يوم، يومان، تلات ايام ....توالت الايام واليوم يوم قبل يوم عقد قراني يوم لاول مرة احس فيه باليتم كاني معندي حتا حد كاني شبه مقطوعة من شجرة لولا خالتي لي وقفت في جنبي ودارتني اكثر من بنتها عينيها كلشي عوضتني غياب ماما لي طول هاد الايام كتهضر معايا طبعا بالتخبية على بابا راوية حتا هيا خويا مرة مرة باركت ليا ورضات عليا وخا طول هاد الايام كتبكي مغاتحضرش لبنتها الكبيرة فعرسها فنهارها الكبير لي الام شخص ضروري ولابد يكون وعائلتها كاملة بمعنى اصح هفففف ماعساي ان افعل هذا قدري 😔....
ليوم مشيت انا وخالتي تقديت لوازم لي باقين خاصيني من دهاز وكلشي عطاني سعد عطاني گارت گيشي ديالو نتصرف بيها ونشري كل ما خاصني ....طبعا كتسالو منين جابها جميع مستلزماتو كاينين في دار لي غانمشيو ليها دار يوسف صاحبو بقاو ليه تما وكل شهر كيضيف ليه يوسف حقو من الارباح ديال سلسلة لي فامريكا وعاد لفلوس لي كيجيب ليه مروان كيحطهم ليه ....كملنا ورجعنا لدار عيااانين بزاف دخلت باش ندير دوش حتى حبستني خالتي باش نمشيو لحمام ...
انا : خالتي مكاين لاش اندوش وندير كلشي غير هنا ...كنقولها بحزن...
خالتي : لا ابنتي نتي عروسة وهذا عرسك عيشيه حسي باجواء ديالو وانا منقبلش تخرج بنت ختي من عندي بلى تقاليد منبغيهاش يلاه كوني تسمعي وسيري جمعي حوايجك انا نتسناك غانمشيو لحمام تقليدي يلاه يلاه ....
ابتاسمت ليها ومشيت جمعت حوايجي وجدت راسي لبست جلابة وخرجت لقيتها حتا هيا كتسناني وفايدها ميكات اش فيهم منعرف ...هبطنا ديريكت باش ركبو فسيارتها حتا لقينا مفاجئة قدامنا 😳 سعد اش واقف كيدير هنا ....
انا : سعد
عطاني مذكرة ....
سعد : جيت نوصل مراتي وحبيبتي لحمام اححح وكيف جيتي بجلابة شفت فيه غمزني ....حشممممت وخصوصا قدام خالتي لي بقات غير ضحك وناااري على هاد الزنزون اش خرج منو ناري والى دوا ما انا فخير .....يلاه غانركب حتا كنتفاجئ تاني بيه غادي لجيهة القيادة وخالتي لور شفت فيها ....
خالتي : سعد ليوم غادي يوصلنا بنفسو وهو غادي يجيبنا وانا لي وصيتو باش يدينا ويجيبنا كيف جاتك المفاجئة يلاه ركبي باش نمشيو دغيا هههه....
بقيت غير كنشوف هاد خالتي تاهيا ....طلعت حداه بغيت نقاد سانتير تا مد ايدو وقادها ليا بنفسو كان قريب ليا بزاف غير قادها بغا يرجع شاف فيا ابتاسم ورجع لبلاصتو قاد سانتير ديالو خهههه منضرو كيضحك مع هو طويل وخالتي عندها طوموبيل نوع بيجو صغيرة كيبان مقوس ععهههه مشينا ....دوزنا ربعة سوايع في الحمام مخلات الكسالة ما طلات ليا كلشي عطاتو ليها خالتي عشوب وحنا ومستحضرات هما لي كانو في الاكياس لي كانت جايبة وحكت ليا حتا طيبتني وليت نحس بلحمي كيوزوز خرجت كلي مزنگة ومنخري حمر كي دمية 😂😂 لقينا سعد كيتسنانا حيت رسلت ليه ميساج غير بنت ليه هبط لعندي جاي بنضرة ساحرة كيشوف فيا ويبتاسم وصل لعندي قبط راسي وقبلني قبلة في جبيني حرك شفايفو بمعنى بالصحة رديت عليه سلم على خالتي ورجعنا لدار.....
اصبح يوم جديد ليوم هو اليوم الموعود حطيت قفطاني لي غالبس في كيس ديالو مع اكسسورات لي معاه هاد القفطان خديتو مع لوازم لي شريت ودهاز كلشي وجداتو خالتي وهيا لي تكلفت ليا بالحوايج تجمعهم في فاليز حتا انها منعتني باس نقرب ليهم كلشي غالقاه في دار لهيه فنما نحط ايدي عليهم تقفزني دارت شهادة طبية هاد الايام باش تعاوني وليوم قالت ليا كاينة مفاجئة ...سمعت صونيت يلاه بغيت نمشي نحل ....حتا حبستني خالتي غاتمشي هيا تحل غير حلت لباب كنطل لا يكون رضوان جا وبدل رايو سعاك ماشي هو ....لكن لااااا مايمكنش كانو ولادها جاو بجوج واااو وفاء ونزار ياي شحال هادي ماشفتهم مشيت نجري....عنقتهم نعنق ونبوس توحشتهم بزاف ....عرفت منهم انهم جاو باش يحضرو لعرسي ياااه شي حد غايكون في جنبي ومعايا 😢😢....دازو لصالة بقا نزار تما وجات وصلت عليا وفاء وخالتي عاونوني باش نجمع حوايج لي غاندي لكوافورة جمعت كلشي وهبطنا لوجهة لعند الكوافورة ....دخلت خداتني ودارت ليا جميع مراحل العروس حتا من مشيطة دارها مرفوعة بزاف مع تاج من نوع ديال تيجان اليونان داير على راسي ولبست قفطان في الازرق ملكي مرصع بالحجر ومعاه اكسسوراتو ومكياج دخاني كملت ليا اخر لمسات ووقفتني قدام المرايا منكدبش عليهم من ذهول ناس لي تما فيا وخالتي وبنتها لي كانو كملو قبل مني عرفت راسي طلعت رائعة بمعنى الكلمة حطت الطرحة على وجهي وخرجنا لقيت سعد في ابهى حلة انا ولا قلبي كيضرب تبااارك الله هادشي كلو غايولي حلالي مايمكنش نسيت راسي وبقيت واقفة كنشوف فيه تصدمت كان جذاب بمعنى الكلمة لابس جلابة في المسكي وتحت منها فوقية بيضة وبلغة صفرة ومع طويل ومگضر خلا لبنات لي مع الكوافورة خرجو كيطلو وبنات لي مزال مكملو بروشينغ كيطلو بشعرهم نص مصايب ونص لا خهههه ولكم ان تتخيلو ....تقدم ناحيتي هز ايدي باسهم ابتاسم ليا ابتسامة من الاعماق شابك ايدينا ومشينا ركبت انا وياه لور وخالتي وبنتها لقدام واتاجهنا لدارنا فين غانديرو العقد تما....حتى كنشوف المسار ديال طريق كيتغير وكانت المفاجئة .....
كنشوف في مسار الطريق كيتغير غادين فطريق غير طريق دار ديال سعد شفت في خالتي من المرايا سولتها بعينيا....
خالتي : لالة العروسة مافيك صبر هاحنا قراب نوصلو ....مافهمت والو ،،ضغط عليا سعد بايدو شفت فيه ابتاسم ليا ابتسامة خفيفة سلمت امري وخليتهم تانشوف فين غادين دازت شي نصف ساعة كانت لوقيتة شي 19:00 مشات في طريق گليز شي خمسة دقايق باش دخلنا ليه حتى بدات كتكلاكصوني وتلقت وفاء سيدي اغنية شعبية لطهور ...دخلت في واحد الشارع حتا وقفت ...هبطت هيا ووفاء سعد خرج من سيارة ووقف حتا كنتفاجئ بدقايقية جايين بالدقة المراكشية وربعة نگافات واقفات قدام باب القاعة ديال الافراح...مد ايدو ليا انا مزالني مصدومة عينيا غرغرو بالدموع متوقتعتش هاد المفاجئة منو عرس يكون كبير وهادشي كلو دارو في سيمانة صحيح الفلوس دير طريق فالبحر ....عطيتو ايدي وخرجني من سيارة شوية جاو نگافات شدوني من عندو وهو بقا بداو جوج قدامي كيصليو عالنبي وجوج بجنبي لابسين لباس موحد سمرات بزاف دخلوني لقاعة اش نقول واش لي منقول قاعة داخل اوطيل اقل ما يقال عنها قاعة ديال الاحلام كلشي متول كلشي خلاب كيخطف الانضار تريتور كيمشيو ويجيو وربعة رجال كانو بلباسهم موحد تاهما وبسلهام كلشي مراكشي مئة بالمئة واقفين حدا العمارية لي كانت بزوج بلايص كانت خالتي ووفاء ولدها ومعارف خالتي والاساتذة لي معاها وحتا من الاساتدة ديالي كاينين بعائلاتهم وصحابات خالتي وجيرانها كلشي حاضر يااااه يا سعد بغا يخليني منحسش بالنقص 😭...يلاه غانگلس حتا حسيت بايد على كتفي درت نشوف
جيداء : 😳 ر راوية رااااوية 😭😭😭 طرت عليها كنعنق فيها ونبوس ياااااه توحشتها توحشتها راااوية ختيييي
روية : اهئ اهئ حبيبتي متبكيش ليلة عرسك هدي سيري تالمنبعد ونهضر مهم انا معاك في هاد الليلة احبيبتي متهزي لهم تا يسالي لعرس ونهضرو دوزي ليلتك...هيا كتهضر وانا كنشوف وراها حست بيا ...جيداء حبيبتي انا جيت غير وحدي ماما شوية ونعطيها تهضر معاك مبرووك احبيبتي جيتي فنة ماشاء الله عنقتني شد سعد ايدي طبطب عليها مشات راوية حدا خالتي وبنتها وناس لي واقفين ...جا سعد هز ليا طرحة باس راسي وگلست في العمارية وجا حتا هو كملو دقايقية وهزونا بزوج في العمارية شفت فيه ابتاسمت ليه ابتسامة من اعماقي كتحمل معاني كثيرة كنقوليه فيها كنبغيك لهلا يخطيك عليا شكر حب رضى وهو بنفسو ابتاسم ليا وغمزني شبك ايدينا وانطالقت زفة غير حطوني داوني نگافات لبسوني تكشيطة فالاخضر ملكي واكسسوارات فالذهبي كيلبسو ويصليو عالنبي خرجوني وبدلو بلاصة العرسان لون الاخضر ولشخص واحد حيث غاينقشو ليا فيها ....نقشو ليا نقش مراكشي خفيف غير شد لون وحيدو ليا لحنا بماء زهر وبواحد الخاتم صلاو عالنبي وزغرتو جا العدول دارو ليه طابلة جابوني گلست وجا حدايا سعد دار العدول مراسم عقد القران ....سنينا على العقد ووليت مدام سعد بن عيسى زغرتو....كملت الزفة توالت البسات زيدونا نشطحو مي داك المعقد قاليك ميشطحش خلاني نشطح صراحة بردت غدايدي عشت نهاري دويت مع ماما كتزغرت وتبارك ليا حسيت بيها حابسة لبكا بزز مكرهتش تكون حدايا كلشي من بابا 😔.... حتا وصلت اللبسة البيضة لكن مكانتش اختارو ليا تكشيطة فالابيض مرصعة بالحجر وفوقها سلهام ابيض وسعد لبس كومبلي فالاسود كلو حتا من شوميز كحلة وگرافاض في الگري خدا ايدي جاو نگافات قدامي بربعة ولبنات وفاء راوية وشي بنات ورانا هازين الشرارات خرجنا طفا ضو وشعل اضواء خاااافتة جدا وشعلو شموع لي فالقاعة كلها كان جو شاعري بامتياز حتا وصلنا لوسط القاعة تسلط عليا ضوء انا وسعد حط ايدو بقا غادي طالع بيها حتا وصل لخصري ودفعني لصدرو وايد خدا بيها ايدي باسها وشبك صباعي مع صباعو...تلقو اغنية رومنسية شطحنا كفايتنا وصلت نوبة تقطاع الحلو كانت بطوابق خلاصة القول عرسي داز رائع بمعنى الكلمة ... ...غير كملنا كنت كنهضر مع راوية كنحيد منها لوحش ماعرفتش اش وقع حتى حسيت براسي تهزيت وسط ناس ...
جيداء : وااعععع مالك ...هازني بين دراعو وهوپ خرجني من القاعة تحت انضار ناس كيصفقو ...اوييلي على زنزون كنغوت ليه ...واععع واش هبلتي واحطني ابنادم تا مالك اويلي بقيت نغوت حتا وقف شاف فيا وخنزر واحد تخنزيرة ماتبغيها لعدوك ضربتني لقوة حطني ودخلت راسي برضاااي لسيارة ماشي ديال خالتي سيارة ليموزين .... عاوني تا قاديت سلهام لي كان طويل وجا حدايا سد شيفور الفرق لي بينا وبينو وتعزلنا غير وحدنا شاف فيا جرني لحضنو كنحس بضربات قلبو كتسارع هبط راسو ناحية ودني كيشم فيا كنحس بلهيب انفاسو الحارة جاب ليا تبوريييشة عطاني مذكرة
سعد : غادي نمشيو لدارنا واخيييرا مقادرش نصبر امتا نوصلو هزيت راسي شفت فيه دار تنهيدة طويييلة صااافي ...بديت نصرط فريقي اقتربت النهاية 😰....
وصلنا قدام الاقامة يلاه بغيت نهبط حتا شد فايدي شفت فيه عطاني اشارة بعينيه باش نتسنى خذا مطكرة وبقا يكتب فيها مدة مدها ليا ...
سعد : عمري حياتي روح روح قلبي اول ماشفتك تعطاتني اشارة نتبدل كليا من وراها مع توالي الايام ومرور الوقت وليت كنبغيك لدرجة منقدرش نتخيل راسي بلى بيك سمحي ليا بزاف على عصبيتي وعنفي اتجاهك وردات فعلي صدقيني انا اخر شخص لا بل مستحيل نقدر نبغي ناديك بغيت نبداو ليلتنا الاولى واول مشوار حياتنا زوجية في دارنا واخة هدي مداريش ولكن كنواعدك في اقرب وقت غادي ناخذ دار لينا بزوج ديالنا ملكنا اوكي عمري وبغيتك تسمحي ليا حيت مديتكش لاوطيل فايف ستار كيف العرائس كنواعدك تقاد الامور ونكمل علاجي لي مبقاش ليه بزاف على مقاليا رضوان وغادي نعيشو حياتنا طبيعيين كنبغيييك وكنموت عليك غير كملت تلاحيت في حضنو عنقتو بكل قوتي شديت وجهو بين ايديا ونطقت...
انا : روحي انا معاك في سراء وضراء يكفي العرس لي درتي ليا ولي حضرتي ليا فيه اختي انا عرفت من خالتي انه بمساعدتك جات وخا من ورا بابا ولي مكنتش نحل...مخلانيش نكمل باس راسي وابتاسم ليا عاود كتب ....
سعد : كن ما خالتك لي عاونتني باش نوجد ليك هادشي مكنتش غانلحق على تحضير هاد المفاجئة الفضل الكبير كلو كيرجع ليها ....ابتاسمت ليه خرج من سيارة عطيتو ايدي وخرجت ابتاسم لشيفور بارك لينا ومشا يلاه غانخطي الخطوة الاولى حتا هزني تاني بين ايديه طلع بيا العمارة لفوق وصلنا لدار حل لباب وهو هازني اصلا بحال الى مهاز والو كي والو عهه سد الباب برجلو وحطني ....وقفت حط ايدو على كتافي ضربني ضو تاقفزت شفت فيه دار ابتسامة من الاعماق حس بيا ...جرني انا غادية ونقفقف وصلني لبيت بغيت نبدا نتغبن ونقول مزال ممستعداش نفسااانيا وجسميا وعقليا حتى وقفني قدام باب دوش اشار ليا باش ندخل شوية صونا ليه تيليفون وقطع استاذن ومشا انا دخلت لدوش دوشت بخاطري شعري مغسلتوش باقي مصاوب حدي توضيت ودوزت عليه بايدي وخرجت لبست بنوار كان محطوط كلشي لقيتو تما حليت الباب كنطل من شقة حتا بان ليا دخل ودخل لڤاليز ديالي حطهم يلاه غايدور سديت الباب ...
انا : يا ربي يا ربي كيف غاندير تانخرج سمعت صوت شي باب تسد اكيد دخل يدوش حتى هو ....شفت البنوار لقيتو مستور من حسن الحض تشجعت وخرجت مشيت كنجري لفاليز حليتهم ...
جيداء : وااعععع فين هيا لفاليز ديال حوايج لوخرين فييين تفو تفو اهئ اويلي اش لبس في هادو اعععع ليا الله اش ندير ياك حلالي وواجب عليا حيد عليا خالني لبس مالو اش بغا يدير البسو ولبس عليه بينوارو والى قلت ليه ماشي ليوم مايناقشنيش را اصلا كيقوليا مندير تاحاجة الا برضاك ....اوكيييه هزيت واحد في اللون الغوز بيبي هو لي مستور فيهم طويل وفيه فتحة من جنب ولبست فوقو بينوارو يلاه سديت الحزام حتا سمعت الباب تحل مضرتش مغاندورش غانبقا هك انا ....يا ربي نتكوفر 😰 ...حتى حسيت بايدو فوق كتفي ضرت بالعرض البطيئ واذاا بييي اتفاجئ يا سبحاان الله على نور فيه ...لابس فوقية بيضة وطاگية مهبطة ليه شعرو على عينيه ههه حق الله تا غايتقلبو الادوار ونغتاصب مو هنا ...مد ليا عباية صلاة طويلة بزاف بشالها كيغطي حتا الكتاف فاش لبستها عرفت...فرش الصلاية اعتادل لقدام وانا جيت وراه كنت كنضن غادي يصلي دغيا سعاك صدقت انا المزروبة سيد كيصلي بخشووع تاام حيت كيتعطل على مايركع او يسجد صلينا وسلم ....ضور وجهو ناحيتي خدا ايدو حطها على جبيني وغمض عينو بقا شحاال فهمت انو كيقرا دعاء في نفسو حتا كمل وباس راسي وناض وقف يلاه بغا يحيد الفوقية نقزت قلت ليه بغيت نمشي لكوزينة شهوتي نشرب عصير بقا يرمش في عينيه مافهم والو غمضهم وحلهم مشيت دعقتني العباية طويلة بزاف نسيت راسي حيدتها بقيت غير بشوميز دونوي فوقو بينوار وقصير فوق ركبة بشوية...بديت كنوجد في العصير كنصحاب راسي فدار خالتي بديت كندندن ومرة مرة نحرك مسيعيدتي حتا حسيت بايدين على خصري شوية بداو كيتلمسو ليا فانحاء جسمي حط وجهو على عنقي حسيت بلهيب انفاسو الحارة تسللت يداه كيطلع بشووووية حتا دخلهم تحت شوميز طلع لفخاضي ضغط عليهم بايدو ضربني ضو ولد لحرام بورشني بدعقة لحت داكشي لي فايدي ضورني ناحيتو ودفعني لصدرو هبط راسو لعنقي كيشم فيه ويبوس بوسات خفاف فكل منطقة كيشمها ضار على وجهي كلو حتا من عينيا باسهم تقاد معايا كيشوووف فيا وهوووپ .....
وهوپ هزني حطني فوق الپوطاجي نساني راسي ضورت ايديا على عنقو بقينا نشوفو في بعضياتنا مدة كان عريان لابس شورط قصير بزاف صدرو العريض احح دابا عاد غانشوفو مزيان ونمتع ونسقي عويناتي (شي وحدة تغمض لسارة عينيها 😂😂😂) بقيت كنشوف فيه .... حتا حط نيفو على نيفي عنكشني بلطافة من بعد عطا انطلاقة لقبلة على الشفايف فالاول بدا بشوية كيبوس ويحبس يشوفيا كان رومنسي في قبلتو بامتياز شوية تحولت القبلة لقبل عنيفة تحولت لقبل فرنسية كياخد لساني كلو كيجرو ويمصو مبقاش قنع بشفايفي مكرهش يصرطهم كيبوس يعض ويمص جهل شوية هزني ضورت رجليا على خصرو تمشا بيا ناحية البيت وحنا مزال على وضع القبل العنيفة كيبوس بجهالة حتى شعلني بالمعقول وليت نتسابق معاه على البوسان ....حطني بشوية باقي مضور ايديه عليا واقفين وحنا مزالين كنقبلو بعضنا شوية حل حزام البينوار ومع حرير طاح بسرعة هبط ايدو تحت شوميز هزو بيها يلاه بغا يحيدو حبستو ماعرفتش ضارت ليا فراسي توگضت عاد عرفت اشنو كندير خفت..... شاف خوفي وارتباكي حط راسو على راسي شحاال باس جبيني شد ايديا بزوج شبكهم مع ايديه وضغط عليهم كانو كيقوليا متخافيش انا معاك ....هبط لفمي وبدا في تقبيل مرة اخرى وهبط لعنقي كيبوس فيه ويلحس مع المص حتا كيجر جلدة جهلني نساني الواقع دخلني في عالم اللا وعي كنجر ليه في راسو ناحيتي كاني ماشبعتش حطني فوق الفراش حيد ليا شوميز بلى منحس لاحو وتحذر على جسمي باسو ولحسو ومصو كلو شي وقيتات كيعض شي بلايص حتا كنقفز من حر العضة هو جهل وانا قلت ليه متعرفش بقا يبوس ويلحس هبط لسرتي عذبها وعذب احساسي بمعنى الكلمة ولا صدري وصدرو كيطلعو ويهبطو انفاسنا تسارعت واحد الوقت هو مبقاش واعي حيد ليا سوتيان حتا تكفح الخير شي لي زاد من جعرتو ونزل عليه كيرضع ويقول مارضعت بقينا مدة من الزمن وحنا فالتسخينات حتا زند الفاخر مزيااان واصبح على اتم الاستعداد للشواء...مبقاش قدر يصبر تعالت تنهيداتي وتاوهاتي خرجني على العالم لدرجة ماشفتوش امتا وجد سي عباس ماشفتوش كيف داير من النشوة ....حتا حسيت بيه اختارقني من تحت غوت باعلى صوتي جاب الله ضفاري مطوالش مال كان ضهرو غادي يتشرمط بالمعقول ضغطت بصباعي على ضهرو تا حسيت بيهم حفرو ليه ضهرو حسيت بسائل هبط مني سخون على ما اضن دم عذريتي ....بقا شحاال حتى داه وجابو بشوية تابديت نتهدن ملي بغا يخرج رجع ليا لحريق غوت لكن سكتني بقبلة طوييييلة على فمي تا خرج باس ليا راسي وتكاني على صدرو...هز مذكرة كتب فيها جوج كلمات ....
سعد : مبروك علينا دابا وليتي مدام بن عيسى رسميا ...شفت فيه ابتاسمت ابتسامة ذابلة عيييت عياني غطانا واستسلمنا لنوم ....
حليت عيني على صوت تقرقيب تحسست بلاصة سعد ملقيتوش لقيتو مغطيني مع كنت عريانة عاودت سمعت تقرقيب على ما اضن كيدير شي حاجة فالكوزينة لويت عليا ليزار ودخلت لدوش غادية بشوية كنحس بحريق تحتي مكنقدرش لاقي فخاضي تيسعني ولد لهم معرت اش داكشي عندو 😞...دخلت دوشت بما سخون شوية ....رخيت عضامي غسلت شعري وتشللت وخرجت لويت عليا فوطة ....خرجت نشوف اش كيدير يلاه خرجت من البيت حتا سمعت صوت الباب كيتحل اوه شكون لي غايحل الباب مزالني كنتساءل حتا تحل الباب حليت عيني على جهدهم وتلقتها بغوتة زلزلت دار كلها حتا خرج سعد كان لابس بوكسر كيجري شاف فيا وشاف فين كنشوف ضار جهتي وضورني عليه ضرگني دخلني البيت ....
ماعرف باش تبلى دورني عليه غطاني ودخلني لبيت بسرعة ...مشا لماريو جبد تيشرت فالاسود وسروال كيطما فالگري لبسهم بسرعة ...شاف فيا ...دار ليا اشارة منتحركش من هنا بتخنزيرة وخرج سد الباب ....
عند سعد .....
مشا بسرعة لفين باقي واقف حول ايدو على شكل قبضة غادي بزربة وجه ليه لكمة حتى طاح شد منخرو....
يوسف : س سعد 😳 سعد سعد ....ناض جمع الوقفة ومنخرو دايز بدم ...اوو سعد نووو واي O.o ...وات هاپن رجعتي لحالتك طبيعية ....مشا لعندو جرو وعنقو حتا بداو دموع يدوزو ليه تاثر بصاحبو بزاف متوقعش يلقا هاد المفاجئة قدامو بقا شحال حتى دور سعد ايديه عليه وكملو تعنيقة الصحاب ضرب ليه فضهرو شحال ...شوية بعدو جرو سعد لصالون وگلسو .....
سعد لاحض الدم لي مبغاش يحبس من يوسف جمع الوقفة ومشا جاب ليه تلج وقف حتا لعندو قرب ليه شد تلج بقجو ليه على منخرو تا ولا يزغرت ...
يوسف :: اااوتش ايي مالك اصاحبي ...ااايي
دار ليه اشارة باش يبقا شادها على منخرو وبلاصة الضربة...
يوسف : ..خليك مني دابا وقوليا اشنو طرا وجرا عرفت كلشي من مروان بلي قاليه العساس انك وليتي كتجي لدار وحتا انك وصيتي لي يجمعها وينضفها و الفلوس لي كنت كنرسليك بديتي كتصرفهم وحتا الكونت ديالك جاني ميساج من البنك كل اسبوع او يوم كتهز منو هنا تاكدت انك غالبا تقدر تكون رجعتي لوعيك وبديتي كتفكر ....من فرحتي وصيت لي ينوب عليا فهاد الايام لي غانجي لمغرب ومشيت قطعت بيي بالكشيفة باش لقيت يوم لبارح بسرعة جيت لمراكش يلاه كيف وصلت غير دابا حليت حتى كيبان ليا بنت من غواتها ماعرفت باش تبليت ماعرفتها تا كيف دايرة ...
بدا كيكتب ليه في المذكرة ...
سعد : هذيك مراتي الفهيم البارح كان عرسي...
يوسف : ياااك عرسك وانا اخر من يعلم ايه اصاحبي هدي هيا الصحبة ماشي مشكيل مهم سمح ليا على الازعاج مبروك عليك والله يكمل بيخير ....استاذن وناض حتى شدو من ايدو وهبطو گلس بزز منو عاود كتب ليه وعطاه....
سعد : عرسي جا مزروب لضروف لا انا لا هيا كنا حاسبين ليها قصة طويلة وحتا قصة كيفاش رجعت لطبيعتي تاهيا طويلة گلس تستراح نتغداو ومن بعد نخرج انا وياك نعاود ليك كلشي والى لقيتيني غالط من حقك دير لي بغيتي ....تفاهمنا...
يوسف : احم هو فالصراحة انا مقلق منك بزاف مي ماشي عيب نسمع ليك القصة كاملة وعليك ...
ابتاسم ليه ناض استاذن منو ومشا ....
انا كنت گلسة فوق ناموسية كنتسنى نعرف اش واقع برا كنسمع غير الهضرة مافهمت والو حتا سمعت الباب كيتحل نضت وقفت دخل سعد شافني وجا لعندي كتب ليا ....
سعد : هذا لي جا هو صاحبي يوسف لي عاودت ليك عليه غادي يتغدا معانا وغانخرج انا وياه ...
جيداء : واخة مرحبا...
شاف فيا طلعني وهبطني ...هضر معايا بالاشارة باش نبدل عليا ولبس شي حاجة طويلة شفت فراسي لقيتني لابسة بيجامة بلى سروال ومقزبة واععع ...يلاه غانمشي حتى جرني دفعني عالحايط ضغط عليا بصدرو هبط راسو كيشمشم فيا ...
انا : س سعد اش كدير سعد وااعععع بدا كيتلمس فيا ...اويلي كن تحشم را ماشي وحدنا بلييز عنداك تهور راني احمم ....سعدد ....شوية هز راسو كيشوووف فيا غمزني ....قبل ميحط شنايفو على شنايفي كيبوس بلطف حتا غرقنا في قبلة ديال بصح كيبوس وكيضغط عليا بصدرو مع صدري وكيتلمس حتا هزني خشيت صباعي في شعرو كنجر فيه ولد لحرام كينسيني راسي ...بقينا شحال حتى حيد كينهج وانا كتر منو مع ضغط تختقت ...كتب في ورقة وعطاني ...
سعد : ياك الجنية قلتي حشومة اه سعد لا حشومة راني احم اش احم .....لبسي لي قلت ليك... وبلى منقوليك اش تلبسي اجي تعرفي على يوسف ووجدي لينا شي حاجة من تحت ايدياتك ...غمزني وخرج تزنگگگتتت ...مشيت بدلت لبست بيجامة بسروالها طويلة بزاف وعريضة درت بارفاني وخرجت ...لقيتهم في الصالة سلمت على يوسف عرفني عليه سعد استاذنت باش نوجد الغدا وخليتهم....
....
يوسف المدام عندك على غوتة غوتت قبيلة واصوتها في الغوات كيووت كيفاش درتي حتى تعرفتي على هاد ....نسا راسو يصحاب راسو في ايامات البنات لي كيجيو عندو ولا عند سعد عههه....على هاد القوقة...ااااااي عينيي....
استاذنت مشيت لكوزينة نوجد الغدا هذا نهاري الاول في حياتي الزوجية مزالني عروسة وغانوجد الغذا غذايا الاول في داري ...غادي نبدا اولى مسؤلياتي كزوجة ...شمرت على ايديا ...بقيت كنفكر اشنو نوجد وبيما انو السيد يلاه جا من بلاد الغربة مدة مجا المغرب فقررت نطيب شي حاجة تكون مغربية مئة بالمئة وعلى الله يكون كلشي موجود وكنضن على مقاليا سعد بلي موجد كلشي في الدار ...ماهيا الاساعتين من زمن حتا كان كلشي موجود تغذينا شكرو طيابي وبان الفخر فعينين زوجي العزيز وحبيبي ...شوية قاليا سعد بلي غايخرجو ...استاذن منو ودخل لبيت ...دخلت انا لكوزينة باش نغسل الماعن بعد برهة حتا خرج شميت ريحتو لي كدوخني وقف في الكوزينة ضرت عندو كان في كامل اناقتو قميجة في البلومارين مزيرة عليه وسروال توب فالاسود وموقف شعرو ...كيعقد فكم القميجة ...انتابهت لواحد لصدفة محلولة وسط صدافي مسدودين ...مشيت كنسد ليه فيها....
جيداء : حبيبي غاتخرج واش غايتعشا معانا ولا لا ...باش ندير بحسابي ...جرني لصدرو ...اشار ليا بلا ...يلاه بغيت نقوليه اوكي خطف بوسة خفيفة من فمي خلاني حالا فمي ...غمزني وخرج كيبتاسم ...سدو الباب ...كملت شغلي ومشيت لبيت بدلت بيجامتي لي عمرت بريحة طياب ولبست بيجامة قصيرة حد ركبة وخا الحال بارد دار كان خدام فيها شوفاج سخون...جمعت شعري وگلست مالقيت مندير جبدت كتوبتي نراجع ليا مع اقتراب الامتحانات خاصني نعوض لي فاتني سيمانة ممشيت لافاك ...
عند سعد .....
يوسف : ياااه هادشي كامل كتابتك وصلت ليا فما بالك الى دويتي افففف الحمد لله لي وقف فطريقك هاد ولاد ناس اشارة من الله باش تفيق على راسك وتشوف حياتك واكيد خالتي ناديا ودلال مكانوش يبغيو يشوفوك في هاد الحالة وامتا العملية ؟!
كتب ليه ...
سعد : انا مزالني متبع العلاج وكنشرب دوا في مواعيدو هاد الايام عندي موعد مع رضوان باش يدير ليا فحص شامل ويحدد امتا العملية على مقاليا غاتكون في اقرب وقت ومسالة دوا فا حيت تعطلت على العملية خرج ليا دوا هو لول والعملية غاتكون في اقرب وقت ....
يوسف : يكون خير ان شاء الله ولكن عندي واحد التساؤل فيما يخص املاكك لي بقاو عند داك الحقير ماناويش ترجعهم اكبر السلسلات نوادي الليلية في المغرب واشهرهم غادي تخليهم ليه هكاك على طبق من ذهب ....خبط عالطابلة ...عاود كتب ليه ....
سعد : مابغيت من داك الحمااار حتى حاجة مبغيت منو واالو الى غانبغي را غايكون حسابي معاه عسيييير بزاف ماشي بعيد نقتلو فاحسن اااحسن منقربش ليه باش منضيعش راسي فيه ونضيع معايا حب حياتي ولي غاتولي ام ولادي...
يوسف : هااانتا قلتيها ام ولادك يعني غايوليو عندك معاها ولاااد غاضيعهم هداكشي غايولي ديالهم من بعد هادشي را ميبغيهش الله ولا العبد دافع على حقك رجع املاكك ونواديك واش...خنزر فيه بنضرة نارية ...كتب ليه ...
سعد : تعاود تجبد حس هاد الموضوع نخصر ليك سيفتك براكة ديك العين لي حفضك الله ماجبدتهاش ليك بمصارنها سد عليا هاد الموضوع...اه بغيتك في موضوع ...ملي تقرا هادشي عطيني نكتب ليك اش بغيت...
يوسف : هفففف لي بغيتي اليييي بغيتي ...هاك...
سعد : بغيت تحوليا نصيبي فالشراكة لي بيناتنا بغيت نحول كلشي لهنا لمغرب وبغيت ناخد دار هنا نسكن فيها شوف الى كتعرف شي سمسار هنا نتا ولد مراكش غاتكون عارف شي حد لي يقدر يعاوني....
يوسف : بغيتي تفضي شراكة لي بيناتنا !!!! وداري اش كدير....
سعد : اعذرني ميمكنش ليا نرجع لامريكا ونخلي جيداء هنا صافي ولات حياتي هنا ...والى خذيت دار ليا ديالي انا ومرتي احسن حتى نتا غاتجرب وغاتعذرني واكيد نتا صاحبي والى كبرت المشروع هنا غادي نعاود ندخلك شريك معايا نتا صاحبي وخويا لي مولداتوش ليا مي ولي ولداتو ليا دنيا ...تفاهمنا....
يوسف : شاف حتا عيا واستسلم....اللي بغيتي اصاحبي عطيني اسبوع نفضي كلشي ونتمنى تبقا عند كلمتك....
شاف فيه سعد ...ضرب ليه على كتفو وهاد الاخير مفراسوش بلي سيد تمجهد كان مرخي غا ضرب ليه على كتفو جا مشبح فوق الطابلة ....ههههه
يوسف ..: وناااري اصاحبي منرجع لامريكا تايدييوني على كرسي .....خليني حتا ندي عليك اه اه ....
بقيت كنراجع حتا عييت وصلت شي خمسة ديال لعشية جمعت كتوبتي ...حتى صونا تيليفوني ...كانت خالتي ...بلغتني بلي شي ساعة وغايكونو هنا باش يشوفوني ونشوف راوية قبل متمشي غدا في الصباح ومعاها حتا وفاء ونزار ومنوجد تاحاجة كلشي غايجيبوه هما طايب فطور زعما .....عاودت بدلت ولبست بيجامة طويلة خوفا من سي سيد لا يخلطني ...تفكرتو هو خاص يكون حاضر وملي خرج مع يوسف مجا ....اوه هذي كلها قهوة ...يلاه غانصوني ليه حتا سمعت صوت الباب ...دخل لبيت لقاني واقفة ....
جيداء : فين تعطلتي كنت غاد صوني ليك ونرسليك ميساج ....هادي گاع قهوة ...اففف...دوات خالتي غاتجي من دابا شوية ونتا خارج وفي اول يوم لينا بزوج بزاااف ....محسيت حتا جا كيخنزر فيا جرني من شعري تا غوت...اااايييي ماالك ..عينيا غرغرو...تلق مني بجهد هز ورقة من كوميدينو وستيلو كتب وعطاني...
سعد : مكنحملش لي يتنفخ عليا ولا يعلي صوتو عليا ولي يتحكم فيا ويقوليا اش ندير وخصوصا لا كانت مرا ...حمدي الله ماجمعتها معاك تبان ليك البرق ...
جيداء : حطيت لورقة وضربت فيه وزدت خرجت وخليتو في البيت مدويت متكلمت غالبين عليا دموع ...دخلت لدوش لي برا ..سديت عليا واطلقت العنان لدموعي بكيت حتا مقديت ...اول يوم ليا وانا عروسة بدا بنتيف وتهديد ....غسلت وجهي بالما حتا تنفست خرجت لقيتو واقف ليا عند الباب شفت فيه بتخنزيرة ومشيت لبيت تبعني ...سرحت شعري بالبلاك دغيا ودرت ميكاب خفيف كل هادشي تحت انضارو فكرت بما اني عروسة وباش ميعيقوش بلي كنت كنبكي ويبان كلشي طبيعي مشيت لماريو هزيت قفطان في المسكي مطرز بالصم ومرصع بالاحجار بلى حزام ...كيتسناني نبدل قدامو ولكن كان العكس هزيتو وضربت فيه بغيت ندخل نبدل في دوش ...حتا جرني ...شفت فيه حيدت ايدي ومشيت سبقني وقف ليا عند باب دوش ..انا حادرة راسي مبغيتش نشوف فيه ...كنمشي هكا كيمشي معايا جاني ضحك ومع ذالك مبغيتش نهضر معاه...
جيداء : وخا تحيد خليني نبدل ونوجد دغيا قبل ميجيو ...وحادرة راسي مزال....هز ليا راسي بايدو شفت فيه ...دار اشارة بمعنى اهاء اهاء بحركة طفولية ...حبست ضحكة بزز ...وخليني ندخل نبدل ...اشار ليا باش نبدل قدامو...الاااا غاندخل نبدل حيد خليني ندخل...خنزر فيا ...اااف..مكملتش مشيت على وعدي وسعدي بدلت قدامو بالكشيفة حتا ولا وجهي مطيشة وهو ماااايت عليا بالضحك متكي فوق نموسية وحاضيني ...وكلت فيك الله ..لبست وتقاديت...هو مبغاش يبدل بقا غير بلباسو ديال قبيلة حيد تجاكيط ودار فوق القميجة تريكو ديال لخايط كديكور ...جيت انا وياه كوبل خطير ...وخا هكاك مخاااصمة معاه 😤....سمعت صونيت الباب ..يلاه غانخرج حتا جرني بجهد انقض على شفايفي بالبوسان واحد جعرة جاتو كيبوس ويمص ويتلمس حتا حسيت بفمي غايطير...خنقني دفعتو بالجهد ...
جيداء : اويييلي حي مالك جهلتي ...كلهث ..خرجت انا وياه بغيت نحل لباب بغا يجرني...والله يا بالمكبوت ومتبتي لارض تنغوت ....بقيت مدة حتا استرجعت انفاسي عاد حليت الباب حناكي كنحس بيهم بغاو يطرطقو..كانت خالتي والبقية سلمت عليهم ومشبعتش تعناق من راوية لاحضو ارتباكي وحناكي لي بغاو يطرطقو ...
وفاء : مال حناكك
وراوية : مال فمك 😯😶...
جيداء : الله يمسخكم...دخلو سلمو على سعد باركو لينا ...كانو جايبين طياب وكلشي واجد العصير واتاي وجدوه البنات وانا بقيت مع سعد وخالتي ونزار في الصالون ...گالسة حدا سعد لي مرة مرة يشد ايديا ولا يبدا يتلمس بلعاني باش يحشمني كنشوف فيه كيدير راسو كيسمع لخالتي ...جمعنا حتا لاش من وقت تعشاو وباركو لينا المرة تانية ...توادعت مع راوية لي واعدتني غير نشدو عطلة صيف وتجي دوزها هنا في مراكش ...طلبتها تبلغ سلامي لماما بزااف ...مشاو سديت لباب ...حتا كيبان ليا سعد واقف مربع ايديه وكيديرفيا شوفااات شيطانية ....
جيداء : يرحم بيييها لوليدين ليوم لا راني باقي زاوية منفرجة الله يحفضك الله يكتر من امثالك الله يفرحك ...الله ...هوووپااا...وااعععع...
مر اسبوع على زواجي بسعد ...اسبوع من الحب اسبوع من العسل خرجني وفوجني بالمزيان ...كندورو واللي بغيتها كياخدها ليا ...حتا شي مرات كندوزو من حدا ليبوتيك كتبان ليا شي حاجة من بعيد مكنحس حتى كيجرني ياخذ ليا ....عيشني اجمل اسبوع من العسل لكن ناقص شويييكييكااا ههه في سرير هذي اسبوع من تالت يوم مدرنا علاقة ...جات عندي الضايفة عههه محاملش راسو يدور دورة ويصوط ولا يمشي يفرغ الغضب في لاصال لي تسجل فيه هدي اقل من شهر قبل من العرس .....مرة مرة كيجي عندنا يوسف كيتناقشو ....ولا يخرجو مايجي هو حتا لاشمن وقت في ليل اشنو كيديرو برا من صبباح الله واعلم مكيبغيش يقوليا والى حاولت نسولو كيخنزر .... كيلقاني ناعسة في صالة مكنحس حتا كنفيق في الصباح كلقا راسي منخششة فيه ....كيف دابا ....
بدا يحل في عينيه شاف في سقف حتا ضور راسو ناحيتي كيرمش في عويناتو ابتاسمت ليه ...جرني مخششني في حضنو العريييض كنبان كي النملة ( خهه يسرى ) كيشمشم فيا ....
جيداء : صباح النور ...اااي لا سعد هههعع والهبيل ولاا متهرنيييش خههههه اووففف ...نوض نوووض خليني نمشي نفطر ...بغيت نوض حتا جا فوقي حاصرني بايديه بجوج وهبط صدرو ضغط عليا...دار ليا اشارة بلاااء ....وانوضضض راك خنقتيني خليني نمشي نوجد الفطور....مد ليا قنينفاتو كيحرك فيهم بمعنى تاتبوسيني ....لاااا ...عاود ضغط عليا...الله ياربي بغا يخرج ليا مصارني...واخا...بستو في شفايفو لكن تم لكن لم تكن بوسة بل اصبحت شفطة دا ليا فمي ...متلقني حتا خلاني كلهث ...المجوط 😒....ناض سبقني مشا لدوش وانا مشيت لكوزينة شعلت على القطارة ديال القهوة ومشيت لدوش لاخور نطرف حالتي ونغسل وجهي ونحك سناني ...كملت روتينياتي خرجت كملت ماتبقى من الفطور حتى تم داخل في كامل اناقتو بشوميز سوداء وسروال في نفس اللون كيصايب في المگانة حط ليا مدكرة كاتب فيها...
سعد : غير فطري نتي ...انا غانمشي ليوم مع يوسف ثاني مي غانجي بكري ...منوصيكش الى خصاتك شي حاجة رسلي ليا ميساج ....
جيداء : اوكي ...غمزني وقبلني في شفايفي مرة اخرى ....عنقني مسح ليا على ضهري ... ورجع خارج حتا شديتو من ايدو وقفتو...اشنو واقع علاش مبقيتيش كتسالي ...خنزر فيا...صافي صافي الله يسهل من خوفي وليت كنهز لكاس وايدي كترعد ...حتا حسيت براسي ضرت كان هو ضورني جيهتو كتب قدامي وعطاني...قاليا مفاجئة غاتعرفي في الوقت المناسب...اوميت ليه براسي بمعنى ok...باس راسي وتيسر.....
عند يوسف وسعد....
يوسف دابا شفتي دار عجباتك زگينا مع سيد بقا غذا تسنيو العقد وتوريها المدام مبروك عليك مقدما...ابتاسم ليه....ولكن بغيت نخبرك بواحد المشكيل ...شاف فيه بعلامة استفهام...احم شوف بلا متعصب بلا متكشكش ....راك وخا مكتهضرش راك خيب ملي كيدوي عضامي ماشي قدك وخا قدي قدك في طول نتا دحش عليا...خنزر فيه ...ااا بغيت نقول انا دحش ونتا سبع خهه وشوف لهيه اصاحبي 😞 ...مهم انا نبدا مسالة فض الشراكة فاش درت اتصالي بالمحامي لي عندنا ديالنا لهيه قاليا خاص تحضر بنفسك باش تفض شراكة وتوقع بنفسك لان قانون لهيه هكا كينص يفضل تحضر لهيه باش نقسمو ونصيبك تحولو بنفسك لهنا وتشوف واش تصرفو فلوس او تحول فرع من تما لهنا يكون باسمك ....يعني حضورك اجباري...
كتب ليه....
سعد : وشحال غانبقا تما...
يوسف : اسبوعين على الاقل ...على حسب امتا نساليو...رجع ليه يكتب....
سعد : منقدرش نخلي جيداء هنا وحدها نموت ومنخليهاش...شوف كيفاش دير...
يوسف : مع الاسف هادشي لي كاين....
صاط سعد بعصبية كينفخ ينفخ ...خبط ايدو مع طابلة ....
يوسف : كاين حل علاش متديهاش معاك...
عاود كتب ليه .....
سعد : عندها امتحانات هاد الاسبوع الجاي كامل ...وزيد كيف غانديرو حتا نديوها معندهاش فيزا...
يوسف : اذا كان على الفيزا يومين نخرجها ليها سياحية تمشي معاك منها تقضي غراضك ونتفاهمو تم ومنها تديها شهر العسل لي خليتيها ومديتيهاش ليه صراحة ديك القو...احم سيدة متستاهلش ...
صباح يوم جديد ،،في هاد الاسبوع المليئ بالامتحانات... كنت مضغوطة بزاف الاسبوع الي فات ...كنراجع بليل وبنهار مكنحكش راسي ...سعد الله يخليه ليا معاوني كيخليني نراجع ونحفض في البيت مكيخليش شي حاجة تزعجني موفر ليا راحة اكثر من لازم ....وكيديني لافاك باش نراجع مع لبنات لي معايا مكيجي ليا حتا كنكملو ونرسليه ميساج ...كيلقاني كنراجع مع كروب فيه دراري مكيهضرش.... الحمد لله متفهم ومدار حتا مشاكيل غير شي مرات في دار كيخرج على الواقع وكيجعر الكريز مبقاتش رجعت ليه من داك نهار انما جعرة لي الى جعر كيخرج عن المالوف....دوزت امتحاناتي بخير الحمد لله نتمنى من الله النجاح بنقطة لي تستاهل تعبي وطموحي وتحدي لي تحديت بابا عليه ....ليوم اول نهار ليا في داري جديدة كانت مفاجئة زوينة بزاااف فرحت تا مقدتني فرحة مفاجئة راجلي حبيبي كانت شقة كبيرة بطابقين مفرشة مجهزة بفراش مغربي مئة بالمئة فيها ثلاتة بيوت ديال نعاس واحد فيه دوش ولبقية لا ودوش اخور على برا .... وجوج صالونات كبار مفتوحين على بعضهم مفرشين فراش تقليدي بيت تلفزة هو الوحيد لي فيه فوطويات كبار و LED كبيرة وكوزينة كبر من لي كانت في دار لوخرا مجهزة كلها خلاصة شقة روعة بكل للكلمة من معنى ..... قاليا بلي بغا كلشي يفاجئني بيه والى ماعجبنيش من غدا يحيد لفراش ونتقدا فراش على ذوقي لكن مخليتوش حيث عجبني كلشي يكفي فرحني ولات عندنا دار ديالنا شخصيا ولفراش وكلشي مخلا ليا منقول....
كنا كنهضرو البارح بليل على موضوع السفر المفاجئ الي خاصو ولابد يكون حاضر بنفسو باش يفضي امورو ويوقف على راس شغلو هو شخصيا ....وجاء الحوار كالتالي....
جيداء : امم نتا عارف عندي امتحانات هاد الاسبوع وقلتي تسنا حتى نكمل ماعرفتش واش مهم نكون معاك !!
كتب ليا وعطاني نقرا....
سعد : اهم اكثر مكتصوري مبغيتش نخليك ورايا وانا عارف غاتكملي امتحاناتك هاد الاسبوع ونتي الحمد لله ميتخافش عليك مغاديش تخرج ليك راتراباج ادخليهم بعينيك مغمضين ومسالة نمشيو لامريكا غير اسبوعين ...الى كثرنا تلات اسابيع وانا نحاول نفضي الامور قبل گاع وقلت ليك نتي من نهار بغيتك ونتي تحت مسؤليتي وحنا يلاه تزوجنا مبغيتش نخليك فاول شهر من زواجنا وحنا يلاه بدينا منها نقضي غراضي ونسالي كلشي تما ولي كيربطني بتما ومنها نستغلوها في شهر العسل وخا انا ماكرهتش اعوام العسل معاك الشهد ديالي...شفت فيه وابتاسمت...ولد لحرام تايجي تالاخر ويزمتني....ملقيت منقول ليه....
بقا ليا يومين ونكمل الامتحانات لحمد لله لي جاو في اسبوع واحد ومكانوش مفرقين فور منكملهم غادي نمشيو قطع لينا يوسف البيي لينا بثلاتة غانمشيو بتلاتة بينا بديت كنجمع في الحوايج الي سخان بزاف لان فهاد الوقت كاين ثلج بزاف في لاس فيگاس ولاية الكازينوهات واكبر النوادي اليلية في امريكا....جمعت ليا وليه ....ثلاث ايام يومان على منسالي الامتحانات ويوم الثالث في الاتجاه الى لاس فيگاس ....ايييييه اليام كي كنت وكي وليت ههه من الذهاب الى مدينة مراكش لدراسة وتحقيق الطموح وليت في بداية مشوار طموحي لحب لزواج لذهاب الى امريكا لي مكنت ضاربة ليها حساب حتى في الاحلاام خههه.....
كنت كنوجد في الكوزينة لعشا وكنجمع في الدار ونكمل في اخر لمسات من توجاد وجميع الحوايج وكنتاكد بلي مخاص حتا حاجة ...مسؤلية صعيبة تجمعي لراجلك معاك... فاش كنت بوحدي كنت لي كان نهزو وعارفة ديريكت اشنو نهز....غذا في الفجر عندنا طيارة مباشرة لفيغاس ساعات طواال عاد نوصلو وشوف يقدر نوصلو فالصباح ديال لهيه وليل ديال هنا ولا صباح ديال لغدا ليه لهيه ولبارح هنا خههه موصيبة كحلة هدي هعع ....سمعت صونيت الباب اوه شكون غايكون كيدق سعد عندو ساروت بفف يكون نساه...خرجت من الكوزينة حليت لباب 😳....رضوان...سعد ...
رضوان : خهه عرفت تعطلت غير عذريني والله حتا مساليتش كنت مضغوط هذيك ليام وعاد ذاك نهار كانت عندي عملية مستعجلة مسالة حياة او موت وفي هاد الايام كنت مشغول تاني وعاد نتي كانو عندك امتحانات ...ها سعد يقوليك هضرت معاه وباركت ليه وكنشوفو فينما جا لعندي لمراجعة كنسول عليك....
جيداء : قالها ليا غير كنت مقلقة منك مكتسولش على بنت خويلك وختيتك صغيرة وصديقتك الانت...شفت في سعد لقيتو مركز معايا ...احم ختك صغيرة ...ماشي مشكيل ماشي مشكيل ...ايوى كيف داير كلشي مزيان...
رضوان : في نفسو ...لسرير يا حبيبي ..احم مهم انا جيت مع سعد منها نبارك ليك ومنها نعطيه هاد الورقة ياخذ هاد الدوا ضروري قبل من العملية كنا غانديروها في هاد الايام لكن اجلتها ليه حيت عندي مؤتمر في فرنسا وحتا نتوما عندكم سفر لكن نوصيك تابعي معاه دوا مزيان ومتخليهش يغفل عليه كيف كيغفل على لاخور حتا قطعتو ليه وبدلت ليه هذا في بلاصتو تفاهمنا...اوميت ليه براسي وحتا سعد ...يلاه نخليكم ...تهلاو...
انا : بقا تعشا ...
رضوان : مكرهتش ولكن عندي ضغوطات لقيت غير هاد الفرصة ...مرة اخرى مبروك ...
سلم علينا وخرج خرج معاه سعد حتا لعند لباب وانا مشيت لكوزينة نكمل شغلي ...وعاودت رجعت لبيت قاديت لفاليز حتا حسيت بايدين محاوطيني من خصري وراس مخشي في عنقي كيبوس ويلحس ....سعددد ماشي دابا ...بليييز...معااامن انا دورني ...دفعني ناحيتو حط فمو على فمي وغرقنا في قبلة في الاول بديت كنتجاوب بوس يا ما تبوس وايدو كتسارى في جسمي هبطها ودخلها تحت تريكو وطلع بيها لصدري كيبوس ويلعب فيه زاد زيرني بايدو لوخرا....وحنا على وضع القبل حتا كنحس بشي حاجة كتنفخ كتقيس صرتي وبديت كنشم ريحة الحراق بدات تعطي ....واعععع ماعرفت واش نجري نشوف لعشا ولا نفهم هذا لي مشكيلتو غاديا وتنفخ ....تسلت من تحت قبضتو بزز .....
جيداء : العشا كيتحرق وفرتحت ....اوففف انقذني العشا...مشيت طليت عليه لقيتو بدا يلصق انقدت الموقف ...هو دخل لدوش وخرج دغيا تعشينا وكملت سديت لفاليز غسلت وجمعت دنيا ودخلت لبيت نعس سعاك لااااا لقيت سيدي سعد كيتسنى حولو متعطلش في دوش ....ايييييييوىىى ماتهنا تا دار ماتش بين البرازيل وكوبا 😐....
............
Gonna sell my car and go to Vegas
'Cause somebody told me
That's where dreams would be
Gonna sell my car and go to Vegas
Finally see my name upon the Palace marquis
على نغمات اغنية فيغاس اخطو اولى خطواتي على التراب الامريكي ...في هذه الولاية.... ولاية لاس فيغاس (نيفادا) الامريكية وبالذات في مدينة لاس فيغاس المدينة الصاخبة في اليل ليلهم نهار ونهارهم ليل....طول طريق وانا حالا فمي وعينيا مهضرتش مع سعد وتاهو خلاني على راحتي مبغاش يكسر ذهولي خلاني نشوف على خاطري بحكم اول مرة نجي لهاد البلاد شي حاجة جديدة عليا.... وصلنا حوالي الساعة الواحدة ليلا ....توجهنا مباشرة لدار سعد فين كان هو ويوسف جينا فسيارة يوسف جابها ليه صاحبو تالمطار...غير وصلنا دخلت لبيت ديال سعد القديم تلحنا انا وياه في الفراش كنا عياااانين من تعب السفر ماعقلناش على راسنا امتا نعسنا...على امل بدا يوم جديد من الايام لي غانقضيوها في امريكا والتي تحمل الكثييير والكثير من المفاجئات .....
صمم العشق الجزء السادس
محتوى القصة
التنقل بين الأجزاء