المصخوط الجزء 26

عرفتي ختنى مزال مراتو ولقاني انا وهيا فدار ومدار تا شي لعبة وي بصح مكنا تنديرو والو ولكن أين هي رجولة ايييه لله يرحم لواليد لقاها مع بنادم دارلنا مقبرة جماعية مورا دارنا ايييه ماتو ماتو رجال بقى ضارني خاطري.. خونا مشى وتيحلف ليها مغادي يطلق وخلاني معاها نعاماس قلت ليها انمشي عندي شي خدمة يولي خونا معيطلنا على لبوليس ولا شي لعبة.. مشيت لمحل لي خديت لقيت ديك بنت ناس واقفة تراه كتخدم ديال بصح تا إلا متزوجتش بيها خاصها تخدم معايا خرجنا وقيتة لغدا قلت نديرو بحال دوك لكوبلات زوينين نتغداو فشي بلاصة زوينة و نسمعو منها شي كلمة زوينة را دبصح كنحس براسي انتزوج بعشيري مزال عشراني را تنسلمو على بعضياتنا وككدامني بركنا وهيا داويا على لماتريال دوش لمرايات طبخاتلي راسي قالتلي بلي باها ومها غادين يسافرو مورا ما يرجعو غادي نتلاقاو بيهم ديجا لخويلة عارفا هادشي أنا أخر من يعلم أنا غي كندرس فخيتي را زواج هدا نقدر تا نكونو غادين عند لعدول ونقوليهم حبسو أنا را كونصير نديرها.. لمهم كملنا نهار عادي داك صال سيمانة أخرى غادي يتحل غادي نشوف مع سيد فدار الا كان مزال باغي يبيعها كلشي زوين كلشي غادي هو هداك فليل تا كنسمعو بلي باها ومها ماتو وخوها صغير مزال فصبيطار فلول كيحسابلي لخويلة غي مطلعاها عليا غادين لدار عندهم كنسمع لبكا وعائلتهم معمرا دار عرفت بلي بصح كنعرف فيهم غير داك عمها لي تقدينا من عندو لماتريال عنقتو فبلاصة ما انا نقوليه لبركة فراسك وهو يقوليا ممشى معاك باس أنا لي قلت ليه ممشى معاك باس سيد معرف ما يقول ولا باش تبلا مبقاش عندي مع صواب صافي الأفلام وسيريات خرجو عليا كنقلب عليها كنسمع صوتها جاي من لبيت ديالها ومزعمتش نمشي معاها عائلتها بقيت مع دوك عمامها وعائلتهم تبارك الله مزال ممتيقش بلي باها مات زعما غادي وتيوصي بلي غير يرجع أنتجمعو باش ندويو ونفرحو وكدا تا واحد ما ضامن روحو تنسول داك عمها قاليا دارو كسيدة مع كاميو فطريق بارك تيعاود ليا وهيا تخرج من داك لبيت شافتني وهيا تجي تعنقني وسط عمامها وعائلتهم وجيران أنا بورشت بالحشمة صافي أصلا عارفيني خاطبها لمشكل غادي نجي نصبرها غادي نفرشها انقوليها لله يعطك صحة ولا جمعة مباركة اللهم سكات تا سكات زوين سمعتهم تيقولو بلي باغين يمشيو لصبيطار قلت ليها را خوك بقيتيلو غي نتي خاص نمشيو غادي بيها معايا هيا ولخويلة وعائلتهم تابعينا كتعاود لخويلة قالت ليا بلي مكانوش باغين يديو خوها ولكن هيا قالت ليهم ممسالياش ليه باش تبقى مقابلاه وهوما يديوه معاهم.. لبنت فنهار وليلة ولات يتيمة تقريبا بحالي.. خوها لعقها ديال بصح فرجليه رجع ليه لكرسي لي قدامو لكراسا تضربو تا تحيدو من بلايصهم وتخايل معايا شنو وقع لبنادم لحم وعضام لي كان بارك فيهم مخلاوهاش تشوفهم يكدب عليك لكداب من غير والديك را مكينش لي يعقل عليك غير دفنوهم بداو كيمشيو واحد مورا واحد تا بقات غير هيا وخوها وهيا تقوليها لخويلة أجي بقاو معانا.. خوها ميقدرش تا يبرك فوق لكرسي إلا معاوناتوش من زهرو ختو بصحتها تقدر تهزو تجيب بيه تسركيلا فدرب وترجعو ولكن دبصح زادت كبرات فعيني خليني من دوك لي تتصبر سيمانة ولا زوج وتبدا تشكى شهر وكلمة وحدا لي كنسمع فدار هيا فاش كتسول خوها واش خاصاك شي حاجة ودري را كيتشهى عليها تقريبا مبقات كتدير تا شي لعبة فحياتها غير مقابلاه.. صال كون كانت مزال واقفا عليه كون راه كمل ديك سيمانة مبقاتش هيا مسالية ليه أنا تكلفت داك شهر يلاه قادينا لماكينات فبلايصهم ضو دوشات كلشي هو هداك بنادم غير كيدور ويعيط ليا باغي يدخل تنقوليهم غي صبرو سيمانة جايا خاص تكون حاضرا راه هيا لي دايرا كلشي.. أاا ومورا ما مات داك سيد وليت ضراايف وكنفكر لبعيد إلا مت شنو غادي نخلي مورايا والو غير فلوس غادي يقسموها مورايا وينساوني فديك سيمانة وموحال تا واش يدعيو معايا خاص تخلي كلشي يترحم عليك تموت تبان بلاصتك بعدا ديك لبرهوشة ديال لخوادرية وليت تنخرجها لي كتحل عليها فمها كتلقاها وراكم عارفين دراري صغار غير دير ليه خاطرو وخرجو يبدل لجو راه غتولي نتا روح ديالو ولات بزز باش كتخليني نمشي.. لخويلة وهيا تفكرني فزواج وكدا بدات كتدوي معاها وكتدوي معايا جابتلها واحد لخاتم من ديك صنيديقة لي عطيتها ولخويلة والله تا كتبغي لديك لبنت لخير كتر من راسها أحسن حاجة فديك صندوقة لي عطاتها ليها صافي هيا هاديك غادين نديرو لكاعيط وصافي مكين لا عرس لا والو لبنت مزال منساتش موت والديها لمهم جا داك عمها و واحد أخر وشي خالتها قلال لي جاو معرفتش واش مقالتهاش ليهم ولا كيفاش أصلا مدرنا تا شي لعبة غير قادينا لوراق رجعنا لدار كلاو مشاو بقينا فدار متبدل والو عرفتي بحال دوك لي كيبقاو سهرانين يتسناو ديك 00:01 ديال راس لعام ختنى بالها مع خوها ومكتضحك مكتبكي غي ساكتة كنحس بحالا كنتعدا عليها قلت ليها نسافرو قالت ليا منقدرش نخلي خويا قلت ليها وخا نمشيو معاك بعييد تاني انديوه معانا وديناه هو ولخويلة معانا دينا لبرهوش مجاتش نخليوها بوحدها داك لولد بديت تندوي معاه مرة مرة تنسولو واش خاصاه شي حاجة دري ضرااايف وحشووومي بشويا بشويا كيتطلق كنوضو يتمشى.. باه كان لله يعمرها دار لمهم كينساو بشويا بشويا.. دبا شنو لبلان لي وقعلي ديك ساعة منقدرش نتحول أنا وهيا ونخليو لخويلة مع دري متقدرش عليه وماجاتش ومنقدروش نديوه معانا وتبقى بوحدها يعني حنا ب4 معندنا كيفاش نتفارقو.. لخويلة لي كانت كتسول على دية تا كتقوليا بلي خرجات ليها 600 مليون هيا وخوها عرفتي من عند الله زربت عليها كوراه طار بيها شي ولد عمها ولا خالها كنا واخدين دجاجة تا تزاد عليها لكامون من حيت لا أدري إلا كان شي رضا لوالدين كتر من هدا الله أعلم.. كنسولها شنو غدير بيهم كتقوليا فلوس خويا هادوك مغاديش نقيصهم فلول كيحسابلي غير كتضخك طلعات منيتها كتهضر.. لمهم داك نهار ديتها باش تشوف دار لي كبرت فيها ونبدلو لجو شويا ملي انرجعو انحلو صال دخلنا لدار كنوري فيها دار لبير لي وقعلي فيه لفيلم كنقولها تطلقها وتنسى شويا نتي بعدا مك كانت حداك وماتو بحال عباد الله كنسمع دقان قلت غيكون شي واحد فجيران شافني وجا يسلم وخا موحال تباليهم تا دارنا مورا داك جبل لي دارولنا لعديان حليت لباب كيباليا داك لعدو جاي تال باب دارنا بعد ما تسببلي فحبس ولحمي كلو غرازي بحالا كنت كنحارب بالصدمة باش بالي غادي نسد لباب وهو يحبسو بيدو قاليا بلاتي أولدي بديت كنقي ليه فودنيه ولدك يا ولد.. مصيفط ليا بنادم لدار فنص ليل كانت حياتي غادي تضيع وليت قاتل 3 درواح بقى تيقوليا نستاهل غير عاير ولكن خليني ندوي تانا فاش تسالي نتا لهضرة..

يتبع