المصخوط الجزء 23

عرفتي داك ناشيد ديال رضيتو بالله ربا ناري أنا أصلا طايح وهيا زادت عكلاتني جاوباتني قلت ليها انا حداك وقطعت نزلت عندها سلمت عليها بالأدب وصواب لي معمري درتو مع شي مخلوقة خديت لباليزة درتها فلكوفر وتحركنا ختنى كتبان من نوع لي كيحشم وأصلا مزوجة تحركنا غير كنشوف فطريق خايف نشوف فيها تفهمها فشكل تحركنا من تما وهيا تبدا تسول منين نتا شنو سميتك منين كتعرف عماد.. جبداتني مبقيتش سكت عماد خويا لا أشمن خويا كتااار هو سبابي تا خرجت من تما.. وصلتها لدارهم عارف بلي كينا غير هيا وعماد نزلت ليها حوايجها قالت ليا تسنى حتى تشرب شي حاجة؟ كيفاش انقد نقول لا دخلت بقات كتسول فيا على خوها كيداير شويا كيفاش دخلت لحبس دارتلي داكشي ديال لFBI قلت ليها والو دخلوني غير ضلما وعدوانا بقات كتسول معرفتش كيفاش نقوليها قاتل 3 بطريقة متخلعهاش مكيناش شي طريقة زوينة عاودتليها لبلان من لول وزدت شويا ديال لفاخر ولعافيا وطايح كتر من نايض وأنا نخوة ونفس مرضيتش خالتي توقع ليها شي حاجة وأنا كاين هضرة تجيب هضرة لبنت كتااار من خوها فدماغ سولاتني على شي محامي الله أودي لخويلة محاميه إلى بغيتي نلاقيكم وتدوي معاك لله يعمرها دار اتعرفك خت عماد مغاديش تقصر من جهدها.. خرجنا تاني مشينا لدار عرفتي باش تنجبد سوارت باغي ندخل لدار قبل ميشوفنا شي واحد وهو يتحل لباب داك لواحد لي كنت ضارب لحساب لايشوفني داخل لدار ديك بنت ناس كانت مع لخويلة ولاو كيعمرو بزااف مع بعضياتهم طلعات فسيدة وهبطات دوك شوفات ديال هاي هاي هاي على لغدر قلت ليها كينا لخويلة فدار دي ليها هاد لبنت أنا اندخل لكوزينة سديت لباب دخلت لكوزينة وتنطل بنص عين تا وصلاتها تولي طامعا فيها فطريق ولا شي لعبة كتشوف لطاي كين فرق أخويا ديك بنت ناس عندها لكتاف لأخرى داك لجمال ديال الله.. حليت تلاجة تا كتوقف عليا ديك بنت ناس فين كنتو شفتك جبتيها معاك وشنو دوك شوفات أحححح وخا كتبان وحش ولكن كتغير دوك لقباحات لغيرة ديالهم خيبة كتقول "تا دوي ال*لاوي" حداري من لخيانة مع هاد نوع.. بقيت تنقوليها خت عشيري وعندها مشكل و وصاني صافي هانا وصلتها واش أنا برهوش سيدة راه مزوجة صافي خليني نشوف شنو غدير باش نقولها لخوها.. صافي مشيت لقيتها كتدوي مع لخويلة لخويلة عزيز عليها بحال هادشي تا هيا دوزاتو أنا تنشوف غير فديك بنت ناس ناري على ضحكة مأدبااااا ولغمازات ناري أنا انرجع لحبس نتعاشر مع خوها كتر باش يلاه يزوجني ختو كون يحسابلي دايرا هكدا من لول نقوليه ميخليهاش تزوج.. أصلا وجهي ميجيش مع بحال هاد شكال دلبنات يشوفوني معاها فزنقا يقولو راه غير شيفور ديالهم.. لمهم نعتاتليها لخويلة لبيرو معرفاتش لبلاصة وهيا تشوف فيا قالتلي تقدر توصلني غدا؟ ديك مرحبا على طرف لساني أيييه مرحبا مرحبا غادي موصلها لدارهم تنعاود ليها على لبطولات ديال خوها فلحبس وصلتها قلت ليها إلا وقع شي مشكل عيطيلي متحشميش راه بحال ديك خوك خرجات غي بزز فرطتها راجع لدار طالق ديك نعشق طفلااا أندلوسيااا صغيراا شاباا خموريا..العين كحلة تهبال والشعر طويل مخبل ما عرفت كيفاش نمثل سبحان خالق مولايا لبيتشووب اخويااا ميكروب حق الله ولكن سمحلي لي يخلي ختو مع واحد يلاه خارج من لحبس راه خاصو لإعدام را غا لقاني زايد نغزة فلعقل لمهم فليل عيطتليه قلت ليه شنو وقع قاليا صافي خليها تبعد على داك زبل تانا محملتوش.. دوزت ليه لخويلة قالت ليه بلي راه غادي ترفع دعوى وكدا تنسمع عيد ما عيد راه بقاتليه بعدا شي سيمانة وصرف واااع خيتي غادي تعيد معانا شهية غادي تكون مفتوحة هاد لعام خاصنا ناخدو زوج يلاه يقدونا قطع بقيت داوي أنا ولخويلة قلت ليها خليني أنا نتكلف واحد سيد صاحب لواليد هو لي غادي ناخد من عندو صافي لغد ليه وصلت ديك بنت ناس لعند لخويلة قلت ليها بلي دوينا لبارح مع عماد وبلي وصاني عليها وبلي غادي تعيد معانا قالت ليا لا مبغيتش نديرلك مشاكل مزال محليتش لمشكل ديال طلاق سيد لي مزوجة بيه جلاخة.. واش غادي يخلعنا شوفي غير يعاود يقرب ليك غير صوني متعيطيش نفرجك هاي هاي هاي لبلاد سايبة ولا كيفاش على بحال هاد لأشكال دخلنا لحبس حنا والجملة لمشهوووورة نتي مزال معرفتينيش شكون واقيلا.. وصلتها وقصدت دار لقديمة شحااااال ممشيت لتما ومنها نشوف لعيد جبدت شي فلوس ومشيت ملقيتش دار فتها عاد رجعت ولاد طييييط ولاو كيلوحو زبل فديك لأرض لي بعتليهم جبل ديال تراب ولجر دار بدار ملقيتش تا منين ندوز ولاد لعبد شياطين هادو موحال واش بنادم باغيني نرجع لحبس على ود شي واحد فيهم خليت طوموبيل بعيدا ومشيت لدار بعدا مزال مسدودا مقاصو حتى حاجة مشيت لعند داك سيد شدني تا هو داك نهار تا وليت مغدي معاهم بزز باش تخلص من عندي تا يوصل لعيد وانديهم لدار.. رجعت لدار لقيت لخويلة فدار سولتها شنو دارت مع ديك لبنت وهيا تبدا كتعجبك؟ غادي تشبكها أمصخوط بات آية راه كيتسناك تزعم وتمشي تخطب زعما إلا تجمع عليك هو وبنتو غي الله يستر مع لله يحفظ حداري حداري الولد والا جيتي تشوف تشهيتلك هاد خت عماد ضريفة ومتشبعش من لهضرة ديالها لمهم لي باليك ولا دير خير كبير فراسك و خوي دماغك من هادشي راك يلاه خارج من مشكل رتاح وقاد أمورك فاش غادي تزوج اتولي تبان كبير منبقاش نقد نقوليك تا ولدي اللهم صبر تطلع ليا شويا فراسي وتزوج لا بغيتي..

يتبع