البرهوش الجزء 40

لمهم باركين فدارنا لقديمة شحاال مدخلت ليها وخا صداع وهاربين وغيشدني عبدو غادي يقتلني ولكن كان عاجبني لحال من شحاال ما بقيت أنا وختنى راس فراس حتى هيا كتقوليا نخرجو من هاد لمدينة شنو باليك قلت ليها صبري نشوفو شنو غادي يوقع ونهز معايا فلوس باش نبداو فبلاصة أخرى وندوي مع دارنا.. نهار 3 بعدت مزيااان على دار فين باركين لواحد لبنك قالك متقدرش تخرج شي حاجة حسابك موقف شي مشاكل خاصك تشوف شي محامي أنا فلبلاصة عرفتو عبدو قال لخونا يرفع تاني لقضية كما قاليه حيدها قاليه يرجعها باش يحنسرني معرفتش كيفاش قنع داك خونا ولكن متأكد بلي عبدو لي مور هاد لقضية.. صافي دبا عاد تناكت ديال بصح رجعت لدار مبغيتش نقوليها شنو واقع شعلت تليفوني عيطت على مهدي قلت ليه باغي نتلاقا بيه فليل فلمحل لي كان خدام فيه قاليا وخا. وهادشي لي دار فلعشيا مشيت لتما أصلا قرييب لدار لي باركين فيها بقيت كنتسناه حتى جا قلت ليه بلي منقدرش نقيص فلوسي وبغيت نخرج من هنا وخاصني شي خدمة.. قاليا صافي ضرب هادشي على حسابي غادي تمشي لجديدة فين كنت لمصنع لي تما تيحتارموني غادي نعيطلهم يشوفو ليك خدمة وتنعرف سمسار يشوفلك دار تما ها نمرتو عندي وصافي بقى تما حتى يتحل هاد لمشكل أنا غنشوف محامي وخا بحال هاد لقضايا تياخدوو وقت لمهم ضرب هادشي على حسابي متضربش للفلوس حساب.. قلت ليه غير نقدر غادي نرجعهم ليك كون هاني نعتلي لبلاصة لي غنمشيو ليها وعيط على سمسار يوجد لينا فين غنبقاو قاليه دار لي كنتي فيها مزال خاويا لمهم تاني مرة تيعتقني مهدي معرفتش واش غيجي شي نهار ونرجعلو غير شويا من هادشي لي دار معايا ولكن موحال ساط بعييد على صداع ولمشاكل.. رجعت لدار تنجمعو فلحوايج غريسينا لواليدة فشي حوايج من دار واحد راس تيقوليا مالك على هادشي سير ليه دبا راه غير بنادم بحالك ولكن فاش كنتفكر بلي تزوجت ليه بمو وساط مقااود وشاابع حروب وعسكر وكان غيدفني عايش تنقول صافي اللهم نبعد شويا حتى يبرد.. شادين طريق فليل قلت ليها بلي منقدر ناخد حتى ريال من فلوسي بسباب عبدو بدات عليا رجع ندويو معاه تي متعاوديش تقولي هاد لهضرة ماشي نتي لي كنتي غادي تدفني عايشا داك عبدو لي كتعرفي تبدل هادا واحد أخر معرفتش شنو وقعليه قبل ميرجع كنت تنقول غادي يعرف غادي يضربني ونضربو وصافي ماشي يقتلني سو متعاوديش تقولي نهضرو معاه دبا غنخليوه يبرد شويا عاد نرجعو.. وصلنا مع لفجر تنشوف فيها ناعسا زعما رومانسية وهيا تباليا واحد شيبة فراسها واااع تخورت نوضي نوضي تصلي.. فصباح فطرنا تلاقيت بداك سمسار قاليا بلي مهدي قاليه مياخد من عندي والو هو غيصيفط ليه فلوسو قلت ليه وخا ولكن شوفلي شي واحد ياخد من عندي ديك طوموبيل قاليا أه مرحبا شرحتليه بلي منقدرش نديرها فسميت شي واحد وهو يفهمني قاليا عطيني واحد ليوماين وغنلقالك لي ياخدها.. حطيتها تحت دار وطلعت دار مبيهاش كان ساكن فيها مهدي شحال هادي ودار لمزيان فاش غادي يبقا يخلص لكرا وأنا نبدا نفكر حياتي كلها وأنا مكاليني شي واحد لحاج وفلوسو ودبا مهدي.. قاليا بلي غيشوفلي خدمة فداك لمصنع هادي هيا خاصني نعتامد على راسي شويا كما تيقول لواليد تعرف لفلوس منين كتجي, تندوي معاه فلعشية قلت ليه متخلصش خونا أنا غادي نتكلف غير دويلي مع خوتنا فلخدمة قاليا وخا لي بغيتي دويت مع لواليد ولواليدة نفس الهضرة ديال قلناها ليك نتا مكتسمعش ونتا.. باركين أنا وهيا كنتغداو وهيا تقولي بلي عارفاني مبقاوش عندي فلوس ونخليها تعاوني خوكم كيتطلق ليه لسان مرة مرة قلت ليها بلي غادي تزاد لقائمة ناس لي تيصرفو عليا مبغيتش نكمل حياتي هاكدا على لأقل هاد لمدة لمهم صافي فهماتني وغادي تصبر معايا حتى نشوفو هاد نفس عندي واش أتوكلنا ولا لا لغد ليه سيفطلي مهدي مساج باش نمشي لعند خوتنا لخدمة وهادشي لي درت مشيت غير على رجليا ديك لبلاصة قرييبة دخلت نعتولي لبيرو ديال واحد خيتي سميتها شيماء هاد لخوادري شحال من شيماء تيعرف لمهم سيدة منعرف شنو داير ليها هاد مهدي قالتلي حتال شنو قاري؟ حشمت نقوليها مفايتش لكطريام قالتلي شنو كتعرف تدير؟ صراحة مكنعرف ندير والو ولكن عندي مع لغات العربية لإنجليزية لفرونسي شويا بقيت طالقها عليها لحاجة لوحيدة لي غنكون ربحت من هادشي كامل يمكن ختنى حفيتهم ليها وتندوي بالأداب وصواب ولمعقول شرحاتلي شنو غادي ندير غادي نكونطرولي كاع داكشي لي تيخرج وداكشي فيه كترة لكتبة و واحد لبيسي قدييم بيرو مصدي وشي 4 تيليفونات معرفتش شنو أنخدم أندير كلشي وصافي لمهم أنخدم قادينا لمسائل غادي راجع لدار باش نبدا لغد ليه راجع لدار وهو يعيطلي مهدي قلت ليه بلي صافي كلشي هو هداك غدا غنبدا لخدمة وهو يقولي بلي عبدو مشا كيسول علينا فدار..