البرهوش الجزء 49

مبغاوش يقولو ليا شنو فصاك ولا شنو باغيني نقول حيت لي كين قلتو ليهم ومتيقوش جابو ليا تيليفوني باش نعيط على شي واحد أول واحد طاح فبالي ومكينش من غيرو داك ساط طوم هو بوليسي يقدر يعاوني وبصح عيطتليه جاوبني قلت ليه بلي فلحبس متيقنيش تيحساب ليه تنضحك دوزت ليه لبوليسي دوا معاه عطاه لعنوان.. بقيت بارك مع خونا تيقوليا راه غادي ندخل لحبس مفيهاش تخرشيش عرفتي مع جاي من إفريقيا ومسلم صافي كيعتابرك سوابق وعندك دوافع إجرامية وخا تكون عمرك حطيتي رجلك فلحبس.. بقيت تما حتى جا ساط دخل معاهم سلمت عليه قاليا واش بصح هادشي لي تيقولو؟ قلت ليه شنو قالو جيت لي عارف أنا ان صاحبي قاليا نخلي ليه داك صاك عندي ومدرتش فبالي بلي غيكون داير فيه شي حاجة.. داك لبوليسي لأخر وهو يقوليا وخا فين هاد صاحبك وكيفاش جاب هاد سي4 ودخلهم لمطار.. شنو هادشي؟؟ قاليا طوم نوع ديال لقنابل صافي دارو ليا بقيت غير تنشوف علاش غادي يدير ليا هادشي مورا ما حلينا لمشاكل لي عندنا وخليت ليه مو وكلشي وبعدت تا على والديا قلت ليهم تاني لمشاكل لي عندي مع سيد لي سيفطني تما وبلي نقدر نديهم تال دارو كاع جا لمحامي خلاوني معاه قاليا بلي شي واحد عيط عليهم وقاليهم بلي غادي يلقاوني تما.. ويقدر ينزل لمدة ديال لحبس ل5 سنين ومندوزهاش كاملا إلا تعاونت معاهم وعتارفت قلت ليه أشمن 5 سنين راه مداير والو راه باينا بلي شي واحد داير هادشي باش يدخلني لحبس وأنا عارفو شكون وعلاش داير هادشي كنتي تقدر على هادشي مرحبا مقدرتيش أنشوف محامي أخر قاليا صافي طلب زهرك.. عاودو دخلو عاودتليهم شكون هاد عبدو وفاش كان خدام وشنو وقع بتفاصيل.. قاليا غيبحتو فهادشي واش بصح وسجل ديال لمكالمات خاصني نبقى عندهم تا سكملو.. داوني لواحد لحبس فيه غير دوك لوحوش ديال سطاج لخر تنبان فحال شي مونيكة حداهم واحد ساط جا معايا فنفس لغرفة زهر وكامل وشامات فليل وقت لعشا فواحد لكوان بحال يامات لمطعم أيييه يا ليام تعشينا ورجعت لبلاصة فين غادي نعس محسيتش براسي تا داني نعاس بالعيا لغد ليه تيفيقني داك خونا تخلعت ياكما كان تيدير ليا شي لعبة وأنا ناعس قاليا وقت لفطور مخاصكش تعطل قلت ليه وخا غسلت وجهي وتبعتو لقيتو بارك بوحدو سلمت عليه ساط ضريف سولني شحال فعمري جاوبتو وهو يقوليا عندي ولدي صغر منك بعامين بقينا داوين فطرنا خرجنا لواحد ساحة قاليا بلاما تخاف الا كان هادشي لي قلتي بصح وتأكدو منو غادي تخرج ولكن غادي تكون شي كفالة نيت ومنقدرش نخوي لبلاد واحد لمدة قلت ليه باش عرفتيها قاليا بلي كان محامي مشهور داخل لحبس على شي بلان ديال شي شيكات لمهم لقيت معامن نقرقب ناب شويا غادي يهرس ليا لملل شويا وداك لحبس فيه غير بنادم طرونكيل بغيت غير شي زوج يدابزو والو كملت سيمانة لهضرة لي قاليا ساط تما هيا لي كينا غنخرج وغرامة ومنقدرش نخرج من ديك لمدينة واحد لعيبة بحال لخلخال فرجلي متقلا عليا ولكن باش يعرفوني فين مشيت أنا عندي هانية لمهم غادي نخرج وأصلا معندي فين نمشي خرجت لقيت داك ساط لبوليسي كيتسنا فيا غادي موصلني لدار وهاز رجلي تنقلب فداك لعجب لي ملصقين ليا قاليا عنداك طيحها غادي يحساب ليهم باغي تهرب خليها تا يكملو تحقيق ديالهم قلت ليه وخا.. تيباليا غادي فطريق أخرى قلت ليه فتي دار قاليا غتبقى معايا حتى يسالي هادشي قلت ليه وخا تاني باش حل لباب ديال دار كيباليا شيباني وبناتو ومراتو وشي عشران ديال طوم وناس لي خدامين معايا داكشي بحال ديال لأفلام دموع كانو غيطيحو محسسيني بلي بقيت فلحبس شي 20 عام ولكن تا ديك سيمانة راه تقييلة وضاعتلي من حياتي لمهم تجرة وصافي ديك دقيقة ديال على سلامتك وكل واحد وشنو تيدير ولا معامن تيدوي حتى من لبوليسي تيباليا داوي مع شيباني عارفو تيسول فيه عليا موحال واش يخلي بنتو تقرب لعندي تاني تنشوف فيهم حتى وقفات عليا قالت ليا هيا ولد لمرا لي كنتي مزوج بيها هو لي دارلك هكذا؟ قلت ليها أه واش متبدل والو من بعد هادشي شنو تتقول لوالدة ديالك باك فهادشي؟ قالت ليا بابا والو هو عارفك كيفاش داير ماما بزز باش جبناها ليوم كان غيكون حسن كون تزوجنا قبل من هادشي.. حتى دبا مزال لحال ولكن راه إلا تزوجنا غنمشيو لبلاد ديالي يمكن منبقاوش نجيو هنا ولا غنجيو قليل واش تقدي.. وهيا تعنب عليا فينما كنتي اتكون بلاصتي حداك... بقات داويا حتى كنتفكر دار شحال هادي معيطتش ليهم مهدي بزربا خرجت تبعاتني ختنى تنصوني وهيا واقفة حدايا جاوبني مهدي قاليا فين كنتي غابر قلت ليه كنت فلحبس متقولش لواليد ولا لواليدة هادشي غادي غير تخلعهم راه خرجت دبا قاليا راه عارفك كنتي فلحبس عيطو عليا وسولوني ومتخافش لواليد ولواليدة معرفو والو ولكن علاش دخلتي نتا لحبس راه مفهمتش مزيان قلت ليه قصة طوييلة ديا بغيت نسولك على عبدو واش سمعتي عليه شي حاجة وهو يبقى سااكت قاليا واش مفخباركش؟ شنو لي مفخباريش؟؟ سعاد لله يرحمها قريبة تكمل زوج سيمانات باش ماتت دبا.. واش كاضحك؟ تيحلف ليا تا بصح ماتت موتة عادية بسباب لحمل قلت ليه عبدو هو لي دخلني لحبس دبا عرفت علاش.. قالي اوا ملي هكدا حضي راسك ولا رجع لهنا. منقدرش نرجع منقدرش نخرج تا من لمدينة لمهم من بعد ونعيطلك قطعت عليه هادشي علاش بغا يدخلني لحبس عنه حولو أنا سبابها رجعنا لدار بقيت بارك فواحد لقنة وخا دارت فلاش خيب فلخر ولكن كانت رجولة متستاهلش هادشي جا لبوليسي قلت ليه لجديد قاليا هادشي مزيان دبا عرفناه علاش دار هادشي خرج تيدوي مع شي واحد فتيليفون أنا بكاي كبير ولكن هاد لمرة مطيحتش دمعة يمكن حيت صافي ولفت هادشي ويمكن مزال حاقد عليها حيت مشات معاه داك نهار.. مشا بنادم وراني خونا لبيت لي غنبقى فيه قاليا بلي جابليا شي حوايج من دار سيد واخد راحتو عالأخر ولكن صرعها سيد جايب ليا تا لكالصو لمهم دازت ديك ليلة لغد ليه قلت ليه وصلني لمحل ديالي نشوف كيفاش داير داكشي تما قاليا أنفطرو بعدا مشينا لفين موالفين تنفطرو باركين تنفطرو وتنقول بلي غير غادين يخليوني نخرج غادي نرجع منين جيت بقينا داوين كيفاش غنبقاو نتلاقاو وكدا قاليا غيمشي يجيب شي خبز من لمحل ديالي خرج بقيت أنا بارك ليزيات فودني وحاني راسي تنخربق فتيليفون تا كيبرك حدايا عبدو تيليفون طاح من يدي بدون شعور أنا وهاد سيد ديما هكذا بحال لمش ولفار لواليد ومعمري خفت منو هكذا قاليا كتمزاااك؟