خلقت له الجزء الخامس

فراس:(كيشوف فرؤيا من لمراية)مزال

حسن:ههه ايوا مزال ما كتاب حتا نتينا مزال صغير ههه

فراس:هه

بقاو غادين فالطريق وهضرة تجبد هضرة وحسن كيستفسر على أي حاجة طاحت فبالو

حسن:ماديشي عليا اولدي الا برزطتك بقوة الاسئلة راه غير با..

فراس:(قاطعو بابتسامة)ما تقولش هكاك خود راحتك

كملو هضرتهم وفراس عاطي الخاطر لباه ورؤيا مركزة معاهم وفرحانة ومرة مرة تشوف ففراس من لمراية فاش كيبدى يتبسم لباه حتا كيحصلها وترجع تخنزر فيه وتقلب عينيها

وصلو للحومة وسيارة فراس عاااطية لعين وكتخلي لي داز يحل فمو فيها وصوت محركها مجهد بزاف

نزل حسن ورؤيا فرحاااانين أما فراس بقى شي شوية عاد نزل تبعهم..غير نزلو وكلشي بقى متبع ليهم العين وباغين يعرفو شكون هذا لي جا معاهم وابراهيم خرج من الحانوت تلاقاهم حدا الباب..حسن غير شافو طار عليه عنقو بقوة الفرحة خلاه ما فاهم والو كون جبر يعنق كلشي ويخلي كلشي يحس بشحال هو فرحان

وصلو للباب وحسن غير تابع ولدو ويدور بيه..رؤيا جبدات سوارت لي عندها وتقدمات باش تفتح الباب حيث حسن ما بقى عاقل على والو

ابراهيم:(قرب من حسن و هضر بشوية)حسن شكون هذا؟

حسن:(شاف ففراس و هضر)هذا الغالي رجع ههه

ابراهيم:كيفاش..!!

رؤيا:(فتحات الباب و نطقات)يله زيدو دخلو فحالكم

حسن:زيد اولدي زيد مرحبا بيك هههه 

فراس:(تبسملو)

دخلات رؤيا وتبعها حسن دخل معاه فراس وابراهيم مشى سد الحانوت ورجع دخل تبعهم

حسن:مرحبا اولدي زيد زيد دخل..الوااااليد فاينك(داخل لصالة كيجري)الوااليييد فاااي..(سكت كيشوف فباه وعينيه خارجين بالفرحة)نتينا هنا..هههه شوف شكون جا هههه

جلال:(تفاجئ)هه الله يسمعنا خبار الخير..شكون جا؟؟

دخل فراس لي زاد توتر فاش شاف جلال متكي فوق السداري وما عرفوش وهو يوقف فباب الصالة وحسن وقف كيشوف فولدو ويشوف فجلال وغير كيضحك ورؤيا مزالة حاصلة فالباب كتزول الصندالة اما فراس ما حمقش راسو دخل بسباطو حيث ما موالفش يزولو فباب الدار

فراس:احم السلام عليكم

جلال:(هز تيليكومند وطفا التلفازة)وعليكم السلام دخل اولدي مرحبا

فراس دخل باسلو راسو احتراما ليه وجلس وحسن غير كيشوف فيهم فرحان ورؤيا عاد لحقات عليهم

حسن:(عينيه دمعو)الواليد ما عرفتيشي شكون هذا ياك؟

جلال:(كيشوف ففراس لي جالس متوتر وغير ساكت)هه لا والو ما عرفتوشي

حسن:با هذا ولدي ابا هذا فراس..هذا ولدي رجع ههه هذا ولدي

جلال تصدم اكثر من حسن فاش سمع شنو قالو وبقى كيشوف فيه ساكت والهضرة ما بقاتش بغات تخرج على فمو وغير شفايفو لي كيتحركو بشوية كأنه كيتمتم حتا تلاح على فراس لي جالس حداه وكيشوف فيه مبتاسم ونفس المنظر تعاود مرة أخرى ولكن هاد المرة دموع والبكا ديال حسن وجلال كانو كثر وبقى جلال حتا هو يدور يدور ويعنق ففراس لي ما بقاش حامل راسو والوضع لي هو فيه ولكن صابر وعاطيهم الخاطر حتا هو فرحان وعاجبو حالو ولكن ما عندوش مع قوة الاحضان والتعناق وداكشي..دخل ابراهيم حتا هو ورؤيا مشات جابت هنية وتجمعو كاملين فدار جلال وعرفهم بحفيدو..دازت لحظة اللقاء الاولى بالفرحة والدموع ورجعت الضحكة والفرحة لوجوه الجميع كلشي فرحان وناشط وهازين فراس على كفوف الراحة وحتا هو بدا كيطلق معاهم الطبيعة وكيسولوه على ها السنين لي دازت وكيف دوزها وحتا هو ما كيبخلش عليهم وكيبدى يعاود ويهضر بكل جدية وهو عاقد حجبانو وكيهضر بكل ثقة فالنفس ولكن ما كيتكبرش عليهم او ينقص منهم بالعكس هو كيحتارم اي واحد كيما كان وكيما كان مستواه المادي رؤيا خلاتهم جالسين ومشات للدار دخلات بدلات عليها ولبسات بيجامة سروال ابيض و فيه وريدات بالغوز بارد وتيشورط فنفس اللون و فيه كتابة جيهة الصدر جمعات شعرها بشكل عشوائي بعود ودخلات توضات وصلات ورجعات عندهم لقاتهم مجمعين وكيتعاودو بيناتهم دازت من حداهم ومشات جلسات حدى هنية فالكوزينة لي بدات كتوجد البسطيلة بالحوت وحاطة قدامها الشعرية دارتلها العطرية ديالها وكتحركها نقزات رؤيا من اللور خطفات شوية كلاتو هكاك حيت كتعجبها ومشات جابت كرسي وجلسات حداها كتشوف فيها أما هي ما كتعرف تمد يدها على والو هنية من صغرها وهي مفششاها وكبرات هكاك الا ما وجداتلهاش هنية ما تاكولش بقات جالسة حداها مجمعين وحتا هما فرحانين واخة رؤيا ماحاملاش فراس ولكن فرحانة حيت باها فرحان وجدات البسطيلة دالحوت وزوقاتها هنية بالكروفيت و الليمون ورجعاتها للفران تبقى سخونة ووجدات شلادة دالجردة حطاتها هي الاولى وتجمعو عليها كياكلو ويتجمعو الا فراس ماشي من طبعو يهضر وهو كياكل وكيكتفي يتبسملهم فقط اما رؤيا فعكسو تماما كتهضر وتعبر بيديها وخالقة جو النشاط معاهم وفيما تجي عينيها ففراس لي جالس قبالتها تقلب عينيها فيه وما كتهضرش معاه كتجمع غير مع جلال وحسن و هنية اما ابراهيم ما حاملش راسو جالس معاها فنفس الطبلة حيت عمرو تجمع معاها الا اذا دعات الضرورة وصافي..وحسن وجلال ما كلاوش بقدر ما كيشوفو غير ففراس وكل شوية يطبطبو على ظهرو فرحانين ويقربولو الماكلة ومشطونين بيه غير هو

سالاو وناضت هنية جمعات الطبسيل وتبعاتها رؤيا هزات لفراشط ومسحو الطبلة وحطو البسطيلة و بداو ياكلو

رؤيا:امممم الله ربي الله ارى دوك اليدين ارى نبوسوم(باست يدين هنية)هادشي بنيييين الله يعطيك الصحة هههه

هنية:هه بصحتك ابنيتي..فراس كول اولدي كول ما كتاكلشي

فراس:هز راسو فيها وتبسم شوية

رؤيا:(والفرشيط فيدها عامرة بالشعرية غادة بيها لفمها)اواااعدي على ما كايكلشي..ايييوا خطاه ياكلني يانا

مزال ما كملاتها حسات بدقة جاتها ففخدها من تحت الطبلة حتا غوتات وطيحات عليها الشعرية جاتها فصدرها ودخلاتلها مع الكول..بقات كتنقز وتغوت ما عرفا تكمد الضربة لي جاتها من فراس من تحت الطبلة وهو بصباطو وما حيلتها تزول الشعرية لي سرحاتلها بين بزازلها سخونة وكتشوطها..ناضت وقفات وكتبعد تيشورط على لحمها باش تهبط الشعرية

رؤيا:اوف اوف حامية حامية اي رجلي اوووف اههئ

هنية:(مخلوعة)نتي في عار الله ابنيتي مشي نالطواليط فزك راسك سربي يله

رؤيا:(كتشوف ففراس مكرهة و الشعرية هابطة معاها)تفووووو الله يعطي للشعرية قطيعة اهئ اهئ الهرس ان شاء الله اووووف اي 

جلال:مشي فزك راسك دغيا 

مشات رؤيا كتنقز وتسوط دخلات زولات عليها تيشورط والسوتيان ونقات راسها من الشعرية لي حرقااتها وفلبلاصة لحمها لبيض رجع حمر بقات كتبرد لحمها بالماء وكتدعي ففراس وتعاود بردات شوية ورجعات لبسات حوايجها وخرجات

حسن:شوية دابا؟

رؤيا:(كتجلس فبلاصتها)الحمد لله

فراس:😏واش ما كتعرفيش حتا تاكلي

رؤيا:(كتشوف فيه مخنزرة)لا يانا كنعرف ناكل..غير هاد الشعرية بنت لحرااااام الله يعطيها غبارة هي السباب😡

هنية:هههه كول كول دابا ورد بالك من هاد الشعرية بنت لحرام لا تحرقك عاود هههه

بقى حسن وجلال كيضحكو عليها وابراهيم خدام على راسو ما مسوقش وفراس كيتبسم بالجنب بسخرية..رجعو كياكلو والحرب نايضة بين فراس ورؤيا غير بالعينين فراس كلا شوية وحبس ما كيبغيش يتقل بالليل بزاف كلشي سالا وشبع وبقاو كيتجمعو وكيتسناو فرؤيا لي مزالة تابعة ديك الطبسيل حتا تساليها..سلاو وناضو جمعو الطبلة وناض فراس بغا يمشي

فراس: احم يله سمحولي

حسن:(وقف مخلوع)فاين اتمشي؟

فراس:انمشي للدار من بعد و نرجع ان شاء الله

حسن:لا لا لا ما عندك فاين تمشي اتبات معانا هاد الليلة ودوز معانا هاد الايام الله يا وليدي مزال نا شبعت منك وباغي تمشي

جلال:دغيا قنطتي بينا وباغي تمشي!

فراس:لا حاشة و لكن..

حسن:لا والو ما كاين ما ولكن اتبقى معانا ما كاينشي فاين تمشي

جلال:عارفين اوليدي الدار غير على قد الحال و ل..

فراس:لا ماشي هاكاك والله..صافي واخة غير نعيطلهم يجيبولي حوايجي حيت ما نقدرش نبقا بهادو

حسن:بلاش ها هما حوايجي

رؤيا:(راجعة من كوزينة وسمعات الهضرة)الله ابابا فاين ايتخشى هاد المخلوق فحوايجك

فراس:(دار خنزر فيها وطلع وهبط و بدا كيسوط وهضر تحت سنانو)هاد المخلوق عندو سمية سمعتي

رؤيا:😏ايوا ومن بعد..

جلال:(قاطعها بغا يبرد الطرح)هه ما تديشي عليها اولدي غير كتضحك..مشي جيب حوايجك ورجع تجبروم وجدولك بيتك

فراس حاول يتمالك راسو وخرج برا حدا الباب وجبد تيلي ديالو عيط على رجالو يجيبولو شي حاجة دالحوايج وبقى شوية واقف كيتنفس والبنات حاضيينو من الشراجم والسطوحة وهوا واقف ما مسوق لا لي غادي لا لي جاي واقف حاط يديه فجيابو ومكروازي رجليه ومتكيي على الباب وساااهي فالارض

هنية جمعات الكوزينة ورؤيا عاوناتها ورجعات خرجات عندهم هي ورؤيا..ناض حسن بغا يوجد البيت ديالو لفراس ووقفاتو رؤيا ما خلاتوش ومشات هي كتوجدو..دخلات للبيت وبقات كتقادو ودعي فيه وجبدات غطاء جديد وعملاتولو وقادات لمخاذ وهي كتنكر

رؤيا:تفوووو على بنادم كيف عامل..الله يجعلك تنعس على الشوك المسعور ياخور..والله لا بقات فيا ديك الضربة غير تسنى عليا مزالة الايام ماجة ونرودالك

سلات رؤيا وخرجات من بعد ما عاوطاتلو البيت مزيااان وقاداتولو على اتمم وجه ما بغاتوش يجبر شي حاجة ناقصة او ماشي هي هاديك حيت ما كترضاش وما تقبلش على راسها او على عائلتها تقال عليهم شي كلمة

دخلات عليهم للصالة ولقاتهم مزالين جالسين بداو كيذوخو بالنعاس وابراهيم هز راسو وخرج فحالو وتبعاتو هنية وفراس مزال ما دخل..طلعات جابت لجلال الدواء ديالو وعطاتولو وبغات طلعو لبيتو وما بغاش حتا يرجع يدخل فراس ويطلع

رؤيا:(باست جلال وعنقاااتو وزيرات عليه)يله تصبحو على خير ههه

جلال:هه تلقاي الخير ابنتي الله يرضي عليك

رؤيا:(عنقات حسن فرحانة ليه)تصبح على خييير بابيتو ههههه

حسن:خليك بات معانا هاد الليلة شحال هادي ما بتي عندنا

رؤيا: لا نمشي خليكم نتوما جد واب وحفيدو هههه شبعو من بعضكم

حسن:ههه واخة على خاطرك ابنتي

رؤيا:يله تصبحو على خيييير ماااح عليكم ههه

خرجات رؤيا كضحك وتساطحات مع فراس واقف فالباب وهي تقلب عينيها فيه وردات الباب..ووقفات قدامو دايرة يديها على جنابها وكتشالي بيديها

رؤيا:اجي نتينا شعندم رجليك سايبين ها؟؟ 

فراس:(بقى كيما هو ما تحركش وما شافش فيها)راه ديييما كنقولك داك الفم هو لي سايب عندك

فراس:راه gلتلك نتي لي عندك داك الفم سايب وخاصك لي يجمعو

رؤيا:شو جمع عا رجليك وخلي دقمي عليك فالتيقار سمعتي..ما محتاجاشي واحد فحالك يعلمني شني نعمل 

فراس:(بسخرية)هاد الواحد هو لي ايحدهملك غير تسناي

قالها هاد زوج كلمات وخلاها واقفة ومشى قرب من الطريطوار حيت شاف سيارة واحد من رجالو جاية..وقف حدا رجليه وفراس دار نيشان للجيهة الكوفر جبد الصاك ديالو صغير شوية ورؤيا حاضياه بعينيها وكتخنزر داز فيها ودخل للدار وزدح الباب عليها وخلاها كتبرقق فعينيها

رؤيا:زدح الباب فوجهي!!.و الاهيلا زدحا..اععععع تفووو

رجعات رؤيا دخلات لدارهم مفقوصة وكتغدد وطلعات لبيتها باش تنعس

فراس دخل هاز صاكو جبر حسن وجلال فالصالة شافو حسن وناض وقف بالزربة

حسن:(بابتسامة)اجي الغالي نوريك بيتك هه

فراس:(بابتسامة)واخة

مشى حسن معاه دخلو للبيت وخلاه ياخذ راحتو ويبدل حوايجو..فراس واخة البيت صغير بزااااااف مقارنة مع بيتو ولكن تصرف عااادي ومالقاش مشكيل وما كيهموش حجم المكان المهم يكون نقي وصافي..جبد شمبوان ديالو وداكشي لي كيستعملو باش يدوش ودخل للحمام لي كاين فبيت حسن دوش بالخف غير بالماء بارد حيت السخان جاي خارج على البيت وهو ما بغاش يبرزطهم سالا وخرج ريحة باندوش عاطية منو مخلطة مع ريحة الشامبوان..جبد اكس كحلة لبسها وشورط ازرق بين لي مولي ديالو القاصحين وفيه سيور غلاض شوية عقدهم وبقاو مدليين ولبس كلاكيطتو مزالة جديدة واغلب ملابسو كيلبسهم مرة وحدة فقط وكيخليهم

خرج عندهم وجبر حسن كيحاول يقنع جلال ينوض ينعس حيت بدات تديه عينيه بفعل الدواء

حسن:نوض الواليد ترتاح فموطعك هنا راك معذب

جلال:لا غير خليني مرتاح بلا ما تخمم..انا باغي نبقى معاكم ونشبع من حفيدي النعاس ما عا يهربشي

فراس: احم وحتا انا ما انهربش غير نوض ارتاح حتا لغذا ونهضرو ان شاء الله

حسن:يله نوض الواليد الله يهديك

جلال:(تنهد)واخة لي بغيتو

ناض فراس عاون باه ووصلو جلال لبيتو وباسولو راسو وخرجو وخلاوه فرحااان وحاس براحة سنين ما حس بيها..سد حسن الباب وهو يشوف فراس كيتفوه فيه النعاس

حسن:يله اولدي مشي تنعس حتا نتينا بركة عليك باينة فيك النعاس

فراس:لا ماشي مشكيل الا بغيتي نهضرو شوية

حسن:لا اولدي غير مشي ترتاح..حتا نغذا مزال ايام ماجة ان شاء الله

فراس:اوك يله تصبح على خير..

باسلو راسو وهبط مبودر وعضلاتو كاملة باينة من الاكس وخلا حسن واقف ومشى لبيتو وهبط..رجع حتا هو هبط ومشا نعس فبيت دلجلاس جاي معزول شوية..اما فراس فدخل لبيتو وتنهد تنهيدة خارجة من اعماقو وزول لكلاكيط وتكا فبلاصتو كيشوف فالسقف..هو يله تجبد وهو يحس بشي حاجة كتنغزو من درعانو لي معريين ناض جلس كيشوف شناهو وهو يلقاها سنسلة رقيقة دالذهب وفيها تعليقة على شكل دائرة صغيرة وفوسطها جوهرة صغيرة بيضة..هزو كيدقق فيه وعرفو درؤيا حيت شافو فعنقها فاش كانت جالسة قبالتو وهو من طبعو دقيف الملاحظة..رجع خشاها فجيبو..وبقى مجبد وكيشوف فالسقف وكيتفكر ما داز عليه هاد النهار

رؤيا طلعات لبيتها زولات السوتيان حيت ما كتنعسش بيهم وبقات غير ببيجامة ديالها نعسات بيها..حتا بدا كيجيها النعاس وهو يصونيلها وليد حيت من عادتو ديما كيهضر معاها قبل ما ينعس..جاوبتو مدوخة بالنعاس وهي من عادتها فاش كتكون كتهضر فتيلي معاه كتبقى تلعب بالسنسلة لي هداهالها هو ومن نهار عطاهالها وهي فعنقها..حطات يديها على عنقها وما جبراتهاش وهي تخلع قطعات مع وليد دغيا وناضت كتقلب عليها فالبيت وخايفة لا متلقاهش حيت عندها عزيزة بزاف وزيد عليها وليد الا ما شافهاش فعنقها عارفاه ايتقلق

رؤيا:اواااعدي فاين اتكون مشات(بقات كتغبن بحال الا فيها البكية)يا ربي فاينياا اهنننننن..

بقات رؤيا كتقلب وتعاود ما خلات فين قلبات فوق وتحت الناموسية فالارض فالسوتيان لي حيدات عنداك يكونو حاصلين فيهم ووالو..وهبطات كتقلب فالدار التحت..

رؤيا:(كتهضر وتقلب)اووووف هي يانا غير قبايلة فاش تحرقت شفتها كانت فعنقي فاين اتكون طاحتلي ياربي..زعما تكوون فالدار لهيه..اوف دابا ايكونو نعسو..ولكن انا ما نقدرشي نبقى بلا بيها ولا نمشي بلا بيها غذا لا والو انمشي نفتش عليها ما ايجينيشي النعاس اذا ما جبرتاشي..اووووف يا ربي اهههئ 

رؤيا يأسات انها تلقاها فدارهم و بقالها غير تمشي لدار جلال تقلب عليها حيت هي فاش تحرقات ودخلات للحمام شافتها كانت فعنقها وقالت يقدر تكون طاحتلها وهي كتلبس حوايجها تما او فشي قنت اخور..طلعات لبيتها هزات السوارت دالدار وتيلي ديالها وهبطات اما هنية وابراهيم ما جابولها خبار

خرجات رؤيا وسدات الباب موراها بشوية..ودارت كتشوف فالزنقة كانت خاااوية وغير صوت لكلاب لي كيتسمع..شعلات لبيل فالتيلي وضوات بيه وفتحات الباب ودخلت وسداتو موراها غير بشوية وبلا ما دير الحس..

ودخلات كتقلب فالصالة وفالبلاصة لي كانت جالسة فيها..قلبات مور لخدادي وفالارض وفأي بلاصة دازت منها اوشكات تكون طاحتلها فيها وهي كتغبن حابسة لبكية ووالو ما لقاتهاش وغير ما كتزيد تفقص..

بقات رؤيا كتقلب فالقناتي وتعاود ومضوية بالبيل وكتغبن وتهضر مع راسها غير بشوية وتمتم ومع السنسلة صغيرة ورقيقة صعيب تلقاها وخصوصي فالليل..فلات الصالة والحمام والكوزينة والسيجور ولبلايص لي دازت منهم كاملين..قلبات وعيات وبقالها مكان واحد تقلب فيه وما قادراش تدخل ليه

وقفات رؤيا قدام بيت حسن مترددة دخل او لا وكتمتم بينها وبين راسها وتفركل فبلاصتها غير بشوية..

رؤيا:اوووووف على حصلة دابا كي انعمل دابا كي انعمل انننننهننن لا والو ما جاياشي ندخل عليه دابا ونص الليل هذا شني ايقول عليا اذا حصلني اوووووف يا ربي شني انقول نوليد والله حتا ايتعصب اذا ما جبرتوشي انننننهنننهن لا لا اندخل ولي ليها ليها(حطات يدها على بواني ورجعات زولاتو) اواعدي شكانخور يانا نخلي حتا نالصبح ونجي نفتش عليه مالي على حالتي..تفووو جيتي وجبتي معاك نحسك المسعور يييييخ

هزات يديها على شكل بوكس بحال الا غتضرب الباب وهو يفلتلها التيلي من يدها وطاح على الباب تسمعات تقرقيبتو فاش ضرب فالباب..سدات عينيها وزيرات عليهم وتسناتو حتا طاح على خاطرو ما لقات ما تشد فيه..حنات بالزربة كتسب فراسها وبقات مقردة وكتشوف واش واقعالو شي حاجة

رؤيا:تفووووو على فرطة شحال فيا د التحنقيز لخرا..

هي حانية وكتنكر وهو الباب يتفتح فوجهها بالزربة وضرب فيها الضو لي مشعول فالبيت..حلات عينيها حتا الاخر وشافت قدامها رجلين حفيانين نقيين وصبعان مقادين وبقات طالعة بعينيها وهي تشوفو واقف قدامها بشورطو الازرق وما لابس والو من الفوق وصدرو مزغب شي شوية ماشي كثييير كيخليك تشمأزي منو بالعكس زغبو رطب نازل من صدرو العامر حتا وصل لكرشو وبدا كينقص شوية عطاه جاذبية وزادو رجولة..بقات غير حالة فمها وكتسرط فالريق وهو واقف عاقدهم مبودر عليها وقابط فاليد دالباب وهاز راسو ومهبط عينيه شوية جيهتها ومعلي حاجبو..زول يدو من الباب وكروازا رجليه وربع يديه وتكا على الباب بكتفو وبقى كيطلع فيها ويهبط وهي مخرجة عينيها ما عرفات ما تسبق ولا توخر وحشمات تشوف فيه هاكاك

رؤيا:😳

فراس:ياك لباس!

رؤيا:ها..!!

فراس:(معلي حاجبو)شكاديري هنا فهاد الساعة

رؤيا:اااا..يانا يانا جيت باش يانا

فراس:نتي نتي..نتي مالك هضري!(هضر معاها بنبرة منخافضة باش ما يفيق حد وفنفس الوقت قاصحة)

رؤيا:(خرجات فيه عينيها)وشعندك كتغوت نجي ولا نمشي ماشي شغلك

فراس:وانا مالي طيري ولا نزلي غير ما تقربيش جيهتي

رؤيا:وشكون جا جيهتك ولا داها حتا فيك

فراس:(هز حجبانو بجوج وبقى كيشووف فيها)

رؤيا:بلا ما تشوف فيا هايداك يانا غير كنت دايزة وطاحلي تيلي ديالي هنا

فراس:كنتي دايزة!!و ياك مشيتي لداركوم علاش راجعة اولا ياكما ضربك حمار الليل

رؤيا:(حطات يديها على جنبها كتعوج)لا ضربني بغل

فراس:(بسخرية)اه دبصح اصلا حمار ما عندو ما يقدي فيك 

رؤيا:😡اه فحالك هايدا

فراس حمار فلبلاصة وعروقو باااانو وصدرو العريان زاد تنفخ وبقى كيطلع ويهبط فيها وعاض على سنانو ومزير الفك ديالو..ما حساتش كيفاش حتا جرها وكلاها مع الحيط لي حدا الباب وزير على يديها وقرب صدرو من صدرها لي بدون حمالات حتا تلاصقو وحس بيها ما لابساهومش..بقى كيشوووف فعينيها بغضب ونفسو كتخرج من نيفو سخوووونة وكتضرب فوجهها وشعرها المجموع خارجين منو شعرات فجناب والقدام وطايحين على وجهها ونفسو لي خارجة كتحركهم..

رؤيا:اااي انننهنن يدي رخي مني ازمر

فراس:😡جرها من يديها ورجع زدحها مع الحيط بقوة

رؤيا:ااااااااي طهري طهري انهههنن فرعتيني رخي مني ااااي اهههئ

فراس:(بغضب)😡عمر ولد لمرى هز فيا حتا عينو تجي وحدة شايطة فحالك تحل فمها عليااااا(ضرب يدو مع الحيط)

رؤيا:(خرجات عينيها فيه بتحدي)😠يحصلك الشرف هاد الشايطة تفتح دقما عليك المعقد(كتنتر منو)اااااااي اهنننن ودابا رخ..

فراس سكتها وحط فمو على فمها وبدى كيبوس فيها بغضب وكيبرك على فمها بقوة وملصقلها راسها فالحيط ومزيرلها يديها فوق صدرو وكيبووس فيها وكيبرد جنونو كلالها شفايفها وصوت نفسو كيتسمع خارج من نيفو كينهج بقوة الاعصاب وهي غير حالة عينيها مصدومة غفلها ما عرفات باش تبلات وفاش فطنات بدات كتنتر وتحاول تبعدو عليها ولكن غلبها..لعبلها ففمها مزيان وشبع فيه تجباد وفلخر ختمهالها بعضة من الشفاه لتحتانية وجرها معاه حتا سيلها الدم

رؤيا:(جاتها اللقوة بقاو غير دموعها كيهبطو وفمها كيضرها وهي حالة عينيها كتشوف قدامها)

بعد عليها وشاف فيها وهو كينهج وحمر فيها عينيه مزياااان وبقى قابطها من يديها

فراس:(بغضب وتحت سنانو)وحتا دابا يحصلك الشرف واحد فحالي يسدلك هاد الفم..(طلع فيها وهبط)هاد المرة عطيتك درس خفيف المرة جاية تحلي عليا فمك انفرعك ونوريك فعايل لحمير(قرب لوذنيها وهضر بسخرية)وهاد الدموع ضحكي بيهم على شي واحد اخر بنات الناس ما كيخرجوش فنصاص الليل وصدرهم مدلي

رجع بعد عليها كيطلع فيها ويهبط وهي واقفة جامدة فبلاصتها مصدووومة شدها من يديها وجرها ودفعها خرجات من البيت حتا جات طايحة فالارض وكالات بيديها..شاف فيها شوفة احتقار وسد الباب و خلاها طايحة فالارض مهزاتش راسها...

"ناضت وقفات على رجليها ولراسها ما حاملة..بقات غادة والدمعة على خذها سايلة..ماشة خطوة بخطوة وحاسة براسها فاشلة..حسات بيه رخصها ورجعها حاجة ساهلة..دار فيها ما بغى وهي ساكتة ولفمها حالة.. عمرها تمسات ولا تقاصت وهذا كلاها ماكلة..سكوتها زاد قهرها وكأنها كانت للي دار قابلة"

خرجات رؤيا كدمع وبشوية عليها دخلات للدار طلعات لبيتها درجة درجة والمنظر ديالو وهو كيبوس فيها وكأنها لا شيء كيتعاود قدام عينيها..دخلات لبيتها ومشات نيشان قبالة لمراية وقفات كتشوف فراسها..تيشورط طالعة شوية حتا بانت كرشها وشعرها كامل مريش وشي زغبات لاصقين على وجهها بالدموع فمها حمر ايطرطق بقوة ما عصرو والدم هابط مع جنب فمها كتنفس بالزربة وحاسة بالقهرة ما رضاتش وبقى فيها راسها وحسات بيه ذلها وهي عمر شي واحد تجرأ يوصل معاها حتا لهاد المستوى ويقرب منها وكانت من الهضرة الاولى كتقمعهم ولكن هو غفلها ما توقعاتهاش منو وصدمها وبزااف..قربات من لمراية كتبعد الشعر على وجهها وكتبكي فصمت وكتشوف فالجرحة لي ففمها..تنفسات بعمق وكدعي فيه فخاطرها وكتحاول تبرد على راسها الفقصة هزات راسها مشات للحمام غسلات وجهها وبقات كتفرك ففمها وتعاود وتسب فيه وفراسها هزات فرشاة الاسنان وبقات تغسل وتعاود ودوزها على شفايفها واخة كتقصح ولكن عافت راسها وما حملاتوش..وعمرات كفوفها بالماء وبقات كترش وجهها وتبرد راسها حتا فزكات حوايجها..حطات يديها بزوج على لافابو وعلات عينيها فلمراية كتشوووف فراسها وحلفات حتا ترجعهالو..خرجات واستعاذات بالله ومشات لبلاصتها والنعاس ما بغاش يديها..بقات حتا لفجر وهي كتقلب فبلاصتها وفلخر ناضت توضات وصلات ورجعات لبلاصتها ومشااات

فراس دخل للبيت كينهج ما بغاتش تبردلو وديييما كيقبط راسو بزز باش ما يضربهاش حيت كتبقى امرى ولكن كتستغزو وبزاف وداكشي كامل لي كان جامعلها خرجو فيها بديك البوسة بلا ما يشعر ولا يحس وكره راسو حيت قرب منها ومسها ولكن كلامها كيلعبلو على اعصابو حيت ما موالفش شي حد يتعالى عليه..بقى غادي جاي والعرق هابط مع صدرو وكيدوز يديه على وجهو ولحيتو وعنقو وكل ساعة يسوط بقوة الاعصاب..هز راسو ودخل للحمام تخشى هكاك بحوايجو تحت الرشاشة والماء هااابط مع راسو ودايز مع عنقو وكيهبط على صدرو وهو مغمض عينيه وحاط يديه على الحيط..كيتفكر منظرها وهي كتبكي فاش باسها ما بغاش يتنسالو حس بيها وعرفها ما موالفاش ولكن بغى يهينها باي طريقة كيما هانتو..بقى هكاك حتى برد شوية ورجع تكالما وخرج مسح بالفوطة وبدل عليه لبس حوايجو وتكى فبلاصتو..بقى حتا هو على نفس الحال حتى صلى لفجر ونعس فخطرة

☀طلعات الشمس وناض فراس بكري قبل كلشي ولبس اكس كالعادة وسروال سبور اسود وصباردين فالاسود رياضية وكاسكيط فالاسود وحط الكاسك على وذنيه وخرج ركب فسيارتو وانطلق بيها فجو طنجة الصباحي البارد مشى حتا للرميلات سطاسيونا اوطو ونزل دخل مع باب البارك لي معلقة فبابو بلاكة كبييييرة بلخشب وتكتب عليها "متنزه بيرديكاريس" ودخل كيجري والقرعة د الماء فيدو..كان البارك خاااوي وفيه ناس قلال جايين حتا هما غير باش يجريو اغلبية من الطبقة البرجوازية المكان كان خلاب ممراتو نقية وفيه الاشجار من كل نوع وغابتو كبيييييرة وكطل على لبحر من كان عااالي..هو كيجري والعينين تابعاه وفيما دازت شي وحدة من حداه كيعجبها وكتبقى متبعاه بعينيها او كتقلب الدورة وتجي تجري قدامو وتبومبا وهو ساااهي وفاش كيعيق بيها كيزرب عليها بجرية ويسبقها ويخليلها الريح موراها..

بدا المكان كيعمر شوية بشوية ورجع قلب الدورة ورجع فحالو للدار لقى الحومة عامرة والحوانت حلو والحركة دايرة نزل عرقان والاكس لصقات عليه ومهبط الكاسكيط واللحية باينة من الجناب كحلة مقادة..دق وفتحلو حسن فلبلاصة

حسن:(مخلوع)فراس.!!الله اولدي فاين كنتي فاين مشيتي خلعتيني جابلي بالي غير..

فراس:هه غير تهنا الواليد كنت غير كنجري شوية بلا ما تخلع

حسن:اووف الحمد لله يله دخل دخل(داخلين وكيهضرو)ههه صباح الخيير بعدا

فراس:هه صباح النور

حسن:ما عندي ما نسالك هايداك اولدي قابل صحتك..الا خطاتك هيا ما يبقاللك والو ما تكونشي فحال باك ههه

فراس:ومالك مزال تبارك الله عليك خاصك غير ترجع لسبور شوية و تولي مزيان

حسن:(دخل للكوزينة ورجع كيقابل القهوة لي على البوطة)اوديييي يانا ما بقالي جهد صافي ركابي خواو بيا لي عطا الله عطااااه

فراس:(كيحل الثلاجة وهز قرعة د الماء)لا لا مزال الحال حتا دابا اذا بغيتي نبقى انا وياك كل صباح نوضو نتريضو مع بعض شنو قلتي

حسن:اهاه علاش لا ههه

فراس:اوك تافقنا(شرب وحط القرعة)الحاج باقي ناعس؟

حسن:اه عاد انطلع عندو نفيقو ونعطيه الدواء

فراس:اوك انا انمشي ندوش ونجي

حسن:واخة اولدي

دخل فراس للحمام دوش وتحمم وقاد حالتو وخرج ملوي فوطتو وريحتو عاطية..هز بوكسور بيض وتيشورط فاللون الرمادي مزيرة عليه وعلى كتافو لبسها ولبس شورط دجين فلكحل حد الركبة وفيه طوية ولي مولي باينين وكاسكيط كحلة وصبادرين فالاسود