البرهوش الجزء 45

أودييي ناس تعرف رجال وحنا.. هههه غي خليها على لله لغد ليه تلاقيت بخونا فداك لمحل فصباح تيفطر تاني بركنا عادي وخا باقي حاضي معاه وغنبقى ديما حاضي معاه إلا شرف كتباليا بنت داك شيباني نزلات من طوموبيل و طالعات لدار عندي قلت ليه نشوفك من بعد ومشيت لعندها كتباليا مها لي سايقا وقفت عند جاجة سلام سلام شنو واقع؟ قالت ليا بلي راجلها مرجعش لدار يوماين دبا نزلات بنتها لقاتنا داوين سولاتني واش جا لعندي قلت ليها أه يوماين دبا وباليا فشكل واش علمتي لبوليس قالت ليا راجل كبير فسن عليه ديون ومن بلاد أخرى مبغاو يديرو حتى مجهود قلت ليها أنا غنتكلف لله يعز لمعارف عيطت على ساط🌈 بالمناسبة سميتو طوم لمهم عيطتليه وهو يخرج سلام عليهم تشوفو داوي تحلف عليه تا راجل ولكن طلع رجولة قالينا يلاه معايا مشينا عشرانو تما بدا تيسول فيهم وحنا باركين كنتسناو قلت ليها عليها عليه ديون علاش مقالش ليا هادشي كنت نقدر نعاونو؟ قالت ليا معمرو غادي يقبل بهادشي نتا معارفوش يموت وميخليش شي واحد يعاونو راه هادشي علاش تزوجت بيه راسو قاصح بنتو بدات كتدمع تراه قلبي كيتقع دوك دميعات كون ما مها حداها نعنقها جا خونا قالينا بلي لقاو شي واحد منتحر بنفس المواصفات خاصنا نمشيو نشوفوه تحركنا لتما بانتلي مراتو وبنتو تيبكيو موحال يقدو يدخلو يشوفو قلت ليهم انا أنشوف واش هو دخلت سيد ماشي هو دخلات ديك ساعة حتى مراتو تأكد حتى هيا قالت ليا ماشي هو خرجنا من تما مشينا لدارهم باش عطينا لتامل ديال طوم تصاور ديال سيد قاليا نبقى معاهم وهو غادي يعلمني إلا عرف شي حاجة مشا بقيت معاهم معارف ما نقول تشوف تيتيز كيبكي قلبك كيتقع وخا تكون يهودي تسلم سولت مراتو واش نقدر نعاون كنحتارمو بحال لوالد نقدر نعاونو بفلوس عادي إلا قدر من بعد يرجعهم مزيان مقدرش صافي.. قالت ليا لا راه بزااف دلفلوس قلت ليها مكين لا بزاف لا والو راه قلتلك بحال لواليد هيا راه تصويرا مقودة.. جابتلي وراق ديال لبنك تنشوف فيهم وكتقوليا بلي نزل لبلاد يشوف شي واحد يسلفو وملقاش حتى ولدو معقلش عليه.. عاد عرفت علاش لبارح بقى تيوصي فيا كانت واصلا ليه لعضم ومقال ليا والو قلت ليها صافي أنا غنتكلف بهادشي دبا خاصنا نلقاوه باركين وهو يعيط داك طوم قاليا بلي واقيلا عرفوه فين كين قلت ليه ها حنا جاين خرجنا لعندو قاليا بلي شادينو فشي حبس كان باغي يسرق واحد طوموبيل هرب ليا أنا صافي يشفر وميقولش ليا سلفني لمغاربة مقودين واقفين كنتسناو ساط يمشي معانا لفين شادينو ولي داز كيسلم عليا دوك سيطان لي تلاقينا داك نهار كاملين خدامين هنا.. جا ساط غادي معاه وخياتنا فطوموبيل ورانا قاليا منين كتعرف هاد ناس؟ قلت ليه سيد لي غابر ركبنا نفس طيارة زوج مرات وكنتلاقاو بزااف هنا.. قلت ليه بلي عليه شي فلوس هادشي علاش دار هادشي قاليا عنداك يكونو باغين ينصبو عليك متكونش هكدا خلي كل واحد يشوف مشاكل ديالو بوحدو.. لمهم بقى داوي طريق كاملا نص فهضرتو مفهمتهاش وصلنا قالولنا بلي يقدر يخرج بكفالة مشاو يشوفوه مشيت أنا خلصت عارفهم معندهمش طلقوه مدواش طريق كاملا مشينا معاهم لدار قلت ليهم غدا غادي ندوز لعندكم غادين باش يوصلني لدار وبارك عليا نتا إنسان مزيان قلال بحالك عرفتي مع ساط من صحاب الألوان🌈 قلت ليه واقيلا راه دوينا لبارح. قاليا لااا ياك قلنا غادين نساو داك لموضوع دبا داوي معاك غير كصديق وصافي بقينا داوين ساط دار عقلو أصلا أنا ولاف بزربا تيربي عليا بنادم الكبدة😂 طلعت لدار بقيت داوي مع لواليدة تنعيط عليها كتندمني تتبقى تسول شنو كليتي فلفطور فلغدا فلعشا واش لبرد واش.. وبزز منك خاصك دير لخاطر وتبقى تجاوب على شي أسئلة متكررة راه نبع الحنان هداك محسيتش بالوقت كيفاش داز قلت ليها تشوف كيدير تسول ليا على سعاد وداكشي لي فكرشها قالتلي غنشوف كيندير غير رتاح نتا وقابل خدمتك.. خرجت قصيت ورجعت لدار بقيت شاد شي وراق ديال لخدمة تا نعست لغد ليه فقت لقيت فقت بديت تنتفكر باش كنت تنحلم شفت لواليد ومعقلتش على تفاصيل فطرت ومشيت لعند سيد لي ضيعنا نهار تنقلبو عليه قلت ليه علاش مقلتي ليا والو ونتا عارف معزتك عندي قاليا مقديتش أولدي تا مقديتيش تقوليا عطيني وقديتي تسرق شنو كان تيقولك راسك زعما مغاديش يشدوك هادشي ماشي ديالك لمهم يلاه معايا نحلو هاد لمشكل.. غادين لبنك وسيد حشماان أنا عارف شحال خيبة تكون مقودة عليك وعاد عندك عائلة وصلنا لتما كنتسناو فواحد صف قربنا ندوزو وهو يصوني تيليفوني لواليدة جاوبتها صوتها مبدل على لبارح تنسول فيها شنو واقع مبغاتش تقوليا فلول بقيت مدابز معاها عاد هضرات قالت ليا ولدي باك مريض خاصك تجي تشوفو لموت والحياة هادي..