خرجات وقفات قدامو كتشوف فيه ...هز عينو طلعها من راسها لرجليها حال فمو حس براسو شي حاجة تحركات فيه بقا كيشوف فبها ... و قال...
فارس: كتباتي مبدلة ...😍😍
شهد: كيفاش مبدلة ...
فارس: طارت البرائة ... 😏😏
شهد: كيفاش كنبان خايبة 😕😕
فارس: لا بالعكس كتباني سيكسي ... غير ولفت لوك البرائة .. جيتي مبدلة هكا ..
شهد مقنعاتهاش الهضرة وهي طلع فوق السرير كنزحف برجليها شي لي خلا سدرها يطل .. جلس فارس مقابل معاها جايا لعندو عينها فعينو و تخشات حظاه ومتغطاتش تكات على جنبها ... مقابلة معاه وهو كيشوف فبها شوفات ممفسرينش ...محيداتش عينها عليه و كدير حركات بجسمها ... رجل متنية فوق رجل ايدها جامعاهم قدامها شي لي خلا فتحة سدرها تزيد تبان لاحت شعرها لور و خلا عنقها باين ... بحال الى كتقدم راسها ليه ...في طبق من ذهب ... (ماشي بنت عهد 😂😂) هبط لمستواها ... وهوب جا فوقها عينو فعينها وابتسامة خبيتة على وجهو ... دارت لعندو تقابلت معاه و عينيها خارجين .. ومافبالها غير الليلة ليلتك ياعروس ...و كتشوف فيه كيشوف فيها هكاك وعقلو يعلم الله اش فيه..
شهد: بنتي على حقيقتك اولد الحرااام ... ناري اش غندير كيقرب ... ناري بغينا غير نضحكو دارها بالصح ...
شافتو قرب وهي تسد عينيها كرزت عليهم ... وكتسناه يبوسها حسات بانفاسو فوق فومها و ايديه شدو ايديها و حطهم الفوق ... حسات بيه ماباسهاش ولكن نفسو قدامها ... حلات عينيها بالشوية ... و لقاتو كيشوف فيها و ميتبسم بشر ... و قال...
فارس: اش كتحاولي ديري...
شهد: ب.. م.. اش كت ..كتقصد 😶
فارس: كيسحاب ليك ماعيقش بيك .... عارف مزيان داك المخ كيفاش كيفكر ... خارجة مسفحة عليا هكا ... و كتحلوني و تغنجي عليا .. اش كتحتولي ديري ... تغريني متلا ... و علاش ...انا غنقول ليك ... باغا تجربيني و تشوفي نيت لي كنقول ليك واش بالصح اولا كنكدب... ياك..
شهد: ا.. اه ..
فارس: اووكي غنقول ليك للمرة الالف اولا المليون ... انا الارواح ماكتاكل مكاتمارس الجنس ماكتنعس .... انا كنعتارف بلي حركتي فيا شي حاجة ولكن كوني متاكدة ماشي رغبة جنسية ... 😉😉
شهد: واخا وباش كتفسر ديك البوسة ... ياله جاوب..
فارس: مممم ديك البوسة ... ديك البوسة كانت خالية من اي مشاعر جنسية ... هاديك البوسة كانت غير طريقة نعبر ليك عليها باحاسيسي ... شفتي غير بستك فهمتي كولشي بلا منقول والو ... حيت واخا نبقا نهضر كاينين شي امور ماكيوصلوش بالهضرة ... ووصلتهم ليك انا بي بوسة ... ديك البوسة لي خلاتك كترعدي بين ايديا وفشلاتك ... هادشي وقع ليك نتي لي بنت وانا لي راجل اش كنت غاندير كون كنت كامل ... و فراسك ممكن دابا نسكن شي واحد ونجي ليك ... و مكاينش لي غيحبسني ... و لكن كنفضل نعاود نموت على انني نجيب جسم اخر يمسك ... فهمتي دابا ... مباغبكش تعاودي تفكري بيا بديك الطريقة ... انا كنبغيك على داكشي لي نتي عليه ماشي على دامشي لي عندك ... روحي لي كتبغيك صافية من اي نية خبيتة ... و واخا كون تلاقينا فاش كنت حي ... كنت غنحافض عليك حتا ناخدك فالحلال .. فهمتي ...
شهد عينيها غرعرو من هضرتو وتمنات كون كان حي ... جراتو لعندها عنقاتو ... و بقات كتبكي وهو كيبوس راسها و كيطبطب عليها تقاد فبلاصتو وجرها عندو غطاها و بقا كيلعب فشعرها ... حتا نعسات ... و بقا هكاك ... حتا وصلات 6 الصباح ... عيا من التفكير كولشي تعقد ليه لا من جهة ماضيه و لا من جهة شهد.... ناض خرج برا كيشم الهواء ... وصلا 7 الصباح شهد بدات كتقلب فبلاصتها ... ملقاتوش حداها كيف موالف... ناضت جلسات كتقلب بعينيها مالقاتوش قلبها بدا كيخبط ناضت كتجري كتقلب فالدار كاملة كولشي باقين ناعسين اليوم السبت ... بدات كتبكي و قلبها غيسكت يسحاب ليها دارها نيت ومشا.... عاودت رجعت لبيتها و غير كتعبط باسمو مجاوبهاش و طاحت للارض كتبكي...
طاحت للارض كتبكي ...حتا بان قدامها نيشان قدامها مخلوع...
فارس: كالك احبيبة اش عندك ؟ 😨😨
شهد تلاحت عليه عنقاتو: اهئ اهئ يسحابلي مشيتي وتخليتي عليا ...😭😭 واعدني عمرك ديرها ...
فارس معنقها و بادي القلق على وجهو وساكت ...
شهد: وا واعدني ياله عافاك واعدني... 😭😭
فارس: احبيبة منقدرش نواعدك نتي عارفة مز...
شهد قاطعاتو: متقولش ليا ....واعدني وسكووت ... ياله واعدني ....
فارس: كن ..كنواعدك ...😔😔
عنقاتو شهد و زيرات عليه ... بقاو شحال حتا تهدنات ومسح دموعها ونوضها...
القصة منشورة على 9isas modareb.. شهد: بززاف عليك يخخ ....طلع تاكل الكرموس نزل شكون قالها ليك ...😡😡
فارس: وينو على الكرموس مقلق ...
جرها عنقها وباس حنكها...
فارس: باله طلقيني...
هزات حوايجها ودخلات للحمام ... دوشات و تحمحمات .... لوات عليها فوطة ... و خرجات عيطات ليه ...كيف قال بيها وشادة فوطتها مزيان ... دخل عندها و بدا يوريها وهي متبعة معاه وكدير لي قال ليها ... حتا وصلات لرجلها هزاتها باش تمسحها و هو يبتن ليه زروقية ديال ضربة البارح... خلاها حتا سلات ... و شد فيها ... تحنا لمستواها وهب بدات تصفار وتخضار... هز الفوطة شوية و قال...
فارس: ولد الكلبة خلا لايمارة الله يحرق ديلمو 😡😡
شهد: محسيتش بيها ... غتفوتني...
فارس: جاب الله كنت لابسك فاش طرا هكا ... اكيد محسيتيش يبيها ... مهم خاصك داويها باش متبقاش هكا...
شهد: واخا وخرج خليني نلبس....
ناض فارس باس جبهتها وخرج... شهد بقات كتلبس وتفرنس عاجبها الحال معاه و الاهتمام ديالو ليها ... حاسة ليه قريب ليها ولحال الى كتعرفو من شحال هادي مرتاحة ليه فكولشي و عارفة راسها فامان مادامو ديما فجنبها... نشفات راسها ولبسات و خرجات لعندو .. فارس : بصحتو 😍😍
شهد: ههه شكرا .. دتبا خاصني نصلي ياك ...
فارس: اه ضبري شي حاجة مستورة ... ومتأكد معندكش 😒😒
شهد: نو عندي ... بدات تقلب مكاين غير دجينات و تيشورتات قصار ... خرجات لبرا وخدات عباية وزيف الصلى ديال امها ... و هو غير كيقول لاحول ...
وراها القبلة لي ماعارفاهاش اصلا فين كاينة ...
فارس: ايوا اانسة ... اكيد معرفاش تصلي ياك ..
شهد: ضروري تسول باش تقول لبا لاحول واا قوة الا بالله ياك 😭😭
فارس: هههه صافي الالا ... حافضة شي سور قصار...
شهد: اااه حافضة...
فارس: مزيان غتبداي بيهم و كل مرة حفظي وحدة ... ياله نبداو ... وقف قدامها وكيوريها كيفاش تصلي ... حتا سلات ... و ناضت حيدات العباية .. والزيف .. فارس: جاو معاك كون غير خليتيهم ...
فارس: ماشي مشكل ماشي كولشي فدقة ... وحدة وحدة تبسم ليها بشر غمزها وخرج ...
شهد بقات حالة فمها فيه وتبعاتو ...
خرجات شهد تبعاتو ... دخلات للكوزينة ..دارت الفكور حطاتو فالكبلة فطرات و كتحنتت مع فارس ... حتا وصلات 9 ناضت قادات لبسها هزات صاكها وخرجو ... بقا و غير كيتمشاو ماعرفوش منين يبداو ...
شهد: اش غنديرو دابا ..
فارس: معرفتش ... حتا انا حرت ...
شهد: اوووف كولشي البيبان تسدو ...
فارس: غنلقاو شي حل ...
شهد: اوه بوتيك ... زيد قدامي ...
فارس: علاش ...
شهد : ياك قلتي ليا كاينة طريقة باش تستر متبقاش دور علبا هكا ...
فارس: عاجبني الحال هكا...
شهد: و انا لا ... زييد ...
جراتو كيضحك وراها .. ودخلو البوتيكة كانت ديال الرجال ... بقات كتقلب وحتا هو ... كتهضر وتخبا على مول المحل لاتشوه ...
فارس: خودي ليا هادو ..
كان سروال دجين اسود و تربكو القطن الرمادي مفتوح من العنق على شكل v و كان لبس كلاص...
شهد: لا معجبنيش هادشي ... انا غنختار ليك ...
فارس تنهد ورجع لور ... هزات تيشورت فالارق و مفيهش الكمام ... و سروال دجين توبو كيبري بحال الجلد لكن ماشي جلد ...
امجد: اااه قولي دام بوعو سميتو فارس ... امتا عرفتيه .. الق*** انا معاك وكتلعبي فجوايه اخرى ... حgلك كتغبري بسوايع يعلم الله شحال من واحد غيرو ...
شهد عينيها غرغرو من كلامو الجارح وقدان كولشي صحابهم ...
فارس فهاد الاتناء طلعات ليه ماشي غير قردة جميع فصائل القرودة شطحو فوق راسو ... بغا يسكن شهد يعطيه ولكن مغتكفيهش البنية ديالها و عاد ميقدرش ياديها .... دور وجهو كيقلب على شي صgع يسكنو...حتى لقاه...
فهاد الاتناء قلعو سكون كان جالس فجهة التانية من الكافي ... ايه ظاك المgلدم ديال البحر بارك مع صاحبتو لي من البارح وعو مقاتل معاها باش تسامحو...
هي: كيفاش ماعاقلش عليها ...كتسطا عليا ..
المgلدم: احبيبة تيقي بيا .... هادشي لي قلتيه ماعقلش عليه ولو حتا لحظة... راه هادي بي هضرتي عليها ماعارفها حتا كيف دايرة...
هي وكتبكي: كداااب ... كنتي جالس حتا نضتي تلاحيتي فالبحر خرجتيها درتي ليها بوش ابوش اولد الحرام ... وزايدها جالس كتعرعر ليا على بنادم و تغوت و عروقك خارجين بالاعصاب عمري شفتك هكاك انا لي صاحبتك 3 سنين هادي عمرك دافعتي علي بحال هكاك الغضاار...😭😭
المgلدم : حبيبة ... واش كتيقي فيا ... انا متاكد بلي سكني شي جن حيت مني فقت لقيت راسي فواحد القنت قريب للبحر... و اقسم لك يمينا معارف شكون هاديك ... راه مكانشوفك غير نتي احبيبة والدليل راه هضرت مع عائلتي و السمانة جايا غنخطبك...
هي غير سمعت الخطبة وعينيها خرجو ومسحات دموعها: بالصح بالصح ...😍😍
هو: هههه اه العمر ديالي غير بقاي ليا على خاطرك ...
هي: يخليم ليلي الحبيب ديالي ...بقاو مشادين فالايدين حتا بان لها هز راسو لفوق وعينيه تقلبو ... ولات نظرة ديال القتيلة وناض من حداها ....
ناض من قدامها وهي غير كتشوف مستغربة حتا بان ليها جرا طار على امجد لي كان واقف على شهد كيخبر ويعرعر عليها وهي قدامو كتحاول دافع عاى راسها و هو دايرها ضحكة .... طار عليه طيجو ونزل عليه بونيات خمج ليه الكمارة غلبو مخلا ليه غير لي نسا اصلا كان مغزف عليه و كيتينا الفرصة جات قدامو غيفدي فيه كولشي داكشي لي جمع ليه ... ناضت ديك المسكينة غير شافتو كيضرب فيه و حداهم شعد كتبكي وكتحاول تحبسهم ... فمها بدا يترعظ بتغلينة وهي تخرج فحالها كتبكي ....😂😂😂
خرجات شهد وغمزات لاميمة تبعها .. عاد ناض علبه خلاه سخفان كيهتهت فالارض ... ناض تبعهم برا ...
فارس: ولد الكلبة اخر مرة توقفي معاه😡
شهد: واخا غير تهدن ...
اميمة كتنغز فيها : شكون هدا...
شهد: غي..غير صديق...😨😨
اميمة : من بعد ماشي دابا ..
شهد: ي يمكن خاصك ترجع الامانة .. ياك ... انا غنتمشا غير هنا ..
فارس: واخا بسلامة ...
مشا تخبا وخرج من جسم هداك ... و رجع لقاها كتمشا هي و اميمية و بقا غادي معاهم شهد مكتشوفش جيهتو باش متعيقش...
اميمة: واش داك البوgوس غيرجع...😍😍
شهد: لا عندو مايدار ...
اميمة: منين ضبرتي عليه العفريتة صدقتي واعرة كيفاش قدرتي طيحيه و هو قد هكاك ... اجي وعلاش ماقلايهاش ليا يسحابلي حنا صحابات مصدقتيش البغلة ... موقع قصة بالدارجة..
شهد: بلا متزيدي فيه انا راه غير تلاقيتو صدفة دابا كي شفتي ... انا gاعمة حاملاه هو لي كنكون فشي بلاصة حتا كيهجم ... ولا كيف خيالي فينما مشيت تابعني .. وانا gااعمة معبراه ... 😏😏
فارس: والله لا بقات فوالديك على هاد الهضرة ...😠
شهد شهقات حيت اصلا مشافتوش فاش جا ..
امينة: لويلي مالك ...
شهد: ها؟ لا لا والو .. غير تفكرت شي حاجة ... احم .. نطلبك واحد الطليبة ..
اميمة: اش كاين تاني...
شهد: بغبت خوك ...
اميمة: هههه اوا هداك هو النهار الكبير منلقاش احسن منك تكون مرات خويا...ههه
و اميمية دورات وجها حتال عند شهد قدامها ومقرباه ليها ...
شهد كانت ساهية كتخمم فالبوس البوس الحضن الحضن (شكون مفرجة فالليمبي😂😂😂 ) و فارس صاقي غيحماق بالضحك .. حداه و نسات راسها....
اميمة: وااا للعام لي فات ... واش متاكدة كتوصفي سراق ... واش سرقك وهرب اولا دار شي حاجة اخرى😐
شهد: ش..شكتخربقي تاني ...
اميمة: ايوى ابنيتي كتوصفيه بحال الى كتشوفيه يوميا ...
شهد: صافي بعدي كمارتك لهيه ... اووف ..
تدم : كملي الفم ...
شهد: راه داير بحال شكل القلب ... قمقم ليه الجنيبات ..
رسمو ...
شهد ايوا دير لي اللحية راه دايرها خفيفة ... و طول ليه العنق شي شوية ومتنساش تفاحة ادم بينها وحتا دوك العظام ديال العنق (كنموت على هاد 2 و خاصة الى كانو حتا عروق الايد 😍😍😍كل وحدة تقول لينا شنو كيعجبها فراجل )
ادم : بقا كيرسم وكيضحك .... حتا كملها دار عند شهد وعطاها ليها...
ادم: هاكي ها فارس احلامك...
شهد خداتها من عندو: اشمن فارس الاحلام راه قلت ليكم سراق...
ادم: سراق و حافضة تفاصيلو كاملة لصلا وجهو ماشي ديال سراق ... غير gري باينة من صباح ونتي كتفتفي علينا 😏😏
شهد: احم ماعلينة ..المسخوط جبتيه لاسق...
خطفاتها ليها اميمة و بقات كتشوف...
اميمة: واش كنتي كتفكري فزاين مالك فاش كنتي كتوصفبه.... لمك باقة مزعوطة فيه ... صافي راه ولا مع جيجي حديد ... غير نسايه عليك ...
شهد عاودت خطفاتها ليها: تي اسمن زاين مالك تصحابيني باقة البرهوشة ديال سيزيام كنا وكنتو ... انا خديت واحد ديالي ... بوحدي 😍😍
ناضت : نخليكم ... شكرا بزااااف اخويا ادم .... اميمة تهلاي نتلاقاو من بعد ...
اميمة : بلاتي ..
خرجات وخلاتها...
خرجو برا و غادة ... و معاها فارس...
شهد: مستاعد تشوف وجهك...
فارس: طلقيني...
حلاتها قدامو ... بقا كيشوف و كيدقق ... حتا بدا كيحس براسو كيتقال .... كيحقق فكل بلاصة من ملاميحو ... و حريق راس عاما كيزيد ... دازو قدامو لقطات في نفس الحمام ... كان قدام المراية كيحسن ... و لقطة ضرب المراية حتا هرسها... لقطة كيغسل وجهو مخنزر ... (اللقطات كولهم قدام المراية حيت وجهو مكايشوفو غير في المراية بطبيعة الحال) شد راسو و عينيه مغمضين ...
شهد خافت عليه: فارس ... مالك .... هضر واش تفكرتي شي حاجة ...
فارس: اححح ... تفكرت شي حاجة ولكن غير وجهي شفت غير شي لقطات ليا فشي حمام ...
شهد: بالصح ... هادشي مزيان هادشي دليل على اننا غادين فالمنحى الصحيح ..عنقاتو كتنقز ... ياااي فرحت ليك ...
فارس: مبات على وجهو حتا علامة على الفرح غير مجارريها...
سهد: شفتي بعدا حبيبي بوكووص .. واحسن من زاين مالك ... 😍😍
فارس خربق ليها شعرها: هههه حميمقة .... عنقها من جنب و تمو غاديبن ...
شهد: فارس... اش غنديرو دابا ...
فارس: كيف قلنا غنقلبو العمارات لي فداك الشارع ...
ركبات فطاكسي و نيشان لداك الشارع ... هبطو ... و لدا كيتمشاو... دازو لعمارات وحدة وحدة كيسولو الكونسيارجات و يوريوهم الصورة ديالو دازو على شحال من عمارة و والو .. دازت شي ساعتين وهما كيقلبو حتا طاح ليهم المورال تاني...
فارس: باركة علبنا مغنلقاوش...
متوفرة على 9esa.com.. شهد: كتفقدش المل نزيدو نقلبو ضروري مكاين الحل غبر هنا ...
ناضو ميقلبو لقاو كروسة كيبيع فيه صوندويشات الكفتة...
فترس: شهد هاد الماكلة مشبوهة سيري لشي سناك احسن...
شهد: مولفا معندو مايدير ليا ... غير زيد ...
فارس: نقصي ماكلة الزنقا راه غير المرض وصافي ...
شهد: واصافي ...
خداتو ورجعات حداه كتاكل عحبها بنين و خدات معاه كولا.... سلات و بقا شوية وناضو كيتمشاو ... دخلو مع العمارة الولى وشهد بدات تحس بكرشها كتغرغر... كتسول ووجها مكمش كتعصر ... الكونسيارج قدامها كيهضر و فارس كيتصنت ... حتا دورات وجها و ردات كولشي ... دارو عندها ب2 فارس شادفيها والكونسيارج كيسول فيها ... بقات هكام حتا سخفات و بدا يعيط الكونسيارج على مراتو ساكنين التحت ...
بداو يصرفقو فيعا ويشمموها الريحة والو مافاقتش وفارس غير حداها ... و هو يسكنو ... هزها من ايدن المراة وهرج بيها كيجري.... و حيت هما غير فالشارع لي فيهه المستشفى جرى بيها جرية وحدة حتا وصل للمستشفى... طلعها عندهم و دخلوها لايرجونص ... قابوها لقاو عندها تسمم بسباب الصوندويش.... دارو ليها السعافات المطلوبة وخلاوها ترتاح .... و خرجو عند فارس ...
فارس: باك لاباس واش هي بيخيى ..
طبيب: حمد الله كان غير تسمم و نقينا ليها المعدة راها كترتاح دابا ... خاصها تحضي راسها اش كتاكل ...
فارس: شكرا بزاف دكتور ...
مشا الدكتور و فارس بقا كيشوف فيه حتا غبر ودخل عندها...
شافت فيها و ودعاتها وجرات فارس لي غير بقا كيشوف فالمراة ... و تاهي مشات ...
فارس: شكوون هاد المراة ...
شهد: حتا انا معرفتش ... سميتها فوزية العلوي ...
فارس: فوزية العلوي !!!
شهد: مهم خليتا نرجعو لادار حتال غدا و نرجعو نقلبو ...
فارس: ااه داكشي لي كنت غنقول ليك ...
مشاو حتال ديك العمارة وخلاو الكونسيارج تما ورجعو للدار و دخلو...
دخلو للدار سلمات عليهم ودخلات لبيتها وهي تلاح فوق السرير... بقا فارس غادي جاي حداها كيشوف حداه و لداو شي احدات ديتل انه كيقلب فمجورة و الماريوات ديال شهد .... شد راسو تاني ... وبداه حريق الراس...بدا كيخمم ويربط ...و حس بشي حاجة كتربطو بديك المراة وماعارفش شنو هي .... بزاف الامور طاحو فبالوو مفهمش وماعارفش كيفاش يربطهم..... بانت ليه شهد متكية ومشا تكا حداها ... وهي لاحت سباطها وحيدات تريكو لي زايد وتلاحت عليه عنقاتو ... بقا تاهو معنقها وشاد فيها ... حتا حس بيها نعسات و بقا هو كبخممم.... حتا وصل الليل .... بقا فارس غير كيشوف فيها .. وهي هكتك ناعسة ومغمضة عينيها مكتحركش ... غمض عينيه و ضرباتو شي لقطة كانت شهد نيت ناعسة فشي بلاصة و كان كيهضر فودنيها ... و شاد ايديها بين ابده ...و كيبوسهم ... حل عينيه و بقا كيخمم او واش هادي دكرة لولا من نسج الخيال ... مبقا فاهم والو ... بقا كيعصر رايو يتفكر مزال ووالو ... قرب لعند رايها و بدا يبوس فيها فحنكها وعند ودنها ... و كيقول ...
فارس: شهد ... اميرتي النائمة ... فيقي ....
شهد تاني وسط داك المكان الابيض الفارغ جالسة فالارض حزينة وتائهة حتا كتيم صوتو كيقول ... اميرتي النائمة ... فيقي متشوق نشوف اشراقة وجهك الضاحك ... اجي عندي ... شلا حوايج زوينين كيتسناوك عندي ... شوية سمعات موسيقى هادئة كن النوع لي كيعجبها ... داك الصوت قال ...
فارس: ههههه غير حين وليتي كنشوفيني 24/24 داكشي علاش ... نوضي تحركي شوية نوضي ...
ناضت شهد و خرجات هي وياه بقاو مع الدار كيتحتو ويعاودو ليهم اش وقع هاد النهار .. حنا تعشاو و كلها رجع لحالو ينعس....
اصبح الصباح ... فاقو بعد الروتين دوش و صلاة وفطور ... خرجو تاني يقلبو ....
شهد: اوووف واالو ...
فارس:بان ليا غير نحيدو فكرة نكون ساكن هنا.... اجي ... عيطي لديك المراة
شهد: انا مراة ...
فارس: لي تلاقيناها فالمستشفى ... ماعرفتش لكن حاس بيها وراها شي حاجة...
شهد: اش غيكون وراها متلا...
فارس: مالك زعما مبغيتيش تعرفيها سكون...
شهد: عندك الصح ... مشاو لتيلي بوتيك ... عيطات ليها و دارو باش يتلاقاو فكافي قريب...
دخلو جلسو على اعصابهم كيتسناو... حتا جات دخلات ...
فوزية: سلام حبيبة...
شهد: سلام مدام سافا...
هي: حمد الله حبيبة ... بلاش ديك مدام قولي ليا غير خالتي احسن ... راه واخا مكتعرغينتيش ولكن انا كنعرفك مزيااان ..
شهد: فين كتعرفيني ... واش سبق لينا تلاقينا...
فوزية: هههه ماشي فعليا ولكن تلاقينا...
شهد: هههه مفهمتش...
فوزية: مهم نعرفك على راسي انا فوزية العلوي... قبل عامين كنتي غيبوبة ياك ؟؟
شهد: اااه ... ايوا تما عرفتك ... هاد المستشفى لي كنتي فيه البارح ديال راجلي ... سليم العابدي طبيب جراح تما و معاه حتى ولدي... و كنتي فيه تما ... انا كنت كنجي للمستشفى نشوف راجلي ... و حتا ولدي وتما فين تعرفت عليك ....
فوزية: في المستشفى كاين واحد الشخص ... طرف مني ... عامين هادي ماشفت ضحكتو ... و لا سمعت صوتو ... بغيتك تعاونيه حيت منضنش شي حد ممكن يخرجو من ديك البلاصة من غيرك ...
شهد: ولكن علاش انا بالظبط ... اشمن علاقة غتكون عندي بيه...
فوزية: علاقتك معاه قوية واقوى من لي تصوري ... باله معيا و غتفهمي...
فارس حس بالغيرة من هصرنها وفنغس الوقت كاين نوع من الارتياح من جيهتها ... شافت في فارس... و عطاها الموافقة ... خرجو وركبات معاها في لوطو ... و مشاو للمستشفى.....
و صلو للمستشفى و تابعينها وهي غادة قدامهم .. جرات شهد ودارت ايدها فدراعها... من تصرفاتها باينة عليها عزيزة عليها و شهد غير معجبة ضرها راسها اشمن علاقة كتربطها بيها ولات شاكة واش فاقدة داكرة حيت هاد المراة مرتاحة معاها وكتصرف معاها عادي بحال الى نيت كتعرفها و شهد كتخمم .... طلعو فالاصانصير شحال حتا وصلو لاخر ايتاج كان بحال شي جناح مكايدور فيه حد .... فارس غادي و كيشوف فجنابو كولشي مألوف .... و صلو قدام غرفة كبيرة و شهد واقفة مافاهماش اش واقع ... دارت عندها فوزية وقالت...
فوزية: مستاعدة ابنتي تعرفي عليه ...
شهد: ااه اخالتي..
وركات فواحد البوطون و تحل الباب اتوماتيكي ... فارس رجع بالور ماعرفش علاش خاف يدخل ... شعور غريب خالجو ... رجع بلور كيشوف فشهد داخلة ورى ديك المراة حس بشعور فشكل واختفى ...
غير دخلات شهد بان ليها ... راجل متكي فالباياس دايرين بيه السلوكة و داك خيط التنفس فنيفو ... و الصمت فديك الغرفة كيتسمع غير صوت تخطيط القلب طيط..طيط📈📉 ... قلبها بدا كيخبط ... عينيها غرغرو منين شافت وجهو ... وقفادات قدامو بايديها كيترعدو ... فوزية تعجبات من ردة فعلها ... بقات واقفة قدامو خايفة تمد ابديها وميكونش حقيقة ...
عند فارس: لي منين دخلات شهد للغرفة وهو حاس براسو ماشي مستاقر ... كان قدام البحر باش يريح راسو ... حتا هز ايديه كيوف فيها مستغرب ... حس بجهة قلبو كتخبط مفهم والو من هادشي لي كيحس بيه ... بقا مغوبش و غير كيفكر اشمن نوع من الاحاسيس هادشي تاني ...
عند شهد لي غير كتشوف وتبكي مهضرت متكلمت...قربات ليها فوزية شدات فكتفها وسولاتها مستغربة...
فوزية: اشمن نوع من ردات الفعل هادي لي درتي... نتي مكتعرفيعش...
شهد: لا ...نتي غالطة ... كنعرفو اكتر من روحي ... هو روحي ... و المنقد ديالي ...
فوزية: يعني نتي عارفاه شكون هو...
شهد: اه و لا ...
فوزية: مافمهمتش ...
شهد: واخا نشرح ليك مغتعرفيش ...
فوزية: ماعلينا ... انا غنعاود لبك ...
شهد: اه عافاك ...
فوزية: اجي احبيبة رتاحي ...
تبعاتها شهد وجلسات قدامها... ولدات كتشوف فيها وكتسناها تعاود ليها ...
فوزية: هدا ولدي ... اوس العابدي طبيب جراح في تخصص الدماغ و الاعصاب ... نتي كنتي كومة فهاد المشفى وولدي لي كان متولي حالتك ... عام ونصف مكانش كيفرقك ... كان كبجي حتا فالاوقات لي ماشي فالمناوبة ديالو ... تعلق بيك من النهار الاول لي جيتي و ماخلا حتا طبيب يتولاك من غيرو... كان ديما سهران وكيقلب و يبحت على شي طريقة يرجعك فيها للحياة حيت كنتي شبه ميتة و مكان حتا اشارة على رجوعك ... سافر لامريكا على قبلك و يتاوشر مع البروفيسور لي قراه ... جمع معلومات ورجع عندك كان مسكين فرحان و منحمس ... ديك الساعة عيط لوالديك استاشر معاهم .... و وافقو ... بدا معاك وواليد معاونينو ... كان كيمشي لدارك ... و اي حاجة كتعلق بيك كان كيجيبها ... موسيقى ..كتوبة و القصص لي كنتي كتقراي ... الماكلة لي كتعجبك .. كان يجيبها يشممها ليك ... كان كيطلق مؤترات بحال صوت الغابة بريحو و عصافيرو وصوت الاشجار كان كيخلي ليك الجو ديالو و يقرى علبك القصص ... هادشي كان كينغعك و كيخلبك تستاجبي معاه و هادشي غير بتدرج و كنتي كطوري شوية بشوية ... حالتك طورات لدرجة وليتي تنفاعلي .... حالتك كانت كتطور مع الوقت وواليديك كانو فرحانين عام ونصف ديما فغرفتك وبالظبط فهاد الغرفة... حتال لواحد النهار ... وبالليل ... كان غابر ليه الاتر ... و عاد كنت مصرة عليه يجي عندي حيت كان ساكن بوحدو.... مجاش وبقيت مشوشة علبه ... هزيت لوطو ديالي حيت كنت مشوشة عليه حليت الدار ولقيتو ناعس فبلاصتو ... عيبت نفيق فيه ولكن مدار حتا ردة فعل ... عيطت لباه وجبناه طايرين للهنا... بعد الفحوصات لقيناه مغيب ... ولحد الان السبب ممعروفش...
حبيبي شبح الجزء الرابع
محتوى القصة
التنقل بين الأجزاء