البرهوش الجزء 57 و الأخير

مهدي مبانش ليا تنسول عليه معارفينوش فين مشا هو ومراتو سالا داكشي كلشي مشا بقاو غير شي ناس من لعائلة وديك ساطة تنقلب على مهدي قاليا لوالد راه نسيبو مريض يلاه بديت تنسب علاش مشا لعندو مورا هادشي لي دارليه كامل واش غادي نمشي ندور فيه دبا بنادم تيبرد فيا وراه نهار عرسك زعما وهو يصوني على لواليد تنقوليه عطيني تيليفون ندوي مع وهو يقطع قاليا راه نسيبو مات صدمني وايلي أشمن مات كتضحك معايا؟ قاليا والله هادشي لي قال.. عيطتليه قاليا والله تا داوي بصح.. اوا دا معاه بلاه مدارش علاش يترحم فلوس فلوس فلوس داهم معاه دبا. قطع عليا مزال حتى مكملت هضرتي حوايجي لي مزال لابس خرجت بيهم مشيت لدارهم تنعرفها تنسمع لبكا دخلت كتباليا مريم بعدا شادا واحد لبنت قدامها مكنتش ضارب لحساب بلي غادي نشوفها تما تراه والد تيزيز مشيت عندها تنشوف فلبنت معرفاتنيش ولكن مبكاتش شفت فخيتي هادي هيا؟ قالت ليا حبيبة بقيت تنشوف فيها كتضحكي لياك؟ يلاه عرفت بلي عندي بنت وتطلع سميتها حبيبة راه لقرن 21 هدا حشومة عليك مقداتش تضحك قالت ليا راه سميت جدة هاك شدها نمشي نشوف خالتي عنداك تديها لشي بلاصة. صافي فين انديها راه بنتي غتلقايني هنا عطاتها ليا ومشات تنشوف فيها واش أااا قولي بابا قولي غا ياسين مبغيتيش يلاه قولي لكلب لمهم نطقي لبنت تخلعات ومقداتش تبكي واحد شويا وهيا ترجع مريم قالت ليا نقدر نديها نبدل ليها حوايجها قلت ليها أه من بعد خاصنا ندويو وميكون غير لخير بغيت غير نعاونك عليها فلوس أي حاجة.. تبسمات قالتلي مرحبا ومشات معرفتش واش غير برد دم ولا حيت مات لي كانت كتهددني بيه تيباليا مهدي تيدمع عنقتو وضفاك من نيتك واش نسيتي خونا شنو دارليك قاليا وراه غيخلي لعاقا لبنتو اخويا دموع دصدمة هادو.. قلت ليه صافي أنا غنمشي لدار جيت غير نشوفك وليت شايف تا مريم ولبنت.. رجعت لدار بارك تنضرب فدجاج وهيا تبرك حدايا لواليدة دارتها بصح وجابت ليا نمرة بنت خالتي وااع راه كنت غير تنضحك معاك قالت ليا شد ماحشمش وا والله تا كنت تنضحك قالت ليا وخا لمهم ها نمرة عندك نهار تبغي عيط ليها راه تاهيا محيداتش عينيها عليك.. بقيت غير تنشوف أودي ياودي على النهي عن الفحشاء والمنكر دبا أيعجبك لحال نتي الا دخل عليك لواليد تانية.. لغد ليه كتعيط ليا مريم بوحدها منها لراسها قالت ليا نهضرو على لبنت قلت ليها مرحبا درنا قهوة بلا تا مشاكل غادي نقادو ليها وريقاتها غتبقا تدوز معايا شويا دلوقت ومعاها شويا تا تكبر ولمصروف ديالها غيبقى يوصلها كل شهر عجبني داك لحل صافي حلينا لمشكل.. من بعد رجع نسيب ومراتو منين جاو لواليدة شراتلي صداع مقااود مع خالتي مشات قالت ليها باغي يتزوج ببنتك بزز باش بردتهم اه مهدي طلع هو لي مزوج سيدة غير شدات لعاقة تحولو لدار أخرى فديك سيمانة رباو واحد لوليد عاشرتو بالخف أنا تقريبا دزت من ديك لحضة.. لمهدي مبقاش مسالي ليا ولخدمتي بقيت غير أنا ولواليد بيخير لواليد طلع دماغ تيفهم فكلشي اوا صافي دارنا عرفو بلي عندي بنت صغيرة نهار جبتها مبقاتش لواليدة باغيا تطلقها بزز باش رجعناها لمها نهار رجعتها لمها وراجع لدار تيصوني ليا عبدو تلاقينا فدار ديال لحاج لولا لي كنت بعتليه رجع ليا فلوسي عاد قاليا سلام كيف داير عاودتليه شنو واقع زواج ولبنت وخونا لي مات وموتو قادات كلشي لله يستر و كانت هاديك أخر مرة نشوفو لدبا قاليا بلي تحول لواحد لمصر ولا منعرف دار شي لصال كبير تما.. لمهم مكانت تا حاجة من داكشي اتوقع كونما خرجتش داك نهار من دارنا وكون ما دخلتش لإصلاحية ديك ساعة كان تيحساب ليا معدي زهر مكنتش عارف بلي هادشي كامل كيتسناني وغادي نعرف كاع هاد بنادم من قبيحهم لضريفهم كل واحد وشنو عطاني ولا علمني لمهم هادشي لي كين هاد ساعة.. النهاية