شارابوفا الجزء 31

حل فمه الا مسرعيه و غوت حتا قراجطو بانو وغوت حتى حلاقمو ضروه ;ااااااااااااااااااااااي

كيحرك رجليه و باغ يفك يديه من المينوط كيتهز و يتحط لحمو كله كيحرقو بسباب الخلطة كيحس بالجلدة كتشوط ليه ,هي واقفة قدامو كتمشي وتجي ,,ماتقدش يقرب ليه ولا تمسكو ,,كتشوف فيه كيغوت و يتألم و يديه كيبغي يفكها من المينوط و كيضرب رجليه كتركل و راسو كيحركو يمين شمال و كيغوت مشات ,,بركات في النامسية لي حداه حطات يديها على دقنها وبدات كترعد ,,مراقباه عينيها تضبو بسباب الدموع و جهها ولا حمر ,,ناضت بدات كتمشيو تجي ثاني قلبها باغي يخرج من بلاصتو سدات ودنيها مابقاتش باغا تسمع غواتو ,,كان واحد الكوافوز فيه الدواء طوعاتو برجليها حتى تسيب ضربات واحد نامسية حتا وصلات حدا باب ديال الخيمة مابقاتش باغا تسمع غواتو هو كيتألم كتحس بيه كتحس بألمو ,,بغواتو كيحس قاع بداكشي لي كيمر منو بقات غي كتمشي وتجي و اي حاجة قدامها تطوعها ,,لمدة ساعة تقريبا ولا ساعة ونص ,,العشية بدات كتعاشا و التعب بدا فيهوم بجوج هي يومين بلا نعاس بلا ماكلة وعاد من خرجات الصباح و القتال و هو يومين بلا نعاس و السم والالم بدا صوتو كينقص شوية بشوية و صزخات ولاو انين ,,وانين ولات هضرا غير مسموعة ,,وقفات من بعد ماردات ديك خيمة بحال الجوطية كلها مقربلة وجهها حمر ويديها كله حمرين بسباب الضريب انفاسها كتصارع و تنزل والعرق دايز من عنقها قربات جهتو كان بدا كيتهدن و كيترخا حطات يديها على الخلطة كانت كرمات ولا لونها صفر و كارمة تنهدات حطات يديها عليه كتفرتتها ليه بحال الحنة بدات بيديه و صدرو و كرشو دوراتو جهة اخرا وفرتات ليه ظهرو و مؤخرتو ,,نقاتو كامل ناضت مشات جهة اخرا هزات بانيو غطسات فيها فوطة و بركاتو في جنبو كان هو غاب على الوعي ديالو وكيهترت;سندوس سندوس ,,سندس انا جاي,,سمحيلي ,,,سندس ننننن سندس ننن ممم

تنهدات وهزات ديك فوطة ساردة و بدات كتمسح ليه لحمو كامل حتا من لمعلم مسحاتو و المؤخرة كلشي تغطسها وتعاود تمسح ليه ,,كملات وحطات البانيو جنب ناضت كتبقشش في الارض وتطوع لقات فاصمة و مقص بيطادين وقطن غادة وكتلقط من الارض رجعات جنبه حطات القطن على صدرو بلاصة ديال جرحات بدات كتنضفهم ليه وتنقيهم من البقايا ديال الخلطة حتا نظفاتهم مزيان هزات قرعة ديال بيطادين خواتها عليه بدات كتمسح ليه بالقطن دارت ليه رشاشة ديال الميكروب و غبرة ديال الجرح دارت فاصمة رطبة علا صدرو حطاتها على الجرح عاد لوات فاصمة عليه و ثاني دارت لمثل لظهرو و دراعو الجرحة لي سببات ليه و راسو حتى هو كان هو باقي كيهترث بسميتها و مغيب حطات داكشي جنب وبركات كتشوف فيه ;حبيبي (حطات يديها على شعرو كتلمسو)شوية غتنوض مزيان ,,دابا (حطات يديها على حناكو)مابقاش فيك السم ,,بريتي ,,ايوا نوض دغيا راني توحشتك ,,وعندي ليك خبار غتفرحك ,,,(بابتسامة حزينة)ياك كنتي كتقول بلي مغتهنا حتا تبوقلني ,,(دازت دمعة من عينيها)وهانت درتيها ,,مامشيتي حتا حملتيني ,,بسيف ونت كل نهار خدام ,,ههه ,,نوض خلاص راه ,,مابقيتش كنعس بلا بيك ,,ولفتك ولفت تعنقني وتمسح لي شعري كيف كتدير ,,ولفت هضرتك وكلامك الزوين ,,توحشتك ,,توحشتك بزااف ,,نوض باراكة راك عيقيتي بزااف,,(قربات لعندو وجهها حدا وجهه)ختاريت ستة البلدان لي غنسافرو ليهوم ,,نقولهوم ليك ؟,,مم(كان نيفها حدا نيفو وجبهتها على جبهتو مغمضها عينيها وكتنهج)روما هي اللولة من بعدها اليونان و امريكا ,,سويسرا,,ابو دبي ,,مصر ,,و اسبانيا,,هادو هو الدول لي بغيت نمشي ليهوم ,,(بغمس)نوض باش نمشيو خلاص ماعجبنيش الجو هنا تخنقت (حطات شفايفها على شفايفو وبدات كتمررهم عليهم بشوية كانو شفايفها باردين عكس ديالو ليكانو سخان بزااف بدا كيحرك فمه معاها بشوية نفسو سخونة كتضرب في تغرها بقات حسات بشي حد قرب الخيمة وهي تبعد عليه وناضت لبسات كاسكيط ديالها وهزات الشال لواتو عليها بالزربة و كتشوف جهة ديال انيس لي كان ناعس ;سندس

تنهدات وهي كتشوف سهيل داخل ;جيتي؟

سهيل ;اه (شاف جهة ديال انيس)كيبان لي ناعس مرتاح هي كلشي داز هو هداك

حركات راسها باه مع ابتسامة;كيف ماتوقعت السم ديال اللفعة دار نتيجة ,,دابا ايبقا ناعس من هنا لغدا ,,حتا يفيق ونوجد ليه العسل ولليمون ,,خاصني نعطيهم ليه على الريق

سهيل;خاصك تاكلي نتي بعدا راك يومين ماكليتي و سيري رتاحي دابا راه ولا مزيان ,,و امير من قبيلة وهو باغي يدخل عنده وكنمنعو ,,غواتو كيتمسع حتى لبرا ,,(شاف في الدنيا)شكون دار هاد الحالة ؟

تنهدات;انا مقديتش نسيطر على راسي و بردت غضايضي فيهم بفف

حرك راسو باه ;صافي خاصك تاكلي شي حاجة,,يلا بقيتي على هاد الحال هاد الولد اكيد ايموت و سيري نعسي ليك شوية انا انبقا في جنبه انا وامير من يفيق نجي نقولها ليه حركات راسها باه وهي كتسد دي تجاكيط ديال قبية حيت تحرك البرد شافت في انيس لي كان ناعس بهدؤ مشات جهتو حيدات ليه المينوط لي فيديه وزادت عليه مانطة من فوق ليزار باست ليه راسو وخرجات

دخلات الخيمة ديالها وتلاحت فوق النامسية بتعب يديها تحت راسها وكتفكر حيدات الشال و الكاسكيط لاحتهم جنب حيدات تجاكيط بقات غا ببيل مهلهل لي لابسة بيض ;سندس

شافت فجهة ديال لباب وناضت بركات ;دخل اسهيل

هز سهيل الخامية ودخل حامل معاه بلاطو فيه الشعرية بالحليب و تفاحة و بنانة وليمونة وودانون وكاس ديال الماء حطهم حداها;هاكي تاكلي

سندس شافت في الشعرية وهي تغيف ليها على قلبها سدات نيفها;حيد علي هادشو بفف ماكنحملش الحليب (ناضت كتجري مشات جهة ديال البانيو وبدات كتستفرغ و حيت ماواكلة والو كترض غي المرار و داكشي بيض مكشكش سلات مد ليها سهيل كاس ديال لماء عكزات على عود لي مطلعين بيه الخيمة و مشات بلاصتها;ودابا شنو اتاكلي هادشي لي مصيبين

سندس بتعب;ارا لي غا ديك تفاحة وبنانة اصلا مافياش جوع

سهيل;واش يومين ماواكلة باغا تسطيني ,,؟اش بغيتيني نقول للانيس من يفيق ها؟

سندس ;والله ماقادة ,,

سهيل ناض;انا انمشي نشوف ليك شي حاجة خرا من غير هاد الشعرية وبلا متقولي لا ولا والله حتا يفيق انيس نعاود ليه هادشي

حركات راسها باه وهي كتعض في التفاحة اخرج وهي تحطها جنب مافيها لي ياكل شي حاجة وعاد قلبها باقي مروع عليها تكات على جنبها الليمني و ساهية رجعات في بالها اللقطة لي بدا يغوت انيس و يتهز و يتحط تقلبات جهة لاخرا وجات في بالها من كان كيغوت ,,حسات بنفسها ضاقت ناضت بركات حيدات لبيل لمهلهل لي لابسة بقات غي بصدرية كحلة جمعات شعرها لفوق شفنجة محكمة هزات شال ديالها وبدات كتنش عليها لبرد ;سندس

دورات راسها;بلاتي

هزات تجاكيط ديالها لبساتها و خلاتها محلولة;دخل

دخل سهيل هاز معاه نص ديال الخبز ;هاكي

خداتو من عندها كان فيه مرقة ديال اللحم;واش من نيتك باغي تقتلني ليوم ولا شنو؟

سهيل باستغراب ;مالك

سندس مداتو ليه;هاك خود مكاناكلش اللحم

سهيل تربع حداها;واش بغيتي تاكلي الالة ؟

سندس ;في الحقيقة والله حتا مشهية الحوت

سهيل; ومنين انجيبوه ليك في هاد الليل ؟

سندس;هه صافي راه قلت ليك ناكل غي تفاح و البنان اصلا مافياش جوع

سهيل تنهد;اوك كوليهوم بعدا عدي بيهوم حتى الغدا ونشوفو ليك قضية ديال الحوت

حركات راسها باه;نشاء الله

سهيل بغا ينوض وهو يبرك;اجي بغيت نعرف منين تعلمتي هادشي ,,يعني نتي واعرة في القتال ,,صدمتيني مع دوك العوازة ,,عاد شافيتي انيس ,,الدكاتير ووحلو معاه ونتي دغيا مافهلتش وحتا قضية ديال السيف ماشي اي واحد يكون عندو ساموراي

بتاسمات ربعات رجليها هزات بنانة;مم انا متدربة من كانت عندي خمس سنين على فنون القتال يعني عشرين عام ديال التدريب ,,ولي دربني صيني ,,هو لي علمني القتال و حتى العلاج بالاعشاب حيت كيستعملو داكشي في قبيلتهم ,,و السيف ربحتو في قتال ,,كانت بطولة على السيف ,,ولي داها ,,كياخدو (ناضت في اتجاه ساكها حلات الكود وجبدات السيف ومشات في اتجاههو شدات القبضة لي كانت في اللوون الاسود و الدهبي كتلمسو)هدا سيف ديال المعلم ديالي توارتوه جيل بعد جيل ,,(جبدات السيف و بدات كتشوف فيه)هدا سيف مدة ديالو كثر من الف سنة مصنوع من المعدن الحر بالحديد و الثلج ,,ماكيتكسرش وماكيتهرسش ماضي (حركاتو بخفة حتا تخلع سهيل ورجع راسو للور)خفيف و كيفهمك ,,فينما حركتيه يمشي (حطاتو فوق فخادها وكتشوف في النقشات لي محفورين باليبانية)تكمن قوة السيف في العقل ,,عش شجاع ومت ببسالة ,,هادشي لي مكتوب فيه

سهيل خداه من يديها وكيشوف فيه بدهشة ;وااو خطير

خداتو من عندو ودارتو في جواه;هه اتصدق مطير شي صبع ,,راه مامعاهش الضحك هدا

سهيل;ههه واييه شفت قبيلة شنو طرا ,,,ماقلتيش لي علاش خرجتي من الخدمة

تنهدات قصة طويلة;قبيلة شفتي الخيمة كيف ولات هداك غي جزء صغير من داكشي لي كندير ,,شحال من مرة عرضت حياتي وحياة ولدي جاد الخطر بسباب الغضب ديالي و حدني انا خدامة تم عمرني نسيطر على راسي هادشي علاش قررت نبعد منها

سهيل;فهمتك ,(ناض )رتاحي دابا انا انمشي عند انيس خليت امير معاه انمشي نونسو راه غي بوحدو

حركات راسها باه;اوك شكرا

سهيل بابتسامة;ماكين لاش راك دابا بحال ختي

بتاسمات;هه اوك

نزل راسو وخرج اماهي لاحت جلوف البنانة في الارض ولاحت تجاكيط حطات ظهرها فوق النامسية وتكات كتشوف في الفتيلة ديال الشمع لي دايرين في الخيمة حتا داتها عينيها

اصبحنا و اصبح الملك لله

**انيس بدا كيحل عنيه من بعد ليلة كاملة ديال النوم شاف حداه كان امير كيشخر في النامسية لي حداه ومخالف معاه سهيل لايح رجليه على وجهه بتاسم ورجع راسو لور طلع النفس ونزلها مزيان حس بوغز صغير جمع حجبانو وهو كيحاول يتدكر شنو سرا البارح والو من غير خيال دخل عليه;حبيبي ,,نوض خلاص من النعاس ,,راك عيقتي ,,ختاريت ستة البلدان لي غنسافرو ليهوم,,توحشتك ,,ماكيجينيش النعاس بلا بيك,,انا عندي ليك مفاجأة,,مامشيتي حتا حملتيني ,,

هادو هوما الكلمات لي كيدورو في دهنو وصوت سندس العدب لي كترددو في دماغو حل عينيه وهو كيحاول يستوعب شنو سرا ,,اكيد كان غي حلم اكيد احلم سندس ماعندها شنو اتدير هنا كيشوف في جسدو كله مداوي و صدرو محزوم مزيان مابقاش كيعطيه الحريق كيف كان حط يديه على جبهتو نفس الشيء ضغط على يديه الليسرية كيقد يحركها او كيفاش ولا هكا,,حس بالعطش بان اناء ديال الحديد محطوط حداه حط رجليه الارض بشوية كانت كلاكيط ديالو محطوطة خشا فيها رجليه وناض بشوية جهة ديال الاناء هزو وخواه في الكاس يله ايحطو على فمه ماحس الا وداك الكاس تسيب وطاح في الارض و بسباب الصداء ناد سهيل و امير من النعاس مفزوعين ,,اما انيس فلفت وجهه و عينيه حاقدين كانت سندس لابسة سروال كحل طاي هوت و بيل اكس كحل و تجاكيط ديال العسكر خزية مع كاسكيط باج و شال لاوياه عليها هازة في يديها زلافة ;شنو هادشي درتي؟

ناض سهيل بسرعة عفس على رجل امير حتا غوت وناض جهتهم ;انيس ماقصداتش تدير هكا,,نت مايمكنش ليك تشرب حتا تاخد هادشي لي صيبات ليك على ريق ياك ا س ا سمران ؟

حركات راسها باه ومداتو ليه

انيس ;مابغيتوش ,,ماعرفت شنو مخربقة فيه يقد يكون شي سم

سهيل;يهديك الله اصاحبي ,,راه هي لي عالجاتك ,,كون ماكانت هي كون دابا راك كتحاسب مع عزرين (خدا من عندها الطاس)هاك شرب و زيدون هدا غي عسل مع ليمون ماعندو باش يضرك

انيس كيشوف فيها قرب منها مد يديه وهي تبعد وجهها وقف بيناتهم سهيل;علاش مدرقة وجهها ؟

سهيل;حيت ممنوع عليها توريه هادشي علاش

انيس مد يديه تاني وهو يوقف سهيل ;علاش مايمكنش (شاف فيها وقلبه)حيدي اللثام

سندس بعدات لور وحركات راسها بلا

انيس كيستنشق الريحة ديالها و كيقرب;قلت ليك حيدي اللثام ,,

سهيل;راه مايمكنش تحيدو ,,حيت حيت مخصرا في وجهها ,,ومابغات تاحد يشوفها

انيس مادخلاتش ليه الهضرة في دماغو ;مايمكنش انا (وكيقرب وجهه ليها غمض عينيها ودخل النفس )لا مايمكنش (شاف فيها بحدة )قلت ليييك حيدي اللثااااام

امير ناض مفزوع ;اش واقع ؟

انيس ماجاوبوش كيشوف غا في سندس لي واقفة ;اش كتسناي ؟

حركات راسها بلا وتمات غادة خارجة;سندووووس

وقفات في الباب ديال الخيمة وهي تلفت جهته ببطئ كان انيس مول الصوت

ديك تلفيتة ديالها محات ليه جميع الشكوك نحوها عرف بلي مكانش غالط و ديك الريحة ديالها ومشيتها ديالها مايمكنش يغلط ,,امير واقف بصدمة كيشوف فيها مسمرة ,,اما سهيل ولات شاداه الخرية وهو واقف كيشوف في انيس كارز على يديه و عينيه كون كانو قرطاس كون غربلوها

طوع سهيل لي كان واقف قدامو ومشا في اتجاهها هي لي كان واقفة بدون حركة وقف قدامها كينهج صدرو طالع نازل ,,مد يديه ليها بسرعة حيد ليها اللتام وطوع الكاسكيط من علا راسها حتا تطلق شعرها تصدم و هو كيشوفها واقفة قدامه ,,كان عندو امل ولو بسيط ماتكونش هي ,,ولكن صدقات هي ,,بشحمها ولحمها واقفة قدامو كتشوف في عينيه وقف لي وهلة حس بالدنيا دارت بيه و رجليه مابقاوش هازنيو ,,رجع جوج خطوات لور ;انا اكنتخايل تاني ,,مايمكنش (كينعت نحوها )هادي ماشي سندس

لا مايمكنش

امير تقدم نحوها كيعرج وحتا هو الصدمة مالكاه;سندووس؟شنو كتديري هنا؟ ها؟علااااش جيييتي وشكون جااابك ؟

كان صوت امير هو لي فيقو من القلبة وجهه ولا حمر كرز على يديه حيد امير من قدامو شدها من دراعها ;كيييفاش جيتي لهنا؟(كرز عليها)دوييييي انا خليتك في الدار ,,اش جابك

سهيل وقف بيناتهم;تهدن اصاحبي انا نشرح لي

قاطعو انيس وهو كيشوف في سندس بعينين حمرين;خررررررررج

سهيل;ا

قاطعو بالغوات وهو كارز على دراعها;خرج ,,,,كلكممم خرجووووووو ,,,براااااااا

سهيل بلع ريقو وشاف جهة ديال سندس حدر راسو وخرج اما امير حط يديه على كتف انيس وهو باقي كيشوف في سندس لي كتألم;ماتسرعش ,,بالعقل كلشي يتحل

انيس تحت سنانو;براااا

تنهد وشاف جهة ديال سندس بعينين حمرين ;علللااااااش جييييتي هااااا؟

سندس ;اني

قاطعها بالغوات حتا تشاش ديال كشاكشو تلاحو على وجهها;ياك قلت ليييك بقاااي في الدار ها قلتها ولا مقلتهااااش دوييييييييي؟قلت لديلمك بقاااي في الدار اش جابك لهناااااااا؟ولا كيف ديما كتبغي تبااااني ,,,تابعاني حتا الاستراليا ,,,اعيباد الله ,,,,جاية حتا لهنا ,,,كيفاااااش جييييتي بعدااااا دوييييييي

سندس بعينين مغرغرين;انيس راك كتوعتني ,,,خليني انشرح ليك

زاد كرز عليها ;كتحسي بيها دابا ها ,,ماتوصليش لهادشي لي كنحس بيه دابا,,ياك دويييينا قلت لييك بقااااي في داارك ,,,مع ولدك تسنايني,,ولا ماجيتش لاهلا يرد الزامل بويا ,,,نتي ماتجيج لهنا ,,,,كييييفاش جيتي (بعد صمت هز راسو فيها وعينيه حمرين)رجعتي؟

سندس شافت فيه باستفهام

انيس تحت سنانو;رجعتي الخدمة ياااااك دوييي ؟

حركات راسها بلا وعينيها سايلين دمووع

انيس كيوغت;رجعتييي تخدميييي ,,كلامي عندك زايد ناقص ياااك ,,مكنسوا تاقلوة راداني زاااامل ,,,,انا قلت ليييك بقاي في الدار ونتي (بالغوات)جاياني هنا ,,,وراجعة الخدمة من لفوق توحشتيها ,,ياك توحشتي لياماتك ,,ماقديتيش تريحي وتبتي ها ياااااك؟

سندس;اني

مرملقات جاتها صلية من حيتو لا تدري جابتها الارض ديركت مشا جهتها وشدها من شعرها وطلعها عندو كان نيفها دايز بالدم وعينيها شلال;راداني زامل انا ياك دوييي ,,انا لي ولد القحبة رخييت ليك ,,حتا درتي لي قرون ,,لي قالتها لالة سندس كنحظرها ليها ,,انا لي زامل خاص لي حويني انا ,(زير على شعرها حتى حسات بالجلدة غتطير ليها)

هي بصوت باح;خليني ان

ماحسات غي بصلية ثانية جاابتها الارض للمرة الثانية هزات وجهها كان نيفها و فمها كلهم دم شافت رجلين قدام لباب طلعات عينيها بشوية كان صوفيا لي واقفة ,,انيس دار لقا صوفيا واقفة ;قودييييييييييييي

صوفيا ;ش

انيس بالغوات;رووحي تقوديييييييييي

خرجات مازادتش الهضرة

اما سندس عكزات ووقفات دفلات في الارض كان الدم ماجات تدور عندو حتا كان شدها من شعرها ثاني;فين باغا توصلي بهادشي فييييييين

دارت عندو و كتشوف ليه في عينيه;لجهنم ,,,الكحلة ,,,فهمتيييي بسع منييييي

زير عليه من فكها;داكشي هو لي عمرك تحلمي بييييه

دفعاتو من صدرو حتا رجع لور وشد فيه بالم حيت ضغطات بلاصه ديال الجرح مسحات نيفها و;غندمك على هادشي لي درتي

عض على قنانفو و جا عندها بسرعة ماحصات غي بصلية ثالثة كثر من لاخرات جا راسها على العود ديال الخيمة وطاحت الارض تم جاي عندها كيزرب حرا حس بشي حد موقفو كان امير وسهيل لي تدخلو ;انيس

كينهج;طلقو مني نوريها ,,كيفاش تخالفني وتجي (كيشوف فيها كتحاول تنوض)كتسحبي راسك في الجردة كتساراي ,,ها ,,,طلقووو مني نوريها تديير لي فراسها و تجي ,,انا زاااامل ,,,وليت زاامل

امير حاكمو من كرشو;تهدن راه هي مادارت والو ,,خليها تعاود ليك ,,راك ظالمها

انيس كيتركل;طلقووووني نوريها مظلومة ,,انا عد بالي السيدة كينة في الدار وهي كتعزرا لي هنايا وانا في دار غفلووون (كيشوف فيها ناضت هزات كاسكيط ديالها دارتها هي والشال وتمات خارجة )وقفيييييييييي

ماجاوباتوش وخرجات

امير شاف في سهيل;تبعها انا اندوي معاه

حرك راسو باه وخرج كيجري لقاها غادية بالزربة خارجة من المخيم شاف في المرشد باش يتبعو هزو كلاشينكوف وتبعوها

**انيس لاح امير ;حيد علي ,,(باستهزاء)حتا قلت السيدة تبتات و بركات ,,قول هي كتبلاني هههههه

امير;والزب ,,سندس مارجعات لاخدمة لا تقلوة هي اصلا جات غي سالتة ,,وهادشي كامل باش تداوي سيادتك ,,لي نت هلكتيها عصا ,,باش تشكرها نت كتغوت عليها

ناض انيس ساعر;ماتجيييش ,,نموت وماتجييش ,,كتصحاب راسها في الجردة,,,,هاااا؟انا قلت ليها تبقا في الداااار ماتجييييييش

امير;وازبيييي سمعني ديك ساعة دوييييييي

برك في النامسية و كيترعد ;انا لي زامل والله

امير تنهد;وسمع القلاوي وعنداك تندم من بعد(عاود ليه كيفاش سندس عرفات و بلي حسن لي قالها ليها و هو لي عاونها باش تسلت و بلي سهيل لي كان مراقبها و من شافت حالتو هي لي ضرباتو لعنقو باش يغيب و عاود ليه كيفاش لقات الطحالب وسم اللفعا و دوك لي تضاربات معاهم و كيفاش دواتو وكلشي واخيرا قاليه بلي راه حاملة)سمعتي اسيدي على ودنيك ,,سيدة سمعاتك بين لموت والحياة وجات لعندك مغامرة براسها دارت عليك شحال من حاجة باش توقف نت على رجليك واول حاجة درتي ضربتيها و سبيتها

انيس ناض;كي كيف (شد فراسو)يعني داكشي لي سمعت ماكانش حلم ياك ,,هي بصح لبارح كانت هنا و دوات معايا

امير تنهد;اه هي لي عالجاتك و داواتك من بعد ماستسلمو قاع الاطبة هي لي دواتك و ضحات براسها على قبلك

انيس;هي حاملة ياك (بابتسامة)هي حاملة

امير شاف فيه;هادشي لي هامك ,,,ماهامكش حالتها

انيس وقف بصدمة شد راسو ;يا ربي شنو درت؟

امير ;وفوكها دابا

تمات غادة خارجة كتسب و تعض في قنانفها بغضب ,,قاع داكشي لي كانت كاتماه من كانت مع انيس ,,كيحرقها للداخل لاحت الشال بالزعاف خنقها و تبعاتو الكاسكيط تطلق شعرها الطويل لي فايت المؤخرة ديالها ,,ردات شعرها لور لي كان مدرق وجهها بان نيفها الدم مكبد فيه و جنب فمها فيه الدم و حدا عينيها زراق دغيا بقات غادة وتطوع الحجر برجليها كتبرد غدايدها فيه وشعرها كيتمايل معاها بسباب خطواتها لمتسارعة و العنيفة في نفس الوقت حسات بشي يد في كتافها دارت مغزفة وماناوياش على خير لقاتو سهيل لي كينهج;امالكي (كيرجع النفس)مسابقة اووف

خنزار فيه;ونت لاش تابعني (حركات يديها في الهواء)رجع يله تحرك

سهيل وقف;لااا نتي امانة عندي (شاف وجهها كيف داير تنهد جبد مشواار من جيبو ومدو ليها)هاكي مسحي نيفك راه الدم باقي فيه

شداتو من عندو وطوعاتو;ماخصنيش ,,,باغا تيييقاااار ,,رجع تقود بعد مني فهاد الساعة (تنهدات و كرزات على يديها و عينيها كتحاول تكتم غضبها )سهيل (حلات عينيها بحدة)عافاك سير بغيت نبقا بوحدي مابغيتش نخسر معاك بلللز

سهيل حرك راسو بنفي;واااالووو ,,نتي امانة عندي و انا انبقا معاك ,,كتصحابي راسك في جردة ,,راه غابة شوية يبداو يبانو ليك السبوعة و الديوبة كيتسركلو ,,هادشي يلا ماسبقوهومش بني قردون و حتافلو بيك

سندس خشات يديها وراه ظهرها جبدات سيف;ماعندك مناش تخاف انا قادة نحمي راسي ,,نلقا السلاكة مع هادوك (تنهدات)باغي تمشي معايا اوك (رجعات سيف)اتزيد ماتسمعنيش صوتك

دوز يديه على فمه;صم بكم

حركات راسها بايجاب و زادت دارت يديها في جيب ديال تجاكيط لي لابسة ديال العسكر و بقات هازة راسها للسماء كتشوف في الاشجار لي مدلية هاديال البنان و الكوك ,,القرودة كيتناقزو من شجرة لشجرة ,,الطيور بانواعها كيتغرد ,,دخلات النفس شحال وكتخرجها ,,,واخا هكاك نفسها باقا سخونة ,,,ساعتين ولا ثلاثة ديال الطريق وسط الادغال مابرداتهاش ,,باغا تضرب باغ تهرس ولكن (حطات يديها على كرشها )ماخاصهاش تدير نفس الغلط من كانت حاملة بجاد ,,خاصها تخدم عقلها ,,شمات ريحة الترراب رطبة ,,خرير المياه دورات وجهها جهة ديال سهيل لي كان غادي معاها وساكت مراقب حراكاتها مرة تكمش عينيها مرة تغوبش مرة تعض قنانفها لي جرحاتهم ,,تأكد بلي هي من النووع العنيف و كتدير هكا باش ماتهورش ,,وتدير شي مصيبة وحتا هو كتافا بالصمت كيف قالت و مشا معاها فينما داتها رجليها هو المرشد;سمعت صووت الماء اكيد شي نهر

تلفت عند المرشد لي وجهه عراق ;واش كين شي نهر هنا؟

حرك راسو باه ونعت وجيهتو ليمنية ;كين شلال ,,قريب

سندس تلفتات فيه و عينيها مكمشاهم بسباب الشمس;بغيت نمشي ليه

المرشد;اه واخا

مشا سبقهم هو باش يقيدهم بقاو غادين وسط الاشجار القصيرة و العشب الطريق ماكتبانش قدامك كيبعدو بيديهم الاعشاب لي كتحجب الرؤية عليهم حتا خرجو في واحد المنظر وااو بغيت نقول جنة العشب والاشجار من كل جهة كيتوسطها شلال مرتافع شوية كيتصب في واحد النهر و اسماك السلامون الاحمر كينقزو باغين يتصلقو داك الشلال باغين يهاجرو بقات واقفة كتشوف و عينيها كيلمعو بالفرحة و الدهشة في نفس الوقت من داك المنظر الخلاب ,,,حيدات يديها من على العشب وبدات كتمشا و كتمنظر و تحقق في الاشجار لمتدلية لونها خضر قاااتم ,,و اظلالها معكوسة في النهر اسماك السلمون كتحنقز من كل جهة ,,لوحه مرسومة ,,بدع الخالق فيها سبحان من صور ,,طلعات فوق الحجر وبدات كتسلق بشوية بشوية حتا وصلات القمة ديال الشلال و الحوت كينقز حداها من كل جيه وهي عاجبها الحال شافت في سهيل لي واقف حداها مبتاسم;هه هاهو الحوت دابا كوليه

سندس شافت فيه;هه نقزو؟

رجع بصدمة حتا تكربع وجا على قزيبتو;هاااا اححححح

سندس كتضحك من المنظر ديالو;ههه (مدات يديها)ارا ارا اويلي قاليك امانة عندو هههه

شد في يدها وناض كان كله مسرسط ما;امانة عندي ولكن باش نموت وانا مخلي مرا كتسناني و وولدي يله عندو شهر لاا

سندس;واتا شوف شوف ماعاليش بزااف تا دير النية را غي الخلعه كتجيك في اللول و صافي ما من كتنقز اتستحلاها تيق فيه

كيحرك راسو بلا;الا لا لا ,,ماصاخيش نخلي مرتي ارملة وولدي يتيم,,انا نتلاح من هنا هاا؟و الحوت حداها لا لا الا (كيحرك راسو بالنفي)هانتي خلينا غي هنا كنتفرجو فيهوم ها هو الحوت كينقز عليك ياك البارح تشهيتيه هانتي هزيك ليك واحد خمسة الحوتات ولا ستة و يله نمشيو بحالاتنا

سندس حركات راسها بنفي;تشهيت نتلاح و غتلاح معايا بغيتي ولا كرهتي

تم غادي وهي تجرو من تجاكيط ;فين سالت ترجل معانا اصاحبي

كيشوف في اسفل النهر;وشكون قاليك اختي انا راجل؟كدبووو عليك ,,,اخليني نمشي بحالي ,,نتي هي الراجل ,,انا اولية

قرمات عليه من القرفادة ورجعاتو;تلاح

مد رجليه بانت ليه القضية حامضة وهو يرجعها;الله يرحم باك ,,اخليني نمشي ها العار

سندس كتحرك راسها بلا;ياك نت لي قلتي لي امانة عندك وتابعني يله تلاح

سهيل;يقطع ديلمي انا ,,اش داني,,انا راه واحد ولد الكلبة مني ماكان ,,خاصني العصا

حركات راسها زعما يله مد رجليه يله ايرجعها وهي تدفعو جا نازل وحلاقمو مخرجهوم بالغوات باق تلاح في النهر ضحكات و تسوطات تبعاتو غطسات و عاود طلعات حتى من المرشد تبعهوم هزات راسها لقات سهيل كيفرنس;ههه واهدشي زين زين

سندس كترجع شعرا لور;شفتي راه قلت ليك ايعجبك

سهيل كيمسح وجهه;ههه اه واعررر ههه يله نرجعو نتلاحو

سندس كتضحك;هههه شفتك ستحليتيها

سهيل;واراه داكشي زوين هه

يله تمو خارجين وهوما يسمعو تخرشيش تكونو في بلاصتهوم وبداو كيشوفو في مصدر الصوت حتا بان ليهم دب قدو قد الخلا باللون البني جاي جهة ديال النهر

سهيل خرج عينيه;اويلي دب

سندس كتضحك ديك الضحكة ديال الشمتة;ههه اودي شش اجيو لهنا

تخبات ورا واحد الصخرة تخبعو وراها طلات بشوية بان ليها الدب دخل وسط النهر ووقف سهيل حابس البولة غا بزز;ناري دب ,,,مشينا فيها كفتة

سندس;شش سكتنا راه لماء محا لينا ريحتنا ,,يلا بقيتي كتهضر نت لي غتجيبو لينا نشاء الله (شافتو كقرب ليهم خشات راسه سهيل في الماء و غطسات وحتا المرشد معاهم بقاو بضع دقائق و خرجو كيستنشقو لهوا دورات وجهها بان ليها مشا جهة اخرا في النهر عاطيهم بالظهر دارت ورا الصخرة و تبعو لاخرين كيطلو عليه كان مقابل مع السمك لي كيحاول ينقز كيجي ديريكت لفمه ماكين غا كول يا ماتاكل كول يا ماتاكل شي نص ساعة تقريبا فين مادار كيدورو موراه كيقرب ليهم كيغطسو باش مايشمهمش شي نص ساعة حتا عركها مزيان ضرب شي ستين حوتة تقريبا كول وحدة قد السخط حتى عمر الكريشة عاد خرج تنفسو الصعداء :فلتنا منها

سهيل شاف فيها;شفتي لي تبع بلاناتك شوية و نصدقو كفتة ناري فمه قداش عضة وحدة يخلي فينا ارجلين

سندس شافت فيه;اش عندو مايدير بيك ,,ونت فيك النكير سكتنا ويله ناخدو الحوت قبل مايجي شي دب اخر يسلم علينا

سهيل حرك راسو باه تم غادي كيدرع وهو يرجع عندها;وكيفاش انصيدو يا لفاهمة ,,,ندير سيروة ديال سبرديلة مثلا

سندس ضربات راسها ;دخلت عليك ابالله من نيتك مدوز الجيش ؟نصل نصل

سهيل;شنووو نصل

سندس بنفاد صبر;نص طريكوك دغيا نت وهداك

حيد تجاكيط و حيد تريكوه حتا من المرشد دار المثل شدات كل طريكو عقداتو ولا كل واحد بحال الخنشة حيدات تجاكيط بقات غا ببيل اكس كحل والسيف في ظهرها ;انا نصيد ونتوما عمرو مشات

حركو راسهوم باه بدات كتطوع ليهوم الحوت برجليها وهوما كيشقمو و يعمرو الخنشة قلبوها باسكيط ههه هي تلوح وهوما يشقمو ,,شي ساعة اللاروب

***

امير دخل عند انيس;والو ماليهاش الاثر

انيس ناض ساعر;فين مشات هادي ,,,كيصحاب ليها راسها في الحديقة كتسركل ,,(تم غادي وهو يضربو الضؤ لصدرو طاح الارض)احح

جا امير كيعرج رجليه بالزربة شدو من دراعو نوضو وبركو في السرير;تا برك الارض ,,را باقي مريض (مد ليه زلافة لي جابت ليه ديال العسل والليمون)هاك شرب ,,كون كانت شي حاجة اتوصلنا اتكون اكتدور هنا سهيل راه معاها مغيخليهاش تهور

انيس كيشرب و كيرجع النفس;مم واش بغات تحمقني ,,انا خايف عليها ,,,مابغيتهاش تجييي,(عض على قنانفو)حنا رجالة وحاضين راسنا ,,وهي ممم كتعزرا ,,عادي ,,النمورة كيدورو والسبوعة عاد دوك القبايل ,,,واش بغات تسطيني تخرج لي عقلي

امير برك حداه;تهدن ,,نت اصلا خسرتي معاها وهي اكيد مقلقة

انيس حط الزلافة;قلت شي حاجة ديال العيب ؟لا انا عارف هنا كيف داير ,,انا راجل وشوف حالتي ,,لا عساك هي لي مرا ,,كون كانت شي مهمة ساهلة نجيبها معايا و نخليها في اوطيل ولا شي بلاصة حتا نرجع ولكن دور عينين ,,,غابة ,,عامرة حيوانات مفترسة ,,وعاد بنادم لي كياكلو لحم ديال البشر ,,ها ,,هادي راه جهنم ,,ماشي غابة ,,كتصحبني فرحان حيت حطيت فيها يدي,,,انا مكرهتهمش يتقطعو,,ولكن راه تصدمت اصاحبي ,,كون جات كوثر نت ها ؟اش غدير ؟

امير نزل راسو;عارفك خايف عليها,,ولكن متنساش بلي سندس متدربة وهي عارفة كثر منا على الغابة ,,هي غامرات براسها في سبيلك اصاحبي انا كون دارت لي كوثر هكا نبوس ليها رجليها سمح لي

انيس ناض وهو شاد في صدرو;وارا خايف عليها دخلها لزكك,,,راه ماشي غنبوس ليها غا رجليها ,,طرمتها حتى هي نت لا كانت عندك عادي تجي مراتك لهاد القرينة الكحلة انا لا ,,واخا نعرف نموت و مانشوفها مأدية ولا مضروبة فهمني اصاحبي ,,(برك فوق النامسية )تفووو على زهر

**عمرو الطريكووات هه بغيت نقول الخناشي لي صنعو ,,جمعو شي ثلاثين كيلو ولا ربعين وتمو خارجين سهيل كيحرك في طرمتو و يحك فيها شاف فيه ;املك

هو كيلعب بيها مد ليها الخنشة :شدي شدي

خدات من عندو الخنشة والحوت باقي كيتركل فيها حي حل السمط ديال السروال وخشا يديه كيبقشش حتا جبد حوتة سالامون كتركل,,;بنت الكلبة مالقات فين تخشا

سندس مقداتش تصبر هي والمرشد ;بقاو كيضحكو عليه وهو ساخط على الوضع حاقد شدها باقا كتركل وكينقز برجليه حيت سروالو نازل لابس من لتحت غي سروال عادل امام بيض لابس لاسق عليه لاحها في الخنشة ;علموها لي ليوم نشوي بوها من قزيبتها (كيسب و كيطلع في السروال اما سندس مابقاتش قادة توقف من الضحك حيت فريمون منظر ديالو كيضحك شاف فيها ;دابا عاجبك الحال ها؟

مدات ليه الخنشة ;هز احنيني هز هههه

خدا من عندها الخنشة دارها ورا ظهرو تفكر المنظر ديالو وهو يبدا يضحك حتى هو ;ههه اودي خرات علينا

سندس;ههههههههه ههههه

سهيل;ضحكي نتي لا جا معاك هه تفووو كون غي كان معانا شي تيلي ولا كاميرا نسجلو هادشي هههه

سندس كتعسر في شعرها ;كون راه خربناها على ناشيونال جيوغرافي

سهيل ;ها شفتي شكون قال غي النصارا لي كيغامرو ,,(كيتعنكر)حنا درنا كتر منهم,,ها اللفاعي ,,ها بني قردون,,ها السلامون ,,ها الدب

سندس;شكون قال ليك انا راجل اكدبو عليك انا اولية هههه (كتعيب فيه)

شاف فيها;الواحد هو لي خاف على راسو,,قاليك الحضا غلب القضاء ,,ولكن في الحقيقة ,,والله مغامرة معاك ,,ههه انبقاو فينما غادين شي مهمة نسلتك فيها

سندس جمعات الضحكة;احم يله نتحركو راه شوية ايبدا يظلام الحال

سهيل عرف قفرها و فكرها بغا يبدل الجو ;اح اح شحال كيهرو ولاد الكلاب باقي ماماتو ,,تي مالك معمرة ,,هادشي راه يوكل قبيلة سيمانة فطور وغدا وعشاء

سندس ;حشومة ,,حنا ناكلو وهوما يتفرجو فينا,,واصلا مساكن تلاقهم مشهين الحوت ,,باركين عليهوم بشعرية باسلا اوووووع

سهيل ;زيدي زيدي نتوما العيالات شحال فيكوم ديال التبعصيص ,,الواحد هو لي يكون حسكة الحاجة لي طاح فيها مايقعدش الراس

سندس كتعنكر لاحت شعرها لور لي بدا كينشف ;مسكين ,,,مالهم العيالات كيف جاوك حنيني

سهيل;بلية ,,لي تبعهم مشا خلا مسكين ,,هانا شوفي حالتي تابعك ,,من مامتناش عدنا الزهر

سندس عوجات سيفتها;باز ليك اخويا ,,ماشي غا دابا بديتي كتقول ,,,عاجبك الحال ,,ها ,,دغيا كتقلب اصاحبي

سهيل;هي في الحقيقة ,,الواحد هو لي يغامر ,,هه ولكن راه هادو مامعاهمش اللعب

سندس شافت في جهة ديال المرشد لي هاز حتا هو خنشة ومعري من لفوق فحال سهيل;مم اش سميتك ؟

شاف فيها;عرين

سندس;مم عرين ,,اجي نت عايش هنا ,,فين هوما عائلتك ,,واش معندكم تاحد ,,,

تنهد وشاف قدامو ;كانت عدنا عائلة ,,كنا عايشين مع قبيلتنا ,,في الارض لي دايرين فيها نتوما المخيم ,,واحد الليلة هجمات علينا واحد القبيلة على غفلة ,,قاليك حيت حنا سحارة ,,قتلو كلشي ماخلاو تاشي حد ,,حنا لي هربنا ,,انا ومراتي وولدي ودوك لي شفتي معانا ,خدمنا مرشيدين مع القوات ديالكم,,و ديال امريكا علمونا الانجلزيية وحنا كنقريوهم على الغابات و داكشي لي متعلق فيها,,وكنرافقهم في كل مهمة متعلقة بماغارات ولا غابات بحال هاد المهمة,,وبدورهوم حامين عائلتنا و دارو لينا وراق وجنسية امريكية و عايشين بيخير ,,وعطاونا بادج مساعدين ديال الشرطة ,,كنا بحال العبيد هنا وهيماج ,,وهوما وراونا الطريق والنور دابا عندي ولد كيقرا في العام العاشر عندو سطاش العام باغي يولي جندي حتا هو ,,و بنتي عندها ستة سنين عايشين بيخير

حركات راسها باه;مزيان من خرجتو من هنا بعدا

هو ;تنهد;كون غي قبيلتنا كاملة بقات عايشة و كتاشفو العالم لي خارج كون راهوم دابا باقين عايشين

سندس;الدنيا ديما هكاك ,,كتاخد منك وكتعطيك في المقابل ,,خدات منك قبيلتك ,,ولكن عطاتك حياة مزيانة ,,امنة نت وعائلتك ,,وهادي راه فرصة ماكتجيش عند كلشي

عرين;عندك الحق ,,انا مستاعد نضحي بروحي ,,في سبيلهم

حركات راسها باه;لا حظيتي راسك ,,ماغيكون لاش تضحي بروحك ,,العقل هو كلشي ,,يلا خدمتيه في الوقت المناسب والمكان المناسب بالطريقة الصحيحة كون اكيد بلي كلشي ايدوز مزيان

سهيل;ههه كلشي عارفة عليه ,,ياربي السلامة شي حاجة مكتعرفيهاش ؟

سندس;النفاق االحاجة الوحيدة لي فلتات لي هههه والخوف صافي

سهيل;هه هادي عن(قبل مايكملها جتو شي حاجة راس )اححح (كانت بلوطة)

سندس;ما (قبل متكملها جاتها شي حاجة راس )احح (كانت بلوطة هزات راسها وهوما يبداو يبانو بزاف ديال البلوط جاين جهتهم دورات راسها جهة ديال الاغصان كانو القرودة صغار كينيشو عليهوم)وااا علق

سهيل:ما اححح

سندس دفعاتو;القرودة ولاد القحاب كينيشو علينا هههههه علق

سهيل;هوما ليبقاو لينا

بداو كيعلقو و السماء سابة بلوط ههه بغيت نقول القرودة كينيشو عليهوم بالبلوط سهيل حاكم الخنشة و هاز رجليه الريح مرة تجيه لقلقولة مرة القزيبة المرشد تاهو ماكين غي الله يعطيك الصحيحة ,,حتا سندس مافلتاتش منهم ,,كينيشو عليها ديريك القزيبة بحال يلا عارفينها بقا اكيشحطو ليها فيها وهي مدردكة سابقاهم وكتضحك وتسب بالفقسة ;نزلو اولاد القحاب (نقزات شدات في قزيبتها)احح

سهيل;واناري احح ماكيزكلوش

سندس ;احح وعلقو اصاحبي واااع احح احنا (نقزات)ولاد القحاب الله ينعل الزامل بوهوم (دركات طرمتها وكتجري)مابقا والو احح

سهيل ;اييي

** انيس كيمشي ويجي في الخيمة حاط يديه على صدرو ;فين اتكون مشات هادي شوف شحال الساعة و الحال بدا كيظلم

امير;راه معاها سهيل و المرشد كون كانت شي حاجة انعرفوها

دار عندو;اش غنعرفو راه هادي ادغال ,,يسرطها غي التراب مايبقا يبان ليها اثر افف

امير;قلت ليك معها المرشد ومسلحين وسندس مايتخافش عليها فبحال هاد الامور مولفة بهادشي فكر غا في حريرتك بعدا من تجي

انيس;او(ما جايكملها حتا بدا كيسمع الغوات برد ليه الماء في الركابي خرج كيجري وتبعو امير )

***

سندس كتجري شادة في قزيبتها;حلوو حلووووو

سهيل;واحلو اولاد القحاب اححح

دخلو المخيم وتلاحو في الارض كيرجعو النفس كلشي تدهش من المنظر ديالهوم و تصعقو من شافو سندس شعرها مليوح في الارض و وجهها حمر مزنك لابسة غا بيل اكس كحل كول عين فلون حوالو

جا انيس كيجري لقاها منشورة في الارض مسرحه رجليها كتهنج حداها سهيل ناعس على كرشو كيحك في طرمتو والمرشد بارك على قزيبتو ,,مشا عندها شدها بخوف;مالك شنو واقع ؟واش شي حد اداك

سندس نترات يديها منه ;لا ما اديتيني نت ماكين لي يأديني

شد وجهها بخوف;مالكي كنتي تغوتي و كتجري (شاف في الخناشي)شنو داكشي ,,

حيدات يديه من وجهها;ماتقيصنيش فهمتي ,,؟

سهيل كيحك فيها و كينهج;حوت جبنا ليكوم سلامون صيدناه

امير بصدمة;ها؟ سلامون ؟

انيس وعلاش كنتو كتغاوتو واش هاد الحالة (شاف فيها )فين هي تجاكيطة ديالك وكاسكيطة ؟

خنزرات فيه درات شعرها لور و زادت نخلاتو

سهيل ناض ;والو راه غي واحد ولاد القرودة ولاد القحاب بداو ينيشو علينا بالبلوط

امير;وايلي

سهيل;ولاد القحاب ماكيزكلوهاش احح باقا كتضرني

امير:ههههه

سهيل شاف الجنود لي باقين مصدومين;اجيو هزو هادشي ونتوما(كيحك في قزيبتو)كتشوفو في

امير;ههههههه طبتيها مسكينة ههه هدا عليها

سهيل;واراه لملحة و ,القرودة ولاد القحاب ماجاو فيها اديريكت,,وعاد واحد الحوتة بنت الكلب عجباتها السلعة وبقات كتلعب تم

امير;هههههه ناري طيرتيني ههه قاعما كنتي هوك شفتك وليتي اكتسب و تعاير ياكما تسوطيتي

سهيل;واراه لي تبع ديك ختك ايهربو لبوه لفيزيبلات احح نمشي ندوش حسن لي (تم غادي مفرك رجليه بحال المختن وامير مقابله كيضحك)

***

دخلات سندس الخيمة ديالها كتجر في سطرينغ لي دخل ليها وكتسب;ولاد القحاب مانيشو الراس لا ظهر ديريكت الترمة احح (حيدات السيف حطاتو فوق النامسية ,,حلات الساك جبدات دوبياس بيضين وكولون سبور غري اديداس مع اكس ديالي غري و فيه الصفر و قبية ديالو صفرة حطاتهم جنب جبدات شامبوان ديالها ومشطة و صابون هزات فوطتها مشات جهة ديال البانيو لي دايرين ليهوم مع برميل كبير ديال لماء لاحت حويجها في الارض و بركات في داك البانيو ديال الحديد مدور خشات طاسة في داك البرميل ديال الحديد وبدات كتخوي الماء على شعرها كان لماء بارد ثلج حسات برعدة لمرة اللولة وسرعان ماولفاتو دارت شامبوان وبدات كتغسل في شعرها ومغمضة عينيها حتا حسات بشي يدين على كتافها كيلمسو فيها و نفس سخونة كتضرب في عنقها عضات على قنانفها بغضب ودوات ببرود بلا متحل عينيها;خرج علي

انيس لي بارك القرفصاء كيلمس في كتافها و خاشي نيفو في عنقها كيستنش ريحتها صدرو كيتهز ويتحط همس بشوية;مانقدش ,,سم

ماجا يكملها حتا لقا راسو مدفوع وطايح الارض شد في صدرو بالم كانت سندس واقفة هكاك سولو كلها رغوة وكتشوف فيه كتنهج;خرج برااا تقود

انيس شد في صدرو وناض كيطلعها من الفوق حتا لتحت داخ مشا قرب ليها;س

اشارت ليه بصبعها;قلت ليييلك روووح تقووود برااااا ,,,,خليني الحد الان دايرة بحساب ديك الضربة لي في صدرك

دار ابتسامة جانبية وقرب ليها حط حيد سندالتو و دار رجليه في البانيو معاها;تقدري تضربيني زعما ديريها لا كانت اتريحك

سندس بغضب;انييييييييييييس ماتختابرش صبرييييي مزاااال ,,خررججججججج تحوااا براااا داااااااابا

انيس جرها من خصرها لصقها معاه;منقدش

بعداتو من صدرو حتا توعت ;اووك لا مابغيتيش انا انخرج

خرجات من لبانيو هكاك عريانة كلها رغوة تمات اتهز فوطتها وهو يحبسها;اووك انا انخرج خليك مرتاحة

حيدات يديها من القبضة ديالو وقلبات وجهها ,,بقا كيشوف فيها شحال والندم واكلو اكثرة من شاف تحت عينيها زرق وحدا فمها منفوخ طلعها ونزلها ,,كرز على يديه حتا توعت و خرج اما هي بقات واقفة شحال حتا حسات بيه خرج لاحت لفوطة بالزعاف و رجعات لبانيو كتشلل راسها

**

امير;امدرا ؟

انيس برك بالزعاف;راك عارف ختك كيف دايرة (ضرب يديه مع الحديدة ديال النامسية)تحت عينيها زرق و فمها منفوخ تفوووو

امير:نت كان عليك تسمعها ,,من ديما كتديرها قد راسك وكتبدا تندم من بعد,,قلتها لي شحال من مرة ونت دغيا كتشعل,,وبسباب هادشي مشات خمس سنين ,,ودابا من ضربتيها (هز يديه وكيعرج)انا هزيت يدي عليك ,,منها ليك هاد المرة

انيس دار صبعو في فمه كيعض فيه تفكر من صرفقها حتا جات طايحة في الارض ,,ناض شاد في صدرو ;اش درت اربي ,,شنو ندير تفووووو

امير;ماشي سوقي ,,سرك

انيس;ماتزيدش علي حتا نت الله يرحم باك لي في مكفيني (ناض خرج و تبعو انيس كان ظلام الحال و شعلو الشعالة كبيرة و مستفين داك الحوت راشين عليه الملحة و خاشينو في عواد و كيشويو سهيل خارج لابس سروال بارا كحل و بيل كوم ديال الصوف غري مع سبرديلة نايك برك حداهم;فين هي سندس؟

انيس خنزر فيه;شفتك وليتي غا تابعها ياكما ضارب عليها لاكط وانا مافخباريش

سهيل;رولاكس املك ,,سندس راه فحال ختي وزيدون عمي حسن لي دارها امانة عندي

انيس;وانا ماعجبتكش ,,بنت ليك ناقش طرمة؟

امير;تا ملك؟

سهيل;ماعرت مالو (لفت وجهه بانت ليه سندس لابسة كلون غري بيما مع اكس غري ديالو مكتوب بالصفر و قبية صفرا مخلياها محلولة صندالة ديال الصبع هعرها جامعاه شفنجة و جاية جهتهوم)هاهي عمرها طويل (ناض جهتها)

انيس;غنحوي مو مافيهاش الشك

امير;تهدن ,,,نت عارف سهيل ماشي من داك النوع ,,ولزوج ووالد من لفوق,,وزيدون لوقت كامل وهو معاها ,,تهدن غتزيد اتكحلها تاني

انيس كيشوفهوم واقفين كيدويو;دابا انا نعيوة هااا؟مخلياني انا هنا وهي واقفة لي مع الزلال

امير;لا حول ولا قوة الا بالله والله

**

سهيل;ماوكلي تهنيتي؟

سندس;ههه (كتشمشم)الله ريحة ديال الحوت

سهيل;هه زيدي زيدي ,,قبل ماتاكليني

تمو غادين دورات عينيها لقات انيس كيشوف جهتهم و كيعض في قنانفو هزات راسها لقات صوفيا كتخنزر فيها حركات راسها بتعب و مشات بركات حدا العافية مقابلة مع انيس و امير و حتا صوفيا

سهيل مد ليها العود;هاكي كولي وشربي حتا يبانو وليديك هه

سندس خدات لعود وحطاتو في العافية;هههه

شافت خيال قدامها هزات راسها وهي باقة مادة يديها بتاسمات;لؤي ؟

لؤي برك حداها;ههه اه لؤي فين غبرتي المسخوطة

سندس كتشوف في عود;غا الدنيا ايوا نت

خدا عود وخشاه في لعافية.;حتا انا ,,شحال قلبنا عليك ونتي غبر ليك الاثر

هزات كتافها ;عادي ,,كنت بغيت نبدل الجو وصافي ,,ايوا نت شمن جديد ,,تزوجتي ولدتي درتي شي حاجة ولا والو

لؤي;ههه نوضي على خير ,,,تزوجت وولد جوج ولاد ,,واحد عندو ربع سنين ولاخر عام

سندس بابتسامة;هاي هاي الناس دارو العقل و تزوجو

**

صوفيا كترعد;بغيت انعرف شكون هادي ,,وكيفاش ,,حتا شاف انيس دار عليها قبيلة ديك الحالة ,,

واحد الولد بارك حداها;قرطاسة ,,بفف فين كانت مخبية دوك العينين

صوفيا;يخخ تفووووو نتوما هادشي لي حاظين (تحت سنانها)واخا الالة سمران انا انوريك

***انيس كيترعد;السيدة ناشطه كتاكل مع راساتها مدورة عليها الزوافرية ,,شوف كلشي حاضيها ها وهي مربعة ليا حالة ديك تجاكيط

امير شد في راسو;ناري ياربي واش مغتقاداش ؟سكتنا خلينا نعقلو غي على الماكلة نعرفوها من دازت ,,تقهرت بالصوبة

انيس;هادشي فاش فالح

**

سندس;ههه اويلي دب

سهيل تسرح بالضحك:هههههههه ماتفكرينيش ههههه

لؤي;مالكم ؟

سهيل;هههههه اودي خرات علي مع هادي هاد يومين (عاود ليه من تلاحو من الشلال وجا الدب و الصيادة والقرودة لي كينيشو عليهوم كيدوي ويضحاك حتا كيستاراح ويكمل)ههههههه

لؤي شد في كرشو بدا كيضحك;ههههههه

سندس كتاكل وتضحك;ههه ولاد القحاب ,,هوما بعدا كينيشو عليهم القلوقولة ما انا والووو كيجيبوها لي نيشان القزيبة هههه

سهيل;ههه واعلقو ولاد القحاب كينيشو ههه

سندس بقات كتضحك حتا شهقات ليها وبدات كتكحب ;كح كح

شافها انيس وناض بسرعة لجهتها شد كاس ديال لماء ومدو ليها;هاكي شربي

مخداتش من عندو بقات كتكحب وتحاول تنفس ,,حتا نطق سهيل;را داك الكاس

مدو ليه ويديه كيترعدو كون ماكان ديال الحديد كون هرسو خداه من عندو سهيل وعطاه ليها;هاكي شربي

خدات من عندو الكاس وشرباتو رجعات النفس ;اووف وحلات لي

انيس حط يديه على ظهرها;شوية؟

حيدات ليه يديه بلا ماتشوف فيه ولفتات وجهها جهة ديال العافية تنهد و ناض كيخنزر في سهيل و لؤي رجع بلاصتو كلشي كيشوف فيه بصدمة كيفاش ناض كجري عندها والخوف لي كان باين عليه هو ماداها فتاحد برك كيشوف فيها ,,هي مهزاتش راسها فيه كانت حاطه العود كيتشوا وكتدوي مع سهيل ولؤي

رجعات راسها لور;اووف صافي درت لبلان

سهيل;كولي كولي راه ماخليتي والو

خنزرات فيه;مالك راه نا لي صيدتو ,,(خدات ليه العود)نت إصلا ماخاسكش تدوقو

سهيل خدا ليها العود;وعلاش نن؟شكون لي كان كيشقمها من كتلوحيها ها؟وشكون كان هاز الخنشة ؟وديالمن داك الطريكو لي كانو فيه ؟وشكون كان كيجري والقرودة كيخورو فيه ؟راه انا لي داير فيك الاجر ومخليك تاكلي

سندس ;ايوا هاد المرة صيدو نت اش كتدير ,,راه كلشي على تصييدة

سهيل كياكل;كنتي كتفسفسي عليه مثلا ياك كنتي اكتطوعي برجليك ,,بحال متولي ,,

سندس;يوا هاد المرة طوعو برجليك نت نيت فحال كريستيانو

سهيل;كتعرفي كريستيانو بعدا؟

عوجات فهمها;مالني جاية من لاربة ديال الغيس ؟

لؤي;لاحول ولا قوة الا بالله نتوما مالكم (شاف في سندس)شفت ولات فيك الهضزة؟

سندس اشارت ليها;هادا يدوي الميت ,,

سهيل;راه نتي لي تجبدي لي مايتجبد

سندس;كول كول

سهيل;هاهو كياكل هههه (حط العود)احح عركتها اياي ياي بعدا هاد تسخسيخة وتخويرة مامشاتش فابور ههه

سندس شضاتها الضحكة;ههههه

سهيل;هههههه ليوم داز متورخ ايوا غدا مامشهية حتا شي حاجة؟

سندس;ممم مشهية راس ديال السبع مشوي

سهيل غوت;هااااا؟(لفوت وجهو لقا كلشي كيشوف فيهوم)احم خليك افلحوت احنينتي اويلي على سبع

سندس;هههههههههه خراي هههههههههه

سهيل;بصحتي الالة ,,خراي وزيدي عليها بوال ,,(خرج عينيه)سبع؟لا لا انا بان لي انمشي عند مرتي وولدي اما عرج ولا معوبق هادشي يلا رجعت بعدا

سندس;ههههههههههه (شدات في كرشها وبدات كتضحك)ههههههههههههه لعار ماسكوت ههههه

****

انيس كيترعد;شفتي شفتي ختك شنو دايرة هاا؟كتفرنس لي مع راسها

امير كياكل مامسوقش

انيس;انا ماكتدويش معايا وهي كت(دار عندو لقاه كيخشي فوي جهو وهو ينزل عليه الراس)راه كاندوي معاك الزامل

امير هز راسو;تا مالك خليها تضحك ,,مالك حسدتيها ؟خلي البنت عليك ,,راه هجرتيه ليها الصباح ,,خليني ناكل

ماقدش يصبر شد امير من يديه ونوضو;تا مالك

انيس ;زيد قدامي

***

سندس;هههه صافي سكت ها العار ههه

لؤي كيمسح دموعو بالضحك;ههههه

امير;ضحكونا معاكوم

سهيل;بركو بركو

انيس شاف في سندس تنهد وبرك في جنبها هي دورات وجهها لجهة اخرا

انيس شاف في سهيل;ايوا فاش كنتو كتضحكو

سهيل;هه غا فليوم شنو سرا لينا مع هاد المسطية

سندس خنزرات فيه ;انا مسطية؟هاا؟

سهيل;اه (شاف في سهيل)لي كيتلاح من فوق شلال ماشي حمق ؟

انيس بالغوات;هاااااا؟

سندس خنزرات فيه;راه تقتبتي لي الطبل ديال ودني املك ؟

انيس بغضب;واش تزعت

قاطعاتو بيديها بمعنا سطوب;ماغتجيش تورريني شنو ندير ,,اوك؟(لاحت لعود بالزعاف وناضت)انا انمشي نعس باي (شافت في امير )بغيت ندوي معاك)

حرك راسو باه وناض تبعها دخلات الخيمة ديالها بركات ;شنو كاين؟

سندس ;ماكين والو ,,بغيت نقول ليك ,,,بلي كوثر ولدات

امير وقف بصدمة ;كيييفاش ؟

ناضت عندو ;اه ولدات هادي يومين ,,في الدار(عاودات ليه كلشي)ودابا كلشي مزيان هي وولاد

برك فوق النامسية عينيه مغرغرين ;لثاني مرة كندير فيها هكا,,,(شد في وججه)انا مك

حطات يديها فكتافو;ماعندك امدير ,,الحمد الله ,,هي والولاد بيخير هادشي لي كيهم ,,راه باقي العمر قدامكم ,,راك ماتولدو حتا يطلعو ليك فراسك ههه

امير شاف فيها :اكيد بقا فيها الحال ياك؟

تنهدات;هي عادراك صافي نسا ,,دابا خاصك تكون فرحان زعما وليتي اب وبتوام الكلب هه زرفتينا كاملين هههه

اميربابتسامة مخلطة بالدموع;كنت هه عارفها حاملة بتوام مابغيتش نخلعها ,,كثر ماهي مخلوعة من بعد لولادة ديال ريان تعقدات هادشي لاش خبيت عليها

سندس;هه ايوا من هنا نقولها ليك جاد راه لصق في بنتك ,,

امير;ههههه (حط يديه على كتافها)الله يخليك لي ,,كون ماكنتي نتي ,,(تنهد)الحمد الله كلشي مزيان ,,ونتي كنتي معاها ,,الحمد

سندس;كوثر راه ختي عادي وكون ماكان هاد المشكل ,,كون بقيت معاها ولكن راه خليت معاها خالتي محاسن وبابا

حرك راسو باه وناض ;انا انمشي نعس

سندس;وك سير رتاح لييك شوية

باس ليها راسها وخرج و في الباب تلاقا مع انيس شاف فيه بمعنى مالك حرك راسو بوالو وزاد ,,انيس تخلع دخل لقاها كتقاد في المخدة باش تنعس,

مشا في تجاهها وبرك في طرف النامسية كانت متكية على كرشها بدا كيلمس في شعرها ;حبيبة سمحي لي عافاك والله ماقصدت ندير فيك هكاك,,انا اكنت خايف عليك ,,(كيلمس في شعرها)عارف راسي زدت فيه ,,ومكانش علي نتصرف بديك الطريقة ن,,ولكن الصدمة ,,لي خلاتني نتعامل هكاك ,,ديري راسك في بلاصتي,,انا كنخاف عليك من كللشي ,,ونتي جاية ,,لهاد القرينة لي رجالة وخايفين ,,,كلها حيوانات و ادغال ,,وزيد عليها الجو كيف داير مرة شمس مرة شتاء ,,كيف بغيتيني نتصرف ها؟

حيدات ليه يديه و ناضت بالزعاف;كيف بغيتك تصرف؟هه كتطنز علي واقيلة

ناض عندها ;س

قاطعاتو;دويتي خليني نتكلم حتا انا ,,,,ماسولتيش راسك كيف كانت حالتي وانا معندي عليك حتا خبار ,,مكنعس لاليل لا نهار ,,مكناكل والو ,,كتصحبني ماعارفاش اش كاين في استراليا ,,زعما ضحكتي علي ,,,الله يجيبك على خير راني عارفة لي ماكيتعرفش ,,ماسولتيش نفسك كيفاش كانت حالتي باش سقت بلي تضربتي ,,وغيبت وبسبابها عرفت راني حاملة ؟ماعرفت نبكي ولا نفرح ,,غامرت بحياتي وبكلشي وجيت لهاد القرينة الكحلة هاااا؟(بالغوات)علااااش في نظرك؟جاية نفوج مثلاااا؟دوييي جاية باش نتساااارا ؟ماسولتيش راسك من سمعت الدكاتير كيقولو ليك بلي ماعندهم حتا حل يلا يتنساو حتا يتقاد الجو باش يرجعو المغرب ,,و مايقدوش يعطيوك مهدئ ,,ماسولتيش راسك كيف كانت حالتي ونا كنشوف فيك كتعدب ,,ضربتك باش تغيب المهم ماتبقاش تألم ,,مشيت هكاك بلا مانترتاح كنقلب ليك على الطحالب ساعة تحت لماء مسخ وخانز باش جبدتهم ليك ,,وساعة كنقلو على لفعة باش جبناها ,,الشمس كلها دازت علينا ,,,خرجو لينا ثلاثة كانو ايصفيوها لينا وهكاك مادزتكش ,,جيت والو حاجة درتها قاديت ليك دوا وجيت عندك نت كتغوت بسباب الالم وانا لي كنتألم في بلاصتك بسبابك ريبت ديك الخيمة كاملة ,,سم انا لي مصيتو ليك ,,وانا لي داويت ليك جروحك و عقمتهم ليك ,,بقيت معاك حتا نعستي ,,هادشي كامل دايراه وانا بكري باقا بلا نعاس بلا ماكلة

,ومخفية من لفوق(هزات فيه وجهها حمر وبغضب)ونت باش جازيتيني دويييي؟شبعتي في عصا وماخليتي ماقلتي ,,كيف ديما ,,,هادا هو نت اناني ,,كتبغي كلشي يمشي كيف مابغيتي ,,,,مافكرتيش و قلتي مع راسك مسكينة ,,مهما جات اكيد عندها شي سبب لا ,,نت بديتي كتضرب و تسب كيف ديما ,,انا قلتها ليك مرة ,,قلت ليك تسرع ديالك وهو لي غيخرج علينا ,,ونت قلتي لي لا عمرني نعاودها وحلفتي ,,وهانت خلفتي بالوعد ,,(هزات يديها لفوق)سمح لي هاد المرة طلب السماح ماعندو باش يفيدك ,,حيت فتي جميع حدودك معايا كون كان شي قواد لي حط علي يدو كون قطعتها ليه ولكن (عضات على قنانفها بغضب)خرج علي الله يرحم باك مابقيتش بغيت نشوف كمارتك مزال يله براا

انيس عاض على قنانفو و عينيه مغرغرين تم بغا يقرب ليها وهي تدير ليه بيديها سطوب;قلت ليك براااااااااا

حرك راسو بلا ومشا لعندها شد ليها يديها بغات تنترها وهو يزير عليها;عارف راسي ظلمتك ,,و تسرعت ثاني,,ولكن كنحلف ليك غي الخلعة ماعرفتش شنو سرا لي من شفتك قدامي تصدمت

نترات يديها باستهزاء شافت فيه;الخلعة ؟هههههههههههه كون كان بنادم كيتخلع فحالك ,,كون قتلو قاع عيالاتهم ههههه قاليك الخلعة هههههه

(عطاتو بالظهر وتمات غادة جهة ديال لانامسية)خرج علي عافاك باغا نعس

مشا حداها;غنعس حداك

ببرود;خرج براا

انيس ;مانقدش نعس بلا بيك (كيلمس في ظهرها)سمحي لي ,,مانبقاش نعاود كنحلف ليك

عطاتو بالظهر;قلت ليك ,,هاد لمرة غير ,,,سمحت ليك مافيه الكفاية ,,كل مرة ,,كتديرها قد راسك ونسمح ليك ,,(بركات )نحسبهم ليك ولا بالاش؟

انيس;س

سندس;سمحت ليك حيت تزوجتي بي بلا خباري دوزتها حيت كنبغيك وكيف قلتي بغيتي تبقا معايا ,,هاهي دازت ,,سمحت ليك لقيتك كتباوس مع ديك خيتي غمضت عيني وسكت هانيا ,,,قلتي هي لي جات لعندك ,,دازت ,,,سمحت ليك من غتاصبتيني في لوطو بسبابك كان ايطيح جاد ,,دازت ,,على كلامك لي قلتي لي ,,كون كانت في بلاصتي شي وحدة ماتبقاش تشوف فيك وهكاك رجعت ليك ,,,بغيتي تردني باركة في الدار تيتي نيني حداك الوقت لي بغيتيها تلقاها ,,قلت عادي ,,هو راجل وكيبغي يفرض سيطارتو ,,قاديت بروغرام ديال الاكاديمي ثلاثة المرات في السيمانة وبقيت احاضية سي سيد شنو باغي وهو ماعاجبو حال ,,لبسي هادي حيدي هادي جمعي شعرك ,,علاش هدا شاف فيك علاش لاخر ,,وهكاك كنكمدها في قلبي وسكت ,,علاش ؟باش مانكبرش الموضوع ونجبدو الصداع قدام جاد ,,واخا راك عارفني يلا درت شي حاجة في راسي كنديرها ولكن باش نت تكون فرحان نتازلت على بزااف ديال حوايج,,,بسبابك ,,دايرة ليك الخاطر فوق القياس ,,ونت؟ونت عاد مزايد فيه كتصحاب راسك زعما راك قديتي حاجة ,,سمعتك مضروب جيت لعندك هربانة كون حصلوني في المغرب كون غبروني وهكاك غامررت براسي وبخدمة الدري ومستبقالو وجيت ,,بقا معايا في الوقت لي نت ناعس,,ومغامر براسو مخلي ولدو ومراتو وتابعني غي حيت نت ولد عمه و خيركم سابق ,مابغاش يدوزك ,,,ديما كندير المستحيل على قبلك و في الاخير باش كتجازيني اانيس باش؟دوييي مالك سكتي؟ديما كتضرب لي قاع تضحياتي في زيرو ,,اتقول لي كنتي خايف علي؟انقول ليك كنت خايفة عليك كثر منك,,شنو اانيس ,,كنطلب فيك تسمعني وتعطيني فرصة ونت لا باغي تبين قوتك ,,راه غي الحيوانات كون درت راسي فيك قبيلة كون ولينة في مشطبة كحلة ,,وفرجنا في العباد ,,واخا تفرجو ,,القحبة دخلات وشافتني في ديك الحالة ,,(باستهزاء)منشورة في الارض كلي دم ,,ونت باقي باغي تزيد ؟هه وبكل سهولة جاي دابا كتطلب السماحة ؟سمح لي نقول ليك بلي مغنسامحش ليك غا كتضيع وقتك مخليني بلا نعاس في الوقت لي خاصني نرتاح فيه,,كنظن سمعتي جوابي (اشار بصبعها جهة ديال باب)يله براااا

انيس حادر راسو الارض ماقدش يهزو فيها كرز على يديه في لحاف بجهد ناض مزادش معاها الهضرة ,,هي شافتو خرج تنهدات حطات يديها تحت راسها وغمضات وسرعان مداتها عينيها بسباب الحمل و التعب

**اما انيس خرج مدمر كلامها فتحو عليه جروحات ,,كلامها كان صحيح هي كتدير غا باش تفرحو شد فراسو وبرك في جنب امير لي شاد كاس ديال الشراب ساهي حتاهو;را داك الكاس را؟

مدو ليه;مالك؟

انيس شربو دقة وحدة ومدو ليه تاني;خوي خوي

خوا ليه امير ثاني وشربو دقة وحدة خدا من حداه القرعة و بدا كيكب ويشرب جات في بالو لقطة من حيدات ليه شورط وهو كان معاقر معاها

زاد شرب ثاني جات في بالو من عراتو كامل كتدهن ليه لحمو بالخلطة زاد كاس ثاني ,,تفكر من كانت كتدوي ومن حس بشفايف ناعمين علا شفايفو كانو باردين حط الكاس بالزعاف ;مشيت فيها اامير هاد لمرة ,,كعات ديال بصح

امير حتا هو مدمر ديال بصح;هههه قول لي مبروك ولدات توام

ضرباتها لفيقة مع ديك الثلاثة ديال الليل كتشم ريحة ديال االشكلاط ,,لاحت الغطا لبسات تجاكيط ديالها وكلاكيط خرجات شعرها مطلوق هكاك كتشمشم ,,لقات العافية طافية و كلشي داخل ينعس من غير لي فيهوم النوبة باقين فايقين دورات وجهها بان ليها انيس و امير مشبحين في الارض كيشخرو ,,هزات كتافها بعدم مبالات و مشات الكزينة ديال المخيم كانت عبارة عن خيمة كبيرة فيها الخضرا و الخناشي ديال الروز و الشعرية والقمح برمة كبييرة و داكشي بحال ديال العرس مع فورنو كبير كتبقشش حاجة بحاجة والو مالقاتش حس شكلاط بغات تسطى طوعات واحد الخنشة بغضب وخارجة كتسب وتبركم وتحك في نيفها ,,مشات قاصدة الخيمة ديال سهيل هو المنقد ديالها يله بغات تدخل سمعات صووت الشخير وهي تخرج حشومة تمات راجعة لبيت ديالها وحابسة البكية وهو يبان ليها البلان في انيس مشات في اتجاهه جارة رجليها حتا وصلات حداه كان ناعس على ظهرو حداه امير تاهو مشبح القراعي ديال الشراب دايرين بيهوم مدات يديها بشوية جهتو و كتحقق فيه سهات وهي تبدا تلمس في شعرو ووجهه وهو حال فمه بركات علا ركابيها وكتشوف فيه و في عنقو قربات وجهها وحطات نيفها كتشمشم ماشعرات الا وهي بيساه ,,حتا تهز عاد رجعات الوعي ديالها ناضت بالزربة تمات راجعة وهي تفكر الشكلاط رجعات لعندو رجعات رجليها لور وهي تركلو القزيبة ;نووووض

والو والله مافاق ليها

وهي تزودو ركلة خرا;انييييس وانوووووض الزمر

انيس;ممممم

سندس ;نوض انييس والخرا

ناض كيحك عينيه ;شنو ؟(شافها باركة قدامو وهو يقفز)سندس ؟مالكي ؟

سندس ربعات في الارض ;بغيت شكلاط ومالقيتوش هنا ,,(حطات يديها على حناكها)عيت نقلب عليه وااالو

انيس كيحك في راسو;ومنين انجيبو هاد الشكلاط ,,؟مابان ليك غا الشكلاط شوفي شي حاجة خرا ,,

شافت فيه بعينين مغرغرين;والوو انا بغيت شكلاط ,,ودابا ,,

تصدم و كيرمش عينيه بسرعة مامصدقش جرها لعندو;صافي الحبيبة انا انشوف شي حد لا جايب معاه شكلاط

بعداتو;ماتقيسنيش تفرق علي ,,,سير جيب لي شكلاط ,,يلا ماجيتيش ,,بلا مانشوف كمارتك ,,

انيس بهمس;وامنين غنجيبو ليك غادوي؟

سندس;ماشي سوووقي ,,دبر راسك ,,نت لي بغيتيني نحمل ,,ايوا تحمل مسؤوليتك (ناضت مشات الخيمة )

دار جهة ديال امير كيضرب فيه;وانوض ازبي نوووض

امير ناض كيحك في عينيه;تا مالك القلاوي مفيقنا؟

انيس;نوض مصيبة تسلطات علينا

امير مفزوع;السبوعة ولا نمورة

انيس;الدبوعة ,,توقد معانا راه ختك بغات شكلاط ,,وقالت ليك لا ماجبتوش بلا منشوف كمارتها ,,نوض

امير;منين انجيبوه ليها ,,مالقات توحم غي على شكلاط ؟سير خليني نعس(تم راجع وهو يطعجو انيس)نوض تقود قلب معايا شي حد يكون عندو

امير;وانا مالي ,,ياك نت راجلها ,,واش واحد يديرها واحد يوحل فيها ,,مراتك كتوحم وانا مالي

انيس;اتمشي تقلب معايا على شكلاط وا بربي حتى نطوع بوك ,,ولا جرات علي انا وياك فيها ,,(شدو من القرفادة)يله زيد

امير ناض كيعكز على رجليه;الحكرة ,,مراتي انافي دارها واحلة مع ولادها ,,وانا واحل مع ولاد ناس

انيس ;ومن كانت كتولد فيها ,,,هي نت لي ولدتيها زيد تقود قدامي

ناض امير كيعرج مشا عند العساسة سولهم والو معندهمش انيس بدا كيدخل الخيمة ديال الرجالة كيفيق بوهوم واحد بواحد واش عندهم كلفو واحد البنت عساسة حتا هي تسول لبنات نص ساعة وهوما يدورو من خيمة الخيمة ههه على االشكلاط

انيس خرج معصب;تاحد معند ديلمو شكلاط

البنت;سولت الشاف قاع البنات والو

خرج امير من واحد الخيمة;لقيت مورسو ديال كيط كاط عند واحد دري ,لي جاو مع البعثة خديتو ليه

انيس بلهفة ;ارا ارا

البنت;شاف واش بغيتوه لشي حاجة؟

امير;شكرا سيري لبلاصتك

حدرات راسها ورجعات لبلاصتها

انيس;الحمد الله اووف انا انمشي نديه ليها اللهم العمش ولا العمى

امير;انا غادي نعس تفيقني تاني نفركع على ديلمك

انيس;روح تقود من قدامي

امير;دير خير مايطرا باس (مشا كيعرج)

اما انيس شد داك كيطكاط حيت كان محلول شمو وقلبه مزيان داق شوية لايكون مسمم ولا شي حاجة عاد تم غادي عندها

دخل لقاها باركة مربعة فوق النامسية وكتفيبري اشافتو وهي تنقز عندو;جبتيه ؟فين هو الشكلاط؟

انيس هز حاجبو;فين عمرك درتي عليه هاد الحالة ,,؟ياك ماكتحمليش ؟

سندس;وت اش دخل حمارتك ؟دابا يلا عندك راها ,,معندكش بلا متضيع لي الحجرة

انيس مدو ليها;ها لي لقيت تاحد ماعندو هنا

خطفاتو من يديه ومشات رجعات فوق النامسية كتاكل فيه;مم بنين

بتاسم ومشا برك حداها كان شعرها مليوح على وجهها مدرقو وهي كتاكل فيه مع كان دايب يديها عمرو بدا كيحيد ليها الشعر من وجهها ;عجبك؟

ماجاوباتوش باركة كتاكل فيه وتلدد حتا كملاتو وبدات كتلحس في صباعها لي عمرو ,,وهو مراقبها ,,دوز لسانو على قنانفو و عضهم ,,شافت فيه;شكرا ,,كنت مشهياه

انيس كلمس وجهها بكل حب;نتي مشهية شكلاط ,,وانا مشهيك ,,شفتي المعادلة شحال صعبة؟

سندس;وشفتي الظلم شحال صعيب والمسامحة صعيبة كثر على العموم شكرا على الشكلاط يمكن لليك تمشي دابا (حيدات تجاكيط ديالها و نعسات على كرشها وجهها مدوراه جهة خرا ,,تنهد و مد يديه لشعرها كيلمس فيه)شنو بغيتيني ندير باش تسامحيني ؟عارفاني انا ماشي من النوع لي كيمد يديه على شي مرا ,,عاد انبغي نضربك نتي؟كنحلف ليك بالقسم ,,وبمعزتك ,,ماقصدت ,ماعرفتش شنو سرا لي ,,تخلعت وماحملتكش تجي لهاد جهنم ,,شوفي حالتي توريك ,,انا لي راجل ومضروب,,وشوفي شحال من واحد تضرب ,,وصياد رقبتو كله محلولة بسباب العضة ديال النمر,,كيفاش بغيتيني نتصرف من انشوفك ها؟نعنقك ونقول ليك مرحبا ,,؟ديري بلاصتك في بلاصتي وخدمي عقلك ,,انا راجل,,وماحملش نبقا هنا ,,كنتسنا غير يتقاد الجو ,,ونرجع لبلادي ,,نرجع ليك نتي وولدنا ,,,كنت خايف يلا عمرني نشوفك ,,,وفي الخصوص ,,من تضربت في صدري ,,قاع الدكاتير قالو لي مايمكنش يداويوني ,,,وانا صابر الالم وكنحاول مانضعافش على قبلك باش نشوفك ,,عارف راسي غلطت من عايرتك و مديت يدي عليك ,,مكانش علي ندير هكا ,,عندك الحق تقلقي ,,ولكن حسي بي حتا نتي واحد الشوية ,,راه صعيبة وباقي الحد الان ,,ماحملش انك جيتي,,اتقولي اناني ,,اه انا اناني ,,حيت مابغيت تاشي حاجة توقع ليك,,كون كنا في مهمة ساهلة انديك معايا ,,ونكري شي دار ولا نخدها ولا نمشيو الاطيل قاع ,,نقضي الغراض ونجي ,,ولكن هنا لا ,,هنا خطر عليك ,,كلشي مخبي وخايف ,,ونتي لا,,عارف انك مولفة بهادشي وعندك عادي (كيلمس في ظهرها)ولكن عندي انا لا ,,,فكرة انك تصابي غا بخدش صغير كنبغي نتسطى فهميني الله يخليك

ماجاوباتوش بقات عاطيها بالظهر ;سندس واعافاك سمحي لي

الصمت قرب ليها لقاها ناعسة حالة فمها بتاسم بحزن وهو كيلمس في شعرها لي لمليوح فوق النامسية تنهد وحيد تجاكيط ديالو كمشها شد وجهها بيد هزو شوية ودار ليها تجاكيط تحت راسها توسدها ,بقا كيلمس في شعرها نزل وجهه بشوية كيشم ريحتو وعينيه مغمضين ,,كان جنب فمها في شوية ديال شكلاط بتاسم وحط لسانو بدا كيلحس فيه بشوية و مغمض عينيه كتبنن حط شفايفو كيلمسو شفايفها و يديه في وجهها كلمسوه لمدة عاد بعد كينهج ,,وجهه حمر ,,صدرو كيتهز و يتحط ,,عرف راسو لا زاد ايكحلها غطاها مزيان و كمدها عل.ى لبرد هز تجاكيط ديالها لاحها عليها فوق الغطا قاد ليها شعرها وطفا الشمعة عاد خرج

اصبحنا و اصبح الملك لله

فاقت سندس كتكلس و تجبد في بلاصتها لاحت الغطا تمات نايضة و هي تقشع تجاكيط ديال انيس هزاتها حطاتها في نيفها وبدات كتشم فيها بعينين مغمضين حطاتها في صدرها معنقاها لمدة ودافنة نيفها فيها عاد حطاتها جنب وناضت كتسكل ,,مشات جهة ديال ساك جبدات فوطة صغيرة و سينيال و شيتة صابونة حطات الفوطة فوق كتافها و مشات جهة ديال بانيو غطسات طاسة في البرميل وبدات كتخوي عليها غسلات وجهها و سنيناتها ردات داكشي بلاستهم ,,وخرجات فيها جوع باغا تفطر

سهيل كيتكل لابس سروال سورفيط مع قبية بيضة شافها جا عندها;صباح الخير ماوكلي

سندس;صباح الخير القرد

سهيل;القرد (نقز)فينهم فينهم

سندس ;نت

كيحك في طرمتو;سكتي باقي كنفكر البارح ماتبقاوش تجدو علي القرودة هه اخر يامي وليت نتخور ومنين من القرودة ههه

سندس;ههههه اجي كين مايتكال ولا والو؟

سهيل;بحالي بحالك ,,يله نشوفو هاد القرينة اش فيها ,,

حركات راسها باجاب ويديها في شعرها كتردو لور ,,مشات لقات كلشي مجموع في واحد الخيمة كبييررة مفرشينها بحسيرات كل واحد قدامو صينية خاشي وجهه ,,حلات عينيها من الصدمة;ناااري مخيم تيندوف

سهيل;ههه هدا راه لبوليزاريو ,,,اتاي كحل والخبز و الزبدة اويلي

سندس شافت فيه;وشنو المعمول انا والله لا حطيت هادشي في فمي

سهيل;انا والله حتا انحطو في فمي في جووع

سندس خنزرات فيه هزات عينيها لقات انيس و امير كياكلو;تفرج تفرج

سهيل;اش غديري ؟

ماجاوباتوش بدات كتمشى ومن ما دازت الاعنق كيتعوجو وراها ,,وسهيل غادي موراها ;احم سلام

انيس سمع صوتها و هز راسو لقاها كتشوف في امير;سلام

ماجاوباتوش بركات حدا امير و تربعات;بغيت نفطر

امير كياكل;فطري شكون حبسك ؟

سندس;مابغيتش هادشي ,,مالني في الصومال؟بغيت قهوة

امير;ومنين انجيبوها ليك اختي ؟لبارح الربعة ديال ليل كنقلبو ليك على شكلاط ودابا قهوة كتصحابي راسك في الرباط ؟

انيس ;بغيتي قهوة؟

غمضات عينيها وحركات راسها باه

بابتسامة ;واخا انا انوض نقول ليهوم يصيبوها ليك

هزات فيه راسها;غادي غادي صيبها معاك ,,ماعرفتهم اش كيديرو فيها

ضحك ;واخا (ومشا)

سهيل حدا ودنيها;نتوما العيالات باااز والله حتى باااز

هزات كتافها وكتشوف في انيس دخل الكزينة;وانا مالي كول الكحل و الخبز قاسح

سهيل;تخورت

سندس;علاه غي دابا؟هههههههههه

امير هز راسو ;امالكم ؟

حركات وجهها بنفي;والو ,,غي هاد خاينة تعطل

*****صوفيا كتخشي الخبز في فمها وتغدد ;شوفو شوفو كيف مخشية بيناتهم و كتدوي ,,وهوما دايرين بيها؟حنا لي معاهم سنين عمرهم قالو لينا حتى السلام

البنت;في الحقيقة زويينة ,,ماشفتيش كلشي حاضيها,,,(دارت عندها)اجي علاش لبارح كانو كيفيقو فينا باغين الشكلاط

هزات كتافها و عينيها مخرجين في سندس;ولاش عرفني (بان ليها انيس هاز كاس ديال الزاج كبير ديال القهوة برك حداها ومدو ليها)اويييلي نضب حناكي اويلي

البنت;سعداتها ,,شاف انيس لي مسخر عليها ,,جات امن اللور و دات كلشي

صوفيا بغضب;والله لا كان ليها ابي ولا بيها

**

سندس كتشرب من الطاس;مم زوين شكرا

قرب حدا ودنيها;ولكن راه القهوة خايبة ليك ونتي حاملة امبغيتش نخسر ليك خاطرك و صافي

هزات كتافها;انا مالي تشهيتها و بغيت نشربها (دارت عندو)اجي لقيت تجاكيطة ديالك في بيتي

دار ليها خصلة ورا شعرها;مم ماعندكش مخدة ,,ونتي دغيا كيتعنز ليك عنقك ,,

جغمات من القهوة ;شكراا

همس حدا ودنيها;مم باقي قلبك مابغاش يحن؟

سندس;دوينا ,,ماتنظمناش على جوج جغيمات ديال القهوة ,,و مورسو ديال الشكلاط

تنهد;اووك

سهيل;اري اري ديك القهوة هنا

خنزر فيه انيس;اتنوض تقود من حدايا ولا نفلعس مك

سهيل;ت مالك انا كندوي معاها ,,

انيس تحت سنانو ;سهييييييل را غنخشي لزامل بوك وجههك فهاد الصينية

سندس;هاك هاك وحلتيها لي

خدا من عندها الطاس وشرب;ولد الكلبة سرعتيها كون طلبناك حنا والله لا دقناها العز اماوكلي

انيس;ماوكلي هو باك اتنوض تقود من حدايا ولا نحوي مك

سندس;دابا نا قردة بيناتكم هااا؟

سهيل;جبتيها لاسقة

شير عليه انيس بمعلقة;جمع كرك

كيحك في قلقولتو;انا وياها كنضحكو اصاحبي عادي احح توما مالكم معا تقلقيل (هز طاس ديال القهوة وناض)هانا خليتها ليكوم قاع

انيس;وحط داك الطاس

كياكل في الخبز;والله لا شميتيه

سندس;ههه مسخوط هه

دار عندها انيس عاقدهم;دابا عاجبك الحال ها؟ كتضحكي ؟

سندس ناضت;شكرا على القهوة (وزادت تبعات سهيل حابسة الضحكة)

انيس شد فراسو;واش هادو متافقين علي باش يجهلوني ولا شنووو ,,منين خرج لي هاد القواد ثاني؟

امير;بيناتكم ابيضاوة (ناض)اي نمشي نبول ونجي

انيس;روح تقود مامنك فايدة سيير

خرجات لقات سهيل بارك مربع كياكل الخبز و كيدوزو بقهوة بركات حداه وخطفاتها ليه;ارا ديك القهوة هنا

خرج عينيه و كيدوي قاع الخبز رشو عليه;تي مالك مالك ,,ياك عطيتيها لي

سندس كتشرب;غا قدامهم دابا بغيتها الله بنينة (كتشمها)ممم

سهيل;ومن غاتاخديها علاش عطيتيها لي في اللول كون جبت معايا اكاس ديال اتاي يخ اري اندوز هاد الدغمة وحلتيها لي

سندس كتشرب مامسوقاش ليه ناض;ديريها فين تجيك هانا انمشي نشرب اتاي كحل دابا تحتاجيني وغنوريك

هزات كتافها ورجعات وجهها كتشوف في الباب ديال المخيم دايرة ابتسامة جانبية و كتشرب في قهوتها حتا حجبات رؤيتها شي خيال هزات راسها لقات صوفيا و صحبتها حركات راسها ;اش كاين ؟

صوفيا;نتي لي اش كاين ؟جيتي بين ليلة ونهار باغا تستعمري كلشي ,,هدا راه مخيم ديال العسكر ماشي ديال القحاب باغا تقحبني عطا الله فين حطات سندس الكاس من يديها وناضت كتسوس في يديها;انقول ليك جوج كلمات (حركات يديها في الهواء )اتروحي تقودي من قدامي وغندير ماسمعت والو ,,

صوفيا;هه خلعتيني كتصحابي راسك شي حاجة هههه ؟راك اقحبة ,,كل مرة مع واحد ,,من جيتي ماحطيتيهاش الارض كتاكلك ,,ق(ماجات تكملها حتا لقات راسها مقجوجة)

سندس بعينين حمرين و كارزة علا سنانها;انا نوريك شناهي القحبة (عطاتها كروشية )قلت للزامل بوك حيدي مابغيتيش ياك (عطاتها كروشي ثاني الوجه و غارسة يديها في عنقها )انا نوريك لقحبة كيف دايرة (دخلات بركبتها في كرشها خلاتها كتبخ الدم)

صوفيا;كح كح (بصوت باح)ات كح كح عتقو كح (شافت في صحبتها بتعب لي واقفة مسمرة مخلوعة)اتقيني كح كح

سندس لاحتها الارض وبدات كتشتف عليها;ماكينش لي غافكك مني ليوم اتهناي (ضرباتها لكرش بصبرديلتها)شحال من مرة قلت ليك عطيني تيساع دويييي كتصحابيني ناعسة في دار غفلون القحبة ,جاية من الجبال ,,كلاتك طرمتك باغا لي حويها ليك انا غندير معاك لمزيان ,,

صوفيا وجهها كله دم ;ات كح كح

سندس بجهالة كتضرب فيها وتركل;ياك انا قحبة هانا نوريك (شفات عليها لكرشها حتا بخات الدم)هزات رجليها بغات تضربها تاني حتى حسات براسها مربوطة من كرشها ومرفوعة

سهيل حاكمها;تي مالك ؟خليناك دقيقة قربلتيها

سندس كتركل;نزلني راه غنحوي مك معاها طلق القلااااوي

سمعو الصداع وتمو خارجيين

انيس خارج شاف سهيل شاد سندس كتركل و تسب و صوفيا منشورة في الارض شبه غايبة كلها دم

انيس ساعر ;شنووو كاين (شاف في سهيل لي شاد سندس مشا عندو دفعو)طلقهاااا اش داك تقيسها ؟

سهيل;تهدن ,,راه لقيتها كتضرب في البنت كون ماحكمتهاش هكا اتقتلها

سندس;طلقوووني نوري قحبة مها شكون القحبة فييينا

انيس بصدمة مشا عند سندس شدها ;شكون قالها ليك؟

كتشير جهت صوفيا لي عاونوها الدراري باش توقف وكتركل امير حاكمها;هاديك القحبة ,,طلقوني نفرع الزامل بووها امييييير

انيس مشا جهة صوفيا بعينين مغمضين كانت واقفة بزز الدراري كيمدو ليها لماء تشربو حتى طوعو ليها من يديها وشدها من شعرها ;كيفاااش قديتي تعايرها دويييييي (زير على شعرها)

لؤي شد في يدو;شاف شوف حالتها ,,و زيدون هي باش عرفات

انيس طلق منها طوعها;حيدوها من قدامي حتى المغرب وغنتفاهمو (دار شاف الوسط وهو كينهج مشا جهة ديال سندس لي كتركل وسط امير وسهيل واقف قدامها دخل بيناتهم شدها من معصمها بزعاف ووقفها الوسط;سندس الدحماني الادريسي ,,,,(بالغوات)مراااااااتييييييييييييي ,,,القحبة ولا الزامل فيكوم لي غيقول فيها شي هضرة نحوي مو فهمتوووو ,,,اي كلمة ضدها ,,,نفرع الزامل بوكوم ,,,فهمتوووووووو ,,يله كل واحد يمشي يتقود بحااااالو يله تحركوووو

كلشي مشا مدهوش وعلامة الصدمة عليهم

شاف فيها كانت كترجع شعرها لور و كتنهج شد ليها حناكها بين يديه;تهدني ,,احبيبة صافي ,,راك ربيتيها ,,

سندس كتلمس وجهها بغضب;القحبة ,,قالت ليا انا قحبة ومامخلية تا واحد ,,وهاد البلاصة ديال العسكر ,,ماشي ديال الدعارة ,,علاااش شديتوني علااااش (بالغوات نترات يديه)علاااش ؟

انيس شدها من كتافها;حبيبة تهدني راك حاملة ,,ماخاصكتش تقلقي

سندس اشارت ليه;كلشي بسبابك فهمتي ,,بسبابك ولاو القحاب ينعتو في ,,كون ماجيتش هاد القلاوي قاعما نسمع الهضرة اش داني نجي ,,كون غا خليتك تموت (نترات يديها وزاد كتبركم في اتجاه خيمتها وتدفل خلات انيس واقف مصدوم )

هزات الخامية بالزعاف و دخلات كتسب;هاي على القحبة كتسحابني ناعسة في دارغفلون ,,ماشفتهاش الوقت كامل وهي تابعاه ولاصقة فيه (بركات في النامسية ودفلات)عندها الزهر ماكن فرعت الزامل بوها (طوعات واحد الطاس قدامها)تفوووو

***

سهيل حط يديه على كتف انيس;ماديرش في بالك عارفها ,,,هي امعصبة

حيد ليه يديه وحرك راسو بايجاب و زاد في تجاه الخيمة شاد في صدرو

سهيل;مشكيييلة هادي

امير;اتبقا تابعهم تستطى راه ديما هكا ,,,في الاخير يتصالحو ,,زيد زيد

سهيل;يله اصاحبي ههه ناري ختك انا كتخلعني ,,لي طاح في يديها مكترحموش

امير;ههه وانا بكري كنخاف لا ناضت ,,وهداك بوعو لي غادي كيخاف منتنوض ,,,هادشي راه ماشفتي والو ,,من كانت خدامة راه ديما السبيطارات و الكوميساريات ,,واحد نهار لقيناها مفرشخة كوميسارية على قدها جيت نشدها وهي تعطيني كروشي حتى رعفت

سهيل;هههههههه

****

البنت;شفتي قلت ليك دخلي سوق راسك هانتي جبتيها فين تلقاك ,,شوفي شكون يفكك من شاف انيس

صوفيا بتعب;سكتي متكمليش علي باش عرفتها انا مراتو ,,كح كح

البنت;نتي مان شفتيها كيدوي معاها وتابعها ,,كنتي تبعدي ,,هاهي صدقات مراتو ,,وعرفتي شكون هاديك الالة ولا شنو؟من سمعت سميتها عاد ستعقلت كلشي كان كيدوي عليها ,,شحال هادي كانت متدربة عند شاف انيس تخرجات هي اللولة في الدفعة ديريكت طلعات عقيد بلا تاشي مجهود بسباب وقوتها ودكائها ,,,سفاتها لخلية ارهابية في ربعة السوايع ,,وعاد عقلتي على داك جاك ؟هي لي كانت مكلفة باش تغويه ودارتها ولا خاتم بين يديها ,,و في طنجة تعرضات الهجوم قبل من المهمة بليلة تماك باش عرفوها مرات الشاف و حاملة منه ,,كلشي تصدم ,,حيت النص ديال الاكاديمي كانو حاطين عليها العين ,,ايوا عرفتي شنو دارت لهداك لي تهجم عليها هرساتو من يديه ورجليه راه غبروه ولا معرت قتلوه ,,وهاديك لي حرشاتو ,,خLطاتها ,,شهر وهي غيبوبة افاقت و هوما يشدوها في الحبس ,,راه كتقلاسا لحد الان باقا كتعرج برجليها ,,وداك جاك هي لي قتلاتو بموس ,,وتصابت في العملية كيعاودو شاف تسطى بسبابها وشدوه في سبيطار الحماق ,,قالو ماتت ,,وهورب ,,غبر ليهوم الاثر بجوج حتى لواحد نهار رجع شاف انيس وهي دارت الاستقالة ديالها ,,كانت اوتلي جنرال ,,من تماك حتا حد ماعندو عليها خبار ,,حتا لهاد ليام قالو رجعات في العرس ديال ختها ,,وبغاوها ترجع ,,مالقيتي شكون تحداي ,,مرات الرئيس انيس لي تاحد مايقد عليه وخت جنرال امير ,,و ختها الصغيرة مزوجة بالكلونيل سليم,,بات راجلها واخا ستاقل ,,يديه طوييلة احبيبة ,,راك شفتي قبيلة ,,كان شوية ويقتل غا حيت عايرتيها ,,,و واكلة قتلة من الفوق وهي قاعمة مقيوسة كون مافكوك مايزكلش ,,,,تقتلك ويديروك نتي لي هاجمة ولا يغبرو لديلمك الشقف تاحد مايعرف شنو سرا ليك كيف لي سبقوك ,,هاديك ,,راه كلشي كيدير ليها غي ها ,,في عائلة ديال الادريسي ,,انا كون كنت منك نوض نطلبها ونبوس ليها رجليها باش تسامحني وهي مغتدوزهاش ليك وحتا شاف من عايرتي ليه مراتو اسلمي علا روحك من ترجعي المغرب

صوفيا كتبلع في ريقها;وانا باش عرفت هادشي

البنت;وهانتي عرفتيها دابا

**تعاشات العشية وسندس ماخرجاتش من بيتها بقات امتكية في بالصتها كتخمم حتا هلكها الجوع ومسارنها بداو كيزويو عاد تخرج ,,ناضت جمعات شعرها شفنجة ولبسات سندالة خرجات لقات كلشي مجموع كيف ديما حدا العافية وريحة ديال السوبة عاطية سدات نيفها و تمات غادة جهتهم تاحد ماقد يبقا يهز فيها الراس مزال ,,,لقات سهيل مربع كيخشي في وجهه ;اووع اش هادشي

كياكل;بسعي مني بلا ماتخوريني عوتاني والله لا كانت ليك ,,

سندس كتعوج في فمها وسادة نيفها;بشار كيد داير (دورات وجهها)فين هو امير ؟

سهيل كياكل:مع انيس كيبدل الفاصمة ليه

ناضت;انا راجعة

ماداهاش فيها ,,مشات في اتجاه الخيمة ديال انيس كيتسمعو كيغوت

انيس;تا مال الزامل بوك كتصعر ماشي هكاك كيقادو الفاصمة

امير كيدور لفاصمة على صدرو;وكيف بغيتيني ندير ليك من مادروتها كتزبق شغندير ليك انا ن

قاطعاتو سندس لي دخلات;انا انقادها سير تاكل

انيس دور وجهه;ماكين لاش ,,شكرا

هزات كتافها كانت خارجة حتا وقفها امير بصوتو;لا عساك قتلني الجوع ساعتين وانا مضارب مع هاد الخرا ,,مابغاش تصايب لي اجي شوفي معاه نتي لعندك مع هاد تخربيق (ناض تم خارج)

تنهدات ودخلات جهته ناض برك شاد في صدرو;انا غنقادها بوحدي اسيري

سندس ببرود;ما كتعرف داوي حتا يديك لا كانت مجروحة عاد صدرك لي محلول ؟حيد خليني نشوف هادشي لي دار

تنهد و حيد يديه من صدرو شدات الفاصمة بدات كتحلها بشوية وهو مقابلها حلاتها ولاحتها حيدات الفاصمة الرطبة وهي تلقا صدرو عامر بوماضة و بيطادين داكشي معلك هزات راسها فيه ;من نيتك؟

انيس ;را امير ماكيعرفش

سندس ;تكا تكا خليني نحيد ليك هادشي ,,كون سديتيها وخليتيها تالغدا كون خماج ليك صدرك ,,

تكا هزات هي القطن بدات كتمسح ليه و تنقي ليه داكشي لي فيه وهو مقابلها وكيشوف فيها كيفاش مركزة تقول عليها طبيبة ,,متمرسة مزيان ,,لاحت لقطن من بعض مامسحات ليه صدرو هزات بيطادين خواتو وبدات كتعقم ليه بيه الجرح هزات رشاشة حداها رشاتها ليه;اححح

نزلات لصدرو بدات كتسوط عليه بخوف وهو مقابلها بابتسامة هزات راسها فيه;باقا كتحرقك؟

حرك راسو بنفي ,,دورات وجهها وهزات بوماضة خواتها في صبعها و بدات كتدهن الجرح بشوية مركزة وكتحاول ماتقصحوش نزلات قسة على عينيها حيد يد من تحت من راسو رجع الخصلة ورا ودنيها شافت فيه بنص عين ورجعات كملات حطات فاصمة رطبة فوق الجرح و صداتها غا بصوكتش طبي بلا ماتدير فاصمة لي كتدور على الجسد ,,هزات عينيها لراسو دارت ليه المثل و ظهرو داوات ليه كلشي وهو غا متبعها بصمت ,,سالات ومسحات يديها;صافي ,,ساليت (تمات نايضة وهو يشدها من يديها جات عليه حتا تقصح;ممم

ناضت ;تقصحتي ,,,علاش جريتيني هانت توعتي دابا؟

بتاسم وناض بشوية وقف شدها من يديها وحطها على قلبه;ها لي كيقصحني دابا

سندس حيدات يديها;باراك من البصالة (تمات غادة وهو يشدها عنقها من لور)

بهمس;بصالة هي لي كتديري نتي,,قبيلة كتمناي لي الموت ودابا جاية كتداوي في ماعرفت منين نشدك ,,

سندس;حيت انا ماشي فحالك ,,فهمتي ,,؟

دورها لعندو;سندس,,شنو بغيتيني ندير باش تسامحيني ,,والله حتا ندمان بزاااف ,,براكة علي غا سيمانة بلا بيك ,,ماتزيديش تعدبيني كثر ,,نتي حداية ومنقربش منك ,,(حط يديه على حناكها)كنحلف ليك بالله حتا كتعدبيني بهادشي ,,سمحيلي ,,والله مانبقا نعاود ,,ولا نحط فيك يدي ,,

حيدات يديه;بسع مني ,,الله يرحم باك ,,

انيس شدها ;منقدش ,,والله منقد نبسع منك ,,واصافي ,,هانا قدامك ديري في لي بغيتي ,,ضربيني لا كان ايريحك

نترات يديها;واش كتصحابني بحالك؟انييييس (غمضات عينيها وحلاتها)ديييما نفس الغلط ,,ديما ,وكتعاود تطلب وتزاوك وتعاود دير نفس الشيء عيييت من هاد الخرا طلع لي فكري ,,,ديك القحبة ,,كتسب و من جيت وهي لاسقة فيك ,,فينما مشيتي نلقاها ,,,تابعاك ,,جيت لقيتها باركة حداك في الخيمة مسكينة مقابلاك ,,

انيس بابتسامة قرب ليها;غرتي علي الحبيبة

سندس;اشمن غرت عليك ,,حيد الله يرحم باك

بتاسم شدها من خصرها قربها ليه;غرتي ههه (نزل لعنقها باسها حتا تهزات)مم الله

دفعاتو;حيد علي

انيس شد في صدرو;ممممم

رجعات عندو بخوف;وعتك ؟

بتاسم وشدها من خصرها ثاني;خايفة علي ؟

بغات ترجع بلور وهو يزير عليها من خصرها;علاش كتعاندي راسك,,خلينا نتصالحو ,,والله حتا ندمت ,,براكة ماتعاقبيني مزال ,,براكة علي ,,لبارح شفتك عريانة ,,ومقربتش منك,,ومن لفوق ناعس بوحدي ونتي حدايا ,,مقديتش ندخل الخيمة ,,نعس,,عاافاك والله مانبقا نعاود كنحلف ليك

عوجات فمها ودوراتو بتاسم وحط يديه على فكها دور لجهتو;سمحي لي

كيلمس في فكها و شفايفها بصبعو;عافاااك سمحي لي

حنات راسها الارض هز ليها راسها و قابل وجهها مع وجههو وعينيه في شفايفها ;سمحلي

هز ليها وجهها جهتو وبدا كيقرب لعندها وعينيه في شفايفها قرب لفمها وهمس في داخلو ;سمحي لي

حط شفايفو على شفايفها بشوية وغمض عينيه بقا غي حاطهم بدون حراك ,,حطات يديها على جنابو بغات تدفعو وهو يزير عليها من خصرها جرها لعندو وبدا كيحرك في شفايفو بشوية طلع لفوقانة كيمص فيها نزل لتحتانية دار ليها لمثل كيمص فيها بشوية وواخد وقته ,,خلاها تغمض عينيها بدورها وتحيد يديها من جنابه وتبدا تطلعهم بشوية حتى وصلات لعنقه حوطاتو منه غا حس بيها بتاسم وزاد عسرها عنده ودخل معاها في قبلة حميمة فرنسية ,,كيلتاهم شفايفها بكل حب كيطلع لفوق وينزل لتحت ولسانها في فمه كيمص فيه باسها في خدها و باسها في الخد الليمني ثاني ورجع لشفايفها كليتاهم فيهم حط يديه في السلسلة ديال تجاكيط كيحلها ليها وفمه في فمها خدام حيدها ليها ولاحها في الارض نزل وجهه لعنقها كيقبل فيه بشوية و يعض بطراف سنانو عضيضات خفاف و يديه تحت طريكو كيلمس في صدرها فوق السوتيام ,,طلع لفمها تاني كيلتاهم فيه و يديه مرة في كرشها مرة في صدرها حتى بعداتو كتنهج;انيس

حل عينيه بشوية بحال يلا فيقاتو من حلم شاف فيها بعينين حمرين كينهج حط يديه على حناكها باسها في راسها بوسة طويلة هز تجاكيط ديالها ساسها ولبسها ليها وسدها;فيك جوع؟

حركات راسها باه وكتقاد في شعرها;ولكن مابغيتش السوبة عارفني مكنحملهاش

حط يديه على حنكها كيلمس فيه;شنو بغيتي نصايب ليك؟

سندس;لي كان من غير سوبة ,,لاكان غي اومليط صافي

ضحك;هه واخا الالة ,,نصايبو ليك اومليط ,,شي اوامر خرا؟

حركات راسها باه;وقهوة ونت لي تصايبهم بزوج

انيس;هه وانا نقد نقول ليك لا ؟يله

خرجات هي اللولة و هو لبس طريكوه و تجاكيط ديالو و تبعها

تبعها لقاها واقفة حدا باب الخيمة كتسناه جا وراها;هه مشينا؟*

حركات راسها باه ومشات معاه تاحد ماقد يهز فيهوم الراس ولا يشوف جهتهم كلشي حادر عينيه دخلو الكزينة لقات هي واحد الخنشة ديال روز بركات عليها وهو مشا هز مقلة ;دير زبدة مابغيتش زيت

انيس;ههه واخا الالة

دار الزبدة في لمقلة تدووب ورد لماء لقهوة ,,لاح لبيض خلاه يطيب وكيخدم القهوة بيديه باش تطلع طاب و عمر لكاس بالقهوة وحطهوم حداها ;هاكي يله كولي

سندس;وباش غناكل مثلا ها

انيس مد ليها فورشيط;هاكي كولي بالفورشيط ,,الخبز ديال هنا خايب عليك

خداتها من عندو وبدات كتاكل;وماشي حشومة كيصايبو الخبز هكاك كحل

انيس كيلمس في شعرها;ايوا احبيبة هنا ماكين لا فران لاوالو ,,كلشي كيطيب في المقلة ,,ولي هنا عارفين هادشي ,,ومولفين عليه ,,ولكن نتي (كيلمس في حناكها)ماخصكش تاكليه ,,حيت يقد يأديك نتي والجنين

حركات راسها باه وكتاكل بتاسم,وكيمسح طرف فمها;كان فيك جوع الحبيبة

سندس;اه بزااف ماعرفتش واقيلة الطبيعة حلات لي الشهية ,,بفف قاع لماكلة لي ماكليت سيمانة عوضتها بين لبارح وليوم

انيس برك في جنبها ;مم كنتي خايفة علي ياك الحبيبة ؟

ماجاوباتوش وكملات ماكلتها حتا سالات عاد هزات وجهها فيه ;بنين شكرا

كيمسح طرف فمها;بصحتك ,,كلشي يهون قدامك و في سبيلك وسبيل ولادي ندير اي حاجة ,,,نتي ماعرفاش شحال كنبغيك كثر من راسي كنحلف ليك

ناضت هازة كاس ديال القهوة ;يله نخرجو

شدها من يديها;واش سمحتي لي؟

حركات راسها باه بصمت وخرجات كتشرب في الكاس مشات جهة ديال العافية كان سهيل و امير مجمعين جات تبرك وهو يحبسها انيس;مابانش ليك خاصك تنقصي من هادشي؟

باستغراب;كيفاش؟

انيس;شوفي نتي,,وليتي نتي وهاد سهيل مكتفارقوش ,,فينما ندور نلقاكم بزوج مابانش ليك راك عيقتي؟

سندس بنفاد صبر;انيس ,,,زدتي فيه ,,السيد مزوج ووالد ,,وزيدون انا مغنساش خيرو ,,غامر بمستقبالو على قبلي تابعني فينما مشيت و حاضيني ,,مغامر براسو,,وعادي لا جمعت معاه و زيدون ,

انيس تنهد;صافي صافي واخا الالة

زفرات وبركات حداهم;هانا

دار سهيل جهتها ;ماوكلي؟(كيشمشم)ريحة السمن

سندس;ناري سلوكي

سهيل;حتا لماكلة مامعاهاش اللعب,,قري قري قولي اش كليتي

سندس كتقلي ليه السم;هه كليت على مك البيض و شربت قهوة ونت كتشرب في السوبة مسوسة

سهيل;الخشونة هادي (دار عند انيس لمخنزر)هدا ماشي عدل ,,مراتك تها فيها و ولد عمك لا؟

امير;ونسيبو؟مخلينا كناكلو سوبة بيضة مافيها مايتكال كثر من ديال السبيطار ,,ومراتو الصباح قهوة ودابا البيض بالسمن و القهوة وحنا لهلا يقلب بونا

انيس جر سندس عندو;هانتوما قلتوها مراتي ,,نصايب ليها حتا كسكسو لا بغاتو

دارت عندو بسرعة ;بغيتو بغيتو

سهيل;ههههه لقا ههه

انيس بصدمة;هاااا

انيس بصدمة;هاااا

شافت فيه;مالك تشوكيتي ,,قلتي اتطيب كسكسو ,,وانا تشهيتو ,,يله نوض طيبو

امير;ههههههههههههههه

انيس شاف فيها وهمس;حبيبة انا غي قلت ,,زعما على سبيل المثال ,,ماشي نطيبو ليك ,,وزيدون فينهما لمقادير ومكنعرف فيه والو

سندس صغرات عينيها;بغييييت كسكسو ماشي سوقي ,,دابا بغيتو ,,يله نوض

سهيل;الرضا هههه

انيس;وادابا كيف انديرو ليه ماكنعرفش ليه ,,انا نقول لشي بنت تقادو ليك

سندس حركات راسها بنفي;واااالو نت لي غتطيبو (بدات كترمش عينيها بسرعة باش يدمعو)نت سباب هادشي لي سرا في وحملت ,,ياك باغيني نحمل ,,و قلتي تشوفني من كنتوحم يله هانت كتشوف فيا دابا ,,نوض طيب كسكسو على قلبك

امير;ههه

سهيل;عمرو يفكر يدير لولاد مزال ههه

انيس;وكيف غندير ليه ؟

سندس;اندير معاك مزيان وغنقول ليك كيف الطيبو

انيس حط يديه في حناكها;وكملي خيرك وطيبيه

سندس;لا غنعيف ماكلاتي نوض نوض

انيس جمع الوقفة;هاهو غادي نشوفو هادشي ديالك فين غوصلنا (زاد)اودي اودي اخر يامنا ولينا نكسكو

اسهيل ناض;والله حتا نوض نشوف كيف غايدير ليه ههه

امير;تسنا تسنا هههه خرات على بوه ,,,

دخل الكزينة دار يديه في جنابو وكيشوف;دابا شنو اندير ؟

سندس مشات هزات خيزووة مساحتها بركات فوق خنشة ديال روز كتاكل فيها;ممم جبد الخضرة بعدا نقيها

انيس;اشمن خضرا ؟

سندس;كتاكل وماعرف اشكتاكل؟اودي اودي,,,الخيزو والقرعة اللفت البيض و اللصفر القرعة الحمرا وليشو ,,ومطيشة وبصلة باش تنصب يله يله

انيس;وفين غنلقا هاد الخضرا دابا

سندس;وباش كيصايبو صوبة يله تحرك

حيد تجاكيط ولماكانة ديالو مدهم ليها هز بانيو مشا كيجمع في الخضرا الخيزو وقاع داكشي لي قالت و جا حداها ;شنو ندير

سندس;غسلو ونقيه و الخيزو قسمو على جوج وحيد ليه القلب ديالو

انيس;انا لي غيتحيد لديلمي القلب

امير ;ههههه

شاف فيه انيس;اجي اجي جابك الله زيد نقي هاد الخضرا

امير;انا

انيس ;مالني ؟راه قالت ليك نت لي تطيب ماشي انا نقي على قلبك

انيس ;اتنقي ولا نعرج مك من رجل لاخرا يله زيد

امير جاي كيعرج وينكر;انا مال ديلمي ومالكوم ,,اش جابني انا قاع

سهيل شاف القضية حامضة يله بغا يسلت;اجي حتا نت احنيني فين سالت ؟

دار لعندو بشوية;مالني انا ؟

انيس;زيد نقي معاه يله

سهيل ;والله حتا الحكرة بالله ,,

انيس;من كنتي تابعها و كتنقزو ,,فرحان ديك اساعة ,,ايوا نقي دبا

سهيل;عيب واله حتا عيب ,,الرجالة يطيبو والعيالات يتفرجو ,,اخر الزمان

ضربو لراسو;نقي ؟بلا هضرة

هز موس وفرق رجليه ;هاهو

خدا خيزوة ومشا برك حدا سندس كياكل وهي تدور عندو;شفتك ريحتي اوليدي

شاف فيها وكيمضغ;راه كينقيو اش بغيتيني ندير؟

سندس;وداك الكسكسو اينصبو با ,,(دفعاتو )نوض تقعد نصب كسكسو ارا ديك الخيزوة هنا ارا

مدها ليها بصدمة خداتها من عندو وبدات كتاكل فيها مشا كيقلب على لماعن لقا برمة كبيرة قد السخط وكسكاس يعشي دوار هه جابهم حطهم حداها;وشنو ندير

سندس;نصب كسكو في البرمة وجيب سميدة دير فيها شوية زيت وكسكسها و ديرها في الكسكاس

بدا كينقي البصلة على قلبه ويبكي والدراي حداه كيضحكو وهو كيسب وسندس كتلع برجليها كتاكل في خيزو كيسالي ليها كتهزو ليهم من لبانيو منقي وكترجع كتخليهوم كيبخو الدم نصب كسكو ودار ليقامة بدا حط السميدة فوق القصرية من عود كبييرة وبدا كيخربق فيها شد قرعة ديال الزيت خواها فيها وبدا كيحرك ولات صوبة شافتو سندس وهي تخرج عينيها;اويلي

مشات لعندو;اش درتي؟

انيس باستغراب وكيخلط في السميدة لي ولات عايمة;ياك قلتي لي خوي الزيت وكسكس هانا كنكسكس اش بغيتي مزال ؟

سندس;واش حماقتي راه غي شوية ديال الزيت شوية صافي باش مايلصقش ماشي ضاية ويله خويه دابا وعاود دير واحد جديد

انيس;الخرا لا ,,انصايبو هكا كوليه ولا خليه

سندس بغات تقجو و عاودات نزلات يديها)واش باغي تقتلني ولا تصفيها لي ,,دوي ,,باغي تصيفطني الروضة ,,توكلني الزيت بالسميدة ولا كيفاش؟

انيس ;اووف هاهو انبدلوه ووقفي حدايا باش نعرف شنو ندير ماشي نتي باركة كنتضغي وانا نطيب

سندس ;هاهي يله عاود هادشي

مشا خوا السميدة وشلل القصرية ورجع حطها فوق الارض بالزعاف هز السميدة خواها و هز قرعة ديال الزيت بدا كيخوي ;صافي

سدها وحطها جنب;يله كسكس

بدا كيخلط بيديه بحال يلا كيعجن;واناري حيد حيد (دفعاتو وبدات كتكسكس)هاكي كيديرو ليه الناس شفتي

جا وراها وباسها من عنقها;امم كملي؟

سندس كتتكسكو;كيتجيبو هكا وكتحطو في يديك بحال هاكا وكتديه و تجيبو شفتي تكسكيس كيف داير؟

حاوطها من لور خشاوجهه في عنقها;مم شفت ,,(باسها)

سهيل;واتادلة والزمر راه حنا معاكم زعما ,,حنا نقيو ونتوما ترومانساو

عاد فاقت من القلبة وطلع معاها القالب بلي هي لي كسكسات خورها ولد الكلبة دارت لعندو;خورتيني ياك؟

انيس ببرائة ;والله ماقصتك ,,هايدي شوفيها

شيرات عليه بمعلقة;تفو عقلك مسخ ,,انا دويت علت تكسكيسة

انيس;واراه مكعرفش ياك كنتي كتوري في باش نتعلم

سندس دفعات ليه القصرية ,;ايا ومزيان كمل دابا

بقا مسكين كيسكس وهي مقابلاه حابسة الضحكة ;بغيتيني نسامح ليك يله ها المسامحة كيف دايرة

انيس;ها؟

سندس;والو والو صافي براكة حطو فوق الكسكاس وديرو في البرمة

دار داكشي لي قالت ليه وبرك جنبها ;اووف

سندس;شفتي شفتي

سهيل برك في الارض;احح حسيت بالباصر خرجو لي

امير;انا رجلي نملات عليه (شاف فيها)الله ياخد فيك الحق

انيس عنقها;وياخدو فيك نت نيت

امير;باز يله كنتي كتسب

انيس;نسب ومانخلي لي يسبها ,,

سهيل;ايوا طيب كسكسكو على قلبك وكسكس

انيس;ومالها نطيب ليها كسكسو و الرفيسة حتا هي

داآرت عندو كتدبل في عويناتها;بغيتها

طلق منها ورجع بلو حتا طاح;هااا

سهيل;هههههههه لقا

سندس;املك ياك قلتي الرفيسة ايوا طيبها

انيس بصدمة وباقي طايح ;من نيتك؟

سندس;من ريتي ,اندير معاك مزيان ليوم انعضيو بكسكسو وناكلو ,,غدا نلقا رفيسة موجودة يله نوض راه تفويرة طلعات

امير;ههههه انتخايل انيس كيسمن جه

ماحس يلا ببطاطة جاتو لقلقولة شاف فيه;مالك ؟

انيس;باش تعلم تزم فمك اححح (حط صبعو في فمه وشاف فيها )واسخووون هادشي خليه حتا يبرد ونكسكسو

حركات راسها بنفي;خاصو هكاك سخون لا مشا حتا برد ايتعجن يله جيب طاسة ديال لماء و خويه وكسكس

تنهد و دارت داكشي لي قالت ليه كيحط يديه كتشوطو السميدة ويعاود يكمل ,,بقا هكاك شيباتو حتا طيبوه وسالاوه سقاوه و حطوه في الارض تربعات هي اللولة;تاحد مايقرب ليها

سهيل ;والله لا كانت ليك ,,منصباح وحنا خدامين ونتي كتأمري في الاخير تخورينا طلعي نتي هي لمعلمة

سندس شافت في انيس ;دوي معاه را غنخشي ليه وجهه هنا فيها

سهيل;اخشي لي وجهي وحتا طرمتي مهم واكل

انيس شا فيها;شفتي نتي غي هدا ماشفتيش لاخر لي بدا كيايكل

دارت لقات امير كيخشي في وجهه كيلكم مامسوقش وهي تبدا تركل ليهم تم حتا نوضو انيس وهي تربع جبدات معلقة كلات جوج معلقات بالحساب وناضت;مم جا بنين

سهيل;من الصباح وهي فارعة لينا كرنا وحابسانا في الاخير جوج معالق ونايضة

انيس;كولي ياك كنتي مشهياه

سندس;اه ,,راه دقت منه صافي الله يجعل لبراكة جا بنين باي (دارت ليهوم باي وزادت )

بقاو اكيشوفو في بعضياتهم ;ماحسيتوش بحال يلا تخورنا ؟

انيس حرك راسو باه وعينيه خارجين من الصدمة وهو كيشوفها غادة كتعنكر في اتجاه الخيمة ديالها ,,نزل عينيه لقا ايديه والرحمة غطسو لجهتو كيلكمو;ولاد القحاب ,,شفتكم دخلتو لروندتي نودو تقودو

امير;وخلينا اصاحبي ,,يدياتك بنان ها؟

ضربو برجليه وبرك كيلقم;مم بنين

سهيل كايخشي في وجهو مامساليش سالاو بعدا مالحسو لقصرية ماخلاو بوها مايتغسل عاد بركو لفتو وجههم وهوما يلقاو الكزينة كلها مقربلة سرا معاهم القالب ديال بصح وحسو بالشمتة ,,وعرفو علاش سلتات ,,بقاو كيشوفو في بعضياتهم ويديهم عامرين كسكسو

سهيل ناض;احم الله يخلف انا انمشي نغسل يدي ونرجع

امير حتا هو;انمشي نجيب تجاكيط ديالي حاس بالبرد

شدهم انيس بجوج;كلنا فيها ,,ماعندكوم فين تسلتو ,,زيدو نجمعو هاد القربالة

شافو حتا عياو و ناضو كيجمعو هالي كيشطب هالي كيغسل لماعن هالي كيتستف كيشقاو ويسبو

سندس دخلات لبيتها لاحت تجاكيط وتلاحت فوق النامسية بابتسامة;هههه تعلم احنيني ,,قاليك الحيلة حسن من العار هه ماكدبوش هه في الحقيقة جا بنين هههه

ناضت وهي كتضحك حلات ساكها و حيدات حويجها لبسات دوبياس بغوز شورط و اكس غوز وتلاحت فوق النامسية ثاني كتضحك على لمنظر ديال انيس دارت جنب هزات تجاكيط ديالو شماتها ودارتها تحت راسها وسرعان ماغفات

انيس سالاو روينة جمعوها وردو الكزينة كيف كانت وخرجو سهيل شد فجنبو;احح اش داني ناكل شي كسكسو ,,عيت

امير;وانا لي كنشطب مابقيتش فيكوم لي مهرس لواحد مايمرضش مع ديلمكم قاع

انيس ;صافي زدتو فيه هانتوما كليتو كسكسو

امير;نت لي صادقة ليك مراتك كتوحم وحنا خدامين معاك

انيس كحك في راسو ودار عندهم;الدراري غدا نسيوها في رفيسة ,,شوفو لهيوها

سهيل غمض عينيه وحرك راسو بلا;مانقدش السيدة كتوحم ,,وحنا نقولبوها ماجاتش نوصيو الطباخ يطبها و يصيبها لكلشي ونفاريوها حسن

امير;هدا حل مزيان

انيس;ولا قالت لي طيبها؟

امير;تصبح على خير

سهيل حرك راسو باه وكيفوه;ونت من اهلو

دار مالقا تاوحد فيهم ;اوديييي عولنا عليكوم بكري

مشا شاد في صدرو و غادي في اتجاه الغرفة ديال سندس حيد الخامية لقاها مشبحة ناعسة بشورط لايحة كل رجل في جيه;نتي لي جات معاك

دخل وحيد تجاكيط لاحها تبعها تريكو وسروال بقا غا ببوكسور خضر جا يتخشا وهي تلقب ولاحت يديها شد يديها وردها وجمعها بشوية باش مايفيقهاش جا يبرك وهي تلوح رجليها تنهد وجمعها ليها برك ماحس بصلية منين جاتو تلفت لقاها ناعسة ولاحت عليه يديها ثاني حط يديه على حناكو بصدمة و كيشوف فيها ناعسة وشعرها مليوح ,تنهد تاني وحط يديها رجعها ليها جا يسرح رجليه وهي تجيه ركلة حتا تنشر في الازض وطاح ,,حيت نامسية ارضية شد في صدرو شاف فيها لقاها لاحت رجليها و يديها ستعمرات النامسية كاملة ماعندو فين ينعس ستغرب حيت هي ماشي حركية في نعاسها ,,هز كتافو وقال ممكن الوحم دار ليها هكا بردها مسكين في قلبه و هز مانطة حداها فرشها في الدس جاب تجاكيطتو هزها دارتها تحت راسو و تكا دار يديها تحت راسو كيشوف في الخيمة حتا غمض عينيها

اما هي هزات راسها بشوية لقاتو فرش في الارض ناعس دارت ابتسامة شريرة و عاودات تقلبات وهي ناشرة رجليها

يتبع