هضرتو لي قال ماستوعبتهاش ، مابغاتش تفهم ليا ، لي فهمت من هادشي كلو هو انني خرجت لتوي من علاقة حب فاشلة ، مشيت للدار وانا كانمسح دموعي ، سلمت على مالين الدار و دخلت لبيتي ، كانسمع ماما كاتعيط
-ماما : صفاء! بنتي جاك واحد الطرد الصباح! نسيت ما قلتها ليك
-انا : (نازلة من الدروج) ماشفتيش شكون مصيفطو ؟
-ماما : لا ، هاهو محطوط فالصالون
مشيت للصالون دغيا ، هزيتو دخلت لبيتي ، حطيتو و الدموع باقي مابغاوش يحبسو من عينيا ، كانقلب على شي معلومة متعلقة بلي صيفطو مالقيت والو ! حليتو! سبرديلة رياضية ديال كرة القدم ، النمرة 38 قياس رجلي ، حطيتها كاتبان ليا ورقة وسط الطرد ، لقيت : " الذَّكِيُّ مَنْ يَبْنِي فَوْقَ أَنْقَاضِ قَلْبِهِ المُحَطَّمِ حُلْمًا طَالَمَا رَاوَدَهُ ، كُونِي ذَكِيَّةً !
توقيع : 15 " ، هاد التوقيع ماغريبش عليا! اه والله حتا هو! تفكرتو! نهار شفت ياسين ، كنت جالسة فبيتي ما بيا ما عليا حتا وصلني ميساج فواتصاب ، النمرة كانت غريبة ، حليتو كانقرا : " النفسية محتاجة قهوة (15) " ، صيفطت للنمرة ميساج فيه علامات استفهام ، فاش خرجت من الواتساب و دخلت تاني لقيت النمرة و الميساج ممسوحين! جاتني عجب و جاب ليا الله بحال ايلا غي كاندعق ، و مع ذلك نسيت و قلت اجي نيت غانخرج نشري شي كاس ديال القهوة ، و تماك فين شفت ياسين ، زعما يكون هو لي داير هادشي كامل! و لكن لا مايمكنش ، اصلا انا دابا فاش عرفت الحقيقة و رجعت السينتة للور تفكرت تعابير وجهو فاش جيت و عنقتو كان مصدوم و باينة ماعارفنيش و عمرو شافني ، غي انا الفرحة و السذاجة غطات ليا عينيا!
بقيت شحال كانشوف فديك السبرديلة ، هازة ديك الورقة فيدي ، شداتني البكية ، على زهري المكوز مع الحب ، فاش قريت حلم فديك الرسالة حسيت بحال شي حاجة سرفقاتني ، شنو ستافدت هاد السنوات كلهم ؟ "لا ا صفاء داكشي غير ديال الدراري" ، "اويلي على الكورة بغيتي تشوهينا مع العائلة كاع خوالك و عمامك ولادهم و بناتهم ها الطبيب ها المهندس و حنا بنتنا الوحيدة تخرج لينا كوايرية!" , "نتي تبارك الله ذكية و زوينة ،و نقطك عالين بزاف فكلية الطب لي كاتقراي فيها" و لكن واش انا لي ختاريتها! ؟ لا ماشي انا! نتوما! شحال ديال المصطلحات تكناو عليا غي حيتاش كانبغي شي حاجة الناس ماداخلاش ليهم للراس صفاء عزري الدوار من صغرها و هي كاتخلي البنات و تمشي تلعب الكورة مع ولاد الدرب ، ااه و من بعد! انا كانبغيها علاش تخليت على حلمي باش نرضي الناس ؟ على اشنو تخلاو هوما على قبلي! احيانا يجب ان نفقد من نحبهم حتى نعيد اكتشاف ذاتنا التي شغلناها باكتشافهم ذواتهم، هاد الرسالة و هاد الصفعة لي تصفع قلبي وگضاتني و بينات ليا الطريق لي غانمشي فيه من اليوم!
-انا : (هازة تيليفوني) ألو ؟
-عبد الصمد : عاش من شافك أ عزري الدوار ههه ، لالة صفاء صافا ؟
-انا : الحمد لله ، عبدو بغيت نسولك
-عبد الصمد : وي مرحبا الله أودي
-انا : العرض لي قدمتي ليا من شحال هادي باقي ؟
-عبد الصمد : (متعجب) زعما على ، أاا الفريق ديال
-انا : وي هاداكشي ؟ مالك تدعقتي
-عبدو : جاتني عجب ، غيرتي قرارك
-انا : وي غيرتو ، و انا موافقة !
-عبدو : و عائلتك قبلو ؟
-انا : ماشي سوقك فعائلتي! انا موافقة قلت ليك
-هو : دوزي عندي غدا مع الخمسة ديال الصباح ، ولكن تكوني ناضية ، باش نقادو الوراق و داكشي!
-انا : اوكي ، باي
-عبدو : بونوي .
صافي وافقت! و لي بغات توقع توقع ، مابقا عندي مانخسر و ماستافدت حتا حاجة من الناس ، حتا واحد ما يستاهل ، دابا بديت و ماغاديش نتراجع .
ضربة مقص ، كانت كافيا باش نتحول من صفاء ، البنت الزوينة لي شعرها طويل مصبوغ بالاسود و البنفسجي ، لي واخا ماعندهاش ميولات أنثوية 100% حسن من البنات لي مقابلين المراية 24 /24 ، لي كلشي كايقول عليها زوينة و لكن عزيزة عليها كورة ، داك المقص كان كافي باش يحولني من صفاء لانسان آخر ، ختاريت ليه اسم ، واخا عندي معاه ذكريات خايبة و لكن هو الاسم لي بغيت ، من اليوم ماكايناش صفاء ، من اليوم كاين ياسين! جاتني فرصة حتال بين يديا ماغاديش نفرط فيها ، اه مستاعدة نفرط فشعري و انوثتي فماكياجي فكلشي ، باش نحقق حلمي.
فقت فالصباح بكري ، شفت راسي فالمراية ، ههه زعما هادي انا ؟ صفاء ؟ ماكاتبان ليا حتا صفاء هنا! كايبان ليا غير ياسين لاعب كرة القدم ، جمعت كاع الحوايج لي غايخصوني ، نزلت من الدروج كانتسلت ، بست ماما و بابا و عينيا مغرغرين ، خليت ليهم رسالة و خرجت ، " والدي العزيزين ، سأكون بخير ، سأعود عما قريب ، ستفتخران بي كثيرا ، سأحقق حلمي
حطيت الرسالة حدا راس ماما ، دموعي ماوقفوش ، هزيت ڤاليزتي االصغيرة و توجهت ديريكت عند عبدو ، عبد الصمد من الناس القلال لي كانوا كايآمنو بموهبتي ، و عرض عليا هاد العرض هادي كثر من عام و لكن ماقبلتش حيت عائلتي و الناس ماغايبغيوش ، عرض عليا نلتاحق بفريق كرة قدم مشهور و لكن على انني ولد ، باش نتسافد منهم و نقوي موهبتي ، و من بعد غايوليو عندي مقومات لي تخليني نشارك فاحسن فرق كرة القدم الانثوية ، قاليا بلي هو باغي يعاونني حيت عارف بلي موهبتي نادرة بزاف فصفوف الاناث ، و انه غايستافد من بعد فاش نتشهر ، رفضت عرضو ، و لكن دابا صافي قبلت ، غانقاد معاه كاع الوراق و داكشي لي غايخص ، حيت تحقيق حلمي كايتطلب حاجة وحدة ، نتخلى على أنوثتي ، غانودع هاد المدينة لي دفنت فيها صفاء ، و غانتوجه للمدينة لي غايتخلق فيها ياسين ، و حلمي ، و الباقي راكم عرفتوه.
من بعد ما رجعت السينة للور و انا فبلاصتي متكية و كانبكي ، علاش ياسين بالضبط! علاش هاد الصدف غدارين لهاد الدرجة ، انا بحرا و مانسيتو و دابا غانعاود أزيرو ، و احتمال كبير انه يقشعني بلي انا هي صفاء و كاع المجهودات لي درت باش نحقق حلمي غايوليو مجرد سراب! نضت من بلاصتي ، غسلت وجهي ، و جبدت داك اللغز ، خصني نحل هاد الصندوق باي ثمن ماكايهمني لا هو لا حتا واحد ، جبدت الحوايج لي باقين ليا فهاد اللغز " أَمَّا السَّبِيلُ الثَّانِي فَفِي سِنِّ الفَمِ الأَسْوَدِ ، وَ الاَهَمُّ مِنْ كُلِّ هَذَا (15) ." يعني باين السبيل الثاني هو الطريقة باش غانحل الصندوق ، ولكن اشنو كايقصدو بالفم الاسود و حتا ثلاث اعين فقط لي ذكروها فاللغز ؟ زعما يكون داكشي ل طاح ليا فبالي صحيح!
لكن دابا خصني نرتاح ، ماكايهمني لا اللغز لا عصام لا حتا حاجة ، كاتهمني حاجة و حدة و هي حلمي لي خصني نحقق!
فقت فالصباح مبوقة ، لبست سورفيطتي كيف العادة راه يوميا التداريب ، لقيت كلشي مازال مامشاش ، دخلت للكوزينة حيت لقيتهم فطرو قبل مني ، غادية لجيهة الثلاجة حتا شفت ياسين او بالاحرى الاسم الحقيقي ديالو هو عصام ، تنيت الطريق و خرجت من الكوزينة و هو هاز كاس ديال اتاي و كاياكل الخبز ، شوي و هو يغوت واحد الغوتة الكوزينة تهزات و كاع اللاعبين جاو كايجريو
-انا : (تلاحيت على عصام و طلعت ليه فوق ظهرو) وااااع طلع ليا معا رجليا وااااع قتلو قتلو واااااع
-عصام : ايييييييي وا نزل نزل
-انا : (معلقة فيه) والا سراق الزيت طلع ليا مع رجليي
-عصام : (عفط عليه) ها هو مات صاافي وا نزل مالك خواف ويالي
-انا : (نزلت و شديت ليه فيديه حيت كنت غانزلق) كي كيفاش! حتا نتا كنتي خايف منو اصلا
-عصام : اييييييي
-انا : (قفزت) مالك!
-عصام : (غوت) وا ترجل شويا اصاحبي واه! شوف كي حرقتيني باتاي لعفو ايي ، و زايدون انا بزاف عليك حتا نخاف من سراق االزيتت ياك انا لي قتلتو كاع
-انا : (غوبشت) ماشفتكش
-عصام : ايوااا باااز! منين الرجال كايخافو من سراق الزيت لبنات ماعرفت شنو غايديرو !
لقيت كلشي واقف باب الكوزينة ميت عليا بالضحك ، تشوهت واحد الشوهة دايزها الكلام ، صافي لقاو باش غايطلعوها عليا عاوتاني ، و لكن لعجب هاد المرة حتا واحد ماقال شي حاجة واخا زعما ماكانش المدرب حاضر!
مشيت و كانه ماكان والو او بالاحرى طمرت ، غسلت رجليا لي قاسني فيها سراق الزيت و لبست تقاشر جداد و سبرديلك اخرى ، هزيت الصاكادو ديالي و مشيت للتيران ، كملنا التداريب و داكشي و انا كانحاول نتجاهل عصام و ندير بحال ايلا ماكاينش! و لكن شكون لي خلاك تتجاهل ، جا عندي كايمسح راسو بالفوطة و مخنزر
-امين : (كايضحك) هههه خليه انمشي نجيبهم انا راه ماقادش عليهم ثقال عليه ، و اصلا يخاف لا يلقا شي سراق الزيت تماك يسكت ليه القلب
-انا : (ستافزاتني هضرتو ، و قلت لعصام) فين كاين هاد البيت ؟
-عصام : راه قلنا ليك واحد المرة راه حدا الطواليط ديال التيران
مشيت و خليت امين كايلوح ليا الهضرة و كايضحك ، الصراحة عصام بقا فيا تحرق فيديه و لكن ماسوقيش فيه يجي يشوف هو ديك الحرقة لي حرقني فقلبي بعدا ، دخلت لداك البيت صغيير و موسخ كانقلب على الكواري ، شوي شفت اقرف و اخيب منظر شفتو فحياتي
ما عشرة ما عشرين ما ثلاثين ، جيش ديال سراق الزيت مجموع فالبيت ، مشيت كانجري كانحل فالباب لقيتو مسدود من الخارج ، كاندق ، كانبكي ، كانغوت حتا حلقي بح و سراق الزيت فينما حطيت عينيا كايبان ليا و شي طالع ليا معا رجليا شي مع ظهري و انا كانتركل و كانبكي! شوي كانسمع الهضرة على برا
-انا : ماما انا لاباس و ماناقصني حتا خير و كانضور ليك فالاوثات المناسبة ، كيداير بابا لاباس
-ماما : باباك غايحماق ا بنتي رجعي للدار
-انا : ماما الله يخليك فهميني انا راه ماكانديرش شي حاجة عيب ولا حرام ، و غانرجع قاقرب وقت ، كانبغيكوم بزااف بوسي ليا بابا و قولي ليه كانبغيه بزااف
قطعت التيليفون حيت شداتني البكية و مابغيتش نبكي قدام ماما باش ما تشطنش كثر ما هي مشطونة ، توحشتهم بزااف ، نزلت ناكل ، لقيت امين فالكوزينة و عينيه زرقة ، غير شفتو و انا نرجع فحالي .
-امين : (جا لعندي و جرني و خشاني فالحيط ) شفتي عينيا ؟ عجبك الحال ياك ؟ ايوا شتي هاد الضربة لي كليت بسبابك والله لا بقات فيك .
بقيت كانشوف فيه و انا كلي كانترعد ، خفت بزاف ماباقيش قادرة نزيد نهار واحد هنا ، خرجت كانجري و نتوما عارفين فينا بلاصة! اه ، غانمشي نكمل الحل ديال داك اللغز ، دوك الافكار لي طاحو عليا داك النهار غانشوف واش بصح نيت ولا لا ، مشيت لنفس البلاصة فنصاصة الليل ، الجريدة الصغيرة ديال الياسمين ، هزيت راسي ، فديك الدار ، كايبانو ليا ثلاثة الشراجم! يعني داكشي لي فبالي بصح ، شبهو الدار بالوجه ، يعني العينين هوما الشراجم ، و الفم ؟ ببساطة هو الباب! زدت تأكدت من هادشي منين شفت الباب أسود كيفما ذاكرين فالرسالة! دقيت فالباب شحال ، و لكن ما حل ليا حتا واحد ، الباب كان من دوك البيبان القدام لي فيهم ديك الحديدة المعلقة لي كايدقو بيها ، قلبتها من اللور ، و لقيت بصح داكشي لي خاصني! لقيت ساروت ، هزيتو و حاولت نحل بيه الباب و لكن كان صغير ، دخلتو فالصندوق و قدو! تحل الصندوق! و لقيت فيه الساروت و معاه رسالة : "ِزلْزَالٌ بَسِيطٌ قَدْ يَكْشِفُ العَالَمَ الآخَرَ!
توقيع : 15 "
عرفت انه هذا هو الساروت ديال الدار ، و بعد ما شفت بلي رقم 15 هو رقم الدار ، زدت تأكدت ان هاد الدار هي المطلوبة ، دار الغول .
بقيت مسمرة فبلاصتي ! شنو هادشي دابا ! هزيت الساروت و خشيتو فالباب و انا كلي كانترعد ، و فالاخير تحل ، دفعت الباب لي ثقيل بزااف ، كانسمع داك الصوت الباب ، باينة الدار شحال هادي و هي مهجورة ، عامرة خملة و غبرة و موسخة ، ماكانتش كبيرة بزاف! فيها بيت واحد و كوزينة و طواليط ، و غير طابق واحد و السطاح ، كانت تماما بحال دوك الديور لي فأفلام الخليع ، السباغة مقشرة و ريحة الغمولية ، دخلت للبيت لقيت فيه ناموسية بوحدها و زربية ، الكوزينة فيها بوطة خاوية و تلاجة صغيرة و خاوية ، و شي معالق و طباصل النص فيهم مهرس ، دخلت للطواليط ، اول حاجة شفتها سكتات ليا البصيلة السيسائية ديال مخي ، لقيت المراية ملطخة بالدم ، و ماشي أي دم ، دم باقي جدييد ، انا كانقرا الطب و كانعرف الفرق بين الدم القديم و الجديد ، و مكتوب بالدم فالمراية " لاَ مَفَرَّ! توقيع : 15
بلت فسروالي بالخلعة! رجليا فشلو و يديا ولاو بحال ايلا دايرا ليهم مود ڤيبرور! كانحس بقلبي غايخرج و مابقيتش قادرة نتنفس بالخلعة ، صافي هادي اللخرة ليا !بقيت راجعة باللور ، مشيت للباب و انا كاندعي يااربي يكون محلول ، حتا القرآن تنسا عليا ، درت يدي فالساقتة جريت الباب و انا عندي يقين بلي غانلقاه مسدود ، شي حاجة غاتجي و غاتلتاهمني اولا تقتلني اولا تعذبني أشد العذاب هنا ، أشداني لهادشي ، حطيت يدي على الساقتة ، لقيتو محلول عاد تنفست الصعداء ، يالاه خرجت كانسمع "بسس" ! و تماك جاتني سكتة قلبية ثلالثية الابعاد!
هزيت واحد البلانشة بانت ليا فالجردة بلا مانشعر و انا نهبط على مصدر الصوت بواحد الضربة و غوت! درت و انا كانترعد يالاه غانهرب كايبان ليا امين غوت و شاد كتفو
-امين : (غوت) أااااااي
-انا : (كاننهج و كانترعد بالخلعة و شديتو من عنقو) اشنو بغيتي عندي! علاش هادشي اشنو بغيتي فيا اشنو هيا هاد خمسطاش شنو بغيتي عندي منين كاتعرفني عتارف !
-امين : ياسين تهدن اش من خمسطاش ولا ماعرت! انا بصح كنت تابعك باغي نخلعك و لكن ماشي لهاد الدرجة مالك قلبك غايسكت
-انا : كذاب!
-هو : تفو اش بيني و بينك كون مشيت غي نعست فحالي دابا كليتها غي فكتفي عاد الدقة لي عطاني عصام لعيني بسبابك
-انا : اوووف ! تقصحتي بزاف ؟ (قستو فكتفو)
-هو : (غوت) أيييي
-انا : (قفزت) ايي سمح ليا ، اجي معايا راه كاين واحد الهلال الاحمر هنا
-امين : (غوبش) لا ماكاين لاش
-انا : امين انا عارف بلي انا وياك اعداء و ماكاتحملنيش! و لكن دابا دير عين ميكا و خلي عدوك يعاونك و الا راه غاتصبح ماقادرش تحرك راه ضربتك ضربة خايبة.
مشيت معاه حتا داواو ليه كتفو ، رجعت انا وياه للنادي ماهضرناش نهائيا هو بقا ساكت و انا كذلك ، دخلنا من الباب الخلفي لي فيه الجردة باش مايسيق لينا حد الخبار ، بقا امين شادني من كتفي حيت كتفو كايعطيه الصداع
-عصام :(ماجاه منين يجرو غي من داك الكتف لي ضارو ) ياك قلت ليك تفرق عليه! خاصني حتا نزرق ليك العين لخرا عاد تفهم !
-امين : (كايتألم)
-انا : (دفعت عصام) واش تصطيتي ولا مالك طلق من الدري
-عصام : هذا هو جزائي انا لي كانحامي عليك.
-انا : (غوتت) ماتحاميش عليا حامي غير على راسك! شتي نتا من داك النوع لي يقتل الميت و يمشي فجنازتو! داير فيا هادشي كامل و مشيتي تقتلني الصباح بالتبرهيش ديالك لي شاف داك التبرهيش مايقولش عندك 27 عام ، و داير دور البريئ قدام الكوتش تفو على حيوان كون غي راجل بعدا
-عصام : (غوتت) قالها لي راجل
-انا : حيوان
-عصام : (شدني من شعري) ماتخلينيش نفقد اعصابي و نحط عليك يديا ا البرهوش !
امين منين شاف عصام شادني من شعري واخا انا وياه بيناتنا اتفاقية عداوة و لكن عطا لعصام واحد الدماغ فاعل تارك ، طبعا لاخر ناض عطاه لاخر ، دخلت معاهم تانا فالمعركة كلشي تخلط ولا شي كايضرب شي مابقا حد عارف عدو ديالو! امين كايضربني انا و عصام ، عصام كايضربني انا و امين ،و انا كانضرب امين و عصام شي كايضرب شي مافكونا غي السيكيريتي لي تماك نوضنا حيحة فالنادي .
( فالبيرو ديال المدرب)
-انا : (حاطة التلج على جبهتي) مون كوتش انا مادرت والو بغيت غير نفكهم و هوما يدخلوني فمضاربتهم
-عصام : (كايداوي ليه واحد اللاعب فمو) أيييي ، والله حتا ماكاين لي جابد الصداع من غير داك رابعة اللحم ديال ياسين
-امين : ( كايداويو ليه كتفو) هاداك عصام ا مون كوتش هو لي ماكايدخلش سوق راسو انا ماجبت حد سول كاع ياسين
-المدرب (ضرب يدو على الطبلة و كايغوت ) السكاااات! انا ماعرفش واش عندي اللعابة بين 25 و 30 عام و لا اللعابة بين 6 و 9 سنوات! اش هاد الفعايل ديال البراهش اش هاد البسالة هادي رخيت ليكم اللعب بلا قياس و طلعتو ليا فراسي! كلكم دابا لي عندو شي بيت يوصلو و حسابي معاكم هو اللخر
-انا : ولكن! مون كوتش
-المدرب : ماكاين ما ولكن خرجو عليا
رجعت لبيتي و انا معصبة! عاد كانتفكر داك الرعب لي عشتو فدار الغول! لقيت أپيل ديال صلاح ، هضرنا أپيل ڤيديو و حاولت ما امكن نهضر و كانه ماطاري والو ، فرحت بزاف منين قاليا بلي كلشي غادي مزيان و بلي هو فرحان ، ماكرهتش يكون صلاح صديق ديالي بصح و انا صفاء ، حيت الناس بحالو قلال بزاف ، مباشرة بعد ما سالات لاپيل وصلني ميساج و النمرة ماطالعاش :" الازْرَقُ يَلِيقُ بِكِ ، لاَ مَفَرَّ 2 ، توقيع : 15 "
التيليفون طاح من يدي فاش عرفت انني لابسة الازرق ، و ماشي هادا هو المشكل ، المشكل انني يالاه ماكاملة حتا نص ساعة باش لبستو و ماخرجتش من بيتي ، ناري اش هادشي! بديت كانطل من الشرجم كانقلب فالقنات واش زعما تكون شي كاميرا و لا شي حاجة واالو! شويا تفكرت انني يالاه هضرت مع صلاح أپيل فيديو و هو الوحيد لي شافني لابساه! لا لا مايمكنش يكون هو ياربي نكون غي كانحلم! ماباقيش قدرت نبقا فبيتي دقيقة وحدة ، خرجت من البيت حفيانة و ماعرفتش علاش مشيت لبيتو بالضبط كاندق
-هو : (حل ليا و هو مبوق) جيتي تكمل عليا العصا ولا شنو
-عصام : (عنقني و زاد كايضحك ) حتا كريم كان كايتوحشها بزاف فاش كان صغير! كنا غي حنا لي كانصبروه .
-انا : (شفت فيه و عينيا مغرغرين) شكون كريم ؟
-عصام : سمح ليا
-انا : علاش
-عصام : على البارح
-انا : (بقيت ساكتة و غوبشت)
-عصام : شوف انا غانقول ليك اش كاين و ديك ساعة تيق ولا لا ماشي شغلي ، داك النهار فالتدريب جا عندي امين و رباعتو قالو ليا قالك المدرب قول لياسين يجيب ليه الكواري من البيت لي حدا الطواليط ، و انا جيت بحال الحمار قلتها لك ماكنتش عارف لاش كانو كايخططو و ماعارفش انهم باغين يضربوك من نقطة ضعفك ، عرفتي فاش سمعت غواتك راه كان غايسكت ليا القلب ، تخلعت عليك بزاف ، ماكانقصدش الاهانة و لكن كنتي كاتغوت بحال شي بنيتة صغيرة و كاتبكي و هوما سدو عليك بالساروت حتا سمعت غواتك عاد مشيت كانجري مابغاش يتحل ليا الباب و اضطريت نفرعو ، عرفتي فاش شفتك سخفتي قدامي راه كنت غانحماق خفت لا توقع ليك شي حاجة بسبابي ، واخا والله ماكنت عارف اشنو كانو كايخططو
-انا : عصام
-عصام : نعام
-انا : فيا الخلعة ، واخا نبقا معاك فبيتك اليوم ؟
-عصام : موافق و لكن بشرط تسمح ليا!
-انا : سمحت ليك
-عصام : هههه واحد عندو 24 عام و باقي كايخاف ينعس بوحدو ههه ، واخا اسيدي يلاتي نفرش ليك فالارض.
---------- --------------
فاش فرش ليا عصام فالارض و نعس فناموسيتو انا خرجت من البيت حيت جاني لعطش ، يالاه وصلت للكوزينة بان ليا واحد المنظر سكت ليا القلب ، امين و صلاح و الدراري ديال الفريق كلهم جايين لعندي ، و هازين موس فيه الدم ، و كايقولو خمسطاش! خمسطاش! لسقت فالارض و مابقيتش قادرة نتنفس ، كانغوت و لكن صوتي ماكايتسمعش ، و كانني فقدت صوتي كانحاول نجري ولكن رجلي مابقاوش بغاو يمشيو وليت كانزحف فالارض و هوما عاد ماغاديين و كايقربو ليا! واحد الشوي كانسمع واحد الصوت ، كايعيط :"ياسين! ياسيين! ياسييين! "
-انا : (قفزت و غوتت) خمسطاااش! خمسطااش! بعدو منيي!
-عصام : (كايحرك فيا) بسم الله عليك! ماخفتيش غير كابوس غير كابوس
-انا : (عنقتو و انا كاننهج بالخلعة) كانو باغيين يقتلوني! كانغوت و لكن صوتي مابغاش يخرج ا عصام
-عصام : (كايدوز يدو على راسي) ماخفتيش راه غي كابوس ماخفتيش
-انا : (شديت لو يديه و عينيا مغرغرين) فيا الخلعة مابغاش يجيني النعاس!
-عصام : (جلس حدايا و بقا كايمسح ليا على شعري) واخا اسيدي هاني حداك ، دابا غاتنعس و غاتشوف احلام زوينين ، ماغانخليش شي حد يآذيك
-انا : (متكية عليه) وعد ؟
-عصام : (كايتفوه) وعد
-انا : عصام ، سمح ليا فيقتك من النعاس
-عصام : (مسح على شعري و هو ضامني ليه) واخا تفيقني مع الرابعة فجرا ، و لشدة حزنك ماقدرتيش تتفوه بأي كلمة ، سأصغي إلى صمتك إلى أن تغفو 😍
حسيت بالامان و انا معاه ، كاع الخلعة لي فيا مشات ، ماننكرش بلي عصام كانشوف فيه بشوفة زوينة واخا كاع داكشي لي دار ليا ، واخا كذب عليا واخا ضحك عليا و لكن باقي غي كانشوفو قلبي كايبغي يخرج من بلاصتو زعما نكون باقة كانبغيه ؟ لا مستحيل اصلا مايستاهلش! و اصلا صفاء ماكايناش كاين غير ياسين ، و لكن كيفاش ماقدرش يعرفني بلي انا هي صفاء راه باينة بزاف من ملامح وجهي ، زعما يكون عارفني و مطمر؟ زعما يكون عصام غير خو ياسين التوأم! ولكن راه ياسين قال ليا بلي هاديك ماشي سميتو الحقيقية اصلا! زعما يكون فقد الذاكرة و مابقاش عاقل عليا ؟ زعما يكون صلاح هو لي كايصيفط ليا داكشي ! نعست وسط هاد الدوامة ديال التساؤلات على أمل غد أفضل.
اليوم السبت! اووف الرااحة ، اليوم ماعندناش لانطريمة ، فقت فالصباح باقي مبوقة كانلقا راسي مجبدة و هو ناعس حدايا قلبي سكت بالخلعة هههه عاد بديت كانرجع السينة للور ، ضرباتني الفيقة اليوم مع شي الستة ديال الصباح ، واو انجاز عظيم ، نضت لقيت عصام ناعس بحال شي وليد صغيور كيووت ، بقيت كانشوف ليه فرموشو شحال طوال ههه ، كولو زوين فحال كيف كان فجميع الاوقات و الاحواال ، العينين عسلين و كبار ، و الضحيكة زوينة ، شوية شفت ليه عنقو ، تماك قطعت الشك باليقين و كاع دوك التوقعات لي فدماغي انه ممكن يكون الاخ التوأم ديال ياسين ولا شي حاجة عرفت انني غي كاندعق ، حيت عندو نفس الوشم لي كنت كانشوفو عند ياسين و نفس البلاصة و بنفس الشكل ، هزيت واحد الريشة كانت عندو فالبيت و بديت كانهرو فنيفو و هو غارق فنعاسو و كايحك نيفو ههه ، واحد الشوية قفز بالخلعة و شنق عليا وسط ناموسيتو و انا كانتركل
-انا : (كانتركل) خخههههه وا غي انا غي انا
-عصام : (مبوق) تفو خلعتيني ماعرفت باش تبليت.
-انا : (كانضحك) و دغيا شنقتني عليا مواالف هههه
-عصام : (ضحك) سكت سكت الله يمسخك
-انا : (كانضحك) وا نوض راه بجغتيني شتك ولفتيها (قفزت) ناااري كانسمع شي حد داخل!
مت بالخلعة مشيت كانجري و تخشيت فالماريو بالدعقة هو بقا غي كايشوف فيا ، جابو ليه الفطور و سد الباب.
-عصام : (حل عليا الماريو) هههههخخ واش من نيتك
-انا : اويلي كانو غايشوفونا
-عصام : (قرب ليا و غمزني) وايلا شافونا ؟ كنا كانديرو شي حاجة ؟
-انا : (وليت حمرة و رجعت بلور ) تفو عقلك موسخ
-عصام : ونتا كثر مني ههههه موالف
-انا : (ضربتو لكتفو) سكت سكت
-عصام : أييي باقي ضارني كتفي بالعصا ديال البارح!
-انا : هههه تانا والله! ماعرت كي صبح امين مسكين (هزيت كرواصة من الفطور لي جابو ليه)
-عصام : (خدا الكرواصة من يديا و كايعوج فمو ) سير كول الكرواصة عند امين و منها شوفو كي صبح مسكين !
-انا : (ضحكت و خديتها ليه من يديه ) لا لا صافي عافاك بغيتها
بقينا كانضحكو و حنا كانفطرو ، كملنا لانطريمة و داكشي و غاديا لبيتي فالعشية ، شوية كانسمع عصام وسط بيتو كايهضر فتيليفون.
-عصام : وي ، حدا شارع الانوار ، club Bz ، واخا صافي من دابا نص ساعة نكون تماك ان شاء الله !
تفكرت نهار مشيت انا وياه لديك البواط ، تفكرت شحال ضحنا و استمتعنا تماك ، هادا باينة شي حاجة عندو تماك ، حل باب بيتو لقاني مخشية فالباب .
-انا : (كانسوط) اووف عصام بعد شويا راه خنقتيني شوية المسافة واه
-عصام : صافي منين تزعطتي فيا نتا لي ولد ماعرت البنات اش غايديرو بلا مانمشي حسن ، أش بان ليك نبقا 😉
-انا : (تسليت منو و غاديا لبيتي) سير ولا بقا شغلك هاداك غانمشي نعس بونوي!
مشيت دخلت لبيتي و انا حمرة ! ماشي حمرة لا شي حاجة كثر عمرني ماحشمت فحياتي بحال هاكاك سديت الباب و انا كلي كانترعد و كانرتاجف بالحشمة و الدعقة و العرق ، ناري ولد الحرام! مافهمتش واش هادا مثلي ولا مالو ، ياك انا ولد علاش كايدير معايا هاد التصرفات! مايمكنش يكون قشعني بنت حيت كان غايلمح ليا اكييد انا عارفاه شلاهبي ، و لكن اوووف! شحال غزال ! اول مرة فحياتي نشوفو بلباس الرسمي داك الزعت ديال الكرافاط و داكشي ، كايبان بحال دوك رجال الاعمال ! بقا قلبي كايضرب خفت غي لايسمعو و نتفرش ، بقيت كانضحك غي بوحدي فاش كانتفكر ابتسامتو ، و ملامحو و غمزتو! فيقي فيقي ا صفاء ! اشمن صفاء بعدا ! فيق أ ياسين و جمع مخك باراكا من الحماق ، ماكاين لا حب لا سيدي زكري ، و لكن صفاء لي فالداخل ديالي ماخلتنيش نزگا و نتبث الارض ، و كأنها من قبل دايرة بحساب هادشي ، جبت معايا واحد الصويك من الدار تحسبا لاي ظهور لصفاء ، جبدتو ، جبت منو كسوة كحلة حد الركبة ، جبدت الماكياج ، لبست باروكة حتا هي جبتها معايا! توحشت شعري الطويل ، لبست صباط عالي و خرجت من الباب ديال الحديقة ، شديت طاكسي ، عارفيني عاوتاني فين غادا هههه ، ل club مايفلت ، وصلت ، توحشت صراحة صفاء ، الانوثة و داكشي ، سامدي صواغ الدنيا محيحة ، دخلت كانقلب بعينيا على عصام ، حالة فمي فالباشار حتا دخلت فواحد خونا ، فالاول كايبان ليا غي بنادم عادي و لكن فاش فقت من الصدمة لقيت راسي دخلت فأميين ! اشنو جابو لهنااا ! دورت عيني لقيت كاع الرباعة الحرشة مجموعة فالكلوب ، شفت فيه و انا نزيد .
-امين : وا قول علاش كاتضربوووها! والله حتا حنا حميير كيفاش ماقشعناهاش من الدقة الاولى كاتفلاي علينا ابنت *****
---------- ------------------------
-انا : (تخبيت فعصام و انا خايفة)
-عصام : باراكا من الشوهة ينعلديلمكم! الله يغبر ليكم الشقف اولاد العبد! شوفو الدري شنو داير على قبلكم و هادا هو جزاؤو! فيناهيا المترجمة اولاد الكلاب ها ؟ عول عليكم المدرب فلخر جلسنا بلا مترجمة! ينوض شي ولد الكلبة فيكم يهضر معا داك ولد الناس لي تماك بالتركية يا وجاه النحس! راه ياسين ناض و دار هاد الحالة كلها فراسو و رجع راسو بنت باش يلعب دور المترجمة انا لي ضورت ليه و قلت ليه يجي يعتقنا حيت عرفتو كايعرف للتركية ! و فلخر هاكدا تجازيوه! اللينعلديلمها تربية! كون خلا نيت المدرب يسيق الخبار بلي ماجبتوش مترجمة و يوريكم اش كايسوا! تفو على باشار!
جرني و زاد بيا و انا حالا فمي! مافهمت والو اش هادشي! دغيا زرب عليا
-عصام : (شير لواحد الراجل و كايهضر من تحت سنانو ) دابا نتا غاتكون هو المترجمة لي غاترجم الهضرة لي غايقول هاد خونا! التركية كاتعرف ليها! ؟
-انا : (مدعووقة) عصاام اناا...
-عصام : وااا التركية التركية!
-انا : اه شويا!
-عصام : (جرني لعندهم) السلام هادي هي المترجمة ، سمحولينا تعطلات عليكم.
(بس : فهاد الجزء ترحمو على التركية حيت غاتاكل الدق 😂😂😂)
-انا : (مدعوقة) Hoşgeldiniz ((اهلا وسهلا))
-السيد : Hoşbuldum, ilk alımı için teşekkür ederim
-انا : (كانترجم)اهلا بكم ، أولا كانشكركم على الاستقبال ديالكم
-عصام : (كايوشوش ) اهاه و ثانيا
-انا : (عفست عليه ) سكت راه غانتدعق
-السيد : (كايهضر)
-انا : (كانترجم) كايتشرف نادينا بعقد هاد الاتفاقيات مع ناديكم و مستاعدين باش ندعموكم و ندعمو مواهبكم كيفما سبق ليكم و دعمتونا سواء ماديا او معنويا
-عصام : حتا حنا كايشرفنا الدعم ديالكم و مستاعدين نزيدو ندعموكم و نكملو فهاد التعاون لي بيناتنا
-انا : (كانترجم للسيد واخا كاندخل و نخرج فالهضرة)
-السيد : Çevirmen çok kötü, ama yine de teşekkürler (( ترجمتكم سيئة بزاف ولكن شكرا على كل حال ))
-انا : (كانوشوش )ايوا الله ينعل والديك .
-عصام : (فوذني ) اشنو قال ؟
-انا : قاليكم شكرا بزاف !
و اخييييرا سالا هاد الزمر ، تسالمو و داكشي و بقاو كايهضرو و عصام كايهضر بحال شي رجل اعمال ، و الدراري لقيتهم كايديرو فيا شي شوفات دبال التأسف ، صدماتني الزربة لي زرب عليهم عصام دغيا قنعهم و عتقني ناااري كون ماكانش هو كنت غانتفرش كان كلشس كايتدمر! دغيا ضبر على مترجمة و لكن كيفاش عرفني كانعرف للتركية ، باقا وسط تساؤلاتي كانسمع " الزين تبارك الله "
تلفتت كايبان ليا عصام ، بقيت كانشوف فيه مدعوقة
-انا : عصام! شوف انا غانشرح ليك كلشي!
-عصام : (قرب ليا و همس ليا وذني) ريحتك غزالة
-انا : (حماريت و تدعقت)
-عصام : ماعندك ماتشرح ا ياسين ، شكرا بزاف و سمح لينا حيت وليتي فهاد الحالة بسبابنا
-انا : (حالة فمي) ولكن!
-عصام : سمح لينا ما عيطناش عليك تجي مع الدراري ، قال لينا المدرب بلي غاتبغي ترتاح شوي داكشس علاش قلنا نخليوك فبيتك ناعس حسن
-انا : (يالاه غانهضر)
-عصام : عارفك غاتسولني باش عرفتك كاتهضر بالتركية ، حيت سمعتك داك النهار طالق شي برنامج تركي و كنتي غي كاتسمع و ماكاتقراش الترجمة ، كنتي كاتقراها ؟
-انا : لا تعلمت ليها غي بالمسلسلات و الانترنيت
-عصام : ذكي تبارك الله
-انا : (طمرت و يالاه غانهضر)
-عصام : (طرطق عينيه و بدا كايغوت) اعوذ بالله من الشيطان الرجيم! اش هاد الفسق و الكفر! اش كاندير معاك نتي ؟ نعلة الله و عليكم ايلا يوم الدين يا الكفار
--------------- -------------
-انا : (شديت فيه) عصام ؟
-عصام : (حيد يديه) حيدي عليا يديك يا الفاجرة ، اعوذ بالله من غضب الله! اعوذ بالله من الشيطان الرجيم اش كاندير انا هنا! (جرني من يديا حتا خرجنا من ل club)
-عصام : (صرفقني و بقا كايضرب فيا ) مااعندناش البنات لي كايلبسو هاد اللباس! تستري! تستري!
بقيت كانغوت و نبكي و هو كايبربق فيا ، رعفت و كانحس بوذنيا تصمكو بكثرة التصرفيق عطاني لكرشي واحد الكروشي حتا تزويت مابقاش عندي السوفل غي باش نغوت ، مافكوني منو غير الدراري ، جالس علينا يا الكفرة يا ولاد الحرام يا الفاجرة بحال دوك صحاب داعش ، بقيت كانبكي و الدراري كايسكتو فيا و السخفة شاداني ! حسيت بالحگرة مابقيت فاهمة والو طلقت منهم و مشيت كانجري
-امين : (جرني) يااسين فين غادي! ياسين !
-انا : (غوتت و انا كانبكي) طلق مني! وا بعدو مني عطيوني التيساع الله ينعلبو النهار لي عرفتكم فيه !
مشيت كانجري شديت طاكسي صغير كانشوف فعصام باقي كايغوت و الدراري شادين فيه! مافهمت والو فهاد ولد الكلبة! واش مخلخل فدماغو شويا! بحرا كان جالس مابيه ماعليه شوي ولا فقيه مؤمن! شوي يخاف من الكلاب و شوي يلعي معاهم و يقول ليا هاه شوفي ماخفتيش! شوي يكون فلكي و عزيزة عليه الموسيقى الهادئة شوي يتقلب و يولي محيح! شوي يجبد ليا الضوسيات ديال التكنولوجيا و يقولك التيكنولوجيا هي حياتي! واحد الشوي يقوليك لا انا لا علاقة لي بالتكنولوجيا و ماكانعرفس ليها! ماعرفتش فين نمشي من غير دار الغول! هي البلاصة الوحيدة لي كانعرف و اصلا ماهازاش معايا فلوس لوطيل و ماراجعاش لداك النادي
خمسطاش الجزء الثاني
محتوى القصة
التنقل بين الأجزاء