محمد:عارف هاد القضية غتأثر على لمونديال لي لاعب أنا..غيخصني نلعب مزال كومبا خرا عاد نلعب ناسيونال عاد لموندياال فففف
مراد:اكون خير اعشيري..ياله تهلا وسلم على وردة حنا غدا فالصباح راجعين
محمد:(بنفس متعب)مبلغ الله يوصلكم على خير
مراد:اميين
قطع معاه معصب بزااف مبغاهمش اخسرو كان معولهم اربحو باش دغيا اتزادوه نقاط والعب فالناسيونال..خشا تيلي فالجيب وجبظ كارو كماه مخنزر وخصو هي معامن..كيشوف منيما شدها كتعواج..ومصاريفهم غتكبر بزااف وخلصتو كمدرب ياله غتكفي حاجيات قليلة حيت عينيه كبيرة..كما الكارو ولاحو شتف عليه وطلع للدار عاقدهم ..دخل تلاقا مسيبتو وقالت:وليدي مهضرتيش مع مراد اش دارو
محمد:خسرو فففف
فتيحة:(احححح اسيدي ربي..فففف دات الباس الله على حبيبي الله نمشي ندور ليه نهضر معاه
محمد:واخا..انا داخل نعس
فتيحة:جلس تعشا
محمد:(بنفس منزعج)لا هي بصحة
دخل للبيت علل وردة لقاها كتحك لتوبة شعرها لي كانت مغيبا ناعسا وحالا فمها ومخشية فوردة..شافتو وقشعات حجبانو معقودين. مدواش مشايركت للماريو جبد تيشورت اخر لبسو..وهي تنطق :حبيبي هز توبة لبلاصتها
جا لعندها هز توبة بشوي داها للبلاصة فين تيفرشو ليها وحطها ورجع تلاح حداها بلا ميهضر..حط يديه ورا عنقو وشاف فسقف..وهي كتشوف فيه باستغراب فيه وحاضيا ملامح وجهو لي كيبانو معصبين..دام صمت تاواحد مهضر وهي تنطق:محمد مالك؟؟
محمد:الصمت
وردة كررات السؤال:أ مالك اسي؟؟
محمد:(بدون ميشوف جيهتها)مافياش لي يهضر شووو نعسي رتاحي
وردة:مقلقاك شي حاجة؟؟
محمد:راه هضرت😠😠نعسي
وردة سكتات شوي وقالت:واخا تصبح على خير
تكات حداه وهزات يديه وشبكات صبعانها معاه تلفو لعندها وهز يدو لخرا دوزها على خدها وقال:متديش علي
وردة:معليش ساعة لله..نعس تال غدا ونهضرو
محمد مهضرش وخشا يدو تحت شعرها وجىها بشوي حطها على صدرو وبقا كيلعب فشعرها وكيخمم فحريرتو..هو بطبعو دارس الادارة وعارف انه خاصو يدير بريفيزيون للمستقبل وللى بقاو هاكا غيسوء وضعهم..نعسات وردة على اثر مداعباتو لشعرها وكتخمم ليه..عرفاتو الى جبداتو بالهضرة غينوضوها ومعندها جهد للنقاش الحاد لان فيها وجع فتحتها ووالدتها كتحس بيها بحالا كتكال..داها النعاس وبعدها بساعة نعس حتا هو..
فنص الليل..فاقت وردة على إثر وجع حاد فرحمها..حلات عينبها فتعب وكتحس بصهدة..حيدات يد محمد وتقادات بزز فالحلسة وكل حركة كتحس براسها كتألم..عضات شفايفها وحبسات النفس وخرجتها كتنفس بصعوبة وفيها صهدة..تلفتات لمحمد لقانو غارق فالنعاس مبغاتش تبرزطو..ناضت بزز كتألم وتحتها كياكلها بلا الوجع لي كيف وجع الولادة كياكل فيها أكل..شدات كرشها وبدات كتمشا بشوي فاتجاه الباب وعينيها بغاو اخرجو من بلاصتهم من حر الوجع ولانها كتكبح الغوات فداخلها..كتمشا محاديا لحيط باش مطحش..تمشاات ناحبة الباب ودموعها على خدها طاحو دغيا استغربات من هاد الوجع..وياله غتخرج وهو يضربها بجهدو بحتلا غتولد لدرجة انها طاحت للارض كتبكي فصمت. قهرها الوجع..حطات يدها تحتها وكيبان ليها دم فيها.بدات كتبكي وتنين وتعيط بصوت عالي لمحمد..
وردة:😭😭😭😭اهئ اهئ محمد اهئ محمد 😭😭😭عتقنيييي (غوتاتتت)اااااااه
تلوات وردة فاللرض بالوجعة لي جاتها..كانت قوية وحسات بذاتها كتقطع عليها اضافة للدموع لي واصلين حد عنقها..فاق محمد على اثر غوتتها مدعوق..حل عينيه وكيسمع صوت بكاها فالضلام ناض قافز بجهد..شعل ضو وتصدم منها..مشا كيزرب لجيهتها وكيشوف البيجامة طبعات ليها بدم من التحت ومكورة كتبكي وتعيط باسمو..نزل لميتواها مخلوع وعينيه خارجين كيقلب فيها؛وردة...وردة مالكييي...اش وقع اش ضارك(معصب)اهضرييي😠😠
وردة:(كتشد فيديه وتغوت )اااااخ محمد محمد اهئ اهئ اهئ عتقنييييي😭😭😭😭😭اهئ اهئ كنموووووت اهئ اهئ الوووجع الوجع
محمد تلف وتعصب وغوبش وولا حاير وكيشد فيها:فين فين ضارك فييين...(شد فيها وقفها وهي غاديا بالدم)اجي اجي نمشيو للسبيطار
زاد فسرعة وغادي زاف فالطريق تا وصل للكلينيك وتحكو الروايض مع الارض..خرح وعيط لواحد اعاونو جا كيجري ببياص وهو دار لجهة الاخرى حل ليها لباب وشد فيديها وهي تتبكي وتزير على ذراعو وتشهق..كتحس براسها غتخرجها الروح بجهد ومشا منها الجهد..حطوها فالبياص تتنين مبقاتش قدرات تغوت..وشادا فيدو وهو تابعها كيجري مخلوع مدخلينها للغرفة تالفحص وكيطمن فيها..دخلوها وسدو لباب وبقا هو بحال مقطوع راس..تالف..حلس بعصبية فوق كرسي وشد راسو معصب واصلا فيه لاعظم..مسح على لحيتو بعصبية ويرد راسو لور اترجا ابرد..فحين وردة دخل عليها طبيب عاود قلبها وقلب الغراز وهو نفس الطبيب لي مكلف بيها..ضرب ليها برا فالورك هدنات عليها الوجع وخلا دموعها نازلين مع حنوكها لي حمارو دغيا وماحد الوجع كيبرد وهي كتنقص من انينها..وتشهق..وعلى راسها ممرضى نظفات ليها تحتها من الدم ووردة هي متكية كترتاح..خرج الطبيب عند محمد لي خرج ليه عقلو مشا فداك القنت عشرين مرا كيمشي ويجي بحالا فيه السهال..جاي بكيطمة رياضية فالكري وكلاكيطا فقط بالتلفى خرج هاكاك..وقف على الطبيب كي قباض الرواح وقال:مالها؟؟كي بقااات..اش بيها..واهضررر😠😠
الطبيب:موسيو الساجدي مراتك جاتها ايموغاحي بوجع حااد وهادشي طبيعي لانها كيف قلت ليك رحمها لتاقط مجموعة من الجراثيم لي غتأثر عليها وبحال هاد الاعراض عادي انها تبان لانو مكتاخدش الدوا
محمد:(بنفاذ صبر)وشنو واش تاخدو ولا لا؟
الطبيب:كنظن ان الحل الوحيد هو تبدا الدوا والبيبي غترضع من حليب الفارماسي
الطبيب:وي عادي..غتبدا الدوا من غدا وكلشي غيكون بخير..مورا شهرين الى مفاتهاش الحال ضروري خصها العملية..الله يشافي
محمد:ففففف نقدر نشوفها؟؟
الطبيب:وي دخل..وتقدر تخرجها راه ضربت ليها برا
دخل محمد بلا ميجاوبو لعندها..لهفتو وحبو ليها خلاه انسا كلشي..لقا الممرضة لبساتها جلابتها وهي شفارها باقي كيتلسقو بالدموع وصدرها كيطلع ويهبط..شاف فيها بحسرة وقرب..وخرجات الممرضة شد يديها وحسات بيه شافت فيه ببراءة وتحنا باس رااااسهااا بوسة طويلة وقال:صافا احبيبا؟؟
وردة:(ببراءة)اش gاليك عندي؟؟😢
محمد بتاسم ليها ومبغاش ابين ليها انها مريضة ولا يشوشها حيت عارف أن نفسيتها غتأزم كثر فضل انه يبقا سر عندو:مقال والو..نتي هي عزيز عليك تحمقي دين مي وصافي هه
خرج محمد ودغيا عقد حجبانو سالا الدور ديالوومثل عليها أنها ممالهاوالو وانه مجرد تعب فقط..ربط غوباشتو وخنزر وتم خارج كيتعنكر فمشيتو ويتعزرا..تاوصل للاوطو طلع وكسيرا ديركت للدار..دخل بلا ميدير للخس لقا فتيحة كتشخر فالبيت الصغير توجه ديركت لبيتو هز الفلوس من اونفلوب كيحط فيه لمصروف دار..من غير الكارط الكيشي لي كيخدم بيها..لقاه مبقاش فيه بزااف ..عطو بلامبالاة وخرج من دارو ركب فالاوطو سايق بيد وحدا ويد مخرجها من الاوطو..ماهي الا دقائق حتا وصل للسبيطار..نزل ومشا لكيص خلص لي عليه ورجع لعندها لقاها غيشد فيها نعاس..هي دخل وحلات عبنيها وقال:صافي احبيبا نمشيو
مشا من عندها ودخل لبيتو طل على وردة وحيد كلاكيطو وتلاح حداها..بعد ليها شعرها وتلمس حنوكها وباسها فيهم ونعس هو كذلك..
العلاقة بين محمد ونسيبتو ولات مطلوقة بزااف كيتمازح معاها ويضحك معاها وهي كذلك كتقشب معاه وتعاود ليه النكات..وعزيز عليه اسمعها تتنوح كتقتلو بالضحك..
🌄🌄صبح الحال وشرقات شميسة جديدة سخونة فمدينة البهجة..فاق محمد مع السبعة تالصباح غسل وجهو وسنانو وتوضا وصلا الفجر لي مقدرش انوض ليه بفرط العيا..لبس سروال سورفيت وتيشورت وهز قرعة تالما وسوارتو وتيلي وخرج اجري كيف العادة وهي الهواية لي كيلقا فيها متنفس وحيد..بعد ساعتين مع 9 حلات وردة عينيها كتعجز وتفادا اشعة الشمس لي داخلة من الشرجم..تفوهات ورمات يدبها ملقاتش محمد..شافت جيهة توبة لقاتها تقلبات على كرشها وناعسة..ماهي الا ثواني دخلات مها عليها وقالت:صباح الخير والربح..صباح النور انويويرة ديالي
وردة:😳😳😳😳😳😳اش ضارك افتيحة ويلي ياكما تسوطا ليك شي عرق فمخك..اهيا ناري راه هي وردة بنتك مالكي تتزوقي فالهضرة
فتيخة:(مبتاسمة)الالة انا بيت نفششك ..علاه شحال عندي منك
وردة:😊😊واخا..اجي بعدا بيت نسولك..البنت مغنرضعهاش راه واخا فالقرعة راه خصها الحليب
محمد:معمرها فراسي مي جوبونص با..نتي اصلا مغترضعيش
وردة:😢😢وعلاش؟؟راه فيا الحليب
محمد:سي احبيبا عارف..(جلسها فبلاصتها وقاد ليها رجليها)مي ظروف ولادتك صعيبة داكشي باش
وردة:مدوخش علي راه ماشي هبيللة اش كاين تا مغنرضعش والبنت مزيودة على ثمن شهور خصها الحليب ديالي
محمد:هادشس لي قال طبيب قالي هي فالايام اللولة موراها غترضعي نورمال
وردة:محمد..معندي والو ياك؟؟
شاف فيها وتمعن فطريقة باش سولاتو كأنها كطلب منو اطمنها..كيعرفها ملي كتحني راسها وتهز بلابزها لفوق كتكون كتساءل بخوف نطق ببتسامة مباغيش اقول الحقيقة باش ميخلعهاش وقال:لا والو هي بسبب اوضاع الولادة
وردة:صافي واخا(بتشكيك)
ناض هز حوايجو وفوطتو واغراضو وتوجه للحمام خدا دوش حيد عليه العرق ولبس تما..وخرج فطر معاهم فييتو مع تنقيزات توبة ..وخرج بحجة انه غيقضي شي غرض..فحين وردة بقات فبيتها مع توبة كتلعب حداها ومها كتقاسي الشغل بلاصتها..بعد ساعة وردة قهرها الملل وطابت بالجلاس وجاء الفرج سمعات الحس كانت وفاء وتريكتها..دقات وحلات عليها فتيحة رحبات بيها ودهلاتها وقاات:على سلامة وردة اخالتي
فتيحة:الله يسلمك ابنتي ههه(شافت فولادها)تبارك الله زوينين..
كان محمد مربع يديه وعاقد حجبانو وكيشوف فاص فحين اميرة الدريويشة شادا فيد وفاء والبراءة فوجهها اما العافية الزرقة تسليمة كدور عينيها كتقلب على مادير حتا بانت ليها توبة خارجا بمشيتها كي البطة من بيت مها شافتها وهي تطلق من مها ومشات تتجري لعندها فرحانة وقالت:اييي 😄😄ماما هاهي ديك لي غبنيها بحال مشيشتي كاتي ههههه
محمد:ديك الخايبا😡😡
اميرة طلقات من مها ومشات عند توبة باستها وقالت ببراءة:لا زوينة شوف عينيها بحال قطة ديال سليمة هههه
توبة عجبها الحال وبدات كتخشي راسها بين كتافها وتضحك حشنانة كيعجبها اشكرها شي حد..ضحكات فتيحة ووفاء ونطقات:اجي ابنتي تشوفيها وسمحي لينا واخا ماشي قد المقام
وفاء:الله يهديك الحاجة مقامنا واحد الحمد لله تانا راه عايشا بحالي بحالكم هههه (مخاطبة ولادها)نتوما بقاو تتلعبو هنا ..محمد مضاربش مع توبة عفاا ولدي..سليمة والله وتديري شي بسالة تانقولها لفؤاد..
فتيحة:هههه متخافيش باينا فيهم مهدنين تبارك الله
وفاء:واكواااك هههه على مهدنين هههه اميرة اه لخرين دابا تعرفي عليهم
ضحكات فتيحة ومشات معاها لعند وردة لي كانت ناعسا ففراشها لي مغطي بايزار بيض مطروز بالخضر هذا هو ليزار لي كيفرشوه للوالدة ..شافتها وردة وقالت:على سلامة الجمل ملي دخل لدارو 😂😂
وفاء:لا لا بريتي ههههه(باستها فحناكها)افين النافسا ههه
وردة:باينل علي ياك ههه
وفاء:بزاااف نتي دايرا اللون انا كنت صفرة ههه
وردة:انا غزالة نتي هي دافعا الجبهة فالزين
وفاء:😂😂😂😂تواضعي تواضعي ههههه
فتيحة:انا نعمر ليكم شي كاس تأتاي
وفاء:بلا متعدبي راسك اخالتي انا راه ماشي ضيفة
وردة:😂😂😂نتي خرية تgعدي لدارك هههه
وفاء:ههههه خالتي عفاااك يكون بنعناع وديرو بحسابي للغدا ياله وطرطقي
فتيخة:مرحبا بيك هههه متديش عليها راه فمها باري منها هههه
مشات فتيحة تتضحك وخلاتهم وهي تدور وفاء عند وردة وقالت بجدية:وكدتي شوي اختي؟؟
وردة:😂😂راه جامع الفنا ديري فيها الحلقا وضحكي هههعهه اهياتا غتجي للسبووع
وفاء:طارت معزة نزلات معزة غنجي غنبزز على فؤاد اجيبني ههه ونخلي ولادي لماما حفيضة وسميرة اقابلوهم
وردة:عgوزتك ياك؟؟
وفاء:لا ماما..مامات فؤاد خهه ومرات باه بحال ماماتي ههه
وردة :سعداتك مgادين معااك..انا عندي وحدا باقي شادا ومتتحملنيش😔😔
وفاء:وعلاش؟؟اش درتي ليها؟؟
وردة:شوفي انا اه ضاسرة ومتنحشمش ولكن لي كبر مني متنقللش عليه العفة وهي متتحملنيش حيت حgا محgا انا ماشي من مستواها الاجتماعي مخنزاش فلوس بحال مرات ولدها لولة
ضلام للحال وجا بات وردة ومراد وجلسو كيتعشاو ويدويو ومراد مقلق حيت مربحش وكيحاولو اضحكوه تا نجحو..مشا المختار لدارو حيت كيبات فيها هو ومراد وخلاو معاها فتيحة..وصلات التسعود كانت وردة متكية فبلاصتها بعدما بدلات حوايجها بمساعدة مها..حاضنا توبة لي عينيها تلسقو مع عيات ضلات كتنقز ومنعساتش وسط النهار..كتمسح على شعرها وتبوسو حتا نعسات..مداتها لمها حطاتها بلاصتها..
فتيحة:بسم الله اححح الله على هاد للبنية
وردة؛هههه
فتيحة:الله يعمرها دار ديك وفاء بنت الاصل ومصوابة
وردة:ملي انا عزات علي عرفي راها بنت الاصب ههه ضريفة وبنت الشعب واخا عايشا فالعز
فتيحة:اه بنت الناس..اهياتا راجلك مجايش
وردة:غيتعطل هي سيري تنعسي انا غنتسناه
فتيحة:اهو نعسي راك عيانة واخا
وردة:(مافيها لي يتقابح معاها)واخا انا دروك نعس هي سيري لهلا يخطيك علي اميمتي
فتيحة:هههه الله يمسيك على خير
وردة:(كتعيبها)يا دوزي بخير هههه
فتيحة:الله يعطيك شي عقل هههه
مشات مها وبقات هي طفات ضو وتكات كتفرج فالسقف والظلام كتسنا محمد اجي كتصوني عليه وتيبقا هاكاك تاكيقطع..تشوشات عليه بجهد بقات كتسنا ساعة ساعتين ووالو وعينيها ملسقين بالنعاس وكتكابر على قبلو..تا سمعات الحس فالباب عرفاتو هو لي جا..من سوارتو ومشيتو جيهة البيت..عصبها حيت تعطل ودارت راسها ناعسا..سمعاتو دخل وكيتمشى فالبيت طمرات وكملات على ثمثيلها..حسات بيه قرب ليها وتحنا لعندها باسها فراسها ومشا كتسمع حس الماريو عرفاتو تيبدل حوايجو وفظلام..سالا وتلاح حداها بعدما باس توبة..دار يديه ورا عنقو وبقا حاضي السقف تا عيا وغمض عبنيه ووردة بتاكل راسها بالفضول على فين كان داز وقت وهي بلا نعاس طار عليها تا حسات بيه تقطعو حركاتو..حلات عينيها وتلفتات ليه وقادات جسمها بحالا متكبة على جنبها..كيبان ليها ناعس بيديه ورا عنقو..وضو تالقمرة ضارب فيه..مدات يديها للحيتو كتحكها ..قربا ليه وطبعات قبلة على حنكو ومبعداتش كتحس براسها مشتا قة ليه يمكن حيت هضرات عليه بزااف مع وفاء اليوم وحيت عاودات ليها على قصتهم كي تلاقاو وكي تزوجو..بقات نفسها كضرب فوجهو..قربات وباستو فحدا فمو وفحنكو وعويناتو شوي وهي تفكر ذقنو وقربات باستو فيه كضحك بشر..ياله حطات شفايفها وهو يحل عينيه ودور وجهو بزربو جاو شفايفو فوق شفايفها حاصرها ببوسى طوييلة وسخونة كأنو كيفرغ فيها طاقتو السلبية او تعبو وهي كذلك تجاوبات معاه نتاقلو لعالم اخر وخو عالم العشق لا منتهي..كتبوسو بطريقة هيجاتو وهو كذلك ويديه تسللو لجسمها..طولو فالقبلة تا حس براسو غيجيبها فراسو وفلخر مياخد والة وهو يحبس كينهج..طلق من لسانها وقال كينهج:توحشتك
محمد:نهار نشدك افليفلة غيجمعوك بياس دي طاشي هخهخهه
وردة:هههههه كنتوفا عليك الزمر هههه
محمد:بزعطا ههههه
وردة:نعس الله يعطيك شي بروصي هههه
محمد:(عنقها)هاهو ناعس هههه
تكات على صدرو مشابكا يديها بيديه وتتحرك صباعها على صباعو تا غفات وتوقفات حركتها اما هو بقا حال عينيه فالظلام تا دازت ساعة عاد نعس معنقها ..في انتظار يوم جديد
صبح الصباح ..صباح جديد ملئ بالمفاجأت وفي كل صباح اراك تزاد وسامة..فاق محمد مع الفجر ناض توضا وصلا ورجع نعس حدا وردة..بعدها بشي ربعة تالسوايع تحركات توبة لقات محمد ناعس على كرشو ومبشلخ فوق الناموسية شافت فيه بعينين ناعسين حالا فيهم هي نص..ياله شافت فيه وهي تخرج عينيها ملي شافت الضربة لي حدا شفايفو وكذلك دقا تحت عينيه زرقة شوي..شهقات وتعجبات حيت البارح كان ظلام مقشعات والو..حركاتو بيديها مخلوعة وقالت:محمد..محمد نوض مالك فوجهك
محمد زعف ومع الصباح متيكونش فيه لي يهضر كيخصو واحد دقيقة ولا جوج ارجع المورال..تلفت ليها وقال:ظابا علاش تتقلبي مع هاد الصباح هاا😡😡تانوض ونشرح ليك دابا عيااان باغي نعس
وردة:متشرحش ليا باقي خليه عندك..انا تخلعت عليك ونتا خدام علي صباح الله..راه يادلي ديال الله مالو ديالك😠😠وانعس اسيدي مع راسك وهني راسك وانا نبقا فوق العافيا😡😡
محمد تنهد بنفاذ صبر وقال:الله يرحم باط فوتيني راه مية بلان ضارب فراسي متزيدينيش..نعسي
وردة:مافياش النعاس..نعس بزز 😡😡بيت نوض لطواليط
محمد ناض مقندش وجلس وشاف فيا تيحك عينيه وقال:طواليط😡😡دابا
شاف فيها وبتاسم بسخرية وناض لجيهتها:نوضي نوضي الى بيتي تخراي ولا تبولي
وردة:نخرا عليك مثلا😠😠سير فحالك غنمشي بوحدي
شد يديها:وانوضي خلاص راه مبوق بالنعااس عياان باغي نرجع ننعس
وردة:رجع تكمخ وفوتني عليك😡😡(ومع ذلك شدات فيه)بنادم كي داير
قلب وجهو عاض على شفايفو وكيتمتم وشدها من خصرها وزداها معاه وخرجو بجوج مخنورين..داها للطواليط ودخل معاها وهي تقول:يالله ايوا خرج ناوي تبقا معايا
محمد:(ربع يديه)اه يالله خراي ولا بولي نشوف
وردة:(بابتسامة استغباء)ناوي تحضي تا خرايا😠😠خرج
محمد:مغتقدريش بوحدك صعيبا
وردة:قادرة هي خرج الله يرحم باك😒😒
محمد:شور
وردة:وايييه واطلقنا راه غنبول فحوايجي
خرج وخلاها وهي تتغدد بزز باش قربات للكرسي تالجرانة وجلسات متألمة قضات حاجتها ووقفات مسحات بالبابي ورماتو فسليلة دايرينها تما..كتنين وبشوي عليها فحين هو وقف برا بزز عينيه مغمضين..تايتسناها تا عيا وهو يدق وقال:الحاجة واش تتولدي تماك واخرجي خلاص
وردة:صبر الزمر😠😠
طلعات حوايجها وقالت:يالع حل علي
حل عليها وقال:مبقاتش بولة ولا شلال هههه
وردة غوبشات فيه وشدات فيديه وخرجات..غاديين لبيتهم تا حسات بيدو مع خصرها كيمررها ببطء شافت فيه لقاتو تيشوف قدامو وهي تقول:احيد يديك
محمد:متندير والو هي زيدي
وردة وقفات مباتش تحرك ليه باقي شاف فيها وقال:مالكي وقفتي؟؟
وردة:(عنقاتو من كرشو)اجحح على حبيبي فاش تيفرشخ ليا البشري هههه مكرهتش شي نهار نحضر ليك هههه
محمد:تال الناسيونال وتمشي معايا وتفرجي
وردة:الناسيونال ديالاش؟؟
نحمد:رشحاتني لجامعة للبطولة الوطنية للبوكس فئة مدربين..والى ربحتها(دار بيديه طيارة)فv لروسيا باش نلعب المونديالل
وردة:ههههه حلف هههه صافي غنمشي معاك ههه
محمد:ايوا يالله لبيتك رتاحي انا راه مبوق بالنعاس
قربات ليه باستو حدا فمو وقالت:خاهي غتبرا ههه
بتاسم وشاف فيها :اللع يهديك خلينا ترونكيل ههه
بعد مرور شهر ويومان..اليوم وردة فايقا ناشطا على غير العادة..فرحانة كيف لا واليوم غتجيب بنتها من سبيطار وتحملها بين يديها..حلات عينيها وشافت جنبها محمد ناعس وعندو ضربة على فمو..وهادي هي العادة لي ولات كتلقاها فبه..كتفيق فالصباح وكتلقا عندو ضربة فشي بلاصة كتسولو كيقول ليها بلي كان لاعب..تحنات لهندو وباستو فخدو وبدات كتهمس فوذنيه:محمد..حبيبي ..محمد نوض احبيبي نوض
محمد:😴😴😴مممم اش كاين
وردة:نوض احبيبي عفاااك غنجيبو اكليل ههه
حل عينيه فيها بشوي كيشوف فيها بين شفارو تعجز تا طرطقو عظامو وقال:فايقا ناشطا هااا ههه
وردة:ايييه هههه نوض احبيبي نداوي ليك هادشي تاني😒😒
محمد باس حنكها وناض وقال:انا سبقتك ندوش ونخرج..
وردة:انا نوجد لغطور ههه
محمد:بشويا عليك راك واخا وليتي تتمشاي عادي راه باقي عيانة
وردة:واصافي فهمت ههه
مشات للكوزينة بخطوات صغيرة عسلات وجهها فالروبيني وبدات كتوجد فالفطور والفرحة ماليا عينيها..قادات ليه قهيوة بلاسكر ولراسها فيضات الحليب ودارت فيه قطعة سكر وسخنات خبز وحطات فرماج وكاشير وزيتون داتهم للطبلة لقانو ياله خرج من الحمام كيمسح فشعرو لاوي عليه فوطة على خصرو والعضلات زادو قساحو..شاف فيها ورسل ليها بوسة فالهوا ضحكات وقالت:هانا تاني على توت الى تات هههه(قربات ليه وشدات يديه)شووو كي ولاو يديك..لي شافك يgول تتحفر ماشي تتلعب
محمد:عادي..راه تنضرب لكمامر قسح من وجهك خهه
وردة:واخا سير لبس حوايجك واجي نداوي ليك
محمد:عيقتي هههه
مشا لبيتو لبس حوايجو لي كلهم فلون واحد الاسود مكيبدلش اللون كيجيه لون مختالف..خرج لقاها كتحط فالطبلة وقالت:gلس هاني جايا
مشات للثلاجة وجبدات قزبور مدقوق فميكة مجمداه ورجعات عندو شدات يديه وحطات عليهم القزبور المجمد وهو كيشوف فيها ويبتاسم كيعجبو الحال فاش كيشوف اهتمامها بيه..سالات وقالت:ياله فطر..انا نلبس ونلبس توبة
محمد:ونتي مافاطراش؟؟
وردة:سي دروك نجي نفطر
مشات لبيتها لبسات علبها سروال جينز ابيض وتيشورت اسود وسندالة بينات ليها بيوضية رجليهل..شافت راسها فالمرايا وحنات راسها لقات جسد هزيل ..ضعافت مورا الولادة مع الوجع لي كيجيها باستمرار وتكمدو بالبرا..ورغم انها كتحس انه شي حاجة غريبة الا انها كترد السبب لوجع ماوراء الولادة..ضعافت ودخلو عينيها وبكثىة مكيسهرها الوجع ضهرو علامات سوداء تحت عينيها..جاها سروال شوي مفضفض كرهات راسها وتلغات بتسامتها وتعصبات..حطات صاكها بنرفزة وبدات طتلبس فتوبة لي ناعسة مباتش تخليها لمها عارفاها غتنوض القريقعة..لبساتها بشوي وهزاتها ناعسا وخرجات عندو مقلقة..راسها معقدها ضعافت وجاب ليها الله بلي خيابت..جلسات حداه وشعرها طايح علة كتافها واصل لخصرها..
محمد:مالكي؟؟
وردة:والو😔😔😔
محمد:ميمكنش دخلتي فشكل ورجعتي فشكل
وردة:😢😢والو وصافي..فطرتي ياله نمشيو
محمد:كون هي خليتي توبة لمك
وردة:مبيتش وصافي..عفاااك ياله😔😔
محمد:ممحركش الى ماقلتي مالكي
وردة؛مماليش ففففف وامحمد نوض غنطعطلو
محمد:بربي لنضت وماقلتي مالكي😠😠
حنات راسها وتغرغرو تينيها وهو كيتسناها تهضر مفيكسي عينيه عليها حاط مخدة على رجليه كيتسناها تهضر..تا شاف قطرات دموعها على وجه توبة..هز ليها وجهها بزربة بصبعو وقال:مالكي تدمعي تاني😠😠ضاراك شي حاجة
محمد:الى على الحب راه بغيتك ونتي مضعفنة كثر من هاكا ومثر..وطحت فيه بلا ليهونش بلا ترمة بلا جوج..حيت بغيت هذا(حط يدو على قلبها)خوي راسك من هادشي راه غتمرضي راسك
وردة:وا زين عارفا راسي غزااالة والله هي ضعافيت😢😢
محمد:حمحم تواضعي هههه غزالة الالة وفنة..وانوضي راه تعطلنا
وردة بتاسمات وباستو فحنكو وقالت:ههه واخا نوض
فطرات بالخف وناضت رفقة محمد خرجو هاز هو توبة ناعسا وهي تابعاه بخطوات صغيرة..ركب توبة لور وخلاها ناعسة وطلعات حداها وردة ورجع للدار جاب مانطا صغيرة عطاها ليها..وطلع ديمارا والوجهة السبيطار..هز عينو فالمرايا وشاف فيها لقاها كتحك يديها مع بعضهم متورترة..ضحك وقال:واخا تكوني غتشوفي الواليدة متكوني هاكا ههه
كمل طريقو للاوبيطال وبعد دقائق وصل..نزل دار تظارات شمسية وتوجه لعندها حل ليها لباب وشد يديها تانزلات عاد هز هو توبة..لي كانت باقي ناعسة..دخلو للوبيطال مشابكين صباعهم توجهو للطبيب لي مكلف بيها هضر معاهم وعطاهم نصائح على صحتها ووافق على خروجها..بقاو مع الطبيب حتا جات ممرضة هازا بيبي فيديها كتحاول تحل عينيها وحمرااا..شافتها وردة وتغرغرو عينيها..ناضت بسرعة وقالت:اريها ليا😢😢
مداتها ليها مبتاسمة وشداتها بفرحة تحت نظرات محمد الفرحة..حضناتها وشداتها بيد وحدا لانها ممرضة ودازت من هادشي..شدات يديها بصبعها كتحل فيهم مكمشة فمها بطفولية وتتبوس فيهم وتضحك بحال شي هبيلو وتقول لمحمد شوف..وهو كذلك واقف عند راسها هاز توبة وكيبوس فإكىيل واعاود..كانت حمرة وعويناتها يا دوب تتحلهم وتلعب بيديها وعندها اظافر طوال نوعا..فهاد الاثناء حلات توبة عينيها بدات كدورها فالمكان محسو حتا نطقات :ماما
تلفت ليها محمد وخشاها فحضنو وقال:فقتب ابابا هههه فقتي(هزها تاشافت وردة هازا إكليل)شوفي تا سوغ
توبة طلقات حلوقها ويدات كتبكي وتجر بغات تمشي عند وردة وتا البنية الصغيرة زادت كتبكي..تروع القنت وبداو كيتغاوتو بجوج..وحارو معاهم..كل واحد كيسكت فوحدا وتوبة كتعيط:ماما للدة(وردة)ماكي اهئ اهئ😭😭
وردة:ففف اربي مالهم
محمد:(كيحاول اسكت توبة)واصافي أبا با ها ماما هي
جلسات وردة وقالت:اراها ليها حطها فوق رجلي وبقا شاد فيها
دار داكشي لي قالت ليه وحطها على رجليهل وهي تكا على بديها تتبكي وتخنزر فإكليل مرضاتش اجي شي حد بلاصتها..ووردة تلفات معرفاتش شكون تقابل واش إكليل ولا توبة اما محمد حار كيدوز على راس توبة تا سكتات جابت المنرضة بيبغون لاكليل مقادا وعطاوها ليها عاد سكتات..بقات توبة تتخنزر فيها وهي تقشعها وردة وقالت:نتي بيبرون ديالك وينة وكاينا فالداى كبيرة فيها شوكولا تبنتي بوحدها واخا
توبة:😄😄😄وينة هههه
وردة:ههههه اه بحالك..توبة شوفي مومويا زوينة
توبة قلبات وجهها معفرة:😡😡😡ننننن
وردة:حشوما هانتي شوفي(شدات يدها وحطاتها على وجه إكليل)وجها رطب بحالك وزوين..شو شحال صغيكيحينة بحالك
توبة:(كتشوف فيها ساهيا)لالي(بحالي)وينة
محمد:اه وينة ابنتي دير ليها بحال اوا لي كديري ليا
توبة:😄😄😄😄اوا اوا انا
قربات وباستها فحنكها وحطات يدياتها لبضين عليها وضحكات وشافت فيهم مبينة سنيناتها:😂😂😂وينة انااا
وردة:هههه زوينة نتي خههه هاد مومويا هي ختك
توبة:هن
و دة:ختك
توبة:؟؟
محمد:هههه تال من بعد وتفهم ختي هههه ياله نمشيو
هزها من حجرها وقال:ياله نمشيو للدار باش نلقاو نونوس كبير جابتو ليك مومويا
توبة:(فرحات)😍😍😍نونوس خههه
وردة:(هازا إكليل وتتشم ريحتها)اححح على بنتي شحال زوينة هههه
محمد:(عنقها بيد وحدا)دابا عائلتب كملات ههه
وردة:اخ هههه
محمد:خصنا هي ولي العهد ههه
وردة:شي خريا محكوكة لا هههههه الى عاودت ولدت ها وجهي هههه
محمد:زيدي زيدي دابا نشوفو هههه
خرجات العائلة السعيدة من السبيطار مكتاملة ركبات وردة وبناتها اللور ومحمد لقدام كيضحك معاها وهي كجلسة حداها توبة وكتحاول تحببها فإكليل..وصلو للدار ونزلات ماقاداها فرحة هازا بنتها وبنت اخرى كنمشا حداها وتنقز..دخلو للدار لقاو فتيحة جات ولانها عندها ضوبل تالسوارت دخلات وجمعات ليها الدار هي دخلو وهي طلقها بتزغريييتى فاعلة تاركة :لولولولولولولولولزلو على سلامتكم ههه
مقاداها فرحة عاد تلفتان وردة لتوبة وهزاتها وقالت ضاحكة :وها الحلاوة الثانية هي هادي هههه
توبة:😄😄😄😄هنهنهنهمه انا
وردة:بيتي منام نام ابنتي
توبة:هام هام ههخه ليبا
وردة:دروك نعطي لبنتي حليبة ههه..مي دي توبة عطيها الحليب وفطريها
فتيحة:واخا هاكي شديها..وشدي مزيان لتفلعصيها انا نفطر لبنت ونجي نgمطها قبل ميتفك ليها صدر ونصدقو تنروركو على الفراكات
وردة:واخا
حطات توبة وشدات لخرى ودخلات لبيتها تبعها محمد وهي كتبلق فبنتها وتعاود فرحانة جلسات فطرف الناموسبة وحطاتها بشوي فالوسط وقال محيداتش عينيها عليها؛محمد شو شحال صغيرة ههه هاكا تزادت توبة ياك؟؟صغيورة هاكا
محمد:وي ههه(جلس حداها حاط وجهو فعنقها كيبوسها فيه ويشوف فالبيبي)هههه جات معاك الامومة للمرة الثانية ههه
وردة:(تبورشات)هههه زgا هههه راه نافسا ههه
محمد:(دور يديه على كرشها )واهادشي لي مرضني خهه نافسا وانا شي نهار غتفركع عليك
وردة:كون تحشم راه حشومة هههه مالك مشرون على النعاس هههه
محمد:ةالله الى خي معاك فينما شفتك كنفيبري عههه وهي جوج كتشعليني
وردة؛(ضحكات بخجل)الله يمسخك ههه حشم☺☺واهي صبر بقاو هي شي عشر يام ههه
نحمد:(عض على شفايفو )غناكلك من هنا عشر ايام..غناكلك طرف طرف ههه(باسها فحنكها)انا نوض نجيب ليك الحليب من الفارماسيان
وردة:ويلي لاش ياك غنرضعها من عندي
تبدلو ملامح محمد وجمع الضحكة وقال:لا لا نتي مافيكش الحليب داكشي باش
وردة:شكون gالها ليك..الحليب هي تيشرشر من صدري وتتgول ليا مفياش
محمد:هاا..واخا شوفي تبعي اش قال الطبيب عطيها لبيبرون ومن بعد متسالي البراوات عطيها من صدرك راه حليبك غيدوز ليه الدوا
وردة:ايوا نحبسو gاع الى غيحرم بنتي من الحليب
محمد:(عقد حجبانو)شناهو؟؟😠😠تكمشي حسن ليك ماشي تزبليها فقنت وتقاديها من قنت..كون مكانش حليب الفارماصي كافي انا براسي غنقوليك رضعيهل مي هو مزيان ليها والطبيب لي قالها..وكدي معايا الله يرحم باك غتصبري الوجع على قبل الرضاعة
وردة:هي اش؟؟
محمد:هي ديري داكشي لي تنقوليك والا ها وذني منك راه نسيق الخباردرتي شي حاجة من راسك نتفاهم معاك
وردى:اخ والله تا اخ مبقاش بنادم اهضى معاك بحال الناس😢😢
ضرب يديه مع الباب وخرج وخلاها كتغدد بوحدها وتعاود..خنزرات وقالت بالغوات:ديه معاك حسن 😠😠
خرج محمد صاغر ومشا للفارماصي جاب اش خصها كيحاول ميخليخاش تحس أنها مريضة خاصة أنها ممرضة ودغيا غتعرف..وهي بقات والشك كياكلها بحكم انها ممرضة مغدوزش عليها..فيقها من سهوتها توبة لي تتعيط بصوتها الطفولي:مامي مامي انا وينة
بتاسمات ليها وقالت:وينة نتي بحال ختك ههه
توبة:مومويا ههههه
وردة:اه مومويا اجي ابنتي شوفي مومويا
جات تنجري بحال البطة والليكوش نافخ ليها الترمة..طلات على إكليل كتعلق هزاتها وردة وبداو كيطلو عليها وتوبة كتقيسها فحنوكها بشوي وتضحك تا دخلات فتيحة هازا فيديها شي زيوف وقالت:حمقا وgالو ليها زغرتي ههههه اودي اودي اري ديك البنية نgمطها
وردة:اجي ليها
مشات فتيحة لجيهتهم جلسات حداهم فرشاات توبة بيض وهزات إكليل كتسمي الله وتعاود والبنت غارقا فالنعاس..حطاتها فيه وجمعات ليها يديها مزيااان وبدات كتكمطها حتا لواتها فيه..دخل محمد عليهم لقاهم كورو البنت شاف فيهم وقال:اش داكشي؟؟
فتيحة:الله يرضي عليك هههه ديرو مطرطق باش نفقص العدياان ههه
محمد:واخا الالة وبذبيحة كاع ههه
خرجات فتيحة تضحك وتعاود..فحين محمد شاف فوردة وهي تقلب وجهها عند بناتها..وتوبة لصقات حدا إكليل تتبجغط حداها وحاضيا معاها وردة لتضربها..نطق محمد:ها الحليب تإكليل نوضي قاديه ليها
وقفات بلا متشوف فيه ودازت بغات تشدو من يديه وهو يبعد ايديه عاودات بغات تشدو وبعدو هزان فيه عينيها مخنزرة وقالت:براكا من لعب دراري صغاار از..
قاطعها ببوسة نقض عليها بيها لفمها بزربة وبجهد بحالا عمرو مباس خنق فيها نفس بجهد تاولات كدفع فيه وهو كيبوس..طاحت الميكة من يدو ودفعها على الحيط جاهل وكمل فالبوسان كيلتاهم فشفايفها ويعاود وهي عيات تدفع فيه تا بعد كينهج وهي كذلك خنقها ياله خدات نفس وغتهضر وهو يعاود جرها لصقها مع صدرو
بدا كيبوسها بوسات خفاف ففمها ويعاود ويعاود بسرعة بلهفة وحنية حتا ترخات بين يديه ولات كي عجينة السفناج منيما شديتيها كتفيض..دفعها بشوي على الحيط وكالاها كيبوس فيها ويديه كتسلل لجسمها بطريقة مثيرة نساو ولادهم لي جالسين..توبة ناعسة حدا إكليل كتعيبها فنعاسهل وتضحك مداتهاش فيهم..فحين محمد جهل عليها ولا كيبوس فيها بشوق حتا كتحبس فيها النفس وابعد واعاود ارجع..وهوما فغمار تقبيلاتهم وردة حسات بناقوس الخطر وبعداتو ببطء مزنكة وقالت:محمد راه غتهور ههه
محمد:(كيبوس فيها)شووو
وردة:وا الله يهديم هههه راه مغتصور والو ههه
كمل بوسانو ممسوقش حتا قاطعو تيلب كيصوني كفر ووقف هز راسو عاقد حجبانو معجبوش الحال وقال:لخرا هو هذا😡😡(حل الخط)اش اخويا بيني وبينك تا قاطعني
...:يحرق جد تمك راه صباح هذا كاين لي كيبوس فهاد الوقت
محمد:تانتحاسب معاك انا 😠😠
..:جمع ازمر الهضرة وسمعني ..غدا داخل للمغرب خصني نشوفك ضروري
محمد:معاياش داخل للمغرب؟؟
فؤاد:الثلاثة غتلقاني فالمطار..
وردة:(عرفاتو فؤاد)جيب معاك وفاء عفااااك ههه
هز فيها محمد عينيه وبتاسم باقي مكاليها مع الحيط:جيب ليها صاحبتها باش تزبلها
...:واضروري نجي تنجمع فحوايجي ههه
فؤاد:سمعتيها هههخ هاهيا جايا
محمد:الله يجيبك على خير وهاد لفعايل نردها ليك فساعة الخير..
فؤاد:سير اخويا كمل على عملك هههه
قطع معاه محمد مخنزر وشاف فيها ونطقات قبل منو
وردة:عهههه(دورات يدها على عنقو)وثافي احبيبي ههه(باستو ففمو)هي عشر ايام
محمد:نطرطق انا(قلب وجهو)سيري قادي لبيبرون
ضحكات وطلقات منو ومشات كتقاد فحوايجها حيت جنترها وكضحك عليه عارفا الى شعلاتو كي كيولي..دخلات الكوزينة ورضات الما اطيب وبدات كتوجد فالبيبرون وتضحك عليه فحين هو تكسل حدا توبة كيشوفيها كتضحك مع إكليل كي شي هبيلة ..رجعات وفاء بعدما سمعات صوت البنية تتبكي وتوبة تاهيا..مشات هزاتها ويد كتمسح بيها على شعر توبة لي كان هازها باها :شووووو صافي صافي..محمد ارا لبيبرون راها
ناض هاز توبة مخبية فيه تسحابها بكاتها هي..مدها ليها وشداتها بيد وحدا شربات منها باش تفحص حرارتها عاد عطاتها ليها..ودغيا شداتها وسكتات تترضع وتجر وتوبة كتفرج فيها بعينين عامرين دنوع وقالت:بابا😢😢ديدي مومويا
محمد:لا أبابا نتي مدرتي والو هههه مومويا فيها ديدي بغات دير منام نام
توبة:منام نام؟؟
محمد:اه ابنتي..توبة بنتي زوينة صافي ابابا
عنقاتو مسحات دموعها تلفت لوردة لقاها كدوز صبعها على شعر إكليل وعينيها فيهم وقال:مالكي
وردة:توبة حنينة ههه بحالك
محمد:هههه علاش
وردة:بكات حيت شافتها تتبكي وتتبكي الى شافتني تنبكي وزيد وزيد
محمد:مسطية هههه انا نلاهيها بيدما تنعسي لخرا باش نخرج
وردة:فين غادي تاني😒😒
محمد:نبقا جالس تيتي نيني حداك معندي شغل ههه
مجاوباتوش ونزلات راسها للبنت معاجبها حال وهو خرج هاز توبة كيداعب حناكها باش تسكت من تنخصيص..حتا سالات وردة وحطات البنت فوسط الناموسية على ايزار ومانطا وناضت بشوي باش متفيقهاش خرجات لقانو كيلعب معاها شداتهغ من عندو وقالت:سير قضي شغلك انا غندير ليها دوش دوش ههه ياك ابنتي(كتبوس توبة)ندوشو ههه نديرو دوش دوش ونوليو نقيين ههه
توبة:😍😍😍هنهنهنه ماما
هز سوارتو وخرج بعدما باسها وهي بقات مع توبة دوشات ليها ومشات ردات الغدا..فحين محمد توجه ديركت لواحد الديبو كبييير خارج مراكش فطريق كازا..محدو كيقرب وكيشوف سيارات من نوع فاخر واخر موديل..باركا الاوطو ونزل داير نظارات شمسية زكيتعنكر على عباد الله والناس كثار كلشي رجال فيهم الطبقة المتوسطة وفيهم الاغنياء..تلقا ليه واحد الدري يكون فالثلاثينات مي قصير ولابس سروال جينز طايح وتيشورت وواشم فيدو عقرب..وقال:علا سلامتك الوقفا ههه تعطلتي
محمد:(حيد نظاظرو وكيشوف فالمكان)هاني جيت..كاين معامن اليوم
عبدو:(الولد)يا خويا كاين واحد تيgولو ليه الشبر من باب دكالة كيعاودو عليه قافز وماضي ضربتو كي الفقها مكتنوضش ههههه والى بيتي لعب معاه راخ نص تعباد الله البوكو حبا مالين عمر الغارق حاطين عليه فلوس صحيحة..نتا هي لعب خسرتي ولا ربحتي المهم مضبر فالصرف
محمد:(شاف فيه بتحدي)دير معاه كومبا من هنا ساعة وبيت حقي(كيحرك صبعو)كامل وكاااش بلا تنوعير كثر من 3000 درهم ملاعبش
عبدو:أ هي بشويا عليك أ خا سيمو راه كثرتي الى تتا ديتي 3000 درهم اش ندي انا
محمد:دي عظامك صحاح وخرج لتيساع
عبدو:وا حقي هو 1000 درهم وهاني معاك
محمد:واخا ياله هي تحرك قضي لينا الغرض
مشا عبدو فرحان كيضحك وتوجه عند المدعو الشبر اكبر بوكسور فباب دكالة (قنت فمراكش)لقاه مدور عليه صحابو وهازين قراعي تشراب كيضحكو وطالقينها نكات وقف عليهم وقال:ها واحد السلام وعليكم العزاوا
الكل:وعليكم مثلها
..:اشاوا نتا هاذا..غبرتي البلا تا تضعفنتي هههه
الكل:😂😂😂
عبدو:(كيقاد فكتافو)واهي دونيت..اشكا تتروجيو بلا بينا..علمونا هير ولا خايفين على قراعيكم
نطق الشبر:شكون داك زويزو
عبدو:زويزو😂😂هذاك هو لي غيgزرك من هنا ساعة
الشبر :(ضحك بشر)ههههه الدراري طحن مو ههه
شبر:باين ليا جديد هنا عمري شتو(كيتكيف)
عبدو:(عينيه على محمد لي مشغول بتيلي)لا لاعب مامرا ماجوج ومنعاودش ليك هههه إعصار كيgزر بنادم بالعصا ههه
مشا عبدو ناشط مضبر على جوج بريكولات دقا وحدا..وتوجه لمحمد قاطع محادثثو مع وردة فالواتس..هز فيه راسو وجمع ضحكا وقال:اش كاين؟؟
سيمو:(كيطل على تيلي)هه المدام هه
محمد:(خزر فيه)ديها فمك..لاش جاي
عبدو:بيت هي نgوليك بلي راه من هنا ساعة غتلعب معاه ومالك أخا تتخسر الهضرة..راه هي دوينا معاك وننا داير بحال شي وقيدا خص هي لي يشعلك
محمد:من هنا ساعا انا واجد..سير علمهم لهيه ومن وراها عطيني رزقي بلا منصدقو فتخماج العينين
عبدو:(نافض يديه)وازعما غتشك فينا ههه الله يهديك
محمد:ياله تلاح من هنا ساعة نتلاقاو لهيخ
عبدو:واعليه ههه
مشا عبدو الشاب لي كبر وملقا ميدير خارج من الكاطريام ومخلا فاش خدم تا عيا وشد خدمة البريكولاج..كيجي الاقي بين جوج كيهجبهم البوكس وملقاوش فرصة العبو فنوادي كبيرة ولاو كيديرو قتال الشوارع بلا قوانين بلا حكم بلا والو..فقط مراهنات ..جوج لاعبين وسط حلبة ودايرين بيهم الناس المهووسين بالقمر كيتحاطو ويدفعو الفلوس الصحيحة بحال القمر على الاحصنة..بعد ساعة هز محمد ساكو من الاوطو وتوجه لواحد القنت برا الديبو الكبير بدل حوايجو..لبس شورط وسبرديلة وحيد تريكو بقاو هاكاك عضلاتو تتبري فالشمس والسداسية كتبان..هز ساكو وهز القفازات وتعرض ليه عبدو وقال:باين ليا راك واجد ههخه ياله راه كلشي كيتسناك..مجاوبوش سبقو كيتعنكر..كيلوي عليه فاصمة ليديه..دخل لديبو وكبسمع الصداع وغلا غلا ديال البشر شي كيشجع شي كي يقمر ..دخل ديركت لاحلبة وعبدو كيبعد الناس عليه لي تيشوفو ويتهكمو عارفين ان الشبر صعيب وعندو دقا ببطلة..دخل محمد للحلبة ممسوقش مغوبش كيقاد فالقفازات وعبدو عند راسو واقف كيوصي فيه..حلبة كبيرة بحال ديال الكيك بوكسينغ والناس لاصقين على الشبيك..كيشجعو كلهم هازين يديهم فيهم وراق لي مقطعين بيهم ورقة الرهان عاد دخل الشبر قلدة وواقف هي بالبروتين عامر ومكضر..ولان البروتين كياخدوه الناس لي اصلا شاربينو بلا تحاليل بحيث انه خص اتدار تحليل واتعرف اشنو الهرمون او المادة لي ميقدرش جسم الانسان انتجها وكيخرج طبيب بروتين كيعاون على انه انتجها باش فحالة الى حبس الانسان الاونتريما مكيتفشش..وهاذا حال اغلب الدراري لي كيدخلو لصال واشربو بروتين..تعالات الاصوات وشي كيشجه هذا وشي داك..سدو عليهم الحلبة ولبس كل واحد القفازات..وناض الشبر عاحبو راسو كيحرك فعنقو يمين شمال ومحمد واقف بلاصتو ياله جا كيجري بجهدد تلقا ليه محمد بضربة كاااو جابتو للارض مبقاش ناض..تقطعات الاصوات وكذلك للانفس..بناظم معرف باش تبلا شافوه طيحو بدقة وحدا لدرجة ان عبدو دخل عندهم قلب الشبر لقاه باقي حي هي سخفان..ومحمد واقف عند راسو مغوبش ومداير تا ردة فعل..ناض عبدو كيضحك عنقو وقال:اووووووو صافي سالات الكومبا😂😂😂
الكل:😳😳😳😳
خرج محمد من الحلبة وتبعو عبدو وخلاهم مبهوضين فيه ملقا البشري ميقول وبدا القيل والقال وكلها تيهضر ولي قمر على شبر راه كيتحسر اما لي قمر على حساب محمد راه ناشط ومشا يشد فلوسو..فحين محمد خرج لبرا كاع لحدا الاوطو وعبدو تابعو كيمجد فيه..جبد حوايجو وبدا كيلبس وقال:دروك تجيب ليا رزقي ولا نتخاراو ياله تحرك
عبدو:ههههه دابا نجيبو تسنا هنا انا جاي
مشا عبدو فرحان وناشط حيت شد 1000 درهم من الشبر و1000 من محمد..فحين هاد الاخير لبس حوايجو مبرد كان من لول عارف بلي بدقة غيطيحو او بالاحرى بالضربة القاضية..بعد دقائق جا عبدو كيجري مد ليه ضمسا تالفلوس وقال:ها رزقك
محمد:(شدهم)بلا منحسبهم تايق فيك
عبدو:وا علاه حنا تنلعبو هنا خههه من ليوم مكاين هي 5000 درهم للفوق هههه
محمد:(خشاهم فجيبو)تلاح ترتاح
طلع فالاوطو وتوجه لدارو بقلب مرتاح..قتال الشوارع هو اكثر الظواهر المضروبة فالمغرب وكتكون بين دراري هواة ومحترفي بوكس ملقاوش حظهم فاللعب القانوني ومحمد لتاجأ ليه لانو تزير وتابعينو مصاىيف وكيوجد للسبوع لي واعد بيه وردة وكيخمم لدواها ولا لاعملية ومشا ليه كيربح منو باش اصرف والخلصة تالمدرب لي كتعطيه الجامعة مخليها كيجمعها على قبل دواير الزمان..وقف الاوطو ونزل وتوجه لدارو..حل لباب وسمع صوتها مع توبة فالبيت بلا ميعيط توجه ليها لقاها متكية وحداها توبة تتلعب..بتاسم وقال:لالة الغزالة
محمد:(باهتمام)مالك اش بيك؟؟ضاراك شي حاجة مشربتيش دواك
وردة:واشربتو ولكن باقي كنتوجع شوي..بكثرة مكنضرب لبرا كنحس بيه مبقات كتقضي فيه والو
محمد:(تعصب)ولاش مقاتيهاش😠
وردة:مالك تتغوت تاني وتزعف هاني gلتها دروك..خصك هي معامن معرفتك فين تتمشي وتتجي كافر وتنبان ليك انا كي شي ثلاجة تبرد فيا اعصابك الله يرحم باك لتجيش تغوت علي مرا خرا سينو متهضرش معايا باقي راه عبيييت عيييت كنضاربو كثر من جوج مرات فالنهار ونتا لي منك الغلط ونسكت ونطمر(ياله غيهضر وقاطعاتو)صافي خليني عليك دابا(غرغرو عينيها)عييت ندير ليك سبب ووالو
مشات من حداه خلانو جالس معرف باش تبلا عارف راسز كيجي معصب وكيخزر فيها وتسكت لدرجة انها مبقاتش كتحكر معاه..جلس منهد ثم ناض من حدا بنتو مشا دوش ولبس حوايجو ورجع لفيم خلا بنتو ولقا الغدا حاطاه ايه وملقاهاش..جلس كياكل بلا نفس وكيتسنا فيها تجي ووالو..وكل توبة ورجعات تتلعب..هز لماعن ومشا كيقلب عليها فالبيت لقاها جالسا كتقلب فالتيلي..شاف تاعيا وهز سوارتو وخرج..مشا دوموندا على القاعة من هنا سيمانة ووردة فعقلو..
عند وردة..كانت جالسا فالبيت كاتما الدمعة فقلبخا مباغاش تبكي..تتشوف راسها تضيع الصحة مبقاتش كتقدر تصبر على الوجع والتربية تتوبة والضغط من كل بلاصة..طاحو دموعها شلال فصمت بكات تاعيااات وهي تجي توبة تتعيط ليها بصوتها الحنين وتعاود ماما ماما..دخلات عليها للبيت وهي تهزها مسحات دموعها وسمعات الباب كيتدق..ناضت هازاها ومشات تحل عينيها حمرين وكتمسح فنيفها..حلات لقاتها مدام زهرة واسماء..زهرة لابسا جلابة فالاسود مع بليغة راقية جداا طالقا الشعر ومقادا ماكياج هفيف فحين اسماء لابسا سالوبيط دجين وتيشورت بيض من التحت مع سبرديلة وحاطا نظاظر فوق شعرها..شافتهم وبتاسمات بزز وقالت:مرحبا😊😊
اسماء:(عنقاتها)حبيبا ديالي صاقا توحشتك
وردة:حتا انا زيدو دخلو
دخلات زهرة وقالت بفمها سالام بلا متشوف فوردة..مشات ديركت للبيت جلسات حاطا رجل على رجل وتتنش بصاكها على صهد..فحين وردة عاد جايا مع اسماء تيهضرو وقالت:والله حتا خليتي بلاصتط كون هي رجعتي تعيشي معانا كنلقا هي معامن نتونس
زهرة:ياطلقي خلاص..(شظاتها)قالت ليك تعذبني راه حبيبتي وحفيدتي هادي
سكتات وردة مافيهاش لي يتجاوب معاها لي فيها مكفيها مشات جابت صينية تأتاي مزوقة والطباسل فيهم كلشي لي كيكون فطبلة وجلسات كتشوف فيها تترضعها..كبات ليهم اتاي وحطاتو لكل وحدا قدامها وقالت:توبة هاكي احبيبة حليب ديالك زويين
شداتز فرحانة تتشرب فيه وهزات كاسها وزهرة كتشوف فيها بنص عين وهي مجمعا مع أسماء لي فغمار حديثها مع وردة صونا ليها الحب وناضت من حداهم للكوزينة تهضر على خاطرها..ضحكات وردة وبقات جالسا كتشوف زهرة تترضع إكليل وتبوس فيها فرحانة..هزات تيلي ديالها تنهدات كتخربق فيه بلا مبالاة بغات هي تشغل راسها بشي حاجة عارفا زهرة معندهاش معاها..
كتقلب فالفيس وتهدر مع وفاء وتبتاسم ليها حيت متعاود ليها على مفاجأة دارها ليها فؤاد..فهاد الاثناء زهرة هزات راسها وشافت فيها وقالت كتبجg:راه من قلة الأدب انك تهزي تيلي والناس حداك
ورظة:والمجلات الى هزهم شي واحد ماشي من قلة الادب(حطاتز)هاهو حطيناه
زهرة:سبحان الله كنغبر شحال ونقول غنجي نلقاك ترقيتي شوي وليتي كتعرفي تصرفي ساعا كيف كيف
زهرة:مبقا ميتقاال داباا او ولدي هداا نجي عندو وقت لي بغييت منحتااجش نتشااو معااك(كتشوف فيهاا) ديهاا غير فحاالتك بعداااك شوفي كيف وليتي حالتك مفهمتش اش عاجبووو فيك وليتي لا علاقة كثر من لول ومريضة غدا ولا بعدوو ميبقاا عاقلل علييك 😏
وردة:بنت ليك كنضرب بالحجر تا مريضة راك واقلو بديتي تتخرفي راه شرفتي الحاجة نوضي تقداي حاجة لمخك
زهرة:سي كبرت مي على الاقل مقنعا راجلي ومرا..عارفا اش ناهيا مراا.ماشي بحالك نتي..نعرفناك ولدتي ولا مشيتي جبتي ميكروب من ديك الزريبة فاش ولدتي..مخليا ولدي كيجري من هنا ومن هنا على قبلك
وردة:(مفهمات والو)علاش تتهضري نتي؟؟
زهرة:(ستافزاتها وبدات كتسرسر ليها)كنهضؤ على المرض والميكروب لي هزيتي من سبيطار ولا زريبة فاش ولدتي..داك الميكروب لي فالرحم ديالك ولي كيقتل فيك شوي بشوي وولدي كيرزي فشبابو على قبلك شوي بش ي😠😠
زهرة:(ضحكات بسخرية)منين جايباه هههه لا لا صفاات شوفي احبيبا نصبحة لي نعطيك سيري شوفي شي طبيب اداويك ولا منعرف..راك هي كتهيتري..لي معارفاش ان محمد مانع عليك ترضعي حيت عندك ميكروب فرحمك وكتضربي ليباري باش متدوزيهش لإكليل😠
وردة سرطات ريقها وجلسات فالتليق ممصدقاش كتربط فالاحداث..الهضرة تحشات ليها وبقات هي تتنهج..وكملات زهرة:وجايا كتغاوتي معايا بلا حشمة بلا حيا😡😡انا لي خصك تعامليني مزيان لاني ام راجلك كتهزي علي فصوتك😡😡
فهاد الاثناءتحل لباب ودخلتت فتيحة لي سمعان صوتهم من راس درب:مالكم ياك لبااس؟؟لالة زهرة اش كاين
زهرة:مزيان ملي جيتي الالة فتيحة تفرجي فبنتك المصونة..مامربياااش شوفي كيفاش كتعااير مخلات تكلمة مقالتهاا فياا هادي هيا لي بغاات تربي لياا بناات ولدي ..جايا عندها انا من قاع داري وجالسا معاها وهي هازا تيليفون ممسوقاش ليا وملي قلت ليهة علاش وكيفاش كتعاير معايا وتجري علي من قاع دار ولدي هادي هي تربيتك
فتيحة:(تتحاول تفهم اش كاين وتبرد سوق)ويلي الا زهرة وؤدة مديالش هادشي الله يهديك
فتيحة:(كتجر فوردة لي كانت باغا طير على زهرة)اديك المصعورة حبسيييي وياي ويلي(مشعراتش تا بربقاتها)واش هبلتي اش تديىب(شاداها من كتاقها)واوكدي راه عgوزتك هادي
وردة تصدمات من تصرفيقة مها وسكتات وجهها عامر دموع وهي تغوت عليها مها:دوي اقليلة الترابي والعفا بيتي ضربي مرا gد مك وشكون عجوزتك..كذبتها فلول ولكن ملي شفتك جهلتي لابا تبارك الله..😡😡دوي يالخانزة كبرتي ودرتي تريكة والله تنعاود ليك ترابي..طلبي منها السماحة يالله..كلشي نقبلة ليك الا تقللي الأدب والعفا على لي كبر منك😡😡😡السيدة جايا لدار ولدها ونتي تتجري عليها بلا حشمة يلا حيا😠😠هادو هوما ترابي الخانزة
وردة ساكتا حطا يدها على حنكها تتبلق ففتيحة لي مخلات مقالت ليها..لانه فهمات ان وردة جرات عليها بدون سبب..فحين وردة تفركعان عليهم بالغوات تاني تتغوت ..هرسات الصبنية ورمات الماعم بلا متشعر وتضرب فراسهل وتغوت:خرجييبييييي خرجيييييي برااااا😭😭😭😭😭براااااا خرجيييييييي وكلت عليك الله
توبة فالقنت مكمشا خايفا وتتبكي..ووردة تتغوت ووتنوض دفع زهرة جيهة الباب ولخرا كتعاير معاها تا دخل محمد لي سمع الغوااات من الزنقة وجا تيجري مشا لوردة ديركت شدها بعدها على مو وقال:اش كاين😡😡مالكم..مالكي نتي تاني..الواليدة اش واقع😡😡
زهرة:مزيان ملي جيتي اولدي ..تفرج فالبنت لي ختاريتيعا ودرتيها مرتك وتجري علي من قاع دارك بلا حشمة بلا حيا😡😡
وردة:(زادت فالغوات وكتحاول تفك من محمد)واخرجي تقااااودي بالفريتي gاااع(تتغوت وتبكي)خرررجيييي علي من داري لباقيييش تجيبي وكلت عللليييك الله😭😭😭😭😭
محمد صعر على وردة وعلى كلامها وقال بالغوات:اش تتقولي نتي😡😡سدي فمك ولا غنخلطك هنااا راه الواليدة هادي
محمد تصدم منين عرفات العضرة وهي كضرب فراسها وفصدرو هو..جاها راسها ولان بوحدها تا من مها جات من جيهة زهرة..بين دقيقة واخرى طيحات عليها باطل كبير..بدات كضرب فراسها وتقمش وتلوح اي حاحة جات قدامها ومحمد كيبغي يشدها وتفلت ليه..تعصب تا بغا يضربها وفلتات ليه دخلات لبيتها منهارة تتخبط فااباب وتغوت:خرجووووووو خىجوووووو علي اهئ اهئ اهئ عنعنعنعنعن خرجووووو
محمد غادي ليها ووقفاتو اسماء:خويا اش غدير خليها عليك راه معصبة
محمد:حيدي من قدامي غنربي مها على هاد الهضرة هادي معامن تتهضر راه مي😡😡
اسماء:(شافت فمها بحزن)هادي لي تتقول عليها مك راه هي لي جبداتها..سمعاتها لي تبغي ولي متبغي وقالت ليها بلي عندها شي ميكروب ومريضة وعايراتها ووردة مصبراتش وجاوباتها
خرج عينيه جيهة مو تصدم من تصرفها متيقش..وهي سرطات ريق وكتشوف راسها حصلات..
تلفت لمو كأنو كيترجاها بعينيه انها تكذب وقال عاض على شفايفو:شهادشي كنسمع😡😡
زهرة:ولدي نووو.هي عايىاتني وجاوبتها
محمد:(زعف وغوت)واش بصح قلتي ليها مريضة😡😡
قفزات من بلاصتها تترعد وبدات كدخل وتخرج فالهضرة وهو يضرب يديه مع الحيط بجهد معصب وكشاكشو خارجين فيها وقال:واش باغا تحمقيني😡😡😡واش منيما شدييتها كتعوااااج لاااش قايلاها ليها لااااش لااااش واكنقول ليك لاااااش..(كيمسح على راسو معصب ويتنفس بجهظ)لاش الواااليدة فاش وصلااااتك منحgلها متعصب وتغووووت علييييك يعلم الله اش قلتي ليها اخر😡😡😡
وردة فوذنها كيتردد صوت إكليل تاتبكي وكذلك شهقات توبة وكتزيد ففوليم البكا..جابت مها الما دغيا رشوها بيه وناض محمد من فوقها شربها جغمة وبدا الما كيسيل من جناب تفمها..مواعياش بحالا تشللات..بقا جالس حداها كيمسح دموعها ويزكي رجليها لي كيتركلو كل شوي ملي كتعاود هضرة زهرة فبالها بحالا مسكونة..شهقات وبكات تاعيات باقي متكية محاساش..دازو دقائق وكلشي كيشوف زهرة لاول مرة تتبقى فيها وتمنات كون هي سكتات..محسو بيها تا ناضت قافزة جلسات..مسحات دموعها وناضت من بلاصتها توجهات لاسماء تحت نظراتهم بمشية مزروبة تتنهج شدات إكليل لي تتغوت وخرجات من البيت تبعها محمد كيجري شافها شدات يد توبة ودخلات للكوزينة وسدات الباب عليهم بغا محمد احبسها دفعات الباب وسداتو بجهد..جلسات فوق كرسي شادا إكليل لي حلاقمها بغاو اتفركعو بسباب الغوات..خرجات بزولتها وحطاتهت ليها ففمها بزز شداتها البنت فالبلاصة تتمص فيها وشيئا فشيئا بدا صوت بكاها تينقص..يد شادا بيها إكليل ويد حاطا بيها البزولة ففمها..وتوبة واقفا عليها تتبكي فصمت وتتشوف فيها..هزات راسها بعينين مدمعيت ونفسية مكسورة..جراتخا بزربة وخشاتها فحضنها وبدات تتبكي بصوت عااالي وتشهق وشاركات توبة البكاء..حل محمد الباب عليها بشوي خافها تكون تدير شي حاجة لقاها بداك الوضع سكت وعض على شفايفو بحرقة..بقا واقف هاكاك كيشوف فيها والاخرين مشوشين عليها من غير زهرة لي عرفات راسهل قفراتها..بكات وشهقات تاعيااات سكتات توبة وهي باقي كتبكي..الحرقة فقلبها على جوج مرات من العجوزة ومن المرض لي عاد عرفاتو..ترسخات اوطوماطيكمون فبالها بلي غتموت وغتموت
دخل لعندها وسد الباب عليهم..وقف عند راسها كيتسنا منها شي ردة فعل ساعا والو عي تتبكي وتشهق حاضنا بناتها..بقا لدقائق كيشوف فيها متحسر وهي مدرات حتا ردة فعل..جاب كرسي زجلس حداها كيشوف فالمنظر لي لطالما تمنا اشوفو..منظرها كترضع وهي شافت إكليل غمضات عويناتها وهي تجمع الوقفا وقالت موجهة كلامها لتوبة:اجي أماما معايا(بصوا مبحوح)
تبعاتها البنت حانيا راسها وخرجو من الكوزينى تنهد محمد تنهيدة حارة ومسح على راسو معصب..فخين هي مشافت فحتا حد دخلات لبيتها مهدودة..حطات إكليل بشوي باستها فراسها وهزات توبة وتكات حدا بنتها ناعسين..كدوز على راس توبة والاخرى كتشوف فيها بحسرة وتمخشس فيها كأنها حاسا بيها..جمعات وردة رجليها فوضعية جنين وبدات كتبكي مرة أخرى..حتا غفااات وكذلك توبة..
محمد بدورو تبعها لقا مو باقي كاينا خزر فيها تخنزيرة تالغدايد وقال موجه كلامو لاسماء كيتفادا اهضر مع مو باش ميخرج العيب:اسماء دي مك وسيرو
محمد تعصب وزير على يديه وناض من حداها دهل للبيت لقاها ناعسا فوضعية جنين تحسر على حالتها بجهد ..سد لباب ودخل لعندها بخطوات بطيئة قرب لجيهتها باس راسها قبلة حنينة وحيد ليها شعر لي على جبهتها وغطاهم بايزار بيض..بقا لثوااني ثم لدقائق جالس بلا حراك كيشوف فيها..فالوردة لي دخلات حياتو وخرجاتو من الظلمات الى النور ولات دابلة وكتموت نهار على نهار..تنهد بحرقة وناض من بلاصتو خرج لقا نسيبتو باقي جالسا..نطق بلا ميشوف فيها:سيري أ خالتي لدارك
فتيحة:اهو تانشوفها
محمد:ناعسا هي سيري تا كون فايقة مغتبغيش تهضر
فتيحة:احححح على بنتي كي ولات..مرضاااات كنت حاسا بيها مريضة صحتها غاديا وتتقلال
قادات لثامها وخرجات متحسرة على بنتها والدمعة فعينيها..فحين محمد دخل للدوش غسل وجهوو وتوضا وخرج صلا ورجع لحداها..تكا حداها بيناتهم البنات ناعسيين..وهي يديها لايحاها على بناتها وناعسا كتبان عيانة وحناكها حمرين وعينيها مبوقلين بالبكا..حط يدو على يديها وشابك صباعهم وغمض عينيه بعد لحظااات من التأمل..
***
الستة تالعشية..فاقت وردة على غوات إكليل لي روع القنت..حلات عينيها وشافتو هو لول شاظ يديها وناعس حداها..حرات يديها بزربة وهزاتها كتسكت فيها..ناضت من حداه وجلسات فطرف الناموسية جبدات بزولتها كترضع فإكليل بعدما فكات ليها الgماط..كترضع فيها وتحل صباعها وتبوسهم بحب وحنان..مخداتش البرا داك النهار ونهار لي قبل منو لانها لاحظات انها مكدير ليها والو..وقفاتها بلا علمو لذلك رضعاتها حيت عارفا دمها صفا..وهي فغمار الرضاعة فاق محمد..ملقاهاش شاف قدامو بانت ليه عاطيا بظهرها ليه هازا البنت..حنحن بشوي وهي تهز عبنيها شافت قدامها عرفاتو فاق..كانو عينيها منفوخين بالبكا..تعجز وبقا فبلاصتو كيتسنا اي حركة منها فوسط البيت لي كولو مرون مبقات تا حاجة بلاصتها..سالات الرضاعة وماضت هزات إكليل حطاتها فوق السرير بلا متشوف فيه كتجاهلو ونظراتو متبعينها..بدات كتجمع فالبيت بلا مبالاة ليه هو لي ناعس كيشوف فيها..فاقت توبة كتبكي عليها مشات هزاتها من حداه عنقاتها تتسكت فيها منطقات بوالو وخرجات خلاتو كيقرق فعينيه مفاهم تالعبة..توجهات للكوزينة عاد هضرات مع توبة:صافي أ ماما صافي..هاني هاني نوجد لبنتي حليبا وفرماجة وخبيز واخا
توبة:😢😢😢مامي
عنقاتها عاد حطاتها فالكرسي وقادات ليها خبيز فيه فرماجة وكبات ليها لحليب مداتهم ليها وشداتهم الاخرى بطفولية تتاكل..عاد ناضت وردة مشات للبيت الجلاس لقان الصبنية كي خلاتها كي بقات..هزاتها بنطرة وعينيها مافيهم حتا ردة فعل..وصلات لمرحلة صعيبة وهي الصدمة..تصدمات فكلشي..هزاتهم مشات للكوزبنة بدات كتغسل فيهم تا كتحس بيديه محاوطين خصرها ونفسو فشعرها وكيردد فوذنها :مسحيها فيا عفااااك
حيدات يديه ببرود وفلتات منو ماعطاتو لا خو جوابو لا والو..مشات كتمسح البوطاجي..صدمو برودها..عاود جرها من يدها وجابها على صدرو وقال مفيكسي عينيه فيها:وردة
شافت فيه هازا حجبانها بجوج وبعدات عليه تاني بنفس البرود ياله غتفاوت من حداه وهو يجرها بعصبية وقال:راه معاك تنهضر😠😠
تنترات منو بزربة وهزات يديها فوجهو وقالت:✋✋✋تال هنا وحبس أ ساجدي..تال هنا وحبس..نصبر معاك الجوع العطش للقهرة للعصا للغواات للعصب ديالك ولكن تخبي علي بلي مريضة ونولي نسمعها من قنت أخر هاديك هي لي عمرك تحلم ندوزها ليك واخا نموت..تجي مك تعايرني فقاع داري ومتخلي متgول فيا..وملي نجي نجاوبها تجي نتا تبغي تربيني تال هنا وحبببس(وركات عليها)تلاقينا خوت نتفارقو خوووت اما العيشة معاك حراامت😢😢لا نتا لا مك..طلقني
محمد كان خاشي يديه فجيبو كيسمع ليها عاقد حجبانو..خلاها تا سالات وقال ببرود:ساليتي؟؟هضرة جوج طلاق..تتخرج من فمك هاكا عادي..نجلسو حتا درنا الدراري ونطلقو هاكا عادي على قبل مشكل بحا هذا
وردة:الى جاك اولد الناس هاد المشكل عادي انا راه باقي واحل ليا هنا😡😡مك مخلات مgالت فيا وجيتي نتا معول تهرس ليا وجهي..عارفني منجاوبهاش الى منبراتش علي ودابا الله يرحم ليك باك تحت الارض طلقني وعطيني بتيساع
محمد:(زعف)نطلقك هااا😡😡شوفي أ وردة بغيتي ترتاحي خودي ليك وقت وفكري ورتاحي واجي نهضرو اما باش تجلسي تا يقولها ليك راسك وتقولي الطلاق راه عاد مكتصعريني كثر..
ورظة:ضبر لمخك شغلك هاداك انا الطلاق غناخدو وغنهز بناتي ونمشي لدار با بلا طيطي ولا حب الملوك😡😡
محمد:وردة😡😡
وردة:ديما وردة وردة..مال هاد وردة ملي تتعصب وردة ملي تتضحك وردة..وا بزااااف هاد وردة خلاتها مك راه مصالحا لوالو..مخبي علي بلي مريضة معرت gاع باش وجاي دابا تتgوليا سيري رتاحي..معىفت راسي غنصبح ولا لا(بدات تتبكي)واش غنشوف بناتي ولا لا..ونتا ساكت كتشوفني كنموت ومبيتيش تgول ليا افلانتا راك مريضى..
دخل المختار مخنزر على غير عادتو وتوجه للبيت جلس وعينيه كيضورو تيقلب على وردة باس توبة وهزها فحجرو..جا محمد جلس حداه حاط يديه على فمو وتيحك لحيتو..باقي منطقش هو نطق المختار:فين بنتي؟؟
محمد:(تنهد حاط يديه هلى ركابيه)راها فالبيت ناعسا
المختار:اش هادشي سمعت امحمد؟؟
محمد:اش سمعتي بالسلامة؟؟
المختار:(مخرج عينيه)شوف ميجيك مليح اسي محمد..راه بنت وحدا لي عندي نهار عطيتها ليك راه عطيتها بزز واخا gاع داكشي مناش دازت كنت غنخليها معايا ميخصها تا خير كي القايدة المهم تبقا ليا بنتي..جيتي اولد الناس عندي وطلبتيها مني ومرديتكش..عطيتك صوابك وجوجتك الياقوتى تداري لي كانت هازا علي الحمل..درتيها مت بنتك وعتابرناك واحد منا ولكن توصل بمك قلة الحيا وتجي تهلل عليها وتخشي فيها الهضرة لي متحمل تسمع ومتسمع لا ولاااا
محمد:اش هاد الهضرة أ سي المختار(كيهضر بنفس ثقيل)؟؟
المختار:تنgوليك اش كاين..المرا عندي ياله هذا شوي باش جات تتعاود ليا اش دارت مك..راه مgلناش ليك كون مسخوط باش وشد الخاطر لمرتك ولكن شوي هاكا شوي هاكا..شوي من الحنة شوي من رطوبة اليدين..مجيتش نgوليك واش صح ولا غلط انا جيت ندي بنتي معايا.
محمد شاف فيه مخنزر وقال:شهاد الهضرة ديال تديها معاك اسي المختار😡😡فين باغي تديها راه مرتي هاديك
المختار:كانت مرتك ملي هازها الفوق اما تبقى معاك هنا فالفقصى وتمرض..لااا...اجي بعدا باش مريضة نتا اسيدي ومولاي لي مخبي علينا مرضهل..حنا واليديها وحنا لي خصنا نعرفو لولين اولا
محمد:ايوا هي اش؟؟ممريضاش..بقا عندها ميكروب فالوالدة ومتبعا ليه دوا تتقتلو بيه سينو غنديرو عملية عااادي
المختار:وعلاش نعام اس هادشي مفراسناش حنا من لول
محمد:(كيهضر ويحرك يديه)هلى قبل هاد ااباجباط كولو باش متكتروش الهضرة راه تيقوليك الى طاحت البgرة تيكثرو الجناوا..اسيدي مبيها والو
المختار:ايوا ومال مك معاها؟؟عارف بنتي لسانها سابقها ومبري منها ولكن مرا كبر منها ومك هي جوج مغتقللش عليها الحيا.
محمد:الواليدة من ديما متتحملش وردة ومعرفتش علاش..ووقتما تلاقاو مكاين هي شد ليا نقطع ليك..معرفت اش جرا بيناتهم ولكن عارف الواليدة لي غالطى والمشكل غيتحل
ياله غيهضر المختار وهي تخرج وردة لابسا جلابتها زرقة وجامعا شعرها سفنجا ووجها حمر بالبكا..هازا إكليل مكمطة وناعسة بيد وجارا شانطا فيها حوايجها بيد خرا..وقالت كتشوف فباها:نوض ابا نمشيو..توبة ياله أ ماما
محمد وقف كيخزر فيها وقال:فين غاديا بسلامة😡😡
وردة:(مكتشوفش فيه)با نوض نمشيو😢😢بيت نمشي لدارنا
محمد:راه تنهضر معاك زعما😡😡(جا شدها من ذراعها)فين غاديا
وردة:لدارنا..مبيتش نبقا باقي هنا😭😭😭بيت تيقار جيب مك تربح بهاد الدار
محمد:(زعف)على هاد الهضرة تتقلبي على نسلخك😡😡اشمن دار..ها دارك هاهي
المختار:(عنقها بيد)صافي الله يرضي على بنتي صافي...مطرا بااااس مرا كبيرة معارفاش اش تتgول بيتي تديها فيها
وردة:انا لي شرفت وهترت اهئ اهئ اما هي دايرا كي المش بسبع رواح باقي شابة علي وجايا تتلوح ليا الهضرة اهئ اهئ😭😭😭
محمد:وغتديها فيها زعما نتي مولات العقل
وردة:(شافت فيه ونفاجرات عليه)واش متتفهمش😭😭انا معندش طاسيلتي العقل..هي لي شرف مني جايا دير عقلها فيا انا لي بنت التسعين تتشد معايا ضدظ وعارفاني نافسا وواحلة فروحي وجايا تعصبني وتفقصني وزايداها بالميكروووب اهئ اهئ😭😭😭دعيتها لله منسمحش ليها تال غدا gدااام الله حيت تتطيح علي الباطل ديمااااا
المختار:(تيطبطب على كتافها)الله يرضي عليك صافي صافي مسحي دموعك ونوضي يالله معايا لداركم دار باك تاتبردي واحلها مولانا
توبة:😭😭😭😭
محمد:فين غتمشي..الى بغات تبرد تبقا فدارها تاتبرد..وردة الله يهديك كبري عقلك واش هضرة جوج نمشي لدارنا وقبيلة خدامة علي الطلاق
المختار:الطلاق😳😳 اش وصلكم لشي طلاق ابنتي
وردة:ايييه طلاق مبقيتش بيت نعيش معاه..كاذب علي ومخبي علي مرضي..ومخليني فدار غفلون ومو وقتما جات تتلوح ليا هضرة كي سم وتزيد تخليني تنتقلى بلاصتي ونتشوا ونكمدها ونسكت باش منبينش ليه باش منشطنوش وهي هي مزايدا فيه..الى بقيت معاه مو غتبقا تابعاني حياتي كاملة اللهم تلاقينا خووت نتفارقو خوووت بناتك جي شوفهم وقتما بيتي ولكن انا مراجعاش معاك اهئ اهئ(تتهضر وتنخصص محاملاش تجبد الفراق على فمها)
محمد:(مركز فيها)من نيتك باغا طلقي..اأ ولله واخا طلعي ليا للمحكمة للدولية ممكلقش والفراااق مكاينش(هز سوارتو)سي المختار رد لبنتك العقل ولا راه مغيعجبها حااال..ماشي براهش تانبقاو طلق زوج..هاد الدار انا غنخويها ليك باش ترتاحي ياك بغيتي هي تفكري وترتاحي ها دارك بقاي فيها ماحدي مبرد معاك السوق حيت الى جيت طلعت تانا غنصدقو فماهي وما لونها..نسمعك خرجتي من دارك حسابك عسير(هز سبرديلتو لبسها وضرب بالباب وخرج زاعف)
نفاجراات وردة بالبكا على كتف باها كتستحمي بيه وتخوي عليه همها وتنخصص وتا توبة تتبكي معاها فصمت حاطا صبيعاتها على فمها تتكتم الشهقة..حار المختار معرف شكون اسكت..بدا كيمسح على ظهرها وتيقول:لا حول ولا قوة إلا بالله..لا حول ولا قوة إلا بالله..فين كان هادشي مخبي ليكم فيين
وردة؛😭😭😭
بقات كتبكي كتبكي على كتفو تاعيات وقالت بصوت مخنوق:نوض أ با ديني معاك اهئ مبيتش باقي نبقا هنا اهئ اهئ غيرجع وانا مبيت نشوف تا واحد منهم اهئ اهئ
المختار:مسمعتيش راجلك اش gال راه حلف عليك متخرجي ونتي أ بنتي من دقا لولة سلم عليه زرب عليه بيتي طلاق من اول مشكل..اش دار ليك هو ياك مو لي خايبا
وردة:اهئ اهى حيت مو بيت نتفارق معاه اهئ😭😭😭مبيتش نخسرو ونصدق ضارباها ولا جارحاها
المختار:واش وصل نارك لنارها نتي فدارك وهي فدارها تاوحدا متوصل لخرا..نتي جاتك فوقيتة نافسا وهي على سبة
وردة:ومريضة هي جوج اهئ اهئ
المختار:برا والباس عليك ممريضا والو..كون مريضة مغيبقاش اتفرج فيك..انا نيت كنت معول نجي نديك معايا ولكن ملي gلست معاه وهضر معايا عرفت بلي ممخبا عليك تا عرف بلي غديري هاد الحالة..الله يهديكم بجوج باقي شابين تالشنايع مشتو متشوفتو وتتgولو الفراق الله يهديك الله يهديك..هانتي بقاي فدارك هاد ليام بيدما تبردي ونعيط لمك تgلس معاك شحال ما بيتي تا تبردي وهضري معاه..ومو راه انا ندوي معاه متوصلكش باقي الى با يشوفها امشي هو لعندها..واصااافي(معنقها)الله يرضي عليك انوارة الدار..دار باك راه محلولة ليك واسعا وعريضا هازاك نتي وبناتك تبوردي فيها كي بيتي..هي هو مجاتش تمشي وهو مداير والو..مو لي منها لافوت
وردة:(الصمت) 😭😭😭
المختار:بلاتي
ناص من حداها تيتعنكر ومشا للكوزينة جاب ليها الما شربها وعطا تال توبة وقال:جري بنتك سكتيها وديري عقلك راه فيا ميجي يديك ونمشيو ولكن جات عيب وعار نديك والولد مدار والو كلشي من مو..وهو عارفها منها الغلط اجي ويتقابح معاها وتلوح عليه السخط واصدقك خاسرها كبرييي عقلك الله يرضي على بنتي
وردة:الصمت
مسح ليها دموعها وقال:موضي ردي بناتك لبلايصهم وبراكا من البكا
منذ الأزل و إلى الأبد الجزء 19
محتوى القصة
التنقل بين الأجزاء