فور ما تحل الباب تحلو معاه عينيا وفمي ممصدقاش اش كنشوف نكدب عليكم الى انا فهمت شي حاجة بالعمى يعميني ....ممثيقاش ...كان رضوان خارج في الاول لكن لي صدمني هو انو معاه سعد جايين بزوج كيبان ليا رضوان كيبتاسم ابتسامة كانو كيعلن انتصارو بانو قنع سعد باش يعالجو كيفاش حتى قنعو وباش..... هما لي عارفين والعلم عند الله ....
وصل رضوان حتى لعندي ....
جيداء : كنشوف في سعد وكنشوف فيه ...
رضوان : جيداء انا غانمشي حتى لعند طبيب نهضر معاه ويعطيني ملف سعد الطبي غانديه معايا لمصحة ديال واحد صديق ديالي هنا في مراكش نعاود ليه الفحص ومن وراها غايمشي معايا ....
جيداء : لفين ...
رضوان : غايمشي معايا لدار ليوم غادي ناخد ساروت ههه شوفي سبحان الله اول مالقيت دار مفروشة نكريها كنت على اساس نسكن فيها وحدي ولكن الاقدار جابت ليا ونيس ليا فالدار....دار شاف في سعد لي كان متكي على الحايط هاز راسو لسما وسارح في خيالو كعادتو...(بغيت غير نعرف هاد نمس الطاليان كيدار ليها ...)
جيداء : بغيت غير نسولك كيف درتي حتى اقنعتيه يمشي معاك
رضوان : اولا مسالة كيفاش اقنعتو كتبقى سر المهنة 😎 ثاانيا غايسكن معايا في دار لفترة مؤقتة فقط بينما يوقف على رجليه ويمتاتل لعلاج ويتخالط اكثر بالناس ...اه ومسالة يقدر يرجع ينطق هدي كيخصني نشوف الطبيب النفسي ولي غادي نكون على تواصل معاه حيت ايبقى يجي لعندو ولا نديه عندو لعيادة وغادي نتاصل بيه ليوم باش نزيد نهضر معاه ونعرف اكثر حالتو ووو اخيرا بقات مسالة انو يتعرض للصمم فهادي عليا انا غادي نعالجو لكن قبل حتى نعاود ليه الفحص شامل....باقي شي سؤال اخور ...هاد الحالة غانتكلف بيها انا دابا حاجة وحدة مزيان انه اقتانع يجي معايا انا غانشرف عليه شخصيا لان حالتو اثارت فضولي اكثر وهيا من بين الحالات لي كنبغي نتعمق ونبحث فيها يعني حتى انا مستفيد ماشي غير هو فهمتي انسة جيداء ....
مشا رضوان وسعد لعند الطبيب بقاو شي نص ساعة حتى خرجو كاملين سلم الطبيب على رضوان وربت على كتف سعد هاد الاخير لي شوفتو هاد المرة باردة لا توحي بشيء ....خرجنا بتلاتنا هاد المرة ركبت فطوموبيل جنب رضوان وسعد ركب لور ...طول طريق وانا مرة مرة كنسرق نضرة في سعد لي كيشوف قدامو مداير حتى شي حاجة جالس هادئ ومع طويل كيبان ليا وجهو كامل من المرايا بقييت كنشوفيه وكنحقق يلاه لمحت عينيه كنشوف تكشيرتو حتى هزهم شاف فيا مع شوفة مع القفزة لي قفزت ماعرفت باش تبليت حتى غوت
جيداء : واااااععععع
وااااعععع اش كاين ينعل ...وناااري خلعتيني مالك مالك اش كاين....
جيداء : بنادم ك...حمر فيا وليت دخلت سوق جوايا ...وصلني لدار سلمت عليه شفت في سعد ابتاسمت ليه مدار حتى ردت فعل حدرت راسي وسديت الباب...مع سديتو ورك عالكسيراتور وزاد بسرعة تا خلا العجاج وراه...اويلي هذا مالو...
عند رضوان ....
شاف فيه من المرايا...نتمنى تبقا عند وعدك وكون اكيد انا نيتي نعاونك نتا طلبتي مني نخرجك من المستشفى وتمشي في حال سبيلك ولكن بشرط حتى تعالج عالاقل من ديك الكريز لي كتجيك اما فيما يخص حالتك نفسية فهيا كيخصها مجهود منك نتا بنسبة كبيرة والباقي على طبيب لي غايعالجك ....غاتبقا معايا في دار حنا زوافريا بزوج واكيد غاتلقا راحتك معايا انا ثايق فيك وعارف انك ماشي شي واحد لي نخاف منو انه يشفرني ولا يدير شي حاجة اخرى يعني ...هنا متافقين دابا...
شافي فيه ورجع شاف في نافذة ديال سيارة كيشوف بعيييد....
رضوان : في نفسو ....اشنو سر لي وراك اسي سعد وعلاش جيداء مهتمة بيك لهاد الدرجة بففف...ليوم كيف نخرج من المستشفى ونكمليك الفحوصات غانديك لواحد البلاصة منها غاتبدا اولى خطوات علاجك وعلى الله ملقاش معاك مشاكيل ....زاد فالكسيراتور وكمل طريقهم فاتجاه الصحة ديال صاحبو فين ياخذ ليه اول موعد باش يبدا ليه الفحوصات من اول وجديد .....
وصلت لعشية كملت مراجعة ديالي وبحوثي من طبعي في الدراسة كنبغي كيف نرجع نعاود نتصنط لحصة لي كنسجل في لافاك ونسجل معلومات اكثر ونبحث بقيت لعشية كاملة وانا كنراجع حتى عييت جمعت كتوبتي وخرجت من البيت مشيت لكوزينة وجدت الگوتي بيدما جات خالتي اتلقاه واجد غير انا كملت حتى سمعت صوت سوارت فالباب كانت خالتي دخلت طلت عليا قالت سلام ومشات لبيت تبدل حوايجها وتجي ...وداكشي لي كان بدلت وصلات لي فاتها جات بدينا كناكلو في صمت حتى كسراتو ....
خالتي : بنتي عندنا واحد سيمانة في هاد الشهر لي دخل ياك مغانخدموش فيها حنا الاساتذة ديال الكلية فين كنقري انا .....حيت كاين واحد المؤتمر ديال اساتذة دال كليتنا وانا استغليت الفرصة غانمشي عند بنتي لي فروسيا نطمان عليها ونشوف احوالها واش خصتها شي حاجة انا خديت سيمانة من ورا المؤتمر يعني غانغيب اسبوعين ....بنتي دار راها ديالك والى خفتي انقول لختي يعني ماماك تجي تگلس معاك ولا...
جيداء : ماما مغاتبغيش تجي وتخلي بابا وخوتي راكي عارفاها كلشي عليها في دار راوية ختي شغفها القراية ماشي شي وحدة لي تعول عليها تحضي دار في غيابها..انبقا بوحدي ماشي مشكيل ....
بعد جهد جهيد قدرت نقنع خالتي تخليني نبقا عند رضوان بزز قالت ليا هو زوفري حتى قلت ليها راكي عارفاني انا وياه وعارفاه دايرني كتر من ختو وطاطا ومن هنا ومن لهيه ورقع وندير زيگزاگ من هنا ونخيط شرگة من هنا بزز تا خلاتني نبقا عندو هيا مزال مافراسهاش بلي قرر ياخذ سعد لعندو لدار ومغاتعرفش حيت مشغولة بزاف باش تقطع لبيي وتاخذ الفيزا هاد السيمانة في الاخر ديالها غاتمشي ومعندهاش الوقت باش تعرف اشنو دار رضوان فقط خلاتو هو لي تكلف بحالة سعد وبما انو ولا عضو جديد فالجمعية فخلاتو منو ليه والى خصات شي مساعدة غايتاصل بيها ....والى عرفت انو ساكن حاليا معاه فغايكون اقناعها صعب وليس بمستحيل ...انا عرفتها غاتخليني نبقا عند رضوان حيث كثيق فيه وحيت حنا كبرنا مع بعضياتنا ولكن بشرط نجي لدار هنا وتما غانكتافي غير نبات عندو يعني نمشي نقرا ونبقا هنا فالدار ملي نبغي نبات نمشي لعند رضوان يا اما نمشي في طوبيس طاكسي ولا الى كان مسالي هو يديني ....مضطرة لانو هيا مبغاتش تخليني نبقا بوحدي ....اتاصلت بيه وقلتها ليه فالاول رفض حيت معاه سعد ولكن ملي عرف انو معندي حتى بديل وافق ....
دازت الايام طايرة مبقيتش شفت رضوان فقط بيناتنا غير الاتصال اتفاقت معاه غير تمشي خالتي فنفس نهار نجي عندو ...هو مشغول بزااف مابين ترتيبو لامورو في الخدمة ومابين كلية الطب لي بدا فيها تدريس ومابين بحوثو في حالة سعد هاد الاخير كنسول عليه رضوان كيقوليا انو لباس وبدا كيتجاوب شيئا فشيئا معاه اكثر كيديه لعند طبيب نفسي ديالو ومتابع معاه فالعلاج يعني شوية بشوية معاه والشيء الجيد انو سعد بقا عند وعدو ليه مكيمشي لحتى بلاصة كيف كيخليه كيبقا...يعني الامور غادية مزيان الحمد لله اختياري لرضوان يعالجو كان تفكير وقرار صحيح عالاقل نكونو درنا فعل خير وساهمنا ولو بشيء بسيط فانقاذ شخص من الضياع ....
اليوم ودعت خالتي لي مشات لكازا تما فين عندها الطيارة مشات ليوم عند صديقة ديالها غاتبات عندها حيت طيارة عندها مع سبعة صباح ل موسكو ...ودعتها ودعيت معاها تمشي وترجع بالسلامة ...مشت في الصباح بكرييي ...غير هيا مشات انا دخلت نعست مافقت حتى ل 12 خلطت فطور وغدا بقيت كنتفرج شوية حتى نضت لبيت بدلت حوايجي وجمعت شي حاجة لي اتخصني ليوم الاحد غانمشي عند رضوان مبغيتوش يجي ليا داكشي باش متاصلتش بيه يجي يديني مبغيتش نبرزطو عالصباح ...عندو مواعيد بزاف وخدمة غدا في وقت مبكر جدا كيخصو يرتاح قبل ....كملت وبدلت حوايجي لبست احسن لبسة عندي قاديت شعري وسرحتو على راحتو درت مكياج لاول مرة نزيد فلادوز ههه ماعرفتش مالي صابحة ناشطة حتى من عينيا درت ليهم ايلاينر غلضت الخط ودرت كحل عربي ابرز لون عينيا العسليين وگلوص في الغوز بارد ولبسة كانت شوميز فالازرق ودجين فلبولومارين ساليت اخر لمسات هزيت حوايجي وخرجت سديت دار ومشيت خديت طاكسي ديريكت لاقامة ديال رضوان ....
جيداء : اويلي انا مالي وليت هكا اش وقع ليك اجيداء علاش متوترة اففف ...سميت الله وتيسرت طلعت بلاسانسور حتى لبارطما ...دقييت مكايجاوبني حتى حد افففف هذا فين مشا ...سرسرت بقييت شحاال عاد كنشوف فالپواني كيتحل ...تحل الباب وخرج هزيت راسي فيه ...
كان شخص اول مرة نشوفو امكن ....طويل ومگضر ولحيتو حتاكل منو حتة لابس تيشرت فالاسود مزير عليه وسروال سورفيت في نفس لون تيشرت وشعرو مخربق واحد الولد اش نقول واش لي منقول اهئ اهو وا زوين زوين 😭😭😭 يمكن هذا صاحب رضوان بقينا شوفيا ونشوفيك ا طاجين الحوت حتى كسر الصمت رضوان جاي من ورايا ...امكن كان كيدير سبور حيت جاي لابس سورفيت وداير لكيت ورا ودنو وعرقان ...
رضوان : جيداء ، سعد مالكم واقفين اش واقع...
جيداء : س سعد احااااي على بالمشرد لاخور تيتز 😳
ايي يا قلبي ماهذا اويييلي هاد الزين كلو ...والله ما عرفتو بطبيعة الحال مغنعرفوش حيت تبدل بزاف وتنقى وفعلا صدق ماشي ديال حياة التشرد...لا ينتمي لهاد العالم ديالهم ..افف يا ربي قلبي كيزدح ....
رضوان : ااانسة واااالاخت تي فين سرحتي...
جيداء : هااا نعام مالك ...
رضوان : من صباح وانا ندوي مالك فينما ندوي معاك لقاك مغيبة..( سعد شافينا ورجع دخل ) ...واجي علاش معيطتيش ليا نجيبك علاش جيتي وحدك...
جيداء : غير مبغيتش نبرزطك وقلت نجي راسي امم شي مشكيل ياكما جيت فشي وقت ممناسبش ...
رضوان : لاا اي وقت مرحبا بيك غير مبغيتكش تجي بوحدك كنتي تقوليها ليا نجيبك وعارفاني ليوم لحد مسالي ...همم اجي اش هاد الجمال والاناقة ..دخلي دخلي...
دخلنا مبانش ليا سعد ماعرفت فين زاد ...افف كيفاش ولا يا ربي ...استاذن مني رضوان يدخل يدوش في بيتو وانا بقيت في صالون...جاني لفضول نوض نستكشف الدار ....كانت زوينة فيها جوج بيوت ديال نعاس وصالون وبيت اخور فيه تلفازة زوينة دارو مفرشة مزيان قاليا انو غايكريها مؤقتا لا بينما يتاكد واش ايستقر بمرة او يرجع لاگادير واخة انا كنشك بنسبة 90% انو يستقر هنا شكون يفلت الخدمة مع المخزن لا ومن فوق يقري في كلية الطب ...وصلت لكوزينة رائعة والاهم انها نقية شيء طبيعي حيت رضوان من الاشخاص لي عزيز عليهم نضافة بشكل كبير كيهتم بادق التفاصيل كلشي يكون نقي لا في هيئتو ولا في لباسو ولا حتى في دارو حتى من سيارتو نقية بزاف دفلي في حوايجك مدفلي فيها ...كانت كوزينة متوسطة .. جاني العطش مشيت لثلاجة هزيت قرعة ديال الما ،،خديت كاس من تما كبيتو وشربت عاود عمرت الكاس هزيتو وبغيت رجع القرعة عاد نشرب ورجع الكاس فين كان،،دخلت القرعة لثلاجة ومع فيا قاعيدة الى كنت هازة شي حاجة ولا كنت نشيطة ودخلت لكوزينة كيخصني ندندن وهذا مكان وخا صوت عندي يريش دجاج وهو حي كانغني ولا على بالي،،كندندن وشادة الكاس عامر فايدي سديت ثلاجة وغادية ندور بغيت نخرج من الكوزينة لصالون نرجع هازا فايدي كاس ديال الما مع خرجت تزدحت مشفتش نصحابو رضوان يلاه بغيت نضحك عليه خويت عليه كاس ديال الما على كرشو هزيت راسي كنفرنس حتى تحولت لدهشة واععع سعد لي خويت عليه لما واناااري اش درت ...
جيداء : س سمح ليا والله ماقصدت مشفتكش ما...مخلانيش نكمل دار ليا اشارة بايديه بمعنى صافي ماشي مشكيل كنشوفيه اش بغا يدير دور راسو وتم غادي فاتجاه بيت نعاس فجاة وبسرعة هز تيشرت وحيدو بواحد طريقة الى شفتوها تسخفو حيدو دغيا قشعت ضهرو العريض ناااري هذا ضهرو وداير هكا وحسب الله الى دار ...حدرت راسي ومشيت لصالون دازت مدة حتى خرج رضوان لابس ومقاد وريحتو سابقاه خارج كيقاد في شعرو ويفاد فالساعة فايدو اووو هذا فين غادي ايخليني بوحد هنا ...
رضوان : يلاه مشينا ...
جيداء : فييين اخويا ...
رضوان : انخرجو اكيد اش غانبقاو نديرو هنا مكاين ميدار مع جوج زوافرية فالدار الانسة...
جيداء : هممم وفين انخرجو واش غير انا وياك ياك...
رضوان : اكيد غير انا وياك سعد ايبقى هنا مبغاش يخرج خليه على خاطرو...
جيداء : اووكي... ،،جمعت الوقفة هزيت صاكي وزدت قدام وضوان وصلت عند الباب بان ليا رضوان دار باشارة لسعد لي بان ليا بدل تيشرت هههع سردتو مسكين كان متكي على الباب كيشوفيا شوية هز عينو فرضوان رد ليه الاشارة ...تابطت دراع ابن عمتي وخرجنا الى اين لااا اعرف مع هاد راس الطارو ....
خرجنا انا ورضوان خلينا سعد فالدار واتاجهنا للمجهول بالنسبة ليا حيت ماعرفتش فاين دايني مسايراه وصافي ...طول طريق وهو كيدوي معايا وانا كنبتاسم ليه شي سمعتو وشي لا كان تفكيري مشغول مخربق ماعرفتش اش كيوقع ليا حتى سعد مبغاش يتحيد ليا من بالي اصلا شغل بالي وتفكيري من اول مالقيتو فالمحطة وزاد كمل قبيلة فاش حل ليا الباب وماعرفتوش تبدل كليا ....كانت هيئتو وهو في حالة تشرد كتجذب وزاد كملها بنيولوك جديد وعاد فالكوزينة هففف ...شي حاجة في نفسي كتقوليا انني شايفاه من قبل ماعرفتش مكنبغيش نتعب تفكيري كيضرني راسي في بحال هكا كنبقا نفكر ومكنعقلش حتى كلقا راسي موصلت لحتى نتيجة ...توقفت من تفكير ديالي بوقوف رضوان في باركينگ ماعرفتش امتا دخليه هههه اميييمتي اش درتي فيا يا سعد ...هبطنا كان بارك وسط لمدينة مشينا كندورو تما حتى عيينا كان بغا نگلسو نتعشاو في واحد الريسطو سعاك مخليتوش قلت ليه نديوه جاهز ونديرو بحساب سعد معانا معارضنيش تقدينا العشا ورجعنا لدار دخلنا لقيناه واقف في سرجم وكيشوف في الشارع على الاغلب شافنا فاش هبطنا حيت مدارش فاش حلينا الباب ....مشيت لكوزينة ديت العشا باش نحطو فطباسل كنقاد فيه حتى دخل رضوان كيعاون فيا هز طباسل وداهم لصالة فين غناكلو ...خرجت من الكوزينة جايبة معايا الما لحقت عليهم لقيتهم بداو جلست بديت نتعشا حتى لشوية نغزني رضوان شفت فيه نعت ليا باش نشوف في سعد لي كان كياكل بواحد طريقة جد منتضمة بالقاعدة
انا في نفسي : اويييييلي را انا لي متشردة على هاد الحساب ( ديديكاس وجدان ههه) ...شفت في رضوان دار ليا اشارة الاعجاب بيه ...كملنا عشانا نضت جمعت الطابلة وديت طباسل مخلانيش رضوان نجمع لكن اصريت عليه نجمع راسي ...
جيداء : احم انا غانعس هنا اوك ...
رضوان : نتي غاتنعسي في بيتي انا غانعس هنا ...
جيداء : ولك...
رضوان : مكاين ما ولكن صاف...قاطعو سعد حط ايدو على كتفو شاف فيه دار ليه اشارة بمعنى ✋👈 👇انا غانعس هنا ...بغا يهضر رضوان مخلاهش قاليه صافي غير خليها تنعس ...شاف حتا عيا واستسلم خديت حوايجي ومشيت لبيت ديال سعد ..دخلت سديت عليا بالساروت باوامر من رضوان وحتى ولو مقالش كنت انديرها راسي ...بدلت حوايجي هزيت لابتوب ديالي شعلتو بقيت نبقشش دخلت لفيس ديالي مكاين حتى جديد قريت اخبار ...تفكرت شي دروس ايخصني نحولهم من كلي لبيسي جبدتو يلاه بغيت ندخلو حتى طفا لبيسي ديالي بدون سابق انذار ...اففف شارجور خليتو في صاكي برا في الصالة وااعععع ...خاصني نحولهم باش رجع الكلي لبنت صباح يااايي ...نضت على وعدي وسعدي حليت لباب لقيت ضواو طافيين صقيل باينة نعسو غير انا لي موكا ...مشيت كنتسلت لصالة بلى منشعل ضو ..كنبقشش على صاكي ماحسيت براسي حتى ضربت صبعي ضغير مع سداري بغيت نغوت سديت فمي وبديت نين قوايا خاارت سخفت طحت گالسة على شي حاجة اويلي اش هادشي ...كنتلمس بايدي ...هدي كرش ...طالعة كنتلمس ماشعرت حتى تجريت بجهد لاسبح في بحر شفتين في عتمة الليل ماعقلتش على راسي حتى لقيتني كنتجاوب ماشعرتش كانني تخدرت ...لكن بسرعة تهزيت حتى لسما وتخبط مع صفعة قوية على وجهي بان ليا ضو وخيال شخص واقف فجاة تشعل ضو بدون سابق انذار كلقا سعد مخنزر وشرار طاير من عينيه ...اويلي اش واقع ....
شديت حنكي كنشوف في سعد مخنزر فيا وشرار كيطير ليه من عينيه ...كان هو لي شعل ضو ...جا قرب ليا هزني من دراعي حتى وقفت وجرني ناحيتو بالجهد تا تخبطت مع صدرو ريتي حسيت بيها خرجت سلمت عليه ورجعت ...عينيا مرمشوش كنتسناه اش غايقول ...شاف فيا شوفة طوييييلة مع تخنزيرة ..صدرو كيطلع ويهبط ...زير على دراعي وهز صبعو كيدير ليا بالاشارة ...اش جابك لهنا ؟؟؟
عاود دار اشارة باش نهزو ونتحرك من حداه ...مشيت نجري لبيت مهزيتش شارجور مبقيتش بغيتو انفلت غا بجلدي وها العار ...دخلت سديت بساروت ..مشيت تلاحيت فوق ناموسيتي كلهت ...اييي حنكي كيوزوز امييي ....اعععع دراعي ياكما تزوق تاني 😨...نضت وقفت كانت مرايا فالبيت عريت دراعي افف الحمد لله تكايس هاد المرة ...هزيت لابتوب رجعتو لبلاصتو ...تكيت فناموسية جريت عليا الغطا ...هزيت تيلي حققتو ...وحطيت راس عالمخدة كنفكر داكشي لي وقع دابا والبوسة كانت اول بوسة ليا فحياتي عمرني ماتصاحبت ولا درت شي علاقة ياما تعرض عليا علاقات لكن كيلقاو غير رفض حتى لهاد ليلة بدون سابق انذار وديريكت دقت اول قبلة ليا ....بدون شعور لقيتيني كنتحسس في شفايفي مع ابتسامة خفيفة ...ياااه اش كيوقع ليك اجيداء مع هاد الابكم...استسلمت للنوم ....
اصبح يوم جديد فقت على صوت المنبه طفيتو ...نضت بسرعة حمد لله كاين دوش في البيت دخلت ليه توضيت وخرجت لبست عباية جايباها معايا ديال صلاة وشال صليت ودعيت ربي يعاوني ويسر طريقي ،،جمعت صلاية ونضت بدلت حوايجي لبست توينكة طويلة فالگرونة وسروال دجين فالاسود ...هزيت صاكي لي فيه حوايجي دخلت بيجامتي فيه وسديتو وهزيت صاك لي فيه كتوبتي وبوليكوباتي ...ولابتوب غانديه تالصالة فين كاين صاك ديالو صاك المزغوب اححح كنتفكر لبوسة لحمي كيبورش...درت ايلاينر وماسكارا فقط ومرطب شفاه ورشيت بارفاني ...حليت الباب طليت هنا وهنا كنسمع تقرقيب فالكوزينة ...هذا مايكون غا رضوان ....مشيت دخلت ضنا مني انو فيها حتى كنتصدم ب سعد ...لااا لااا يعقل كيطيب في الفطور ورضوان فينهو ...دور وجهو لمحني ...درت مارش ارييير باش رجع حتى جا كيجري جرني من ايدي ...هزيت فيه راسي ....دار ليا اشارة باش نگلس في طابلة لي فيها الفطور ...جلست وهو رجع لاش كان كيدير ....
جيداء : ماااا هذا يا هذا مااا هذا التغييير المفاجئ ....عاود دور وجهو فيا لقاني حالا فمي 😨....كيشير على وجهي وااالو فيني انا لا وجود لي في هذا العالم ...اوييلي واش هذا واش عقلتو اش دار البارح ولا لا عقلتو على الايام لي كان فيها متشرد وفي سبيطار ياك عقلتو....ماخرجني من تفكيري غير الخبطة لي خبط على طابلة...تا قفزت..
جيداء : الحفييض الله...غير شاف ردت فعلها كيفاش حتى قفزت والكلمة لي قالت ...ماحس حتى خرجت منو ابتسامة بدون شعور ضحكاتو ردت فعلها البريئة طفولية ...ابتسامة كانت ساحرة مع اول مرة كيبتاسم بعد سنيين مشاف وجهو ضحكة خرجت منو هاد الابتسامة وخصوصا كتكون مولف شخص عمرو ماضحك والى ضحك اول مرة كتبان ضحكتو رائعة وهادشي لي وقع لجيداء اول مشافت ضحكتو ....
كب ليا القهوة في كاس ديالي يلاه بغا يكحز ليا طبسيل حتى دخل رضوان كيزرب ...شافيا ...
رضوان : امم انا تعطلت انا غانمشي مغاديش نفطر مغاديش نوصلك لكن تقدري تاخدي طاكسي بغا يجبد الفلوس مي مخليتوش قلت ليه عندي كارت ديال طوبيس مكاين لاش واخة حسيتو تقلق لكن ضيق الوقت مخلاهش يناقشني ...باس راسي مع هاد الحركة مع شفت في سعد لي بان ليا خبط الكاس بجهد حتى ضار رضوان شاف فيه بعلامات استفهام تدارك الموقف واشار ليه بمعنى مديرش في بالك ...مشا رضوان وانا ضرت نكمل فطوري ...هزيت راسي فيه لقيتو رجع لتغوبيشتو المعتادة ..ابتاسمت ليه دار براسو مشافنيش جمع الوقفة وخرج من الكوزينة خلاني في حيرة من امري مبقيتش فهمت فيه والو هاد سكيزوفرينية لي فيه غادي تهبلني مابين ليلة وضحاها 😕
دازت اربع ايام بالضبط...دوزتها بنهار كنمشي لافاك والى كان عندي وقت فراغ كبير كنقسمو بين الجمعية وبين المراجعة اما دار رضوان كنمشي ليها فقط فليل كيجيبني رضوان او كيرسليا طاكسي يجيبني الى مكانش مسالي كيكتافي يعيط ليه بتيليفون ...سعد اااه هاد الاخير مبقيتش حاديتو من داك الصباح لدابا وليت كنتجنب نتلاقا بيه كيف كندخل لدار كنتوجه ديريكت لبيتي حتى لعشا كنتعشاه برا او كنمثل انني مافيا لي يتعشا وكنجيبو معايا البيت ملي كنسد عليا كنتعشا فيه وزبل كنجمعو في ميكة حتى لصباح كنفيق قبل منهم كلبس وكنمشي قبل مايحسو بيا ...كنخرج كلوح زبل (حشاكم ) في بركاسة اللي قدام العمارة...فضلت انني نتحاشاه اكبر قدر ممكن لاني ماعرفتش اش كيوقع ليا كل مكنشوفو او كنقرب ليه قلبي كيولي يضرب وكل مكنتفكر القبلة كنزيد نتاكد من شكوكي ...
ليوم وانا خارجة من باب لافاك باش نتسنى الطاكسي لي رسليا رضوان....غادية خارجة حتى كنسمع شي حد كيعيط ليا دورت وجهي كانت لبنت لي كنت خديت من عندها usb لي بسبابو وقع داكشي بيني وبين سعد ااااه ...جات لعندي عطاتني usb ديالها حيت رجعتو ليها وقلت ليها مبقيتش دوزتهم ملي طفا ليا لابتوب ومكانش عندي وقت باش ندوزهم ليوم عطاتو ليا باش ندوزهم قبل متحيدهم منو ابتاسمت ليها وشكرتها ...وانا غادية حتى شدتني ايد من دراعي هزيت راسي لقيتو واحد كيقرا معايا كنت ديما كنشوفو كيشوفيا اثناء المحاضرة ومكنتش كنعير ليه اي اهتمام كنت كندخل كنعطي تركيزي كلو لبروف حتى ليوم عاد تجرا وحط ايدو عليا...
جيداء : نعام اخويا عادل ...خصاك شي حاجة...كنشوف في ايديه وفيه بمعنى فهم راسك ووااالو لا حياة لمن تنادي...
عادل : خاصني نتي كيشوف في صحابو لي حابسين ضحكة...اش بان ليكم نربح رهان ولا لا...شاف فيا ....شوفي نتي غاتمشي معايا ليوم نتغداو فشي بلاصة بعيد على هنا وندوزو نهار في المزرعة ديالنا انا وياك (بغمزة مقرفة) ...
عادل : هههه سمعتو اش قالت ...صحابو : سمعنااا ...نقز واحد منهم ...ختي الي سمعتي مني حسن ليك مترفضيش را عادل العماري ومن لا يعرفه...
جيداء : يكون تا معرت اش سير عطيتي تيساع فين نعرفك باقي لقاك في وجهي متلوم غير راسك...تنترت منو وتميت غادية كنسب وكلعن ..حتى عاود جرني من دراعي جيت بغيت نهضر حتى لقيتو تهز من حدايا جا مشبح ...حليت فمي ناااري هذا اش جابو لهنا واسيد ضصر ضصر ...سعد !!!! شافو عادل جاي ليه باش يكمل عليه من شوفة ديالو لي داير فيه هز عضامو وهرب صحابو ملقاهمش حداه ...اودي يا ودي يا صحبة ...كان لابس تجاكيط ...حيدها وبقى بتيشرت في الاسود مزير عليه احححح ا فاااادي ...گاع لبنات لي تم حلو فمهم ...
جيداء : درت فيها ممسوقاش درت دورة وخليتو تابعني ....حتى بان ليا كيزرب ونا نعطي رجلي لريح انا نجري وهو يجري ومعرفتش علاش كنجري هادشي لي بغيت نفهم ونسيت طاكسي لي رسليا ...ولكن كان اسرع مني بالگروج لاخور...وقفني ...
انا : اش بغيتي علاش تابعني اا اش كاين ...علاش درتي لدري هديك الحالة ...كيشوووف فيا ...شوية دار ليا اشارة بمعنى زيدي قدامي ..
جيداء : لا راني تعطلت على طاكسي انا رجع كن را مزال كيتسناني...اشر ليا بمعنى را مشا
جيداء : علاش ياكما رجعتيه نتا...اوما ليا براسو بمعنى اه...اففف علاش ؟؟قلتها ليك !!!...سير نتا غانمشي راسي ..تميت غادية حتى كلقا راسي مهزوزة عالارض بامتاار ..وااععع ولد لحرام هزني فوق كتافو اويلي مال هذا...واااحطنييييي واتلق وتا حطني ابنادم جيت نضربو لضهرو حتى حسيت بايدي تبومبات نري هذا مناش مصنوع ...واحطنيييي فين غادي بيا بعدا ...واناااري انا لمن نعاود سيد داير راسو ماهناش...
انا : شوووف الى ماحطيتينيش غاتموت عزري ....ااااففف...سايرتو وخليتو هازني حتى وصلنا لشارع جاب الله هزني في بلاصة خاوية مشافنا حد ...حطني ...بغيت نبدا نبلبل شاف فيا بمعنى تسكتي ولا نتصرف ...دخلت سوق جوايا ...شوية جبد مذكرة من جاكيطة ديالو بدا يخطط ويكتب ومدها ليا....بديت نقرا...
جيداء : ....😯😒😒
هممم عارض عليا الغذاء ....وباشمن مناسبة ...
عاود خدا مذكرة هاد المرة طول فالكتابة بقيت نتسنى فيه حتى شكيت انو كيكتب في انشاء بغا ينقل شي حد فالباك 😑...بقا شحال عاد مدها ليا...
سعد : شوفي انا گالس گالس فدار مكندير والو حدي ملي كيجي رضوان كنتواصل معاه وقليل فين كنتواصل معاك نتي ....اولا بغيتك تسمحي ليا على داكشي لي طرا ديك المرة ماعرفتش علاش تصرفت معاك هكاك انا مشفت منكم غير الخير اول ناس ويمكن نتي لي شفت فعينيك نضرات غير شفقة يعني عاونتوني بلا شفقة مبغيتش نتعمق معاك فتفاصيل داكشي نفضل انه متسولينيش عليه لي مهم دابا هو انني بغيت نفتح معاك صفحة جديدة نكونو اصدقاء....كيف قلت ليك مكندير والو مرة كيجي طبيب نفسي او كيديني لعندو رضوان...كنبقى غير فدار مكندير تاحاجة انا طلبت من رضوان يخليني انا نديك ونجيبك وهو وافق يعني مكاين حتى مشكيل انك ترفضي...كملت هزيت راسي لقيتو حاذر راسو وكيلعب برجليه بواحد الحجرة....عرفني كملت هز فيا عينيه بشوفة فشكل ...
جيداء : هممم ودابا فين غاتديني ...ابتاسم ليا ابتسامة خفيفة..اححح يا قلبي كلك على بعضك حلو 😘😘😘....شير لطاكسي وركبنا ...كتب ليه وعطاه لورقة ،،،كسيرا مباشرة ماوقف الا بعد مدة في واحد الريسطو اقل ماا يقال عنه رائع من برا وخلاني حالا فمي كان ريسطو في شارع محمد السادس (شارع فرنسا سابقا) ...دخلنا كان اكثر جمالية من داخل هنا بدا يتسلل الشك فيا ....كيفاش هو متشرد وعرض عليا لهاد ريسطو لفاخر منين جاب هاد الفلوس كلها ....قاطع تفكيري لورقة لي حط ليا قدامي هزيتها قريتها...فاش كتفكري ؟؟؟
جيداء : حاولت منبينش انني شاكة وكتبت ليه...احم نسولك ومضحكش عليا؟؟؟ قراها واوما ليا براسو بلي نقدر نسول...علاش نتا طويل بزاااف؟؟؟قراها ابتاسم من قلبو كيضحك مبين على سنانو لاول مرة كنشوفهم نقيين مافيهمش حس لوسخ او شي حاجة لي دل على انو متشرد احم كلنا كنعرفو حياة المتشرد كيف كتكون في الهيئة وفي كلشي ...بقا شحال هز راسو فيا هاد المرة شافيا بعينيه فيهم نوع من لمعة ...كتب ليا ....كنت من هواة لعب كرة سلة بزااف...يعني كنعشق رياضة كرة سلة وكنت كنديرها فاش كيكون عندي فراغ...شديت المدكرة وكتبت ليه...علاه اشنو كنتي كدير قبل ميكون عندك الفراغ...عاود ليا على حياتك...قراها...هز راسو شافيا هاد المرة بتخنزيرة ...كتب ليا...قلت ليك متسولينيش ماشي من حقك تسوليني خبط عليا المذكرة حتى قفزت غير قريت حسيت بعينيا غرغرو شديت المذكرة ولحتها ليه ونضت خليتو گالس مشيت خرجت من ريسطو ماعرفتش علاش درت هكا مي مرضيتش بحال الى قمعني غادية ودموعي دايزين ماشعرت حتى تجريت وتخبطت مع صدرو جرني وعنقني خشا راسو في عنقي عييت ندفع فيه والو كان حاكمني كانو كيقوليا خليك هكا انا مرتاح هكا كانو كيعتاذر بطريقة غير مباشرة شفت حتى عييت ...دورت ايديا بزوج ورا ضهرو زاد زير عليا واستسلمت ليه....بقينا شحال معانقين...حتى بعدني عليه ...شاف فيا وابتاسم جرني باسني من جبهتي ورجعني لريسطو طلبنا لغدا ...بقا كيشوف فيا حتى حسيت بالاحراج ....عطاني مذكرة قريت محتواها...
سعد : من بعد وتعرفي كلشي لكن دابا خلينا نعيشو الحاضر بكل تفاصيلو الايام جايا كفيلة بالاجابة على جميع اسئلتك يكفيني نستمد منك ثقة الكاملة وكنواعدك تعرفي كلشي عليا...شفت فيه غمزني...الله يا ربي الله....حدرت راسي من تم مابقيتش هزيتو ولد لحرام حشمني ....
كملنا غذانا في جو يسوده الخجل من طرفي طول الوقت ومرة مرة نسرق نضرة فيه كلقاه حتا هو هز فيا عينيه كنشوفو بعضياتنا ...في دقة وحدة بهاد المعنى...لاحضت شيء اثار انتباهي للمرة ثانية طريقة الاكل ديالو طريقة جنتلمانية لبقة تمتاز بالرقي يعني كياكل بطرقة ديال الناس منقولش الهاي وانما طريقة منتضمة جدا ...ماشي بحالي غمس خشي فوجهك والحياة السعيدة وخانز وبنين ههه واععع اسمعني يتخلع ...كملنا استاذنت منو نمشي لطواليت ...دخلت غسلت ايديا ونشفتهم خرجت غادية حتى كنتلاقا في طريقي بواحد الصديق ليا من ايام المخيم كان رئيس واحد الجمعية لي كتنضم المخيمات...شحال مبقيت شفتو ....كنا كنقولو ليه عبدو بحكم رابطة صداقة لي كانت بيناتتنا في داك المخيم لي كنت كنمشي ليه كنا ضاصرين على بعضياتنا....وهو لي عطلني على سعد حيث بقيت كنهضر معاه وعلى احوالو ورجعنا ذكريات ديال المخيم حتى نسيييييت راسي ونسيت الوحش لي كنشوفيه جاي ليا بشوفة لا تبشر بخير....
جيداء : ههه احم سعد سعد اجي اجي نعرفك على عبدو ...هذا عبدو .....شاف فيه عبدو وابتاسم ليه ...اما سعد فمدار حتى ردت فعل ....حشمت من سيد مدار ليه حتى اشارة مرگت علاش دار هكا مافهمتش ....خنزرت فيه ودورت وجهي لعند سيد بديت كنهضر معاه بغيت نودعو بايدي حتى جرني سلم عليا بلابيز ياااخخخ لاش لاش فين عمري سلمت عليك بالوجه مبان ليك غادابا ....سعد شاف الموقف خلاني ومشا سبقني لبرا ودعت عبدو ومشيت هزيت صاكي من البلاصة فين كنا وخرجت لقيتو واقف هاز راسو لسما كيشووف ....وقفت حداه حذر راسو شاف فيا بتخنزيرة كن كانت قرطاس كن رجعت غربال ديال فرينة ....
جيداء : وقفت ليه قدام وجهو ...باشارة بايدي وكنهضر ...مالنا علاش مغوبش ياك كنتي صحة سلام مالك كتخنزر فيا....وعلاش مرديتيش سلام على سيد ؟؟!!!....
طلعني وهبطني وزاد قدامي خلاني على وضعي كنعبر بايديا حتى درت پوز ....ايييه معاك كنهضر...بففف هذا مااالو ...مشيت وراه تنشوف فين بغا يوصل شوية وقف وشير لطاكسي ركبنا بزوج واحد مايشوف في لاخور هو ركب لقدام حدا مول طاكسي وانا لور عطاه فين غايوصلنا وكسيرا ...طول طرق مرة نشوف في طريق ومرة نسرق نضرة لمراية سيارة حاضية ملاميحو نفس تغوبيشة باقة ....حجبانو مشانقين سلامة يا ربي ....ماحسيت حتى وقف طاكسي بينا لقدام العمارة ...اشنو هذا غانبقا معاه في نفس دار وحدنا !!! ومزال الحال مزال حتى رضوان مايجي ومزال عندي غراض نقديه في المكتبة ....علاش جابني ....هبط ودار لعندي لجيهتي ....دار ليا اشارة باش نهبط ...شفت فيه من ورا زاج بلي عندي منقضي مزال مندخلش لدار دابا ...ايخصني نمشي...شوية حل لباب بجهد ....وجرني ...
جيداء : فيين غادي بيا ...خاصني مزال نمشي ...مخلانيش نكمل دارشافيا جاب صبعو حتى لعند وجهي ...اشار ليا بمعنى اتزيدي قدامي ولاا ميعجبك حال ...بتخنزيرة خلعتني وليت نصرط فريقي ...جرني دخلنا لسانسور .....وصلنا دخلني لدار دفعني وسد الباب ...جاي كيقرب ليا وانا كرجع بلور هو كيقرب وانا كرجع بلور حتى تزدحت مع الحايط ..نري شكون دار هاد الحايط هنا اهئ اهئ...اش بغيتي ...حاصرني بايديه باقي على نفس تخنزيرة....كيقرب حتى غمضت عيني نصحابو بغا يبوسني شفتو تعطل لقيتو كيشوف فيا وحابس ضحكة...
جيداء : طلعت معايا سخونية بالمرگة...هز مدكرة وكتب فيها ...خبطها ليا على صدري ومشا لصالة....هزيتها وقريتها...
سعد : باقي لقاك كتسالمي ليا مع شي حد من لحناك ولا داك ضحك الباسل بحال لي وقع قبيلة فالريسطو منضمنش ليك اش ندير ومتناقشيش معايا ولا تجهليش ديلمي وراك عارفاني ملي غانتعصب ومزلتي ماشفتي والو...مع قريتها مشيت كنجري ليه ديريكت ....
جيداء : هييييه نتا اشني هدشي لي كتبتي في الورقة اش تكون نتا لي تحكم فيا هااا دوي ...هز راسو شاف فيا ودار ايديه على حناكو كانو كيتفرج فيا بدم بااارد شي لي جعر تواصلي تا خبطت عليه المدكرة ....معندكش لحق سمعتيني مانتا با مانتا خويا باشمن حق ها بقيت نغوت ونبلبل ليه تما...را عدويا لي يتحكم فيا في اقل حاجة فما بالك هدي...باشمن حق اش تكون اااش تكون ....مجيت فين نكمل حتى جمع الوقفة جرني وانا كنبلبل دفعني بجهد لصدرو حط ايدو ورا عنقي بعنف جرني ملاصق شفافو مع شفايفي يقبل فيا بشغف ....فشلت تخدرت للمرة ثانية بقيت على وضعي وهو خدام بوس يا ما تبوس ....مقاطعنا غير صوت لي سمعت....
رضوان : جيداااء .......
منساجمين مع بعضياتنا نسيت اشنو قلت ليه وعلاش تعصبت عليه وعلاش غوت من الاول گاع عشت معاه في عالم فيه غير سعد وجيداء لثاني مرة كنسى راسي... اشنو كيوقع ليا معاه معرفتش اشنو كيدير ليا اشمن تعويدة كيلقي عليا هو وحدو لي كيمتالك هاد السحر حتى كيخرجني على العالم الواقعي ....مافيقنا غير صوت رضوان ...كان يلاه داخل ...
رضوان : جيداااء...
دفعت هداك صنديد بجهد حتى بعدتو عليا...قاديت حالتي حتى دخل رضوان لعدننا لصالة...لاخور گلس فوق الفوطوي عااادي كان شيئا لم يكن....بملامح جد عادية....
جيداء : احم رضوان جيتي بكري ...
رضوان : كانو شك في شيحاجة بسيف وانا وجهي العافية شاعلة فيه وعاد باقة نهج...امم اه جيت سمعت صوتك من برا بحال كتغوتي اش واقع ...
جيداء : هااا انا غوت 😳 امتى...
رضوان : جيداااء 😒
جيداء : ااااه اا را كنت كنهضر في تيليفون مع ختي راوية كنتعاير انا وياها راك عارفنا كيف دايرة هضرتنا وداكشي هههع هيييي 😅...
رضوان : هممم ...مزيان...مهم انا جيت غير ناخد شي حاجة من هنا واحد ضوصي ونرجع لمستشفى احمم بغيت نقوليك را غادي نتعطل منجي حتى لصباح عندي عملية مستعجلة بليل لواحد المريض وخاصني نبقا مراقبو حتى تستقر حالتو ...ردي لبال لراسك ...
جيداء : واخة متشغلش بالك...
رضوان : شاف في سعد....سعد ليوم شوية كتشرب دواك بانتضام...
غير تحرك رضوان انا دورت وجهي نصف دورة كنشوف في داك الغوريلا بنص عين مخنزرة فيه ...شاف فيا وغمزني ...دور راسو شعل تلفازة وتجبد حط اييديه ورا راسو كيتفرج ....خبطت رجليا بالفقصة ...خرج رضوان من البيت طل عليا سلم عليا وخرج من بعد ما اشر ليا ....غيير هو سد لباب ...درت انا لهداك....
جيداء : هييي نتا شوف فيا جوج كلمات منفوتهمش ليك اااااخر مرة تصرف هاد التصرف المرة لولة طلبتي السماحة هاد المرة سكت لمرة جايا غادي نعرف اش ندير اخر مرة تمسني سمعتيني ويااااريت ماتبقاش تحاديني ولا تهضر معايا راني ماشي بنت زنقة ومشايطاش عليك تحكم فيا ونوقف معامن بغيت ونگلس معامن بغيت ....(انا كنهضر وهو كيشوف فيا وعينيه حمريييين شوية بدا يتنفس بالجهد عرفت هادي اخرتي ولكن فمي مبقاش بغا يسكت حيت فعلا عصبني الموقف لي كيدير معايا وقت لي جا يجرني يبوسني خاصني ندير ليه حدود مخاصوش يتخطاهم) اااه ونضحك معااامن بغيت والاهم نجي وقت لي بغيت ونسلم على من بغيت وبالطريقة ....مع اخر كلمة جمع الوقفة بعينين حمرييين تا بغاو يطرطقو تخنزيرة منوصفهاش ليكم كيف دايرة طيح الضغط بالخلعة...جا شدني من شعري بجهد تا غوت....
جرني من شعري وقربني ليه اكثر حتى كنحس بالنفس ديالو كيصوط ليا على وجهي سخووون....هز ايدو حتى لسما ونزل عليا تا بان ليا البرق حتى حسيت بحنكي عواج من حر الطرشة عينيا نقزو منهم دموع فجاة تحولو لشلال ....شدني من دراعي داني وجابني حتى دفعني لارض شادة راسي وكنبكي ....نضت لبيت كنجري سديت عليا وانهرت لارض كنبكي حيت فعلا قصحني حنكي كنحس بيه ضرني بزاف بقيت كنبكي نبكي حتى سمعت دقان ...نسيت ماسديت الباب حلو بجهد دخل و لاح عليا مدكرة ...شاف فيا بمعنى قراي ولا مايعجبك حال...
هزيتها وانا كنترعد ...قلت ليييك قبيلة منسمعش هاد الهضرة وقلت ليك الى لقييييت شي حد كيسلم عليك بهديك الطريقة منضمنش اشنو ندير فيك او فيه وقلت ليك الى تعصبت راك عارفاني كيف غانتصرف واعدا حاجة عندي لي نقولها ومتديريش او ماتصنطيش لاشنو كنوصيك بغيتي تعرفي علاش .....حيت نتي ديالي انا وبوحدي ومن اول ماقررت او تاكدت فديك الوقت ونتي ديالي وحتى من رضوان نقصي من ديك الضحك الخاوي لي كديري معاك ونقصي من تعناق لي كديري نتي وياه وهذا ااااخر كلام نتي ديالي ديياااالي فهمتي ودخلييها لمخخك ....هاد المرة جات هكا المرة جايا متلومي غير راسك ....غير قريتها لحت عليا زبل ...اويلي كيفاش ديالي بوحدي واش انا عبدة عندو جارية شراني !!!! اش هاد الهضرة ....مشيت وصلت عليه لقيتو في الكوزينة هاز قرعة ديال الما متكي عليها كاملة ...شاف فيا ...
جيداء : كنهضر وكنتنخصص....اش اشنو مع معنيت هادشي اهئ اهئ هااا واش انا جارية عندك دوي ....شاف فيا وتم جاي قلت هادي اخرتي ليوم يدوزوني فمبتسمون رغم الشلل ...قلت غايكمليا على حنكي لاخور ....لكن كان العكس جرني هاد المرة مباشرة لحضنو ...كنتنخصص ...عنقني لا بل احتواني دور ايديه عليا بزوج وطبطب ليا على راسي كيقبل فيه ويعاود حتى بديت نتهدن ...بعدني عليه شوية وشاف في عينيا....دار ليا اشارة....👈انا ❤️ 👉....انا : كيفاش مفهمتش...خدا وجهي بين ايديه ...كيشووووف فيا حتى حسيت بالاحراج...هبط راسو بلباقة ...باسني بوسة خفيفة في فمي ...حرك شفافو بديت كتبع حركاتهم ....كيقوليا حرف بحرف ...وانا كنترجم...
صمم العشق الجزء الثالث
محتوى القصة
التنقل بين الأجزاء