المصخوط الجزء 32

لمعنى لحقيقي لصخط ناس يجيهم جن بعقلو يضرب يقتل يريحك من صداع دنيا وأنا مصلط عليا واحد عندو شي 5 سنين كيدق وكيتخبى تبرهيش وصافي شفت تا عييت وأنا نعيط ليه على داك شيطان لي عندي وراكم عارفين الأفكار لي تيعطيني لعفرية زعزعني نضت حيدت لماريو لبيبان وتا لباب ديال لبيت يلاه دق فلخوامي دبا ملقيتي معامن ديرها مع واحد مكيزكلش حلقة ديال (supernatural) مرييض هدا.. شنو دبا هادشي لاش باع دار بداك ثمن يعني تدار ليا فيها كيحساب ليه غادي نخاف تانا ونبيعها.. معارفنيش هدا والله وخا يسكن معايا شمهروش ما نخويها موتا وحدا لي كينا أشهد ان لا إله إلا الله طلع البدر علينا نموتو مع بنادم حنا.. تا فيقوني نتعشا تيسولوني علاش حيدتي لبيبان قلت ليهم خليوهم غادي نعاود ليهم لفيرني(صباغة) متقيصوهمش لوحيد لي عارفني علاش درت هكداك هو داك لبرهوش ولكن مدواش حيت غادي تمشي لهضرة وترجع غادي يعرفوه كفيفيت بقى غير ساكت إلا سمعو هادشي موحال واش يزيدو دقيقة فديك دار وأنا جايبهم غير بزز ولمشكلة مجاتش نبيعها لواحد أخر تا هو غادي يدعي فيا غادي نشوف شي فقيه نييت نجيبو لدار ولا نعيط على سام ودين يفاسروها فساعتها(كنتفرج فسيري غي صبرو معايا) لمهم هيا هاديك لغد ليه فقت تنشوف فتيليفوني شحال فساعة طلعلي بلي عماد معيطلي شي 3 لمرات مع ديك 2 ونص دليل نسيييتو من نهار وقعلي داك لبلان مع ختو مبقيت عيطتليه.. صيفطلتو مساج فاش تقدر عيطلي ولا غير صوني أنا نعيطلك.. بقيت راد لبال مع تيلي فطرت وخرجت ليوم غادي نجيب لخوادرية لدار مشيت عندهم مع ديك 9 لقيتها لابسا وكتسنا داك تعناق ولبكا بحالا غادي نديها لغوانتانامو تنحلف ليهم تا غادي نبقى نجيبها كل سيمانة بزز باش تحركنا من عندهم لبرهوشة كياكلوها يديها مخلاتش شي لعبة فديك طوموبيل فبلاصتها لمرايات مخلاتهمش مقادين.. وصلتها لدار لخويلة وديك بنت ناس كينين فدار خليتها معاهم ومشيت حليت لصال لي تيبرك معايا تنعاود ليه لبلان ديال دار كلشي تيقوليا كتضحك تا عاودت لواحد دري حمزة كيتريني تما هو وباه وهو يعيطلي على باه سيد كبير شويا فلعمر كيقولو ليه تما غير با عمر ومسطيييي هارب ليه داك نوع لي تشهاه يكون باك وتيفهم فكلشي عاودنا ليه لبلان قاليا بدا تطلق ليا لقرآن فدار وإلا عاودتي سمعتي شي حاجة أجي *وي حمزة(ولدو) تراه لهربة خونا فركلني سولتو فاش خدام قاليا شاد تقاعد بقيت تنطلب فيه باش يقابل داك لصال منها نتهنا ومنها نبقى غير نكعا نبرك معاه يطيرني خونا ممنوش زوج فهاد لبلاد فلول مبغاش قاليا باغي نرتاح ونزيد شي زوج وليدات وشاف فولدو نوض حيد لاش مزال طالق ودنك حدايا با بقيت تنجقر فيه وغادي نبقى نجي نتبادل معاك بروجولة قاليا صافي هاد سيمانة غادي نجرب والمني لجو هو هداك مقديتش معندي منديرلك مديتليه سوارت بقيت بارك شويا داوي معاه تا وصلات وقيتة لغدا سدينا وخرجنا غادي لدار وهو يصوني ليا عماد وقفت عاد جاوبتو قلت ليه سلام مردهاش أشمن رجولة هادي وغادي نبقا نجي نشوفك وديك لهضرة كلها هادي هيا رجولة خرجتي ونسيتينا غير عيط سول كيدايرين متعطينا منعطوك.. لمهم بقى كيتفركع عليا ولكن مجبدش ختو فلهضرة عرفتها معاوداتلو والو أصلا معندها متعاود أنا لي خاص نعاودليه هيا لي قوداتها لمهم ساط وخا تيكعا قلبو بيض بزربا تينسى وخا منعرف شنو ديرليه غير متقيصش ليه ختو را ديما غيكون أمل يسامحك لمهم داوين وهو يقوليا راه بقاوليه زوج شهور وغادي يخرج صدمني قلت ليه شنو معول دير فاش تخرج قاليا غادي نجيب شي تسركيلا فهاد لبلاد كلها خاصك تمشي معايا موراها نقدر نرجع نتزوج أصاحبي ونساو هاد سنين كاملا إلا بغا الله غير وجد ليا راسك غادي نخرج غادي تولي تشوفني كل نهار راه وخا هكداك كدير بالوصية لخوادرية كتعاولي وقفتو معاها غير نخرج ونردلك كلشي.. وصلت لدار تا هو قاليا بلي خاصو يقطع قلت ليه صافي ليل نعيطلك.. طلعت لدار شعلت تلفازا لقرآن بقاو غير كيشوفو فيا صدمتهم رجعت لبيبان لبلاصتهم نسمع دقان غادي نقود سوايع غنريب مها ديك دار نشرد هاد لبرهوش على والديه ولكن باش عجبني كان هو سباب داك لبرهوش تا قطع لبلية داك جن كون كانو منو زوج فهاد لبلاد كوراه منعرف فين وصلنا عندو هدف سامي.. لمهم كان ضارني راسي نعست مكين لا دقان لا والو ديك نعسة ديال ل1 ومزال ممغديش وصيتهم ميفيقونيش ديك نعسة عمرها تنسالي أقود حلم تقدر تحلمو حسن من هاديك لي لقيت بيها دهب بارك فوق واحد لكرسي كبير وشمنك يا حريم ويا مغنين ها لي كيوكلني لعنب ها لي كيدير لبرد وها لي كيشطح كيشطحو على ديك لما بدا يتثنى ومحتارميني فرعون ولا شبغيت نكون عندهم لمهم ديك لبركة ديال لكفار وشكون لي كيوكلني لعنب خت عماد داك لعنب لي مفيهش لعضم وكبير وحلو هادي رؤيا هادي.. غا ضرباتني لفيقة كليت قاديت لحالة وخرجت مشيت لدارهم تندق وهيا تحل لقيتها تا هيا منعرف فين كانت خارجا لابسة مزيان قلت ليها جيت نسول فيك ونشوف واش خاصاك شي حاجة قالت ليا جابك الله بحال درهم دلحلال كنت باغيا نخرج نبدل لجو شويا دايرا مع شي ناس بحال وجهك تمشي معايا؟ مقديتش نقول لا بحال ديما.. غادين مدواتش كاع على داك نهار دوينا على خوها وبلي قريب يخرج وكدا لقيناهم كيتسناونا فطريق نزلنا سلمنا عليهم أنا صافي معول على سيئات داك نهار من شحال مدرنا لشيطان خاطرو لمهم كنسلم بالحنك أنا واحد خونا مد ليا حنكو فمو فيه وااحد ريحة تقول مغدي بتقاشر كان مزال شاد فيا نعاس ضرباتني ديك ريحة وهيا تفيقني فكراتني فعداب لقبر قلت ليهم فين معولين هاد لعشية خونا وهو يحل ليا لمالا عامرا قراعي وشيشة وأي لعبة حليتي عليها فمك كنت غنقوليه تا غسل غا فمك بعدا عاد شوف لبلية ريحتو تفيق لميت قلت ليهم سمحولنا حنا عندنا بلاصة أخرى خاصنا نمشيو ليها جريت ديك بنت ناس حركنا قلت ليها وجهك ماشي ديال هادشي واش منيتك؟ وهيا تبدا مكين ميدار ودوك ناس لي كنعرف وكنبدل معاهم لجو ومكندير والو وغير يخرج خويا غادي يتبدل كلشي... بقات راخيا عليا لحبل ديك ليلة وتانا درت معاها لخاطر غير كنسمع حيت عارف شحال كترتاح فاش كتعاود لشي واحد على حياتك ولمشاكل ديالك بلاما يبدا يزيد عليك تا هو بمشاكلو لمهم سركلنا ديال بصح وصلتها لدارهم وتحركت لدارنا مقادين على صداع خوها قريب يخرج رجعت لدار لقيت طوموبيل ديال خونا لي غادي يتزوج بخالتي عند لباب خونا مزال يلاه خطبها ولا كيدخل لدار بحالا مخليه ليا لواليد فلحالة لمدنية سورت لباب غادي نوريه واش حنا رجال ولا كرطون لقيتو بارك فصالون وتيضرب ليا فلحلاوي وأتاي ولمسمن طابلة متلقاش فين تحط صبعك فيها إوا را هو لي راجل فهاد دار وحنا غي ضيفان لي قهرونا بخبز وأتاي وزيت لعود...

يتبع