قصتي مع بنت الشوافة الجزء الرابع

بعدما سيفطات ليا مساج تتقول ليا فيه بلي باغا تقول ليا شي حاجا صيفطت ليها شنو قالت ليا مالك متتبغيش تجاوب سبيت ليها لعروق طاكتيل ديال تلفوني كنت غنهرسو وهيا تقول ليا ولله حتى ماشي لخاطري ماما لي بزات عليا ونتا راك عارف منقدرش نقول ليها لا وراه مدارتش لك داكشي بسبابي راه عندها شي مشكل قديم مع ماماك هادشي علاش دارت لك داكشي وانا مقديت نقول لك والو داك نهار سمح ليا مقديت نقول ليها والو كيفما درت وحلة مجاوبتهاش ديكونيكطية و عيطت لواليدة قلت ليها داكشي كامل لي قالت ليا سعاد بقات ساكتة وقالت ليا ولله ماعقلت اولدي انا متنعرفش ديك سيدة كاع قطعة وهوا يعيط ليا الواليد قالي خرح راه لقيت داكشي وانا دابا قدام باب لوطيل خرجت مشينا عند داك سيد وهوا يصرع لينا لأتاويش وقال لينا بلي صافي مبقيت غنشوف والو خرجنا رجعنا لدار دوشت بدلت حوايجي وخارج تندور فدرب حتى تتبان ليا سعاد ومها واقفين مع الواليدة مفهمت والو ؟

لقيت الواليدة واقفة هيا وشوافة وبنتها تخلعت انا تزعزعت مفهمت والو ياك كانو منوضينها ؟ وهيا تشوفني الواليدة وقالت ليا يوسف اجي مشيت بقيت ساكت قلت لواليدة شنو مفهمت والو قالت ليا يلاه لدار وغتفهم مشينا بركنا وبداو تيشرحو ليا بصح لواليدة تتعرف ديك الشوافة كانت تقرى معاها فليسي شحاال هادي وكانو تخاصمو على شي حاجا والواليدة ملي قلت ليها بلي سعاد قالت ليا مها تتعرفك مشات لعندها وعرفتها وشي جيران صالحوهم وهيا تشوف فيا الواليدة وقالت ليا سمح ليا اوليدي انا سباب هادشي لي طرا لك كامل وهيا تشوف فشوافة وقالت ليها ولكين نتي علاش تسحري ليه هوا وتخليني انا لي مخاصمة انا وياك وهيا تقول ليها شنو انا مسحرتش ليه هوا شي حاجا وانا نعاود ليها علا داكشي لي تيطرا ليا وشنو قال ليا لفقيه قالت ليا ولله اولدي راه هادشي لي تتقول عليه لا علاقة بداكشي لي درت لك انا مداخلينش فيه لا جنون لا والو وضفاك يعني هادشي دايرو ليا شي واحد اخر ولكين شكون هدا لي عندو مصلحة ملي نتعدب انا ؟

دبا ملي شوافة ماشي هيا لي ساحرة ليا شكون هدا لي دارها وشنو رابح من هادشي لموهم انه لواليدة و ديج ختنى تصالحو اما بنت ديك شوافة سعاد انا مبقيتش باغي نهدر معاها حيت كما دارت ليا داجشي هاد المرة تقدر تعاودها صافي رجعنا لمدرسة عادي تنتلاقا معاها سلام سلام فطريق وصافي متفارقناش وفنفس الوقت ممصاحبينش تال واحد النهار كانت الجمعيت ديال الدرب دايرة واحد الرحلة لمراكش كانو كاع ولاد درب وبنات الدرب غادين وحتى بنات الدرب وسعاد جابت الجمعية واحد الكار لي غنمشيو فيه طلعنا ريحت لقدام مبغيتش نرجع حدا دراري ولاد الدرب لور حيت مبقيتش تنوقف معاهم ملي كنت تصاحبت معا بنة الشوافة حيت كاملين محملونيش ولاو كاملين تيفهمو فدين وشرع لموهم ريحت القدام بوحدي غير تحرك الكار وهيا سعاد جات من الور لحدايا وبركة شفت فيها وقالت ليا فين شنو باقي مقلق مني قلت ليها علاش لا قالت ليا شوف ولله ما درت شي حاجا وراك عارف مي ومنقدر نقول ليها والو وانا قلت لك كلشي ملي قدرت وبقات شحال وهيا تتشرح ليا حتى كانت غتجيب ليا البكية قلت ليها شوفي راه دويت معاك مكين والو من هادشي انا راه فهمتك صافي وبقينا تنهضرو حتى داني نعاس حتى وصلنا هودنا تتبان ليا البنت بحالا الترفات ديالها تبدلة وتتقول ليا نطلبك واحد الطلب تفرق على دوك عشرانك لي جاين معايا مفهمت والو علاش ؟

يتبع