البرهوش الجزء 38

ديك لبنت غبرات حتى لبوليس معرفو عليها والو مبغيتش نقلب عليها نولي مدخل راسي فشي مشاكل أنا مقادش عليهم عبدو لوحش ديال سطاج لخر ومقدرش على هادشي اللهم نتكمش تسنيت داك لمحامي حتى كمل لوراق مشينا فنفس طيارة دايرينو فصندوق حدا لحوايج إيييه يا عبدو كنتي راس وليتي رجلين لقيت لواليد وطوموبيل ديال نقل لموتى فلمطار ديناه لدار دنيا عامرا بنادم شي وحدين عمري شفتهم قاليا لواليد راه صحابو وعائلة مو وباه حتى هو جا أنا عمري شفت باه ولكن ديك ساعة كنقلب غير على مو تندور راسي مكتبانش ليا دخلناه لدار لداخل عاد خرجات هيا ومراتو مزال تيبكيو كيف فاش يلاه سمعو لخبار كتقولينا باغيا نشوفو تنقوليها بلاش وهيا تدور فيا واحد دورة شيطانية أساط بحال دوك لأفلام ديال رعب دخلناه حطيناه ليهم فلبيت لواليد وباه تيدويو معايا فين غادين نغسلوه لواليد تيعرب هو لي غسل والديه ولائحة طوييلة لواليد وخا مبيناش عليه ولكن راه تيفهم فكلشي تنوجدو واحد لبيت حدانا وهيا تدخل سعاد كتغوت ماشي عبدو هدا قلت ليها لا راه هو مغاديش تعرفيه راه 19 يوم لي دازت باش مات قالتلي والله ما هو راه ولدي ونعرفو وخا تدوز 100 عام دخلات مراتو حتى هيا كتحلف ما هو أختي نتوما لي موالفين تشوفوه عريان.. عارف بلي صعييب تقبلو هادشي ولكن عبدو راه مات ضربة ولوراق ديالو لي لقاوه هازهم وسيد لي خدام معاه حتى هو مات معاه دبا خليونا ندفنو سيد باش يرتاح فقبرو دخلناه لداك لبيت منقدرش نشوف بحال داكشي أنا وخا تندير غي زبايل ولكن حنين وبالأخص صاحبي منقدرش نشوفو فديك لحالة خليت لواليد وباه يتكلفو مهدي جاب لكفن لفقيه حتى هو داك لجو ديال لبكا وتعداد ديناه صلينا عليه ظهر ودفناه رجعنا لدار لواليد قاليا دير لخير إلا كان صاحبك عزيز عليك أنجيبو واحد لعجل وغادي تفرقو دير صدقة على روحو.. قلت ليه الله أودي عبدو كان عزيز وغالي هيا لولا وبقيناا معطلين حتى جابوه ودبحوه ودار كتعمر أنا غير بارك مشاد لا تيليفون لا والو لخاطر مكيناش وهو يبرك حدايا لواليد إوا ديك لكتكوتة فين بقات ياك باها مات؟ بقيت غير تنشوف فيه واش كيدوي من نيتو هدا.. داك لعشا تعطااااااال وأنا جاي مسافر من لخر دلعالم ومقادرش نمشي لكوزينة نقصي وهيا توقف عليا سعاد جراتني من حدا لواليد وشي معارف ديال عبدو نيشان لكوزينة حاطالي لمعالجة بحالا حسات بيا أحححح غي لأمومة هادي مدويناش صافي تنقصي لداخل وبنادم تيقصي برى واحد لموسطاج عندي كان تيقدر طعام.. تنخشي فوجهي حتى تنسمع ااالله أاكبر الله أكبر أنا أخويا تخلعت بزربا تنجشي فوجهي على لأقل نموتو بكرش عامرا تناكل وتنشهد حليت لباب نشوف شنو واقع تيبانو ليا مجموعين عرفتي تنحارب تنجر فينادم ندير بلاصتي واش كين شي واحد لوسط تيفرق فلفلوس وصلت لوسط كينا طابلة تنهز عينيا تيباليا عبدو تيقصي فكسكسو وبنادم مجموع عليه مبقيتش عاقل شنو كيخرج من فمي وا بعدو أولاد طييط خونا تيضرب فكسكسو ديال لعزو ديالو عاادي وا لخرى راك حرقتي ليا سلوكا د دماغي شكون لي دفنا قبيلا؟؟ وهو يتكسل تنخرج فبنادم بزز بحالا شافو المهدي المنتظر وغير نفهمو شنو واقع ونعيطو ليكم خونا مزال تياكل مراتو سخفانة والله ما حار فيها هاد ساط واقيلا ولا زومبي كنت عارف هاد نهار غادي يجي.. ولد لعبد مو كتبوس فيه وكلشي تيبكي وهو تيضرب فكسكسو بحالا مواقع والو شي حاجة ماشي حتال لهيه سيد مدواش جريت طابلة من قدامو وهو يتم غادي تابعها الخرى واش هربلك دوي معانا راه دفناك غير قبيلا وتخورت فعجل كنت نقدر نعيد بيه.. وهو يرجع لبلاصتو برك قاليا خرج عند ناس صيفطهم لديورهم معندهم ما يديرو هنا أنا موقعلي والو غير تغالطتلكم.. صيفطت لواليد يشتت ليا بنادم لي عندو شي دار يمشي ليها.. ساط غادي لدوش قالك ندوش عاد ندويو بارك حدا دوش مقادرش نصبر نعرف شنو وقع وهيا تجي عندي سعاد جراتني لكوزينة تاني وهيا تحيد لخام ضرباتو فجيبها قالت ليا سمعني مغادي تقول لعبدو والو مخاصوش يعرف دبا هو يلاه رجع مبغيتش نخسرو تاني, واش صافي سالينا؟ لا غير نأجلو لهضرة معاه فهاد لموضوع مخاصوش يعرف أنا غنقولها لشروق مراتو باش تشد فمها وحتى نتا دوي مع عائلتك.. خارج تنقلب لقيت مهدي وصيتو هو ومراتو لواليدة لقيتها كتجمع صالون كدالك وصيتها لواليد لي فلت ليا ملقيتووش عييت منقلب واقف تنسول عليه وهو يخرج عبدو جا نيشان قصدني قاليا متمشي فين بغيت ندوي معاك وطلع لبيتو غادي يطلع فدروج ولواليد نازل شوف زهر كيداير لواليد وهو يقوليه على سلامة نسيبنا صافي تنوجد لشي جرية عالمية عبدو وهو يمسح ودنيه قال لوالد شنو قلتي؟ وهيا تنقز لواليدة من حيث لا أدري قالت ليه نزل نزل لكزار مزال كيتسنا فيك توصلو لواليد وهو ينزل عبدو بقى تيشووف وطلع أصلا مستحيل يطيح فبالو بلي أنا ومو تزوجنا لواليدة جرات لواليد برى كتقري فيه بقيت كيتسنا عبدو حتى نزل مو ومراتو مزال لاصقين ليه فرجليه بزز باش خلاونا بزوج سولتو شنو وقع قاليا بحال ديما كانت عندي خدمة وكملتها, كيفاش كملتيها سيد مات وبنتو معرفتها فين مشات حتى هيا.. راه أنا لي ديتها لعند باها حتى هو مزال عايش قصة طويلة ومعندك لاش تعرفها لمهم حليت ليه لمشكل ورجعت قالو ليا بقيتي تتبكي مكانش تيحساب ليا قلبك هشيش زعما تيقتي بلي غادي نموت هكداك بديك زربة راه مزال مكتعرفنييش دبا بغيتك تدي داركم خليني مع عائلتي شويا.. خليتو على خاطرو ومرجع لواليد ولواليدة معايا مهدي ومراتو سبقونا.. طريق كاملا ولواليد كيعاير فيا أويلي أويلي يحسابلي والد رجال ساعة طلعت والد شمايت خايف منو كتزقزق مراتك ومقادش تحررها كون خرجتي غا درية كتساابق.. عرفتي غادين ولواليد تيسب بدوك نويطات قاليا هاداك راجل ونتا لا بقيت تنشوف فيه لواليد راه تزوجت ليه بمو بما في الكلمة من معنى دورها فراسك شويا.. تيسولو فيا ودبا شنو غادي يدر أنا براسي معارفش شنو غندير دبا عاد شدات فيا لخلعة دبصح منقدرش نقولها ليه وحتى سعاد قالتلي أجل. اللهم نخلي هادشي هكدا كيما كنا فلول واحد سيمانة ولا زوج حتا نعرف شنو واقع بعدا ومزال مفهمتش واش أيعاود يرجع ولا لا...