البرهوش الجزء 56

مطلع ليا لا فايسبوك لا والو خيتي واقيلا مبلوكياني تراه طلعت أب ومفخباريش صافي خاص ندير عقلي دبا رجعت لدار بارك وهيا تجي حدايا لمدام ساره قالت ليا مالك بارك بوحدك مقديتش نكدب عليها قلت ليها طلعات عندي بنت قالت ليا وايلي ياك مراتك ماتت قلت ليها هادي واحد لبنت كنت تنعرفها وهيا دير فيا وااحد شوفات كانت واخدا عليا صورة زوينة قالت ليا ودبا شنو قلت ليها بلي مها مبغاتش تخليني تا نشوفها داويين لوالدة بركات حدانا وبقينا داوين فهاد لموضوع لوالدة مكتقشبل والو فلونغلي تا دخلات مرات مهدي وحنا نقلبو 6/9 خاصني نعاشر ليه مراتو زعما بحال ختي وباش تا إلا عرفات بلي أنا سباب تا دار خوها ديك لكسيدة متكعاش وتدويلي مع باها.. كنت غادي لحمام دزنقة وزغبني شيطاني دخلت لدوش فدار واحد ساعة لواليدة وهيا تبدا تدق حل نحك ليك ضهرك.. وايلي يهديك الله الحاجة صيفطي غير مهدي ولا لواليد قالت ليا شيعرفو ما يحكو حل حل باغيا ندوي معاك شحال محكيتلك غتلقا ضهرك ولا(ديك لهضرة ديال لوالدة راك عارف) حليت ليها كيف عطيتها ضهري وأنا نسمع ويلي أش هادشي تنشوف لتحت راني لابس هادي شنو شافت عااد تفكرت لاطراس ديال دوك لعمليات لي دارولي على ود رجليا مزال مفخبارهمش قلت ليها حكي حكي تي شفتي غير من برا كون شفتي لداخل غادي تهربي راه دوزنا لحرب الواليدة حكي.. ساعة وهيا كتحك ليا تنعاود ليها شنو وقع ليا بغات تخرج وهيا تقوليا يعاود يباليا داك لعوج هنا نقطع ليه ركابيه.. كتدوي على عبدو ههههه قلت ليها راه بالعكس بسبابو أنا عايش اميمتي. خرجت بارك معاهم وهيا تجي حدايا وجراتني حطيت راسي على رجلها كتلعب ليا فراسي لحناان كلشي بقا تيشوف مفهمو والو قاليا لواليد نوض نوض بلا فشوش جيب لحم وهيا دير فيه لواليدة واحد دورة شيطانية تانوض نتا فرق علك دري تيباليا مسكين تخلع قاليا واش مرض غتموت شنو مخبين علينا؟ قلت ليه والو أنا نايض غير رتاح خرجت غادي لعند لكزار قلت اجي نتمشا على رجليا عيطت على بنت ناس من نهار جبتها ويها فدار تبدل غادين ولي معمرو سلم عليا فحياتو سلم عليا داك نهار على سلامتك خويا لمدام هادي؟ اه لمدام لعطبمكم وصلت لعند لكزار تقدينا باش غادين راجعين وهيا توقف عليا واحد لميمة دبدوبة معرفتهاش ياكما شي نهار كنت سكران وغلطت معاها تخلعت أنا بقات كتحكر فيا قالت ليا ياسين؟ أه هو؟؟ قالت ليا معرفتينيش فتيحة كبرتي وزيانيتي ونسيتينا.. وااااع لحب لأول تنطبز ليها فحناكها أش هاش هادشي هادشي مكانش شحال هادي؟ وكبرتيي قالتلي ونتا لي غبرتي نبركو اجي فلقهوة هنا قلت ليها وغير سمحيلي دبا معايا لمدام وخاص نرجع لدار كتشوفي صخرا عطيني نمرتك نعيطلك من بعد اجي واش مزالا مزوجا؟ لا تطلقت وعاود تزوجت وتطلقت تاني.. صافي بلاش نمرة ابنت ناس باينا عااندك ما تعاودي رجعت تقدية لكزار دارهم فتلاجة بركنا فلقهوة تنضرب على ساره كتباليا مفاهما والو ولكن معاجبهاش داوي أنا وخيتي تنفكرها فلمغامرات ديال صغر داوين ولأخرى كتقوليا غنمشي لدار دبدوبة كتقوليا وايلي جبتي غاوريا شكون كان يقول هادشي قلت ليها ونتي لي زربتي على راسك أختي شغنديرلك كوراك فبلاصتها خرجنا وغاديا معانا فطريق تا قربنا لدار عاد مشات فطريقها.. لأخرى كعات كتقوليا هادشي لاش مباغينيش نتعلم لعربية.. ياك لي كينا تنقولها ليك كون كانت شي حاجة مغاديش نجيبك معايا تال هنا.. طلقتها عليها وليت أنا ضحية وهيا لي كتطلب سماح. دار صافي بداو كيتقداو داكشي ديال لعرس أنا محاملش شي عرس معنديش مع داك لجو تيباليا غير خسران لفلوس باش بنادم ياكل ويبدا عليك شوف لعروسة ناقصة أ لمرقة باسلة.. لمهم داير لخاطر لدار قالك نفرحو بيك نتا لي باقيلنا قلت ليهم أبشروا.. نهار قبل لعرس جا نسيب ومراتو لمهم هو هداك دويت مع لبوليسي ميقدرش يجي قاليا من بعد ونعوضلك.. تخايل معايا زاهي ما عليا ما بيا تا كنضرب على وااحد بنت ناس باركة فطابلة حدانا تخلعت أنا حسيت براسي تخورت عيطعت على لواليدة وليت زاعم عليها قلت ليها شكون هاديك لي لابسا لحمر قالت ليا بنت خالتك لي عاودتلك عليها شحال هادي.. حسيت براسي حمار بودنين تراه شي حاجة كااليتي بقيت تنشوف فلواليدة وعلاش مجبتيش ليا شي تصويرة ديالها ولا شي حاجة قبل ما ندير فطاجين ما يتحرق عيب علك والله مولدكش أنا مربياني نتي.. لوالدة تاهيا هاارب ليها قالت ليا ولمكتاب أولدي شوف يفوت لعرس وندوي لك مع والديها شرع عطا 4 صافي مشات نكملو هاد لعرس بعدا.. لواليدة شداتها ديك ضحكة تاني مبقاتش باغيا تسكت لعروسة كتقوليا مالها والو غير عجبتيها تنضرب على بنت خالتي و مخبينها عليا وهيا تجي تصور معانا بحالا سمعاتني داوي عليها فخاطري قالت ليا مبروك أنا بن. وي بنت خالتي الله أودي..