البرهوش الجزء 48

وخا بنادم بقى داوي انا صافي بديت تنقاد فداك المحل ولوريقات وناس لي أيخدمو فيه واحد 9 أيام تحل لمحل بقات خاصاه غير لواليدة تديرلنا لبطبوط ولمسمن ولأتاوش غتدور ليا فلخوا غادي نجيبها.. لمهم لبنت صافي عاشرات ولينا نهار وليل داوين لبغو عندي فشكاال كما تنقولو تكسى ونسا صافي اساط وليت تنفكر إمتى غندوي مع باها وخا أصلا دوينا فهادشي كتر من مرة ولكن ندوي معاه معقول ونديرو وقيتة غير مبرزطيني دار قالك نشوفوها نشوفو لعائلة أنا كغندير ليهم وهيا تطيح لفكرة جمعتهم وعيطت على مهدي(Appel video) وشوهة تيبانو ليك مدابزين على تيليفون واحد مراتو حتى هيا كنا نقولو بعقلها تا هيا أنشوف أنشوف ولكن كطير فلفرونسي بدات داويا ليا معاهم أنا بقيت غير حال فمي كنت حاكرها لمهم لواليدة وخا مفهامت تا كلمة من لي قالت لبنا ولكن عجباتها لواليد مدواش عارفني عارفو شنو غادي يقول أصلا منسكنهاش معاه فنفس دار وخا تكون واصلا ليا لعضم لمهم زوج سيمانات بلا صداع بلا مشاكل وليت غير كنتسنى ضربة منين غادي تجي ولمحل وليت تندخل ليه تنلقا بنادم شاد صف ولمحل ديما عامر دموع تيطيحو كنت حاكر راسي بارك فلمحل عيطاتلي لواليدة جاوبتها قالت ليا بلي سمعات راه سعاد مريضة قلت ليها سيري عندها؟ قالتلي واش غنتسناك تا تقولها ليا راه داني باك ومشينا بصح مريضة شويا عيط عليهم سول فيها راه حاملا بولدك ولا بنتك إلا غلطو هوما كون نتا حسن منهم وراه داك نهار فاش سمعوا باك مريض جاو مخلاوش ليك فين تدوي.. قلت ليها وخا أختي غير تهناي دبا نعيط نسول وهادشي لي درت قطعت معاها قلبت على نمرة عبدو عيطتليه جاوبني عرفني أنا وعارفني علاش معيط قاليا راه بيخير دبا قلت ليه إلا كانت شي حاجة نجي؟ قاليا لا غير تهنا مكين والو عطاوها شي دوايات غتنوض بيخير إن شاءالله نتا بيخير بعدا؟ كيداير مع لخدمة وفصحتك بيخير باقي كتريني... عيطنا نسولو على سيدة ولي فكرشها ولا هو كيسول فيا على راسي معرفتش علاش تبدل ولكن راه بالنسبة لواحد كنت مزوج ليه بمو راه سيد كينا شي لعبة فراسو يتزوج ليا شي واحد بمي سلام منبقاش نقولها ليه عاد نسول فيه وتدور هضرة بيناتنا.. لمهم قطعت معاه من بعد عارض عليا شيباني فدارو كينين بناتو ب3 ومراتو أنا وليت تنقصي وداوي معاهم عادي راه هاد لأسابيع لي دازو وليت خارج داخل من عندهم بحالا ساكن معاهم ولكن مزعمتش ندير معاهم شي لعيبة دبا خويا معندي ما مزربني زربت شحال هادي وطلع معايا لقالب هاد لمرة غنصبر على مها واحد لعام ولا كتر حتى يطيبو رجليها ونعرفها مزيان.. لمهم تا باها فشكل وتنباليه تانا فشكل مسكين غالط.. من نهار تحل داك لمحل متنحكش راسي وفاش تنخرج تنخرج بليل مع داك طوم وعشرانو ولا مع ساطة جديدة قليل فين تندوي مع دار كنتسنى غير إمتى يعيطليا لواليد يقوليا مهدي فلحبس ولا وقعاتلو شي حاجة هادشي مفروغ منو غير معندوش أجل محدد وصافي.. لخدمة نعاس تسركيل تنعرف بنادم تما كنت بديت تنولف تا كتعيطلي نمرة +212 جاوبتها عرفتو عبدو ولكن نمرة ماشي ديالو من بعد سلام وديك لهضرة ديالو ديال كيغادي مع لخدمة ولجو.. قلت ليه شنو تما؟ قاليا بغيتك تقضي ليا واحد لغرض تما قلت ليه مرحبا أشمن غرض؟ قاليا جمعة جايا بغيتك تمشي لباركينغ ديال لمطار لي نزلتي فيه غتلقا واحد ضاسيا حمرا هيا لولا على ليمن ديالك لكوفر محلول واحد صاك أتهزو وتخليه عندك حتى نجي ليه ولا نسيفط ليه شي واحد قلت ليه لا منقدرش سمحلي.. قاليا لا غادي تقدر واش نسيتي كاع داكشي لي درت على ودك صاك فيه شي فلوس ديالي غادي تخليه عندك نتا لوحيد لي تنعرف تما.. وخا أنا شنو رابح من هادشي؟ ياك كنت صحاب صافي بغيتي تزيد تربح كتر نسيتي بلي أنا لي صوفيتك بهاد لفلوس كاملين لي بارك كتفرق فيهم على بنادم دبا دير معايا هاد رجولة وموراها غنبقاو عشران.. وي جيتي تشوف لواليد فاش مرض ومن بعد نسيتي فاش كنتي باغي تدفني ولا فاش بقيتي كتضرب فيا تا كنت أنموت وعاد ديتيها من قدام عائلتي كون كان واحد أخر غادي نقطع عليه دبا قوليا شنو غادي نربح أنا؟ قاليا صافي خود شحال ما بغيتي من داك صاك لمهم متحلوش تال دار أنا غادي نعاود نعيطلك.. صافي مداير فبالي والو وخا فشكل ساط بلاناتو تابعيني تال هنا شو بشحال بعيد عليه وهاد لفلوس أيحطوهم ليه فلمطار لي حدايا لمهم هادشي لي درت كملت سيمانتي عاادي بحالا مواقع والو نهار جمعة خليتها تال 12 عاد مشيت دخلت لباركينغ تتباليا طوموبيل على ليمن ديالي مشيت لكوفر حليتو محلول كيف قال بغيت نحل صاك ولكن كين بنادم ضربتو فكتفي صاك تقييل تبارك الله غادي ناخد نصو ان شاء الله غادي خارج تا كيوقفو عليا لبوليس فلبلاصة حسيت بالقالب هادو كانو شادين بلايصهم عند لباب فاش كنت داخل ملابسينش لبسة ديالهم خونا مسيفطني نيشان لعندهم مفاهم والو زربو على صاك حطوه فالأرض وبعدوني شويا تيحلو فيه أنا تنشوف باغي غير نعرف شنو فيه زربو عليا بخنشة على راسي فحالا غادين بيا يعدموني شي ساعة وهوما غادين بيا مدويتش مزال مفاهم تا لعبة أصلا أنا مليا والو فهادشي غنوريهم دار عبدو يعدموه يدخلوه لحبس منهم ليه مخايفش تيقولك مديرش متخافش خوتنا دخلوني لواحد لبيت واحد لبيرو فيه مينوط تنشوفو غير فلأفلام تيديو ليه غير دوك لمقودينها باقين محطوش يديهم عليا قلت ليهم أنا فلان بن فلان عمري لحقيقي عمري فلوراق عندي وعندي تنلبس 40 فرجلي.. غير قولو ليا شنو باغين تعرفو أمعلم.. خونا مدواش بقى غير ساكت وتيشوف تراه تيدير فيا شي شوفات وتيتكيف حتى كمل لغارو حط ليا شي وراق وستيلو قاليا سني قلت ليه وا شاف راه معارفش شنو فداك صاك محليتوش سيد لي قاليا غيكون تما ونخليه عندي سميتو عبد الوهاب مزوج مراتو سميتها شروق مو سميتها سعاد ميمة أشاف مكيحملونيش دايرين هادشي بلعاني حيت كنت مزوج بيها ورقة وستيلو نكتب ليك لعنوان ديالهم ونماريهم؟ خونا غير ساكت جبد غارو أخر ورجع سكت معرفتش شنو كيتسناني نقول ولا شنو غيديرو أصلا قلت كلشي باقي حتى واحد محط يدو عليا ومزال معارفش شنو كان فداك صاك تا بلاتي بلاتي راه نسيت عندنا معارف فالبوليس..