بقيت واقف ما فهمت والو شويا الجتث لي كانو معلقيين طاحو الارض قدام الديور ، وغير طاحو دوك الجثة على الارض وهما يخرجو بزاف ديال الفيران بزاف بزاف من داخل كل دار ما عرفت داك شي منين جا، وبداو ياكلو الجتث ديال دوك الناس المدبوحين وانا كنقوول ياربي شنو هاد شي لي كنشووف بعيني !!
انا تخلعت ما عرفت شنو ندير هاد شي بزاف على الانتقام !!
ولكن اولدي انا عارف بلي هادوك مكانوش فيران عاديين وحتى العدد ديالهم مكانش عادي !!
ناس تخلعوو كل واحد كي غووت وكيضرب في وجهو ويصرخ وكاين لي سخف طاح الارض هاد شي بزاف ولينا فحالة رهيبة مذبحة بمعنى الكلمة !!
شفتها وشفت الوجه ديالها وهي مراقبة كل دوك الناس لي خلاوها تموت وكان وجها بشع بشع جدا !!
شوية بان ليا واحد الراجل من سكان القرية سميتو امين غادي كايجري جيهتها وهاز فيدو جنوي كان يصحاب راسو غادي يدير داك شي لي مقدروش يديروه سكان القرية كاملين غادي يديرو هو بوحدو !!
ولكن باقي ما وصلش حتى لعندها ترفع وشداتو ثاني من عنقوو هزاتو من الارض بقوة حتى تقطع ليه راسووو بحال لا نصلتي شي راي ديال شي حاولي نهار العيد !!
تقريبا هدا هو السباب لي خلاها دير هاد شي لي دارت من بعد !!
شوية بدات تجري من هنا لهيه على يديها ورجليها بحال الحيونات وبدات تهجم على الناس الهربانين والمخلوعين منها ما خلات حتى واحد فين ما وصلات عند شي واحد تنقز عليه تعضو من عنقو ولا تقتلو بحال شي كلب مسعوور !!!
ولكن ماكتقربش ليا كاتجي تال حداية وتخليني وتمشي عند الناس لوخرين وتجري تبع هدا وداك وتشووف فيا وتخليني ، وانا نفهم داك شي لي سمعت بالليل فودني فاش حدراتني وقالت ليا بلي هما غاديي تقتلهم !!
واش عرفات بلي كنت باغي ندخل نعتقها من العافية داك شي علاش ما بغاتش تقتلني !!
ولكن هاد شي مخلانيش نفرح بلي هي ماغاديش تقتلني حيت الاهل ديالي وصحابي وحبابي كاملين كنشووف فيهم كيذبحو وكيتحرقو قدام عيني!!
شفتها بعدات مني ومشيت هزييت واحد العصى شاعلة فيها العافية ومن غير وعي لحتها عليها ، تقوليا علاش درت هكا ؟؟
غادي نقولك ما عرفتش كيفاش ولكن شي حاجة فعقلي قالت ليا دير هكاك !!
شدات فيها العافية مزيان وبدات تصرخ تصرخ تصرخ !!
وانا واقف ما عرفتش واش نهاية ديالها هي هادي ولا بداية شي حاجة اخرى !!
حيت سمعت هاد الصراخ ديالها شحال من مرة ولا بغات تموت.
بقات تجري تجري والعافية شاعلة فيها و الغوات ديالها المرعب وانا ما عارف شنو غادي ندير !!
شوية وهي دير واحد الحاجة !!
عرفتي شنو دارت ؟
بدات تمرغ الجسم دالها فالدم ديال الجتث لي فالارض ، وكل ما تمرغات فداك الدم بدات نار تطفى وانا خايف منها !!
وبديت نقوول الناس ونغوت عليهم لي هاز شي عصى شاعلة فيها العافية ترميها عليها وناس بداو يفهمووو وكايديرو داك شي لي قلت ليهم والحمد لله في ثانية كل واحد فيدو شي شعلة ديال العافية كايلووحها عليها ، وبديت نقول مع راسي علاش العافية لي كتكوون فالبيوت ما كانت كادير ليها والووو وهاد الشعلات ديال العافية دارو فيها هاد شي ؟؟!!!
حيت يمكن النار لي كانت فالبيوت كانت نار كحلة وهادي نار عادية وكانت هاد العافية هي لي كاتضرها..
ناس بقاو كايرميو عليها اي حاجة شاعلة فيديهم مضويين بيها واحد المنظر بحال لا كترجم الشيطان ، عارف رجم الشيطان هدا هو لي كان ديك الساعة !!!
بقينا نلوحوو عليها العصي ديال العافية وعي كتصرخ وكتلوى في بلاصتها حتى سكتات بمرة والجسم ديالها جمد نا بقاتش فيه الحركة.
وبدينا حنا نجرو الجتث بعيد عليها حيت الفكرة لي كانت فراسي بلي الدم هو لي كيعتقها قلت ليهم بعدو الجتث من حداها.
وماتت وغادي تصدقني لا قلت ليك بلي حنا بقينا مشعلين فيها العافية مدة ثلاثة ايام متواصلة ؟
وخايفيين نطفيوها !!
لا تكوون مزال ما ماتت ولا شي حاجة ، وبعد ما طفات العافية ما لقيناش الجسم ديالها لقينا غير رماد ومكناش عارفين واش غير تراب ولا شنو داك شي !!
وقلنا بلب الموضوع صافي كمل وسالينا منو ولكن مماتتش حيت داك شي لي كنا كنشوفو بحال العافية لي كتشعل وداك شي الغريب لي كيوقع مزال كنشوفوه كل ليلة !!
ملي بغينا نصلحو الديور ونرجعو لحياتنا الطبيعية ما قدرناش خيت فين ما كنصلحو شي دار كتشعل فيها العافية بالليل !!
هاد المرا هادي خرجات علينا وعلى الاهل ديالنا وعيشاتنا فالرعب شحال من عام باقي ما نسينا شنو دوزات علينا ديك المرا !!
وانت جاي من بعد هاد الاعوام كاملة تسولني عليها وباغي الناس دوزلك هاد شي !!
قلت ليه ولكن انا باغي نقولك واحد الحاجة اعمي شيخ ، هاد المرا راها ماماتتش ولا ماتت وفاقت انا ما عارفش !!
وهو يقوليا ، شووف اولدي انا لي عليا هو عاودت ليك وصافي انا غادي نهربك من هاد البلاد ومن بعد دير لي عجبك وما ترجعش اولدي تاني
بعد من طريق هاد المرا وبعد من التعفريت ديالها حيت شيطان ملي كتقول اعوذ بالله من الشيطان رجيم كتغلب عليه ولكن هادي انا براسي ما عارفش شنو هي !!
هادي وحدة خارجة من عالم الميتين اولدي !!
والميتين اولدي ما كيفيقوش غير يوم القيامة.
ولكن واضح بلي شي حاجة حنا معارفينهاش وواضح بلي كاينة شي حاجة اكثر رعب حنا معارفينهاش !!
قلت ليه انت محليتي ليا حتى شي باب باش ندير شي حاجة.
قاليا انا نصيحة لي نعطيك هي بعدها على الجثت لي دايرين بيها حيت هادي كتغدى على دم الناس المييتين !!
اش من مييتين !!
قالي انت ماشي سووقك دير داك شي لي قلت ليك عليه وصافي كون تسمع.
ولا حرقها على الاقل خليها تبعد منك !!
خرجت من الباب الخلفي كيما قاليا قبل ما الناس يجيو يقلبو عليا وفعلا غير خرجت من الباب الخلفي وسمعت الدقان عندو فالباب وباينة والله وعلم اهل القرية هما لي جاو عندو على قبلي باش يقتلوني.
انا خرجت ومشيت متسوقتش حيت كانت قدامي مهمة خاصني نكملها كيف ما قالي الشيخ ، نلقا الجثة ونحرقها ونبعدها على الجثت لي كايكونو دايرين بيها !!
لازم نخرجها من المشرحة حيت انا ماضامنش لا خرجتها الشارع وحرقتها يشدوني يصحبوني قاتلها انا وباغي نحرقها ونتهنى منها.
خاصني ندخل المشرحة نديها نحرقها فالفران لي فجنب المشرحة كيما نتوما عارفين كل مستشفى فيها فران كيحرقو فيه الازبال ديال المستشفى..
حيت ملي وقع الحريق فالمستشفى سمعت بلي تحرق منها واحد الجزء لي فالمدخل ولكن الثلاجات ما طرى ليهم والووووو.
وحتى المدخل دابا صوبوه وصلحو داك شي لي تحرق.
وصلت بالليل ودخلت المشرحة وكنطلب من قلبي اني ندير داك شي لي جاي على قبلو !!
دخلت وسديت الباب ديال الحديد ديال المشرحة من ورايا ، وانا مخلووع وكنقرى القرآن فسري.
ومشيت الثلاجة لي فيها الجثة ديال الكحلة ، حليت الثلاجة وجريت البلاستيكة لي فيها وهزيتها وكنترعد ما عارف شنو غادي يطرى واش الموضوع غادي يسالي كيف بغيت ولا غادي طرى ليا شي حاجة !!
المشرحة الجزء التاسع
محتوى القصة
يتبع في الجزء الأخير
التنقل بين الأجزاء