على الاخطاء لقا سندس ديجا عمرات قاع الفراغات ,,كانت ليه كلشي كيف هو بالنسبة ليها كلشي ,,تنهد ولام راسو على بزااف ديال الحوايج اولهم نهار نقص منها ,,اكيد دابا باقا شادة في قلبها واخا عينيها فاضحينها الا وهي انسانة قوية ,,تفضل تعيش في عداب ومتستسلمش ,,ولكن حتى هو تعدب ,,وقاسى بزااف ,,تعاقب مافيه الكفاية و اليوم خاصهم ووضعو حل لهادشي ,,يوضعو النقط على الحرووف ,,صافي الصبر تقادا و الجهد لي كان مشا عيا ,,باغي يحس حتى هو بالانتماء ,,بوجودو في حياتها ولا في حياتهوم بجوج ,,يكون الزوج و الاب ,,باغي يدوق طعم السعادة لي فتاقدها هادي خمس سنين ,,اليوم ايسالي كلشي وغتفرgىع هاد الرمانة ,,,وقف لوطو في الجردة نزل هو كيسمع صوت الضحك والتقشاب واصل لفين و سليم وجهه حمر حال فمه كيموت بالضحك
انيس;امطرع داك الفم عندك
امير شاف في جاد;اجي البطل عند خالو
جاد طلق من انيس ومشا عندو;حتى نت خدام في المعسكر فحال بابا؟
امير هزو بركو على رجليه;اه انا وعمو سليم
جاد;دابا لي بغا يدخل المعسكر شنو خاصو يدير ؟
امير هز راسو في انيس و عاود شاف فيه بصدمة;ها؟ولكن نت باقي صغير على هادشي خاصك تقرا مزياان بعدا عاد فكر في المعسكر
جاد غوبش;,انا راه ماشي صغير و زيدون انا دكي بزااف من كنت في الصين ماما ماما كانت كتقريني و من دخلت المدرسة جيت انا الاول فيها
امير;والله اوليدي كنشوف غي سندس قدامي من كانت قدك
جاد شاف كمال;حتى نت خدام معاهوم؟
كمال حك راسو;ها؟لا انا عندي مدرسة ديال التكنولوجيا
جاد ;داكشي ديال بسيات و تيليفونات ياك؟
كمال ;اه هه
جاد كيحك في دقنو;يعني انا لابغيت نكون واعر ,,خاصني نكون دكي و صحيح بحال ماما و عندي عضلات فحال بابا و دابا خاصني نولي حتى انا نعرف بيسيات ,,باش لا مشيت للصين نغلب هوانغ و سورين
كلشي خرج عينيه فيه بصدمة انيس شد راسو وبدا كيضحك
سليم;بغيت انعرف واش بصح عندك ربع سنين
جاد;لا عندي ربع سنين و خمس شهر يعني انا كبير
امير;العااار لا ماخليه عندي غا وحد الشهر يدريسي لي داك الطيارة ديال ريان
انيس;هههه (شاف في جاد)اجي البطل عند بابا هادو شفتهوم تسطاو
جاد شاف في كمال;اجي مابانتش ليك مراتك شوية لباس ؟
كمال خرج عينيه في حين كلشي تفرgع بالضحك ;ههههه
حسن و مصطفى داخلين ;اجي عند جدووو
جاد مشا عند حسن عنقو;جدي حتى نت كنتي في المعسكر ؟
حسن شاف فيه و شاف في الدراري لقاهوم مسرحين بالضحك هزو ;اوب اه البطل علاش ؟
جاد;حيت حتى انا بغيت منكبر ندخل المعسكر نولي صحيح ونهزم الاشرار فحال بابا و يوليو عندي عضلات بزااااف كبر منه
سليم;هههه هاد الولد عندك علام ههه والله مكرهت يكون عندي فحالو
انيس;وا ولدو و هنينا
سليم;ماتخافش ليوم ماكين غا الله يعطيك الصحيحة ,,ماكين غا اللبن كامل الدسم
كمال;سكت المسخوط هههههه
سي مصطفى ;مغتجيش عند جدو ؟
جاد نزل من عند حسن و رجع شعرو لور ومشا عندو ;انقول ليك من دابا يلا بغيتينا نكونو صحاب ماتبقاش تغوت على ماما
سي مصطفى مافهموش حيت كيهضر باليبانية شاف في امير زعما شرح لي
سي مصطفى بحزن ;سمح لي اولدي منبقاش نعاود (شاف في انيس)واش فهمني؟
انيس بابتسامة;اه هو كيفهم العربية مزيان و كيعرف يهضر بيها شوية مي كيفضل يهضر باليابانية كتجيه ساهلة ,,(شاف في جاد)بوس جدو
جاد باس سي مصطفى وعنقو بتاسم;طالع غي لماماه
امير;راه قلتها ليهوم ,,قلت ليهوم كيفكرني غا فيها من كانت قده بحالو تماما نفس الكراكطير (شاف في انيس)مشات على عنينك ضبابة العاود ههه
انيس بابتسامة;ههه هي امشات و صافي؟
حسن برك;تبارك الله دكي بزااف عقله ماشي قد سنه ,,كيلاحظ كلشي وماكينساش
انيس شاف في جاد لي بارك في حضن مصطفى شد تيلي و دار مزيكة كيتصنط;اه
سليم;في الحقيقة سندس في هادي ماعدنا منتسالوها ,,ربات و عرفات شنو تربي ,,صعيبة على الواحد يعيش غا بوحدو في الغربة وهي قدات تعيش هي وولدها بلا تاشي حد يعاونها ,,اكيد كانت صعيبة عليها ,,
انيس تنهد;ولكن كلشي ايتبدل ,,مغيبقاش هدشي هكا,,
حسن شاف في سليم;شفتك اسي العريس بارك ,,ماغتنودش توجد راسك؟
سليم;هه الله يهديك الوليد بنت ليك سميتي سمية راه الحسانة البارح فاريتها معاه ,,وزيدون راه باقي الحال ,,حتى يقرب الوقت وغنلبس باش نمشي نجيبها اتلاقاها يله بدات ههه
كمال;ههه علام ههه
سليم;سكت نت ماشي كثر من ثلاثة السوايع ونت منشور قدام الصالون حتى صدقنا جبنا ليك دوليبران في الاخير العروسة سبقاتك و نت بقيتي تساين ههه
امير;انا لي صطاني من ضاربو في العرس ههه وقجاتو ههههههههه
سليم;في هادي خورتيني اساط ربع سنين وانا محروم بلا حلوة
سي مصطفى;اح احم
امير;هههه مسخوط والله
**عند سندس لي باركة في كافي في المول شادة طاس ديال القهوة و كتخمم ساهية حتى حسات شي خيال واقف قدامها هزات عينيها كان واحد الولد يكون في الثلاثين باين لاباس عليه غا من لباسو عامر شوية ولابس سبور;واخا نبرك معاك بنتي لي بوحدك ؟
سندس شافت فيه ببرود;واخا تحيد من قدامي ؟
هو ;انا منصف ونتي ؟
تنهدات;يلا ساليتي ممكن تمشي
صونا تيلي ديالها ;الو ,,واخا انا جاية
تمات نايضة وهو يشدها;شفتك قاسحة مع راسك (بغمزة)كيعجبوني البنات لي فحالك ,,اش بان لين ندوزو ليلة انسومبل ,,ماتخافيش نمتعك
نزلات عينيها لبلاصة لي شادة و طلعات عينيها فيه;كنظن بلي سخات عليك يديك وباغي تدير ليه الغبص واحد ثلث شهر ولا ربعة ,,انحسب حتى ثلاثة يلا ماحيديرهاش كنواعدك ,,غا غتلقا راسك في السبيطار السيروم ايجيك قاصح متقدش تدوزو
قرب ليهاو زاد زير على دراعها و عض على قنانفو;احح شحال دبت فهاد الساعة بخصوص من شفت في هاد العوينات
سندس ;اوك ماطلبتي الموجود
حتات يديها على اليد لي شادها و كرزات على صباعو و بحركة سريعة لواتها ليها مورا ظهرو و ضرباتو جهة ديال كتفو تسمعات الطق ولاحتو برجلها جا ناعس فوق الطبلة تحنات عندو وشدات ليه وجهه لي ولا حمر و السخفة شاداه كيتألم مابقاش قاد يحرك كتفو;من متقدش على شي حاجة ماتبقاش تخرج عينيك اووك (حلات ساكها و جبدات ستيفة ديال الزرقات لاحتهوم عليه)باش تعالج راسك (مشات وخلاتو منشور كيحاول ينوض مابقاش قاد بالخصوص من يديه رجعات اللور وترخات اما لي في الكافي كلشي بقا حال فمه فيها ماعرفوش كيفاش دارت ليه حيت حركاتها كانو سراع لدرجة مقدوش يتبعوها ,,,,
خرجات لقات عبير واقفة قدام المول لابسة كسوة في السومو حد الركبة سميطات و بالغين و كاسكيط ;مالك ؟
سندس حكات شعرها ;واللو يله
عبير شداتها ;قولي مالك,,انا راني عارفاك مزيان
سندس ;واحد الزامل سخن عليه كرو ,,راه خليتو منشور ,,عيت نقوليه سير بحال وهو والو ,,قاليك بغا يدوز معايا ليلة وهضري نتي
سندس طلات على رجليها و صدرها و كتافها لي عريانين;قالتها زوجة ابو حنيفة (ديديكاس ليلى بب و حسونة)
عبير;زيدي زيدي
***عند انيس
امير;هههه وت بعدا توحمات ليك على الشواية ,,,شنو نقول انا لي ماجاها الوحم غي على ليصانس النهار كامل وهي تشم فيه ماكتوصل الستة حتى كتجيب الرومبو ههه قلت الدري ايخرج مسكانتي مجلج ساعة خرج كيطييير مع الطيووور ههه,,بعدا فهاد الحمالة جاها الوحم غي على الركعين هه الحمد الله ,
سليم;ههه علام هه (شاف في انيس )وسندس علاش توحمات ؟
انيس;على زوج حوايج ,,على غلاص ديال بيسطاج وعلى حاجة خرا (غمزو)ههه
سليم;واااايليييي
كمال;شفتي شفتي االناس علاش كيتوحمو
سليم;والله حتى سعداتك اساط هي كنتي مبرع فوق السلك
حسن;لاحول ولا قوة الا بالله ,,واش مغتسدوش فمكم مكتحشموش ,,قدامكوم حنا بوكيمونات
سليم;هههه هانيا الوليد راه سنة الحياة هادي ,,
كمال;ههه لا لا نت بانت لي خبتزك مغطيبش مزيان
سليم;واراه طابت وتحرقات قااااع ههه خاصها غي تكال
حسن شير عليه بكونطاك ديال لوطو ;زم فمك ونت فيك الدودة
سي مصطفى ساكت وكيضحك
امير;نحلف عليها مغتمشي العرس حتى تعطب من شي بلاصة
انيس;راه من الصباح وهو كيقلب عليها اخليه
جاد نزل من رجل سي مصطفى ومشا عند انيس كيجري حيد الكاسك من على راسو;بابا بابا في الجوع
انيس تنهد;حبيبي راه ماما مشغولة اش بان ليك نطيبو انا وياك ,,نت قول اش باغي ونوجدوه بزوج
جاد;لا اصلا انا ماعرفش شنو كدير فيه ,,
انيس;انعيطو لماما نقولو ليها اش باغي وهي تقول لينا كيفاش كتطيبو صافي؟
جاد هز كتافو;اوووك
انيس ناض هزو ;نطلعو نزلو طابليط و نعيطو ليها واخا؟
جاد حرك راسو باه ,,باسو في حنكو و زاد
سليم;متعلق بيها بزاااف
مصطفى;مالو بان لي غنتعلم اليبانية على قبله
حسن;فيه الجوع ومابغا ياكل من عند تاحد ,,الا من عند ماماه بزز باش قنعو انيس يعيطو ليها و توريهوم كيفاش تصايبو
امير;دابا سندس قاع داك الحرمان لي عانات منه في الصغر من ماتت الوليدة عوضاتو للجاد ,,
مصطفى ;ولكن حنا عمرنا خصصناها من شي حاجة
امير;الوليد انا مكنهضرش على الفلوس ,,كنهضر على الحنان ,,كيف ماكان الحال انا وياك راه رجالة ,,مغنعوضوش ليها مكانة الام ,,مغنفهموهاش ,,سندس كبرات في اسرة غالب عليها الطابع الدكوري شي لي خلا شخصيتها قوية عاد الاكاديمي كملات القضية ,,هي كدير هادشي مع جاد خايفة يطلع فحالها ,,شي لي خلاه يتعلق بيها بزااف و يحاول يقلدها ,,فهادي انا عجباتني سندس ,,
سليم;عندك الحق ,,الولد طالع دكي و تفكيرو بعيد,,و دغيا كيدير بلاصتو وكيعرف يتصرف ,,ماشي بحال الدراري ديال دابا غي اللعب و تشيطين و الضسارة ,,رباتو و عرفات كيفاش تربيه ,,مرزن و عارف حدوده ,,ماتعطيهش عندو ربع سنين ,,انا قبيلة من كان كيهضر صدمني فيه وليت اكنشوف ,,قدو كنت باقي كنبكي باش مايديونيش المدرسة وشوف هو ,,قاليك سندس لي علماتو ومن دخل المدرسة جا هو اللول
سي مصطفى;تقريبا في طموحاتو طلع ليها,,من صغرها كتحتل غي المراتب الاولى ديما ,,و عقلها سابق سنها ,,
حسن ;هادي عندك فيها الحق ,,من استقلات والرؤساء ساقو الخبار ,,مابغاوش ,,رفضوو,,حيت في الحقيقة ماكان تاشي حد فحالها في البنات لا في الدكاء لا القوة
كمال;متشوق نشوف جاد من يكبر ههههه كيف غيكون
امير;اكيد ايطلع لمه وباه ,,ههه شخصية قوية و الدكاء
سليم;ههه وقاليك حتى العضلات ههه نسيتي ؟
امير;هههه فركلني هاد النهار ههه
**عند سندس و عبير لي باركين في محال ديال القفاطن العصرية ومولات المحال كتوريهوم الاشكال
عبير;والو مابان ليك والو؟
سندس;نتي عارفاني ماعنديش مع هادشي مشارجي ,,بغيت شي حاجة سامبل ,,مالني غادا المعرض ببف نلبسو نحيدو تم
عبير;راه هادشي لي خارج دابا اصحبتي
سندس;لا ماعجبوونيش
ترن ترن
سندس;الو
انيس;جاد فيه جوع ونتي عارفاه ,,قولي لي اش غندير باش نصايب ليه شي حاجة
سندس;جاد فيه جوع وماكيبغي ياكل من عند تاحد من غيري ودابا انيس عيط لي باش نديرو ابيل فيديو و نقوليهوم كيفاش يطيبو (شافت في مولات المحال;عفاك شوفي لي شي حاجة سامبل و موديرن في نفس الوقت ,,هادشي بان لي طرو شارجي بزااف
مولات المحال;كينين واحد الموضيلات يله خارجين قفاطن على شكل سواري زوينين
ترن ترن دوزات الابيل;واخا جيبي لي نشووف
***انيس واقف و جاد بارك في بوطاجي شاد الطابليط ;ماما جاني الجوع ,,
سندس;سمح لي احبيبي ,,ماوجدتش ليك الغدا ,,انا نقول لبابا يصايب ليك شي حاجة واخا؟
جاد;اه
انيس طل عليهوم كانت باركة في المحال;باقا في المول؟
سندس تنهدات;اه مالقيت تاشي حاجة عجباتني يله مشات تشوف لي شي كوليكسيون جديدة احنا انشوفو
جبد طباسل حط فيهوم داكشي دارو في بلاطو حل ثلاجة جبد عصير ديال الليمون قاد داكشي في بلاطو و خرج هازو لقا جاد بارك في الطبلة كيتسنا فيه داير يديه على حناكو حط ليه الطابلو;مال البطل مقلق ؟
جاد عوج فمو;ملييت,هنا,,في الصين عندي بزااف ديال صحابي كنبقى معاهم ,,و حتى ماما كتبقى معايا و دابا كنحس براسي بوحدي ,,بغيت نمشي عند ماما
انيس تنهد و هزو فوق رجليه;ماما احبيبي عندها شغال ,,واش بغيتي تمشي عندها وهي مع العيالات
جاد ;لا مابغيتش ,,ولكن ماما فين ما مشات كتديني ,,في الصين ماكانتش مصاحبة مع العيالات ,,ودابا؟بقيت بوحدي ,,
انيس عنقو;نت ماشي بوحدك ,,انا اش كندير؟يله اجي تاكل باش ندووشو و نقادو الحالة ونمشيو مع عمو العرس ,,كيني بزااف ديال الدراري تم و عاد ولد خالك ريان كين
جاد عوج فمه;هو باقي صغير ,,وفيه الصداع بزااف
انيس;ممم اش بان ليك غدا نمشيو البحر ؟
جاد;لا بغيت نمشي المعسكر
انيس;يله كول مزيان باش غدا نديك المعسكر
جاد;واعد
انيس بتاسم;وعد يله كول
جاد بابتسامة ;اووك (نزل من فوق رجليه وبدا كياكل انيس حط يديه على خدو وبقا ساهي فيه ,,كلشي عندو منظم حتى طريقة اكله كيهز الفورشيط و الموس بطريقة راقية و في نفس الوقت كتبين شخصيتو ظهرو موقفو و كيحل فمه بشوية ,,;عجبك؟
سليم ;ماكانش في مي من شفت الماكلة وهو يجيني هههه (بدا كياكل و يخشي في فمه جاد هز راسو وهو يشوف في انيس)مأكد هدا خوك؟
انيس شاف فيه;هه علاش؟
جاد;لا مجال من المقارنة
سليم فمه عامر;لقيتيني مامساليش لييك هاد الساعة ,,هادشي بنييين
كمال وهو يخطف ليه لفورشيط من يديه وهو يدور عندو ساعر;اماااالك القلا(شاف في جاد)املك اصاحبي
كمال تحنى كيدوق;وااا هادشي بنييين (جر الكرسي وهو يبرك )حيد حيد
سليم;اتنوض ولا نفلعس مك
كمال مامساليش كياكل يله ايخشي الفورشيط من فمه وهي تخطف ليه كان امير;مممم بنييين شكون طيب هادشي
جاد;بابا ,,ماما لي قالت ليه كيف يطيبو
جاد جر كرسي و جر الطبسيل;ممم واصدقات كتعرف الطيب ممم حتى تجي ونقول ليها تصايب لي بحالو
سليم جر الطبسيل و ناض ;والله لا بقا شي قندوح حط فيه يديه
امير و كمال;واملك اصاحبي على جوع خلينا ندوقو
جاد;واش ديما هكا؟
انيس;ههه
جاد;لاحول ولا قوة الا بالله (شاف في امير)هاك خود انا شبعت
امير;الله يرضي عليك اولد ختي (مشا كيجري قبل مايوصل كمال خدا الطبسيل )راه شاف في انا ماشي نت تقعد لهيه
كمال;اشوية
امير;لا هي لا (هز الطبسيل و تبع سليم)
انيس;يله االبطل نطلعو ندوشو
جاد حرك راسو باه و ناض
***
حسن ;مال هادو؟
سي مصطفى تلفت كان سليم و امير هازين طباسل مدردكين و كمال وراهم كيسب ويكشكش ;الفقية لي نتنساو براكته دخل للجامع ببلغتو ,واش هادو بصح مزوجين ووالدين ؟
حسن;هه شوف ليك سي العريس لي لحيتو كبر من ديالي و كيجري
سي مصطفى;هههههه
**عند سندس خارجين من المول هازة بزااف ديال بلاستيكا ماخلاتش عبير تهزتهوم ;اووف الحمد الله ,,مالقينا داكشي لي بغيتي حتى شوية كنت انمووت
سندس;هههه نتي لي بغيتي تجي
عبير خنزارت فيها;اها سرييي
سندس;ههه اري سوارت اريي
حلات عبير ساكها ومداتهوم ليها ركبو في لوطو عبارة عن رونج روفر بيضة ديال كوثر شراها ليها امير و زادو في اتجاه الصالون ,,
عبير;اش درتي مع انيس؟
سندس تلفتات ليها و عاود شافت في الطريق;والو ,,نساي هاد الموضوع دابا (فرانات قدام باب ديال سونطر بيوتي نزلات سندس هازا دوك بلاستيكات و تبعاتها عبير دخلو لقاو كوثر و وهيبة كيماكيو ليهوم قربو يساليو
كوثر;قلتي انجي بكري ماشي حتى الخمسة ؟
سندس لاحت الساشيات;والله ماساليت ,,راه كان عندي مايدار اصلا مكنتش انجي قاع كنت انصايب افدار كون ماجراتنيش هادي
عبير;نوضي نوضي باراكة من الهضرة
سندس ناضت هزات واحد بواط من الساشيات و مشات في اتجاه وهيبة لي كتشوف فيها ;باقا الحد الان مامصدقاش بلي برهوشتي الصغيرة تزوج و تدير دارها ,,باقا عاقلة كيفاش كنتي كتجي عندي ونتي باقا صغير كتخشاي حدايا و تنعسي هه و ليوم هانتي عروسة و غادا لدار راجلك ,,الوقت دغيا كيدوز
وهيبة عنقاتها;ختي ماكرهتش كون كانت ماما حية اهئ اهئ
سندس كتطبطب عليها;كون كانت حية كون بغات تشوفك فرحانة هاد النهار (بعدات عليها وكتمسح ليها دموعها)شوفي كيرديتي عينيك دابا؟هانتي خسرتيهوم (مدات ليها البواط)مكرهتش نشوفك لابساهم
خدات من عندها بواط وحلاتها كان طقم ديال الالماس الابيض ,,حوالق كبار كيلمعو و قلادة كبيرة حتى هي وهيبة شافتهم وهي تحل فمها لا هي لا للبنات لي في الصالون شافت فيها بصدمة;كيي ولكن
سندس حطات ليها يديها على وجهها;مكينة تا حجة غلا منك ,,تستاهلي كثر من هادو
عنقاتها;اهئ اهئ
سندس;وها لي مابغيناش انا جبتهم ليك باش تفرحي ماشي تبداي تدمعي ثاني
عبير وراتهوم براسلي لي في فيديها كان تقريبا بحال ديال كوثر غا هو في الغوز ;شوفو ديالي؟
كوثر;زوييين بزاااف هه فحال ديالي
سندس;صافي باركة راه ديجا معطلين نتوما اتسبقونا عاد انلحقو عليكوم انا وعبير
كوثر;واخا
مشاو عبير و سندس دخلو مع الموظفات دارو بيهوم حيدو ليهوم حوايجهوم و دخلو للصونا يديرو مساج ,في المقابل كوثر و وهيبة كيقادو ليهوم وجههم و شعرهوم كوثر لبسات لبراسلي بقات اكتشوف فيه وتضحك عجبها ,,
***
الرجالة واجدين داكشي عندهوم بالخف ههه حسن لابس كوستيم بالزرق مع قميجة بالزرق الفاتح مخلي شي صديفات ديال محلولين هه كمال لابست كستيم بالمارو مع قميجة باج راد شعرو للبني لور لحية خفيفة جا متوتز امير لابس كوستيم بالكحل مع قميجة بيضة مخلي شي صديفات االقدام محلونين سي مصطفى لابس بحال ولدو امير ,,انيس لابس سروال دجين مع قميجة بيضة خاشيها فيه مخلي صديفات محلولين احح قلبي مع فيست بالكحل مقفدها سباط على شكل بالغين كحل سمطة كحلة ساعة في الايد اخر ماكين مع خاتم في صبعو شعرو الكحل مطلعو لور مع طوال ويلي ويلي انا طحت انا تزعزعت ههه تيتيز شاد في يديه جاد لي حتى هو لا يقل عليهوم وسامة لابس بحال باه سروال دجين مع قميجة بيضة غا هو لابس كويرة رقيقة كحلة مع غاط كحل طالع خاشي فيه سروال شعرو مطلعو جنب بطريقة زوينة و ساعة في اليد حتى هو ونضارات شمسية وينو وينو كيف جا ههه
حسن;تحركو ناس بداو يجيو وصحاب العرس باقين
سليم لابس جبادور بالاصفر و الابيض مع سلهام و بلغة وتقيشرات بيضين شعرو الطويل رادو لور بطريقة زوينة واللحية خفيفة مطراسية مع العينين زرقين اححح قلبي (بغيت نحضر لهاد العرس اهئ اهئ اهئ);لي بغا يربح العام طويل
كمال;اخويا باز لوجهك يله
امير;يله نجيبو البفنات راه كوثر ووهيبة واجدين
انيس;وسندس؟
امير بابتسامة;ههه لا باقات معطلة هي وعبير ايجيو بلوطو ديال كوثر
انيس تنهد ;اووك
امير شاف في سليم;يله تحرك (شاف فيهوم)نتلاقاو في القاعة
امير ركب في ريونج كحلة مزوقة و زاد ,,تبعو سليم راكب في مازيراتي بالنوار مزوقة حسن ركب في كاط كاط كحلة تبعو مصطفى في بي ام كحلة ,,كمال ركب في اودي بالبيض انيس ركب في رونج كحلة ركب جاد لور وزاد تبعهم كل ماكيدور في بالو سندس كيف غتجي اكيد غتسلب كيف ديما حار ماكرهاش ماتجيش قاع و يتهنى
انيس;اه ابابا ولكن ممتخافش انبركو في طابلة بوحدنا صافي؟
جاد حرك راسو باه;مزيان
انيس هز راسو فيه و ضحك
في الصالون
وهيبة لابسة قفطاه بالبيض و النقري دايرة ماكياج تقيل مركزين على عينيها الخضرين جات قوقة مشطة لفوق زوينة مع ثاج و الطقم لي هداتها سندس زاد زينها كثر,,اما كوثر لابسة قفطان على شكل جبادور سميطات بالاحمر و الاصفر جات زوية مع كرشها ماكياج ثقيل مع عكر حمر شعرها مبوكلياه و جامعة شي خصيلات لور جات كيوت ,,باركين كيتسناو الدراري يوصلو
اما عبير و سندس يله بداو ليهوم في الماكياج و الشعر كل وحدة دايرة بيها ثلاثة باش يسربيو
كوثر;هادو تعطلو؟
عبير;ههه ياكما العريس هرب؟
سندس;اتزميه ولا نوض نولد مك بلا وقت
كوثر;جات لي تعبر عليك هههههه
طيط طيط
سندس;اكيد هادو لي وصلو (شافت في الموضفة )طلي شوفي
مشات الموضفة ورجعات مع ابتسامة;اه هه
وهيبة;ناري البنات جاتني الخلعة
سندس دارت للموضفات باش يحبسو و ناضت في اتجاهها شدات ليها في يديها;حبيبة ماعندك مناش تخافي ,,هادي هي سنة الحياة ,,هدا هو الوقت لي خاصك ديري فيه دارك وولادك ,,
وهيبة;خفت يدوز الوقت ونتفارقو فح(سكتات)
سندس تنهدات;ماشي كلشي فحال فحال ,,عرفتك كتهضري علي انا وانيس ,,سليم كيبغيك يكفي انه كثر من ربع سنين وهو صابر عليك,,هادي مدة كافية و كثر باش تحفضو بعضياتكم ,,نتي عارفة دابا شنو كيبغي وشنو لا وحتى هو ,,و زيدون انا عاشرت سليم هداك احمق وهبيل يديرك في عينيه نتي خاصك تسمعي ليه و تطيعيه و تقومي بواجبك وهو اكيد غيدير المثل,ولكن ماتخليهش يدفن شخصيتك ,,كوني قوية و خدمي عقلك ,,,ماشي تكوني مدمدة ,,وحادرة راسك ,مغنقولش ليك فرضي راسك و ديري كيف بغيتي ,,اه ديري شنو بغيتي ولكن في نطاق الحدود ,,الحاجة لي غتخرج على علاقتكم و توثرها بعدي منها ,,حتارميه و قدريه اكيد غيدير المثل ,,,عارفة هادشي غيجيك دابا صعيب و اكيد اتخافي في اللول ولكن مع الوقت كلشي غيتبدل وغتطلقي معاه بشوية بشوية ,,حتى توحدو و توليو نتي وياه واحد ,,وانا كنواعدك وقتما حتاجيتيني اتلقايني في جنبك عمرني نخليك بوحدك
وهيبة حركات راسها باه ,,بتاسمات شداتها من يديها و نوضاتها نزلات مدات ليها عبيرالسلهام بيض وهي كتبكي وتشهق حيت اثرو فيها خداتو من عندها ولبساتو ليها دارت ليها القب و عاود باست ليها راسها عطات يديها لكوثر لي حتا هي حابسة دموعها غ بزز و خرجوها بسلا وسلام على رسول الله كان سليم واقف حدا لوطو ديالو بكل اناقتو اشاف وهيبة شادة في كوثر ونازلة مدرقة وجهها وقف لهلا طريه ليه جا يمشي وهو يسبقو امير باس ليها راسها و داها لعند سليم;عطيتك ماشي اختي عطيتك صديقتي و بنتي ,,جوهرة الغالية ,,نتمنى تحافض عليها
سليم بتاسم وهو كيشوف في وهيبة باس ليها يديها وعرا ليها راسها داخ بقا مكوانسي فيها كان تالف وزاد تلف ;مشاء الله (باس ليها راسها)جيتي كتحمقي بزاااف
حدرات راسها رد ليها القب و حليها لوطو و مشا ركب هو كيجري و الضحكة مافارقاتش عينيه و زاد
اما امير مشا عند كوثر لقاها كتبخصص جبد ليها كلينيك طرف ليها عينيها;شش احبيبة هانتي غخسري الكحل
كوثر;اهئ اهئ انتوحشها
امير;هههه راها اتسكن احداك الحبيبة راه دارنا ودار انيس و سليم قراب هه (باس ليها راسها)يخليلي القلب الحنين في خبارك جيتي غزالة ؟
كوثر;بصح؟
حل ليها لوطو;اه احبيبة ماكرهتش نخطفك ونهرب بيك اش بان ليك نديرو بناقص من شي عرس ها؟
كوثر;وجهك صحيح والله زيد زيد
باسها من فمها ;احححح ليوم والله ماتفلتي مني غا وجدي راسك
كوثر مخنزرة ;واراه خسرتي لي العكررر (عوداتو)املك
امير كيمسح جنب فمه من العكر;غا قيدي احبيبة ليوم نفدي في كلشي راه لبارح حرمتيني من الحلوة احقا عيانة ليوم احبيبة مايفكك مني تاحد واخا تقولي لي انولد فيك فيك
شارابوفا الجزء 26
محتوى القصة
التنقل بين الأجزاء