قصة رزان و الملياردير المتكبر

الدنيا غدارة كتخد منك كتر من لي كتعطيك
والحياة مقسمة لتلاتة طبقات الطبقة الأولى البورجوازية والطبقة التانية المتوسطة والطبقة الأخيرة هيا الطبقة الكادحة وغلبا دوك الناس كيكونو الفقر والسجاعة و التشبت بمبادئ الحياة البورجوازية😂 💪....سمحو ليا على هاد الدخلة سميتي رزان 19عام مطويلة ما قصيرة البشرة بيضاء عينين زرقين شعر حريري اسود طويل طاي حوتة صدر واقف و مسعودة هيا هديك ،كنعيش مع الأم ديالي فوزية فبرطمة إقامة الغفران ناس على قد حالنا معندناش ومخسناش كنقرا فكلية اول عام ليا وعندي صحبتي الأنتيم نسرين سلامة ياربي نوصفها ليكم متوسطة الطول بشرة سمراء عينين كوحل وشعر اسود طويل
فوزية: رزان وا رزان
رزان: اممم
فوزية: بليل منين انعسو ناس نتي تبقاي مقبلا ليا هاد المشقوف ونهار جري عليك المانطة تقعدي قبل منجي نخوي على طسيلتك سطل دالماء
رزان: عفاك غا شوية
فوزية: هانا فلكوزينة والله ومتلحقي عليا تنجي نسبنك بلا صبون
رزان: اووووف مرتحو لا فدار ولا فلقراية تف يييخ
فوزية: وبقاااي دندني تحت فمك
نضت بلا عكز عليا حيت ماما وعارفاها ديرها 👌
جمعت منطتي و تبعتها غسلت وجهي وسناني وجمعت شعري كودشوفال فطرنا ولقيت دار مجموعة
واااع لاش مفيقاني تمنظري فيا😠
فوزيا:راه جاي ولد عمك من فرانسة وخصنا نوجدو ليه لغدا
رزان:وانا مالي يجي حتى من كولومبيا بف انا شغلي فيه
فوزية: دابا نوضي لسوق جيبي ليا دجاج وزيتون وبراك من لهضرة
رزان: واخا هاهيا غاديا وغندوز عند نسرين نجيبها معايا فوزية: باينة الى تلاقيتو يدوك جوجات غدين غا تلفوني
رزان: هاري لفلوس وكان
خديت لفلوس ومشيت لبيتي لبست سروال كرونا وتريكو كحل ودرت عكر مات وخرجت
مشيت عند الحب هيا لولة حلات عليا خلتي رقية سلمت عليها وطلعت عند نسرين لقيتها كتر مني جابدة عليها بمانطة وغارقة في الأحلام
مشيت غوت ليها حدا ودنيها وهربت حدا الباب هههههه فاقت مدهشرة ومفزوعة
نسرين:واععع مال دينمك يا لقحبة كونتي تحلمي بيا وشيرات عليا بلمسند
رزان: تقعدي لبسي عليك شي دربالة ويلاه معايا
نسرين: شي نهار تسفيها ليا الله القيها ليك😤😤بفف
رزان: 😂😂😂 نوضي تكعدي خلاص راه مسخرة لماما وكتسنا السخرة

نسرين: وانا مالي تسخري لمك لاش جايا مصبحة عليا
رزان: واع وتكعدي براك من تقحبين راه جاي شي خينة من العائلة
نسرين: احم احم اوا دابا نوضو سيد شنو لحالة ديالو مزوج خاطب مصاحب عازب
رزان:😂😂😂 قاتل ومجرم وشي حوايج اخرين مزالين معرفهمش 🙇🙇
نسرين: هههههه دوي براكة من الطنز العكري
رزان: وانا فين عرفت راك عارفة طسيليتي مكنظورش من جهيتهم
نسرين: واياااه نتي بعدي من دمك ليطليك واريه لي تعرف ليه
رزان: هههههه وياه قادي لحالة انا نهبط عند خالتي رقية نتحتت معاها بما تجي
نسرين: لبسات بلخف سروال جينز و شوميز بي الأسود ودرت مايكاب خفيف عبارة عن (ريسيل وكحل وعكر وعاد بومادة ديال الشمس)
وهبطاات عند ماماها و رزان
رقية: اي اي على شيخة فين غادية بديك الكمارة
نسرين: غا عند رزان نبريباريو ل إكزااام لي عندنا وغمزات رزان😉
رقية : واخا يلاه سيري وعنداك تعطلي فلعشية راك عارفة باك
باست مها وخرجات هيا ورزان
دازو لسوق خداو السخرة ولي دازو من حداه يطلع ويهبط فيهم
نسرين: حدر عينك يعطيك لعمى عمرك شوفتي الزين
رزان: واع سكتينا نتي فمك مبري منك
نسرين:هدشي لي يستاهلو
كنوحلو غا مع الفاشلين اما لملعقين وشكون وشكون كاع ميديوها فينا 😤
رزان: زيدي زيدي وكان معرفت اشمن دنب درت حتى عرفتك
نسرين: بدات تميق فيها ليك الشرااف احنينتي😕
بقاو غديين ومناكرين حتا وصلو لدار
فوزية: وعلى سلامتكم منين وصلتو هاد السخرة
مبقاش غدا هادا ولا كسكروط
نسرين: سلام اخلتي لباس لا لا احنا نتعاونو ونحمرو ليك وجهك
فوزية: غسلو غا دجاجة وحمروها وخليو عليكم وجهي 😂
رزان: هههه واخا هيا لولة الالة فوزية غا كوني هانية

رزان:غسلت يدي وبديت نكرد ربيع ونسرين كتنقي دجاج وماما كتقاد العصير
سلينا توجاد لغدا وجلسنا نتحتو حتا بدا الباب دق دق
نسرين: انا نحل
فوزية: غي رتاحي انا غنحل
حلات ماما الباب ودخلات هيا او ولد عمي أنيس
نضت سلمت ورجعت تبت في بلاصتي
اما واحد نسرين شدتها دودة سلمات عليه وبقات شدا ليه فيديه حتا عفطت عليها برجلي عاد حطات قزيبتها لرض
نسرين: وا غا بشوية ازمرة حيدها وخليني نمشي نعرج
رزان: والله ومتسدي دلقوشك تا نقلبوها كومبا هنا
ماما غي سمعاتنا مناكرين وهيا تعيط علينا
فوزية: ادوك السكعات مافلحين فوالو ها هوا راجل كامل مكملول الف وحدة تمناه ونتوما ممعبرينش سيد
رزان: شدتني ضحكة الف واحد يتمناه على زينو ولا على طولتو 😂😂 امممم إيييه اماما الف وحدة الى أنا
نسرين: اح اخالتي والله حتا زوين وزعر
فوزية: نتي داك التكبر لي فيك غيجيب ليك الله شي راجل يهبط ليك كواريك وغتقولي إيه ماما كانت تقولها لي 😕
رزان: أمممممم صاااافي هدشي باش تفايلي عليا
فوزية: براك من تبوحيط وسيري حطي اتاي ولحلوة
بديت نعمر اتاي ونسرين كتستف الحلوة وكوكاو واللوز فطبيسلات
حطيناهم فوق الطابلة وماما كتقرقب الناب مع أنيس
فوزية: اوا اوليدي كيف داير مع شي خدمة وكيف دايرين صحاب الدار
أنيس: اللهم ليك الحمد كلهم كيسلمو عليك
نسرين: اوا قوليا اخويا أنيس كيف ديرا المدام ولوليدات
أنيس: بدا يضحك 😂😂 او دغيا شرفتيني
راني مزال ممزوج بقاو ليا غا لولاد وكيشوف👀 فرزان
فوزية: وهيا مغترجع لفرانسا حتى دربها بشي تزويجة فعلا تاركة
أنيس: وا الى كتاب علاش لا خاص غا رزان تقبل ميخصها معايا خير
رزان: غا سمعاات سميتها حمارت فلبلاصة معرفت باش تبلات
أنيس: اوا اش قلتي ارزان
رزان: ناضت كتجري لبيتها بسرعة البرق وتبعاتها نسرين
رزان: اويلي حي سلم عليه زرب عليه
نسرين: واع ههههه الصمت علامة الرضى
رزان: الله إلقيها ليك انا فين ونتي فين
نسرين: متقوليش ليا غترفضيه
رزان: بطبيعة الحال راه انا فين وهوا فين بقا ليا غا الزواج واهادي ماكانت لا على البال ولا العقل
نسرين: وبقااي لمك تا تبقاااي بيرة وعيطيليا ديك الساعة نقلب ليك على زوج صالح 😂😂😂😂
رزان: وا ضحكي ا نسرين عطاتك لياااام 😡😡
#عند فوزية و أنيس
فوزية : اوا السكوت علامة الرضى اوليدي
أنيس: اوا على براكة الله قرا الفاتحة هو و فوزية وبلا ميسولو رزان على رأيها
تغدا أنيس و فوزية ولبنات مزالين مخشين فلبيت ...

نسرين : ويلي يا صحبتي عصافر بطني تزقزق
رزان: 😂😂 حتا انا شفتي مطلعاش مطلعاش يلاه نمشيو لكوزينة ناكلو
مشينا كنتسلتو لكوزينة نسرين مشات لكوكوط وانا كنقلب فشبكة على الخبز و جبدت من التلاجة العصير وكلسنا هادي تنفع وهادي ظر
حتا سمعنا الباب تسد وماما جات لكوزينة وباينة الفرحة من وجها
فوزية: مبروووك عليك ابنتي
رزان: 😨😨😨😨تشوكات فبلاصتها او وحلات ليها الدغمة كح كح
فوزية: راه خطبك أنيس رسميا من عندي
رزان: 😯😯😯😯وخا يبقا غير هو لي راجل والله منتزوج بيه
فوزية: بنتي الله اهديك راه الزين كيدبال مع الوقت وحنا خاصنا راجل لي يوقف فجنبنا راك عارفة هاد الدنيا شحال قاصية ومكترحمش
رزان: وي ماما عارفة مي من المفروض تسولوني ماشي تقراو فتحتي بلا شواري وانا وخا تقتلوني والله منتزوج بيه ومكنفكرش فزواج اصلا
فوزية: واااخا ابنتي شحال ربيت وكبرت حتى تقادو لكتاف فلخر كلمتي متسمعش بدات ضرب في فخاضها ودخلات لبيتها كتبكي😢😢😢😢
نسرين: حشومة عليك بكيتي ليا دابا خالتي فوزية
حتا لمبغيتيهش غي سايسي معاها ومتخليهاااش هكدا
رزان: انا غي نبقا ندير لخاطر وانا مكين لي يسقسي فيا 😤ناضت بخطوات هدئين ودخلات لبيت مها لقاتها فوق النموسية مخشيا فلمسند وكتنخصص
رزان: مشات عنقاتها صافي لي بغيتيها هيا لي غتكون
فوزية: ناضت من التبوحيط وبدات تضحك بصح ابنيتي غديري ليا خاطري
رزان: باستها من يدها وانا شحال من فوزية عندي
تعانقو وبداو يضحكو 😀😁
فوزية: انا راضية عليك ابنتي الله اسهل عليك
رزان: امين بستليها راسها وخرجات عند نسرين
نسرين: اوا اش طرا
رزان: درت داكشي لي قلتي هاني مسايرها تنشوف هدشي فين غيوصل
نسرين: انشاء الله يكون خير
انا غادية لدار لعشيا هااادي يجي لواليد ميلقانيش فدار غيبدا يحيح على ماما
رزان: ناضت سلمات عليها وصلتها حدا الباب
واخااا تلاحي نتلاقاو غدا فلفاك وعنداك تصبحي خامرة
نسرين:😂😂😂 منضمنش ليك
رزان: والله ومتجي تا نتفك يا بنت الطيط 😡
نسرين: صافي ازمرة نتلاقاو حدا طرامواي ونمشيو بجوج
رزان: صافي مشات