البرهوش الجزء 42

أنا غادي طالع لدار عندو وهو جاي نازل شافني وهو يتصدم مبقا عارف ما يقول وحتى أنا أخويا منعرف علاش جاي أنا كاع غندور نهرب تاني وهو يشنق عليا تنقوليه واا عبدو طلقني ندويو رجال أصاحبي وهو يدخلني لدار بغى يصرفق شديت ليه يدو ساط جيت ندوي معاك نديرو حل لهادشي ماشي نزيدو نعقدوه.. خرجات مراتو أه بصح. قاليها دخلي لبيتك وسدي علك نتي. سيدة كتسمع لهضرة قاليها دخلي وسدي علك بالخف دخلات وسورتات لله يعز لحكام وصافي.. تنقوليه ساط خلينا ندويو وهو غير داوي غنديرلك غنديرلك وهو يزرب عليا بتصرفيقة بدون شعور رجعتها ليه باش قصتو أخويا مبقيت عارف شنو وقع طرت تنبغي غير ندفعو بحالا تندفع فحيط والو مكيتزعزعش داك صالون تقلب لي حدايا كنشير عليه بيها واحد طابلة صغيرة لي نفعاتني تنضرب فيه بيها بقينا شحاال وحنا هكدا شد ليا نقطعلك أول مرة نحس براسي مقود تيضربني تنرجعها ليه حتى عيت صافي مبقيتش قاد نتحرك وليت باغي غير نهرب مقادش وهو مزال تيضرب دخلات بيناتنا مراتو وأنا نعلق نيشان لدروج نزلت لزنقة وهو يباليا تابعني تاني بنادم والله ما فكنا ومن حيت لا أدري خرج مهدي مفهمت والو إمتى جا, حتى نقز ليا على عبدو قاليه ديك طلق منو أولد طييط كنت أنقوليه وا لخرى راه مراتي هاديك؟ نزلت عليه بوااحد دماغ أنا كلشي تيقوليا راسك قاصح باش طاح طحت حداه وهوما يحضرو صحاب لوقت داونا ب3 حابسينو عليا غير بزز دخلونا لكوميسارية بارك مقابل معايا ودايرين ليه لمينوط مع واحد جعبة ميقدرش يجي لعندي وأنا نقوليه دبا نقدرو ندويو صافي ضربتيني رتاحيتي كنت باغي نقوليك غير راه لواليدة ديالك حاملا غيتزاد عندك خوك.. هاد لحضة مهدي بدا تيضحك تنقوليه هنينا والو مبقاتش باغيا تحبس ليه ضحكة عبدو وهو يعاود يشعل تيشير برجلو كتدوز ليا من حدا نيفي مهدي والو مبغاتش يسكت ما بلان ما والو.. تيسولو فينا شنو واقع خفت غير نعاود لصحاب لوقت شنو واقع بلي تزوجتليه بمو وتغلب عليه ضحكة حتى هو قلت ليه والو غير مشاكل عائلية مهدي وهو يبدا يضحك تاني قاليه شاف والله ما كينا شي حاجة هدا خويا صغير وهدا نسيبنا غير حنا مرة مرة كيوقعولنا هكدا.. بقينا داوين معاه شرحتليه شنو واقع حسيت بيه حبس ضحكة غير بزز جات مرات عبدو قالت ليهم بصح وراه غير تيضحكو هكذا طلقونا حنا لولين أنا ومهدي طلعنا فطاكسي مخلين طوموبيلات فدرب ديالو وساط مبغاش يحبس من ضحك قاليا كنت عارفك أتجي لعندو هادشي علاش تبعتك.. ولا أساط ياك أصلا خليتك فجديدة وطوموبيل؟ قاليا راه غدا أتوصل لهنا غير خرجتو وأنا نتبعكم فطاكسي يلاه غندخل لدار بنتي ليا خارج ومزيان ملي تبعتك أما كوراه قتلك شداك تمشي بوحدك لعند داك لوحش وضاربو بدماغ نتا راسك فحال راسو دبا ولات عندك بزولة فراسك ترزق بيها.. غادين راجعين لدار ومزال مطلعها عليا حالتي بحالا كنت فحرب دخلت لدار زرب عليهم مهدي داك عبدو كان غيقتلو كونما رجعت فلوقت لمناسب محملتش نبان ضعيف قدام دار ديك نويطة ديال(you should see the other guy) شمنك يا بيطادين شي ساعة وهوما متكيني فصالون مضروب هنا حتى هنا ويلي حتى هنا مالو خرج فيه كاميو لواليد من بعيد بارك عليا نوض ديني لدارو دبا نوريه يضرب دري مالك قدو وا لواليد واش غادي تبرى ها مو حداك.. ختنى مدواتش دخلت لبيت نبدل حوايجي وهيا تبعني شنو قلتي ليه واش صافي حليتو لمشكل..محلينا والو بزز باش فكونا صحاب لوقت, إوا شوف كيفاش تحل معاه هاد لمشكل غدا منقدرش نربي لي فكرشي فهاد لجو بقيت تنشووف فيها واش هادي أتر عليها لحمل معلابالهاش بلي إلا مشيت لعندو غدا تاني غادي يقتلني.. قلت ليها من بعد خلنيني نرتاح حطيت وجهي على لمخدة فقت لقيت وجهي بحال سميتو عليه كلو زرق حتى برد دم عااد بانو الأتار ديال ما بعد الحرب متشوفيش فيا أبنت ناس أيخرج يشبه ليا. لمعنا لحقيقي ديال ضانون يولي يجيك قاصح مكدبوش لي قالوها.. ولكن مني بقيت حي عرفت راسي شديد راه حتى هو كلا لعصا باركين كيتعشاو وأنا معنديش لخاطر لعصا نعمة.. حتى تيصوني سيكيريتي جاوبو لواليد قاليه راه عبدو عند لباب باغي مهدي لواليد وهو يتم خارج تنحبس فيه بزز تيقوليا خليني نخرج نوريه حنة يديا بزز باش حبستو وخرجت أنا أصلا عارفو مغادي يدير والو كون بغا يضارب تاني مغاديش يديرها هنا حدا دارنا.. غادي عندو وهيا تدوز سعاد طيارة من حدايا عنقاتو غير ملي شفتو عنقها عرفتو صافي سمحلنا وقفت حداهم وهيا معنقاه وكتبكي منعرف شنو تيقوليها فودنها كنشوف ليه فوجهو مبايناش فيه كاع تنبرد على راسي أصلا جلدة ديالو مولفا بلعصا ولكن متأكد فلداخل ديالو أديتو قاليها يلاه سيري جيبي حوايجك أترجعي لدارك معايا وهيا تدخل تنشوف فيه كيفاش؟ قاليا بغيتي فلوسك ترجعلك وميبقا بيناتنا تا حساب هيا غادي تمشي معايا نساها ومتعاودش تقرب لدار عندي وفلوسك أيرجعولك من غدا.. بلاما نفكر قلت ليه كيفاش مغاديش تمشي معاك لتاشي بلاصة وهو يقوليا راه معمري غنتقبل هادشي من لأحسن يسالي دبا بلاما تخليني نخياب حتال دبا راه غير داير بحسابها وداكشي لي فكرشها وبحساب الأيام لي دوزت أنا وياك غتشعلني غادي نقيصلك عائلتك كما درتي ليا نتا خود فلوسك وبعد عليا وعلى عائلتي شوفلك وحدة قدك.. خرجات والله ما شافت فيا كاع زعما راه بيناتنا بنادم دبا جرني لواليد دخلني لدار بقاو عليا ها نتا تهنيتي خود فلوسك وعيش راك باقي صغير بحالا تيضحكو عليا وراه صافي دبا لي وقع وقع راه صبعي تم ولدي ولا بنتي واش مراض قاليا مهدي وخليه غير حتا يرجعلك فلوسك بعدا صافي هانتا عارفها فين كاينا غادي تدوي معاه شكون فلول كان يقول بلي غادي يدوي معاك هكدا ولا غادي يعنقها بشويا بشويا غادي يتقبل هادشي...