قصتي مع بنت الشوافة الجزء الثالث

ومن بعد مدة بقى داكشي تيتزاد مشيت لعند الواليدة وقلتها ليها متيقاتش وقالت ليا بلي يمكن غير رواح ولى البرد ولكين انا مدخلتش ليا هاد الهضرة لراسي حيت انا لي تنحس بداكشي و داكشي ولى تيخلع حيت وليت تنشم ريحت خيبة ديما وفين ما مشيت وغير بوحدي وفراشي ديما تنلقاه سخون وحتى الروبيني ملي تندخل لطواليط تيبقى يتحل ويتسد بوحدو صافي وليت تنخاف نبقى بوحدي ولات فيا الفوبيا الواليدة ملي شافت التصرفات ديالي بدات تتبدل داتني لعند واحد الطبيب عبر ليا طونسيو وضغط الدم وكلشي لقى داكشي كامل مزيان وهنا الواليدة قررات تخرج على العلاجات لعادية وداتني لعند واحد الفقيه ولكين هوا كان بعيد فصحرة دانا الواليد بقينا شادين الصف واحد ساعة عاد وصلات نوبتنا دخلنا بقى تيبخرني بواحد العيبات بحال مطيشة و قالي نصل حوايجي ونبقى فكالسو وداكشي لي درت وجابو واحد الما فشكل بحالا حمر وقال لواليد بلي فيه الدم ديال الماعز فلول مخليتوش يكب عليا ولكين الواليد بقى تيشرح هوا تيكب وانا تنحس بتبوريشة وبحالا صباع ديال رجليا تيتنملو وهوما يغطوني بواحد زليزار مبقيت حاس بوالو بحالا كين وانا غير تنتفرج يديازتيتحركو بوحدهم معرفتش علاش ولكين داكشي غريب اول مرة تنحس بيه وكون عاود ليا شي واحد منتيقش وهوا يحيد ليزار وقال لواليد صافي لبست حوايجي ومشيت لعندو انا ولواليد قال لينا ( اش غنقول ليكم ولدي راه شي واحد مصلط عليك شي جان ) قال ليه الواليد وشنو المعمول ؟

قال لفقيه لواليد بلي ميقدر يدير ليا والو حيت وهادشي معمرو دارو وبلي هادشي غادي يبدا يتزاد تدريجيا ، ونعت لواليد على واحد الفقيه فسوس وسوس بعيدة بزاف على كازا ولكن الواليد قالي بعد سيمانتين نقدرو نمشيو حيت هوا عندو لخدمة بزاف ، ولكين تا واحد ما حاس بيا انا لي داكشي تيدور ليا بجنابي وتنحس بيه وبديت تنشوف شي حوايج فالمرايات والجاج وليت تنخاف ندخل لطواليط حيت تنسمع فيها الهضرة وليت تنصلي وملي تنبدى نسمع صوتهم تندير ليزيات وتنخدم القرآن حتى لدرجت مبقيتش تنمشي لمدرس حيت تيبقاو يقولو ليا تسطيتي الواليد مقدرش يصبر ومع السيمانة الولة خدى لكونجي ديالو ومشينا 5 سوايع طريق مبقيتش قاد نتحرك وصلنا لديك المنطقة نعتو لينا على داك الشريف وراونا واحد الدار دقينا وهوا يخرج واحد الشيباني سلام سلام قال ليه الواليد لاش جينا لعندو دخلنا ريحنا قال ليا عاود ليا اشنو تيوقع لك بالتفصيل وبديت تنعاود ليه من الول وغالبة عليا البكية حيت مدرت تا قلوة وتبهدلت فحياتي وهوا ينوض حل واحد الصندوق ؟

جبد واحد الخاتم قاليا ديرو درتو وقال لواليد بلي هاد الخاتم هوا لي داير ليه الرقية وبلي غادي يقلل من داكشي لي تنحس بيه وبلي باش ميبقى فيا والو خاص نلقاو ديك لبلاصة لي مخبين فيها السحور وبقى تيقرا فالقرآن شويا وقال لينا صافي عرفت لبلاصة ونعت لينا واحد الصخرة فبحر كين غير حدا دربنا وخاصنا نرجعو تال كازا وجيبوه ليه خرجنا قال ليا الواليد انا نبقى فواحد لوطيل وهوا غيرجع لكازا يجيب داكشي ودخلنا لداك لوطيل دخلت انا والواليد خرج بقيت مريح شعلت التلفازة ولكين قتلني الملل قلت احي نتكونيكطا شويا شديت تلفوني تندور فلفايس حتى تتصيفط ليا بنت الشوافة مساج سلام فينك مقديتش نحاوب حيت تصدمت غتكون هيا ومهازلي ساحرين ليا ومزال تتهدر معايا وهيا تصيفط مساج اخر شوف راه عارفاك شفتي المساج غير جاوب بغيت نقولك شي حاجا ؟
يتبع