الضابط و زوجته المراهقة الجزء 18

 تلفتو البنات ولقاو شي دراري كيتغامزو معاهم..نور دارت واحد التخنزيرة ديال القتيلة..وهما باسلين بداو يضحكو.. ....: nice car nice girl ... نور ورميساء طنشو البشر... نطق لاخر: اش بان ليكم نديرو شي سباق ولي ربح يحكم على لاخر... رميساء كتقرص فيها: تبتي لمك مقادا على صداع.. نور: مالك معندهم منين يعرفو ..اصلا خليني نربيهم شنو هي يتبسلو على المزوجات.. رميساء: طلي على حالتك والله ما باين على طاسيلتك الزواج... نور: اوكي متافقة.. .....: اوكاي هههه دار الضو الخضر وهما يحركو الروايض ب2 ..حتا خلاو الدخان نور دايرة ضحكة شريرة و رميساء شدتها الرعدة محيلتها للسرعة ولا هاد الزبلة لي دخلت ليها تاني بدون شعور ... رميساء: نقصي الخرا يالخرا ... نور كتضحك مستمتعة بوقتها..ولخرين حتا كيوصلو ليها وكتعفط كتبعد عليهم ...هي كانت سلبقاهم حتا قربو لواحد الشانطي كبير وعريض قاطع شانطي اخر وكاينة سطوب تما ... فهاد الاتناء زاين فاليرو ديالو خدام ...حتا جاه نوتيغيكاسيون ..يسحاب ليه ميساج مشافوش ولكن كلما زادت نور فالسرعة كيزيدو لي نوت عند زاين تعصب هزو ولقاها لapp وكحل بالعما .... زاين صعر : هاد الحمااارة عرفتها ..غتحماق تاني.. دوز نمرتها..وفهاد التناء نور ياله دخلات مع داك الشانطي جاه اتصال وبرونشاتو فبلاصتو وجاوبات باش ميشكش فيها زاين... غير جاوبت وسمعات صوتو صاعر... زاين: نوووووور الهدددآىى العمراااااااني..غتنقصي السرعة ولا بربي حتا نوقف على ديلمك و تشوفي واش مازال غتحطي قزيبتك فيها مازاااال... غير سمعاتو رميساء دارت ايدها على فمها ونور فرانات اصلا كان الضو الحمر وجها تخطف من الزاين لي مابقا والو يخرج ليها من تما...والدراري لوجرين يسحابو ريوسهم واعرين حرgو وماجاو غير فالبوليس كانو مضرgين... نور قطعات على زاين وهي كتعض ضفارها ... نور: اويلي واش داير شي كاميرا هنا...كراه شافنا شي حد من معارفو ناري مك قودناها... رميساء: باش نصحح ليك ...قودتيها ماشي" ناها" ...ودابا طلقينا..دازو من حدا دوك الدراري وكانةغادين بيهم لسطافيت حيت معمرينها مخالفات... نور غوتات ليهم وهي سايقة: بان ليا ماشي غير انا لي مقوداها من عند زاين العمراني...

 مشاو البنات طايرين للفيلاتهم كل وحدة دخلات تطيب الغداء...نور كتفكر كيفاش غتواجه زاين فاش يرجع ...وقررات تدوخو بشي حركات غيرطاب ويسامحها ... عند زاين... ......: شاف عندنا شي وحدين عامر ضوسيهم بالمخافات.. زاين: دخلهم.. دخلو عندو ... زاين صاعر: واش انا نبقى مقابل غير البراهش كل مرة جاييني مجموعة فشكل...علاش حرgتي الضو ..الطريق تاع بااك..هضااار.. .....: حنا كنا غير كنضحكو اصلا الشانطي كان خاوي.. ناض ليه زاين جمع معاه بطرشة... زاين: شانطي خاوي دير مابغيتي... هضر لاخر: ماشي غير حنا لي كنا عافطين حتا واحد مولات الفيراري كحلة... زاين ولا صفر: فيراري ؟ الدري: اه اشاف كانت واحد البنت سايقا فيراري كحلة حتا هي كات عافطة غير هي محرgاتش قولباتنا وحنا حصلنا... زاين جمع ايدو صافي تعصب عرفها نور وعيط على هاداك .. زاين: دي هادو وعيط على اولياء امورهم .. .....: اشمن اولياء الامور راه عندنا 20 عام زاين جمعها معاه: ومنين عندك 20 عام مالك على هاد التبرهيش كامل..ديهم عليا... خرجهم ...زاين هز البورطابل والسوارت وخرج..لي داز يضرب فيه معصب تاحد مهضر معاه... عفط عفطا وحدة باتجاه الفيلا ...ياسر وصل عند رميساء دخل وحطات الغداء هو مافراسو والو... ياسر: احبيبة خرجتو.. رميساء: اه مشينا عند ماما ...رجعناساعة... ياسر: اشنو وقعات شي حاجة.. رميساء: بصراحة نور تسابقت مع شي دراري فالطريق وعرفها زاين... ياسر كان غادي بالماكلة لفمو ورجع حطها .. ياسر : كيفاش واش من نيتك كتهضري ... رميساء: اه هادشي لي وقع... ياسر: خاصني نمشي عندهم ليفوت فيها شي ضربة .. رميساء: كون غير خليتيهم ...غادي تدابزو بحال داك النهار .. ياسر: لا مغندابزوش... عند نور لي حطات داكشي لي طيبات..دخل زاين معصب والشر كيخرج من عينيه ...لقاها هازا الطبيسل جايا من الكوزينة.. نور: جيتي احبيبة.. زاين: حطي داكشي اجي لهنا... نور هزات راسها وهنا بدات الخلعة تدخل معاها.. نور: زاين ؟ الى معصب على قبايل اراه غير نسيت راسي وزدت السرعة ... زاين: وباقا زايدا فالكدووووووب..بدا يقرب ليها حيد تجاكيطا..حل السمطة... نور حسات بالقضية حماضت... نور بدات كترجع باللور: زاين خلينا نهضرو بالعقل .. زاين جبد السمطة وتابعها: خليتي لديلمي شي عقل...داير معاك الخاطر ولكن ديلمك نتي ماعرفتش كيفاش كتفكري...مسابقا ليا مع البراهش ..واش يسحابلك باقا ديال راسك... نور غير كتبعد عليه كتشوف فيه كيقرب هاز الصمطة باينة غيزرقها تاني ... نور: زاين من ااحسن لك تحيد ديك السمطة ...والله وتضربني حتا ندمك... زاين: تندميني ؟ اش غديري دايراها قد راسك وزايداها لتخراج العيننين جبد السمطة خبط بيها هي تفاداتها جات فالفوتوي تسمعات سلاي عرفات راسها هاد المرة جهلاتو ديال بالصح... زاين: اجي لمك لهنا معندكش منين تفلتي راه عييت من شد معاك الخاطر ونتي لي فراسك فراسك... نور: اوووف واش غتبقا مقجر عليا هكا صافي ياك مكيوقع والو علاش هاد الاعصاب كاملين والى تسابقت مع الدراري شنو فيها gااع ... زاين: شنو فيها ؟ انا غنوري لمك شنو فيها ... تم جاي عندها كيجري وهي تاهي هربات كتجري الفيللا كبيرة كاين كيفاش يتحركو..وصل عليها عطاها شحطة لمسعودة حتا نقزات ...وقفات حيت توهتات وشدها من دراعها ...ياله غيزيدها ولقات ايدها جات الشحطة فايدها وجيهة البزيم شدها الضو فيها واخا هكاك كابرات وجراتها من ايدو داتها ...بغا يشدها وهربات ليه شادا ايدها وهو تابعها كيتحلف..حتا سمع : زاااين...

 ياسر: زاااين.. كور طلعات مع الدروج وزاين تبعها مداهاش فياسر .. دخلات للصال لي كانت قدامها وسدات بالساقطة ..وجلسات كتبكي ورا الباب... زاين: حلي هااااد البااااب.. نور غير كتبكي ورا الباب مكتجاوبوش واخا تبغي دافع على راسها متقدرش هو اقوى منعها وفينما كانت كتحاول تحارب معاه ديما كان كيغلبها ... وصل ياسر على زاين وجرو.. ياسر: زاين برد دابا معصب غتفوت فيها شي ضربة دير ليها شي حاجة.. زاين: تبريت منها قدامك اياسر ...دارت لي فراسها خاصها تعاقب...حلي هاد الببااب ولا غنفرع مو... نور كتهضر مخنوقا : بعد مني متهضرنيش..ماباغاش نشوفك .. زاين: قلت لك حلييي... ياسر: زااين راك كتخلعها هكا راها مغتحلوش ..زييد هبط قدامي انا غنهضر معاها.. بقا زاين كيشوف ضرب الباب برجلو وهبط... ياسر: نور ؟ حلي هاد الباب خليني نهضر معاك... نور كتهضر وكتبكي: سير اياسر بلا متدخل فهادشي .. ياسر: كيفاش مندخلش واش حماقيتي حلي الباب ..مغندير ليك والو وزاين مكاينش هنا... نور غوتات : وامابغيتتتتش بعدوووو منييي ... ياسر بقا ورا الباب كيخمم بقات في ختو حتا هضر زاين وراه... زاين: غير خليها دابا مغتبغيش تحلو...سير لخدمتك انا غنبقا هنا.. ياسر: معندي فين نمشي وختي سادا عليها هنا...نور حححلي... زاين: راه هضرت معاك ...صافي مغندير ليها والو.. ياسر بقا كيشوف فيه: واخا غنرجع من الخدمة دغية و الله العظيم ونلقاك ضربتيها لبقات هنا معاك.. زاين اكتفى غير بيحرك ليه راسو... هبط ياسر لقا رميساء قدام فيلتهم كتسناه غادا جايا ومتوترة... ياسر: اش خارجة هنا ديري ..ياك قلت لك متبعينيش دخلي قدامي.. رميساء: عافاك قول ليا ياكما ضربها.. ياسر: ماشي بزاف دخلت سدات عليها الباب فلاصال مبغتش تخرج... رميساء: ناري على الصgعة..عنداك يضربها.. ياسر: تبريت منو يضربها ويشوف...مهم انا غادي للخدمة غنرجع بكري ونشوف اش غيديرو..مهم نتي سيري عندهم للفيلا ويلا طرات شي حاجة عيطي ليا.. رميساء: واخا.. عنقها ياسر وباسها ومشا... دخلات رميساء لفيلتها تجمع الماعن تغسلهم وغتمشي عند نور... عند زاين... زاين: حلي هاد الباب... نور: وابغيتش منين كتفهم ...نحلو لك باش تزرق ليا لحمي..نتا راجل ل كتضرب بنت.. زاين: عرفي داك الفم اش كيخرج احسن لك...راه ماغالبنش هاد الباب ولاهتا نفرعو ونهرس لطاسيلتك داك الفم... نور: واش مكتفهمش مبغيتش نهضر معاك عطيني التساع مخارجاش و اخا دير لي درتي... زاين: واخا ...سد الباب بالساروت.. زاين: وبقاي تم حتا نشوفو واش غتعياي ولا لا.. نور ناضت مخلوعة....

 ناضت نور مخلوعة باغا تقول ليه حل الباب وفنفس الوقت خايفا ..وقفات ورا الباب..ساكتة وكتبكي...وهو مشا هبط للتحت ...عيط لصاحبو فالخدمة ..

زاين: الو حميد غطي عليا الله يرحم الوالدين عندي مشكل فالدار..منقدرش نجي..

حميد: ياك لاباس اخويا..

زاين: غير شي مشكل بسيط وصافي..

حمبد : واخا ماشي مشكل...

زاين: شكرا اخويا...

دخلات رميساء...

زاين: اش داكشي لاش جايا...

رميساء: بغيت نشوف نور..

زاين: نور الهدى سديت عليها الفوق مغتخرجش ..

رميساء: واخ نطلع نشوفها ..

زاين: هضري معاها من ورا الباب وهبطي فحالك..

طلعات رميساء كتجري...

رميساء كتدق: نوور حبيبة ..سافا.😔😔.

نور: رميساء...حلي عليا هاد الباب عافاك.😭😭.

رميساء: معنديش ساروت عند زاين...

نور: اهئ اهئ اهئ 

رميساء بدات تبكي معاها: واصافي متبكيش قطعتي ليا قلبي شفتي تانا ديما كنقول ليك لا وكديري لي بغيتي عرفت بحال هاد النهار غيجي...

نور غير كتبكي وساكتة...

رميساء: نوور غير تهدني غنهضر مع زاين يحل علك.😭😭.

نور: متمشيش بقاي ..

رميساء: متخافيش غنبقا معاك...غير تسناي ...

هبطات رميساء وقفات عليه...

رميساء: نوض حل عليها صافي راه موقع والو راه هما لي جبدوها راه واللهتا كنا راجعين للفيلا هما لي بقاو يلوحو الهضرة لقاو نور معندها عقل تاهيا..

زاين: سيري غبري من قدامي انا مظلمتهاش ..هادشي كان عليها تفكر فيه قبل متزبلها...دابا سيري لدارك قبل منصدق مخلطك معاها..

رميساء: عافاك غير هاد المرة والله عمرها تعاود...

زاين حمر فيها: راني هضرت ..

رميساء بقات كتشوف وخرجات لفيلتها..وعيط ليها ياسر 

ياسر: حبيبة مشيتي عندهم كيدايرا الوضاع...

رميساء: راها باقا فالبيت مسدود عليها..وزاين خليتو التحت...منضنوش غيضربها...

ياسر: افففف المشاكيل مهم خلي عينيك محلولين ...

رميساء: واخا احبيبة...

عند زاين لي طلع كيتصنت عليها مقطوع حسها ..حط ودنو والو مكيسمع والو ..تشوش عليها ومشا للبيت نيشان حل داك الحيط وبانت ليه جالسة متكية على المراية بالجنب كيشوف وجها ..وتانيا رجليها حداها فالارض ولابسة غير شورط خفيف كيف عادتها وتقاشر غلاض ديال القطن بيضين..وتيشورت لي توسع عليها فاش كانو مطايفين...وراسها حانياه هابط عليها شعرها الطويل الكحل مخبييها...

هبط زاين لمستواها ودار ايدو على الجاجة من جيهة راسها بحال الى كيدوز على راسها...بانت ليه هزات راسها ومسحات دموعها ...ناضت هزات الgيتار لي كان تما ..وجلسا القدام حدا الحيط وبدات تعزف باش تنسا شوية وتشغل بالها من التوتر لي شادها.. حسات بايديها ضرتها هزاتها شافت فيها ولقتها منفوخة وحمراء ...تعصبات وناضت هزات داك الgيتار وضرباتو مع جاجة الشرجم حتا تهرس ..وبقات لي جات قدامها كتلوحها ..كواشي هادشي وفع قدام زاين لي تخلع عليها ومشا كيجري حل عليها الباب لي كانت حلات الساقطة ولقاها كتبكي جرها عندو عنقها حتى طاحت بين ايديه

 سخفات نور بين ايديه زاين تخلع عليها بزاف ..ناض بيها كيجري داز من الجريدة لي فيها رميساء شافتها سخفانة...تاهي تخلعات وتعبعاتو...

رميساء: اويلي مالها 😨؟

زاين: تعصبت وسخفت ركبي حداها طلقيني..

ركبات رميساء حدا نور كتفيق فيها...

طاربيها للمستشفى عند عماد...دخلها كيجري داوها فالباياس وعيطو لعماد جا كيجري مني عرفها نور وزاين..

عماد: ياك لاباس اش وقع.😨😨.

زاين : دخل دغيا شوف مالها..😰😰

دخل عماد داير ليها معاينة ...وصا الفرمليات اش يديرو وخرج..

زاين: مالها اش عندها..

عماد: انهيار عصبي واش تخاصمتو ايدها تاهي مورمة ياكما ضاربها ازاين..

زاين: افففف غنتفرgع مبقيتش قادر نستحمل هادشي .

عماد: دير لي دارت ازاين متنساش هكا كانت حياتها قبل متلاقاو..يعني تجي دابا وتعيشها تحت شروطك وقوانينك راه بزاف عليها..رتاح دابا من بعد ونهضرو..

رميساء: هادشي كولو بسبابك ..😠😠.ودخلات عندها للغرفة

تم داخل ياسر حوايجو مبهدلين بالجرا...خنزر فزاين ودخل عندها...كانت رميساء جالسة حدا راسها كدوز عليها و ياسر جلس من الجيهة الاخرى شاد ايدها ليسرا اما اليمنى ماشافهاش...هزهاوباسها...ونور عاد بدات تحل عينيها..شافت فعينين ياسر الخوف عليها وحسات بايدين رميساء فوق راسها...بغات تنوض وعاونها ياسر حتا جلسات...

ياسر: اش وقع ليك احبيبة...

نور بدات تبكي ومدات ايدها ليه باش يعنقها ...هو قرب لعندها وخشاها فيه كيدوز على ظهرها وحا راسو على راسها من الفوق...ورميساء كتشوف فيهم وتمسح دموعها ..اما زاين مشا عند عماد..

ياسر: صافي احبيبة متبكيش والله لا دوزتها ليه.😤😤.

نور: مدير والو عافاك..مبغيتش المشاكيل مقادا على صداع😭😭...

ياسر شد فايديها ب2 ولقا الفصمة..

ياسر: توعتي فيها؟ شتك فاش شديتيها.😡😡.

نور: ياسر الى كنت ختك وكتبغيني متدابزوش عافاك ..

ياسر: مغندابزوش ولكن نتي مغترجعيش معاه لفيلا وهادا اخر قرار مغنقبل حتا اعتراض...رميساء بقاي معاهاهاني جاي...

عند عماد...

عماد: زاين مموالفاش لك بحال هاد التصرفات..

زاين: تانا مفهمتش راسي بدون شعور كنلقى راسي ضربتها شي ضربة..تخليها تكرهني..ولكن هي مكتفهمنيش..انا راه كنخاف عليها من راسها كولشي داكشي لي كدير فيه الخطر واش سايgا بالفيراري والسرعة من الفوق مسابقا ليا مع البراهش...كن دارت شي كسيدة اش غندير فراسي انا اش غندير فهاد الدنيا بلا بيها..*كيهضر بالدموع فعينيه* اش غندير ياربي تانا عييت من هادشي غتحمقني درت معاها gاع الوسائل منفع معاها والو اش غندير مبقا غير الضرب ....

دخل ياسر لي سمع كولشي ...

ياسر:واخا يطرا لي طرا مكانش عليك تضربها ...وانا ديك المرة تبريت منك ..هادشي علاش ختي غتبقا عندي.

زاين: نموت وديك ساعة ديها معاك...

ياسر: زاين انا مبغيش نجبد معاك الصداع وحنا فمستشفى دابا ...نتا وصلات بيك توصلها لسبيطار..

زاين: متستابقش الامور نور غير تعصبت حيت سديت عليها الباب..

ياسر شنق عليه وجا عماد كيفك: كيفاش ؟ سديتي عليها؟ واش نتا مريض😡😡..

عماد: زاين اش درتي اصاحبي نور عندها فوبيا ...من الماكن المغلقة..

زاين تيبسو ملامحو: كيفاش.😨😨.

ياسر: اه عندها فوبيا نور راه حتا الدوش مكتسدوش عليها بالساروت...حgلها اقسم لك بالله وباقي تقرب ليها حتا نتفاهم معاك...

خرج ياسر..وزاين تلاح فوق الكرسي شد راسو بين ايديه..

 زاين: اش درت انا ...طكتش عارف هادشي عماد: نور عندها فوبيا من العلو الاماكن المغلقة..كيفاش حتا ملاحضتيش ..

داز هز مهدئ وعطاه ليه..

عماد: شرب هادي وقوي راسك اصاحبي..وفنظري خلي نور بعيدة علك شوية رتاحو ب2 ...

زاين: اش كتقول نور منقدرش منتشوفهاش ...راه هوايا هاديك واش كتفهم منقدرش نتنفس وهي بعيدة عليا..

عماد: انا مقلتش لك تفﻻقو قلت لك ...بعد عليها شوية خليها تمشي مع خوها وفالخير راها غير قدامك مبعيداش شوفها من بعيد...وتيق بيا البعد غيعاونكم...زاين: واخا ...غنمشي نطل عليها..

عماد : متنساش متبانش دابا ليها..

زاين اومئ ليه براسو ...وخرج..مشا للغرفة طل عليها من الجاجة برا وكان ياسر حداه جالس وحاطة راسها على رجليه وهو كيدوز على شعرها ..وهي مغمضة عينيها عارف عزيز عليها يدير ليها هكا من صغرها هكا كترخى وكترتاح ..ورميساء شادا ايدها وساهية فيها وفالمشاكل لي ممكن يوقعو...بان ليها زاين من برا وبقا فيها تاهو ومن حالتو لي كيبان جايف عليها تاهو ندم حيت سد عليها الباب ولكن راه تاهو مكانش عارف ...جات ليلى كتجري هي وعلي اما الخرين قالو ليهم يبقاو بلا ميجيو كاملين..لقاو زاي واقف برا...

ليلى: اش ووقع للبنت عاد الصباح كانت صحة سلام..

زاين: غير وقعو شي مشاكل وصافي..

علي: اشمن مشاكل...

زاين)ور وجهو رجع يشوف فيها وهما دخلو..

ليلى: الحبيبة ديالي اش وقع ليك...

نور: انا بيجير اماما غير العيا وصافي..

علي: لا لا الموضوع كتر من هادشي مااال ايدك ...زاين دخل مالك واقف تما...

نور غير سمعت سميتو وناضت جلست كتقلب بعينيها عليه واخا يطرا لي يطرا بيناتهم ميمكتش تنسا وتجاهل حبها ليه...دخل زاين وعينيه عليها مكتزعزعش..ووقف بعيد..عليها...

علي: حابا غتشرحو ليا اش وقع ...

ياسر: انا غنقول لك..

نور: لا اعمي موقع والو غير كنت عيانة وطحت سخفت وضربت ايدي فاش طحت...

زاين بقا كيشوف فيها كيغاش كتحميه وكتغطي يطرا لي طرا هي ديما كتبغي مشاكلهم يبقاو بيناتهم...

زاين: نوﻻر متكدبيش ...سمع ابابا نتا عارف شريت لنور فيراري ؟

علي: اه قلتيها ليا ومن بعد..

زاين: نور دارت واحد الخطأ مشات بسرعة خايبة و وهادشي واخا وصيتها ومنين رجعت انا لدار تخاصمنا على هادشي مصبرتش وضربتها لايدها حتى تورمات ليها وسديت عليها فالبيت و نور جاها انهيار عصبي حيت عندها فوبيا...هادشب علاش هي هنا..

ليلى: كبفاش ؟ ومالك على الضرب موالفا ليك ؟

علي: زاين عمرك كتي عدواني مع النساء كيفاش وليتي تضرب ونور من الفوق ؟ 

زاين: لحظة غضب انا براسي مكحس حتا كنلقققا راسي ضربتها..

ياسر: ايوا هداشي علاش نور مغتمشيش معاه للفيلا..نور غتبقا معايا واحد المدة...

نور: ي ..ياسر ..

ياسر:ما كاين لا ياسر لازمر..كلمة وحدة قلتها..

ليلى: صافي واخا نور غتمشي ترتاح فالفيلا عندنا ...انا لي غنعرف نتعامل معاها..

ياسر: عندي بحال بحال ..لي بغات هي مهم متمشيش مع زاين..

زاين:اما موافق ولكن خليها تبقا عندك فالفيلا...

علي: صافي كلمة وحدة نور غتمشي معانا...

 بقات نور غي حاضيا زاين لي كينفخ ومغدد متقبل ان نور تمشي مع خوها لي قدامهم غير بالزز ودابا غتمشي لفيلا ديال والديه وبعيدة عليه شاف حتا عيا خبط الباب وخرج..ودا قلب نور معاه بقا فيها بزاف وكون عليها ترجع معه بلا متردد .. مبقاش فيها الضرب ديالو حيت عمرو ضربها ضرب ديال المعثول لي ممكن يخليها كاو ديما كيعطيها شحطة ولا 2 وكيحبس ونور عارفاه فاش كيتعصب ويبدا يضرب كيولي كتار من لي كتشوفو وعاد عارفة ان الغلط ديالها هي هو مضلمهاش وزاد كبر فعينها فاش قال لوالديه كولشي مخبا والو ومحاولش يبرر خطاو قدامهم ...

ياسر: نور ماواكلا والو ...اش بغيتي نجيب لك...

نور: معندي خاطر بغيت غير نعس..

رميساء: اويلي راه الغداء مكليتيهش ...اكيد متسخفي..

ليلى: سير اولدي شوف ليها شي حاجة متاكل ..متشاورش معاها...

ناض ياسر هبط يجيب ليها متاكل..ودخل عماد ...

عماد: اهلا عمي علي وجالتي ليلى سافا...

علي: حمد الله اولدي ونتا 

عماد : الحمد الله..

ليلى: ايمتا ممكن تخرج بنتي...

عماد: يكمل الصيروم وتمشي حيت فيه الدواء ومهدئات....نور اش هادشي ..النصائح دياولي بان ليا كيدخلو من هنا ويخرجو من لهيه ...

نور: لا كندير بيهم..

عماد: لا مابان ليا والو..مهم نهضرو فهادشي بعد غدا..رتاحي دابا متفكري فوالو..رخي اعصابك ..وكولشي كيتحل بالتي هي احسن...مهم نخليكم دابا من هنا لنصف ساعة نرجع نشوف واش كمل السيروم..

ليلى: شكرا اولدي عدبناك معانا...

عماد: مكاين تاعداب نور راها ختي ياله نخليكم...

دخل ياسر هاز معاه الماكلة بززوها عليها حتا كلات ..سالا السيروم سلمة على عماد و خرجو..

ليلى: يله ركبي احبيبة نتي مالابساش مزيان إيضربك البرد...

طلعات نور للوطو العائلية ديال علي...

ياسر: هاهي امانة عندك اخالتي ..متخليهش تخرج..

ليلى: غتوصيني على بنتي ؟ متخافش عليها...ياله بسلامة ...*باست رميساء* وباراكة من البكا احبيبة ها نور معيا مبيها والو غترتاح وترجع عندكم تاني ..عنقاتها وطلعات حدا نور ..لي كانت كتقلب على زاين بعينيها ...

علي: ياله سيرو نتوما اولادي احنا غنمشيو..

ياسر: واخا اعمي الله يعاون الى حتاجيتني عيطو عليا..

علي: معندنا فين نحتاجوك ياله سيرو دابا..

طلع علي للوطو وجلس مقابل معاهم ونور معنقا ليلى مخشية فيها...وحابسة البكية حت ماشافتش زاين...علي كيشوف فيها ويشوف فليلى كيتحصرو عليها..مشاو لفيلا وفاش تم هابطين نور ضربات على لوطو ديال زاين واقفا بعيدة..عرفاتو كان تابعهم ..تبسمات فالداخل ديالها ودخلات معاهم...

دخلو لقاو رانيا وضحى جالسين كيتسناو ومعاهم سيف وسعد كانت ديك الساعة 7 العشية...دخلو وطمنو على نور جلسات معاهم شوية طلعات لبيت رميساء طفات الضواو وتخشات ففراشها نعسات...

والتحت عاودات ليلى ليهم اش وقع ..

رانيا: او زاين ضرب نور ؟متتيقش واخا نشوفها بعيني 

سيف: ماكانش يضربها داك الحمار الخايب فيه كيزرب ..

سعد: ب2 ديال العصا هي ماكنش تدير هكاك بلوطو وخاصة فيراري كون gليسات بيها لشي جنب ..هادشي لي غيكون جعر زاين اما راه منضنوش كان ممكن يضربها..

علي: صافي دابا لي وقع وقع بدلو الموضوع...

زاين بقا التحت كيخمم و وراسو على ايديه كيفكر كيفاش غيدير ختا يدوز هاد المدة بلا بيها وبلا ميصبح على ضحكتها ولعبها معاه...هز راسو وهو يعفط نيشان للكوميسارية

مشا زاين للكوميسارية ودخل نيشان للمكتب ديالو وكولشي متبعو بالعين مفهمو والو مموالفاش ليه يبجي للخدمة فهاد الوقت...

دخل زاين للمكتب وسرح رجليه فوق البيرو ورجع راسو لور مغمض عينيه...بقا هكاك الليل كولو خدام ولي جاوه كيخلي عشتهم ويبرد فيهم جنونو...اما نور نعسات شوية واخا فبقوها للعشاء مابغاتش عياو معاها الاخير خلاوها على خاطرها...

ضرباتها الفيقة مع 4 الليل ...مبقاش جاها النعاس ...ناضت جلست وشعلات الضو خرجات للبالكو يضربها البرد...حسات بالبكية باقا شاداها وبدات تساءل اش كيدير واش ناعس اولا تاهو فايق كيفكر فيها...ليلى كانت هبطات تشرب الماء حيت مطلعاتوش معاها..دازت من حدا البيت لقات الضو مشعول ودخلات...لقاتها جالسة مربعة رجليها فالرولاكس لي فالبالكو ..حطات الكاس وسدات الباب ودخلات عندها...

ليلى: حبيبة مالك فايقا ؟ ضاراك شي حاجة ؟

نور: لا اماما غير طار ليا النعاس 😥😥...وخرجت تشم الهواء.

ليلى: نوضي دخلي بارد عليك الحال غتمرضي...

ناضت نور تخشات فالناموسية ..وليلى سدات البالكو..وغطاتها ...

ليلى: نعسي احبيبة متقلقيش راسك...انا غنعاقب داك الحمار علاش يمد ايدو على حبيبتي...

نور: لا اماما...راه انا لي درت علاش .😭😭..

ليلى: هههه شوف لك البنت ولات دافع على راجلها...نو قسحي وخليه يندم علاش ضربك...هكا كنت كندير مع باه...

نور: كيفاش..

ليلى: فاش كنا صغار عمك كان بحال زاين ...كان كيفلتو ليه ايدو بسبباب الغيرة وكنا غير مخطوبين.. وخاصة كنت موديل كل مرة لاصقني شي واحد حتا تزوجني بزز مني مشا عند والدية ودارو ألعرس وانا غير كنشوف ...هههه تصوري ...كان كيخلي خدمتو ويجي يحضيني غيرتو كانت خايبة حتا ولدت ومبقيتش موديل وكملت غير فالتصميم عاد هو رتاح شوية....وكنت فينما يعطيني شي طرشة مكنسامحو تا يولي يبكي بالدموع..

نور: هههه هادشي كولو خرج من عمي...

ليلى: وعلى اش يسحاب لك...بحال هاد الامور كيكونو فالعلاقة ..بحال تقولي ملح وابزار فالطعام...

نور: انا راه ممقلقاش راه كنت باغا نمشي للفيلا ونطلب منو السماحة بصراحة راه هو هضر معايا قبل ميخرج وانا واعدتو باش منديرش الزبايل ...ولكن غير تحداوني دوك الدراري نسيت هضرة زاين ووعدي ليه ..ودرت داكشي بدون تفكير...وعاد من جيهة اخرى كيخلعني فاش كيتعصب ويضرب وضربو خايب كيخلي لايمارة فلحمي واخا مكيضربش من نيتو...

ليلى: ايوا راه معدور ...واش غادا بالسرعة بالفيراري وفين فالطريق عرفتي طريق المغرب مبرقعة راه كيكونو سايقين بشوية وكتقلب بيهم عاد لاعساك نتي طايرة بالفيراري ودابا كون خرجات شي لوطو اخرى من شي جهة ...نااااري يا نور مقاداش حتا نتخيلها..نتوما الوريدات ديال هاد الدار كن وقعات ليكم شي حاجة بعيد الشر ولهلا يكتبها علينا..اش غيوقع فيا نعواج وراكم..داكشي علاش بغيتي لعبي لعبي ولكن لعب في حدود..اولا انا لي غنوريك ماشي زاين اولا ياسر تفاهمنا..

نور: واخا اماما...

ليلى باست راسها: ياله نعسي احبيبة..

نور: لا اجي نعسي حدايا...

ليلى: وهاداك لي خليتو تم ...

نور؛ خليه يتوحشك شوية..

ليلى: ههههه مقلتي عيب..ياله دخلي ..

طفات ليلى الضو ونعسات حداها ونور تخشات فيها كيفما كتخشا فزاين..وليلى معنقاها كدوز على راسها..حتا نعسو ب2 ..

الغد ليه فاقت ليلى بكري كيف عادتها ...لقات نور لايحة عليها رجلها ودايرا راسها على سدرها غارقا فالنعاس..

ليلى: ههههه احسن عوانك ا زاين مع هاد الحمقة..نووور نوضي اماما معاش داخلة...

نور: حتال 10..

ليلى؛ انا غنوض غنوصي شي وحدة من الخدامات يقيقوك..

نور: واخا اماما..

ناضت ليلى للبيتها ولقات علي فاق وكيلبس..

علي: فين كتي ..

ليلى: بت مع نور..😋😋.

علي: مالها ياكما مريضة 😳😳؟

ليلى: لا البارح لقيتها كتبكي دردشنا شوية حتا نعست حداها..

علي: اااه غتكون مقلقا من حقها ضربها تا ورمات ايدها.

ليلى: الله يجيبك على خير ..هههه الدرية كتبكي حيت بغات تمشي عندو..

علي: هههه او ؟ هههه اودي راه حنا لي حماق دايرين فيهم عقلنا ..دابا قولي هي ممسوقاش يضربها ولا يقعد...ولكن واخا هكاك متخليهاش تمش عندو دابا خليه يتربا الى هي ممسوقاش حنا خصنا نتسوقو ...مخصوش يولف هاد القاعدة..

ليلى: تانا هادشي لي قلت ليها..حيد هاديك الgرافاط مطنحملهاش دير هادي...

علي: هههه اري لهنا ..ديريها ليا نتي...

قربات ليه ليلى كتصاوبها ليه وهو كيشوف فيها ويضح وتاهي ...

عند زاين لي باقي فالكتب خدام ...gزر بنادم هاد الليلة ....دخل عندو الظابط عز ...

 زاين : دخل..

عز: زاين فين لاباس عليك..وغبور هادي..

زاين: اه ياله تزوجت داكشي لاش غبرت واحد المدة.

عز: ومبروك عليك سمح لي مكنتش عارف راك عارف كنت مسافر على قبل ديك القضية ديال العصابة لي خدامين عليهم..

زاين: اه حقا اش درتو فهاد القضية..

عز: والو ماكاين تاجديد..زادو طورو ...وزادو النشاطات ديالهم...مكيخليو وراهم حتا دليل ...وحنا منقدروش نوصلو ليهم ...داكشي علاش لقينا بلي الموضوع استعصا علينا وبغيناك تدخل معانا نتا مكاينش شي قضية خسرتيها..

زاين: ممم واخا عطيني الملفات ندرسهم ويكون خير ..

جابهم ليه وجلسو كيدرسو القضية ولتاحقو بيهم شي ظباط اخرين ...

عند نور لي حالاعينيها غير بزز رانيا كتفيق فيها...

رانيا: نوضي الحمقة راه خاصني نمشي لخدمتي كولشي خرج بقيتي غير نتي..

نور: بعد مني ازاين خليني نعس غير شوية..

رانيا: لواه جدك المعطي هادا تي نوضي تهزي راه 9 هادي..

ناضت نور قافزا .

نور: اففف تعطلت..

رانيا: راه شيفور غيوصلك ..انا مشيت ...

نور: بسلامة..

ناضت نور نيشان للحمام ...غسلات وجها وخرجات لبسات بالخف غير حوايج رميساء ...وهبطات نيشان للطوموبيل عند الشيفور ركبات وخرج بيها حطها قدام لا فاك ..واتاصلت برميساء...

رميساء: حبيبة صباح الخير..

نور: صباح الخير فينك؟

رميساء: فالفيلا مغنمشيش لا فاك معندي خاطر اصلا صبحت عيانة..

نور: ممم بايتين صهرانين اولاد الناس وانا بايتة بلا راجلي...

رميساء: هههه لا لا اختي خوك براسو معندو خاطر الليل كولو كيهضر عليك ومشوش من جيهتك...منعس غير بالزز..خايفك تقلقي منو حيت مانعك من زاين..

نور: بالصح ...دابا الى درت راسي مقلقا منو غيبغي يدير ليا الخاطر ويرجعني لداري ياك..

رميساء: نور باركة من داك اللعب ديالك ...خليه نيت يعرف بقيمتك...

نور: اففف صافي قطعي انا فلافاك ..بان ليا غنخرج مغندخلش للحصة..

رميساء: فين غادة رجعي للفيلا ...ولا تسناي غنجي عندك...

نور: لا غير بقاي انا بغي نبقا بوحدي شوية..اجي واش زاين مشا للخدمة...

رميساء: مسمعتوش جا البارح ..غيكون بات برا...

نور:كيفاش بات برا ...اويلي وياله gايلاها ..

رميساء: راه غيكون غير رجع للكوميسارية كيبات فيها مرة مرة...

نور: اففف شهاد المرض صافي قطعي ..اه ودي عندك جاكسون راه ماكلتو الكوزينة..

رميساء: oky see you

نور: باي.... قطعات..

قطعات وتمشات شوية ...عيط ليها ياسر..

ياسر: نور ؟

نور: نعام اخويا ..

ياسر: سافا ؟ كيف صبحتي ايدك مزيانة..

نور: مزيان حمد الله...

ياسر: نتي فالفيلا.؟

نور: لا خرجت لا فاك ..

ياسر: ياكما خارجة عندو..

نور: ياسر عافاك بلا متبدا..الى مشيت عندو gاع ؟

ياسر: راني هضرت ديري الاعتبار لراسك شوية..مغنفرقكمش غر مؤقتا وصافي..

نور: واخا بسلامة دابا...وقطعات...

مشات للواحد الكافي وجلسات كتفطر حتا بان ليها واحد الشخص ...ووقفات مبتاسمة ...

 دخل لؤي قشع نور ..جالسة وتم جاي عندها وهي وقفات مبتاسمة وصل عندها ودارو واحد التحية كانو كيديروها فالصغر ضربة فاليد مهم كيخربقوها واخا نشرحها مغتفهموش هههه مهم اخرها كيدربو مؤخرات بعضياتهم ..ببعضياتهم..

ياسر: وفين العشيرة...غبرتي عليا المصيبة اش هاداك الميساج سيفتي ليا ..قلت غير طيرو لك الفايش حيت ماشي هضرتك..

نور: مديهاش فداك الميساج راه المغيار ديال زاين فينما كان شي دري فالفايس عايرو اولا بلوكاه..راه معرفكش نتا غير دزتي فطريقو هههه 

لؤي جلس: ايوا من حقو هههه اجي مال ايدك..

نور: اودي بلا متفكرني..

لؤي: اش وقع ؟

نور: تناقشت مع زاين حيت...عاودات ليه كولشي

لؤي دار ايدو على حنكو وبدا يحرك راسو ليمين وليسر..زعما لا حول ولا قوةالا بالله..

نور: مالك كدير فيا هكاك ...راه غير تحمست فداك الوقت ونسيت راسي ..راك عارفني كيف دايرة..

لؤي: تستاهلي قتلة العصا عليها..ماشي غير شحطة..

نور: هاي هاي شوف لي كيهضر نسيتي ايامات الماطر و كل مرة تعطيني لوطو ديال باك نصوقها..واخا بلا بيرمي..

لؤي: عقل الصغر هداك ..كنا براهش ..هههه ماشي بحال دابا نتي راه جاصك تبداي توجدي بيت لبيبي..

نور: لاواه السمقمق ...الولاد باقي الحال عليهم..

لؤي: ايوا انا بعدا غير غنتزوج باناستازيا غتولد من نهارها..

نور: مالك علاش زربان خفتي تقادا ...ههه استمتعو بحياتكم هو الاول بعدا..

لؤي: احنا مستمتعين هههه *وغمزها*

نور خصرات فيه وجها : يخ كلكم مسgيين بمغرفة وحدة الله يلgيها ليكم كحلة زحلة كاملين..

لؤي: هههههههه ....ايوا اش غديري دابا 

نور: والو ...اصلا معارفاش موقف زاين مني معرفت واش مقلق مني ولا مسامحني يعني منقدرش ندير شي حاجة حتا نشوف اش غيدير ويدير هو الخطوة الاولى وعاد العائلة مانعينو مني..هههه شوف هاد الزهر كيف داير...درتها قد راسي ..

لؤي: مزيان ياله توحشو بعضياتكم شوية...

نور: ايوا قل ليا نتا اش درتي...

لؤي: الخدمة راها غادة مزيان و اناستازيا غادا تجي هاد اليوماين...فينما نهضرو كتسول عليك..

نور: بالصح حتا تعطيها فايس ديالي..

لؤي: واخا ...نطلبو الفطور ؟ 

نور: اوكاي...طلبو وجلسو يفطرو ولؤي كيعاونها مرة مرة تاكل حيت ايدها مكتقدرش تجمعها...

سالات وناضت ومشات تسركل معاه شوية مواضيعهم مكايسالوش ...حتا وصل وقت الغدا..وبغات تمشي واصر عليها يوصلها ...طلعات معاه لوطو ووصلها لفيلا هبطات سلمات عليه ومشا...

وهادشي كولو وقع قدام واحد الشخص لي كان كيتسناها تجي...هي دخلات لبيتها بدلات الحوايج وتلاحت هازا التيلييفون كتخمم واش تعيط تسول فزاين اولا لا....حتا وصلها ميساج..

 جاها ميساج من عند زاين ...شافتو ناضت جلست وقلبها كيخبط ...حلاتو ولقاتو كاتب ليها..فين كنتي ؟ 

نور: اويلي هادا باش عرفني كنت خارجة ...

طلعات ليه vu وماجاوباتوش..

عاود سيفط ليها...فين كنتي و معامن كنتي راكبة فديك اللوطو..

نور: تويلي باش عرف هادشي كيراقبني ؟ 

نتضت كطل غير من جنب الخامية بان ليها غير شوية منو خارج من لطو هاز تيلي غادي جاي..

نور جاوباتو: علاش كتسول ؟ 

زاين: جاوبي على السؤال..

نور: هاداك غير لؤي تلاقيت معاه ووصلني..

زاين: اهااه انا محروق دمي علك ..ونتي خارجة تسركلي ليا مع لؤي..

نور: غير تلاقيت معاه وصافي ...بلا متزيد فيه ..

زاين: هبطي نشوفك..

نور: لا ماما كاينة ..وياسر مانعني نشوفك..

زاين: هبطي راه ماشي صاحبك راك مراتي ..الى بغيت نديك راه غنديك بلا منتشاور مع شي حد..

نور: لا صافي سير ازاين..

زاين سكت شوية...واخا ولكن خاصك تعرفي بلي راه مهضرناش علﻻ داكشي لي درتي...

نور: عارفا راسي غلطت سمح ليا ازاين..

زاين: قطعي دابا الهضرة من بعد...قطع دخل لوطو وكسيرا ونور متبعاه حتا مشا..عيطو عليها حت كولشي تجمع باش يتغداو...داز داك النهار غير فالفيلا ..ونور بقات فالبيت غير كترسم..وتفرج حتا جا اليل ونعست ...

الغد ليه فاقت نور بصوت ليلى لبسات وهبطات فطرات معاهم ومشات للافاك وتما تلاقات فالباب مع ريساء سلمات لى خوها سول فيها وودعوه ودخلو دوزو الحصة ديالهم مع جينيونغ ومشاو تغداو ب3 فمطعم قريب...حتا تفارقو وكلها مشا لشغلو نور عندا حصة مع عماد..رميساء بغات تمشي عندها ومبغاتش..ركبات فتاكسي حطها قدامو...

هبطات وطلعات عندو كتلهت تاني..دخلت سلمات عليه ..

عماد: اهلا نور الهدى سافا؟

نور: حمد الله خويا ونت ؟

عماد: حمد ..تفضلي انا جاي..

مشات جلست نور فالبلاصة ديال ديك المرة...

وجا جلس قدامها..

عماد: نيف قات ايدك..

نور: مزيانة ...

عماد: علاش مدرتيش بهضرتي...ياك قلت لك حاولي تضبطي الغضب ديالك ومتخرجيهش بديك الطريقة حيت ماشي سليمة كن عيطتو ليا وتهضري معيا مكتيش غتأدي راس حتا يجيك انهيار عصبي..

نور: معرفتش توترت مبقيتش عارفة راسي اش كندير والباب لي كان مسدود عليا ...متحملتش..

عماد: عاودي ليا شنو قصة هاد فوبياة الاماكن المغلقة

نور: فاش كنت صغيرة ماما من وسائل العقاب ديالها كانت كتسد عليا فبيت صغير فالسطح اصلا داك البيت كان كيخوفني داكشي علاش كنخاف فاش كيتسد عليا شي باب....

عماد: اااه ..هكاك..غادي تقدري تجاوزي هادشي غير تبعي كلامي وتيقي فيا اوكي ؟

نور: واخا..

مهم بقا عماد كيسولها على الماضي وهي كتهضر وهو كيدير هكا بالعاني باش يخليها تفكر داكشي لي فات وكيسولها باش حسات باش تفرغ كل مابقا عالق فقلبها..كانت كتهضر وكتبكي ..ودخلات فحالة هستيرية تاني عطاها لماء ومهدئ وكلينيكس تمسح وجها..

عماد؛ ترخاي هنا شوية..

نور رجعلت راسها وغمضات عينيها كتشم الهواء لي ضاؤب تما..هو مشا لمكتب حيت سمع التيلي كيصوني..

عماد: نعام...اه راها كاينة ...بكات شوية ولكن راها بيخير دابا...لا بلاش انا ساليت وغنوصلها معيا للفيلا...صافي كلمة وحدة قلناها ..الله يعاون..

نور: زاين هدا ؟

عماد : اه سول فك كان باغي يجي وقلت ليه بلاش ..ياله نمشيو...

نور: اوكاي ...

خرجو ووصلها عماد للفيلا وعاود عيط ليه زاين وقال ليه راها فالفيلا...نور دخلات و سولوها على الحصة ..ودخلات للبيت ..دوزات النهار تاني عادي بغا غير ايمتا يتدل هادشي ويطلقو سراحهم ب2 ...

الغد الجمعة تاهو عادي ماشافتش زاين ..دوزاتو غير مع ليلى فالشركة ممشاتش لا فاك ولتاحقات بيهم رميساء...وزاين غير مرة مرة يعيط لسعد اولا رانيا هما لي كيعطيوه خبار نور وكيوقف قدام الفيلا حتا كيقنع ويرجع للكوميساريو مكيمشيش للفيلتهم ...غير لابغا يبدل...

اليوم السبت ناضت نور ليلى لي كتفيقها..

ليلى: ياله فيقي عندنا الخدمة اليوم...

نور: اشمن خدمة اماما..

ليلى: نسيتي احبيبة عندنا جلسة تصوير راه غنتلاقاو رميساء لهيه نوضي دغيا..

ناضت نور دوشات ولبسات حوايجها ..وفطرو وركبات مع ليلى فاتجاه مقر التصوير...

دخلو ورحبو بيهم الطاقم..عاد دخلت رميساء ...

المصور: ماشاء الله هاد الموديلات غزالات عمري شفتهم باقين جداد ياك...

ليلى: ههههه لا هادو بناتي ...

المصور شوية مخنت بحال داك لؤي سارgن لي فحب للايجار هههه: لا ميمكنش ...اويلي صراحة يمكن ماماهم كانت الطوب ديال لي موديل علاش تاهما ميكونوش...

نور ورميساء غير كيشوفو ويضحكو..

المصور: حهم ياله احبيباتي دخلو نوجدوكم...

***يتبع***