البرهوش الجزء 46

لواليد هو لول عندي و بحالا شفتو غير لبارح فليل حلمت بيه عرفت بلي كينا شي حاجة غيكون مرييض ديال بصح كون كان غير شويا مغاديش تعيطلي لواليدة ومغاديش تقولها ليا وتخلعني. شريف لي كنت معاه تيسول فيا مالك؟ قلت ليه بلي لواليد مريض خاصني نرجع قاليا صافي غير سير قلت ليه لا مغاديش نخليك عيطت على ساط لبوليسي عارفو غيكون يفطر حدا دار ديك لوقيتة طلبتو يجمع ليا حوايجي سوارت غير فوق لباب وصلات نوبتنا خلصنا ليهم داكشي لي كيتسالو وخرجنا غادي موصلني لدار عيطت على مهدي نسولو باش نتأكد قاليا راه لواليد مريض دبصح وتزاد عليه لحال من لبارح وهوما فلكلينيك قلت ليه صافي أنا جاي ليوم إلا قديت وصلنا لدار لقيت ساط جمعلي حوايجي قطعت من تيلي غنمشي فليل تنجمع فوراقيا داكشي لي عاقل عليه وصافي سيد مشا وبقى معايا ساط🌈 تيقوليا واش غترجع قلت ليه أه لابدة غنمشي نشوف لوالد ديالي وغنرجع لابدة بقى عليا متخافش مغادي يوقع ليه والو مخلانيش حتى رجع شيباني برك معايا صابر غير بزز عمري كليت ظافري تال داك نهار تيقوليا صبر مهندو ما يوقعليه غير دعي معاه ونتا راه درتي فيا خير كبيير ليوم لله مغاديش ينسالك هادشي غادي نشوف كيفاش نرجعلك فلوس هاد لأيام لابدة قلت ليه معندك ما ترجع ليا غير دعي ينوض لواليد صحة وسلام.. مشيت قبل من لوقت بشي ساعتين واقفين معايا حتى هوما وصلات لوقيتة سلمت عليهم حتى ساط لبوليسي وخا بديناها بلقطة خيبة تال تعاويد ولكن طلع رويجل ماشي رواايجل ولكن لمهم كلا ودوق ديالو.. تحركنا من لمطار تما كنتخايل شنو أندير إلا وصلت وقالو ليا بلي وقعاتليه شي حاجة دازو دوك سوايع تقاال ديال بصح وصلت خرجت شديت طاكسي غادي لدار تنقوليه خويا زرب خويا زرب سيد بحالا يلاه واخد لبرمي مكرهتش كون عطاني انا نسوق وصلت لدار ملقيتهمش نعتلي سيكيريتي فين كينين مشيت عندهم لواليدة غير عنقاتني وبقات كتبكي تنسول مهدي واش؟ قاليا لالا راه مزال لداخل بقينا تما لواليدة مطلقاتش مني تراه سيدة كتبغي راجلها أساط وخا كينوضوها مرة مرة ولكن كيتباغاو قلت ليها مغادي يوقعليه والو متخافيش غادي ينوض وأتمشيو تحجو بزوج هاد لعام أجي بعدا شنو وقعليه؟ يلاه غتدوي وهو يباليا عبدو وسعاد داخلين.. دوك ضربات ديال لقلب تاني تفو صدمة.. وقفو حدانا قلت ليه شنو كدير هنا؟ قاليا سمعنا بلي لوالد ديالك مريض وقلنا نجيو نشوفوه.. شفت فختنى نتي لي قلتي ليه تجيو ياك؟ عارفو مغاديش يجي كونما بززات عليه هيا وكرشها بدات كتبان قلت ليه راه مماتش غير سيرو لواليدة كتسكت فيا وا علاش جاين بيني وبينك قالت ليا هوما دارو صواب متطلعش نتا لي ممربيش قلت ليها وخا بعدت عليهم و وقفت وهيا تم سعاد جايا لعندي وايلي هادي شنو باغيا تاني يلاه غتوقف حدايا وهو يصوني تيلي تنضرب على ديك +1 نمرة برانية جات فوقتها بعدا خرجت لبرى بزربا جاوبت معرفت باش ندوي كنتسنى لي معيط ينطق وهو يبقا ساكت واحد شويا عاد نطقات قالت ليا أنا لي عاونتي لوالد ديالها قلت ليها أه مرحبا شنو واقع؟ قالت ليا والو غير قاليا بابا نسول خدينا نمرتك من عند صاحبك واش كلشي بيخير لواليد ديالك كيديرا صحتو؟ بيخير لحمد لله غادي يوقف تاني غير قولي لباك يرتاح غادي نبقى هنا غير نشوفو وقف على رجليه تاني وغادي نرجع. صافي لله يشافيه وشكرا على داكشي لي درتي مع بابا خويا ومداروش.. بقيت عليها راه حتى أنا راه بحال ولدو الله أودي.. بقينا داوين تا درنا نتلاقاو فاش نرجع قطعات رجعت لعند دار واقف حدا لواليدة وهيا تسولني شكون عيطليك؟ قلت ليها مرات ولدك وهيا تقوليا نسيتي أخر وحدا قلتلي ليا عليها هاد مرات ولدك.. قلت ليها وا صافي دبا ها حنا بعدنا كاع على لمغرب وأصلا غير تنضحك باش نفوج عليك شويا راه مزال مكين والو. لواليدة راجلها تيموت وهيا مزال عاقلا على بنت ختها لي نجحات لعام لي فات ب17 فلباك.. قالولينا بلي دبا بيخير نقدرو ندخلو لعندو دخلت أنا ولواليدة ومهدي ومراتو بقا عبدو ومو على برى تنشوف فلواليد قاليا لبرهوش شنو كدير هنا مشيت لعندو واش نتا رجل هنا ورجل فلقبر أصاحبي ومازال مناويش تعيطلي بسميتي ولا قول غير ولدي نحسو بالحنان قاليا ديك جاي تجري تيحساب ليك غنموت باغي تورتو غير رتاحو غادي نورت فيكم كاملين ونضربها بشي تزويجة تراه بقينا غير تنشوفو واش كان غير مطلعها سيد تيتزايد فلهضرة لواليدة مفهمات والو تا راجل مالو ياكما شربوه شي حاجة؟ معندوش جهد ينوض ولكن يبقى يتلاجج(☺) معاك فلهضرة تال غدا عطاه ربي لقوة فلسانو خرجت عند عبدو ومو دويت معاهم عادي لواليد بيخير راه فايق تال من بعد فاش يرجع لدار وتقدرو تجيو تشوفوه ممشا معاكم باس أجي تيقولو ممشا معاكم باس.. ساط قاليا أه صافي تال من بعد وندوزو عندك نمرتي إلا وقعات شي حاجة ومشاو دخلت تاني لواليد طالقها عليهم شفت لموت الخوت بعينيا أنا عارفو مغاديش يسكت دبا مشيت حداه قلت ليه خلعتينا علك وهو يشدلي فيدي قاليا مكانش خاصك تخلي خدمتك وتجي قلت ليه واش كينا شي خدمة حسن منكم كلشي يقدر يتسنى.. بقات لواليدة معاه ورجعنا حنا لدار ناس عيانيين مناش وهوما تما غير دخلو نعسو أنا فديك لوقت مبقاش يجيني نعاس تندور فدار متبدل والو أصلا ماشي بزااف باش مشيت دخلت لكوزينة تنقصي وهو يصوني تيليفون جاوبتو لقيتو غير داك طوم سولني على لواليد قلت ليه بلي لباس عليه سيد بقاليه غير ينوض يضارب بقينا داوين حتى قطع داني نعاس بارك فصالون لغد ليه كتفيقني مرات مهدي قالت ليا واش عارف فين مشا مهدي قلت ليها غيكون مشا لعند لواليد قالتلي يلاه نمشيو حتى حنا نشوفو عمي قلت ليها وخا بدلت حوايجي فطرت ومشينا لقينا باها تما واقف هو ومهدي داوين مشينا عندهم عنقات باها تنشوف فمهدي علاش مقلتيش لينا بلي غتجي نجيو معاك وهو يقوليا باها قول غير صباح لخير بعدا قلت ليه صباح نور🙂 قال لبنتو من بعد وندويو وشاف فمهدي قاليه تا دوز لعندي هز راسو وخرج تنشوف فمهدي ياك أساط قلت ليك بعد على هاد خونا شنو بيناتكم؟ قاليا بيناتنا بنتو راه نسيبي هدا مراتو دخلات لعند لواليد ولواليدة قبيلا بقيت داوي معاه تفرق على هاد ساط راه غادي يسيفطك لحبس والله حتى عندو هانية داوين وهيا تملص ليه ديك راه عطاني فلوس باش خلصت داكشي لي كتسالني لبنك تنشوف فيه واش كتدوي من نيتك وخديتي من عندو؟ قاليا أه غادي ندير داكشي لي كان خاصني ندير من لول غادي نمشي معاه لشركة لي خدام معاها غادي يسنيو معاه هو غيربح وحتى أنا معندك علاش تخاف داكشي مدروس راه خدمتو هادي سيد راه وااصل ومغاديش يبغي ليا شي حاجة خيبة.. بقا داوي ومبغانيش نتدخل ماشي سوقك قلت ليه وخا هاك أفمي😶👊😷 دبا نشوفو هادشي فين أيوصلنا جا طبيب قالينا بلي لواليد يقدر يخرج عشيا هيا صافي تا أنا معندي منبقى مندير هنا لملل ولمشاكل غير يباليا لواليد بيخير وأنرجع منين جيت..