المصخوط الجزء 28

جمعت لوقفة ورجعت لدار دخلت بحالا مواقع والو مسولونيش تا فين بايت لبارح لغد ليه غادي خارج وهيا تقوليا تسناني انمشي معاك ياك غادي لصال؟ قلت ليها وخا تسنيتها وخرجنا بزوج كتباليا فهمات راسها شويا بقينا تما تنوريها شنو زدنا ملي مبقاتش كتجي كتباليا شدات بلاصتها وكتقلب فداك لبيسي وكتحسب بحالا ناويا تبقى تمشي لتما كل نهار بحال صال لول ولا منعرف جريتها مرجعها لدار غتمشي لداك لمحل فاش انكون غادي ليه أنا بغيتي تدخلي لشي صال شوفي واحد فيه غي نسا.. داوين لحكام وداكشي وهو يصوني ليا خوها قاليا راه واحد سيد تيسول عليك فدار هنا بغا يشوفك را كيتسناك.. معرفتوش شكون قلت غيكون غير شي واحد من لي كانو تيقادو لمحل كيتسالني شي حاجة ولا منعرف وصلنا لدار لقيت داك شيباني تاني ولبرهوش مدخلو لدار دم شعل ليا فعروقي يلاه يوماين باش قلت ليه منعاودش نشوفك قلت ليه يلاه نخرجو ناوي نعطيه شي قتلة دلعصا وخا كبر مني ولكن راه مبغاش يفهم برجولة خرجنا وهو يمدلي شيك صدمني قاليا لكمالا دفلوسك دبا مبقيتي كتسالني مكنتسالك صفحة بيضة؟ ضربت داك شيك فجيبي عاد قلت ليه ومن بعد؟ والو غير خويا وخالتك باغين يتزوجو وإلا موافقتيش نتا مغاديش تبغي هيا ونتا معمرك غادي تقول أه محدك حاقد عليا اوا ها فلوسك كاملين وطلعتي نتا لي رابح راه شرينا من عندك لأرض بثمن عمرها تجيبو. عرفتي بحالا صرفقني لخويلة؟ عرفتي إيمتى قالتلي سالينا ودوينا وعاودنا فهاد لموضوع وعارفاهم هوما لي كانو غادين يدخلوني لحبس أنا مبقيت لاقي ما نقول وليت أنا لي ممزيانش فهاد لفيلم مديت ليه يدي قلت ليه يديرو ما بغاو واش أنا سوقي راه مرا بعقلها.. أييه عارف ولكن نتا راجل ديال داى وعندك كلمتك هادشي لاش جيت عندك منقدرش نخليهم يديرو شي لعبة ونتا مباغيش.. لعميم دبا لخص من هادشي كامل راه مكنحلم بتا شي حاجة من داك نهار وريالات لي عندي راه عندك كتر منهم معندك ما تربح مورايا!! لا لا مباغي نربح والو غير مبغيتش تبقى حاقد عليا لموت ولحياة هادي قبل ما يجيو يدويو معايا كنت تنفكر نجي لعندك وفاش دخلتي لحبس قلبتلك على أحسن محامي ولكن خالتك قالت بلي هيا غادي تكلف... ساط مبغاش يتزعزع وخا قلت ليه يتزوجو ولا يطلقو مسوقيش باغيني ندير بحالا موقع والو وأنا نحيد تيشرت واش كيبال هادشي غادي يتنسى شوف غا يدي وقوليا واش كون كنتي فبلاصتي شنو غادي دير.. بقى كيتمتم عليا وشيطان ولي غلب يعف قلت ليه تا دبا مضريتكم بوالو أنا لي بغى يتزوج يتزوج نتلاقاو فطريق سلام راه بيناتنا.. خليتو واقف وطلعت لدار كنت تنفكر نجمع حوايجي ونخوي ليا دار ولكن مجاتش ديجا درتها و دبا معايا زوج دناس وفين انمشيو دخلت لبيت تنقلب فتيليفون على نمرة ديال واحد سمسار يشوفلي شي دار راه أصلا حشومة حتى لتعاويد تزوجت ومزال ساكن مع خالتي وهيا تدخل آية كتقوليا قطع قطع قلت ليه سمحلي من بعد ونعاود نعيطلك مالك؟ علاش كتقلب على دار ودارنا غير هنا وخاوية من دار خالتي لداركم واش أنا مغاديش ندير ديالي داركم كريها ولا سديها بقاو تجيو ليها مرة مرة أنا انشوف شي بلاصة زوينة وقريبة لخدمة.. عنداك تقوليها ليها خليها دير لي بغات طلعاتلي فراسي أنا.. واحد شويا وهيا تدخل بدات غا كدور وكتقوليا كيداز نهار فين مشيتو بغات تعرف واش جا لعندي ولا لا قلت ليها بلاما تبداي تانتي عطيت لموضوع كتر من قيمتو منك ليهم أنا بعيييد على هادشي كامل.. وبصح مدويناش عليها كتر قبنا 6/9 كنسمع غادين يجيو يخطبوها ولا منعرف لمهم أنا مسوقيش صرفت فلوسي خبيتها كيما تيقولك يفوتو غا طرمتي ويخورو من بغاو حيت كتشوف تا تعيا وتقول أنا مالي شنو ليا فهادشي.. تنقلب على دار قبل ما تقولها لينا هيا وبما انني ناوي ندير فيها عائلة ونكبر فيها مزربتش تنقلب على بلاصة زوينة وقريبة لبحر وتكايس عليا شويا را لا ديبلوم لا شهادة قاتل 3 درواح ومدوز لحبس إلا خسرت دوك لفلوس غير نموت حسن ليا لمهم مرة مرة تنمشي نشوف ديك لبرهوشة ديال لخوادرية تندي ليها شي تويشية فيدي وصل نهار لي غادين يجيو فيه وجاين درب ديال عباد الله معرفتهم واش جاين يخطبو ولا يتحاربو جابت واحد زوج عيالات هوما لي قادو ليها كلشي أنا غير داير معاهم صواب على وجها وصافي لبست ديك جابادور لي مكنحملهاش كنحس براسي بحالا يلاه مطهر ممولفش على داك لبس لمهم داير فيها بعقلي وداوي معاهم بحالا مواقع والو بيناتنا لعريس معرفتو واش حشمان ولا خايف كنت حطيتليه وااحد لمسمنة غيبتو داك نهار وجاي تاني بوجهو حمر حطو لغدا شحال كيتبعصو مكالو والو أنا درت صواب وجمعت يدي تا يمشيو وغادي ندير لداك دجاج خاطرو دوك لعيالات صرعووه بلاصتهم فماستر شاف يبقاو غا يحمرو ليهم دجاج كلا حلقة والله تا يديوها ولكن مكينش تكافؤ الفرص وداكشي د باك صاحبي..درنا وقيتا باش نمشيو لعندهم وناضو خرجت معاه تا ركبو تحركو وبقى معايا داك سيد تاني قاليا تبارك الله عليك راه ساهل تعكس وتدير لعيب ولكن صعيب تصبر على حقك وتبقى مهدن لله يرحم لي رباك خونا تيصبغ فيا كون جيت نخدم معاهم داكشي لي رباني لواليد عليه كون راه دخلت عليهم لحبس تاني من زهرهم لقاوني تعلمت بزااف دلحوايج من هادشي لي داز صيفطت خونا لدارو طلعت لدار لقيتهم كيجمعو فداك صالون دخلت لكوزينة هزيت واحد طبسيل ضربت فيه واحد طير اتكون فيه شي 4 كيلو ومهور محمر مزيان ريحت قدام تلفازا كنتفرج وكنفصل فيه بحالا كياكلو معايا جنون فروج تمسخ زعما لهاد درجة كناكل خلق ليفترس وصافي أصلا غير لغديد لغديد كيجيبو ليا جوع.. جات عندي لخويلة بقيت تنعاود ليه نفس لجملة لله يكمل عليك غير مترجعيش تقولي ليا كلامك كلو طلع بصح.. واش لي كيبغيك غادي يصيفطلك 5 درجال فنص ليل بسيوفا جاب الله كين الله.. لمهم كيف تيقولو متمشي غير فين مشاك الله ومعرفتي لخير فين كين كنقلب لقيت سيد باغي يبيع دارو بفراشها داك ثمن ميجيبش ليك تا صالون من ديك دار غير سيد واقف على فلوس بزربا وأنا نزمم ليه بالعربون سولت مزيان على لبلاصة واش بصح ساويا وخونا غير محنسر وزربان ولا كين شي قالب تما لقيت دار ناضية ديتو لعند نوطير حطيت لفلوس عطاني سوارت هادشي مفخبار تا واحد لا خويلة لا أية تا من لبرهوش د خوها لي مبقيت تنخبي عليه والو لبرهوش تتكون تدوي معاه تيطلق ودنيه وتيسمع كتحس براسك داوي مع راجل بعقلو.. طرالي بلااان مع ناس لي مربين لخوادرية صغيرة راجل جراو عليه من لخدمة سيدة غير باركة وليت أنا تنعاونهم باش يصرفو عليها سيمانة طلعو ليا فراسي غادين يولفوها مقااودة تاني اللهم نديها لدار معايا لدار ديك لمرا مبغاتش وأنا كبرتها وبنتي وييع عيطت على مها عاودت ليها شنو واقع وبلي معايا أنا مغادي يخصها تا خير وغنبقى ديما نجيبها تال عندها باش تشوفها قالت ليا صافي راه ختك هاديك دوي غير مع مها لي رباتها دير معاها شي حل أنا فهمت ديك دير معاها حل هيا عطيهم فلوس للهم نعطيهم شويا دلفلوس ولا نبقى نصرف عليهم غادي نخسر كتر سو هادشي لي غادي ندير قلت غير يدوز نهار لي دايرين مع خوتنا انمشيو لعندهم لدارهم وغادي نجيب لخوادرية نقادليها وراقيها نتحولو لديك دار ونشوفلها شي مدرسة زوينة وتكبر قدامي..

يتبع