المصخوط الجزء 36

ساط معطلهاش بزربا وصلها لخوه فليل باركين كنتعشاو معانا عماد وختو وهو يعيط ليا خوه لكبير ماشي فعايل ديال رجال هادو تخليني تا نجي لهنا وتضربو ودير ليه ديك لحالة وخا منعرف شنو يكون دايرلكم داك لولد.. خونا بقا داوي وأنا غير صابر ليه مبغيتش نسبو وهو فبيت الله دويت معاه برب ديال لأدب قلت ليه شوف هادشي من لول ممسلكش ومشاكل من نهار عرفناكم راه مضربتوش شي ضاارب درت غير بوجهك أما لهضرة لي كان تيقول راه ديال لواحد يقتلو متجيش تدوي معايا فرجولة ونتا محضرتي لوالو كمل داكشي لي كدير فيه الله يتقبل نتوما من طريق وحنا من طريق.. قطعت عليه كلشي كيشوف فيا مموالفاش ليا ندوي معقول قدامهم اسيدي هيا هاديك قلت صافي طرقنا داك لمسمار بديت تنفكر أنا وعماد فين غادين نمشيو ولخويلة غادي تطلق ومع رجعات لدار غنمشي بالي مرتااح كنوجد فراسي باش انمشي كنوصي فلولد لي مقابل لصال ودار على لخوادرية أنا يتحرقو كاملين غا ميوقع ليها والو لكبدة لكبدة تنشم فيها ريحت لواليد.. لغد ليه غادي نمشيو بارك مع لخويلة وآية كنوصيهم زعما أنا مول لعقل جايب عليهم هبالي وصافي و شكون تيعيط ليا داك لكوميسير لي كان قاليا بلي لواليد مات عرفتو غير من صوتو بقيت تنسول فيه كيفاش داير وكدا قلت ليه خاصني نشوفك أنا غادي مسافر إلا دزت من تما غادي نديرو قهيوة قاليا غادي تشوفني قبل غير زيد.. سولتو كيفاش؟ قاليا شنو كتعرف على وقالي واحد سميت مغريباش عليا بقيت كنتفكر فين سامعها فين سامعها واااع ساط لي كان مدفون فالأرض ديالنا داوي معاه عادي خونا حولتو لبلاصة بعييدة معارفها حتى واحد من غيري أنا ولخويلة.. قاليا غادي تجي بوحدك ولا نصيفط ليك لي يوصلك ندوي معاك أنا حسن من واحد آخر.. قلت ليه صافي أنا غدا غنجي لعندك.. قلت لآية نوضي خلينا بوحدنا وهيا تخرج تنشوف فخالتي غادي تكوني قتلتيني إلا كنتي عاودتي لداك بنادم شنو درت لداك لي كان مدفون تما وهيا تشوف فالأرض عرفتها دارتها صافي وصلات معايا لطوب ديالي أول مرة نغوت عليها هيا راه ديال لعصا ولكن لقات لكبدة عندي حنانة قالت ليا راه لقا لبزطام فبيتك ومعرفتش كيفاش بقى كيجر ليا فلساني تا قلت ليه.. خليتها داويا هزيت بزطامي وخرجت ديك ساعة غادي شاد طريق لديك لبلاصة نحولو من تما حسن يوليو شاكين فيا ولا منعرف أصلا لوقت لي مات فيها مزال أنا مكندويش ولكن هادشي لي طاح ليا فبالي مكانش خاصني نقيصو من لول غا طمع وصافي.. لمهم فطريق عيطت على عماد قلت ليه راه غدا منقدرش نمشي سولني علاش عاودت ليه لبلان أصلا هو عارف لقصة ديال لواليد ولواليدة عاودتها ليه فالحبس غا كملت ليه لواليد علاش دار هكداك وبلي حولت خونا من لبلاصة لي دارو لواليد فيها وهو يبدا يعير فيا واش نتا مكلخ لهاد درجة علاش قصتيه أصحابي؟ راه ماشي لخاطري كنت تنقلب على شي حاجة وحفرت تما فاش جبدتو ولقيتو مقدرتش نعيط على لبوليس شنو غادي نقوليهم كنت كنحرت زعما فليل سديت عليه وعاودت حفرت ديك لبلاصة وجبدناه ورجعناه للمرة تانية متسولنيش علاش لمهم بقى عندي بزطامو فدار ومن بعد حولتو لبلاصة أخرى على ود هاد نهار تاني مرة غادي تديرها ليا ديك لمرا من نهار عرفتها وأنا فصداع ولكن ليوم زادت كملاتها.. بقى تيقوليا باش منمشيش لديك لبلاصة لي درتو فيها حيت غادي غير نزيد نقودها قلت ليه صافي أنا دبا غير غنمشي لتما نعرف شنو كاين وشنو عارفين كنت بااغي نمشي معاك نبدل لجو ولكن هانتا كتشوف زهر لي عندي كيف داير.. صافي مالنا دبا حاطين لينا سيف على رقابنا حنا ديال راسنا مأجلين تسافيرا حتى نفكو هاد لحريرة إلا بغيتيني فشي حاجة عيطليا أنا معاك. معنديش لخاطر تا نطلق شي مزيكا غير سايق وصافي مكنتش باغي نقوليها شنو درت داك نهار حيت ديجا دارت ليا نفس لبلان.. خليتها كتصوني عليا تا عرفاتني مغاديش نجاوب وصلت لدار تما فليل معنديش لخاطر ديال لماكلا ودار تقطع فيها ضو ولما عرفتي ضلاام ولعروبية راه ضلااام أصلا عرفتي لموت ديال لخلعة ولعصاب فنفس لوقت بارك فبيتي فداك ضلام ضو ديال لفلاش ديال تيلي بدا كيديني نعاس تنسمع دقان تنطل بنات ناس لحقو عليا نزلت حليت عليهم خالتي وآية زادو مرضوني علاش تابعيني فهاد ليل واش جاي هنا نفوج أنا ولا كيفاش ضلام ولحالة ولغوات مناقش أنا وياها كنحس بيها كديرها بلعاني وعارفا نقطة ديال ضعف ديالي ديا دموع غا بدات كتدمع وليت أنا كنطلب فيها باش تسكت وا غا صافي أنا لي ضالمك فصارحة مكان عليا نقوليك والو كتسولني شنو أندير.. نشوف بعدا شنو كين وشنو قاليهم شنو عارفين لحبس راه ماشي أول مرة أندخل ليه وكيباليا ماشي تا أخر مرة مكتاب عليا ولا منعرف يمكن حيت كنت سباب لواليد حتى دخل ليه ومات يمكن هكذا كنتعاقب.. بقيت كنلوح ليها مساج بعيد تندير ليها تأنيب ضمير وتهلاو ليا غير فلخوادرية وتا فراسكم وإلا فاتو معايا عامين بلاما تبقاو غادين جاين عندي ونتي أبنت ناس إلا بغيتي تمشي تكملي حياتك والله حتى فاهمك وندعي معاك كاع.. تراه بكيتهم بزز باش خلاوني ننعس لغد ليه ديتهم فطرنا على برى وخا معند لماكلا منين تدوز سولتهم على دراري معاهم خلاوهم قالتلي بلي بقات معاهم شي صاحبتها.. من بعد مشينا لكوميساريا بغيت نمشي بوحدي ولكن لصقة حلفو عليا باركين كنتسناو داك خونا يجي كنحاول نتفكر واش نسيت داك نهار شي حاجة فديك لحفرة ولا منعرف كلشي ممكن مع لخلعة وليل...

يتبع