المصخوط الجزء 20

15 عام عمر ديال راجل.. دري دبا عندو 15 عام وليتي تحشم نتا وهو ميحشمش 15 ميجمعها غير لفم وخا نكون قاتل سيمو.. لي تلاقيت معاه تيقوليا مالك بينالك فوجهك ماشي هو هداك مقلت لحتى واحد شحال غادي نتحكم تا عماد سيد لي عاشرتو تما.. بنادم غادي يتشفا فيك تا لخاطر ديال لماكلة مبقاتش علاش غتاكل ونتا مغادي تخرج تا تضعاف وتشيب داك عماد لصقني حيت سمعهم فاش قالو ليا لمحامي كيتسناك غير كيدور ويسولني قلت ليه وخا عاود ليا شنو درتي نتا باش دخلتي هنا وانقوليك أنا شحال غادي نبقى هنا وهو يقوليا صافي غير بصحة دبا تحكم وتوصلني لخبارة باردة ساط درني فراسي راه كينعس معايا فنفس لبيت خاص نعرف شنو داير.. غير سمعت 15 عام نهار ولا كيدوز بحال لعام كنعس كندوي مع بنادم مكنخلي ما ندير وكنلقاها 3 ولا 2 دبصح وليت كنفكر ندير بحال لواليد اللهم تعدب فيدين الله يقدر يرحمك ولا يدين بنادم.. وليت غير ناعس سيد ولا كيعيا معايا باش نخرج قلت ليه راه نقدر نبقى تما 15 عام قاليا تانا وقعلي هكدا فلول إلا مصبرتيش دبا غادي تولي داير شي حاجة فراسك مزال تا حاجة مكينا نتا مزال صغير معرفتي لله شنو مكتبليك كون بقيتي برا تقدر تموت وهكدا تعطاتك فرصة تعيش كتر شوفها من هاد ناحية متشوفهاش بلاء.. عيا معايا والو وصل نهار زيارة جات لخويلة كنت كنتسنى تجي معاها ديك بنت ناس دآية ولكن مجاتش جات غير لخويلة بوحدها جابتلي داكشي علاش وصيتها وشي حوايج وكتوبا معمري شفتهم عارفاني مكينش لي غادي يتعدى عليا كتوصيني غير منجبدش صداع باش منزيدش نغرف كتر قلت ليها إلا حكمو عليا بصح ب15 عام بلاما تبقى تعدب راسها وتجي عندي صافي مفاديش نتقلق.. واش منيتك كتدوي واش نسيتي بلي بسبابي دخلتي هنا أنا لي قلت لدوك ناس كلشي عليك و100% هوما لي مصيفطين هادو وديك ليلة مكنتيش غادي توصل لديك لحالة كون مكنتش معاك سو متعاودش تقول هاد لهضرة غتعاود تقولها غادي نقوليهم تعدى عليا ومكنعرفوش نزيد نغرقك نكمليك 20 عام هنا. رجعت لبيت نعاس ولمزيكا جايبالي كتوبا طوااال عارفاني غادي يكون عندي لوقت باش نقراهم مزعمتش حتى نمسهم غير عماد كيقراهم كل نهار نفس لحاجة درت واااحد لحية دوش كندخل ليه غير فاش كتكون راشقالي حددو نهار لجلسة شفت لخويلة قبل منها 4 لمرات ما بين زيارات وفاش كتجي تدوي معايا على لقضية.. وخا عارف شحال غادي يعطيوني غادي نزيد نكعى فاش انسمع ديك 15 عام عماد وهو يدبر على تيليفون معرفتش كيدار ليه قاليا إلا مكنتش قريب وجاو يقلبو تكلف بيه نتا قلت ليه كيغادي نخبيه وهوما غادي يقلبو وهو يدير ديك لإبتسامة لي علا بالك وقاليا واش كيحسابلك عطاك الله فخاض غير باش تبرك عليهم بلاما نشرح ليك.. داك تيلي كيجبدو غير فلييييل ولا فاش كتكون دنيا خاوية بعدا وليت تنقد مرة مرة ندوي مع لخويلة من غيرها مكينش لبنت لي كان كيحسابلي بيناتنا شي حاجة متأكد مغاديش تجاوب إلا عرفاتني أنا لي معيط تنعيط على لخويلة تنمسح نمرتها هو عشيري بصح ورجولة ولكن عيبنا واحد سمح ليا واحد ليلة وهو يفيقني مع 3 ونص قلت ليه شنو واقع؟ مدلي تيلي وقالي عطيني نمرة خالتك بقيت كنشوف فيه واش *ملتي؟ أساط يهديك لله قاليا داوي معاك بغيت ندوي معاها فشي حاجة تقدر تعاونك قلت ليه آرا كتبتها وهو يقوليا دير لكيت وجهد لمزيكا هااااا باغي تخصر معاها لهضرة قاليا والله ما غنقوليها شي حاجة صافي واش عارفني فيا هاد لفعايل.. خونا كيباليا تيدوي معقول درت لكيت حطيت راسي وهو يديني نعاس كاع.. فايق لغد ليه كنسول فيه فاش دويتو قاليا والو غير سولت على لقضية ديالك وشنو لجديد والله بب مقلتهاش ليها أصلا كتدوي معقولة مالك شوهتينا بعدا بحالا غادي ناكلوها بغيتي تدوي معاها تسولها را تيليفون قدامك.. مبقيتش تنسول بزاف محكرتش أصلا بقاو يوماين على لجلسة بزز باش خليتو ينقص ليا من لحية مدلي واحد لحطة قاليا هادي مخليها لنهار غادي نخرج ولكن حلال عليك جربتها جاتني صغيرة شويا كنبان عملاق وسطها ولا عندي صدر فداك لحبس مفهمت والو أنا مكنتحركش بزااف لمهم داك نهار كلشي كيدعي معايا كلشي ولا معاشرني درت بلاصتي وسط بنادم متخافش عليا كلشي كيدعي خرجوني فطريق كلشي كيدعي معايا إلا أنا كنشوف فزنقا بنادم لي غادي فزنقا معارفش شنو عندو وصلنا دخلوني لواحد لبيت قبل منمشيو لمحكمة غير أنا ولخويلة و واحد زوج من دوك صحاباتها كتقاد ليا فحوايجي بحالا غادي تخطب ليا كنقوليها يهديك لله كتقوليا راه لمضهر مهم كون غير حيدتي هاد لحية كتبينك كبير دخلنا لديك لمحكمة حياتي كلها كنشوف داك لهيت غير فمداولة مدورتش عينيا لبنادم لي بارك تما كان كيحساب ليا غادين يجيو غير عائلة خوتنا تا كيبانو ليا ناس ديال درب وجيرانها وكاع بنادم لي كتعرف جابتهم مشفتش فيهم كنسمع ديك وليد وليد دورت وجهي كتباليا ناس دآية باركة ورايا معرفت ما نقول تبسمت وشفت قدامي دخل لقاضي ودوك نڭافات(عارف سمياتهم غير مبغيتش نعيق عليكم زعما شوفوني را كنفهم فالقانون😅) لمهم بداو كيدوزو جيران كلشي نفس الهضرة داك لولد لله يعمرها دار مكينش فحالو تا من بات آية شهد كان كيحسابلي حاقد عليا بدات لخويلة داويا معمري شفتها كتدوي بالعربية أنا قتلاتني بالهضرة وبدات عليه مشاكل فطفولة وجبدات ضوصي ديال لواليد ولواليدة داكشي مخدووم وقفت تانا يسولوني وندوي لساني كياكلني على ديك وعندي ما يفيد بغيت غير شي طريقة باش نخشيها فلهضرة والو ولقيتش كيفاش غادي نكبر فعينين لقاضي.. هضرتهم وهادشي كامل مواكل والو راه قاتل 3 درواح وخا نكون نسيب فرعون مغاديش نخرج من هنا غير كيدعموني نفسيا هكدا وصافي باش نصبر على ديك 15 عام وصلت وقيتة نطق بالحكم وأنا نسمع ديك سنة ونصف سجنا بدون شعور وقفت ل*وااااا كلشي شاف فيا لوحيدة لي ضحكات هيا ديك بنت ناس وضحكها مرجل معروف.. بزز باش شديت رجليا ويديا كنت غنبدا نتركل تشوفني تقول هدا عطاوه لبراءة ولكن فاش كتكون كتفكر ف 15 عام ليل ونهار وكتسمع عام ونص راه بحالا طلقوك تخرج وصافي داك لقاضي عرفتو حبس ضحكة غير بزز قاليا حتارم لقاعة ولا.. وهيا تجرني لخويلة برك وسكتنا نتا كتباليا كتدمع بالفرحة صافي عام مدا ما جاب يلاه نقرى دوك لكتوبا..

يتبع