رقية:غير بلا ما ضيع الحجرة ديالك مع هادي..خليها حتا يحرئوها كعابها وتجي
زينب:ايوا على خاطرها..يله
خلاوها واقغة ورجعو جلسو هما حتا هبطات شامة من العمارية ورجعوها جلسات فبلاصتها..نقزات رؤيا هي اللولة كتصور معاها وعيطات للعائلة تصورات معاهم وعاد مشات تجلس وهزات الحلوة دلاكريم لي شداتلها رقية كتاكل فيها وهي العصير حتا سالاتها وناضت مشات لعند شامة لبيتها..
داز العرس ووصلات ساعة لفراق والناس اغلبيتهم مشاو بقات غير العائلة المقربة ولي ساكنين حداهم وشامة كيقادوها فالبيت بالكسوة دالخرجة ورؤيا واقفة معاها وكيتسناو لعريس يوصل هو وعائلتو لي كان منهم البعض حاضر فالعرس..كانت شامة جالسة فبيتها بفستانها الابيض البسيط لي عطاها جمالية وطلعها بحال شي اميرة شعرها مطلوق وجامعينو غير شوية من القدام والتاج فوق راسها والطرحة مرمية موراها والبوكي دالورد فيديها ورؤيا جالسة حداها كتاكل فالحلوى دلعرس لي شدات
شامة:اووووف مشبراني واحد الخلعة اصاحبتي..حاسة بقلبي ايخرج من موطعو
رؤيا:(كتاكل)ههه ايخرج ايخرج ما تخافشي..تسنى يشبرك ياسين هاد الليلة وتشوف الخلعة كي عاملة هههه
رؤيا:اواعدي على لهبيلة بنت لهبيلة..جمع عليا ازمر هلاش كتبكي اتخسر ديك الكمارة..راه غير كنضحك ما ايوقع وااااالو كلشي ساهل ماهل خاص غير شوية دالصبر هه
شامة:(كتنش على عينيها)اوووف ياا ربي..الله يدوز هاد الليلة على خير(تنهدات)ما كرهتشي نفقد الوعي ونغيب فمرة..هاد الليلة نموت ما فيهاشي وهو كيزيد يخلعني اختي بهضرتو
رؤيا:(كتنفض يديها ولبستها)ههه كلهم هاكاك..ما تخافشي كلشي ايدوز مزيان وحتا هو باين ولد الناس ما ايتكرفصشي عليك غير ارتاح(غمزاتها)..يانا انمشي لطواليط تحصرت عاود
شامة:واخة وما تعطلشي
رؤيا:لا دغيا دغيا
شامة:اممم رؤيا!شوف عيطلي على انصاف تجي عندي دابا واخة
رؤيا:شني بغيتيها!
شامة:وا غير عيطلا..بغيتها تسخرلي وصافي
رؤيا:اوك هانا انقولالها
خرجات رؤيا كتعوج فالمشية وشادة الحصرة بزز وكتزرب فالمشية حتا تصادفات مع إنصاف بنت عم شامة صغر منها فعمرها 19 لعام وقالتلها تكلم لشامة ومشات هي لطواليط..تعطلات شوية عاد خرجات كتقاد راسها ووقفات كتهضر مع خالتها وكتسولها على ياسين لي عرفات بلي ما بقالو والو ويوصل هو وعائلتو..خلاتها ودخلات عند شامة باش تخرجها من البيت وتجلسها فالصالة لي فيها النساء باش غير يجي لعريس يخرجها من تما..سدات الباب موراها ودخلات كتشوف فيها وهي كتشرب فكاس دآتاي
رؤيا:ههه نتينا لي عبرتي..نجيبلك فقوصة حتا هي ههه
شامة:ههههه جيبلي حبيبي يجي يديني شمن فقوصة ههه
رؤيا:ههه ياااك ما بقيتيشي خايف..(سكتات)اواعدي لاااا ما تقولاشي المسخوطة..شني شربتي!
الام:(حابسة لبكية)مزيونة مزيونة غير زيد دابا قبل ما يجيو..هزلها نتينا الكسوة عنداك تعكل..ااااه رؤيا مكل داك السلهام..يله دغيا
رؤيا:(بتوتر)اااا اممم اه واخة..ها هو
مداتلها السلهام بيض كامل كيقادوه على كتافها وهي غير كضحك وتزرب فيهم ويماها خرجات برا كتبكي على بنتها وخلات معاها ختها وشامة خرجوها هازينلها الكسوة من اللور وهي خارجة هازة راسها حس لحياء ما فيهاش غير كضحك ودور فعينيها ورؤيا قلبها ايسكت موراها وكل شوية تنغزها تجمع الضحكة حتا دخلوها للصالة لكبيرة لي جالسة فيها العائلة لقليلة وجلسوها فوسطهم وجلسات حداها رؤيا فطرف السداري
رؤيا:جمع دقمك يعطيك اللقوة ابنت لحراااام..والله ما تبقى فحسك يا بنتي..غير تسنى على هاد الشوهة لي مشوهانا
كلثوم:(بهمس)بركة من تفرنيس ونتينا فاتحة دقمك..شغايقولو عليك الناس دابا..راه كلشي كيشوف فيك غايقولو غير مشعوطة على الزواج
شامة:هههههه وراني مشعوووطة نيييت شكون قالك يانا ما مشعوطاشي ههههه يانا من نهار خلاقيت ويانا كنتسنى نهار يجي ويهزني من حداكم طلعتولي فراسي هههه احححح ليوم انذوق لحلاااااوة دالبقلاااااوة ههههه
كلثوم:(تحت السنان)واش مضرووبة على راسك..شهاد الشوهة؟
رؤيا:وراها بنت الهم مشات شربااتلك اتاي بالشريييحة..راه غير ما كتراتشي جبرتها يله بدات كتشرب لحمارة ياخرا تفووو
كلثوم:(ضربات حناكها)اويلييي وحدييييي!
رؤيا:لخرااا سكت نتينا عاود..تريكة مشوهة ييييخ
كلثوم:وشني ان..
شامة:(بصوت مرتفع)هههه واااااا زغرتو العيالات شعندكم ساكتات هههه راه عرسي هذا يله فيييقو مع..
رؤيا:(سداتلها فمها وكتشوف فيهم بضحكة صفراء وهما كل واحد فين مصدوم فقنت وشي كيتوشوش مع شي)ههه غير كضحك..كتعرفو شامة كيعجبها ضحك وتقشب هه
شامة:(كتحاول تهضر وتزلها يديها لي على فمها)امنمننمم ههه
رؤيا:شششش قطع الله يقطع ليك الحس..اتولدني بلا وقت الزبل غير بالفقصة
كلثوم:اواعدي اتبقى هايدا؟شني انعملو
سكتات كلثوم ودورات وجهها جيهة الباب من بعد ما سمعات صوت الزغاريت والصلاة على النبي والموسيقى لي تطلقات وخرجات عينيها هي ورؤيا..وشامة حداهم كتفرطط وتجبد راسها تشوف جيهة الباب
رؤيا:(سكتاتها)انننهن اواعديييي سكت..شششش الله يستر وصافي هاد الليلة اوووووف
دخل ياسين مع باب الصالة لكبيرة وخواتاتو موراه وعلى جنبو بلباسي ومقادين الحالة باين عليهم العز..وهو بلباس رسمي أسود غامق مع قميجة بيضة وجيلي مزير عليه كيبان من تحت الكوستيم وكرافاط رقيقة مدخلها فوسط الجيلي صباط كلااص كيلمع مزال جديد وساعة يدوية ورائحة عطر رجولية وشعر مسرحو ومرجعو للور ومخفف الشعر من الجناب ومقاد لحيتو ومطراسيها..وعلى فمو ابتسامة سعادة وحياء وهو داخل فوسط النساء بوحدو وشامة عينيها خارجين فيه وكتضحك باغة تنوض توقف ورؤيا وكلثوم جالسين حداها وكل وحدة منين شاداها..قرب ياسين لعندها وعينيه كيتأملوها من ساسها حتا لراسها باعجاب ووقف عليها وهي عينيها فعينو كتفرنس وهو كيشوف فيها بابتسامة جانبية وفنفس الوقت مستغرب وهبط شدلها راسها بين يديه وقبلها من الجبين ديالها..خواتاتو كيسلمو على العائلة وكلشي كيزغرت ويطبل والبوكي دالورد تحط حدى رجليهم بزوج وهو جالس حداها وشادلها فيديها وكيفتح الصدافة دالكوستيم باش يصلاحلو يجلس..بقات رؤيا وكلثوم واقغين حداها كيبيضو بيضة حداهم وبيضة فالعش وغير حاضيين معاها عنداك تزبلها وهي كتشوف فيه وتضحك وترجع تهبط راسها وتشوف فالناس فحال شي حمقة
رؤيا:(ابتسامة صفراء)هه غير حاديتك احبيبتي..(هبطات حدا وذنها)غير تسنى عليا الا ما هجرتولك راه ما نتسماشي..ههه مبرووك عليك اخاي ياسين ربي يكمل عليكم بالخير
بعدات رؤيا من قدامهم عاقدة حجبانها وقربات لكلثوم كتهضر معاها ومع أم شامة..وياسين غمز ختو من بعييد وناضت هي وخواتاتو لوخرين كيزغرتو ويطبلو وهو وقف وقفها معاه وهي غير كتفرنس..قربات منها رؤيا بالزربة هبطاتلها القب على راسها غطالها وجهها كامل ورجعات كتشوف غير رجليها وهي تزولو
شامة:اوووف شكاتعمل واش باغاني نطيح على دقمي..علاش كتغطيلي وجهي مكلخة!
ياسين:(جرلها القب على راسها بالزعفة وقرب لوذنها كيهضر تحت سنانو ومزيرلها يديها) اتزيدي وتسكتي ولا بربي حتا غادي نريبولك انا نيييت ونخليك كتشوفي..ويله دابا قطعي حسك
هزات راسها فيه وما بانلهاش وجهو حيت القب جا هابط حتا للذقنها ورجعات هبطات راسها كتغبن وتخنصص في صمت ونترات يديها منو ورجع زيرها عندو وقلب وجهو مغزف وكارز سنانو
خرجوها بلبكى والنواح وكل واحد فين يعنق فجيه ويبوس ومها دخلوها لبيتها سخفانة وكيشوفو فشامة كتبكي كيسحابهم كتبكي على فراقهم وهي كتبكي على ياسين لي غوت عليها وكتشهق حتا دخلوها للاوطو والدقة المراكشية موراها..ورؤيا وكلثوم تابعينها دخلوها وقادولها كسوتها وهي قالبة وجهها عليهم ما كتهضرهومش وياسين دار لجيهة لوخرى طلع حداها ورؤيا تبعاتو قبل ما يسد الباب كتعوج فالمشية بقوة لعيا وشدات فالباب وخاشية راسها كطل عليه وتهضر معاه
رؤيا:سايس معاها الله يخليك
ياسين:واخة ما تخافيش..مي كون نشد هادو لي شربوها هاد لعجب نكرد مهم..تفوووو
رؤيا:اممم وا غيي...هييييييييييييه
تجرات من يديها بالجهد ورجعات اللور تعكلات فجحلالها كانت غادي طيح وشدات فدراعو مزيرة عليه حتا ترصات عاد هزات راسها فيه وعينيها خارجين بالخلعة
فراس:(تحت السنان)تحركي قدامي..ياسين خويا الله يعاون
زدح الباب ديال الطوموبيل وجرها هي من يديها طالع بيها جيهة لباركينج ورمالها القب على راسها..دازو من وسط الناس والعائلة والسيارات لي تابعة شامة وكلشي كيطيط حتا وصل لسيارتو وفتح الباب دخلها فيها بالزعفة وركب هو..جبد تيلي كيهضر مع مو وكيخنزر فيها وهي ما فاهمة والو
فراس:الو الواليدة..اممم مهم شوفي هانا سبقتكم انا ورؤيا ونتوما باتو حتا لغذا ونسيفطلكم الشيفور يجيبكم..اوك واخة..يله الله يهنيك
قطع معاها ودار شاف فيها مخنزر وهي لاصقة فالباب موراها
فراس:(بغضب شعط التيلي)وااااااااش باغاني نلصق مك مع شي حيط..خاشية راسك فالراااجل بوووسيه نتي كاااع..علااااش تهضري معاه اصلا..شبينك وبينووو اصلا باش تدوي معاه هااا هضري..الراجل ومراتو حداااه ونتي لاااش مخشية فووسطهم..واااااش كتقلبي عليا نقتل وااالديك..حليييتلك السمطة يمكن عليها هاااا دوييي!
رؤيا:وراه غير كنت كنوصيه على شامة و..
فراس:الاااااالة شدخلك نتييي توصييه ولا توصيييها..وحتااا الا بغيتي تهضري معاااه علاش خاشية كمارتك فييييييه!
رؤيا:وراه غير..
فراس:صافي سكتي الله يرحم باك..قطعي حسك
ديمارا السيارة ورجع مارشاريان خارج من البيستا وقلب الدورة وكسيرا..قالب وجهو مخنزر وهي حداه ساقرة وكتشوف فيه بنص عين منفخة عليه حتا دخلو لطنجة وتوجهو نيشان للفيلا ديالهم..حبس السيارة وهبط هو وفتحات حتا هي الباب وشدات فظهرها بيد واليد لوخرا قبطات بها الباب باش تقدر تخرج هزات راسها لقاتو واقف عليها عاقد 11 ديالو مدلها يدو باش يعاونها وهي تقلب عينيها فيه وخلاتو هاكاك وخرجات بوحدها ودازت فيه داخلة بحالها..قفزات منين سمعات الزدحة ديال باب الاوطو وغمضات نص عينيها ودارت شافت فيه جاي مغزف وعوجات فمها وزادت داخلة مع الباب..قبطات فلحديدة دالدروج طالعة بشوية عليها وخايفة من الطالون لا يطيحها حتا وصلات لبيتها ودخلات وخلات الباب محلولة..وقربات من الفوطوي جلسات عليه كترتاح..دخل هو موراها بشوية وسد الباب موراه وشاف فيها بطرف عينو وهي كتزول عليها السلهام ورماتو حداها جلس اونفاص ليها فوق الناموسية كيزول الصباط وهي قبالتو كتقاتل مع لمضمة تفتحها حتا فتحاتها وهزات رجليها عندها كتحاول تفتح السمطة دالصندالة..شافها هكاك معذبة وناض عندها هبط على ركبتو قدامها رجل ثانيها تحتو ورجل موقفها وجر رجلها عندو كيفتحهالها بالزعفة وهي ساكتة وقالبة وجهها عليه..زولهالها ورمى الفردات فالارض وناض وقف كيفتح الصدايف دقاميجتو وهي متبعاه بعينيها حتا زولها ورماها فوق الكرسي وبان ظهرو لعريض وكتافو لمعضلين سرطات ريقها وناضت بشوية عليها كتزول اللبسة وعينيها كيتلصقو وكتعافر معاها حتا زولاتها وجبدات بيجامة دالنعاس ثوبها ملس سروال والفوقاني ديالو نص كم فالباج مع سينتة فالاسود دايرة بالكول وجياب السروال مزيناه..وتلاحت فبلاصتها مغمضة عينيها عيانة كتموت بالنعاس..دخل هو للحمام تخشى تحت الرشاشة دوش بالزربة وخفف عضامو وخرج بفوطة على نصو شاف فيها لقاها مرمية نااعسة على جنبها ولايحة يديها لجيهتو وشعرها مغطيلها على وجهها..فتح باب لبلاكار جبد ملابس داخلية لبسهم ولبس سروال حزملو سيورو وبقى معري من الفوق..قرب لبلاصتو جلس وشدلها فيديها هزهالها بشوية و تكى على جنبو مكالي بيدو تحت منو وهاز راسو كيشوف فيها بعدلها الشعر على وجهها ورماه موراها وتبسم ابتسامة خفيفة..تنهد ومد يدو حطها على كرشها لي جات بيناتهم كيدوزها عليها ببطء ويدها مزاالة بين يديه كيلعب بصبعانها حتا حس بخبطة جات فيدو لي على كرشها وتبعاتها وحدة اخرى ودار شاف فيها من بعد ما سمع أنينها لقاها عاقدة حجبانها بانزعاج وهي ناعسة..ضحك بشوية وهبط لكرشها باسها ورجع هز راسو بشوية باسلها جبهتها وبعد وجهو بشوية..خلا يدو فوق كرشها كيماصيهالها وحط راسو على لمخذة وحاضن يديها جيهة قلبو وبشوية بشوية بدا كيغمض عينيه
في ناحية اخرى من المدينة وبالضبط فأحد الشوارع الراقية ديال مدينة طنجة فين موجودين بنايات وشقق فاخرة ودي غيزيدونص VIP..كانت شامة وياسين طالعين فالسانسور للشقة ديالهم لي جات فالطاج 3 من بعد ما وصلوهوم العائلة وياسين زرب عليهم رجعهم من الباب خايف لا تمشي تدير شي شوهة قدام عائلتو وعائلتها وهي الطريق كلها وهي محمقاه..واقفة وكتمشي وتجي بالطالون وهو شادها من خصرها حتا وصلها للدارهم وهي كتغني ودندن ومرة مرة تبدا تبكي
ياسين:اه هادي دارنا..يله زيدي دخلي دابا باش تنعسي!
شامة:انننهنن لااا ما فياشي النعاااس..يانا باغة نشطح ههه(كتغني وتغوت وكتشطح بين يديه)لليييلة حبيبي الليلة...لييلة عمرنااا..الليلة دي اجمل ليلة في حياتي انااااا هييييي ههه كنت عانطيح هههه
ياسين:هه لا حول ولا قوة الا بالله ههه زيدي قدامي
دخلها للبيت ديالهم لي جا فلخر ديال كولوار طويييل بيت كبير ومفرش فراش مودرن وهي كتمشى خطوة وتوقفلو عشرة حتا وصلها وجلسها فوق الناموسية
شامة:(سكتات كتشوف فيه لوهلة بحال الا كتفكر ورجعات هزات راسها فيه)اااااااه بصح..راجلي هههه اذا صافي ما نقولالوشي يله بدى بسم الله ههههه
بقات كتضحك وتشقلب وهو كيحاول معاها يزولها السلهام والطرحة لي على راسها وكتعنكش فيه مرة تجبدلو حناكو وتبوسو مرة تبعدو عليها مرة تنوض تغني وتشطح..حمقاتو معاها عاد زولهوملها وخلاها غير بلكسوة وناض زول الكوستيم والجيلي ولكرافاط ديالو حيدهم ومشى لافاليز ديالها كيجبدلها ما تلبس.. طاحت عينو على بيجامة فالابيض الناصع كانت من الفوق سروال بالفوقاني ديالو ثوبهم ساتان رطب والشبكة فالجناب وهزها ودار جيهتها لقاها مليوحة فوق الناموسية كل يد وفين و ولا غوب منفوخة شادة النص فالناموسية..قرب منها كيحرك راسو ويضحك عليها..جلس بجنبها هزلها ظهرها وعنقها عندو كيفتحلها السنسلة دالكسوة زولهالها بقات صولو من الفوق تبسم وهو كيشوف فيها باعجاب وزولهالها هبطها من بين رجليها كانت لابسة شورط قصير فالابيص..لبسها البيجامة بشوية عليه وقادها فمكانها وناض حتا هو بدل عليه ورجع جرها عندو وتغطاو ونعس...
ناضت هاد الصباح على إثر الركلات والخبطات ديال الجنين وفتحات عينيها بشوية كتشوف فالشعا لي داخل من البالكون لي قبالتها..لابسة بيجامة شورط وطوب ديالو خفاف حيت الجو سخن والصيف دخل فهاد الشهر لي داز عليهم من بعد عرس شامة..هزات يديها حطاتها على فمها كتفوه ورجعات حطاتها على كرشها وكتماصيها ببطء..قلبات وجهها معوجاه موراها ما قادراش تقلب لجيهة لوخرا شافتو مزال ناعس وقالب وجهو لجيهة لوخرا وناعس على ظهرو بشورط صيفي وصدرو معري ورجعات قلبات وجهها هزات تيلي كتشوف فالساعة لقاتها مزالة 6 ورجعات حطاتو وبقات فبلاصتها كتأمل فالطيور لي كتجي توقف فالبالكون وترجع طير وكتغني والجو مشمس صافي باين من صباحو..علامات الرااحة باينين على وجهها لي راسمة عليه ابتسامة خفيفة ومتكية فصمت حتا حسات بيه ضمها حاط يدو على يدها لي فوق كرشها وخاشي راسو فعنقها من الخلف ومغمض عينيه
رؤيا:ههه صباح الخييييير
فراس:(بصوت ناعس)اممم صباح النوور..علاش ما فيقتينيش؟
رؤيا:شفتك ناعس بقيتي فيا ما قدرتشي نفيقك ونتينا بارح نعستي معطل مع الخدمة
فراس:امم بقيت فيك هه شحال فالساعة!
رؤيا:السبعة قل ربع
فراس:(هز راسو طل عليها)فيقك داك البرهوش ياك هه!!
رؤيا:وا يييييه هانتينا كتشوف شني عامل فيا ههه
فراس:(باسها من دراعها)ما بقى والو احبيبة غير صبري هانت..ااااااااه(كيتفوه)امنمنم اوك انا انوض نصلي ونهبطو نفطرو؟العائلة ايجيو لعندك لهنا ولا ايسبقونا حتا نتلاقاو تما!!
رؤيا:على ما قالو نتلاقاو تما وصافي..وديك الساعة نرجعو نتغداو مجموعين هنا ان شاء الله
فراس:اممم مزيان حتا هذا نظر..يله ابب حتا نوضي ما ناعساش ما ناعساش غير نوضي حسن ليك..
رؤيا:اوك يله عاوني
فراس:اووك
ناض فراس من بلاصتو ودار جيهتها مدلها يدو ناضت حيت ما كتقدرش تنوض فاش كتكون ناعسة ناضت تجلسات عليها وهو هبط قبط وجهها بين يديه وخطف بوسة من فمها
فراس:هانا دخلت ندوش
رؤيا:ههه اوك حبيبي حتا يانا لاحقاك
دخل هو للحمام وخلاها كتلبس فكلاكيطتها وناضت بشوية عليها وتبعاتو حتا هي لقاتو تحت الرشاشة وكيبان من مور الزاج غير خيالو..قربات هي لاشاص قضات حاجتها وناضت غسلات يديها وبدات كتزول فحوايجها ودخلات تخشات معاه..قلبوها ضحك ومداعبات خفيفة بيناتهم حتا سالاو وتوضاو وهو كيعاونها وخرجو بزوج..
لبسات هي حوايجها كسوة طويييل مفرفرة فالغوز بيبي بحزام فالخصر عقداتو فالجنب وباانت كريشتها مزيونة مكورة قدامها..ويديها قصارين حد المرفق واسعين..صندالة خفيفة فرجليها فالشيبي مع صاك مدور صغير فنفس اللون وجمعات شعرها بضفيرة جانبية مقااادة وخرجات شعيرات من الجنب ما داراتش الماكياج بزاف كتافات بفوندوتان وماسكارا ومشطات حواجبها بالمشطة وحطات اكسيسوارات خفيفة ودارت عندو لقاتو صلى حتا هو ولبس سروال دجين باج فونصي مع سمطة قهوية وقميجة بيضة مدخلها فيه وطاويلها لكمام وصباط كلاص قهوي..قاد شعرو بيديه وحط ساعتو ورش عطرو وخرج هو وياها شاد فيها حتا هبطات ووقفو عليهم فالطبلة دلفطور صبحو على رقية وزينب وجلسو كيتحدثو بيناتهم وياكلو
رقية:صافي اليوم ما نطلئوش منهم ان شاء الله.. نباتو كااملين مع بعضنا ههه
بقاو جماعين وهضرة تجيب ختها حتا سالاو وناضو مجموعين جلسو فالصالة وفراس دخل لبيروه كيكمل خدمتو حتا وصلات العشرة وعاد ناضو كاملين واجدين ولابسين ومقادين الحالة وخرجو ركبو فسيارة وحدة فراس لي سايقها ورجالو تابعينو وخرجو والتيليفون خدام بيناتهم وبين باقي العائلة
وقف بالسيارة فلباركينج لكبيييير لي جا تحت الارض مخفي على الانظار وعندو بابو لي كتخرج للشارع مباشرة..نزلات زينب ورقية وفراس موراهم ورؤيا هابطة بشوية عليها وكتقاد كسوتها والفرحة خارجة من عينيها..تقدمات رقية وزينب وتبعاتهم رؤيا وفراس مدورة يديها على دراعو و خارجين من الباركينج من بابو الاخرى لي كتخرج فالساحة لكبييييرة لي قبالة لكلينيك وجات كااملة دايرة بالشجر والطبيعة والورد عبارة على جردة زويييينة بكراسى بويض وطرقات بحجارة مرصوصة..كلشي نقي ومقاد والزينة والبالونات البويض والغوز فكل قنت فالجردة ولكلينيك لي الواجهة ديالو مزينة حتا هي وبلاكة كبييرة تعلقات فالوسط مكتوب عليها " مصحة الرأفة" والزينة هابطة مع بابو والنفاخات دايرين بيه على شكل قوص..كان المنظر زوييبن وكيبعث فالواحد واحد الطاقة والامل والتصميم ديال لكلينيك عااامة كان كيتمحور على هاد الفكرة لا فألوانو لا فأثاثو لا فتصميمو..كلشي موفر من A حتا Z..حتا حاجة ما ناقصة..وقفو بربعة فوسط الحضور لي كاين فوسط الجردة ولي داز من حداهم كيباركلهم ويهنيهم على لكلينيك الجديد..كانو مجموعين اقارب وأصدقاء بالاضافة لطاقم العمل لي ايخدمو فلكلينيك..من اطباء للممرضات لحراس طباخين عمال النظافة..مهم الطاقم كاامل وكل واحد كيجي يهنيهم ويرجع يوقف فبلاصتو حدا الطبالي طوال لي دايرين بالجردة ولبوفي لي موجود فالجنب واقفين عليه لي كاغصون.. ورؤيا كدور عينيها كتقلب على حسن وجلال والبقية لي مزال ما بانولها..حتا شافت شامة وياسين داخلين من الباب وجايين جيهتهم..شامة بلباس حجابي مأدب وانيق وياسين لابس داكشي سبورتيف ويديهم مشبوكين مع بعضهم والابتسامة مزينة وجوههم..نضمو ليهم وقفو معاهم كيضحكو ويتجمعو ورؤيا كل شوية تحس بشي خبطة فكرشها وتحط يديها عليها كتماصيها وفراس مقابلها بعينيه وكيدوز يدو على ضهرها
فراس:اجي تجلسي!
رؤيا:(بابتسامة)لا غير خليني..ما يحتاجشي..ما عييتشي غير ولدك جالس عليا خبط يا ما تخبط من الصبح
فراس:واجي جلسي وعطي الراحة لراسك شوية..ها هما دابا وهما وصلو وديك الساعة نبداو
رؤيا:لا غير خليني..(تنهدات كتشوف فلكلبنيك قبالتها وساااهية)فراس؟
فراس:وي!
رؤيا:(شافت فيه وعينيها كيتغرغرو)شكرا بزاااااف افراس!
فراس:(طلع حاجبو)راه هضرنا فهادشي..ما درتلك واااالو باش تبقاي كل مرة تشكريني..راه كلشي ديالك..(هز صبعو)واااخر مرة تبقاي تشكريني على هادشي باش ما نخسرش معاك!
رؤيا:ههه وااااخة..مي يانا ما كنشكركشي غير على لكلينيك...يانا قلتلك شكرا على كلشي....شكرا على تحقيقك حلم ما كنتشي كنقدر حتا نحلم بيه....شكرا حيت كتبغيني....شكرا حيت كتهتم بيا...شكرا حيت خليتيني نكون مراتك....شكرا حيت عيشتيني أحسن عام عشتو من نهار خلاقت....شكرا حيث خليتيني نبغيك....شكرا(هزات يديه وحطات كفو على حنكها لي نزلات معاه دمعة وتبعاتها أخرى فلحنك الاخر)..شكرا حيت نتينا فحياتي..كنبغييييييك
سكتات وهي حاطة يديه على وجهها وكتشوف فيه بابتسامة خفيفة وسرحانة فعيينيه لي كيشوفو فيها بنظرة غريبة ومتبع مع دموعها لي كيهبطو مع حناكها وساهي فيها فصمت..خرج يدو من جيب السروال وحطها على حنكها لاخر ضام وجهها عندو وناسيين شكون وشنو داير بيهم
فراس:(تنهد بارتياح وفوجهو ابتسامة جميلة وصباعو لكبار كيمسحو دموعها)من نيتك كتشكريني ارؤيا!!...الا كان شي واحد خاصو يgول شكرا فهو انا...انا لي خاصني نgولك شكرا حيت خليتيني ندخل لحياتك....انا لي محظوظ وبزاااف حيت فزت بيك من دون كلشي....انا لي خاصني نشكرك حيت لولاك ولولا وجودك ما عمري كنت انعرف شي سميتها الحب فحياتي..(حطات يديها على يديه شادة فيهم)انا الا بغيتك فحيت قلبي ما خلاقش باش يدق لشي واحدة من غيرك....والا كنت كنهتم بيك فحيت ما نقدرش نشوفك غير ونتي ضاحكة...اما بالنسبة لحبك ليا فكنعتابرو هدية وهدية غاااالية وجوهرة ناادرة...ونتي ختاريتيني انا ومن بين بزااااف باش تعطيهالي وتخليني اكثر رجل محظوظ على وجه الكرة الارضية..شكرا حيت جعلتيني محظوظ حتا لهاد الدرجة...كنموووووووت عليك
جر وجهها عندو قرب جبهتها لفمو وباسها بقوووووة وبعد وجهو كيشوف فيها بابتسامة وهي كذلك مسحلها دموعها لي هابطين وجرها عندو معنقها من الجنب وهي حاطة راسها على صدرو ومدورة يديها موراه وحاطة يد لوخرى على كرشها وكلشي عاطيهم العين وكيشوفو فيهم بنظرات مختالفة..حتا تمات هنية وجلال وحسن وابراهيم داخلين متابعين وجلال كيتمشى بالعكاز باش يعاونو فلمشي..شافتهم رؤيا وهزات راسها على صدر فراس بضحكة عريضة وكتشير ليهم باش يجيو عندهم..قربو منهم سلمو عليهم وباركولهم ووقفو كيطمنو على بعضهم وشي كيسول على الصحة دشي حتا سالاو وجمعو كلشي علنو على بداية الافتتاح وكلشي تاجه جيهة الباب ديال لكلينيك لي محبوس بشريط احمر معقود فالوسط بالسريفة مقادة ووقفوها هي فالوسط وهي كتشوف فيهم وتضحك وشادة فكرشها ومرة مرة تجمع حجبانها بانزعاج
وقفات فالوسط وهما دايرين بيها وكتسرط فريقها..قرب فراس وقف بجنبها ومدولها مقص مربوط بوردة بيضة فالوسط وخشاتو بين صبعانها وحطاتو على الشريط وهما كيحسبو بصوت جماعي مرتفع..واااحد..زووووووج..ثلاااااثة 🎊🎉🎊🎉 التصفيقات والتصفيرات فكل قنت واصوات المفرقعات والموسيقى مع الضحك ديال الجميع والسينتة لي فالوسط تفرقات فالنص وكلشي فرحان والهاراج فالارجاء ورؤيا كتشوف فيهم فرحااانة وهو معنقها بالجنب وكل شوية تزير على قميجتو من الخلف وتضغط على فمها وهو كيشوف فيها باستغراب
فراس:حبيبة!!مالك؟واش عيانة..نمشيو فحالنا!
رؤيا:(زيرات على فمها وجمعات النفس وطلقاتها)اممم..لا غير خلينا
فراس:مأكدة!
رؤيا:حركات راسها بالايجاب وتبسماتلو
فراس:(بابتسامة)اوك على خاطرك..الا عييتي gوليهالي نمشيو
رؤيا:اوك
قربو منها العائلة كيسلمو ويعنقو ويباركو مرة اخرى وهي مرة تضحك مرة تغوبش وكتمتم بفمها
رؤيا:لا يا ربي ماشي دابا..اووووه(كتنفس)
حطات يديها على كرشها كتماصيها بحركات دائرية ومرة مرة كتجمع النفس وطلقها..كيجيوها خبطات قوية على غفلة ولكن دغيا كيفوتو وحتا تنسى وتجيها نغزة عاود..جرها فراس من يديها داخل هو وياها من باب لكلينيك والتباقي موراهم داخلين بشوية حتا وقفاتلو فنص الكلوار مزيرة على يدو ومغمضة عينيها بقوة
شدها فراس بين يديه وهزها بالزربة وبالو غير معاها وهي كتعصر وتأنن وكتعض على فمها وكتزكي مرة مرة بصوت خفيف وتهرنن شادالو فالكول دالقاميجة ومزييييرة عليها كتجر فيها حتا قطعاتلها الصدايف..والاطباء لي كانو تما جراو جابو نقالة لي مزالة جديدة حطها فيها ودفعوها قدامهم كيتجاراو شي مور شي والحضور حتا هما شي بقى واقف شي تبعها ترون لكلينيك وعلن حالة استنفار..
فراس:(وقفهم فباب غرفة العمليات)يدخل شي ولد لمرى نذبح موووو..رجع فحالك نتا وياه..ونتوما تحركووووو قدااامي
وجه هضرتو للاطباء الذكورة وقفو فبلاصتهم كيتمتمو وتبعوه للممرضات وزوج طبيبات دخلوها لغرفة العمليات كيوجدوها بالزربة ولي جبدوها كتجبد مزالة فميكتها جديييدة..تحطات على الباياص عرقانة وكتزحم وهما كيلبسو فطبلياتهم ويغسلو فيديهم وفراس فوق راسها كيدوز يدو على جبهتها ويمسحلها لعرق ويصبرها وهي كتززززحم بقوة وكتنفس وترجع تسووط وكتطلق صرخات خفيفة والممرضة كتعبرها الضغط واخرى كتوجد فالحقن لي ايحتاجو
فراس:(شاد فيديها لي مزيرالو عليها)صبري احبيبة صبري..كلشي ايفوت
فراس:هااا..شنو ااا اه واخة واخة(دار زولولها كيرجف وخلاها عريانة من تحت وغير لكسوة لي ساتراها وهز راسو فيهم)طلقو راسكم المرض دغياااااا😡..شكااتسنااااو!توقعلها شي حااااااجة نريبو لمكم فووووووق ريووووسكم..يااااااله طلقي رااااسك نتييي وياااها!
بقاو كيزربو كثر وشي كيدخل فشي ويله دارت الطبيبة لي غادي تقبلها وهي تزحم بقووووووة وخرجات صرخة وحدة قوية وتبعها صوت بكااء طفل صغييير خارج لدنيا ملطخ بالدماء وبالماء دالكرش وزرق وكيوغوغ بصوت مرتفع..توقف الزمن للحظة كلشي مبهوض ما فهمو والو وكلشي داز بالزربة وهي رمات راسها موراها كترد النفس وفراس عينيه خاارجين كيشوف بين رجليها وفالطفل لي خرج وجا فوق الباياص مباشرة والحبل السري رابطو بالام ديالو..جرات الطبيبة بسرعة قطعات الحبل لي بيناتهم وهزاتو وقلباتلو راسو كضربو ضربات خفاف على المؤخرة ديالو وهو كيرعرع والممرضات كيقلبو ضغطها ونبضات قلبها وكلشي كيدوز بالزربة قدام عينيه..حتا هزات راسها بابتسامة وشافت فولدها لي غادة بيه الطبيبة باش تشوف صحتو
رؤيا:اريه..عطيهلي!
قربات الطبيبة منها شاداه بين يديها فحال شي كميشة وفراس متبعو بعينيه ومبهوض فحجمو الصغير ويديداتو ورجيلاتو لي كيفركل بيهم وكيبكي وحطاتو فحضنها ورجعات للخلف
زيراتو عندها باستو من جبهتو لي لاصق عليها شعرو الكثيف الاسود وعينيه منفوخين ومغمضهم وفمو ونيفو صغييورين ووجهو كامل منفوخ..هبط راسو عندهم وقرب شدلو فيديه وهو يزيرلو على صبعو بيديدتو الصغيرة لي مزالة موسخة وفتح عينيه بصدمة كيتبسم يشوف فيها ويشوف فيه
هبط هو بابتسامة فرحة عريضة على وجهو باسها من جبهتها وقلب وجهو لولدو كيتأمل فيه وهبط باسو حتا هو من جبهتو وهو كيبكي فوسطهم ورؤيا كتبكي معاه وتضحك دموعها ما بغاوش يحبسو وفراس بيناتهم داايخ والفرحة لعباتلو على الاعصاب ديالو ما بقاش عارف شنو يدير تلف وبقى غير ساكت وكيشوف فيهم وكيحس بيد ولدو مزيرة على صبعو
فراس:(حط جبهتو على جبهتها)ههه على سلامتك
رؤيا:اههئ شووفو افراس مزيون ياك
رؤيا:اهنهئ شوفو افراس..مزيون ياك هه
فراس:وييي مزيون هه
الطبيبة:سمحولي..خاصنا نفحصوه؟
رؤيا:ههه واخة
قبلاتو من الجبين ديالو ومدات الطبيبة يدها هزاتو وهو جار معاه يد باباه وشادلو فصبعو ومزيييير وكيبكي ما بغاش يطلق منو..تبسم فراس وهو حاس براسو مرفوووع ما متيقش بقوة الفرحة..قرب صبعو لعندو وباسلو يديه الصغيورة وفكلو صبيعاتو بشوية فحال الا خايف على شي بيضة تهرس..خذاتو الطبيبة ودارت بيه هي والممرضات وطبيبة اخرى قربات من رؤيا كتصفيلها كرشها وتنقيها وفراس كيدوز يدو على جبهتها فرحان ومرة مرة كيهز عينو جيهة ولدو..
حوالي الساعة 1 دالنهار كانت متكية فغرفة من غرف المستشفى جدرانها بيضاء وزرقاء خاصة للنساء لي عاد ولدو..لابسة بيجامة صيفية بسروال وتيشورط ديالو فالابيض مع وريدات صغيييورين غوز مزينينها..شعرها جمعوهلها على شكل كعكة باش ما يصهدهاش وبوندو بيض بعقدة على شكل سريفة فالجنب..مغطية بليزار فالشيبي خفيف مجلسينلها راسها شوية والعائلة دايرة بيها وجالسين فالفوطويات الزورق لي على جنبها والفرحة ظااهرة على وجوههم
رقية:غزااال تبارك الله ماشاء الله..ربي يحفظو وينجيه..ههه بلاااارة هذا ما نئول
رؤيا:ههه
هنية:طالع لباباه ويماه تبارك الله ههه
زينب:وييي..مي الصراحة تقال..كيشبه لفراس كثر اولا!
رقية:واخذ منهم بزوووج..كل واحد خذا منو شوية بلحئ شعرو غير دفراس..والتبائي مزال ما يبان دابا..راه مزااال صغيور
جلال:وا نتوما الله يهديكم يا هاد لعيالات..كيشبه ليماه ولا لباباه مهم الصورة مكمولة..ونتوما جلستو كتفصلو فيه!
حسن:ههه الله..كبرتووني صافي..رجعتوني جدو
رؤيا:ههه وشني بغيتي تبقى ديما صغير..راك شرفتي من شحااال هذا ههه
زينب:لاااااا..بلعكس..مزال صغير تبارك الله..من دييما ما كيبانش فيك الشرف وكتبان صغر من عمرك
حسن:ههه هاانتي قوليهالهم..قالك شرفت..نتوما لي شرفتوني بلا وقت
رؤيا:هههه
دخل فراس مع الباب والابتسامة على وجهو خلا الباب مفتوحة ودخل عليهم قال السلام وقرب عندها وقف هليها باسها من جبهتها وجلس بالجنب فوق راسها
فراس:كيبقيتي..شوية
رؤيا:لا مزيانة الحمد لله..فيا النعاس وصافي
فراس:ايوا ن..
شامة:(قاطعاتو)اختي يانا ما عرفتك ولدتي ولا كنتي كتلعب..كي عملتيلا يله دخلتي خرجوك فلبلاصة!!خاصك تشوف كلثوم نهار ولدات..نوضات حريقة فالجبل كااامل بغواتها الليل كامل..وفاش ولدات وسالات فلبلاصة طاحت مهدودة وشحال وهي ما كتقدر لا تحرك لا والو!!
رقية:ئول تبارك الله هانتين اتئوص عليها..شفتيها بعين الرحمة يا لطيف
رؤيا:ههه ماشي كلشي فحال فحال..كل واحدة وكي كيجيها لوجع..كاينة لي كيكون حريقها صعيب وحار وكاين لي لعكس..وحتا كثرة الحركة كتلعب دور كبييير..المرى لحاملة ما خاصاشي تبقى غير جالسة وكتكحز..بلعكس خاصها تنوض وتحرك وتمشى وتريض باش هادشي كيعاونها وكيسهل عليها لولادة وهادشي لي كنت كنعمل يانا فهمتي!
شامة:اممم..قولي هايدااك يانا زيالي كلشي فحال فحال
رؤيا:ننن غلط
ياسين:(بهمس)تعلمي واستافدي..باش توجدي راسك(غميزة)
شامة:الصمت
رقية:ههه وا حتا هي كانت كي الزوائ ما كتجلسش غير من لهنا لهنا..حنا نئولولا جلس وهي توئف ههه
رؤيا:هههه..احم فراس!فاينوا مزال ما جابوه
فراس:ها هما جايبينو دابا..غير ارتاحي
رؤيا:تعطلو بز...هاااا هو حبيبي..اراه اراه دغيا
تقدمات ممرضة بابتسامة على وجهها هازاه فيديها منقيينو وغاسلينلو وملبسينو حوايج فالشيبي والابيض وطريبيش بكرينات فوق راسو وملويينو فليزار ازرق دااكن برسومات فالاصفر..مدات يديها وحطاتولها فحضنها وهو مغمض عينيه وناااعس ومكمش يديه جيهة فمو..بشرتو بييضة صافية فحال دماماه ورموشو طوال وكوحل فحال لون شعرو..هزات صبع السبابة كدوزو على حنيكاتو وتفرح بيه وفراس كيضحك ويلعبلو فرجيلاتو الصغيورين لحميمرين وهما دايرين بيهم كيهضرو ويضحكو وابراهيم غير ساكت وساااهي حتا نطقات رقية
رقية:ايوا ودابا ما ئولتولناش..شنو اتسميو الغندور ديالنا هه!؟
هزات راسها شافت فيه وشاف فيها بابتسامة ورجعات هبطات راسها ووجهات هضرتها لرقية
رؤيا:فراس لي ايسميه..هادشي لي تافقنا عليه هو يسمي الولد اللول ويانا الا كتاب نسمي الثاني ههه
فراس:ههه
رقية:ئولي هكااك..ايوا ونتين شنو ئررتي تسميه!
شاف فرقية بابتسامة جانبية وغمزها وقلب وجهو جيهة ولدو هز رجيلتو باسها ووقف ماد يدو لرؤيا باش تعطيهلو..مداتولو فيديه وهو كيحاول يهزو مقاد ورؤيا كتوريه وتنبهو..هزو بين يديه مكمشو عندو وقرب لوذنو وكلشي عاطيه العين وطالقين وذنيهم معاه
فراس:الله اكبر الله اكبر..اشهد ان لا إله الا الله وأشهد ان سيدنا محمدا عبده ورسوله
رددلو الاذان فوذنيه بصوت خفيييف باش ما يخلعوش وميفيقش وهو كيحرك يديداتو الصغار بشوية حتا سالا الاذان ونطق
فراس:براااء..انت إسمك براء..براااء
قبل جبينو وهز راسو كيشوف فيهم وهما كيعلقو على الاسم شي عجبو شي جاه غريب وهو قلب وجهو جيهتها
شاف فيها وهي كتبسم وترمش بعينيها وقرب جلس حداها بالجنب وشاد ولدو فيديه
فراس:عجبك!
رؤيا:بزااااااف..براء هههه اسم مزيون(قربات من ولدها كتهضر معاه بصوت طفولي وتلعب بيديدتو) ويتك وييتك على برااء..حبيب مامي براء..فتح عوينات نسوفهوم فتح فتح ههه
فراس:هه منين خرجوه وهو ناعس..بااااين طالع لمو هاد خينا ههه
رؤيا:ههه خلينا بصحتنا..ياك احبيبي..نعسو ونشبعو نعاس..حتا حد ما سوقو فينا هه
رقية:ايوا نعس ابنتي..حنا نخليوك دابا ترتاح ونمشيو نوجدو راسنا..راه السبوع ديال الغندور ديالنا سي براء جاي..خاص كلشي يكون مسمئ وعلى حئو وطريئو ههه
زينب:وييي..انا انعيط للشركة ديال تنظيم الحفلات لي موالفين نتعاملو معاها وهما يتكلفو باش كلشي يكون فالمستوى
رقية:ايوا اختي حنا خصنا داكشي تئليدي ويكون بالعادات والتئاليد ديالنا لي كنعرفوها..اما الا كنت اتجيبهم يديرولنا داكشي ديال هيشيك بيشيك غير بلاش..انا نتكلف بكلشي!
جلال:لا حول ولا قوة الا بالله..زعما سوق النساء..ونوضو اخياتنا نخليو الناس ياخذو راحتهم ونتوما تافقو على هادشي ديالكم فالدار..راه السبوع مزالو 7 اياام ارى ما تبلانيو
رقية:ايوا مزيااان..على هاد لحساب اتجي اتلئاني موجدالك واحد لالاتي مولاتي ئصرية دالتريد ما نئولكش..وبالدجاااج البلدي ولمساخن باش تئوى وتئوت مزياان
رؤيا:الله ايماااا..شهيتيييني..بلحق عندك تعملي فيها الحلبة عارفاني ما كنحملاشي
رقية:هيا لي ما تعاودش..ما تكون غير على خاطرك
سلمو عليها واحد واحد وعلى فراس ورجعو باركولهوم وخرجو متابعين واحد مور واحد وسدو الباب موراهم وهو وقف بشوية وحطو على جنبها فسرير زجاجي عالي وخلاه ناعس وجلس حداها بجنبو وجرها عندو لصدرو وهي حطات راسها عليه معنقاه وكطل على ولدها بابتسامة
فراس:(باسلها راسها)مبروك علينا ههه
رؤيا:ههه الله يبارك فينا
فراس:دابا نتي وولدك فتاتحتو لكلينيك ودشنتوه بمعنى الكلمة ههه
رؤيا:ههه عمري نسى هاد النهار
فراس:هههه ولا انا(تنهد)اححم يله نعسي احبيبة وارتاحي
غمضات عينيها واستسلمات لنعاس بين يديه وهو بقى حاضيها وحاضي ولدو وفرحان بيهم
داز اسبوع عليهم فالتوجاد والتحضير وجري من هنا وجري من لهيه..الفيلا عمرات ورؤيا فرحانة هي وفراس ما قاداهم فرحة..كلشي داير بيها وكيهتم بيها وبماكلتها ورعايتها وهنية وزينب ورقية يقيلو يتناكرو على الولد شكون تغسلو وشكون تلبسلو وهادي هاكة كتكون وهادي لا..ورؤيا واحلة فوسطهم وفلخر كتهز ولدها وتمشي تقابلو راسها وتخليهم.. صحات من يومها الثاني وناضت عادية كتمشى وتحرك عادي واخة مرة مرة كتعقر وانما ماشي بزاف..فراس ولدو دالو لعقل كثر من كلشي غير غادي ويهترف بيه ولاصق فيه وما بقاش كيقدر يتحرك من حداه وهو بدا يفتح عويناتو وبانو عينيه الكوحل لكبااار لمدورين ولمشفرين ما شاء الله ووجهو لملائكي والضحيكة ديالو البريئة وحنيكاتو لمهبزين ومخلي كلشي ايحماق عليه
صباح النهار السابع وناضت رؤيا بكري على صوت بكاه لقات فراس واقف عند راسو باش يهزو وكيسكت فيه
فراس:شش صافي ابابي صاافي..اجي عندي
هزو عندو بشوية وهو بكونبيلوزو دالنعاس فالشيبي فيه نجيمات زورق وطريبيش فوق راسو فيه كرينات صغار وكيطبطب عليه باش يسكت
فراس:ششش فيك الجوع احبيبي هاا..باغي عام عام!
رؤيا:(نعسانة)امم صباح الخيير..اراهلي نرضعو!
فراس:هه صباح السعد يا وجه السعد..ههه هااا هي مامي فاقت الخانز يله سكت
مدولها وهي ناعسة وكتجلس بشوية عليها وشعرها مخربق ومزالة ما فتحات عينيها مزيان باقة مدوخة..حطاتو فوق فخاضها وهو كيوغوغ وجبدات بزولتها من الطوب الواسع لي لابسة فالاورونج دالنعاس بشورطو فلكحل وهزاتلو راسو عطاتو يرضع وهو يسكت كيجر فلحليب لي رجع فيها كثيير وصدرها تنفخ بيه وكيضرها
سالاتلو من بعد ما لبساتو جبادور فالزيتي مخدوم بالصقلي حر والخدمة دلمعلم وشعرو الاسود مشطاتولو وقاداتو ورجعات حطاتو فناموسيتو كيلعب وطالق وذنيه مع صوت اللعبة لي كدور فوق راسو وكيحركو يمين يسار بحال الا كيقلب على شي حاجة وناضت هي دخلات دوشات بالزربة وخرجات كتلبس وتقاد راسها باش تحضر لذبيحة ديالو..سرحات شعرها بالزربة ولبسات ملابس داخلية ودارت فوطة صحية ولبسات قميص جوهرة فالزيتي بحال اللون لي ملبساه ومخدوم بالراندا فالذهبي واصلة حتا لتحت مع فتحة صغيرة لقدام وشريبيل دالصم فرجليها وعطره مور وذنيها واكسيسوارت خفاف حتا دخلات عليها رقية
رؤيا:(شافت فيها بابتسامة )يما!صباح الخيير كيصبحتي
رقية:مزيان الحمد لله..نتين كيبئيت!
رؤيا:الحمد لله
رقية:(غادة جيهة الطفل)فايئ الغنضور..تبارك الله ما شاء الله..ربي يحفضو وينجيه..كاع ما سمطتيه؟
رؤيا:امين..امم لا ما عرفتشي!
رقية:ايوا شلاااا تما..راه السماط ساهل انبئى كل مرة نوريهلك..مهم جيبولي انا نسمطو يله
رؤيا:لا غير خليه هاد النهار بلاش..بغيت نلبسو حويجاتو ولا سمطتو خاصو يبقى بيه!
رقية:(جبدات كموسة خضراء كتعقدهالو فيدو)واخة لي بغيتي..مهم خليلو هادي فيديه تحبس عليه عين بنادم..عنداك تحيديهالو
رؤيا:ههه الله يهديك ايما..واش هادشي ايحبس عليه العين
رقية:او مالك كيجاتك!سكت نتين شكاتعرف!مهم خليهالو..ويله طلئ راسك هبط راهم ايذبحو دابا كيتسناوك غير تهبط نتين!
هزات ولدها بين يديها وهو كيشوووف فيها ويحك راسو فصدرها وعينيه معسلين بالنعاس وهبطات هي ورقية خرجو للجردة لقاو العائلة لقريبة كلشي تما ضايرين على مساحة فوسط الجردة مرصوصة بلحجر ومفرشين عليها ليزار بيض وزوج حوالا صرديين سمان ووافيين وصوفتهم نقية كتشعل شادينهم الرجال من جرونهم وهما كيعافرو فوسطهم وفراس غير واقف هو والعائلة وكيشوف فيهم حتا شافها جاية وتبسم فوجهها من بعيد وقرب عندها لابس شورط دجين فالموطارد مع قميجة فالاسود طاويلها لكمام وكلاكيطة دالصبع فرجليه
فراس:هاي هاي الزين الفتان جاا
رؤيا:ههه
فراس:هه اريلي ولدي
رؤيا:هه خليه ناعس اتفيقو
فراس:خليه يفيق ياك عاد كان ناعس..وا فيييق اصاحبي!
رؤيا:اواعدي خلي الولد ناعس..اتخلعو!
فراس:ونتي مالك انا وولدي ونتي شدخلك هه!
رؤيا:هه زول زول وزيد قدامي..راهم كيتسناونا!
فراس:(كيحك راسو من الخلف)امم كون غير جمعتي داك الشعر حسن
رؤيا:علاش شعندو!!
فراس:فففف والو والو يله زيدي!
تقدمات قدامو بشوية وهو حاط يدو مور ظهرها ووقفات بعيدة شوية سلمات عليهم وبداو الذبيحة.. وطيحو الحولا بالزربة واحد مور واحد وهما كيفركلو وزوج رجال حاكمين كل واحد من رجليه وحسن تكلف بالذبيحة سمى الله وكبرو وسماوه وهزوهم من تما وداوهم فلبلاصة ورجعو هما دخلو للفيلا وكل واحد فين مشى كيقضي شغلو شي جالس كيتجمع شي كيقابل التوجاد شي مقابل التيليفون كل واحد فين تالف وهي طلعات ولدها وطلعات حطاتو فبلاصتو وغطاتو وخلاتو ناعس وجلسات حداه..
طاح الليل والجردة كلها مزينة ومقادة وموسيقى اندلسية مطلوقة كبداية للاحتفال بالعقيقة..زوج خيمات كبااااار وواسعين بتصميم جميل مجهزين بطباليهم واضوائهم وزينتهم..والناس داخلين بلباسيهم ومسكسفين الحالة من كل الطبقات..شي من معرفة فراس وعائلتو شي من عائلة رؤيا وجيرانها كلشي معروض باش يشاركهم الفرحة..فرقو النساء على الرجال كل مجموعة فخيمة بوحدهم..ورقية وهنية وزينب فحال التوام غير غاديين متابعين كيجرو فتكاشطهم ويرحبو بالناس ويتناكرو بيناتهم..حسن وابراهيم وجلال مكلفين كيرحبو بالرجال وفراس معاهم بجابادور فالاسود قاتم ومخدوم بنفس اللون وبليغة فرجليه صفراء وتقاشر بويض وساعة يدوية روليكس فيدو الشمال..مطلع الشعر ومقاد اللحية وداير ابتسامة خفيفة..خرج من تما وخلاهم هما سول رقية على رؤيا واش هبطات قالتلو مزالة ودخل فحالو طالع عندها للبيت وما مسوق لحتا واحدة او واحد دايز من حداه
فتح الباب بشوية ودخل وسدو معاه وتقدم كيقلب عليها بعينيه حتا كتخرجلو من مور باب لبلاكار لي سداتو ودارت باش ترجع عند ولدها لي حاطاه فوسط الناموسية
مع الدورة لي غادي دور شافتو وهي توقف كتشوف فيه وكتشوف وجهو لي مصدوم وراسمة على وجهها ابتسامة خفيفة..كيرمش عينيه ويعاود ومكمش جبهتو باستغراب..عينيه طالعة مع رجليها كيشوف فاللبسة البيضة لي لابسة وكلها جوهر وطرز وخدمة ثقيلة بالوان مختالفة على طوول الدورة ديالها من تحت وطاالعة بعريشات فحال الاغصان حتا لفوق فين كاينة مضمة بيضة خفيفة فحال السينتة دايزة ويدين طوال مضيقين شوية..وعينيه ما ركزوش مع هادشي قد ما ركزو على الشال الابيض لي مقاداه فوق راسها ورامية اطرافو مور كتافها بطريقة انيقة..ماكياج بسيط ومخدوم مزيااان مركزة فيه على عينيها بالايلاينير والرموش..تبهض وقرب منها بشوية وهي دايرة ابتسامة جانبية وكضحك على ردة فعلو
رؤيا:هه شعندك تبهضتي ههه
فراس:(بعدم تصديق)شنو هذا!تحجبتي!ولا غير بغيتي ديريه!ولا كيفاش!
رؤيا:هههه اححم(تنهدات بارتياح والابتسامة على وجهها)وي..تحجبت ههه..وإن شاء الله عمري ما انزولو!كيف جاني مزيون!
فراس:الصمت
رؤيا:ما عرفتشي نقادو ياك!النهار كامل ويانا كنشوف فاليوتوب ونجرب..بففف ما معوطشي ياك! شعندك..ساكت واش ما عجبكشي قو..
قاطعها بضمة لصدرو على غفلة وعصصصصرها فيه وهي مخرجة عينيها حيت غفلها
فراس:اخخ ما تخيليييش فرحتي قداااش..فرحتيني بزااف بزاااااف..جيتي فنة ومسراارة وكتحمقي وزاادك الحجاب نور على نور(باسها فجبهتها بقوة)عرفتي شحال من مرة كنت كنبغي نgولهالك..وكنرجع نgول خليها ما نبززوش عليها حتا تبغي هي ديرو(رجع عنقها)والله حتا فرحتيني
رؤيا:ههههه(بعدات عليه كتشوف فوجهو)حتا يانا كنت عااايقة بيك..من نهار العرس دشامة فاش رميتي القب على راسي ههه(تنهدات)ومن داك النهار ويانا كنفكر فيه..هادي شي شهر تقريبا وكنت مترددة واش نعملو ولا لا بلحق هاد الصباح فاش قولتيلي كون جمعتي شعرك خليتيني نزييد نفكر كثاااار..وحفزتيني باش نعملو!
فراس:(تنهد)انا ما باغيكش ديريه بزز منك او حيت فرضتو عليك..كون بغيتك تلبسيه بزز كون شحااال هادي لبستولك..مي انا باغيك ديريه عن إقتناع ماشي غير حيت انا بغيت
رؤيا:لا لا والله ما بزز..بلعكس مرتاااحة ويانا لابساه..حاسة بواحد الاحساس زوييين..يانا اه فكرت فيه بسبابك ولكن ما عملتو حتا جبرت راسي قادة بيه..واصلا هذا هو لي خاصو يكون..ربي يسمحلي وصافي كنت مقصرة من هاد الناحية!
فراس:(باسها فحنكها)ماشي مهم لي فات المهم هو دابا..حتا واحد فينا ما كامل وعمرنا نكونو كاملين(ضم وجهها بين يديه وساهي فيه)عرفتي والله حتا جاا معاك ههه شحال تخايلتك بيه وما حسابنيش اتجي فيه زوينة حتا لهاد الدرجة
رؤيا:ههه بصح!ياك جا معايا..من الصباح ويانا نعاوط فيه
رؤيا:هههه..زول منو خليني نغطيه باش نهبطو راه الناس كيتسناو
فراس:وخليهم يتسناو!ومن بعد!
رؤيا:ههه الله يهديك وصافي..
فرشات ليزار على الناموسية وطلقاتو وفراس كيداعب ولدو وهزاتو بشوية عليه باش ما يفيقش وحطاتو فوقو وجمعات عليه اطراف ليزار ووقفات كتقاد لبستها وشالها وكتهضر هي وياه حتا سالات وهزاتو بين يديها مرخي ونااعس وتقدمات قدامو وهو فتحلها الباب كيشوف فيها باعجاب وهبط باسها من حنكها بقوة وهو فرحان وخرجو..
دخلات عليهم مع الباب وبداو بالزغاريت والصلاة على النبي وايقاعات حماسية مطلوقة وعائلتها كيشوفو فيها باعجاب وبالحجاب لي دارت وعطاها نوووور سبحان الله ولبيض واتاها وجات فحال شي أميرة نازل عليها واحد السر بوحدو وكلشي فرحانلها وكيباركلها وكيسولوها واش تحجبات بصح
داز السبوع بعاداتو والنشاط والفرحة..الحلوى والمأكولات والعصائر على الاشكال ما خلاوش شي حاجة ما داروهاش وكلشي متول ومقاد وفرحو بمولودهم الاول احتفال ايبقاو الناس يتفكروه سنين وسنين
تسالا السبوع وتفرقو الناس وطلعات رؤيا باش طل على ولدها لي طلعاتو قبل ما يسالي السبوع باش ينعس فبلاصتو مرتاح وخلاتهم كيودعو العائلة لي غادة بحالها والمعازيم وفراس كيسلم على ضيوفو.. دخلات مع الباب وهي عياانة ومسخسخة وعينيها كيتلصقو بالنعاس حتا كتفاجئ ووقفات مصدومة...
بقات واقغة فبلاصتها وكتشوف فابراهيم لي هاز براء فيديه وضامو لعندو كيشم فريحتو ويرجع يبعدو عليه يشووف فوجهو حتا هز عينيه الحومر بالدموع فيها وبدى كيرمش ودور وجهو بالزربة كيتفتف وغادي جيهة بلاصتو يحطو فيها
ابراهيم:ييي..يانا غير كنت دايز..اححم كنت دايز وسمعتو كيبكي وجيت نشوف شعندو!(بجدية)ما كتصلاح نوالو حتا ولدك سامحة فيه ومخلياه ايحماق بلبكى..بفففف من يوم يومك كيجيو من موراك غير لمصائب الله يستر
هو كيهضر ويخبع عينيه لي مدمعين وكيحاول ما يشوفش فيها وهي عينيها غرغرو فلبلاصة وكتشوف فيه بأسى وحسرة وفمها كيرجف
ابراهيم:(بغى يخرج)زول من قدامي..تحرك..وتبقى تقابل ولدك ماشي ولدتيه باش تسمح فيه!
رؤيا:(بصوت كيرجف)جج..جد وو!!
ابراهيم:(عاقد حجبانو)يانا ما جد حد كتسمعيييي..عمرك تعاود فهمتيي!
رؤيا:(دموعها هابطين وحدة مور وحدة)ججدو شوف فيا!
ابراهيم:قالب وجهو كيشوف فلباب وعاطيها بالجنب ومزير على فمو
رؤيا:(بتردد حطات يديها على كتفو)اهنهئ شوف فيا!
قلب وجهو بالزربة كيشوف فيديها لي على كتفو وكيرجع يشوف فيها مخنزر وعينيه حومر وهي سااهية فعينيه بعينيها لمدمعين وكأنها كترجاه.. زير على فمو بقوة وهو حابس البكية وكيطلع فيها ويهبط ويديها بداو كيرجفو..بقاو هاكاك لدقائق حتا نهاار قدامها وهبط راسو كيشهق ويبكي وكيرجف وهي كتشوف فيه وتبكي ما قادراش تقرب منو وغير صوت بكاهم لي كيتسمع..بكى بحرقة وهز راسو شاف فيها وجرها عندو من راسها وقربها لصدرو وزيرها عندو كيبكي وهي دورات يديها عليه كتشهق
ابراهيم:سمحلي اهئ انهئ سمحلي ابنتي انهئ اهننهئ عمري نسامح نرااسي على لي عملتو معاك انهنئ اهئ
رؤيا:(زيرات عليه كتبكي وتشهق ما قادراش تهضر)
ابراهيم:سمحلي اهئ اهئ سمحلي
بقى هو وياها هاكاك هو مزيرها عندو وهي كذلك وكيبكيو بزوج بحررقة وهو ففمو غير كلمة واحدة سمحلي..حتا بعدات عليه وهي كتخنصص وتمسح فدومعها بكمامها وتشهق وتشوف فيه
رؤيا:الله يسامح اجدو هء نتينا مع هء معذور اهنهئ.. ما كنلومكشي حيت يانا عارفة راسي اهئ اهنهئ يانا لي كنت السب..
ابراهيم:ششش لا نتينا ماشي السباب اهنئ لا ماشي نتينا(كيمسح دموعو)هذاك مكتاب ربي..نتينا ما ليك حتا ذنب..يانا لي ضلمتك وخليتك تحس بالذنب على شي حاجة ما عملتيها لا بيدك لا برجليك..نتينا كنتي صغيورة ديك الساعة فحال ولدك(شاف جيهتو وهو ناعس)ههه كنتي فحااالو..كيشبهلك بزاااف فاش كنت صغيرة(شاف فيها)ونتينا كتشبه للمرحوم بزااف اهئ اهنهئ هو ربي بغاه فداك النهار وخداه
رؤيا:اهنهئ اهئ اهنهئ
ابراهيم:سمحلي ابنتي انهئ اهئ ما عارفشي شمن وجه انتلاقى بيه ولدي نهار نموت ويسقسيني على أمانتو اهئ انهنهئ شني انقولو! سمحلي ابنتي يانا غلطت غلطت اهئ اهئ غلطت
رؤيا:(ترمات عليه عنقاتو)اهنهنئ اهئ الله يسامح اجدو الله يساامح اهنهئ اهئ عمري حقدت عليك وعمري نحقد عليك..يانا مسامحاك اهئ انهنهئ
عنقها عندو كيبكيو وينوحو هو كيشم فيها ريحة ولدو وهي كتشم فيه ريحة باها لي ما شافتوش..حسات بواحد الدفء بوحدو حسات بحنانو وعطفو عليها..ما متيقاش راسها بلي هي فحضن جدها لي هادي 26 عام وهو ما كيشوفش حتا فوجهها..بكات وبردات وهو كثر منها حتا دخل عليهم فراس وتصدم وبقى واقف كيشوف فيهم ما فاهم والو وهما بعدو على بعضهم كيبكيو ويضحكو ويمسحو دموعهم
فراس:(باستغراب)ياك لباس!رؤيا شنو واقع!
رؤيا:والو والو ههه غير كنت كنهضر يانا وجدو شوية هه
ابراهيم:اححم..يله نخليكم دابا تصبحو على خير.. (شاف فيها بابتسامة شاحبة)بنتي تهلا فراسك ورد البال نولدك
باسها من راسها وهي مبتاسمة وهبطات باست يدو وجرها منها
ابراهيم:الله يرضي عليك..يله خليتلكم الراحة(تم خارج وشاف ففراس بابتسامة)تهلا فيها!
فراس:حركلو راسو بالايجاب وتبسملو ابتسامة خفيفة وخلاهم وخرج كيمسح دموعو لي ما بغاوش يحبسو وفراس دخل وسد الباب موراه وهي واقغة كتنهد براحة وكتشوف ففراس بابتسامة خفيفة حتا تلاحت عليه معنقاه كتبكي وتخنصص وهو تبهض ما فهم والو وكيحاول يفهم مالها وهي غير كتبكي.. جرها من يديها وجلسها على الناموسية وجلس حداه حاط يدو على خذها وهي كتمسح فدموعها
رؤيا:هو اهئ اهئ هو درعني افراس اهنهئ جدي درعني وطلب مني السماحة اهئ انهنهئ تخايل..ههه جدي لي 26 عام ما شاف فيا حتا فحال الناس انهنئ اليوم طلب مني السماحة
شاف فيها بأسى وهي كتبكي وتهضر وتشهق وتعبر بيديها لي كيرجفو وعينيها ونيفها لي حمااارو وشالها لي تخربق وخرجو منو شعيرات من الجناب ومن جبهتها وجرها عندو عنقها بالجنب كيطبطب عليها ويسكت فيها وهي غير ما زادت فيه تبكي وتضحك وتمسح فيه حتا بدات تسكت بشوية بشوية وكتقطع الحس وهزلها راسها بشوية كيتبسم فوجهها ومسحلها وجهها بيديه بشوية وباسها
جراتها من يديها لعندها وهي كتغذذ وهزاتها وقفاتها فوق الناموسية حيت ما تقدرش تبقى حانية لمستواها وتقابلات كتهضر معاها وشاداها من لجرينة ديالها كتجرها منها بشوية
رؤيا:تعاود!هااا..!تعاود!واش يانا نبقى مقابلة غير شريان التيليفونات معاك ما نساليشي!
بيسان:(بثقة)ما كتسليهومسي..بابي دالي كيسليهوملك..لكذوب ما مزيانس..احح سعلي
رؤيا:اربييييي غادي تفقصنيي هاد الجدرة واش..
بيسان:(شافت جيهة الباب وهي تبدى تبوحط) اهاااء بااابي دااالي اهئ اهئ
دارت رؤيا وهي مزالة شاداها من لجرينة ديالها وشافتو داخل مع الباب بتيشورط بيضة برسومات فالصدر مزيرة عليه وشورط دالدار رياضي فالاحمر فوق الركبة بشوية وكلاكيطة ومقاد شعرو كالعادة.. وكيقرب جيهتهم وهو كيضحك..
رؤيا:(بعصبية)ما كاينشي لي خارج على هاد البنت قدك نتينا وفشوشك..مضسرها بلا قياس!(كتجنن) واش باغيين تحمقووووني..داك صعصع ديالك ما بقى حد يقدر يهضر معاه!!وهاد لمزيودة الحارة غير غادة وكتفرطط ونتينا فيما نهضر معاك تقولي خليهم! واش باغيين طرطقوووووني
فراس:ههه وا بردي احبيبة ديالي..راه ما كيديرو والو غير نتي كتبغي تفقصي راسك معاهم وصافي ههه شكون يقدر يتعصب من هاد لغزالة شكوووون( كيعض بنتو بشفايفو فوذنيه وعنقها وكيهرها وهي كتعوج وتكركر بين يديه)
رؤيا:اتحمقني افراس والله..واش يانا رجعت خدامة غير مع التيليفونات شري هذا بدل ياخور..ديك المرة جبرتها فاتحاه كااامل بياس بياس وجالسة تدكدك فيه بالحجر فالجردة..والمرة لي موراها خشاتو فالماكينة دالتصبين مع لحوايج وخلات لخدامة مشات وجلسات تفرج فيه وهو كيدور وهي كضحك..ودابا سيباتولي فلاشاص هادشي بلاااا ما نهضرو على المرات لي شيراتلي بيه من البالكون رجع فتات!!
رؤيا:اواعدي واش يانا كنتفقص وهو كيضحك..هضر معاها واش انبقى يانا غير تبعاها!
فراس:وا صافي حتا نتي..دابا نgولهم يجيبولك واحد حسن منو غير تهناي ههه
رؤيا:ولااااااااا واش يانا وليت نصبح بتيلي ونبات بواحد ياخور..ما كيبقاولي لا تصاور لا فيديوهات لا واالو..يانا بغيت غير نفهم علاش غير يانا!علاش ما كتمشيشي لتيلي ديالك ولا ديال شي واحد ياخور!
فراس:ههههه بصح..مالك مع تيليفونات ديال ماماك دوي القردة ههه
خرجها كيضحك معاها وهبطها لعند زينب عطاهالها تلبسها وتقادلها حالتها قبل ما يتجمعو كاملين وشداتها مطلعاها كضحك معاها وهو مشى يشوف رقية كي صبحات ولقاها جالسة فالقنت دالصالة كتسبح وتستغفر بقميصها الفاسي ودرتها وبليغتها كيما العادة..زادت ضعافت وبان فيها لكبر ولكن مزالة الحاجة رقية هي الحاجة الضحكة والتقشاب والقلب الصافي..جلس هو وياها كيضحكو وينشطو حتا دخل عليهم براء لي كبر وزيان وشخصيتو بدات كتكون لي كتشبه لباه بزااف..لابس ومقاد الحالة شورط فوق الركبة فلبلوسييل مع تيشورط زرقاء فونصي وصباردين بلوماغين ومخلي شعرو لقوي هابط على عينيه وعاقد حجبانو ودخل كيتمشى وهاز راسو فالسماء وصبح عليهم
براء:صباح الخير(قرب باس يد رقية)
رقية:جيتي البرهوش ههه
براء:(دور وجهو لجنب كيتمتم)متأ وا هاا حنا عاود..خلينا زوينين ارئوش راه شحال من مرة كنgولك ما بقيتش برهوش انا رجعت راااجل بففف(كيحك شعرو من اللور)مشاكييل..ما كتفهموش
فراس:(خنزر فيه)دوز تجلس لهيه وجمع راسك قبل ما نجمعها مع صاحبي(عمل حركة كلاك بيديه كأنه ايضربو)gالك رئوش ما بقيتيش تحشم نتايا
براء:(هز يدو على شكل بوكس حتا هو وضرب البوكس دفراس كأنه كيصافحو وضحك بسخرية) تهدن اصاحبي..راه غير كندلعوها ههه..ياك ارئوش(غمزها)
رقية:ههه الله يهديك اوليدي..خليه خليه يئول لي بغى..حتا رئوش مزيانة مالها..اجي جلس حدايا اجي الغنضور ديالي
شاف براء فباه وغمزو وجلس حدا رقية كيضحك بالجنب ويلعب بشعرو ويرجعو للور وفراس غير ساكت ومطلع حاجبو فيه وكيخنزر فيه..هز راسو براء شاف فيه كيفاش مخنزر فيه وهو يهبط راسو كيلعب بصبعانو وما رجعش هزهم فباه وبقى غير كيسرط فريقو وضارب الطم
رقية:لواه لواه..انا كتعجبني فاش كتئولي رئوش وحتا باك غير كيضحك معاك ياك افراس(كتغمزو وتعض على فمها)
فراس:(خنزر فيه وناض وقف كيحنحن)احممم مهم هانا فالبيرو..حتا يجيو وعيطولي
رقية:واخة اولدي..ربي يعاونك
مشى فراس عطاهم بالظهر غير هو غبر وبراء تقاد فالجلسة وهز راسو كيقشب على رقية ويضحك معاها وهي عااطياه الخاطر وكيعجبها تجمع معاه وديما كيهضر كأنه راجل كبير وناضج وما كيحملش لي يصغر منو..حتا دخلات عليهم هنية وجلسات حداهم...
جلسات معاهم هنية ونضمات ليهم فالجماعة والضحك وتبعهم حسن حتا هو وشوية هبطات زينب كتقرقب بصباطها وهازة بيسان فيديها لي لابسة طوب بيضة سميطات برسومات فالصدر وشورط قصير دجين وصباردين غوز بيبي وباندا جامعالها بيها شعرها بوريدة كبييرة فالجنب فنفس لون الصباردين وكدور فعينيها لمديورين وتبسم وحطاتها فالارض ومشات كتجري تلاحت على حسن كتعنقو وتبوس فيه وهو كيفرح بيها ويفشش وتلاحت على كل واحد كتعطيه حقو وتفشش عليه شوية وهما عااطيينها الخاطر ووقفات وشافت فخوها كضحك عليه
بيسان:خنزرات فيه وقلبات وجهها غادة هربانة حتا شداتها رؤيا لي كانت جاية بكسوى طويلة صيفية بليدين فلجرونة فحال ديال الغجريات مع شال باج مقاداه فوق راسها وصندالة خفيغة فالذهبي حتا شداتها من وذنيها
رؤيا:اجي نتينا نهنا..فاين هاربة..رجع طلب من خاك السماحة البرهوشة دبصح..يله!
بيسان:لا امامي لا وذينة اطيل لا
رؤيا:يله الا ما بغيتيهاشي طير قول نخاك سمحلي
بيسان:(ببراءة)واخة امامي..غير طلئ
طلقات منها رؤيا وحطات يديها على جنبها واليد لوخرا على كريشتها لي كملات بيها 6 شهور وكطلع وتنزل فيها كتسناها تطلب السماحة وكلشي متبع معاها..دارت هي منفخة وكتشوف فيه بطرف عينيها
رؤيا:اجي الحبيب دماما..خلي عليك ديك لمزيودة.. نتينا الراجل ديااالي ما ديشي عليها
براء:انشدها نكرضها
رؤيا:اييييه كرضها باش باك يقسمك على عشرين.. زيد زيد اوليدي هاديك راها ما بقى يقد عليها غير لي خلقها..التبوحيط كتعطيه قتلة..نتينا بعقلك وكبير اتعمل عقلك فيها!!؟
براء:الصمت
رؤيا:واش اتعمل عقلك فبرهوشة!
براء:حرك.راسو بالنفي وهو معصب
رؤيا:ايوا هايداك الله يرضي عليك..ماشي لي قال شي حاجة انوضو ندابزو معاه..لي بغى يقول شي حاجة يقولها..مهم نتينا عاارف راسك شني ساوي.. واش غير قالتلك برهوش راك برهوش!!
براء:(تحت السنان)انا راجل
رؤيا:اييييوا هايداك..ما تديهاشي فديك خيتي خليها تقول لي بغات..يله اجي
جراتو رؤيا ودخلات سلمات عليهم وجلساتو حداها وبداو كيهضرو على شامة وياسين لي كيتسناوهم يجيو باش يتجمعو هاد النهار لي هو نهار الثالث دالعيد لكبير..حتا خرج فراس هاز بيسان فيديه كيضحك معاها وهي قالبة وجهها عليهم ونافخة حناكها وجامعة فمها لقدام زعمة راهي منفخة ولي شاف فيها كتعوج فمها فيه وترجع تخبع فباها وكتقلي السم لبراء غير بعينيها من لتحت لتحت.. ورؤيا كتلوم فراس كيف العادة على فشوشو ليها وناضو خرجو مجموعين للجردة لي مقادين فيها الطبلة بالمأكولات والمقبلات..هما جلسو دايرين بالطبلة مجمعين فجو عائلي وبيسان كتجري وتلعب وبراء كيجمع مع جدو وفراس تكلف بالشواية كيشويلهم وحاط نضاضرو من الشمس ورؤيا واقفة حداه كتنقب وتاكل فالخضرة لي كيشوي مع اللحم وكيضحكو..حتا دخلات شامة كتعوج بكرشها قدامها لي داخلة بيها فشهرها الثامن وشادة فياسين كتخلف بزز وجلسات معاهم على الطبلة هي وياسين كترد النفس وسلمو على رؤيا وفراس غير من بعيد وولدها لي كبر من بيسان غير بعام دخل كيجري قدامهم ومشى مباشرة كيجري عند بيسان وهي غير شافتو مشات عندو فرحانة حيت موالفة ديما كتلعب معاه بحكم سنهم المتقارب وجراتو غادة بيه لغرفة الالعاب ديالها وهو يغوت عليها براء
براء:اجي نتي فين غادة اديك خيتي!
بيسان:(حطات يديها على جنابها)وسغلك!
فراس:مالك معاها..شنو دارتلك دابا!
براء:تدوز تجلس..فين غادة مع البرهوش..ما عندهاش لي يحكمها!
فراس:دوز ترصى gالك ما عندهاش لي يحكمها.. فين مشيت انا!حكمتي غير راسك بقالك غير تحكمها هي..انا هنايا مخي قبالتك!!
براء:(بعصبية)لا حاشة
فراس:ايوا جلس فبلاصتك حسن ليك..قالك يحكمها!
شافت فيه بيسان وعوجات فمها وخرجاتلو لسانها ومشات هي و سعد ولد شامة كيجريو داخلين للفيلا
رؤيا:(كضحك وتاكل الزيتون)ههههه ناري هاد الولد كيفكرني غير فشي وحدين
فراس:ههه كتخشي الهضرة دابا
رؤيا:هههه والله حتا كيفكرني غير فيك وفالتصعصيع ديالك هه
إهداء من صديقتي واختي Houda Zerriffi Al-amranie 😍😍😍😍😍😍😍😍
♧بين الأقدار و الزمان الغدار
♧هكذا بدات قصة رؤيا و فراس قدام كاع الأنظار
♧بين يوم وليلة تسكن كيف الهايم المسلوب
♧يهترف بها بينو و بين نفسو و أمرو صبح مغلوب
♧بغا ها ليه، ملكو تكون بين يديه
♧بلا ميدري عشقها أول ما لمحتها عينيه
♧ؤ باش يرضي غرورو لي عاميه
♧قال : أحقا و الواد، ندير الضد
♧يا ولد أدام قد ما علا شانك كتبقى غي ولد
♧قدام لالة بنت حواء لي خلاتك ليها عبد
♧هي القمرة و أنت البحر بمواجك تلعب كيف حبات مرة جزر مرة مد
♧شحال ما كنت حكيم و رزين
♧توصل لعند لالة بنت حواء و تولي غشيم يا مسكين
♧زين وأخلاق رؤيا
♧خلاها تولي فحياتو بلية
♧قلبها لي كان كيتوهم الغرام
♧وصل عند فراس بنار الإنتقام
♧نهار على نهار ذاب فالهوى لي صابو و فقد الزمام
♧ؤ تيقنت بلي الماضي مكان غير أوهام
♧عمرها تغرمت ولا عشقت فيوم من الأيام
♧هو روحو رؤيا و هي عمرها فراس
♧هوس و جنون ، فعينيه ماتو كاع بنات الناس
♧البارح كانو زوج واليوم رجعو واحد
♧جمعهم الخالق لواحد الأحد
♧فالحلوة و المرة اليد فاليد
♧ااااااه ملي كنتفكر دوك النظرات أو عشتها فالخنات
♧الضحكة و الدمعة خواتات
♧مرة فرحة و مرة آفات
♧جابو صبيان و بنات و هنا رحلتنا معاهم سلات
♧بلحق قصتهم مزال مكملات
♧مزال النفس كطلع وتهبط، و جاية شلا احدات 🔴🔴🔚وهادي كانت النهاية...لي فضلت انها تقريبا تكون نهاية مفتوحة...حيث بالنسبة ليلي ما كايناشي نهاية والحياة ديما مستمرة والنهاية الوحيدة لي كاينة فهاد الدنيا هي الموت...دوزنا مع الابطال رحلة دامت 3 شهور تقريبا..تعرفت فيها على بنات من أعمار ومدن مختاااالفة وربحت فيها قلوب بزاااف دلبنات وحصلي الشرف نتعرف عليهم ونتعرف عليكم...هاد القصة ايبقالها مكانة خاااصة فقلبي حيث بعيدا عن أنها أول تجربة كتابية ليا فهي قرباتني وعرفاتني عليكم...كنشكركم وحدة وحدة...كنشكر كل وحدة ما كانتشي كتبخل عليا بتعاليقها وكانت حاضرة معايا من الأول حتا الأخييييير حفظتكم وحدة وحدة وعمري نساكم 😍😍😍 وكنشكر كل وحدة عمرها علقات ولكن ما يمكنشي دوز بلاااا ما تعملي جيم لكل بارتي ☺☺☺ كنشكركم بزاااااف حيث بتفاعلكم انا تشجعت وتحمست كثر وكثر باش نكتب ونكمل..وكنشكر حتا هادوك لي كانو كيقراو فالخفاء شكرا...كنتمنى قصتي تكون نالت إعجابكم وإستحسانكم ونكون كنت خفيفة على قلبكم..ودخلت ولو شوية ديال السرور والمتعة لحياتكم😇😇...تشرفت بمعرفتكم بزااااااف كنقولها ونعاودها انا الا ربحت شي حاجة من هاد القصة فهي نتوما شكرا ليكم بزااااااف بزااااف 😘😘😘😘😘😘😘...والى اللقاء ان شاء الله في قصة أخرى بإذن الله...وكنواعد لبنات لي طلبو جزء ثاني أنني أنفكر فهاد الفكرة ان شاء الله...دمتم في رعاية الله عويتئاتي...ما سخيتشي بيكم والله انتوحششششكم 😢😢😢😢...❤أحبكم في الله❤🔏
خلقت له الجزء 18 و الأخير
محتوى القصة
🔴🔴🔚وهادي كانت النهاية...لي فضلت انها تقريبا تكون نهاية مفتوحة...حيث بالنسبة ليلي ما كايناشي نهاية والحياة ديما مستمرة والنهاية الوحيدة لي كاينة فهاد الدنيا هي الموت...دوزنا مع الابطال رحلة دامت 3 شهور تقريبا..تعرفت فيها على بنات من أعمار ومدن مختاااالفة وربحت فيها قلوب بزاااف دلبنات وحصلي الشرف نتعرف عليهم ونتعرف عليكم...هاد القصة ايبقالها مكانة خاااصة فقلبي حيث بعيدا عن أنها أول تجربة كتابية ليا فهي قرباتني وعرفاتني عليكم...كنشكركم وحدة وحدة...كنشكر كل وحدة ما كانتشي كتبخل عليا بتعاليقها وكانت حاضرة معايا من الأول حتا الأخييييير حفظتكم وحدة وحدة وعمري نساكم 😍😍😍 وكنشكر كل وحدة عمرها علقات ولكن ما يمكنشي دوز بلاااا ما تعملي جيم لكل بارتي ☺☺☺ كنشكركم بزاااااف حيث بتفاعلكم انا تشجعت وتحمست كثر وكثر باش نكتب ونكمل..وكنشكر حتا هادوك لي كانو كيقراو فالخفاء شكرا...كنتمنى قصتي تكون نالت إعجابكم وإستحسانكم ونكون كنت خفيفة على قلبكم..ودخلت ولو شوية ديال السرور والمتعة لحياتكم😇😇...تشرفت بمعرفتكم بزااااااف كنقولها ونعاودها انا الا ربحت شي حاجة من هاد القصة فهي نتوما شكرا ليكم بزااااااف بزااااف 😘😘😘😘😘😘😘...والى اللقاء ان شاء الله في قصة أخرى بإذن الله...وكنواعد لبنات لي طلبو جزء ثاني أنني أنفكر فهاد الفكرة ان شاء الله...دمتم في رعاية الله عويتئاتي...ما سخيتشي بيكم والله انتوحششششكم 😢😢😢😢...❤أحبكم في الله❤🔏
التنقل بين الأجزاء